JKW-KABAB-15-BA-011

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' babs Volume 15, Text 11, Pages (Folios to )
Author	[[ | ]]
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. . In Rdzong sar 'jam dbyangs mkhyen brtse'i dbang po'i bka' babs, Vol. 15: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma
Cycle	ཁྲག་འཐུང་བདེ་གཤེགས་འདུས་པ་ (khrag 'thung bde gshegs 'dus pa)
Parent Cycle	གྲུབ་ཐོབ་ཆེན་པོའི་ཐུགས་ཏིག་ (grub thob chen po'i thugs tig)
Karchag page	JKW-KABAB-Volume-15-BA-Karchag

Tibetan Text

Wylie

[edit]

༄༅༔ གྲུབ་ཐོབ་ཆེན་པོའི་ཐུགས་ཏིག་ལས༔ ཁྲག་འཐུང་བདེ་གཤེགས་འདུས་པ་བཞུགས༔ ཁྲག་འཐུང་འདུས་པའི་ལྷ་ལ་འདུད༔ བོད་ཀྱི་རྣལ་འབྱོར་ཐང་སྟོང་པ༔ རྔ་ཡབ་གླིང་དུ་མངོན་སུམ་ཕྱིན༔ རྩ་གསུམ་ཀུན་འདུས་གུ་རུ་རྗེ༔ ཨོ་རྒྱན་པདྨ་རྒྱལ་པོ་ལས༔ སྒྲུབ་པ་ཆེན་པོ་བཀའ་བརྒྱད་ཀྱི༔ དབང་དང་གདམས་ངག་ཀུན་ཞུས་ནས༔ ཁྲག་འཐུང་དགྱེས་པའི་ཞལ་ཡང་མཐོང་༔ དེ་ཡི་སྙིང་པོའི་བཅུད་བསྡུས་པ༔ སྐལ་ལྡན་དོན་དུ་བརྩེ་བས་གདམས༔ ས་མ་ཡ༔ འདི་ལ་སྤྱི་དོན་ལྔ་ཡིན་ཏེ༔ བསྐྱེད་པ་སྐུ་ཡི་སྒྲུབ་ཐབས་དང་༔ གྱེར་བཟླས་གསུང་གི་ལས་རིམ་དང་༔ འོད་གསལ་ཐུགས་ཀྱི་རྫོགས་རིམ་དང་༔ ཡོན་ཏན་སྨིན་བྱེད་དབང་བསྐུར་དང་༔ ཕྲིན་ལས་མངོན་སྤྱོད་གཟེར་ཀ་སྟེ༔ མཆོག་དང་ཐུན་མོང་ལམ་གྱི་རིམ༔ ཟབ་རྒྱས་ཀུན་གྱི་སྙིང་པོར་བསྟན༔ ས་མ་ཡ༔ དང་པོ་བསྐྱེད་པའི་སྒྲུབ་ཐབས་ནི༔ དབང་ཐོབ་དམ་ཚིག་ལ་གནས་པའི༔ སྔགས་པས་དུར་ཁྲོད་དབེན་གནས་སུ༔ ཡིད་གཡེངས་སྤངས་ལ་འདི་ལྟར་བསྒོམ༔ ཧཱུྃ༔ མ་བཅོས་སྤྲོས་མེད་དེ་བཞིན་ཉིད༔ ཀུན་སྣང་སྙིང་རྗེའི་རོལ་པ་ལས༔ ཐམས་ཅད་སྐྱེད་བྱེད་རྒྱུ་ཡི་ཧཱུྃ༔ མཐིང་ནག་མཁའ་ལ་འཇའ་ལྟར་ཤར༔ ཆོ་འཕྲུལ་ཆེན་པོའི་འོད་ཟེར་གྱིས༔ སྣོད་བཅུད་དངོས་པོར་འཛིན་པ་སྦྱངས༔ སྟོང་པའི་ངང་ལས་འབྱུང་རིམ་སྟེང་༔ རི་རབ་རྡོ་རྗེའི་བྲག་ཆེན་པོ༔ སྲུང་འཁོར་འཇིགས་པའི་དུར་ཁྲོད་དང་༔ དྲག་པོའི་གཞལ་ཡས་མཚན་རྫོགས་དགུའི༔ དབུས་མར་འཁོར་ལོ་རྩིབས་བཞིའི་ལྟེར༔ པདྨ་ཟླ་ཉི་བྱོལ་སོང་གཙོ༔ དྲེགས་པ་ལྷ་ཆེན་ཕོ་མོའི་སྟེང་༔ རྒྱུ་ཡི་ཧཱུྃ་བབས་ཡོངས་སུ་གྱུར༔ རྡོ་རྗེ་རྩེ་དགུ་ཧཱུྃ་གིས་མཚན༔ འོད་ཟེར་འཕྲོ་འདུའི་སྦྱོར་བ་ཡིས༔ ཁྲག་འཐུང་རབ་འབྱམས་བྱིན་ནུས་ཐིམ༔ དེ་ལས་སྐད་ཅིག་དྲན་རྫོགས་སུ༔ བདག་ཉིད་ཆེ་མཆོག་ཧེ་རུ་ཀ༔ མཐིང་ནག་དམར་བའི་མདངས་འོད་འཚེར༔ ཞལ་གསུམ་ཕྱག་དྲུག་ཞབས་བཞི་བགྲད༔ སྤྱན་དགུ་སྡང་མིག་སྨར་སྨིན་འབར༔ གཡས་གསུམ་རྡོ་རྗེ་འབར་བའི་མཚོན༔ རྩེ་དགུ་རྩེ་ལྔ་རྩེ་གསུམ་གསོར༔ གཡོན་གསུམ་སྐམ་རློན་རྙིད་པ་ཡི༔ བྷཉྫ་བདུད་བཞིའི་ཁྲག་གིས་གང་༔ དཔལ་དང་དུར་ཁྲོད་ཆས་ཀུན་རྫོགས༔ སྦྱོར་ཡུམ་གནམ་ཞལ་དབྱིངས་ཕྱུག་མ༔ སྔོ་སྐྱ་རྩེ་གསུམ་ཐོད་འཛིན་འཁྲིལ༔ དར་དང་རུས་རྒྱན་གཟིག་ཤམ་འཕྱང་༔ གར་དགུའི་གཟི་བྱིན་མཆོག་ཏུ་འབར༔ ཨེ་ཝཾ་མཉམ་སྦྱར་མཁའ་གསང་ནས༔ བདེ་བའི་སྒྲ་དང་འོད་ཟེར་འཕྲོས༔ བདེ་གཤེགས་སྲས་དང་བཙུན་མོར་བཅས༔ སྤྱན་དྲངས་ཞལ་ཞུགས་ཐུགས་ཀར་ཞུ༔ ཡུམ་གྱི་པདྨོར་སོན་པ་ལས༔ ཧཱུྃ་ཆེན་འབར་བའི་སྤྲིན་ཕུང་འཕྲོས༔ ཚོམ་བུའི་དཀྱིལ་འཁོར་གསལ་བར་བསྐྱེད༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ གཙོ་མཆོག་དཀྱིལ་འཁོར་རྩིབས་བཞི་རུ༔ གསང་བའི་ཁྲོ་རྒྱལ་ཡབ་ཡུམ་དང་༔ ཁྲོ་བཅུ་ཏ་ཀྲྀཏ་སྒོ་བ་བཞི༔ ཕོ་ཉ་མང་པོ་ལས་ལ་འགྱེད༔ ཆེ་མཆོག་དཀྱིལ་འཁོར་ཡོངས་སུ་རྫོགས༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཧཱུྃ༔ ཤར་དཀྱིལ་འཁོར་ལོ་རྩིབས་བཞིའི་དབུས༔ དཔལ་ཆེན་བཛྲ་ཧེ་རུ་ཀ༔ མཐིང་ནག་རྡོ་རྗེ་དུང་ཁྲག་འཛིན༔ ཀྲོ་དྷཱི་ཤྭ་རཱི་མཐིང་སྐྱ་འཁྲིལ༔ ཁྲག་འཐུང་རིགས་བཞི་ཡབ་ཡུམ་དང་༔ གནས་ཡུལ་སྒོ་སྐྱོང་བཀའ་ཉན་བཅས༔ ཡང་དག་ཐུགས་ཀྱི་དཀྱིལ་འཁོར་རྫོགས༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཧཱུྃ༔ ལྷོ་དཀྱིལ་འཁོར་ལོ་རྩིབས་བཞིའི་དབུས༔ པད་ཟླ་ཉི་མ་མ་ཧེ་དང་༔ གཤིན་རྗེ་ཕོ་མོ་བསྣོལ་བའི་སྟེང་༔ ཟིལ་གནོན་ཁྲག་འཐུང་མཐིང་ནག་འབར༔ འཁོར་ལོ་བསྐོར་ཞིང་སྡིག་མཛུབ་བསྒྲེངས༔ སྦྱོར་ཡུམ་བཻ་ཏ་ནག་མོ་འཁྲིལ༔ གཤེད་ཆེན་བཞི་དང་འཆི་བདག་ཚོགས༔ མཐར་བྱེད་སྒོ་བ་བཀའ་ཉན་བཅས༔ འཇམ་དཔལ་སྐུ་ཡི་དཀྱིལ་འཁོར་རྫོགས༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ ཧཱུྃ༔ ནུབ་དཀྱིལ་འཁོར་ལོ་རྩིབས་བཞིའི་དབུས༔ པད་ཟླ་ཉི་མ་ཀླུ་བརྒྱད་སྟེང་༔ རྟ་མཆོག་པདྨ་ཧེ་རུ་ཀ༔ དམར་སྨུག་པདྨ་དྲིལ་བུ་འཛིན༔ དབུ་གཙུག་རྟ་གདོང་རྔམས་བཞི་འཚེར༔ གཟི་ལྡན་དམར་པོ་ཡུམ་དང་འཁྲིལ༔ གཡས་གཡོན་སྤྲུལ་པའི་ཕོ་ཉ་སྤྲོ༔ རྩིབས་བཞིར་དབང་ཆེན་རིགས་བཞི་དང་༔ ཟིལ་གནོན་སྒོ་སྐྱོང་ཕོ་ཉར་བཅས༔ པདྨ་གསུང་གི་དཀྱིལ་འཁོར་རྫོགས༔ ཨོཾ་པདྨཱནྟ་ཀྲི་ཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུྃ་ཕཊ༔ ཧཱུྃ༔ བྱང་དཀྱིལ་འཁོར་ལོ་རྩིབས་བཞིའི་དབུས༔ པད་ཟླ་ཉི་མ་ལྷ་ཆེན་སྟེང་༔ རྡོ་རྗེ་གཞོན་ནུ་མཐིང་ནག་འབར༔ ཕྱག་གཉིས་སྲིད་པ་ཕུར་བུ་འདྲིལ༔ འཁོར་ལོ་རྒྱས་འདེབས་མཐིང་སྐྱ་འཁྲིལ༔ རྩིབས་བཞིར་སྲས་མཆོག་རིགས་བཞི་དང་༔ ཁྲོ་བཅུ་ཡབ་ཡུམ་ཟ་གསོད་ཚོགས༔ སྒོ་སྐྱོང་བཀའ་ཉན་དང་བཅས་པའི༔ ཕུར་པ་ཕྲིན་ལས་དཀྱིལ་འཁོར་རྫོགས༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ ཧཱུྃ༔ ཤར་ལྷོ་འཁོར་ལོ་རྩིབས་བཞིའི་དབུས༔ པད་ཟླ་ཉི་མ་མ་མོའི་སྟེང་༔ མངོན་རྫོགས་ཁྲག་འཐུང་རྒྱལ་པོ་མཐིང་༔ རྡོ་རྗེ་གསོར་ཞིང་ཐུན་ཁྲག་འཕེན༔ ཉིད་ཞི་བདེ་མཆོག་ཡུམ་དང་འཁྲིལ༔ རྩིབས་བཞི་མདུན་གྱི་གཡོན་ཟུར་བཅས༔ རྟག་པའི་རྒྱལ་མོ་སྤུན་ལྔ་དང་༔ རྗེ་མོ་སྨན་མོ་སྒོ་སྐྱོང་སོགས༔ སྲིད་པ་མ་མོའི་དཀྱིལ་འཁོར་རྫོགས༔ ཨོཾ་གུ་ཧྱ་ཛྙཱ་ན་ཀྲོ་དྷ་ཀྲོ་དྷཱི་མ་མ་ཡོ་གི་ནཱི་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཧཱུྃ༔ ལྷོ་ནུབ་འཁོར་ལོ་རྩིབས་བཞིའི་དབུས༔ པདྨ་ཉི་ཟླ་རིན་ཆེན་ཁྲིར༔ རིག་འཛིན་རྡོ་རྗེ་ཆོས་རབ་དཀར༔ རྡོ་རྗེ་དྲིལ་འཛིན་ཞི་ཆགས་ཁྲོ༔ ཡུམ་ཆེན་རྡོ་རྗེ་རྣལ་འབྱོར་འཁྲིལ༔ རྩིབས་བཞིར་རིག་འཛིན་རྣམ་བཞི་དང་༔ གྲུབ་པའི་སློབ་དཔོན་རྣམ་པ་བརྒྱད༔ སྒོ་སྐྱོང་མཁའ་འགྲོའི་ཚོགས་བཅས་པ༔ བླ་མ་རིགས་འདུས་དཀྱིལ་འཁོར་རྫོགས༔ ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ༔ ཧཱུྃ༔ ནུབ་བྱང་འཁོར་ལོ་རྩིབས་བཞིའི་དབུས༔ པདྨ་ཟླ་ཉི་དྲེགས་པའི་སྟེང་༔ དབང་ཆེན་དྲེགས་འདུལ་ཧེ་རུ་ཀ༔ མཐིང་ནག་རྡོ་རྗེ་དུང་ཁྲག་གསོལ༔ སྲིད་པ་སྤྱི་འདུལ་ནག་མོ་འཁྲིལ༔ རྩིབས་བཞིར་དྲེགས་ཆེན་སྡེ་བཞི་དང་༔ གཞན་ཡང་དྲེགས་པ་སྒོ་སྐྱོང་བཅས༔ མ་རུངས་དྲེགས་ཚོགས་ཕོ་ཉར་འགྱེད༔ འཇིག་རྟེན་མཆོད་བསྟོད་དཀྱིལ་འཁོར་རྫོགས༔ ཨོཾ་བཛྲ་ཙཎྜ་སརྦ་དུཥྟན་ཧཱུྃ་ཕཊ༔ ཧཱུྃ༔ བྱང་ཤར་འཁོར་ལོ་རྩིབས་བཞིའི་དབུས༔ པདྨ་ཟླ་ཉི་དགྲ་བགེགས་སྟེང་༔ སྟོབས་ལྡན་ནག་པོ་ཆར་སྤྲིན་མདོག༔ རྡོ་རྗེ་གསོར་ཞིང་ཙིཏྟ་གསོལ༔ འབྱུང་ལྔའི་བདག་མོ་ཡུམ་དང་འཁྲིལ༔ རྩིབས་བཞིར་གཤེད་བདུད་སྲིན་གནོད་སྦྱིན༔ གཞན་ཡང་དྲེགས་ཆེན་སྒོ་སྐྱོང་དང་༔ གསོད་བྱེད་སྡེ་བརྒྱད་སྤྲིན་ཕུང་འཕྲོ༔ དམོན་པ་དྲག་སྔགས་དཀྱིལ་འཁོར་རྫོགས༔ ཨོཾ་བཛྲ་སརྦ་དུཥྟཱན་ཧཱུྃ་ཕཊ༔ ཧཱུྃ༔ དེ་ལྟར་གསལ་བའི་ཁྲག་འཐུང་གཙོ༔ དུར་ཁྲོད་དཔལ་ཆས་གར་དགུས་རོལ༔ འཁོར་རྣམས་དུར་ཁྲོད་རོལ་པའི་ཆས༔ རྣམ་འགྱུར་མ་ངེས་ཅིར་ཡང་སྟོན༔ རིག་འཛིན་དར་དང་རུས་པའི་རྒྱན༔ དྲེགས་ཆེན་རང་རང་ཆ་ལུགས་དང་༔ དྲག་སྔགས་འཇིགས་རུང་མི་བཟད་རྔམས༔ དཔལ་དགུའི་དཔུང་པ་གཡས་གཡོན་རྩེར༔ རྡོ་རྗེའི་བྱ་ཁྱུང་དཀར་ནག་ལྡིང་༔ བར་ཁྱམས་གནས་ཡུལ་ཕྲ་མེན་ཚོགས༔ ཕྱོགས་མཚམས་དཔལ་གྱི་བཀའ་སྡོད་དཔུང་༔ སྒོ་བཞིར་ཕྱི་ནང་སྒོ་སྐྱོང་དང་༔ ཕྱི་རོལ་དབང་ཕྱུག་མཁའ་འགྲོ་གིང་༔ ལངྐ་འབར་མ་ཕོ་ཉ་སོགས༔ ཉི་མ་དང་ནི་འོད་ཟེར་བཞིན༔ སྣང་སྲིད་གཞིར་བཞེངས་ཡོངས་རྫོགས་ལྷ༔ ཆུ་ཟླ་འཇའ་ཚོན་ལྟ་བུར་གསལ༔ ཨོཾ་ཤྲཱི་ཧེ་རུ་ཀ་སརྦ་མཎྜལ་ལ་ཧཱུྃ༔ ཧཱུྃ༔ དེ་ལྟར་གསལ་བའི་ལྷ་ཚོགས་ཀྱི༔ གནས་གསུམ་རྡོ་རྗེའི་འབྲུ་གསུམ་མཚན༔ དེ་བཞིན་གཤེགས་པ་ཐམས་ཅད་ཀྱི༔ སྐུ་གསུང་ཐུགས་སུ་བྱིན་བརླབས་བསམ༔ ཨོཾ་ཨཱཿཧཱུྃ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ༔ ཧཱུྃ༔ སླར་ཡང་མཁའ་ཁྱབ་དབང་གི་ལྷས༔ ཡེ་ཤེས་བདུད་རྩིས་དབང་བསྐུར་བས༔ སྒྲིབ་དག་ནུས་རྩལ་ཡོངས་སུ་རྫོགས༔ བདེ་གཤེགས་རིགས་ལྔས་དབུར་བརྒྱན་བསམ༔ ཧཱུྃ་ཨོཾ་ཏྲཱཾ་ཧྲཱིཿཨཱཿཨ་བྷི་ཥིཉྩ་མི༔ དེ་ནས་ཡེ་ཤེས་དྲང་བསྟིམ་སོགས༔ ལས་རིམ་རྒྱས་བསྡུས་གང་འཐད་བྱ༔ ཁྱད་པར་རིག་འཛིན་སྒྲུབ་པ་ནི༔ བསྐྱེད་པའི་རིམ་པའི་ཏིང་འཛིན་ལ༔ གསལ་བརྟན་དག་པའི་གཟེར་བཏབ་ནས༔ རྩེ་གཅིག་མཉམ་གཞག་སེམས་བརྟན་པས༔ གཡོ་ཐོབ་གོམས་བརྟན་མཐར་ཕྱིན་ནས༔ ཡིད་དང་དབང་པོ་ལུས་ཀྱི་ཡུལ༔ གསལ་བ་གསུམ་ལྡན་དྲོད་རྟགས་འབྱུང་༔ ཐ་མལ་སྣང་ཞེན་ལྷ་སྐུར་དག༔ རླུང་སེམས་ཟུང་འཇུག་སྐུར་ལྡང་བའི༔ རྣམ་སྨིན་ལ་སོགས་རིག་འཛིན་ཐོབ༔ སྐུ་ཡི་རྣལ་འབྱོར་གྲུབ་པའོ༔ ས་མ་ཡ༔ གཉིས་པ་གྱེར་བཟླས་སྒྲུབ་ཐབས་ལ༔ གྱེར་ཐབས་ཕྲིན་ལས་བཟླས་རིམ་གཉིས༔ དང་པོ་ཕྲིན་ལས་སྔོན་དངོས་རྗེས༔ སྔོན་འགྲོ་ཇི་སྐད་བཤད་པ་ཡི༔ མཚན་ཉིད་ཀུན་ཚང་སློབ་དཔོན་ལས༔ སྣོད་ལྡན་སློབ་མས་དབང་བསྐུར་ཞུ༔ དམ་ཚིག་དག་པས་བཞི་བཟུང་ནས༔ དབེན་ཞིང་ཡིད་འཐད་སྒྲུབ་གནས་སུ༔ རྒྱུད་དག་ཆོས་མཐུན་གྲོགས་བཅས་སམ༔ ཡང་ན་རང་ཉིད་གཅིག་པུ་ཡིས༔ མཁོ་བའི་ཡོ་བྱད་ཚོགས་པར་བྱ༔ སྤྲོ་ན་ས་ཡི་ཆོ་ག་དང་༔ ཕྱི་ནང་གསང་བའི་མཚམས་བཅད་སོགས༔ རྒྱུད་ལས་གསུངས་པ་བཞིན་དུ་བྱ༔ ལྷག་པའི་ལྷ་དང་བུམ་པ་རྣམས༔ སྟ་གོན་རིམ་པས་ལྷག་པར་གནས༔ བསྡུ་ན་མཚན་མའི་དཀྱིལ་འཁོར་ཆེར༔ བསྐྱེད་པ་བཞིན་དུ་འབྲི་བའམ༔ མཎྜལ་མེ་ཏོག་ཚོམ་བུ་དགུ༔ ཁྱད་པར་དཔལ་གྱི་ཕུར་བུ་དགོད༔ ཕྱི་ནང་གསང་བའི་མཆོད་ཚོགས་བཤམ༔ བདེ་བའི་སྟན་ལ་ལེགས་འདུག་སྟེ༔ དང་པོ་བཀའ་བསྒོ་མཚམས་སྲུང་ནི༔ ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས༔ བྱང་ཆུབ་སྒྲུབ་ལ་བར་ཆད་ཀུན༔ སོང་ཞིག་ལྷ་མིན་ལྷ་ཡང་རུང་༔ དཔལ་ཆེན་ཁྲག་འཐུང་བཀའ་ཐོས་ནས༔ ད་ལྟ་ཉིད་དུ་སོ་སོར་དེངས༔ གལ་ཏེ་མི་འགྲོ་འདུག་གྱུར་ན༔ ལུས་ངག་ཡིད་གསུམ་རྡུལ་དུ་རློག༔ དེ་བས་ད་ལྟ་ཕྱིར་དེངས་ཤིག༔ དྲག་སྔགས་དང་བཅས་ཐུན་གྱིས་བརྡེག༔ ཧཱུྃ༔ བདག་ཉིད་དཔལ་ཆེན་ཧེ་རུ་ཀའི༔ ཉི་ཟླ་འབར་བའི་སྡང་མིག་གིས༔ བགེགས་ཀྱི་ཚོགས་རྣམས་བསྲེགས་ཤིང་སྦྱངས༔ ཐུགས་ནས་ཁྲོ་མཚོན་མེ་ཕུང་འཕྲོས༔ མཚོན་ཆའི་འཁོར་ལོའི་རྩིབས་སྟེང་དུ༔ ཕྱོགས་སྐྱོང་གདན་ལ་ཁྲོ་ཚོགས་འབར༔ ཡེ་ཤེས་མེ་དཔུང་འཚུབས་ཤིང་འཁྱིལ༔ རྡོ་རྗེ་འཁོར་ལོ་རིན་པོ་ཆེ༔ པདྨ་རལ་གྲི་ཐོ་བ་དང་༔ ཕུར་པའི་མཚོན་ཆ་སྤྲིན་ལྟར་གཏིབས༔ ལྷ་སྔགས་ཡེ་ཤེས་རྒྱས་བཏབ་པས༔ ནམ་ཡང་འདའ་བའི་སྐབས་མེད་དོ༔ བཛྲ་ཙཀྲ་རཏྣ་པདྨ་ཁཌྒ་ཏཱིཀྵྞ་ཛྭ་ལ་རཾ་ཧཱུྃ་ཧཱུྃ་ཧཱུྃ་ཕཊ༔ བཛྲ་རཀྴ་རཀྴ་བྷྲཱུྃ༔ གཉིས་པ་སྐྱབས་སེམས་ཚོགས་བསག་ཕྱིར༔ མཁའ་ཁྱབ་ཚོགས་རྟེན་སྤྱན་དྲངས་མདུན༔ ཡན་ལག་བརྒྱད་ཀྱིས་རྒྱུད་སྦྱང་བྱ༔ རྡོ་རྗེ་སློབ་དཔོན་སངས་རྒྱས་དཔལ༔ དུས་གསུམ་བཞུགས་ལ་ཕྱག་འཚལ་ལོ༔ མཆོག་གསུམ་བསྟེན་པའི་ཞིང་གྱུར་ལ༔ གཉིས་མེད་ཡིད་ཀྱིས་སྐྱབས་སུ་མཆི༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ དག་པའི་མཆོད་པ་བཞེས་སུ་གསོལ༔ དངོས་གྲུབ་ཆུ་བོ་གཅོད་པའི་བགེགས༔ ཉེས་བྱས་མ་ལུས་བཤགས་པར་བགྱི༔ ཕྱོགས་བཅུ་འཁོར་གསུམ་དག་པའི་ཆོས༔ མ་ཆགས་སྤྱོད་ལ་རྗེས་ཡི་རང་༔ དག་པ་མཐའ་བཞིའི་དྲི་མ་མེད༔ རྫོགས་པའི་བྱང་ཆུབ་སེམས་བསྐྱེད་དོ༔ བདེ་གཤེགས་དབང་ཕྱུག་སེམས་ཅན་ལ༔ དགོས་པ་གསུམ་ཕྱིར་ལུས་འབུལ་ལོ༔ ཚེ་རབས་བགྲངས་པའི་དགེ་བ་རྣམས༔ བསྡུས་ཏེ་བྱང་ཆུབ་ཆེན་པོར་བསྔོ༔ གསུམ་པ་བརྡ་ཡི་སྒོ་དབྱེ་ཞིང་༔ གཉིས་སུ་མེད་པའི་ཕྱག་གིས་འདུད༔ ཧཱུྃ༔ གཉིས་འཛིན་རྟོག་པས་བཅད་པའི་བརྡ་ཡི་སྒཽ༔ རིག་པ་རང་གསལ་ཆེན་པོའི་ངང་དུ་དབྱེ༔ ལྷུན་རྫོགས་བྱང་ཆུབ་སེམས་ཀྱི་དཔལ་ཆེན་པོ༔ མངོན་སུམ་རིག་ངོར་མཇལ་བའི་ཕྱག་གིས་འདུད༔ བྷྲཱུྃ་ཛྙཱ་ན་མཎྜ་ལ་པྲ་ཝེ་ཤ་ཡ་ཕཊ༔ ཨ་ལ་ལ་ཧོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ བཞི་པ་རྒྱུད་དག་སྣོད་རུང་ཕྱིར༔ གདུང་བའི་ཤུགས་བསྐྱེད་ནོངས་པ་བཤགས༔ ཧོཿ དོན་དམ་དམིགས་མེད་སྤྲོས་དང་བྲལ་བ་ལ༔ ཉམས་དང་བཤགས་པར་བྱ་བ་མ་དམིགས་ཀྱང་༔ ཀུན་རྫོབ་འཁྲུལ་པའི་དབང་གིས་ལས་བསགས་པ༔ སྙིང་ནས་འགྱོད་པས་མཐོལ་བཤགས་བཟོད་པར་བཞེས༔ ཡི་གེ་བརྒྱ་པ་བརྗོད༔ ལྔ་པ་སྡོམ་པའི་དམ་བཅའ་བཟུང་༔ ཧོཿ བདག་གིས་མཁའ་ཁྱབ་འགྲོ་བ་ཀུན་དོན་ཏུ༔ སྤྱི་དང་ཁྱད་པར་ལྷག་པའི་དམ་ཚིག་གཟུང་༔ དཔལ་ཆེན་ལྷ་ཚོགས་རྩེ་གཅིག་སྒྲུབ་ལགས་ན༔ ཡེ་ཤེས་ཆེན་པོའི་བྱིན་གྱིས་བརླབས་ཏུ་གསོལ༔ སརྦ་མ་ཧཱ་ཡོ་ག་ས་མ་ཡ་བོ་དྷི་ཙིཏྟ་ཨུཏྤཱ་ད་ཡཱ་མི༔ དྲུག་པ་བདག་གནས་ཡོ་བྱད་ལ༔ ཡེ་ཤེས་གཟི་བྱིན་དབབ་པ་ནི༔ ཧཱུྃ༔ ཆོས་ཀྱི་དབྱིངས་ལས་རང་བྱུང་བའི༔ ཞི་ཁྲོ་རབ་འབྱམས་བཀའ་བརྒྱད་ལྷ༔ དཔའ་བོ་དྷཱ་ཀི་ཆོས་སྲུང་ཚོགས༔ ཐུགས་རྗེ་ཐུགས་དམ་དུས་ལ་བབ༔ སྒྲུབ་པ་པོ་ལ་བྱིན་ཆེན་ཕོབ༔ སྒྲུབ་གནས་འོག་མིན་ཞིང་དུ་སྒྱུར༔ སྒྲུབ་པའི་ཡོ་བྱད་དམ་ཚིག་རྫས༔ བདེ་བ་ཆེན་པོར་བྱིན་རློབས་ཤིག༔ ཨོཾ་ཨཱཿཧཱུྃ་བཛྲ་གུ་རུ་མ་ཧཱ་ཤྲཱི་ཧེ་རུ་ཀ་དྷེ་བ་དྷཱ་ཀི་ནཱི་སརྦ་ས་མ་ཡ་ཛྙཱ་ན་ཨཱ་བེ་ཤ་ཡ་ཨ་ཨཱཿ ཧྲཱིཾ་ཧྲཱིཾ་ཕཻཾ་ཕཻཾ༔ ཧཱུྃ་ཧཱུྃ་ཧཱུྃ༔ བདུན་པ་མཆོད་རྫས་བྱིན་བརླབ་ནི༔ རྃ་ཡྃ་ཁྃ༔ ཡེ་ཤེས་རང་རྩལ་མེ་རླུང་ཆུས༔ མཆོད་རྫས་དངོས་འཛིན་བསྲེགས་གཏོར་སྦྱངས༔ ཕྱི་ནང་གསང་བ་རྨད་བྱུང་བའི༔ འདོད་ཡོན་བདེ་ཆེན་རྒྱན་དུ་གྱུར༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བིདྱཱ་ཤབྡ་སརྦ་པཱུ་ཛ་ཨཱཿཧཱུྃ༔ ཨོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋ༔ ཨོཾ་མ་ཧཱ་བ་ལིཾ་ཏ་ཧཱུྃ་ཧྲཱིཿཋཱ༔ ཨོཾ་མ་ཧཱ་རཀྟ་ཧཱུྃ་ཧྲཱིཿཋཱ༔ བོ་དྷི་ཙིཏྟ་ག་ཎ་གུུ་ཧྱ་ས་མ་ཡ་ཨཱཿཧཱུྃ༔ དེ་ནི་སྔོན་འགྲོའི་ལས་རིམ་མོ༔ གཉིས་པ་དངོས་གཞིའི་དང་པོ་ལ༔ ཏིང་འཛིན་གསུམ་གྱིས་དཀྱིལ་འཁོར་བསྐྱེད༔ རྒྱས་གདབ་དབང་བསྐུར་སྔོན་འགྲོ་བས༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ༔ ཁམས་གསུམ་ལས་འདས་འོག་མིན་ཞིང་༔ འབར་བ་ཆེན་པོའི་ཕོ་བྲང་ནས༔ ཞི་ཁྲོ་རབ་འབྱམས་བཀའ་བརྒྱད་ལྷ༔ གདུག་པ་འདུལ་ཕྱིར་གནས་འདིར་གཤེགས༔ ཤྲཱི་ཧེ་རུ་ཀ་མཎྜ་ལ་ས་པ་རི་ཝཱ་ར་ཨེ་ཧྱེ་ཧི༔ བཛྲ་ས་མཱ་ཛ༔ གསུམ་པ་བཞུགས་སུ་གསོལ་བ་ནི༔ ཧཱུྃ༔ དབྱིངས་ནས་རང་ཤར་ཡེ་ཤེས་ལྷ༔ རིག་པ་རང་སྣང་དམ་ཚིག་པར༔ དབྱེར་མེད་བརྟན་པར་བཞུགས་ནས་ཀྱང་༔ མཆོག་ཐུན་དངོས་གྲུབ་བྱིན་དབང་སྩོལ༔ ས་མ་ཡ་ཛྙཱ་ན་ཛཿཧཱུཾ་བྃ་ཧོ༔ བཞི་པ་གུས་ཕྱག་འཚལ་བ་ནི༔ ཧཱུྃ༔ རྡོ་རྗེའི་སྐུ་གསུང་ཐུགས་དང་ལྡན༔ ཡོན་ཏན་ཕྲིན་ལས་བསམ་མི་ཁྱབ༔ ཁྲག་འཐུང་རབ་འབྱམས་དཀྱིལ་འཁོར་ལྷར༔ གུས་པའི་བརྡ་ཡིས་ཕྱག་འཚལ་ལོ༔ ཨ་ཏི་པཱུ་ཏོ༔ པྲ་ཏཱིཙྪ་ཧོ༔ ལྔ་པ་མཆོད་པའི་ལས་རིམ་ལ༔ ཐུན་མོང་ཕྱག་རྒྱ་གར་དང་ནི༔ ཡེ་ཤེས་སྒྲ་བརྙན་གླུ་ཡིས་མཆོད༔ ཨོཾ༔ ལྷར་སྣང་ཕྱག་རྒྱ་ཆེན་པོའི་ངང་༔ ཆོས་ཀྱི་ཕྱག་རྒྱའི་ཡི་གེར་བཅས༔ དམ་ཚིག་ཕྱག་རྒྱའི་དགྱེས་མཆོད་འབུལ༔ ལས་ཀྱི་དངོས་གྲུབ་སྩལ་དུ་གསོལ༔ ཤྲཱི་ཧེ་རུ་ཀ་སརྦ་མ་ཧཱ་མུ་དྲ་པཱུ་ཛ་ཧོ༔ ཧཱུྃ༔ ཡེ་ཤེས་སྙིང་པོའི་སྲོག་ལྡན་པས༔ འགྲོ་འོང་རླུང་གི་རྒྱུད་དང་སྦྱར༔ སྒྲ་བརྙན་རོལ་མོ་མཚུངས་མེད་པས༔ བདེ་ཆེན་ལོངས་སྤྱོད་མཆོག་ཏུ་རོལ༔ མ་ཧཱ་ཛྙཱ་ན་ཏེ་ན་ཧཱུྃ༔ ཏེ་ན་ཏེ་ཏེ་ཧཱུྃ༔ ཉེར་སྤྱོད་ཕྱི་ཡི་མཆོད་པར་སྤྲོ༔ ཨོཾ༔ མཆོད་པ་ཆེན་པོ་ཆགས་པ་ཆེ༔ མེ་ཏོག་བདུག་པ་མར་མེ་དྲི༔ ཞལ་ཟས་རོལ་མོའི་སྤྲིན་ཕུང་གིས༔ དགྱེས་བསྐྱེད་དངོས་གྲུབ་མཆོག་སྩོལ་མཛོད༔ ཨོཾ་པ་ན་པེཾ༔ པེཾ་ནུ་སུ་ར་ཏཱ༔ ཏི་པུ་པ་ར་མུ༔ སརྦ་ཏ་ཐཱ་ག་ཏ་སིདྡྷི་ཧུ༔ ས་མ་ཡོ་ཏ་མུ༔ སརྦ་མ་ཧཱ་སུ་ཁ་སིདྡྷི་ཧུ༔ ཨོཾ་ཤྲཱི་བཛྲ་རཱ་ག་དྷཱུ་པེ་དྷཱུ༔ པུཥྤེ་པུ༔ ཨཱ་ལོ་ཀེ་ཧྲཱི༔ གནྡྷེ་གན༔ ནཻ་བིདྱཱ་ཨཱ༔ ཤབྡ་ཧོཿ ནང་ལྟར་བདུད་རྩིས་མཆོད་པ་ནི༔ ཧཱུྃ༔ རང་བྱུང་གདོད་ནས་རྣམ་དག་པ༔ ཤ་ལྔ་བདུད་རྩི་ཡེ་ཤེས་ལྔ༔ དག་མཉམ་རྟོགས་པའི་ཕུད་མཆོད་ཀྱིས༔ དཔལ་ཆེན་ལྷ་ཚོགས་མཉེས་གྱུར་ཅིག༔ སརྦ་པཉྩ་ཨམྲྀ་ཏ་ཁ་རྃ་ཁཱ་ཧི༔ དགོངས་པ་བརྡ་དང་སྙན་ནས་བརྒྱུད་པ་ཡི༔ བྱིན་རླབས་སྤྲིན་ཕུང་ཡེ་ཤེས་ཆར་ཆེན་འབེབས༔ རིག་འཛིན་རྩལ་འཆང་རྩ་བརྒྱུད་བླ་མ་ལ༔ སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ༔ མ་ཧཱ་པཉྩ་ཨ་མྲྀ་ཏ་ཁ་རྃ་ཁཱ་ཧིཿ ཡེ་ཤེས་ཀློང་དགུའི་རང་གཟུགས་དཔལ་ཆེན་པོ༔ བདེ་གཤེགས་ཞི་ཁྲོ་རབ་འབྱམས་འདུས་པའི་ལྷ༔ དངོས་གྲུབ་མཆོག་སྩོལ་བསམ་ཡས་དཀྱིལ་འཁོར་ལ༔ སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ༔ མ་ཧཱ་པཉྩ་ཨམྲྀ་ཏ་ཁ་རཾ་ཁཱ་ཧི༔ དཔལ་གྱི་བཀའ་སྡོད་ཕྲིན་ལས་གློག་ལྟར་འཁྱུགས༔ མ་སྲིང་མཁའ་འགྲོ་དམ་ཅན་རྒྱ་མཚོ་དང་༔ སྣང་སྲིད་གཞིར་བཞེངས་རྡོ་རྗེའི་མཎྜ་ལར༔ སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ༔ མ་ཧཱ་པཉྩ་ཨ་མྲྀ་ཏ་ཁ་རྃ་ཁཱ་ཧི༔ ཨོཾ་ཨཱཿཧཱུྃ༔ དམ་ཚིག་རྫས་ཀྱི་བདུད་རྩི་ལས༔ ཡེ་ཤེས་སྙིང་པོའི་དངོས་གྲུབ་དབྱིག༔ མཐེབ་སྲིན་ཉི་ཟླའི་གྭའུ་ཡིས༔ རྡོ་རྗེ་ལྕེ་ལ་བཞག་ཅིང་མྱང་༔ ཀཱ་ཡ་ཝཱ་ཀ་ཙིཏྟ་ཨ་མྲྀ་ཏ་སིདྡྷི་ཕ་ལ་ཧོ༔ རྗེས་འབྲེལ་ལོངས་སྤྱོད་གཏོར་མས་མཆོད༔ ཧཱུྃ༔ སྣོད་ཀྱི་འཇིག་རྟེན་གཏོར་གཞོང་དུ༔ བཅུད་ཀྱི་འགྲོ་ཀུན་གཏོར་མར་སྦྱར༔ ལོངས་སྤྱོད་རྣམ་པ་ཐམས་ཅད་པས༔ དཔལ་ཆེན་དཀྱིལ་འཁོར་མཉེས་གྱུར་ཅིག༔ མ་ཧཱ་བ་ལིཾ་ཏ་ཁཱ་ཧི༔ དམར་ཆེན་རཀྟས་གཟི་བྱིན་བསྐྱེད༔ ཧཱུྃ༔ མཁའ་དབྱིངས་རཀྟ་བདེ་བའི་རྒྱུན༔ ཁམས་གསུམ་བསྒྲལ་བའི་ཁྲག་དང་སྦྱར༔ གཟི་བྱིན་ཆེན་པོའི་མཆོད་པ་འདིས༔ དཔལ་ཆེན་དཀྱིལ་འཁོར་དགྱེས་པ་བསྐྱེད༔ མ་ཧཱ་རཀྟ་ཁཱ་ཧི༔ གསང་བ་བྱང་སེམས་ཛ་གད་འབུལ༔ ཧཱུྃ༔ ཨེ་ཝཾ་མཉམ་པར་སྦྱོར་བ་ལས༔ རྡོ་རྗེ་སེམས་དཔའི་བདེ་ཆེན་དྲངས༔ ཛ་གད་དཔའ་བོའི་མཆོད་པ་འདིས༔ དཔལ་ཆེན་ལྷ་ཚོགས་མཉེས་གྱུར་ཅིག༔ བོ་དྷི་ཙིཏྟ་ཛ་གད་པཱུ་ཛ་ཧོཿ རྨད་བྱུང་སྦྱོར་སྒྲོལ་ཟུང་འཇུག་མཆོད༔ ཧཱུྃ༔ ཐབས་ཤེས་སྙོམས་འཇུག་སྦྱོར་བ་ཡིས༔ གཟུང་འཛིན་རུ་དྲ་དབྱིངས་སུ་བསྒྲལ༔ གཉིས་མེད་བློ་འདས་རྫོགས་པ་ཆེ༔ མཆོག་གི་དམ་ཚིག་ཆེན་པོར་བཞེས༔ སྟ་ན་ག་ཎ་མ་ཧཱ་ཛྙཱ་ན་པཱུ་ཛ་ཧོ༔ དྲུག་པ་ཆེ་བའི་ཡོན་ཏན་བསྟོད༔ ཧཱུྃ༔ སྒེག་དཔའ་འཇིགས་རུང་རྡོ་རྗེའི་སྐུ༔ དགོད་གཤེ་དྲག་ཤུལ་སྔགས་ཀྱི་གསུང་༔ སྙིང་རྗེ་རྔམ་ཞིའི་ཡེ་ཤེས་ཐུགས༔ དཔལ་ཆེན་ཧེ་རུ་ཀ་ལ་བསྟོད༔ ཤིན་ཏུ་ཞི་བ་རྡོ་རྗེའི་དབྱིངས༔ ཡེ་ཤེས་རང་སྣང་ཁྲག་འཐུང་ལྷ༔ གང་འདུལ་ཐབས་ཀྱིས་གཙོ་དང་འཁོར༔ སྤྲུལ་པར་སྟོན་ལ་ཕྱག་འཚལ་བསྟོད༔ མཐུ་རྩལ་རང་བྱུང་ག་རུ་ཌ༔ དཔལ་གྱི་བཀའ་སྡོད་སྲུང་མའི་ཚོགས༔ མ་སྲིང་དབང་ཕྱུག་གིང་ལངྐ༔ ཕོ་ཉར་བཅས་ལ་ཕྱག་འཚལ་བསྟོད༔ བདུན་པ་བསྙེན་སྒྲུབ་ལས་གསུམ་གྱི༔ དགོངས་པ་གསལ་བཏབ་བཟླས་བརྗོད་བྱ༔ དེ་ནི་དངོས་གཞིའི་ལས་རིམ་མོ༔ གསུམ་པ་རྗེས་ཀྱི་ལས་རིམ་ལ༔ དང་པོ་ཐུན་མཚམས་དམ་ཚིག་རྫས༔ ཚོགས་དང་གཏོར་མས་མཆོད་པ་ནི༔ ཤ་ཆང་གཙོ་གྱུར་དམ་རྫས་རྣམས༔ ལེགས་བཤམས་བདུད་རྩི་བསང་ཞིང་སྦྱང་༔ འདོད་འབྱུང་བདུད་རྩིའི་སྤྲིན་དུ་སྤེལ༔ རྃ་ཡྃ་ཁྃ༔ རྡོ་རྗེ་ལྟ་བུའི་ཏིང་འཛིན་རྩལ༔ མེ་རླུང་ཆུ་ཡིས་བསྲེགས་གཏོར་བཀྲུས༔ རང་བྱུང་བྷནྡྷར་དམ་རྫས་བཅུད༔ མཁའ་ཁྱབ་འདོད་ཡོན་རོལ་པར་སྤཻལ༔ ཨོཾ་ཨཱཿཧཱུྃ་ཧ་ཧོ་ཧྲཱི༔ ཚོགས་ཞིང་གདུང་བས་སྤྱན་དྲང་བྱ༔ ཧཱུྃ༔ འོག་མིན་གནས་དང་ཉེར་བཞིའི་ཡུལ༔ དུར་ཁྲོད་རོལ་པའི་ཞིང་ཀུན་ནས༔ རྩ་གསུམ་ཞི་ཁྲོ་རབ་འབྱམས་ལྷ༔ འདོད་ཡོན་ཚོགས་ལ་སྤྱན་འདྲེན་གཤེགས༔ ཤྲཱི་ཧེ་རུ་ཀ་སརྦ་མཎྜ་ལ་ཨེ་ཨཱའ་རལླི་ཧྲཱིཾ་ཧྲཱིཾ་ཕཻཾ་ཕཻཾ༔ མདུན་བསྐྱེད་རྟེན་དང་དབྱེར་མེད་བསམ༔ མེ་ཏོག་སྒེག་སོགས་་་་པ་ན་པེཾ་སོགས་གླུ་ལྔ་དང་༔ དྷུ་པེ་སོགས་བཞི་དང་༔ ལ་སྱཱ་སོགས་བཞི༔ ཕྱག་རྒྱས་མཆོད༔ ཚོགས་ཕུད་རིམ་པ་གསུམ་དུ་སྤྲོས༔ ཧཱུྃ༔ ཁྲག་འཐུང་དགྱེས་པའི་དམ་ཚིག་མཆོག༔ ཡེ་ཤེས་བདུད་རྩིའི་ཚོགས་ཀྱི་བཅུད༔ འདོད་ཡོན་རྒྱ་མཚོའི་ཆར་འབེབས་པ༔ མཆོད་པའི་ཕྱག་རྒྱ་ཆེན་པོར་བཞེས༔ མ་ཧཱ་ག་ཎ་ཙཀྲ་པཱུ་ཛ་ས་མ་ཡ་ཧོཿ བར་པས་དམ་ཚིག་ཉམས་ཆགས་བསྐང་༔ ཧོ༔ བདག་ཅག་མ་རིག་གཞན་དབང་གིས༔ སྤྱི་དང་ཁྱད་པར་ལྷག་པ་ཡི༔ དམ་ཚིག་ཉམས་ཆགས་ཉེས་ལྟུང་ཀུན༔ ཚོགས་ཀྱི་མཆོད་པས་བསྐང་ཞིང་བཤགས༔ ཧེ་རུ་ཀའི་ཡི་གེ་བརྒྱ་པ་བརྗོད༔ ཐ་མ་མངོན་སྤྱོད་བསྒྲལ་བསྟབ་ནི༔ ཚོགས་དང་རཱུ་པ་འབེམ་དུ་བཅས༔ ཨེ་ཡི་ཚོགས་ཀྱི་དཀྱིལ་འཁོར་ནི༔ ཐར་མེད་སྲིད་པའི་བྲུབ་ཁུང་ནང་༔ ནྲྀ་དང་ཏྲི་ལས་དགྲ་བགེགས་ཀུན༔ སྐྱབས་བྲལ་ཉམ་ཐག་ཚུལ་དུ་བསམ༔ ཧཱུྃ༔ ཆོས་ཀྱི་དབྱིངས་ལས་རང་བྱུང་ལྷ༔ བདེ་གཤེགས་ཞི་ཁྲོ་འབར་བའི་ཚོགས༔ དྲག་པོའི་ཕྲིན་ལས་དུས་ལ་བབ༔ མངོན་སྤྱོད་དམོད་པའི་ལས་ལ་བཞེངས༔ འགུགས་བྱེད་ཆེན་མོ་ལྕགས་ཀྱུ་མས༔ དགྲ་བགེགས་རྣམས་ཤེས་གཟུགས་ལ་སྟིམས༔ འཆིང་བྱེད་ཆེན་མོ་ཞགས་པ་མས༔ དགྲ་བགེགས་རྣམ་ཤེས་རྟེན་ལ་ཆིངས༔ སྡོམ་བྱེད་ཆེན་མོ་ལྕགས་སྒྲོག་མས༔ དགྲ་བགེགས་ལུས་སེམས་དབྱེར་མེད་སྡོམས༔ མྱོས་བྱེད་ཆེན་མོ་དྲིལ་བུ་མས༔ དགྲ་བགེགས་དབང་པོ་མྱོས་སུ་ཆུག༔ སརྦ་ནྲྀ་ཏྲི་ཤ་ཏྲཱུན་བིགྷྣཱན་བཛྲ་ཨངྐུ་ཤ་ཛཿ བཛྲ་པཱ་ཤ་ཧཱུྃ༔ བཛྲ་སྥོ་ཊ་བྃ༔ བཛྲ་གཎྜེ་ཧོ༔ ཧཱུྃ༔ བདག་ཉིད་དཔལ་ཆེན་ཧེ་རུ་ཀ༔ ཕུར་པ་སྲས་མཆོག་ཀཱི་ལ་ཡ༔ ཁམས་གསུམ་སྒྲལ་བ་མཐུ་ལྡན་པ༔ དགྲ་བགེགས་སྙིང་གི་དཀྱིལ་དུ་བཏབ༔ ཚེ་བསོད་དྭངས་བཅུད་རང་ལ་ཐིམ༔ གནས་ངན་དྲི་མ་ཁྲུས་ཀྱིས་སྦྱངས༔ རྣམ་ཤེས་རྒྱལ་བའི་སྲས་སུ་བསྐྱེད༔ གཟུགས་ཕུང་ཐལ་བའི་རྡུལ་དུ་རློག༔ དྲག་སྔགས་མཐར༔ སརྦ་ནྲྀ་ཏྲཱི་ཤ་ཏྲཱུན་བིགྷྣཱན་ཨཱ་ཡུར་བིནྡུ་ཛཿབྷྲཱུྃ༔ ཨ་སུ་ནྲྀ་ཏྲི་པྲཻ་དུ་བི་ཤོ་དྷ་ཡ་ཧཱུྃ༔ ཨ་ཡྃ་སྥ་ར་ཎ་ཕཊ༔ སརྦ་དུཥྟཱན་བྷིནྡྷ་བྷིནྡྷ་ཧ་ན་ཧ་ན་ད་ཧ་ད་ཧ་པ་ཙ་པ་ཙ་མཱ་ར་ཡ་ཕཊ༔ ཧཱུྃ༔ དགྲ་བགེགས་བསྒྲལ་བའི་ཤ་ཁྲག་རུས༔ དུག་གསུམ་ཚོགས་མཆོད་བླ་ན་མེད༔ དཔལ་ཆེན་འཁོར་བཅས་དགྱེས་པར་བཞེས༔ མངོན་སྤྱོད་ཕྲིན་ལས་ཡོངས་རྫོགས་མཛོད༔ སརྦ་ཤ་ཏྲཱུན་བིགྷྣཱན་མཱྃ་ས་རཀྟ་ཀིཾ་ནི་རི་ཏི་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ སྤྲོ་ན་སྐོང་བ་ཅི་རིགས་བྱ༔ བར་པ་རྣལ་འབྱོར་ཚོགས་སུ་རོལ༔ ལུས་ཀྱི་དཀྱིལ་འཁོར་དགྱེས་པར་བསམ༔ ཐ་མ་ཕུད་ལྷག་གཏོར་མ་བཏང་༔ ཧཱུྃ༔ ཕུད་ཀྱིས་ལྷ་ཚོགས་དགྱེས་པ་བསྐང་༔ བར་དུ་རྣལ་འབྱོར་ཚོགས་ལ་རོལ༔ ཐ་མ་ལྷག་ལ་དབང་བའི་ཚོགས༔ འདིར་གཤེགས་དཔལ་གྱི་ཕམ་ཕབས་བཞེས༔ ཨོཾ་ཨཱཿཧཱུྃ་ཧོཿ མ་མ་དྷཱ་ཀ་དྷཱ་ཀི་ནཱི་ཨེ་ཨཱ་རལླི་ཧྲཱིཾ་ཧྲཱིཾ་ཛཿ ཧཱུྃ༔ དཔལ་གྱི་བཀའ་ཉན་ལྷག་སྡུད་ནི༔ དབང་ཕྱུག་གིང་ལང་མ་སྲིང་བྲན༔ ཕོ་ཉ་འབུམ་ཕྲག་ཡངས་པའི་ཚོགས༔ ཁྲག་འཐུང་ཆེན་པོའི་བཀའ་ཕབས་རོལ༔ རྡོ་རྗེའི་ཡལ་གམ་བཅས་པ་ལྟར༔ རྣལ་འབྱོར་འཁོར་སྲུང་རྐྱེན་རྣམས་ཟློག༔ ཚེ་སྲིང་དཔལ་སྐྱེད་འབྱོར་པ་སྤེལ༔ བཅོལ་བའི་ལས་ཀུན་མྱུར་དུ་སྒྲུབ༔ ཨོཾ་ཨུཥྩིཥྟ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ རྗེས་འབྲེལ་གཏོར་མ་བསྐྱང་བ་ནི༔ ཡེ་ཤེས་དཔལ་གྱི་ཐུགས་དམ་བསྐུལ༔ ཧཱུྃ༔ དཔལ་ཆེན་ཚོམ་བུ་དགུ་ཡི་ལྷ༔ ཆོས་སྐུ་ཞི་ལས་མ་གཡོས་ཀྱང་༔ གཟུགས་སྐུ་འཇིགས་པའི་ཕྱག་རྒྱར་བཞེངས༔ དགྲ་བགེགས་ཤ་ཁྲག་གཏོར་མ་བཞེས༔ བདག་ཅག་རྣལ་འབྱོར་འཁོར་བཅས་ཀྱི༔ མི་མཐུན་རྡོ་རྗེའི་གོ་ཆས་སྲུངས༔ ཚེ་དཔལ་ཡེ་ཤེས་བྱིན་གྱིས་བསྐྱེད༔ འགལ་རྐྱེན་དམོད་པའི་སྟོབས་ཀྱིས་ཟློག༔ གདུག་ཅིང་གཏུམ་པ་དབྱིངས་སུ་སྒྲོལ༔ ལས་ཀྱི་འབྲས་བུ་མཆིས་པར་མཛོད༔ འཇིག་རྟེན་རྒྱུད་གསུམ་ཐ་ཚིག་བསྒྲག༔ ཧཱུྃ༔ སྔོན་ཚེ་བདེ་གཤེགས་ཞི་ཁྲོ་རབ་འབྱམས་དང་༔ བར་དུ་གྲུབ་མཆོག་རིག་འཛིན་འདུས་པའི་སྡེ༔ ཐ་མར་རྩ་བརྒྱུད་བླ་མས་བཀའ་བསྒོས་ལྟར༔ ཕོ་མོ་མ་ནིང་སྣང་སྲིད་དྲེགས་པའི་ཚོགས༔ ཐ་ཚིག་རྒྱུད་བསྐུལ་ཤ་ཁྲག་གཏོར་མ་ལོང་༔ སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད༔ སྡང་བའི་དགྲ་ཐུལ་གནོད་པའི་བགེགས་དཔུང་ཆོམས༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ བཤལ་ཆུས་བོད་སྐྱོང་བརྟན་མ་མཆོད༔ ཧཱུྃ་བྷྱོ༔ ཁྲག་འཐུང་དེ་བཞིན་ནམ་མཁའི་སྐུའི༔ བཀའ་ཡི་ཚོགས་དང་དམ་ཚིག་བདག༔ བོད་སྐྱོང་བརྟན་མ་འཁོར་བཅས་རྣམས༔ འདིར་གཤེགས་དམ་བསྐང་ཕྲིན་ལས་མཛོད༔ གནག་ཅིང་གདུག་པའི་བདུད་མོ་བཞི༔ དམར་གསལ་རྗེས་ཆགས་གནོད་སྦྱིན་བཞི༔ དཀར་ཤམ་ཞི་བའི་སྨན་མོ་བཞི༔ སྐྱོང་མ་ཡ་མའི་ཚོགས་བཅས་རྣམས༔ སྔོན་ཚེ་པདྨ་ཐོད་ཕྲེང་དང་༔ རླངས་ཆེན་དཔལ་གྱི་སེང་གེ་ཡིས༔ ཨ་སུ་ར་ཡི་བྲག་ཕུག་ཏུ༔ ཚོགས་ཀྱི་གྲལ་དུ་བཀོད་པའི་ཚེ༔ ཐ་ཚིག་ཞལ་བཞེས་རྗེས་དགོངས་ལ༔ བཤལ་ཆུའི་བདུད་རྩི་དགྱེས་པར་རོལ༔ བོད་ཁམས་རུ་བཞིའི་སོ་ཁ་སྲུངས༔ མཐའ་དམག་གདུག་ཅན་རྒྱུ་འགྲུལ་ཆོད༔ སངས་རྒྱས་བསྟན་པ་དར་བ་དང་༔ གངས་ཅན་བདེ་བའི་ཕྲིན་ལས་མཛོད༔ མ་མ་དྷཱ་ཀི་ནཱི་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ མི་མཐུན་ལྡང་མེད་ཕྱག་རྒྱས་མནན༔ ཧཱུྃ༔ ཁམས་གསུམ་ཨེ་ཡི་འབྲུབ་ཁུང་དུ༔ གདུག་པའི་དགྲ་བགེགས་བཀུག་ཅིང་བསྟིམ༔ རྡོ་རྗེ་ལྷུན་པོའི་ཕྱག་རྒྱས་མནན༔ ཡེ་ཤེས་གར་གྱིས་རྒྱས་བཏབ་པས༔ བྱང་ཆུབ་སྒྲུབ་ལ་བར་གཅོད་ཀུན༔ ནམ་ཡང་ལྡང་བའི་སྐབས་མེད་དོ༔ ཨེ་ནྲྀ་ཏྲི་ལྃ་སྟྭཾ་བྷ་ཡ་ཧཱུྃ་ཧཱུྃ་ཧཱུྃ༔ གཉིས་པ་དངོས་གྲུབ་གསོལ་བ་ནི༔ མཆོད་ཅིང་བསྟོད་པ་སྔོན་འགྲོ་བས༔ སྒྲུབ་རྟེན་བཏེག་ཅིང་གནས་གསུམ་རེག༔ ཨོཾ་ཨཱཿཧཱུྃ༔ བདེ་གཤེགས་ཞི་ཁྲོ་རབ་འབྱམས་ཐུགས་རྗེའི་གཏེར༔ བསྙེན་སྒྲུབ་རྡོ་རྗེའི་དམ་ཚིག་ཐེམས་ལགས་ན༔ སྐུ་གསུང་ཐུགས་ཡོན་ཕྲིན་ལས་དཀྱིལ་འཁོར་ནས༔ མཆོག་དང་ཐུན་མོང་དངོས་གྲུབ་བྱིན་དབང་སྩོལ༔ ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སརྦ་སིདྡྷི་ཕ་ལ་ཧོ༔ དངོས་གྲུབ་རྫས་ལ་རོལ་བར་བྱ༔ གསུམ་པ་ནོངས་ཚོགས་བཟོད་གསོལ་ནི༔ ཧོ༔ རྡོ་རྗེ་གསང་བའི་དཀྱིལ་འཁོར་དུ༔ སྒྲུབ་རྫས་མ་ཚང་ཏིང་འཛིན་གཡེལ༔ ཆོ་ག་ལྷག་ཆད་འགལ་འཁྲུལ་ཀུན༔ བཟོད་བཞེས་ཚངས་པའི་དངོས་གྲུབ་སྩོལ༔ ཡི་གེ་བརྒྱ་པ་བརྗོད༔ བཞི་པ་རྟག་མཐའ་སྦྱང་བ་ནི༔ ཨ༔ རིག་རྩལ་རོལ་པའི་དཀྱིལ་འཁོར་དང་༔ དག་པའི་སྣོད་བཅུད་དབྱིངས་སུ་ཐིམ༔ དམིགས་བསམ་བརྗོད་པ་བྲལ་བའི་ངང་༔ མཁའ་ཁྱབ་འོད་གསལ་ངང་དུ་བཞག༔ ཧཱུྃ་ཧཱུྃ་ཧཱུྃ༔ ལྔ་པ་ཆད་མཐའ་བསལ་བ་ནི༔ སླར་ཡང་ཆུ་ལ་རླབས་བཞིན་དུ༔ སྒོ་གསུམ་དཔལ་ཆེན་སྐུ་གསུང་ཐུགས༔ མི་ཤིགས་རྡོ་རྗེའི་གོ་དང་ལྡན༔ སྣང་སྲིད་གཞིར་བཞེངས་ཆེན་པོར་སྤྱོད༔ ཕཊ་ཕཊ་ཕཊ༔ དྲུག་པ་བསྔོ་སྨོན་རྒྱས་འདེབས་ནི༔ ཧོ༔ དགེ་བ་འདི་དང་དགེ་བ་གཞན༔ མ་ལུས་འགྲོ་བའི་དོན་དུ་བསྔོ༔ ཀུན་ཀྱང་དཔལ་ཆེན་ཧེ་རུ་ཀའི༔ ཐུགས་ཀྱི་ཐིག་ལེར་རོ་གཅིག་ཤོག༔ བདུན་པ་ཤིས་པར་གསོལ་བ་ནི༔ མི་གནས་ཡེ་ཤེས་ཀུན་བཟང་ཧེ་རུ་ཀ༔ གང་འདུལ་རིགས་ཀྱི་ཚོམ་བུའི་སྐུར་སྟོན་པ༔ ཞི་ཁྲོ་རབ་འབྱམས་བདེན་པའི་བྱིན་རླབས་ཀྱིས༔ རྟག་ཏུ་དཔལ་གནས་བཀྲ་ཤིས་བདེ་ལེགས་ཤོག༔ ཐུན་མཚམས་ལྷ་སྔགས་ཆོས་སྐུའི་ངང་༔ ཟག་བཅས་ཟག་མེད་དགེ་ཚོགས་སྤེལ༔ དེ་ལྟར་ཐུན་བཞིར་བརྩོན་པ་ནི༔ སྒྲུབ་པ་རྩ་བའི་ཕྲིན་ལས་ཏེ༔ གཞན་ཡང་ཚེ་དང་སྐོང་དང་བམ༔ བདུད་རྩི་མཆོག་དང་མདོས་གཏོར་སོགས༔ རྒྱུད་དང་མན་ངག་ཇི་བཞིན་དུ༔ རྣལ་འབྱོར་ལྡན་པས་བསྒྲུབ་བྱ་སྟེ༔ དེ་ཡང་སྒྲུབ་པ་ཆེན་པོ་དང་༔ འབྲེལ་ན་མཆོག་ཏུ་འགྱུར་བ་སྟེ༔ ཕྲིན་ལས་རིམ་པ་མདོ་ཙམ་ནི༔ རྒྱུད་ལས་ཇི་ལྟར་འབྱུང་བ་བཞིན༔ བསྙེན་རྫོགས་རྟོགས་ལྡན་སྟོན་པ་དང་༔ དད་བརྩོན་བརྟུལ་ཞུགས་ལྡན་པའི་འཁོར༔ གནས་དུས་ཡོ་བྱད་ཕུན་ཚོགས་པས༔ ས་བཞི་ལས་སུ་རུང་བ་ན༔ ཕྱི་ནང་གསང་བའི་མཚམས་བཅད་ཅིང་༔ བདག་ཉིད་ཧེ་རུ་ཀར་གསལ་བའི༔ ཐུགས་ནས་འཕྲོས་པའི་འོད་ཟེར་གྱིས༔ ཞི་ཁྲོ་བཀའ་བརྒྱད་དཀྱིལ་འཁོར་ལྷ༔ མདུན་གྱི་ནམ་མཁར་སྤྱན་དྲངས་བསམ༔ ཨོཾ༔ ཞི་ཁྲོ་རབ་འབྱམས་ལྷ་ཚོགས་རྣམས༔ སྔོན་གྱི་ཐུགས་དམ་རྗེས་དགོངས་ལ༔ དཀྱིལ་འཁོར་དགྱེས་པ་བསྐྱེད་པ་དང་༔ སློབ་མ་རྣམས་ལ་སྙིང་བརྩེ་བས༔ གནས་འདིར་དཔལ་ཆེན་ཧེ་རུ་ཀའི༔ ཕོ་བྲང་ཆེན་པོ་འདེབས་འཚལ་ན༔ ཐུགས་རྗེས་དགོངས་ཏེ་གནང་བ་དང་༔ སྣོད་བཅུད་བྱིན་གྱིས་བརླབ་མཛད་གསོལ༔ ལན་གསུམ་གསོལ་བཏབ་རབ་དགྱེས་པས༔ རྡོ་རྗེ་སློབ་དཔོན་སྙིང་རྗེ་ཆེ༔ ཁྱོད་ཀྱིས་རང་གཞན་ཕན་གདགས་ཕྱིར༔ སྒྲུབ་པའི་ཆོ་ག་ཚུལ་བཞིན་གྱིས༔ བདེ་གཤེགས་རྒྱལ་བས་བྱིན་རློབ་འགྱུར༔ གནང་བ་སྩལ་ནས་འོད་དུ་ཞུ༔ བདག་དང་གནས་ལ་ཐིམ་པ་ཡིས༔ ཐ་མལ་སྣང་ཞེན་རབ་སྦྱངས་ཏེ༔ ཡེ་ཤེས་ཆེན་པོས་བྱིན་རླབས་བསམ༔ དེ་ནས་སྟེགས་བུར་ཆག་ཆག་གདབ༔ ཐིག་དང་ཚོན་གྱིས་དཀྱིལ་འཁོར་བྲི༔ ཡང་ན་ཚོམ་བུས་མཚོན་པ་ཡི༔ དམིགས་རྟེན་ཕྱག་རྒྱ་ཅི་རིགས་དགྲམ༔ བུམ་པ་བསྒྲུབ་ཅིང་སློབ་མ་རྣམས༔ དབང་བསྐུར་ཕྱིར་དུ་ལྷག་པར་གནས༔ སྒྲུབ་པ་པོ་རྣམས་གྲལ་ལ་དགོད༔ མངའ་གསོལ་རྟགས་ཀྱི་ཕྱག་རྒྱས་གདབ༔ ཁྱད་པར་བསྒྲུབ་བྱའི་རྟེན་རྫས་ནི༔ གཙོ་མཆོག་ཐོད་པའི་ཕྱག་རྒྱ་སྐུ༔ ལེབ་རྒན་དམར་པོའི་སྔགས་བྱང་གསུང་༔ འབར་བའི་གནམ་ལྕགས་རྡོ་རྗེ་ཐུགས༔ གསང་བུམ་བདུད་རྩི་ཡོན་ཏན་དང་༔ ཕུར་པ་ཕྲིན་ལས་རྟེན་དུ་དགོད༔ དེ་ཡང་རྟེན་གྱི་གེགས་བསལ་ཕྱིར༔ དབུས་དང་ཕྱོགས་བཞི་བརྟན་པར་བཞུགས༔ ཧཱུྃ༔ བདེ་བཤེགས་ཁྲག་འཐུང་རབ་འབྱམས་ཀྱི༔ རྡོ་རྗེའི་སྐུ་ནི་མཁའ་དང་མཉམ༔ ཕྱག་རྒྱའི་རྟེན་དང་དབྱེར་མེད་བཞུགས༔ སྐུ་ཡི་བྱིན་རླབས་དངོས་གྲུབ་སྩོལ༔ སྔགས་མཐར་ཀཱ་ཡ་ཛྙཱ་ན་ས་མ་ཡ་སྟྭྃ༔ ཧཱུྃ་ཧཱུྃ་ཧཱུྃ༔ ཧཱུྃ༔ བདེ་གཤེགས་ཁྲག་འཐུང་རབ་འབྱམས་ཀྱི༔ རྡོ་རྗེའི་གསུང་ནི་མི་ཤིགས་སྒྲ༔ སྔགས་ཀྱི་རྟེན་དང་དབྱེར་མེད་བཞུགས༔ གསུང་གི་བྱིན་རླབས་དངོས་གྲུབ་སྩོལ༔ ཝཱ་ཀ་ཛྙཱ་ན་ས་མ་ཡ་སྟྭཾཿ ཧཱུྃ་ཧཱུྃ་ཧཱུྃ༔ ཧཱུྃ༔ བདེ་གཤེགས་ཁྲག་འཐུང་རབ་འབྱམས་ཀྱི༔ རྡོ་རྗེའི་ཐུགས་ནི་འོད་གསལ་དབྱིངས༔ ཕྱག་མཚན་རྟེན་དང་དབྱེར་མེད་བཞུགས༔ ཐུགས་ཀྱི་བྱིན་རླབས་དངོས་གྲུབ་སྩོལ༔ ཙིཏྟ་ཛྙཱ་ན་ས་མ་ཡ་སྟྭྃ༔ ཧཱུྃ་ཧཱུྃ་ཧཱུྃ༔ ཧཱུྃ༔ བདེ་གཤེགས་ཁྲག་འཐུང་རབ་འབྱམས་ཀྱི༔ རྡོ་རྗེའི་ཡོན་ཏན་ལྷུན་གྱིས་གྲུབ༔ བདུད་རྩིའི་རྟེན་དང་དབྱེར་མེད་བཞུགས༔ ཡོན་ཏན་བྱིན་རླབས་དངོས་གྲུབ་སྩོལ༔ གུ་ཎ་ཛྙཱ་ན་ས་མ་ཡ་སྟྭྃ༔ ཧཱུྃ་ཧཱུྃ་ཧཱུྃ༔ ཧཱུྃ༔ བདེ་གཤེགས་ཁྲག་འཐུང་རབ་འབྱམས་ཀྱི༔ རྡོ་རྗེའི་ཕྲིན་ལས་ཐོགས་མེད་ཁྱབ༔ ཕུར་བུའི་རྟེན་དང་དབྱེར་མེད་བཞུགས༔ ཕྲིན་ལས་བྱིན་རླབས་དངོས་གྲུབ་སྩོལ༔ ཀརྨ་ཛྙཱ་ན་ས་མ་ཡ་སྟྭཾ༔ ཧཱུྃ་ཧཱུྃ་ཧཱུྃ༔ གཞན་ཡང་ལོངས་སྤྱོད་མཆོད་ཚོགས་དགྲམ༔ བྷནྡྷ་སྡོང་བུ་དགུ་ལྡན་པའི༔ ཞུན་ཆེན་མར་མེ་མདུན་དུ་དགོད༔ ཧཱུྃ༔ ཆོས་ཉིད་གཅིག་ལས་རིག་རྩལ་དགུ༔ གཟི་བརྗིད་སྒྲོན་མེ་འོད་གསལ་བ༔ དཔལ་ཆེན་ཀློང་དགུའི་རྟེན་དུ་བཞུགས༔ ཡེ་ཤེས་བྱིན་རླབས་དངོས་གྲུབ་སྩོལ༔ དཱི་པཾ་ཛྙཱ་ན་དྷཱ་ཏུ་ས་མ་ཡ་སྟྭྃ༔ ཧཱུྃ་ཧཱུྃ་ཧཱུྃ༔ དེ་ལྟར་བག་དྲོ་བརྗིད་ལྡན་བཤམ༔ ཡེ་ཤེས་གཟི་བྱིན་ལྷག་པར་དབབ༔ བདག་དང་མདུན་རྟེན་དབྱེར་མེད་བསྐྱེད༔ ཛབ྄་སྐུལ་དང་བཅས་བཟླས་པ་བྱ༔ ཐུན་བཞིར་ལྷ་སྔགས་རྒྱུན་མི་བཅད༔ གཏོར་མ་ཚོགས་མཆོད་རྒྱ་ཆེན་དབུལ༔ ཉུལ་ལེའི་བགེགས་དཔུང་ཚར་ཐག་བཅད༔ སླར་ཡང་ཡེ་ཤེས་དབབ་ཅིང་བརྟན༔ གཡེང་སྤང་རྩེ་གཅིག་བརྩོན་པ་ལས༔ དངོས་ཉམས་རྨི་ལམ་རྟགས་མཐོང་ཚེ༔ བདག་དོན་མཆོག་ཐུན་དངོས་གྲུབ་བླང་༔ དེ་ལ་མཆོག་དངོས་བླང་བ་ནི༔ ཕྲིན་ལས་བཞིན་དུ་སྤྱིར་བསྐུལ་ལ༔ སྐུ་གསུམ་ཐུགས་ཡོན་ཕྲིན་ལས་དང་༔ ཡེ་ཤེས་རྟེན་ལ་དགོད་ཚིག་མཐར༔ སིདྡྷི་ཕ་ལ་བཏགས་པས་བླང་༔ ཐུན་མོང་དབང་བཅུའི་དངོས་གྲུབ་ནི༔ ཚེ་འབྲང་ཚེ་ཡི་རྫས་རྣམས་དང་༔ ཚོགས་དང་ཛ་གད་སོགས་ལས་བླང་༔ གཞན་དོན་སྣོད་ལྡན་སློབ་མ་རྣམས༔ དཀྱིལ་འཁོར་གཞུག་ཅིང་དབང་བཞི་བསྐུར༔ གཉིས་དོན་བསྐུལ་ཞིང་གཏོར་མ་བསྐྱང་༔ ལས་མཇུག་རྡོ་རྗེའི་བྲོ་ཡིས་བསྡུ༔ རྗེས་ཀྱི་ཆོ་ག་སྤྱི་དང་ནི༔ སྒྲུབ་རྫས་ཆ་གསུམ་བགོས་ནས་ཀྱང་༔ ཕྱག་རྒྱ་ལ་སོགས་རྟེན་དང་ནི༔ ཆ་གཅིག་སྟོན་འཁོར་རྣམས་ཀྱིས་བཟུང་༔ ཆ་གཅིག་ཞི་རྒྱས་མེ་ལ་སྦྱང་༔ ཆ་གཅིག་རིན་ཆེན་གཏེར་དུ་སྦ༔ རྡུལ་ཚོན་ཆུ་བོ་ཆེན་པོར་གཤེགས༔ མཚམས་དགྲོལ་བསྔོ་སྨོན་ཤིས་བརྗོད་སྤེལ༔ དེ་ལྟར་འབད་པས་བརྩོན་འགྲུས་དང་༔ ཏིང་འཛིན་སྐལ་པའི་ཁྱད་པར་བཞིན༔ རབ་ཀྱིས་རིག་འཛིན་མཆོག་དངོས་འགྲུབ༔ འབྲིང་གིས་སྔགས་ཀྱི་དྲོད་ཚད་འཐོབ༔ གཞན་དུ་ཕྲིན་ལས་ཅི་རིགས་འགྲུབ༔ མདོར་ན་འབྲེལ་ཚད་དོན་ལྡན་པ༔ སྒྲུབ་པ་ཆེན་པོའི་ཕྲིན་ལས་སོ༔ དེ་དང་རྗེས་སུ་འབྲེལ་བ་ཡི༔ རྡོ་རྗེ་ཚེ་ཡི་ཆོ་ག་ནི༔ ཚེ་བཅའ་ཚེ་ཡི་གཟི་བྱིན་བསྐྱེད༔ ཚུལ་བཞིན་བསྒྲུབས་དང་བཟླས་པ་ཡིས༔ དཀྱིལ་འཁོར་ལྷ་ཚོགས་འབར་བའི་འོད༔ ཕོ་ཉ་དང་བཅས་ཕྱོགས་བཅུར་ཁྱབ༔ རང་གཞན་བླ་ཚེ་འཕྲོག་ཉམས་དང་༔ སྣོད་བཅུད་སྲིད་ཞིའི་དྭངས་མ་ཀུན༔ འཆི་མེད་བདུད་རྩིའི་རྣམ་པར་དྲངས༔ བདག་ལ་ཐིམ་པས་རིག་འཛིན་གྲུབ༔ རྫས་ལ་ཐིམ་པས་བཅུད་དུ་འདྲིལ༔ མཆེད་ལ་ཐིམ་པས་ཉམས་ཆགས་དག༔ ཁྱབ་བདག་རྟག་པ་ཧེ་རུ་ཀའི༔ ཚེ་དང་ཡེ་ཤེས་རྒྱས་པར་བསམ༔ ཞི་ཁྲོ་སྤྱི་དྲིལ་སྔགས་ཀྱི་མཐར༔ ཨོཾ་བྷྲཱུྃ་བཛྲ་ཨཱ་ཡུ་ཥེ་སྭཱ་ཧཱ༔ ཞེས་བཏགས་བཟླས་པས་ནུས་ལྡན་བསྒྲུབ༔ ཐུན་མཚམས་ཐུགས་དམ་བསྐུལ་བ་ནི༔ སྦྱར་བའི་སྤོས་བསྲེགས་ཚེ་མདའ་གཡབ༔ ཧཱུྃ༔ ཡེ་ཤེས་ཀློང་དགུའི་དཀྱིལ་འཁོར་ལྷ༔ ཐུགས་དམ་ཆེན་པོའི་དུས་ལ་བབ༔ ཚེ་འགུགས་རྡོ་རྗེའི་ཕོ་ཉ་མོ༔ འཁོར་འདས་ཁམས་ཀུན་ཁྱབ་པར་སྤྲོས༔ སྡེ་བརྒྱད་འབྱུང་པོའི་ཚོགས་རྣམས་ཀྱིས༔ བླ་ཚེ་འཕྲོག་པ་རང་སོར་ཚུད༔ སྣོད་ཀྱི་འབྱུང་བཞིའི་དཔལ་དང་གཡང་༔ དྭངས་མ་གཟི་བརྗིད་རྟེན་ལ་སྟིམས༔ བཅུད་ཀྱི་སྐྱེ་འགྲོའི་ཚེ་བསོད་སྟོབས༔ བརྟེན་པ་སེམས་དང་དབྱེར་མེད་སྲེས༔ རྩ་གསུམ་རྒྱལ་བའི་ཐུགས་རྗེའི་དབྱིག༔ ཡེ་ཤེས་དབྱིངས་ཀྱི་ཐིག་ལེར་སྡུས༔ མི་འགྱུར་མི་ཤིགས་རྟག་པ་ཡི༔ དངོས་གྲུབ་དམ་པ་སྩལ་དུ་གསོལ༔ ཞེས་བསྐུལ་རྟགས་མཐོང་དངོས་གྲུབ་བླང་༔ ཧཱུྃ༔ ཚེ་ཡི་དངོས་གྲུབ་རྒྱུད་གསུམ་པོ༔ ཚེ་སྲོག་ཙིཏྟའི་ཐིག་ལེར་སྟིམས༔ མི་ཕྱེད་སྐུ་གསུང་ཐུགས་རྡོ་རྗེའི༔ དབང་དང་བྱིན་རླབས་དངོས་གྲུབ་སྩོལ༔ ཀཱ་ཡ་ཝཱ་ཀ་ཙིཏྟ་ཨཱ་ཡུཛྙཱ་ན་སིདྡྷི་ཧཱུྃ་བྷྲཱུྃ༔ ཚེ་ཡི་འབྲང་རྒྱས་སྤྱི་བོར་བླང་༔ བཟའ་བཏུང་བདུད་རྩི་ལོངས་སྤྱོད་བྱ༔ མཐར་ནི་ཚེ་ཡིས་ལུས་གང་ནས༔ མི་འགྱུར་རྟག་པའི་སྐུ་ཐོབ་བསམ༔ ཧཱུྃ༔ ཚེ་བཅུད་སྙིང་དབུས་རྟེན་ལ་ཐིམ༔ རིག་འཛིན་ཚེ་ཡི་དངོས་གྲུབ་ཐོབ༔ ཡེ་ཤེས་རྡོ་རྗེའི་ཕྱག་རྒྱ་ཡིས༔ རྟག་པ་དམ་པར་རྒྱས་གདབ་བོ༔ ཛྙཱ་ན་བཛྲ་རཀྵ་རཀྵ་བྷྲཱུྃ༔ དེ་ལྟར་ཉམས་སུ་བླངས་པ་ཡིས༔ དུས་མིན་འཆི་བའི་བར་ཆད་ཞི༔ དཔལ་ཆེན་རྡོ་རྗེ་ཧེ་རུ་ཀའི༔ ཚེ་དང་ལང་ཚོ་ཐོབ་པར་འགྱུར༔ ཉམས་ཆགས་བཤགས་ཤིང་སྐོང་བ་ནི༔ ཕྱི་ནང་མཆོད་ཚོགས་ཅི་འབྱོར་བཤམ༔ ཁྱད་པར་སྨན་གཏོར་རཀྟ་དང་༔ གསལ་བའི་མར་མེ་བརྒྱ་རྩ་སྦར༔ ཚོགས་རྟེན་བཞུགས་དང་སྤྱན་དྲངས་པར༔ ལུས་ཀྱིས་དམ་བཤགས་བརྐྱང་ཕྱག་འཚལ༔ ངག་གིས་ཡི་གེ་བརྒྱ་པ་བཟླས༔ ལྟུང་བའི་མིང་ནས་མཐོལ་ཞིང་བཤགས༔ ཡིད་ཀྱིས་ཀློང་བཤགས་དགོངས་པ་བསྐྱང་༔ སྨན་གཏོར་རཀྟ་མར་མེས་བསྐང་༔ གསང་ཆེན་རྡོ་རྗེའི་རིགས་གཅིག་ཏུ༔ སྨོན་ལམ་དག་པས་མཚམས་སྦྱར་ན༔ ཚོམ་བུ་དང་བཅས་དག་ཅིང་གྲོལ༔ དངོས་གྲུབ་བམ་གྱིས་སྒྲུབ་པ་ནི༔ བརྟུལ་ཞུགས་ཟིལ་ལྡན་རྣལ་འབྱོར་པས༔ བཀྲ་ཤིས་གཙང་མའི་བམ་བཙལ་ལ༔ ཀེའུ་སེང་རྡོ་རྗེའི་འགྲོས་དང་བཅས༔ ཧཱུྃ༔ ཆེན་སྔགས་ཀྱི་སྒྲ་བསྒྲགས་བླང་༔ བགེགས་བཅོམ་རྡོ་རྗེའི་བྲོ་ཡིས་གདུལ༔ དག་པར་བཀྲུས་ཤིང་གནས་ནས་དྲང་༔ དབང་བསྐུར་དཀྱིལ་འཁོར་དབུས་སུ་བཞག༔ ཆེ་མཆོག་ལུས་དཀྱིལ་ལྷར་བཅས་བསྐྱེད༔ འོད་ཟེར་སྤྲོ་བསྡུས་དངོས་གྲུབ་ཀུན༔ རྟེན་དེར་དགུག་ཅིང་རང་ལ་བསྡུ༔ སྤྱི་སྔགས་ཤམ་བུར་འདི་གདགས་བསྙེན༔ སྥ་ར་ཎ་ཕཊ༔ མ་ཧཱ་སརྦ་སིདྡྷི་ཏི་ར་སིདྡྷི་ཕ་ལ་ཧོཿསཾ་ཧ་ར་ཎ་ཧཱུྃ་ཨཱ༔ སྐབས་སུ་མཆོད་བསྟོད་བཤགས་སྐོང་བྱ༔ མཐར་ནི་ལྷ་ཚོགས་རང་ལ་བསྟིམ༔ སྙིགས་མའི་རྟེན་ལ་དགྲ་བགེགས་དགུག༔ ཁ་སྦྱོར་དབྱེ་ཞིང་རྒྱབ་ནས་བསིལ༔ དཀྱིལ་འཁོར་དབུས་དང་ཕྱོགས་མཚམས་དགོད༔ མདུན་བསྐྱེད་དཀྱིལ་འཁོར་ཚུལ་བཞིན་བསྒྲུབ༔ བམ་སྐོང་མཆོད་པ་རྒྱས་པར་བྱ༔ ལྷ་ཚོགས་ཤ་ཁྲག་རུས་པས་དགྱེས༔ སྙོམས་པར་ཞུགས་པའི་བྱང་ཆུབ་སེམས༔ དངོས་གྲུབ་ཀུན་གྱི་དབྱིག་ཆེན་པོ༔ བམ་གྱི་ཆ་ཤས་རྣམས་ལ་ཐིམ༔ རོ་བཅུད་བྱིན་རླབས་ནུས་ལྡན་བསམ༔ རང་ཉིད་ཧེ་རུ་ཀ་དཔལ་ཀྱི༔ བརྟུལ་ཞུགས་བརྟན་པོས་རོལ་ཞིང་སྦྱིན༔ ཉམས་ཆགས་དག་ཅིང་དངོས་གྲུབ་ཐོབ༔ བདེ་གཤེགས་ཁྲག་འཐུང་ལྷ་ཚོགས་དང་༔ བརྟུལ་ཞུགས་སྐལ་པ་མཉམ་པར་མོས༔ སྨོན་ལམ་གདབ་ཅིང་ཤིས་པ་བརྗོད༔ དེས་ནི་ཉམས་ཆགས་རབ་ཏུ་དག༔ མཆོག་ཐུན་དངོས་གྲུབ་མྱུར་འཐོབ་འགྱུར༔ དམ་རྫས་ཆ་ཤས་མ་ཉམས་པ༔ འདུ་བ་གང་ལ་གང་བསྔགས་པའི༔ སྨན་དང་སྦྱར་ནས་རིལ་བུར་བྱ༔ ནུས་པ་འབུམ་དུ་བསྐྱེད་པ་ཡིས༔ ནད་ཀྱི་ཁྲོང་ཁྱེར་སྟོང་པར་བྱེད༔ བདེ་ཆེན་བདུད་རྩིའི་སྒྲུབ་པ་ནི༔ མཆོག་ཏུ་ཤ་ལྔ་བདུད་རྩི་ལྔ༔ ཕལ་པ་རྩ་བ་ཡན་ལག་སྨན༔ ཁྲོལ་བུར་སྦྱངས་ཤིང་ཕྱེ་མར་བཏགས༔ ཆང་ཆུ་འོ་མ་རིན་ཆེན་དང་༔ ཕབས་སྦྱོར་སྦོལ་ཏེ་དལ་དབུས་སུ༔ ཆས་སུ་གཞུག་ཅིང་བརྟན་པར་བཞག༔ དྲོད་འབེབས་ཚིལ་ཆེན་མར་མེ་སྦར༔ དཀྱིལ་འཁོར་མདུན་དུ་ཞལ་བསྒྱུར་ཞིང་༔ སྦྱོར་ཐབས་བརྒྱད་ཀྱིས་བདེ་ཆེན་དབབ༔ ར་ས་ཡཱ་ནའི་རྒྱ་མཚོར་བསྐྱིལ༔ བཟླས་སྒོམ་ཏིང་འཛིན་རྩེ་གཅིག་བསྒྲུབ༔ རྟགས་མཐོང་རང་ཉིད་དངོས་གྲུབ་བླང་༔ སློབ་མ་ལ་ཡང་སྦྱིན་པར་བྱ༔ འདིས་ནི་ཐུན་མོང་དངོས་གྲུབ་དང་༔ མཆོག་ཏུ་མི་འགྱུར་བདེ་ཆེན་འགྲུབ༔ མཐོང་ཐོས་མྱང་ཚོར་འབྲེལ་ཚད་ཀུན༔ ཧེ་རུ་ཀ་དཔལ་དངོས་གྲུབ་འཐོབ༔ བླ་མེད་མཆོག་གི་ལས་སྦྱོར་ཏེ༔ རྣལ་འབྱོར་ལྡན་པས་བརྩོན་པར་གྱིས༔ བར་ཆད་ཀུན་སེལ་མདོས་སྐོང་ནི༔ རི་རབ་གླིང་བཞི་སྣོད་བཅུད་ཀྱི༔ བཀོད་པ་རབ་རྫོགས་དཔལ་གཏོར་དང་༔ བཤོས་བུ་དཀར་དམར་རྒྱན་ལྡན་བཤམ༔ བླ་ན་གདུགས་ཆེན་ནམ་མཁའ་བྲེ༔ གཡས་གཡོན་མདའ་འཕང་ཕོ་མོའི་གདོང་༔ གསལ་ཤིང་རྒྱང་བུ་ཤིང་རིས་འཛུག༔ སྲོག་ཆགས་རྣམ་པ་དུ་མའི་གཟུགས༔ སྐུ་གླུད་དཀོར་ཆས་ཕྱུག་པ་སོགས༔ ཡིད་འཕྲོག་རྒྱན་ལྡན་མཆོད་ཚོགས་དགྲམ༔ ལས་ཀྱི་གཞུང་བསྲངས་ང་རྒྱལ་བསྐྱེད༔ སྣོད་བཅུད་བྱིན་བརླབ་མདོས་རྟེན་གསལ༔ སྤྱན་དྲངས་བཞུགས་གསོལ་མཆོད་བསྟོད་བཟླས༔ ཡེ་ཤེས་པ་རྣམས་དབྱིངས་སུ་བསྐང་༔ འཇིག་རྟེན་འབྱུང་པོ་རྫས་ཀྱིས་བརྔན༔ བགེགས་རིགས་ལན་ཆགས་ཚིམ་པར་བསྔོ༔ ལས་ཀྱི་ཁ་སྒྱུར་གཟེར་ཁས་གདབ༔ ཟོར་དུ་འཕང་ངམ་རང་བཞིན་གཏོང་༔ འབྱུང་བ་བཞི་ཡི་དབྱིངས་སུ་སྦྱང་༔ ཚེ་འགུགས་སྨོན་ལམ་བཀྲ་ཤིས་སོགས༔ རྗེས་ཀྱི་ལས་རིམ་མཐར་དབྱུང་ངོ་༔ དེས་ནི་ཡེ་ཤེས་དགྱེས་པ་བསྐྱེད༔ འཇིག་རྟེན་ལྷ་སྲུང་འཁྲུགས་པ་ཞི༔ དམ་སྐོང་རྐྱེན་ཟློག་ལས་ཀུན་འགྲུབ༔ ཐུན་མོང་ཕྲིན་ལས་མཆོག་ཡིན་ནོ༔ གཞན་ཡང་རྟེན་ལ་རབ་གནས་ཀྱི༔ འཇིག་རྟེན་ཁམས་སུ་དགེ་ལེགས་སྤེལ༔ ཚེ་འདས་གནས་ནས་རིམ་པར་དྲང་༔ རིག་འཛིན་གྲལ་དུ་དབུགས་ཆེན་དབྱུང་༔ ཞི་རྒྱས་དབང་དྲག་ཐབ་ཁུང་དུ༔ ལས་དང་མཐུན་པའི་མེ་སྦར་ལ༔ ལྷ་བསྐྱེད་བསྲེག་བྱའི་རྫས་ཕུལ་བས༔ ཕྲིན་ལས་ཐམས་ཅད་མྱུར་དུ་འགྲུབ༔ དེ་སོགས་ལས་ཀྱི་བྱེ་བྲག་ཀུན༔ རྒྱུད་དང་མན་ངག་བཞིན་བསྒྲུབ་ན༔ རང་དང་གཞན་དོན་ཕན་པ་ཆེའི༔ དངོས་གྲུབ་ཡ་མཚན་ཆེན་པོར་འགྱུར༔ ས་མ་ཡ༔ གཉིས་པ་བཟླས་པའི་ལས་རིམ་ལ༔ བསྙེན་དང་སྒྲུབ་དང་ལས་ལ་སྦྱར༔ དང་པོ་བསྙེན་པའི་དགོངས་པ་ནི༔ ཧཱུྃ༔ དབུ་རྒྱན་ཀུན་བཟང་རིགས་ལྔའི་འཁོར༔ ཞི་བ་རྡོ་རྗེ་དབྱིངས་ཀྱི་ལྷ༔ ཅིར་ཡང་འཆར་བའི་གཙོ་རྣམས་ཀྱི༔ ཐུགས་ཀར་པད་ཟླར་ཧཱུྃ་ཡིག་མཐར༔ སྔགས་འཕྲེང་འཁོར་ལས་བར་མེད་བྱུང་༔ ཡབ་ཡུམ་ཞལ་ཞུགས་གསང་བར་འཁོར༔ འོདཀྱིས་འཕགས་མཆོད་འགྲོ་སྒྲིབ་སྦྱངས༔ བདེ་གཤེགས་ཞི་ཁྲོའི་གསང་གསུམ་བྱིན༔ བདག་ཐིམ་བྱིན་རླབས་ནུས་སྟོབས་འབར༔ སླར་ཡང་སྣོད་བཅུད་དཀྱིལ་འཁོར་བའི༔ སྐུ་གསུང་ཐུགས་ཀྱི་ངོ་བོར་བསམ༔ ཨོཾ་ཨཱཿཧཱུྃ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ འབུམ་ཕྲག་གསུམ་གྱིས་དངོས་གྲུབ་ཐོབ༔ གཉིས་པ་སྒྲུབ་པའི་དགོངས་པ་ནི༔ ཧཱུྃ༔ དཔལ་ཆེན་གཙོ་དགུའི་ཐུགས་ཀ་རུ༔ པད་ཉིར་རྡོ་རྗེ་རྩེ་ལྔའི་སྦུབ༔ སྔགས་ཕྲེང་སྒྲར་བཅས་འཁོད་པ་ལས༔ འབར་བའི་ཡི་གེའི་ཕྲེང་བ་བྱུང་༔ ཡབ་ཡུམ་ཞལ་དང་ཞལ་ནས་བརྒྱུད༔ གསང་བའི་པདྨོར་བར་མེད་འཁོར༔ བདེ་ཆེན་གཟི་བྱིན་རབ་འབར་བའི༔ འོད་ཀྱིས་འཁོར་འདས་ཁམས་ཀུན་ཁྱབ༔ བདེ་གཤེགས་ཞི་ཁྲོ་མཆོད་པས་མཉེས༔ ཁམས་གསུམ་ཉོན་མོངས་དུག་ཆེན་སྦྱངས༔ ཚུར་འདུས་བདག་དང་གཉིས་མེད་ཐིམ༔ ཁྲག་འཐུང་རབ་འབྱམས་བྱིན་ནུས་རྫོགས༔ སླར་འཕྲོས་ཐ་མལ་སྣང་ཞེན་སྦྱངས༔ ལྷ་སྔགས་ཆོས་སྐུའི་ཕྱག་རྒྱར་རྫོགས༔ དཔལ་གྱི་སྐུ་གསུང་ཐུགས་སུ་སྨིན༔ དངོས་གྲུབ་རྣམ་གཉིས་འགྲུབ་པར་བསམ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་སརྦ་དུཥྟཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊཿ དྲིལ་སྒྲུབ་སྔགས་ཀྱི་རྒྱལ་པོ་འདི༔ འབུམ་ཕྲག་བཞི་ཡིས་མཆོག་ཐུན་འགྲུབ༔ སྤྲོ་ན་བྱེ་བྲག་བཟླས་པ་ནི༔ ཏིང་འཛིན་གོང་བཞིན་གསལ་བཏབ་ལ༔ བསྐྱེད་པའི་སྔགས་རྣམས་འབུམ་ཕྲག་བཟླས༔ སོ་སོའི་ནུས་རྩལ་རབ་རྫོགས་བྱེད༔ ཁྱད་པར་ཚོགས་སྒྲུབ་སོགས་ཀྱི་སྐབས༔ སོ་སོར་བསྐུལ་ཞིང་བཟླས་པ་བྱ༔ ཧཱུྃ༔ དབུས་ནས་རང་བྱུང་གྲུབ་པའི་ལྷ༔ ཆེ་མཆོག་ཡོན་ཏན་ལྷ་ཚོགས་རྣམས༔ སྐུ་ནི་སྣང་སྟོང་གཟི་བྱིན་འབར༔ གསུང་གིས་གྲགས་སྟོང་སྔགས་སྒྲ་སྒྲོགས༔ ཐུགས་མཆོག་རིག་སྟོང་སྲོག་ལྡན་པ༔ བསྙེན་སྒྲུབ་ཛབ྄་ཀྱིས་ཐུགས་དམ་བསྐུལ༔ མ་གྲུབ་བར་ཏུ་མི་བཏང་ན༔ མ་གཡེལ་ཐུགས་རྗེའི་དཔུང་བསྐྱེད་ལ༔ བཟླས་པའི་ཕྲིན་ལས་གཡེལ་མེད་པས༔ ལས་བཞི་གྲུབ་པ་ཆེན་པོ་བརྒྱད༔ རིག་འཛིན་མཆོག་གི་དངོས་གྲུབ་རྣམས༔ ད་ལྟ་ཉིད་དུ་འགྲུབ་མཛད་གསོལ༔ ཞེས་བསྐུལ་བཟླས་བརྗོད་ཏིང་འཛིན་གསལ༔ སྟོང་སྟོང་ཚིགས་སུ་མཆོད་བསྟོད་འབུལ༔ དེ་ལྟར་ཁ་སྒྱུར་་་་་་་ཧཱུྃ༔ ཤར་ནས་སོགས་དང་༔ ཡང་དག་ཐུགས་ཀྱི་ལྷ་ཚོགས་རྣམས༔ ཞེས་སོགས་རིམ་པར་བསྒྱུར་རོ། མཆན། སོ་སོར་བསྒྲུབ༔ དངོས་གྲུབ་མྱུར་དུ་འགྲུབ་པར་འགྱུར༔ གསུམ་པ་ལས་ལ་སྦྱར་བ་ནི༔ ཐུན་མོང་ཁྱད་པར་རྣམ་པ་གཉིས༔ དང་པོ་ཐུན་མོང་ལས་སྦྱར་ཕྱིར༔ དགོངས་པ་གསལ་ཞིང་དྲག་སྔགས་བཟླ༔ ཧཱུྃ༔ འབར་བའི་དཀྱིལ་འཁོར་ལྷ་ཚོགས་ཀྱིས༔ ཞལ་ནས་དྲག་སྔགས་འབྲུག་ལྟར་བསྒྲགས༔ གང་འདུལ་འོད་ཟེར་མཁའ་ཁྱབ་འཕྲོས༔ ནད་གདོན་ཞི་ཞིང་ཡེ་ཤེས་རྒྱས༔ རླུང་སེམས་སྣང་བ་དབང་དུ་བསྡུས༔ ཁྱད་པར་གདུག་ཅིང་གཏུམ་པ་ཡི༔ དགྲ་བགེགས་འབྱུང་པོ་དྲེགས་པའི་ཚོགས༔ སྲུང་དང་དགུག་བསྐྲད་བསད་པ་སོགས༔ གཟིར་མནན་སྟོབས་འཕྲོག་ནུས་པ་བཅོམ༔ ལྡང་མེད་ཨེ་ཡི་དབྱིངས་སུ་མནན༔ སྔགས་ཀྱི་ཆུ་བོས་རྒྱང་རིང་ཁྱེར༔ རྡོ་རྗེ་མེ་ཡིས་གཞོབ་ཏུ་བསྲེགས༔ སྟོབས་ཆེན་རླུང་གིས་ཕ་མཐར་བསྐྲད༔ མིང་གི་ལྷག་མ་མེད་པར་བསམ༔ ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རྃ་རྃ་ཛྭ་ལ་རཾ་ཧཱུྃ་ཕཊ༔ བྲག་ཁ་དག་ནས་ཆུ་འབབ་བཞིན༔ བར་མེད་ཁྲི་ཕྲག་བཞི་བཟླས་པས༔ ཇི་ལྟར་སྨྲོས་པའི་ལས་ཀུན་འགྲུབ༔ ཁྱད་པར་མངོན་སྤྱོད་གཟེར་ཁའི་ལས༔ ཕྲིན་ལས་སྒྲུབ་པ་བཞིན་དུ་བྱ༔ ས་མ་ཡ༔ དེ་ལྟར་བཀོད་པའི་བཟླས་པ་ལ༔ སེམས་བཟུང་སྔགས་ཀྱི་གསལ་སྣང་བསྒྲུབ༔ བདེ་ཆེན་འཁོར་བའི་ཏིང་འཛིན་གྱིས༔ བཟླས་པ་སྔགས་ཀྱི་གཟེར་གདབ་ཅིང་༔ འཕྲོ་འདུ་འཕྲོ་འདུ་ཆེན་པོ་ཡིས༔ དག་པ་རབ་འབྱམས་གཟེར་བཏབ་པས༔ ཐ་མལ་སྒྲར་སྣང་སྔགས་སུ་དག༔ དངོས་གྲུབ་རྣམ་གཉིས་ཉེར་རྒྱུར་སྨིན༔ ངག་ལ་ནུས་པའི་རྩལ་རྫོགས་པས༔ གསུང་གི་རྣལ་འབྱོར་གྲུབ་པའོ༔ ས་མ་ཡ༔ གསུམ་པ་རྫོགས་པའི་སྒྲུབ་ཐབས་ནི༔ སྔགས་སེམས་སྒྱུ་ལུས་འོད་གསལ་དང་༔ ཟུང་དུ་འཇུག་པའི་རིམ་ལྔ་ཡིས༔ སློབ་དང་མི་སློབ་འོད་གསལ་འཐོབ༔ དེ་ལ་དང་པོ་སྔགས་རིམ་ནི༔ རིམ་པ་དང་པོ་ལ་བརྟེན་ནས༔ འདི་ལྟར་སྣང་ཙམ་ལྷ་ཡི་སྐུར༔ རང་ཤར་ལུས་དབེན་ལ་གནས་པས༔ ལུས་བསྲང་རླུང་གི་དུག་དབྱུང་སྟེ༔ རང་ལུས་ཡི་དམ་ལྷ་ཡི་སྐུ༔ སྣང་སྟོང་ཆུ་ཟླ་ལྟ་བུ་ཡི༔ སྐུ་དབུས་རྩ་གསུམ་འཁོར་ལོ་བཞི༔ དྭངས་ཤིང་གསལ་ལ་རྙོག་མེད་བསྒོམ༔ དེ་ནས་རླུང་གསལ་དལ་བར་བཞག༔ ནང་དུ་འཇུག་ཚེ་ཨྃ་གྱི་གདངས༔ སྣ་ཡི་སྒོ་ནས་རོ་རྐྱང་བརྒྱུད༔ དབུ་མའི་ནང་གཞུག་གནས་པའི་ཚེ༔ ཨཱཿཡི་གདངས་ལ་ཡུན་བསྲིངས་བཟུང་༔ ལྡང་བ་ཧཱུྃ་ཞེས་ནར་གྱིས་འཕང་༔ དེ་ལྟར་ཡང་ཡང་གོམས་པ་ལས༔ རླུང་གི་གྲངས་དང་ཁ་དོག་དང་༔ རེག་བྱ་གསལ་བའི་རྟགས་མཐོང་ཞིང་༔ སྒྲ་མཐའ་ནཱ་ད་མི་ཤིགས་པའི༔ གསལ་སྟོང་ཏིང་འཛིན་སྐྱེ་བར་འགྱུར༔ བོགས་འདོན་སྟེང་འོག་ཁ་སྦྱར་བསྐྱིལ༔ གཞིལ་ཏེ་མི་ཐུབ་ལྷག་མེད་བཏང་༔ དེ་གོམས་ཙཎྜི་འབར་འཛག་བསྒོམ༔ ལུས་གནད་ཐབ་མགལ་དྲུག་ཆིངས་བྱ༔ རླུང་གི་རྐྱེན་གྱིས་བསྐུལ་བ་ལས༔ ལྟེ་བར་རཾ་ཡིག་གནམ་ཞལ་མའི༔ ནཱ་ད་མེ་ལྕེ་ཕྲ་བར་འབར༔ འཁོར་ལོའི་གནས་ནས་འཁྱུག་ཅིང་ཞུགས༔ ལུས་ཀྱང་ལྕགས་གོང་མེར་བསྲེགས་མདོག༔ ཕྱི་ནང་ཚ་དྲོད་འབར་བར་བསམ༔ ཁ་སྦྱོར་རླུང་བཟུང་འབར་སྣང་བརྟན༔ དེ་ལས་རྩོལ་མེད་དྲོད་ཐོབ་ན༔ སྤྱི་བོའི་ཧཾ་ཡིག་ཧེ་རུ་ཀའི༔ ནཱ་ད་བཞོས་པའི་བདེ་ཆེན་རྒྱུན༔ སྤྱི་མགྲིན་སྙིང་ལྟེར་རིམ་གྱིས་དྲངས༔ དགའ་བཞིའི་ཡེ་ཤེས་སྐྱེས་པར་བསམ༔ མི་རྟོག་ཀ་དག་ངང་དུ་བཞག༔ དེ་ཡིས་དྲོད་དང་བདེ་བས་ཐབས༔ བྱས་ཏེ་རླུང་ཟིན་རྟོག་མེད་ངང་༔ ཐ་མལ་ངག་རླུང་དབེན་པ་ཐོབ༔ གཉིས་པ་སེམས་ལ་དམིགས་པ་ནི༔ སྙིང་གའི་རྩ་འདབ་བརྒྱད་ཀྱི་དབུས༔ དྷཱུ་ཏིའི་སྙིང་པོར་ཨ་ཡིག་དཀར༔ དེ་ཕྱིར་དབྱངས་དང་གསལ་བྱེད་ཀྱི༔ ཡི་གེ་ཕྱི་ནང་གཉིས་རིམ་དགོད༔ དངུལ་དཀར་ལུགས་སུ་བླུགས་ལྟར་བསམ༔ སྙིང་གའི་བུམ་ཅན་སྦྱོར་བ་བཅས༔ ཐོག་མར་གསལ་བྱེད་སོ་གཉིས་ལ༔ སེམས་བཟུང་སྣང་བའི་ཡེ་ཤེས་བསྐྱེད༔ དབྱངས་ཡིག་བཅུ་དྲུག་སེམས་བཟུང་བས༔ སྣང་བ་མཆེད་པའི་ཡེ་ཤེས་འཆར༔ མཐར་ནི་ཨ་ལ་སེམས་བཟུང་བས༔ ཉེར་ཐོབ་ཡེ་ཤེས་མངོན་གྱུར་ནས༔ ཡིད་ཀྱི་རྟོག་པས་དབེན་པ་འགྲུབ༔ གསུམ་པ་སྒྱུ་མའི་རིམ་པ་ནི༔ སྙིང་ནང་ཨ་ལས་འོད་འཕྲོས་པས༔ རང་ལུས་སྒྲིབ་དག་ཡེ་ཤེས་སྐུ༔ རྡོ་རྗེ་སེམས་དཔའི་ཕྱག་རྒྱ་ནི༔ ཆུ་ཟླ་འཇའ་ཚོན་ལྟ་བུར་བརྟག༔ སེམས་ཟིན་སྤྱི་བོའི་འཁོར་ལོའི་དབུས༔ ཨ་དཀར་ལས་བྱུང་འོད་ཟེར་གྱིས༔ རང་དང་སྣང་བ་ཐམས་ཅད་ཀུན༔ སྒྱུ་མ་ཆུ་ཟླ་ལྟ་བུ་ཡི༔ དག་པ་རབ་འབྱམས་རྩེ་གཅིག་བསྒོམ༔ ཞེན་པ་སྤང་ཞིང་བོགས་དབྱུང་ཕྱིར༔ སྤྱི་བོའི་བུམ་ཅན་སྦྱོར་བ་བྱ༔ མི་རྟོག་ངང་དུ་ཆམ་མེར་བཞག༔ མི་ཕོད་བརྫི་སོགས་བརྟུལ་ཞུགས་སྤྱད༔ རླུང་སེམས་སྒྱུ་མ་ལྟ་བུ་ཡི༔ ཕྱག་རྒྱའི་ཡེ་ཤེས་འགྲུབ་པར་འགྱུར༔ རྨི་ལམ་སྒྱུ་མ་ལམ་ཁྱེར་ཕྱིར༔ མགྲིན་པའི་འཁོར་ལོའི་དབུས་སུ་ཨ༔ གསལ་བཏབ་བུམ་ཅན་སྦྱོར་བ་འཆིང་༔ དེ་ལ་རླུང་སེམས་བསྡུས་ནས་ཀྱང་༔ སེམས་བཟུང་རྨི་ལམ་ཉིད་དུ་བསམ༔ འཛིན་པའི་འདུན་པས་མཚམས་སྦྱར་ལ༔ རྟོག་མེད་ངང་དུ་གཉིད་ལོག་པ༔ རྨི་ལམ་ནམ་འདོད་ཟིན་པ་ན༔ སྒྱུ་མའི་སྐུར་ལྡང་དབྱིངས་སུ་བསྟིམ༔ བསྡུ་ལྡང་སྤྲུལ་སྒྱུར་རྩལ་འབྱོངས་ནས༔ སྒྱུ་མ་ལྟ་བུའི་རྣམ་པར་ཐར༔ ཉིན་དང་མཚན་དུ་བརྟན་པར་འགྱུར༔ བཞི་པ་འོད་གསལ་རིམ་པ་ནི༔ རང་ཉིད་གཞི་ལུས་ལྷར་གསལ་བའི༔ སྙིང་དབུས་དྷུ་ཏིའི་སྦུབས་སུ་ཨཱཿ དཀར་གསལ་འོད་ཟེར་ལྔ་ལྡན་གྱི༔ གོང་བུ་སྲན་མ་ཙམ་དུ་བསྒོམ༔ སེམས་གཟུང་བུམ་ཅན་སྦྱོར་བ་འཆིང་༔ གསལ་སྣང་སྐྱེས་ནས་མི་རྟོག་བསྲེ༔ རང་བཞིན་འོད་གསལ་ངང་དུ་བཞག༔ མཐར་ནི་དེ་ལས་འོད་འཕྲོས་པས༔ སྣོད་བཅུད་ཐམས་ཅད་མེར་མེར་གཡོས༔ སྨིག་རྒྱུ་བཞིན་ཡལ་ཨ་ལ་ཐིམ༔ ཨ་ནི་སྐྱེ་བ་མེད་པ་ལ༔ སེམས་བཟུང་སྣང་བ་མཆེད་དང་ཐོབ༔ འོད་གསལ་སེམས་ཉིད་ཨ་ལ་ཐིམ༔ དེ་ཡང་མི་དམིགས་གཉུག་མར་བཞག༔ གོམས་ནས་གཉིད་དུས་གོང་ལྟར་བསྒོམ༔ རྟོག་མེད་འོད་གསལ་ངང་དུ་ཉལ༔ ཉིན་དང་མཚན་དུས་ཉམས་རྟོགས་ཀྱི༔ འོད་གསལ་འཆར་ཞིང་བརྟན་པ་ཡིས༔ དགོངས་པའི་གདིངས་ཆེན་ཐོབ་པར་འགྱུར༔ བོགས་འབྱིན་ཡིད་དང་དངོས་རིག་ལ༔ སྙོམས་པར་ཞུགས་པའི་ཐབས་མཁས་ཀྱི༔ བདེ་རླུང་སེམས་གསུམ་ཐིམ་པ་ལས༔ མི་རྟོག་འོད་གསལ་བཙན་ཐབས་འབྱུང་༔ ལྔ་པ་ཟུང་འཇུག་རིམ་པ་ནི༔ སྟོང་པར་བསྡུ་ཞིང་སྣང་བར་ལྡང་༔ ཏིང་འཛིན་རྩལ་སྦྱང་ཞེན་མེད་བསྐྱང་༔ རྣམ་པ་ལྷ་སྐུ་སྒྱུ་མ་དང་༔ ངོ་བོ་རྟོག་མེད་འོད་གསལ་བ༔ བཅོས་མིན་ངང་གིས་ཟུང་དུ་འཇུག༔ ལྟ་བ་ཀ་དག་གདོད་མའི་བབས༔ སྒོམ་པ་སྣང་སྟོང་གཉུག་མར་བསྐྱང་༔ སྤྱོད་པ་ཚོགས་དྲུག་ལྷུག་པར་སྤྱད༔ འབྲས་བུ་དཔལ་ཆེན་ཧེ་རུ་ཀ༔ ཟུང་འཇུག་ཤིན་ཏུ་རྣམ་དག་པའི༔ གོ་འཕང་མཆོག་ལ་དབུགས་འབྱིན་འགྱུར༔ དེ་ལྟ་བུ་ཡི་གྲུབ་པའི་མཐའ༔ ཚེ་འདིར་མངོན་དུ་མ་གྱུར་ན༔ འཆི་ཁའི་མཚམས་སྦྱོར་འཕོ་བ་ནི༔ རབ་ཀྱིས་འོད་གསལ་ཆོས་སྐུར་འཕོ༔ འབྲིང་གིས་སྒྱུ་མ་ལོངས་སྐུར་འཕོ༔ ཐ་མས་དམིགས་པར་བཅས་པ་ཡིས༔ སྤྲུལ་སྐུའི་ཞིང་དུ་དབུགས་འབྱིན་ཕྱིར༔ རང་ལུས་རྩ་ཡི་སྟོང་རར་བཅས༔ དྭངས་གསལ་རྙོག་པ་མེད་པར་བསྒོམ༔ དྷཱུ་ཏིའི་ཚངས་བུག་ཟང་ཐལ་ལེ༔ མར་སྣེ་ལྟེ་འོག་ཕུག་རྡུགས་འཁྱིལ༔ སྙིང་གར་ཚིགས་ཀྱིས་བཀག་པའི་སྟེང་༔ རླུང་དཀྱིལ་ཨ་ཡིག་གོང་ལྟར་གསལ༔ རླུང་སེམས་བསྡུ་ཞིང་ཉམས་སྐྱེས་ན༔ སྤྱི་བོར་བླ་མ་དཔལ་ཆེན་པོ༔ དཔའ་བོ་མཁའ་འགྲོའི་ཚོགས་བཅས་དམིགས༔ གདུང་ཤུགས་དྲག་པོས་གསོལ་བ་གདབ༔ ལུས་གནད་བཅོས་ཏེ་ཐུར་སེལ་དྲང་༔ སྲོག་ཕྱིར་འཕུལ་དང་ལྷན་ཅིག་པར༔ ཧིཀ་གིས་རླུང་སེམས་གློག་འཁྱུག་ལྟར༔ དཔལ་ཆེན་ཐུགས་བསྟིམས་གཉུག་མར་བཞག༔ སླར་ཡང་ཀ་ཞེས་རང་གནས་དབབ༔ དེ་ལྟར་བསྒོམ་ཞིང་ཐུན་གྱི་མཐར༔ བླ་མ་འཁོར་བཅས་རང་ལ་བསྟིམ༔ སྙིང་གའི་ཨ་དང་དབྱེར་མེད་བསམ༔ ཚངས་བུག་སྣ་ཚོགས་རྡོ་རྗེས་བཀག༔ བུམ་པ་ཅན་གྱི་སྦྱོར་བས་བརྟན༔ ཡོངས་སུ་བསྔོ་དང་སྨོན་ལམ་གདབ༔ སྤྱི་བོ་ཟ་ཞིང་སྐྲངས་པ་དང་༔ ཚངས་བུག་བྱེ་སོགས་རྟག་མཐོང་ནས༔ འཆི་ཁར་ལས་སྦྱར་ཙམ་གྱིས་འགྲུབ༔ དེ་ཡང་རླུང་སེམས་ཧེ་རུ་ཀའི༔ ཐུགས་ཀར་བསྟིམས་ནས་འོག་མིན་གཤེགས༔ ཡིད་ལ་བྱར་མེད་འོད་གསལ་ངང་༔ མཁའ་སྤྱོད་ལ་སོགས་རིག་འཛིན་ཀྱི༔ ཟུང་འཇུག་སྐུ་འགྲུབ་རྟེན་དེ་ལས༔ ལམ་གྱི་ལྷག་མ་བགྲོད་དེ་གྲོལ༔ གལ་ཏེ་འཕོ་བ་མ་ཐེབས་ན༔ སྲིད་པ་བར་དོ་ཤར་བའི་ཚེ༔ གཟུགས་ཀུན་ལྷ་ཡི་ཕྱག་རྒྱར་བསྲེ༔ སྣང་སྟོང་ཟུང་འཇུག་དབྱིངས་སུ་འཕོ༔ སྒྲ་སྐད་སྔགས་ཀྱི་རང་སྒྲར་བསྲེ༔ གྲགས་སྟོང་ཟུང་འཇུག་དབྱིངས་སུ་འཕོ༔ རྟོག་ཚོགས་འོད་གསལ་ཆེན་པོར་བསྲེ༔ རིག་སྟོང་ཟུང་འཇུག་དབྱིངས་སུ་འཕོ༔ དེ་ཡང་ད་ལྟར་གོམས་པ་ལས༔ བར་དོར་དྲན་པས་སླེབ་པའམ༔ རྗེས་མཐུན་ཟུང་འཇུག་གོ་འཕང་འགྲུབ༔ ཡང་ན་བརྒྱུད་ནས་བྱང་ཆུབ་འཐོབ༔ དེ་ལྟའི་གསང་མཆོག་རྒྱུད་སྡེའི་བཅུད༔ རྨད་བྱུང་ལམ་འདི་ཉམས་ལེན་པའི༔ མ་འོངས་སྐལ་ལྡན་སྐྱེས་བུ་རྣམས༔ རིམ་གྱིས་འཁྲིད་པའི་རིམ་པ་ནི༔ མཚན་ཉིད་ལྡན་པའི་སློབ་དཔོན་གྱིས༔ དད་བརྩོན་བརྟུལ་ཞུགས་སློབ་མ་ལ༔ གྲུབ་པའི་གནས་སུ་ཡོ་བྱད་བསག༔ དབང་བསྐུར་དམ་ཚིག་ལྷག་པར་དབོག༔ དེ་ནས་དབེན་པར་བྱ་བ་བཏང་༔ མི་རྟག་ངེས་འབྱུང་བྱང་སེམས་སྦྱང་༔ སྐྱབས་སེམས་སྦྱང་བསག་ནན་ཏན་བྱ༔ ཁྱད་པར་བླ་མའི་རྣལ་འབྱོར་བསྒོམ༔ ཚད་བཟུང་མེད་པའི་མོས་གུས་བསྐྱེད༔ གདུང་ཤུགས་དྲག་པོས་གསོལ་བ་གདབ༔ དབང་བཞི་བླང་ཞིང་ཐུགས་ཡིད་བསྲེ༔ དེ་ནས་ཐོག་མར་བསྐྱེད་པའི་རིམ༔ ཕྱི་ལྟར་གསལ་བརྟན་དག་པ་དྲན༔ ཡུལ་གསུམ་གསལ་བའི་ཏིང་འཛིན་བསྒྲུབ༔ བསྙེན་སྒྲུབ་ལས་གསུམ་མཐར་ཕྱིན་བྱ༔ ནང་ལྟར་ལུས་ཀྱི་དཀྱིལ་འཁོར་ནི༔ རང་ཉིད་དཔལ་ཆེན་ཧེ་རུ་ཀ༔ ཕྱག་རྒྱ་གཅིག་པའི་སྐུར་གསལ་བའི༔ ཕྱི་དབྱིབས་ལུས་ནི་གཞལ་མེད་ཁང་༔ ནང་གི་རྩ་རླུང་ཐིག་ལེའི་ཁམས༔ སེམས་དང་དབྱེར་མེད་དཀྱིལ་འཁོར་ཏེ༔ སྤྱི་གཙུག་བླ་མ་རྡོ་རྗེ་ཆོས༔ གནས་ལྔར་གཤིན་རྗེ་རྟ་མཆོག་དཔལ༔ ཡང་དག་ཆེ་མཆོག་ཀཱི་ལ་ཡ༔ ནོར་བུ་བླ་མེད་བརླ་གཡས་གཡོན༔ དྲེགས་པ་དྲག་སྔགས་ལྷ་ཚོགས་གསལ༔ ཐུགས་སྲོག་ཧཱུྃ་ལ་སེམས་བཟུང་བཟླ༔ ཐ་མལ་སྣང་ཞེན་ལྷ་སྐུར་བརྟག༔ ཅིར་སྣང་སྒྱུ་མ་ལྟ་བུའི་ལྷ༔ སྣང་སྲིད་གཞིར་གཞེངས་ལུས་དབེན་འགྲུབ༔ དེ་ལྟར་སྔོན་ཏུ་ལེགས་སོང་ནས༔ དངོས་གཞིར་སྔགས་ཀྱི་རིམ་པ་སོགས༔ ཇི་སྐད་བཤད་པ་དེ་བཞིན་དུ༔ ངེས་རྫོགས་ཚུལ་དུ་ཉམས་སུ་བླང་༔ མོས་པས་སྟན་གཅིག་བསྒོམ་ཀྱང་རུང་༔ རྗེས་ནི་ཐུན་མཐར་དགེ་ཚོགས་བསྔོ༔ ཟུང་འཇུག་འགྲུབ་པའི་སྨོན་ལམ་གདབ༔ ཐུན་མཚམས་དངོས་གཞིའི་ཉམས་མྱོང་བསྐྱང་༔ གེགས་སེལ་བོགས་འདོན་ཐབས་དང་བཅས༔ རྩེ་གཅིག་ཉམས་སུ་བླངས་པ་ལས༔ བསྐྱེད་པས་སྔགས་ཀྱི་ཚོགས་ལམ་བགྲོད༔ དབེན་པ་གསུམ་གྱིས་དྲོད་རྩེ་དང་༔ སྒྱུ་མས་བཟོད་ཆོས་མཐར་ཕྱིན་ནས༔ སྐུ་དང་ཡེ་ཤེས་དབྱེར་མེད་པའི༔ གོ་འཕང་མཆོག་ཏུ་འགྲུབ་པར་འགྱུར༔ མདོར་ན་གསང་ཆེན་བླ་མེད་ཀྱི༔ སྙིང་པོ་ངོ་མཚར་རྨད་བྱུང་བ༔ མ་བྱུང་འབྱུང་བར་དཀའ་བའི་ཆོས༔ བདེ་གཤེགས་ཡོངས་ཀྱི་བགྲོད་གཅིག་ལམ༔ རྒྱུད་ལུང་མན་ངག་ཐམས་ཅད་ཀྱི༔ འོ་མའི་ཡང་བཅུད་ཞུན་མར་ལྟར༔ རིམ་པ་ལྔ་དང་དབང་བཞིའི་ལམ༔ ཟབ་ཅིང་འདྲིལ་བར་བཤད་པ་འདི༔ དབང་རྣོན་སྐལ་ལྡན་རིན་པོ་ཆེའི༔ རིགས་ཅན་རྣམས་ཀྱི་སྤྱོད་ཡུལ་ཏེ༔ བོད་ཀྱི་རྣལ་འབྱོར་ཐང་སྟོང་པར༔ ཨོ་རྒྱན་པདྨ་སམ་བྷ་བས༔ གདམས་པའི་སྙིང་པོ་ཡང་དག་གོ༔ ས་མ་ཡ༔ བཞི་པ་ཡོན་ཏན་དབང་བསྐུར་ནི༔ རྡོ་རྗེའི་བླ་མ་མཚན་རྫོགས་ཀྱིས༔ སྣོད་ལྡན་སློབ་མ་རྗེས་གཟུང་ཕྱིར༔ ལས་སུ་རུང་བའི་སྒྲུབ་ཁང་དུ༔ ལྷ་དང་བུམ་པ་སྟ་གོན་དང་༔ སློབ་མ་ལྷག་གནས་ཆོ་གས་བྱ༔ དེ་ཡང་ཁྲུས་བྱས་བགེགས་བསལ་བསྲུང་༔ མཎྜལ་དང་བཅས་གསོལ་བ་གདབ༔ བླ་མ་གསང་སྔགས་ཆེ་བའི་མཆོག༔ ཁྱབ་བདག་རྡོ་རྗེ་སློབ་དཔོན་གྱིས༔ ཁྲག་འཐུང་རོལ་པའི་དཀྱིལ་འཁོར་ཆེར༔ བདག་ཅག་རྗེས་སུ་བཟུང་མཛད་གསོལ༔ ཡན་ལག་བརྒྱད་ཀྱིས་རྒྱུད་སྦྱངས་པར༔ སྡོམ་པ་འབོགས་པའི་ཆོ་ག་བརྩམ༔ ཧོཿ བླ་མ་རྡོ་རྗེ་སློབ་དཔོན་དང་༔ བདེ་གཤེགས་ཞི་ཁྲོ་དགོངས་སུ་གསོལ༔ སེམས་ཅན་ཀུན་གྱི་དོན་བགྱིད་ཕྱིར༔ བདག་ནི་གུས་པས་སྐྱབས་སུ་མཆི༔ སོ་སོར་ཐར་དང་བྱང་ཆུབ་སེམས༔ རིག་འཛིན་སྔགས་ཀྱི་འདུལ་བ་སྤྱི༔ ཁྱད་པར་རྩ་བ་སྐུ་གསུང་ཐུགས༔ ཡན་ལག་དམ་ཚིག་ཉི་ཤུ་ལྔ༔ སྒྲུབ་པ་ལྷག་པའི་དམ་ཚིག་རྣམས༔ ཚུལ་བཞིན་བཟུང་ཞིང་བསྲུང་བར་བགྱི༔ གཞི་ལུས་རྡོ་རྗེ་སེམས་དཔར་བསྐྱེད༔ སྒོ་གསུམ་བྱིན་རླབས་མཆོད་པར་བྱ༔ ལུས་རྩའི་དྲི་མ་སྦྱང་བ་དང་༔ དངོས་གྲུབ་ངེས་པར་བརྟག་པའི་ཕྱིར༔ རྡོ་རྗེ་བཞད་པས་སོ་ཤིང་དོར༔ ཨོཾ་བཛྲ་ཧ་ས་ཧཾ༔ ངག་དང་རླུང་གི་སྒྲིབ་སྦྱངས་ཤིང་༔ རྨི་ལམ་གསལ་ཕྱིར་ཁྱོར་ཆུ་ནི༔ མཱ་མ་ཀཱི་ཡི་སྔགས་ཀྱིས་སྦྱིན༔ ཨོཾ་བཾ་བཛྲ་མཱ་མ་ཀཱི་ཨ་མྲྀ་ཏ་བི་ཤོ་དྷ་ཡ་ཧཱུྃ༔ ཡིད་དང་ཐིག་ལེའི་སྒྲིབ་སྦྱང་ཞིང་༔ རྨི་ལམ་བར་ཆད་བསྲུང་བའི་ཕྱིར༔ སྔགས་མདུད་དམར་པོ་ཚད་ལྡན་པ༔ རྡོ་རྗེ་མཆེ་བའི་ཕྱག་རྒྱས་བསང་༔ ཨོཾ་བཛྲ་ཡཀྵ་ཧཱུྃ༔ རྡོ་རྗེ་འཆང་བའི་སྔགས་ཀྱིས་བཅིང་༔ ཨོཾ་བཛྲ་བྷནྡྷ་བཾ༔ རྡོ་རྗེ་སྲུང་བས་རྒྱས་གདབ་བོ༔ ཨོཾ་བཛྲ་རཀྵཱ་ཧཾ༔ ཀུན་གཞི་ཡེ་ཤེས་སྒྲིབ་སྦྱང་ཞིང་༔ སྔས་དང་སྟན་ཕྱིར་ཀུ་ཤ་སྦྱིན༔ མི་གཡོ་མཉམ་པའི་སྔགས་ཀྱིས་བརྟན༔ ཨོཾ་བཛྲ་ཨ་ཙ་ལ་ས་མ་ཡ་སྟྭཾ༔ མི་ལྡོག་ཕྱིར་དུ་ཆོས་བཤད་ཅིང་༔ རྨི་ལམ་བརྟག་པར་གདམས་ནས་བཏང་༔ དེ་ནས་དངོས་གཞིའི་ལས་རིམ་ནི༔ སྒྲུབ་པའི་དཀྱིལ་འཁོར་ཚུལ་བཞིན་བཞེངས༔ དབང་རྫས་རབ་གནས་ལྡན་པ་དཀྲམ༔ བསྙེན་ཅིང་སྒྲུབ་པས་ནུས་ལྡན་བྱ༔ ཚོགས་དང་གཏོར་མས་མཆོད་ཅིང་བསྐང་༔ བདག་ཉིད་དམ་ཚིག་གསོ་བའི་ཕྱིར༔ དབང་བསྐུར་བླང་ཞིང་གནང་བ་ནོད༔ ལྷག་པར་གནས་པའི་སློབ་མ་རྣམས༔ སྒོ་དྲུང་དག་པའི་ཁྲུས་ནས་དབྱུང་༔ ནང་དུ་ཞུགས་ལ་མཚམས་བཅད་ཅིང་༔ གདོང་དགབ་མེ་ཏོག་ཕྲེང་བ་གཏད༔ དེ་ནས་གསོལ་བ་གདབ་པའི་ཕྱིར༔ མཎྜལ་དང་བཅས་ཐལ་མོ་སྦྱར༔ ཁྲག་འཐུང་གཙོ་བོ་ཁྱོད་ལ་འདུད༔ དཔལ་ཆེན་དཀྱིལ་འཁོར་འཇུག་པ་དང་༔ དབང་དང་བྱིན་རླབས་ལས་ཀྱི་རིམ༔ ཐུགས་རྗེས་དགོངས་ཏེ་སྩལ་དུ་གསོལ༔ ཞེས་གསོལ་དེ་ལ་སློབ་དཔོན་གྱིས༔ བདེ་གཤེགས་ཞི་ཁྲོའི་དཀྱིལ་འཁོར་དུ༔ འཇུག་པའི་སྐལ་ལྡན་ཤིན་ཏུ་དཀོན༔ དད་བརྩོན་བརྟུལ་ཞུགས་སྤྱོད་ནུས་ན༔ སྙིང་པོའི་དབང་བསྐུར་སྦྱིན་པར་བྱ༔ ཞེས་དྲིས་དེ་ཡི་ལན་གསོལ་བ༔ བདག་ནི་དངོས་གྲུབ་མཆོག་ལ་དད༔ རྡོ་རྗེའི་ལམ་ལ་བརྩོན་པ་དང་༔ ཟབ་མོའི་བརྟུལ་ཞུགས་སྤྱོད་ནུས་ཕྱིར༔ ངེས་པར་བཀའ་དྲིན་བསྐྱང་བར་འཚལ༔ ཞེས་ཞུས་དམ་ཚིག་བདུད་རྩི་སྦྱིན༔ དེ་ལྟར་ཡིན་ན་ཧེ་རུ་ཀའི༔ ཡེ་ཤེས་ཁྱོད་ལ་སྨིན་པར་བྱ༔ དམ་ཚིག་བདུད་རྩི་འདི་འཐུངས་ལ༔ འདའ་དཀའི་གཡར་དམ་ཚུལ་བཞིན་སྲུངས༔ ཨོཾ་བཛྲ་ས་མ་ཡ་ཨུ་ད་ཀ་ཋ༔ དེས་ཀྱང་རོལ་ཞིང་བྲོ་བོར་བྱ༔ ས་མ་ཡ་ཨི་དཾ་ན་ར་ཀན༔ རྒྱུད་སྦྱང་སྡོམ་གསུམ་ཁས་བླངས་བཟུང་༔ ཛཿཧཱུཾ་བཾ་ཧོཿས་དཀྱིལ་འཁོར་དུ༔ དགུག་ཅིང་སྒོ་བཞིར་འཇུག་ཕྱག་འཚལ༔ སླར་ཡང་ཤར་སྒོར་འཁོད་པ་ལ༔ རྡོ་རྗེ་གནས་གསུམ་བཞག་ནས་ཀྱང་༔ སྐུ་གསུང་ཐུགས་ཀྱི་དམ་ཚིག་སྦྱིན༔ ཨོཾཿ བདེ་གཤེགས་ཁྲག་འཐུང་རབ་འབྱམས་ཀྱི༔ སྐུ་ཡི་དམ་ཚིག་ལུས་ཀྱིས་སྲུངས༔ ཉམས་པ་ཐམས་ཅད་ཡོངས་སྤངས་ནས༔ སྣང་སྟོང་ཕྱག་རྒྱ་འགྲུབ་པར་གྱིས༔ ཀཱ་ཡ་ས་མ་ཡ་རཀྵནྟུ༔ ཨཱཿ བདེ་གཤེགས་ཁྲག་འཐུང་རབ་འབྱམས་ཀྱི༔ གསུང་གི་དམ་ཚིག་ངག་གིས་སྲུངས༔ ཉམས་པ་ཐམས་ཅད་ཡོངས་སྤངས་ནས༔ གྲགས་སྟོང་སྔགས་སུ་འགྲུབ་པར་གྱིས༔ ཝཱ་ཀ་ས་མ་ཡ་རཀྵནྟུ༔ ཧཱུྃ༔ བདེ་གཤེགས་ཁྲག་འཐུང་རབ་འབྱམས་ཀྱི༔ ཐུགས་ཀྱི་དམ་ཚིག་ཡིད་ཀྱིས་སྲུངས༔ ཉམས་པ་ཐམས་ཅད་ཡོངས་སྤངས་ནས༔ རིག་སྟོང་ཟུང་འཇུག་གྲུབ་པར་གྱིས༔ ཙིཏྟ་ས་མ་ཡ་རཀྵནྟུ༔ དམ་ཚིག་དེ་ཉིད་མངོན་བྱེད་ཕྱིར༔ ཡེ་ཤེས་དབབ་པའི་ཆོ་ག་བྱ༔ སློབ་མ་ལུས་བསྲང་རླུང་བཟུང་ཞིང་༔ ཡིད་ནི་རྟོག་མེད་ངང་དུ་བཞག༔ སློབ་དཔོན་དཔལ་ཆེན་ཧེ་རུ་ཀའི༔ ཐུགས་སྲོག་ཧཱུྃ་ལས་ཡེ་ཤེས་ཀྱི༔ འོད་ཟེར་མེ་ལྕེ་ལྟ་བུར་བྱུང་༔ སློབ་མའི་བདག་རྟོག་བག་ཆགས་བསྲེགས༔ རྣམ་ཤེས་དྭངས་མ་ཧཱུྃ་དུ་གྱུར༔ བླ་མའི་ཞལ་ཞུགས་ཐུགས་ཀར་ཞུ༔ རྡོ་རྗེའི་ལམ་ནས་ཡུམ་གྱི་མཁར༔ ཧེ་རུ་ཀ་་་་་་་ཞལ་གཅིག་ཕྱག་གཉིས། མཆན། ཡི་སྐུར་གྱུར་པ༔ སྦྱོར་མཚམས་ནས་ཐོན་གདན་སྟེང་དུ༔ འཁོད་པའི་གནས་གསུམ་འབྲུ་གསུམ་མཚན༔ སློབ་དཔོན་དཀྱིལ་འཁོར་ལྷ་ཚོགས་ཀྱི༔ ཐུགས་ཀའི་འོད་དང་བདེ་བའི་སྒྲས༔ མཁའ་ཁྱབ་བདེ་གཤེགས་ཞི་ཁྲོའི་ཚོགས༔ སྐུ་གསུང་ཐུགས་ཀྱི་ཕྱག་རྒྱར་སད༔ རྒྱ་མཚོར་ཆར་ཆེར་བབས་ལྟར་ཐིམ༔ ཡེ་ཤེས་གཟི་བྱིན་འབར་བར་བསམ༔ དགོངས་པའི་གདིང་བསྐྱེད་སྤོས་རོལ་དང་༔ གདུང་བའི་གླུ་ཡིས་ཐུགས་དམ་བསྐུལ༔ སྔགས་མཐར་རིག་པ་བཏགས་ལ་དབབ༔ ཛྙཱ་ན་ཨཱ་བེ་ཤ་ཡ་ཨཱ་བེ་ཤ་ཡ༔ སྟྭྃ་བྷ་ཡ་སྟྭཾ་བྷ་ཡཿ ར་ར་ར་ར༔ ཙ་ལཱ་ཡ་ཙ་ལཱ་ཡ༔ ཧཱུྃ་ཨ་ཧ་ཛྷཻཾཿ དྲག་ཏུ་བཟླས་པས་ཕེབ་པ་ན༔ ཏིཥྛ་བཛྲ་ས་བརྟན་པར་བསྒྲུབ༔ འབྲེལ་བའི་ལྷ་ལ་མེ་ཏོག་ཕུལ༔ ཨོཾ༔ རིན་ཆེན་མེ་ཏོག་ཡིད་འཕྲོག་རྫས༔ བདེ་གཤེགས་ཞི་ཁྲོའི་དཀྱིལ་འཁོར་ལྷར༔ གུས་པས་རིགས་ཀྱི་ལྷ་ལ་འབུལ༔ ཐུགས་རྗེས་དགོངས་ཏེ་བཞེས་སུ་གསོལ༔ བཛྲ་པཥྤེ་པྲ་ཏྭིཙྪ་ཧོ༔ མེ་ཏོག་སྤྱིར་བཅིང་ལྷག་ལྷ་བསྟིམ༔ ཧཱུྃ༔ མེ་ཏོག་ཅོད་པན་བརྡས་མཚོན་ཏེ༔ ལྷག་པའི་ཕྱག་རྒྱ་སྤྱི་བོར་བསྟིམ༔ བྱང་ཆུབ་བར་དུ་མི་འབྲལ་བས༔ དངོས་གྲུབ་རྣམ་གཉིས་ཐོབ་པར་ཤོག༔ པུཥྤེ་ཛྙཱ་ན་སིདྡྷི་ཧཱུྃ༔ རིགས་དང་མཐུན་པའི་མིང་ཡང་གདགས༔ མ་རིག་ཡེ་ཤེས་ཐུར་མས་བསལ༔ ཧོཿ སྔོན་གྱི་མིག་མཁན་རྒྱལ་པོ་ཡིས༔ འགྲོ་བའི་ལིང་ཏོག་བསལ་བ་ལྟར༔ དེ་བཞིན་ཁྱོད་གྱི་མ་རིག་མིག༔ རིག་པ་ཡེ་ཤེས་ཐུར་མས་དབྱེ༔ བཛྲ་ཛྙཱ་ན་ཙཀྵུཿཔྲ་བེ་ཤ་ཡ་ཕཊ༔ ཀྱེ་ཧོ་རྡོ་རྗེའི་སློབ་མ་མཆོག༔ ཁྱེད་རྣམས་ལས་སད་སྐལ་བར་ལྡན༔ ཡེ་ཤེས་ཆེན་པོའི་སྤྱན་ཐོབ་པས༔ དཔལ་གྱི་དཀྱིལ་འཁོར་བལྟ་བར་གྱིས༔ ཧེ་བཛྲ་མཎྜ་ལ་པཱ་ཤྱ་ཧོ༔ ཞེས་བསྐུལ་མཚོན་བྱེད་རྟགས་ཀྱི་བརྡས༔ མཚོན་བྱ་དོན་གྱི་དཀྱིལ་འཁོར་བསྟན༔ ཕྱི་ནང་གཞན་གསུམ་དབྱེར་མེད་པ༔ མངོན་སུམ་ཉིད་དུ་མཐོང་བར་བསམ༔ དེས་ནི་ལྷ་དང་སྐལ་མཉམ་པས༔ ཡེ་ཤེས་སྨིན་པའི་སྣོད་དུ་འགྱུར༔ ཞུགས་པའི་རྡོ་རྗེའི་དཀྱིལ་འཁོར་ཆེར༔ དངོས་གཞིར་དབང་བསྐུར་རིམ་པ་ནི༔ མཎྜལ་དང་བཅས་གསོལ་བ་གདབ༔ བྱང་ཆུབ་རྡོ་རྗེ་འཆང་ཆེན་པོས༔ རྒྱལ་བ་རིགས་ལྔར་དབུགས་དབྱུང་ལྟར༔ བདག་ཀྱང་ཡོངས་སུ་སྨིན་བྱའི་ཕྱིར༔ ཁྱབ་བདག་ཆེན་པོས་བཀའ་དྲིན་སྩོལ༔ ཞེས་ཞུ་ཕན་ནུས་ཟབ་མོ་ཡི༔ དབང་རྣམས་རིམ་བཞིན་སྦྱིན་པ་ལ༔ ཐོག་མར་ཕན་པའི་དབང་གི་སླད༔ དབང་ལྷ་སྤྱན་དྲངས་མཆོད་ཅིང་གསོལ༔ སློབ་མ་རྡོ་རྗེ་ཁྲག་འཐུང་བསྐྱེད༔ མི་བསྐྱོད་བདུད་རྩིའི་ཆུ་དབང་བསྐུར༔ ཧཱུྃ༔ མི་བསྐྱོད་རྒྱལ་པོ་དེ་བཞིན་གཤེགས༔ བདུད་རྩི་ཆུ་ཡི་དབང་བསྐུར་བས༔ རྣམ་ཤེས་ཞེ་སྡང་གནས་དག་ནས༔ རྡོ་རྗེའི་རིགས་སུ་འགྲུབ་པར་ཤོག༔ བཛྲ་ཨུ་ད་ཀ་ཨ་བྷི་ཥིཉྩཱ་མི༔ སློབ་མ་རཏྣ་ཁྲག་འཐུང་བསྐྱེད༔ རིན་འབྱུང་དབུ་རྒྱན་སྤྱི་བོར་བཅིང་༔ ཧཱུྃ༔ འདོད་འབྱུང་རྒྱལ་པོ་དེ་བཞིན་གཤེགས༔ ལོངས་སྤྱོད་དབུ་རྒྱན་དབང་བསྐུར་བས༔ ཚོར་བ་ང་རྒྱལ་གནས་དག་ནས༔ རིན་ཆེན་རིགས་སུ་འགྲུབ་པར་ཤོག༔ རཏྣ་མུ་ཀུ་ཊ་ཨ་བྷི་ཥིཉྩཱ་མི༔ སློབ་མ་པདྨ་ཁྲག་འཐུང་བསྐྱེད༔ ཐབས་ཀྱི་རྡོ་རྗེ་ལག་གཡས་གཏད༔ ཧྲཱིཿ དཔག་མེད་རྒྱལ་པོ་དེ་བཞིན་གཤེགས༔ ཐབས་ཀྱི་རྡོ་རྗེས་དབང་བསྐུར་བས༔ འདུ་ཤེས་འདོད་ཆགས་གནས་དག་ནས༔ པདྨའི་རིགས་སུ་འགྲུབ་པར་ཤོག༔ བཛྲ་པདྨ་ཨ་བྷི་ཥིཉྩཱ་མི༔ སློབ་མ་ཀརྨ་ཁྲག་འཐུང་བསྐྱེད༔ ཤེས་རབ་དྲིལ་བུ་ལག་གཡོན་གཏད༔ ཨཱཿ དོན་གྲུབ་རྒྱལ་པོ་དེ་བཞིན་གཤེགས༔ ཤེས་རབ་དྲིལ་བུས་དབང་བསྐུར་བས༔ འདུ་བྱེད་ཕྲག་དོག་གནས་དག་ནས༔ ལས་ཀྱི་རིགས་སུ་འགྲུབ་པར་ཤོག༔ བཛྲ་གྷཱཎྜེ་ཨ་བྷི་ཥིཉྩཱ་མི༔ སློབ་མ་བུདྡྷ་ཁྲག་འཐུང་བསྐྱེད༔ རྡོར་དྲིལ་ལྷན་ཅིག་སྤྱི་བོར་འཁྲོལ༔ གསང་བའི་མིང་གིས་བསྙད་པར་བྱ༔ ཨོཾ༔ སྣང་མཛད་རྒྱལ་པོ་དེ་བཞིན་གཤེགས༔ རྡོ་རྗེའི་མིང་གིས་དབང་བསྐུར་བས༔ གཟུགས་སྣང་གཏི་མུག་གནས་དག་ནས༔ བདེ་གཤེགས་རིགས་སུ་འགྲུབ་པར་ཤོག༔ བུདྡྷ་བཛྲ་ནཱ་མ་ཨ་བྷི་ཥིཉྩཱ་མི༔ དབང་གི་བདུད་རྩི་སྤྱི་བོར་འཁྱིལ༔ བདེ་གཤེགས་རིགས་ལྔས་དབུ་བརྒྱན་བསམ༔ དབང་ལྷ་བསྟིམ་ཞིང་ཡེ་ཤེས་བརྟན༔ མཆོད་པས་མངའ་དབུལ་ཤིས་པ་བརྗོད༔ དེ་ནི་ཕན་དབང་རྣམ་ལྔའོ༔ དེ་ནས་ནུས་པའི་དབང་བསྐུར་ལ༔ སྐུ་གསུང་ཐུགས་ཡོན་ཕྲིན་ལས་ཀྱི༔ རྩ་བའི་དབང་ལྔས་ནུས་བྱིན་སྐྱེད༔ ཉན་སྒོམ་འཆད་ཕྲིན་བདག་པོ་ཆེ༔ ཁྱད་པར་དབང་ལྔས་དོན་གཉིས་སྤྱོད༔ ཉམས་སྐོང་དངོས་གྲུབ་མངོན་སྤྱོད་ཚེ༔ འོད་གསལ་མར་མེས་ལས་ཀུན་འགྲུབ༔ དེ་ལ་དང་པོ་རྩ་བའི་དབང་༔ ཐོག་མར་གཙོ་རྣམས་ཕྱག་རྒྱ་ཐོགས༔ དབང་གནས་སོ་སོར་བཞག་ཅིང་བསྟིམ༔ གཙོ་འཁོར་ཡོངས་རྫོགས་དབང་ཐོབ་བསམ༔ སྤྱི་བོ།་་་་་་ཧཱུྃ༔ ཤིན་ཏུ་རྣམ་དག་ཡེ་ཤེས་སྐུ༔ བཅོམ་ལྡན་རྡོ་རྗེ་སེམས་དཔའ་ཡི༔ རིགས་ཀྱི་བུ་ལ་དབང་བསྐུར་བས༔ ཞི་བ་ཡོངས་རྫོགས་དབང་ཐོབ་ཤོག༔ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ ལྟེ་བ།་་་་་་ཧཱུྃ༔ ཆོས་ཀྱི་དབྱིངས་ཀྱི་ཡེ་ཤེས་སྐུ༔ དཀྱིལ་འཁོར་ཁྱབ་བདག་དཔལ་ཆེན་པོས༔ རིགས་ཀྱི་བུ་ལ་དབང་བསྐུར་བས༔ ཆེ་མཆོག་ཡོངས་རྫོགས་དབང་ཐོབ་ཤོག༔ ཨོཾ་བཛྲ་མ་ཧཱ་ཀྲོ་དྡྷ་ཤྲཱི་ཧེ་རུ་ཀ་ཧཱུྃ་ཕཊཿ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ དཔྲལ་བ་་་་་་་ཧཱུྃ༔ མཉམ་པ་ཉིད་ཀྱི་ཡེ་ཤེས་སྐུ༔ འཇམ་དཔལ་ཡ་མཱནྟ་ཀ་ཡིས༔ རིགས་ཀྱི་བུ་ལ་དབང་བསྐུར་བས༔ གཤིན་རྗེ་ཡོངས་རྫོགས་དབང་ཐོབ་ཤོག༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ མགྲིན་པ།་་་་་ཧཱུྃ༔ སོ་སོར་ཀུན་རྟོག་ཡེ་ཤེས་སྐུ༔ དཔལ་ཆེན་ཧ་ཡ་གྲཱི་ཝ་ཡིས༔ རིགས་ཀྱི་བུ་ལ་དབང་བསྐུར་བས༔ རྟ་མགྲིན་ཡོངས་རྫོགས་དབང་ཐོབ་ཤོག༔ ཨོཾ་པདྨཱནྟ་ཀྲྀ་ཏ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ སྙིང་ག་་་་་་ཧཱུྃ༔ མེ་ལོང་ལྟ་བུའི་ཡེ་ཤེས་སྐུ༔ བཅོམ་ལྡན་བཛྲ་ཧེ་རུ་ཀས༔ རིགས་ཀྱི་བུ་ལ་དབང་བསྐུར་བས༔ ཡང་དག་ཡོངས་རྫོགས་དབང་ཐོབ་ཤོག༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷཱི་ཥིཉྩ་ཨོཾ༔ གསང་བ།་་་་་་ཧཱུྃ༔ བྱ་བ་ནན་ཏན་ཡེ་ཤེས་སྐུ༔ ཕྲིན་ལས་བཛྲ་ཀི་ལ་ཡས༔ རིགས་ཀྱི་བུ་ལ་དབང་བསྐུར་བས༔ ཕུར་པ་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ ནོར་བུ།་་་་་་་ཧཱུྃ༔ ཀློང་དུ་གྱུར་པའི་ཡེ་ཤེས་སྐུ༔ བཅོམ་ལྡན་བླ་མེད་ཧེ་རུ་ཀས༔ རིགས་ཀྱི་བུ་ལ་དབང་བསྐུར་བས༔ མ་མོ་ཡོངས་རྫོགས་དབང་ཐོབ་ཤོག༔ ཨོཾ་གུ་ཧྱ་ཛྙཱ་ན་ཀྲོ་དྷ་ཀྲོ་དྷཱི་མ་མ་ཡོ་གི་ནཱི་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ སྤྱི་གཙུག་་་་་་་་ཧཱུྃ༔ འདའ་དཀའ་འོད་གསལ་ཡེ་ཤེས་སྐུ༔ བླ་མ་རྡོ་རྗེ་ཆོས་ཆེན་པོས༔ རིགས་ཀྱི་བུ་ལ་དབང་བསྐུར་བས༔ རིག་འཛིན་ཡོངས་རྫོགས་དབང་ཐོབ་ཤོག༔ ཨོཾ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ བརླ་གཡས།་་་་་་ཧཱུྃ༔ དབྱིངས་སུ་སྒྲོལ་བའི་ཡེ་ཤེས་སྐུ༔ དཔལ་ཆེན་དྲེགས་པ་ཀུན་འདུལ་གྱིས༔ རིགས་ཀྱི་བུ་ལ་དབང་བསྐུར་བས༔ དྲེགས་པ་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ བརླ་གཡོན།་་་་་་ཧཱུྃ༔ མཐའ་གྲོལ་གཉུག་མའི་ཡེ་ཤེས་སྐུ༔ དཔལ་ཆེན་སྟོབས་ལྡན་ནག་པོ་ཡིས༔ རིགས་ཀྱི་བུ་ལ་དབང་བསྐུར་བས༔ དྲག་སྔགས་ཡོངས་རྫོགས་དབང་ཐོབ་ཤོག༔ ཨོཾ་བཛྲ་སརྦ་དུཥྟཱན་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ ཕྲག་པ་གཉིས།་་་་་་ཧཱུྃ༔ ཐོགས་མེད་རྩལ་ཆེན་ཡེ་ཤེས་སྐུ༔ རྡོ་རྗེ་མཁའ་ལྡིང་ཆེན་པོ་ཡིས༔ རིགས་ཀྱི་བུ་ལ་དབང་བསྐུར་བས༔ ཁྱུང་ཆེན་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ག་རུ་ཌ་ཧེ་ཧཾ་སེ་ཙ་ལེ་ཙ་ལེ་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ ལག་ཏུ་གཏད།་་་་་་ཧཱུྃ༔ འབར་བ་ཆེན་པོའི་ཡེ་ཤེས་སྐུ༔ གཉིས་མེད་མ་ནིང་ནག་པོ་ཡིས༔ རིགས་ཀྱི་བུ་ལ་དབང་བསྐུར་བས༔ བཀའ་སྡོད་ཡོངས་རྫོགས་དབང་ཐོབ་ཤོག༔ ཨོཾ་ཤྲཱི་མ་ཧཱ་ཀཱ་ལ་ག་ཎ་གུ་ཧྱ་ཧཱུྃ་ཕཊ༔ ཀཱ་ཡ་ཛྙཱ་ན་ཨ་བྷི་ཥིཉྩ་ཨོཾ༔ སྣོད་བཅུད་ལྷ་དང་གཞལ་ཡས་སུ༔ ངོ་སྤྲད་བསྐྱེད་རིམ་བསྒོམ་པར་གདམས༔ གསུང་ནི་སྔགས་ཕྲེང་སྤྲོས་ལ་བསྟིམ༔ ཛབ྄་དགོངས་གསལ་བཏབ་བཟླས་ལུང་སྦྱིན༔ སྔགས་བྱང་མགྲིན་པར་བཞག །ཨཱཿ བདེ་གཤེགས་ཞི་ཁྲོའི་ལྷ་ཚོགས་ཀྱི༔ སྙིང་པོ་ལུང་གི་དབང་བསྐུར་བས༔ བསྙེན་དང་སྒྲུབ་དང་ལས་སྦྱོར་གྱི༔ བཟླས་པས་དངོས་གྲུབ་མཆོག་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་ཝཱ་ཀཱ་ཛྙཱ་ན་ཨ་བྷི་ཥིཉྩ་ཨ༔ སྒྲ་ཀུན་བདེ་གཤེགས་ཞི་ཁྲོ་ཡི༔ གསུང་དུ་ངོ་སྤྲད་བཟླས་པར་གདམས༔ ཐུགས་ནི་གཉིས་མེད་ཡེ་ཤེས་དབྱིངས༔ རྡོ་རྗེའི་རྣམ་པར་སྤྲོས་ལ་བསྟིམ༔ རྡོ་རྗེ་སྙིང་གར་བཞག །ཧཱུྃ༔ བདེ་གཤེགས་ཞི་ཁྲོ་ཡོངས་རྫོགས་ཀྱི༔ ཡེ་ཤེས་ཐུགས་ཀྱིས་དབང་བསྐུར་བས༔ ལྷ་དང་བདག་ཉིད་དབྱེར་མེད་པའི༔ དགོངས་པ་མི་འགྱུར་གདིང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་ཙིཏྟ་ཛྙཱ་ན་ཨ་བྷི་ཥིཉྩ་ཧཱུྃ༔ རྟོག་ཚོགས་ཡེ་ཤེས་ཆེན་པོ་རུ༔ ངོ་སྤྲད་དགོངས་པ་བསྐྱང་བར་གདམས༔ ཡོན་ཏན་རྣམ་གྲོལ་ནུས་བསྐྱེད་ཕྱིར༔ བདུད་རྩིའི་ཕོ་བྲང་སྤྱི་བོར་བཞག༔ དཔལ་ཆེན་གསང་གསུམ་བྱིན་རླབས་བསྟིམ༔ ཡོན་ཏན་རྣམ་གྲོལ་ནུས་པ་བསྐྱེད༔ སྭཱ༔ སྣོད་ནི་རང་བྱུང་གཞལ་མེད་ཁང་༔ བཅུད་ནི་ཞི་ཁྲོ་ཡོངས་རྫོགས་ལྷས༔ རིགས་ཀྱི་བུ་ལ་དབང་བསྐུར་བས༔ རྣམ་གྲོལ་ཡོན་ཏན་དབང་བསྒྱུར་ཤོག༔ ཨོཾ་བཛྲ་ཨ་མྲྀ་ཏ་ཧཱུྃ་ཧྲཱིཿཋཱ༔ གུ་ཎ་ཛྙཱ་ན་ཨ་བྷི་ཥིཉྩ་སྭཱ༔ དཀྱིལ་འཁོར་འོད་ཞུ་བདུད་རྩིར་བསམ༔ ཕུད་ཀྱིས་བླ་མ་ཡི་དམ་མཆོད༔ བར་པ་རང་གིས་མྱང་ཞིང་སྦྱིན༔ བྱ་བ་མཐོང་ཐོས་མྱོང་རེག་ཀུན༔ ཡོན་ཏན་རྣམ་གྲོལ་མཆོག་ལ་སྦྱར༔ ཕྲིན་ལས་སྒྲུབ་པའི་ཕུར་བུ་གཏད༔ ཧཱ༔ བདེ་གཤེགས་ཞི་ཁྲོ་ཡོངས་རྫོགས་ཀྱི༔ འདུལ་ཐབས་རྣམ་པ་ཐམས་ཅད་པས༔ རིགས་ཀྱི་བུ་ལ་དབང་བསྐུར་བས༔ ཐོགས་མེད་ཕྲིན་ལས་ཀུན་འགྲུབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་བི་ཤྭ་ཀརྨ་ཨ་བྷི་ཥིཉྩ་ཧཱ༔ བྱེད་སྤྱོད་ཕྲིན་ལས་རྣམ་པ་བཞིས༔ འགྲོ་བ་འདུལ་བ་རྗེས་སུ་གདམས༔ རང་གཞན་དོན་གཉིས་བསྒྲུབ་པའི་ཕྱིར༔ ཉན་དབང་པུསྟི་རྣ་བར་བཞག༔ ཨོཾ༔ སྒྲ་གསལ་ཐིག་ལེའི་དཀྱིལ་འཁོར་དུ༔ སྔགས་རྒྱུད་རབ་འབྱམས་དབང་བསྐུར་བས༔ གསང་བ་གསང་ཆེན་བླ་མེད་ཆོས༔ ཉན་ཅིང་འཛིན་པའི་དབང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་སརྦ་དྷརྨ་ཨ་བྷི་ཥིཉྩ་ཧྲཱི༔ སྒོམ་སྒྲུབ་ཕྲེང་བ་ལག་ཏུ་གཏད༔ ཨོཾ༔ དྲན་གསལ་ཐིག་ལེའི་དཀྱིལ་འཁོར་དུ༔ ཐུགས་རྗེ་གཟུངས་ཀྱི་དབང་བསྐུར་བས༔ བསྙེན་སྒྲུབ་ཡན་ལག་རྣམ་པ་བཞི༔ སྒོམ་སྒྲུབ་བཟླས་པའི་དབང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་སརྦ་བྷཱ་ཝ་ཨ་བྷི་ཥིཉྩ་ཧོཿ འཆད་པ་ཆོས་དུང་ལྗགས་ལ་བཞག༔ ཨོཾ༔ སྨྲ་བྱེད་ཐིག་ལེའི་དཀྱིལ་འཁོར་དུ༔ འཆད་པ་ལུང་གི་དབང་བསྐུར་བས༔ ཆོས་ཀྱི་དུང་ནི་བླ་མེད་པས༔ འགྲཽ་འདུལ་མཆོག་གི་དབང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་སརྦ་བྷཱ་ཥ་ཨ་བྷི་ཥིཉྩ་ཧྲཱི༔ ལས་དབང་ཕྱག་ཤིང་ལག་ཏུ་གཏད༔ ཨོཾ༔ སྐྱེད་བྱེད་ཐིག་ལེའི་དཀྱིལ་འཁོར་དུ༔ རྡོ་རྗེའི་ཕྱག་ཤིང་དབང་བསྐུར་བས༔ སྔགས་ཀྱི་སྤྱོད་པའི་ཚུལ་ཆེན་པོའི༔ ལས་རྣམས་གྲུབ་པའི་དབང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་སརྦ་ཀརྨ་ཨ་བྷི་ཥིཉྩ་ཧོ༔ སློབ་དཔོན་མཆོག་ཏུ་དབུགས་དབྱུང་ཕྱིར༔ བུ་རྣམས་སེང་གེའི་ཁྲི་ལ་བཀོད༔ རིན་ཆེན་གདུགས་འཕན་རྒྱལ་མཚན་འཕྱར༔ ལག་ཏུ་རྡོ་རྗེ་དྲིལ་བུ་གཏད༔ ཨོཾ་ཨཱཿཧཱུྃ༔ སྒོ་གསུམ་ཐིག་ལེའི་དཀྱིལ་འཁོར་དུ༔ ཐབས་ཤེས་ཟུང་འཇུག་དབང་བསྐུར་བས༔ དཀྱིལ་འཁོར་ཁྱབ་བདག་ཆེན་པོ་དང་༔ དབྱེར་མེད་གྲུབ་པའི་དབང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་ཀཱ་ཡ་ཝཱ་ཀ་ཙིཏྟ་ཨ་བྷི་ཥིཉྩ་ཨོཾ་ཨཱཿཧཱུྃ༔ མཆོད་པས་མངའ་དབུལ་བཀྲ་ཤིས་བརྗོད༔ ཉམས་སྐོང་དངོས་གྲུབ་དབང་བསྐུར་ཕྱིར༔ ཐོག་མར་ཉམས་ཆགས་ཞི་བའི་སླད༔ བཤགས་དང་སྐོང་བའི་ཆོ་གའི་མཐར༔ བདག་མདུན་ཐུགས་ནས་འོད་འཕྲོས་པས༔ འོག་མིན་ཞིང་ནས་རྡོ་རྗེ་སེམས༔ བདེ་གཤེགས་རྒྱལ་བའི་འཁོར་དང་བཅས༔ སྐད་ཅིག་བར་སྣང་གློག་འགྱུ་ལྟར༔ མདུན་གྱི་ནམ་མཁར་བྱོན་ནས་ཀྱང་༔ ཉམས་ཆགས་ཞི་བའི་དབང་བསྐུར་བསམ༔ ཨོཾ༔ ཏིལ་གྱི་གང་བུ་བཞིན་གང་བའི༔ རྒྱལ་བས་བུམ་པ་བཟུང་ནས་ནི༔ འདི་ཉིད་དུ་ནི་བླུགས་མཛད་པས༔ སྡིག་ལྟུང་ཉམས་ཆགས་དག་པར་ཤོག༔ ཡི་གེ་བརྒྱ་པའི་མཐར༔ སརྦ་པཱ་པཾ་ཀླེ་ཤ་མ་ལ་བི་ཤོ་དྷ་ཡ་ཤཱིནྟཾ་ཀུ་རུ་སྭཱ་ཧཱ༔ འཐོར་དང་ཉེ་རེག་ཁྲུས་བྱས་བཏུང་༔ དེས་ན་སྡིག་ལྟུང་ཉམས་ཆགས་སྐོང་༔ འབྲས་བུ་ནད་དང་སྡུག་བསྔལ་ཞི༔ དངོས་གྲུབ་དབང་དུ་བྱ་བའི་ཕྱིར༔ བམ་ཆེན་ཆེ་མཆོག་ཧེ་རུ་ཀ༔ ལུས་དཀྱིལ་ལྷ་དང་བཅས་པ་གསལ༔ སྤྱི་བོར་བཞག་ཅིང་དངོས་གྲུབ་བསྡུ༔ ཧཱུྃ༔ བམ་ཆེན་བརྗིད་པའི་ཕོ་བྲང་དུ༔ ཁྱབ་བདག་ཁྲག་འཐུང་དཀྱིལ་འཁོར་རྫོགས༔ རིགས་ཀྱི་བུ་ལ་དབང་བསྐུར་བས༔ དངོས་གྲུབ་མཆོག་ལ་དབང་སྒྱུར་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་མ་ཧཱ་ཏི་ར་མཎྜ་ལ་སིདྡྷི་ཨ་བྷི་ཥིཉྩ་ཧཱུྃ༔ བམ་གྱི་ལྷ་ལས་འོད་འཕྲོས་པས༔ འཁོར་འདས་ནུས་བྱིན་བསྡུས་ཤིང་ཐིམ༔ དགྱེས་པས་འོད་ཞུ་བདུད་རྩི་དམར༔ ཁ་དོག་ལྔ་ལྡན་དབྱིག་ཏུ་འཁྱིལ༔ ལྷར་སྣང་གསལ་བརྟན་ཆེན་པོས་རོལ༔ འཇིག་རྟེན་འཇིག་རྟེན་འདས་པ་ཡི༔ དངོས་གྲུབ་ཡེ་ཤེས་དབང་གྱུར་བསམ༔ རྗེས་འབྲེལ་ཚོགས་དང་ཛ་གད་སོགས༔ སྒྲུབ་པའི་རྫས་རྣམས་སྦྱིན་པར་བྱ༔ ཧོཿ རྡོ་རྗེའི་སློབ་མ་རྣམས་ཀྱིས་རྡོ་རྗེའི་ཚེ་གསོལ་བས་ཚེའི་དངོས་གྲུབ་དབང་དུ་གྱུར་ཅིག༔ ཐབས་ཀྱི་མཱྃ་ས་གསོལ་བས་འཁོར་འདས་ཀྱི་ནུས་སྟོབས་དབང་དུ་གྱུར་ཅིག༔ ཤེས་རབ་ཛ་གད་གསོལ་བས་བདེ་བ་ཆེན་པོའི་ཡེ་ཤེས་དབང་དུ་གྱུར་ཅིག༔ ཞལ་ཟས་ཀྱི་བྱེ་བྲག་མང་པོ་གསོལ་བས་ཞི་ཁྲོ་ཕྲིན་ལས་ཀྱི་དངོས་གྲུབ་ཐམས་ཅད་དབང་དུ་གྱུར་ཅིག༔ འདོད་ཡོན་གྱི་རྣམ་པ་ཐམས་ཅད་ལོངས་སྤྱོད་པས་འཁོར་འདས་ཀྱི་ལེགས་ཚོགས་ཐམས་ཅད་དབང་དུ་གྱུར་ཅིག༔ སརྦ་ཀརྨ་ཝ་ཤཾ་མ་ནོ་ཧ་ར་སིདྡྷི་སིདྡྷི་ཧཱུྃ༔ མངོན་སྤྱོད་དྲག་པོས་བྱིན་བསྐྱེད་ཕྱིར༔ ཐོག་མར་དྲེགས་པའི་མཐུ་དབང་ནི༔ དམར་གཏོར་གཙོ་འཁོར་བྲིས་སྐུས་བརྒྱན༔ ཤ་ཁྲག་བ་ལིཾ་དུ་མས་བསྐོར༔ དེ་ཉིད་དྲེགས་པའི་སྡེ་དཔོན་དང་༔ སྔགས་བདག་བཀའ་སྡོད་འཁོར་བཅས་བསམ༔ ཕུར་པ་འདྲིལ་ཞིང་ལྟ་གདེང་བསྐྱེད༔ ཧཱུྃ༔ ང་ནི་ཟ་བྱེད་ཆེན་པོ་སྟེ༔ ཁམས་གསུམ་མ་ལུས་བསྒྲལ་བ་དང་༔ གདུག་པ་མ་ལུས་འདུལ་བའི་ཕྱིར༔ དྲེགས་པའི་ཚོགས་རྣམས་བསྒྲལ་བར་བྱ༔ ཨེ་ཧུར་ཐུམ་ཏྲིག་ནན་བཛྲ་ཀཱི་ལ་ཡ་མཱ་ར་ཡ་རྦད་ནན༔ དེ་ཡིས་དུག་ལྔའི་ཕུང་པོ་ཞིག༔ ཆོས་ཀྱི་དབྱིངས་སུ་བསྒྲལ་བ་ལས༔ སླར་ཡང་བདུད་རྩིས་གསོས་བཏབ་པས༔ མཐུ་རྩལ་ཐོགས་མེད་དངོས་ལྟར་བསམ༔ ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཧོ༔ སློབ་མ་གསང་བདག་དྲེགས་འདུལ་གྱི༔ ཞབས་འོག་དྲངས་ཤིང་བྲན་དུ་གཏད༔ ཧཱུྃ༔ དྲེགས་པའི་སྡེ་དཔོན་སུམ་ཅུ་དང་༔ སྔགས་བདག་དྲེགས་ཆེན་བཅོ་བརྒྱད་སོགས༔ འཇིག་རྟེན་དྲེགས་པའི་ཚོགས་རྣམས་ཀུན༔ དམ་ལྡན་རྡོ་རྗེའི་རིག་པ་འཛིན༔ ཧེ་རུ་ཀ་ཡི་གདུང་འཚོབ་པའི༔ བྲན་དང་ཁོལ་པོ་ཡང་ཁོལ་དང་༔ འབངས་ཀྱི་ཚུལ་དུ་བཀའ་གཏད་ན༔ བདེ་གཤེགས་ཁྲག་འཐུང་རབ་འབྱམས་དང་༔ རིགས་འཛིན་བརྒྱུད་པར་བཅས་པ་ཡི༔ དམ་ལས་མ་འདའ་བཀའ་བཞིན་སྒྲུབས༔ བྱིན་པའི་དགྲ་བགེགས་ཤ་ཁྲག་ཟོ༔ བཅོལ་བའི་མངོན་སྤྱོད་ལས་ཀུན་མཛོད༔ མཐུ་དབང་དྲག་པོའི་སྟོབས་བསྐྱེད་ལ༔ བྱང་ཆུབ་ལམ་གྱི་བར་ཆད་ཆོམས༔ ཕྲིན་ལས་ཐམས་ཅད་སྒྲུབ་པར་གྱིས༔ བཛྲ་སརྦ་དུཥྟཱན་བིགྷྣཱན༔ ཨེ་ཧུར་ཐུམ་མཱ་ར་ཡ་རྦད༔ ཨཿཡཿམཿདུཿརུཿཙཿཤཿནཿཛ་ཛཿ པཱ་ཤཾ་ཀུ་རུ་ཧཱུྃ་ཕཊ༔ བཛྲ་ས་མ་ཡ་རཀྵནྟུ༔ དགྲ་བགེགས་ཤ་ཁྲག་གཏོར་མ་བསྔོ༔ ཨོཾ་བཛྲ་སརྦ་དུཥྟཱན་སརྦ་བིགྷྣཱན་ཤ་ཏྲཱུན་མཱ་ར་ཡ་མ་ཧཱ་མཱཾ་ས་རཀྟ་ཀིཾ་ནི་རི་ཏི་བ་ལིཾ་ཏ་ཁཱ་ཧི༔ ཧཱུྃ༔ དྲེགས་པ་རྒྱུད་གསུམ་འཁོར་དང་བཅས༔ དམ་ལས་མ་འདའ་རྗེས་སུ་དགོངས༔ རིག་འཛིན་སྲུང་མར་མངའ་གསོལ་ན༔ དཀོན་མཆོག་གསུམ་གྱི་དབུ་འཕང་བསྟོད༔ སངས་རྒྱས་བསྟན་པ་གཉན་པོ་སྲུང་༔ རིག་འཛིན་འདུས་པའི་སྐུ་དགྲ་སྒྲོལ༔ མངོན་སྤྱོད་ཕྲིན་ལས་མཐར་ཕྱིན་པའི༔ ལས་ཀྱི་འབྲས་བུ་མཆིས་པར་མཛོད༔ ཅེས་བཅོལ་དྲེགས་ཚོགས་སློབ་མ་ལ༔ བདུད་རྩི་སྦྱིན་ནས་དམ་བསྲེའོ༔ ཨོཾ་ཨཱཿཧཱུྃ་སརྦ་ས་མ་ཡ་ཨ་མྲྀ་ཏ་ཁཱ་ཧི༔ ལས་ཀྱི་དངོས་གཞི་བསྒྲུབ་པའི་ཕྱིར༔ དྲག་པོའི་གདབ་ཕུར་ལག་ཏུ་གཏད༔ ཧཱུྃ༔ དྲག་པོ་ལས་ཀྱི་ཕུར་པ་ལ༔ དཔལ་ཆེན་ཁྲག་འཐུང་ནུས་སྟོབས་རྫོགས༔ རིགས་ཀྱི་བུ་ལ་དབང་བསྐུར་བས༔ མངོན་སྤྱོད་ལས་ཀུན་འགྲུབ་པར་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་བཛྲ་ཀཱི་ལ་ཡ་ཨ་བྷི་ཥིཉྩ་ཧཱུྃ༔ རཱུ་པར་བསྐྱེད་དགུག་བསྒྲལ་བསྟབ་བྱ༔ རབ་འབྱམས་དྲག་པོའི་ལས་ཀུན་འགྲུབ༔ སླར་ཡང་ལས་དྲུག་རྗེས་གནང་ཕྱིར༔ སྲུང་འཁོར་ལས་ཕུར་ཐུན་རྫས་དང་༔ རི་རབ་མེ་ཧོམ་འཕང་ཟོར་གཏད༔ ཧཱུྃ༔ སློབ་མ་དཔལ་ཆེན་སྟོབས་ལྡན་ནག༔ དྲག་པོའི་སྔགས་བདག་ཆེན་པོ་ལ༔ ཕས་རྒོལ་མི་མཐུན་ཀུན་བསྲུང་ཕྱིར༔ མི་ཕྱེད་རྡོ་རྗེའི་ཙཀྲ་གཏད༔ ཁམས་གསུམ་གདུག་པ་བསྒྲལ་བའི་ཕྱིར༔ ཕུར་པ་བསད་པའི་མཚོན་རྣོན་གཏད༔ འགལ་རྐྱེན་ཐམས་ཅད་བཟློག་པའི་ཕྱིར༔ ཉུངས་ཀར་ལ་སོགས་ཐུན་རྫས་གཏད༔ བར་ཆད་ལྡང་མེད་མནན་པའི་ཕྱིར༔ རྡོ་རྗེ་རི་རབ་ལྷུན་པོ་གཏད༔ དགྲ་བགེགས་རྗེས་མེད་བསྲེག་པའི་ཕྱིར༔ འབར་བ་ཞལ་གྱི་མེ་ཧོམ་གཏད༔ འཕང་བས་གདུག་ཅན་བརླག་པའི་ཕྱིར༔ དྲག་པོ་ཟོར་གྱི་གཏོར་མ་གཏད༔ སྲུང་བསད་ཟློག་མནན་སྲེག་པ་དང་༔ འཕང་པའི་ལས་ཀུན་མཐར་ཕྱིན་ཤོག༔ བཛྲ་རཀྵ་མཱ་ར་པྲ་ཏྱཾ་གི་ར་ཧཱུྃ་ཕཊ༔ བཛྲ་སྟྭམྦྷ་ད་ཧ་བྷིན་དྷ་ཧཱུྃ་ཕཊ༔ ལས་དྲུག་མཐར་ཕྱིན་ནུས་ཐོབ་འགྱུར༔ མཆོག་གི་ཡེ་ཤེས་བསྐྱེད་པའི་ཕྱིར༔ སྒྲུབ་རྫས་མར་མེ་སྤྱི་བོར་བཞག༔ ཧཱུྃ༔ བདེ་གཤེགས་ཞི་ཁྲོའི་འོད་གསལ་དབྱིངས༔ ཡེ་ཤེས་མར་མེ་དགུ་རུ་ཤར༔ རིགས་ཀྱི་བུ་ལ་དབང་བསྐུར་བས༔ རིག་འཛིན་རོལ་པའི་དབང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་ཛྙཱ་ན་དཱི་པ་ཨ་བྷི་ཥིཉྩ་ཧཱུྃ༔ བྷནྡྷ་གཅིག་ཏུ་ཟླུམ་པ་དབྱིངས༔ མེ་དགུས་ཡེ་ཤེས་རིག་པ་དགུ༔ རང་ཤར་ཟུང་འཇུག་བརྡས་མཚོན་ཏེ༔ མཆོག་གི་འོད་གསལ་མངོན་གྱུར་བསམ༔ གདུང་བའི་ཤུགས་བསྐྱེད་སྨོན་ལམ་གདབ༔ ཚེ་དང་ཡེ་ཤེས་རྒྱས་པའི་ཕྱིར༔ ཐུགས་དམ་བསྐུལ་བ་་་་་་་་ཧཱུྃ༔ ཡེ་ཤེས་ཀློང་དགུ་སོགས། སྔོན་འགྲོ་བས༔ ཚེ་ཡི་འབྲང་རྒྱས་སྤྱི་བོར་བཞག༔ དངོས་གྲུབ་་་་་་བྷཱུྃ་ཚེ་ཡི་དངོས་གྲུབ་སོགས། དབང་དང་དམ་རྫས་སྦྱིན༔ ཚེ་བཅུད་སྦ་ཞིང་རྒྱས་གདབ་་་་་་་ཧཱུཾ།ཚེ་བཅུད་སྙིང་དབུས་སོགས། བོ༔ དེ་རྣམས་ཀུན་གྱི་བརྟན་བྱེད་དུ༔ སླར་ཡང་རྣམ་བུམ་སྤྱི་བོར་བཞག༔ ཧཱུྃ༔ བཀྲ་ཤིས་ཆེན་པོའི་བུམ་པ་ནི༔ དཔལ་ཆེན་བཞུགས་པའི་ཕོ་བྲང་སྟེ༔ རིགས་ཀྱི་བུ་ལ་དབང་བསྐུར་བས༔ བྱིན་རླབས་ནུས་པ་བརྟན་པར་ཤོག༔ བཛྲ་ཀ་ལ་ཤ་ཨོཾ་ཧཱུྃ་ཏྲཱྃ་ཧྲཱི༔ཨཱཿཨ་བྷི་ཥིཉྩཱ་མི༔ སུ་ར་ཏཱ་སྟྭྃ༔ བྱང་ཆུབ་སེམས་ཀྱི་ཆུ་རྒྱུན་གྱིས༔ ལུས་གང་སྒྲིབ་དག་དབང་བསྐུར་ཐོབ༔ བརྟན་ཅིང་ནུས་པ་མཆོག་ཏུ་གྱུར༔ ཆུ་ཞབས་སྤྱི་བོར་བརྟན་པ་ལ༔ ཁྲག་འཐུང་རིགས་ལྔས་དབུ་རྒྱན་བསམ༔ ལྷག་གནས་མཆོད་ཅིང་ཤིས་པ་གསོལ༔ དེ་ལྟར་ཕྱི་ཡི་དཀྱིལ་འཁོར་དུ༔ སྒྲུབ་པའི་རྫས་ལ་བརྟེན་ནས་ཀྱང་༔ བུམ་པའི་དབང་ཐོབ་ལུས་སྒྲིབ་དག༔ བསྐྱེད་བཟླས་ཕྲིན་ལས་སྒྲུབ་ལ་དབང་༔ འབྲས་བུ་སྤྲུལ་སྐུ་ཐོབ་པའོ༔ གསུམ་པ་ཟབ་མོའི་དབང་གསུམ་སྟེ༔ དང་པོ་གསང་བའི་དབང་བསྐུར་ནི༔ སློབ་མས་མཎྜལ་གསོལ་བ་གདབ༔ དཀྱིལ་འཁོར་ཆེན་པོའི་ཁྱབ་བདག་ཀྱེ༔ བུམ་པའི་དབང་བསྐུར་རྩལ་ལགས་ན༔ བྱང་ཆུབ་སེམས་ཀྱི་དཀྱིལ་འཁོར་དུ༔ གསང་བའི་དབང་བསྐུར་བཀའ་དྲིན་གསོལ༔ ལན་གསུམ་ཞུ་ཞིང་མིག་དར་འཆིང་༔ བླ་མ་ཧེ་རུ་ཀ་ཡབ་ཡུམ༔ སྙོམས་ཞུགས་བདེ་བའི་འོད་དང་སྒྲས༔ སངས་རྒྱས་ཐམས་ཅད་ཞལ་དུ་ཞུགས༔ ཐུགས་ཀར་ཞུ་བའི་བྱང་ཆུབ་སེམས༔ ཡུམ་གྱི་མཁའ་ལས་སྦྱིན་བར་བྱ༔ ཨཱ༔ མུ་ཏིག་ལྟར་དག་བྱང་ཆུབ་སེམས༔ ཆགས་མེད་རཀྟ་ལྷན་ཅིག་པ༔ དཀར་དམར་ལྷག་པའི་བྱང་ཆུབ་སེམས༔ བདེ་གཤེགས་ཁྲག་འཐུང་འདུས་པའི་བཅུད༔ སངས་རྒྱས་ཀུན་གྱི་དམ་ཚིག་གིས༔ རིགས་ཀྱི་བུ་ལ་དབང་བསྐུར་བས༔ རྩ་ཁམས་རླུང་ལ་ནུས་པ་སྨིན༔ གསང་བའི་དབང་མཆོག་ཐོབ་པར་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་མ་ཧཱ་བོ་དྷི་ཙིཏྟ་ཨ་བྷི་ཥིཉྩ་ཨཱ༔ བུས་ཀྱང་རྟོག་པ་མེད་སེམས་ཀྱིས༔ ཨ་ཧོ་མ་ཧཱ་སུ་ཁས་མྱང་༔ རྩ་ཁམས་ཀུན་ལ་ཐིམ་པ་ཡིས༔ གསལ་སྟོང་བདེ་བ་སྐྱེས་པར་བསམ༔ ཉམས་མྱོང་བསྐྱང་ཞིང་མིག་དར་འགྲོལ༔ བྱང་ཆུབ་སེམས་ཀྱི་དཀྱིལ་འཁོར་དུ༔ ཞུ་བདེའི་རྫས་ལ་བརྟེན་ནས་ཀྱང་༔ གསང་བའི་དབང་ཐོབ་ངག་སྒྲིབ་དག༔ རླུང་སེམས་སྒྱུ་མ་སྒོམ་ལ་དབང་༔ འབྲས་བུ་ལོངས་སྐུ་ཐོབ་པའོ༔ གཉིས་པ་ཤེས་རབ་ཡེ་ཤེས་ཀྱི༔ དབང་བསྐུར་ཆེད་དུ་གསོལ་བ་གདབ༔ དགའ་ཆེན་སྟོན་པ་མཆོག་གཅིག་པུས༔ གསང་བའི་དབང་བསྐུར་སྩལ་ལགས་ན༔ བདེ་མཆོག་གསང་ཆེན་དཀྱིལ་འཁོར་དུ༔ ཤེས་རབ་ཡེ་ཤེས་དབང་བསྐུར་སྩོལ༔ ལན་གསུམ་གསོལ་གདབ་མིག་དར་འཆིང་༔ མཚན་ལྡན་རིག་མ་བྱིན་བརླབས་སྦྱིན༔ ཧཱུྃ༔ འདི་དེ་སངས་རྒྱས་ཐམས་ཅད་ཀྱི༔ བླ་མེད་གསང་བའི་ཡུམ་མཆོག་སྟེ༔ བདེ་གཤེགས་ཁྲག་འཐུང་ཟ་མ་ཏོག༔ ཨེ་ཡི་ཆ་བྱད་བཟང་པོས་བརྒྱན༔ ལྷན་ཅིག་སྐྱེས་པའི་བདེ་སྟེར་མས༔ རིགས་ཀྱི་བུ་ལ་དབང་བསྐུར་བས༔ ལུགས་འབྱུང་ལུགས་ལྡོག་དགའ་བཞི་སྨིན༔ ཤེས་རབ་ཡེ་ཤེས་དབང་ཐོབ་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་མ་ཧཱ་མུ་དྲཱ་ཨ་བྷི་ཥིཉྩ་ཧཱུྃ༔ བུས་ཀྱང་འདུ་ཤེས་གསུམ་ལྡན་གྱིས༔ སྙོམས་ཞུགས་ལྷན་སྐྱེས་དགའ་བ་བསྐྱེད༔ ཉམས་མྱོང་བསྐྱང་ཞིང་མིག་དར་བསལ༔ ཕྱག་རྒྱའི་བྷ་གའི་དཀྱིལ་འཁོར་དུ༔ ཁ་སྦྱོར་བདེ་བ་ལ་བརྟེན་ནས༔ གསུམ་པའི་དབང་ཐོབ་ཡིད་སྒྲིབ་དག༔ འོད་གསལ་བདེ་བ་སྒོམ་ལ་དབང་༔ འབྲས་བུ་ཆོས་སྐུ་ཐོབ་པའོ༔ གསུམ་པ་དོན་གྱི་དབང་བསྐུར་སླད༔ མོས་གུས་ལྷུར་བསྐྱེད་གསོལ་བ་གདབ༔ ཁྱབ་བདག་བདེ་ཆེན་ཧེ་རུ་ཀས༔ གསུམ་པའི་དབང་བསྐུར་བཀའ་དྲིན་ཐོབ༔ ད་ནི་མཐར་ཐུག་དོན་གྱི་དབང་༔ མངོན་སུམ་ཡེ་ཤེས་ངོ་སྤྲོད་གསོལ༔ ལན་གསུམ་གསོལ་གདབ་ལུས་གནད་བསྲང་༔ བླ་མས་རང་བྱུང་འཇའ་ཤེལ་བསྟན༔ ཧོ༔ ཐོག་མཐའ་མེད་པའི་བྱང་ཆུབ་སེམས༔ རྡོ་རྗེ་སྙིང་པོ་མཁའ་ལྟར་ཁྱབ༔ ངོ་བོ་ཀ་དག་ཤེལ་ལྟ་བུ༔ རང་བཞིན་ལྷུན་གྲུབ་འཇའ་ལྟར་སྣང་༔ དབྱེར་མེད་ཟུང་འཇུག་ཡེ་ཤེས་ཀྱིས༔ རིགས་ཀྱི་བུ་ལ་དབང་བསྐུར་བས༔ དོན་གྱི་དཔལ་ཆེན་མངོན་དུ་གྱུར༔ བཞི་པའི་དབང་མཆོག་ཐོབ་པར་ཤོག༔ ཨོཾ་སརྦ་ཏ་ཐཱ་ག་ཏ་ཤྲཱི་ཧེ་རུ་ཀ་ཛྙཱ་ན་དྷཱ་ཏུ་ཨ་བྷི་ཥིཉྩ་ཨ་ཨ༔ དབྱིངས་རིག་ཟུང་འཇུག་གཉུག་མའི་གཤིས༔ བསམ་གྱིས་མི་ཁྱབ་ངང་བསྐྱང་ངོ་༔ དོན་དམ་བྱང་སེམས་དཀྱིལ་འཁོར་དུ༔ བརྡ་དང་ཐབས་ལ་བརྟེན་ནས་ཀྱང་༔ བཞི་པའི་དབང་ཐོབ་ཤེས་སྒྲིབ་དག༔ ཟུང་འཇུག་མཐར་ཐུག་སྒོམ་ལ་དབང་༔ འབྲས་བུ་བདེ་ཆེན་སྐུ་འགྲུབ་ཤོག༔ དེ་ལྟར་ཕན་ནུས་ཟབ་དབང་གིས༔ ལེགས་པར་སྨིན་ལ་དབང་གི་སྲོག༔ དམ་ཚིག་སྡོམ་པའི་རྣམ་བཞག་བསྟན༔ བུས་ཀྱང་ཁས་བླང་མཎྜལ་དང་༔ ལུས་དང་ལོངས་སྤྱོད་ལྟོས་མེད་འབུལ༔ དགའ་སྟོན་བྱ་ཞིང་སྨོན་ལམ་གདབ༔ དཀྱིལ་འཁོར་བསྡུ་བའི་རིམ་པ་སོགས༔ རྗེས་ཀྱི་བྱ་བ་མཐར་དབྱུང་ངོ་༔ སློབ་དཔོན་མ་མཉེས་དབང་མ་རྫོགས༔ དམ་ཚིག་དག་པར་མ་བྱས་པས༔ རིག་སྔགས་བསྒྲུབ་ཀྱང་ལོག་པ་སྟེ༔ འབྲས་བུ་མེད་ཅིང་ངན་སོང་ལྟུང་༔ དབང་ཐོབ་དམ་ཚིག་དག་པའི་བུ༔ རྒྱལ་བ་རྣམས་ཀྱི་སྲས་སུ་འགྱུར༔ རིག་འཛིན་བླ་མས་བྱིན་གྱིས་རློབ༔ ཡི་དམ་མཁའ་འགྲོས་དངོས་གྲུབ་སྟེར༔ ཆོས་སྐྱོང་དྲེགས་པ་བཀའ་བཞིན་ཉན༔ མཆོག་ཐུན་དངོས་གྲུབ་མྱུར་དུ་འགྲུབ༔ དེ་ཕྱིར་ལམ་གྱི་རྩ་བ་སྟེ༔ རྣལ་འབྱོར་རྣམས་ཀྱིས་ཚུལ་བཞིན་སྤྱོད༔ ས་མ་ཡ༔ ལྔ་པ་མངོན་སྤྱོད་ཕྲིན་ལས་གཟེར༔ ལས་དྲུག་སྒོ་ནས་བསྒྲུབ་པ་སྟེ༔ རྩ་བ་སྲུང་ཟློག་བསད་པ་དང་༔ མཐའ་སྡུད་མནན་སྲེག་འཕང་བའོ༔ དེ་ལ་ཐོག་མར་ལས་དཀྱིལ་ནི༔ ལས་སུ་རུང་བའི་སྒྲུབ་ཁང་དུ༔ དུར་ཁྲོད་ས་ལ་སྟེགས་བུ་བྱ༔ རོ་སོལ་བྱུགས་ཤིང་ཁྲག་གིས་གཤེར༔ མ་ཏྲཾ་ཁོག་པར་ཨེ་གྲུ་གསུམ༔ མུ་ཁྱུད་ཐོད་པའི་ར་བ་ཅན༔ དེ་ཕྱིར་མཚོན་འཁོར་རྩིབས་བརྒྱད་དང་༔ རྡོ་རྗེའི་ར་བ་མེ་རིས་བསྐོར༔ དབུས་རྩིབས་ཧཱུྃ་ཡིག་རིགས་གྱི་མདོག༔ དེ་སྟེང་དྲག་པོའི་གཏོར་སྣོད་དུ༔ འབྲུ་ནག་དུག་ཁྲག་གཏོར་ཟོར་དགུ༔ རིགས་བཞིའི་འཁོར་དང་བཅས་པ་བྱ༔ འཁོར་གཞན་མཐེབ་ཀྱུ་ཁྲག་ཀོང་དགོད༔ སྤྲོ་ན་ཁྱུང་དང་རྒྱལ་མཚན་བསྒྲེང་༔ སྟེང་དུ་དར་ནག་གུར་ཁང་དབུལ༔ ཤ་ཁྲག་རུས་པ་རྩངས་ཕུར་དང་༔ མཚེ་ཉུངས་ལ་སོགས་བརྗིད་ལྡན་པར༔ ཟློག་འཁོར་རྒྱས་བསྡུས་ཇི་རིགས་འཛུག༔ སྲུང་བའི་འཁོར་ལོའི་བླ་རེ་བྲེ༔ མདུན་དུ་དྲག་པོའི་ཉེར་སྤྱོད་དང་༔ སྨན་གཏོར་རཀྟ་ཚོགས་མཆོད་བཤམ༔ དེ་ལྟར་སྤྱོད་པའི་ལས་རྫོགས་ནས༔ ཕྲིན་ལས་གཞུང་བསྲང་བཟླས་བརྗོད་ཀྱིས༔ བསྙེན་པ་ཁ་གསོ་ནུས་ལྡན་བསྒྲུབ༔ ཟོར་དཀྱིལ་ལྷག་པར་གསལ་བ་ནི༔ ཧཱུྃ༔ མདུན་དཀྱིལ་མ་ཏྲྃ་གནོད་བྱེད་དགྲ་བགེགས་གཟུགས༔ ཁམས་གསུམ་ཉོན་མོངས་དུག་ལྔའི་ཕུང་པོ་ལ༔ མཚོན་ཆའི་ཆར་ཕབ་རྟེན་གྱི་ཁོག་པ་ཞིག༔ དུར་ཁྲོད་རོལ་པའི་ཕོ་བྲང་ཆེན་པོར་གྱུར༔ བྷཱུྃ་མ་ཏྲྃ་རུ་དྲ་མཎྜ་ལ་ཕཊ༔ བརྗིད་ལྡན་གཏོར་མ་ཁྲག་འཐུང་དཔལ་ཆེན་དགུ༔ རིག་མདངས་འཁོར་ཚོགས་སྤྲུལ་པ་ཡང་སྤྲུལ་བཅས༔ ཁྱུང་གི་དབུ་བརྒྱན་ཡེ་ཤེས་མེ་འོད་འཁྲུགས༔ བཀའ་སྡོད་ཕོ་ཉའི་དམག་ཚོགས་བསམ་མི་ཁྱབ༔ ཧཱུྃ་སརྦ་ཧེ་རུ་ཀ་མཎྜ་ལ་ཧཱུྃ༔ སྣོད་ཀྱི་འཇིག་རྟེན་དུར་ཁྲོད་རོལ་པའི་ཞིང་༔ བཅུད་ཀྱི་དངོས་ཀུན་དཔལ་ཆེན་ཁྲག་འཐུང་ལྷ༔ ཁྲོས་འཁྲུགས་རྔམས་བརྗིད་འཇིགས་པའི་སྐུར་སྟོན་པ༔ སྒྱུ་འཕྲུལ་དྲྭ་བའི་བཀོད་པ་ཆེན་པོར་རྫོགས༔ ཧཱུྃ་ཧཱུྃ་ཧཱུྃ༔ སྤྲོ་ན་སྤྱན་འདྲེན་མཆོད་བསྟོད་བྱ༔ དེ་ནས་ལས་དྲུག་དང་པོ་ནི༔ འཁོར་ལོ་ལ་བརྟེན་སྲུང་བ་སྟེ༔ བྲི་དང་བསྒོམ་དང་བཟླས་པ་སྟེ༔ དང་པོ་རས་སམ་ཤོག་བུ་ལ༔ ཙཀྲ་རྩིབས་བརྒྱད་མུ་ཁྱུད་བཅས༔ དབུས་སུ་གཙོ་སྔགས་མིང་སྤེལ་མཐར༔ ཀ་ཝ་ཙི་བཛྲ་རཀྵ་རཀྵ་བྷྲཱུྃ༔ གོང་རས་དྲག་སྔགས་སོ་ལྔ་དང་༔ རྩིབས་བརྒྱད་ཧཱུྃ་ལ་དཔལ་བརྒྱད་སྔགས༔ སྲུང་བའི་ཤམ་འདོགས་དང་བཅས་བསྐོར༔ རྩིབས་མཆན་སོ་སོའི་ཕྱག་མཚན་དགོད༔ དེ་ཕྱིར་གཙུག་ཏོར་འཁོར་ལོའི་སྔགས༔ དབྱངས་གསལ་རྟེན་སྙིང་འདོད་གསོལ་བཅས༔ རྡོ་ར་མེ་རི་འབར་བས་བརྒྱན༔ ཤ་ལྔ་བདུད་རྩི་དྲི་རྫས་བཞི༔་་་་ག་བུར། གླ་རྩི། ཤིང་ཀུན། ཤུ་དག །ནག་པོ། གུར་གུམ་གི་ཝང་གུ་གུལ་དང་༔ བཟླས་པའི་ཉུངས་ཀར་དང་བཅས་བྱུགས༔ ལྷར་བསྐྱེད་བཟླས་ཤིང་བརྟན་བཞུགས་གསོལ༔ སྒྲུབ་པའི་དུས་སུ་དལ་སྟེང་དགྲམ༔ སྒྲུབ་པ་ཐོན་ནས་ལུས་ལ་འཆང་༔ སྒོམ་པས་སྲུང་བའི་དམིགས་པ་ནི༔ རང་གི་ཐུགས་སྲོག་ས་བོན་དང་༔ བསྲུང་བྱ་ཐམས་ཅད་དབྱེར་མེད་པའི༔ འབར་བ་ཆེན་པོའི་འོད་ཟེར་གྱིས༔ དཔལ་ཆེན་རོལ་པའི་ཐུགས་དམ་བསྐུལ༔ ཡེ་ཤེས་གཟི་བྱིན་ལྷག་པར་འཕྲོས༔ རྩ་གསུམ་རྒྱལ་བའི་ཐུགས་ཀ་ནས༔ གཙུག་ཏོར་འཁོར་ལོས་སྒྱུར་བ་ཡི༔ ངོ་བོ་མཚོན་ཆའི་ཆར་དུ་བབས༔ སྲུང་བའི་གུར་ཁང་་་་་་ཁྲོ་བཅུ་མེ་ཕུང་ཕྱག་མཚན་ལྔ་ཐོ་ཕུར་བཅས་དགུའོ། མཆན། དགུ་ལ་ཐིམ༔ མི་ཕྱེད་རྡོ་རྗེར་བྱིན་གྱིས་བརླབ༔ ལྷ་ཚོགས་ནང་དུ་ཞལ་གཟིགས་ནས༔ སྔགས་བཟླས་བརྟན་པའི་ལས་མཛད་བསམ༔ བཟླས་པས་སྲུང་བའི་གསང་སྔགས་ནི༔ ཁྲོ་བོའི་སྤྱི་སྔགས་ཀྱི་མཐར༔ བཛྲ་ཨུཥྞི་ཥ་ཙཀྲ་ཝ་ཏི་རཀྵ་རཀྵ་བྷཱུྃ༔ སྟོང་ཕྲག་བཟླས་པས་ནུས་པ་བརྟན༔ གཉིས་པ་བསད་པའི་བཅའ་གཞི་ནི༔ དྲག་པོའི་དཀྱིལ་འཁོར་འོག་གི་ཆར༔ ལས་ཁུང་རཱུ་པ་དང་བཅས་གཞུག༔ རྫས་ཀྱིས་བསད་ཕྱིར་ཐུན་གྱི་ཚོགས༔ རུ་སྦལ་རྣམས་པའི་ལྟོ་བར་གཏམས༔ དམིགས་པས་བསད་པའི་གཞི་བཟུང་ཕྱིར༔ བདག་ཉིད་དཔལ་ཆེན་ཧེ་རུ་ཀ༔ ཁྲོས་འཁྲུགས་རྔམས་པའི་སྔགས་བཟླས་པས༔ དགྲ་བགེགས་བསྒྲལ་བའི་མངོན་སྤྱོད་ཀྱི༔ ལས་ལ་ངོམ་ཐོན་ཚུལ་གྱིས་བཞེངས༔ དྲག་པོ་སྔགས་ཀྱི་ནུས་པ་རྣམས༔ ཟོར་དང་ཐུན་གྱི་རྫས་ལ་ཐིམ༔ བསྒྲལ་བའི་ཞིང་བཅུ་ཉམས་པ་བདུན༔ གསོད་པའི་མཚོན་ཆ་ཆེན་པོར་བསམ༔ ལས་སྦྱོར་དྲག་སྔགས་མེ་ཕུང་མཐར༔ བསད་པའི་སྔགས་འདི་སྦྲེལ་ལ་བཟླ༔ སརྦ་ཤ་ཏྲཱུན་བིགྷཱན་ཛ་བྷྱོ་ཕཊ་ཧཱུྃ༔ བྷནྡྷ་བྷནྡྷ་ཧ་ན་ཧ་ན་མཱ་ར་ཡ་མཱ་ར་ཡ་ཏ་ཐཱ་ཡ་ཏ་ཐཱ་ཡ་བྷིནྡྷ་བྷིནྡྷ་ཧཱུྃ་ཕཊ༔ བརྒྱ་སྟོང་བཟླས་པས་ངར་གདགས་བྱ༔ དེ་ལྟར་སྦྱོར་བ་སྔོན་སོང་ནས༔ ཡི་དམ་ལྷ་དང་སྲུང་མ་ལ༔ སྐོང་བཤགས་བྱ་ཞིང་ཚོགས་མཆོད་འབུལ༔ དྲག་པོའི་ལས་ལ་ཐུགས་དམ་བསྐུལ༔ ཧཱུྃ༔ ཆོས་ཀྱི་དབྱིངས་ལས་རང་ཤར་རིག་པའི་རྩལ༔ འབར་བ་ཡེ་ཤེས་ཀློང་དགུའི་ཕོ་བྲང་ཆེ༔ ཤིན་ཏུ་མི་བཟད་རབ་འཇིགས་དུར་ཁྲོད་ནས༔ ཁྲག་འཐུང་ཡོངས་རྫོགས་དྲག་པོའི་ལས་ལ་བཞེངས༔ སངས་རྒྱས་བསྟན་པ་རྣལ་འབྱོར་སྒྲུབ་པོ་ལ༔ གནོད་ཅིང་འཚེ་བའི་དགྲ་བགེགས་འབྱུང་པོའི་ཚོགས༔ ཞི་བའི་ཐབས་ཀྱིས་འདུལ་དུ་མ་འཚལ་བས༔ མངོན་སྤྱོད་དམོད་པའི་ཕྲིན་ལས་དུས་ལ་བབ༔ སྲུང་བའི་གུར་ཁང་རྡོ་རྗེའི་ཐོག་གིས་ཤིག༔ ཟློག་པའི་ནུས་པ་རང་གཤེད་རང་ལ་གཟིར༔ འགུགས་འཆིང་སྡོམ་མྱོས་ཕྱག་རྒྱས་རྟེན་ལ་ཕོབ༔ དྲག་ཤུལ་ཆེན་པོས་བསྒྲལ་བའི་ཕྲིན་ལས་མཛོད༔ གསེར་སྐྱེམས་དང་བཅས་གཟུ་དཔང་གསོལ༔ བྲུབས་ཁུང་སྲིད་པའི་བཙོན་ཁང་དུ༔ ནྲྀ་ཏྲི་ལས་སྐྱེས་དགྲ་དང་བགེགས༔ གསལ་གདབ་དགུག་གཞུག་དྲག་དུ་བྱ༔ སླར་ཡང་ཆེ་མཆོག་སྟོབས་ཀྱིས་དགུག༔ ཧཱུྃ༔ ཆེ་མཆོག་ཡོན་ཏན་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ ཐོགས་མེད་མྱུར་དུ་རྟེན་འདིར་ཁུག༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ སརྦ་ཤ་ཏྲཱུན་ནྲི་ཏྲི་བཛྲ་ཨཾ་གུ་ཤ་ཛ༔ ལྕགས་ཀྱུའི་ཕྱག་རྒྱས་རྟེན་ལ་བསྟིམ༔ ཡང་དག་གཟི་ཡིས་མཐུ་སྟོབས་འཕྲོགས༔ ཧཱུྃ༔ ཡང་དག་ཐུགས་ཀྱི་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ མཐུ་དང་རྫུ་འཕྲུལ་མེད་པར་གྱིས༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ སརྦ་ཤ་ཏྲཱུན་བིགྷྣཱན་ཨ་པ་ན་ཡ་ཨ་པ་ན་ཡ་ཧཱུྃ་ཕཊ༔ སྨྱོ་བྱེད་ཐུན་རྫས་ཕྱག་རྒྱས་དབབ༔ གཤིན་རྗེའི་ཕོ་ཉས་ལྷ་དང་དབྱེ༔ ཧཱུྃ༔ འཇམ་དཔལ་སྐུ་ཡི་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ མགོན་སྐྱབས་འཚོ་བའི་ལྷ་དང་ཕྲོལ༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ པྲ་བེ་ཤ་ཡ་པྲ་བེ་ཤ་ཡ་ཧཱུྃ་ཕཊ༔ གུ་གུལ་བྱ་འུག་དོང་རུས་དབྱེ༔ སླར་ཡང་དགུག་གཞུག་བཅིང་མྱོས་བྱ༔ རྟ་མཆོག་རོལ་པས་གཟུགས་ལ་དབབ༔ ཧཱུྃ༔ པདྨ་གསུང་གི་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ བླ་སྲོག་རྣམ་ཤེས་རྟེན་ལ་ཕོབ༔ ཨོཾ་པདྨཱནྟ་ཀྲྀ་ཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུྃ་ཕཊ༔ སརྦ་ཤ་ཏྲཱུན་བིགྷྣཱན་ཨཱ་བེ་ཤ་ཡ་ཨཱ་བེ་ཤ་ཡ་ཧཱུྃ་ཕཊ༔ དཀར་ནག་ཉུངས་དང་ཕྱག་རྒྱས་དབབ༔ ཕུར་པས་འཆོར་མེད་བྱད་དུ་གཞུག༔ ཧཱུྃ༔ ཕུར་པ་ཕྲིན་ལས་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ ཟུང་ཞིག་རྒྱོབ་ཅིག་རྣམ་པར་ཆིངས༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ སརྦ་ཤ་ཏྲཱུན་བིགྷྣཱན་ཤྲི་གྷྲཱྃ་ཨ་ན་ཡ་ཧཱུྃ་ཕཊ༔ བྱད་ཐག་སྔོ་དམར་ཕྱག་རྒྱས་བསྡམ༔ སྲིད་པ་མ་མོས་སྨྱོ་རུ་གཞུག༔ ཧཱུྃ༔ རྦོད་གཏོང་མ་མོའི་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ རིངས་པར་ཁུག་ལ་སྨྱོ་རུ་ཆུག༔ ཨོཾ་གུུ་ཧྱ་ཛྙཱ་ན་ཀྲོ་དྷ་ཀྲོ་དྷཱི་མ་མ་ཡོ་གི་ནཱི་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ སརྦ་ཤ་ཏྲཱུན་བིགྷྣཱན་ཛྭ་ལ་པ་ཡཛྭ་ལ་པ་ཡ་ཧཱུྃ་ཕཊ༔ དེ་ནས་ཕུར་བུ་བདུག་བྲབ་བྱུག༔ ཧཱུྃ༔ ཁྲག་འཐུང་སྟོབས་རྫོགས་ཀཱི་ལ་ཡ༔ གུ་གུལ་དུད་པས་དབྱིངས་ནས་བཞེངས༔ ཉུངས་ཐུན་དྲག་པོའི་ལས་ལ་བསྐུལ༔ རཀྟ་འབར་བས་གཟི་བྱིན་བསྐྱེད༔ ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ་སུ་རུ་སུ་རུ་པྲ་སུ་རུ་པྲ་སུ་རུ་མ་གུ་ཏ་ལ་པྲ་ཏ་ལ་རཀྟ་ཛྭ་ལ་ཧཱུྃ་ཧཱུྃ་ཧཱུྃ༔ རྡོ་རྗེ་ཐལ་མོའི་བར་དུ་བཟུང་༔ ཧཱུྃ༔ ལག་གཉིས་རིགས་ལྔ་ཡབ་ཡུམ་གྱི༔ སྦྱོར་མཚམས་འོད་ཀྱིས་བདེ་གཤེགས་བསྐུལ༔ སྐུ་གསུང་ཐུགས་ཀྱི་བྱིན་རླབས་འདུས༔ ཁམས་གསུམ་དུས་གཅིག་སྒྲོལ་བ་ཡི༔ མཐུ་རྩལ་བྱིན་དབང་ཡོངས་སུ་རྫོགས༔ ཨོཾ་བཛྲ་ཀཱི་ལ་ཡ་ཀཱ་ཡ་ཝཱ་ཀ་ཙིཏྟ་ཨ་བྷི་ཥིཉྩ་ཨོཾ་ཨཱཿཧཱུྃ༔ ཞེས་བརྗོད་རང་གི་གནས་གསུམ་འདྲིལ༔ བདག་ཀྱང་བྱིན་རླབས་ནུས་ལྡན་བསམ༔ དྲག་སྔགས་བཟླ་ཞིང་ཚམ་རྔམས་བྱ༔ ཧཱུྃ༔ ཆོས་དབྱིངས་རོལ་པའི་དུར་ཁྲོད་ནས༔ བཀའ་བརྒྱད་ལྷ་ཚོགས་དུས་ལ་བབ༔ ལྕགས་ཀྱུས་དགྲ་བགེགས་སྙིང་ནས་དྲོངས༔ རྡོ་རྗེ་ཕུར་བུས་རྡུལ་དུ་རློག༔ སླར་ཡང་དྲག་པོའི་ཐུན་རྫས་དབབ༔ ཧཱུྃ༔ ཕུར་བུ་ཁྲག་འཐུང་ཕྲིན་ལས་རྫོགས༔ རཀྟ་རྦོད་གཏོང་མ་མོའི་ཐུན༔ ཡུངས་ཀར་ཁྲོ་རྒྱལ་སྟོབས་འདུས་རྫས༔ མཚེ་མདའ་གདུག་ཅན་དྲེགས་པའི་མཚོན༔ དུག་ཐུན་དྲག་སྔགས་གདུག་པའི་དབལ༔ མཚོན་ཐུན་བཀའ་སྡོད་ཕོ་ཉའི་ཤུགས༔ མདའ་རྡོ་དཔལ་གྱི་ཤུགས་འཆང་བས༔ དགྲ་བགེགས་ལྔ་ཕུང་རྡུལ་དུ་རློག༔ དྲག་སྔགས་བཟླ་ཞིང་ཐུན་རྣམས་བརྡེག༔ དེ་ནས་གདབ་ཀའི་ལས་དངོས་ནི༔ བདག་ཉིད་དཔལ་ཆེན་ཧེ་རུ་ཀ༔ ཕུར་པ་སྲས་མཆོག་ཀཱི་ལ་ཡ༔ རཱུ་པ་དགྲ་བགེགས་དངོས་སུ་གསལ༔ ལྟ་བ་སྟོང་ཉིད་རྫོང་བཟུང་སྟེ༔ སྒོམ་པ་རྩེ་གཅིག་འཕྲང་ལ་བཤར༔ སྤྱོད་པ་སྙིང་རྗེ་ཁྲོས་པའི་སྲོག༔ ཚེ་ཁྲུས་གནས་ཀྱི་དགོངས་པར་སྦྱར༔ སྙིང་གར་བཏབ་པས་་་་་་ཧཱུྃ༔ བདག་ཉིད་དཔལ་ཆེན་སོགས། ཁ་སྦྱོར་དབྱེ༔ སླར་ཡང་དྲག་སྔགས་དང་བཅས་ཏེ༔ ལུས་གནད་ཀུན་ཏུ་ཁྱབ་པར་གདབ༔ རལ་གྲི་ལ་སོགས་མཚོན་ཆས་གཏུབ༔ ཧཱུྃ༔ དཔལ་ཆེན་ཁྲག་འཐུང་ལྷ་ཚོགས་ཀྱི༔ རྣོ་ངར་ཡེ་ཤེས་རལ་གྲི་ཡིས༔ མ་རིག་སྒོ་ངའི་སྦུབས་དྲལ་ནས༔ དགྲ་བགེགས་གཟུགས་ཕུང་རྡུལ་དུ་རློག༔ སརྦ་ཤ་ཏྲཱུན་བིགྷྣཱན་ཙྪིནྡ་ཙྪིནྡ་མཱའ་ར་ཡ་ཧཱུྃ་ཕཊ༔ མཆོད་བསྟོད་རྡོ་རྗེའི་གཏུན་དུ་བརྡུང་༔ ཧཱུྃ༔ འཇིག་རྟེན་མཆོད་བསྟོད་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ གཟུགས་ཕུང་རྡུལ་ཕྲན་བཞིན་དུ་རློག༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ༔ དྲག་སྔགས་མཆོག་ཆེན་གཟེར་བུས་བསྟབ༔ ཧཱུྃ༔ དམོད་པ་དྲག་སྔགས་ལྷ་ཚོགས་རྣམས༔ དྲག་པོའི་ཕྲིན་ལས་དུས་ལ་བབ༔ སྡང་བའི་དགྲ་དང་གནོད་པའི་བགེགས༔ གཟུགས་ཕུང་རྔམས་པའི་ཞལ་དུ་ཐོབ༔ ཨོཾ་བཛྲ་སརྦ་དུཥྟཱན་ཧཱུྃ་ཕཊ༔ བྷིནྡྷ་ཡ་བྷིནྡྷ་ཡ་ཁ་ཁ་ཁཱ་ཧི་ཁཱ་ཧི་ཧཱུྃ་ཕཊ༔ གསུམ་པ་ཟློག་པའི་ལས་རིམ་ལ༔ ཏིང་འཛིན་དམིགས་པའི་རིམ་པ་ནི༔ སླར་ཡང་རཱུ་པའི་ཆ་ཤས་དང་༔ དམར་གྱི་ཕུད་ཆེན་ཟོར་ལ་སྦྲེངས༔ ཧཱུྃ༔ ཁྲག་འཐུང་དྲག་པོའི་དཀྱིལ་འཁོར་ལྷ༔ ཤ་ཁྲག་དམར་གྱི་མཆོད་པ་བཞེས༔ ཟ་བའི་མཆེ་རྣོན་དགྲ་ལ་གཙིགས༔ རྔམས་པའི་བརྟུལ་ཞུགས་བགེགས་ལ་སྐྱེད༔ རྣལ་འབྱོར་བདག་ཅག་སྒྲུབ་པ་པོའི༔ མི་མཐུན་འགལ་རྐྱེན་བར་ཆད་ཀུན༔ བྷྱོ་ཟློག་དྲག་པོའི་ལས་ལ་བཞེངས༔ མངོན་སྤྱོད་ཕྲིན་ལས་ཡོངས་རྫོགས་མཛོད༔ ཅེས་བསྐུལ་ཁྲག་འཐུང་འཁོར་བཅས་རྣམས༔ ཁྲོས་འཁྲུགས་རྔམས་པའི་གཟི་བྱིན་འབར༔ ཞལ་ཕྱིར་གཟིགས་ནས་ཟློག་པའི་སྔགས༔ འབྲུག་སྟོང་ལྡིར་བ་ལྟར་བསྒྲགས་པས༔ སྐུ་ལས་ཕོ་ཉ་འབར་བའི་མེ༔ གཡོ་བྱེད་རླུང་གི་ཤུགས་ཅན་འཕྲོས༔ བྱང་ཆུབ་སྒྲུབ་ལ་བར་ཆད་ཀུན༔ རྒྱ་མཚོའི་ཕ་མཐར་ཟློག་ཅིང་བསྐྲད༔ མིང་གི་ལྷག་མ་མེད་པར་བསམ༔ སྡང་མིག་གཟིར་ཞིང་ཐལ་མོ་བརྡབ༔ སྔགས་ཀྱིས་ཟློག་པ་མེ་ཕུང་ཤམ༔ བཛྲ་ཀརྨ་ཡཀྵ་སརྦ་དུཥྟཱན་ཨ་པ་ཀ་ར་ཛྭཱ་ལ་ཛྭཱ་ལ་རྃ་རྃ་ཡྃ་ཡྃ་བྷྱོ་བྷྱོ་ཟློག་ཟློག་བྷྱོ་ཟློག་ཅིག༔ བརྒྱ་སྟོང་བཟླས་ཤིང་དམིགས་པ་གསལ༔ བྲིས་པས་ཟློག་པའི་ཙཀྲ་ནི༔ སྲུང་བའི་འཁོར་ལོ་ཇི་བཞིན་ལ༔ སྤེལ་ཚིག་ཟློག་པའི་ཤམ་བུ་སྦྱར༔ འཁོར་ལོས་སྒྱུར་བའི་སྔགས་ཀྱི་མལ༔ དྲག་སྔགས་རྒྱས་བསྡུས་གང་རིགས་དང་༔ ཡང་ཟློག་ཉིང་ཟློག་ཤམ་དང་བཅས༔ སྔགས་མགོ་ནང་དུ་བསྟན་པ་ནི༔ དུག་ཤོག་དུག་ཁྲག་རྫས་ཀྱིས་བྲི༔ རབ་ཏུ་གནས་ལ་གཏོར་མར་འཛུགས༔ འཕང་པའི་དུས་སུ་མེ་ལ་སྦྱང་༔ དེ་ནས་ཟློག་པའི་ལས་བཅོལ་ནི༔ དྲག་གཏོར་ལིང་རོ་ཆ་ཤས་ལ༔ སླར་ཡང་དགྲ་བགེགས་དགུག་བསྟིམ་བསྒྲལ༔ ཤ་ཁྲག་རུས་པ་ཚོགས་སུ་འབུལ༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ དབུས་ཀྱི་དཀྱིལ་འཁོར་ཆེན་པོ་ནས༔ བཅོམ་ལྡན་ཆེ་མཆོག་ཧེ་རུ་ཀ༔ ཡུམ་ཆེན་གནམ་ཞལ་དབྱིངས་ཕྱུག་མ༔ རིགས་བཞི་ཁྲོ་བཅུ་སྒོ་སྐྱོང་སོགས༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་དྲག་པོའི་ལས་ལ་བཞེངས༔ དགྲ་བགེགས་གདུག་པ་བསྒྲལ་བ་ཡི༔ འདོད་ཆགས་ཁྲག་གི་རྒྱ་མཚོ་རོལ༔ ཞེ་སྡང་རུས་པའི་ཕུང་པོ་ཆོམས༔ གཏི་མུག་ཤ་ཡི་རི་བོ་བཞེས༔ འབར་ཞིང་འཁྲུགས་པའི་བརྟུལ་ཞུགས་སྐྱེད༔ བསྟན་དང་འགྲོ་ལ་འཚེ་བྱེད་ཅིང་༔ རྣལ་འབྱོར་ལམ་གྱི་བར་ཆད་རྐྱེན༔ གཉིས་སྣང་འཁྲུལ་པ་ལས་བྱུང་བའི༔ འཇིགས་པ་བརྒྱད་དང་བཅུ་དྲུག་ཟློག༔ ནད་རིགས་བཞི་བརྒྱ་རྩ་བཞི་ཟློག༔ གདོན་ཚོགས་སུམ་བརྒྱ་དྲུག་ཅུ་ཟློག༔ བགེགས་རིགས་སྟོང་ཕྲག་བརྒྱད་ཅུ་ཟློག༔ དུས་མིན་འཆི་བ་བཅོ་བརྒྱད་ཟློག༔ གློ་བུར་བདུན་བརྒྱ་ཉི་ཤུ་ཟློག༔ ཡེ་འདྲོག་སུམ་བརྒྱ་དྲུག་ཅུ་ཟློག༔ ལྟས་ངན་བརྒྱད་ཅུ་རྩ་གཅིག་ཟློག༔ ཕྱི་ནང་དྲང་སྲོང་དམོད་ཚིག་ཟློག༔ བན་བོན་མུ་སྟེགས་རིག་སྔགས་ཟློག༔ སྡེ་བརྒྱད་གདུག་པའི་ཆོ་འཕྲུལ་ཟློག༔ སྲ་བ་ས་ལ་མནན་པ་ཟློག༔ གཤེར་བ་ཆུ་ལ་གཏད་ཁྲམ་ཟློག༔ འབར་བ་མེ་ལ་བསྲེགས་པ་ཟློག༔ གཡོ་བ་རླུང་འཁོར་བསྐོར་བ་ཟློག༔ ཆག་ཆེ་ཉམ་ང་ཐམས་ཅད་ཟློག༔ ལོ་ཟླ་ཞག་དུས་ཀེག་སྲི་ཟློག༔ མི་ཁ་གླེང་གཞི་འཐབ་རྩོད་ཟློག༔ དངོས་ཉམས་རྨི་ལམ་ལྟས་ངན་ཟློག༔ ཕ་མེས་དུར་ཁ་བྱེ་བ་ཟློག༔ ལྷ་སྲུང་བདུད་དུ་བབས་པ་ཟློག༔ དཔྲལ་བའི་གཤེད་དུ་འཇུག་པ་ཟློག༔ ལྟག་པའི་བདུད་དུ་འཇབ་པ་ཟློག༔ གནམ་གྱི་འཇུ་ཐག་ཆད་པ་ཟློག༔ ས་ཡི་རྟེན་ཕུར་བུད་པ་ཟློག༔ སྣོད་ཀྱི་འཇིག་རྟེན་རྒུད་པ་ཟློག༔ འབྱུང་བཞི་གཡོ་ཞིང་འཁྲུགས་པ་ཟློག༔ སད་སེར་འཙན་ཐན་མུ་གེ་ཟློག༔ དུས་ཚོད་དམན་ལྷག་ལོག་པ་ཟློག༔ བཅུད་ཀྱི་མི་དགེའི་རྣམ་རྟོག་ཟློག༔ མི་ཕྱུགས་ནད་ཡམས་གོད་ཀ་ཟློག༔ མཐའ་དམག་ཀླ་ཀློའི་རྒྱུ་འགྲུལ་ཟློག༔ བསྟན་སེལ་ཕུང་བཤིག་སྡེ་འཁྲུགས་ཟློག༔ རྩ་རླུང་ཐིག་ལེའི་གཡོ་འཁྲུགས་ཟློག༔ གཟུང་འཛིན་འཁྲུལ་པའི་གཉིས་སྣང་ཟློག༔ དབྱིངས་ཀྱི་རྗེ་མོ་གཡེལ་བ་ཟློག༔ འཇིག་རྟེན་མཁའ་འགྲོ་འཁྲུགས་པ་ཟློག༔ ལས་ཀྱི་མཁའ་འགྲོའི་བསུན་མ་ཟློག༔ འདོད་ཆགས་ལྷ་བུའི་བདུད་ཚོགས་ཟློག༔ ཞེ་སྡང་འཆི་བདག་རྔམས་པ་ཟློག༔ གཏི་མུག་ཉོན་མོངས་མུན་པ་ཟློག༔ ང་རྒྱལ་ཕུང་པོའི་བདུད་སྡེ་ཟློག༔ ཕྲག་དོག་བྱད་ཕུར་རྦོད་གཏོང་ཟློག༔ མདོར་ན་འགལ་རྐྱེན་མི་མཐུན་ཕྱཽགས༔ ཟློག་གོ་དམར་ཆེན་གཏོར་མས་ཟློག༔ བསྒྱུར་རོ་དགྲ་བགེགས་སྟེང་དུ་སྒྱུར༔ ཟློག་སྒྱུར་བཅོལ་བའི་ཕྲིན་ལས་མཛོད༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཉུངས་ཀར་བྲབ་ཞིང་ཐལ་མོ་བརྡབ༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ཤར་ཕྱོགས་དཀྱིལ་འཁོར་ཆེན་པོ་ནས༔ བཅོམ་ལྡན་ཡང་དག་ཧེ་རུ་ཀ༔ ཡུམ་མཆོག་ཀྲོ་དྷཱི་ཤྭ་རི་མ༔ རིགས་བཞིའི་ཁྲག་འཐུང་ཡབ་ཡུམ་དང་༔ ཀེའུ་སེང་སྒོ་སྐྱོང་དབང་མོ་སོགས༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་དྲག་པོའི་ལས་ལ་བཞེངས༔ སོགས་འགྲེའོ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ལྷོ་ཕྱོགས་དཀྱིལ་འཁོར་ཆེན་པོ་ནས༔ བཅོམ་ལྡན་འཇམ་དཔལ་གཤིན་རྗེའི་གཤེད༔ ཡུམ་མཆོག་རྡོ་རྗེ་བི་ཏཱ་ལཱི༔ གཤེད་ཆེན་འཆི་བདག་གདོང་ཅན་མ༔ གིང་བདུད་རྩིས་བཤན་ལ་སོགས་པ༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ནུབ་ཕྱོགས་དཀྱིལ་འཁོར་ཆེན་པོ་ནས༔ བཅོམ་ལྡན་པདྨ་རྟ་མཆོག་དཔལ༔ ཡུམ་ཆེན་པདྨ་གཟི་ལྡན་མ༔ རིགས་བཞི་ཕྲ་མེན་ཟིལ་གནོན་བརྒྱད༔ སྒོ་སྐྱོང་ཁམས་བརྒྱ་རྨུས་ལོང་སོགས༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་པདྨཱནྟ་ཀྲྀ་ཏ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ བྱང་ཕྱོགས་དཀྱིལ་འཁོར་ཆེན་པོ་ནས༔ བཅོམ་ལྡན་བཛྲ་ཀུ་མཱའ་ར༔ ཡུམ་ཆེན་འཁོར་ལོ་རྒྱས་འདེབས་མ༔ སྲས་མཆོག་རིགས་བཞི་ཁྲོ་རྒྱལ་བཅུ༔ སྒོ་སྐྱོང་ཕུར་བུའི་སྲུང་མ་སོགས༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ཤར་ལྷོའི་དཀྱིལ་འཁོར་ཆེན་པོ་ནས༔ བཅོམ་ལྡན་བླ་མེད་ཧེ་རུ་ཀ༔ ཡུམ་ཆེན་ཉིད་ཞི་མུ་ཁ་ལེ༔ རྟག་རྒྱལ་རྗེ་མོ་སྨན་མོ་དང་༔ སྒོ་སྐྱོང་ཁོར་ཡུག་ཕོ་ཉ་སོགས༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་གུུ་ཧྱ་ཛྙཱ་ན་ཀྲོ་དྷ་ཀྲོ་དྷཱི་མ་མ་ཡོ་གི་ནཱི་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ལྷོ་ནུབ་དཀྱིལ་འཁོར་ཆེན་པོ་ནས༔ བཅོམ་ལྡན་རིག་འཛིན་རྡོ་རྗེ་ཆོས༔ ཡུམ་ཆེན་རྡོ་རྗེ་རྣལ་འབྱོར་མ༔ རིགས་བཞི་གྲུབ་ཆེན་སྒོ་སྐྱོང་དང་༔ མཁའ་འགྲོ་གིང་གི་ཚོགས་ལ་སོགས༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ནུབ་བྱང་དཀྱིལ་འཁོར་ཆེན་པོ་ནས༔ བཅོམ་ལྡན་དྲེགས་པ་ཀུན་འདུལ་དང་༔ ཡུམ་ཆེན་སྲིད་པ་སྤྱི་འདུལ་མ༔ དབང་ཕྱུག་ཆེ་སོགས་སྡེ་དཔོན་དང་༔ གཏུམ་ཆེན་དྲེགས་བྱེད་དམག་གི་དཔུང་༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ བྱང་ཤར་དཀྱིལ་འཁོར་ཆེན་པོ་ནས༔ བཅོམ་ལྡན་དཔལ་ཆེན་སྟོབས་ལྡན་ནག༔ ཡུམ་ཆེན་འབྱུང་ལྔའི་བདག་མོ་དང་༔ སྔགས་བདག་དྲེགས་པ་བཅོ་བརྒྱད་སོགས༔ གསོད་བྱེད་སྡེ་བརྒྱད་གདུག་པའི་དཔུང་༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་བཛྲ་སརྦ་དུཥྟཱན་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ དཀྱིལ་འཁོར་ཆེན་པོའི་ཁོར་ཡུག་ནས༔ དབང་ཕྱུག་མཁའ་འགྲོ་གིང་ལངྐ༔ འབར་མ་ས་བདག་མ་སྲིང་ཚོགས༔ ཕྱོགས་སྐྱོང་རྒྱལ་ཆེན་བརྟན་མ་སོགས༔ དཔལ་གྱི་བཀའ་སྡོད་འཁོར་བཅས་རྣམས༔ ཟློག་སྒྱུར་སོགས༔ ཨོཾ་བཛྲ་སརྦ་ཀརྨ་ཡཀྴ་ས་མ་ཡ་ཧཱུྃ་ཕཊ༔ སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ཚོམ་བུ་དགུ་ལྡན་དཀྱིལ་འཁོར་ཆེའི༔ གཙོ་མཆོག་དཔལ་གྱི་མཁའ་དབྱིངས་སུ༔ ཁམས་གསུམ་ཀུན་ན་རྩལ་ཆེ་བ༔ སངས་རྒྱས་ཕྲིན་ལས་རྫོགས་པའི་དཔལ༔ འདབ་ཆགས་རྒྱལ་པོ་ག་རུ་ཌ༔ གཙོ་འཁོར་སྤྲུལ་པར་བཅས་པ་རྣམས༔ ཟློག་སྒྱུར་སོགས༔ ཨོཾ་བཛྲ་ག་རུ་ཌ་ཧེ་ཧཾ་སེ་ཙ་ལེ་ཙ་ལེ་ཧཱུྃ་ཕཊ༔ སརྦ་དུཥྟཱན་མཱའ་ར་ཡ་བྷྱོ་བྷྱོ་ཟློག་ཟློག༔ དེ་ལྟར་སོ་སོར་བསྐུལ་ཞིང་ཟློག༔ སླར་ཡང་དྲིལ་ཏེ་ཟློག་པ་ནི༔ ཧཱུྃ༔ ཁྲག་འཐུང་འདུས་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ཚོམ་བུ་དགུ་ལྡན་དཀྱིལ་འཁོར་ནས༔ ཞི་ཁྲོ་རབ་འབྱམས་འབར་བའི་སྐུ༔ དཔལ་ཆེན་ཆེ་མཆོག་ཧེ་རུ་ཀ༔ ཡང་དག་ཁྲག་འཐུང་གཤིན་རྗེ་གཤེད༔ རྟ་མགྲིན་རྒྱལ་པོ་ཀཱི་ལ་ཡ༔ བླ་མེད་རིག་འཛིན་རྡོ་རྗེ་ཆོས༔ དྲེགས་པ་ཀུན་འདུལ་སྟོབས་ལྡན་ནག༔ གཙོ་འཁོར་སྤྲུལ་པ་ཡང་སྤྲུལ་བཅས༔ ལས་བྱེད་དཔལ་གྱི་བཀའ་སྡོད་དང་༔ མཐུ་རྩལ་རྨད་བྱུང་ག་རུ་ཌ༔ འདུས་པ་ཆེན་པོའི་ལྷ་ཚོགས་རྣམས༔ ཟློག་སྒྱུར་སོགས༔ དྲག་སྔགས་མཐར༔ སརྦ་དུཥྟཱན་མ་ཧཱ་ཤྭ་རི་རཾ་མཱ་ར་ཡ་བྷྱོ་བྷྱོ་ཟློག་ཟློག༔ དེ་ནས་ཕྱི་ལྟར་སྒོ་གསུམ་གྱི༔ འགལ་རྐྱེན་གར་དགུའི་ཕྱག་རྒྱས་ཟློག༔ ཧཱུྃ༔ དཔལ་ཆེན་ཁྲག་འཐུང་འདུས་པའི་ལྷ༔ གཙོ་འཁོར་སྤྲུལ་པ་ཡང་སྤྲུལ་བཅས༔ དགྲ་བགེགས་ཤ་ཁྲག་གཏོར་མ་བཞེས༔ ཟློག་སྒྱུར་དྲག་པོའི་ལས་ལ་བཞེངས༔ སྒེག་པའི་སྐུ་མཆོག་ལྷུན་པོར་འགྱིང་༔ དཔའ་བརྟུལ་གཟི་བརྗིད་ཉི་ལྟར་འབར༔ འཇིགས་རུང་སྲིད་ཞིའི་ཆེ་བཙན་ཆེའི༔ དམ་ཚིག་ཆེན་པོའི་དུས་ལ་བབ༔ རྣལ་འབྱོར་བདག་ཅག་འཁོར་བཅས་ཀྱི༔ ལུས་ཀྱི་ནད་གདོན་བར་ཆད་བགེགས༔ འཇིགས་དང་སྡུག་བསྔལ་ཐམས་ཅད་ཀུན༔ གནོད་བྱེད་དགྲ་བགེགས་ལུས་ལ་ཟློག༔ ཧ་ཧར་རྒོད་པས་ས་གསུམ་གཡོ༔ བརླང་པོར་གཤེ་བའི་འབྲུག་སྟོང་ལྡིར༔ དྲག་ཤུལ་རྡོ་རྗེའི་སྔགས་ཀྱི་སྒྲའི༔ དམ་ཚིག་ཆེན་པོའི་དུས་ལ་བབ༔ རྣལ་འབྱོར་བདག་ཅག་འཁོར་བཅས་ཀྱི༔ ངག་གི་ནད་གདོན་བར་ཆད་བགེགས༔ འཇིགས་དང་སྡུག་བསྔལ་ཐམས་ཅད་ཀུན༔ གནོད་བྱེད་དགྲ་བགེགས་ངག་ལ་ཟློག༔ དམིགས་པ་མེད་པའི་སྙིང་རྗེ་ལས༔ རྔམས་པའི་གདངས་རྩལ་ཉི་ལྟར་ཤར༔ ཞི་བའི་དབྱིངས་ལས་མ་གཡོས་པའི༔ དམ་ཚིག་ཆེན་པོའི་དུས་ལ་བབ༔ རྣལ་འབྱོར་བདག་ཅག་འཁོར་བཅས་ཀྱི༔ ཡིད་ཀྱི་ནད་གདོན་བར་ཆད་བགེགས༔ འཇིགས་དང་སྡུག་བསྔལ་ཐམས་ཅད་ཀུན༔ གནོད་བྱེད་དགྲ་བགེགས་ཡིད་ལ་ཟློག༔ དྲག་སྔགས་མཐར༔ ཀཱ་ཡ་ཝཱ་ཀ་ཙིཏྟ་ས་མ་ཡ་སརྦ་དུཥྟཱན་མཱ་ར་ཡ་བྷྱོ་བྷྱོ་ཟློག་ཟློག༔ ནང་ལྟར་ཕུང་པོ་རིགས་ལྔར་ཟློག༔ ཧཱུྃ༔ གཟུགས་ཀྱི་ཕུང་པོ་ལ་བརྟེན་པའི༔ གཉིས་སྣང་འཁྲུལ་པའི་བག་ཆགས་ཀུན༔ སྣང་སྟོང་དབྱེར་མེད་ཧེ་རུ་ཀ༔ རྡོ་རྗེ་རྟག་པའི་ཕྱག་རྒྱར་ཟློག༔ ཚོར་བའི་ཕུང་པོ་ལ་བརྟེན་པའི༔ གཉིས་སྣང་འཁྲུལ་པའི་བག་ཆགས་ཀུན༔ ཚོར་སྟོང་དབྱེར་མེད་ཧེ་རུ་ཀ༔ རིན་ཆེན་ཉི་མའི་ཕྱག་རྒྱར་ཟློག༔ འདི་ཤེས་ཕུང་པོ་ལ་བརྟེན་པའི༔ གཉིས་སྣང་འཁྲུལ་པའི་བག་ཆགས་ཀུན༔ མྱོང་སྟོང་དབྱེར་མེད་ཧེ་རུ་ཀ༔ པདྨ་གར་དབང་ཕྱག་རྒྱར་ཟློག༔ འདུ་བྱེད་ཕུང་པོ་ལ་བརྟེན་པའི༔ གཉིས་སྣང་འཁྲུལ་པའི་བག་ཆགས་ཀུན༔ རིག་སྟོང་དབྱེར་མེད་ཧེ་རུ་ཀ༔ རྟ་མཆོག་རོལ་པའི་ཕྱག་རྒྱར་ཟློག༔ རྣམ་ཤེས་ཕུང་པོ་ལ་བརྟེན་པའི༔ གཉིས་སྣང་འཁྲུལ་པའི་བག་ཆགས་ཀུན༔ རིགས་སྟོང་དབྱེར་མེད་ཧེ་རུ་ཀ༔ རྡོ་རྗེ་སེམས་དཔའི་ཕྱག་རྒྱར་ཟློག༔ པཉྩ་ཀུ་ལ་ས་མ་ཡ་བྷྱོ་བྷྱོ་ཟློག་ཟློག༔ གསང་བ་ཉོན་མོངས་ཡེ་ཤེས་ཟློག༔ ཧཱུྃ༔ མ་རིག་ཉེས་པའི་རྩ་བ་སྟེ༔ ཉོན་མོངས་གཏི་མུག་རྣམ་རྟོག་ཀུན༔ ཆོས་དབྱིངས་ཡེ་ཤེས་ཀློང་དུ་ཟློག༔ འོད་གསལ་ཆེན་པོའི་ཕྱག་རྒྱས་ཐོབ༔ ཁེངས་ཤིང་རྔམས་པའི་འཛིན་པ་ཅན༔ ཉོན་མོངས་ང་རྒྱལ་རྣམ་རྟོག་ཀུན༔ མཉམ་ཉིད་ཡེ་ཤེས་ཀློང་དུ་ཟློག༔ སྒྱུ་མ་ལྟ་བུའི་ཕྱག་རྒྱས་ཐོབ༔ ཡུལ་ལ་སྲེད་ཅིང་ཞེན་པ་ཡི༔ ཉོན་མོངས་འདོད་ཆགས་རྣམ་རྟོག་ཀུན༔ སོར་རྟོག་ཡེ་ཤེས་ཀློང་དུ་ཟློག༔ བདེ་བ་ཆེན་པོའི་ཕྱག་རྒྱས་ཐོབ༔ མི་མཐུན་འགལ་བའི་རྣམ་པ་ཅན༔ ཉོན་མོངས་ཕྲག་དོག་རྣམ་རྟོག་ཀུན༔ བྱ་གྲུབ་ཡེ་ཤེས་ཀློང་དུ་ཟློག༔ རང་གྲོལ་ཆེན་པོའི་ཕྱག་རྒྱས་ཐོབ༔ གདུག་ཅིང་གཏུམ་ལ་འབར་བ་ཡི༔ ཉོན་མོངས་ཞེ་སྡང་རྣམ་རྟོག་ཀུན༔ མེ་ལོང་ཡེ་ཤེས་ཀློང་དུ་ཟློག༔ ཀ་དག་ཆེན་པོའི་ཕྱག་རྒྱས་ཐོབ༔ པཉྩ་ཛྙཱ་ན་ས་མ་ཡ་བྷྱོ་བྷྱོ་ཟློག་ཟློག༔ མཐར་ཐུག་རྟོག་ཚོགས་ཆོས་སྐུར་ཟློག༔ ཧཱུྃ༔ འཁོར་འདས་ཆོས་ཀུན་གདོད་མ་ནས༔ སྟོང་ཆེན་མཁའ་ལྟར་རྣམ་པར་དག༔ དོན་གྱི་ཀུན་བཟང་ཧེ་རུ་ཀའི༔ ཐིག་ལེ་ཆེན་པོར་དབྱེར་མེད་ཀྱང་༔ དེ་ཉིད་མ་རིག་འཁྲུལ་པ་ལས༔ བདག་དང་གཞན་དུ་རྣམ་པར་བརྟགས༔ ཉོན་མོངས་བག་ཆགས་རིམ་གྱིས་འཕེལ༔ འཇིགས་པའི་གདོན་དང་བཞི་བརྒྱའི་ནད༔ སྡང་བྱེད་དགྲ་དང་གནོད་བྱེད་བགེགས༔ བར་ཆད་རྐྱེན་ངན་ཅིར་ཤར་ཡང༔ འཁྲུལ་པ་རྨི་ལམ་ལྟ་བུར་སྣང་༔ སྣང་དུས་ཉིད་ནས་མ་གྲུབ་པས༔ སྒྱུ་མའི་འཁྲུལ་འཁོར་ཞིག་པ་ལྟར༔ རང་བཞིན་འོད་གསལ་བྱང་ཆུབ་སེམས༔ སྟོང་པ་ཉིད་ཀྱི་ངང་དུ་བྷྱོ༔ མཚན་མ་མེད་པའི་དབྱིངས་སུ་ཟློག༔ སྨོན་པ་མེད་པའི་མཁའ་ལ་སྟིམས༔ དུས་གསུམ་འགྱུར་བ་མེད་པ་ཡི༔ ཕྱག་རྒྱ་ཆེན་པོར་རྒྱས་ཐོབ་ཅིག༔ མ་ཧཱ་ཛྙཱ་ན་ས་མ་ཡ་བྷྱོ་བྷྱོ་ཟློག་ཟློག༔ ཨ་ཨ་ཨཿ ཞེས་བརྗོད་དགོངས་པ་དབྱིངས་སུ་བཞག༔ རྟོག་པའི་ཕུང་པོ་བརྒྱད་ཁྲི་ཡང་༔ བློ་འདས་ངང་དུ་ཟློག་གྱུར་ན༔ འགལ་རྐྱེན་ཙམ་ལ་སྨོས་ཅི་དགོས༔ དེ་ལྟར་ཁྱད་པར་ཟློག་པ་བཞི༔ དབང་བཞིའི་ལམ་དང་རྗེས་འབྲེལ་བའི༔ སྦས་དོན་ངེས་པའི་དགོངས་པ་སྟེ༔ གཞན་དུ་མ་བསྟན་སྙིང་ལ་ཕུར༔ ས་མ་ཡ༔ གཞན་ཡང་འཕྱང་དང་གཟེར་ཁ་རྣམས༔ རྒྱས་པར་སྤྲོ་ན་སྦྱར་དུ་རུང་༔ འདིར་ནི་ཆེས་ཟབ་ཡང་ཟློག་དང་༔ ཉིང་ཟློག་མན་ངག་རྒྱས་བསྡེབས་བསྟན༔ དེ་ལ་སྔགས་པ་ནང་རྒྱས་ནས༔ ཟློག་པ་སླར་ལོག་ཡང་ཟློག་བྱ༔ བདག་གི་ཐུགས་ནས་འོད་འཕྲོས་པས༔ ཕས་རྒོལ་ལྷ་སྲུང་དབང་མེད་བཀུག༔ ཟོར་ཆེན་དཀྱིལ་འཁོར་མཐའ་སྐོར་དུ༔ འདར་ཞིང་འདུད་པས་འཁོད་པར་བསམ༔ དུག་གཏོར་ཤ་ཁྲག་རཱུ་པ་ལ༔ བྱད་མ་དགུག་བསྟིམ་དྲག་ཏུ་བྱ༔ ཞལ་དུ་བསྟབས་པས་དབང་མེད་ཟོས༔ ཁྲོས་འཁྲུགས་ཞེ་སྡང་ངར་བསྐྱཻད་བསམ༔ སརྦ་དེ་བ་བཱ་ལ་བིགྷྣཱན་ཤ་ཏྲཱུན་མ་ཧཱ་མཱྃ་ས་རཀྟ་ཀིཾ་ནི་རི་ཏི་བ་ལིཾ་ཏ་ཁ་ཁཱ་ཁཱ་ཧི་ཁཱ་ཧི༔ ཧཱུྃ༔ ཉོན་ཅིག་ཕས་རྒོལ་གདུག་ཅན་ལ༔ འགོ་ཞིང་ལས་བྱེད་ལྷ་སྲུང་ཚོགས༔ དཔལ་ཆེན་ཧེ་རུ་ཀ་ཡི་བཀའ༔ རྡོ་རྗེའི་ཐ་ཚིག་སྙིང་ལ་གཟེར༔ ལས་ངན་སྡིག་ཅན་བྱད་མ་འདི༔ དང་པོ་ཞེ་སྡང་ཕ་ལས་བྱུང་༔ བར་དུ་འདོད་ཆགས་མ་ཡི་མངལ༔ ཐ་མ་གཏི་མུག་ལྟེ་བར་འཁོར༔ དུག་གསུམ་རིམ་གྱིས་བརྟས་པ་ལས༔ ང་རྒྱལ་ཕྲག་དོག་རླུང་ལྟར་འཚུབས༔ སངས་རྒྱས་བསྟན་པ་གཉན་པོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ ཉེས་མེད་སེམས་ཅན་སྡུག་ལ་སྦྱར༔ ཁྱད་པར་རྣལ་འབྱོར་བདག་ཅག་གི༔ དམ་ལས་འགལ་ཞིང་བཀའ་ལ་བརྐུས༔ བྱད་ཕུར་རྦོད་གཏོང་ངན་སྦྱོར་བརྩོན༔ བསྒྲལ་བའི་ཞིང་བཅུར་གྱུར་པས་ན༔ ཁྱེད་རྣམས་འགོ་ཞིང་སྐྱབས་བྱེད་ན༔ དཔལ་གྱི་བཀའ་ཆད་འབེབས་ཏ་རེ༔ རྡོ་རྗེ་ཁྲོ་བོ་གནོད་སྦྱིན་གྱིས༔ རྐེ་ཁྲག་གཞིབ་ཅིང་ལུས་སྲོག་འཕྲོག༔ དེ་བས་དམ་ལས་མ་འགལ་བར༔ བྱད་མ་མཁན་གྱི་སྟེང་དུ་རྒྱུགས༔ རང་གཤེད་རང་གི་སྟེང་དུ་ཕོབ༔ རང་ཤ་ཟོ་ལ་རང་ཁྲག་འཐུངས༔ འཇིགས་པའི་ཆོ་འཕྲུལ་ལྟས་ངན་ཕོབ༔ བདུན་བརྒྱུད་རིགས་ཀྱང་རྩད་ནས་ཆོད༔ ཁ་ཕུང་རྗེས་ཤུལ་མེད་པར་གྱིས༔ སརྦ་དེ་བ་པཱ་ལ་ས་མ་ཡ་བྷྱོ་བྷྱོ་ཟློག་ཟློག་མཱ་ར་ཡ་རྦད་རྦད༔ དེ་ནས་འཇམ་དཔལ་ཁྲག་འཐུང་ཚོགས༔ ཡང་ཟློག་དྲག་པོའི་ལས་ལ་བསྐུལ༔ ཧཱུྃ༔ ཁྲག་འཐུང་རོལ་པའི་ཕོ་བྲང་ཆེ༔ དུར་ཁྲོད་རབ་འཇིགས་གཞལ་མེད་ཁང་༔ ལྷོ་ཡི་ཕྱོགས་ཀྱི་དཀྱིལ་འཁོར་ནས༔ འཇམ་དཔལ་ཁྲག་འཐུང་གཤིན་རྗེའི་གཤེད༔ གཙོ་འཁོར་སྤྲུལ་པར་བཅས་པ་རྣམས༔ བྷྱོ་ཟློག་ཕྲིན་ལས་དུས་ལ་བབ༔ དགྲ་བགེགས་ཤ་ཁྲག་གཏོར་མ་བཞེས༔ ལོ་ཟླ་ཞག་དུས་གཤེད་ཀྱི་ཚོགས༔ གྲངས་མེད་ཉི་ཟེར་རྡུལ་ལྟར་སྤྲོས༔ ཕས་རྒོལ་ལྷ་སྲུང་ཚོགས་དང་བཅས༔ བྱད་ཕུར་རྦོད་གཏོང་སླར་ཟློག་པའི༔ མངོན་སྤྱོད་དྲག་པོའི་བརྟུལ་ཞུགས་བསྐྱེད༔ རང་གཤེད་དྲག་པོ་རང་ལ་ཕོབ༔ རྣལ་འབྱོར་བདག་ཅག་འཁོར་བཅས་ཀྱི༔ ལྷ་སྲུང་བདུད་དུ་བབས་པ་དང་༔ ཕྱི་ནང་འབྱུང་བ་དགྲ་གཤེད་ཀྱི༔ བྱད་ཕུར་རྦོད་གཏོང་ཐན་ལྟས་ངན༔ ནད་གདོན་ཆག་ཆེ་ཉམ་ང་དང་༔ བརྒྱད་དང་བཅུ་དྲུག་འཇིགས་པའི་ཚོགས༔ འགལ་རྐྱེན་བར་ཆད་མི་མཐུན་ཕྱོགས༔ སྡང་བྱེད་དགྲ་ཡི་སྟེང་དུ་བྷྱོ༔ གནོད་བྱེད་བྱད་མའི་སྟེང་དུ་ཟློག༔ རང་ཤ་ཟོ་ལ་རང་ཁྲག་འཐུངས༔ ཡང་ཟློག་དྲག་པོའི་ཕྲིན་ལས་མཛོད༔ ཨོཾ་ཧཱུྃ་ཏྲི་ག་ཁྲོམ་བྷྱོ༔ མ་ཎི་མཱ་ར་ཎི་བྷྱོ༔ མཱ་ར་དུ་ན་བྷྱོ༔ རཀྨོ་རཀྴན་བྷྱོ༔ ཏིང་ཡ་རཀྴ་བྷྱོ༔ ཡ་མ་རཱ་ཛ་བྷྱོ༔ མཱ་ར་ཡ་ཀཱི་ལ་ཡ་བྷྱོ༔ དྲག་ཏུ་རྦད་ཅིང་བསྐུལ་བ་ཡིས༔ གཤིན་རྗེ་བྱད་མའི་ལྷ་སྲུང་བཅས༔ འཇིགས་པའི་ངར་བསྐྱེད་དམག་ལ་ཆས༔ རང་གི་མི་མཐུན་ཟློག་ཅིང་བསྒྱུར༔ ཕས་རྒོལ་ལྷག་མེད་བཅོམ་པར་བསམ༔ ཐལ་མོ་བརྡབ་ཅིང་དམོད་མོ་བྱ༔ གུ་གུལ་བདུག་ཅིང་ཐུན་གཏོར་འཕང་༔ སླར་ཡང་ཕྱིར་ལོག་རྟགས་མཐོང་ན༔ ཡང་ཟློག་དམོད་པའི་སྦྱོར་བ་ནི༔ དྲེགས་འདུལ་གསང་བདག་ཧེ་རུ་ཀ༔ སྤྲུལ་པའི་ཕོ་ཉ་དང་བཅས་བསྐུལ༔ དགྲ་བགེགས་ཤ་ཁྲག་གཏོར་མ་འབུལ༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ སརྦ་ཤ་ཏྲཱུན་བིགྷྣཱན་མཱྃ་ས་རཀྟ་ཀིཾ་ནི་རི་ཏི་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཧཱུྃ༔ ཁྲག་འཐུང་རལ་པའི་ཕོ་བྲང་ཆེ༔ དུར་ཁྲོད་འཇིགས་པའི་གཞལ་མེད་ཁང་༔ ནུབ་བྱང་མཚམས་ཀྱི་དཀྱིལ་འཁོར་ནས༔ གསང་བདག་དྲེགས་པ་ཀུན་འདུལ་ཆེ༔ གཙོ་འཁོར་སྤྲུལ་པར་བཅས་པ་རྣམས༔ དགྲ་བགེགས་ཤ་ཁྲག་གཏོར་མ་རོལ༔ ཉིང་ཟློག་ཕྲིན་ལས་དུས་ལ་བབ༔ ཐུགས་ལས་སྤྲུལ་པའི་ཕོ་ཉ་ནི༔ སྲིད་གསུམ་གཡོ་ཞིང་འཁྲུགས་བྱེད་པ༔ སྔགས་རྒོད་ལོཀྟྲི་པཱ་ལ་ཆེ༔ འབུམ་ཕྲག་དམོད་པའི་དྲང་སྲོང་ཚོགས༔ དྲེགས་པའི་སྡེ་དཔོན་དཔུང་དང་བཅས༔ གློག་ལྟར་འཁྱུགས་ཤིང་ཐོགས་ལྟར་ཕོབ༔ གདུག་ཅན་ཞིང་བཅུ་ཚང་བ་ཡི༔ བྱད་མ་བརླང་པོར་སྤྱོད་པ་ཡིས༔ སླར་ཡང་ཟློག་པའི་ལས་སྦྱོར་གྱིས༔ རྣལ་འབྱོར་བདག་ཅག་འཁོར་བཅས་ལ༔ ལུས་ཀྱི་ན་ཚ་བྱུང་བ་རྣམས༔ བྱད་མ་མཁན་གྱི་སྟེང་དུ་བྷྱོ༔ སེམས་ཀྱི་རྣམ་གཡེང་སྡུག་བསྔལ་ཀུན༔ བྱད་མ་མཁན་གྱི་སྟེང་དུ་ཟློག༔ འཇིགས་པ་བརྒྱད་དང་བཅུ་དྲུག་ཀུན༔ བྱད་མ་མཁན་གྱི་སྟེང་དུ་བྷྱོ༔ སྡེ་བརྒྱད་གདུག་པའི་ཆོ་འཕྲུལ་དཔུང་༔ བྱད་མ་མཁན་གྱི་སྟེང་དུ་ཟློག༔ ལྷ་སྲུང་བདུད་དུ་བབས་པ་རྣམས༔ བྱད་མ་མཁན་གྱི་སྟེང་དུ་བྷྱོ༔ ཆག་ཆེ་ཉམ་ང་ཐན་ལྟས་ངན༔ བྱད་མ་མཁན་གྱི་སྟེང་དུ་ཟློག༔ མོ་པྲ་རྨི་ལམ་དངོས་ཉམས་འཚུབས༔ བྱད་མ་མཁན་གྱི་སྟེང་དུ་བྷྱོ༔ ཕྱི་ནང་གསང་བའི་བར་ཆད་ཀུན༔ བྱད་མ་མཁན་གྱི་སྟེང་དུ་ཟློག༔ བན་བོན་སྔགས་པའི་མཐུ་གཏད་ཀུན༔ བྱད་མ་མཁན་གྱི་སྟེང་དུ་བྷྱོ༔ ཧོམ་དང་སྡེབ་གཤོར་སྤར་བུ་བསྐོར༔ བྱད་མ་མཁན་གྱི་སྟེང་དུ་ཟློག༔ སྣོད་བཅུད་རྒུད་ཅིང་འཁྲུགས་པའི་ཚོགས༔ བྱད་མ་མཁན་གྱི་སྟེང་དུ་བྷྱོ༔ མདོར་ན་འགལ་རྐྱེན་མི་མཐུན་ཀུན༔ བྱད་མ་མཁན་གྱི་སྟེང་དུ་ཟློག༔ དགྲ་བགེགས་བྱད་མ་འཁོར་བཅས་རྣམས༔ བྷྱོ་ཟློག་དམོད་པའི་གད་མོས་ཐོབ༔ རྡོ་རྗེ་ལྷུན་པོའི་ཕྱག་རྒྱས་ནོན༔ རིགས་སྔགས་རྒྱ་མཚོའི་རྦ་ལ་གཡེངས༔ དྲག་ཤུལ་སྟོབས་རྫོགས་མེ་ཡི་སྲེགས༔ མི་བཟད་དྲག་སྔགས་རླུང་གིས་གཏོར༔ སྡང་བའི་དགྲ་དང་གནོད་པའི་བགེགས༔ བསམ་ངན་སྦྱོར་རྩུབ་བྱད་མ་རྣམས༔ གཏོར་མ་འདི་དང་མཉམ་དུ་བཞེས༔ དྲག་ཤུལ་ཕྲིན་ལས་ཡོངས་རྫོགས་མཛོད༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཨོཾ་ལོཀྟྲི་པཱ་ལ་ནན༔ སཱ་ག་པ་ཤ་ནན༔ ནཱ་ག་དུ་དུ་ནན༔ མ་མཾ་མ་མཾ༔ ཙིར་ཙར་ཙིར་ཙར༔ བཾ་རུ་ལུ་བཾ་རུ་ལུ༔ རྦད་ཀྲ་ཀོ་ཤ་ཡ་རྦད་ཀྲ་ཀོ་ཤ་ཡ༔ ཧོ་ར་ཧོ་ར་ནན༔ ཙི་དུ་སོད༔ ཙི་དུ་སོད༔ ཤིག་ལྷུར་གཏུབས༔ ཧ་ལ་པ་ཏི་ནན༔ འཁོར་བ་ཐུལ༔ གནོད་བྱེད་འབྱུང་པོ་ཀཱ་ཝཱ་ཙི་བརླག་བརླག༔ སརྦ་དུཥྟཱན་ས་མ་ཡ་བྷྱོ་བྷྱོ་ཟློག་ཟློག༔ དམོད་མོ་འུར་ཞིང་ཐལ་མོ་བརྡབ༔ འབྱུང་བཞིའི་ཐུན་ཟོར་གནོད་ཕྱོགས་འཕང་༔ བྱད་མ་ཇི་ལྟར་སྟོབས་ཆེན་ཡང་༔ སྐད་ཅིག་ཉིད་ལ་བརླག་པར་འགྱུར༔ མཐར་ཐུག་ཡང་ཟློག་ཉིང་ཟློག་བཅས༔ མ་བྱུང་འབྱུང་དཀའི་རིག་སྔགས་ཆེ༔ ཟབ་ཅིང་འདྲིལ་བར་བསྟན་པའོ༔ ས་མ་ཡ༔ དེ་ལྟར་ཡང་ཟློག་ཉིང་ཟློག་ནི༔ ལས་ཀྱི་ཡན་ལག་གཙོ་བོ་སྟེ༔ གཞན་ཡང་བཛྲ་ཧེ་རུ་ཀས༔ གཟའ་ཀླུ་ས་བདག་ཆོ་འཕྲུལ་ཟློག༔ རྟ་མཆོག་རོལ་པས་རྒྱལ་བསེན་ཟློག༔ ཕུར་པས་བར་ཆད་ཐམས་ཅད་ཟློག༔ མ་མོས་ནད་རིམས་དལ་ཡམས་ཟློག༔ རིག་འཛིན་མཁའ་འགྲོས་བསུན་མ་ཟློག༔ དྲག་སྔགས་མཐུ་གཏད་མནན་པ་ཟློག༔ རྡོ་རྗེ་ཁྱུང་གིས་ལྟས་ངན་ཟློག༔ བཀའ་སྡོད་ཕོ་ཉས་རྐྱེན་ཟློག་པའི༔ ལས་ཀྱི་མདེ་ཁ་ཅི་རིགས་སྦྱར༔ རྣོ་ལ་ངར་གྱིས་བཏགས་བཞིན་འགྱུར༔ ས་མ་ཡ༔ དེ་ལྟར་ལས་ཀྱི་རྩ་བ་གསུམ༔ ཟབ་ཅིང་འདྲིལ་བར་རབ་བསྟན་ནས༔ ཡན་ལག་ལས་ཀྱི་རྗེས་བསྡུ་བ༔ སྲུང་བའི་མཐའ་སྡུད་མནན་པའི་གཟེར༔ དགྲ་བགེགས་རཱུ་པ་ཚུལ་བཞིན་བྲིས༔ ཐུན་རྫས་དང་བཅས་ཐོད་ངན་གཞུག༔ ཕུང་རེས་དྲིལ་ཞིང་རྩང་ཕུར་གཟེར༔ ཧོམ་དུ་གཞུག་ཅིང་དགུག་བསྟིམ་བསྒྲལ༔ ལྷ་རྟེན་དྲག་པོ་གནས་པའམ༔ གནམ་ས་གྲུ་གསུམ་ལམ་རྒྱ་གྲམ༔ མཚོ་གཉན་ལ་སོགས་འཇིགས་པའི་སར༔ བྲུབ་ཁུང་ནང་གཞུག་དགུག་གཞུག་བཅིང་༔ གཤིན་རྗེ་ཆུ་སྲིན་གྲེ་བར་གཏད༔ ནམ་ཡང་འཆོར་བ་མེད་པར་བསམ༔ མེ་ཆུ་ས་ཡིས་རྒྱས་གདབ་ཅིང་༔ ལས་འཇུག་རྡོ་རྗེའི་བྲོ་ཡིས་བསྡུ༔ དེས་ནི་སྲུང་བའི་ལས་མཐར་ཕྱིན༔ བར་དུ་གཅོད་པའི་སྐབས་བྲལ་འགྱུར༔ ས་མ་ཡ༔ བསང་བའི་ལས་ཀྱི་མཐའ་བསྡུ་བ༔ ཧོམ་ལ་བརྟེན་ནས་སྲེག་པའི་གཟེར༔ དྲག་པོའི་ས་ལ་སྟེགས་བུ་བྱ༔ མཚན་ཉིད་རྫོགས་པའི་ཐབ་ཁུང་དུ༔ གདུག་པའི་ཤིང་བརྩིགས་མེ་སྦར་ལ༔ ལས་རིམ་རྒྱས་པར་བྱ་བའམ༔ གློ་བུར་སྲེག་པའི་ལས་སྒྲུབ་ན༔ འབར་བའི་དབུས་སུ་སྐད་ཅིག་གིས༔ དཔལ་ཆེན་ལྷ་ཚོགས་གསལ་བར་བསྐྱེད༔ ཡེ་ཤེས་སྤྱན་དྲངས་བཞུགས་སུ་གསོལ༔ ཕྱག་འཚལ་བྱོན་སྐྱེམས་འབུལ་བ་དང་༔ མཆོད་ཅིང་བསྟོད་པ་ཅི་རིགས་མཐར༔ ཚ་བའི་མར་ཁུ་ཡམ་ཤིང་འབུལ༔ རཱུ་པ་དགྲ་བགེགས་གསལ་ཞིང་དགུག༔ གདབ་ཀའི་རིམ་པ་གང་འོས་དང་༔ སྔར་བསྒྲལ་ལིང་རོ་རཱུ་པ་སོགས༔ དུམ་བུར་གཏུབས་ཤིང་དྲག་རྫས་བསྲེས༔ དྲག་སྔགས་མེ་ཕུང་འབར་བའི་ཤམ༔ སརྦ་ཤ་ཏྲཱུན་བིགྷྣཱན་མ་ཧཱ་མཱྃ་ས་རཀྟ་ཀིཾ་ནི་རི་ཏི་ཁ་ཁ་ཁཱ་ཧི་ཁཱ་ཧི༔ ད་ཧ་ད་ཧ་པ་ཙ་པ་ཙ་རྃ་ཛྭ་ལ་མཱ་ར་ཡ་ཕཊ༔ བརྒྱད་ཚན་རེ་རེའི་ཐ་མ་རུ༔ སྤེལ་ཚིག་དམོད་མོ་དང་བཅས་པ༔ དྲུག་ཅུ་རྩ་བཞི་རྫོགས་པར་བསྲེག༔ མཐར་ནི་གཤེགས་སྐྱེམས་མཆོད་བསྟོད་བྱ༔ འདོད་དོན་གསོལ་ཞིང་ནོངས་པ་བཤགས༔ ཡེ་ཤེས་གཤེགས་ཤིང་དམ་ཚིག་པ༔ འབར་ཞིང་འཁྲུགས་པའི་མེ་ལྕེ་ཡིས༔ དགྲ་བགེགས་ལྷག་མེད་བསྲེགས་པར་བསམ༔ མེ་ཟོར་བརྒྱད་སོགས་གང་འཐད་བྱ༔ དེ་ནས་དུག་ཁྲག་ཆུ་ཡིས་གཞིལ༔ ཐལ་བ་ལྷ་རྟེན་དྲག་པོའི་འོག༔ གཏད་པས་བསད་ལས་མཐར་ཕྱིན་འགྱུར༔ ས་མ་ཡ༔ ཟློག་པའི་མཐའ་སྡུད་འཕང་བ་ལ༔ བརྟེན་པ་ཟོར་གྱི་གཟེར་ཁ་ནི༔ ཕྱིར་ཟློག་རྟགས་མཚན་ཐོན་པ་ན༔ དྲགས་སྔགས་མཐར༔ ཛཿཧཱུྃ་བྃ་ཧོ༔ ཟོར་ཆེན་རྫས་ཀྱི་ཡེ་ཤེས་པ༔ བདག་ཉིད་དཔལ་གྱི་ཐུགས་ཀར་ཐིམ༔ ཁམས་གསུམ་ཆེ་བཙན་འགྲན་མེད་པའི༔ བྱིན་རླབས་གཟི་བརྗིད་འབར་བར་བསམ༔ སྒོ་དབྱེ་ཕྱེ་བའི་རྒྱ་དང་བཅས༔ ཧཱུྃ༔ བྱམས་པ་ཚད་མེད་ལྕགས་ཀྱུ་མས༔ ཟོར་ཆེན་དཀྱིལ་འཁོར་ཤར་སྒོ་ཕྱེས༔ ཁྲག་འཐུང་ལྷ་ཚོགས་གཟི་བྱིན་སྐྱེད༔ ཤར་ཕྱོགས་དགྲ་བགེགས་རྡུལ་དུ་རློག༔ ཛཿབཛྲ་པྲ་ཝེ་ཤ་ཡ་ཕཊ༔ ཧཱུྃ༔ སྙིང་རྗེ་ཚད་མེད་ཞགས་པ་མས༔ ཟོར་ཆེན་དཀྱིལ་འཁོར་ལྷོ་སྒོ་ཕྱེས༔ ཁྲག་འཐུང་ལྷ་ཚོགས་གཟི་བྱིན་སྐྱེད༔ ལྷོ་ཕྱོགས་དགྲ་བགེགས་རྡུལ་དུ་རློག༔ ཧཱུྃ་བཛྲ་པྲ་ཝེ་ཤ་ཡ་ཕཊ༔ ཧཱུྃ༔ དགའ་བ་ཚད་མེད་ལྕགས་སྒྲོག་མས༔ ཟོར་ཆེན་དཀྱིལ་འཁོར་ནུབ་སྒོ་ཕྱེས༔ ཁྲག་འཐུང་ལྷ་ཚོགས་གཟི་བྱིན་སྐྱེད༔ ནུབ་ཕྱོགས་དགྲ་བགེགས་རྡུལ་དུ་རློག༔ བྃ་བཛྲ་པྲ་ཝེ་ཤ་ཡ་ཕཊ༔ ཧཱུྃ༔ བཏང་སྙོམས་ཚད་མེད་དྲིལ་བུ་མས༔ ཟོར་ཆེན་དཀྱིལ་འཁོར་བྱང་སྒོ་ཕྱེས༔ ཁྲག་འཐུང་ལྷ་ཚོགས་གཟི་བྱིན་སྐྱེད༔ བྱང་ཕྱོགས་དགྲ་བགེགས་རྡུལ་དུ་རློག༔ ཧོཿབཛྲ་པྲ་ཝེ་ཤ་ཡ་ཕཊ༔ ཐུགས་དམ་བསྐུལ་ཞིང་ཆད་ཐོ་བསྒྲག༔ དྲག་སྔགས་བཟླ་ཞིང་ཟོར་རྫས་བཅས༔ གོམ་པ་བདུན་ཅུའི་བར་དུ་དཔག༔ ཟོར་ལམ་བསྟན་ཅིང་འཕང་སར་ཁྱེར༔ གསེར་སྐྱེམས་བཏང་ཞིང་འཕྲང་བསལ་ནས༔ དམིགས་རྟེན་འབེམ་དུ་བཅས་པ་ལ༔ དགྲ་བགེགས་དགུག་བསྟིམ་དངོས་སུ་གསལ༔ དེ་ལ་ཟོར་རྣམ་རིམ་པར་འཕང་༔ ཧཱུྃ༔ ང་ནི་དཔལ་ཆེན་ཧེ་རུ་ཀ༔ འཁོར་འདས་ཀུན་གྱི་མཐུ་སྟོབས་རྫོགས༔ སྐུ་གསུང་ཐུགས་ནི་རྡོ་རྗེའི་ངང་༔ སངས་རྒྱས་ཀུན་དང་མཉམ་པར་སྦྱོར༔ དྲག་ཤུལ་གར་གྱིས་ས་གསུམ་གཡོ༔ འཇིགས་པའི་གད་མོས་རི་རབ་བསྒྱེལ༔ སྙིང་རྗེ་ཁྲོས་པས་དགྲ་བགེགས་གསོད༔ སྤྲུལ་པའི་ཕོ་ཉ་སེར་ལྟར་འདྲིལ༔ ཟོར་རྫས་མཚོན་ཆའི་ཆར་ཆེན་འབེབས༔ སྡང་དགྲ་གནོད་བགེགས་ཐལ་བར་རློག༔ འཇམ་དཔལ་སྐུ་ཡི་ལྷ་ཚོགས་ཀྱི༔ སྟོབས་ཆེན་འདུས་པ་རྡོ་ཡི་ཟོར༔ དགྲ་བགེགས་ཀླད་པའི་དཀྱིལ་དུ་ཡཱ༔ གཟུགས་ཕུང་ཐལ་བའི་རྡུལ་དུ་རློག༔ པདྨ་གསུང་གི་ལྷ་ཚོགས་ཀྱི༔ དྲག་སྔགས་འདུས་པ་མཚེ་ཡི་ཟོར༔ དགྲ་བགེགས་རྣ་བའི་དཀྱིལ་དུ་ཡཱ༔ ཐོས་པའི་སྒོ་ལ་ཕྱག་རྒྱས་ཐོབ༔ ཡང་དག་ཐུགས་ཀྱི་ལྷ་ཚོགས་ཀྱི༔ ནུས་རྩལ་འདུས་པ་དུག་གི་ཟོར༔ དགྲ་བགེགས་སྙིང་གི་དཀྱིལ་དུ་ཡཱ༔ རྟོག་ངན་འོད་གསལ་ཐིག་ལེར་སྟིམས༔ ཆེ་མཆོག་ཡོན་ཏན་ལྷ་ཚོགས་ཀྱི༔ གཟི་བྱིན་འབར་བ་གཏོར་མའི་ཟོར༔ དགྲ་བགེགས་ལྟེ་བའི་དཀྱིལ་དུ་ཡཱ༔ མཐུ་སྟོབས་ནུས་པ་ཐལ་བར་རློག༔ ཕུར་པ་ཕྲིན་ལས་ལྷ་ཚོགས་ཀྱི༔ ཐལ་འབྱིན་འབིགས་པ་ཕུར་བུའི་ཟོར༔ དགྲ་བགེགས་གསང་བའི་དཀྱིལ་དུ་ཡཱ༔ བདུན་བརྒྱུད་རིགས་ཀྱང་རྩད་ནས་ཆོད༔ མ་མོ་རྦོད་གཏོང་ལྷ་ཚོགས་ཀྱི༔ དལ་ཡམས་འདུས་པ་ཁྲག་གི་ཟོར༔ དགྲ་བགེགས་ཡུལ་གྱི་སྟེང་དུ་ཡཱ༔ ནད་རིམས་གདུག་པའི་ཆར་ཆེན་ཕོབ༔ རིག་འཛིན་འདུས་པའི་ལྷ་ཚོགས་ཀྱི༔ ནུས་སྟོབས་རི་རབ་ཀོང་གི་ཟོར༔ དགྲ་བགེགས་རྟེན་གྱི་མཁར་ལ་ཡཱ༔ ཐལ་བའི་རྡུལ་ཕྲན་བཞིན་དུ་ཤིག༔ འཇིག་རྟེན་མཆོད་བསྟོད་ལྷ་ཚོགས་ཀྱི༔ གནོད་གདུག་ཆེན་པོ་མདའ་ཡི་ཟོར༔ དགྲ་བགེགས་མིག་དང་ལྕེ་ལ་ཡཱ༔ ལྟ་དང་སྨྲ་བའི་རྒྱུན་ལམ་ཆོད༔ དམོད་པ་དྲག་སྔགས་ལྷ་ཚོགས་ཀྱི༔ ཤུགས་སྒྲོལ་ཆེན་པོ་མཚོན་ཆའི་ཟོར༔ དགྲ་བགེགས་ལྔ་ཕུང་ཀུན་ལ་ཡཱ༔ དུམ་བུར་གཏུབས་ཤིང་ཕྱེ་མར་ཐོངས༔ དྲག་པོ་ཟོར་གྱི་རྡོ་རྗེའི་ཐོག༔ དགྲ་བགེགས་གནོད་བྱེད་སྟེང་དུ་ཕོབ༔ ཁ་ཕུང་ཐོངས་ལ་རྗེས་མེད་ཤིག༔ དགྲ་དཔུང་བདུན་བརྒྱུད་རྩད་ནས་ཆད༔ བགེགས་དཔུང་ཐལ་བའི་རྡུལ་དུ་རློག༔ མངོན་སྤྱོད་ཕྲིན་ལས་མཐར་ཕྱིན་མཛོད༔ དྲག་སྔགས་བཟླ་ཞིང་དགྲ་ཕྱོགས་འཕང་༔ རྔམས་པའི་སྟོབས་དང་ཕྱག་རྒྱ་སྒྱུར༔ དཔལ་གྱི་ཟོར་ཆེན་དམ་ཚིག་པ༔ རང་ཐིམ་གཟི་བྱིན་ནུས་སྟོབས་འབར༔ སླར་ཡང་ཁྲོ་བོའི་དམག་ཚོགས་དང་༔ ཟོར་རྫས་མཚོན་གྱི་རྣོ་ངར་བཅས༔ དགྲ་བོའི་སྟེང་དུ་གློག་ལྟར་འཁྱུག༔ རྗེས་ཤུལ་ལྷག་མེད་བཅོམ་པར་བསམ༔ ཧཱུྃ་ཧཱུྃ༔ ཞི་བ་ཆེན་པོའི་དབྱིངས་ལས་མ་གཡོས་ཀྱང་༔ བདུད་འདུལ་ཡེ་ཤེས་ཁྲག་འཐུང་རོལ་བའི་ལྷ༔ ཟུང་འཇུག་ཀློང་དགུའི་དཀྱིལ་འཁོར་རབ་འབྱམས་དང་༔ དཔལ་གྱི་བཀའ་སྡོད་མཐུ་རྩལ་ག་རུ་ཌ༔ གཙོ་འཁོར་སྤྲུལ་པ་བྲན་དང་ཕོ་ཉའི་ཚོགས༔ དེ་རིང་དྲག་པོ་ཟོར་གྱི་ལས་ལ་བཞེངས༔ མི་བཟད་འབར་བ་ཆེན་པོའི་གཟི་བྱིན་སྐྱེད༔ ཟོར་རྫས་ནད་མཚོན་དུག་གི་ཆར་ཆེན་པོས༔ རྣལ་འབྱོར་བདག་ཅག་འཁོར་དང་བཅས་པ་ཡི༔ བྱང་ཆུབ་སྒྲུབ་ལ་བར་དུ་གཅོད་པ་ཡི༔ ནད་གདོན་འགལ་རྐྱེན་ཆག་ཆེ་ཉམ་ང་ཀུན༔ སངས་རྒྱས་བསྟན་པ་བཤིགས་པའི་སྤྱི་དགྲ་དང་༔ རྣལ་འབྱོར་ཐད་དུ་ལངས་པའི་སྒོས་ཀྱི་དགྲ༔ གནས་སྐབས་མཐར་ཐུག་གནོད་ཅིང་འཚེ་བའི་བགེགས༔ བདུད་བཞིའི་དམག་ཚོགས་ཕྱི་ནང་ཉེར་འཚེའི་རྐྱེན༔ བདུད་བཞིའི་དཔུང་དང་བཅས་པའི་སྟེང་དུ་ཟློག༔ སྡང་བྱེད་དགྲ་བོ་བྱད་མ་རྩད་ནས་ཆོད༔ གནོད་བྱེད་བགེགས་དཔུང་ཐལ་བའི་རྡུལ་དུ་རློག༔ མི་ལྡོག་ཡེ་ཤེས་ཕྱག་རྒྱའི་གཟེར་ཆེན་ཐོབ༔ མངོན་སྤྱོད་དྲག་པོའི་ཕྲིན་ལས་ཡོངས་རྫོགས་མཛོད༔ དྲག་སྔགས་འུར་ཞིང་སྒྱོགས་སུ་འཕང་༔ དྲག་པོའི་སྒྲ་ཡི་ཚམ་རྔམས་དང་༔ ཐལ་མོ་བརྡབ་ཅིང་སྟངས་སྟབས་སྒྱུར༔ དགྲ་བགེགས་རྡུལ་དུ་བརླག་པར་བསམ༔ དགོངས་པའི་གདིང་བསྐྱེད་ལྟ་སྟངས་གཟིར༔ ཕྱི་ལམ་གཅོད་ཅིང་བརྟན་མ་བསྐྱང་༔ སྒོ་དྲུང་དམ་སྲི་རྗེས་འབྲངས་མནན༔ ནང་དུ་ཚེ་འགུགས་དངོས་གྲུབ་གསོལ༔ གཏང་རག་ལ་སོགས་ལས་ཀྱི་རིམ༔ ཕྲིན་ལས་བཞིན་དུ་མཐར་དབྱུང་ངོ༔ ས་མ་ཡ༔ དྷཱི།༔ རྒྱ་གར་སྐད་དུ༔ ཧེ་རུ་ཀ་སརྦ་ཏ་ཐཱ་ག་ཏ་སཾ་གྲ་ཧ་ཏནྟྲ་པྲ་གརྦྷ༔ བོད་སྐད་དུ༔ ཁྲག་འཐུང་བདེ་གཤེགས་འདུས་པའི་རྒྱུད་ཀྱི་ཡང་སྙིང་༔ དཔལ་ཧེ་རུ་ཀ་ལ་ཕྱག་འཚལ་ལོ༔ ཆོས་ཀུན་གདོད་ནས་དག་པའི་མཁའ༔ ཀློང་དགུའི་དབྱིངས་ཀྱི་ཕོ་བྲང་ཆེར༔ ཀུན་བཟང་ཆེ་མཆོག་ཧེ་རུ་ཀས༔ ཉིད་ལས་མི་གཞན་འཁོར་རྣམས་ལ༔ རྡོ་རྗེའི་སྔགས་རྒྱུད་རྟག་ཏུ་གསུངས༔ དེ་ཚེ་གནམ་ཞལ་ཙཎྜ་ལཱིས༔ དགྱེས་པ་བསྐྱེད་ནས་སླར་ཡང་ཞུས༔ ཨེ་མ་ཁྱབ་བདག་དཔལ་ཆེན་པོ༔ རྒྱུད་དོན་སྙིང་པོ་ཇི་ལྟར་ལགས༔ དེ་སྐད་གསོལ་བའི་དོན་དགོངས་ནས༔ ཆོས་ཉིད་རང་སྒྲས་བཀའ་སྩལ་པ༔ ངོ་བོས་དག་པ་གཞི་ཡི་རྒྱུད༔ གློ་བུར་དག་བྱེད་ལམ་གྱི་རྒྱུད༔ དག་པ་མཐར་ཕྱིན་འབྲས་བུའི་རྒྱུད༔ གསུམ་གྱིས་རྒྱུད་དོན་ཐམས་ཅད་བསྡུས༔ དེ་ལས་རྟོགས་ཤིང་གོམས་པའི་ལམ༔ ཕྱི་ནང་གསང་བ་དེ་ཁོ་ནའི༔ དཀྱིལ་འཁོར་ཆེན་པོ་རྣམ་པ་བཞིར༔ ཕན་པའི་དབང་དང་ནུས་པའི་དབང་༔ ཟབ་མོའི་དབང་བཞི་རིམ་པར་བླང་༔ སྤྱི་དང་ཁྱད་པར་ལྷག་པ་ཡི༔ དམ་ཚིག་དག་པས་གཞི་བཟུང་སྟེ༔ འཁོར་འདས་ཆོས་ཀུན་བདེན་པ་གཉིས༔ དབྱེར་མེད་ཆེན་པོར་གཏན་ལ་དབབ༔ སྣང་དང་ཞེན་པ་སྦྱང་བའི་ཕྱིར༔ རིམ་གཉིས་ཏིང་འཛིན་རྩེ་གཅིག་བསྒོམ༔ ཉམས་དང་དྲོད་དང་རྟགས་རྣམས་ནི༔ སྤྱོད་པ་གསུམ་གྱིས་བརྟན་པར་བྱ༔ བསྙེན་སྒྲུབ་ཡན་ལག་རྣམ་པ་བཞིས༔ ཐུན་མོང་མཆོག་གི་དངོས་གྲུབ་ལེན༔ དམ་ཚིག་ལས་ཆོས་ཕྱག་རྒྱ་ཆེས༔ འདའ་དཀའི་ཐུགས་དམ་བརྟན་ཅིང་བསྐུལ༔ གླུ་གར་ཕྱི་ནང་གསང་རྨད་བྱུང་༔ བསྟོད་པའི་མཆོད་པས་དགྱེས་པ་བསྐྱེད༔ བཀོད་དང་སྤྲོ་བསྡུ་མཁའ་མཉམ་པའི༔ བསྙེན་སྒྲུབ་ལས་ཀྱི་བཟླས་པར་བརྩོན༔ གྲུབ་པ་ཞི་རྒྱས་དབང་དྲག་དང་༔ མཆོག་གི་ཕྲིན་ལས་དོན་ལ་སྦྱར༔ དེ་ལྟར་ཤེས་པའི་རྣལ་འབྱོར་པ༔ ཧེ་རུ་ཀ་ཡི་གདུང་འཛིན་ཏོ༔ བརྗོད་འབྲེལ་དགོས་པ་ཕུན་ཚོགས་པའི༔ རྒྱུད་ཀྱི་སྙིང་པོ་འདི་ཁོ་ན༔ རང་ཤར་རོལ་པའི་འཁོར་གྱིས་ཟུངས༔ མ་འོངས་དོན་དུ་སྣང་བར་གྱིས༔ ཞེས་གསུངས་ཐིག་ལེ་ཆེན་པོར་འཁྱིལ༔ དཔལ་ཁྲག་འཐུང་བདེ་གཤེགས་འདུས་པའི་ཡང་སྙིང་གི་རྒྱུད་རྫོགས་སོ༔ ས་མ་ཡ༔ དེ་ནས་གསང་ཆེན་བཤད་བྱ་བ༔ རིག་འཛིན་བཛྲ་པྲ་དྷརྨས༔ རྒྱུད་དོན་ཉམས་སུ་ལེན་པའི་ལུང་༔ དགྱེས་པ་ཆེན་པོས་འདི་སྐད་གསུངས༔ ཨེ་མ་འདུས་པའི་འཁོར་རྣམས་ཉོན༔ མ་འོངས་ཕྱི་མ་ཕྱི་མའི་དུས༔ སྨིན་ཅིང་དག་པའི་རྣལ་འབྱོར་པས༔ དཔལ་མཆོག་བདེ་ཆེན་རྡོ་རྗེའི་ཚིག༔ རྒྱུད་གསུམ་ཡན་ལག་དང་བཅས་པ༔ རྣལ་འབྱོར་ལྔ་ཡིས་བསྒྲུབ་པར་བྱ༔ བསྒྲུབ་བྱའི་ལྷ་ནི་སེམས་ཡིན་ཏེ༔ སེམས་ཉིད་དོན་གྱི་ལྷ་སྐུར་བཞུགས༔ དེ་ཉིད་ལམ་དུ་བསླང་བའི་ཕྱིར༔ རྟགས་ཀྱི་ཕྱག་རྒྱ་གསལ་གདབ་ཅིང་༔ ཏིང་འཛིན་རྩེ་གཅིག་གཟེར་ཆེན་གདབ༔ ང་རྒྱལ་བརྟན་ཅིང་དག་པ་དྲན༔ སྐུ་ཡི་རྡོ་རྗེའི་དངོས་གྲུབ་འགྱུར༔ སྒྲུབ་པའི་གཞུང་བསྲང་བཀོད་དང་ཕྱོགས༔ སྤྲོ་བསྡུས་ལས་སྦྱར་ཅིར་སྣང་ཀུན༔ ལྷ་དང་སྔགས་ཀྱི་རྒྱས་བཏབ་པས༔ གསུང་གི་རྡོ་རྗེའི་དངོས་གྲུབ་འགྱུར༔ རྡོ་རྗེའི་རླུང་བཟླས་སེམས་ལ་དམིགས༔ སྒྱུ་མར་བལྟ་ཞིང་འོད་གསལ་བསྡུ༔ ཟུང་འཇུག་ཆེན་པོའི་རྩལ་སྦྱངས་པས༔ ཐུགས་ཀྱི་རྡོ་རྗེའི་དངོས་གྲུབ་འགྱུར༔ དད་དང་བརྩོན་འགྲུས་བརྟུལ་ཞུགས་ཅན༔ ཕན་ནུས་ཟབ་མོའི་དབང་གི་ཆུས༔ སྦྱངས་ཤིང་སྨིན་པའི་ཐབས་ཆེན་པོས༔ ཡོན་ཏན་རྡོ་རྗེའི་དངོས་གྲུབ་འགྱུར༔ ཞི་རྒྱས་དབང་གི་སྦྱོར་བ་དང་༔ ཁྱད་པར་གདུག་ཅིང་གཏུམ་པའི་ཡུལ༔ ལས་དྲུག་སྒོ་ནས་ཚར་བཅད་པས༔ ཕྲིན་ལས་རྡོ་རྗེའི་དངོས་གྲུབ་འགྱུར༔ དེ་ཡིས་ཐུན་མོང་ལས་ཀུན་འགྲུབ༔ མཆོག་ཏུ་རིག་འཛིན་རྣམ་པ་བཞིས༔ སློབ་པའི་ཟུང་འཇུག་མཐར་ཕྱིན་ནས༔ མི་འགྱུར་རྟག་པའི་དངོས་གྲུབ་འགྱུར༔ དེ་ཕྱིར་ཕྱི་རབས་སྐལ་ལྡན་རྣམས༔ འདི་ཉིད་ཁོ་ནར་སྒྲུབ་པར་གྱིས༔ ཞེས་གསུངས་རིག་འཛིན་འདུས་པའི་འཁོར༔ ཤིན་ཏུ་དགྱེས་པས་ཡི་རང་ངོ་༔ ས་མ་ཡ༔ དེ་ལྟར་ཟབ་རྒྱས་རྒྱུད་ཀུན་དང་༔ ཁྱད་པར་སྙིང་པོའི་རྒྱུད་ལུང་འདི༔ དཔལ་ཆེན་དགྱེས་པས་བྱིན་བརླབས་ཤིང་༔ ཀུན་འདུས་རིག་འཛིན་པདྨ་ལས༔ བོད་ཀྱི་རྣལ་འབྱོར་བདག་གིས་ཐོབ༔ དཔེ་རྒྱུད་རྒྱས་པར་བྲིས་པའི་གཞུང་༔ གཞན་དུ་སྤེལ་བར་བློས་མ་ཐོངས༔ སྒྲུབ་སྟེ་སྙིང་པོའི་བསྟན་པའི་བཙས༔ ལྷ་རྩེའི་བྲག་ལ་གཏེར་དུ་གཏམས༔ སྙན་བརྒྱུད་སྙིང་པོའི་མན་ངག་འདི༔ ང་སྤྲུལ་སྒྱུ་མའི་སྐྱེས་བུའི་དོན༔ ཀློང་གསལ་དབྱིངས་ཀྱི་སྒྲོམ་བུར་སྦས༔ ཡེ་ཤེས་རིག་པའི་བརྡས་མཚོན་ཏེ༔ དགོངས་པས་བྱིན་བརླབ་གཏེར་དུ་བརྡོལ༔ རྩོལ་བ་མེད་པར་གཏན་ཕབ་ནས༔ རང་གཞན་དོན་གཉིས་སྤྱོད་པར་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ སླར་ཡང་ཡིད་ཆེས་སྤྲོ་བའི་ཕྱིར༔ ངེས་ཤེས་སྐྱེད་པའི་ལུང་བྱང་ནི༔ དུས་གསུམ་མཁྱེན་པ་པདྨ་ཡིས༔ རྡོ་རྗེའི་གསུང་ལས་འདི་སྐད་དུ༔ ཞི་བ་ཐུགས་རྗེ་ཆེན་པོ་དང་༔ དྲག་པོ་ཁྲོ་རྒྱལ་རྟ་མགྲིན་གཉིས༔ དབྱེར་མེད་གཅིག་ཏུ་སྤྲུལ་པ་ལས༔ སྐུ་ཡི་ཆ་ལུགས་ཞི་མ་ཁྲོ༔ མདོག་སྨུག་དྲི་ཞིམ་སྨེ་བས་བརྒྱན༔ རང་རྒྱུད་དལ་ཞིང་རིག་རྩལ་ཆེ༔ མ་ངེས་སྤྱོད་པ་སྣ་ཚོགས་སྐྱོང་༔ ནང་རྟགས་ཡ་མཚན་སྟོན་པ་འབྱུང་༔ ཞེས་དང་དེ་བཞིན་གཞན་ལས་ཀྱང་༔ འོལ་བ་ཞེས་བྱའི་ཤར་མདུན་དུ༔ བརྩོན་འགྲུས་ཞེས་བྱའི་སྐྱེས་བུ་འབྱུང་༔ དེ་ནི་ང་ཡི་ཐུགས་སྤྲུལ་ཡིན༔ ཞེས་དང་པདྨའི་སྤྲུལ་པ་ནི༔ ཐང་སྟོང་པ་ཞེས་བྱ་བ་འབྱུང་༔ དེ་དུས་བོད་ཁམས་ཅུང་ཟད་བདེ༔ ཕན་བདེའི་སྣང་བ་ཐེངས་གཅིག་འབྱུང་༔ ཞེས་དང་ང་སྤྲུལ་ཐང་སྟོང་པས༔ ཆུ་བོ་ཆེ་ལ་ལྕགས་ཟམ་འཛུགས༔ མཐའ་དབུས་ས་གནད་མེ་བཙའ་གསོ༔ རྒྱལ་ཁམས་དགེ་བའི་ལས་ལ་བཀོད༔ ཀླ་ཀློའི་མུན་གླིང་དཀར་པོར་བསྒྱུར༔ འབྲེལ་ཚད་དོན་ལྡན་ཨེ་མ་ཧོ༔ ཞེས་སོགས་རྒྱ་ཆེར་ཡང་ཡང་གསུངས༔ ཇི་སྐད་ལུང་གིས་བསྟན་པ་ལྟར༔ མེ་ཉག་རིག་འཛིན་ལྡང་གི་བུ༔ བོད་ཀྱི་རྣལ་འབྱོར་བརྩོན་འགྲུས་བདག༔ འོལ་བ་ལྷ་རྩེའི་ཤར་གྱི་ཆར༔ སྐྱེས་ཙམ་ཉིད་ནས་དགེ་མཚན་དང་༔ ངོ་མཚར་ཆོ་འཕྲུལ་དུ་མ་བྱུང་༔ དྲན་པས་ཟིན་ནས་ཆོས་སྣང་སྐྱེས༔ པཎ་གྲུབ་བླ་མ་ལྔ་བརྒྱ་བསྟེན༔ ཐོས་བསམ་སྒྲོ་འདོགས་ཡིན་ལུགས་བཅད༔ རྩེ་གཅིག་བསྒོམས་པས་དྲོད་རྟགས་དབྱུང་༔ རྒྱ་གར་རྒྱ་ནག་བལ་པོ་མོན༔ བོད་ཁམས་ཀུན་དུ་བརྟུལ་ཞུགས་སྦྱང་༔ ནད་མུག་མཚོན་འཁྲུགས་བཅད་ཅིང་བསྡུམས༔ སྣོད་བཅུད་རྒུད་པ་ཐམས་ཅད་གསོས༔ མཐའ་དབུས་དགེ་བཅུའི་ཁྲིམས་ལ་སྦྱར༔ ས་གནད་མེ་བཙའ་མང་དུ་གསོས༔ ཧོར་དམག་ཟློག་ཅིང་ཀླ་ཀློ་བཏུལ༔ ཆུ་བོ་ཆེ་ལ་ལྕགས་ཟམ་བཙུགས༔ བྱང་ཆུབ་རྒྱུན་ལམ་བདེ་བར་བསྒྲུབས༔ ཁྱད་པར་རྔ་ཡབ་གླིང་དུ་ཕྱིན༔ ཟངས་མདོག་དཔལ་རིའི་ཕོ་བྲང་དུ༔ པདྨ་ཧེ་རུ་ཀ་དཔལ་མཇལ༔ སྒྲུབ་པ་ཆེན་པོ་བཀའ་བརྒྱད་ཀྱི༔ དབང་དང་གདམས་ངག་རྒྱ་ཆེར་སྩལ༔ ཁྲག་འཐུང་འདུས་པའི་ལྷ་ཚོགས་མཐོང་༔ བྱིན་གྱིས་བརླབས་ཤིང་སྔགས་རྒྱུད་གཏད༔ ཡེ་ཤེས་མཁའ་འགྲོས་དངོས་དབང་སྩལ༔ ནང་གི་ས་ལམ་སྐད་ཅིག་བགྲོད༔ སྟོན་པ་རྡོ་རྗེ་སེམས་དཔའ་ལས༔ འབྲས་བུ་རྫོགས་པ་ཆེན་པོ་ཐོབ༔ སེང་ལྡེང་འཁྲིགས་པའི་ནགས་ཁྲོད་དུ༔ ཛྙཱ་ན་ཌཱ་ཀི་ནི་གུཔྟས༔ ཐབས་གྲོལ་ལམ་མཆོག་སྩལ་བ་ལས༔ སྒོམ་པའི་ཉམས་མྱོང་བོགས་ཆེན་ཐོན༔ རས་སྨེ་ཤྭ་རའི་དུར་ཁྲོད་ཆེར༔ དབྱིངས་ཡུམ་རྡོ་རྗེ་ཕག་མོ་ཡིས༔ བརྟུལ་ཞུགས་སྤྱོད་པའི་སྙན་བརྒྱུད་གདམས༔ བོད་ཡུལ་གཙང་གི་གཡས་རུའི་མཐིལ༔ འཕགས་པའི་གནས་བརྟན་ཆེན་པོ་ཡིས༔ རྣམ་ཐར་སྒོ་གསུམ་ངོ་སྤྲད་པས༔ དབུ་མའི་ལྟ་བ་མངོན་དུ་གྱུར༔ ལྟ་སྒོམ་སྤྱོད་འབྲས་བོགས་འདོན་དང་༔ བསྙེན་སྒྲུབ་ཡན་ལག་བཞི་ལྡན་པའི༔ གཞུང་དང་མན་ངག་ལག་ལེན་དོན༔ སྐལ་ལྡན་རྣམས་ལ་ཅི་རིགས་བསྟན༔ འོན་ཀྱང་སྣོད་མཆོག་ཉུང་བའི་ཕྱིར༔ འགའ་ཞིག་རྡོ་རྗེའི་བྲག་ལ་སྦས༔ ལ་ལ་སྙན་བརྒྱུད་བཀའ་རྒྱས་བཏབ༔ སྙིང་པོ་ལས་ཀྱང་སྙིང་པོའི་བཅུད༔ ཀློང་ལྔ་དབྱིངས་ཀྱི་སྒྲོམ་བུ་རུ༔ རིག་པའི་ཡེ་ཤེས་གཟུངས་སུ་གདམས༔ ཆོས་བདག་མཁའ་འགྲོ་གཉེར་དུ་བསྐོས༔ མ་འོངས་ང་སྤྲུལ་སྐྱེས་བུ་ལ༔ དགོངས་པའི་ཀློང་ནས་རང་ཤར་བའི༔ རྟེན་འབྲེལ་བརྡ་ཐབས་དུ་མ་དང་༔ བྱིན་རླབས་འཕོ་བས་དབུགས་དབྱུང་འགྱུར༔ ས་མ་ཡ༔ འོ་མའི་ནང་ནས་མར་དང་ནི༔ མར་གྱི་སྙིང་པོ་ཞུན་བྱས་ལྟར༔ ལྟ་སྒོམ་སྤྱོད་འབྲས་བོགས་འདོན་དང་༔ སྒྲུབ་པའི་གཞུང་དང་ཡན་ལག་བཅས༔ རྣལ་འབྱོར་བདག་གི་སྙིང་ཐིག་འདི༔ བོད་ཀྱི་རིག་འཛིན་སྔགས་པ་གཞན༔ སུ་ལའང་འཕོ་བའི་སྐབས་མེད་པས༔ རིན་ཆེན་ལྟ་བུའི་གང་ཟག་ནི༔ གཅིག་ཅར་རིགས་ཅན་བརྟུལ་ཞུགས་མཐོ༔ སུས་ཀྱང་མི་དཔོག་རང་ཟུང་ཐུབ༔ བདག་དང་གཉིས་མིན་རྣལ་འབྱོར་པ༔ མཚན་ཉིད་ལྔ་དང་ལྡན་པ་ཞིག༔ འདི་ནས་བདུན་བརྒྱའི་ལོ་ཁོངས་སུ༔ མདོ་ཁམས་བར་ནས་འབྲུག་གི་ལོ༔ གཉོས་ཀྱི་རིག་འཛིན་སྒ་ཡི་བུ༔ ལྕགས་ཁམས་དཔའ་བོ་མཚན་རྟགས་ཅན༔ པདྨ་རྒྱལ་པོས་བྱིན་བརླབས་པས༔ བཀའ་བབས་བདུན་ལྡན་མདོ་སྔགས་གླིང་༔ བི་མ་མི་ཏྲས་བྱིན་བརླབས་པས༔ འོད་གསལ་སྤྲུལ་པའི་རྡོ་རྗེ་སྟེ༔ འཇམ་དཔལ་སྤྲུལ་པའི་མངའ་བདག་གིས༔ བྱིན་བརླབས་ཆོས་ཀྱི་བཤེས་གཉེན་ཞེས༔ སྒྱུ་མ་ལྟ་བུའི་སྐྱེས་བུ་འབྱུང་༔ དེ་ལ་གནས་གསུམ་མཁའ་འགྲོ་དང་༔ དཔའ་བོ་བདག་གིས་བྱིན་བརླབས་པས༔ གདམས་པའི་སྙིང་པོ་ཀློང་བརྡོལ་ཚེ༔ ཐེ་ཚོམ་མ་བྱེད་གཏན་ལ་ཕོབ༔ རིང་དུ་གསང་ཞིང་བཀའ་རྒྱས་ཐོབ༔ ནམ་ཞིག་རྟེན་འབྲེལ་དུས་བབ་ན༔ བི་མ་བཻ་རོ་ཛྙཱ་ན་དང་༔ མངའ་བདག་ཡབ་སྲས་མཚོ་རྒྱལ་ལྕམ༔ གནུབས་ཆེན་ནམ་སྙིང་སངས་རྒྱས་དང་༔ མཆོག་དབྱངས་བདུད་འཇོམས་དཔལ་སེང་སོགས༔ འདུས་པ་མཆོག་གིས་བྱིན་བརླབས་པ༔ དེ་དག་རྣམས་ཀྱིས་གསོལ་བཏབ་ན༔ གདམས་པ་ལྷག་མ་མེད་པར་བྱིན༔ ཅུང་ཟད་དོན་དུ་འགྱུར་བ་དང་༔ ཁྱད་པར་ལས་ཅན་གཅིག་སྲིད་པས༔ དེ་ཡི་གཞན་ཕན་བཙས་སུ་བྱེད༔ འོན་ཀྱང་དུས་དེ་ཤིན་ཏུ་སྙིགས༔ ལུགས་གཉིས་བྱ་བ་ཆེས་ཆེར་འཆོལ༔ ཁྱད་པར་སྒྲུབ་པའི་མན་ངག་འཆལ༔ མཁས་པ་སྒྲ་ཚད་རྟོག་གེས་གཡེང་༔ སྒྲུབ་པས་བསྙེན་སྒྲུབ་གཞུང་མི་བསྲང་༔ གྲུབ་ཐོབ་རྫུན་གྱི་འཁོར་ལོ་བསྐོར༔ རྟོགས་ལྡན་འདོད་པའི་རྒྱ་མཚོར་བྱིངས༔ བྱ་བཏང་གཏིང་ནས་མདུད་པ་དམ༔ མདོར་ན་རྡོ་རྗེའི་གསང་བ་ཆེའི༔ རང་ཚུགས་ཐུབ་པ་ཉིན་སྐར་ཙམ༔ བློ་མང་ཅོལ་ཆུང་མདོ་དོན་ཤོར༔ དེ་དང་དེ་འདྲས་སྙྀང་པོའི་བསྟན༔ རི་མོའི་མར་མེ་བཞིན་དུ་བྱེད༔ མཐའ་དབུས་ཕྱི་ནང་འཁྲུག་རྩོད་ལངས༔ སྣོད་བཅུད་སྔར་མེད་འགྱུར་ལྡོག་མང་༔ མི་ཕྱུགས་གློ་བུར་ནད་ཀྱིས་ཁྱེར༔ འགལ་རྐྱེན་དྲྭ་བ་བཞིན་དུ་འཛིངས༔ དེ་ལྟ་བུ་ཡི་དུས་ཀྱི་ཚེ༔ སྐལ་ལྡན་འགའ་ཞིག་བྱུང་སྲིད་ན༔ ཁ་ཁྱེར་ཚིག་ཕྱིར་མ་ཡེངས་པར༔ འདིར་ཞུགས་འདི་ལྟོས་འདི་དོན་སྒོམ༔ ཚེ་གཅིག་དངོས་གྲུབ་ངེས་པར་འཐོབ༔ མར་མེ་འཆི་ཁ་བསབས་པ་ལྟར༔ སྙིགས་དུས་གདུང་བའི་གསོས་གྱུར་ཏེ༔ རང་གཞན་དོན་གཉིས་ཕུན་སུམ་ཚོགས༔ ངེས་དོན་བསྟན་དང་འགྲོ་ལ་ཕན༔ དེ་ཕྱིར་སྙིང་ལས་གཅེས་པར་ཟུངས༔ རྩ་གསུམ་སྲུང་མའི་བདེན་སྟོབས་དང་༔ རྣལ་འབྱོར་བདག་གི་སྨོན་ལམ་མཐུས༔ སྒྲུབ་བརྒྱུད་བསྟན་དང་དེ་འཛིན་ལ༔ ཕན་པ་རྒྱ་ཆེར་འབྱུང་བར་ཤོག༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ སྒྲུབ་ཆེན་བཀའ་བརྒྱད་ཀྱི་ལམ་སྲོལ་ཚིག་ཉུང་ཡང་དོན་གྱི་སྙིང་པོ་རང་རྐང་ཚུགས་པ་འདི་ཉིད་རྗེ་གྲུབ་ཐོབ་ཆེན་པོའི་གསང་བ་གསུམ་གྱི་བྱིན་རླབས་ཡང་ནས་ཡང་དུ་ཐོབ་པ་ལ་བརྟེན་ནས། པདྨ་འོད་གསལ་མདོ་སྔགས་གླིང་པ་འཇམ་དཔལ་ཆོས་ཀྱི་བཤེས་གཉེན་གྱིས་གཏན་ལ་ཕབ་སྟེ། རིག་འཛིན་གྲུབ་པའི་འཁོར་ལོས་སྒྱུར་བ་ཨོ་རྒྱན་འཆི་མེད་བསྟན་གཉིས་གཡུང་དྲུང་གླིང་པར་ཕུལ་བ་སྟེ་འདིའི་བརྒྱུད་པའི་ངེས་པའང༌། ཆོས་སྐུ་ཀུན་ཏུ་བཟང་པོ། །ལོངས་སྐུ་ཆེ་མཆོག་ཧེ་རུ་ཀ །སྟོན་པ་རྡོ་རྗེ་སེམས་དཔའ། གསང་བདག་ཕྱག་ན་རྡོ་རྗེ། མཁའ་འགྲོ་མ་ལས་ཀྱི་དབང་མོ། །གྲུབ་པའི་རིག་འཛིན་རྣམ་བརྒྱད། ཀུན་འདུས་པདྨ་སམ་བྷ་བ། རྗེ་གྲུབ་ཐོབ་ཆེན་པོ་ཐང་སྟོང་རྒྱལ་པོ་ཞེས་དྲང་བར་བྱའོ།། །།

[edit]

@#:__grub thob chen po'i thugs tig las:__khrag 'thung bde gshegs 'dus pa bzhugs:____khrag 'thung 'dus pa'i lha la 'dud:__bod kyi rnal 'byor thang stong pa:__rnga yab gling du mngon sum phyin:__rtsa gsum kun 'dus gu ru rje:__o rgyan pad+ma rgyal po las:__sgrub pa chen po bka' brgyad kyi:__dbang dang gdams ngag kun zhus nas:__khrag 'thung dgyes pa'i zhal yang mthong :__de yi snying po'i bcud bsdus pa:__skal ldan don du brtse bas gdams:__sa ma ya:__'di la spyi don lnga yin te:__bskyed pa sku yi sgrub thabs dang :__gyer bzlas gsung gi las rim dang :__'od gsal thugs kyi rdzogs rim dang :__yon tan smin byed dbang bskur dang :__phrin las mngon spyod gzer ka ste:__mchog dang thun mong lam gyi rim:__zab rgyas kun gyi snying por bstan:__sa ma ya:__dang po bskyed pa'i sgrub thabs ni:__dbang thob dam tshig la gnas pa'i:__sngags pas dur khrod dben gnas su:__yid g.yengs spangs la 'di ltar bsgom:__hU~M:__ma bcos spros med de bzhin nyid:__kun snang snying rje'i rol pa las:__thams cad skyed byed rgyu yi hU~M:__mthing nag mkha' la 'ja' ltar shar:__cho 'phrul chen po'i 'od zer gyis:__snod bcud dngos por 'dzin pa sbyangs:__stong pa'i ngang las 'byung rim steng :__ri rab rdo rje'i brag chen po:__srung 'khor 'jigs pa'i dur khrod dang :__drag po'i gzhal yas mtshan rdzogs dgu'i:__dbus mar 'khor lo rtsibs bzhi'i lter:__pad+ma zla nyi byol song gtso:__dregs pa lha chen pho mo'i steng :__rgyu yi hU~M babs yongs su gyur:__rdo rje rtse dgu hU~M gis mtshan:__'od zer 'phro 'du'i sbyor ba yis:__khrag 'thung rab 'byams byin nus thim:__de las skad cig dran rdzogs su:__bdag nyid che mchog he ru ka:__mthing nag dmar ba'i mdangs 'od 'tsher:__zhal gsum phyag drug zhabs bzhi bgrad:__spyan dgu sdang mig smar smin 'bar:__g.yas gsum rdo rje 'bar ba'i mtshon:__rtse dgu rtse lnga rtse gsum gsor:__g.yon gsum skam rlon rnyid pa yi:__b+hany+dza bdud bzhi'i khrag gis gang :__dpal dang dur khrod chas kun rdzogs:__sbyor yum gnam zhal dbyings phyug ma:__sngo skya rtse gsum thod 'dzin 'khril:__dar dang rus rgyan gzig sham 'phyang :__gar dgu'i gzi byin mchog tu 'bar:__e waM mnyam sbyar mkha' gsang nas:__bde ba'i sgra dang 'od zer 'phros:__bde gshegs sras dang btsun mor bcas:__spyan drangs zhal zhugs thugs kar zhu:__yum gyi pad+mor son pa las:__hU~M chen 'bar ba'i sprin phung 'phros:__tshom bu'i dkyil 'khor gsal bar bskyed:__hU~M hU~M hU~M hU~M hU~M hU~M hU~M hU~M hU~M:__gtso mchog dkyil 'khor rtsibs bzhi ru:__gsang ba'i khro rgyal yab yum dang :__khro bcu ta kr-ita sgo ba bzhi:__pho nya mang po las la 'gyed:__che mchog dkyil 'khor yongs su rdzogs:__oM badz+ra kro d+ha ma hA shrI he ru ka hU~M phaT:__hU~M:__shar dkyil 'khor lo rtsibs bzhi'i dbus:__dpal chen badz+ra he ru ka:__mthing nag rdo rje dung khrag 'dzin:__kro d+hI shwa rI mthing skya 'khril:__khrag 'thung rigs bzhi yab yum dang :__gnas yul sgo skyong bka' nyan bcas:__yang dag thugs kyi dkyil 'khor rdzogs:__oM ru lu ru lu hU~M b+h+yo hU~M phaT:__hU~M:__lho dkyil 'khor lo rtsibs bzhi'i dbus:__pad zla nyi ma ma he dang :__gshin rje pho mo bsnol ba'i steng :__zil gnon khrag 'thung mthing nag 'bar:__'khor lo bskor zhing sdig mdzub bsgrengs:__sbyor yum bai ta nag mo 'khril:__gshed chen bzhi dang 'chi bdag tshogs:__mthar byed sgo ba bka' nyan bcas:__'jam dpal sku yi dkyil 'khor rdzogs:__oM a kro te ka ya mAn+ta ka ha na ma tha b+hany+dza hU~M phaT:__hU~M:__nub dkyil 'khor lo rtsibs bzhi'i dbus:__pad zla nyi ma klu brgyad steng :__rta mchog pad+ma he ru ka:__dmar smug pad+ma dril bu 'dzin:__dbu gtsug rta gdong rngams bzhi 'tsher:__gzi ldan dmar po yum dang 'khril:__g.yas g.yon sprul pa'i pho nya spro:__rtsibs bzhir dbang chen rigs bzhi dang :__zil gnon sgo skyong pho nyar bcas:__pad+ma gsung gi dkyil 'khor rdzogs:__oM pad+mAn+ta kri ta badz+ra kro d+ha ha ya grI ba hU~M phaT:__hU~M:__byang dkyil 'khor lo rtsibs bzhi'i dbus:__pad zla nyi ma lha chen steng :__rdo rje gzhon nu mthing nag 'bar:__phyag gnyis srid pa phur bu 'dril:__'khor lo rgyas 'debs mthing skya 'khril:__rtsibs bzhir sras mchog rigs bzhi dang :__khro bcu yab yum za gsod tshogs:__sgo skyong bka' nyan dang bcas pa'i:__phur pa phrin las dkyil 'khor rdzogs:__oM badz+ra kI li kI la ya sarba big+h+nAn ba~M hU~M phaT:__hU~M:__shar lho 'khor lo rtsibs bzhi'i dbus:__pad zla nyi ma ma mo'i steng :__mngon rdzogs khrag 'thung rgyal po mthing :__rdo rje gsor zhing thun khrag 'phen:__nyid zhi bde mchog yum dang 'khril:__rtsibs bzhi mdun gyi g.yon zur bcas:__rtag pa'i rgyal mo spun lnga dang :__rje mo sman mo sgo skyong sogs:__srid pa ma mo'i dkyil 'khor rdzogs:__oM gu h+ya dz+nyA na kro d+ha kro d+hI ma ma yo gi nI ru lu ru lu hU~M b+h+yo hU~M phaT:__hU~M:__lho nub 'khor lo rtsibs bzhi'i dbus:__pad+ma nyi zla rin chen khrir:__rig 'dzin rdo rje chos rab dkar:__rdo rje dril 'dzin zhi chags khro:__yum chen rdo rje rnal 'byor 'khril:__rtsibs bzhir rig 'dzin rnam bzhi dang :__grub pa'i slob dpon rnam pa brgyad:__sgo skyong mkha' 'gro'i tshogs bcas pa:__bla ma rigs 'dus dkyil 'khor rdzogs:__oM badz+ra ma hA gu ru sarba sid+d+hi hU~M phaT:__hU~M:__nub byang 'khor lo rtsibs bzhi'i dbus:__pad+ma zla nyi dregs pa'i steng :__dbang chen dregs 'dul he ru ka:__mthing nag rdo rje dung khrag gsol:__srid pa spyi 'dul nag mo 'khril:__rtsibs bzhir dregs chen sde bzhi dang :__gzhan yang dregs pa sgo skyong bcas:__ma rungs dregs tshogs pho nyar 'gyed:__'jig rten mchod bstod dkyil 'khor rdzogs:__oM badz+ra tsaN+Da sarba duSh+tan hU~M phaT:__hU~M:__byang shar 'khor lo rtsibs bzhi'i dbus:__pad+ma zla nyi dgra bgegs steng :__stobs ldan nag po char sprin mdog:__rdo rje gsor zhing tsit+ta gsol:__'byung lnga'i bdag mo yum dang 'khril:__rtsibs bzhir gshed bdud srin gnod sbyin:__gzhan yang dregs chen sgo skyong dang :__gsod byed sde brgyad sprin phung 'phro:__dmon pa drag sngags dkyil 'khor rdzogs:__oM badz+ra sarba duSh+tAn hU~M phaT:__hU~M:__de ltar gsal ba'i khrag 'thung gtso:__dur khrod dpal chas gar dgus rol:__'khor rnams dur khrod rol pa'i chas:__rnam 'gyur ma nges cir yang ston:__rig 'dzin dar dang rus pa'i rgyan:__dregs chen rang rang cha lugs dang :__drag sngags 'jigs rung mi bzad rngams:__dpal dgu'i dpung pa g.yas g.yon rtser:__rdo rje'i bya khyung dkar nag lding :__bar khyams gnas yul phra men tshogs:__phyogs mtshams dpal gyi bka' sdod dpung :__sgo bzhir phyi nang sgo skyong dang :__phyi rol dbang phyug mkha' 'gro ging :__lang+ka 'bar ma pho nya sogs:__nyi ma dang ni 'od zer bzhin:__snang srid gzhir bzhengs yongs rdzogs lha:__chu zla 'ja' tshon lta bur gsal:__oM shrI he ru ka sarba maN+Dal la hU~M:__hU~M:__de ltar gsal ba'i lha tshogs kyi:__gnas gsum rdo rje'i 'bru gsum mtshan:__de bzhin gshegs pa thams cad kyi:__sku gsung thugs su byin brlabs bsam:__oM AHhU~M sarba ta thA ga ta kA ya wA ka tsit+ta badz+ra swa b+hA wa At+ma ko\u0f85haM:__hU~M:__slar yang mkha' khyab dbang gi lhas:__ye shes bdud rtsis dbang bskur bas:__sgrib dag nus rtsal yongs su rdzogs:__bde gshegs rigs lngas dbur brgyan bsam:__hU~M oM trAM hrIHAHa b+hi Shiny+tsa mi:__de nas ye shes drang bstim sogs:__las rim rgyas bsdus gang 'thad bya:__khyad par rig 'dzin sgrub pa ni:__bskyed pa'i rim pa'i ting 'dzin la:__gsal brtan dag pa'i gzer btab nas:__rtse gcig mnyam gzhag sems brtan pas:__g.yo thob goms brtan mthar phyin nas:__yid dang dbang po lus kyi yul:__gsal ba gsum ldan drod rtags 'byung :__tha mal snang zhen lha skur dag:__rlung sems zung 'jug skur ldang ba'i:__rnam smin la sogs rig 'dzin thob:__sku yi rnal 'byor grub pa'o:__sa ma ya:__gnyis pa gyer bzlas sgrub thabs la:__gyer thabs phrin las bzlas rim gnyis:__dang po phrin las sngon dngos rjes:__sngon 'gro ji skad bshad pa yi:__mtshan nyid kun tshang slob dpon las:__snod ldan slob mas dbang bskur zhu:__dam tshig dag pas bzhi bzung nas:__dben zhing yid 'thad sgrub gnas su:__rgyud dag chos mthun grogs bcas sam:__yang na rang nyid gcig pu yis:__mkho ba'i yo byad tshogs par bya:__spro na sa yi cho ga dang :__phyi nang gsang ba'i mtshams bcad sogs:__rgyud las gsungs pa bzhin du bya:__lhag pa'i lha dang bum pa rnams:__sta gon rim pas lhag par gnas:__bsdu na mtshan ma'i dkyil 'khor cher:__bskyed pa bzhin du 'bri ba'am:__maN+Dal me tog tshom bu dgu:__khyad par dpal gyi phur bu dgod:__phyi nang gsang ba'i mchod tshogs bsham:__bde ba'i stan la legs 'dug ste:__dang po bka' bsgo mtshams srung ni:__hU~M:__nyon cig bgegs dang log 'dren tshogs:__byang chub sgrub la bar chad kun:__song zhig lha min lha yang rung :__dpal chen khrag 'thung bka' thos nas:__da lta nyid du so sor dengs:__gal te mi 'gro 'dug gyur na:__lus ngag yid gsum rdul du rlog:__de bas da lta phyir dengs shig:__drag sngags dang bcas thun gyis brdeg:__hU~M:__bdag nyid dpal chen he ru ka'i:__nyi zla 'bar ba'i sdang mig gis:__bgegs kyi tshogs rnams bsregs shing sbyangs:__thugs nas khro mtshon me phung 'phros:__mtshon cha'i 'khor lo'i rtsibs steng du:__phyogs skyong gdan la khro tshogs 'bar:__ye shes me dpung 'tshubs shing 'khyil:__rdo rje 'khor lo rin po che:__pad+ma ral gri tho ba dang :__phur pa'i mtshon cha sprin ltar gtibs:__lha sngags ye shes rgyas btab pas:__nam yang 'da' ba'i skabs med do:__badz+ra tsakra rat+na pad+ma khaD+ga tIk+Sh+Na dz+wa la raM hU~M hU~M hU~M phaT:__badz+ra rak+sha rak+sha b+h+rU~M:__gnyis pa skyabs sems tshogs bsag phyir:__mkha' khyab tshogs rten spyan drangs mdun:__yan lag brgyad kyis rgyud sbyang bya:__rdo rje slob dpon sangs rgyas dpal:__dus gsum bzhugs la phyag 'tshal lo:__mchog gsum bsten pa'i zhing gyur la:__gnyis med yid kyis skyabs su mchi:__dngos 'byor yid kyis rnam sprul pa'i:__dag pa'i mchod pa bzhes su gsol:__dngos grub chu bo gcod pa'i bgegs:__nyes byas ma lus bshags par bgyi:__phyogs bcu 'khor gsum dag pa'i chos:__ma chags spyod la rjes yi rang :__dag pa mtha' bzhi'i dri ma med:__rdzogs pa'i byang chub sems bskyed do:__bde gshegs dbang phyug sems can la:__dgos pa gsum phyir lus 'bul lo:__tshe rabs bgrangs pa'i dge ba rnams:__bsdus te byang chub chen por bsngo:__gsum pa brda yi sgo dbye zhing :__gnyis su med pa'i phyag gis 'dud:__hU~M:__gnyis 'dzin rtog pas bcad pa'i brda yi sgau:__rig pa rang gsal chen po'i ngang du dbye:__lhun rdzogs byang chub sems kyi dpal chen po:__mngon sum rig ngor mjal ba'i phyag gis 'dud:__b+h+rU~M dz+nyA na maN+Da la pra we sha ya phaT:__a la la ho:__a ti pU hoH__pra tIts+tsha hoH__bzhi pa rgyud dag snod rung phyir:__gdung ba'i shugs bskyed nongs pa bshags:__hoH__don dam dmigs med spros dang bral ba la:__nyams dang bshags par bya ba ma dmigs kyang :__kun rdzob 'khrul pa'i dbang gis las bsags pa:__snying nas 'gyod pas mthol bshags bzod par bzhes:__yi ge brgya pa brjod:__lnga pa sdom pa'i dam bca' bzung :__hoH__bdag gis mkha' khyab 'gro ba kun don tu:__spyi dang khyad par lhag pa'i dam tshig gzung :__dpal chen lha tshogs rtse gcig sgrub lags na:__ye shes chen po'i byin gyis brlabs tu gsol:__sarba ma hA yo ga sa ma ya bo d+hi tsit+ta ut+pA da yA mi:__drug pa bdag gnas yo byad la:__ye shes gzi byin dbab pa ni:__hU~M:__chos kyi dbyings las rang byung ba'i:__zhi khro rab 'byams bka' brgyad lha:__dpa' bo d+hA ki chos srung tshogs:__thugs rje thugs dam dus la bab:__sgrub pa po la byin chen phob:__sgrub gnas 'og min zhing du sgyur:__sgrub pa'i yo byad dam tshig rdzas:__bde ba chen por byin rlobs shig:__oM AHhU~M badz+ra gu ru ma hA shrI he ru ka d+he ba d+hA ki nI sarba sa ma ya dz+nyA na A be sha ya a AH__hrIM hrIM phaiM phaiM:__hU~M hU~M hU~M:__bdun pa mchod rdzas byin brlab ni:__ra~M ya~M kha~M:__ye shes rang rtsal me rlung chus:__mchod rdzas dngos 'dzin bsregs gtor sbyangs:__phyi nang gsang ba rmad byung ba'i:__'dod yon bde chen rgyan du gyur:__oM badz+ra puSh+pe d+hU pe A lo ke gan+d+he nai bid+yA shab+da sarba pU dza AHhU~M:__oM sarba pany+tsa a mr-i ta hU~M hrIHTha:__oM ma hA ba liM ta hU~M hrIHThA:__oM ma hA rak+ta hU~M hrIHThA:__bo d+hi tsit+ta ga Na gu+u h+ya sa ma ya AHhU~M:__de ni sngon 'gro'i las rim mo:__gnyis pa dngos gzhi'i dang po la:__ting 'dzin gsum gyis dkyil 'khor bskyed:__rgyas gdab dbang bskur sngon 'gro bas:__gnyis pa ye shes spyan 'dren ni:__hU~M:__khams gsum las 'das 'og min zhing :__'bar ba chen po'i pho brang nas:__zhi khro rab 'byams bka' brgyad lha:__gdug pa 'dul phyir gnas 'dir gshegs:__shrI he ru ka maN+Da la sa pa ri wA ra e h+ye hi:__badz+ra sa mA dza:__gsum pa bzhugs su gsol ba ni:__hU~M:__dbyings nas rang shar ye shes lha:__rig pa rang snang dam tshig par:__dbyer med brtan par bzhugs nas kyang :__mchog thun dngos grub byin dbang stsol:__sa ma ya dz+nyA na dzaHhUM ba~M ho:__bzhi pa gus phyag 'tshal ba ni:__hU~M:__rdo rje'i sku gsung thugs dang ldan:__yon tan phrin las bsam mi khyab:__khrag 'thung rab 'byams dkyil 'khor lhar:__gus pa'i brda yis phyag 'tshal lo:__a ti pU to:__pra tIts+tsha ho:__lnga pa mchod pa'i las rim la:__thun mong phyag rgya gar dang ni:__ye shes sgra brnyan glu yis mchod:__oM:__lhar snang phyag rgya chen po'i ngang :__chos kyi phyag rgya'i yi ger bcas:__dam tshig phyag rgya'i dgyes mchod 'bul:__las kyi dngos grub stsal du gsol:__shrI he ru ka sarba ma hA mu dra pU dza ho:__hU~M:__ye shes snying po'i srog ldan pas:__'gro 'ong rlung gi rgyud dang sbyar:__sgra brnyan rol mo mtshungs med pas:__bde chen longs spyod mchog tu rol:__ma hA dz+nyA na te na hU~M:__te na te te hU~M:__nyer spyod phyi yi mchod par spro:__oM:__mchod pa chen po chags pa che:__me tog bdug pa mar me dri:__zhal zas rol mo'i sprin phung gis:__dgyes bskyed dngos grub mchog stsol mdzod:__oM pa na peM:__peM nu su ra tA:__ti pu pa ra mu:__sarba ta thA ga ta sid+d+hi hu:__sa ma yo ta mu:__sarba ma hA su kha sid+d+hi hu:__oM shrI badz+ra rA ga d+hU pe d+hU:__puSh+pe pu:__A lo ke hrI:__gan+d+he gan:__nai bid+yA A:__shab+da hoH__nang ltar bdud rtsis mchod pa ni:__hU~M:__rang byung gdod nas rnam dag pa:__sha lnga bdud rtsi ye shes lnga:__dag mnyam rtogs pa'i phud mchod kyis:__dpal chen lha tshogs mnyes gyur cig:__sarba pany+tsa amr-i ta kha ra~M khA hi:__dgongs pa brda dang snyan nas brgyud pa yi:__byin rlabs sprin phung ye shes char chen 'bebs:__rig 'dzin rtsal 'chang rtsa brgyud bla ma la:__sman mchod 'bul lo mthu dbang dngos grub stsol:__ma hA pany+tsa a mr-i ta kha ra~M khA hiH__ye shes klong dgu'i rang gzugs dpal chen po:__bde gshegs zhi khro rab 'byams 'dus pa'i lha:__dngos grub mchog stsol bsam yas dkyil 'khor la:__sman mchod 'bul lo mthu dbang dngos grub stsol:__ma hA pany+tsa amr-i ta kha raM khA hi:__dpal gyi bka' sdod phrin las glog ltar 'khyugs:__ma sring mkha' 'gro dam can rgya mtsho dang :__snang srid gzhir bzhengs rdo rje'i maN+Da lar:__sman mchod 'bul lo mthu dbang dngos grub stsol:__ma hA pany+tsa a mr-i ta kha ra~M khA hi:__oM AHhU~M:__dam tshig rdzas kyi bdud rtsi las:__ye shes snying po'i dngos grub dbyig:__mtheb srin nyi zla'i gwa'u yis:__rdo rje lce la bzhag cing myang :__kA ya wA ka tsit+ta a mr-i ta sid+d+hi pha la ho:__rjes 'brel longs spyod gtor mas mchod:__hU~M:__snod kyi 'jig rten gtor gzhong du:__bcud kyi 'gro kun gtor mar sbyar:__longs spyod rnam pa thams cad pas:__dpal chen dkyil 'khor mnyes gyur cig:__ma hA ba liM ta khA hi:__dmar chen rak+tas gzi byin bskyed:__hU~M:_mkha' dbyings rak+ta bde ba'i rgyun:__khams gsum bsgral ba'i khrag dang sbyar:__gzi byin chen po'i mchod pa 'dis:__dpal chen dkyil 'khor dgyes pa bskyed:__ma hA rak+ta khA hi:__gsang ba byang sems dza gad 'bul:__hU~M:__e waM mnyam par sbyor ba las:__rdo rje sems dpa'i bde chen drangs:__dza gad dpa' bo'i mchod pa 'dis:__dpal chen lha tshogs mnyes gyur cig:__bo d+hi tsit+ta dza gad pU dza hoH__rmad byung sbyor sgrol zung 'jug mchod:__hU~M:__thabs shes snyoms 'jug sbyor ba yis:__gzung 'dzin ru dra dbyings su bsgral:__gnyis med blo 'das rdzogs pa che:__mchog gi dam tshig chen por bzhes:__sta na ga Na ma hA dz+nyA na pU dza ho:__drug pa che ba'i yon tan bstod:__hU~M:__sgeg dpa' 'jigs rung rdo rje'i sku:__dgod gshe drag shul sngags kyi gsung :__snying rje rngam zhi'i ye shes thugs:__dpal chen he ru ka la bstod:__shin tu zhi ba rdo rje'i dbyings:__ye shes rang snang khrag 'thung lha:__gang 'dul thabs kyis gtso dang 'khor:__sprul par ston la phyag 'tshal bstod:__mthu rtsal rang byung ga ru Da:__dpal gyi bka' sdod srung ma'i tshogs:__ma sring dbang phyug ging lang+ka:__pho nyar bcas la phyag 'tshal bstod:__bdun pa bsnyen sgrub las gsum gyi:__dgongs pa gsal btab bzlas brjod bya:__de ni dngos gzhi'i las rim mo:__gsum pa rjes kyi las rim la:__dang po thun mtshams dam tshig rdzas:__tshogs dang gtor mas mchod pa ni:__sha chang gtso gyur dam rdzas rnams:__legs bshams bdud rtsi bsang zhing sbyang :__'dod 'byung bdud rtsi'i sprin du spel:__ra~M ya~M kha~M:__rdo rje lta bu'i ting 'dzin rtsal:__me rlung chu yis bsregs gtor bkrus:__rang byung b+han+d+har dam rdzas bcud:__mkha' khyab 'dod yon rol par spail:__oM AHhU~M ha ho hrI:__tshogs zhing gdung bas spyan drang bya:__hU~M:__'og min gnas dang nyer bzhi'i yul:__dur khrod rol pa'i zhing kun nas:__rtsa gsum zhi khro rab 'byams lha:__'dod yon tshogs la spyan 'dren gshegs:__shrI he ru ka sarba maN+Da la e A' ral+li hrIM hrIM phaiM phaiM:__mdun bskyed rten dang dbyer med bsam:__me tog sgeg sogs pa na peM sogs glu lnga dang :__d+hu pe sogs bzhi dang :__la s+yA sogs bzhi:__phyag rgyas mchod:__tshogs phud rim pa gsum du spros:__hU~M:__khrag 'thung dgyes pa'i dam tshig mchog:__ye shes bdud rtsi'i tshogs kyi bcud:__'dod yon rgya mtsho'i char 'bebs pa:__mchod pa'i phyag rgya chen por bzhes:__ma hA ga Na tsakra pU dza sa ma ya hoH__bar pas dam tshig nyams chags bskang :__ho:__bdag cag ma rig gzhan dbang gis:__spyi dang khyad par lhag pa yi:__dam tshig nyams chags nyes ltung kun:__tshogs kyi mchod pas bskang zhing bshags:__he ru ka'i yi ge brgya pa brjod:__tha ma mngon spyod bsgral bstab ni:__tshogs dang rU pa 'bem du bcas:__e yi tshogs kyi dkyil 'khor ni:__thar med srid pa'i brub khung nang :__nr-i dang tri las dgra bgegs kun:__skyabs bral nyam thag tshul du bsam:__hU~M:__chos kyi dbyings las rang byung lha:__bde gshegs zhi khro 'bar ba'i tshogs:__drag po'i phrin las dus la bab:__mngon spyod dmod pa'i las la bzhengs:__'gugs byed chen mo lcags kyu mas:__dgra bgegs rnams shes gzugs la stims:__'ching byed chen mo zhags pa mas:__dgra bgegs rnam shes rten la chings:__sdom byed chen mo lcags sgrog mas:__dgra bgegs lus sems dbyer med sdoms:__myos byed chen mo dril bu mas:__dgra bgegs dbang po myos su chug:__sarba nr-i tri sha trUn big+h+nAn badz+ra ang+ku sha dzaH__badz+ra pA sha hU~M:__badz+ra s+pho Ta ba~M:__badz+ra gaN+De ho:__hU~M:__bdag nyid dpal chen he ru ka:__phur pa sras mchog kI la ya:__khams gsum sgral ba mthu ldan pa:__dgra bgegs snying gi dkyil du btab:__tshe bsod dwangs bcud rang la thim:__gnas ngan dri ma khrus kyis sbyangs:__rnam shes rgyal ba'i sras su bskyed:__gzugs phung thal ba'i rdul du rlog:__drag sngags mthar:__sarba nr-i trI sha trUn big+h+nAn A yur bin+du dzaHb+h+rU~M:__a su nr-i tri prai du bi sho d+ha ya hU~M:__a ya~M s+pha ra Na phaT:__sarba duSh+tAn b+hin+d+ha b+hin+d+ha ha na ha na da ha da ha pa tsa pa tsa mA ra ya phaT:__hU~M:__dgra bgegs bsgral ba'i sha khrag rus:__dug gsum tshogs mchod bla na med:__dpal chen 'khor bcas dgyes par bzhes:__mngon spyod phrin las yongs rdzogs mdzod:__sarba sha trUn big+h+nAn mA~M sa rak+ta kiM ni ri ti ga Na tsakra pU dza kha kha khA hi khA hi:__spro na skong ba ci rigs bya:__bar pa rnal 'byor tshogs su rol:__lus kyi dkyil 'khor dgyes par bsam:__tha ma phud lhag gtor ma btang :__hU~M:__phud kyis lha tshogs dgyes pa bskang :__bar du rnal 'byor tshogs la rol:__tha ma lhag la dbang ba'i tshogs:__'dir gshegs dpal gyi pham phabs bzhes:__oM AHhU~M hoH__ma ma d+hA ka d+hA ki nI e A ral+li hrIM hrIM dzaH__hU~M:__dpal gyi bka' nyan lhag sdud ni:__dbang phyug ging lang ma sring bran:__pho nya 'bum phrag yangs pa'i tshogs:__khrag 'thung chen po'i bka' phabs rol:__rdo rje'i yal gam bcas pa ltar:__rnal 'byor 'khor srung rkyen rnams zlog:__tshe sring dpal skyed 'byor pa spel:__bcol ba'i las kun myur du sgrub:__oM uSh+tsiSh+ta ba liM ta kha kha khA hi khA hi:__rjes 'brel gtor ma bskyang ba ni:__ye shes dpal gyi thugs dam bskul:__hU~M:__dpal chen tshom bu dgu yi lha:__chos sku zhi las ma g.yos kyang :__gzugs sku 'jigs pa'i phyag rgyar bzhengs:__dgra bgegs sha khrag gtor ma bzhes:__bdag cag rnal 'byor 'khor bcas kyi:__mi mthun rdo rje'i go chas srungs:__tshe dpal ye shes byin gyis bskyed:__'gal rkyen dmod pa'i stobs kyis zlog:__gdug cing gtum pa dbyings su sgrol:__las kyi 'bras bu mchis par mdzod:__'jig rten rgyud gsum tha tshig bsgrag:__hU~M:__sngon tshe bde gshegs zhi khro rab 'byams dang :__bar du grub mchog rig 'dzin 'dus pa'i sde:__tha mar rtsa brgyud bla mas bka' bsgos ltar:__pho mo ma ning snang srid dregs pa'i tshogs:__tha tshig rgyud bskul sha khrag gtor ma long :__sangs rgyas bstan srung dkon mchog dbu 'phang bstod:__sdang ba'i dgra thul gnod pa'i bgegs dpung choms:__rnal 'byor bcol ba'i phrin las 'grub par mdzod:__bshal chus bod skyong brtan ma mchod:__hU~M b+h+yo:__khrag 'thung de bzhin nam mkha'i sku'i:__bka' yi tshogs dang dam tshig bdag:__bod skyong brtan ma 'khor bcas rnams:__'dir gshegs dam bskang phrin las mdzod:__gnag cing gdug pa'i bdud mo bzhi:__dmar gsal rjes chags gnod sbyin bzhi:__dkar sham zhi ba'i sman mo bzhi:__skyong ma ya ma'i tshogs bcas rnams:__sngon tshe pad+ma thod phreng dang :__rlangs chen dpal gyi seng ge yis:__a su ra yi brag phug tu:__tshogs kyi gral du bkod pa'i tshe:__tha tshig zhal bzhes rjes dgongs la:__bshal chu'i bdud rtsi dgyes par rol:__bod khams ru bzhi'i so kha srungs:__mtha' dmag gdug can rgyu 'grul chod:__sangs rgyas bstan pa dar ba dang :__gangs can bde ba'i phrin las mdzod:__ma ma d+hA ki nI ba liM ta kha kha khA hi khA hi:__mi mthun ldang med phyag rgyas mnan:__hU~M:__khams gsum e yi 'brub khung du:__gdug pa'i dgra bgegs bkug cing bstim:__rdo rje lhun po'i phyag rgyas mnan:__ye shes gar gyis rgyas btab pas:__byang chub sgrub la bar gcod kun:__nam yang ldang ba'i skabs med do:__e nr-i tri la~M s+t+waM b+ha ya hU~M hU~M hU~M:__gnyis pa dngos grub gsol ba ni:__mchod cing bstod pa sngon 'gro bas:__sgrub rten bteg cing gnas gsum reg:__oM AHhU~M:__bde gshegs zhi khro rab 'byams thugs rje'i gter:__bsnyen sgrub rdo rje'i dam tshig thems lags na:__sku gsung thugs yon phrin las dkyil 'khor nas:__mchog dang thun mong dngos grub byin dbang stsol:__kA ya wA ka tsit+ta gu Na karma sarba sid+d+hi pha la ho:__dngos grub rdzas la rol bar bya:__gsum pa nongs tshogs bzod gsol ni:__ho:__rdo rje gsang ba'i dkyil 'khor du:__sgrub rdzas ma tshang ting 'dzin g.yel:__cho ga lhag chad 'gal 'khrul kun:__bzod bzhes tshangs pa'i dngos grub stsol:__yi ge brgya pa brjod:__bzhi pa rtag mtha' sbyang ba ni:__a:__rig rtsal rol pa'i dkyil 'khor dang :__dag pa'i snod bcud dbyings su thim:__dmigs bsam brjod pa bral ba'i ngang :__mkha' khyab 'od gsal ngang du bzhag:__hU~M hU~M hU~M:__lnga pa chad mtha' bsal ba ni:__slar yang chu la rlabs bzhin du:__sgo gsum dpal chen sku gsung thugs:__mi shigs rdo rje'i go dang ldan:__snang srid gzhir bzhengs chen por spyod:__phaT phaT phaT:__drug pa bsngo smon rgyas 'debs ni:__ho:__dge ba 'di dang dge ba gzhan:__ma lus 'gro ba'i don du bsngo:__kun kyang dpal chen he ru ka'i:__thugs kyi thig ler ro gcig shog:__bdun pa shis par gsol ba ni:__mi gnas ye shes kun bzang he ru ka:__gang 'dul rigs kyi tshom bu'i skur ston pa:__zhi khro rab 'byams bden pa'i byin rlabs kyis:__rtag tu dpal gnas bkra shis bde legs shog:__thun mtshams lha sngags chos sku'i ngang :__zag bcas zag med dge tshogs spel:__de ltar thun bzhir brtson pa ni:__sgrub pa rtsa ba'i phrin las te:__gzhan yang tshe dang skong dang bam:__bdud rtsi mchog dang mdos gtor sogs:__rgyud dang man ngag ji bzhin du:__rnal 'byor ldan pas bsgrub bya ste:__de yang sgrub pa chen po dang :__'brel na mchog tu 'gyur ba ste:__phrin las rim pa mdo tsam ni:__rgyud las ji ltar 'byung ba bzhin:__bsnyen rdzogs rtogs ldan ston pa dang :__dad brtson brtul zhugs ldan pa'i 'khor:__gnas dus yo byad phun tshogs pas:__sa bzhi las su rung ba na:__phyi nang gsang ba'i mtshams bcad cing :__bdag nyid he ru kar gsal ba'i:__thugs nas 'phros pa'i 'od zer gyis:__zhi khro bka' brgyad dkyil 'khor lha:__mdun gyi nam mkhar spyan drangs bsam:__oM:__zhi khro rab 'byams lha tshogs rnams:__sngon gyi thugs dam rjes dgongs la:__dkyil 'khor dgyes pa bskyed pa dang :__slob ma rnams la snying brtse bas:__gnas 'dir dpal chen he ru ka'i:__pho brang chen po 'debs 'tshal na:__thugs rjes dgongs te gnang ba dang :__snod bcud byin gyis brlab mdzad gsol:__lan gsum gsol btab rab dgyes pas:__rdo rje slob dpon snying rje che:__khyod kyis rang gzhan phan gdags phyir:__sgrub pa'i cho ga tshul bzhin gyis:__bde gshegs rgyal bas byin rlob 'gyur:__gnang ba stsal nas 'od du zhu:__bdag dang gnas la thim pa yis:__tha mal snang zhen rab sbyangs te:__ye shes chen pos byin rlabs bsam:__de nas stegs bur chag chag gdab:__thig dang tshon gyis dkyil 'khor bri:__yang na tshom bus mtshon pa yi:__dmigs rten phyag rgya ci rigs dgram:__bum pa bsgrub cing slob ma rnams:__dbang bskur phyir du lhag par gnas:__sgrub pa po rnams gral la dgod:__mnga' gsol rtags kyi phyag rgyas gdab:__khyad par bsgrub bya'i rten rdzas ni:__gtso mchog thod pa'i phyag rgya sku:__leb rgan dmar po'i sngags byang gsung :__'bar ba'i gnam lcags rdo rje thugs:__gsang bum bdud rtsi yon tan dang :__phur pa phrin las rten du dgod:__de yang rten gyi gegs bsal phyir:__dbus dang phyogs bzhi brtan par bzhugs:__hU~M:__bde bshegs khrag 'thung rab 'byams kyi:__rdo rje'i sku ni mkha' dang mnyam:__phyag rgya'i rten dang dbyer med bzhugs:__sku yi byin rlabs dngos grub stsol:__sngags mthar kA ya dz+nyA na sa ma ya s+t+wa~M:__hU~M hU~M hU~M:__hU~M:__bde gshegs khrag 'thung rab 'byams kyi:__rdo rje'i gsung ni mi shigs sgra:__sngags kyi rten dang dbyer med bzhugs:__gsung gi byin rlabs dngos grub stsol:__wA ka dz+nyA na sa ma ya s+t+waMH__hU~M hU~M hU~M:__hU~M:__bde gshegs khrag 'thung rab 'byams kyi:__rdo rje'i thugs ni 'od gsal dbyings:__phyag mtshan rten dang dbyer med bzhugs:__thugs kyi byin rlabs dngos grub stsol:__tsit+ta dz+nyA na sa ma ya s+t+wa~M:__hU~M hU~M hU~M:__hU~M:__bde gshegs khrag 'thung rab 'byams kyi:__rdo rje'i yon tan lhun gyis grub:__bdud rtsi'i rten dang dbyer med bzhugs:__yon tan byin rlabs dngos grub stsol:__gu Na dz+nyA na sa ma ya s+t+wa~M:__hU~M hU~M hU~M:__hU~M:__bde gshegs khrag 'thung rab 'byams kyi:__rdo rje'i phrin las thogs med khyab:__phur bu'i rten dang dbyer med bzhugs:__phrin las byin rlabs dngos grub stsol:__karma dz+nyA na sa ma ya s+t+waM:__hU~M hU~M hU~M:__gzhan yang longs spyod mchod tshogs dgram:__b+han+d+ha sdong bu dgu ldan pa'i:__zhun chen mar me mdun du dgod:__hU~M:__chos nyid gcig las rig rtsal dgu:__gzi brjid sgron me 'od gsal ba:__dpal chen klong dgu'i rten du bzhugs:__ye shes byin rlabs dngos grub stsol:__dI paM dz+nyA na d+hA tu sa ma ya s+t+wa~M:__hU~M hU~M hU~M:__de ltar bag dro brjid ldan bsham:__ye shes gzi byin lhag par dbab:__bdag dang mdun rten dbyer med bskyed:__dzaba? skul dang bcas bzlas pa bya:__thun bzhir lha sngags rgyun mi bcad:__gtor ma tshogs mchod rgya chen dbul:__nyul le'i bgegs dpung tshar thag bcad:__slar yang ye shes dbab cing brtan:__g.yeng spang rtse gcig brtson pa las:__dngos nyams rmi lam rtags mthong tshe:__bdag don mchog thun dngos grub blang :__de la mchog dngos blang ba ni:__phrin las bzhin du spyir bskul la:__sku gsum thugs yon phrin las dang :__ye shes rten la dgod tshig mthar:__sid+d+hi pha la btags pas blang :__thun mong dbang bcu'i dngos grub ni:__tshe 'brang tshe yi rdzas rnams dang :__tshogs dang dza gad sogs las blang :__gzhan don snod ldan slob ma rnams:__dkyil 'khor gzhug cing dbang bzhi bskur:__gnyis don bskul zhing gtor ma bskyang :__las mjug rdo rje'i bro yis bsdu:__rjes kyi cho ga spyi dang ni:__sgrub rdzas cha gsum bgos nas kyang :__phyag rgya la sogs rten dang ni:__cha gcig ston 'khor rnams kyis bzung :__cha gcig zhi rgyas me la sbyang :__cha gcig rin chen gter du sba:__rdul tshon chu bo chen por gshegs:__mtshams dgrol bsngo smon shis brjod spel:__de ltar 'bad pas brtson 'grus dang :__ting 'dzin skal pa'i khyad par bzhin:__rab kyis rig 'dzin mchog dngos 'grub:__'bring gis sngags kyi drod tshad 'thob:__gzhan du phrin las ci rigs 'grub:__mdor na 'brel tshad don ldan pa:__sgrub pa chen po'i phrin las so:__de dang rjes su 'brel ba yi:__rdo rje tshe yi cho ga ni:__tshe bca' tshe yi gzi byin bskyed:__tshul bzhin bsgrubs dang bzlas pa yis:__dkyil 'khor lha tshogs 'bar ba'i 'od:__pho nya dang bcas phyogs bcur khyab:__rang gzhan bla tshe 'phrog nyams dang :__snod bcud srid zhi'i dwangs ma kun:__'chi med bdud rtsi'i rnam par drangs:__bdag la thim pas rig 'dzin grub:__rdzas la thim pas bcud du 'dril:__mched la thim pas nyams chags dag:__khyab bdag rtag pa he ru ka'i:__tshe dang ye shes rgyas par bsam:__zhi khro spyi dril sngags kyi mthar:__oM b+h+rU~M badz+ra A yu She swA hA:__zhes btags bzlas pas nus ldan bsgrub:__thun mtshams thugs dam bskul ba ni:__sbyar ba'i spos bsregs tshe mda' g.yab:__hU~M:__ye shes klong dgu'i dkyil 'khor lha:__thugs dam chen po'i dus la bab:__tshe 'gugs rdo rje'i pho nya mo:__'khor 'das khams kun khyab par spros:__sde brgyad 'byung po'i tshogs rnams kyis:__bla tshe 'phrog pa rang sor tshud:__snod kyi 'byung bzhi'i dpal dang g.yang :__dwangs ma gzi brjid rten la stims:__bcud kyi skye 'gro'i tshe bsod stobs:__brten pa sems dang dbyer med sres:__rtsa gsum rgyal ba'i thugs rje'i dbyig:__ye shes dbyings kyi thig ler sdus:__mi 'gyur mi shigs rtag pa yi:__dngos grub dam pa stsal du gsol:__zhes bskul rtags mthong dngos grub blang :__hU~M:__tshe yi dngos grub rgyud gsum po:__tshe srog tsit+ta'i thig ler stims:__mi phyed sku gsung thugs rdo rje'i:__dbang dang byin rlabs dngos grub stsol:__kA ya wA ka tsit+ta A yudz+nyA na sid+d+hi hU~M b+h+rU~M:__tshe yi 'brang rgyas spyi bor blang :__bza' btung bdud rtsi longs spyod bya:__mthar ni tshe yis lus gang nas:__mi 'gyur rtag pa'i sku thob bsam:__hU~M:__tshe bcud snying dbus rten la thim:__rig 'dzin tshe yi dngos grub thob:__ye shes rdo rje'i phyag rgya yis:__rtag pa dam par rgyas gdab bo:__dz+nyA na badz+ra rak+Sha rak+Sha b+h+rU~M:__de ltar nyams su blangs pa yis:__dus min 'chi ba'i bar chad zhi:__dpal chen rdo rje he ru ka'i:__tshe dang lang tsho thob par 'gyur:__nyams chags bshags shing skong ba ni:__phyi nang mchod tshogs ci 'byor bsham:__khyad par sman gtor rak+ta dang :__gsal ba'i mar me brgya rtsa sbar:__tshogs rten bzhugs dang spyan drangs par:__lus kyis dam bshags brkyang phyag 'tshal:__ngag gis yi ge brgya pa bzlas:__ltung ba'i ming nas mthol zhing bshags:__yid kyis klong bshags dgongs pa bskyang :__sman gtor rak+ta mar mes bskang :__gsang chen rdo rje'i rigs gcig tu:__smon lam dag pas mtshams sbyar na:__tshom bu dang bcas dag cing grol:__dngos grub bam gyis sgrub pa ni:__brtul zhugs zil ldan rnal 'byor pas:__bkra shis gtsang ma'i bam btsal la:__ke'u seng rdo rje'i 'gros dang bcas:__hU~M:__chen sngags kyi sgra bsgrags blang :__bgegs bcom rdo rje'i bro yis gdul:__dag par bkrus shing gnas nas drang :__dbang bskur dkyil 'khor dbus su bzhag:__che mchog lus dkyil lhar bcas bskyed:__'od zer spro bsdus dngos grub kun:__rten der dgug cing rang la bsdu:__spyi sngags sham bur 'di gdags bsnyen:__s+pha ra Na phaT:__ma hA sarba sid+d+hi ti ra sid+d+hi pha la hoHsaM ha ra Na hU~M A:__skabs su mchod bstod bshags skong bya:__mthar ni lha tshogs rang la bstim:__snyigs ma'i rten la dgra bgegs dgug:__kha sbyor dbye zhing rgyab nas bsil:__dkyil 'khor dbus dang phyogs mtshams dgod:__mdun bskyed dkyil 'khor tshul bzhin bsgrub:__bam skong mchod pa rgyas par bya:__lha tshogs sha khrag rus pas dgyes:__snyoms par zhugs pa'i byang chub sems:__dngos grub kun gyi dbyig chen po:__bam gyi cha shas rnams la thim:__ro bcud byin rlabs nus ldan bsam:__rang nyid he ru ka dpal kyi:__brtul zhugs brtan pos rol zhing sbyin:__nyams chags dag cing dngos grub thob:__bde gshegs khrag 'thung lha tshogs dang :__brtul zhugs skal pa mnyam par mos:__smon lam gdab cing shis pa brjod:__des ni nyams chags rab tu dag:__mchog thun dngos grub myur 'thob 'gyur:__dam rdzas cha shas ma nyams pa:__'du ba gang la gang bsngags pa'i:__sman dang sbyar nas ril bur bya:__nus pa 'bum du bskyed pa yis:__nad kyi khrong khyer stong par byed:__bde chen bdud rtsi'i sgrub pa ni:__mchog tu sha lnga bdud rtsi lnga:__phal pa rtsa ba yan lag sman:__khrol bur sbyangs shing phye mar btags:__chang chu 'o ma rin chen dang :__phabs sbyor sbol te dal dbus su:__chas su gzhug cing brtan par bzhag:__drod 'bebs tshil chen mar me sbar:__dkyil 'khor mdun du zhal bsgyur zhing :__sbyor thabs brgyad kyis bde chen dbab:__ra sa yA na'i rgya mtshor bskyil:__bzlas sgom ting 'dzin rtse gcig bsgrub:__rtags mthong rang nyid dngos grub blang :__slob ma la yang sbyin par bya:__'dis ni thun mong dngos grub dang :__mchog tu mi 'gyur bde chen 'grub:__mthong thos myang tshor 'brel tshad kun:__he ru ka dpal dngos grub 'thob:__bla med mchog gi las sbyor te:__rnal 'byor ldan pas brtson par gyis:__bar chad kun sel mdos skong ni:__ri rab gling bzhi snod bcud kyi:__bkod pa rab rdzogs dpal gtor dang :__bshos bu dkar dmar rgyan ldan bsham:__bla na gdugs chen nam mkha' bre:__g.yas g.yon mda' 'phang pho mo'i gdong :__gsal shing rgyang bu shing ris 'dzug:__srog chags rnam pa du ma'i gzugs:__sku glud dkor chas phyug pa sogs:__yid 'phrog rgyan ldan mchod tshogs dgram:__las kyi gzhung bsrangs nga rgyal bskyed:__snod bcud byin brlab mdos rten gsal:__spyan drangs bzhugs gsol mchod bstod bzlas:__ye shes pa rnams dbyings su bskang :__'jig rten 'byung po rdzas kyis brngan:__bgegs rigs lan chags tshim par bsngo:__las kyi kha sgyur gzer khas gdab:__zor du 'phang ngam rang bzhin gtong :__'byung ba bzhi yi dbyings su sbyang :__tshe 'gugs smon lam bkra shis sogs:__rjes kyi las rim mthar dbyung ngo :__des ni ye shes dgyes pa bskyed:__'jig rten lha srung 'khrugs pa zhi:__dam skong rkyen zlog las kun 'grub:__thun mong phrin las mchog yin no:__gzhan yang rten la rab gnas kyi:__'jig rten khams su dge legs spel:__tshe 'das gnas nas rim par drang :__rig 'dzin gral du dbugs chen dbyung :__zhi rgyas dbang drag thab khung du:__las dang mthun pa'i me sbar la:__lha bskyed bsreg bya'i rdzas phul bas:__phrin las thams cad myur du 'grub:__de sogs las kyi bye brag kun:__rgyud dang man ngag bzhin bsgrub na:__rang dang gzhan don phan pa che'i:__dngos grub ya mtshan chen por 'gyur:__sa ma ya:__gnyis pa bzlas pa'i las rim la:__bsnyen dang sgrub dang las la sbyar:__dang po bsnyen pa'i dgongs pa ni:__hU~M:__dbu rgyan kun bzang rigs lnga'i 'khor:__zhi ba rdo rje dbyings kyi lha:__cir yang 'char ba'i gtso rnams kyi:__thugs kar pad zlar hU~M yig mthar:__sngags 'phreng 'khor las bar med byung :__yab yum zhal zhugs gsang bar 'khor:__'odakyis 'phags mchod 'gro sgrib sbyangs:__bde gshegs zhi khro'i gsang gsum byin:__bdag thim byin rlabs nus stobs 'bar:__slar yang snod bcud dkyil 'khor ba'i:__sku gsung thugs kyi ngo bor bsam:__oM AHhU~M bo d+hi tsit+ta ma hA su kha dz+nyA na d+hA tu AH__'bum phrag gsum gyis dngos grub thob:__gnyis pa sgrub pa'i dgongs pa ni:__hU~M:__dpal chen gtso dgu'i thugs ka ru:__pad nyir rdo rje rtse lnga'i sbub:__sngags phreng sgrar bcas 'khod pa las:__'bar ba'i yi ge'i phreng ba byung :__yab yum zhal dang zhal nas brgyud:__gsang ba'i pad+mor bar med 'khor:__bde chen gzi byin rab 'bar ba'i:__'od kyis 'khor 'das khams kun khyab:__bde gshegs zhi khro mchod pas mnyes:__khams gsum nyon mongs dug chen sbyangs:__tshur 'dus bdag dang gnyis med thim:__khrag 'thung rab 'byams byin nus rdzogs:__slar 'phros tha mal snang zhen sbyangs:__lha sngags chos sku'i phyag rgyar rdzogs:__dpal gyi sku gsung thugs su smin:__dngos grub rnam gnyis 'grub par bsam:__oM ru lu ru lu hU~M b+h+yo hU~M sarba duSh+tAn ta ka ha na da ha pa tsa hU~M phaTaH__dril sgrub sngags kyi rgyal po 'di:__'bum phrag bzhi yis mchog thun 'grub:__spro na bye brag bzlas pa ni:__ting 'dzin gong bzhin gsal btab la:__bskyed pa'i sngags rnams 'bum phrag bzlas:__so so'i nus rtsal rab rdzogs byed:__khyad par tshogs sgrub sogs kyi skabs:__so sor bskul zhing bzlas pa bya:__hU~M:__dbus nas rang byung grub pa'i lha:__che mchog yon tan lha tshogs rnams:__sku ni snang stong gzi byin 'bar:__gsung gis grags stong sngags sgra sgrogs:__thugs mchog rig stong srog ldan pa:__bsnyen sgrub dzaba? kyis thugs dam bskul:__ma grub bar tu mi btang na:__ma g.yel thugs rje'i dpung bskyed la:__bzlas pa'i phrin las g.yel med pas:__las bzhi grub pa chen po brgyad:__rig 'dzin mchog gi dngos grub rnams:__da lta nyid du 'grub mdzad gsol:__zhes bskul bzlas brjod ting 'dzin gsal:__stong stong tshigs su mchod bstod 'bul:__de ltar kha sgyur hU~M:__shar nas sogs dang :__yang dag thugs kyi lha tshogs rnams:__zhes sogs rim par bsgyur ro/__mchan/__so sor bsgrub:__dngos grub myur du 'grub par 'gyur:__gsum pa las la sbyar ba ni:__thun mong khyad par rnam pa gnyis:__dang po thun mong las sbyar phyir:__dgongs pa gsal zhing drag sngags bzla:__hU~M:__'bar ba'i dkyil 'khor lha tshogs kyis:__zhal nas drag sngags 'brug ltar bsgrags:__gang 'dul 'od zer mkha' khyab 'phros:__nad gdon zhi zhing ye shes rgyas:__rlung sems snang ba dbang du bsdus:__khyad par gdug cing gtum pa yi:__dgra bgegs 'byung po dregs pa'i tshogs:__srung dang dgug bskrad bsad pa sogs:__gzir mnan stobs 'phrog nus pa bcom:__ldang med e yi dbyings su mnan:__sngags kyi chu bos rgyang ring khyer:__rdo rje me yis gzhob tu bsregs:__stobs chen rlung gis pha mthar bskrad:__ming gi lhag ma med par bsam:__oM badz+ra ma hA kro d+ha pad+ma kro d+hI shwa rI badz+ra kI li kI la ya ma hA yak+Sha kA la rU pa karma ra~M ra~M dz+wa la raM hU~M phaT:__brag kha dag nas chu 'bab bzhin:__bar med khri phrag bzhi bzlas pas:__ji ltar smros pa'i las kun 'grub:__khyad par mngon spyod gzer kha'i las:__phrin las sgrub pa bzhin du bya:__sa ma ya:__de ltar bkod pa'i bzlas pa la:__sems bzung sngags kyi gsal snang bsgrub:__bde chen 'khor ba'i ting 'dzin gyis:__bzlas pa sngags kyi gzer gdab cing :__'phro 'du 'phro 'du chen po yis:__dag pa rab 'byams gzer btab pas:__tha mal sgrar snang sngags su dag:__dngos grub rnam gnyis nyer rgyur smin:__ngag la nus pa'i rtsal rdzogs pas:__gsung gi rnal 'byor grub pa'o:__sa ma ya:__gsum pa rdzogs pa'i sgrub thabs ni:__sngags sems sgyu lus 'od gsal dang :__zung du 'jug pa'i rim lnga yis:__slob dang mi slob 'od gsal 'thob:__de la dang po sngags rim ni:__rim pa dang po la brten nas:__'di ltar snang tsam lha yi skur:__rang shar lus dben la gnas pas:__lus bsrang rlung gi dug dbyung ste:__rang lus yi dam lha yi sku:__snang stong chu zla lta bu yi:__sku dbus rtsa gsum 'khor lo bzhi:__dwangs shing gsal la rnyog med bsgom:__de nas rlung gsal dal bar bzhag:__nang du 'jug tshe a~M gyi gdangs:__sna yi sgo nas ro rkyang brgyud:__dbu ma'i nang gzhug gnas pa'i tshe:__AHyi gdangs la yun bsrings bzung :__ldang ba hU~M zhes nar gyis 'phang :__de ltar yang yang goms pa las:__rlung gi grangs dang kha dog dang :__reg bya gsal ba'i rtags mthong zhing :__sgra mtha' nA da mi shigs pa'i:__gsal stong ting 'dzin skye bar 'gyur:__bogs 'don steng 'og kha sbyar bskyil:__gzhil te mi thub lhag med btang :__de goms tsaN+Di 'bar 'dzag bsgom:__lus gnad thab mgal drug chings bya:__rlung gi rkyen gyis bskul ba las:__lte bar raM yig gnam zhal ma'i:__nA da me lce phra bar 'bar:__'khor lo'i gnas nas 'khyug cing zhugs:__lus kyang lcags gong mer bsregs mdog:__phyi nang tsha drod 'bar bar bsam:__kha sbyor rlung bzung 'bar snang brtan:__de las rtsol med drod thob na:__spyi bo'i haM yig he ru ka'i:__nA da bzhos pa'i bde chen rgyun:__spyi mgrin snying lter rim gyis drangs:__dga' bzhi'i ye shes skyes par bsam:__mi rtog ka dag ngang du bzhag:__de yis drod dang bde bas thabs:__byas te rlung zin rtog med ngang :__tha mal ngag rlung dben pa thob:__gnyis pa sems la dmigs pa ni:__snying ga'i rtsa 'dab brgyad kyi dbus:__d+hU ti'i snying por a yig dkar:__de phyir dbyangs dang gsal byed kyi:__yi ge phyi nang gnyis rim dgod:__dngul dkar lugs su blugs ltar bsam:__snying ga'i bum can sbyor ba bcas:__thog mar gsal byed so gnyis la:__sems bzung snang ba'i ye shes bskyed:__dbyangs yig bcu drug sems bzung bas:__snang ba mched pa'i ye shes 'char:__mthar ni a la sems bzung bas:__nyer thob ye shes mngon gyur nas:__yid kyi rtog pas dben pa 'grub:__gsum pa sgyu ma'i rim pa ni:__snying nang a las 'od 'phros pas:__rang lus sgrib dag ye shes sku:__rdo rje sems dpa'i phyag rgya ni:__chu zla 'ja' tshon lta bur brtag:__sems zin spyi bo'i 'khor lo'i dbus:__a dkar las byung 'od zer gyis:__rang dang snang ba thams cad kun:__sgyu ma chu zla lta bu yi:__dag pa rab 'byams rtse gcig bsgom:__zhen pa spang zhing bogs dbyung phyir:__spyi bo'i bum can sbyor ba bya:__mi rtog ngang du cham mer bzhag:__mi phod brdzi sogs brtul zhugs spyad:__rlung sems sgyu ma lta bu yi:__phyag rgya'i ye shes 'grub par 'gyur:__rmi lam sgyu ma lam khyer phyir:__mgrin pa'i 'khor lo'i dbus su a:__gsal btab bum can sbyor ba 'ching :__de la rlung sems bsdus nas kyang :__sems bzung rmi lam nyid du bsam:__'dzin pa'i 'dun pas mtshams sbyar la:__rtog med ngang du gnyid log pa:__rmi lam nam 'dod zin pa na:__sgyu ma'i skur ldang dbyings su bstim:__bsdu ldang sprul sgyur rtsal 'byongs nas:__sgyu ma lta bu'i rnam par thar:__nyin dang mtshan du brtan par 'gyur:__bzhi pa 'od gsal rim pa ni:__rang nyid gzhi lus lhar gsal ba'i:__snying dbus d+hu ti'i sbubs su AH__dkar gsal 'od zer lnga ldan gyi:__gong bu sran ma tsam du bsgom:__sems gzung bum can sbyor ba 'ching :__gsal snang skyes nas mi rtog bsre:__rang bzhin 'od gsal ngang du bzhag:__mthar ni de las 'od 'phros pas:__snod bcud thams cad mer mer g.yos:__smig rgyu bzhin yal a la thim:__a ni skye ba med pa la:__sems bzung snang ba mched dang thob:__'od gsal sems nyid a la thim:__de yang mi dmigs gnyug mar bzhag:__goms nas gnyid dus gong ltar bsgom:__rtog med 'od gsal ngang du nyal:__nyin dang mtshan dus nyams rtogs kyi:__'od gsal 'char zhing brtan pa yis:__dgongs pa'i gdings chen thob par 'gyur:__bogs 'byin yid dang dngos rig la:__snyoms par zhugs pa'i thabs mkhas kyi:__bde rlung sems gsum thim pa las:__mi rtog 'od gsal btsan thabs 'byung :__lnga pa zung 'jug rim pa ni:__stong par bsdu zhing snang bar ldang :__ting 'dzin rtsal sbyang zhen med bskyang :__rnam pa lha sku sgyu ma dang :__ngo bo rtog med 'od gsal ba:__bcos min ngang gis zung du 'jug:__lta ba ka dag gdod ma'i babs:__sgom pa snang stong gnyug mar bskyang :__spyod pa tshogs drug lhug par spyad:__'bras bu dpal chen he ru ka:__zung 'jug shin tu rnam dag pa'i:__go 'phang mchog la dbugs 'byin 'gyur:__de lta bu yi grub pa'i mtha':__tshe 'dir mngon du ma gyur na:__'chi kha'i mtshams sbyor 'pho ba ni:__rab kyis 'od gsal chos skur 'pho:__'bring gis sgyu ma longs skur 'pho:__tha mas dmigs par bcas pa yis:__sprul sku'i zhing du dbugs 'byin phyir:__rang lus rtsa yi stong rar bcas:__dwangs gsal rnyog pa med par bsgom:__d+hU ti'i tshangs bug zang thal le:__mar sne lte 'og phug rdugs 'khyil:__snying gar tshigs kyis bkag pa'i steng :__rlung dkyil a yig gong ltar gsal:__rlung sems bsdu zhing nyams skyes na:__spyi bor bla ma dpal chen po:__dpa' bo mkha' 'gro'i tshogs bcas dmigs:__gdung shugs drag pos gsol ba gdab:__lus gnad bcos te thur sel drang :__srog phyir 'phul dang lhan cig par:__hika gis rlung sems glog 'khyug ltar:__dpal chen thugs bstims gnyug mar bzhag:__slar yang ka zhes rang gnas dbab:__de ltar bsgom zhing thun gyi mthar:__bla ma 'khor bcas rang la bstim:__snying ga'i a dang dbyer med bsam:__tshangs bug sna tshogs rdo rjes bkag:__bum pa can gyi sbyor bas brtan:__yongs su bsngo dang smon lam gdab:__spyi bo za zhing skrangs pa dang :__tshangs bug bye sogs rtag mthong nas:__'chi khar las sbyar tsam gyis 'grub:__de yang rlung sems he ru ka'i:__thugs kar bstims nas 'og min gshegs:__yid la byar med 'od gsal ngang :__mkha' spyod la sogs rig 'dzin kyi:__zung 'jug sku 'grub rten de las:__lam gyi lhag ma bgrod de grol:__gal te 'pho ba ma thebs na:__srid pa bar do shar ba'i tshe:__gzugs kun lha yi phyag rgyar bsre:__snang stong zung 'jug dbyings su 'pho:__sgra skad sngags kyi rang sgrar bsre:__grags stong zung 'jug dbyings su 'pho:__rtog tshogs 'od gsal chen por bsre:__rig stong zung 'jug dbyings su 'pho:__de yang da ltar goms pa las:__bar dor dran pas sleb pa'am:__rjes mthun zung 'jug go 'phang 'grub:__yang na brgyud nas byang chub 'thob:__de lta'i gsang mchog rgyud sde'i bcud:__rmad byung lam 'di nyams len pa'i:__ma 'ongs skal ldan skyes bu rnams:__rim gyis 'khrid pa'i rim pa ni:__mtshan nyid ldan pa'i slob dpon gyis:__dad brtson brtul zhugs slob ma la:__grub pa'i gnas su yo byad bsag:__dbang bskur dam tshig lhag par dbog:__de nas dben par bya ba btang :__mi rtag nges 'byung byang sems sbyang :__skyabs sems sbyang bsag nan tan bya:__khyad par bla ma'i rnal 'byor bsgom:__tshad bzung med pa'i mos gus bskyed:__gdung shugs drag pos gsol ba gdab:__dbang bzhi blang zhing thugs yid bsre:__de nas thog mar bskyed pa'i rim:__phyi ltar gsal brtan dag pa dran:__yul gsum gsal ba'i ting 'dzin bsgrub:__bsnyen sgrub las gsum mthar phyin bya:__nang ltar lus kyi dkyil 'khor ni:__rang nyid dpal chen he ru ka:__phyag rgya gcig pa'i skur gsal ba'i:__phyi dbyibs lus ni gzhal med khang :__nang gi rtsa rlung thig le'i khams:__sems dang dbyer med dkyil 'khor te:__spyi gtsug bla ma rdo rje chos:__gnas lngar gshin rje rta mchog dpal:__yang dag che mchog kI la ya:__nor bu bla med brla g.yas g.yon:__dregs pa drag sngags lha tshogs gsal:__thugs srog hU~M la sems bzung bzla:__tha mal snang zhen lha skur brtag:__cir snang sgyu ma lta bu'i lha:__snang srid gzhir gzhengs lus dben 'grub:__de ltar sngon tu legs song nas:__dngos gzhir sngags kyi rim pa sogs:__ji skad bshad pa de bzhin du:__nges rdzogs tshul du nyams su blang :__mos pas stan gcig bsgom kyang rung :__rjes ni thun mthar dge tshogs bsngo:__zung 'jug 'grub pa'i smon lam gdab:__thun mtshams dngos gzhi'i nyams myong bskyang :__gegs sel bogs 'don thabs dang bcas:__rtse gcig nyams su blangs pa las:__bskyed pas sngags kyi tshogs lam bgrod:__dben pa gsum gyis drod rtse dang :__sgyu mas bzod chos mthar phyin nas:__sku dang ye shes dbyer med pa'i:__go 'phang mchog tu 'grub par 'gyur:__mdor na gsang chen bla med kyi:__snying po ngo mtshar rmad byung ba:__ma byung 'byung bar dka' ba'i chos:__bde gshegs yongs kyi bgrod gcig lam:__rgyud lung man ngag thams cad kyi:__'o ma'i yang bcud zhun mar ltar:__rim pa lnga dang dbang bzhi'i lam:__zab cing 'dril bar bshad pa 'di:__dbang rnon skal ldan rin po che'i:__rigs can rnams kyi spyod yul te:__bod kyi rnal 'byor thang stong par:__o rgyan pad+ma sam b+ha bas:__gdams pa'i snying po yang dag go:__sa ma ya:__bzhi pa yon tan dbang bskur ni:__rdo rje'i bla ma mtshan rdzogs kyis:__snod ldan slob ma rjes gzung phyir:__las su rung ba'i sgrub khang du:__lha dang bum pa sta gon dang :__slob ma lhag gnas cho gas bya:__de yang khrus byas bgegs bsal bsrung :__maN+Dal dang bcas gsol ba gdab:__bla ma gsang sngags che ba'i mchog:__khyab bdag rdo rje slob dpon gyis:__khrag 'thung rol pa'i dkyil 'khor cher:__bdag cag rjes su bzung mdzad gsol:__yan lag brgyad kyis rgyud sbyangs par:__sdom pa 'bogs pa'i cho ga brtsam:__hoH__bla ma rdo rje slob dpon dang :__bde gshegs zhi khro dgongs su gsol:__sems can kun gyi don bgyid phyir:__bdag ni gus pas skyabs su mchi:__so sor thar dang byang chub sems:__rig 'dzin sngags kyi 'dul ba spyi:__khyad par rtsa ba sku gsung thugs:__yan lag dam tshig nyi shu lnga:__sgrub pa lhag pa'i dam tshig rnams:__tshul bzhin bzung zhing bsrung bar bgyi:__gzhi lus rdo rje sems dpar bskyed:__sgo gsum byin rlabs mchod par bya:__lus rtsa'i dri ma sbyang ba dang :__dngos grub nges par brtag pa'i phyir:__rdo rje bzhad pas so shing dor:__oM badz+ra ha sa haM:__ngag dang rlung gi sgrib sbyangs shing :__rmi lam gsal phyir khyor chu ni:__mA ma kI yi sngags kyis sbyin:__oM baM badz+ra mA ma kI a mr-i ta bi sho d+ha ya hU~M:__yid dang thig le'i sgrib sbyang zhing :__rmi lam bar chad bsrung ba'i phyir:__sngags mdud dmar po tshad ldan pa:__rdo rje mche ba'i phyag rgyas bsang :__oM badz+ra yak+Sha hU~M:__rdo rje 'chang ba'i sngags kyis bcing :__oM badz+ra b+han+d+ha baM:__rdo rje srung bas rgyas gdab bo:__oM badz+ra rak+ShA haM:__kun gzhi ye shes sgrib sbyang zhing :__sngas dang stan phyir ku sha sbyin:__mi g.yo mnyam pa'i sngags kyis brtan:__oM badz+ra a tsa la sa ma ya s+t+waM:__mi ldog phyir du chos bshad cing :__rmi lam brtag par gdams nas btang :__de nas dngos gzhi'i las rim ni:__sgrub pa'i dkyil 'khor tshul bzhin bzhengs:__dbang rdzas rab gnas ldan pa dkram:__bsnyen cing sgrub pas nus ldan bya:__tshogs dang gtor mas mchod cing bskang :__bdag nyid dam tshig gso ba'i phyir:__dbang bskur blang zhing gnang ba nod:__lhag par gnas pa'i slob ma rnams:__sgo drung dag pa'i khrus nas dbyung :__nang du zhugs la mtshams bcad cing :__gdong dgab me tog phreng ba gtad:__de nas gsol ba gdab pa'i phyir:__maN+Dal dang bcas thal mo sbyar:__khrag 'thung gtso bo khyod la 'dud:__dpal chen dkyil 'khor 'jug pa dang :__dbang dang byin rlabs las kyi rim:__thugs rjes dgongs te stsal du gsol:__zhes gsol de la slob dpon gyis:__bde gshegs zhi khro'i dkyil 'khor du:__'jug pa'i skal ldan shin tu dkon:__dad brtson brtul zhugs spyod nus na:__snying po'i dbang bskur sbyin par bya:__zhes dris de yi lan gsol ba:__bdag ni dngos grub mchog la dad:__rdo rje'i lam la brtson pa dang :__zab mo'i brtul zhugs spyod nus phyir:__nges par bka' drin bskyang bar 'tshal:__zhes zhus dam tshig bdud rtsi sbyin:__de ltar yin na he ru ka'i:__ye shes khyod la smin par bya:__dam tshig bdud rtsi 'di 'thungs la:__'da' dka'i g.yar dam tshul bzhin srungs:__oM badz+ra sa ma ya u da ka Tha:__des kyang rol zhing bro bor bya:__sa ma ya i daM na ra kan:___rgyud sbyang sdom gsum khas blangs bzung :__dzaHhUM baM hoHsa dkyil 'khor du:__dgug cing sgo bzhir 'jug phyag 'tshal:__slar yang shar sgor 'khod pa la:__rdo rje gnas gsum bzhag nas kyang :__sku gsung thugs kyi dam tshig sbyin:__oMH__bde gshegs khrag 'thung rab 'byams kyi:__sku yi dam tshig lus kyis srungs:__nyams pa thams cad yongs spangs nas:__snang stong phyag rgya 'grub par gyis:__kA ya sa ma ya rak+Shan+tu:__AH__bde gshegs khrag 'thung rab 'byams kyi:__gsung gi dam tshig ngag gis srungs:__nyams pa thams cad yongs spangs nas:__grags stong sngags su 'grub par gyis:__wA ka sa ma ya rak+Shan+tu:__hU~M:__bde gshegs khrag 'thung rab 'byams kyi:__thugs kyi dam tshig yid kyis srungs:__nyams pa thams cad yongs spangs nas:__rig stong zung 'jug grub par gyis:__tsit+ta sa ma ya rak+Shan+tu:__dam tshig de nyid mngon byed phyir:__ye shes dbab pa'i cho ga bya:__slob ma lus bsrang rlung bzung zhing :__yid ni rtog med ngang du bzhag:__slob dpon dpal chen he ru ka'i:__thugs srog hU~M las ye shes kyi:__'od zer me lce lta bur byung :__slob ma'i bdag rtog bag chags bsregs:__rnam shes dwangs ma hU~M du gyur:__bla ma'i zhal zhugs thugs kar zhu:__rdo rje'i lam nas yum gyi mkhar:__he ru ka zhal gcig phyag gnyis/__mchan/_yi skur gyur pa:__sbyor mtshams nas thon gdan steng du:__'khod pa'i gnas gsum 'bru gsum mtshan:__slob dpon dkyil 'khor lha tshogs kyi:__thugs ka'i 'od dang bde ba'i sgras:__mkha' khyab bde gshegs zhi khro'i tshogs:__sku gsung thugs kyi phyag rgyar sad:__rgya mtshor char cher babs ltar thim:__ye shes gzi byin 'bar bar bsam:__dgongs pa'i gding bskyed spos rol dang :__gdung ba'i glu yis thugs dam bskul:__sngags mthar rig pa btags la dbab:__dz+nyA na A be sha ya A be sha ya:__s+t+wa~M b+ha ya s+t+waM b+ha yaH__ra ra ra ra:__tsa lA ya tsa lA ya:__hU~M a ha dz+haiMH__drag tu bzlas pas pheb pa na:__tiSh+Tha badz+ra sa brtan par bsgrub:__'brel ba'i lha la me tog phul:__oM:__rin chen me tog yid 'phrog rdzas:__bde gshegs zhi khro'i dkyil 'khor lhar:__gus pas rigs kyi lha la 'bul:__thugs rjes dgongs te bzhes su gsol:__badz+ra paSh+pe pra twits+tsha ho:__me tog spyir bcing lhag lha bstim:__hU~M:__me tog cod pan brdas mtshon te:__lhag pa'i phyag rgya spyi bor bstim:__byang chub bar du mi 'bral bas:__dngos grub rnam gnyis thob par shog:__puSh+pe dz+nyA na sid+d+hi hU~M:__rigs dang mthun pa'i ming yang gdags:__ma rig ye shes thur mas bsal:__hoH__sngon gyi mig mkhan rgyal po yis:__'gro ba'i ling tog bsal ba ltar:__de bzhin khyod gyi ma rig mig:__rig pa ye shes thur mas dbye:__badz+ra dz+nyA na tsak+ShuHpra be sha ya phaT:__kye ho rdo rje'i slob ma mchog:__khyed rnams las sad skal bar ldan:__ye shes chen po'i spyan thob pas:__dpal gyi dkyil 'khor blta bar gyis:__he badz+ra maN+Da la pA sh+ya ho:__zhes bskul mtshon byed rtags kyi brdas:__mtshon bya don gyi dkyil 'khor bstan:__phyi nang gzhan gsum dbyer med pa:__mngon sum nyid du mthong bar bsam:__des ni lha dang skal mnyam pas:__ye shes smin pa'i snod du 'gyur:__zhugs pa'i rdo rje'i dkyil 'khor cher:__dngos gzhir dbang bskur rim pa ni:__maN+Dal dang bcas gsol ba gdab:__byang chub rdo rje 'chang chen pos:__rgyal ba rigs lngar dbugs dbyung ltar:__bdag kyang yongs su smin bya'i phyir:__khyab bdag chen pos bka' drin stsol:__zhes zhu phan nus zab mo yi:__dbang rnams rim bzhin sbyin pa la:__thog mar phan pa'i dbang gi slad:__dbang lha spyan drangs mchod cing gsol:__slob ma rdo rje khrag 'thung bskyed:__mi bskyod bdud rtsi'i chu dbang bskur:__hU~M:__mi bskyod rgyal po de bzhin gshegs:__bdud rtsi chu yi dbang bskur bas:__rnam shes zhe sdang gnas dag nas:__rdo rje'i rigs su 'grub par shog:__badz+ra u da ka a b+hi Shiny+tsA mi:__slob ma rat+na khrag 'thung bskyed:__rin 'byung dbu rgyan spyi bor bcing :__hU~M:__'dod 'byung rgyal po de bzhin gshegs:__longs spyod dbu rgyan dbang bskur bas:__tshor ba nga rgyal gnas dag nas:__rin chen rigs su 'grub par shog:__rat+na mu ku Ta a b+hi Shiny+tsA mi:__slob ma pad+ma khrag 'thung bskyed:__thabs kyi rdo rje lag g.yas gtad:__hrIH__dpag med rgyal po de bzhin gshegs:__thabs kyi rdo rjes dbang bskur bas:__'du shes 'dod chags gnas dag nas:__pad+ma'i rigs su 'grub par shog:__badz+ra pad+ma a b+hi Shiny+tsA mi:__slob ma karma khrag 'thung bskyed:__shes rab dril bu lag g.yon gtad:__AH__don grub rgyal po de bzhin gshegs:__shes rab dril bus dbang bskur bas:__'du byed phrag dog gnas dag nas:__las kyi rigs su 'grub par shog:__badz+ra g+hAN+De a b+hi Shiny+tsA mi:__slob ma bud+d+ha khrag 'thung bskyed:__rdor dril lhan cig spyi bor 'khrol:__gsang ba'i ming gis bsnyad par bya:__oM:__snang mdzad rgyal po de bzhin gshegs:__rdo rje'i ming gis dbang bskur bas:__gzugs snang gti mug gnas dag nas:__bde gshegs rigs su 'grub par shog:__bud+d+ha badz+ra nA ma a b+hi Shiny+tsA mi:__dbang gi bdud rtsi spyi bor 'khyil:__bde gshegs rigs lngas dbu brgyan bsam:__dbang lha bstim zhing ye shes brtan:__mchod pas mnga' dbul shis pa brjod:__de ni phan dbang rnam lnga'o:__de nas nus pa'i dbang bskur la:__sku gsung thugs yon phrin las kyi:__rtsa ba'i dbang lngas nus byin skyed:__nyan sgom 'chad phrin bdag po che:__khyad par dbang lngas don gnyis spyod:__nyams skong dngos grub mngon spyod tshe:__'od gsal mar mes las kun 'grub:__de la dang po rtsa ba'i dbang :__thog mar gtso rnams phyag rgya thogs:__dbang gnas so sor bzhag cing bstim:__gtso 'khor yongs rdzogs dbang thob bsam:__spyi bo/ hU~M:__shin tu rnam dag ye shes sku:__bcom ldan rdo rje sems dpa' yi:__rigs kyi bu la dbang bskur bas:__zhi ba yongs rdzogs dbang thob shog:__oM bo d+hi tsit+ta ma hA su kha dz+nyA na d+hA tu A:__kA ya dz+nyA na a b+hi Shiny+tsa oM:__lte ba/ hU~M:___chos kyi dbyings kyi ye shes sku:__dkyil 'khor khyab bdag dpal chen pos:__rigs kyi bu la dbang bskur bas:__che mchog yongs rdzogs dbang thob shog:__oM badz+ra ma hA kro d+d+ha shrI he ru ka hU~M phaTaH__kA ya dz+nyA na a b+hi Shiny+tsa oM:__dpral ba hU~M:__mnyam pa nyid kyi ye shes sku:__'jam dpal ya mAn+ta ka yis:__rigs kyi bu la dbang bskur bas:__gshin rje yongs rdzogs dbang thob shog:__oM a kro te ka ya mAn+ta ka ha na ma tha b+hany+dza hU~M phaT:__kA ya dz+nyA na a b+hi Shiny+tsa oM:__mgrin pa/ hU~M:__so sor kun rtog ye shes sku:__dpal chen ha ya grI wa yis:__rigs kyi bu la dbang bskur bas:__rta mgrin yongs rdzogs dbang thob shog:__oM pad+mAn+ta kr-i ta badz+ra kro d+ha ha ya grI wa hU~M phaT:__kA ya dz+nyA na a b+hi Shiny+tsa oM:__snying ga hU~M:__me long lta bu'i ye shes sku:__bcom ldan badz+ra he ru kas:__rigs kyi bu la dbang bskur bas:__yang dag yongs rdzogs dbang thob shog:__oM ru lu ru lu hU~M b+h+yo hU~M phaT:__kA ya dz+nyA na a b+hI Shiny+tsa oM:__gsang ba/ hU~M:___bya ba nan tan ye shes sku:__phrin las badz+ra ki la yas:__rigs kyi bu la dbang bskur bas:__phur pa yongs rdzogs dbang thob shog:__oM badz+ra kI li kI la ya sarba big+h+nAn baM hU~M phaT:__kA ya dz+nyA na a b+hi Shiny+tsa oM:__nor bu/ hU~M:__klong du gyur pa'i ye shes sku:__bcom ldan bla med he ru kas:__rigs kyi bu la dbang bskur bas:__ma mo yongs rdzogs dbang thob shog:__oM gu h+ya dz+nyA na kro d+ha kro d+hI ma ma yo gi nI ru lu ru lu hU~M b+h+yo hU~M phaT:__kA ya dz+nyA na a b+hi Shiny+tsa oM:__spyi gtsug hU~M:__'da' dka' 'od gsal ye shes sku:__bla ma rdo rje chos chen pos:__rigs kyi bu la dbang bskur bas:__rig 'dzin yongs rdzogs dbang thob shog:__oM ma hA gu ru sarba sid+d+hi hU~M phaT:__kA ya dz+nyA na a b+hi Shiny+tsa oM:__brla g.yas/ hU~M:__dbyings su sgrol ba'i ye shes sku:__dpal chen dregs pa kun 'dul gyis:__rigs kyi bu la dbang bskur bas:__dregs pa yongs rdzogs dbang thob shog:__oM badz+ra tsaN+Da sarba duSh+tAn hU~M phaT:__kA ya dz+nyA na a b+hi Shiny+tsa oM:__brla g.yon/ hU~M:___mtha' grol gnyug ma'i ye shes sku:__dpal chen stobs ldan nag po yis:__rigs kyi bu la dbang bskur bas:__drag sngags yongs rdzogs dbang thob shog:__oM badz+ra sarba duSh+tAn hU~M phaT:__kA ya dz+nyA na a b+hi Shiny+tsa oM:__phrag pa gnyis/ hU~M:__thogs med rtsal chen ye shes sku:__rdo rje mkha' lding chen po yis:__rigs kyi bu la dbang bskur bas:__khyung chen yongs rdzogs dbang thob shog:__oM badz+ra ga ru Da he haM se tsa le tsa le hU~M phaT:__kA ya dz+nyA na a b+hi Shiny+tsa oM:__lag tu gtad/ hU~M:___'bar ba chen po'i ye shes sku:__gnyis med ma ning nag po yis:__rigs kyi bu la dbang bskur bas:__bka' sdod yongs rdzogs dbang thob shog:__oM shrI ma hA kA la ga Na gu h+ya hU~M phaT:__kA ya dz+nyA na a b+hi Shiny+tsa oM:__snod bcud lha dang gzhal yas su:__ngo sprad bskyed rim bsgom par gdams:__gsung ni sngags phreng spros la bstim:__dzaba? dgongs gsal btab bzlas lung sbyin:__sngags byang mgrin par bzhag__/AH__bde gshegs zhi khro'i lha tshogs kyi:__snying po lung gi dbang bskur bas:__bsnyen dang sgrub dang las sbyor gyi:__bzlas pas dngos grub mchog thob shog:__oM sarba ta thA ga ta shrI he ru ka wA kA dz+nyA na a b+hi Shiny+tsa a:__sgra kun bde gshegs zhi khro yi:__gsung du ngo sprad bzlas par gdams:__thugs ni gnyis med ye shes dbyings:__rdo rje'i rnam par spros la bstim:__rdo rje snying gar bzhag__/hU~M:__bde gshegs zhi khro yongs rdzogs kyi:__ye shes thugs kyis dbang bskur bas:__lha dang bdag nyid dbyer med pa'i:__dgongs pa mi 'gyur gding thob shog:__oM sarba ta thA ga ta shrI he ru ka tsit+ta dz+nyA na a b+hi Shiny+tsa hU~M:__rtog tshogs ye shes chen po ru:__ngo sprad dgongs pa bskyang bar gdams:__yon tan rnam grol nus bskyed phyir:__bdud rtsi'i pho brang spyi bor bzhag:__dpal chen gsang gsum byin rlabs bstim:__yon tan rnam grol nus pa bskyed:__swA:__snod ni rang byung gzhal med khang :__bcud ni zhi khro yongs rdzogs lhas:__rigs kyi bu la dbang bskur bas:__rnam grol yon tan dbang bsgyur shog:__oM badz+ra a mr-i ta hU~M hrIHThA:__gu Na dz+nyA na a b+hi Shiny+tsa swA:__dkyil 'khor 'od zhu bdud rtsir bsam:__phud kyis bla ma yi dam mchod:__bar pa rang gis myang zhing sbyin:__bya ba mthong thos myong reg kun:__yon tan rnam grol mchog la sbyar:__phrin las sgrub pa'i phur bu gtad:__hA:__bde gshegs zhi khro yongs rdzogs kyi:__'dul thabs rnam pa thams cad pas:__rigs kyi bu la dbang bskur bas:__thogs med phrin las kun 'grub shog:__oM sarba ta thA ga ta shrI he ru ka bi shwa karma a b+hi Shiny+tsa hA:__byed spyod phrin las rnam pa bzhis:__'gro ba 'dul ba rjes su gdams:__rang gzhan don gnyis bsgrub pa'i phyir:__nyan dbang pusti rna bar bzhag:__oM:__sgra gsal thig le'i dkyil 'khor du:__sngags rgyud rab 'byams dbang bskur bas:__gsang ba gsang chen bla med chos:__nyan cing 'dzin pa'i dbang thob shog:__oM sarba ta thA ga ta shrI he ru ka sarba d+harma a b+hi Shiny+tsa hrI:__sgom sgrub phreng ba lag tu gtad:__oM:__dran gsal thig le'i dkyil 'khor du:__thugs rje gzungs kyi dbang bskur bas:__bsnyen sgrub yan lag rnam pa bzhi:__sgom sgrub bzlas pa'i dbang thob shog:__oM sarba ta thA ga ta shrI he ru ka sarba b+hA wa a b+hi Shiny+tsa hoH__'chad pa chos dung ljags la bzhag:__oM:__smra byed thig le'i dkyil 'khor du:__'chad pa lung gi dbang bskur bas:__chos kyi dung ni bla med pas:__'grau 'dul mchog gi dbang thob shog:__oM sarba ta thA ga ta shrI he ru ka sarba b+hA Sha a b+hi Shiny+tsa hrI:__las dbang phyag shing lag tu gtad:__oM:__skyed byed thig le'i dkyil 'khor du:__rdo rje'i phyag shing dbang bskur bas:__sngags kyi spyod pa'i tshul chen po'i:__las rnams grub pa'i dbang thob shog:__oM sarba ta thA ga ta shrI he ru ka sarba karma a b+hi Shiny+tsa ho:__slob dpon mchog tu dbugs dbyung phyir:__bu rnams seng ge'i khri la bkod:__rin chen gdugs 'phan rgyal mtshan 'phyar:__lag tu rdo rje dril bu gtad:__oM AHhU~M:__sgo gsum thig le'i dkyil 'khor du:__thabs shes zung 'jug dbang bskur bas:__dkyil 'khor khyab bdag chen po dang :__dbyer med grub pa'i dbang thob shog:__oM sarba ta thA ga ta shrI he ru ka kA ya wA ka tsit+ta a b+hi Shiny+tsa oM AHhU~M:__mchod pas mnga' dbul bkra shis brjod:__nyams skong dngos grub dbang bskur phyir:__thog mar nyams chags zhi ba'i slad:__bshags dang skong ba'i cho ga'i mthar:__bdag mdun thugs nas 'od 'phros pas:__'og min zhing nas rdo rje sems:__bde gshegs rgyal ba'i 'khor dang bcas:__skad cig bar snang glog 'gyu ltar:__mdun gyi nam mkhar byon nas kyang :__nyams chags zhi ba'i dbang bskur bsam:__oM:__til gyi gang bu bzhin gang ba'i:__rgyal bas bum pa bzung nas ni:__'di nyid du ni blugs mdzad pas:__sdig ltung nyams chags dag par shog:__yi ge brgya pa'i mthar:__sarba pA paM kle sha ma la bi sho d+ha ya shIn+taM ku ru swA hA:__'thor dang nye reg khrus byas btung :__des na sdig ltung nyams chags skong :__'bras bu nad dang sdug bsngal zhi:__dngos grub dbang du bya ba'i phyir:__bam chen che mchog he ru ka:__lus dkyil lha dang bcas pa gsal:__spyi bor bzhag cing dngos grub bsdu:__hU~M:__bam chen brjid pa'i pho brang du:__khyab bdag khrag 'thung dkyil 'khor rdzogs:__rigs kyi bu la dbang bskur bas:__dngos grub mchog la dbang sgyur shog:__oM sarba ta thA ga ta shrI he ru ka ma hA ti ra maN+Da la sid+d+hi a b+hi Shiny+tsa hU~M:__bam gyi lha las 'od 'phros pas:__'khor 'das nus byin bsdus shing thim:__dgyes pas 'od zhu bdud rtsi dmar:__kha dog lnga ldan dbyig tu 'khyil:__lhar snang gsal brtan chen pos rol:__'jig rten 'jig rten 'das pa yi:__dngos grub ye shes dbang gyur bsam:__rjes 'brel tshogs dang dza gad sogs:__sgrub pa'i rdzas rnams sbyin par bya:__hoH__rdo rje'i slob ma rnams kyis rdo rje'i tshe gsol bas tshe'i dngos grub dbang du gyur cig:__thabs kyi mA~M sa gsol bas 'khor 'das kyi nus stobs dbang du gyur cig:__shes rab dza gad gsol bas bde ba chen po'i ye shes dbang du gyur cig:__zhal zas kyi bye brag mang po gsol bas zhi khro phrin las kyi dngos grub thams cad dbang du gyur cig:__'dod yon gyi rnam pa thams cad longs spyod pas 'khor 'das kyi legs tshogs thams cad dbang du gyur cig:__sarba karma wa shaM ma no ha ra sid+d+hi sid+d+hi hU~M:__mngon spyod drag pos byin bskyed phyir:__thog mar dregs pa'i mthu dbang ni:__dmar gtor gtso 'khor bris skus brgyan:__sha khrag ba liM du mas bskor:__de nyid dregs pa'i sde dpon dang :__sngags bdag bka' sdod 'khor bcas bsam:__phur pa 'dril zhing lta gdeng bskyed:__hU~M:__nga ni za byed chen po ste:__khams gsum ma lus bsgral ba dang :__gdug pa ma lus 'dul ba'i phyir:__dregs pa'i tshogs rnams bsgral bar bya:__e hur thum trig nan badz+ra kI la ya mA ra ya rbad nan:__de yis dug lnga'i phung po zhig:__chos kyi dbyings su bsgral ba las:__slar yang bdud rtsis gsos btab pas:__mthu rtsal thogs med dngos ltar bsam:__oM AHhU~M badz+ra a mr-i ta ho:__slob ma gsang bdag dregs 'dul gyi:__zhabs 'og drangs shing bran du gtad:__hU~M:__dregs pa'i sde dpon sum cu dang :__sngags bdag dregs chen bco brgyad sogs:__'jig rten dregs pa'i tshogs rnams kun:__dam ldan rdo rje'i rig pa 'dzin:__he ru ka yi gdung 'tshob pa'i:__bran dang khol po yang khol dang :__'bangs kyi tshul du bka' gtad na:__bde gshegs khrag 'thung rab 'byams dang :__rigs 'dzin brgyud par bcas pa yi:__dam las ma 'da' bka' bzhin sgrubs:__byin pa'i dgra bgegs sha khrag zo:__bcol ba'i mngon spyod las kun mdzod:__mthu dbang drag po'i stobs bskyed la:__byang chub lam gyi bar chad choms:__phrin las thams cad sgrub par gyis:__badz+ra sarba duSh+tAn big+h+nAn:__e hur thum mA ra ya rbad:__aHyaHmaHduHruHtsaHshaHnaHdza dzaH__pA shaM ku ru hU~M phaT:__badz+ra sa ma ya rak+Shan+tu:__dgra bgegs sha khrag gtor ma bsngo:__oM badz+ra sarba duSh+tAn sarba big+h+nAn sha trUn mA ra ya ma hA mAM sa rak+ta kiM ni ri ti ba liM ta khA hi:__hU~M:__dregs pa rgyud gsum 'khor dang bcas:__dam las ma 'da' rjes su dgongs:__rig 'dzin srung mar mnga' gsol na:__dkon mchog gsum gyi dbu 'phang bstod:__sangs rgyas bstan pa gnyan po srung :__rig 'dzin 'dus pa'i sku dgra sgrol:__mngon spyod phrin las mthar phyin pa'i:__las kyi 'bras bu mchis par mdzod:__ces bcol dregs tshogs slob ma la:__bdud rtsi sbyin nas dam bsre'o:__oM AHhU~M sarba sa ma ya a mr-i ta khA hi:__las kyi dngos gzhi bsgrub pa'i phyir:__drag po'i gdab phur lag tu gtad:__hU~M:__drag po las kyi phur pa la:__dpal chen khrag 'thung nus stobs rdzogs:__rigs kyi bu la dbang bskur bas:__mngon spyod las kun 'grub par shog:__oM sarba ta thA ga ta shrI he ru ka badz+ra kI la ya a b+hi Shiny+tsa hU~M:__rU par bskyed dgug bsgral bstab bya:__rab 'byams drag po'i las kun 'grub:__slar yang las drug rjes gnang phyir:__srung 'khor las phur thun rdzas dang :__ri rab me hom 'phang zor gtad:__hU~M:__slob ma dpal chen stobs ldan nag:__drag po'i sngags bdag chen po la:__phas rgol mi mthun kun bsrung phyir:__mi phyed rdo rje'i tsakra gtad:__khams gsum gdug pa bsgral ba'i phyir:__phur pa bsad pa'i mtshon rnon gtad:__'gal rkyen thams cad bzlog pa'i phyir:__nyungs kar la sogs thun rdzas gtad:__bar chad ldang med mnan pa'i phyir:__rdo rje ri rab lhun po gtad:__dgra bgegs rjes med bsreg pa'i phyir:__'bar ba zhal gyi me hom gtad:__'phang bas gdug can brlag pa'i phyir:__drag po zor gyi gtor ma gtad:__srung bsad zlog mnan sreg pa dang :__'phang pa'i las kun mthar phyin shog:__badz+ra rak+Sha mA ra pra t+yaM gi ra hU~M phaT:__badz+ra s+t+wam+b+ha da ha b+hin d+ha hU~M phaT:__las drug mthar phyin nus thob 'gyur:__mchog gi ye shes bskyed pa'i phyir:__sgrub rdzas mar me spyi bor bzhag:__hU~M:__bde gshegs zhi khro'i 'od gsal dbyings:__ye shes mar me dgu ru shar:__rigs kyi bu la dbang bskur bas:__rig 'dzin rol pa'i dbang thob shog:__oM sarba ta thA ga ta shrI he ru ka dz+nyA na dI pa a b+hi Shiny+tsa hU~M:__b+han+d+ha gcig tu zlum pa dbyings:__me dgus ye shes rig pa dgu:__rang shar zung 'jug brdas mtshon te:__mchog gi 'od gsal mngon gyur bsam:__gdung ba'i shugs bskyed smon lam gdab:__tshe dang ye shes rgyas pa'i phyir:__thugs dam bskul ba hU~M:__ye shes klong dgu sogs/_sngon 'gro bas:__tshe yi 'brang rgyas spyi bor bzhag:__dngos grub b+hU~M tshe yi dngos grub sogs/_dbang dang dam rdzas sbyin:__tshe bcud sba zhing rgyas gdab hUM/tshe bcud snying dbus sogs/_bo:__de rnams kun gyi brtan byed du:__slar yang rnam bum spyi bor bzhag:__hU~M:___bkra shis chen po'i bum pa ni:__dpal chen bzhugs pa'i pho brang ste:__rigs kyi bu la dbang bskur bas:__byin rlabs nus pa brtan par shog:__badz+ra ka la sha oM hU~M trA~M hrI:AHa b+hi Shiny+tsA mi:__su ra tA s+t+wa~M:__byang chub sems kyi chu rgyun gyis:__lus gang sgrib dag dbang bskur thob:__brtan cing nus pa mchog tu gyur:__chu zhabs spyi bor brtan pa la:__khrag 'thung rigs lngas dbu rgyan bsam:__lhag gnas mchod cing shis pa gsol:__de ltar phyi yi dkyil 'khor du:__sgrub pa'i rdzas la brten nas kyang :__bum pa'i dbang thob lus sgrib dag:__bskyed bzlas phrin las sgrub la dbang :__'bras bu sprul sku thob pa'o:__gsum pa zab mo'i dbang gsum ste:__dang po gsang ba'i dbang bskur ni:__slob mas maN+Dal gsol ba gdab:__dkyil 'khor chen po'i khyab bdag kye:__bum pa'i dbang bskur rtsal lags na:__byang chub sems kyi dkyil 'khor du:__gsang ba'i dbang bskur bka' drin gsol:__lan gsum zhu zhing mig dar 'ching :__bla ma he ru ka yab yum:__snyoms zhugs bde ba'i 'od dang sgras:__sangs rgyas thams cad zhal du zhugs:__thugs kar zhu ba'i byang chub sems:__yum gyi mkha' las sbyin bar bya:__A:__mu tig ltar dag byang chub sems:__chags med rak+ta lhan cig pa:__dkar dmar lhag pa'i byang chub sems:__bde gshegs khrag 'thung 'dus pa'i bcud:__sangs rgyas kun gyi dam tshig gis:__rigs kyi bu la dbang bskur bas:__rtsa khams rlung la nus pa smin:__gsang ba'i dbang mchog thob par shog:__oM sarba ta thA ga ta shrI he ru ka ma hA bo d+hi tsit+ta a b+hi Shiny+tsa A:__bus kyang rtog pa med sems kyis:__a ho ma hA su khas myang :__rtsa khams kun la thim pa yis:__gsal stong bde ba skyes par bsam:__nyams myong bskyang zhing mig dar 'grol:__byang chub sems kyi dkyil 'khor du:__zhu bde'i rdzas la brten nas kyang :__gsang ba'i dbang thob ngag sgrib dag:__rlung sems sgyu ma sgom la dbang :__'bras bu longs sku thob pa'o:__gnyis pa shes rab ye shes kyi:__dbang bskur ched du gsol ba gdab:__dga' chen ston pa mchog gcig pus:__gsang ba'i dbang bskur stsal lags na:__bde mchog gsang chen dkyil 'khor du:__shes rab ye shes dbang bskur stsol:__lan gsum gsol gdab mig dar 'ching :__mtshan ldan rig ma byin brlabs sbyin:__hU~M:__'di de sangs rgyas thams cad kyi:___bla med gsang ba'i yum mchog ste:__bde gshegs khrag 'thung za ma tog:__e yi cha byad bzang pos brgyan:__lhan cig skyes pa'i bde ster mas:__rigs kyi bu la dbang bskur bas:__lugs 'byung lugs ldog dga' bzhi smin:__shes rab ye shes dbang thob shog:__oM sarba ta thA ga ta shrI he ru ka ma hA mu drA a b+hi Shiny+tsa hU~M:__bus kyang 'du shes gsum ldan gyis:__snyoms zhugs lhan skyes dga' ba bskyed:__nyams myong bskyang zhing mig dar bsal:__phyag rgya'i b+ha ga'i dkyil 'khor du:__kha sbyor bde ba la brten nas:__gsum pa'i dbang thob yid sgrib dag:__'od gsal bde ba sgom la dbang :__'bras bu chos sku thob pa'o:__gsum pa don gyi dbang bskur slad:__mos gus lhur bskyed gsol ba gdab:__khyab bdag bde chen he ru kas:__gsum pa'i dbang bskur bka' drin thob:__da ni mthar thug don gyi dbang :__mngon sum ye shes ngo sprod gsol:__lan gsum gsol gdab lus gnad bsrang :__bla mas rang byung 'ja' shel bstan:__ho:__thog mtha' med pa'i byang chub sems:__rdo rje snying po mkha' ltar khyab:__ngo bo ka dag shel lta bu:__rang bzhin lhun grub 'ja' ltar snang :__dbyer med zung 'jug ye shes kyis:__rigs kyi bu la dbang bskur bas:__don gyi dpal chen mngon du gyur:__bzhi pa'i dbang mchog thob par shog:__oM sarba ta thA ga ta shrI he ru ka dz+nyA na d+hA tu a b+hi Shiny+tsa a a:__dbyings rig zung 'jug gnyug ma'i gshis:__bsam gyis mi khyab ngang bskyang ngo :__don dam byang sems dkyil 'khor du:__brda dang thabs la brten nas kyang :__bzhi pa'i dbang thob shes sgrib dag:__zung 'jug mthar thug sgom la dbang :__'bras bu bde chen sku 'grub shog:__de ltar phan nus zab dbang gis:__legs par smin la dbang gi srog:__dam tshig sdom pa'i rnam bzhag bstan:__bus kyang khas blang maN+Dal dang :__lus dang longs spyod ltos med 'bul:__dga' ston bya zhing smon lam gdab:__dkyil 'khor bsdu ba'i rim pa sogs:__rjes kyi bya ba mthar dbyung ngo :__slob dpon ma mnyes dbang ma rdzogs:__dam tshig dag par ma byas pas:__rig sngags bsgrub kyang log pa ste:__'bras bu med cing ngan song ltung :__dbang thob dam tshig dag pa'i bu:__rgyal ba rnams kyi sras su 'gyur:__rig 'dzin bla mas byin gyis rlob:__yi dam mkha' 'gros dngos grub ster:__chos skyong dregs pa bka' bzhin nyan:__mchog thun dngos grub myur du 'grub:__de phyir lam gyi rtsa ba ste:__rnal 'byor rnams kyis tshul bzhin spyod:__sa ma ya:__lnga pa mngon spyod phrin las gzer:__las drug sgo nas bsgrub pa ste:__rtsa ba srung zlog bsad pa dang :__mtha' sdud mnan sreg 'phang ba'o:__de la thog mar las dkyil ni:__las su rung ba'i sgrub khang du:__dur khrod sa la stegs bu bya:__ro sol byugs shing khrag gis gsher:__ma traM khog par e gru gsum:__mu khyud thod pa'i ra ba can:__de phyir mtshon 'khor rtsibs brgyad dang :__rdo rje'i ra ba me ris bskor:__dbus rtsibs hU~M yig rigs gyi mdog:__de steng drag po'i gtor snod du:__'bru nag dug khrag gtor zor dgu:__rigs bzhi'i 'khor dang bcas pa bya:__'khor gzhan mtheb kyu khrag kong dgod:__spro na khyung dang rgyal mtshan bsgreng :__steng du dar nag gur khang dbul:__sha khrag rus pa rtsangs phur dang :__mtshe nyungs la sogs brjid ldan par:__zlog 'khor rgyas bsdus ji rigs 'dzug:__srung ba'i 'khor lo'i bla re bre:__mdun du drag po'i nyer spyod dang :__sman gtor rak+ta tshogs mchod bsham:__de ltar spyod pa'i las rdzogs nas:__phrin las gzhung bsrang bzlas brjod kyis:__bsnyen pa kha gso nus ldan bsgrub:__zor dkyil lhag par gsal ba ni:__hU~M:__mdun dkyil ma tra~M gnod byed dgra bgegs gzugs:__khams gsum nyon mongs dug lnga'i phung po la:__mtshon cha'i char phab rten gyi khog pa zhig:__dur khrod rol pa'i pho brang chen por gyur:__b+hU~M ma tra~M ru dra maN+Da la phaT:__brjid ldan gtor ma khrag 'thung dpal chen dgu:__rig mdangs 'khor tshogs sprul pa yang sprul bcas:__khyung gi dbu brgyan ye shes me 'od 'khrugs:__bka' sdod pho nya'i dmag tshogs bsam mi khyab:__hU~M sarba he ru ka maN+Da la hU~M:__snod kyi 'jig rten dur khrod rol pa'i zhing :__bcud kyi dngos kun dpal chen khrag 'thung lha:__khros 'khrugs rngams brjid 'jigs pa'i skur ston pa:__sgyu 'phrul drwa ba'i bkod pa chen por rdzogs:__hU~M hU~M hU~M:__spro na spyan 'dren mchod bstod bya:__de nas las drug dang po ni:__'khor lo la brten srung ba ste:__bri dang bsgom dang bzlas pa ste:__dang po ras sam shog bu la:__tsakra rtsibs brgyad mu khyud bcas:__dbus su gtso sngags ming spel mthar:__ka wa tsi badz+ra rak+Sha rak+Sha b+h+rU~M:__gong ras drag sngags so lnga dang :__rtsibs brgyad hU~M la dpal brgyad sngags:__srung ba'i sham 'dogs dang bcas bskor:__rtsibs mchan so so'i phyag mtshan dgod:__de phyir gtsug tor 'khor lo'i sngags:__dbyangs gsal rten snying 'dod gsol bcas:__rdo ra me ri 'bar bas brgyan:__sha lnga bdud rtsi dri rdzas bzhi: ga bur/__gla rtsi/__shing kun/__shu dag__/nag po/__gur gum gi wang gu gul dang :__bzlas pa'i nyungs kar dang bcas byugs:__lhar bskyed bzlas shing brtan bzhugs gsol:__sgrub pa'i dus su dal steng dgram:__sgrub pa thon nas lus la 'chang :__sgom pas srung ba'i dmigs pa ni:__rang gi thugs srog sa bon dang :__bsrung bya thams cad dbyer med pa'i:__'bar ba chen po'i 'od zer gyis:__dpal chen rol pa'i thugs dam bskul:__ye shes gzi byin lhag par 'phros:__rtsa gsum rgyal ba'i thugs ka nas:__gtsug tor 'khor los sgyur ba yi:__ngo bo mtshon cha'i char du babs:__srung ba'i gur khang khro bcu me phung phyag mtshan lnga tho phur bcas dgu'o/__mchan/__dgu la thim:__mi phyed rdo rjer byin gyis brlab:__lha tshogs nang du zhal gzigs nas:__sngags bzlas brtan pa'i las mdzad bsam:__bzlas pas srung ba'i gsang sngags ni:___khro bo'i spyi sngags kyi mthar:__badz+ra uSh+Ni Sha tsakra wa ti rak+Sha rak+Sha b+hU~M:__stong phrag bzlas pas nus pa brtan:__gnyis pa bsad pa'i bca' gzhi ni:__drag po'i dkyil 'khor 'og gi char:__las khung rU pa dang bcas gzhug:__rdzas kyis bsad phyir thun gyi tshogs:__ru sbal rnams pa'i lto bar gtams:__dmigs pas bsad pa'i gzhi bzung phyir:__bdag nyid dpal chen he ru ka:__khros 'khrugs rngams pa'i sngags bzlas pas:__dgra bgegs bsgral ba'i mngon spyod kyi:__las la ngom thon tshul gyis bzhengs:__drag po sngags kyi nus pa rnams:__zor dang thun gyi rdzas la thim:__bsgral ba'i zhing bcu nyams pa bdun:__gsod pa'i mtshon cha chen por bsam:__las sbyor drag sngags me phung mthar:__bsad pa'i sngags 'di sbrel la bzla:__sarba sha trUn big+hAn dza b+h+yo phaT hU~M:__b+han+d+ha b+han+d+ha ha na ha na mA ra ya mA ra ya ta thA ya ta thA ya b+hin+d+ha b+hin+d+ha hU~M phaT:__brgya stong bzlas pas ngar gdags bya:__de ltar sbyor ba sngon song nas:__yi dam lha dang srung ma la:__skong bshags bya zhing tshogs mchod 'bul:__drag po'i las la thugs dam bskul:__hU~M:__chos kyi dbyings las rang shar rig pa'i rtsal:__'bar ba ye shes klong dgu'i pho brang che:__shin tu mi bzad rab 'jigs dur khrod nas:__khrag 'thung yongs rdzogs drag po'i las la bzhengs:__sangs rgyas bstan pa rnal 'byor sgrub po la:__gnod cing 'tshe ba'i dgra bgegs 'byung po'i tshogs:__zhi ba'i thabs kyis 'dul du ma 'tshal bas:__mngon spyod dmod pa'i phrin las dus la bab:__srung ba'i gur khang rdo rje'i thog gis shig:__zlog pa'i nus pa rang gshed rang la gzir:__'gugs 'ching sdom myos phyag rgyas rten la phob:__drag shul chen pos bsgral ba'i phrin las mdzod:__gser skyems dang bcas gzu dpang gsol:__brubs khung srid pa'i btson khang du:__nr-i tri las skyes dgra dang bgegs:__gsal gdab dgug gzhug drag du bya:__slar yang che mchog stobs kyis dgug:__hU~M:__che mchog yon tan lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__thogs med myur du rten 'dir khug:__oM badz+ra kro d+ha ma hA shrI he ru ka hU~M phaT:__sarba sha trUn n+ri tri badz+ra aM gu sha dza:__lcags kyu'i phyag rgyas rten la bstim:__yang dag gzi yis mthu stobs 'phrogs:__hU~M:__yang dag thugs kyi lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__mthu dang rdzu 'phrul med par gyis:__oM ru lu ru lu hU~M b+h+yo hU~M phaT:__sarba sha trUn big+h+nAn a pa na ya a pa na ya hU~M phaT:__smyo byed thun rdzas phyag rgyas dbab:__gshin rje'i pho nyas lha dang dbye:__hU~M:__'jam dpal sku yi lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__mgon skyabs 'tsho ba'i lha dang phrol:__oM a kro te ka ya mAn+ta ka ha na ma tha b+hany+dza hU~M phaT:__pra be sha ya pra be sha ya hU~M phaT:__gu gul bya 'ug dong rus dbye:__slar yang dgug gzhug bcing myos bya:__rta mchog rol pas gzugs la dbab:__hU~M:__pad+ma gsung gi lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__bla srog rnam shes rten la phob:__oM pad+mAn+ta kr-i ta badz+ra kro d+ha ha ya grI ba hU~M phaT:__sarba sha trUn big+h+nAn A be sha ya A be sha ya hU~M phaT:__dkar nag nyungs dang phyag rgyas dbab:__phur pas 'chor med byad du gzhug:__hU~M:__phur pa phrin las lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__zung zhig rgyob cig rnam par chings:__oM badz+ra kI li kI la ya sarba big+h+nAn ba~M hU~M phaT:__sarba sha trUn big+h+nAn shri g+h+rA~M a na ya hU~M phaT:__byad thag sngo dmar phyag rgyas bsdam:__srid pa ma mos smyo ru gzhug:__hU~M:__rbod gtong ma mo'i lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__rings par khug la smyo ru chug:__oM gu+u h+ya dz+nyA na kro d+ha kro d+hI ma ma yo gi nI ru lu ru lu hU~M b+h+yo hU~M phaT:__sarba sha trUn big+h+nAn dz+wa la pa yadz+wa la pa ya hU~M phaT:__de nas phur bu bdug brab byug:__hU~M:__khrag 'thung stobs rdzogs kI la ya:__gu gul dud pas dbyings nas bzhengs:__nyungs thun drag po'i las la bskul:__rak+ta 'bar bas gzi byin bskyed:__hU~M hU~M hU~M badz+ra kI la ya su ru su ru pra su ru pra su ru ma gu ta la pra ta la rak+ta dz+wa la hU~M hU~M hU~M:__rdo rje thal mo'i bar du bzung :__hU~M:__lag gnyis rigs lnga yab yum gyi:__sbyor mtshams 'od kyis bde gshegs bskul:__sku gsung thugs kyi byin rlabs 'dus:__khams gsum dus gcig sgrol ba yi:__mthu rtsal byin dbang yongs su rdzogs:__oM badz+ra kI la ya kA ya wA ka tsit+ta a b+hi Shiny+tsa oM AHhU~M:__zhes brjod rang gi gnas gsum 'dril:__bdag kyang byin rlabs nus ldan bsam:__drag sngags bzla zhing tsham rngams bya:__hU~M:__chos dbyings rol pa'i dur khrod nas:__bka' brgyad lha tshogs dus la bab:__lcags kyus dgra bgegs snying nas drongs:__rdo rje phur bus rdul du rlog:__slar yang drag po'i thun rdzas dbab:__hU~M:__phur bu khrag 'thung phrin las rdzogs:__rak+ta rbod gtong ma mo'i thun:__yungs kar khro rgyal stobs 'dus rdzas:__mtshe mda' gdug can dregs pa'i mtshon:__dug thun drag sngags gdug pa'i dbal:__mtshon thun bka' sdod pho nya'i shugs:__mda' rdo dpal gyi shugs 'chang bas:__dgra bgegs lnga phung rdul du rlog:__drag sngags bzla zhing thun rnams brdeg:__de nas gdab ka'i las dngos ni:__bdag nyid dpal chen he ru ka:__phur pa sras mchog kI la ya:__rU pa dgra bgegs dngos su gsal:__lta ba stong nyid rdzong bzung ste:__sgom pa rtse gcig 'phrang la bshar:__spyod pa snying rje khros pa'i srog:__tshe khrus gnas kyi dgongs par sbyar:__snying gar btab pas hU~M:__bdag nyid dpal chen sogs/_kha sbyor dbye:__slar yang drag sngags dang bcas te:__lus gnad kun tu khyab par gdab:__ral gri la sogs mtshon chas gtub:__hU~M:__dpal chen khrag 'thung lha tshogs kyi:__rno ngar ye shes ral gri yis:__ma rig sgo nga'i sbubs dral nas:__dgra bgegs gzugs phung rdul du rlog:__sarba sha trUn big+h+nAn ts+tshin+da ts+tshin+da mA' ra ya hU~M phaT:__mchod bstod rdo rje'i gtun du brdung :__hU~M:__'jig rten mchod bstod lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__gzugs phung rdul phran bzhin du rlog:__oM badz+ra tsaN+Da sarba duSh+tAn hU~M phaT:__ta thA ya ta thA ya hU~M phaT:__drag sngags mchog chen gzer bus bstab:__hU~M:__dmod pa drag sngags lha tshogs rnams:__drag po'i phrin las dus la bab:__sdang ba'i dgra dang gnod pa'i bgegs:__gzugs phung rngams pa'i zhal du thob:__oM badz+ra sarba duSh+tAn hU~M phaT:__b+hin+d+ha ya b+hin+d+ha ya kha kha khA hi khA hi hU~M phaT:__gsum pa zlog pa'i las rim la:__ting 'dzin dmigs pa'i rim pa ni:__slar yang rU pa'i cha shas dang :__dmar gyi phud chen zor la sbrengs:__hU~M:__khrag 'thung drag po'i dkyil 'khor lha:__sha khrag dmar gyi mchod pa bzhes:__za ba'i mche rnon dgra la gtsigs:__rngams pa'i brtul zhugs bgegs la skyed:__rnal 'byor bdag cag sgrub pa po'i:__mi mthun 'gal rkyen bar chad kun:__b+h+yo zlog drag po'i las la bzhengs:__mngon spyod phrin las yongs rdzogs mdzod:__ces bskul khrag 'thung 'khor bcas rnams:__khros 'khrugs rngams pa'i gzi byin 'bar:__zhal phyir gzigs nas zlog pa'i sngags:__'brug stong ldir ba ltar bsgrags pas:__sku las pho nya 'bar ba'i me:__g.yo byed rlung gi shugs can 'phros:__byang chub sgrub la bar chad kun:__rgya mtsho'i pha mthar zlog cing bskrad:__ming gi lhag ma med par bsam:__sdang mig gzir zhing thal mo brdab:__sngags kyis zlog pa me phung sham:__badz+ra karma yak+Sha sarba duSh+tAn a pa ka ra dz+wA la dz+wA la ra~M ra~M ya~M ya~M b+h+yo b+h+yo zlog zlog b+h+yo zlog cig:__brgya stong bzlas shing dmigs pa gsal:__bris pas zlog pa'i tsakra ni:__srung ba'i 'khor lo ji bzhin la:__spel tshig zlog pa'i sham bu sbyar:__'khor los sgyur ba'i sngags kyi mal:__drag sngags rgyas bsdus gang rigs dang :__yang zlog nying zlog sham dang bcas:__sngags mgo nang du bstan pa ni:__dug shog dug khrag rdzas kyis bri:__rab tu gnas la gtor mar 'dzugs:__'phang pa'i dus su me la sbyang :__de nas zlog pa'i las bcol ni:__drag gtor ling ro cha shas la:__slar yang dgra bgegs dgug bstim bsgral:__sha khrag rus pa tshogs su 'bul:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__dbus kyi dkyil 'khor chen po nas:__bcom ldan che mchog he ru ka:__yum chen gnam zhal dbyings phyug ma:__rigs bzhi khro bcu sgo skyong sogs:__gtso 'khor sprul par bcas pa rnams:__zlog sgyur drag po'i las la bzhengs:__dgra bgegs gdug pa bsgral ba yi:__'dod chags khrag gi rgya mtsho rol:__zhe sdang rus pa'i phung po choms:__gti mug sha yi ri bo bzhes:__'bar zhing 'khrugs pa'i brtul zhugs skyed:__bstan dang 'gro la 'tshe byed cing :__rnal 'byor lam gyi bar chad rkyen:__gnyis snang 'khrul pa las byung ba'i:__'jigs pa brgyad dang bcu drug zlog:__nad rigs bzhi brgya rtsa bzhi zlog:__gdon tshogs sum brgya drug cu zlog:__bgegs rigs stong phrag brgyad cu zlog:__dus min 'chi ba bco brgyad zlog:__glo bur bdun brgya nyi shu zlog:__ye 'drog sum brgya drug cu zlog:__ltas ngan brgyad cu rtsa gcig zlog:__phyi nang drang srong dmod tshig zlog:__ban bon mu stegs rig sngags zlog:__sde brgyad gdug pa'i cho 'phrul zlog:__sra ba sa la mnan pa zlog:__gsher ba chu la gtad khram zlog:__'bar ba me la bsregs pa zlog:__g.yo ba rlung 'khor bskor ba zlog:__chag che nyam nga thams cad zlog:__lo zla zhag dus keg sri zlog:__mi kha gleng gzhi 'thab rtsod zlog:__dngos nyams rmi lam ltas ngan zlog:__pha mes dur kha bye ba zlog:__lha srung bdud du babs pa zlog:__dpral ba'i gshed du 'jug pa zlog:__ltag pa'i bdud du 'jab pa zlog:__gnam gyi 'ju thag chad pa zlog:__sa yi rten phur bud pa zlog:__snod kyi 'jig rten rgud pa zlog:__'byung bzhi g.yo zhing 'khrugs pa zlog:__sad ser 'atsan than mu ge zlog:__dus tshod dman lhag log pa zlog:__bcud kyi mi dge'i rnam rtog zlog:__mi phyugs nad yams god ka zlog:__mtha' dmag kla klo'i rgyu 'grul zlog:__bstan sel phung bshig sde 'khrugs zlog:__rtsa rlung thig le'i g.yo 'khrugs zlog:__gzung 'dzin 'khrul pa'i gnyis snang zlog:__dbyings kyi rje mo g.yel ba zlog:__'jig rten mkha' 'gro 'khrugs pa zlog:__las kyi mkha' 'gro'i bsun ma zlog:__'dod chags lha bu'i bdud tshogs zlog:__zhe sdang 'chi bdag rngams pa zlog:__gti mug nyon mongs mun pa zlog:__nga rgyal phung po'i bdud sde zlog:__phrag dog byad phur rbod gtong zlog:__mdor na 'gal rkyen mi mthun phyaugs:__zlog go dmar chen gtor mas zlog:__bsgyur ro dgra bgegs steng du sgyur:__zlog sgyur bcol ba'i phrin las mdzod:__oM badz+ra kro d+ha ma hA shrI he ru ka hU~M phaT:__sarba duSh+tAn mA ra ya b+h+yo b+h+yo zlog zlog:__nyungs kar brab zhing thal mo brdab:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__shar phyogs dkyil 'khor chen po nas:__bcom ldan yang dag he ru ka:__yum mchog kro d+hI shwa ri ma:__rigs bzhi'i khrag 'thung yab yum dang :__ke'u seng sgo skyong dbang mo sogs:__gtso 'khor sprul par bcas pa rnams:__zlog sgyur drag po'i las la bzhengs:__sogs 'gre'o:__oM ru lu ru lu hU~M b+h+yo hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__lho phyogs dkyil 'khor chen po nas:__bcom ldan 'jam dpal gshin rje'i gshed:__yum mchog rdo rje bi tA lI:__gshed chen 'chi bdag gdong can ma:__ging bdud rtsis bshan la sogs pa:__gtso 'khor sprul par bcas pa rnams:__zlog sgyur sogs:__oM a kro te ka ya mAn+ta ka ha na ma tha b+hany+dza hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__nub phyogs dkyil 'khor chen po nas:__bcom ldan pad+ma rta mchog dpal:__yum chen pad+ma gzi ldan ma:__rigs bzhi phra men zil gnon brgyad:__sgo skyong khams brgya rmus long sogs:__gtso 'khor sprul par bcas pa rnams:__zlog sgyur sogs:__oM pad+mAn+ta kr-i ta badz+ra kro d+ha ha ya grI wa hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__byang phyogs dkyil 'khor chen po nas:__bcom ldan badz+ra ku mA' ra:__yum chen 'khor lo rgyas 'debs ma:__sras mchog rigs bzhi khro rgyal bcu:__sgo skyong phur bu'i srung ma sogs:__gtso 'khor sprul par bcas pa rnams:__zlog sgyur sogs:__oM badz+ra kI li kI la ya sarba big+h+nAn ba~M hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__shar lho'i dkyil 'khor chen po nas:__bcom ldan bla med he ru ka:__yum chen nyid zhi mu kha le:__rtag rgyal rje mo sman mo dang :__sgo skyong khor yug pho nya sogs:__gtso 'khor sprul par bcas pa rnams:__zlog sgyur sogs:__oM gu+u h+ya dz+nyA na kro d+ha kro d+hI ma ma yo gi nI ru lu ru lu hU~M b+h+yo hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__lho nub dkyil 'khor chen po nas:__bcom ldan rig 'dzin rdo rje chos:__yum chen rdo rje rnal 'byor ma:__rigs bzhi grub chen sgo skyong dang :__mkha' 'gro ging gi tshogs la sogs:__gtso 'khor sprul par bcas pa rnams:__zlog sgyur sogs:__oM badz+ra ma hA gu ru sarba sid+d+hi hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__nub byang dkyil 'khor chen po nas:__bcom ldan dregs pa kun 'dul dang :__yum chen srid pa spyi 'dul ma:__dbang phyug che sogs sde dpon dang :__gtum chen dregs byed dmag gi dpung :__gtso 'khor sprul par bcas pa rnams:__zlog sgyur sogs:__oM badz+ra tsaN+Da sarba duSh+tAn hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__byang shar dkyil 'khor chen po nas:__bcom ldan dpal chen stobs ldan nag:__yum chen 'byung lnga'i bdag mo dang :__sngags bdag dregs pa bco brgyad sogs:__gsod byed sde brgyad gdug pa'i dpung :__gtso 'khor sprul par bcas pa rnams:__zlog sgyur sogs:__oM badz+ra sarba duSh+tAn hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__dkyil 'khor chen po'i khor yug nas:__dbang phyug mkha' 'gro ging lang+ka:__'bar ma sa bdag ma sring tshogs:__phyogs skyong rgyal chen brtan ma sogs:__dpal gyi bka' sdod 'khor bcas rnams:__zlog sgyur sogs:__oM badz+ra sarba karma yak+sha sa ma ya hU~M phaT:__sarba duSh+tAn mA ra ya b+h+yo b+h+yo zlog zlog:__hU~M:___khrag 'thung 'dus pa'i pho brang che:__dur khrod rab 'jigs gzhal med khang :__tshom bu dgu ldan dkyil 'khor che'i:__gtso mchog dpal gyi mkha' dbyings su:__khams gsum kun na rtsal che ba:__sangs rgyas phrin las rdzogs pa'i dpal:__'dab chags rgyal po ga ru Da:__gtso 'khor sprul par bcas pa rnams:__zlog sgyur sogs:__oM badz+ra ga ru Da he haM se tsa le tsa le hU~M phaT:__sarba duSh+tAn mA' ra ya b+h+yo b+h+yo zlog zlog:__de ltar so sor bskul zhing zlog:__slar yang dril te zlog pa ni:__hU~M:__khrag 'thung 'dus pa'i pho brang che:__dur khrod rab 'jigs gzhal med khang :__tshom bu dgu ldan dkyil 'khor nas:__zhi khro rab 'byams 'bar ba'i sku:__dpal chen che mchog he ru ka:__yang dag khrag 'thung gshin rje gshed:__rta mgrin rgyal po kI la ya:__bla med rig 'dzin rdo rje chos:__dregs pa kun 'dul stobs ldan nag:__gtso 'khor sprul pa yang sprul bcas:__las byed dpal gyi bka' sdod dang :__mthu rtsal rmad byung ga ru Da:__'dus pa chen po'i lha tshogs rnams:__zlog sgyur sogs:__drag sngags mthar:__sarba duSh+tAn ma hA shwa ri raM mA ra ya b+h+yo b+h+yo zlog zlog:__de nas phyi ltar sgo gsum gyi:__'gal rkyen gar dgu'i phyag rgyas zlog:__hU~M:__dpal chen khrag 'thung 'dus pa'i lha:__gtso 'khor sprul pa yang sprul bcas:__dgra bgegs sha khrag gtor ma bzhes:__zlog sgyur drag po'i las la bzhengs:__sgeg pa'i sku mchog lhun por 'gying :__dpa' brtul gzi brjid nyi ltar 'bar:__'jigs rung srid zhi'i che btsan che'i:__dam tshig chen po'i dus la bab:__rnal 'byor bdag cag 'khor bcas kyi:__lus kyi nad gdon bar chad bgegs:__'jigs dang sdug bsngal thams cad kun:__gnod byed dgra bgegs lus la zlog:__ha har rgod pas sa gsum g.yo:__brlang por gshe ba'i 'brug stong ldir:__drag shul rdo rje'i sngags kyi sgra'i:__dam tshig chen po'i dus la bab:__rnal 'byor bdag cag 'khor bcas kyi:__ngag gi nad gdon bar chad bgegs:__'jigs dang sdug bsngal thams cad kun:__gnod byed dgra bgegs ngag la zlog:__dmigs pa med pa'i snying rje las:__rngams pa'i gdangs rtsal nyi ltar shar:__zhi ba'i dbyings las ma g.yos pa'i:__dam tshig chen po'i dus la bab:__rnal 'byor bdag cag 'khor bcas kyi:__yid kyi nad gdon bar chad bgegs:__'jigs dang sdug bsngal thams cad kun:__gnod byed dgra bgegs yid la zlog:__drag sngags mthar:__kA ya wA ka tsit+ta sa ma ya sarba duSh+tAn mA ra ya b+h+yo b+h+yo zlog zlog:__nang ltar phung po rigs lngar zlog:__hU~M:__gzugs kyi phung po la brten pa'i:__gnyis snang 'khrul pa'i bag chags kun:__snang stong dbyer med he ru ka:__rdo rje rtag pa'i phyag rgyar zlog:__tshor ba'i phung po la brten pa'i:__gnyis snang 'khrul pa'i bag chags kun:__tshor stong dbyer med he ru ka:__rin chen nyi ma'i phyag rgyar zlog:__'di shes phung po la brten pa'i:__gnyis snang 'khrul pa'i bag chags kun:__myong stong dbyer med he ru ka:__pad+ma gar dbang phyag rgyar zlog:__'du byed phung po la brten pa'i:__gnyis snang 'khrul pa'i bag chags kun:__rig stong dbyer med he ru ka:__rta mchog rol pa'i phyag rgyar zlog:__rnam shes phung po la brten pa'i:__gnyis snang 'khrul pa'i bag chags kun:__rigs stong dbyer med he ru ka:__rdo rje sems dpa'i phyag rgyar zlog:__pany+tsa ku la sa ma ya b+h+yo b+h+yo zlog zlog:__gsang ba nyon mongs ye shes zlog:__hU~M:__ma rig nyes pa'i rtsa ba ste:__nyon mongs gti mug rnam rtog kun:__chos dbyings ye shes klong du zlog:__'od gsal chen po'i phyag rgyas thob:__khengs shing rngams pa'i 'dzin pa can:__nyon mongs nga rgyal rnam rtog kun:__mnyam nyid ye shes klong du zlog:__sgyu ma lta bu'i phyag rgyas thob:__yul la sred cing zhen pa yi:__nyon mongs 'dod chags rnam rtog kun:__sor rtog ye shes klong du zlog:__bde ba chen po'i phyag rgyas thob:__mi mthun 'gal ba'i rnam pa can:__nyon mongs phrag dog rnam rtog kun:__bya grub ye shes klong du zlog:__rang grol chen po'i phyag rgyas thob:__gdug cing gtum la 'bar ba yi:__nyon mongs zhe sdang rnam rtog kun:__me long ye shes klong du zlog:__ka dag chen po'i phyag rgyas thob:__pany+tsa dz+nyA na sa ma ya b+h+yo b+h+yo zlog zlog:__mthar thug rtog tshogs chos skur zlog:__hU~M:__'khor 'das chos kun gdod ma nas:__stong chen mkha' ltar rnam par dag:__don gyi kun bzang he ru ka'i:__thig le chen por dbyer med kyang :__de nyid ma rig 'khrul pa las:__bdag dang gzhan du rnam par brtags:__nyon mongs bag chags rim gyis 'phel:__'jigs pa'i gdon dang bzhi brgya'i nad:__sdang byed dgra dang gnod byed bgegs:__bar chad rkyen ngan cir shar yang:__'khrul pa rmi lam lta bur snang :__snang dus nyid nas ma grub pas:__sgyu ma'i 'khrul 'khor zhig pa ltar:__rang bzhin 'od gsal byang chub sems:__stong pa nyid kyi ngang du b+h+yo:__mtshan ma med pa'i dbyings su zlog:__smon pa med pa'i mkha' la stims:__dus gsum 'gyur ba med pa yi:__phyag rgya chen por rgyas thob cig:__ma hA dz+nyA na sa ma ya b+h+yo b+h+yo zlog zlog:__a a aH__zhes brjod dgongs pa dbyings su bzhag:__rtog pa'i phung po brgyad khri yang :__blo 'das ngang du zlog gyur na:__'gal rkyen tsam la smos ci dgos:__de ltar khyad par zlog pa bzhi:__dbang bzhi'i lam dang rjes 'brel ba'i:__sbas don nges pa'i dgongs pa ste:__gzhan du ma bstan snying la phur:__sa ma ya:__gzhan yang 'phyang dang gzer kha rnams:__rgyas par spro na sbyar du rung :__'dir ni ches zab yang zlog dang :__nying zlog man ngag rgyas bsdebs bstan:__de la sngags pa nang rgyas nas:__zlog pa slar log yang zlog bya:__bdag gi thugs nas 'od 'phros pas:__phas rgol lha srung dbang med bkug:__zor chen dkyil 'khor mtha' skor du:__'dar zhing 'dud pas 'khod par bsam:__dug gtor sha khrag rU pa la:__byad ma dgug bstim drag tu bya:__zhal du bstabs pas dbang med zos:__khros 'khrugs zhe sdang ngar bskyaid bsam:__sarba de ba bA la big+h+nAn sha trUn ma hA mA~M sa rak+ta kiM ni ri ti ba liM ta kha khA khA hi khA hi:__hU~M:__nyon cig phas rgol gdug can la:__'go zhing las byed lha srung tshogs:__dpal chen he ru ka yi bka':__rdo rje'i tha tshig snying la gzer:__las ngan sdig can byad ma 'di:__dang po zhe sdang pha las byung :__bar du 'dod chags ma yi mngal:__tha ma gti mug lte bar 'khor:__dug gsum rim gyis brtas pa las:__nga rgyal phrag dog rlung ltar 'tshubs:__sangs rgyas bstan pa gnyan po bshig:__dkon mchog gsum gyi dbu 'phang smad:__nyes med sems can sdug la sbyar:__khyad par rnal 'byor bdag cag gi:__dam las 'gal zhing bka' la brkus:__byad phur rbod gtong ngan sbyor brtson:__bsgral ba'i zhing bcur gyur pas na:__khyed rnams 'go zhing skyabs byed na:__dpal gyi bka' chad 'bebs ta re:__rdo rje khro bo gnod sbyin gyis:__rke khrag gzhib cing lus srog 'phrog:__de bas dam las ma 'gal bar:__byad ma mkhan gyi steng du rgyugs:__rang gshed rang gi steng du phob:__rang sha zo la rang khrag 'thungs:__'jigs pa'i cho 'phrul ltas ngan phob:__bdun brgyud rigs kyang rtsad nas chod:__kha phung rjes shul med par gyis:__sarba de ba pA la sa ma ya b+h+yo b+h+yo zlog zlog mA ra ya rbad rbad:__de nas 'jam dpal khrag 'thung tshogs:__yang zlog drag po'i las la bskul:__hU~M:__khrag 'thung rol pa'i pho brang che:__dur khrod rab 'jigs gzhal med khang :__lho yi phyogs kyi dkyil 'khor nas:__'jam dpal khrag 'thung gshin rje'i gshed:__gtso 'khor sprul par bcas pa rnams:__b+h+yo zlog phrin las dus la bab:__dgra bgegs sha khrag gtor ma bzhes:__lo zla zhag dus gshed kyi tshogs:__grangs med nyi zer rdul ltar spros:__phas rgol lha srung tshogs dang bcas:__byad phur rbod gtong slar zlog pa'i:__mngon spyod drag po'i brtul zhugs bskyed:__rang gshed drag po rang la phob:__rnal 'byor bdag cag 'khor bcas kyi:__lha srung bdud du babs pa dang :__phyi nang 'byung ba dgra gshed kyi:__byad phur rbod gtong than ltas ngan:__nad gdon chag che nyam nga dang :__brgyad dang bcu drug 'jigs pa'i tshogs:__'gal rkyen bar chad mi mthun phyogs:__sdang byed dgra yi steng du b+h+yo:__gnod byed byad ma'i steng du zlog:__rang sha zo la rang khrag 'thungs:__yang zlog drag po'i phrin las mdzod:__oM hU~M tri ga khrom b+h+yo:__ma Ni mA ra Ni b+h+yo:__mA ra du na b+h+yo:__rak+mo rak+shan b+h+yo:__ting ya rak+sha b+h+yo:__ya ma rA dza b+h+yo:__mA ra ya kI la ya b+h+yo:__drag tu rbad cing bskul ba yis:__gshin rje byad ma'i lha srung bcas:__'jigs pa'i ngar bskyed dmag la chas:__rang gi mi mthun zlog cing bsgyur:__phas rgol lhag med bcom par bsam:__thal mo brdab cing dmod mo bya:__gu gul bdug cing thun gtor 'phang :__slar yang phyir log rtags mthong na:__yang zlog dmod pa'i sbyor ba ni:__dregs 'dul gsang bdag he ru ka:__sprul pa'i pho nya dang bcas bskul:__dgra bgegs sha khrag gtor ma 'bul:__oM badz+ra tsaN+Da sarba duSh+tAn hU~M phaT:__sarba sha trUn big+h+nAn mA~M sa rak+ta kiM ni ri ti ba liM ta kha kha khA hi khA hi:__hU~M:__khrag 'thung ral pa'i pho brang che:__dur khrod 'jigs pa'i gzhal med khang :__nub byang mtshams kyi dkyil 'khor nas:__gsang bdag dregs pa kun 'dul che:__gtso 'khor sprul par bcas pa rnams:__dgra bgegs sha khrag gtor ma rol:__nying zlog phrin las dus la bab:__thugs las sprul pa'i pho nya ni:__srid gsum g.yo zhing 'khrugs byed pa:__sngags rgod lok+t+ri pA la che:__'bum phrag dmod pa'i drang srong tshogs:__dregs pa'i sde dpon dpung dang bcas:__glog ltar 'khyugs shing thogs ltar phob:__gdug can zhing bcu tshang ba yi:__byad ma brlang por spyod pa yis:__slar yang zlog pa'i las sbyor gyis:__rnal 'byor bdag cag 'khor bcas la:__lus kyi na tsha byung ba rnams:__byad ma mkhan gyi steng du b+h+yo:__sems kyi rnam g.yeng sdug bsngal kun:__byad ma mkhan gyi steng du zlog:__'jigs pa brgyad dang bcu drug kun:__byad ma mkhan gyi steng du b+h+yo:__sde brgyad gdug pa'i cho 'phrul dpung :__byad ma mkhan gyi steng du zlog:__lha srung bdud du babs pa rnams:__byad ma mkhan gyi steng du b+h+yo:__chag che nyam nga than ltas ngan:__byad ma mkhan gyi steng du zlog:__mo pra rmi lam dngos nyams 'tshubs:__byad ma mkhan gyi steng du b+h+yo:__phyi nang gsang ba'i bar chad kun:__byad ma mkhan gyi steng du zlog:__ban bon sngags pa'i mthu gtad kun:__byad ma mkhan gyi steng du b+h+yo:__hom dang sdeb gshor spar bu bskor:__byad ma mkhan gyi steng du zlog:__snod bcud rgud cing 'khrugs pa'i tshogs:__byad ma mkhan gyi steng du b+h+yo:__mdor na 'gal rkyen mi mthun kun:__byad ma mkhan gyi steng du zlog:__dgra bgegs byad ma 'khor bcas rnams:__b+h+yo zlog dmod pa'i gad mos thob:__rdo rje lhun po'i phyag rgyas non:__rigs sngags rgya mtsho'i rba la g.yengs:__drag shul stobs rdzogs me yi sregs:__mi bzad drag sngags rlung gis gtor:__sdang ba'i dgra dang gnod pa'i bgegs:__bsam ngan sbyor rtsub byad ma rnams:__gtor ma 'di dang mnyam du bzhes:__drag shul phrin las yongs rdzogs mdzod:__oM badz+ra tsaN+Da sarba duSh+tAn hU~M phaT:__oM lok+t+ri pA la nan:__sA ga pa sha nan:__nA ga du du nan:__ma maM ma maM:__tsir tsar tsir tsar:__baM ru lu baM ru lu:__rbad kra ko sha ya rbad kra ko sha ya:__ho ra ho ra nan:__tsi du sod:__tsi du sod:__shig lhur gtubs:__ha la pa ti nan:__'khor ba thul:__gnod byed 'byung po kA wA tsi brlag brlag:__sarba duSh+tAn sa ma ya b+h+yo b+h+yo zlog zlog:__dmod mo 'ur zhing thal mo brdab:__'byung bzhi'i thun zor gnod phyogs 'phang :__byad ma ji ltar stobs chen yang :__skad cig nyid la brlag par 'gyur:__mthar thug yang zlog nying zlog bcas:__ma byung 'byung dka'i rig sngags che:__zab cing 'dril bar bstan pa'o:__sa ma ya:__de ltar yang zlog nying zlog ni:__las kyi yan lag gtso bo ste:__gzhan yang badz+ra he ru kas:__gza' klu sa bdag cho 'phrul zlog:__rta mchog rol pas rgyal bsen zlog:__phur pas bar chad thams cad zlog:__ma mos nad rims dal yams zlog:__rig 'dzin mkha' 'gros bsun ma zlog:__drag sngags mthu gtad mnan pa zlog:__rdo rje khyung gis ltas ngan zlog:__bka' sdod pho nyas rkyen zlog pa'i:__las kyi mde kha ci rigs sbyar:__rno la ngar gyis btags bzhin 'gyur:__sa ma ya:__de ltar las kyi rtsa ba gsum:__zab cing 'dril bar rab bstan nas:__yan lag las kyi rjes bsdu ba:__srung ba'i mtha' sdud mnan pa'i gzer:__dgra bgegs rU pa tshul bzhin bris:__thun rdzas dang bcas thod ngan gzhug:__phung res dril zhing rtsang phur gzer:__hom du gzhug cing dgug bstim bsgral:__lha rten drag po gnas pa'am:__gnam sa gru gsum lam rgya gram:__mtsho gnyan la sogs 'jigs pa'i sar:__brub khung nang gzhug dgug gzhug bcing :__gshin rje chu srin gre bar gtad:__nam yang 'chor ba med par bsam:__me chu sa yis rgyas gdab cing :__las 'jug rdo rje'i bro yis bsdu:__des ni srung ba'i las mthar phyin:__bar du gcod pa'i skabs bral 'gyur:__sa ma ya:__bsang ba'i las kyi mtha' bsdu ba:__hom la brten nas sreg pa'i gzer:__drag po'i sa la stegs bu bya:__mtshan nyid rdzogs pa'i thab khung du:__gdug pa'i shing brtsigs me sbar la:__las rim rgyas par bya ba'am:__glo bur sreg pa'i las sgrub na:__'bar ba'i dbus su skad cig gis:__dpal chen lha tshogs gsal bar bskyed:__ye shes spyan drangs bzhugs su gsol:__phyag 'tshal byon skyems 'bul ba dang :__mchod cing bstod pa ci rigs mthar:__tsha ba'i mar khu yam shing 'bul:__rU pa dgra bgegs gsal zhing dgug:__gdab ka'i rim pa gang 'os dang :__sngar bsgral ling ro rU pa sogs:__dum bur gtubs shing drag rdzas bsres:__drag sngags me phung 'bar ba'i sham:__sarba sha trUn big+h+nAn ma hA mA~M sa rak+ta kiM ni ri ti kha kha khA hi khA hi:__da ha da ha pa tsa pa tsa ra~M dz+wa la mA ra ya phaT:__brgyad tshan re re'i tha ma ru:__spel tshig dmod mo dang bcas pa:__drug cu rtsa bzhi rdzogs par bsreg:__mthar ni gshegs skyems mchod bstod bya:__'dod don gsol zhing nongs pa bshags:__ye shes gshegs shing dam tshig pa:__'bar zhing 'khrugs pa'i me lce yis:__dgra bgegs lhag med bsregs par bsam:__me zor brgyad sogs gang 'thad bya:__de nas dug khrag chu yis gzhil:__thal ba lha rten drag po'i 'og:__gtad pas bsad las mthar phyin 'gyur:__sa ma ya:__zlog pa'i mtha' sdud 'phang ba la:__brten pa zor gyi gzer kha ni:__phyir zlog rtags mtshan thon pa na:__drags sngags mthar:__dzaHhU~M ba~M ho:__zor chen rdzas kyi ye shes pa:__bdag nyid dpal gyi thugs kar thim:__khams gsum che btsan 'gran med pa'i:__byin rlabs gzi brjid 'bar bar bsam:__sgo dbye phye ba'i rgya dang bcas:__hU~M:__byams pa tshad med lcags kyu mas:__zor chen dkyil 'khor shar sgo phyes:__khrag 'thung lha tshogs gzi byin skyed:__shar phyogs dgra bgegs rdul du rlog:__dzaHbadz+ra pra we sha ya phaT:__hU~M:__snying rje tshad med zhags pa mas:__zor chen dkyil 'khor lho sgo phyes:__khrag 'thung lha tshogs gzi byin skyed:__lho phyogs dgra bgegs rdul du rlog:__hU~M badz+ra pra we sha ya phaT:__hU~M:__dga' ba tshad med lcags sgrog mas:__zor chen dkyil 'khor nub sgo phyes:__khrag 'thung lha tshogs gzi byin skyed:__nub phyogs dgra bgegs rdul du rlog:__ba~M badz+ra pra we sha ya phaT:__hU~M:__btang snyoms tshad med dril bu mas:__zor chen dkyil 'khor byang sgo phyes:__khrag 'thung lha tshogs gzi byin skyed:__byang phyogs dgra bgegs rdul du rlog:__hoHbadz+ra pra we sha ya phaT:__thugs dam bskul zhing chad tho bsgrag:__drag sngags bzla zhing zor rdzas bcas:__gom pa bdun cu'i bar du dpag:__zor lam bstan cing 'phang sar khyer:__gser skyems btang zhing 'phrang bsal nas:__dmigs rten 'bem du bcas pa la:__dgra bgegs dgug bstim dngos su gsal:__de la zor rnam rim par 'phang :__hU~M:__nga ni dpal chen he ru ka:__'khor 'das kun gyi mthu stobs rdzogs:__sku gsung thugs ni rdo rje'i ngang :__sangs rgyas kun dang mnyam par sbyor:__drag shul gar gyis sa gsum g.yo:__'jigs pa'i gad mos ri rab bsgyel:__snying rje khros pas dgra bgegs gsod:__sprul pa'i pho nya ser ltar 'dril:__zor rdzas mtshon cha'i char chen 'bebs:__sdang dgra gnod bgegs thal bar rlog:__'jam dpal sku yi lha tshogs kyi:__stobs chen 'dus pa rdo yi zor:__dgra bgegs klad pa'i dkyil du yA:__gzugs phung thal ba'i rdul du rlog:__pad+ma gsung gi lha tshogs kyi:__drag sngags 'dus pa mtshe yi zor:__dgra bgegs rna ba'i dkyil du yA:__thos pa'i sgo la phyag rgyas thob:__yang dag thugs kyi lha tshogs kyi:__nus rtsal 'dus pa dug gi zor:__dgra bgegs snying gi dkyil du yA:__rtog ngan 'od gsal thig ler stims:__che mchog yon tan lha tshogs kyi:__gzi byin 'bar ba gtor ma'i zor:__dgra bgegs lte ba'i dkyil du yA:__mthu stobs nus pa thal bar rlog:__phur pa phrin las lha tshogs kyi:__thal 'byin 'bigs pa phur bu'i zor:__dgra bgegs gsang ba'i dkyil du yA:__bdun brgyud rigs kyang rtsad nas chod:__ma mo rbod gtong lha tshogs kyi:__dal yams 'dus pa khrag gi zor:__dgra bgegs yul gyi steng du yA:__nad rims gdug pa'i char chen phob:__rig 'dzin 'dus pa'i lha tshogs kyi:__nus stobs ri rab kong gi zor:__dgra bgegs rten gyi mkhar la yA:__thal ba'i rdul phran bzhin du shig:__'jig rten mchod bstod lha tshogs kyi:__gnod gdug chen po mda' yi zor:__dgra bgegs mig dang lce la yA:__lta dang smra ba'i rgyun lam chod:__dmod pa drag sngags lha tshogs kyi:__shugs sgrol chen po mtshon cha'i zor:__dgra bgegs lnga phung kun la yA:__dum bur gtubs shing phye mar thongs:__drag po zor gyi rdo rje'i thog:__dgra bgegs gnod byed steng du phob:__kha phung thongs la rjes med shig:__dgra dpung bdun brgyud rtsad nas chad:__bgegs dpung thal ba'i rdul du rlog:__mngon spyod phrin las mthar phyin mdzod:__drag sngags bzla zhing dgra phyogs 'phang :__rngams pa'i stobs dang phyag rgya sgyur:__dpal gyi zor chen dam tshig pa:__rang thim gzi byin nus stobs 'bar:__slar yang khro bo'i dmag tshogs dang :__zor rdzas mtshon gyi rno ngar bcas:__dgra bo'i steng du glog ltar 'khyug:__rjes shul lhag med bcom par bsam:__hU~M hU~M:__zhi ba chen po'i dbyings las ma g.yos kyang :__bdud 'dul ye shes khrag 'thung rol ba'i lha:__zung 'jug klong dgu'i dkyil 'khor rab 'byams dang :__dpal gyi bka' sdod mthu rtsal ga ru Da:__gtso 'khor sprul pa bran dang pho nya'i tshogs:__de ring drag po zor gyi las la bzhengs:__mi bzad 'bar ba chen po'i gzi byin skyed:__zor rdzas nad mtshon dug gi char chen pos:__rnal 'byor bdag cag 'khor dang bcas pa yi:__byang chub sgrub la bar du gcod pa yi:__nad gdon 'gal rkyen chag che nyam nga kun:__sangs rgyas bstan pa bshigs pa'i spyi dgra dang :__rnal 'byor thad du langs pa'i sgos kyi dgra:__gnas skabs mthar thug gnod cing 'tshe ba'i bgegs:__bdud bzhi'i dmag tshogs phyi nang nyer 'tshe'i rkyen:__bdud bzhi'i dpung dang bcas pa'i steng du zlog:__sdang byed dgra bo byad ma rtsad nas chod:__gnod byed bgegs dpung thal ba'i rdul du rlog:__mi ldog ye shes phyag rgya'i gzer chen thob:__mngon spyod drag po'i phrin las yongs rdzogs mdzod:__drag sngags 'ur zhing sgyogs su 'phang :__drag po'i sgra yi tsham rngams dang :__thal mo brdab cing stangs stabs sgyur:__dgra bgegs rdul du brlag par bsam:__dgongs pa'i gding bskyed lta stangs gzir:__phyi lam gcod cing brtan ma bskyang :__sgo drung dam sri rjes 'brangs mnan:__nang du tshe 'gugs dngos grub gsol:__gtang rag la sogs las kyi rim:__phrin las bzhin du mthar dbyung ngo:__sa ma ya:__d+hI/:__rgya gar skad du:__he ru ka sarba ta thA ga ta saM gra ha tan+t+ra pra gar+b+ha:__bod skad du:__khrag 'thung bde gshegs 'dus pa'i rgyud kyi yang snying :__dpal he ru ka la phyag 'tshal lo:__chos kun gdod nas dag pa'i mkha':__klong dgu'i dbyings kyi pho brang cher:__kun bzang che mchog he ru kas:__nyid las mi gzhan 'khor rnams la:__rdo rje'i sngags rgyud rtag tu gsungs:__de tshe gnam zhal tsaN+Da lIs:__dgyes pa bskyed nas slar yang zhus:__e ma khyab bdag dpal chen po:__rgyud don snying po ji ltar lags:__de skad gsol ba'i don dgongs nas:__chos nyid rang sgras bka' stsal pa:__ngo bos dag pa gzhi yi rgyud:__glo bur dag byed lam gyi rgyud:__dag pa mthar phyin 'bras bu'i rgyud:__gsum gyis rgyud don thams cad bsdus:__de las rtogs shing goms pa'i lam:__phyi nang gsang ba de kho na'i:__dkyil 'khor chen po rnam pa bzhir:__phan pa'i dbang dang nus pa'i dbang :__zab mo'i dbang bzhi rim par blang :__spyi dang khyad par lhag pa yi:__dam tshig dag pas gzhi bzung ste:__'khor 'das chos kun bden pa gnyis:__dbyer med chen por gtan la dbab:__snang dang zhen pa sbyang ba'i phyir:__rim gnyis ting 'dzin rtse gcig bsgom:__nyams dang drod dang rtags rnams ni:__spyod pa gsum gyis brtan par bya:__bsnyen sgrub yan lag rnam pa bzhis:__thun mong mchog gi dngos grub len:__dam tshig las chos phyag rgya ches:__'da' dka'i thugs dam brtan cing bskul:__glu gar phyi nang gsang rmad byung :__bstod pa'i mchod pas dgyes pa bskyed:__bkod dang spro bsdu mkha' mnyam pa'i:__bsnyen sgrub las kyi bzlas par brtson:__grub pa zhi rgyas dbang drag dang :__mchog gi phrin las don la sbyar:__de ltar shes pa'i rnal 'byor pa:__he ru ka yi gdung 'dzin to:__brjod 'brel dgos pa phun tshogs pa'i:__rgyud kyi snying po 'di kho na:__rang shar rol pa'i 'khor gyis zungs:__ma 'ongs don du snang bar gyis:__zhes gsungs thig le chen por 'khyil:__dpal khrag 'thung bde gshegs 'dus pa'i yang snying gi rgyud rdzogs so:__sa ma ya:__de nas gsang chen bshad bya ba:__rig 'dzin badz+ra pra d+harmas:__rgyud don nyams su len pa'i lung :__dgyes pa chen pos 'di skad gsungs:__e ma 'dus pa'i 'khor rnams nyon:__ma 'ongs phyi ma phyi ma'i dus:__smin cing dag pa'i rnal 'byor pas:__dpal mchog bde chen rdo rje'i tshig:__rgyud gsum yan lag dang bcas pa:__rnal 'byor lnga yis bsgrub par bya:__bsgrub bya'i lha ni sems yin te:__sems nyid don gyi lha skur bzhugs:__de nyid lam du bslang ba'i phyir:__rtags kyi phyag rgya gsal gdab cing :__ting 'dzin rtse gcig gzer chen gdab:__nga rgyal brtan cing dag pa dran:__sku yi rdo rje'i dngos grub 'gyur:__sgrub pa'i gzhung bsrang bkod dang phyogs:__spro bsdus las sbyar cir snang kun:__lha dang sngags kyi rgyas btab pas:__gsung gi rdo rje'i dngos grub 'gyur:__rdo rje'i rlung bzlas sems la dmigs:__sgyu mar blta zhing 'od gsal bsdu:__zung 'jug chen po'i rtsal sbyangs pas:__thugs kyi rdo rje'i dngos grub 'gyur:__dad dang brtson 'grus brtul zhugs can:__phan nus zab mo'i dbang gi chus:__sbyangs shing smin pa'i thabs chen pos:__yon tan rdo rje'i dngos grub 'gyur:__zhi rgyas dbang gi sbyor ba dang :__khyad par gdug cing gtum pa'i yul:__las drug sgo nas tshar bcad pas:__phrin las rdo rje'i dngos grub 'gyur:__de yis thun mong las kun 'grub:__mchog tu rig 'dzin rnam pa bzhis:__slob pa'i zung 'jug mthar phyin nas:__mi 'gyur rtag pa'i dngos grub 'gyur:__de phyir phyi rabs skal ldan rnams:__'di nyid kho nar sgrub par gyis:__zhes gsungs rig 'dzin 'dus pa'i 'khor:__shin tu dgyes pas yi rang ngo :__sa ma ya:__de ltar zab rgyas rgyud kun dang :__khyad par snying po'i rgyud lung 'di:__dpal chen dgyes pas byin brlabs shing :__kun 'dus rig 'dzin pad+ma las:__bod kyi rnal 'byor bdag gis thob:__dpe rgyud rgyas par bris pa'i gzhung :__gzhan du spel bar blos ma thongs:__sgrub ste snying po'i bstan pa'i btsas:__lha rtse'i brag la gter du gtams:__snyan brgyud snying po'i man ngag 'di:__nga sprul sgyu ma'i skyes bu'i don:__klong gsal dbyings kyi sgrom bur sbas:__ye shes rig pa'i brdas mtshon te:__dgongs pas byin brlab gter du brdol:__rtsol ba med par gtan phab nas:__rang gzhan don gnyis spyod par shog:__sa ma ya:__rgya rgya rgya:__brda thim:__slar yang yid ches spro ba'i phyir:__nges shes skyed pa'i lung byang ni:__dus gsum mkhyen pa pad+ma yis:__rdo rje'i gsung las 'di skad du:__zhi ba thugs rje chen po dang :__drag po khro rgyal rta mgrin gnyis:__dbyer med gcig tu sprul pa las:__sku yi cha lugs zhi ma khro:__mdog smug dri zhim sme bas brgyan:__rang rgyud dal zhing rig rtsal che:__ma nges spyod pa sna tshogs skyong :__nang rtags ya mtshan ston pa 'byung :__zhes dang de bzhin gzhan las kyang :__'ol ba zhes bya'i shar mdun du:__brtson 'grus zhes bya'i skyes bu 'byung :__de ni nga yi thugs sprul yin:__zhes dang pad+ma'i sprul pa ni:__thang stong pa zhes bya ba 'byung :__de dus bod khams cung zad bde:__phan bde'i snang ba thengs gcig 'byung :__zhes dang nga sprul thang stong pas:__chu bo che la lcags zam 'dzugs:__mtha' dbus sa gnad me btsa' gso:__rgyal khams dge ba'i las la bkod:__kla klo'i mun gling dkar por bsgyur:__'brel tshad don ldan e ma ho:__zhes sogs rgya cher yang yang gsungs:__ji skad lung gis bstan pa ltar:__me nyag rig 'dzin ldang gi bu:__bod kyi rnal 'byor brtson 'grus bdag:__'ol ba lha rtse'i shar gyi char:__skyes tsam nyid nas dge mtshan dang :__ngo mtshar cho 'phrul du ma byung :__dran pas zin nas chos snang skyes:__paN grub bla ma lnga brgya bsten:__thos bsam sgro 'dogs yin lugs bcad:__rtse gcig bsgoms pas drod rtags dbyung :__rgya gar rgya nag bal po mon:__bod khams kun du brtul zhugs sbyang :__nad mug mtshon 'khrugs bcad cing bsdums:__snod bcud rgud pa thams cad gsos:__mtha' dbus dge bcu'i khrims la sbyar:__sa gnad me btsa' mang du gsos:__hor dmag zlog cing kla klo btul:__chu bo che la lcags zam btsugs:__byang chub rgyun lam bde bar bsgrubs:__khyad par rnga yab gling du phyin:__zangs mdog dpal ri'i pho brang du:__pad+ma he ru ka dpal mjal:__sgrub pa chen po bka' brgyad kyi:__dbang dang gdams ngag rgya cher stsal:__khrag 'thung 'dus pa'i lha tshogs mthong :__byin gyis brlabs shing sngags rgyud gtad:__ye shes mkha' 'gros dngos dbang stsal:__nang gi sa lam skad cig bgrod:__ston pa rdo rje sems dpa' las:__'bras bu rdzogs pa chen po thob:__seng ldeng 'khrigs pa'i nags khrod du:__dz+nyA na DA ki ni gup+tas:__thabs grol lam mchog stsal ba las:__sgom pa'i nyams myong bogs chen thon:__ras sme shwa ra'i dur khrod cher:__dbyings yum rdo rje phag mo yis:__brtul zhugs spyod pa'i snyan brgyud gdams:__bod yul gtsang gi g.yas ru'i mthil:__'phags pa'i gnas brtan chen po yis:__rnam thar sgo gsum ngo sprad pas:__dbu ma'i lta ba mngon du gyur:__lta sgom spyod 'bras bogs 'don dang :__bsnyen sgrub yan lag bzhi ldan pa'i:__gzhung dang man ngag lag len don:__skal ldan rnams la ci rigs bstan:__'on kyang snod mchog nyung ba'i phyir:__'ga' zhig rdo rje'i brag la sbas:__la la snyan brgyud bka' rgyas btab:__snying po las kyang snying po'i bcud:__klong lnga dbyings kyi sgrom bu ru:__rig pa'i ye shes gzungs su gdams:__chos bdag mkha' 'gro gnyer du bskos:__ma 'ongs nga sprul skyes bu la:__dgongs pa'i klong nas rang shar ba'i:__rten 'brel brda thabs du ma dang :__byin rlabs 'pho bas dbugs dbyung 'gyur:__sa ma ya:__'o ma'i nang nas mar dang ni:__mar gyi snying po zhun byas ltar:__lta sgom spyod 'bras bogs 'don dang :__sgrub pa'i gzhung dang yan lag bcas:__rnal 'byor bdag gi snying thig 'di:__bod kyi rig 'dzin sngags pa gzhan:__su la'ang 'pho ba'i skabs med pas:__rin chen lta bu'i gang zag ni:__gcig car rigs can brtul zhugs mtho:__sus kyang mi dpog rang zung thub:__bdag dang gnyis min rnal 'byor pa:__mtshan nyid lnga dang ldan pa zhig:__'di nas bdun brgya'i lo khongs su:__mdo khams bar nas 'brug gi lo:__gnyos kyi rig 'dzin sga yi bu:__lcags khams dpa' bo mtshan rtags can:__pad+ma rgyal pos byin brlabs pas:__bka' babs bdun ldan mdo sngags gling :__bi ma mi tras byin brlabs pas:__'od gsal sprul pa'i rdo rje ste:__'jam dpal sprul pa'i mnga' bdag gis:__byin brlabs chos kyi bshes gnyen zhes:__sgyu ma lta bu'i skyes bu 'byung :__de la gnas gsum mkha' 'gro dang :__dpa' bo bdag gis byin brlabs pas:__gdams pa'i snying po klong brdol tshe:__the tshom ma byed gtan la phob:__ring du gsang zhing bka' rgyas thob:__nam zhig rten 'brel dus bab na:__bi ma bai ro dz+nyA na dang :__mnga' bdag yab sras mtsho rgyal lcam:__gnubs chen nam snying sangs rgyas dang :__mchog dbyangs bdud 'joms dpal seng sogs:__'dus pa mchog gis byin brlabs pa:__de dag rnams kyis gsol btab na:__gdams pa lhag ma med par byin:__cung zad don du 'gyur ba dang :__khyad par las can gcig srid pas:__de yi gzhan phan btsas su byed:__'on kyang dus de shin tu snyigs:__lugs gnyis bya ba ches cher 'chol:__khyad par sgrub pa'i man ngag 'chal:__mkhas pa sgra tshad rtog ges g.yeng :___sgrub pas bsnyen sgrub gzhung mi bsrang :__grub thob rdzun gyi 'khor lo bskor:__rtogs ldan 'dod pa'i rgya mtshor byings:__bya btang gting nas mdud pa dam:__mdor na rdo rje'i gsang ba che'i:__rang tshugs thub pa nyin skar tsam:__blo mang col chung mdo don shor:__de dang de 'dras sny-ing po'i bstan:__ri mo'i mar me bzhin du byed:__mtha' dbus phyi nang 'khrug rtsod langs:__snod bcud sngar med 'gyur ldog mang :__mi phyugs glo bur nad kyis khyer:__'gal rkyen drwa ba bzhin du 'dzings:__de lta bu yi dus kyi tshe:__skal ldan 'ga' zhig byung srid na:__kha khyer tshig phyir ma yengs par:__'dir zhugs 'di ltos 'di don sgom:__tshe gcig dngos grub nges par 'thob:__mar me 'chi kha bsabs pa ltar:__snyigs dus gdung ba'i gsos gyur te:__rang gzhan don gnyis phun sum tshogs:__nges don bstan dang 'gro la phan:__de phyir snying las gces par zungs:__rtsa gsum srung ma'i bden stobs dang :__rnal 'byor bdag gi smon lam mthus:__sgrub brgyud bstan dang de 'dzin la:__phan pa rgya cher 'byung bar shog:__sa ma ya:__rgya rgya rgya:__gu h+ya:__brda thim:__sgrub chen bka' brgyad kyi lam srol tshig nyung yang don gyi snying po rang rkang tshugs pa 'di nyid rje grub thob chen po'i gsang ba gsum gyi byin rlabs yang nas yang du thob pa la brten nas/__pad+ma 'od gsal mdo sngags gling pa 'jam dpal chos kyi bshes gnyen gyis gtan la phab ste/__rig 'dzin grub pa'i 'khor los sgyur ba o rgyan 'chi med bstan gnyis g.yung drung gling par phul ba ste 'di'i brgyud pa'i nges pa'ang*/__chos sku kun tu bzang po/__/longs sku che mchog he ru ka__/ston pa rdo rje sems dpa'/__gsang bdag phyag na rdo rje/__mkha' 'gro ma las kyi dbang mo/__/grub pa'i rig 'dzin rnam brgyad/__kun 'dus pad+ma sam b+ha ba/__rje grub thob chen po thang stong rgyal po zhes drang bar bya'o//__//__