JKW-KABUM-10-THA-004-009

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 10, sde tshan 4, Text 9, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 10: 240-. Khams sde dge rdzong sar dgon: Rdzong sar blo gros phun tshogs, 2020.
Genre
Deity	'jam dpal dbyangs

1 Texts in this Section (sde tshan or chos tshan)

9 246-248	འཇམ་དབྱངས་དམར་སེར་གྱི་བསྙེན་ཐབས་ཉུང་གསལ། 'jam dbyangs dmar ser gyi bsnyen thabs nyung gsal Recitation Manual - bsnyen yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་དབྱངས་དམར་སེར་གྱི་བསྙེན་ཐབས་ཉུང་གསལ། ༄༅། །འཇམ་དབྱངས་དམར་སེར་གྱི་བསྙེན་ཐབས་ཉུང་གསལ་བཞུགས་སོ། །ན་མོ་མཉྫུ་ཤྲི་ཡེ། འཇམ་དབྱངས་དམར་སེར་དཔའ་བོ་གཅིག་པའི་བསྙེན་པ་བྱེད་ན། འདིའི་རྗེས་གནང་དང་མན་ངག་ལེགས་པར་ཐོབ་པས་དབེན་ཞིང་ཡིད་དང་མཐུན་པའི་གནས་སུ་ཕྱག་དར་བྱ། འཇམ་དཔལ་གྱི་སྐུ་བརྙན་བྲིས་འབུར་ཡོད་ན་རང་ལ་ཞལ་ཕྱོགས་ནས་བཞུགས། མདུན་དུ་མཆོད་གཏོར་བཤམ། རང་ཉིད་ཀྱིས་ཁས་བླངས་པའི་ཚུལ་ཁྲིམས་དང་། ཁྲུས་དང་། གཙང་སྦྲའི་ཀུན་སྤྱོད་ལ་གནས་པས་གཟའ་སྐར་སྦྱོར་བྱེད་ཤིས་པའི་ཉི་ཤར་ནས་བརྩམས་ཏེ་ཐུན་བཞིའི་རིམ་པས་ཉམས་ལེན་ལ་འཇུག །སྒྲུབ་ཐབས་རྗེ་བཙུན་གོང་མས་མཛད་པའམ། གོང་མའི་གསུང་སོར་བཞག་མཁས་གྲུབ་དཔལ་ལྡན་དོན་གྲུབ་ཀྱིས་མཛད་པ་སོགས་ཡིག་ཆ་ཁུངས་ཐུབ་ལྟར་ཉམས་སུ་བླངས་ཏེ། རབ་མཚན་མའི་བསྙེན་པ་རྟགས་མཐོང་བ། འབྲིང་དུས་བསྙེན་ཟླ་བ་དྲུག །ཐ་མ་གྲངས་བསྙེན་འབུམ་ཕྲག་བརྒྱད་ཁ་སྐོང་དང་བཅས་པ་བཟླ། སྦྱིན་སྲེག་དམིགས་བསལ་མ་བཤད་པས་མི་དགོས། ཐུན་ཐམས་ཅད་ལ་བཟླས་པའི་མཇུག་ཏུ། ན་མོ་མཉྫུ་ཤྲི་ཡེ་ཀུ་མཱ་ར་བྷཱུ་ཏཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏ་དྱཱ་ཐཱ། ཨོཾ་ཨ་ར་ཛེ། བི་ར་ཛེ། ཤུདྡྷེ་བི་ཤུདྡྷེ། ཤོ་དྷ་ཡ་བི་ཤོ་དྷ་ཡ། ཨ་མ་ལེ། བི་མ་ལེ། ནིརྨ་ལེ། ཛ་ཡ་ཝ་རེ། རུ་རུ་ཙ་ཡེ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་སྭཱ་ཧཱ། ཞེས་ཤེས་རབ་བློ་འཕེལ་གྱི་གཟུངས་འདིའང་ཅི་རིགས་པར་བཟླ་བར་འཕགས་པ་རིན་པོ་ཆེས་གསུངས་པས་བརྒྱ་རྩ་ནས་ཉེར་གཅིག་གི་བར་ཅི་ནུས་བཟླ། ཐུན་གཉིས་སམ། སྔ་ཐུན་གྱི་མཇུག་ཏུ་གཏོར་མ་འབུལ། ཐུན་མཚམས་རྣམས་སུ་མཚན་བརྗོད་སོགས་འཇམ་དཔལ་གྱི་བསྟོད་པའི་རིགས་དང་མཎྜལ་ལ་འབད། བར་ཆད་གྱི་ལྟས་བྱུང་ན་མི་གཡོ་བའི་སྒོམ་བཟླས་ཀྱིས་བསྲུང་། དེ་ལྟར་བརྩོན་པས་ཐོག་མར་འཛིན་བློ་སྐྱེ་ཞིང་། རིམ་གྱིས་སྙན་ངག་སོགས་ལ་བློ་གྲོས་ཀྱི་མཐུ་ཕུན་སུམ་ཚོགས་པར་འགྱུར་པ་ནི་ངེས་པའོ། །ཞེས་པའང་མཉྫུ་གྷོ་ཥས་བྲིས་པ་དགེ། །། ༈

[edit]

'jam dbyangs dmar ser gyi bsnyen thabs nyung gsal/ @#/_/'jam dbyangs dmar ser gyi bsnyen thabs nyung gsal bzhugs so/__/na mo many+dzu shri ye/__'jam dbyangs dmar ser dpa' bo gcig pa'i bsnyen pa byed na/__'di'i rjes gnang dang man ngag legs par thob pas dben zhing yid dang mthun pa'i gnas su phyag dar bya/__'jam dpal gyi sku brnyan bris 'bur yod na rang la zhal phyogs nas bzhugs/__mdun du mchod gtor bsham/__rang nyid kyis khas blangs pa'i tshul khrims dang /__khrus dang /__gtsang sbra'i kun spyod la gnas pas gza' skar sbyor byed shis pa'i nyi shar nas brtsams te thun bzhi'i rim pas nyams len la 'jug__/sgrub thabs rje btsun gong mas mdzad pa'am/__gong ma'i gsung sor bzhag mkhas grub dpal ldan don grub kyis mdzad pa sogs yig cha khungs thub ltar nyams su blangs te/__rab mtshan ma'i bsnyen pa rtags mthong ba/__'bring dus bsnyen zla ba drug__/tha ma grangs bsnyen 'bum phrag brgyad kha skong dang bcas pa bzla/__sbyin sreg dmigs bsal ma bshad pas mi dgos/__thun thams cad la bzlas pa'i mjug tu/__na mo many+dzu shri ye ku mA ra b+hU tA ya/__bo d+hi sa twA ya/__ma hA sa tA ya/__ma hA kA ru Ni kA ya/__ta d+yA thA/__oM a ra dze/__bi ra dze/__shud+d+he bi shud+d+he/__sho d+ha ya bi sho d+ha ya/__a ma le/__bi ma le/__nirma le/__dza ya wa re/__ru ru tsa ye/__hU~M hU~M hU~M/__phaT phaT phaT swA hA/__zhes shes rab blo 'phel gyi gzungs 'di'ang ci rigs par bzla bar 'phags pa rin po ches gsungs pas brgya rtsa nas nyer gcig gi bar ci nus bzla/__thun gnyis sam/__snga thun gyi mjug tu gtor ma 'bul/__thun mtshams rnams su mtshan brjod sogs 'jam dpal gyi bstod pa'i rigs dang maN+Dal la 'bad/__bar chad gyi ltas byung na mi g.yo ba'i sgom bzlas kyis bsrung /__de ltar brtson pas thog mar 'dzin blo skye zhing /__rim gyis snyan ngag sogs la blo gros kyi mthu phun sum tshogs par 'gyur pa ni nges pa'o/__/zhes pa'ang many+dzu g+ho Shas bris pa dge/____//_!_