JKW-KABAB-02-KHA-052: Difference between revisions

Revision as of 09:00, 19 April 2021

🚧 This website is under continued development. We appreciate your patience!

Previous Text Back to Volume Page Next Text

བླ་མའི་ཐུགས་སྒྲུབ་བར་ཆད་ཀུན་སེལ་ལས༔ རྒྱུན་གྱི་རྣལ་འབྱོར་བཀོལ་བྱང༌།

Wylie title	bla ma'i thugs sgrub bar chad kun sel las rgyun gyi rnal 'byor bkol byang
Location	mkhyen brtse'i bka' babs Volume 2, Text 52, Pages 431-435 (Folios 1a to 3a2)
Author	མཆོག་གྱུར་གླིང་པ་
Less details More details
Tertön	མཆོག་གྱུར་གླིང་པ་ (Mchog gyur gling pa)
Citation	Mchog gyur gling pa. bla ma'i thugs sgrub bar chad kun sel las rgyun gyi rnal 'byor bkol byang. In Rdzong sar 'jam dbyangs mkhyen brtse'i dbang po'i bka' babs, Vol. 2: 431-435. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Daily Practice - rgyun khyer · Revelations - gter ma · Sadhanas - Evocation Ritual - sgrub thabs
Cycle	བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)
Deity	pad+ma 'byung gnas
Karchag page	JKW-KABAB-Volume-02-KHA-Karchag
RTZ	In the Rinchen Terdzö: https://rtz.tsadra.org/index.php/Terdzo-THA-021
Colophon	Treasure colophon: དུས་ཀུན་རྩ་བའི་བླ་མ་དང་༔ བདག་ཉིད་ཆེན་པོ་པདྨ་ལ༔ དབྱེར་མེད་གསོལ་འདེབས་མོས་གུས་ཀྱིས༔ བར་ཆད་ཀུན་སེལ་དངོས་གྲུབ་ཐོབ༔ ས་མ་ཡ༔ རྒྱ་རྒྱ༔ Revealer colophon: སྤྲུལ་པའི་གཏེར་ཆེན་མཆོག་གྱུར་གླིང་པའི་ཟབ་གཏེར་ཡང་དག་པའོ།།
Colophon	Treasure colophon: dus kun rtsa ba'i bla ma dang :__bdag nyid chen po pad+ma la:__dbyer med gsol 'debs mos gus kyis:__bar chad kun sel dngos grub thob:__sa ma ya:__rgya rgya: Revealer colophon: sprul pa'i gter chen mchog gyur gling pa'i zab gter yang dag pa'o

[edit]

༄༅། ༔བླ་མའི་ཐུགས་སྒྲུབ་བར་ཆད་ཀུན་སེལ་ལས༔ རྒྱུན་གྱི་རྣལ་འབྱོར་བཀོལ་བྱང་བཞུགས་སོ༔ ༡༢༣༤༥༔ སྤྲོས་མེད་དོན་གྱི་རྣལ་འབྱོར་པས༔ རྒྱུན་གྱི་རྣལ་འབྱོར་སྙིང་པོ་ནི༔ དབེན་པར་བསམ་གཏན་སྣོད་རུང་བའི༔ ཡན་ལག་ཐམས་ཅད་ཚོགས་པར་བྱ༔ དེ་ནས་རྩེ་གཅིག་ཏིང་འཛིན་གྱིས༔ ལྷ་སྔགས་ཡེ་ཤེས་དོན་ལ་འཇུག༔ ན་མོ༔ བདག་དང་མཁའ་མཉམ་སེམས་ཅན་མ་ལུས་ཀུན༔ སྐྱབས་ཀྱི་མཆོག་གྱུར་རྣམས་ལ་སྐྱབས་སུ་མཆི༔ སྨོན་དང་འཇུག་པའི་བྱང་ཆུབ་སེམས་བསྐྱེད་ནས༔ སྐུ་གསུམ་བླ་མའི་གོ་འཕང་བསྒྲུབ་པར་བགྱི༔ ཧཱུྃ༔ སྟོང་ཉིད་དབྱིངས་ལས་ཡེ་ཤེས་ཀུན་ཏུ་སྣང་༔ རྒྱུ་ཡི་ཏིང་འཛིན་ཧྲཱིཿལས་འོད་འཕྲོས་པས༔ སྣང་སྲིད་ཐམས་ཅད་པདྨ་དྲྭ་བའི་ཞིང་༔ ངོ་མཚར་བཀོད་པ་བསམ་ཡས་དཀྱིལ་འཁོར་དབུས༔ རིན་ཆེན་སེང་ཁྲི་པདྨ་ཉི་ཟླའི་སྟེང་༔ ཧྲཱིཿཡིག་ཡོངས་གྱུར་བདག་ཉིད་སྐད་ཅིག་གིས༔ མ་ཧཱ་གུ་རུ་ཨོ་རྒྱན་ཐོད་ཕྲེང་རྩལ༔ སྣང་སྲིད་ཟིལ་གནོན་དཀར་དམར་ཞི་ཁྲོའི་ཉམས༔ ཕྱག་གཡས་རྡོ་རྗེ་རྩེ་ལྔ་མཁའ་ལ་འཕྱར༔ གཡོན་པས་མཉམ་བཞག་བདེ་སྐྱོང་ཚེ་བུམ་བསྣམས༔ གསང་ཡུམ་སྦས་ཚུལ་ཁ་ཊྭཱྃ་གཡོན་ནས་འཁྲིལ༔ པད་ཞྭ་གསང་ཕོད་ཆོས་གོས་ཟ་བེར་གསོལ༔ ཞབས་གཉིས་རོལ་སྟབས་འཇའ་ཟེར་ཀློང་ན་འགྱིང་༔ སྤྱི་བོར་ལོངས་སྐུ་སྤྱན་རས་གཟིགས་དབང་དང་༔ རིགས་ཀྱི་བདག་པོ་ཚེ་དཔག་མེད་མགོན་བཞུགས༔ སྟེང་འོག་ཕྱོགས་མཚམས་རྣམ་འཕྲུལ་བཅུ་གཉིས་དང་༔ རྩ་གསུམ་ཆོས་སྲུང་རྒྱ་མཚོ་སྤྲིན་ལྟར་གཏིབས༔ དམ་ཡེ་དབྱེར་མེད་གདོད་ནས་ལྷུན་གྲུབ་པའི༔ རིགས་བདག་ཐུགས་ཀའི་ཧྲཱིཿལས་འོད་འཕྲོས་པས༔ སྲིད་ཞིའི་ཚེ་བཅུད་ཀུན་འདུས་རང་ལ་ཐིམ༔ འཕགས་མཆོག་འགྲོ་འདུལ་ཐུགས་རྗེའི་ཆོ་འཕྲུལ་གྱིས༔ རིགས་དྲུག་འགྲོ་བའི་སྡུག་བསྔལ་རྒྱུ་བཅས་སྦྱངས༔ རང་ཉིད་རིགས་འདུས་བླ་མའི་ཐུགས་ཀ་རུ༔ གསེར་གྱི་རྡོ་རྗེའི་ལྟེ་བར་ཧྲཱིཿཡིག་མཐར༔ སྔགས་ཀྱི་ཕྲེང་བས་བསྐོར་ལས་འོད་ཟེར་འཕྲོས༔ འཕགས་པ་མཆོད་ཅིང་སེམས་ཅན་དོན་ཀུན་བྱས༔ ཕྱི་སྣོད་དག་པ་རབ་འབྱམས་འོག་མིན་ཞིང་༔ ནང་བཅུད་སྣང་སྲིད་གཞིར་བཞེངས་ཕྱག་རྒྱའི་ལྷ༔ སྒྲར་གྲགས་སྔགས་ལ་དྲན་རྟོག་འོད་གསལ་དབྱིངས༔ ཐུན་མོང་ལས་བཞིའི་ཕྲིན་ལས་ལྷུན་གྱིས་གྲུབ༔ མཆོག་ཏུ་མི་འགྱུར་བདེ་ཆེན་རྡོ་རྗེའི་ངང་༔ འཆི་མེད་སྐུ་གསུམ་གོ་འཕང་ཐོབ་པར་བསམ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ འབྲུ་གསུམ་སྐུ་གསུམ་དབྱེར་མེད་ལ༔ བཛྲ་གུ་རུ་རིགས་ཀྱི་གཙོ༔ པདྨ་དཀྱིལ་འཁོར་འཁོར་ལོར་སྣང་༔ སིདྡྷི་ཧཱུྃ་ཞེས་དངོས་གྲུབ་བསྐུལ༔ བསྙེན་སྒྲུབ་ལས་གསུམ་ཆིག་དྲིལ་གྱི༔ རྡོ་རྗེའི་སྔགས་འདིས་ལས་ཀུན་བྱེད༔ ཐུན་མཐར་རིགས་འདུས་བླ་མ་ལ༔ གསོལ་བ་གདབ་ཅིང་ཐུགས་ཡིད་བསྲེ༔ དགེ་ཚོགས་བསྔོ་སྨོན་རྒྱ་ཡིས་གདབ༔ གོང་གི་སྐྱབས་སེམས་དང་བསྔོ་སྨོན་ཤིས་བརྗོད་འདི་ཕྲིན་ལས་སྙིང་པོའི་རྣལ་འབྱོར་ནས་ཁ་བསྐང་བའོ། མཆན།་་་་་ཧོཿ རིག་འཛིན་བླ་མའི་དཀྱིལ་འཁོར་བསྒྲུབས་པའི་མཐུས༔ བདག་དང་མཐའ་ཡས་སེམས་ཅན་མ་ལུས་ཀུན༔ ཕྲིན་ལས་རྣམ་བཞི་ལྷུན་གྱིས་གྲུབ་པ་དང་༔ འོད་གསལ་ཆོས་སྐུའི་དབྱིངས་སུ་གྲོལ་བར་ཤོག༔ རྩ་བརྒྱུད་བླ་མའི་བྱིན་རླབས་སྙིང་ལ་ཞུགས༔ ཡི་དམ་མཁའ་འགྲོ་ལུས་དང་གྲིབ་བཞིན་འགྲོགས༔ ཆོས་སྐྱོང་སྲུང་མས་བར་ཆད་ཀུན་བསལ་ནས༔ མཆོག་ཐུན་དངོས་གྲུབ་འགྲུབ་པའི་བཀྲ་ཤིས་ཤོག༔ དུས་ཀུན་རྩ་བའི་བླ་མ་དང་༔ བདག་ཉིད་ཆེན་པོ་པདྨ་ལ༔ དབྱེར་མེད་གསོལ་འདེབས་མོས་གུས་ཀྱིས༔ བར་ཆད་ཀུན་སེལ་དངོས་གྲུབ་ཐོབ༔ ས་མ་ཡ༔ རྒྱ་རྒྱ༔ སྤྲུལ་པའི་གཏེར་ཆེན་མཆོག་གྱུར་གླིང་པའི་ཟབ་གཏེར་ཡང་དག་པའོ།།

[edit]

@#/__:bla ma'i thugs sgrub bar chad kun sel las:__rgyun gyi rnal 'byor bkol byang bzhugs so:__12345:__spros med don gyi rnal 'byor pas:__rgyun gyi rnal 'byor snying po ni:__dben par bsam gtan snod rung ba'i:__yan lag thams cad tshogs par bya:__de nas rtse gcig ting 'dzin gyis:__lha sngags ye shes don la 'jug:__na mo:__bdag dang mkha' mnyam sems can ma lus kun:__skyabs kyi mchog gyur rnams la skyabs su mchi:__smon dang 'jug pa'i byang chub sems bskyed nas:__sku gsum bla ma'i go 'phang bsgrub par bgyi:__hU~M:__stong nyid dbyings las ye shes kun tu snang :__rgyu yi ting 'dzin hrIHlas 'od 'phros pas:__snang srid thams cad pad+ma drwa ba'i zhing :__ngo mtshar bkod pa bsam yas dkyil 'khor dbus:__rin chen seng khri pad+ma nyi zla'i steng :__hrIHyig yongs gyur bdag nyid skad cig gis:__ma hA gu ru o rgyan thod phreng rtsal:__snang srid zil gnon dkar dmar zhi khro'i nyams:__phyag g.yas rdo rje rtse lnga mkha' la 'phyar:__g.yon pas mnyam bzhag bde skyong tshe bum bsnams:__gsang yum sbas tshul kha T+wA~M g.yon nas 'khril:__pad zhwa gsang phod chos gos za ber gsol:__zhabs gnyis rol stabs 'ja' zer klong na 'gying :__spyi bor longs sku spyan ras gzigs dbang dang :__rigs kyi bdag po tshe dpag med mgon bzhugs:__steng 'og phyogs mtshams rnam 'phrul bcu gnyis dang :__rtsa gsum chos srung rgya mtsho sprin ltar gtibs:__dam ye dbyer med gdod nas lhun grub pa'i:__rigs bdag thugs ka'i hrIHlas 'od 'phros pas:__srid zhi'i tshe bcud kun 'dus rang la thim:__'phags mchog 'gro 'dul thugs rje'i cho 'phrul gyis:__rigs drug 'gro ba'i sdug bsngal rgyu bcas sbyangs:__rang nyid rigs 'dus bla ma'i thugs ka ru:__gser gyi rdo rje'i lte bar hrIHyig mthar:__sngags kyi phreng bas bskor las 'od zer 'phros:__'phags pa mchod cing sems can don kun byas:__phyi snod dag pa rab 'byams 'og min zhing :__nang bcud snang srid gzhir bzhengs phyag rgya'i lha:__sgrar grags sngags la dran rtog 'od gsal dbyings:__thun mong las bzhi'i phrin las lhun gyis grub:__mchog tu mi 'gyur bde chen rdo rje'i ngang :__'chi med sku gsum go 'phang thob par bsam:__oM AHhU~M badz+ra gu ru pad+ma sid+d+hi hU~M:__'bru gsum sku gsum dbyer med la:__badz+ra gu ru rigs kyi gtso:__pad+ma dkyil 'khor 'khor lor snang :__sid+d+hi hU~M zhes dngos grub bskul:__bsnyen sgrub las gsum chig dril gyi:__rdo rje'i sngags 'dis las kun byed:__thun mthar rigs 'dus bla ma la:__gsol ba gdab cing thugs yid bsre:__dge tshogs bsngo smon rgya yis gdab:__gong gi skyabs sems dang bsngo smon shis brjod 'di phrin las snying po'i rnal 'byor nas kha bskang ba'o/__mchan/ hoH__rig 'dzin bla ma'i dkyil 'khor bsgrubs pa'i mthus:__bdag dang mtha' yas sems can ma lus kun:__phrin las rnam bzhi lhun gyis grub pa dang :__'od gsal chos sku'i dbyings su grol bar shog:__rtsa brgyud bla ma'i byin rlabs snying la zhugs:__yi dam mkha' 'gro lus dang grib bzhin 'grogs:__chos skyong srung mas bar chad kun bsal nas:__mchog thun dngos grub 'grub pa'i bkra shis shog:__dus kun rtsa ba'i bla ma dang :__bdag nyid chen po pad+ma la:__dbyer med gsol 'debs mos gus kyis:__bar chad kun sel dngos grub thob:__sa ma ya:__rgya rgya:__sprul pa'i gter chen mchog gyur gling pa'i zab gter yang dag pa'o//__

Footnotes

Other Information

@@ Line 2: / Line 2: @@
 |classification=Tibetan Publications
 |subclass=Tibetan Texts
-|citation=[['jam dbyangs mkhyen brtse'i dbang po]]. ''''. In ''Rdzong sar 'jam dbyangs mkhyen brtse'i dbang po'i bka' babs'', Vol. 2: 2-2. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
+|fulltitletib=བླ་མའི་ཐུགས་སྒྲུབ་བར་ཆད་ཀུན་སེལ་ལས༔ རྒྱུན་གྱི་རྣལ་འབྱོར་བཀོལ་བྱང༌།
+|fulltitle=bla ma'i thugs sgrub bar chad kun sel las rgyun gyi rnal 'byor bkol byang
+|citation=[[Mchog gyur gling pa]]. ''bla ma'i thugs sgrub bar chad kun sel las rgyun gyi rnal 'byor bkol byang''. In ''Rdzong sar 'jam dbyangs mkhyen brtse'i dbang po'i bka' babs'', Vol. 2: 431-435. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
 |collectiontitle=mkhyen brtse'i bka' babs
 |collectiontitletib=མཁྱེན་བརྩེའི་བཀའ་བབས་
-|sourcerevealer='jam dbyangs mkhyen brtse'i dbang po
+|author=Mchog gyur gling pa
+|sourcerevealer=Mchog gyur gling pa
 |editor=rdzong sar blo gros phun tshogs
-|sourcerevealertib=འཇམ་དབྱངས་མཁྱེན་བརྩེའི་དབང་པོ་
+|authortib=མཆོག་གྱུར་གླིང་པ་
+|sourcerevealertib=མཆོག་གྱུར་གླིང་པ་
 |editortib=རྫོང་སར་བློ་གྲོས་ཕུན་ཚོགས་
-|tibgenre=Revelations - gter ma
+|tibgenre=Daily Practice - rgyun khyer, Revelations - gter ma, Sadhanas - Evocation Ritual - sgrub thabs
 |terma=Yes
+|transmissiontype=sa gter - Earth Treasure
+|deity=pad+ma 'byung gnas
+|cycle=Bla ma'i thugs sgrub bar chad kun sel
+|cycletib=བླ་མའི་ཐུགས་སྒྲུབ་བར་ཆད་ཀུན་སེལ་
 |language=Tibetan
+|rtzlink=Terdzo-THA-021
 |volumenumber=002
 |volnumtib=༢
@@ Line 17: / Line 26: @@
 |totalvolumes=22
 |textnuminvol=052
+|pagenumbers=431-435
+|totalpages=5
+|beginfolioline=1a
+|endfolioline=3a2
+|totalfolios=3
 |multivolumework=No
 |versonotes=mkhyen brtse'i bka' babs
+|colophontib=* '''Treasure colophon:''' དུས་ཀུན་རྩ་བའི་བླ་མ་དང་༔  བདག་ཉིད་ཆེན་པོ་པདྨ་ལ༔  དབྱེར་མེད་གསོལ་འདེབས་མོས་གུས་ཀྱིས༔  བར་ཆད་ཀུན་སེལ་དངོས་གྲུབ་ཐོབ༔  ས་མ་ཡ༔  རྒྱ་རྒྱ༔
+* '''Revealer colophon:''' སྤྲུལ་པའི་གཏེར་ཆེན་མཆོག་གྱུར་གླིང་པའི་ཟབ་གཏེར་ཡང་དག་པའོ།།
+|colophonwylie=* '''Treasure colophon:''' dus kun rtsa ba'i bla ma dang :__bdag nyid chen po pad+ma la:__dbyer med gsol 'debs mos gus kyis:__bar chad kun sel dngos grub thob:__sa ma ya:__rgya rgya:
+* '''Revealer colophon:''' sprul pa'i gter chen mchog gyur gling pa'i zab gter yang dag pa'o
 |pdflink=File:JKW-KABAB-02-KHA-052.pdf
 }}