JKCL-KABUM-12-NA-020

🚧 This website is under continued development. We appreciate your patience!

Previous Text Back to Volume PageNext Text

འཆི་མེད་གྲུབ་པའི་རྣལ་འབྱོར་དབང་མོ་སྐལ་བཟང་སྒྲོལ་དཀར་མཆོག་གི་སྐུ་དཀྱིལ་ཟླ་བ་རྒྱས་པའི་དྲུང་དུ་ཞེས་པ།

Wylie title	'chi med grub pa'i rnal 'byor dbang mo skal bzang sgrol dkar mchog gi sku dkyil zla ba rgyas pa'i drung du zhes pa
Location	chos kyi blo gros bka' 'bum Volume 12, Text 20, Pages 71-72 (Folios 1a1 to 1b3)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'chi med grub pa'i rnal 'byor dbang mo skal bzang sgrol dkar mchog gi sku dkyil zla ba rgyas pa'i drung du zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 71-72. Bir, H.P.: Khyentse Labrang, 2012.
Genre	Official Letters - chab shog

1 Texts in this Section (sde tshan or chos tshan)

71-72	འཆི་མེད་གྲུབ་པའི་རྣལ་འབྱོར་དབང་མོ་སྐལ་བཟང་སྒྲོལ་དཀར་མཆོག་གི་སྐུ་དཀྱིལ་ཟླ་བ་རྒྱས་པའི་དྲུང་དུ་ཞེས་པ། 'chi med grub pa'i rnal 'byor dbang mo skal bzang sgrol dkar mchog gi sku dkyil zla ba rgyas pa'i drung du zhes pa Official Letters - chab shog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

འཆི་མེད་གྲུབ་པའི་རྣལ་འབྱོར་དབང་མོ་སྐལ་བཟང་སྒྲོལ་དཀར་མཆོག་གི་སྐུ་དཀྱིལ་ཟླ་བ་རྒྱས་པའི་དྲུང་དུ། གུས་ཞུ། དེང་། མཐའ་ཡས་བསྟན་འགྲོའི་གདུང་སེལ་དམ་པ་གང་གི་གསང་གསུམ་རྗེ་བཙུན་འཆི་མེད་འཕགས་མ་ཡིད་བཞིན་འཁོར་ལོའི་ངོ་བོར་བཞུགས་ནས་བྱམས་དང་བརྩེ་བའི་སྤྱན་རས་འཛུམ་པའི་ཟུར་མདས་རྩེན་ཤིང་། གྲུབ་པའི་ཟླ་ཤེལ་བདུད་རྩིའི་འོད་སྣང་འཆི་མེད་ཀུན་དགའི་དོ་རར་ཁྱབ་པ་དང་ཆབས་ཅིག་གསུང་གླེགས་གནྡྷརྦྷ་ལི་དབྱངས་སྙན། གནད་སྐྱེས་རིན་ཆེན་དང་པོའི་སོར་རྒྱན་མི་བསྐྱོད་གཡུ་ཞུན་འཁྱིལ་པས་སྤུད་པ་དང་། མུ་ཏིག་ཆེ་ལེགས་རྡོག་གཅིག །རིན་གོར་སྐུ་གསུམ་གྲངས་ལྡན་བཅས་རྟེན་འབྲེལ་དགེ་བའི་མགོ་ཟླའི་ཚེས་༡༡ལ་འབྱོར་སྨོན་དང་སྤྲོ་དགའ་མཆོག་ཏུ་འཕེལ། འདིར་གནས་རྒན་བུའང་འདུ་བ་སྙོམས་ཤིང་བསྙེན་སྒྲུབ་ཕྲན་ཚེགས་ལ་བརྩོན་ངང་འཁུམས། མཚམས་ཞུས། གནམ་ལོ་འདི་ཕྱིར་གཉིས་ལ་ཉིད་ཀྱི་སྐུ་རིམ་དུ། སྒྲོལ་དཀར་ལྗགས་བསྙེན་ཞག་བརྒྱ་ཞིག་དང་། སྒྲོལ་དཀར་སྣང་བརྙན་ཞིག་བཞེངས་ན་སྐུ་འཚོ་བརྟན་ཅིང་གྲུབ་པའི་དགེ་མཚན་གྱིས་ཨཏྤལ་གསར་པ་དར་ལ་བབ་ཏེ་འཇིག་རྟེན་གྱི་སྒྲོན་མེར་བཞུགས་རྒྱུར་གསལ་ཞིང་དེ་བཞིན་འབྱུང་བའི་བདེན་སྨོན་ཀྱང་སྙིང་ནས་ཞུ་བ་ལགས་ན་དགོངས་པར་མངའ་བར་ཞུ་ཞུ། སླར་ཡང་། གསང་གསུམ་རྡོ་རྗེའི་རང་བཞིན་རྡོ་རྗེ་ལྟར་བརྟན་ནས། །འཆི་མེད་གྲུབ་པའི་དབང་མོ་གྲུབ་མཆོག་སྐལ་བ་བཟང་། །རྣམ་འདྲེན་སྒྲོལ་མ་དཀར་མོ་སྒྲོལ་མའི་ངོ་བོར་བཞུགས། །དོན་གཉིས་དཔལ་ཡོན་དབང་འབྱོར་དཔལ་ལྡན་དགེ་ལེགས་སྨོན། །ཞུ་འདེགས་ལྷ་རྫས། བཟང་གོས་རྒྱས་མདོག་ཁ། འཆི་མེད་འཕགས་མའི་ཚེ་རིལ་སོགས་བྱིན་རྟེན་ལེའུ་ཚན། གྱོན་པའི་སྔགས་མདུད་བཅས་ཟླ་ཚེས་དགེ་བར་མཁྱེན་མིང་བློ་གྲོས་རྒྱ་མཚོས་ཕུལ་བ་དགེ། །།

[edit]

'chi med grub pa'i rnal 'byor dbang mo skal bzang sgrol dkar mchog gi sku dkyil zla ba rgyas pa'i drung du/__gus zhu/__deng /__mtha' yas bstan 'gro'i gdung sel dam pa gang gi gsang gsum rje btsun 'chi med 'phags ma yid bzhin 'khor lo'i ngo bor bzhugs nas byams dang brtse ba'i spyan ras 'dzum pa'i zur mdas rtsen shing /__grub pa'i zla shel bdud rtsi'i 'od snang 'chi med kun dga'i do rar khyab pa dang chabs cig gsung glegs gan+d+har+b+ha li dbyangs snyan/__gnad skyes rin chen dang po'i sor rgyan mi bskyod g.yu zhun 'khyil pas spud pa dang /__mu tig che legs rdog gcig__/rin gor sku gsum grangs ldan bcas rten 'brel dge ba'i mgo zla'i tshes 11la 'byor smon dang spro dga' mchog tu 'phel/__'dir gnas rgan bu'ang 'du ba snyoms shing bsnyen sgrub phran tshegs la brtson ngang 'khums/__mtshams zhus/__gnam lo 'di phyir gnyis la nyid kyi sku rim du/__sgrol dkar ljags bsnyen zhag brgya zhig dang /__sgrol dkar snang brnyan zhig bzhengs na sku 'tsho brtan cing grub pa'i dge mtshan gyis at+pal gsar pa dar la bab te 'jig rten gyi sgron mer bzhugs rgyur gsal zhing de bzhin 'byung ba'i bden smon kyang snying nas zhu ba lags na dgongs par mnga' bar zhu zhu/__slar yang /__gsang gsum rdo rje'i rang bzhin rdo rje ltar brtan nas/__/'chi med grub pa'i dbang mo grub mchog skal ba bzang /__/rnam 'dren sgrol ma dkar mo sgrol ma'i ngo bor bzhugs/__/don gnyis dpal yon dbang 'byor dpal ldan dge legs smon/__/zhu 'degs lha rdzas/__bzang gos rgyas mdog kha/__'chi med 'phags ma'i tshe ril sogs byin rten le'u tshan/__gyon pa'i sngags mdud bcas zla tshes dge bar mkhyen ming blo gros rgya mtshos phul ba dge/__//_