JKW-KABUM-04-NGA-001-014

Previous Text Back to Volume PageNext Text

སྐོང་བཤགས་རྡོ་རྗེའི་ཐོལ་གླུའི་ཐེག་དགུའི་དཀྱིལ་འཁོར་གྱི་རྣམ་དབྱེ།

Wylie title	skong bshags rdo rje'i thol glu'i theg dgu'i dkyil 'khor gyi rnam dbye
Location	mkhyen brtse'i bka' 'bum Volume 4, sde tshan 1, Text 14, Pages 200-205 (Folios 100b6 to 103a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. skong bshags rdo rje'i thol glu'i theg dgu'i dkyil 'khor gyi rnam dbye. In 'jam dbyangs mkhyen brtse'i dbang po'i bka' 'bum, Vol. 4: 200-205. Khams sde dge rdzong sar dgon: Rdzong sar blo gros phun tshogs, 2020.
Genre	Confessions - bshags pa  ·  Explanation of Maṇḍalas - maN+Dal bshad pa  ·  Vajra Songs - rdo rje'i glu

Tibetan Text

Wylie

[edit]

ན་མོ་གུ་རུ་བྷྱཿ རིམ་དགུའི་ཐེག་པ་ཡོངས་རྫོགས་བརྗོད་བྱར་བྱས་པ་སྐོང་བཤགས་རྡོ་རྗེའི་ཐོལ་གླུ་ལས། ཉན་ཐོས་ཀྱི་དཀྱིལ་འཁོར་ལྔ་ནི། གཙོ་བོ་ཤཱཀྱའི་རྒྱལ་པོ་ལ། དུས་བཟང་གི་ལྷ་གསུམ་དང་། དུས་གསུམ་སངས་རྒྱས་ཀྱིས་བསྐོར་བ། ༡ འཁོར་རྣམ་པ་བཞིས་དགེ་སློང་ཕ་མ། དགེ་བསྙེན་ཕ་མ། བསྐོར་བ། ༢ ཡང་འཁོར་རྣམ་པ་བཞི། ཉན་ཐོས་མཆོག་བརྒྱད། རང་རྒྱུད་པ་བརྒྱད་དེ་བཅུ་དྲུག་གིས་བསྐོར་བ། ༣ མཆོག་བརྒྱད་དང་ཉན་ཐོས་བཅུ་དྲུག་གིས་བསྐོར་བ། ༤ །གནས་བརྟན་བཅུ་དྲུག་གིས་བསྐོར་བའི་དཀྱིལ་འཁོར་ཏེ་ལྔའོ།། །། ༈

རང་རྒྱལ་གྱི་དཀྱིལ་འཁོར་ནི། གཙོ་བོ་བཅོམ་ལྡན་འདས་ལ། བསེ་རུ་ལྟ་བུ་དང་། ༡ ནེ་ཙོ་ལྟ་བུ་དང་། ༢ ཚོགས་སྤྱོད་ཆེ་ཆུང་གི་སྤྲུལ་པ་རང་རྒྱུད་པས་བསྐོར་བ་དང་། ༣ རྟེན་འབྲེལ་བཅུ་གཉིས་བསྐོར་བ་སྟེ་བཞིའོ།། །། ༈ བྱང་སེམས་ཀྱི་དཀྱིལ་འཁོར་ནི། གཙོ་བོ་ཐུབ་དབང་ལ། ཡུམ་ཆེན། ཕྱག་རྡོར། ཤཱ་རིའི་བུ། སྤྱན་རས་གཟིགས་ཀྱིས་བསྐོར་བ། ༡ ཕྱོགས་བཅུའི་སངས་རྒྱས་ཀྱིས་བསྐོར་བ། ༢ ཡང་ནང་གི་པད་འདབ་བཞི་ལ་ཡུམ་ཆེན་སོགས་སྔར་ལྟར་དང་། ཕྱིའི་པད་འདབ་བརྒྱད་ལ། སངས་རྒྱས་དང་། སེམས་མ་བཞི་བཞིས་བསྐོར་བ། ༣ ལིང་ཚེ་དགུར་བཅད་པའི་དབུས་སུ་ཐུབ་དབང་ལ་རིགས་བཞིའི་སངས་རྒྱས་དང་། འཁོར་ལོ་རྩིབས་བཅུར་ཕྱོགས་བཅུའི་སངས་རྒྱས་རེ་རེ་འཁོར་སེམས་དཔའ་བཞི་རེ་དང་། གྲུ་ཆད་ལ་སྒེག་སོགས་བརྒྱད། ཁྱམས་ལ་སེམས་དཔའ་བཅུ་དྲུག །འདོད་སྣམ་ལ་བཀྲ་ཤིས་ལྷ་མོ་བཅུ་དྲུག །སྒོ་བཞིར་སྒོ་མ་བཞི་བཅས་ཀྱིས་བསྐོར་བའི་དཀྱིལ་འཁོར་ཏེ། ༤འདི་བཞི་ལ་གཙོ་བོ་ཐུབ་པ་དང་ཡུམ་ཆེན་མོ་གོ་བརྗེས་པས་དཀྱིལ་འཁོར་བརྒྱད་དུ་འགྱུར་ལ། ༨ དེ་སྟེང་གཙོ་བོ་རྡོ་རྗེ་སེམས་དཔའ་སྟེ་ངོ་བོ་ཐུབ་པ་ལ། དགའ་བའི་སྤྱན་སོགས་བརྒྱད་དང། རྩིབས་དྲུག་གི་བྱང་ཤར་གྱི་རྩིབས་དབུས་སུ་ཐུབ་པ་ལ་ཡུམ་ཆེན་སོགས་བརྒྱད། ཤར་ལྷོར་རྣམ་སྣང་ལ་ཟླ་འོད་སོགས་བརྒྱད། ལྷོར་རིན་འབྱུང་ལ་གསེར་འོད་སོགས་བརྒྱད། ལྷོ་ནུབ་ཏུ་ཤཱཀྱ་སེངྒེ་ལ་དྲི་མ་མེད་པའི་སྒྲ་སོགས་བརྒྱད། ནུབ་བྱང་དུ་སྣང་མཐའ་ལ་ངེས་པར་ཤེས་པ་སོགས་བརྒྱད། བྱང་དུ་དོན་གྲུབ་ལ་དགེ་བའི་བཤེས་སོགས་བརྒྱད། གྲྭ་བཞིར་སྒེག་སོགས། ལྷ་སྣམ་ལ་སེམས་དཔའ་བཅུ་དྲུག །འདོད་སྣམ་ལྷ་མོ་བརྒྱད། སྒོ་བ་བཞི་དང་བཅས་པས་བསྐོར་བ། ༩ དབུས་སུ་ཐུབ་པ་དང་ཡུམ་ཞལ་སྤྲོད། ཕྱོགས་མཚམས་སུ་གླང་པོ་དམ་པ་སོགས་བརྒྱད། ཕྱོགས་མཚམས་སྟེང་འོག་གི་པདྨར་མྱ་ངན་མེད་པ་སོགས་སངས་རྒྱས་བཅུ་ལ། ཆོས་ཀྱི་རྒྱལ་མཚན་སོགས་བྱང་ཆུབ་སེམས་དཔའ་བརྒྱད་རེས་བསྐོར་བ། གྲུ་བཞིར་སྣ་ཚོགས་སོགས། ལྷ་སྣམ་ལ་ཕྱོགས་སྐྱོང་བཅུ། སྒོ་བཞིར་རྒྱལ་ཆེན་བཞི་དང་བཅས་པས་བསྐོར་བའི་དཀྱིལ་འཁོར་ཏེ་༡༠བཅུའོ།། །། ༈ བྱ་རྒྱུད་ཀྱི་དཀྱིལ་འཁོར་ནི་རིགས་གསུམ་མགོན་པོ་སོ་སོའི་དཀྱིལ་འཁོར་གྱི་གཙོ་བོར་བྱས་པ་ལ། སྒེག་མོ། ཕྲེང་བ། གླུ། གར་མ་སྟེ་བཞི་རེས་བསྐོར་བ། ༣ ཡང་སྐུ་གསུང་ཐུགས་ཀྱི་དཀྱིལ་འཁོར་ཞེས། འཇམ་དཔལ། སྤྱན་གཟིགས། ཕྱག་རྡོར་གསུམ་ལ་འཁོར་གྲངས་མ་ངེས་པས་བསྐོར་བའི་དཀྱིལ་འཁོར་ཏེ་དྲུག་གོ། ༣ །། ༈ སྤྱོད་རྒྱུད་ཀྱི་དཀྱིལ་འཁོར་ནི། རྒྱ་མཚོ་ཞེས་པའི་སྒྲས་རྣམ་པ་གཅིག་ཏུ་ན་བྱ་བ་དང་། རྣལ་འབྱོར་གྱི་རྒྱུད་གཉིས་ཀར་གཏོགས་པས་དཀྱིལ་འཁོར་ལོགས་སུ་མི་བྱེད་པའི་དབང་དུ་བྱས་ན་གྲངས་མང་བ་དང་། གཞན་དུ་སོ་སོར་བྱེད་པ་ལྟར་ན་བཞིར་བཟུང་སྟེ། རྒྱ་མཚོ་ཆེན་པོ་བཞིས་མངོན་པར་བརྗོད་པའོ། །དེ་ཡང་རྣམ་སྣང་ལ་རིགས་བཞིས་བསྐོར་བའི་ལྷ་ལྔ། དེ་སྟེང་སྒེག་སོགས་བརྒྱད་བསྣན་པའི་བཅུ་གསུམ་མ། ༢ དེ་སྟེང་བཀྲ་ཤིས་ཀྱི་ལྷ་མོ་བརྒྱད་བསྣན་པའི་ཉེར་གཅིག་པ། ༣ དེ་སྟེང་ཕྱི་རོལ་དུ་དཔལ་མགོན་བདུན་ཅུ་བསྣན་པའི་གོ་དྲུག་མ་སྟེ། ༤ འོན་ཀྱང་རྒྱས་འབྲིང་བསྡུས་པ་དང་ཤིན་ཏུ་བསྡུས་པའི་དབྱེ་བ་ཙམ་ལས་དཀྱིལ་འཁོར་ཐ་དད་མ་ཡིན་ནོ།། །། ༈ རྣལ་འབྱོར་རྒྱུད་ཀྱི་དཀྱིལ་འཁོར་ནི། ལིང་ཚེ་དགུའི་དབུས་སུ་རྣམ་སྣང་ཀུན་ཏུ་ཞལ། ཤར་ནས་བརྩམས་ཏེ་ཕྱོགས་བཞིར་མི་བསྐྱོད་པ་སོགས་རིགས་བཞི་ལ། འཁོར་དུ་རྡོར་སེམས་སོགས་བཞི་རེས་བསྐོར་བ། མཚམས་བཞིར་ཡུམ་བཞི། གྲུ་ཆད་ཀྱི་ཕྱིར་དུ་སྒེག་སོགས་བརྒྱད། སྒོ་བཞིར་ལྕགས་ཀྱུ་མ་སོགས་བཞི། །ཕྱིའི་ལྷ་སྣམ་ལ་བྱམས་པ་སོགས་བྱང་སེམས་བཅུ་དྲུག་གིས་བསྐོར་བའི་རྡོ་རྗེ་དབྱིངས་ཀྱི་དཀྱིལ་འཁོར་རོ།། །། ༈

མ་ཧཱ་ཡོ་གའི་དཀྱིལ་འཁོར་ནི། འོག་ཏུ་ཁྲོ་བོའི་དཀྱིལ་འཁོར་སྒོ་སྦྲགས་བཅུ་གཅིག་པ་དང་། དེའི་སྟེང་ཁར་རེག་ལ་མ་འབྱར་བའི་ཞི་བའི་དཀྱིལ་འཁོར་ཏེ། དེ་ཡང་ལྷ་ནི། ཞི་དཀྱིལ་ལ་གཙོ་བོ་ཀུན་བཟང་ཡབ་ཡུམ། རིགས་ལྔ། སེམས་དཔའ་ཡབ་ཡུམ་བཅུ་དྲུག །བྱ་བྱེད། ཐུབ་དྲུག །སྒོ་བ་ཡབ་ཡུམ་བརྒྱད་དོ། །ཁྲོ་བོའི་དཀྱིལ་འཁོར་དང་པོ་དབུས་མར་ཆེ་མཆོག་ཧེ་རུ་ཀ་ཡབ་ཡུམ་ལ། དབང་མཆོག་ཡབ་ཡུམ། རྒྱུད་ལུང་གི་ཁྲོ་བོ་ཡབ་ཡུམ་བརྒྱད། ཁྲོ་མོ་བརྒྱད་ཕྲ་མེན། སྒོ་མ་བཞི། རྣམས་ཀྱིས་བསྐོར་བ། དཀྱིལ་འཁོར་གཉིས་པར་སྦོར་མ་བརྒྱད། གསང་ཡུམ་བཞི། གསུམ་པར་དབང་མོ་ཉེར་བརྒྱད་དེ་རྩ་བའི་དཀྱིལ་འཁོར། བཞི་པར་མཁའ་འགྲོ་མ་སོ་གཉིས། ལྔ་པར་མ་བདུན་སྲིང་བཞི། དྲུག་པར་གིང་ཆེན་བཅོ་བརྒྱད་དེ་མཁའ་འགྲོ་ལས་ཀྱི་དཀྱིལ་འཁོར། བདུན་པ་ཁྲོ་བོ་ཁྲོ་མོ་དྲུག་ཅུ་སྟེ་ཁྲོ་བོ་རོལ་པའི་དཀྱིལ་འཁོར། བརྒྱད་པར་ཕོ་ཉ་ཉིས་བརྒྱ་བཞི་བཅུ་སྟེ་མགྱོགས་འགྲོ་ཡིད་ཀྱི་དཀྱིལ་འཁོར། དགུ་པར་མ་མོ་དྲུག་ཅུ་སྟེ་དམ་ཚིག་ཆེན་པོའི་དཀྱིལ་འཁོར། བཅུ་པར་བཀའ་བརྒྱད་ཀྱི་ལྷ་ཚོགས་བདུན་བརྒྱ་ཉེར་ལྔ་དང་། ལྷ་མི་ནས་བཟུང་ཨ་ཏིའི་བར་གྱི་ཐེག་པ་བཅུ་གཅིག་གི་དཀྱིལ་འཁོར། བཅུ་གཅིག་པར་ཡོ་ག་གསུམ་གྱི་བརྒྱུད་པའི་བླ་མ་རིག་འཛིན་རྩལ་འཆང་གི་ལྷ་ཚོགས་ཏེ། དྲིལ་བས་དཀྱིལ་འཁོར་བཅུ་གཉིས་སོ། །ལ་ལ་དག་འདི་ཉིད་ཨ་ནུའི་དཀྱིལ་འཁོར་དུ་བཤད་པས་མ་ཧཱར་དྲངས་པ་ཇི་ལྟར་འབྲེལ་ཅེ་ན། དཀྱིལ་འཁོར་དགུ་པོ་ཨ་ནུ་ཡིན་ཡང་། བཅུ་པ་མ་ཧཱ་དང་། བཅུ་གཅིག་པ་ཐུན་མོང་ཡིན་པའི་ཕྱིར་མ་ཁྱབ་བོ། །ལ་ལ་དག་མ་ཧཱ་ལ་རྒྱུད་ལུང་གཉིས་ལས། རྒྱུད་སྡེ་སྒྱུ་འཕྲུལ་ལ་ཞི་ཁྲོའི་དཀྱིལ་འཁོར་གཉིས། དེ་གཉིས་གཅིག་ཏུ་དྲིལ་བ་དོང་སྤྲུགས། སྒྲུབ་སྡེ་བཀའ་བརྒྱད་སོ་སོ་དང་། དེ་གཅིག་ཏུ་དྲིལ་བ་སྟེ་བཅུ་གཉིས་སོ། །ཞེས་ཟེར་ཏེ་ཁུངས་དང་འབྲེལ་ན་ལེགས་སོ།། །། ༈

[edit]

skong bshags rdo rje'i thol glu'i theg dgu'i dkyil 'khor gyi rnam dbye/__ na mo gu ru b+h+yaH__rim dgu'i theg pa yongs rdzogs brjod byar byas pa skong bshags rdo rje'i thol glu las/__nyan thos kyi dkyil 'khor lnga ni/__gtso bo shAkya'i rgyal po la/__dus bzang gi lha gsum dang /__dus gsum sangs rgyas kyis bskor ba/__1__'khor rnam pa bzhis dge slong pha ma/__dge bsnyen pha ma/__bskor ba/__2__yang 'khor rnam pa bzhi/__nyan thos mchog brgyad/__rang rgyud pa brgyad de bcu drug gis bskor ba/__3__mchog brgyad dang nyan thos bcu drug gis bskor ba/__4__/gnas brtan bcu drug gis bskor ba'i dkyil 'khor te lnga'o//____//__! rang rgyal gyi dkyil 'khor ni/__gtso bo bcom ldan 'das la/__bse ru lta bu dang /__1__ne tso lta bu dang /__2__tshogs spyod che chung gi sprul pa rang rgyud pas bskor ba dang /__3__rten 'brel bcu gnyis bskor ba ste bzhi'o//____//__! byang sems kyi dkyil 'khor ni/__gtso bo thub dbang la/__yum chen/__phyag rdor/__shA ri'i bu/__spyan ras gzigs kyis bskor ba/__1__phyogs bcu'i sangs rgyas kyis bskor ba/_2_yang nang gi pad 'dab bzhi la yum chen sogs sngar ltar dang /__phyi'i pad 'dab brgyad la/__sangs rgyas dang /__sems ma bzhi bzhis bskor ba/__3_ling tshe dgur bcad pa'i dbus su thub dbang la rigs bzhi'i sangs rgyas dang /__'khor lo rtsibs bcur phyogs bcu'i sangs rgyas re re 'khor sems dpa' bzhi re dang /__gru chad la sgeg sogs brgyad/__khyams la sems dpa' bcu drug__/'dod snam la bkra shis lha mo bcu drug__/sgo bzhir sgo ma bzhi bcas kyis bskor ba'i dkyil 'khor te/__4'di bzhi la gtso bo thub pa dang yum chen mo go brjes pas dkyil 'khor brgyad du 'gyur la/__8_de steng gtso bo rdo rje sems dpa' ste ngo bo thub pa la/__dga' ba'i spyan sogs brgyad dang/__rtsibs drug gi byang shar gyi rtsibs dbus su thub pa la yum chen sogs brgyad/__shar lhor rnam snang la zla 'od sogs brgyad/__lhor rin 'byung la gser 'od sogs brgyad/__lho nub tu shAkya seng+ge la dri ma med pa'i sgra sogs brgyad/__nub byang du snang mtha' la nges par shes pa sogs brgyad/__byang du don grub la dge ba'i bshes sogs brgyad/__grwa bzhir sgeg sogs/__lha snam la sems dpa' bcu drug__/'dod snam lha mo brgyad/__sgo ba bzhi dang bcas pas bskor ba/__9__dbus su thub pa dang yum zhal sprod/__phyogs mtshams su glang po dam pa sogs brgyad/__phyogs mtshams steng 'og gi pad+mar mya ngan med pa sogs sangs rgyas bcu la/__chos kyi rgyal mtshan sogs byang chub sems dpa' brgyad res bskor ba/__gru bzhir sna tshogs sogs/__lha snam la phyogs skyong bcu/__sgo bzhir rgyal chen bzhi dang bcas pas bskor ba'i dkyil 'khor te 10bcu'o//____//__! bya rgyud kyi dkyil 'khor ni rigs gsum mgon po so so'i dkyil 'khor gyi gtso bor byas pa la/__sgeg mo/__phreng ba/__glu/__gar ma ste bzhi res bskor ba/__3__yang sku gsung thugs kyi dkyil 'khor zhes/__'jam dpal/__spyan gzigs/__phyag rdor gsum la 'khor grangs ma nges pas bskor ba'i dkyil 'khor te drug go/__3____//__! spyod rgyud kyi dkyil 'khor ni/__rgya mtsho zhes pa'i sgras rnam pa gcig tu na bya ba dang /__rnal 'byor gyi rgyud gnyis kar gtogs pas dkyil 'khor logs su mi byed pa'i dbang du byas na grangs mang ba dang /__gzhan du so sor byed pa ltar na bzhir bzung ste/__rgya mtsho chen po bzhis mngon par brjod pa'o/__/de yang rnam snang la rigs bzhis bskor ba'i lha lnga/__de steng sgeg sogs brgyad bsnan pa'i bcu gsum ma/__2__de steng bkra shis kyi lha mo brgyad bsnan pa'i nyer gcig pa/__3__de steng phyi rol du dpal mgon bdun cu bsnan pa'i go drug ma ste/__4__'on kyang rgyas 'bring bsdus pa dang shin tu bsdus pa'i dbye ba tsam las dkyil 'khor tha dad ma yin no//____//__! rnal 'byor rgyud kyi dkyil 'khor ni/__ling tshe dgu'i dbus su rnam snang kun tu zhal/__shar nas brtsams te phyogs bzhir mi bskyod pa sogs rigs bzhi la/__'khor du rdor sems sogs bzhi res bskor ba/__mtshams bzhir yum bzhi/__gru chad kyi phyir du sgeg sogs brgyad/__sgo bzhir lcags kyu ma sogs bzhi/__/phyi'i lha snam la byams pa sogs byang sems bcu drug gis bskor ba'i rdo rje dbyings kyi dkyil 'khor ro//____//__! ma hA yo ga'i dkyil 'khor ni/__'og tu khro bo'i dkyil 'khor sgo sbrags bcu gcig pa dang /__de'i steng khar reg la ma 'byar ba'i zhi ba'i dkyil 'khor te/__de yang lha ni/__zhi dkyil la gtso bo kun bzang yab yum/__rigs lnga/__sems dpa' yab yum bcu drug__/bya byed/__thub drug__/sgo ba yab yum brgyad do/__/khro bo'i dkyil 'khor dang po dbus mar che mchog he ru ka yab yum la/__dbang mchog yab yum/__rgyud lung gi khro bo yab yum brgyad/__khro mo brgyad phra men/__sgo ma bzhi/__rnams kyis bskor ba/__dkyil 'khor gnyis par sbor ma brgyad/__gsang yum bzhi/__gsum par dbang mo nyer brgyad de rtsa ba'i dkyil 'khor/__bzhi par mkha' 'gro ma so gnyis/__lnga par ma bdun sring bzhi/__drug par ging chen bco brgyad de mkha' 'gro las kyi dkyil 'khor/__bdun pa khro bo khro mo drug cu ste khro bo rol pa'i dkyil 'khor/__brgyad par pho nya nyis brgya bzhi bcu ste mgyogs 'gro yid kyi dkyil 'khor/__dgu par ma mo drug cu ste dam tshig chen po'i dkyil 'khor/__bcu par bka' brgyad kyi lha tshogs bdun brgya nyer lnga dang /__lha mi nas bzung a ti'i bar gyi theg pa bcu gcig gi dkyil 'khor/__bcu gcig par yo ga gsum gyi brgyud pa'i bla ma rig 'dzin rtsal 'chang gi lha tshogs te/__dril bas dkyil 'khor bcu gnyis so/__/la la dag 'di nyid a nu'i dkyil 'khor du bshad pas ma hAr drangs pa ji ltar 'brel ce na/__dkyil 'khor dgu po a nu yin yang /__bcu pa ma hA dang /__bcu gcig pa thun mong yin pa'i phyir ma khyab bo/__/la la dag ma hA la rgyud lung gnyis las/__rgyud sde sgyu 'phrul la zhi khro'i dkyil 'khor gnyis/__de gnyis gcig tu dril ba dong sprugs/__sgrub sde bka' brgyad so so dang /__de gcig tu dril ba ste bcu gnyis so/__/zhes zer te khungs dang 'brel na legs so//____//__!