འཛམ་གླིང་བྱང་ཕྱོགས་ཀྱི་བསྟན་པའི་བདག་པོ་རྒྱལ་བ་འཇམ་དཔལ་སྙིང་པོའི་རིང་ལུགས་ཉིན་མོར་བྱེད་པའི་དབང་པོ་བྲག་ལྗོངས་སྐྱབས་མགོན་༧ཧོ་ཐོག་ཐུ་ཆེན་པོའི་༧ཞབས་པད་གདོང་ལྔས་བཏེགས་པའི་ཁྲི་དྲུང་དུ་ཞེས་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	'dzam gling byang phyogs kyi bstan pa'i bdag po rgyal ba 'jam dpal snying po'i ring lugs nyin mor byed pa'i dbang po brag ljongs skyabs mgon ho thog thu chen po'i zhabs pad gdong lngas btegs pa'i khri drung du zhes pa
Location	chos kyi blo gros bka' 'bum Volume 12, Text 19, Pages 67-69 (Folios 1a1 to 2a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'dzam gling byang phyogs kyi bstan pa'i bdag po rgyal ba 'jam dpal snying po'i ring lugs nyin mor byed pa'i dbang po brag ljongs skyabs mgon ho thog thu chen po'i zhabs pad gdong lngas btegs pa'i khri drung du zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 67-69. Bir, H.P.: Khyentse Labrang, 2012.
Genre	Official Letters - chab shog

1 Texts in this Section (sde tshan or chos tshan)

67-69	འཛམ་གླིང་བྱང་ཕྱོགས་ཀྱི་བསྟན་པའི་བདག་པོ་རྒྱལ་བ་འཇམ་དཔལ་སྙིང་པོའི་རིང་ལུགས་ཉིན་མོར་བྱེད་པའི་དབང་པོ་བྲག་ལྗོངས་སྐྱབས་མགོན་༧ཧོ་ཐོག་ཐུ་ཆེན་པོའི་༧ཞབས་པད་གདོང་ལྔས་བཏེགས་པའི་ཁྲི་དྲུང་དུ་ཞེས་པ། 'dzam gling byang phyogs kyi bstan pa'i bdag po rgyal ba 'jam dpal snying po'i ring lugs nyin mor byed pa'i dbang po brag ljongs skyabs mgon ho thog thu chen po'i zhabs pad gdong lngas btegs pa'i khri drung du zhes pa Official Letters - chab shog	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

འཛམ་གླིང་བྱང་ཕྱོགས་ཀྱི་བསྟན་པའི་བདག་པོ་རྒྱལ་བ་འཇམ་དཔལ་སྙིང་པོའི་རིང་ལུགས་ཉིན་མོར་བྱེད་པའི་དབང་པོ་བྲག་ལྗོངས་སྐྱབས་མགོན་༧ཧོ་ཐོག་ཐུ་ཆེན་པོའི་༧ཞབས་པད་གདོང་ལྔས་བཏེག་པའི་ཁྲི་དྲུང་དུ། སྒོ་གསུམ་གུས་ལྡན་མཁྱེན་བརྩེའི་སྤྲུལ་མིང་པས་ཕྱག་བཅས་ཞུ་གསོལ། དེང་། རྗེ་བཙུན་གསང་བ་འཛིན་པའི་བདག་པོ་གངས་ལྗོངས་འཇིག་རྟེན་མིག་གཅིག་ལོ་ཙཱ་ཆེན་པོའི་མཆོག་གི་སྤྲུལ་པའི་སྐུ་རིན་པོ་ཆེ་གང་གི་མཚན་དཔེའི་ཉི་གཞོན་མནྡ་རི་བོའི་རྩེ་ནས་མངོན་པར་གསལ་བ་དང་རྒྱལ་བའི་ཐུགས་བསྐྱེད་ཕྲིན་ལས་འགོགས་པ་མེད་པའི་རང་དབང་བཙན་པོས་གདན་ས་ཆེན་པོར་ཞབས་མཐིལ་བཀྲ་ཤིས་ཀྱི་འཁོར་ལོ་བཀོད་གྲུབ་པའི་གྲགས་སྙན་འཛིན་མའི་འཁོར་ཡུག་ཀུན་ཏུ་ཁྱབ་པས་མདོ་སྨད་བསྟན་འགྲོ་སྤྱི་ལ་ཕན་བདེའི་བདེ་སྐྱིད་ཀྱི་སྣང་བ་གསར་དུ་ཚེས་པ་དང་རིང་མོ་ཉིད་ནས་ཐུགས་རྗེས་གཟིགས་པས་བཙའ་བའི་བཀའ་སློབ་གསེར་གྱི་ཅོད་པན་གནང་སྐྱེས་བཟང་པོས་བརྒྱན་པ་སྩལ་བ་དད་སྤྲོ་དཔག་ཏུ་མེད་པ་ཐོབ་ཅིང་རབ་ཏུ་དགའ་བ་ལས་ཐོབ་པའི་བསམ་གཏན་གྱི་བདེ་བས་ཀྱང་མཚོན་དུ་ཅི། འདིར་གནས་པའི་དགེ་སྦྱོང་གི་གཟུགས་བརྙན་འཛིན་པའང་སྐྱབས་མཆོག་དམ་པ་རྣམས་ཀྱི་ཐུགས་རྗེ་དཔག་བསམ་ལྗོན་པའི་འཇོ་སྒེག་གིས་ངལ་འཚོ་བདེ་བར་འཁུམས། མཚམས་ཞུས། སྐྱབས་མགོན་༧རིན་པོ་ཆེ་མཆོག་ཉིད་གསེར་ཁྲིར་འཁོད་པའི་ལེགས་འབུལ་མཎྜལ་མཚོན་བྱེད་བཀྲ་ཤིས་པའི་ལྷ་རེག །ལི་ཡི་མཎྜལ། གསང་གསུམ་རྡོ་རྗེའི་རང་བཞིན་བསྐལ་བརྒྱར་བཞུགས་མཚོན་སྐུ་གསུང་ཐུགས་རྟེན། ས་སྙིང་ཞོ། དངུལ་གར་བུ་སྲང་བཅུ། བཅས་ཕུལ་བ་ཞབས་པད་བསྐལ་བརྒྱར་བརྟན་ཅིང་ཐུབ་བསྟན་རིས་སུ་མ་ཆད་པ་སྤྱི་དང་། ཁྱད་པར་རྗེ་བླ་མ་ཐམས་ཅད་མཁྱེན་གཟིགས་ཆེན་པོའི་བཤད་སྒྲུབ་ཀྱི་བསྟན་པ་རང་འདོད་ཕྲག་དོག་གི་རྙོགས་པ་ཅན་དུ་མ་གྱུར་པ་བསྐལ་པ་བཟང་པོའི་དུས་བཞིན་ཡང་དག་པའི་བསྟན་པ་རིན་པོ་ཆེ་གསེར་སྦྱངས་ནོར་བུའི་ལྷུན་པོ་ལྟར་གསལ་བར་མཛད་པའི་ཐུགས་བསྐྱེད་བཟང་པོ་བདག་གིར་བཞེས་གྲུབ་ཞུ་ཞུ། མཁྱེན། སླད་ཆར་ཡང་། ཞབས་པད་བསྐལ་པ་རྒྱ་མཚོར་འཇིགས་མེད་སེངྒེ་ཁྲི་ལ་ཕྱོགས་ལས་རྣམ་པར་རྒྱལ་བའི་ཤེས་རབ་དང་འཆི་མེད་གྲུབ་པའི་གཟི་བརྗིད་ཉི་མ་སྟོང་ཕྲག་བརྡལ་བའི་འོད་ཀྱིས་ཀུན་ནས་བརྗིད་ཅིང་བསྐལ་དུས་སྙིགས་མའི་རྒུད་མུན་ཐམས་ཅད་སེལ་བར་མཛད་པའི་ཕྲིན་ལས་བཟང་པོའི་སྣང་བས་འཇིག་རྟེན་གསུམ་ན་ཡོངས་སུ་ཁྱབ་བཞིན་བཞུགས་པ་ནས་གུས་ལྡན་བདག་ཀྱང་སྔར་བཞིན་ཐུགས་བརྩེས་མི་འདོར་བའི་བཀའ་མཆིད་བཟང་པོ་སྤྱི་བོའི་རྒྱན་དུ་སྩལ་གནང་ཡོད་པ་མཁྱེན། ཞུ་འདེགས་དང་། རྣམ་འཇོམས་ཁྲུས་རིལ། འཆི་མེད་འཕགས་མའི་སྒོ་ནས་སྒྲུབ་པའི་སྐུ་ཚེའི་བཅུད་ལེན་རིལ་བུ། འཇམ་དབྱངས་ཤེས་རབ་བློ་འཕེལ་གྱི་རིལ་བུ་བཅས་སྡེ་དགེ་སྨན་ཤོད་རྫོང་གསར་དགོན་ནས་ཟླ་ཚེས་བཟང་པོར་གུས་ཕྱག་བཅས་ཕུལ་ཞུས།། །།

[edit]

'dzam gling byang phyogs kyi bstan pa'i bdag po rgyal ba 'jam dpal snying po'i ring lugs nyin mor byed pa'i dbang po brag ljongs skyabs mgon 7ho thog thu chen po'i 7zhabs pad gdong lngas bteg pa'i khri drung du/__sgo gsum gus ldan mkhyen brtse'i sprul ming pas phyag bcas zhu gsol/__deng /__rje btsun gsang ba 'dzin pa'i bdag po gangs ljongs 'jig rten mig gcig lo tsA chen po'i mchog gi sprul pa'i sku rin po che gang gi mtshan dpe'i nyi gzhon man+da ri bo'i rtse nas mngon par gsal ba dang rgyal ba'i thugs bskyed phrin las 'gogs pa med pa'i rang dbang btsan pos gdan sa chen por zhabs mthil bkra shis kyi 'khor lo bkod grub pa'i grags snyan 'dzin ma'i 'khor yug kun tu khyab pas mdo smad bstan 'gro spyi la phan bde'i bde skyid kyi snang ba gsar du tshes pa dang ring mo nyid nas thugs rjes gzigs pas btsa' ba'i bka' slob gser gyi cod pan gnang skyes bzang pos brgyan pa stsal ba dad spro dpag tu med pa thob cing rab tu dga' ba las thob pa'i bsam gtan gyi bde bas kyang mtshon du ci/__'dir gnas pa'i dge sbyong gi gzugs brnyan 'dzin pa'ang skyabs mchog dam pa rnams kyi thugs rje dpag bsam ljon pa'i 'jo sgeg gis ngal 'tsho bde bar 'khums/__mtshams zhus/__skyabs mgon 7rin po che mchog nyid gser khrir 'khod pa'i legs 'bul maN+Dal mtshon byed bkra shis pa'i lha reg__/li yi maN+Dal/__gsang gsum rdo rje'i rang bzhin bskal brgyar bzhugs mtshon sku gsung thugs rten/__sa snying zho/__dngul gar bu srang bcu/__bcas phul ba zhabs pad bskal brgyar brtan cing thub bstan ris su ma chad pa spyi dang /__khyad par rje bla ma thams cad mkhyen gzigs chen po'i bshad sgrub kyi bstan pa rang 'dod phrag dog gi rnyogs pa can du ma gyur pa bskal pa bzang po'i dus bzhin yang dag pa'i bstan pa rin po che gser sbyangs nor bu'i lhun po ltar gsal bar mdzad pa'i thugs bskyed bzang po bdag gir bzhes grub zhu zhu/__mkhyen/__slad char yang /__zhabs pad bskal pa rgya mtshor 'jigs med seng+ge khri la phyogs las rnam par rgyal ba'i shes rab dang 'chi med grub pa'i gzi brjid nyi ma stong phrag brdal ba'i 'od kyis kun nas brjid cing bskal dus snyigs ma'i rgud mun thams cad sel bar mdzad pa'i phrin las bzang po'i snang bas 'jig rten gsum na yongs su khyab bzhin bzhugs pa nas gus ldan bdag kyang sngar bzhin thugs brtses mi 'dor ba'i bka' mchid bzang po spyi bo'i rgyan du stsal gnang yod pa mkhyen/__zhu 'degs dang /__rnam 'joms khrus ril/__'chi med 'phags ma'i sgo nas sgrub pa'i sku tshe'i bcud len ril bu/__'jam dbyangs shes rab blo 'phel gyi ril bu bcas sde dge sman shod rdzong gsar dgon nas zla tshes bzang por gus phyag bcas phul zhus//___//