JKW-KABUM-10-THA-004-006

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 10, sde tshan 4, Text 6, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	མ་ཏི་པཎ་ཆེན་ (Paṇḍitamati)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 10: 141-144. Khams sde dge rdzong sar dgon: Rdzong sar blo gros phun tshogs, 2020.
Genre
Cycle	མ་ཏི་ལུགས་འཇམ་དཀར་ (ma ti lugs 'jam dkar)
Deity	'jam dpal dbyangs, 'jam dpal dkar po

1 Texts in this Section (sde tshan or chos tshan)

6 237-239	འཇམ་དབྱངས་དཀར་པོ་མ་ཏི་ལུགས་ཀྱི་སྒྲུབ་ཐབས་ཤིན་ཏུ་བསྡུས་བ་བདུད་རྩིའི་ཡང་སྙིང་། 'jam dbyangs dkar po ma ti lugs kyi sgrub thabs shin tu bsdus ba bdud rtsi'i yang snying Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་དབྱངས་དཀར་པོ་མ་ཏི་ལུགས་ཀྱི་སྒྲུབ་ཐབས་ཤིན་ཏུ་བསྡུས་བ་བདུད་རྩིའི་ཡང་སྙིང་། ༄༅། །འཇམ་དབྱངས་དཀར་པོ་མ་ཏི་ལུགས་ཀྱི་སྒྲུབ་ཐབས་ཤིན་ཏུ་བསྡུས་བ་བདུད་རྩིའི་ཡང་སྙིང་ཞེས་བྱ་བ་བཞུགས་སོ། །ན་མོ་གུ་རུ་མཉྫུ་གྷོ་ཥཱ་ཡ། །འཇམ་དཔལ་དཀར་པོ་བསྡུས་ཏེ་བསྒོམ་པར་འདོད་པས། སྐྱབས་སེམས་སྤྱི་ལྟར་བྱ། ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། །སྟོང་པའི་ངང་ལས་བྃ་པྃ་ཨ་དཀར་ལས། །རྒྱ་མཚོའི་སྟེང་དུ་པདྨ་ཟླ་བའི་གདན། །དེ་སྟེང་རང་སེམས་ཨ་དཀར་ཉིད་གྱུར་ལས། །འོད་འཕྲོས་འཕགས་མཆོད་འགྲོ་ཀུན་སྒྲིབ་གཉིས་སྦྱངས། །ཚུར་འདུས་ཡོངས་གྱུར་བདག་ཉིད་འཇམ་པའི་དབྱངས། །ཞལ་གཅིག་ཕྱག་གཉིས་མཆོག་སྦྱིན་ཨུཏྤལ་བསྣམས། །རྡོ་རྗེའི་སྐྱིལ་ཀྲུང་འོད་ཟེར་རབ་འཕྲོ་བ། །དར་དཀར་ན་བཟའ་རིན་ཆེན་རྒྱན་གྱིས་སྤྲས། །སྟོན་ཟླའི་མདོག་ཅན་བརྒྱད་གཉིས་ལང་ཚོར་ལྡན། །སྙིང་དབུས་ཟླ་བའི་འཁོར་ལོ་རྩིབས་དྲུག་པའི། །ལྟེ་བར་ཨ་དང་རྩིབས་དྲུག་སྔགས་ཀྱིས་མཚན། །འཁོར་ལོ་གཡས་དང་ཡིག་འབྲུ་གཡོན་འཁོར་བས། །སྒྲིབ་དག་བློ་གྲོས་སྣང་བ་རྒྱས་པར་གྱུར། ཨོཾ་ཝཱ་ཀྱེ་དཾ་ན་མཿ ཞེས་ཅི་ནུས་བཟླས་མཐར། ཨོཾ་ཨཱཪྻ་མཉྫུ་ཤྲཱི་ཨརྒྷཾ་ནས། ཤབྡ་པྲ་ཏཱི་ཙྪ་སྭཱ་ཧཱའི་བར་གྱིས་མཆོད། ཐལ་མོ་སྦྱར་ཏེ། །ངོ་བོ་མ་ནོར་ཆོས་ཉིད་རབ་མཁྱེན་ཅིང་། རྣམ་པ་མ་ལུས་ཆོས་ཅན་ལྷང་ངེར་གཟིགས། །ཐུགས་རྗེ་ཆེ་དང་ཐབས་ཚུལ་དཔག་མེད་ཀྱིས། །སྲིད་མཚོ་མཐའ་ཡས་སྐྱོབ་ལ་ཕྱག་འཚལ་ལོ། །འཇམ་དབྱངས་མགོན་ཁྱོད་གུས་པས་རྗེས་དྲན་ཞིང་། །སྒོམ་བཟླས་ལེགས་མཆོད་མངོན་པར་བསྟོད་པའི་མཐུས། །བློ་ངན་མ་རིག་འཐིབས་བུའི་ཚོགས་རྣམས་ཀུན། །སྤྲིན་མེད་ཉི་ཤར་ཇི་བཞིན་དྭངས་པར་མཛོད། ཅེས་བསྟོད་ཅིང་གསོལ་བ་གདབ། །འདི་བསྒྲུབས་པ་ལས་བྱུང་བའི་དགེ་ཚོགས་ཀྱིས། །འགྲོ་ཀུན་འཇམ་དབྱངས་གོ་འཕང་མྱུར་ཐོབ་ནས། །སྲིད་དང་ཞི་བའི་ལེགས་བྱས་སྣང་བ་ཡིས། །ཕན་བདེའི་པདྨོ་རྒྱས་པའི་བཀྲ་ཤིས་ཤོག །ཅེས་པའང་དོན་གཉེར་ཅན་འགའ་ལ་སྨན་པའི་བསམ་པས་སློབ་དཔོན་སྒེག་པའི་རྡོ་རྗེའི་རྒྱ་གཞུང་སོར་བཞག་སྟེ། མཚམས་སྦྱོར་ཅུང་ཟད་བཅས་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། །། ༈

[edit]

'jam dbyangs dkar po ma ti lugs kyi sgrub thabs shin tu bsdus ba bdud rtsi'i yang snying / @#/_/'jam dbyangs dkar po ma ti lugs kyi sgrub thabs shin tu bsdus ba bdud rtsi'i yang snying zhes bya ba bzhugs so/__/na mo gu ru many+dzu g+ho ShA ya/__/'jam dpal dkar po bsdus te bsgom par 'dod pas/__skyabs sems spyi ltar bya/__oM swa b+hA ba shud+d+haHsarba d+harmAHswa b+hA ba shud+d+ho\u0f85haM/__/stong pa'i ngang las ba~M pa~M a dkar las/__/rgya mtsho'i steng du pad+ma zla ba'i gdan/__/de steng rang sems a dkar nyid gyur las/__/'od 'phros 'phags mchod 'gro kun sgrib gnyis sbyangs/__/tshur 'dus yongs gyur bdag nyid 'jam pa'i dbyangs/__/zhal gcig phyag gnyis mchog sbyin ut+pal bsnams/__/rdo rje'i skyil krung 'od zer rab 'phro ba/__/dar dkar na bza' rin chen rgyan gyis spras/__/ston zla'i mdog can brgyad gnyis lang tshor ldan/__/snying dbus zla ba'i 'khor lo rtsibs drug pa'i/____/lte bar a dang rtsibs drug sngags kyis mtshan/__/'khor lo g.yas dang yig 'bru g.yon 'khor bas/__/sgrib dag blo gros snang ba rgyas par gyur/__oM wA kye daM na maH__zhes ci nus bzlas mthar/__oM AR+Ya many+dzu shrI ar+g+haM nas/__shab+da pra tI ts+tsha swA hA'i bar gyis mchod/__thal mo sbyar te/__/ngo bo ma nor chos nyid rab mkhyen cing /__rnam pa ma lus chos can lhang nger gzigs/__/thugs rje che dang thabs tshul dpag med kyis/__/srid mtsho mtha' yas skyob la phyag 'tshal lo/__/'jam dbyangs mgon khyod gus pas rjes dran zhing /__/sgom bzlas legs mchod mngon par bstod pa'i mthus/__/blo ngan ma rig 'thibs bu'i tshogs rnams kun/__/sprin med nyi shar ji bzhin dwangs par mdzod/__ces bstod cing gsol ba gdab/__/'di bsgrubs pa las byung ba'i dge tshogs kyis/__/'gro kun 'jam dbyangs go 'phang myur thob nas/__/srid dang zhi ba'i legs byas snang ba yis/__/phan bde'i pad+mo rgyas pa'i bkra shis shog__/ces pa'ang don gnyer can 'ga' la sman pa'i bsam pas slob dpon sgeg pa'i rdo rje'i rgya gzhung sor bzhag ste/__mtshams sbyor cung zad bcas 'jam dbyangs mkhyen brtse'i dbang pos bris pa sid+d+hi rastu//____//__!