JKW-KABAB-08-NYA-014

🚧 This website is under continued development. We appreciate your patience!

Previous Text Back to Volume PageNext Text

ཡང་ཟབ་ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྒྲུབ་ཁོག་གསལ་བར་བསྡེབས་པ་ཡེ་ཤེས་རོལ་པའི་སྙིང་པོ།

Wylie title	yang zab thugs rje chen po rgyal ba rgya mtsho'i sgrub khog gsal bar bsdebs pa ye shes rol pa'i snying po
Location	mkhyen brtse'i bka' babs Volume 8, Text 14, Pages 369-401 (Folios 1a to 17a5)
Author	འཇམ་མགོན་ཀོང་སྤྲུལ་
Less details More details
Tertön	དྲི་མེད་ཀུན་དགའ་, འཇམ་དབྱངས་མཁྱེན་བརྩེའི་དབང་པོ་ (dri med kun dga', 'jam dbyangs mkhyen brtse'i dbang po)
Citation	'jam mgon kong sprul. yang zab thugs rje chen po rgyal ba rgya mtsho'i sgrub khog gsal bar bsdebs pa ye shes rol pa'i snying po. In Rdzong sar 'jam dbyangs mkhyen brtse'i dbang po'i bka' babs, Vol. 8: 369-401. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Structural Arrangement for Ritual Practice - sgrub khog
Cycle	ཡང་ཟབ་ཐུགས་རྗེ་ཆེན་པོ་རྒྱལ་བ་རྒྱ་མཚོ་ཡེ་ཤེས་འོད་ཀྱི་སྙིང་པོ་ (yang zab thugs rje chen po rgyal ba rgya mtsho ye shes 'od kyi snying po)
Karchag page	JKW-KABAB-Volume-08-NYA-Karchag
RTZ	In the Rinchen Terdzö: https://rtz.tsadra.org/index.php/Terdzo-ZA-033
Colophon	།ཅེས་ཨོ་རྒྱན་དྲི་མེད་ཀུན་དགའི་ཡང་གཏེར་རྒྱལ་བ་རྒྱ་མཚོའི་སྒྲུབ་པའི་ཁོག་དབུབ་བཀླག་ཆོག་མར་བཀོད་པར་འོས་པའི་བཀའ་ལུང་ནོར་བུའི་ཅོད་པན། འཁོར་ལོའི་མགོན་པོ་གཏེར་ཆེན་བླ་མ་ཐམས་ཅད་མཁྱེན་པའི་ཞལ་སྔ་ནས་སྤྱི་བོར་སྩལ་བ་གུས་པས་མཆོད་དེ། ས་བཅད་ཀྱི་འགྲོས་དང་འདོན་ཆ་དམིགས་སུ་གསལ་བ་རྣམས་རང་གཞུང་ཉིད་རྩ་བར་བཟུང༌། ཁ་འགེངས་དགོས་ངེས་པ་རྣམས་རིགས་མཐུན་ཟབ་གཏེར་ཉི་མ་སེང་གེའི་པདྨ་རྒྱལ་པོ་དང༌། ཆོས་དབང་རིན་པོ་ཆེའི་ཡང་འདུས་ལུས་དབང་ནས་བླངས་ཏེ་པདྨ་གར་གྱི་དབང་ཕྱུག་བློ་གྲོས་མཐའ་ཡས་པའི་སྡེས་རང་གཞན་ལ་ཕན་འདོད་ལྷག་བསམ་བཟང་པོས་རྫོངས་གསར་བཀྲ་ཤིས་ལྷ་རྩེའི་ཆོས་གྲྭ་ཆེན་པོར་བགྱིས་པ་དགེ་ལེགས་འཕེལ།།
	ces o rgyan dri med kun dga'i yang gter rgyal ba rgya mtsho'i sgrub pa'i khog dbub bklag chog mar bkod par 'os pa'i bka' lung nor bu'i cod pan/__'khor lo'i mgon po gter chen bla ma thams cad mkhyen pa'i zhal snga nas spyi bor stsal ba gus pas mchod de/__sa bcad kyi 'gros dang 'don cha dmigs su gsal ba rnams rang gzhung nyid rtsa bar bzung*/__kha 'gengs dgos nges pa rnams rigs mthun zab gter nyi ma seng ge'i pad+ma rgyal po dang*/__chos dbang rin po che'i yang 'dus lus dbang nas blangs te pad+ma gar gyi dbang phyug blo gros mtha' yas pa'i sdes rang gzhan la phan 'dod lhag bsam bzang pos rdzongs gsar bkra shis lha rtse'i chos grwa chen por bgyis pa dge legs 'phel

Tibetan Text

Wylie

[edit]

༄༅། །ཡང་ཟབ་ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྒྲུབ་ཁོག་གསལ་བར་བསྡེབས་པ་ཡེ་ཤེས་རོལ་པའི་སྙིང་པོ་ཞེས་བྱ་བ་བཞུགས་སོ།། །།

༄༅༅། །ན་མོ་གུ་རུ་པདྨ་ནི་རྟི་ཤྭ་རཱ་ཡ། གཉིས་སྣང་བདེ་ཆེན་ཐིག་ལེ་གཅིག་ཏུ་འཁྱིལ། །རང་རྩལ་འགྲོ་ལ་དམིགས་མེད་ཐུགས་རྗེའི་རྒྱུན། །དུས་གསུམ་མ་འགགས་སྤྱན་རས་གཟིགས་དབང་པོས། །བདག་གཞན་སྲིད་ཞིའི་མཐའ་ལས་བསྒྲལ་དུ་གསོལ། །སྒྲུབ་ཐབས་འོ་མའི་ཆུ་གཏེར་ལས། །སྙིང་བཅུད་བདུད་རྩིའི་གང་བུ་ཉིད། །ཚོགས་སུ་སྒྲུབ་པའི་ལག་ལེན་ནི། །དོན་གཉིས་ལྷུན་གྲུབ་དཔྱད་དུ་དགོད། །སྤྲུལ་པའི་གཏེར་ཆེན་ཨོ་རྒྱན་དྲི་མེད་ཀུན་དགའི་ཡང་གཏེར་འཇིག་རྟེན་དབང་ཕྱུག་རྒྱལ་བ་རྒྱ་མཚོའི་དཀྱིལ་འཁོར་དུ་ཚོམ་བུ་ཚོགས་ཀྱི་སྒྲུབ་པ་བགྱི་བ་ལ། ཐོག་མར་ཕུན་སུམ་ཚོགས་པ་ལྔས་སྒྲུབ་པའི་གཞི་བཟུང་བ་ནི། གནས་དུས་སྟོན་འཁོར་ཡོ་བྱད་ཀྱི་རྟེན་འབྲེལ་ཚུལ་བཞིན་ཏུ་ཚོགས་པ་དགོས་ཏེ། དེའང་གནས་བྱིན་རླབས་དང་ལྡན་ལ་འདུ་འཛིས་དབེན་པ། བཀྲ་ཤིས་ལ་ཉམས་དགའ་བ། དུས་ཉི་མ་བྱང་བགྲོད་ཀྱི་ཡར་ངོའི་ཚེས་བརྒྱད་ལྟ་བུ། སྟོན་པ་རྡོ་རྗེ་སློབ་དཔོན་བསྙེན་སྒྲུབ་མཐར་ཕྱིན་ཅིང་བསྐྱེད་རྫོགས་ཀྱི་དྲོད་རྟགས་ཐོབ་པ། གྲོགས་འཁོར་དད་པ་དམ་ཚིག་ལྡན་ཅིང་སོ་སོའི་བྱ་བ་ལ་མཁས་པ། ཡོ་བྱད་སྒྲུབ་པའི་རྟེན་དང་མཆོད་པའི་དམ་རྫས་རྒྱན་གྱི་བྱེ་བྲག་སོགས་སྤྱི་དང་བྱེ་བྲག་ནས་བཤད་པ་རྣམས་སོ་སོའི་མཚན་ཉིད་དང་ལྡན་པ་ལེགས་པར་ཚོགས་པར་བྱའོ། །སྒྲུབ་པ་དངོས་ཀྱི་ལས་རིམ་ལ་གསུམ། སྔོན་འགྲོའི་རིམ་པས་ལས་ཆུང་ངུ་བྱ་བ། དངོས་གཞི་སྒྲུབ་པ་ཆེན་པོས་ཐུགས་དམ་བསྐུལ་བ། རྗེས་ཀྱི་རིམ་པ་རྣམས་ཀྱིས་མཐའ་རྒྱས་སུ་བྱ་བའོ། །དང་པོ་ལ་གསུམ། ས་ཆོག །མཚམས་གཅོད། ལྷག་གནས་ཀྱི་རིམ་པའོ། །དང་པོ་ལའང་བཞི་ལས། ཐོག་མར་ས་བརྟག་པ་སྒྲུབ་གནས་རྙིང་པ་ལ་མི་དགོས་ཤིང་གཞན་གསུམ་ཕྱག་ལེན་ཏུ་མཛད་པ་ལས། གཉིས་པ་ས་སློང་བ་ལའང། སྣང་བ་ཡུལ་བདག་ལས་བསླངས་ཟིན་པའི་དབང་དུ་བྱས་ཏེ། མི་སྣང་བ་ས་བདག་ལྷ་ཀླུ་ལས་བསླང་བ་ནི། དཀྱིལ་འཁོར་གང་དུ་བྱ་བའི་སྟེགས་བུའི་དབུས་སུ་མེ་ཏོག་གི་ཚོམ་བུ་གཅིག་བཀོད་པའི་མདུན་དུ་ས་ལྷའི་གཏོར་མ་དཀར་ཟླུམ་མདུན་ཏུ་ཐེབ་ཀྱུ་དང་རིལ་བུས་མཚན་པ་བཀོད། མཐར་བྱང་ཤར་དུ་མཚམས་འཛིན་གྱི་མེ་ཏོག་ནས་བརྩམས་ཏེ་ཆུ་གཉིས་ཉེར་སྤྱོད་ལྔ་དང་བཅས་པས་གཡས་སུ་བསྐོར། གཞན་ཡང་ཉེ་བར་མཁོ་བའི་ཡོ་བྱད་རྣམས་ཚོགས་པར་བྱས་ལ། ཐོག་མར་བདག་གི་རྣལ་འབྱོར་ནི། ཚིག་བདུན་སོགས་གསོལ་འདེབས་སྔོན་ཏུ་འགྲོ་བས། ཕྲིན་ལས་ལམ་ཁྱེར་ལྟར་སྐྱབས་སེམས་ལན་གསུམ་དང་ཚད་མེད་བཞི་བསྒོམ། གཏེར་གཞུང་གི་དབུ་ནས་འབྱུང་བའི་སྒྲུབ་ཐབས་ལྟར་ཡན་ལག་བཞི་རྫོགས་སུ་བསྐྱེད། དམིགས་པའི་འཕྲོ་འདུ་བཅས་ཡི་གེ་བཅུ་གཉིས་བརྒྱ། ཤམ་བུ་གདགས་པ་བརྒྱ་བརྒྱད་ཙམ་བཟླས་ལ། འོད་གསལ་དུ་བསྡུ་ཞིང་ཐུན་མཚམས་ཟུང་འཇུག་གི་སྐུར་ལྡངས། མཆོད་གཏོར་རྣམས། ཨོཾ་པདྨཱནྟ་ཀྲྀ་ཏ་ཧཱུྃ་ཕཊཿཀྱིས་བསང༌། ཨོཾ་སྭ་བྷཱ་བ་སོགས་ཀྱིས་སྦྱང༌། ཐམས་ཅད་སྟོང་ཉིད་ནམ་མཁའི་ངང་༔ བྷྲཱུྃ་ལས་རིན་ཆེན་སྣོད་ནང་དུ༔ ཨོཾ་ལས་ཕྱི་ནང་མཆོད་པའི་ཚོགས༔ སོ་སོའི་ལྷ་མོའི་རོལ་པ་བཅས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གྷནྡྷེ་ནཻ་བིདྱ་ཤཔྡ་པཱུ་ཛ་ས་མ་ཡ་ཧཱུྃ༔ ཞེས་དང༌། གཏོར་གཞོང་རཏྣའི་གཞལ་ཡས་སུ༔ གཏོར་མ་འདོད་ཡོན་ཕུང་པོར་སྤུངས༔ ཨོཾ་ཨཱཿཧཱུྃ༔ གསུམ་གྱིས་བརླབ། རང་ཐུགས་རྗེ་ཆེན་པོར་གསལ་བའི་ཐུགས་ཀ་ནས་འོད་ཟེར་འཕྲོས༔ ས་འོག་ནས་སའི་ལྷ་མོ་འཁོར་དང་བཅས་པ་སྤྱན་དྲངས༔ དགྱེས་ཤིང་འཛུམ་པའི་མདངས་ཕྱུང་སྟེ་འཁོད་པར་གྱུར༔ ཨོཾ་པྲྀ་ཐྭཱི་དེ་ཝཱི་ནཱ་ག་བྷཱུ་མི་པ་ཏི་ས་པ་རི་ཝཱ་ར་ཨི་དཾ་བ་ལིཾ་ཏ་གྷྲྀཧྣ་བྷཱུཉྫ་ཧོཿ། ཞེས་ལན་གསུམ་གྱིས་གཏོར་མ་འབུལ། ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གྷནྡྷེ་ནེ་བིདྱ་ཤཔྡ་པྲ་ཏྭིཙྪ་སྭཱ་ཧཱས་མཆོད། ཧཱུྃ༔ དགོངས་ཤིག་དབང་ཆེན་མངའ་བདག་བརྟན་མ་དང་༔ ཆུ་དང་ས་ལ་གནས་པའི་འབྱུང་པོ་ཀུན༔ བདག་གིས་མཆོད་ཅིང་བསྟོད་པས་དགྱེས་པ་བསྐྱེད༔ རིན་ཆེན་ས་རིན་མཆོད་གཏོར་འདི་བཞེས་ལ༔ ཀོ་ལོང་རུ་ང་ཕྲག་དོག་མ་མཛད་པར༔ ཞི་དང་བཀྲ་ཤིས་བདེ་ལེགས་སྩལ་དུ་གསོལ༔ ཅེས་གསོལ་བས་དགྱེས་བཞིན་དུ་གནང་བ་བྱིན༔ གཙྪ་ཞེས་བརྗོད་པས། འོད་ཟེར་རིན་པོ་ཆེ་འབར་བའི་རྣམ་པས་སའི་གཞི་དེར་ཐིམ་པས་བཀྲ་ཤིས་པའི་གཟི་བྱིན་འབར་བར་གྱུར། ཅེས་བསྒོམ། གསུམ་པ་སྦྱང་ཞིང་གཟུང་བ་ནི། དབང་མཆོག་ཕུར་བུ་ཐོགས་ལ། བདག་དང་དབང་མཆོག་གི་ཕུར་བུ་རྟ་མགྲིན་དུ་གསལ་བ་ལས་འོད་ཟེར་དམར་པོའི་དྲྭ་བས་ཕྱོགས་ཀུན་ཁྱབ་པས་ས་གཞི་དབང་དུ་བྱས་པར་གྱུར༔ ཧྲཱི༔ བདག་ཉིད་དབང་ཆེན་ཐུགས་ཀ་ནས༔ འོད་འཕྲོས་ས་ཡི་དངོས་འཛིན་སྦྱངས༔ ཕྱོགས་མཚམས་འོད་དམར་འབར་བས་ཁྱབ༔ བརྟན་གཡོ་ཐམས་ཅད་དབང་དུ་གྱུར༔ ཧྲཱིཿབི་ཤུདྡྷ་པ་ཤཾ་ཀུ་རུ་ཧོཿ །ཞེས་བརྗོད་ཅིང་ཕུར་བུ་དཀྱིལ་འཁོར་གྱི་སྟེགས་བུའི་ནུབ་བྱང་དུ་གདབ་བོ། །བཞི་པ་བསྲུང་ཞིང་མཚམས་གཅོད་པ་ནི། བགེགས་གཏོར་བཤམ། ཕྲིན་ལས་ལྟར་བྱིན་རླབས་བསྔོ་བ་བཀའ་བསྒོ་རྣམས་བྱས་ལ་རྟ་སྔགས་ཧཱུྃ་བཞི་པ་ཡུངས་ཐུན་གུ་གུལ་དུད་པས་བདུག་ལ་བསྐྲད། སྲུང་མཚམས་གཅོད་པའི་ཚིག་བརྗོད་ལ་སྲུང་འཁོར་བརྟན་པོར་བསྒོམ་མོ། །གཉིས་པ་མཚམས་བཅད་པ་ལ་གསུམ། ཕྱི་ནང་གསང་བའོ། །དང་པོ་ཕྱི་མཚམས་རྒྱལ་ཆེན་བཞི་ལ་བཅོལ་བ་ནི། སྒྲུབ་ཁང་གི་ཕྱོགས་བཞིར་གོམ་པ་བདུན་ཅུ་རྩ་བཞིའི་སར་ཐོ་བཞི་བརྩེགས་པ་ལ་རྒྱལ་ཆེན་སོ་སོའི་སྐུའམ་སྔགས་བྱང་རྒྱལ་མཚན་དང་བཅས་པ་བཙུགས་ལ་སོ་སོའི་མདུན་དུ་སྟེགས་གཙང་མར་གཏོར་མ་དཀར་ཟླུམ་མདུན་དུ་ཐེབ་ཀྱུ་རིལ་བུས་མཚན་པ་དང༌། དེའི་མདུན་དུ་གཡོན་ཕྱོགས་ནས་བརྩམས་པའི་ཆུ་གཉིས་ཉེར་སྤྱོད་ལྔ་བཅས་བཤམ། སྒྲུབ་པ་པོ་རྣམས་རོལ་ཆས་སོགས་སེར་སྦྲེང་གི་ཚུལ་གྱིས་སྒྲུབ་ཁང་ནས་དོན་ཏེ་ཤར་ཀྱྀ་ཐོ་མདུན་ཏུ་འཁོད་ལ། གོང་ས་ལྷའི་སྐབས་ལྟར་མཆོད་གཏོར་བསང་སྦྱང་བྱིན་རླབས་བྱ། རང་གི་སྙིང་ག་ནས་འོད་ཟེར་འཕྲོས་པས་རི་རབ་ཀྱི་ཤར་ཕྱོགས་ནས་རྒྱལ་པོ་ཆེན་པོ་ ཡུལ་འཁོར་སྲུང་འཁོར་དང་བཅས་པ་སྤྱན་དྲངས་ཏེ་རྟེན་དང་དབྱེར་མེད་པར་བཞུགས་པར་བསམས་ལ། ཨོཾ་དྷྲིཥྟཱ་རཱཥྟཱ་ཡ་སྭཱ་ཧཱ༔ ས་པ་རི་ཝཱ་ར་ཨེ་ཧྱེ་ཧིཿབཛྲ་ས་མཱ་ཛ༔ ཛཿཧཱུྃ་བྃ་ཧོ༔ ས་མ་ཡ་སྟྃ༔ ཞེས་རྟེན་ལ་དྲང་ཞིང་བསྟིམ། ཨོཾ་དྷྲྀཥྟ་རཱཥྟ་ཡ་ས་པ་རི་ཝཱ་ར་ཨི་དཾ་བ་ལིཾ་ཏ་གྷྲྀཧྣ་བྷཱུཉྫ་ཧོཿ ཞེས་ལན་གསུམ་གྱིས་གཏོར་མ་འབུལ། ཨོཾ་བཛྲ་པུཥྤེ་སོགས་ཀྱིས་མཆོད། ཧཱུྃཿ ཤར་ཕྱོགས་སྐྱོང་མཛད་ཡུལ་འཁོར་སྲུང་༔ དྲི་ཟའི་དཔུང་དང་བཅས་རྣམས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ སྲུང་བ་མཚམས་ཀྱི་ལས་མཛོད་ཅིག༔ སྔགས་ཀྱི་མཐར། ཏིཥྛ་བཛྲ་ས་མ་ཡ་སྟྭཾ་ཞེས་བརྗོད་ཅིང་མེ་ཏོག་འཐོར་བ་དང་བཅས་བརྟན་པར་བཞུགས། བཀྲ་ཤིས་བརྗོད། དེ་ནས་ལྷོའི་ཐོ་མདུན་ཏུ་ཕྱིན་ལ་མཆོད་གཏོར་བྱིན་བརླབ། རང་གི་སྙིང་ག་ནས་འོད་ཟེར་འཕྲོས་པས་རི་རབ་ཀྱི་ལྷོ་ཕྱོགས་ནས་རྒྱལ་པོ་ཆེན་པོ་འཕགས་སྐྱེས་པོ་འཁོར་དང་བཅས་པ་སྤྱན་དྲངས་ཏེ་རྟེན་དང་དབྱེར་མེད་པར་བཞུགས་པར་བསམས་ལ། ཨོཾ་བཻ་རཱུ་ཌྷ་ཀཱ་ཡ་སྭཱ་ཧཱ༔ ས་པ་རི་ཝཱ་ར་ཨེ་ཧྱེ་ཧི༔ བཛྲ་ས་མཱ་ཛ༔ ཛཿཧཱུྃ་བྃ་ཧོ༔ ས་མ་ཡ་སྟྭཾ༔ ཞེས་རྟེན་ལ་དྲང་ཞིང་བསྟིམ། སྔགས་མཐར་གཏོར་སྔགས་བཏགས་པ་གསུམ་དང༌། ཉེར་སྤྱོད་ཀྱིས་མཆོད། ཧཱུྃ༔ ལྷོ་ཕྱོགས་སྐྱོང་མཛད་འཕགས་སྐྱེས་པོ༔ གཤིན་རྗེའི་དཔུང་དང་བཅས་རྣམས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ སྲུང་བ་མཚམས་ཀྱི་ལས་མཛོད་ཅིག༔ སྔགས་ཀྱི་མཐར། ཏིཥྛ་བཛྲ་ས་མ་ཡ་སྟྭཾ༔ ཞེས་བརྟན་བཞུགས་དང་ཤིས་བརྗོད་བྱ། ནུབ་ཀྱི་ཐོ་མདུན་ཏུ་ཕྱིན་ལ་མཆོད་གཏོར་བྱིན་བརླབ། རང་གི་སྙིང་ག་ནས་འོད་ཟེར་འཕྲོས་པས་རི་རབ་ཀྱི་ནུབ་ཕྱོགས་ནས་རྒྱལ་པོ་ཆེན་པོ་སྤྱན་མི་བཟང་འཁོར་དང་བཅས་པ་སྤྱན་དྲངསཏེ་རྟེན་དང་དབྱེར་མེད་པར་བཞུགས་པར་བསམས་ལ། ཨོཾ་བི་རཱུ་པཱཀྵ་ཡ་སྭཱ་ཧཱ༔ ས་པ་རི་ཝཱ་ར་ཨེ་ཧྱེ་ཧི༔ བཛྲ་ས་མཱ་ཛ༔ ཛཿཧཱུྃ་བྃ་ཧོཿ ས་མ་ཡ་སྟྭྃ༔ ཞེས་རྟེན་ལ་དྲང་ཞིང་བསྟིམ། སྔགས་མཐར་གཏོར་སྔགས་བཏགས་པ་གསུམ་དང༌། ཉེར་སྤྱོད་ཀྱིས་མཆོད། ཧཱུྃཿ ནུབ་ཕྱོགས་སྐྱོང་མཛད་སྤྱན་མི་བཟང་༔ ཀླུ་ཡི་དཔུང་དང་བཅས་རྣམས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ སྲུང་བ་མཚམས་ཀྱི་ལས་འཛོད་ཅིག༔ སྔགས་ཀྱི་མཐར། ཏིཥྛ་བཛྲ་ས་མ་ཡ་སྟྭཾ༔ ཞེས་བརྟན་བཞུགས་དང་ཤིས་བརྗོད་བྱ། བྱང་གི་ཐོ་མདུན་ཏུ་ཕྱིན་ལ་མཆོད་གཏོར་བརླབ། རང་གི་སྙིང་ག་ནས་འོད་ཟེར་འཕྲོས་པས་རི་རབ་ཀྱི་བྱང་ཕྱོགས་ནསརྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པ་སྤྱན་དྲངས་ཏེ་རྟེན་དང་དབྱེར་མེད་པར་བཞུགས་པར་བསམས་ལ། ཨོཾ་བཻ་ཤྲ་མ་ཎཱ་ཡ་སྭཱ་ཧཱ༔ ས་པ་རི་ཝཱ་ར་ཨེ་ཧྱེ་ཧི༔ བཛྲ་ས་མཱ་ཛ༔ ཛཿཧཱུྃ་བཾ་ཧོ༔ ས་མ་ཡ་སྟྭཾ༔ ཞེས་རྟེན་ལ་དྲང་ཞིང་བསྟིམ། སྔགས་མཐར་གཏོར་སྔགས་བཏགས་པ་ལན་གསུམ་དང༌། ཉེར་སྤྱོད་ཀྱིས་མཆོད། ཧཱུྃ༔ བྱང་ཕྱོགས་སྐྱོང་མཛད་རྣམ་ཐོས་སྲས༔ གནོད་སྦྱིན་དཔུང་དང་བཅས་རྣམས་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ སྲུང་བ་མཚམས་ཀྱི་ལས་མཛོད་ཅིག༔ སྔགས་ཀྱི་མཐར། ཏིཥྛ་བཛྲ་ས་མ་ཡ་སྟྭཾ༔ ཞེས་བརྟན་བཞུགས་བྱ། བཀྲ་ཤིས་བརྗོད། གཉིས་པ་བར་མཚམས་ལ་གཉིས་ལས། བགེགས་ལ་ཕུར་བུས་གདབ་ཅིང་མནན་པ་ནི། དུག་ཤོག་ལ་དམ་སྲིའི་ལིངྒ་བྱ་མཆུ་ཅན་ཡན་ལག་ལྕགས་སྒྲོག་གིས་བསྡམས་པའི་སྙིང་གར་ཛ་ཏྲཱི་ཛ་ཁ་སྤྲོད་མཐར་མགྲིན་པ་ནས་བརྩམས་ཏེ་མགོ་ཕྱིར་བསྟན་པས། ཡ་མ་དམ་སྲི་ག་མ་པ་རི་མཱ་ར་ཛཿཛཿནནཿ ཏྲཱིའུ་ཏྲིའུ་མཱ་ར་ཡ་ན་མ་ཤོ་ཛཿཁུག་ནན༔ ཞེས་དང༌། གཟུགས་ཀྱི་མཐར་ཡིག་མགོ་ནང་དུ་བསྟན་ལ། དུས་དྲུག་དང་བཅུར་རྒྱུ་བའི་ཉུལ་ལེ་དམ་སྲི་རྒྱལ་འགོང་འབྱུང་པོའི་ཚོགས་དང་བཅས་པའི་ལུས་ངག་ཡིད་གསུམ་མཐུ་སྟོབས་ཐམས་ཅད་ནོན་ཅིག །བསྐལ་པ་མ་སྟོང་གི་བར་ཏུ་མ་ལྡངས་ཤིག །ཨོཾ་ལམ་ཧཱུྃ་ལམ་སྟྭཱམྦྷ་ཡ་ནན༔ ཞེས་པ་རྣམས་ཀྱི་མཐར་ཛ་ཁྲོམ་གྱིས་བསྐོར་བ་བྲིས་ལ། འགྲུབ་ན་སྒྲུབ་པའི་སྔ་ཉིན་ལྟ་བུར་ཕུར་པ་སོགས་དྲག་པོའི་ཕྲིན་ལས་བཏང་བའི་ཚོགས་ཐ་མའི་གདབ་ཁ་དང་འབྲེལ་བར་བཀུགས་སྟིམ་གྲངས་མང་བྱས་ལ་ཐུན་གདབ། འདྲེ་ལྟེབ་ཏུ་གཅག་ཅིང་ཚོན་སྐུད་ཀྱིས་བཅིང༌། ཐོད་ངན་ནམ་ཁྱི་ཐོད་ལྟ་བུར་བཅུག །ཕུང་རེས་དྲིལ་ལ་རྩང་གིས་གཟེར་བའི་མནན་ཆས་བྱས། སྒོ་དྲུང་དུ་དོང་གྲུ་གསུམ་བྲུས་པ་ལ་བཀོད། དེ་ཙམ་མི་འགྲུབ་པའི་སྐབས་ལིངྒ་དོང་ནང་དུ་བཏིང༌། སློབ་དཔོན་ཀྱིས་གསེར་སྐྱེམས་ཐོགས་ལ། རྃ་ཡྃ་ཁྃ། ཨོཾ་ཨཱཿཧཱུྃ་ཧ་ཧོ་ཧྲཱིཿ གསུམ་གྱིས་བྱིན་བརླབས་ལ། ཧཱུྃ་ རིག་འཛིན་རྩ་བརྒྱུད་བླ་མ་དམ་པ་དང༌། །བདེ་གཤེགས་ཞི་ཁྲོ་རབ་འབྱམས་དཀྱིལ་འཁོར་ལྷ། །ཁྱད་པར་པདྨ་ཞི་ཁྲོའི་ལྷ་ཚོགས་རྣམས། །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་སྐྱེད། །མ་མགོན་ལྕམ་དྲལ་དམ་ཅན་རྒྱ་མཚོའི་ཚོགས། །དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། །བཀའ་ཉན་བྲན་གཡོག་མངག་གཞུག་བཅས་རྣམས་ཀྱིས། །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་སྐྱེད། །སྔགས་འཆང་བདག་གི་རིགས་ཀྱི་སྲུང་མ་དང༌། །ས་ཕྱོགས་འདི་སོགས་ཡུལ་གཞི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་སྐྱེད། །ཅེས་པའི་ཚིགས་མཚམས་གསུམ་པོར་གསེར་སྐྱེམས་ཕུལ། ཨོཾ་པདྨཱནྟ་ཀྲྀ་ཏ་ཧ་ཡ་གྲི་བ་ཧཱུྃ་ཕཊ། ཞེས་རང་ཉིད་དབང་ཆེན་ཡོངས་རྫོགས་ཀྱི་ང་རྒྱལ་གཟུང༌། ཨེ་ཡྃ་རྃ། ཛྭ་ལ་རྃ། བྲུབ་ཁུང་ཡངས་ཤིང་གཏིང་ཟབ་པའི་ནང་དུ་ཏྲི་ལས་དམ་སྲི་ཕོ་མོ་གཟུགས་རིད་ཅིང་ཉམ་ཐག་པའི་ལུས་ཅན་དུ་གྱུར། ན་མོ་དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་གྱི་བཀའ་བདེན་པ་དང༌། ཆོས་ཉིད་རྣམ་པར་དག་པའི་བདེན་པ་དང༌། །ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་འཇིག་རྟེན་དབང་ཕྱུག་འཕགས་པ་ཐུགས་རྗེ་ཆེན་པོའི་ལྷ་ཚོགས་རྣམས་ཀྱི་བཀའ་བདེན་པ་དང༌། སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་བྱིན་གྱི་རླབས་ཀྱིས་དངོས་གྲུབ་ལ་བར་དུ་གཅོད་པའི་ཡ་མ་དམ་སྲི་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཏྲི་ཡཾ་ཛ༔ ཏྲི་བཛྲ་ཨངྐུ་ཤ་ཛ༔ ཛཿཧཱུྃ་བྃ་ཧོཿ ལན་གསུམ་གྱིས་དགུག་གཞུག་བྱས་ལ། ཧཱུྃ༔ མ་རིག་གཏི་མུག་རྒྱུ་ལས་བྱུང་༔ ཆགས་སྡང་ཉོན་མོངས་དྲག་པོའི་གཟུགས༔ དམ་སྲི་བྱ་བའི་ལས་ངན་ཁྱོད༔ སྔོན་ཡང་སྒྲུབ་ལ་བར་དུ་བཅད༔ ད་ཡང་གནོད་པ་རྩོམ་ལ་འདུན༔ དེ་ཕྱིར་སྙིང་རྗེ་ཁྲོས་པ་ཡི༔ ཡེ་ཤེས་རྡོ་རྗེའི་ལྕགས་ཀྱུས་དགུག༔ ཐར་མེད་ཨེ་ཡི་དབྱིངས་སུ་མནན༔ མེ་ཆུ་རླུང་གི་ཕྱག་རྒྱས་བཏབ༔ རྡོ་རྗེའི་གར་གྱི་བྲཽ་བརྡུངས་པས༔ བྱང་ཆུབ་མཆོག་སེམས་མ་བསྐྱེད་བར༔ ནམ་ཡང་ལྡང་བའི་སྐབས་མེད་དོ༔ ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུྃ་ཕཊ༔ ཡ་མ་དམ་སྲི་སྒྲུབ་པ་ལ་བར་དུ་གཅོད་པ་ཐམས་ཅད་སྟྭཾ་བྷ་ཡ་ལྃཿནན༔ ཞེས་བརྗོད་ལ་སས་བྱིབ། མེ་ཆུ་རླུང་གིས་རྒྱས་གདབ། རོ་གཡམ་ལ་གླིང་བཞི་དང་རྒྱ་གྲམ་བྲིས་པས་ཁ་བཅད། ཐམས་ཅད་ལག་པ་ལུ་གུ་བརྒྱུད་དུ་སྦྲེལ་ལ། ལས་བྱང་ལྟར། ཧྲཱིཿཧྲཱི༔ རྒྱལ་བ་རྒྱ་མཚོའི་དཀྱིལ་འཁོར་དུ༔ སོགས་དང༌། ཧཱུྃ་བཞིའི་སྔགས་བརྗོད་ལ་རྟ་བྲོ་བརྡུང༌། དེ་ནས་སྒོ་བྱང་གདགས་པ་ནི། ཤིང་བྱང་ལ་རྟ་མགྲིན་དམར་ནག་ཤིན་ཏུ་ཁྲོས་པ་ཕྱག་གཡས་ཐོད་དབྱུག་ཕྱར་ཞིང་གཡོན་ཞགས་པ་འཛིན་པ་དབུ་གཙུག་རྟ་ཞལ་ལྗང་གུ་དུར་ཁྲོད་ཆས་བརྒྱད་ཞབས་འདོར་ཐབས་པད་ཉིར་བཞེངས་ཤིང་མེ་ཀློང་འགྱིང་བ་དང༌། རྒྱབ་ངོས། ཨོཾ་པདྨཱནྟ་ཀྲྀ་ཏ་ཧ་ཡ་གྲཱི་བ་ཧཱུྃ་ཕཊ༔ དཔལ་རྟ་མཆོག་ཧེ་རུ་ཀ་རྟེན་འདིར་བརྟན་པར་བཞུགས་ནས་སྒྲུབ་པའི་གནས་འདིར་ནང་གི་དངོས་གྲུབ་ཕྱིར་མི་ཡལ་བ་དང་ཕྱིའི་བར་ཆད་ནང་དུ་མི་གཏོང་བའི་ཕྲིན་ལས་གཡེལ་བ་མེད་པར་མཛད་དུ་གསོལ། ཅེས་བྲིས་པ་སྒོའི་ཡ་ཐེམ་དུ་གདགས། མཆོད་གཏོར་བཤམས་ལ་བྱིན་རླབས་སྔར་བཞིན་བྱ། ཧྲཱིཿ དབང་ཆེན་རོལ་པའི་དུར་ཁྲོད་ནས༔ བཅོམ་ལྡན་ཁྲོ་རྒྱལ་རྟ་མཆོག་དཔལ༔ དམ་ཚིག་དབང་གིས་འདིར་གཤེགས་ལ༔ རྟེན་དང་དབྱེར་མེད་བརྟན་པར་བཞུགས༔ ཨོཾ་པདྨཱནྟ་ཀྲྀ་ཏ་ཧ་ཡ་གྲཱི་ཝ་ས་པ་རི་ཝཱ་ར་ཨེ་ཧྱེ་ཧི་ཧི་ཧི༔ བཛྲ་ས་མཱ་ཛ༔ ཛཿཧཱུྃ་བྃ་ཧོཿ ས་མ་ཡ་སྟྭཾ༔ ཞེས་རྟེན་དང་དབྱེར་མེད་དུ་བཞུགས་པར་མོས། སྙིང་པོའི་མཐར་གཏོར་སྔགས་སྦྱར་བ་ལན་གསུམ་གྱིས་གཏོར་མ་དང༌། ཨོཾ་བཛྲ་ཨརྒྷཾ་ནས་ཤཔྡ་པྲ་ཏཱིཙྪ་སྭཱ་ཧཱའི་བར་གྱིས་མཆོད་པ་འབུལ། ཧཱུྃཿ ཆོས་ཉིད་ཞི་བ་པདྨའི་རྒྱལ༔ གདུག་པ་འདུལ་ཕྱིར་རྔམས་པའི་གཟུགས༔ རྡོ་རྗེ་རྟ་ཡི་གདོང་པ་ཅན༔ ཧེ་རུ་ཀ་ལ་ཕྱག་འཚལ་བསྟོད༔ རྟེན་དང་དབྱེར་མེད་བརྟན་པར་བཞུགས༔ གསང་ཆེན་སྒྲུབ་པའི་དཀྱིལ་འཁོར་འདིར༔ ནང་གི་དངོས་གྲུབ་ཕྱིར་མ་གཏོང་༔ ཕྱི་ཡི་བགེགས་ཚོགས་རྒྱུན་ཆོད་ཅིག༔ ཅེས་བསྟོད་ཅིང་ཕྲིན་ལས་གསོལ༔ ཨོཾ་པདྨཱནྟ་ཀྲྀ་ཏ་ཧ་ཡ་གྲཱི་ཝ་ས་མ་ཡ་ཧོ༔ ས་མ་ཡ་སྟཱྃ༔ ས་མ་ཡ་ཏིཥྛནྟུ༔ ཞེས་བརྗོད་པས་དགྱེས་བཞིན་དུ་རྟེན་ལ་བཞུགས་ནས་ནང་གི་མཚམས་བཅད་པར་བསམ་མོ། །གསུམ་པ་གསང་མཚམས་ཁྲོ་བཅུ་རོལ་པའི་ཕུར་གདབ་ནི། དཀྱིལ་འཁོར་གྱི་སྟེགས་བུའི་ཕྱོགས་མཚམས་བརྒྱད་ཤར་ནུབ་ཀྱི་ཕྱི་རྣམས་སུ་ཕུར་གདན་གྲུ་གསུམ་བཅུ་བཀོད། སློབ་དཔོན་དཀྱིལ་འཁོར་ཤར་དུ་ཕྱོགས་ནས་འཁོད་པའི་མདུན་ཏུ་སེང་ལྡེང་གི་ཕུར་པ་ཙན་དན་དམར་པོས་ཁ་དོག་བསྒྱུར་ཞིང་རྩེ་མོར་ཅོད་པན་བཅིངས་པ་བཅུ་འབྲུ་སྣོད་དུ་བཞག་ལ། རང་ཉིད་རྟ་མཆོག་དཔལ་དུ་གསལ་བའི་ཐུགས་ཀ་ནས་ཡེ་ཤེས་བཅུའི་རང་བཞིན་ཧཱུྃ་འབར་བ་དང་བཅས་སྤྲོས༴ ཕུར་བུ་རྣམས་ལ་ཐིམ་པས་སྟོད་ཁྲོ་བོ་ལ་སྨད་ཕུར་བུའི་རྣམ་པ་ཅན་དམ་ཚིག་དང་ཡེ་ཤེས་དབྱེར་མེད་དུ་གྱུར་པར་བསམས་ལ། སློབ་དཔོན་ཀྱི་ཕྱག་གཡས་པས་ཐོ་བ་དང་གཡོན་པས་ཕུར་བུ་ཐོགས་ལ་སྟངས་སྟབས་དང་བཅས། སྟེང་གི་ཕུར་བུ་ཤར་གྱི་ཤར་དུ་གདབ་ལ། ཧཱུྃ༔ དབང་ཆེན་ཀུན་ལ་དབང་སྒྱུར་བའི༔ སྐྱེ་ལ་དབང་མཛད་ཧཱུྃ་ཀ་ར༔ སྟེང་གི་ཕྱོགས་སུ་བཞུགས་ནས་ཀྱང་༴ གསང་བ་མཚམས་ཀྱི་ལས་མཛོད་ཅིག༔ ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ་གརྫ་གརྫ་སརྦ་དུཥྟཱན་མཱ་ར་ཡ་ཧཱུྃ་ཧཱུྃ་ཕཊ༔ ཤར་ནས་ཕྱོགས་བཞིར་གཡས་བསྐོར་དུ་གདབ་ལ། ཧཱུྃཿ དབང་ཆེན་ཀུན་ལ་དབང་སྒྱུར་བའི༴ ཡོ་བྱད་དབང་མཛད་རྣམ་པར་རྒྱལ༔ ཤར་གྱི་ཕྱོགས་སུ༴ གསང་བ༴ ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ་ཧ་ན་ཧ་ན་སརྦ་དུཥྟན༴ ཧཱུྃ༔ དབང་ཆེན༴ ཚེ་ལ་དབང་མཛད་གཤིན་རྗེའི་གཤེད༔ ལྷོ་ཡི་ཕྱོགས་སུ༴ གསང་བ༴ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ་པ་ཙ་པ་ཙ་སརྦ༴ ཧཱུྃ༔ དབང་ཆེན༴ ཆོས་ལ་དབང་མཛད་རྟ་མཆོག་དཔལ༔ ནུབ་ཀྱི་ཕྱོགས༴ གསང་བ༴ ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུྃ་ཧུ་ལུ་ཧུ་ལུ་སརྦ༴ ཧཱུྃ༔ དབང་ཆེན༴ ལས་ལ་དབང་མཛད་བདུད་རྩི་འཁྱིལ༔ བྱང་གི་ཕྱོགས་སུ༴ གསང་བ༴ ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ་ཙྪིནྡ་ཙྪིནྡ་སརྦ༴ བྱང་ཤར་ནས་མཚམས་བཞི་གཡོན་བསྐོར་དུ་གདབ་ལ། ཧཱུྃ༔ དབང་ཆེན༴ རྫུ་འཕྲུལ་དབང་མཛད་ཁམས་གསུམ་རྒྱལ༔ བྱང་ཤར་མཚམས་སུ༴ གསང་བ༴ ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ་བྷིནྡྷ་བྷིནྡྷ་སརྦ༴ ཧཱུྃ༔ དབང་ཆེན༴ སེམས་ལ་དབང་མཛད་འདོད་པའི་རྒྱལ༔ ནུབ་བྱང་མཚམས་སུ༴ གསང་བ༴ ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ་ཏིཥྛ་ཏིཥྛ་སརྦ༴ ཧཱུྃ༔ དབང་ཆེན༴ མོས་ལ་དབང་མཛད་མི་གཡོ་མགོན༔ ལྷོ་ནུབ་མཚམས་སུ༴ གསང་བ༴ ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ་བྷནྡྷ་བྷནྡྷ་སརྦ༴ ཧཱུྃ༔ དབང་ཆེན༴ ཡེ་ཤེས་དབང་མཛད་དབྱུག་སྔོན་ཅན༔ ཤར་ལྷོའི་མཚམས་སུ་བཞུགས་ནས་ཀྱང་༔ གསང་བ༴ ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ་ད་ཧ་ད་ཧ་སརྦ༴ འོག་ཕུར་ནུབ་ཀྱི་ནུབ་ཏུ་གདབ་ལ། ཧཱུྃ༔ དབང་ཆེན༴ སྨོན་ལམ་དབང་མཛད་སྟོབས་པོ་ཆེ༴ འོག་གི་ཕྱོགས་སུ༴ གསང་བ༴ ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ་སྥོ་ཊ་སྥོ་ཊ་སརྦ༴ ཞེས་པ་ནི་སྤྲོས་བཅས་ཀྱི་ཕྱག་ལེན་དང་འབྲེལ་བའི་སྐབས་ཅུང་ཟད་རྒྱས་པར་སྤྲོས་པ་ཡིན་ལ། བསྡུ་ན་གཏེར་གཞུང་དངོས་བསྟན་གྱི་སྐུལ་ཚིག །ཧཱུྃ༔ དབང་ཆེན་ཀུན་ལ་དབང་བསྒྱུར་བའི༔ དབང་བཅུའི་བདག་ཉིད་ཁྲོ་བོ་བཅུ༔ དཀྱིལ་འཁོར་ཕྱོགས་བཅུར་བཞུགས་ནས་ཀྱང་༔ གསང་བ་མཚམས་ཀྱི་ལས་མཛོད་ཅིག༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་བཛྲ་ཀྲོ་དྷ་སརྦ་དུཥྟན་མཱ་ར་ཡ་ཧཱུྃ་ཧཱུྃ་ཕཊ༔ ཅེས་པས་འཐུས་ཤིང་འདིའི་སྐབས་སུའང་ཧཱུྃ་བཅུ་པོ་རེ་རེ་བཞིན་བཛྲ་ཀྲོ་དྷ་སོགས་སྦྱར་ན་ལེགས་སོ། །གང་ལྟར་མཐར། བགེགས་ཀྱི་གཙོ་བོ་ཕྱོགས་སྐྱོང་བཅུའི་སྙིང་གར་ཕུར་པའི་དཔལ་གྱིས་གཟིར་ཏེ་སྐུ་དང་འོད་ཟེར་སྤྲུལ་པའི་ཕོ་ཉས་བར་དུ་གཅོད་པ་ཐམས་ཅད་ཚར་བཅད་པར་གྱུར༔ ཅེས་བསྒོམ། གསུམ་པ་ལྷག་གནས་ལ་གཉིས། ལྷ་དང༌། བུམ་པ་སྟ་གོན་ནོ། །དང་པོ་ནི། ལྷ་ལ་སྙན་གསན་དབབ་པ་སྟེ། རྡུལ་ཚོན་གྱི་སྐབས་སུ་ཡེ་ཤེས་དང་ལས་ཀྱི་ཐིག་བཏབ་ནས་ལྷ་གནས་ངེས་པར་བྱ་དགོས་ཀྱང་དཀྱུས་སུ་རས་བྲིས་ཀྱི་དབང་དུ་བྱས་ཏེ། དཀྱིལ་འཁོར་གྱི་སྟེགས་བུའི་དབུས་སུ་གཙོ་བོ། །ཕྱོགས་བཞིར་རིགས་བཞི། དེ་རྒྱབ་མཁའ་འགྲོ་སྡེ་བཞི་བཅས་མེ་ཏོག་གི་ཚོམ་བུ་གཙོ་འཁོར་ཕྱཻད་པར་དགོད། མཆོད་གཏོར་བཤམས་ལ་ས་ཆོག་མཚམས་གཅོད་རྣམས་དང་ཞག་གིས་བར་ཆོད་ན་བདག་བསྐྱེད་བཟླས་པ་དང་བཅས་པ་བྱ། ཉིན་གཅིག་ལ་སྦྲེལ་ན་མི་དགོས། ལས་བྱང་ལྟར་མཆོད་པ་བྱིན་བརླབ། སྒྲུབ་པའི་གཞིར་རང་བྱུང་ཡེ་ཤེས་ཀྱི་གཞལ་མེད་ཁང་ཆེན་པོར་རྒྱལ་བ་རྒྱ་མཚོ་ཐུགས་རྗེ་ཆེན་པོའི་ལྷ་ཚོགས་དྭངས་པའི་མཁའ་ལ་འཇའ་ཚོན་ཤར་བ་ལྟར་སྐད་ཅིག་གིས་གསལ་བར་གྱུར༔ ཅེས་གདོད་ནས་གྲུབ་པའི་ཡེ་ཤེས་ཀྱི་དཀྱིལ་འཁོར་གསལ་བཏབ་ལ་ལས་བྱང་ལྟར་མཆོད་བསྟོད་ཚང་བར་བྱ། སྤོས་བཏུལ། མེ་ཏོག་དང་བཅས་ཐལ་མོ་སྦྱར་ལ། བཅོམ་ལྡན་སྙིང་རྗེའི་གཏེར་ཆེན་པོ༔ ཁྱེད་རྣམས་མཆོད་དང་གཞན་དོན་ཕྱིར༔ བདག་གིས་དཀྱིལ་འཁོར་བསྒྲུབ་འཚལ་བས༔ ཐུགས་རྗེས་དགོངས་ཏེ་གནང་དུ་གསོལ༔ ཞེས་གསོལ་བས་དགྱེས་བཞིན་དུ་གནང་བ་སྩལ་ནས་ས་གཞིར་ཐིམ་ནས་བྱིན་གྱིས་བརླབ་པར་བསམ། གཉིས་པ་བུམ་པ་སྟ་གོན་ནི། གཞི་སྟེང་དེར་རྣམ་རྒྱལ་དང་ལས་བུམ་གཉིས་ཆས་དང་ནང་བཅུད་ཁ་རྒྱན་གཟུངས་ཐག་ལྡན་པར་བཀོད། མཆོད་པ་ཁ་གསོས་ལ་བྱིན་བརླབ། བུམ་པ་བསང་སྦྱང༌། སྟོང་པའི་ངང་ལས་བྷྲཱུྃ་ལས་ཕྱི་རིན་པོ་ཆེའི་བུམ་པའི་རྣམ་པ་ལ་ནང་གཞལ་ཡས་ཁང་བདུད་རྩིའི་རྒྱ་མཚོ་འཁྱིལ་པའི་དབུས་སུ་འཇིག་རྟེན་དབང་ཕྱུག་རྒྱལ་བ་རྒྱ་མཚོའི་དཀྱིལ་འཁོར་གྱི་ལྷ་ཚོགས་མཚོ་རྫིང་དྭངས་པར་ཟླ་སྐར་ཤར་བ་བཞིན་སྐད་ཅིག་གིས་གསལ་བར་གྱུར༔ སྔགས་ཙམ་གྱིས་མཆོད། ཕྱག་འཚལ་ཤློཀ་གཅིག་གིས་བསྟོད། གཟུངས་ཐག་བླངས་ལ། རང་གི་ཐུགས་ཀ་ནས་སྔགས་ཀྱི་འོད་ཟེར་འཕྲོས༔ བུམ་པའི་ལྷ་རྣམས་ལ་ཕོག༔ སྙོམས་པར་ཞུགས་པའི་བྱང་ཆུབ་ཀྱི་སེམས་ཡེ་ཤེས་ཀྱི་བཅུད་དུ་འཁྱིལ་བར་བསམ༔ བསྙེན་སྒྲུབ་ཀྱི་སྔགས་བཟླ༔ མཐར་ཨོཾ་ཨཱཿཧཱུྃ་གིས་བདུད་རྩིའི་མཆོད་ཡོན་ཕུལ་བས་ལྷ་རྣམས་འོད་དུ་ཞུ་བ་བུམ་པའི་ཆུ་དང་རོ་གཅིག་པར་བལྟའོ༔ ལས་བུམ་དུ་རྟ་མགྲིན་དམར་པོ་པདྨ་དང་བྷཉྫ་བསྣམས་པ་གསལ༔ ཨོཾ་པདྨཱནྟ་ཀྲྀ་ཏ་ཧཱུྃ་ཕཊ༔ ཅེས་བརྒྱ་རྩ་ཙམ་བཟླས་མཐར། རྟ་མགྲིན་འོད་དུ་ཞུ་ནས་ལས་ཐམས་ཅད་སྒྲུབ་པའི་ཆུ་རྒྱུན་ཏུ་གྱུར། ཅེས་མོས། སྒྲུབ་པའི་རྗེས་སུ་དབང་ཆེན་སྐུར་བ་དང་འབྲེལ་ན་སྐབས་འདིར་སློབ་མ་སྟ་གོན་བྱའོ། །དེ་ནས་སྒྲུབ་ཐབས་ལྟར་གཏོར་འབུལ་དང༌། ཕྲིན་ལས་བཤམ་ནས་འབྱུང་བའི། ཧྲཱིཿ སྣོད་བཅུད་འབྱུང་བ་སོགས་ཀྱིས་བདག་བསྐྱེད་འོད་གསལ་དུ་འཇུག་ལྡངས་བྱ་ཞིང་བསྔོ་སྨོན་བརྗོད་པས་གྲུབ་བོ། །འདིའང་མཚམས་གཅོད་དང་ཉིན་གཅིག་ཏུ་སྦྲེལ་ན་བསྡུ་ལྡངས་གོང་དུ་སོང་བས་འདིར་མི་དགོས་སོ། །གཉིས་པ་སྒྲུབ་ཅིང་མཆོད་པས་ཐུགས་དམ་བསྐུལ་བ་ལ་གསུམ། སྦྱོར་བ་ཉེར་བསྡོགས། དངོས་གཞི་སྒྲུབ་མཆོད། གྲུབ་ནས་དངོས་གྲུབ་བླང་བའོ། །དང་པོ་ལའང་གསུམ། སྒྲུབ་པའི་རྟེན་བཤམ་པ། སྒྲུབ་པ་པོ་གནས་སུ་དགོད་པ། བར་ཆད་བསལ་ཅིང་བྱིན་དབབ་པའོ། །དང་པོ་ལ་གཉིས་ལས། རྟེན་གྱི་ཡོ་བྱད་ལྷག་པར་གནས་པ་ནི། སྟེགས་བུར་རས་བྲིས་ཀྱི་དཀྱིལ་འཁོར་ཚད་ལྡན་བཀྲམ། མ་འཛོམ་ན་མེ་ཏོག་གི་ཚོམ་བུ་ལེགས་པར་བཀྲམ། ཐོད་པ་མཚན་ལྡན་མྱོང་གྲོལ་རིལ་བུ། ལས་བྱང་དབུར་བཤད་པ་ལྟར་སྔར་ནས་ཚད་ལྡན་ཏུ་སྦྱར་བས་བཀང་ཞིང་དར་དམར་གྱི་ཁེབས་བཀབ་པ། མེ་ལོང་སིནྡྷཱུ་ར་བརྡལ་བ་ལ་ཆོས་འབྱུང་བསྣོལ་མའི་ལྟེ་བར་ཧྲཱིཿམ། མཐའ་སྐོར་ཡིག་བཅུ་ཤམ་བཅས་དབུ་ཕྱིར་བསྟན་ཏུ་བྲིས་པ་རྣམ་རྒྱལ་བུམ་པ་དང་དབང་བསྐུར་བྱེད་ན་དབུ་རྒྱན་སོགས་དབང་རྫས་རྣམས༴ སྐུ་གསུང་ཐུགས་རྟེན། གཏོར་ཆེན། དཀྱིལ་འཁོར་གྱི་རྒྱན་ཆས་ཐམས་ཅད་ཚོགས་པར་བྱས་ལ་གཞི་མདུན་སྟེགས་བུའི་སྟེང་དུ་དགོད། བདག་གི་རྣལ་འབྱོར་བཟླས་པའི་བར་སོང་ནས་སྟོང་ཚིགས་ཕུལ། སླར་ཛབ྄་དབྱངས་བྱ་བའི་ཚེ་རྡོ་རྗེ་སློབ་དཔོན་གྱིས་དྲིལ་སྤཽས་འཛིན་པས་སྣ་དྲངས། རྟེན་སྒྲུབ་མཆོད་པའི་རྫས་རྣམས་ཐོགས་པའི་སེར་སྦྲེང་གིས་དཀྱིལ་འཁོར་ལ་གཡས་བསྐོར་ལན་གསུམ་བྱས་ཏེ་མདུན་ཏུ་འཁོད་དེ་དབྱངས་དང་བཅས་པས། ཧཱུྃ༔ བུམ་པ་རིན་ཆེན་མེ་ལོང་བདུད་རྩིར་བཅས༔ ཐུགས་རྗེ་ཆེན་པོའི་སྐུ་གསུང་ཐུགས་ཀྱི་རྟེན༔ སྨན་རཀ་གཏོར་གསུམ་དུག་གསུམ་དབྱིངས་སུ་མཆོད༔ ཚོགས་ཀྱི་འཁོར་ལོས་རྟོག་ཚོགས་ཡེ་ཤེས་རོལ༔ ཤེས་རབ་རལ་གྲིས་བདུད་བཞི་དབྱིངས་སུ་བསྒྲལ༔ ཕུར་བུ་རྣམ་བཞིས་སྐྱེ་རྒ་ན་འཆི་འཇོམས༔ མདའ་བཞི་ཚད་མེད་རྣམ་བཞིས་འགྲོ་བ་འདུལ༔ མེ་ལོང་ཡེ་ཤེས་བཞི་ལྡན་རང་ངོ་སྤྲོད༔ ཚོན་སྐུད་དྲྭ་བས་རྒྱུད་ལྔ་གནས་ནས་འདྲེན༔ གཞུང་བཞིན་དཀྱིལ་འཁོར་མ་ཉམས་མ་འདྲེས་གསལ༔ འགྲོ་བ་འདུལ་བའི་དཀྱིལ་འཁོར་ངོ་མཚར་ཆེ༔ དར་གུར་ཁྱབ་པའི་སེམས་ཅན་ཐུགས་རྗེས་སྐྱབས༔ སྟག་ཤམ་གང་ལ་དཔའ་རྣམས་སྤྱོད་པར་མཛད༔ ཛྙཱ་ན་མཎྜ་ལ་སརྦ་བྷྲཱུྃ༔ ཨོཾ་ཨཱཿཧཱུྃ་ཧྲཱིཿཨོཾ་མ་ཎི་པདྨེ་ཧཱུཾ༔ ས་མ་ཡ་ཏིཥྛ་ལྷན༔ ཞེས་བརྗོད་ལ། དཀྱིལ་འཁོར་དབུས་སུ་ཁྲིའུ་ཤིང་གི་སྟེང་མྱོང་གྲོལ་ཐོད་པ་དར་ཁེབས་མེ་ལོང་གིས་བཀབ་པ། རིལ་བུ་མང་ནས་ཐོད་པར་མ་ཤོང་ན་བུམ་པ་སོགས་སྣོད་གཞན་ཏུ་བླུགས་པ་དང༌། རྣམ་བུམ་སོགས་མདུན་ནས་གཡས་བསྐོར། ལྡིང་ཁྲི་གོང་མར་སྐུ་གསུང་ཐུགས་རྟེན། རྒྱབ་ངོས་སུ་གཏོར་ཆེན་རྒྱན་སྤྲོས་ཅན། དཀྱིལ་འཁོར་གྱི་རྡོ་རྭའི་སྟེང་ཁྲོ་བཅུའི་ཕུར་བུ། མཐའ་བསྐོར་ཤར་དུ་མཆོད་ཡོན་ནས་བརྩམས་ཏེ་ཆུ་གཉིས་ཉེར་སྤྱོད་མཚམས་འཛིན་བཅས། ཕྱོགས་བཞིར་རལ་གྲི་བཞི། མཚམས་བཞིར་མདའ་དར་མེ་ལོང་ཅན་བཞི་བཙུགས་པ་ཚོན་སྐུད་ཀྱི་དྲྭ་བས་སྦྲེལ། གཞན་ཡང་ཟུར་བཞིར་རྒྱལ་མཚན། །ལོགས་བཞིར་འཕན། དར་གྱི་དྲྭ་ཕྱེད་སོགས་སོ་སོའི་ཕྱག་ལེན་ལས་འབྱུང་བ་ལྟར་མཛེས་བརྗིད་ཆགས་པ་དང༌། སྟེང་ན་དར་གྱི་གདུགས་དབུབ། གཤམ་དུ་སྟག་གཟིག་སྒབ་དཀྲིས་ཀྱིས་བསྐོར། དཀྱིལ་འཁོར་མདུན་རྒྱབ་གང་བདེར་མཆོད་གཏོར་ཁ་ཟས་བཟང་དགུས་བརྒྱན་པའི་གཡས་གཡོན་ཆོས་གཏེར་སྲུང་མ་སྤྱི་བྱེ་བྲག་གི་གཏོར་འབུལ། ཆད་བརྟན་རྒྱུན་བཞག །རྒྱུན་གསོའི་ཆུ་གཉིས་ཉེར་སྤྱོད་ཕྲེང་ཚར། ཕྱི་མཆོད་བརྒྱ་རྩ་སོགས་ཡོད་ན་མཐའ་བསྐོར་སྟེགས་བུ་རིམ་པ་ཅན་ལ་གོ་རིམ་མ་འཆོལ་བར་བཀོད། གཞན་ཡང་ཉིན་རེ་བཞིན་འབུལ་རྒྱུའི་ཆོས་སྐྱོང་གཏོར་སྤུངས། ཆད་མདོ་བརྟན་མ། ཚོགས་ཀྱི་ཡོ་བྱད་ཀྱིས་མཚོན་ཕྲིན་ལས་ལ་དགོས་པ་རྣམས་དང༌། དཀྱིལ་འཁོར་བྱང་ཕྱོགས་སུ་ལྕགས་ཧོམ་དུ་ཉུ་ལེའི་ལིངྒ། རྟ་མགྲིན་གྱི་ཕུར་པ་སྟེགས་བཅས། ཡུངས་ཀར་སོགས་ཐུན་རྫས་རྣམས་ཀྱང་འདུ་བྱ། སློབ་དཔོན་གྱི་མདུན་གཡོན་ནས་བརྩམས་ཏེ་ནང་མཆོད། རྡོར་དྲིལ། ལས་བུམ། ཌཱ་མ་རུ། མེ་ཏོག་གི་སྣོད་རྣམས་བཞག་གོ །གཉིས་པ་ཚོགས་སྒྲུབ་ལས་ལ་འཇུག་རུང་གི་བྱ་བ་སྒྲུབ་པ་པོ་རྣམས་མངའ་གསོལ་ཞིང་གནས་སུ་དགོད་པ་ནི། རྒྱལ་ཐེབས་ཀྱིས་དབྱངས་བོར་ལེན་དང་ལས་ཀྱི་རྡོ་རྗེས་ཐོད་ཆང་མར་ཟེག་ཅན་ཚིག་བསྟུན་སོ་སོར་དྲང་པ་སོགས་ལག་ལེན་ལྟར་བྱས་ལ། ཧཱུྃ༔ སངས་རྒྱས་གདུང་འཚོབ་རྡོ་རྗེ་རྒྱལ་པོ་ཉིད༔ སྐུ་གསུང་ཐུགས་དང་ཡོན་ཏན་ཕྲིན་ལས་རྫོགས༔ དུག་ལྔ་རྩད་གཅོད་དངོས་གྲུབ་ཀུན་འབྱུང་གནས༔ སྟོན་པའི་སྒྲོན་མེར་མངའ་གསོལ་དགྱེས་པར་བཞུགས༔ ཞེས་རེ་རེ་བཞིན་སྐྱེམས་དྲང་པ་ཐམས་ཅད་འགྲེ། ཧཱུྃ༔ བླ་མའི་གདུང་གསོབ་སྐུ་དང་ཐུགས་ཀྱི་སྲས༔ དམ་ཆོས་ཆར་འབེབས་ཚེ་དང་བསོད་ནམས་སྤེལ༔ དབང་བསྐུར་ཕྲིན་ལས་རྣམ་བཞི་མཐར་ཕྱིན་པ༔ རྒྱལ་ཐེབས་སྟོན་པར་མངའ་གསོལ་དགྱེས་པར་བཞུགས༔ གཉིས་མེད་བདེ་སྐྱེད་མཚན་ཉིད་རབ་ཏུ་བཟང་༔ ཀུན་བཟང་ཡུམ་དུ་མངའ་གསོལ་དགྱེས་པར་བཞུགས༔ ཕྱི་ནང་མཚམས་གཅོད་བར་གཅོད་ཐམས་ཅད་སྲུང་༔ རྡོ་རྗེ་མཚམས་པར་མངའ་གསོལ་དགྱེས་པར་བཞུགས༔ ཕྲིན་ལས་གཞུང་སྲོང་གཟུགས་ཕུང་ལྷ་ལ་སྟོབ༔ རྡོ་རྗེ་གིང་ཆེན་མངའ་གསོལ་དགྱེས་པར་བཞུགས༔ དངོས་གྲུབ་བགེགས་གཉིས་དུས་ཀྱི་དྲོད་ཚད་མཁྱེན༔ རྡོ་རྗེ་སྤྱན་པར་མངའ་གསོལ་དགྱེས་པར་བཞུགས༔ ཕུད་གཙང་བགོས་མཁན་ནང་མ་བྱ་བྱེད་མཁས༔ ཕྱི་གིང་ཕྱག་ཚང་ཆེན་པོར་མངའ་གསོལ་ལོ༔ གཡོ་མཁས་ཆད་ལྷག་མེད་ཅིང་གཙང་སྦྲ་ལྡན༔ རྡོ་རྗེ་བྱན་མོར་མངའ་གསོལ་དགྱེས་པར་བཞུགས༔ གསལ་དག་འཛབ་མཁས་ཡི་དམ་བརྩོན་པར་བསྒྲུབ༔ གསེར་ཕྲེང་མཆེད་རྣམས་མངའ་གསོལ་དགྱེས་པར་བཞུགས༔ ཀུན་གྱི་བཀའ་བསྒྲུབ་ཕྱི་ཡི་ཉུ་ལེ་སྐྲོད༔ རྡུལ་ཕྱག་སྐྱེས་བུར་མངའ་གསོལ་བརྟན་པར་བཞུགས༔ ཞེས་པས་སོ་སོར་མངའ་གསོལ་ཅིང་རང་གྲལ་དུ་དགོད་དོ། །གསུམ་པ་ནི། སློབ་དཔོན་དང་རྒྱལ་ཐེབས་རྣམས་དཀྱིལ་འཁོར་ཤར་ཕྱོགས་སུ་འཁོད། སྒྲུབ་མཆོད་གཞན་རྣམས་རང་གྲལ་དུ་བཞེངས་ཏེ་ཞྭ་ཆོས་རོལ་མོ་སོགས་གཟི་བྱིན་བསྐྱེད་ལ། རང་ཉིད་སྐད་ཅིག་གིས་དཔལ་རྟ་མཆོག་ཧེ་རུ་ཀར་གསལ་བའི་མིག་འབྲས་གཉིས་སུ་མ་དང་ཨ་ལས་ཉི་ཟླ༔ རྐང་མཐིལ་གཉིས་སུ་ཧཱུྃ་ལས་སྣ་ཚོགས་རྡོ་རྗེ་འབར་བ་རེ་རེ་བསམས་ལ༔ ཧཱུྃ༔ ང་ནི་བཅོམ་ལྡན་རྟ་མཆོག་དཔལ༔ བཀའ་ཡི་འཁོར་ལོ་རབ་སྦྱོར་བས༔ ཁམས་གསུམ་དབྱིངས་སུ་མཐར་བྱེད་ན༔ ལོག་འདྲེན་བགེགས་ལ་སྨོས་ཅི་དགོས༔ སོང་ཞིག་ལྷ་མིན་ལྷ་ཡང་རུང་༔ སྒྲུབ་ལ་བར་དུ་གཅོད་པ་ཀུན༔ གནས་འདིར་མ་འདུག་གཞན་དུ་དེངས༔ འདས་ན་རྡུལ་དུ་བརླག་པར་འགྱུར༔ ཞེས་དང་ཧཱུྃ་གི་གླུ་བླང་༔ ཐུན་གྱིས་བྲབ༔ གུ་གུལ་གྱིས་བདུག༔ རྡོ་རྗེའི་ལྟ་བ་དང་བཅས་རྡོ་རྗེའི་འགྲོས་ཀྱིས་ལན་གསུམ་དུ་བསྐོར་བས་སྒྲུབ་རྫས་ཀྱི་བར་ཆད་ཐམས་ཅད་བསལ། སླར་ཡང་དཀྱིལ་འཁོར་ཤར་ཕྱོགས་སུ་འཁོད་ལ་དར་སྣའི་གཡབ་མོ་དང་དྲི་ཞིམ་སྤོས་དུད་དབྱངས་རོལ་བཅས། ཧཱུྃ་ཧྲཱི༔ ནམ་མཁའི་སྐུ་མངའ་སོགས་འོག་ནས་འབྱུང་བ་ལྟར་བརྗོད་ཅིང་བསྐོར་བ་ལན་གསུམ་བྱས་ཏེ་གནས་དང་ཡོ་བྱད་སྒྲུབ་པ་པོ་དང་བཅས་པ་ལ་བྱིན་ཕབ་པས་ཡེ་ཤེས་ཀྱི་རང་བཞིན་དུ་གྱུར་པར་བསམས་ལ་གྲལ་དུ་འཁོད། ཛབ྄་དབྱངས་ལན་གསུམ་བྱ། སྒྲུབ་ཐབས་ལྟར་གཏོར་འབུལ། བདག་བསྐྱེད་བསྡུ་ལྡངས། བསྔོ་སྨོན་བཅས་ཀྱིས་འགྲུབ་བོ། །གཉིས་པ་དངོས་གཞི་སྒྲུབ་ཅིང་མཆོད་པས་ཐུགས་དམ་སྐུལ་བ་ལ་གསུམ། ཕྲིན་ལས་ཛབ྄་བསྙེན་དང་བཅས་པས་དངོས་གྲུབ་སྒྲུབ་པ། དེའི་བར་གཅོད་བསལ་བ། དུས་གྲངས་རྟགས་ཚད་བཤད་པའོ། །དང་པོ་ནི། སྒྲུབ་པ་པོ་རྣམས་ལེགས་པར་འཁོད་དེ། ཚིག་བདུན་སོགས་གསོལ་འདེབས་སྔོན་ཏུ་འགྲོ་བས། ཕྲིན་ལས་ལམ་ཁྱེར་ལྟར། བགེགས་གཏོར་བཏང་ཞིང་བཀའ་བསྒོ། སྲུང་མཚམས་གཅད། མཆོད་རྫས་བྱིན་བརླབ། སྐྱབས་སེམས་ཚོགས་བསགས་སྡོམ་བཟུང༌། ཚད་མེད་བཞིས་བློ་སྦྱང་བ་བཅས་སྔོན་འགྲོ་རྣམས་གྲུབ་ནས། དངོས་གཞི་བདག་མདུན་དབྱེར་མེད་དུ་བསྒོམས་ནས་ལས་གཞུང་བསྲང་བས་ཀྱང་ཆོག་མོད། ལས་དང་པོ་པ་ཏིང་ངེ་འཛིན་གསལ་བརྟན་མ་གྱུར་པ་དང་སྤྲོས་པ་དང་བཅས་པའི་ཚེ། ཐོག་མར་སྒྲུབ་ཐབས་ནས་འབྱུང་བ་ལྟར་བདག་བསྐྱེད་དྲང་བསྟིམ་དབང་བསྐུར་ཛབ྄་དགོངས་གསལ་གདབ་ཡན་སོང་ནས། ཡིག་བཅུ་སྟོང་ཕྲག་དང༌། ཤམ་ཅན་བརྒྱ་རྩ་ཙམ་བཟླས་ལ་ཕྲིན་ལས་གཤམ་དུ་འབྱུང་བ་ལྟར་འོད་གསལ་དུ་བསྡུ་ཞིང་ཐུན་མཚམས་ཀྱི་ལྷར་ལྡངས། དེ་ནས་དཀྱིལ་འཁོར་མྱོང་གྲོལ་བུམ་པ་སོགས་མདུན་རྟེན་ལ་དམིགས་ཏེ། ལས་སྔགས་ཀྱིས་བསང༌། སྭ་བྷཱ་བས་སྦྱང༌། སྟོང་པའི་ངང་ལས་སྙིང་རྗེའི་རང་གདངས་སོགས་ཀྱིས་དམ་ཚིག་པ་བསྐྱེད། བཛྲ་ས་མཱ་ཛཿ ཞེས་པ་ནས་ཕྲིན་ལས་ལམ་ཁྱེར་གྱི། ཧྲཱིཿ པདྨ་རྣམ་པར་རྒྱས་པའི་སོགས་ཀྱིས་ཡེ་ཤེས་ཀྱི་འཁོར་ལོ་སྤྱན་དྲངས་ཤིང་བཞུགས་སུ་གསོལ། དབང་བསྐུར་ཅིང་རྒྱས་གདབ། ཕྱག་མཆོད་བསྟོད་པའི་བར་དུ་སོང་ནས་བཟླས་པ་བསྐུལ། སྒྲུབ་ཐབས་ལྟར་བཟླས་དམིགས་དང་གཟུངས་ཐག་བླངས་ལ། ཡབ་ཡུམ་འཁོར་སྔགས་སྦྲེལ་མ་བཟླ། ཐུན་པ་རྣམས་ཀྱིས་སྔགས་རྒྱུན་བླངས་ཏེ་འདི་ནས་བརྩམས་སྒྲུབ་པ་གྲོལ་ཁའི་ཐུན་ཐ་མའི་བར་ཉིན་མཚན་སྔགས་སྒྲ་མ་ཆད་པར་བྱ། ཐུན་མཐར་ལས་སྦྱོར་འཁོར་བ་དོང་སྤྲུགས་བཟླས་པ་ཡིག་དྲུག་བརྒྱ་རྩ་རེ་ལ་ཤམ་བུ་ཆ་རེ་རེ་སྦྱར་བ་ཚན་དྲུག་དང༌། གཟུངས་རིང་ཉེར་གཅིག་ཙམ་བཟླ། ཐུན་མཐར་དབྱངས་གསལ་ཡིག་བརྒྱ་རྟེན་སྙིང་རྣམས་ཀྱིས་ལྷག་ཆད་ཁ་བསྐང་ཞིང་བྱིན་རླབས་བརྟན་པར་བྱས་ལ། ཁྱད་པར་གྱི་མཆོད་པ་འབུལ། སྒྲུབ་ཐབས་ལྟར་གཏོར་མ་བྱིན་བརླབ་གཏོར་མགྲོན་སྤྱན་འདྲེན་མི་དགོས་པས། ལྷ་རྣམས་ཀྱི་ལྗགས་རྡོ་རྗེ་སོགས་དང་སྔགས་ལན་གསུམ་གྱིས་ཕུལ། སྔགས་ཙམ་གྱིས་མཆོད། ཕྱག་འཚལ་ཤློ་ཀ་གཅིག་ལ། བསྟོད་ཅེས་མཐའ་བསྒྱུར་བ་དང༌། རྒྱལ་བ་རྒྱ་མཚོའི་ལྷ་ཚོགས་སོགས་ཀྱིས་འདོད་དོན་གསོལ་ལ་འོག་ནས་འབྱུང་བ་ལྟར་ཉུ་ལེའི་བར་ཆད་གཟིར་ཅིང་བྱིན་འབེབས་ཛབ྄་དབྱངས་བཅས་བྱས་པས་ཐུན་དང་པོ་འགྲུབ། དེ་ནས་ཐུན་གཉིས་པ་ལ། མདུན་མཆོད་ཁ་གསོས་ཏེ་མཆོད་རྫས་བྱིན་བརླབ། བདག་བསྐྱེད་བཟླས་པ་བསྡུ་ལྡངས་བཅས་ཐུན་ཕྱི་མ་རྣམས་ལ་མ་འགྲུབ་ཀྱང་ཆོག །དཀྱིལ་འཁོར་བསྐྱེད་པ་ནས་བཟླས་པ་སྟོང་ཚིགས་གཏོར་འབུལ་གྱི་བར་སྔ་མ་ལྟར་བྱ། ཉིན་ཐུན་གསུམ་བྱེད་ན་སླར་ཡང་མཆོད་པ་བྱིན་རླབས་མན་ཆད་སྨོས་མ་ཐག་པ་ལྟར་ཚར་གཅིག་བསྐྱར། གང་ལྟར་ཐུན་ཕྱི་མའི་གཏོར་འབུལ་མཐར། བཀའ་གཏེར་སྲུང་མའི་གཏོར་འབུལ་སྤྱི་དང་བྱེ་བྲག་མགོན་པོ་ཕྱག་བཞི་པ་གཙོ་འཁོར་གྱི་གཏོར་ཆོག་གྲུབ་ནས། ཕྲིན་ལས་ལྟར་ཚོགས་བྱིན་བརླབ། སྤྱན་འདྲེན་དང་མཆོད་པའི་འཕྲོས་སུ་འགྲུབ་ན་སྐོང་བཤགས་གང་འོས་བཏང༌། བཤགས་པ་བསྒྲལ་བསྟབ་ཀྱི་བར་སོང་ནས་ཚོགས་ལ་རོལ་ཅིང་ལྷག་ཆོག་བྱས་ལ་ལྷག་མ་བཙོན་ཏུ་འཛིན། ཆོས་སྐྱོང་གཏོར་སྐྱོང་སོགས་མཐར་དབྱུང༌། ལས་གཞུང་གི་ཆད་མདོ་བརྟན་མ་རྟ་བྲོ་བཅས་གྲུབ་ནས། རྗེས་ཆོག་མཆོད་པ་ཤློཀ་གཅིག་དང་སྔགས་ཙམ་གྱིས་མཆོད་ལ་བསྟོད་པ་བྱ། ནོངས་པ་བཤགས་པ་ནི། བདག་གིས་བསྙེན་སྒྲུབ་ཕྲིན་ལས་བགྱིས་པ་ལ༔ ལྷག་ཆད་འགལ་འཁྲུལ་ཉེས་བྱས་ཅི་མཆིས་ཀུན༔ ཚེ་རབས་བསགས་པའི་སྡིག་དང་ལྷན་ཅིག་ཏུ༔ འགྱོད་པས་བཤགས་སོ་ཚངས་པར་སྩལ་དུ་གསོལ༔ ཨཱ་ལི་ཀཱ་ལི་དང་ཡི་གེ་བརྒྱ་པ་བཟླ༔ ཕྱོགས་བཅུ་ན་བཞུགས་པའི་སོགས་ཚིག་ལྷུག་གམ། འདིར་ནི་རྟེན་དང་སོགས་དང༌། སུ་པྲ་ཏིཥྛའི་སྔགས་ཀྱིས་མེ་ཏོག་འཐོར་ཏེ་མདུན་བསྐྱེད་རས་བྲིས་སོགས་རྟེན་ལ་བརྟན་བཞུགས་བྱ། བསྔོ་སྨོན་དང་ཤིས་བརྗོད། ཉུལ་ལེ་བསྐྲད་ཅིང་བྱིན་འབེབས་སོགས་བྱས་པས་གྲུབ་བོ། །མཚན་ཐུན་གཉིས་གསུམ་གང་བྱེད་ཀྱི་ཐོག་མར་བདག་བསྐྱེད་འགྲོ་དགོས་ལ། གཞན་ཐུན་གཉིས་པ་ལྟར་དང་ཐུན་མཐར་ཉུ་ལེ་བསྐྲད་གཟིར་བྱིན་འབེབས་དང་ཛབ྄་དབྱངས་མ་ཆད་པར་བྱའོ། །གཉིས་པ་དངོས་གྲུབ་ལ་བར་དུ་གཅོད་པ་བསལ་ཅིང་བྱིན་རླབས་ཀྱི་གཟི་བྱིན་དབབ་པ་ནི། སློབ་དཔོན་ནམ་རྒྱལ་ཐེབས་མདུན་ཏུ་ཧོམ་ཁུང་ཉུ་ལེའི་ལིངྒ་བཅས་པ་དང་ལས་ཕུར། ཐུན་རྫས་རྣམས་དགོད་ལ། རྟེན་བསྐྱེད་པ་ནི། ཨེ་ཡཾ་ཛྭ་ལ་རཾ། བྲུབ་ཁུངས་ཡངས་ཤིང་གཏིང་ཟབ་པའི་ནང་དུ་ཏྲིཿལས་དངོས་གྲུབ་ལ་བར་དུ་གཅོད་ཅིང་ལོག་པར་ལྟ་བའི་འབྱུང་པོ་ཉམས་ལེན་བདུད་ཀྱི་རིགས་སུ་གྱུར་པ་ཐམས་ཅད་རིད་ཅིང་ཉམ་ཐག་པའི་ལུས་ཅན་དུ་གྱུར་པར་བསམ་ལ། ན་མོ། །དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་གྱི་བཀའ་བདེན་པ་དང༌། ཆོས་ཉིད་རྣམ་པར་དག་པའི་བདེན་པ་དང༌། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་ལྷ་ཚོགས་འཁོར་དང་བཅས་པའི་བདེན་པ་དང༌། བདེན་པ་ཆེན་པོའི་བྱིན་གྱི་རླབས་ཀྱིས་དངོས་གྲུབ་ལ་བར་དུ་གཅོད་ཅིང་ལོག་པར་འདྲེན་པའི་འབྱུང་པོ་ཉམས་ལེན་བདུད་ཀྱི་རིགས་སུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཏྲི་ཡཾ་ཛཿཏྲི་བཛྲ་ཨཾ་ཀུ་ཤ་ཛཿ ཛཿཧཱུྃ་བྃ་ཧོཿ ཞེས་ལན་གསུམ་གྱིས་འགུགས་གཞུག་བྱས་ལ། ཕུར་བུ་འདྲིལ་ཞིང༌། ཧཱུྃ༔ འབར་བ་ཨེ་ཡི་དབྱིངས་རུམ་དུ༔ དམ་སྲི་འབྱུང་པོ་བཀུག་བྱས་ཏེ༔ དབང་ཆེན་ཁྲོས་པའི་མཚོན་གྱིས་གཟིར༔ རྡུལ་ཕྲན་བཞིན་དུ་བརླག་པར་བྱ༔ ཧྲཱིཿཔདྨཱནྟ་ཀྲྀ་ཏ་ཧ་ཡ་གྲཱི་ཝ་ཧཱུྃ་ཕཊ༔ ཞེས་དང༌། ཧྲཱིཿཧཱུྃ༔ དབང་གི་རྒྱལ་པོ་ཀཱི་ལ་ཡ༔ སྟོད་ནི་རྟ་གདོང་རྔམས་བཞད་འཚེར༔ སྲིད་པ་གསུམ་པོ་འདར་ཞིང་གཡོ༔ སྨད་ནི་ཕུར་བུ་འབར་བ་ཡིས༔ དམ་སྲི་འབྱུང་པོའི་སྙིང་ལ་གཟིར༔ སྒྲུབ་པའི་བར་ཆད་རྡུལ་དུ་རློག༔ ཨོཾ་པདྨཱནྟ་ཀྲི་ཏ་ཧ་ཡ་གྲཱི་ཝ་བཛྲ་ཀཱི་ལི་ཀཱི་ལ་ཡ་མ་ཧ་ཡཀྵ་ཀཱ་ལ་རཱུ་པ་ཀརྨ་རྃ་རྃ་ཛྭ་ལ་རྃ་སརྦ་དུཥྟཱན་མཱ་ར་ཡ་ཧཱུྃ་ཕཊ༔ ཅེས་སྔགས་དབྱངས་དང་ཕུར་སྐོར་ཚམ་རྔམ་བྱས་ལ་ལིངྒར་གདབ། ཡུངས་ཀར་རྡོ་ཐུན་སོགས་བྲབས་ལ། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྟན་བཛྲ་དྷ་རོད་ཨཱ་ཛྙཱ་པ་ཡ་ཏི་སརྦ་བིགྷྣཱན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ༔ ཅེས་སྡེར་མོའི་སྔགས་དྲག་ཏུ་བརྗོད་པས་ཚར་བཅད་ལ་སྲུང་འཁོར་གསལ་གདབ། དེ་མ་ཐག་གཡབ་དར་སྦྱར་སྤོས་དབྱངས་རོལ་བཅས་བྱིན་དབབ་པ་ནི། ཧཱུྃ་ཧྲཱིཿ ནམ་མཁའི་མཐའ་དང་མཉམ་པའི་དཀྱིལ་འཁོར་ནས༔ རྡོ་རྗེའི་སྐུ་མངའ་འགྲན་དུ་མེད་པ་ཡི༔ རྩ་གསུམ་རབ་འབྱམས་ལྷ་ཚོགས་ཐུགས་དམ་ཅན༔ ཐུགས་རྗེ་བརྩེར་དགོངས་འདིར་གཤེགས་བྱིན་ཆེན་ཕོབ༔ ཧཱུྃ་ཧྲཱིཿ འོག་མིན་བདེ་ཆེན་བཀོད་པའི་ཞིང་ཁམས་ནས༔ རིགས་ཀྱི་ཁྱབ་བདག་སྣང་མཐའ་ཚེ་དཔག་མེད༔ བདེ་གཤེགས་པདྨ་དབྱིངས་ཀྱི་ལྷ་ཚོགས་རྣམས༔ ཐུགས་རྗེས་བརྩེར་དགོངས་འདིར་གཤེགས་བྱིན་ཆེན་ཕོབ༔ རྣལ་འབྱོར་རྒྱུད་ལ་དབང་བཞིའི་ཡེ་ཤེས་སྐྱེད༔ སྒྲུབ་པའི་གནས་མཆོག་རྡོ་རྗེའི་ཞིང་དུ་སྒྱུར༔ དམ་ཚིག་རྫས་ལ་དངོས་གྲུབ་བྱིན་ནུས་སྩོལ༔ སྒྲུབ་པའི་འབྲས་བུ་ད་ལྟ་མཆིས་པར་མཛོད༔ ཧཱུྃ་ཧྲཱིཿ འགྲོ་འདུལ་རང་བཞིན་སྤྲུལ་པའི་ཞིང་ཁམས་ནས༔ རིགས་ལྔ་སྒྱུ་འཕྲུལ་དྲྭ་བའི་སྐུར་སྟོན་པ༔ འཕགས་མཆོག་རྒྱལ་བ་རྒྱ་མཚོའི་ལྷ་ཚོགས་རྣམས༔ ཐུགས་རྗེས་བརྩེར་དགོངས་འདིར་གཤེགས་བྱིན་ཆེན་ཕོབ༔ རྣལ་འབྱོར་སོགས། ཧཱུྃ་ཧྲཱི༔ གནས་ཡུལ་དུར་ཁྲོད་དྲག་པོའི་ཞིང་ཁམས་ནས༔ གང་འདུལ་ལས་མཛད་མཐུ་རྩལ་ཐོགས་མེད་ལ༔ རིགས་བཞིའི་དཔའ་བོ་མཁའ་འགྲོ་འབུམ་གྱི་ཚོགས༔ ཐུགས་རྗེས་སོགས། ཧཱུྃ་ཧྲཱི༔ གཞན་ཡང་ཕྱོགས་བཅུ་རབ་འབྱམས་ཞིང་ཁམས་ནས༔ བརྒྱུད་གསུམ་བླ་མ་ཡི་དམ་ཞི་ཁྲོའི་ལྷ༔ དྷཱ་ཀི་ཆོས་སྲུང་དཀར་ཕྱོགས་སྐྱོང་བའི་ཚོགས༔ ཐུགས་རྗེས་སོགས། ཨོཾ་ཨཱཿཧཱུྃ་ཧྲཱིཿཨོཾ་མ་ཎི་པདྨེ་ཧཱུྃ༔ དྷུ་མ་གྷ་ཡེ་ན་མ་སྭཱ་ཧཱ༔ ར་ཙ་ཧྲི་ཡ་ཧ་རི་ནི་ས་ས་པ་རི་ཝཱ་ར་ས་མ་ཡ་ཧོཿ ས་མ་ཡ་སྟྭྃཿ ཛྙཱ་ན་ཨཱ་བེ་ཤ་ཡ་ཨ་ཨཱཿ ཧྲིཾ་ཧྲིཾ་ཕེཾ་ཕེཾ༔ ཧཱུྃ་ཧཱུྃ་ཧཱུྃ༔ ཛཿཧཱུྃ་བཾ་ཧོཿ ཞེས་བརྗོད་ཅིང་དཀྱིལ་འཁོར་ལ་བསྐོར་བ་དང་ཛབ྄་དབྱངས་བྱའོ། །གསུམ་པ་ཚད་ནི། དུས་སྨིན་སློབ་ལ་ཟླ་བ་དྲུག །མོས་སློབ་ཀྱི་དབང་དུ་མཛད་ནས། ཟླ་བ་གཅིག་གམ། ཞག་བདུན་ནམ། ཉིན་ཞག་གསུམ་གྱིས་མཐའ་བརྟེན་པར་བསྒྲུབས་པས་ཀྱང་དུས་དང་དབང་པོ་དང་མཐུན་པར་དངོས་གྲུབ་ཅི་རིགས་པ་ཐོབ་པར་འགྱུར་བ་ཡིན་ནོ། ཞེས་གསུངས། གྲངས་ནི། གཞུང་ལས། བསྙེན་སྒྲུབ་སོ་སོར་བྱེད་ན། ཐོག་མར་སྒྲུབ་ཐབས་ལྟར་སྔགས་འབུམ་ཕྲག་བཞིའམ་གསུམ་བཟླ། དེ་ནས་སྒྲུབ་པའི་དཀྱིལ་འཁོར་དང་རྫས་བཤམས་ཤིང་ཕྲིན་ལས་ལམ་ཁྱེར་གྱི་གཞུང་བསྲངས་ལ་སྔགས་འབུམ་ཕྲག་བཞི་བཟླས་ཤིང་༔ མཐར་ལས་སྦྱོར་གྱི་ཚུལ་དུ་རིལ་བུའི་སྒྲུབ་པ་བདུན་ཕྲག་གི་རྗེས་དངོས་གྲུབ་བླང་བརབྱའོ། །ཞེས་གསུངས་པས། རང་ཉིད་གཅིག་སྒྲུབ་སྐབས་དེ་ལྟར་བྱ་དགོས་ལ། སྤྱིར་བསྙེན་པ་སྔོན་ཏུ་མ་སོང་བར་སྒྲུབ་པ་ལ་འཇུག་ཐབས་མེད་པས་སློབ་དཔོན་ཉིད་བསྙེན་སོང་གི་དབང་དུ་བྱས་ནས། འདིར་སྒྲུབ་ཆེན་ཁོ་ནའི་སྐབས་སུའང་རྒྱས་པར་སྤྲོ་ཞིང་ཡོ་བྱད་སོགས་འཛོམ་ན། ཞག་བདུན་ཕྲག་གསུམ་ལ་བདུན་གཉིས་ཀྱི་རིང་གོང་སྨོས་རྩ་བའི་ཛབ྄་བཟླས་ཐུན་མོང་ལས་སྦྱོར་ཁོ་ན་ལ་འབད། བདུན་གཅིག་གི་ཚེ་ཛབ྄་བཟླས་སྔ་མ་ཁྱུག་ཙམ་སོང་ནས། ཁྱད་པར་ལས་སྦྱོར་སྐྱེ་བདུན་རིལ་སྒྲུབ་ཀྱི་དམིགས་བཟླས་ལ་རྩེ་གཅིག་ཏུ་འབད། དེའང་བསྙེན་སྒྲུབ་ཀྱི་སྔགས་ཤམ་འདོགས་བཅས་པ་ལ་ཐུན་གྱི་དངོས་གཞི་བྱ་ཞིང༌། ཐུན་མཐར་གནད་སྐུལ་ཤམ་བུའང་བརྒྱ་རྩ་རེ་ཙམ་གདགས་ལ་སྟོང་ཚིགས་མཆོད་པ་དང་གཏོར་འབུལ་སོགས་བྱ། ཞག་པོ་དྲུག་སོང་ནས་ཉིན་བདུན་པར་དངོས་གྲུབ་དབང་དུ་བྱ་བའི་སྔགས་ཤམ་ཡང་གདགས། སྒྲུབ་པ་བདུན་ཕྲག་གཉིས་བྱེད་ན་བདུན་གཅིག་ལ་རྩ་བའི་བཟླས་པ་དང༌། བདུན་གཅིག་ལ་མྱང་གྲོལ་རིལ་སྒྲུབ་གཙོར་བཏོན། བདུན་གཅིག་ལས་མི་འགྲུབ་ན་ཐུན་གྱི་ཕྱེད་རྩ་བའི་བཟླས་པ་ཕྱེད་རིལ་སྒྲུབ་སྔགས་དམིགས་བྱ། འོན་ཀྱང་རྩ་བའི་བསྙེན་སྒྲུབ་སྔོན་ཏུ་སོང་བས་རིལ་བུ་ཁོ་ནའི་སྒྲུབ་ཆེན་བྱེད་ན་དེའི་སྔགས་དམིགས་གཙོར་བཏོན་པས་ཆོག་གོ །རྟགས་ཚད་ནི་གསང་བ་སྤྱྀ་དང་བྱེ་བྲག་གཞུང་དུ་གསལ་བ་ལྟར་རོ། །གསུམ་པ་གྲུབ་ནས་དངོས་གྲུབ་བླང་བ་ལ་གསུམ། དངོས་གྲུབ་ཀྱི་རྫས་བཤམ་པ། ཆོ་གའི་སྔོན་འགྲོ། །ཆོ་ག་དངོས་སོ། །དང་པོ་ནི། སྒྲུབ་པ་སང་གྲོལ་རྒྱུའི་དེ་རིང་གི་དགོངས་ཐུན་ནས་དངོས་གྲུབ་བླང་བའི་རྫས་བཤམས་ཏེ། དཀྱིལ་འཁོར་གྱི་མདུན་དུ་གཞི་དཀར་པོའི་སྟེང་དུ་གྲོའི་གཡུང་དྲུང་གཡས་འཁྱིལ་དུ་བྲིས་པའི་དབུས་སུ་རིན་པོ་ཆེའི་སྣོད་དུ་འབྲུ་བཟང་གི་ཕྱེ་མངར་གསུམ་དང་ཞོ་མར་འོ་མས་སྦྲུས་པའི་ནོར་བུ་འབར་བའི་གཟུགས་དང་ཕྱོགས་བཞིར་ལས་བཞིའི་འབྲང་རྒྱས་བཟའ་བཅའ་སྣ་ཚོགས་པས་བསྐོར་བ། གཡས་སུ་མངར་གསུམ་ཐུད་དང་བསྲེས་པའི་རིལ་བུ་དང༌། གཡོན་དུ་བྷཉྫ་བཟང་པོར་འབྲུ་བཅུད་བདུད་རྩི་ལ་ཨ་མྲྀ་ཏ་བཏབ་པའང་བཤམ། དགོངས་ཐུན་བཟླས་པའི་གཤམ་དུ། སླར་ཡང་རང་གི་ཐུགས་ཀ་ནས་འོད་ཟེར་དམར་པོ་ལྕགས་ཀྱུ་ལྟ་བུ་གྲངས་མེད་པ་འཕྲོས༔ མདུན་བསྐྱེད་ཀྱི་ལྷ་ཚོགས་རྣམས་ཀྱི་ཐུགས་ཀར་ཕོག་པས་སྔོན་གྱི་ཐུགས་དམ་རྗེས་སུ་དགོངས་ཏེ་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་ཐམས་ཅད་འོད་ཟེར་སྣ་ལྔའི་རྣམ་པས་བདག་དང་སྒྲུབ་པའི་རྫས་ལ་ཐིམ་པས་ཡེ་ཤེས་མཆོག་གི་གཟི་བྱིན་འབར་བར་འགྱུར༔ བསྙེན་སྒྲུབ་སྔགས་ཤམ་དུ། ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སརྦ་སིདྡྷི་ཕ་ལ་ཧཱུྃ་ཧཱུྃཿ ཞེས་བཏགས་པ་བརྒྱ་རྩ་ཙམ་བཟླ། ཕྱིར་ནང་ཐོར་ཐུན་ལ་ཕྲིན་ལས་གཞུང་བསྲངས་ཏེ། བཟླས་པ་ཁ་སྐོང་སྟོང་ཚིགས་བཅས་གྲུབ་ནས་བསྙེན་རྒྱུན་སྔ་མ་གྲོལ། དངོས་གྲུབ་བླང་བའི་སྔགས་བཏགས་པ་རྒྱུན། གཏོར་བསྔོ། ཚོགས་མཆོད་སོགས་རྒྱས་པར་བྱེད། ཚོགས་ཐ་མའི་སྐབས་ཉུ་ལེའི་ལིངྒ་མེར་བསྲེགས་ལ་ཆོས་སྲུང་གཏོར་མར་བསྟབ། གཉིས་པ་ལྟ་ཉན་གྱི་འབྱུང་པོ་ཚར་གཅད་པའི་ཕྱིར། ཧྲཱིཿཧཱུྃཿ ང་ནི་དབང་ཆེན་རྟ་མགྲིན་རྒྱལ༔ རྡོ་རྗེ་གསང་བའི་བདག་ཉིད་དེ༔ བགེགས་ཀྱི་ཚོགས་ཀུན་ཕྱིར་དེངས་ཤིག༔ འདས་ན་བརླག་པར་གདོན་མི་ཟ༔ ཞེས་དང་དྲག་སྔགས་ཡུངས་ཐུན་གུ་གུལ་དུད་པ་སོགས་ཀྱིས་བསྐྲད། ཧཱུྃ་ཧྲཱིཿ ནམ་མཁའི་མཐའ་དང་མཉམ་པའི་སོགས་ཀྱི་བྱིན་འབེབས་སྔར་བཞིན་བྱ། ཉམས་ཆགས་བཤགས་པ་སྤྱི་བཤགས་ཡེ་ཤེས་སྐུ་མཆོག་ལྟ་བུ་བརྗོད་ཀྱང་ཆོག་མོད། བསྡུ་ན། ཨོཾ་ཨཱཿཧཱུྃ༔ རྒྱལ་བ་ཞི་ཁྲོ་རྡོ་རྗེ་སློབ་དཔོན་དང༌། བདེ་གཤེགས་ཡོངས་རྫོགས་སྲུང་མ་དམ་ཚིག་ཅན༔ སྐུ་གསུམ་གདུང་གསོབ་རྡོ་རྗེ་ལྕམ་དྲལ་མཆེད༔ དཔང་གྱུར་དཀོན་མཆོག་མ་ལུས་དགོངས་སུ་གསོལ༔ བདག་ནི་མ་རིག་ལུས་དང་ངག་སེམས་ཀྱིས༔ རྡོ་རྗེ་སློབ་དཔོན་མཆེད་ལ་ངན་སྨྲས་ཤིང་༔ ཡི་དམ་སྔགས་དང་ཕྱག་རྒྱ་གསང་བ་བསྒྲགས༔ རྩ་བའི་དམ་ལས་འགལ་གྱུར་མཐོལ་ཞིང་བཤགས༔ ཤེས་བྱ་ལྔ་དང་སྤྱད་པར་བྱ་བ་ལྔ༔ མི་སྤངས་ལྔ་དང་བསྒྲུབ་པར་བྱ་རྒྱུ་ལྔ༔ དང་ལེན་ལྔ་སོགས་ཡན་ལག་དམ་ཚིག་ཀུན༔ ཉམས་གྱུར་རང་གནོང་འགྱོད་པས་མཐོལ་ཞིང་བཤགས༔ སྔགས་ལ་ཐེམ་ཚོམ་བླ་མེད་ཐེག་པ་སྨད༔ ལྟ་སྒོམ་ཡ་བྲལ་བསྙེན་སྒྲུབ་གཞུང་མ་བསྲོང་༔ ལོང་ཡོད་ལེ་ལོས་དུས་ཀྱི་མཆོད་པ་ཆགས༔ སྒོ་གསུམ་ཐུན་མོང་དམ་ཉམས་མཐོལ་ཞིང་བཤགས༔ རིག་པའི་རྩལ་ཆུང་སྙིང་པོའི་དོན་མ་རྟོགས༔ སྒོམ་པའི་སྲན་ཆུང་གནས་ལུགས་སོ་མ་ཐུབ༔ བློ་ཡི་སྟོབས་ཆུང་སྤྱོད་པ་བོགས་མ་ཐོན༔ ལེགས་བསམ་དཔྱད་ཀྱང་དོན་ལོག་ཐུགས་འགལ་བསགས༔ འབྲས་བུ་ཡིད་སྨོན་གྱུར་པ་མཐོལ་ལོ་བཤགས༔ ཞེས་དང་ཡིག་བརྒྱ་བརྗོད། ལས་གཞུང་ལྟར་མཆོད་ཅིང་བསྟོད། གསུམ་པ་ནི། ཨོཾ་ཨཱཿཧཱུྃ༔ རྒྱལ་བ་རྒྱ་མཚོ་སོགས་ཤློ་ཀ་གཅིག་གིས་དངོས་གྲུབ་བསྐུལ། བསྙེན་སྒྲུབ་སྔགས་མཐར། ཀཱ་ཡ་སིདྡྷི་ཨོཾཿ ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ གུ་ཎ་སིདྡྷི་ཏྲཱྃ༔ ཀརྨ་སིདྡྷི་ཨཱ༔ སརྦ་ལོ་ཀ་ཛྙཱ་ན་སིདྡྷི་ཕ་ལ་ཧཱུྃ༔ ཞེས་བཏགས་པ་སྟོང་ཕྲག་གམ་བརྒྱ་རྩ་ལས་མི་ཉུང་བ་བཟླས་པས། དངོས་གྲུབ་ཐམས་ཅད་འོད་ཟེར་འཇའ་ཚོན་ལྟ་བུའི་རྣམ་པས་བདག་གི་གནས་ལྔར་ཐིམ་པར་བསམ། སྐྱ་རེངས་འཆར་བ་དང་བསྟུན་མྱོང་གྲོལ་སྣོད་དང་སྐུ་གསུང་ཐུགས་རྟེན་སོགས་སྒྲུབ་རྫས་རྣམས་ལས་རྡོར་གྱིས་བཏེགས་ལ་དངོས་གྲུབ་ལེན་པ་ནི། ཧྲཱིཿ ཡེ་ཤེས་ལུས་ཅན་འགྲན་དུ་མེད་པ་ཡི༔ གཟི་བརྗིད་སྐུ་ཡི་དངོས་གྲུབ་སྩལ་དུ་གསོལ༔ ཚངས་པའི་དབྱངས་ལ་ཆོས་ཀྱི་ཆར་ཆེན་འབེབས༔ ནུས་པ་སྔགས་ཀྱི་དངོས་གྲུབ་སྩལ་དུ་གསོལ༔ གཟུངས་དྲན་ཏིང་འཛིན་མཁྱེན་བརྩེ་ཡོངས་ཀྱི་གཞི༔ འོད་གསལ་སྙིང་པོའི་དངོས་གྲུབ་སྩལ་དུ་གསོལ༔ ཡིད་བཞིན་ནོར་བུ་དཔག་བསམ་བུམ་པ་བཟང་༔ འདོད་འབྱུང་གཏེར་གྱི་དངོས་གྲུབ་སྩལ་དུ་གསོལ༔ གདུལ་བྱ་སོ་སོའི་མོས་པ་ཇི་བཞིན་དུ༔ ཐོགས་མེད་འཇུག་པའི་དངོས་གྲུབ་སྩལ་དུ་གསོལ༔ སྲུང་དང་ཞི་རྒྱས་དབང་དང་མངོན་སྤྱོད་སོགས༔ ཐུན་མོང་ལས་ཀྱི་དངོས་གྲུབ་སྩལ་དུ་གསོལ༔ མཁའ་སྤྱོད་རིལ་བུ་མིག་སྨན་རྐང་མགྱོགས་སོགས༔ ཁྱད་པར་གྲུབ་པའི་དངོས་གྲུབ་སྩལ་དུ་གསོལ༔ ཚེ་དང་ཡོ་བྱད་འདོད་རྒུར་བསྒྱུར་ལ་སོགས༔ ཕྱི་ནང་དབང་བཅུའི་དངོས་གྲུབ་སྩལ་དུ་གསོལ༔ མཐོང་ཐོས་དྲན་རེག་གདུལ་བྱ་སྨིན་ཅིང་གྲོལ༔ བླ་མེད་མཆོག་གི་དངོས་གྲུབ་སྩལ་དུ་གསོལ༔ ཞེས་དང་སྔགས་བརྗོད་པས་གནས་གསུམ་དུ་གཏུགས། རིལ་བུའི་ཡེ་ཤེས་ཀྱི་འཁོར་ལོ་རང་ལ་ཐིམ༔ དམ་ཚིག་པ་མྱོང་གྲོལ་འོད་འབར་བའི་བདུད་རྩིར་གྱུར་པར་བསམས་ལ་རིལ་བུ་དང་བུམ་ཆུ་སོགས་མྱང་ཞིང་རྟེན་རྣམས་གནས་གསུམ་དུ་གཏུགས་དངོས་གྲུབ་ཀྱི་རྫས་ལ་ལོངས་སྤྱད་པས། སྟན་ཐོག་དེ་ཉིད་དུ་དངོས་གྲུབ་རྣམ་གཉིས་བདེ་བླག་གི་ཚུལ་གྱིས་ཐོབ་པར་བསམས་ལ་དགོངས་པའི་གདིང་བཟུང་ངོ༌། དེས་རང་དོན་དངོས་གྲུབ་བླང་བ་གྲུབ་ནས། གཞན་དོན་དབང་བསྐུར་སྦྲེལ་དགོས་ན་བཀའ་ལུང་ཡོངས་རྫོགས་དོན་ཏུ་གཉེར་བ་ལ་དབང་ཆེན་ཁྲིད་དང་སྦྲེལ་དགོས་པ་དང༌། དབང་འབྲེལ་དཀྱུས་ཙམ་ལ་དོན་དབང་མདོར་བསྡུས་ཀྱི་བུམ་དབང་རྗེས། སྒྲུབ་པ་ཁྱད་པར་བ་སྐྱེ་བདུན་རྫས་ཀྱྀ་དབང་བསྐུར་སྦྱར་བ་ཙམ་གྱིས་འཐུས་སོ། །རྩ་བའི་གསུམ་པ་མཐའ་རྒྱས་རྗེས་ཀྱི་རིམ་པ་ལ་གསུམ། དཀྱིལ་འཁོར་དང་འབྲེལ་བའི་རྗེས་ཆོག །ཕྱི་མཚམས་དཀྲོལ་བ། སློབ་དཔོན་ལ་སྐུ་དྲིན་གསོལ་ཞིང་སྨོན་ལམ་དང་ཤིས་བརྗོད་བྱ་བའོ། །དང་པོ་ནི། དངོས་གྲུབ་བླང་བ་ཁོ་ནའམ་དབང་བསྐུར་གྲུབ་པའི་རྗེས་སུ་ལྷག་ཆོག་བཏང་ཞིང་སྔར་བཙོན་ཏུ་བཟུང་བའི་ལྷག་མ་དང་ལྷན་ཅིག་སྒྲུབ་ཁང་ལྷོ་ནུབ་གོམ་པ་བདུན་ཅུའི་སར་སྐྱེལ། ཆོས་སྲུང་གཏོར་འབུལ་སྐབས་དེ་དག་གི་གཏོར་མ་རྣམས་ཡང་ཐོག་ལྟ་བུར་འབུལ། ཆད་བརྟན་ལའང་རྒྱུན་བཞག་ཕྱིར་བསྐྱང་ཞིང་རྟ་བྲོ་བརྡུང༌། གཏོང་རག་གི་མཆོད་བསྟོད་རྒྱས་པར་བྱས་ལ་ནོངས་པ་བཤགས། མདུན་བསྐྱེད་ཀྱི་ལྷ་ཡེ་ཤེས་པ་རྣམས་རས་བྲིས་ཀྱི་དཀྱིལ་འཁོར་རམ་རྟེན་ལ་བརྟན་བཞུགས་བྱ། དམ་ཚིག་པ་རང་ལ་བསྟིམ། ཨ་ཀཱ་རོའི་སྔགས་བརྗོད་ཅིང་ཆོས་ཐམས་ཅད་སྐྱེ་བ་མེད་པར་ཤེས་པས་དཀྱིལ་འཁོར་བསྡུ། སྲུང་བའི་ཕུར་བུ་བཅུ་པོ། ཧཱུྃ་ རེ་རེ་བརྗོད་ལ་སྔར་བཏབ་རིམ་ལས་ལྡོག་ཕྱོགས་ཚུལ་ཀྱིས་ཕྱུངས་ཏེ། ཨོཾ་ཨཱཿཧཱུྃ་གིས་ཕུར་ཁུང་དུ་བདུད་རྩི་གཏོར་བས་བགེགས་རྣམས་རྨས་པ་གསོས་ཏེ་རང་གནས་སུ་སོང་བར་མོས་སོ། །གཉིས་པ་མཚམས་དཀྲོལ་བ་ནི། ཐོག་མར་རྒྱལ་ཐོའི་རྩ་བ་མཆོད་གཏོར་བཤམ། གོང་གསལ་ཐོ་འཛུག་སྐབས་ལྟར་བྱིན་བརླབ། སྔགས་ལན་གསུམ་གྱིས་གཏོར་མ་འབུལ། ཨོཾ་བཛྲ་པུཥྤེ་སོགས་ཀྱིས་མཆོད། བསྟོད་པ་ཤློ་ཀའི་ཚིག་རྐང་བཞི་པ། སྲུང་བ་སོགས་ལ། ཅི་བཅོལ་ཕྲིན་ལས་བསྒྲུབ་པར་མཛོད༔ ཅེས་བསྒྱུར་ལ་སྔགས་མཐར། བཛྲ་མུཿབཏགས་པས་གཤེགས་སུ་གསོལ་བས་ཕྱོགས་བཞི་ཀར་འགྲེས་ཏེ་ཐོ་བསྡུ། ནང་སྒོར་ཡང་མཆོད་གཏོར་བཤམས་ནས་བྱིན་བརླབ། གཏོར་འབུལ་མཆོད་པ་གོང་ལྟར་ལ། ཧཱུྃཿ ཆོས་ཉིད་ཞི་བ་སོགས་བསྟོད་པ་ཤློ་ཀ་གཅིག་གི་འཕྲོས། མཆོད་སྦྱིན་གཏོར་མ་འདི་བཞེས་ལ། སོགས་བརྗོད་ཅིང་གཤེགས་སུ་གསོལ་བའམ། སྐུ་རྟེན་ལ་བརྟན་བཞུགས་བྱས་ཀྱང་ཆོག་གོ །གསུམ་པ་ལ་ཐོག་མར་སྐུ་དྲིན་གསོལ་བ་ནི། ནང་དུ་ཕྱིན་ནས་རྡོ་རྗེ་སློབ་དཔོན་དཀྱིལ་འཁོར་སྟེགས་བུའི་དབུས་སུ་བཞུགས་པར་གསུངས་པ་ལྟར་རམ། རང་མལ་དུ་བཞུགས་པ་ལ་སྒྲུབ་མཆེད་རྣམས་ཀྱིས་ལུས་ལོངས་སྤྱོད་དགེ་ཚོགས་ལྟོས་མེད་དུ་འབུལ་བར་མཚོན་བྱེད་ཕྲེང་བ་བསྡུས་ཏེ་མདུན་ཏུ་སྤུངས། ཕྱག་ལན་གསུམ་འཚལ། མེ་ཏོག་དང་བཅས་པའི་ཐལ་མོ་སྦྱར། ལས་རྡོར་གྱིས་ཕུད་སྐྱེམས་དྲངས་ལ། ཧོ༔ རིགས་ཀུན་ཁྱབ་བདག་རྡོ་རྗེ་སློབ་དཔོན་གྱིས༔ འཕགས་མཆོག་རྒྱལ་བ་རྒྱ་མཚོའི་དཀྱིལ་འཁོར་དུ༔ བདག་ཅག་ཐུགས་རྗེ་ཆེན་པོས་རྗེས་བཟུང་བའི༔ བཀའ་དྲིན་དུས་གསུམ་ཀུན་ཏུ་འཁོར་མེད་ཕྱིར༔ ལུས་དང་ལོངས་སྤྱོད་ལྟོས་མེད་འབུལ་ལགས་ན༔ དཔལ་ལྡན་བླ་མ་དམ་པ་ཞབས་བརྟན་ཅིང་༔ མདོ་སྔགས་བསྟན་པ་དར་ཞིང་རྒྱས་པ་དང་༔ འཇིག་རྟེན་ཁམས་ཀུན་བདེ་ལེགས་དཔལ་འབྱོར་རྒྱས༔ འདིར་འདུས་ཚེ་དང་སྒྲུབ་པ་མཐར་ཕྱིན་ནས༔ བྱང་ཆུབ་བར་དུ་ཁྱེད་ཀྱིས་རྗེས་གཟུང་གསོལ༔ ཞེས་ཞུ་ཞིང་མེ་ཏོག་འཐོར། ཞབས་ལ་སྤྱི་བོས་བཏུད་དོ། །སྨོན་ལམ་གདབ་བ་ནི། དཔོན་སློབ་ཐམས་ཅད་ཀྱིས་སྤོས་ཀྱི་རེང་བུ་དང་མར་མེ་ཐོགས། རྒྱལ་ཐེབས་ཀྱིས་དབྱངས་བོར་ལེན་བྱས་ཏེ། ཧོ༔ པདྨ་རྣམ་པར་རྒྱས་པའི་དཀྱིལ་འཁོར་དུ༔ རིགས་ཀུན་ཁྱབ་བདག་རྡོ་རྗེ་སློབ་དཔོན་དང་༔ མཆེད་དང་ལྕམ་དྲལ་འདུས་པའི་ཚོགས་རྣམས་ཀྱིས༔ འགྲོ་འདུལ་ཐུགས་རྗེའི་ལྷ་ཚོགས་བསྒྲུབས་པའི་མཐུས༔ དེང་ནས་བཟུང་སྟེ་ཚེ་རབས་ཐམས་ཅད་དུ༔ ཚོམ་བུ་གཅིག་ཏུ་ནམ་ཡང་མི་འབྲལ་ཞིང་༔ མཐོ་རིས་ཡོན་ཏན་བདུན་གྱིས་འབྱོར་པ་དང་༔ འཕགས་པའི་ནོར་ལ་རང་དབང་སྤྱོད་པར་ཤོག༔ ནམ་ཞིག་བྱང་ཆུབ་ལྷུམས་སུ་ཞུགས་པའི་ཚེ༔ ཡེ་ཤེས་གསལ་བའི་མར་མེའི་འོད་ལམ་ལས༔ འཕགས་མཆོག་དཔའ་བོ་མཁའ་འགྲོས་མདུན་བསུས་ཏེ༔ པདྨོ་བཀོད་པའི་ཞིང་དུ་དབུགས་ཕྱུངས་ཤིག༔ བླ་མ་རྒྱལ་བ་རྒྱ་མཚོས་རྗེས་བཟུང་ནས༔ རྩ་རླུང་ཐིག་ལེ་སེམས་ཀྱི་དྲི་མ་བྱང་༔ སྐུ་དང་ཡེ་ཤེས་འདུ་འབྲལ་མེད་པའི་དབྱིངས༔ འོད་གསལ་ཐིག་ལེ་ཆེན་པོར་ལྷུན་རྫོགས་ཤོག༔ ཅེས་གདུང་ཤུགས་དྲག་པོས་སྨོན་ལམ་དུ་བཏབ་པས་བརྩོན་འགྲུས་ཅན་རྣམས་ཚེ་འདིར་གྲོལ་ཞིང་༔ མ་འབད་ཀྱང་ཕྱི་མར་དག་པའི་ཞིང་དུ་དབུགས་འབྱིན་ཅིང་གྲོལ་བ་ཐོབ་པར་འགྱུར་རོ༔ ཞེས་གསུངས་སོ། །གཞན་ཡང་ལས་གཞུང་ནས་འབྱུང་བའི་སྨོན་ལམ་གྱིས་མཚོན་ཐུན་མོང་མ་ཡིན་པའི་སྨོན་ལམ་མང་དུ་འདེབས་ནུས་ནའང་མཆོག་ཏུ་འགྱུར་རོ། །མཐར་ཤིས་བརྗོད་ཀྱིས་དགེ་ལེགས་སུ་བྱ་བ་ནི། མེ་ཏོག་འཐོར་ཅིང་ཞལ་ནས་གསུངས་པའི་ཚིགས་སུ་བཅད་པས་ཐོག་དྲང༌། ལས་གཞུང་ཤློཀ་སོགས་སམ། ཅུང་ཟད་སྤྲོ་ན། རིགས་ཀུན་ཁྱབ་བདག་བླ་མ་རྡོ་རྗེ་འཆང་༔ བརྒྱུད་གསུམ་རིག་འཛིན་རྒྱ་མཚོའི་བཀྲ་ཤིས་ཤོག༔ ཐུགས་རྗེའི་གཏེར་ཆེན་ཡི་དམ་སྤྱན་རས་གཟིགས༔ རྒྱལ་བ་རྒྱ་མཚོའི་ཚོགས་ཀྱི་བཀྲ་ཤིས་ཤོག༔ ལེགས་ཉེས་སྟངས་འཛིན་སྒྲུབ་མཆོག་བུ་བཞིན་སྐྱོང་༔ ཕྱི་ནང་མཁའ་འགྲོ་ཆོས་སྲུང་བཀྲ་ཤིས་ཤོག༔ མཁའ་ཁྱབ་འགྲོ་ཀུན་མཆོག་དང་ཐུན་མོང་གི༔ དངོས་གྲུབ་དཔལ་ལ་སྤྱོད་པའི་བཀྲ་ཤིས་ཤོག༔ གཞི་ཡི་བཀྲ་ཤིས་འོད་གསལ་དབྱིངས་ཀྱི་ངང་༔ ལམ་གྱི་བཀྲ་ཤིས་ཡེ་ཤེས་སྣང་བ་རྒྱས༔ འབྲས་བུའི་བཀྲ་ཤིས་ཟུང་འཇུག་མངོན་དུ་གྱུར༔ ཕྲིན་ལས་མཛད་པ་མཐའ་ཡས་བཀྲ་ཤིས་ཤོག༔ ཅེས་བརྗོད་ལ་སྙན་འགྱུར་བརྗིད་ཆགས་པའི་རོལ་མོའི་སྒྲ་ཡུན་རིང་པར་འཁྲོལ་བ་སོགས་ཀྱིས་དགེ་ལེགས་སུ་བྱ། སྦྱིན་བདག་ཡོད་ན་ཡོན་ཕུལ། སློབ་དཔོན་གྱིས་གཏོང་ཐུན་མདོར་བསྡུས་པ་སྔོན་ཏུ་འགྲོ་བས་བསྔོ་བ་མཛད་ཅིང་སྒྲུབ་པ་པོ་རྣམས་ཀྱིས་མཐུན་འགྱུར་བརྗོད། ཞག་གསུམ་ཙམ་གནས་སྲུང་ཞིང་བཤགས་སྐོང་ཚོགས་མཆོད་བཤད་ཉན་སོགས་བློ་ནུས་དང་མཚམས་པའི་དགེ་བའི་བྱ་བ་གྲུབ་ནའང་ཕྱིན་ཆད་བཀྲ་ཤིས་ཤིང་བསྟན་པ་འཕེལ་བའི་གནད་དུ་ཆེའོ། །ཆོས་ཉིད་སྟོབས་དང་འཕགས་མཆོག་སྨོན་ལམ་མཐུས། །བདག་གཞན་སྲིད་པའི་འཆིང་བ་དབྱིངས་སུ་གྲོལ། །པདྨ་རྣམ་རྒྱས་ཞིང་དུ་ཕྱམ་གཅིག་པར། །རྒྱལ་བ་རྒྱ་མཚོའི་ཚོམ་བུར་རབ་སྨིན་ཤོག །ཅེས་ཨོ་རྒྱན་དྲི་མེད་ཀུན་དགའི་ཡང་གཏེར་རྒྱལ་བ་རྒྱ་མཚོའི་སྒྲུབ་པའི་ཁོག་དབུབ་བཀླག་ཆོག་མར་བཀོད་པར་འོས་པའི་བཀའ་ལུང་ནོར་བུའི་ཅོད་པན། འཁོར་ལོའི་མགོན་པོ་གཏེར་ཆེན་བླ་མ་ཐམས་ཅད་མཁྱེན་པའི་ཞལ་སྔ་ནས་སྤྱི་བོར་སྩལ་བ་གུས་པས་མཆོད་དེ། ས་བཅད་ཀྱི་འགྲོས་དང་འདོན་ཆ་དམིགས་སུ་གསལ་བ་རྣམས་རང་གཞུང་ཉིད་རྩ་བར་བཟུང༌། ཁ་འགེངས་དགོས་ངེས་པ་རྣམས་རིགས་མཐུན་ཟབ་གཏེར་ཉི་མ་སེང་གེའི་པདྨ་རྒྱལ་པོ་དང༌། ཆོས་དབང་རིན་པོ་ཆེའི་ཡང་འདུས་ལུས་དབང་ནས་བླངས་ཏེ་པདྨ་གར་གྱི་དབང་ཕྱུག་བློ་གྲོས་མཐའ་ཡས་པའི་སྡེས་རང་གཞན་ལ་ཕན་འདོད་ལྷག་བསམ་བཟང་པོས་རྫོངས་གསར་བཀྲ་ཤིས་ལྷ་རྩེའི་ཆོས་གྲྭ་ཆེན་པོར་བགྱིས་པ་དགེ་ལེགས་འཕེལ།། །།

[edit]

@#/__/yang zab thugs rje chen po rgyal ba rgya mtsho'i sgrub khog gsal bar bsdebs pa ye shes rol pa'i snying po zhes bya ba bzhugs so//__//@##/__/na mo gu ru pad+ma ni rti shwa rA ya/__gnyis snang bde chen thig le gcig tu 'khyil/__/rang rtsal 'gro la dmigs med thugs rje'i rgyun/__/dus gsum ma 'gags spyan ras gzigs dbang pos/__/bdag gzhan srid zhi'i mtha' las bsgral du gsol/__/sgrub thabs 'o ma'i chu gter las/__/snying bcud bdud rtsi'i gang bu nyid/__/tshogs su sgrub pa'i lag len ni/__/don gnyis lhun grub dpyad du dgod/__/sprul pa'i gter chen o rgyan dri med kun dga'i yang gter 'jig rten dbang phyug rgyal ba rgya mtsho'i dkyil 'khor du tshom bu tshogs kyi sgrub pa bgyi ba la/__thog mar phun sum tshogs pa lngas sgrub pa'i gzhi bzung ba ni/__gnas dus ston 'khor yo byad kyi rten 'brel tshul bzhin tu tshogs pa dgos te/__de'ang gnas byin rlabs dang ldan la 'du 'dzis dben pa/__bkra shis la nyams dga' ba/__dus nyi ma byang bgrod kyi yar ngo'i tshes brgyad lta bu/__ston pa rdo rje slob dpon bsnyen sgrub mthar phyin cing bskyed rdzogs kyi drod rtags thob pa/__grogs 'khor dad pa dam tshig ldan cing so so'i bya ba la mkhas pa/__yo byad sgrub pa'i rten dang mchod pa'i dam rdzas rgyan gyi bye brag sogs spyi dang bye brag nas bshad pa rnams so so'i mtshan nyid dang ldan pa legs par tshogs par bya'o/__/sgrub pa dngos kyi las rim la gsum/__sngon 'gro'i rim pas las chung ngu bya ba/__dngos gzhi sgrub pa chen pos thugs dam bskul ba/__rjes kyi rim pa rnams kyis mtha' rgyas su bya ba'o/__/dang po la gsum/__sa chog__/mtshams gcod/__lhag gnas kyi rim pa'o/__/dang po la'ang bzhi las/__thog mar sa brtag pa sgrub gnas rnying pa la mi dgos shing gzhan gsum phyag len tu mdzad pa las/__gnyis pa sa slong ba la'ang/__snang ba yul bdag las bslangs zin pa'i dbang du byas te/__mi snang ba sa bdag lha klu las bslang ba ni/__dkyil 'khor gang du bya ba'i stegs bu'i dbus su me tog gi tshom bu gcig bkod pa'i mdun du sa lha'i gtor ma dkar zlum mdun tu theb kyu dang ril bus mtshan pa bkod/__mthar byang shar du mtshams 'dzin gyi me tog nas brtsams te chu gnyis nyer spyod lnga dang bcas pas g.yas su bskor/__gzhan yang nye bar mkho ba'i yo byad rnams tshogs par byas la/__thog mar bdag gi rnal 'byor ni/__tshig bdun sogs gsol 'debs sngon tu 'gro bas/__phrin las lam khyer ltar skyabs sems lan gsum dang tshad med bzhi bsgom/__gter gzhung gi dbu nas 'byung ba'i sgrub thabs ltar yan lag bzhi rdzogs su bskyed/__dmigs pa'i 'phro 'du bcas yi ge bcu gnyis brgya/__sham bu gdags pa brgya brgyad tsam bzlas la/__'od gsal du bsdu zhing thun mtshams zung 'jug gi skur ldangs/__mchod gtor rnams/__oM pad+mAn+ta kr-i ta hU~M phaTaHkyis bsang*/__oM swa b+hA ba sogs kyis sbyang*/__thams cad stong nyid nam mkha'i ngang :__b+h+rU~M las rin chen snod nang du:__oM las phyi nang mchod pa'i tshogs:__so so'i lha mo'i rol pa bcas:__rab 'byams nam mkha' gang bar gyur:__oM badz+ra puSh+pe d+hU pe A lo ke g+han+d+he nai bid+ya shap+da pU dza sa ma ya hU~M:__zhes dang*/__gtor gzhong rat+na'i gzhal yas su:__gtor ma 'dod yon phung por spungs:__oM AHhU~M:__gsum gyis brlab/__rang thugs rje chen por gsal ba'i thugs ka nas 'od zer 'phros:__sa 'og nas sa'i lha mo 'khor dang bcas pa spyan drangs:__dgyes shing 'dzum pa'i mdangs phyung ste 'khod par gyur:__oM pr-i th+wI de wI nA ga b+hU mi pa ti sa pa ri wA ra i daM ba liM ta g+hr-ih+na b+hUny+dza hoH/__zhes lan gsum gyis gtor ma 'bul/__oM badz+ra puSh+pe d+hU pe A lo ke g+han+d+he ne bid+ya shap+da pra twits+tsha swA hAs mchod/__hU~M:__dgongs shig dbang chen mnga' bdag brtan ma dang :__chu dang sa la gnas pa'i 'byung po kun:__bdag gis mchod cing bstod pas dgyes pa bskyed:__rin chen sa rin mchod gtor 'di bzhes la:__ko long ru nga phrag dog ma mdzad par:__zhi dang bkra shis bde legs stsal du gsol:__ces gsol bas dgyes bzhin du gnang ba byin:__gats+tsha zhes brjod pas/__'od zer rin po che 'bar ba'i rnam pas sa'i gzhi der thim pas bkra shis pa'i gzi byin 'bar bar gyur/__ces bsgom/__gsum pa sbyang zhing gzung ba ni/__dbang mchog phur bu thogs la/__bdag dang dbang mchog gi phur bu rta mgrin du gsal ba las 'od zer dmar po'i drwa bas phyogs kun khyab pas sa gzhi dbang du byas par gyur:__hrI:__bdag nyid dbang chen thugs ka nas:__'od 'phros sa yi dngos 'dzin sbyangs:__phyogs mtshams 'od dmar 'bar bas khyab:__brtan g.yo thams cad dbang du gyur:__hrIHbi shud+d+ha pa shaM ku ru hoH__/zhes brjod cing phur bu dkyil 'khor gyi stegs bu'i nub byang du gdab bo/__/bzhi pa bsrung zhing mtshams gcod pa ni/__bgegs gtor bsham/__phrin las ltar byin rlabs bsngo ba bka' bsgo rnams byas la rta sngags hU~M bzhi pa yungs thun gu gul dud pas bdug la bskrad/__srung mtshams gcod pa'i tshig brjod la srung 'khor brtan por bsgom mo/__/gnyis pa mtshams bcad pa la gsum/__phyi nang gsang ba'o/__/dang po phyi mtshams rgyal chen bzhi la bcol ba ni/__sgrub khang gi phyogs bzhir gom pa bdun cu rtsa bzhi'i sar tho bzhi brtsegs pa la rgyal chen so so'i sku'am sngags byang rgyal mtshan dang bcas pa btsugs la so so'i mdun du stegs gtsang mar gtor ma dkar zlum mdun du theb kyu ril bus mtshan pa dang*/__de'i mdun du g.yon phyogs nas brtsams pa'i chu gnyis nyer spyod lnga bcas bsham/__sgrub pa po rnams rol chas sogs ser sbreng gi tshul gyis sgrub khang nas don te shar ky-i tho mdun tu 'khod la/__gong sa lha'i skabs ltar mchod gtor bsang sbyang byin rlabs bya/__rang gi snying ga nas 'od zer 'phros pas ri rab kyi shar phyogs nas rgyal po chen po _yul 'khor srung 'khor dang bcas pa spyan drangs te rten dang dbyer med par bzhugs par bsams la/__oM d+h+riSh+tA rASh+tA ya swA hA:__sa pa ri wA ra e h+ye hiHbadz+ra sa mA dza:__dzaHhU~M ba~M ho:__sa ma ya sta~M:__zhes rten la drang zhing bstim/__oM d+hr-iSh+ta rASh+ta ya sa pa ri wA ra i daM ba liM ta g+hr-ih+na b+hUny+dza hoH__zhes lan gsum gyis gtor ma 'bul/__oM badz+ra puSh+pe sogs kyis mchod/__hU~MH__shar phyogs skyong mdzad yul 'khor srung :__dri za'i dpung dang bcas rnams la:__mchod cing bstod de phyag kyang 'tshal:__srung ba mtshams kyi las mdzod cig:__sngags kyi mthar/__tiSh+Tha badz+ra sa ma ya s+t+waM zhes brjod cing me tog 'thor ba dang bcas brtan par bzhugs/__bkra shis brjod/__de nas lho'i tho mdun tu phyin la mchod gtor byin brlab/__rang gi snying ga nas 'od zer 'phros pas ri rab kyi lho phyogs nas rgyal po chen po 'phags skyes po 'khor dang bcas pa spyan drangs te rten dang dbyer med par bzhugs par bsams la/__oM bai rU D+ha kA ya swA hA:__sa pa ri wA ra e h+ye hi:__badz+ra sa mA dza:__dzaHhU~M ba~M ho:__sa ma ya s+t+waM:__zhes rten la drang zhing bstim/__sngags mthar gtor sngags btags pa gsum dang*/__nyer spyod kyis mchod/__hU~M:__lho phyogs skyong mdzad 'phags skyes po:__gshin rje'i dpung dang bcas rnams la:__mchod cing bstod de phyag kyang 'tshal:__srung ba mtshams kyi las mdzod cig:__sngags kyi mthar/__tiSh+Tha badz+ra sa ma ya s+t+waM:__zhes brtan bzhugs dang shis brjod bya/__nub kyi tho mdun tu phyin la mchod gtor byin brlab/__rang gi snying ga nas 'od zer 'phros pas ri rab kyi nub phyogs nas rgyal po chen po spyan mi bzang 'khor dang bcas pa spyan drangasate rten dang dbyer med par bzhugs par bsams la/__oM bi rU pAk+Sha ya swA hA:__sa pa ri wA ra e h+ye hi:__badz+ra sa mA dza:__dzaHhU~M ba~M hoH__sa ma ya s+t+wa~M:__zhes rten la drang zhing bstim/__sngags mthar gtor sngags btags pa gsum dang*/__nyer spyod kyis mchod/__hU~MH__nub phyogs skyong mdzad spyan mi bzang :__klu yi dpung dang bcas rnams la:__mchod cing bstod de phyag kyang 'tshal:__srung ba mtshams kyi las 'dzod cig:__sngags kyi mthar/__tiSh+Tha badz+ra sa ma ya s+t+waM:__zhes brtan bzhugs dang shis brjod bya/__byang gi tho mdun tu phyin la mchod gtor brlab/__rang gi snying ga nas 'od zer 'phros pas ri rab kyi byang phyogs nasargyal po chen po rnam thos sras 'khor dang bcas pa spyan drangs te rten dang dbyer med par bzhugs par bsams la/__oM bai shra ma NA ya swA hA:__sa pa ri wA ra e h+ye hi:__badz+ra sa mA dza:__dzaHhU~M baM ho:__sa ma ya s+t+waM:__zhes rten la drang zhing bstim/__sngags mthar gtor sngags btags pa lan gsum dang*/__nyer spyod kyis mchod/__hU~M:__byang phyogs skyong mdzad rnam thos sras:__gnod sbyin dpung dang bcas rnams la:__mchod cing bstod de phyag kyang 'tshal:__srung ba mtshams kyi las mdzod cig:__sngags kyi mthar/__tiSh+Tha badz+ra sa ma ya s+t+waM:__zhes brtan bzhugs bya/__bkra shis brjod/__gnyis pa bar mtshams la gnyis las/__bgegs la phur bus gdab cing mnan pa ni/__dug shog la dam sri'i ling+ga bya mchu can yan lag lcags sgrog gis bsdams pa'i snying gar dza trI dza kha sprod mthar mgrin pa nas brtsams te mgo phyir bstan pas/__ya ma dam sri ga ma pa ri mA ra dzaHdzaHnanaH__trI'u tri'u mA ra ya na ma sho dzaHkhug nan:__zhes dang*/__gzugs kyi mthar yig mgo nang du bstan la/__dus drug dang bcur rgyu ba'i nyul le dam sri rgyal 'gong 'byung po'i tshogs dang bcas pa'i lus ngag yid gsum mthu stobs thams cad non cig__/bskal pa ma stong gi bar tu ma ldangs shig__/oM lam hU~M lam s+t+wAm+b+ha ya nan:__zhes pa rnams kyi mthar dza khrom gyis bskor ba bris la/__'grub na sgrub pa'i snga nyin lta bur phur pa sogs drag po'i phrin las btang ba'i tshogs tha ma'i gdab kha dang 'brel bar bkugs stim grangs mang byas la thun gdab/__'dre lteb tu gcag cing tshon skud kyis bcing*/__thod ngan nam khyi thod lta bur bcug__/phung res dril la rtsang gis gzer ba'i mnan chas byas/__sgo drung du dong gru gsum brus pa la bkod/__de tsam mi 'grub pa'i skabs ling+ga dong nang du bting*/__slob dpon kyis gser skyems thogs la/__ra~M ya~M kha~M/__oM AHhU~M ha ho hrIH__gsum gyis byin brlabs la/__hU~M _rig 'dzin rtsa brgyud bla ma dam pa dang*/__/bde gshegs zhi khro rab 'byams dkyil 'khor lha/__/khyad par pad+ma zhi khro'i lha tshogs rnams/__/gser skyems 'di bzhes rnal 'byor mthu dpung skyed/__/ma mgon lcam dral dam can rgya mtsho'i tshogs/__/dregs pa'i sde dpon sum cu yab yum sras/__/bka' nyan bran g.yog mngag gzhug bcas rnams kyis/__/gser skyems 'di bzhes rnal 'byor mthu dpung skyed/__/sngags 'chang bdag gi rigs kyi srung ma dang*/__/sa phyogs 'di sogs yul gzhi gnas kyi bdag__/lo zla zhag dus tshes la dbang ba'i lha/__/gser skyems 'di bzhes rnal 'byor mthu dpung skyed/__/ces pa'i tshigs mtshams gsum por gser skyems phul/__oM pad+mAn+ta kr-i ta ha ya gri ba hU~M phaT/__zhes rang nyid dbang chen yongs rdzogs kyi nga rgyal gzung*/__e ya~M ra~M/__dz+wa la ra~M/__brub khung yangs shing gting zab pa'i nang du tri las dam sri pho mo gzugs rid cing nyam thag pa'i lus can du gyur/__na mo dkon mchog gsum la phyag 'tshal lo/__/dkon mchog gsum gyi bka' bden pa dang*/__chos nyid rnam par dag pa'i bden pa dang*/__/chos can rgyu 'bras bslu ba med pa'i bden pa dang*/__khyad par 'jig rten dbang phyug 'phags pa thugs rje chen po'i lha tshogs rnams kyi bka' bden pa dang*/__sprul pa yang sprul phyag brnyan dang bcas pa rnams kyi bka' bden pa dang*/__bden pa chen po'i byin gyi rlabs kyis dngos grub la bar du gcod pa'i ya ma dam sri mtshan ma rdzas kyi rten 'di la mchis par gyur cig__/tri yaM dza:__tri badz+ra ang+ku sha dza:__dzaHhU~M ba~M hoH__lan gsum gyis dgug gzhug byas la/__hU~M:__ma rig gti mug rgyu las byung :__chags sdang nyon mongs drag po'i gzugs:__dam sri bya ba'i las ngan khyod:__sngon yang sgrub la bar du bcad:__da yang gnod pa rtsom la 'dun:__de phyir snying rje khros pa yi:__ye shes rdo rje'i lcags kyus dgug:__thar med e yi dbyings su mnan:__me chu rlung gi phyag rgyas btab:__rdo rje'i gar gyi brau brdungs pas:__byang chub mchog sems ma bskyed bar:__nam yang ldang ba'i skabs med do:__oM badz+ra kro d+ha ha ya grI wa hU~M phaT:__ya ma dam sri sgrub pa la bar du gcod pa thams cad s+t+waM b+ha ya la~MHnan:__zhes brjod la sas byib/__me chu rlung gis rgyas gdab/__ro g.yam la gling bzhi dang rgya gram bris pas kha bcad/__thams cad lag pa lu gu brgyud du sbrel la/__las byang ltar/__hrIHhrI:__rgyal ba rgya mtsho'i dkyil 'khor du:__sogs dang*/__hU~M bzhi'i sngags brjod la rta bro brdung*/__de nas sgo byang gdags pa ni/__shing byang la rta mgrin dmar nag shin tu khros pa phyag g.yas thod dbyug phyar zhing g.yon zhags pa 'dzin pa dbu gtsug rta zhal ljang gu dur khrod chas brgyad zhabs 'dor thabs pad nyir bzhengs shing me klong 'gying ba dang*/__rgyab ngos/__oM pad+mAn+ta kr-i ta ha ya grI ba hU~M phaT:__dpal rta mchog he ru ka rten 'dir brtan par bzhugs nas sgrub pa'i gnas 'dir nang gi dngos grub phyir mi yal ba dang phyi'i bar chad nang du mi gtong ba'i phrin las g.yel ba med par mdzad du gsol/__ces bris pa sgo'i ya them du gdags/__mchod gtor bshams la byin rlabs sngar bzhin bya/__hrIH__dbang chen rol pa'i dur khrod nas:__bcom ldan khro rgyal rta mchog dpal:__dam tshig dbang gis 'dir gshegs la:__rten dang dbyer med brtan par bzhugs:__oM pad+mAn+ta kr-i ta ha ya grI wa sa pa ri wA ra e h+ye hi hi hi:__badz+ra sa mA dza:__dzaHhU~M ba~M hoH__sa ma ya s+t+waM:__zhes rten dang dbyer med du bzhugs par mos/__snying po'i mthar gtor sngags sbyar ba lan gsum gyis gtor ma dang*/__oM badz+ra ar+g+haM nas shap+da pra tIts+tsha swA hA'i bar gyis mchod pa 'bul/__hU~MH__chos nyid zhi ba pad+ma'i rgyal:__gdug pa 'dul phyir rngams pa'i gzugs:__rdo rje rta yi gdong pa can:__he ru ka la phyag 'tshal bstod:__rten dang dbyer med brtan par bzhugs:__gsang chen sgrub pa'i dkyil 'khor 'dir:__nang gi dngos grub phyir ma gtong :__phyi yi bgegs tshogs rgyun chod cig:__ces bstod cing phrin las gsol:__oM pad+mAn+ta kr-i ta ha ya grI wa sa ma ya ho:__sa ma ya stA~M:__sa ma ya tiSh+Than+tu:__zhes brjod pas dgyes bzhin du rten la bzhugs nas nang gi mtshams bcad par bsam mo/__/gsum pa gsang mtshams khro bcu rol pa'i phur gdab ni/__dkyil 'khor gyi stegs bu'i phyogs mtshams brgyad shar nub kyi phyi rnams su phur gdan gru gsum bcu bkod/__slob dpon dkyil 'khor shar du phyogs nas 'khod pa'i mdun tu seng ldeng gi phur pa tsan dan dmar pos kha dog bsgyur zhing rtse mor cod pan bcings pa bcu 'bru snod du bzhag la/__rang nyid rta mchog dpal du gsal ba'i thugs ka nas ye shes bcu'i rang bzhin hU~M 'bar ba dang bcas spros=__phur bu rnams la thim pas stod khro bo la smad phur bu'i rnam pa can dam tshig dang ye shes dbyer med du gyur par bsams la/__slob dpon kyi phyag g.yas pas tho ba dang g.yon pas phur bu thogs la stangs stabs dang bcas/__steng gi phur bu shar gyi shar du gdab la/__hU~M:__dbang chen kun la dbang sgyur ba'i:__skye la dbang mdzad hU~M ka ra:__steng gi phyogs su bzhugs nas kyang =__gsang ba mtshams kyi las mdzod cig:__oM badz+ra kro d+ha hU~M kA ra hU~M gardza gardza sarba duSh+tAn mA ra ya hU~M hU~M phaT:__shar nas phyogs bzhir g.yas bskor du gdab la/__hU~MH__dbang chen kun la dbang sgyur ba'i=__yo byad dbang mdzad rnam par rgyal:__shar gyi phyogs su=___gsang ba=__oM badz+ra kro d+ha bi dza ya hUM ha na ha na sarba duSh+tan=___hU~M:__dbang chen=__tshe la dbang mdzad gshin rje'i gshed:__lho yi phyogs su=__gsang ba=__oM badz+ra kro d+ha ya mAn+ta ka hU~M pa tsa pa tsa sarba=__hU~M:__dbang chen=__chos la dbang mdzad rta mchog dpal:__nub kyi phyogs=__gsang ba=__oM badz+ra kro d+ha ha ya grI ba hU~M hu lu hu lu sarba=__hU~M:__dbang chen=___las la dbang mdzad bdud rtsi 'khyil:__byang gi phyogs su=__gsang ba=__oM badz+ra kro d+ha a mr-i ta kuN+Da lI hU~M ts+tshin+da ts+tshin+da sarba=__byang shar nas mtshams bzhi g.yon bskor du gdab la/__hU~M:__dbang chen=__rdzu 'phrul dbang mdzad khams gsum rgyal:__byang shar mtshams su=__gsang ba=__oM badz+ra kro d+ha trai lo kya bi dza ya hU~M b+hin+d+ha b+hin+d+ha sarba=__hU~M:__dbang chen=__sems la dbang mdzad 'dod pa'i rgyal:__nub byang mtshams su=__gsang ba=__oM badz+ra kro d+ha a pa rA dzi ta hU~M tiSh+Tha tiSh+Tha sarba=__hU~M:__dbang chen=__mos la dbang mdzad mi g.yo mgon:__lho nub mtshams su=__gsang ba=__oM badz+ra kro d+ha Ar+Ya a tsa la hU~M b+han+d+ha b+han+d+ha sarba=__hU~M:__dbang chen=__ye shes dbang mdzad dbyug sngon can:__shar lho'i mtshams su bzhugs nas kyang :__gsang ba=__oM badz+ra kro d+ha nI la daN+Da hU~M da ha da ha sarba=__'og phur nub kyi nub tu gdab la/__hU~M:__dbang chen=__smon lam dbang mdzad stobs po che=__'og gi phyogs su=__gsang ba=__oM badz+ra kro d+ha ma hA ba la hU~M s+pho Ta s+pho Ta sarba=__zhes pa ni spros bcas kyi phyag len dang 'brel ba'i skabs cung zad rgyas par spros pa yin la/__bsdu na gter gzhung dngos bstan gyi skul tshig__/hU~M:__dbang chen kun la dbang bsgyur ba'i:__dbang bcu'i bdag nyid khro bo bcu:__dkyil 'khor phyogs bcur bzhugs nas kyang :__gsang ba mtshams kyi las mdzod cig:__hU~M hU~M hU~M hU~M hU~M hU~M hU~M hU~M hU~M hU~M badz+ra kro d+ha sarba duSh+tan mA ra ya hU~M hU~M phaT:__ces pas 'thus shing 'di'i skabs su'ang hU~M bcu po re re bzhin badz+ra kro d+ha sogs sbyar na legs so/__/gang ltar mthar/__bgegs kyi gtso bo phyogs skyong bcu'i snying gar phur pa'i dpal gyis gzir te sku dang 'od zer sprul pa'i pho nyas bar du gcod pa thams cad tshar bcad par gyur:__ces bsgom/__gsum pa lhag gnas la gnyis/__lha dang*/__bum pa sta gon no/__/dang po ni/__lha la snyan gsan dbab pa ste/__rdul tshon gyi skabs su ye shes dang las kyi thig btab nas lha gnas nges par bya dgos kyang dkyus su ras bris kyi dbang du byas te/__dkyil 'khor gyi stegs bu'i dbus su gtso bo/__/phyogs bzhir rigs bzhi/__de rgyab mkha' 'gro sde bzhi bcas me tog gi tshom bu gtso 'khor phyaid par dgod/__mchod gtor bshams la sa chog mtshams gcod rnams dang zhag gis bar chod na bdag bskyed bzlas pa dang bcas pa bya/__nyin gcig la sbrel na mi dgos/__las byang ltar mchod pa byin brlab/__sgrub pa'i gzhir rang byung ye shes kyi gzhal med khang chen por rgyal ba rgya mtsho thugs rje chen po'i lha tshogs dwangs pa'i mkha' la 'ja' tshon shar ba ltar skad cig gis gsal bar gyur:__ces gdod nas grub pa'i ye shes kyi dkyil 'khor gsal btab la las byang ltar mchod bstod tshang bar bya/__spos btul/__me tog dang bcas thal mo sbyar la/__bcom ldan snying rje'i gter chen po:__khyed rnams mchod dang gzhan don phyir:__bdag gis dkyil 'khor bsgrub 'tshal bas:__thugs rjes dgongs te gnang du gsol:__zhes gsol bas dgyes bzhin du gnang ba stsal nas sa gzhir thim nas byin gyis brlab par bsam/__gnyis pa bum pa sta gon ni/__gzhi steng der rnam rgyal dang las bum gnyis chas dang nang bcud kha rgyan gzungs thag ldan par bkod/__mchod pa kha gsos la byin brlab/__bum pa bsang sbyang*/__stong pa'i ngang las b+h+rU~M las phyi rin po che'i bum pa'i rnam pa la nang gzhal yas khang bdud rtsi'i rgya mtsho 'khyil pa'i dbus su 'jig rten dbang phyug rgyal ba rgya mtsho'i dkyil 'khor gyi lha tshogs mtsho rdzing dwangs par zla skar shar ba bzhin skad cig gis gsal bar gyur:__sngags tsam gyis mchod/__phyag 'tshal sh+loka gcig gis bstod/__gzungs thag blangs la/__rang gi thugs ka nas sngags kyi 'od zer 'phros:__bum pa'i lha rnams la phog:__snyoms par zhugs pa'i byang chub kyi sems ye shes kyi bcud du 'khyil bar bsam:__bsnyen sgrub kyi sngags bzla:__mthar oM AHhU~M gis bdud rtsi'i mchod yon phul bas lha rnams 'od du zhu ba bum pa'i chu dang ro gcig par blta'o:__las bum du rta mgrin dmar po pad+ma dang b+hany+dza bsnams pa gsal:__oM pad+mAn+ta kr-i ta hU~M phaT:__ces brgya rtsa tsam bzlas mthar/__rta mgrin 'od du zhu nas las thams cad sgrub pa'i chu rgyun tu gyur/__ces mos/__sgrub pa'i rjes su dbang chen skur ba dang 'brel na skabs 'dir slob ma sta gon bya'o/__/de nas sgrub thabs ltar gtor 'bul dang*/__phrin las bsham nas 'byung ba'i/__hrIH__snod bcud 'byung ba sogs kyis bdag bskyed 'od gsal du 'jug ldangs bya zhing bsngo smon brjod pas grub bo/__/'di'ang mtshams gcod dang nyin gcig tu sbrel na bsdu ldangs gong du song bas 'dir mi dgos so/__/gnyis pa sgrub cing mchod pas thugs dam bskul ba la gsum/__sbyor ba nyer bsdogs/__dngos gzhi sgrub mchod/__grub nas dngos grub blang ba'o/__/dang po la'ang gsum/__sgrub pa'i rten bsham pa/__sgrub pa po gnas su dgod pa/__bar chad bsal cing byin dbab pa'o/__/dang po la gnyis las/__rten gyi yo byad lhag par gnas pa ni/__stegs bur ras bris kyi dkyil 'khor tshad ldan bkram/__ma 'dzom na me tog gi tshom bu legs par bkram/__thod pa mtshan ldan myong grol ril bu/__las byang dbur bshad pa ltar sngar nas tshad ldan tu sbyar bas bkang zhing dar dmar gyi khebs bkab pa/__me long sin+d+hU ra brdal ba la chos 'byung bsnol ma'i lte bar hrIHma/__mtha' skor yig bcu sham bcas dbu phyir bstan tu bris pa rnam rgyal bum pa dang dbang bskur byed na dbu rgyan sogs dbang rdzas rnams=__sku gsung thugs rten/__gtor chen/__dkyil 'khor gyi rgyan chas thams cad tshogs par byas la gzhi mdun stegs bu'i steng du dgod/__bdag gi rnal 'byor bzlas pa'i bar song nas stong tshigs phul/__slar dzaba? dbyangs bya ba'i tshe rdo rje slob dpon gyis dril spaus 'dzin pas sna drangs/__rten sgrub mchod pa'i rdzas rnams thogs pa'i ser sbreng gis dkyil 'khor la g.yas bskor lan gsum byas te mdun tu 'khod de dbyangs dang bcas pas/__hU~M:__bum pa rin chen me long bdud rtsir bcas:__thugs rje chen po'i sku gsung thugs kyi rten:__sman raka gtor gsum dug gsum dbyings su mchod:__tshogs kyi 'khor los rtog tshogs ye shes rol:__shes rab ral gris bdud bzhi dbyings su bsgral:__phur bu rnam bzhis skye rga na 'chi 'joms:__mda' bzhi tshad med rnam bzhis 'gro ba 'dul:__me long ye shes bzhi ldan rang ngo sprod:__tshon skud drwa bas rgyud lnga gnas nas 'dren:__gzhung bzhin dkyil 'khor ma nyams ma 'dres gsal:__'gro ba 'dul ba'i dkyil 'khor ngo mtshar che:__dar gur khyab pa'i sems can thugs rjes skyabs:__stag sham gang la dpa' rnams spyod par mdzad:__dz+nyA na maN+Da la sarba b+h+rU~M:__oM AHhU~M hrIHoM ma Ni pad+me hUM:__sa ma ya tiSh+Tha lhan:__zhes brjod la/__dkyil 'khor dbus su khri'u shing gi steng myong grol thod pa dar khebs me long gis bkab pa/__ril bu mang nas thod par ma shong na bum pa sogs snod gzhan tu blugs pa dang*/__rnam bum sogs mdun nas g.yas bskor/__lding khri gong mar sku gsung thugs rten/__rgyab ngos su gtor chen rgyan spros can/__dkyil 'khor gyi rdo rwa'i steng khro bcu'i phur bu/__mtha' bskor shar du mchod yon nas brtsams te chu gnyis nyer spyod mtshams 'dzin bcas/__phyogs bzhir ral gri bzhi/__mtshams bzhir mda' dar me long can bzhi btsugs pa tshon skud kyi drwa bas sbrel/__gzhan yang zur bzhir rgyal mtshan/__/logs bzhir 'phan/__dar gyi drwa phyed sogs so so'i phyag len las 'byung ba ltar mdzes brjid chags pa dang*/__steng na dar gyi gdugs dbub/__gsham du stag gzig sgab dkris kyis bskor/__dkyil 'khor mdun rgyab gang bder mchod gtor kha zas bzang dgus brgyan pa'i g.yas g.yon chos gter srung ma spyi bye brag gi gtor 'bul/__chad brtan rgyun bzhag__/rgyun gso'i chu gnyis nyer spyod phreng tshar/__phyi mchod brgya rtsa sogs yod na mtha' bskor stegs bu rim pa can la go rim ma 'chol bar bkod/__gzhan yang nyin re bzhin 'bul rgyu'i chos skyong gtor spungs/__chad mdo brtan ma/__tshogs kyi yo byad kyis mtshon phrin las la dgos pa rnams dang*/__dkyil 'khor byang phyogs su lcags hom du nyu le'i ling+ga/__rta mgrin gyi phur pa stegs bcas/__yungs kar sogs thun rdzas rnams kyang 'du bya/__slob dpon gyi mdun g.yon nas brtsams te nang mchod/__rdor dril/__las bum/__DA ma ru/__me tog gi snod rnams bzhag go__/gnyis pa tshogs sgrub las la 'jug rung gi bya ba sgrub pa po rnams mnga' gsol zhing gnas su dgod pa ni/__rgyal thebs kyis dbyangs bor len dang las kyi rdo rjes thod chang mar zeg can tshig bstun so sor drang pa sogs lag len ltar byas la/__hU~M:__sangs rgyas gdung 'tshob rdo rje rgyal po nyid:__sku gsung thugs dang yon tan phrin las rdzogs:__dug lnga rtsad gcod dngos grub kun 'byung gnas:__ston pa'i sgron mer mnga' gsol dgyes par bzhugs:__zhes re re bzhin skyems drang pa thams cad 'gre/__hU~M:__bla ma'i gdung gsob sku dang thugs kyi sras:__dam chos char 'bebs tshe dang bsod nams spel:__dbang bskur phrin las rnam bzhi mthar phyin pa:__rgyal thebs ston par mnga' gsol dgyes par bzhugs:__gnyis med bde skyed mtshan nyid rab tu bzang :__kun bzang yum du mnga' gsol dgyes par bzhugs:__phyi nang mtshams gcod bar gcod thams cad srung :__rdo rje mtshams par mnga' gsol dgyes par bzhugs:__phrin las gzhung srong gzugs phung lha la stob:__rdo rje ging chen mnga' gsol dgyes par bzhugs:__dngos grub bgegs gnyis dus kyi drod tshad mkhyen:__rdo rje spyan par mnga' gsol dgyes par bzhugs:__phud gtsang bgos mkhan nang ma bya byed mkhas:__phyi ging phyag tshang chen por mnga' gsol lo:__g.yo mkhas chad lhag med cing gtsang sbra ldan:__rdo rje byan mor mnga' gsol dgyes par bzhugs:__gsal dag 'dzab mkhas yi dam brtson par bsgrub:__gser phreng mched rnams mnga' gsol dgyes par bzhugs:__kun gyi bka' bsgrub phyi yi nyu le skrod:__rdul phyag skyes bur mnga' gsol brtan par bzhugs:__zhes pas so sor mnga' gsol cing rang gral du dgod do/__/gsum pa ni/__slob dpon dang rgyal thebs rnams dkyil 'khor shar phyogs su 'khod/__sgrub mchod gzhan rnams rang gral du bzhengs te zhwa chos rol mo sogs gzi byin bskyed la/__rang nyid skad cig gis dpal rta mchog he ru kar gsal ba'i mig 'bras gnyis su ma dang a las nyi zla:__rkang mthil gnyis su hU~M las sna tshogs rdo rje 'bar ba re re bsams la:__hU~M:__nga ni bcom ldan rta mchog dpal:__bka' yi 'khor lo rab sbyor bas:__khams gsum dbyings su mthar byed na:__log 'dren bgegs la smos ci dgos:__song zhig lha min lha yang rung :__sgrub la bar du gcod pa kun:__gnas 'dir ma 'dug gzhan du dengs:__'das na rdul du brlag par 'gyur:__zhes dang hU~M gi glu blang :__thun gyis brab:__gu gul gyis bdug:__rdo rje'i lta ba dang bcas rdo rje'i 'gros kyis lan gsum du bskor bas sgrub rdzas kyi bar chad thams cad bsal/__slar yang dkyil 'khor shar phyogs su 'khod la dar sna'i g.yab mo dang dri zhim spos dud dbyangs rol bcas/__hU~M hrI:__nam mkha'i sku mnga' sogs 'og nas 'byung ba ltar brjod cing bskor ba lan gsum byas te gnas dang yo byad sgrub pa po dang bcas pa la byin phab pas ye shes kyi rang bzhin du gyur par bsams la gral du 'khod/__dzaba? dbyangs lan gsum bya/__sgrub thabs ltar gtor 'bul/__bdag bskyed bsdu ldangs/__bsngo smon bcas kyis 'grub bo/__/gnyis pa dngos gzhi sgrub cing mchod pas thugs dam skul ba la gsum/__phrin las dzaba? bsnyen dang bcas pas dngos grub sgrub pa/__de'i bar gcod bsal ba/__dus grangs rtags tshad bshad pa'o/__/dang po ni/__sgrub pa po rnams legs par 'khod de/__tshig bdun sogs gsol 'debs sngon tu 'gro bas/__phrin las lam khyer ltar/__bgegs gtor btang zhing bka' bsgo/__srung mtshams gcad/__mchod rdzas byin brlab/__skyabs sems tshogs bsags sdom bzung*/__tshad med bzhis blo sbyang ba bcas sngon 'gro rnams grub nas/__dngos gzhi bdag mdun dbyer med du bsgoms nas las gzhung bsrang bas kyang chog mod/__las dang po pa ting nge 'dzin gsal brtan ma gyur pa dang spros pa dang bcas pa'i tshe/__thog mar sgrub thabs nas 'byung ba ltar bdag bskyed drang bstim dbang bskur dzaba? dgongs gsal gdab yan song nas/__yig bcu stong phrag dang*/__sham can brgya rtsa tsam bzlas la phrin las gsham du 'byung ba ltar 'od gsal du bsdu zhing thun mtshams kyi lhar ldangs/__de nas dkyil 'khor myong grol bum pa sogs mdun rten la dmigs te/__las sngags kyis bsang*/__swa b+hA bas sbyang*/__stong pa'i ngang las snying rje'i rang gdangs sogs kyis dam tshig pa bskyed/__badz+ra sa mA dzaH__zhes pa nas phrin las lam khyer gyi/__hrIH__pad+ma rnam par rgyas pa'i sogs kyis ye shes kyi 'khor lo spyan drangs shing bzhugs su gsol/__dbang bskur cing rgyas gdab/__phyag mchod bstod pa'i bar du song nas bzlas pa bskul/__sgrub thabs ltar bzlas dmigs dang gzungs thag blangs la/__yab yum 'khor sngags sbrel ma bzla/__thun pa rnams kyis sngags rgyun blangs te 'di nas brtsams sgrub pa grol kha'i thun tha ma'i bar nyin mtshan sngags sgra ma chad par bya/__thun mthar las sbyor 'khor ba dong sprugs bzlas pa yig drug brgya rtsa re la sham bu cha re re sbyar ba tshan drug dang*/__gzungs ring nyer gcig tsam bzla/__thun mthar dbyangs gsal yig brgya rten snying rnams kyis lhag chad kha bskang zhing byin rlabs brtan par byas la/__khyad par gyi mchod pa 'bul/__sgrub thabs ltar gtor ma byin brlab gtor mgron spyan 'dren mi dgos pas/__lha rnams kyi ljags rdo rje sogs dang sngags lan gsum gyis phul/__sngags tsam gyis mchod/__phyag 'tshal sh+lo ka gcig la/__bstod ces mtha' bsgyur ba dang*/__rgyal ba rgya mtsho'i lha tshogs sogs kyis 'dod don gsol la 'og nas 'byung ba ltar nyu le'i bar chad gzir cing byin 'bebs dzaba? dbyangs bcas byas pas thun dang po 'grub/__de nas thun gnyis pa la/__mdun mchod kha gsos te mchod rdzas byin brlab/__bdag bskyed bzlas pa bsdu ldangs bcas thun phyi ma rnams la ma 'grub kyang chog__/dkyil 'khor bskyed pa nas bzlas pa stong tshigs gtor 'bul gyi bar snga ma ltar bya/__nyin thun gsum byed na slar yang mchod pa byin rlabs man chad smos ma thag pa ltar tshar gcig bskyar/__gang ltar thun phyi ma'i gtor 'bul mthar/__bka' gter srung ma'i gtor 'bul spyi dang bye brag mgon po phyag bzhi pa gtso 'khor gyi gtor chog grub nas/__phrin las ltar tshogs byin brlab/__spyan 'dren dang mchod pa'i 'phros su 'grub na skong bshags gang 'os btang*/__bshags pa bsgral bstab kyi bar song nas tshogs la rol cing lhag chog byas la lhag ma btson tu 'dzin/__chos skyong gtor skyong sogs mthar dbyung*/__las gzhung gi chad mdo brtan ma rta bro bcas grub nas/__rjes chog mchod pa sh+loka gcig dang sngags tsam gyis mchod la bstod pa bya/__nongs pa bshags pa ni/__bdag gis bsnyen sgrub phrin las bgyis pa la:__lhag chad 'gal 'khrul nyes byas ci mchis kun:__tshe rabs bsags pa'i sdig dang lhan cig tu:__'gyod pas bshags so tshangs par stsal du gsol:__A li kA li dang yi ge brgya pa bzla:__phyogs bcu na bzhugs pa'i sogs tshig lhug gam/__'dir ni rten dang sogs dang*/__su pra tiSh+Tha'i sngags kyis me tog 'thor te mdun bskyed ras bris sogs rten la brtan bzhugs bya/__bsngo smon dang shis brjod/__nyul le bskrad cing byin 'bebs sogs byas pas grub bo/__/mtshan thun gnyis gsum gang byed kyi thog mar bdag bskyed 'gro dgos la/__gzhan thun gnyis pa ltar dang thun mthar nyu le bskrad gzir byin 'bebs dang dzaba? dbyangs ma chad par bya'o/__/gnyis pa dngos grub la bar du gcod pa bsal cing byin rlabs kyi gzi byin dbab pa ni/__slob dpon nam rgyal thebs mdun tu hom khung nyu le'i ling+ga bcas pa dang las phur/__thun rdzas rnams dgod la/__rten bskyed pa ni/__e yaM dz+wa la raM/__brub khungs yangs shing gting zab pa'i nang du triHlas dngos grub la bar du gcod cing log par lta ba'i 'byung po nyams len bdud kyi rigs su gyur pa thams cad rid cing nyam thag pa'i lus can du gyur par bsam la/__na mo/__/dkon mchog gsum la phyag 'tshal lo/__/dkon mchog gsum gyi bka' bden pa dang*/__chos nyid rnam par dag pa'i bden pa dang*/__chos can rgyu 'bras bslu ba med pa'i bden pa dang*/__khyad par bcom ldan 'das thugs rje chen po rgyal ba rgya mtsho'i lha tshogs 'khor dang bcas pa'i bden pa dang*/__bden pa chen po'i byin gyi rlabs kyis dngos grub la bar du gcod cing log par 'dren pa'i 'byung po nyams len bdud kyi rigs su gyur pa thams cad mtshan ma rdzas kyi rten 'di la mchis par gyur cig__/tri yaM dzaHtri badz+ra aM ku sha dzaH__dzaHhU~M ba~M hoH__zhes lan gsum gyis 'gugs gzhug byas la/__phur bu 'dril zhing*/__hU~M:__'bar ba e yi dbyings rum du:__dam sri 'byung po bkug byas te:__dbang chen khros pa'i mtshon gyis gzir:__rdul phran bzhin du brlag par bya:__hrIHpad+mAn+ta kr-i ta ha ya grI wa hU~M phaT:__zhes dang*/__hrIHhU~M:__dbang gi rgyal po kI la ya:__stod ni rta gdong rngams bzhad 'tsher:__srid pa gsum po 'dar zhing g.yo:__smad ni phur bu 'bar ba yis:__dam sri 'byung po'i snying la gzir:__sgrub pa'i bar chad rdul du rlog:__oM pad+mAn+ta kri ta ha ya grI wa badz+ra kI li kI la ya ma ha yak+Sha kA la rU pa karma ra~M ra~M dz+wa la ra~M sarba duSh+tAn mA ra ya hU~M phaT:__ces sngags dbyangs dang phur skor tsham rngam byas la ling+gar gdab/__yungs kar rdo thun sogs brabs la/__oM g+ha g+ha g+hA ta ya g+hA ta ya sarba duSh+tan badz+ra d+ha rod A dz+nyA pa ya ti sarba big+h+nAn kA ya wA ka tsit+ta badz+ra kI li kI la ya hU~M hU~M phaT:__ces sder mo'i sngags drag tu brjod pas tshar bcad la srung 'khor gsal gdab/__de ma thag g.yab dar sbyar spos dbyangs rol bcas byin dbab pa ni/__hU~M hrIH__nam mkha'i mtha' dang mnyam pa'i dkyil 'khor nas:__rdo rje'i sku mnga' 'gran du med pa yi:__rtsa gsum rab 'byams lha tshogs thugs dam can:__thugs rje brtser dgongs 'dir gshegs byin chen phob:__hU~M hrIH__'og min bde chen bkod pa'i zhing khams nas:__rigs kyi khyab bdag snang mtha' tshe dpag med:__bde gshegs pad+ma dbyings kyi lha tshogs rnams:__thugs rjes brtser dgongs 'dir gshegs byin chen phob:__rnal 'byor rgyud la dbang bzhi'i ye shes skyed:__sgrub pa'i gnas mchog rdo rje'i zhing du sgyur:__dam tshig rdzas la dngos grub byin nus stsol:__sgrub pa'i 'bras bu da lta mchis par mdzod:__hU~M hrIH__'gro 'dul rang bzhin sprul pa'i zhing khams nas:__rigs lnga sgyu 'phrul drwa ba'i skur ston pa:__'phags mchog rgyal ba rgya mtsho'i lha tshogs rnams:__thugs rjes brtser dgongs 'dir gshegs byin chen phob:__rnal 'byor sogs/__hU~M hrI:__gnas yul dur khrod drag po'i zhing khams nas:__gang 'dul las mdzad mthu rtsal thogs med la:__rigs bzhi'i dpa' bo mkha' 'gro 'bum gyi tshogs:__thugs rjes sogs/__hU~M hrI:__gzhan yang phyogs bcu rab 'byams zhing khams nas:__brgyud gsum bla ma yi dam zhi khro'i lha:__d+hA ki chos srung dkar phyogs skyong ba'i tshogs:__thugs rjes sogs/__oM AHhU~M hrIHoM ma Ni pad+me hU~M:__d+hu ma g+ha ye na ma swA hA:__ra tsa hri ya ha ri ni sa sa pa ri wA ra sa ma ya hoH__sa ma ya s+t+wa~MH___dz+nyA na A be sha ya a AH__hriM hriM pheM pheM:__hU~M hU~M hU~M:__dzaHhU~M baM hoH__zhes brjod cing dkyil 'khor la bskor ba dang dzaba? dbyangs bya'o/__/gsum pa tshad ni/__dus smin slob la zla ba drug__/mos slob kyi dbang du mdzad nas/__zla ba gcig gam/__zhag bdun nam/__nyin zhag gsum gyis mtha' brten par bsgrubs pas kyang dus dang dbang po dang mthun par dngos grub ci rigs pa thob par 'gyur ba yin no/__zhes gsungs/__grangs ni/__gzhung las/__bsnyen sgrub so sor byed na/__thog mar sgrub thabs ltar sngags 'bum phrag bzhi'am gsum bzla/__de nas sgrub pa'i dkyil 'khor dang rdzas bshams shing phrin las lam khyer gyi gzhung bsrangs la sngags 'bum phrag bzhi bzlas shing :__mthar las sbyor gyi tshul du ril bu'i sgrub pa bdun phrag gi rjes dngos grub blang b.rabya'o/__/zhes gsungs pas/__rang nyid gcig sgrub skabs de ltar bya dgos la/__spyir bsnyen pa sngon tu ma song bar sgrub pa la 'jug thabs med pas slob dpon nyid bsnyen song gi dbang du byas nas/__'dir sgrub chen kho na'i skabs su'ang rgyas par spro zhing yo byad sogs 'dzom na/__zhag bdun phrag gsum la bdun gnyis kyi ring gong smos rtsa ba'i dzaba? bzlas thun mong las sbyor kho na la 'bad/__bdun gcig gi tshe dzaba? bzlas snga ma khyug tsam song nas/__khyad par las sbyor skye bdun ril sgrub kyi dmigs bzlas la rtse gcig tu 'bad/__de'ang bsnyen sgrub kyi sngags sham 'dogs bcas pa la thun gyi dngos gzhi bya zhing*/__thun mthar gnad skul sham bu'ang brgya rtsa re tsam gdags la stong tshigs mchod pa dang gtor 'bul sogs bya/__zhag po drug song nas nyin bdun par dngos grub dbang du bya ba'i sngags sham yang gdags/__sgrub pa bdun phrag gnyis byed na bdun gcig la rtsa ba'i bzlas pa dang*/__bdun gcig la myang grol ril sgrub gtsor bton/__bdun gcig las mi 'grub na thun gyi phyed rtsa ba'i bzlas pa phyed ril sgrub sngags dmigs bya/__'on kyang rtsa ba'i bsnyen sgrub sngon tu song bas ril bu kho na'i sgrub chen byed na de'i sngags dmigs gtsor bton pas chog go__/rtags tshad ni gsang ba spy-i dang bye brag gzhung du gsal ba ltar ro/__/gsum pa grub nas dngos grub blang ba la gsum/__dngos grub kyi rdzas bsham pa/__cho ga'i sngon 'gro/__/cho ga dngos so/__/dang po ni/__sgrub pa sang grol rgyu'i de ring gi dgongs thun nas dngos grub blang ba'i rdzas bshams te/__dkyil 'khor gyi mdun du gzhi dkar po'i steng du gro'i g.yung drung g.yas 'khyil du bris pa'i dbus su rin po che'i snod du 'bru bzang gi phye mngar gsum dang zho mar 'o mas sbrus pa'i nor bu 'bar ba'i gzugs dang phyogs bzhir las bzhi'i 'brang rgyas bza' bca' sna tshogs pas bskor ba/__g.yas su mngar gsum thud dang bsres pa'i ril bu dang*/__g.yon du b+hany+dza bzang por 'bru bcud bdud rtsi la a mr-i ta btab pa'ang bsham/__dgongs thun bzlas pa'i gsham du/__slar yang rang gi thugs ka nas 'od zer dmar po lcags kyu lta bu grangs med pa 'phros:__mdun bskyed kyi lha tshogs rnams kyi thugs kar phog pas sngon gyi thugs dam rjes su dgongs te sku gsung thugs yon tan phrin las kyi dngos grub thams cad 'od zer sna lnga'i rnam pas bdag dang sgrub pa'i rdzas la thim pas ye shes mchog gi gzi byin 'bar bar 'gyur:__bsnyen sgrub sngags sham du/__kA ya wA ka tsit+ta gu Na karma sarba sid+d+hi pha la hU~M hU~MH__zhes btags pa brgya rtsa tsam bzla/__phyir nang thor thun la phrin las gzhung bsrangs te/__bzlas pa kha skong stong tshigs bcas grub nas bsnyen rgyun snga ma grol/__dngos grub blang ba'i sngags btags pa rgyun/__gtor bsngo/__tshogs mchod sogs rgyas par byed/__tshogs tha ma'i skabs nyu le'i ling+ga mer bsregs la chos srung gtor mar bstab/__gnyis pa lta nyan gyi 'byung po tshar gcad pa'i phyir/__hrIHhU~MH__nga ni dbang chen rta mgrin rgyal:__rdo rje gsang ba'i bdag nyid de:__bgegs kyi tshogs kun phyir dengs shig:__'das na brlag par gdon mi za:__zhes dang drag sngags yungs thun gu gul dud pa sogs kyis bskrad/__hU~M hrIH__nam mkha'i mtha' dang mnyam pa'i sogs kyi byin 'bebs sngar bzhin bya/__nyams chags bshags pa spyi bshags ye shes sku mchog lta bu brjod kyang chog mod/__bsdu na/__oM AHhU~M:__rgyal ba zhi khro rdo rje slob dpon dang*/__bde gshegs yongs rdzogs srung ma dam tshig can:__sku gsum gdung gsob rdo rje lcam dral mched:__dpang gyur dkon mchog ma lus dgongs su gsol:__bdag ni ma rig lus dang ngag sems kyis:__rdo rje slob dpon mched la ngan smras shing :__yi dam sngags dang phyag rgya gsang ba bsgrags:__rtsa ba'i dam las 'gal gyur mthol zhing bshags:__shes bya lnga dang spyad par bya ba lnga:__mi spangs lnga dang bsgrub par bya rgyu lnga:__dang len lnga sogs yan lag dam tshig kun:__nyams gyur rang gnong 'gyod pas mthol zhing bshags:__sngags la them tshom bla med theg pa smad:__lta sgom ya bral bsnyen sgrub gzhung ma bsrong :__long yod le los dus kyi mchod pa chags:__sgo gsum thun mong dam nyams mthol zhing bshags:__rig pa'i rtsal chung snying po'i don ma rtogs:__sgom pa'i sran chung gnas lugs so ma thub:__blo yi stobs chung spyod pa bogs ma thon:__legs bsam dpyad kyang don log thugs 'gal bsags:__'bras bu yid smon gyur pa mthol lo bshags:__zhes dang yig brgya brjod/__las gzhung ltar mchod cing bstod/__gsum pa ni/__oM AHhU~M:__rgyal ba rgya mtsho sogs sh+lo ka gcig gis dngos grub bskul/__bsnyen sgrub sngags mthar/__kA ya sid+d+hi oMH__wA ka sid+d+hi AH__tsit+ta sid+d+hi hU~M:__gu Na sid+d+hi trA~M:__karma sid+d+hi A:__sarba lo ka dz+nyA na sid+d+hi pha la hU~M:__zhes btags pa stong phrag gam brgya rtsa las mi nyung ba bzlas pas/__dngos grub thams cad 'od zer 'ja' tshon lta bu'i rnam pas bdag gi gnas lngar thim par bsam/__skya rengs 'char ba dang bstun myong grol snod dang sku gsung thugs rten sogs sgrub rdzas rnams las rdor gyis btegs la dngos grub len pa ni/__hrIH__ye shes lus can 'gran du med pa yi:__gzi brjid sku yi dngos grub stsal du gsol:__tshangs pa'i dbyangs la chos kyi char chen 'bebs:__nus pa sngags kyi dngos grub stsal du gsol:__gzungs dran ting 'dzin mkhyen brtse yongs kyi gzhi:__'od gsal snying po'i dngos grub stsal du gsol:__yid bzhin nor bu dpag bsam bum pa bzang :__'dod 'byung gter gyi dngos grub stsal du gsol:__gdul bya so so'i mos pa ji bzhin du:__thogs med 'jug pa'i dngos grub stsal du gsol:__srung dang zhi rgyas dbang dang mngon spyod sogs:__thun mong las kyi dngos grub stsal du gsol:__mkha' spyod ril bu mig sman rkang mgyogs sogs:__khyad par grub pa'i dngos grub stsal du gsol:__tshe dang yo byad 'dod rgur bsgyur la sogs:__phyi nang dbang bcu'i dngos grub stsal du gsol:__mthong thos dran reg gdul bya smin cing grol:__bla med mchog gi dngos grub stsal du gsol:__zhes dang sngags brjod pas gnas gsum du gtugs/__ril bu'i ye shes kyi 'khor lo rang la thim:__dam tshig pa myong grol 'od 'bar ba'i bdud rtsir gyur par bsams la ril bu dang bum chu sogs myang zhing rten rnams gnas gsum du gtugs dngos grub kyi rdzas la longs spyad pas/__stan thog de nyid du dngos grub rnam gnyis bde blag gi tshul gyis thob par bsams la dgongs pa'i gding bzung ngo*/__des rang don dngos grub blang ba grub nas/__gzhan don dbang bskur sbrel dgos na bka' lung yongs rdzogs don tu gnyer ba la dbang chen khrid dang sbrel dgos pa dang*/__dbang 'brel dkyus tsam la don dbang mdor bsdus kyi bum dbang rjes/__sgrub pa khyad par ba skye bdun rdzas ky-i dbang bskur sbyar ba tsam gyis 'thus so/__/rtsa ba'i gsum pa mtha' rgyas rjes kyi rim pa la gsum/__dkyil 'khor dang 'brel ba'i rjes chog__/phyi mtshams dkrol ba/__slob dpon la sku drin gsol zhing smon lam dang shis brjod bya ba'o/__/dang po ni/__dngos grub blang ba kho na'am dbang bskur grub pa'i rjes su lhag chog btang zhing sngar btson tu bzung ba'i lhag ma dang lhan cig sgrub khang lho nub gom pa bdun cu'i sar skyel/__chos srung gtor 'bul skabs de dag gi gtor ma rnams yang thog lta bur 'bul/__chad brtan la'ang rgyun bzhag phyir bskyang zhing rta bro brdung*/__gtong rag gi mchod bstod rgyas par byas la nongs pa bshags/__mdun bskyed kyi lha ye shes pa rnams ras bris kyi dkyil 'khor ram rten la brtan bzhugs bya/__dam tshig pa rang la bstim/__a kA ro'i sngags brjod cing chos thams cad skye ba med par shes pas dkyil 'khor bsdu/__srung ba'i phur bu bcu po/__hU~M _re re brjod la sngar btab rim las ldog phyogs tshul kyis phyungs te/__oM AHhU~M gis phur khung du bdud rtsi gtor bas bgegs rnams rmas pa gsos te rang gnas su song bar mos so/__/gnyis pa mtshams dkrol ba ni/__thog mar rgyal tho'i rtsa ba mchod gtor bsham/__gong gsal tho 'dzug skabs ltar byin brlab/__sngags lan gsum gyis gtor ma 'bul/__oM badz+ra puSh+pe sogs kyis mchod/__bstod pa sh+lo ka'i tshig rkang bzhi pa/__srung ba sogs la/__ci bcol phrin las bsgrub par mdzod:__ces bsgyur la sngags mthar/__badz+ra muHbtags pas gshegs su gsol bas phyogs bzhi kar 'gres te tho bsdu/__nang sgor yang mchod gtor bshams nas byin brlab/__gtor 'bul mchod pa gong ltar la/__hU~MH__chos nyid zhi ba sogs bstod pa sh+lo ka gcig gi 'phros/__mchod sbyin gtor ma 'di bzhes la/__sogs brjod cing gshegs su gsol ba'am/__sku rten la brtan bzhugs byas kyang chog go__/gsum pa la thog mar sku drin gsol ba ni/__nang du phyin nas rdo rje slob dpon dkyil 'khor stegs bu'i dbus su bzhugs par gsungs pa ltar ram/__rang mal du bzhugs pa la sgrub mched rnams kyis lus longs spyod dge tshogs ltos med du 'bul bar mtshon byed phreng ba bsdus te mdun tu spungs/__phyag lan gsum 'tshal/__me tog dang bcas pa'i thal mo sbyar/__las rdor gyis phud skyems drangs la/__ho:__rigs kun khyab bdag rdo rje slob dpon gyis:__'phags mchog rgyal ba rgya mtsho'i dkyil 'khor du:__bdag cag thugs rje chen pos rjes bzung ba'i:__bka' drin dus gsum kun tu 'khor med phyir:__lus dang longs spyod ltos med 'bul lags na:__dpal ldan bla ma dam pa zhabs brtan cing :__mdo sngags bstan pa dar zhing rgyas pa dang :__'jig rten khams kun bde legs dpal 'byor rgyas:__'dir 'dus tshe dang sgrub pa mthar phyin nas:__byang chub bar du khyed kyis rjes gzung gsol:__zhes zhu zhing me tog 'thor/__zhabs la spyi bos btud do/__/smon lam gdab ba ni/__dpon slob thams cad kyis spos kyi reng bu dang mar me thogs/__rgyal thebs kyis dbyangs bor len byas te/__ho:__pad+ma rnam par rgyas pa'i dkyil 'khor du:__rigs kun khyab bdag rdo rje slob dpon dang :__mched dang lcam dral 'dus pa'i tshogs rnams kyis:__'gro 'dul thugs rje'i lha tshogs bsgrubs pa'i mthus:__deng nas bzung ste tshe rabs thams cad du:__tshom bu gcig tu nam yang mi 'bral zhing :__mtho ris yon tan bdun gyis 'byor pa dang :__'phags pa'i nor la rang dbang spyod par shog:__nam zhig byang chub lhums su zhugs pa'i tshe:__ye shes gsal ba'i mar me'i 'od lam las:__'phags mchog dpa' bo mkha' 'gros mdun bsus te:__pad+mo bkod pa'i zhing du dbugs phyungs shig:__bla ma rgyal ba rgya mtshos rjes bzung nas:__rtsa rlung thig le sems kyi dri ma byang :__sku dang ye shes 'du 'bral med pa'i dbyings:__'od gsal thig le chen por lhun rdzogs shog:__ces gdung shugs drag pos smon lam du btab pas brtson 'grus can rnams tshe 'dir grol zhing :__ma 'bad kyang phyi mar dag pa'i zhing du dbugs 'byin cing grol ba thob par 'gyur ro:__zhes gsungs so/__/gzhan yang las gzhung nas 'byung ba'i smon lam gyis mtshon thun mong ma yin pa'i smon lam mang du 'debs nus na'ang mchog tu 'gyur ro/__/mthar shis brjod kyis dge legs su bya ba ni/__me tog 'thor cing zhal nas gsungs pa'i tshigs su bcad pas thog drang*/__las gzhung sh+loka sogs sam/__cung zad spro na/__rigs kun khyab bdag bla ma rdo rje 'chang :__brgyud gsum rig 'dzin rgya mtsho'i bkra shis shog:__thugs rje'i gter chen yi dam spyan ras gzigs:__rgyal ba rgya mtsho'i tshogs kyi bkra shis shog:__legs nyes stangs 'dzin sgrub mchog bu bzhin skyong :__phyi nang mkha' 'gro chos srung bkra shis shog:__mkha' khyab 'gro kun mchog dang thun mong gi:__dngos grub dpal la spyod pa'i bkra shis shog:__gzhi yi bkra shis 'od gsal dbyings kyi ngang :__lam gyi bkra shis ye shes snang ba rgyas:__'bras bu'i bkra shis zung 'jug mngon du gyur:__phrin las mdzad pa mtha' yas bkra shis shog:__ces brjod la snyan 'gyur brjid chags pa'i rol mo'i sgra yun ring par 'khrol ba sogs kyis dge legs su bya/__sbyin bdag yod na yon phul/__slob dpon gyis gtong thun mdor bsdus pa sngon tu 'gro bas bsngo ba mdzad cing sgrub pa po rnams kyis mthun 'gyur brjod/__zhag gsum tsam gnas srung zhing bshags skong tshogs mchod bshad nyan sogs blo nus dang mtshams pa'i dge ba'i bya ba grub na'ang phyin chad bkra shis shing bstan pa 'phel ba'i gnad du che'o/__/chos nyid stobs dang 'phags mchog smon lam mthus/__/bdag gzhan srid pa'i 'ching ba dbyings su grol/__/pad+ma rnam rgyas zhing du phyam gcig par/__/rgyal ba rgya mtsho'i tshom bur rab smin shog__/ces o rgyan dri med kun dga'i yang gter rgyal ba rgya mtsho'i sgrub pa'i khog dbub bklag chog mar bkod par 'os pa'i bka' lung nor bu'i cod pan/__'khor lo'i mgon po gter chen bla ma thams cad mkhyen pa'i zhal snga nas spyi bor stsal ba gus pas mchod de/__sa bcad kyi 'gros dang 'don cha dmigs su gsal ba rnams rang gzhung nyid rtsa bar bzung*/__kha 'gengs dgos nges pa rnams rigs mthun zab gter nyi ma seng ge'i pad+ma rgyal po dang*/__chos dbang rin po che'i yang 'dus lus dbang nas blangs te pad+ma gar gyi dbang phyug blo gros mtha' yas pa'i sdes rang gzhan la phan 'dod lhag bsam bzang pos rdzongs gsar bkra shis lha rtse'i chos grwa chen por bgyis pa dge legs 'phel//__//__