JKW-KABUM-04-NGA-001-015

🚧 This website is under continued development. We appreciate your patience!

Previous Text Back to Volume PageNext Text

Wylie title	bskyed rim zin bris nyung gsal
Location	mkhyen brtse'i bka' 'bum Volume 4, sde tshan 1, Text 15, Pages 205-207 (Folios 103a4 to 104a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bskyed rim zin bris nyung gsal. In 'jam dbyangs mkhyen brtse'i dbang po'i bka' 'bum, Vol. 4: 205-207. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris  ·  Generation Stage - bskyed rim

1 Texts in this Section (sde tshan or chos tshan)

15 205-207	བསྐྱེད་རིམ་ཟིན་བྲིས་ཉུང་གསལ། bskyed rim zin bris nyung gsal Notes - zin bris   ·   Generation Stage - bskyed rim	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བསྐྱེད་རིམ་སྐབས་ཀྱི་ཟིན་བྲིས་ཉུང་གསལ་དགེ །ཐོག་མར་གཉིད་༡སད་པའམ། མཉམ་བཞག་ལས་ལྡང་བ་ན། སྣོད་བཅུད་ལྷ་དང་གཞལ་ཡས་སུ་དག་པ་དྲན་པའི་ངང་། རང་ཉིད་ཡི་དམ་གྱི་སྐུར་ལྡངས་རྗེས། རིག་པ་བྱང་ཆུབ་སེམས་ཀྱི་ངང་དུ་བསྡུས་ལྡངས་ནས་བསྔོ་སྨོན་སོགས་བྱ། དེ་ནས་མཚན་གུང་གི་ལྟུང་བཤགས་འདོན་ཞིང་ཕྱག་འཚལ། སླར་མལ་དུ་ཞུགས། ཐོར་༢ཐུན་བསྡམས། ཚོགས་ཞིང་གསལ་འདེབས་དང་། བློ་ལྡོག་རྣམ་བཞི་བསྒོམ་པ་དང་རྗེས་འབྲེལ་སྐྱབས་སེམས་ཡན་ལག་བདུན་པ་སོགས། དེ་ནས་རྡོར་སེམས་སྒོམ་བཟླས་དང་འབྲེལ་བར་དབང་བཞི་ལེན་པ་སོགས་བྱེད་པའམ། མིན་ཀྱང་ཚོགས་ཞིང་ལས་དབང་བཞི་བླངས་རྗེས། ཚོགས་ཞིང་རྣམས་སྤྱི་བོ་ནས་བསྟིམས་ཏེ་སྒོ་གསུམ་དང་དབྱེར་མེད་དུ་གྱུར་པའི་ངང་། ཏིང་འཛིན་རྣམ་གསུམ་རང་རང་ལ་བརྟན་པ་མ་ཐོབ་བར་རིམ་གྱིས་བསྒོམས་པས་དྲན་པ་ཉེར་གཞག་བཞི་སོགས་སྔགས་ཀྱི་ཚོགས་ལམ་ཆུང་ངུ་ཆེན་པོ་རྣམས་བགྲོད། རྗེས་འོད་གསལ་དུ་བསྡུ་ཞིང་སྒྱུ་མའི་ལྷ་སྐུར་ལྡང་བ། ལྟུང་བཤགས་འདོན་པ་སོགས་འདྲ། ཞོག་ཇ་བཏུང་སྔ་ཐུན་༣གཉིས་དེ་བཞིན། གུང་ཐུན་གྱི་ཆ་ལ་གཏོར་མ་བཏང་བ་དང་། གུང་ཚིགས་དང་འབྲེལ་བའི་ཁ་ཏོན་དགོས་རིགས་རྣམས་བྱ། དེ་རྗེས་ཕྱི་ཐུན་༤ཡང་གུང་ཐུན་དང་འདྲ་བ་ལ། དམིགས་བསལ་ཚོགས་མཆོད་ཡོད་ན་ཡང་། གཏོར་བསྔོ་སོགས་བྱ། དགོངས་ཇ་བཏུང་། མཚན་ཐུན་དང་པོ་སྲོད་ཐུན་༥ནི། ལུས་སྦྱིན་དང་འབྲེལ་བ་ལས་ཐུན་དངོས་ཐོར་ཐུན་དང་འདྲ། ལྟུང་བཤགས་སོགས་ཀྱང་དེ་བཞིན། མཚན་གུང་༦གི་ཐུན་ལ། འོད་གསལ་ཟིན་པའི་ཆེད་སྐུ་གསུམ་ཞིང་ཁམས་སྦྱོང་བའི་གསོལ་འདེབས་དང་འབྲེལ་བར་གཉིད་ཀྱི་འོད་གསལ་ལ་འཇུག་དང་ལྡང་བ་སོགས་བྱ། དེ་དག་ནི་བསྙེན་པའི་སྐབས་སུ་ཐུན་དྲུག་གཅོད་ཚུལ་ལོ།། །། ༈ ཉེ་བསྙེན་གྱི་སྐབས་སུ་གཞན་འདྲ། ཐུན་གྱི་དངོས་གཞི་རྣམས་སུ་བསྐྱེད་རིམ་ཕྱག་རྒྱ་གཅིག་པའི་སྒོམ་བཟླས་དང་འབྲེལ་བར། རྫོགས་རིམ་དབེན་གསུམ་སོགས་གསང་དབང་གི་ལམ་གཏུམ་མོའི་རྣལ་འབྱོར་ཟུང་འབྲེལ་དུ་བསྒོམ་པ་ནི་ཁྱད་པར་རོ།། །། ༈

[edit]

bskyed rim zin bris nyung gsal/__ bskyed rim skabs kyi zin bris nyung gsal dge__/thog mar gnyid 1sad pa'am/__mnyam bzhag las ldang ba na/__snod bcud lha dang gzhal yas su dag pa dran pa'i ngang /__rang nyid yi dam gyi skur ldangs rjes/__rig pa byang chub sems kyi ngang du bsdus ldangs nas bsngo smon sogs bya/__de nas mtshan gung gi ltung bshags 'don zhing phyag 'tshal/__slar mal du zhugs/__thor 2thun bsdams/__tshogs zhing gsal 'debs dang /__blo ldog rnam bzhi bsgom pa dang rjes 'brel skyabs sems yan lag bdun pa sogs/__de nas rdor sems sgom bzlas dang 'brel bar dbang bzhi len pa sogs byed pa'am/__min kyang tshogs zhing las dbang bzhi blangs rjes/__tshogs zhing rnams spyi bo nas bstims te sgo gsum dang dbyer med du gyur pa'i ngang /__ting 'dzin rnam gsum rang rang la brtan pa ma thob bar rim gyis bsgoms pas dran pa nyer gzhag bzhi sogs sngags kyi tshogs lam chung ngu chen po rnams bgrod/__rjes 'od gsal du bsdu zhing sgyu ma'i lha skur ldang ba/__ltung bshags 'don pa sogs 'dra/__zhog ja btung snga thun 3gnyis de bzhin/__gung thun gyi cha la gtor ma btang ba dang /__gung tshigs dang 'brel ba'i kha ton dgos rigs rnams bya/__de rjes phyi thun 4yang gung thun dang 'dra ba la/__dmigs bsal tshogs mchod yod na yang /__gtor bsngo sogs bya/__dgongs ja btung /__mtshan thun dang po srod thun 5ni/__lus sbyin dang 'brel ba las thun dngos thor thun dang 'dra/__ltung bshags sogs kyang de bzhin/__mtshan gung 6gi thun la/__'od gsal zin pa'i ched sku gsum zhing khams sbyong ba'i gsol 'debs dang 'brel bar gnyid kyi 'od gsal la 'jug dang ldang ba sogs bya/__de dag ni bsnyen pa'i skabs su thun drug gcod tshul lo//____//__! nye bsnyen gyi skabs su gzhan 'dra/__thun gyi dngos gzhi rnams su bskyed rim phyag rgya gcig pa'i sgom bzlas dang 'brel bar/__rdzogs rim dben gsum sogs gsang dbang gi lam gtum mo'i rnal 'byor zung 'brel du bsgom pa ni khyad par ro//____//__!