JKW-KABAB-16-MA-001

🚧 This website is under continued development. We appreciate your patience!

First text in volume. Back to Volume PageNext Text

Wylie title	rtsa gsum 'od gsal snying tig las sngon 'gro zab lam sgo 'byed sogs gter gzhung chos tshan so brgyad dkyus gcig tu bkod pa
Location	mkhyen brtse'i bka' babs Volume 16, Text 1, Pages 1-199 (Folios 1a to 100a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. rtsa gsum 'od gsal snying tig las sngon 'gro zab lam sgo 'byed sogs gter gzhung chos tshan so brgyad dkyus gcig tu bkod pa. In Rdzong sar 'jam dbyangs mkhyen brtse'i dbang po'i bka' babs, Vol. 16: 1-199. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Root Treasure - gter gzhung
Cycle	རྩ་གསུམ་འོད་གསལ་སྙིང་ཏིག་ (rtsa gsum 'od gsal snying tig)
Karchag page	JKW-KABAB-Volume-16-MA-Karchag
RTZ	In the Rinchen Terdzö: https://rtz.tsadra.org/index.php/Terdzo-HUNG-001
Notes	Phuntsok Namgyal's Karchag entry for the contents of this text: རྩ་གསུམ་འོད་གསལ་སྙིང་ཏིག་ལས། སྔོན་འགྲོ་ཟབ་ལམ་སྒོ་འབྱེད། གསོལ་འདེབས་བྱིན་རླབས་མྱུར་ལམ། བརྒྱུད་འདེབས་བྱིན་རླབས་སྤྲིན་ཕུང༌། ཕྱི་སྒྲུབ་སྒྱུ་འཕྲུལ་དྲྭ་བ། ཕྱི་སྒྲུབ་སྒྱུ་འཕྲུལ་དྲྭ་བའི་ཕྲིན་ལས་འཆི་མེད་སྲོག་སྒྲུབ། ཡན་ལག་ཚོགས་ཀྱི་འཁོར་ལོ། སྐོང་བཤགས་འོད་གསལ་ཐོལ་གླུ། ཐུན་མོང་སྨིན་བྱེད་ཡེ་ཤེས་ཐིག་ལེ། དབང་བཞི་ཡེ་ཤེས་དཔལ་སྟེར། གཏོར་དབང་བྱིན་རླབས་དཔལ་སྟེར། བྱིན་རླབས་བརྡ་ཡི་དབང་བཞི། ལྷ་དབང་ཡེ་ཤེས་ཆར་འབེབས། ནང་སྒྲུབ་པདྨའི་དྲྭ་བ། གསང་སྒྲུབ་འོད་གསལ་དྲྭ་བ། ཡང་གསང་བླ་མ་དྲག་པོ་ཡི་དམ་དགོངས་འདུས་ཀྱི་སྒྲུབ་པ། རིག་འཛིན་རྩ་རྒྱུད་ཡེ་ཤེས་དྲྭ་བ། རྩ་གསུམ་སྒྲུབ་ཐབས་ལུང་གི་དུམ་བུ། མན་ངག་འཇའ་ལུས་རྡོ་རྗེའི་ཚིག་རྐང༌། ཐམས་ཅད་ལྷུན་གྲུབ་བུདྡྷ་ཐོད་ཕྲེང་རྩལ་གྱི་སྒོས་སྒྲུབ། ཞི་བའི་ལས་མཛད་རྡོ་རྗེ་ཐོད་ཕྲེང་རྩལ་གྱི་སྒོས་སྒྲུབ། རྒྱས་པའི་ལས་མཛད་རཏྣ་ཐོད་ཕྲེང་རྩལ་གྱི་སྒོས་སྒྲུབ། དབང་གི་ལས་མཛད་པདྨ་ཐོད་ཕྲེང་རྩལ་གྱི་སྒོས་སྒྲུབ། དྲག་པོའི་ལས་མཛད་ཀརྨ་ཐོད་ཕྲེང་རྩལ་གྱི་སྒོས་སྒྲུབ། རྡོ་རྗཻ་རྣམ་པར་འཇོམས་པའི་སྒྲུབ་པ། འཇམ་དཔལ་འཆི་བདག་ཟིལ་གནོན། འཆི་མེད་དབང་ཆེན་འདུས་པ། འཆི་མེད་དབང་ཆེན་འདུས་པའི་སྨིན་བྱེད་བྱིན་རླབས་སྣང་བ། ཁྲག་འཐུང་འདུས་པའི་དྲིལ་སྒྲུབ། ཁྲག་འཐུང་འདུས་པའི་དབང་ཆོག །བདུད་རྩི་བདེ་ཆེན་སྙིང་པོ། ཕུར་པ་འདུས་པའི་དྲིལ་སྒྲུབ། ཕུར་པ་འདུས་པའི་དབང་ཆོག །ཕུར་པ་འདུས་པའི་དྲིལ་སྒྲུབ།་་་་འདི་ཕབ་འཕྲོ་ལུས་པའི་ཁ་སྐོང་དིལ་མཁྱེན་རིན་པོ་ཆེས་ཕབ་པའི་ཕུར་པ་འདུས་པའི་དྲིལ་སྒྲུབ་དང་དབང་ཆོག་བཅས་ཡིན་ཟུར་དུ་བཞུགས། ཚེ་སྒྲུབ་འཆི་མེད་དྲྭ་བ། ཚེ་སྒྲུབ་འཆི་མེད་དྲྭ་བའི་དབང་བཞི་ཡེ་ཤེས་སྙིང་པོ། ཚེ་སྒྲུབ་འཆི་མེད་དྲྭ་བའི་བྱིན་འབེབས་ཡེ་ཤེས་མཆོག་སྩོལ། ཕག་མོ་དཀར་མོའི་སྒྲུབ་ཐབས་ཡེ་ཤེས་སྣང་བ། ཕག་མོ་དཀར་མོའི་ཚེ་སྒྲུབ། བཀའ་སྲུང་མཆོད་གསོལ་རྡོ་རྗེའི་དྲྭ་བ་་་་འདི་ཡི་སྲོག་དབང་དིལ་མཁྱེན་རིན་པོ་ཆེས་ཕབ་པ་ཟུར་དུ་ཡོད། བཅས་ཆོས་ཚན་སོ་དགུ་ཚན་གཅིག་ཏུ་བྱས་པ། པདྨ་འོད་གསལ་མདོ་སྔགས་གླིང་པའམ་གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་ནས་ཕྱུང་བ།

Tibetan Text

Wylie

[edit]

༄༅། །རྩ་གསུམ་འོད་གསལ་སྙིང་ཏིག་ལས༔ སྔོན་འགྲོ་ཟབ་ལམ་སྒོ་འབྱེད་བཞུགས་སོ༔ དྷཱི།༔ འཆི་མེད་རྩ་གསུམ་ལྷ་ལ་འདུད༔ མ་འོངས་འོད་གསལ་སྙིང་པོའི་དོན༔ མངོན་དུ་སྤྱོད་པའི་སྐལ་ལྡན་རྣམས༔ ཟབ་མོའི་ལམ་གྱི་སྣོད་རུང་ཕྱིར༔ བློ་སྦྱང་རིམ་པ་འདི་ལྟར་བྱ༔ ས་མ་ཡ༔ ཤིན་ཏུ་དབེན་ཞིང་ཡིད་མཐུན་གནས༔ ངེས་འབྱུང་ཉམས་རྟོགས་འཕེལ་བའི་སར༔ བདེ་བའི་སྟན་ལ་མཉམ་བཞག་ནས༔ བཅོས་མིན་མོས་གུས་དྲག་པོའི་ངང་༔ ཨེ་ མ་ཧོ༔ སྐྱབས་གནས་ཀུན་འདུས་ཁྱབ་བདག་འཁོར་ལོའི་མགོན༔ སྙིང་དབུས་འོད་གསལ་དབུ་མའི་ཕོ་བྲང་ནས༔ མདུན་གྱི་ནམ་མཁར་ཡིད་འཕྲོག་མཆོད་སྤྲིན་དབུས༔ མངོན་སུམ་གཤེགས་ནས་བདག་རྒྱུད་བྱིན་གྱིས་རློབས༔ དལ་བརྒྱད་འབྱོར་བཅུས་བརྒྱན་པའི་མི་ལུས་འདི༔ དཔེ་གྲངས་རྒྱུ་དང་ངོ་བོས་རྙེད་དཀའི་ཞིང་༔ དོན་ཆེན་སྒྲུབ་པའི་མཆོག་ཏུ་ངེས་མཐོང་ནས༔ རྩེ་གཅིག་སྙིང་པོ་ལེན་པར་བྱིན་གྱིས་རློབས༔ ཕྱི་ནང་སྣོད་བཅུད་དགྲ་གཉེན་བར་མ་སོགས༔ གང་ལ་བསམས་ཀྱང་མི་རྟག་འཇིག་པའི་ཕྱིར༔ ལོངས་མེད་འཆི་བ་དྲན་པའི་བརྩོན་འགྲུས་ཀྱིས༔ ཚེ་འདིའི་མངོན་ཞེན་ལྡོག་པར་བྱིན་གྱིས་རློབས༔ འཆི་ཚེ་དཀར་ནག་ལས་ཀྱི་གཞན་དབང་གིས༔ ཁམས་གསུམ་རིགས་དྲུག་མཐོ་དམན་སྣ་ཚོགས་སུ༔ བདེ་སྡུག་འབྲས་བུ་མི་བསླུ་སྨིན་པའི་ཕྱིར༔ བླང་དོར་ཚུལ་བཞིན་ནུས་པར་བྱིན་གྱིས་རློབས༔ དམྱལ་བ་ཚ་གྲང་ཡི་དྭགས་བཀྲེས་སྐོམ་དང་༔ དུད་འགྲོ་བཀོལ་སྤྱོད་སྡུག་བསྔལ་མཐའ་ཡས་ཤིང་༔ མཐོ་རིས་ན་ཡང་བདེ་བའི་སྐབས་མེད་པས༔ ངེས་འབྱུང་དྲག་པོ་སྐྱེ་བར་བྱིན་གྱིས་རློབས༔ དེ་ལས་སྐྱོབ་པའི་དེད་དཔོན་གཅིག་གྱུར་པ༔ མཚན་ལྡན་བླ་མ་དགེ་བའི་བཤེས་གཉེན་མཆོག༔ མཉེས་པ་གསུམ་གྱི་བྱ་བས་ལེགས་བསྟེན་ནས༔ ཐོས་བསམ་སྒོམ་ལ་བརྩོན་པར་བྱིན་གྱིས་རློབས༔ བྱིན་གྱིས་རློབས་ཤིག་དྲིན་ཅན་བླ་མ་རྗེ༔ དངོས་གྲུབ་སྩོལ་ཅིག་འཆི་མེད་ཐོད་ཕྲེང་རྩལ༔ བར་ཆད་ཀུན་སོལ་མཁའ་འགྲོ་ཆོས་སྐྱོང་ཚོགས༔ སྙིང་ནས་དྲན་ནོ་ཐུགས་རྗེའི་སྤྱན་གྱིས་གཟིགས༔ ཞེས་བརྗོད་ངེས་འབྱུང་དྲག་པོ་བསྒོམ༔ དེ་ནས་སྐྱབས་སུ་འགྲོ་བ་ནི༔ མདུན་མཁར་སྐྱབས་ཡུལ་གསལ་བཏབ་ནས༔ ན་མོ༔ བདག་སོགས་མཁའ་མཉམ་འགྲོ་བ་མ་ལུས་ཀུན༔ དེང་ནས་བཟུང་སྟེ་བྱང་ཆུབ་སྙིང་པོའི་བར༔ དཀོན་མཆོག་རྩ་གསུམ་སྐུ་གསུམ་རྒྱ་མཚོ་ལ༔ མི་ཕྱེད་གུས་པ་ཆེན་པོས་སྐྱབས་སུ་མཆི༔ ཡང་ཡང་བརྗོད་རྗེས་རང་ལ་བསྟིམ༔ གནས་ལུགས་བརྗོད་བྲལ་ངང་དུ་བཞག༔ དེ་ནས་སྨོན་འཇུག་སེམས་བསྐྱེད་ནི༔ ཧོ༔ མར་གྱུར་ཁམས་གསུམ་རིགས་དྲུག་སེམས་ཅན་ཀུན༔ སྡུག་བསྔལ་སྲིད་པའི་མཚོ་ལས་བསྒྲལ་བྱའི་ཕྱིར༔ ཚད་མེད་བྱམས་དང་སྙིང་རྗེ་ཆེན་པོའི་བློས༔ སྨོན་འཇུག་དོན་དམ་སེམས་མཆོག་བསྐྱེད་པར་བགྱི༔ འགལ་རྐྱེན་སྡིག་ལྟུང་སྦྱང་བའི་ཕྱིར༔ རྡོ་རྗེ་སེམས་དཔའི་སྒོམ་བཟླས་ནི༔ ཨཱ༔ བདག་ཉིད་ཐ་མལ་གནས་པའི་སྤྱྀ་གཙུག་ཏུ༔ བདེ་སྟོང་ཆུ་སྐྱེས་ཟླ་བའི་དཀྱིལ་འཁོར་དབུས༔ ཟུང་འཇུག་རྣམ་ཀུན་མཆོག་ལྡན་རྡོ་རྗེ་སེམས༔ དཀར་གསལ་ཞལ་གཅིག་ཕྱག་གཉིས་རྡོར་དྲིལ་བསྣམས༔ ལོངས་སྤྱོད་རྫོགས་སྐུ་མཚན་དཔེའི་གཟི་བྱིན་འབར༔ ཡུམ་མཆོག་དགའ་བཞིའི་བདེ་སྟེར་སྙེམས་མ་དཀར༔ གྲི་གུག་ཐོད་འཛིན་ཡབ་ཀྱི་མགུལ་ནས་འཁྱུད༔ གཉིས་ཀ་དར་དང་རིན་ཆེན་རུས་པས་བརྒྱན༔ དམ་ཚིག་ཡེ་ཤེས་དབྱེར་མེད་ཆེན་པོ་ཡི༔ ཐུགས་ཀར་ཟླ་སྟེང་ཧཱུྃ་མཐར་སྔགས་ཀྱིས་བསྐོར༔ རྩེ་གཅིག་གུས་པས་སྙིང་ནས་གསོལ་བཏབ་ཅིང་༔ བཟླས་པས་རྒྱུད་བསྐུལ་འདུད་རྩིའི་ཆུ་རྒྱུན་བབས༔ སྤྱྀ་བོ་ནས་ཞུགས་ལུས་ནང་གང་བ་ཡིས༔ སྒྲིབ་བཞི་དག་ཅིང་དབང་བཞི་རྫོགས་པར་ཐོབ༔ སྐུ་བཞི་མངོན་གྱུར་བློ་བྲལ་གཉུག་མའི་ངང་༔ དོན་དམ་རིག་སྟོང་ཟུང་འཇུག་རྡོ་རྗེ་སེམས༔ གདོད་ནས་འདུ་འབྲལ་མེད་པའི་རང་ཞལ་བལྟ༔ ཨོཾ་བཛྲ་ས་ཏྭ༔ སོགས་ནས་ས་ཏྭ་ཨཱཿ ཞེས་དང་༔ ཨོཾ་བཛྲ་སཱ་ཏྭ་ཧཱུྃ༔ ཞེས་བརྗོད་སྒྲིབ་གཉིས་རྒྱུར་བཅས་པ༔ སྟོབས་བཞིའི་གནད་དང་ལྡན་པ་ཡི༔ བདེན་གཉིས་ཟུང་འཇུག་རྣལ་འབྱོར་གྱིས༔ སྦྱངས་པས་གནས་ལུགས་མངོན་དུ་འགྱུར༔ མཐུན་རྐྱེན་ཚོགས་གཉིས་མྱུར་རྫོགས་ཕྱིར༔ སྐུ་གསུམ་མཆོད་སྤྲིན་མཎྜལ་འབུལ༔ ཨོཾ་ཨཱཿཧཱུྃ༔ རབ་འབྱམས་རྒྱ་མཚོའི་ཞིང་ཀུན་ཡོངས་ཁྱབ་པའི༔ སྲིད་ཞིའི་འབྱོར་ཚོགས་དཔག་མེད་མཎྜལ་འདི༔ བླ་མ་རྩ་གསུམ་སྤྲུལ་སྐུའི་ཞིང་དུ་འབུལ༔ བཞེས་ནས་སྣང་སྟོང་ཟུང་འཇུག་དངོས་གྲུབ་སྩོལ༔ ཕུང་ཁམས་སྐྱེ་མཆེད་ཡོངས་གྲུབ་རྡོ་རྗེའི་གྲོང་༔ ཚོགས་བརྒྱད་གདོད་ནས་དག་པའི་མཎྜལ་འདི༔ བླ་མ་རྩ་གསུམ་ལོངས་སྐུའི་ཞིང་དུ་འབུལ༔ བཞེས་ནས་བདེ་སྟོང་ཟུང་འཇུག་དངོས་གྲུབ་སྩོལ༔ ཀ་དག་ཆོས་དབྱིངས་གཞོན་ནུ་བུམ་སྐུའི་སྦུབས༔ ལྷུན་གྲུབ་འོད་གསལ་སྣང་བཞིའི་མཎྜལ་འདི༔ བླ་མ་རྩ་གསུམ་ཆོས་སྐུའི་ཞིང་དུ་འབུལ༔ བཞེས་ནས་རིག་སྟོང་ཟུང་འཇུག་དངོས་གྲུབ་སྩོལ༔ ཨོཾ་གུ་རུ་དེ་བ་ཌཱ་ཀི་ནཱི་སརྦ་མཎྜཱ་ལ་པཱུ་ཛ་ཧོཿ དེ་ནས་མོས་གུས་ཤུགས་དྲག་པོས༔ བྱིན་རླབས་བླ་མའི་རྣལ་འབྱོར་བསྒོམ༔ དབང་བཞི་བླངས་ཤིང་ཐུགས་ཡིད་བསྲེ༔ མཉམ་གཞག་བློ་བྲལ་གཉུག་མའི་ངང་༔ རྗེས་ཐོབ་ལམ་ཁྱེར་གསུམ་ལ་འབད༔ འདི་ཉིད་ཁོ་ན་ཉམས་བླངས་ཀྱང་༔ ཚེ་འདིར་མཆོག་གི་དངོས་གྲུབ་ཐོབ༔ དེ་ཕྱིར་སྙིང་ལས་གཅེས་པར་ཟུངས༔ ས་མ་ཡ༔ དེ་ལྟར་བཅོས་མིན་ངེས་འབྱུང་གིས༔ སྐྱབས་སོང་བྱང་ཆུབ་སེམས་གཉིས་བསྒོམ༔ སྒྲིབ་སྦྱོང་ཚོགས་བསགས་བྱིན་རླབས་ཀྱི༔ ལམ་འདི་སྔོན་འགྲོའི་རིམ་པ་སྟེ༔ མ་འོངས་པདྨའི་རིག་པ་འཛིན༔ འོད་གསལ་སྤྲུལ་པའི་རྡོ་རྗེའི་དོན༔ ཀློང་ལྔ་དབྱིངས་ཀྱི་ཐིག་ལེར་རྒྱ༔ འབྲེལ་ཚད་དོན་དང་ལྡན་པར་ཤོག༔ ས་ཡ་མ༔ རྒྱ་རྒྱ་རྒྱ༔ གུཧྱ༔ དྷ་ཐིམ༔ གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་ལས་བྱུང་བའོ༔ ༈

རྩ་གསུམ་འོད་གསལ་སྙིང་ཏིག་ལས༔ གསོལ་འདེབས་བྱིན་རླབས་མྱུར་ལམ་བཞུགས༔ དྷཱི།༔ འཆི་མེད་རྩ་གསུམ་ལྷ་ལ་འདུད༔ བདག་ཉིད་པདྨ་ཐོད་ཕྲེང་རྩལ༔ སྐྱབས་གནས་ཐམས་ཅད་འདུས་པའི་སྐུར༔ མི་འབྲལ་སྤྱྀ་བོའི་གཙུག་ཏུ་བསྒོམ༔ སྙིང་ནས་གསོལ་བ་འདི་ལྟར་ཐོབ༔ ཨོཾ་ཨཱཿཧཱུྃ༔ ཆོས་ཀུན་སྙིང་པོ་སྤྲོལ་བྲལ་ཀུན་ཏུ་བཟང་༔ བདེ་སྟོང་སྒྱུ་འཕྲུལ་དྲྭ་བ་རྡོ་རྗེ་སེམས༔ སྤྲུལ་པའི་རྣམ་རོལ་འཆི་མེད་ཐོད་ཕྲེང་རྩལ༔ གསོལ་བ་འདེབས་སོ་སྨིན་གྲོལ་དངོས་གྲུབ་སྩོལ༔ གདོད་མའི་མགོན་པོ་འོད་སྣང་ཚེ་མཐའ་ཡས༔ སྟོང་ཉིད་སྙིང་རྗེའི་སྐུར་བཞེངས་སྤྱན་རས་གཟིགས༔ དབྱེར་མེད་གྲུབ་པའི་སློབ་དཔོན་མཚོ་སྐྱེས་རྗེར༔ གསོལ་བ་འདེབས་སོ་སྨིན་གྲོལ་དངོས་གྲུབ་སྩོལ༔ དགའ་རབ་འཇམ་དཔལ་ཤྲཱི་སིང་ཧ་དང་༔ ཛྙཱ་ན་སཱུ་ཏྲ་དྲི་མེད་བཤེས་གཉེན་གྱི༔ གདམས་པའི་བཀའ་བབས་པདྨ་སཾ་བྷ་ལ༔ གསོལ་བ་འདེབས་སོ་སྨིན་གྲོལ་དངོས་གྲུབ་སྩོལ༔ རིག་འཛིན་བླ་མ་ཀུན་འདུས་པདྨ་འབྱུང་༔ ཡི་དམ་ཞི་ཁྲོ་ཐུགས་ཀྱི་ཀློང་ན་རྫོགས༔ རབ་འབྱམས་མཁའ་འགྲོའི་མིང་པོ་དཔའ་བོ་ཆེར༔ གསོལ་བ་འདེབས་སོ་སྨིན་གྲོལ་དངོས་གྲུབ་སྩོལ༔ ཅིར་སྣང་ཡེ་ཤེས་ལྷ་ཡི་ཕྱག་རྒྱར་དག༔ སྒྲར་གྲགས་མི་ཤིགས་རྡོ་རྗེའི་སྔགས་སུ་རྫོགས༔ རྟོག་ཚོགས་དབྱིངས་རིག་དབྱེར་མེད་ཐིག་ལེར་སྨིན༔ སྣང་སྲིད་གཞིར་བཞེངས་ཆེན་པོར་བྱིན་ཕོབ་ཅིག༔ ལུས་ལ་སྣང་སྟོང་སྐུ་ཡི་བྱིན་གྱིས་རློབས༔ ངག་ལ་གྲགས་སྟོང་གསུང་གི་བྱིན་གྱིས་རློབས༔ ཡིད་ལ་རིག་སྟོང་ཐུགས་ཀྱི་བྱིན་གྱིས་རློབས༔ ལུས་ངག་ཡིད་ལ་རྡོ་རྗེའི་དབང་བཞི་སྐུར༔ ཕྱི་ནང་གསང་བའི་བར་ཆད་དབྱིངས་སུ་སོལ༔ མཆོག་དང་ཐུན་མོང་དངོས་གྲུབ་ཆར་ལྟར་ཕོབ༔ མཐོང་ཐོས་དྲན་རེག་སྨིན་ཅིང་གྲོལ་བ་དང་༔ འཆི་མེད་སྐུ་གསུམ་འགྲུབ་པར་བྱིན་གྱིས་རློབས༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ བཅོས་མིན་མོས་གུས་དྲག་པོ་ཡིས༔ གསོལ་གདབ་དབང་དང་དངོས་གྲུབ་བླང་༔ བརྗོད་མེད་རིག་པ་ཟང་ཐལ་ངང་༔ སྐྱེ་འཆི་བར་དོ་ལམ་དུ་ཁྱེར༔ ས་མ་ཡ༔ རྒྱ་རྒྱ་རྒྱ༔ གུཧྱ༔ དྷ་ཐིམ༔ གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་ལས་ཕྱུང་བའོ༔ ༈

རྩ་གསུམ་འོད་གསལ་སྙིང་ཏིག་ལས། བརྒྱུད་འདེབས་བྱིན་རླབས་སྤྲིན་ཕུང་བཞུགས། ༈ ཀ་དག་གདོད་མའི་མགོན་པོ་ཀུན་ཏུ་བཟང༌། །ལྷུན་གྲུབ་མཚན་དཔེར་ཤར་བའི་རིགས་མཆོག་ལྔ། །ཟུང་འཇུག་སྤྲུལ་པའི་གར་མཁན་དགའ་རབ་རྗེར། །གསོལ་བ་འདེབས་སོ་མཆོག་ཐུན་དངོས་སྩོལ། །ཆོས་ཟད་འབྲས་བུ་མངོན་གྱུར་མཉྫུ་ཤྲཱི། །སྣང་གཞི་མཐར་ཕྱིན་དཔལ་གྱི་སེང་གེའི་ཞབས། །གྲུབ་པའི་རིག་འཛིན་ཛྙཱ་ན་སཱུ་ཏྲ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །འཇའ་ལུས་འཕོ་ཆེན་སྐུར་བཞེངས་བི་མ་ལ། །སངས་རྒྱས་གཉིས་པ་འཆི་མེད་ཐོད་ཕྲེང་རྩལ། །མཁའ་སྤྱོད་ཌཱ་ཀིའི་གཙོ་མོ་མཚོ་རྒྱལ་རྗེར། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །ཐུགས་སྲས་གདམས་པའི་བཙུད་འཛིན་རྗེ་འབངས་གྲོགས། །ངེས་པར་ཐམས་ཅད་མཁྱེན་དངོས་ཀློང་ཆེན་པ། །སྨིན་གྲོལ་མཆོག་རྩོལ་རྩ་བའི་བླ་མ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །དལ་འབྱོར་རྙེད་དཀའ་འཆི་བ་མི་རྟག་དང༌། །ལས་འབྲས་བསླུ་མེད་དོན་ལ་ལེགས་བསམས་ནས། །ངེས་འབྱུང་དྲག་པོ་སྐྱེ་བར་བྱིན་གྱིས་རློབས། །མཚན་ཉིད་ཀུན་ལྡན་ཐེག་མཆོག་བཤེས་གཉེན་ལས། །ཟབ་མོའི་དོན་ལ་ཐོས་བསམ་མཐར་ཕྱིན་ནས། །དབེན་ཞིང་ཉམས་དགའ་ཞི་བའི་སྨན་ལྗོངས་སུ། །རྩེ་གཅིག་སྒྲུབ་ལ་གཞོལ་བར་བྱིན་གྱིས་རློབས། །བསླུ་མེད་བླ་མ་མཆོག་གསུམ་གཙུག་ཏུ་བསྙེན། །སྨོན་འཇུག་བྱང་ཆུབ་སེམས་གཉིས་རབ་བསྐྱེད་ནས། །མཐའ་བརྒྱད་སྤྲོས་བྲལ་འོད་གསལ་དབུ་མའི་དོན། །མངོན་སུམ་རྒྱུད་ལ་སྐྱེ་བར་བྱིན་གྱིས་རློབས། །ཚོགས་གཉིས་བསགས་ཤིང་སྒྲིབ་གཉིས་སྦྱངས་པའི་མཐུས། །ཟབ་མོའི་ལམ་གྱི་སྣོད་དུ་འགྱུར་བ་དང༌། །ཁྱད་པར་མོས་གུས་བླ་མའི་རྣལ་འབྱོར་གྱིས། །ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས། །བསྙེན་སྒྲུབ་བཞི་ལྡན་བསྐྱེད་རིམ་ཕ་རོལ་སོན། །རླུང་དང་གཏུམ་མོས་འབར་འཛག་དབུ་མར་ཐིམ། །ཕྱག་རྒྱ་ལ་བརྟེན་དཔེ་ཡི་ཡེ་ཤེས་དང༌། །དོན་གྱི་ལྷན་སྐྱེས་མཐོང་བར་བྱིན་གྱིས་རློབས། །གཞི་དབྱིངས་ཁྲེགས་ཆོད་གནས་ལུགས་མངོན་གྱུར་ཅིག །གཞི་སྣང་ལྷུན་གྲུབ་སྣང་བཞིའི་ཉམས་ལེན་ལ། །བརྟེན་ནས་ནང་གསལ་ཁྱད་ཆོས་དྲུག་ལྡན་ཀློང༌། །མཆོག་གི་དངོས་གྲུབ་བརྙེས་པར་བྱིན་གྱིས་རློབས། །གལ་ཏེ་ཚེ་འདིར་གྲུབ་མཐའ་མ་སྙོགས་ན། །འཆི་བར་སྐྱེ་བའི་སྲིད་པ་རྣམ་གསུམ་ལ། །སྐུ་གསུམ་འབྲས་བུ་མངོན་དུ་བྱས་ནས་ཀྱང༌། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །ཞེས་པའང་གར་དབང་འོད་གསལ་གླིང་པས་སོ། ༈

།རྩ་གསུམ་འོད་གསལ་སྙིང་ཏིག་ལས༔ ཕྱི་སྒྲུབ་སྒྱུ་འཕྲུལ་དྲྭ་བ་བཞུགས༔ དྷཱི།༔ རྩ་གསུམ་ཀུན་འདུས་པདྨར་འདུད༔ བདེར་གཤེགས་ཡོངས་རྫོགས་ཐོད་ཕྲེང་རྩལ༔ བསྙེན་ཅིང་སྒྲུབ་པའི་རིམ་པ་ནི༔ ཤིན་ཏུ་དབེན་ཞིང་ཡིད་མཐུན་པའི༔ བཀྲ་ཤིས་བྱིན་ཆགས་གནས་མཆོག་ཏུ༔ དཀྱིལ་འཁོར་དམར་ཟླུམ་བཀོད་ལེགས་སྟེང་༔ བྷནྡྷ་དུམ་བུ་གཅིག་པའི་ནང་༔ སེལ་མེད་དམ་རྫས་བདུད་རྩིས་བཀང་༔ ཁ་གཅོད་མེ་ལོང་གཡའ་བྲལ་ངོས༔ པདྨ་ཐོད་ཕྲེང་ཡབ་ཡུམ་སྐུ༔ མན་ཤེལ་སྣང་བར་འཆར་དུ་གཞུག༔ དེ་སྟེང་དར་དམར་ལྡིང་གུར་ཕུབ༔ ཕྱི་ནང་མཆོད་པས་མཐའ་བསྐོར་ཏེ༔ སྦྱོར་དངོས་རྗེས་ཀྱིས་ཉམས་སུ་བླང་༔ ས་མ་ཡ༔ སྔོན་འགྲོའི་དང་པོ་སྐྱབས་སེམས་ནི༔ མདུན་གྱི་ནམ་མཁར་རྩ་གསུམ་རབ་འབྱམས་རྒྱ་མཚོའི་དཀྱིལ་འཁོར་སྒྱུ་འཕྲུལ་དྲྭ་བའི་རོལ་མོ་མཁའ་ཁྱབ་ཀྱི་འཁོར་ལོར་སད་པར་གྱུར༔ ན་མོ༔ བདག་དང་མཁའ་མཉམ་འགྲོ་བ་མ་ལུས་ཀུན༔ དེང་ནས་བཟུང་སྟེ་བྱང་ཆུབ་སྙིང་པོའི་བར༔ རབ་འབྱམས་རྩ་གསུམ་རྒྱལ་བའི་དཀྱིལ་འཁོར་ལྷར༔ མི་ཕྱེད་གུས་པ་ཆེན་པོས་སྐྱབས་སུ་མཆི༔ ཧོཿ མར་གྱུར་ཁམས་གསུམ་རིགས་དྲུག་སེམས་ཅན་ཀུན༔ རྣམ་གྲོལ་སྐུ་བཞིའི་གོ་འཕང་ལ་འགོད་ཕྱིར༔ སྨོན་དང་འཇུག་པའི་བྱང་ཆུབ་སེམས་བསྐྱེད་ནས༔ པདྨ་ཐོད་ཕྲེང་ལྷ་ཚོགས་བསྒྲུབ་པར་བགྱི༔ ལན་གསུམ་གཉིས་པ་ཚོགས་བསགས་ནི༔ ཧོཿ ཕྱོགས་བཅུ་དུས་བཞིའི་རྒྱལ་བ་སྲས་བཅས་ལ༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་གཉིས་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ཛཿཧཱུྃ་བྃ་ཧོ༔ ཚོགས་ཞིང་རྣམས་རང་ལ་ཐིམ་པར་གྱུར༔ གསུམ་པ་བགེགས་གཏོར་སྦྱིན་པ་ནི༔ རྃ་ཡྃ་ཁྃ་གིས་བསང༌། སྟོང་པའི་ངང་ལས་སྣོད་ཡངས་ཤིང་རྒྱ་ཆེ་བའི་ནང་དུ་ཁྃ་ལས་གཏོར་མ་འདོད་རྒུའི་ལོངས་སྤྱོད་སོ་སོའི་ཡིད་དང་མཐུན་ལ་ཟད་མི་ཤེས་པའི་གཏེར་དུ་གྱུར༔ ཨོཾ་ཨཱཿཧཱུྃ་ཧོཿ གསུམ་གྱིས་བརླབ༔ སརྦ་བིགྷྣཱན་ཨཱ་ཀརྵ་ཡ་ཛཿས་དགུགས༔ སརྦ་བིགྷྣཱན་མཿསརྦ་སོགས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་བསྔོས་ལ༔ ཧཱུྃ་ཧྲཱི༔ ཡོངས་གྲུབ་སྤྲོས་པ་བྲལ་བའི་ཡེ་ཤེས་ལས༔ ཀུན་བརྟག་གློ་བུར་འཁྲུལ་པའི་གདོན་བགེགས་ཀུན༔ གཞན་དབང་དག་པ་རབ་འབྱམས་འདོད་ཡོན་གཏེར༔ འདི་ཉིད་ལོངས་ལ་རྒྱ་མཚོའི་ཕ་མཐར་དེངས༔ ཧཱུྃ་བཞིའི་སྔགས་ཀྱིས་མཚོན་ཆས་གཟིར༔ བཞི་པ་སྲུང་འཁོར་བསྒོམ་པ་ནི༔ ཧཱུྃ་ཧྲཱིཿ སྟེང་འོག་ཕྱོགས་མཚམས་མཚོན་ཆའི་གུར་ཁང་དང་༔ ཡེ་ཤེས་ལྔ་ལྡན་མེ་དཔུང་འཁྲིགས་པའི་ཀློང་༔ རྡོ་རྗེ་ཁྲོ་བོ་འཆོལ་བའི་ཚོགས་རྣམས་ཀྱིས༔ གཉིས་འཛིན་འཁྲུལ་པའི་བགེགས་ཚོགས་མཚམས་གཅད་གྱུར༔ ཧཱུྃ་ཧཱུྃ་ཧཱུྃ༔ ལྔ་པ་བརྡ་ཡི་སྒོ་དབྱེ་ཞིང་༔ ཕྱག་འཚལ་ནོངས་བཤགས་དམ་བཅའ་བཟུངས༔ ཧཱུྃ་ཧྲཱི༔ བདེ་གཤེགས་ཡོངས་འདུས་པདྨ་ཐོད་ཕྲེང་རྩལ༔ གདོད་ནས་འདུ་འབྲལ་མེད་པར་རོ་གཅིག་ཕྱིར༔ གཟུང་འཛིན་འཁྲུལ་པའི་མཚན་མ་ལས་འདས་པའི༔ གཉིས་མེད་ཡེ་ཤེས་བརྡ་སྒོ་དབྱེ་བར་འཚལ༔ བྷྲཱུྃ་པྲ་བེ་ཤ་ཡ་ཕཊ༔ ཧཱུྃ་ཧྲཱི༔ སེམས་ཀྱི་ཆོས་ཉིད་འོད་གསལ་རྫོགས་པ་ཆེ༔ ངོ་བོ་རང་བཞིན་ཐུགས་རྗེའི་རྣམ་རོལ་ལས༔ རྩ་གསུམ་དཀྱིལ་འཁོར་ལྷ་ཚོགས་འཇའ་ལྟར་ཤར༔ མི་ཕྱེད་གུས་པའི་བརྡ་ཡིས་ཕྱག་འཚལ་ལོ༔ ཨ་ཏི་པཱུ་ཧོ༔ ན་མ་དྷཱི༔ ཧཱུྃ་ཧྲཱི༔ རིག་འདུས་རྩ་གསུམ་ལྷ་ཚོགས་ཐུགས་རྗེའི་བདག༔ རང་རིག་བྱང་ཆུབ་སེམས་སུ་ལྷུན་རྫོགས་ཀྱང་༔ རང་ངོ་མ་མཐོང་གཉིས་འཛིན་འཁྲུལ་པས་བསྒྲིབས༔ གཉིས་མེད་ཆོས་སྐུའི་ཀློང་དུ་མཐོལ་ཞིང་བཤགས༔ བཛྲ་ས་མ་ཡ་ཤུདྡྷེ་ཨཱ༔ ཧཱུྃ་ཧྲཱི༔ འོད་གསལ་སྣང་བ་རྣམ་བཞིའི་གསེང་ལམ་དུ༔ དབྱིངས་རིག་ཟུང་འཇུག་སྒྱུ་འཕྲུལ་དྲྭ་བའི་ལྷ༔ སྐུ་དང་ཡེ་ཤེས་དབྱེར་མེད་མ་གྱུར་བར༔ རྡོ་རྗེའི་དམ་ཚིག་མི་གཏོང་བཟུང་བར་བགྱི༔ བཛྲ་ཛྙཱ་ན་ས་མ་ཡ་ཧཱུྃ༔ དྲུག་པ་ཡེ་ཤེས་བྱིན་འབེབས་ནི༔ ཧཱུྃ་ཧྲཱི༔ འོག་མིན་བདེ་ཆེན་པདྨ་དྲྭ་བའི་ཞིང་༔ རྔ་ཡབ་དཔལ་རི་སྤྲུལ་པའི་གཞལ་ཡས་ནས༔ འཆི་མེད་རྩ་གསུམ་དཀྱིལ་འཁོར་ལྷ་ཚོགས་ཀྱིས༔ གནས་འདིར་བྱིན་ཕོབ་དབང་དང་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་སརྦ་དྷརྨ་པཱ་ལ་ཛྙཱ་ན་བཛྲ་ས་མ་ཡ་ཨཱ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ བདུན་པ་མཆོད་རྫས་བྱིན་རླབས་ནི༔ ཨོཾ་ཨཱཿཧཱུྃ༔ བདག་ཉིད་ལྷར་གསལ་ཐུགས་ཀའི་ས་བོན་ལས༔ འཕྲོས་པའི་འོད་ཀྱིས་མཆོད་རྫས་བཟུང་འཛིན་སྦྱངས༔ སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིན༔ དཔག་ཡས་ནམ་མཁའ་མཛོད་ཀྱི་གཏེར་དུ་གྱུར༔ ཨོཾ་བཛྲ་ཨརྒྷཾ་ནས་ཤབྟའི་བར་དང་རུ་པ་ཤཔྡ་གནྡྷེ་རཱ་ས་སྤརྵེ་མ་ཧ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་སརྦ་པཱུ་ཛ་ཨཱ༔ཧཱུྃ༔ ལན་གསུམ་བརྗོད་པས་བྱིན་གྱིས་བརླབ༔ ས་མ་ཡ༔

དངོས་གཞིའི་དང་པོ་བསྐྱེད་རིམ་ནི༔ ཧཱུྃ༔ ཀ་དག་དེ་བཞིན་ཉིད་དབྱིངས་ཡེ་ཤེས་ལས༔ ལྷུན་གྲུབ་ཀུན་སྣང་སྙིང་རྗེའི་རང་རྩལ་ནི༔ ཟུང་འཇུག་རྒྱུ་ཡི་ཏིང་འཛིན་ཧཱུྃ་མཐིང་ག༔ དེ་ལས་འོད་འཕྲོས་བརྟན་གཡོའི་དངོས་པོ་ཀུན༔ འོད་གསལ་སྟོང་པ་ཉིད་ཀྱི་དབྱིངས་སུ་ཐིམ༔ སྐད་ཅིག་དྲན་རྫོགས་ཕྱི་སྣོད་པདྨ་འོད༔ ཤིན་ཏུ་ཉམས་དགའ་ངོ་མཚར་བཀོད་པས་མཛེས༔ བལྟ་ན་ལྷུན་སྡུག་འཇའ་ཟེར་འཁྲིགས་པའི་ཀློང་༔ དཔའ་བོ་ཌཱ་ཀི་དགྱེས་པའི་གླུ་གར་བསྒྱུར༔ མེ་ཏོག་ཆར་འབེབས་རོལ་མོ་སྣ་ཚོགས་སྒྲོགས༔ ཡིད་འཕྲོག་མཆོད་སྤྲིན་རྒྱ་མཚོས་ཕྱོགས་ཀུན་ཁྱབ༔ དེ་དབུས་ཐར་པ་ཆེན་པོའི་གཞལ་ཡས་ཁང་༔ གྲུ་བཞི་སྒོ་བཞི་མཚན་ཉིད་ཡོངས་རྫོགས་པའི༔ ལྟེ་བར་རིན་ཆེན་པདྨ་ཉི་ཟླའི་སྟེང་༔ རྡོ་རྗེ་ཧཱུྃ་ཡིག་མཉམ་སྦྱོར་འཕྲོ་འདུ་ལས༔ བདག་ཉིད་ལྷུན་གྲུབ་རིག་འཛིན་ཐོད་ཕྲེང་རྩལ༔ ཆེ་བའི་ཆེ་མཆོག་ཆོས་སྐུ་གསང་བ་འདུས༔ མཐིང་ནག་ཞལ་གཅིག་ཕྱག་གཉིས་རྡོར་དྲིལ་བསྣམས༔ ཁྲོ་ཆགས་སྒེག་པའི་ཉམས་ལྡན་སྤྱན་གསུམ་འབར༔ གཅེར་བུ་དར་དང་རིན་ཆེན་རུས་པས་བརྒྱན༔ ཐབས་ཤེས་ཞབས་གཉིས་བརྐྱང་བསྐུམ་གར་གྱིས་རོལ༔ ཡུམ་མཆོག་དགའ་བཞིའི་བདེ་སྟེར་མནྡཱ་ར༔ དམར་མོ་གྲི་གུག་ཐོད་འཛིན་ཡབ་ལ་འཁྲིལ༔ རིན་ཆེན་རུས་རྒྱན་དར་སྣའི་ཅོད་པན་འཕུར༔ ཡིད་འོང་བཅུ་དྲུག་བདེ་བའི་ལང་ཚོས་སྒེག༔ རལ་པའི་སྐྲ་གསེབ་ཀུན་བཟང་ཡབ་ཡུམ་ལ༔ དཔལ་ཆེན་གྲུབ་པའི་སློབ་དཔོན་བརྒྱད་ལ་སོགས༔ རྣལ་འབྱོར་གསུམ་གྱི་ལམ་མཆོག་གསལ་མཛད་པའི༔ རིག་འཛིན་རྩ་བརྒྱུད་བླ་མ་སྤྲིན་ལྟར་གཏིབས༔ བདེ་ཆེན་འཁོར་ལོ་འཇམ་དཔལ་གཤིན་རྗེ་གཤེད༔ ལོངས་སྤྱོད་འཁོར་ལོར་དབང་ཆེན་རྟ་མཆོག་དཔལ༔ ཆོས་ཀྱི་འཁོར་ལོར་ཡང་དག་ཧེ་རུ་ཀ༔ སྤྲུལ་པའི་འཁོར་ལོར་ཆེ་མཆོག་བདུད་རྩི་འཁྱིལ༔ གསང་བའི་འཁོར་ལོར་བཛྲ་ཀུ་མཱ་ར༔ རྡོ་རྗེ་ནོར་བུར་བླ་མེད་ཁྲག་འཐུང་དབང་༔ བརླ་གཡས་དྲེགས་འདུལ་གཡོན་པར་སྟོབས་ལྡན་རྣམས༔ སོ་སོའི་སྤྲུལ་དང་ཡང་སྤྲུལ་བཅས་པ་ཡི༔ ཡེ་ཤེས་དགུ་རྫོགས་ཁྲག་འཐུང་དཀྱིལ་འཁོར་ལྷ༔ བདུན་བརྒྱ་ཉེར་ལྔ་བསམ་ཡས་ལྷུན་གྲུབ་ཚོགས༔ སྣང་སྟོང་འཛིན་བྲལ་འཇའ་ཚོན་ལྟ་བུར་ཤར༔ ཛ་ལན་དྷཱ་ར་ལ་སོགས་ཉེར་བཞིའི་ཡུལ༔ རྩ་ཁམས་སྐུ་གསུང་ཐུགས་ཀྱི་འཁོར་ལོའི་བདག༔ དཀར་དམར་ཐིག་ལེ་གནས་སུ་དག་པའི་གཟུགས༔ བདེ་སྟོང་དཔའ་བོ་མཁའ་འགྲོའི་ཚོམ་བུར་བཞུགས༔ ཕྱི་རོལ་ཕྱོགས་བཞིའི་པདྨའི་སྙིང་པོ་རུ༔ ལོངས་སྐུ་ཐོད་ཕྲེང་རིགས་བཞི་ཡབ་ཡུམ་དང་༔ ཕྱོགས་མཚམས་རིན་ཆེན་ཟུར་བརྒྱད་འོད་ལྔའི་ཀློང་༔ སྤྲུལ་པའི་རིག་འཛིན་མཚན་བརྒྱད་ཞི་དང་ཁྲོ༔ གང་འདུས་སྒྱུ་འཕྲུལ་དྲྭ་བའི་རོལ་མོར་གསལ༔ སྒོ་བཞིར་པད་ཉི་རུ་ཏྲ་བསྣོལ་བའི་སྟེང་༔ དབང་ཆེན་རིགས་བཞི་དཀར་སེར་དམར་ལྗང་མདོག༔ ཁྲོ་བོའི་ཆས་རྫོགས་ཡེ་ཤེས་མེ་དཔུང་ཀློང་༔ གྲི་གུག་ཐོད་འཛིན་རང་འོད་ཡུམ་དང་འཁྲིལ༔ གཞན་ཡང་རྩ་གསུམ་ཆོས་སྲུང་རྒྱ་མཚོའི་ཚོགས༔ དཔག་ཡས་སྣོད་བཅུད་ཁྱབ་པར་གསལ་བ་ཡི༔ སྐུ་ལ་གདན་གསུམ་ཚང་བའི་དབང་གི་ལྷས༔ རྒྱས་བཏབ་གནས་གསུམ་རྡོ་རྗེ་གསུམ་གྱི་དངོས༔ ཨོཾ་དཀར་ཨཱཿདམར་ཧཱུྃ་མཐིང་མཚན་པ་ལས༔ འོད་འཕྲོས་ཡེ་ཤེས་ལྷ་ཚོགས་སྤྱན་དྲངས་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཐོད་རྔ་འཁྲོལ་ཞིང་གདུང་བའི་བློས༔ ཧཱུྃ་ཧྲཱི༔ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ སྤྲུལ་པའི་ཞིང་མཆོག་པདྨ་དྲྭ་བ་ནས༔ བདེ་གཤེགས་ཀུན་འདུས་འཆི་མེད་ཐོད་ཕྲེང་རྩལ༔ མོས་པའི་གནས་འདིར་གདུང་བས་སྤྱན་འདྲེན་ན༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་རྗེས་བྱིན་གྱིས་བརླབ་ཕྱིར་གཤེགས་ནས་ཀྱང་༔ རྣལ་འབྱོར་སྒོ་གསུམ་རྡོ་རྗེའི་དབང་བསྐུར་ལ༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་བཛྲ་ས་མ་ཡ་ཛཿཛ༔ ཞེས་བསྐུལ་ལྷོ་ནུབ་ནམ་མཁའ་ནས༔ སྤྲིན་ཕུང་ལྟ་བུར་བྱོན་པར་བསམ༔ གསུམ་པ་བཞུགས་སུ་གསོལ་བ་ནི༔ ཧཱུྃ་ཧྲཱི༔ དམ་ཚིག་སེམས་དཔའ་སྣང་སྟོང་ལྷ་ཡི་སྐུ༔ དག་པ་རབ་འབྱམས་རྡོ་རྗེའི་འོག་མིན་ཆེར༔ ཆོས་ཀྱི་དབྱིངས་ནས་སྤྱན་དྲངས་ཡེ་ཤེས་པ༔ ཟུང་འཇུག་དགྱེས་པ་ཆེན་པོར་བཞུགས་སུ་གསོལ༔ ཛཿཧཱུྃ་བྃ་ཧོ༔ བཛྲ་ས་མ་ཡ་ཛྙཱ་ན་ཏིཥྛ་ལྷན༔ བཞི་པ་གུས་ཕྱག་འཚལ་བ་ནི༔ ཧཱུྃ་ཧྲཱི༔ བླ་མ་ཡི་དམ་ཌཱ་ཀིའི་ལྷ་ཚོགས་རྣམས༔ གདོད་ནས་གཉིས་མེད་མཉམ་པར་རོ་གཅིག་ཀྱང་༔ གློ་བུར་འཁྲུལ་པའི་དྲི་མ་སྦྱང་པའི་སླད༔ སྒོ་གསུམ་གུས་པ་ཆེན་པོས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱི་ཙྪ་ཧོཿ ལྔ་པ་མཆོད་པ་འབུལ་བ་ལ༔ ཕྱག་རྒྱ་གར་གྱི་མཆོད་པ་ནི༔ ཧཱུྃ་ཧྲཱི༔ ལྷར་སྣང་ཕྱག་རྒྱ་ཆེན་པོའི་ངང་ཉིད་ལས༔ དམ་ཚིག་ཕྱག་རྒྱ་བརྡ་དང་གར་གྱི་ཚོགས༔ ཆོས་དང་ལས་ཀྱི་ཕྱག་རྒྱར་རབ་སྦྱར་ནས༔ འཆི་མེད་རྩ་གསུམ་དཀྱིལ་འཁོར་ལྷ་ཚོགས་མཆོད༔ མ་ཧཱ་ཙ་ཏུརྨུ་དྲ་པཱུ་ཛ་ཧོཿ ཡེ་ཤེས་གླུ་ཡི་མཆོད་པ་ནི༔ ཧཱུྃ་ཧྲཱི༔ སྲོག་རྩོལ་རླུང་གི་རྒྱུ་བ་ཇི་སྙེད་ཀུན༔ འོད་གསལ་དབུ་མའི་དབྱིངས་སུ་ཐིམ་པ་ལས༔ མི་ཤིགས་རྡོ་རྗེ་ནཱ་དའི་གླུ་དབྱངས་ཀྱིས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ མ་ཧཱ་ཛྙཱ་ན་ཏེ་ཏེ་ཧཱུྃ༔ ཏེ་ན་ཏེ་ཏེ་ཧཱུྃ༔ ཐུན་མོང་ཕྱི་མཆོད་འབུལ་བ་ནི༔ ཧཱུྃ་ཧྲཱི༔ རབ་འབྱམས་རྒྱ་མཚོའི་ཞིང་ཀུན་ཡོངས་ཁྱབ་པའི༔ སྲིད་ཞིའི་འབྱོར་ཚོགས་དཔག་མེད་མཆོད་སྤྲིན་རྣམས༔ རིགས་འདུས་རྩ་གསུམ་དཀྱིལ་འཁོར་ལྷ་ལ་འབུལ༔ བཞེས་ནས་མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་ས་པ་རི་ཝཱ་ར་ཨརྒྷཾ་ནས་ཤཔྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ༔ རང་བྱུང་ནང་མཆོད་འབུལ་བ་ནི༔ ཧཱུྃ་ཧྲཱི༔ ཡུལ་དང་དབང་པོ་གནས་སུ་དག་པ་ལས༔ གང་ཤར་བདེ་སྟོང་རོལ་མོར་འཆར་བའི་དཔྱིད༔ གཟུགས་སྒྲ་དྲི་རོ་རེག་བྱའི་མཆོད་སྤྲིན་གྱིས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་ས་པ་རི་ཝཱ་ར་རཱུ་པ་ཤཔྡ་གནྡྷེ་རཱ་ས་སྤརྵེ་པྲ་ཏིཙྪ་ཨཱ་ཧཱུྃ༔ གསང་བ་ཀུན་བཟང་མཆོད་སྤྲིན་ནི༔ ཧཱུྃ་ཧྲཱི༔ སྣང་སྲིད་དག་པ་ཆོས་སྐུའི་གྲོང་ཁྱེར་དུ༔ ཏིང་འཛིན་ཀུན་ཏུ་བཟང་པོའི་འདོད་ཡོན་སྤྲིན༔ བླ་མེད་མཆོད་པའི་ཕྱག་རྒྱ་ཆེན་པོ་ཡིས༔ དཀྱིལ་འཁོར་ལྷ་ཚོགས་རྟག་ཏུ་མཉེས་གྱུར་ཅིག༔ ནམ་མཁའ་མཛོད་ཀྱི་སྔགས་རྒྱས་སྤེལ༔ སྦྱོར་བ་སྨན་གྱི་མཆོད་པ་ནི༔ ཧཱུྃ་ཧྲཱི༔ ཐབས་ཤེས་རྒྱུ་གཉིས་རྐྱེན་བཞི་སྦྱར་བའི་བཅུད༔ རིགས་ལྔ་ཡེ་ཤེས་ལྔ་རྫོགས་སྒྲུབ་པའི་རྫས༔ ཟག་མེད་རྡོ་རྗེ་བཏུང་བའི་དམ་ཚིག་མཆོག༔ རྩ་གསུམ་དཀྱིལ་འཁོར་ལྷ་ཚོགས་མཉེས་ཕྱིར་འབུལ༔ ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་ས་པ་རི་བཱ་ར་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋ༔ བརྒྱུད་མཆོད་ནི༔ སྣང་བ་མཐའ་ཡས་འཇིག་རྟེན་དབང་ཕྱུག་དང༌། །མཚོ་སྐྱེས་ཡབ་ཡུམ་ཆོས་རྒྱལ་ཁྲི་ལྡེའི་ཞབས། །འོད་གསལ་སྤྲུལ་པའི་རྡོ་རྗེ་ལ་སོགས་པ། །རྩ་བརྒྱུད་བླ་མའི་ཞལ་དུ་ཨོཾ་ཨཱཿཧཱུྃ། །རྟ་མཆོག་རོལ་པ་རྡོ་རྗེ་ཕག་མོ་སོགས། །སྒྲུབ་ཆེན་སྡེ་བརྒྱད་ཞི་དང་ཁྲོ་བོའི་ལྷ། །པདྨ་དྲག་པོ་ཡི་དམ་དགོངས་འདུས་ཀྱིས། །དཀྱིལ་འཁོར་ལྷ་ཚོགས་ཞལ་དུ་ཨོཾ་ཨཱཿཧཱུྃ། །གནས་ཡུལ་དུར་ཁྲོད་དཔའ་བོ་རྣལ་འབྱོར་མ། །རྒྱུད་གསུམ་དམ་ཅན་རྒྱ་མཚོ་གཏེར་གྱི་བདག །དཀར་པོའི་ཕྱོགས་སྐྱོང་རྡོ་རྗེ་ཐ་ཚིག་ཅན། །མཁའ་འགྲོ་ཆོས་སྐྱོང་ཞལ་དུ་ཨོཾ་ཨཱཿཧཱུྃ། །རྗེས་འབྲེལ་དངོས་གྲུབ་བླང་བ་ནི། ཧཱུྃ༔ འཆི་མེད་ཡེ་ཤེས་བདུད་རྩིའི་སྤྲིན༔ རྡོ་རྗེ་གསུམ་གྱི་ངོ་བོ་ཉིད༔ ཐབས་ཤེས་མཐེབ་སྲིན་ཕྱག་རྒྱ་ཡིས༔ དངོས་གྲུབ་རྣམ་གཉིས་ཐོབ་ཕྱིར་མྱང་༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧོཿ སྒྲོལ་བ་རཀྟས་མཆོད་པ་ནི༔ ཧཱུྃ་ཧྲཱི༔ བདག་མེད་རྡོ་རྗེ་ཁྲོས་པའི་ཧེ་རུ་ཀས༔ གཟུང་འཛིན་འབྱུང་པོ་དབྱིངས་སུ་བསྒྲལ་བའི་ཁྲག༔ ཆགས་བྲལ་སོ་སོར་རྟོག་པའི་མཆོད་སྤྲིན་གྱིས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ མ་ཧཱ་རཀྟ་ཁཱ་ཧཱི༔ ཟུང་འཇུག་གཏོར་མས་མཆོད་པ་ནི༔ ཧཱུྃ་ཧྲཱི༔ ཨེ་དབྱིངས་སྟོང་ཉིད་ཕྱག་རྒྱའི་བྷནྡྷ་རུ༔ ཝྃ་ཡིག་བདེ་ཆེན་རྡོ་རྗེའི་གཏོར་མར་ཤར༔ ཟུང་འཇུག་བཅུ་དྲུག་དགའ་བའི་མཆོད་པའི་སྤྲིན༔ འཆི་མེད་རྩ་གསུམ་དཀྱིལ་འཁོར་ལྷ་ལ་འབུལ༔ མ་ཧཱ་བ་ལིཾ་ཏ་ཁཱ་ཧི༔ ཛ་གད་བདུད་རྩིའི་མཆོད་པ་ནི༔ ཧཱུྃ་ཧྲཱི༔ བདེ་ཆེན་རྡོ་རྗཻ་སེམས་དཔའི་ཐིག་ལེ་ནི༔ བྱང་ཆུབ་སེམས་ཀྱི་རོལ་པར་འཆར་བའི་དཔྱིད༔ ཟག་མེད་ཛ་གད་ཕུད་ཀྱི་མཆོད་པ་ཡིས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ མ་ཧཱ་ཛ་གད་པཱུ་ཛ་ཧོ༔ མཐར་ཐུག་དོན་གྱི་མཆོད་པ་ནི༔ ཧཱུྃ་ཧྲཱི༔ དབྱིངས་རིག་ཟུང་འཇུག་ཆོས་ཉིད་མངོན་སུམ་ཀློང་༔ ཉམས་སྣང་གོང་འཕེལ་ལ་སོགས་མཆོད་པའི་སྤྲིན༔ རིག་པ་ཚད་ཕེབས་དོན་གྱི་ལྷ་ལ་འབུལ༔ ཆོས་ཟད་བློ་འདས་མཆོག་གི་དངོས་གྲུབ་སྩོལ༔ མ་ཧཱ་ཛྙ་ན་དྷརྨ་དྷཱ་ཏུ་ས་མ་ཡ་ཧོ༔ དྲུག་པ་རྡོ་རྗེའི་གླུ་ཡིས་བསྟོད༔ ཧཱུྃ་ཧྲཱི༔ བདེ་གཤེགས་ཀུན་འདུས་པདྨ་སཾ་བྷ་བ༔ ཆོས་ཕུང་རྒྱ་མཚོ་གསུང་གི་ཀློང་ནས་ཤར༔ རབ་འབྱམས་རྒྱལ་སྲས་ཡོངས་ཀྱི་འཁོར་ལོས་བསྒྱུར༔ མཆོག་གསུམ་དབྱེར་མེད་ཁྱོད་ལ་ཕྱག་འཚལ་བསྟོད༔ ངོ་བོ་ཀ་དག་ཆོས་སྐུ་སྣང་མཐའ་ཡས༔ རང་བཞིན་ལྷུན་གྲུབ་འོད་གསལ་སྙིང་རྗེའི་གཏེར༔ ཐུགས་རྗེ་ཟུང་འཇུག་འཆི་མེད་ཐོད་ཕྲེང་རྩལ༔ སྐུ་གསུམ་ཀུན་འདུས་ཁྱོད་ལ་ཕྱག་འཚལ་བསྟོད༔ ལྷུན་གྲུབ་རིག་འཛིན་བླ་མའི་དཀྱིལ་འཁོར་གཙོ༔ ཡེ་ཤེས་དགུ་རྫོགས་ཡི་དམ་ཞི་ཁྲོའི་དངོས༔ མཁའ་འགྲོའི་ཚོགས་རྗེ་སངས་རྒྱས་པདྨ་སྐྱེས༔ རྩ་གསུམ་དབྱེར་མེད་ཁྱོད་ལ་ཕྱག་འཚལ་བསྟོད༔ གཞན་ཡང་སྣང་སྟོང་སྒྱུ་འཕྲུལ་དྲྭ་བ་ལས༔ གང་འདུལ་ཞི་དང་ཁྲོ་བོའི་རྣམ་རོལ་གྱིས༔ བྱིན་རླབས་མཆོག་སྩོལ་དངོས་གྲུབ་ཆར་འབེབས་པའི༔ དཀྱིལ་འཁོར་ལྷ་ཚོགས་མ་ལུས་ཀུན་ལ་བསྟོད༔ བདུན་པ་བསྙེན་པ་བྱ་བ་ནི༔ སྙིང་དབུས་ཡེ་ཤེས་སེམས་དཔའ་ཡི༔ ཐུགས་ཀར་པདྨ་ཉི་ཟླའི་སྟེང་༔ རྡོ་རྗེའི་རྩེ་ལྔའི་ལྟེ་བར་ཧཱུྃ༔ མཐར་སྐོར་སྔགས་ཕྲེང་གཡས་སུ་འཁོར༔ དེ་ལས་འོད་འཕྲོས་རྒྱལ་བ་ཀུན༔ པདྨ་ཐོད་ཕྲེང་རྣམ་རོལ་ཏུ༔ སྐུ་གསུང་ཐུགས་ཀྱི་ཕྱག་རྒྱར་བྱོན༔ བདག་ཉིད་ལ་ཐིམ་བྱིན་རླབས་གྱུར༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཐུན་མཚམས་ཚིགས་བདུན་གསོལ་འདེབས་ཀྱིས༔ གསང་གསུམ་བྱིན་རླབས་ཡང་ཡང་བསྡུ༔ འདི་ཉིད་ཕྱོགས་དུས་བདེ་གཤེགས་ཀྱི༔ གསུང་གི་གསང་བ་ཀུན་གྱི་བཅུད༔ རྟག་ཏུ་གཡེལ་མེད་ཉམས་བླངས་པས༔ ཚེ་འདིར་མཆོག་གི་བཙན་ས་ཟིན༔ འབུམ་ཕྲག་བཅུ་གཉིས་བཟླས་གྱུར་ཀྱང་༔ རིག་འཛིན་ཌཱ་ཀི་སྤྲིན་བཞིན་འདུ༔ གནས་སྐབས་ཕྲིན་ལས་རྣམ་བཞི་འགྲུབ༔ ཚེ་འདིའི་སྣང་བ་ནུབ་མ་ཐག༔ རྔ་ཡབ་པདྨ་འོད་དུ་འགྲོ༔ ཟུང་འཇུག་འཆི་མེད་རྡོ་རྗེའི་སྐུར༔ དབུགས་འབྱིན་འདི་ལ་ཐེ་ཚོམ་མེད༔ ས་མ་ཡ༔

ཁྱད་པར་ནང་ལྟར་སྒྲུབ་པ་ནི༔ ཐུགས་སྲོག་ལས་བྱུང་ཡི་གེའི་སྤྲིན༔ ཡབ་ཡུམ་གནས་བཞིའི་པདྨོར་སོན༔ བདེ་སྟོང་དགའ་བཞི་དབྱེར་མེད་པའི༔ རྣམ་ཀུན་མཆོག་ལྡན་རང་ཞལ་བལྟ༔ ཨོཾ་ཨཱཿཧཱུྃ་ཧྲཱི་ཧྲཱིཿབཛྲ་གུ་རུ་པདྨ་ཐོད་ཕྲེང་རྩལ་དེ་བ་ཌཱ་ཀི་ནཱི་བཛྲ་ས་མ་ཡ་ཛཿསརྦ་སིདྡྷི་ཕ་ལ་ཧཱུྃ་ཨཱཿ སླར་ཡང་འོད་ཟེར་འཕྲོ་འདུ་ཡིས༔ གང་འདུལ་ཕྲིན་ལས་ལྷུན་གྲུབ་གྱིས་གྲུབ༔ འགྲོ་ཀུན་ཆོས་ཉིད་གཅིག་གི་ངང་༔ སྒྱུ་འཕྲུལ་དྲྭ་བའི་དབང་ཐོབ་གྱུར༔ ཤནྟིཾ་པུཥྟིང་ཝ་ཤང་མཱ་ར་ཡ་ཕཊ༔ སྣོད་བཅུད་དཀྱིལ་འཁོར་འཁོར་ལོར་ཤར༔ སྲོག་རྩོལ་རྡོ་རྗེའི་སྔགས་སུ་རྫོགས༔ དྲན་རྟོག་རང་གྲོལ་གཉུག་མའི་ངང་༔ གཞོམ་མེད་ཧཱུྃ་ལྔའི་སྣང་གླུ་ལེན༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཀུན་རྫོབ་ཡུལ་སྣང་སྒྱུ་མའི་གཟུགས༔ དོན་དམ་སྟོང་ཆེན་འོད་གསལ་ངང་༔ ཐིམ་པས་མཐའ་བྲལ་ཟུང་འཇུག་གི༔ མི་སློབ་ཡེ་ཤེས་སྐུ་ཉིད་འགྲུབ༔ ས་མ་ཡ༔ རྗེས་ཀྱི་རིམ་པར་དང་པོ་ནི༔ མཆོད་ཅིང་བསྟོད་ལ་དངོས་གྲུབ་བླངས༔ ཧཱུྃ་ཧྲཱི༔ སྐུ་གསུམ་བདེ་ཆེན་རྡོ་རྗེའི་ཕོ་བྲང་ནས༔ བདེ་གཤེགས་ཀུན་འདུས་འཆི་མེད་ཐོད་ཕྲེང་རྩལ༔ དེང་འདིར་བསྙེན་ཅིང་སྒྲུབ་པའི་རྣལ་འབྱོར་ལ༔ མཆོག་ཐུན་དངོས་གྲུབ་སྩོལ་བའི་དུས་ལ་བབས༔ གནས་སྐབས་གྲུབ་པ་བརྒྱད་དང་ཕྲིན་ལས་བཞི༔ དབང་བཅུའི་ཡོན་ཏན་ལྷུན་གྱིས་གྲུབ་པ་དང་༔ མཐར་ཐུག་རིག་འཛིན་རྣམ་བཞིའི་གསེང་ལམ་ལས༔ སྐུ་དང་ཡེ་ཤེས་ཕྲིན་ལས་དབང་འབྱོར་སྩོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཕ་ལ་ཧོ༔ གཉིས་པ་ནོངས་པ་བཤགས་པ་ནི༔ ཧཱུྃ༔ གཟོད་ནས་རྣམ་པར་དག་པའི་གཤིས་ལུགས་ལ༔ གློ་བུར་འཁྲུལ་པའི་བཤགས་བྱ་མ་མཆིས་ཀྱང་༔ ཀུན་རྫོབ་སྒྱུ་མ་ལྟ་བུའི་སྣང་ཆ་རུ༔ ཉེས་པ་གང་མཆིས་སྙིང་ནས་བཟོད་པར་གསོལ༔ ཡི་གེ་བརྒྱ་པ་ལན་གསུམ་བརྗོད༔ གསུམ་པ་རྟག་མཐར་སྦྱང་བ་ནི༔ ཧོཿ སྣང་སྟོང་སྒྱུ་འཕྲུལ་དྲྭ་བའི་ཡེ་ཤེས་ལྷ༔ ཟུང་འཇུག་མཚན་མ་མེད་པའི་དབྱིངས་སུ་གཤེགས༔ རྟེན་དང་བརྟེན་པར་བཅས་པའི་དམ་ཚིག་པ༔ འོད་གསལ་སྨོན་པ་མེད་པའི་ཀློང་དུ་ཐིམ༔ ཨཱ་ཨཱ་ཨཱ༔ བཞི་པ་ཆད་མཐའ་བསལ་བ་ནི༔ ཨོཾ་ཨཱཿཧཱུྃ༔ སླར་ཡང་སྣང་བའི་རང་བཞིན་གནས་གསུམ་ལྷ༔ སྒྲར་གྲགས་རླུང་གི་འཁོར་ལོ་ཡི་གེའི་སྤྲིན༔ རྟོག་པ་རྟོག་མེད་རང་གྲོལ་གཉུག་མའི་ངང་༔ དུས་གསུམ་དུས་མེད་ཆེན་པོར་རྟག་ཏུ་སྤྱོད༔ ཧཱུྃ་ཧཱུྃ་ཧཱུྃ༔ ལྔ་པ་དགེ་ཚོགས་བསྔོ་བ་ནི༔ ཧྲཱི༔ འཆི་མེད་པདྨ་དྲྭ་བའི་དཀྱིལ་འཁོར་དུ༔ བསྐྱེད་རྫོགས་ཟུང་འཇུག་དགེ་ཚོགས་ཅི་མཆིས་པ༔ འགྲོ་ཀུན་བླ་མེད་གོ་འཕང་ཐོབ་བྱའི་ཕྱིར༔ སྤྲོས་བྲལ་ཆོས་སྐུའི་དབྱིངས་སུ་བསྔོ་བར་བགྱི༔ དྲུག་པ་སྨོན་ལམ་གདབ་པ་ནི༔ ཧོཿ ཕུང་ཁམས་འཇའ་ལུས་རྡོ་རྗེའི་སྐུར་སྨིན་ཤིང་༔ སྲོག་རྩོལ་འོད་གསལ་དབུ་མའི་ཀློང་དུ་རྫོགས༔ རིག་སྟོང་བརྗོད་བྲལ་གདོད་མའི་གཞི་དབྱིངས་སུ༔ རབ་འབྱམས་རྩ་གསུམ་གོ་འཕང་མངོན་གྱུར་ཤོག༔ བདུན་པ་ཤིས་པ་བརྗོད་པ་ནི༔ ཧཱུྃ་ཧྲཱི༔ སྤངས་རྟོགས་ཕྲིན་ལས་མཐར་ཕྱིན་རྫོགས་སངས་རྒྱས༔ དེས་གསུང་ཞི་བསིལ་བདུད་རྩི་དམ་པའི་ཆོས༔ ཚོགས་ཀྱི་མཆོག་གྱུར་འཕགས་པའི་དགེ་འདུན་ཏེ༔ བླ་མེད་དཀོན་མཆོག་གསུམ་གྱི་བཀྲ་ཤིས་ཤོག༔ བྱིན་རླབས་མཆོག་སྩོལ་རྩ་བརྒྱུད་བླ་མ་དང་༔ དངོས་གྲུབ་ཆར་འབེབས་ཡི་དམ་ཞི་དང་ཁྲོ༔ ཕྲིན་ལས་ལྷུན་གྲུབ་མཁའ་འགྲོ་ཆོས་སྐྱོང་སྟེ༔ རྩ་གསུམ་དཀྱིལ་འཁོར་ལྷ་ཡི་བཀྲ་ཤིས་ཤོག༔ ཐོག་མའི་མགོན་པོ་ཀུན་བཟང་སྣང་མཐའ་ཡས༔ ཁ་སྦྱོར་ཡན་ལག་བདུན་ལྡན་རྡོ་རྗེ་སེམས༔ གང་འདུལ་སྒྱུ་འཕྲུལ་དྲྭ་བའི་རྣམ་རོལ་ཅན༔ སྐུ་གསུམ་པདྨ་ཐོད་ཕྲེང་བཀྲ་ཤིས་ཤོག༔ ཐུན་མོང་ཕྲིན་ལས་མ་ལུས་ལྷུན་གྱིས་གྲུབ༔ སྒོ་གསུམ་རྡོ་རྗེ་གསུམ་གྱི་ངོ་བོར་ཤར༔ བདེ་སྟོང་ཟུང་འཇུག་འོད་གསལ་ཆོས་སྐུའི་ཀློང་༔ མཆོག་གི་དངོས་གྲུབ་བརྙེས་པའི་བཀྲ་ཤིས་ཤོག༔ གཞན་ཡང་ཤིས་བརྗོད་སྨོན་ལམ་རིགས༔ རྒྱ་ཆེར་བཏགས་པས་མཚམས་སྦྱོར་བྱ༔ ས་མ་ཡ༔ དེ་ལྟར་སྦྱོར་དངོས་རྗེས་གསུམ་གྱིས༔ རྩ་གསུམ་འཆི་མེད་ཐོད་ཕྲེང་རྩལ༔ བསྙེན་ཅིང་སྒྲུབ་པའི་ལམ་གྱི་རིམ༔ ཤིན་ཏུ་ཟབ་པའི་མཐར་ཐུག་འདི༔ འདས་དུས་བཀྲ་ཤིས་བྲག་གི་ཕུག༔ མཱ་ར་ཏཱི་ཀའི་ཚོགས་ཁང་དུ༔ རིག་སྔགས་གྲུབ་པའི་རྣལ་འབྱོར་དང་༔ དཔའ་བོ་ཌཱ་ཀིའི་དོན་དུ་བསྟན༔ ད་ལྟ་ལས་ཅན་དག་པའི་འཁོར༔ མངའ་བདག་རྗེ་འབངས་གྲོགས་བཅས་ལ༔ སྨིན་ཅིང་གྲོལ་བའི་སྒོ་འཕར་དབྱེ༔ མ་འོངས་ལྔ་བརྒྱའི་ཐ་མ་རུ༔ ཟབ་མོའི་ལམ་རྣམས་འཆལ་འགྱུར་ཞིང་༔ ངེས་དོན་རྟོག་གེའི་ཚིག་ལ་རེ༔ བློ་ཡིས་མཚོན་པའི་སྟོང་ལྟ་ཡིས༔ བདེན་གཉིས་རྒྱུ་འབྲས་ཁྱད་དུ་གསད༔ བོད་ཁམས་སྡུག་བསྔལ་གསུམ་གྱིས་མནར༔ དེ་ཡི་ཚེ་ན་བདག་ཉིད་དང་༔ འཇམ་དཔལ་ཆོས་ཀྱི་བཤེས་གཉེན་གྱིས༔ བྱིན་གྱིས་བརླབས་པའི་སྙིང་གི་བུ༔ འོད་གསལ་སྤྲུལ་པའི་རྡོ་རྗེའི་དོན༔ རིག་པ་དབྱིངས་ཀྱི་སྒྲོམ་བུར་སྦས༔ ནམ་ཞིག་རྟེན་འབྲེལ་དུས་བབས་ཚེ༔ ཡང་གསང་སྙིང་གི་ཐིག་ལེའི་སྐོར༔ སྐལ་བར་ལྡན་པའི་ཚོགས་རྣམས་ལ༔ རྒྱ་ཆེར་བཤད་དང་སྒྲུབ་པའི་མཐུས༔ གངས་ཅན་སྐྱེ་འགྲོ་བདེ་བས་འཚོ༔ འབྲེལ་ཚད་གཏན་བདེའི་ས་ལ་བཀོད༔ ཁྱད་པར་ཡར་མར་ཚེས་བཅུའི་དུས༔ འདི་ཉིད་ཚོགས་སུ་སྒྲུབ་པ་ན༔ དངོས་ཉམས་རྨི་ལམ་མ་ངེས་པར༔ བདག་གིས་ངེས་པར་བྱིན་རླབས་ཤིང་༔ འཕོས་ཚེ་ཟངས་མདོག་དཔལ་གྱི་རིར༔ རིག་པ་འཛིན་པའི་ཚོམ་བུར་སྦྱོར༔ དེ་ཕྱིར་སྙིང་གི་དབུས་སུ་ཟུངས༔ རྒྱ་རྒྱ་རྒྱ༔ དྷ་ཐིམ༔ ཞེས་པའང་རིག་འཛིན་གྲུབ་ཐོབ་ཡོངས་ཀྱི་འཁོར་ལོས་སྒྱུར་བ་འཇིགས་བྲལ་གྱི་སློབ་དཔོན་ཆེན་པོ་འོད་གསལ་སྤྲུལ་པའི་རྡོ་རྗེ་དགུང་གྲངས་བཅུ་དྲུག་པར༔ རྩ་གསུམ་རབ་འབྱམས་ཀྱི་བྱིན་རླབས་ལ་བརྟེན་ནས་དགོངས་པའི་གཏེར་དུ་བརྡོལ་བ་རིང་དུ་གསང་བའི་རྒྱས་བཏབ་པར་མཛད་ནས། དགུང་ལོ་ལྔ་བཅུར་ཕེབས་པ་སྐྱེས་བདག་ལྕགས་ལུག་ཆོ་འཕྲུལ་ཟླ་བའི་དཀར་ཕྱོགས་འགྲུབ་པའི་སྦྱོར་བ་དང་ལྡན་པའི་དུས་ཚེས་ཤིན་ཏུ་དགེ་བར། ཁོ་བོ་སྐལ་ལྡན་པདྨ་གར་དབང་བློ་གྲོས་མཐའ་ཡས་ཀྱིས་གུས་པ་ཆེན་པོས་གསོལ་བ་བཏབ་པའི་ངོར་གཏན་ལ་ཕབ་ཅིང་རྗེས་སུ་གནང་བ་འགྲོ་ཀུན་རྩ་གསུམ་བདེ་གཤེགས་འདུས་པའི་དཀྱིལ་འཁོར་ཆེན་པོར་དབུགས་དབྱུང་བའི་རྒྱུར་གྱུར་ཅིག །ཁ་སྐོང་ཕྲན་ཚེགས་རྣམ་ཀྱང་བཀའ་བཞིན་དཀྱུས་སུ་བསྡེབས་པ་དགེ་ལེགས་འཕེལ། ༈

།ཕྱི་སྒྲུབ་སྒྱུ་འཕྲུལ་དྲྭ་བ་ལས༔ ཕྲིན་ལས་འཆི་མེད་སྲོག་སྒྲུབ་བཞུགས༔ ཧྲཱི༔ འཆི་མེད་རིག་འཛིན་པདྨར་འདུད༔ གཞིར་གནས་ཟུང་འཇུག་ཐིག་ལེ་གསུམ༔ ལམ་དུས་བདེ་སྟོང་ཏིང་འཛིན་གྱི༔ སྲིད་ཞིའི་དྭངས་མར་སྒྲུབ་པ་ལས༔ འབྲས་བུ་འཆི་མེད་སྲོག་འགྲུབ་འགྱུར༔ ས་མ་ཡ༔ བདེར་གཤེགས་ཡོངས་འདུས་ཐོད་ཕྲེང་རྩལ༔ དཀྱིལ་འཁོར་འཁོར་ལོ་རབ་འབྱམས་ཀྱི༔ སྒྱུ་འཕྲུལ་དྲྭ་བའི་བསྐྱེད་རིམ་དང་༔ ཁྱད་པར་ལས་ལ་སྦྱོར་བ་ནི༔ ཧྲཱི༔ སྣང་བ་འཆི་མེད་ཐོད་ཕྲེང་རྩལ༔ སྟོང་པ་མནྡཱ་ར་བ་ཡུམ༔ ཟུང་འཇུག་རྩ་གསུམ་ཚེ་ཡི་ལྷ༔ རྡོ་རྗེ་ཕུང་པོའི་གྲོང་དུ་རྫོགས༔ བདེ་སྟོང་རོལ་པའི་འོད་ཟེར་གྱིས༔ ཕྱོགས་བཅུའི་ཞིང་ཁམས་རབ་འབྱམས་ཁྱབ༔ བླ་ཚེ་ཆད་ཉམས་ཡར་བ་དང་༔ བརྟན་གཡོ་སྲིད་ཞིའི་ཚེ་བཅུད་བསྡུས༔ ཐབས་མཆོག་བདེ་ཆེན་བྱང་ཆུབ་སེམས༔ ཤེས་རབ་སྟོང་ཉིད་ཙཎྜ་ལཱི༔ མཉམ་སྦྱོར་སྙིང་དབུས་ཐིག་ལེར་ཐིམ༔ སྒོ་གསུམ་འཆི་མེད་སྲོག་འགྲུབ་གྱུར༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུུ་ཥེ་ཧཱུྃ་ནྲྀ་ཛ༔ ཞེས་བཟླས་སྲོག་སྩོལ་དབུ་མར་བསྟིམ༔ གཞོམ་མེད་ཧྲཱིཿཡི་སྒྲ་སྒྲོགས་བསམ༔ འབར་འཛག་དགའ་བཞིའི་ཡེ་ཤེས་བསྐྱེད༔ དབྱིངས་རིག་ཟུང་འཇུག་ངང་དུ་བཞག༔ སྲོག་གི་སྙིང་པོ་ཧྲཱིཿཡིག་ནི༔ དུས་གསུམ་དུས་མེད་གཅིག་ཏུ་བཟླ༔ འཆི་མེད་གཉུག་མའི་ཡེ་ཤེས་ཀྱིས༔ པདྨ་ཐོད་ཕྲེང་ཚེ་འདིར་འགྲུབ༔ ས་མ་ཡ༔ སྐབས་སུ་ཐུགས་དམ་བསྐུལ་བ་ནི༔ རྩེ་གཅིག་མོས་གུས་དྲག་པོ་བསྐྱེད༔ ཧྲཱི༔ འོག་མིན་བདེ་ཆེན་རྡོ་རྗེའི་ཞིང་ཁམས་ནས༔ ཚེ་དཔག་མེད་མགོན་ལྷ་མོ་ཙཎྜ་ལཱི༔ དབྱིངས་རིག་འདུ་འབྲལ་མེད་པའི་ཀློང་ནས་བཞེངས༔ ངོ་བོ་འོད་གསལ་ཆོས་སྐུའི་ཚེ་བཅུད་ཁུག༔ ཧྲཱི༔ ལྔ་ལྡན་འཇའ་ཟེར་ཐིག་ལེའི་དཀྱིལ་འཁོར་ནས༔ སྤྱན་རས་གཟིགས་དབང་གསང་བ་ཡེ་ཤེས་ཡུམ༔ བདེ་སྟོང་འདུ་འབྲལ་མེད་པའི་ཀློང་ནས་བཞེངས༔ རང་བཞིན་ཁ་སྦྱོར་ལོངས་སྐུའི་ཚེ་བཅུད་ཁུག༔ ཧྲཱི༔ བཀྲ་ཤིས་བྲག་ཕུག་མཱ་ར་ཏཱི་ཀ་ནས༔ མཚོ་སྐྱེས་རྡོ་རྗེ་འཆི་མེད་མནྡཱ་ར༔ ཐབས་ཤེས་འདུ་འབྲལ་མེད་པའི་ཀློང་ནས་བཞེངས༔ ཐུགས་རྗེ་འགྲོ་འདུལ་སྤྲུལ་སྐུའི་ཚེ་བཅུད་ཁུག༔ ཧྲཱི༔ རང་སྣང་རྣམ་དག་ཟངས་མདོག་དཔལ་རི་ནས༔ པདྨ་ཐོད་ཕྲེང་བདེ་ཆེན་མཚོ་རྒྱལ་ཡུམ༔ སྣང་སྟོང་འདུ་འབྲལ་མེད་པའི་ཀློང་ནས་བཞེངས༔ འཁོར་འདས་བརྟན་དང་གཡཽོ་བའི་ཚེ་བཅུད་ཁུག༔ ཧྲཱི༔ འཆི་མེད་སྐུ་གསུམ་ཀུན་འདུས་ཚེ་ཡི་ལྷ༔ ཨོ་རྒྱན་ཆེན་པོ་པདྨ་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ སྔོན་གྱི་ཐུགས་དམ་རྗེས་སུ་དགོངས་ནས་ཀྱང་༔ འདིར་སྤྱོན་སྒྲུབ་པའི་རྫས་ལ་བྱིན་ཆེན་ཕོབ༔ ལུས་ངག་ཡིད་ལ་རྡོ་རྗེའི་དབང་བཞི་སྐུར༔ ཕུང་ཁམས་མི་ཤིགས་དྭངས་མ་གསུམ་ལྡན་ཀློང་༔ འཆི་མེད་འཇའ་ལུས་ཚེ་ཡི་དངོས་གྲུབ་སྩཽལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུུ་ཥེ་ཧཱུྃ་ནྲྀ་ཛཿ ཀཱ་ཡ་ཝཱ་ཀ་ཙིཏྟ་ཨཱ་ཡུརྫྙཱ་ན་སརྦ་སིདྡྷི་ཕ་ལ་ཧོཿ ཞེས་བསྐུལ་ཡེ་ཤེས་ལྷ་ཚོགས་ཀྱི༔ ཐུགས་རྗེའི་འོད་ཟེར་དཔག་མེད་འཕྲོས༔ འགྲོ་ཀུན་དུས་མིན་འཆི་བ་བསལ༔ སྣོད་བཅུད་དཀྱིལ་འཁོར་འཁོར་ལོར་བསྒྱུར༔ སྲིད་ཞིའི་ཚེ་དང་ཡེ་ཤེས་བཀུག༔ བདག་དང་སྒྲུབ་པའི་རྫས་ལ་ཐིམ༔ ཕུང་ཁམས་དྭངས་མའི་སྲོག་འགྲུབ་ཅིང་༔ འཆི་མེད་བདུད་རྩིར་འཁྱིལ་པར་བསམ༔ སྣོད་བཅུད་དཀྱིལ་འཁོར་འཁོར་ལོར་སྦ༔ རྩ་རླུང་ཐིག་ལེ་དབུ་མར་སྦ༔ སྣང་བ་སྟོང་པའི་དབྱིངས་སུ་སྦ༔ སྟོང་པ་རིག་པའི་སྙིང་པོར་སྦ༔ སྦ་བཞིའི་གནད་ལ་སུས་གོམས་པ༔ བར་ཆད་བགེགས་ཀྱིས་གླགས་མི་རྙེད༔ དུས་མིན་འཆི་དང་བདུད་བཞི་འཇོམས༔ ཚེ་དབང་རིག་འཛིན་མངོན་དུ་འགྱུར༔ ས་མ་ཡ༔ བདེ་གཤེགས་ཀུན་འདུས་ཐོད་ཕྲེང་ལྷའི༔ སྒྱུ་འཕྲུལ་དྲྭ་བའི་ཏིང་འཛིན་གྱི༔ ཕྲིན་ལས་འཆི་མེད་སྲོག་སྒྲུབ་འདི༔ སྙིང་གི་བུ་ལ་གཏད་དོ་རྒྱ༔ རྒྱ་རྒྱ་རྒྱ༔ དྷ་ཐིམ༔ ༈

།ལོ་རྒྱུས་ཟབ་དོན་གསལ་བྱེད། དབང་བཞི་ཡེ་ཤེས་སྣང་བ། མན་ངག་རྡོ་རྗེའི་ཚིག་རྐང༌། ཕྱི་སྒྲུབ་རྩ་གསུམ་འདུས་པ། ནང་སྒྲུབ་འཇིག་རྟེན་དབང་ཕྱུག །གསང་སྒྲུབ་པདྨ་གར་དབང༌། འཇའ་ལུས་རྡོ་རྗེའི་སྒྲུབ་པ། ཡང་གསང་པདྨ་དྲག་པོ། ཕྲིན་ལས་ཡིད་བཞིན་ནོར་བུ། ཚེ་སྒྲུབ་འཆི་མེད་སྙིང་པོ། ཕུར་པ་ཡེ་ཤེས་སྙིང་པོ། ཡང་དག་བདེ་ཆེན་སྙིང་པོ། གསོལ་འདེབས་བྱིན་རླབས་ཆར་འབེབས་བྱིན་འབེབས་ཡེ་ཤེས་ཆར་འབེབས། སྐོང་བཤགས་ཕྲིན་ལས་ཆར་འབེབས་སོ། ༈ །རྩ་གསུམ་འོད་གསལ་སྙིང་ཏིག་ལས༔ ཡན་ལག་ཚོགས་ཀྱི་འཁོར་ལོ་བཞུགས༔ དྷཱི།༔ རྩ་གསུམ་ཀུན་འདུས་པདྨར་འདུད༔ བསོད་ནམས་ཡེ་ཤེས་རྣལ་འབྱོར་གྱིས༔ སྒྲིབ་གཉིས་འཆིང་བ་གཅོད་བྱེད་པ༔ ཡན་ལག་ཚོགས་ཀྱི་འཁོར་ལོ་ནི༔ དབེན་ཞིང་ཉམས་དགའི་གནས་མཆོག་ཏུ༔ ཡར་མར་ཚེས་བཅུའི་དུས་སོགས་དང་༔ སྨིན་གྲཽལ་གདམས་པ་སྦྱིན་པའི་ཚེ༔ དཔའ་བོ་ཌཱ་ཀི་མཉེས་བྱེད་ཕྱིར༔ ཐབས་ཤེས་འདུ་བར་འོས་པའི་རྫས༔ རྣམ་དག་མཆོད་པས་མདུན་བདར་ཏེ༔ དང་པོ་བྱིན་གྱིས་བརླབ་པ་ནི༔ ཧཱུྃ་ཧྲཱི༔ བདག་ཉིད་ལྷར་གསལ་ཐུགས་ནས་རྃ་ཡྃ་ཁྃ༔ འཕྲོས་པས་ཚོགས་ཀྱི་ཉེས་སྐྱོན་བསྲེགས་གཏོར་བཀྲུས༔ ཕྱི་སྣོད་ཀློང་ལྔ་དབྱིངས་ཀྱི་ཀ་པ་ལར༔ ནང་བཅུད་འབྲུ་གསུམ་ཡེ་ཤེས་བདུད་རྩིར་འཁྱིལ༔ རྃ་ཡྃ་ཁྃ༔ ཨོཾ་ཨཱཿཧཱུྃ༔ གཉིས་པ་ཚོགས་ཞིང་སྤྱན་འདྲེན་ནི༔ ཧཱུྃ་ཧྲཱི༔ འོག་མིན་ཆོས་དབྱིངས་སྤྲོས་བྲལ་ཕོ་བྲང་དང་༔ ལྷུན་གྲུབ་ངེས་པ་ལྔ་ལྡན་ལོངས་སྐུའི་ཞིང་༔ འཆི་མེད་བདེ་ཆེན་པདྨ་དྲྭ་བ་སོགས༔ སྤྲུལ་པའི་དཀྱིལ་འཁོར་གནས་ཡུལ་དུར་ཁྲོད་ནས༔ ཕྱོགས་བཅུ་དུས་བཞིའི་རྒྱལ་བ་སྲས་བཅས་དང་༔ རྩ་གསུམ་ཀུན་འདུས་ཨོ་རྒྱན་ཐོད་ཕྲེང་རྩལ༔ རིག་འཛིན་ཌཱ་ཀི་རྒྱ་མཚོའི་འཁོར་དང་བཅས༔ འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ༔ ལྷུན་གྲུབ་ཚོགས་ཁང་རང་བཞིན་སྤྲུལ་པའི་ཞིང་༔ ཐབས་ཤེས་འདོད་ཡོན་མཆོག་གི་དམ་ཚིག་རྫས༔ སྣང་བ་ལྷ་ལ་གྲགས་པ་སྔགས་ཀྱི་སྒྲ༔ དྲན་རྟོག་ཀ་དག་ཆེན་པོར་བྱིན་ཕོབ་ཅིག༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནི་སརྦ་དྷརྨ་པཱ་ལ་བཛྲ་ས་མ་ཡ་ཨཱ་བེ་ཤ་ཡ་ཨཱའ་ཨཱ༔ གསུམ་པ་ཕྱི་ཡི་མཆོད་པ་ལ༔ དང་པོ་ཚོགས་ཕུད་འབུལ་བ་ནི༔ ཧཱུྃ་ཧྲཱི༔ བདེར་གཤེགས་རྒྱལ་བ་སྲས་བཅས་དམ་ཚིག་མཆོག༔ ཤ་ལྔ་བདུད་རྩི་རིགས་ལྔ་ཡེ་ཤེས་ལྔ༔ འདོད་པའི་ཡོན་ཏན་རྣམ་མང་མཆོད་སྤྲིན་གྱིས༔ བདེ་སྟོང་ཟུང་འཇུག་ཆེན་པོར་མཉེས་གྱུར་ཅིག༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་སརྦ་དྷརྨ་པཱ་ལ་མ་ཧཱ་ཨ་མྲྀ་ཏ་ག་ཎ་ཙ་ཀྲ་པཱུ་ཛ་ཁཱ་ཧིཿ བར་པ་ཉམས་ཆག་བཤགས་པ་ནི༔ ཧཱུྃ་ཧྲཱི༔ ཐོག་མེད་དུས་ནས་ད་ལྟ་ཡན་ཆད་དུ༔ བཅས་དང་རང་བཞིན་ཉམས་པའི་སྡིག་ལྟུང་གིས༔ རྩ་གསུམ་སྲུང་མའི་ཐུགས་དང་འགལ་བ་ཀུན༔ ཞལ་ཟས་ཚོགས་ཀྱི་མཆོད་པས་བསྐང་ཞིང་བཤགས༔ ཡི་གེ་བརྒྱ་པ་བརྗོད༔ ཐ་མ་སྦྱོར་སྒྲོལ་མཆོད་པས་བསྐང་༔ ཧཱུྃ་ཧྲཱི༔ བདག་ཏུ་འཛིན་པའི་དགྲ་བགེགས་འབྱུང་པོ་ཀུན༔ བདག་མེད་རྡོ་རྗེ་ཁྲོ་བོའི་ཚོགས་རྣམས་ཀྱིས༔ ཛཿཧཱུྃ་བྃ་ཧོཿཆོས་ཀྱི་དབྱིངས་སུ་བསྒྲལ༔ ཕུང་ཁམས་ཟག་མེད་ཚོགས་ཀྱི་འཁོར་ལོར་རོལ༔ ཨོཾ་ཨཱཿཧཱུྃ་སརྦ་ཤ་ཏྲཱུན་མཱ་ར་ཡ་ག་ཎ་ཙཀྲ་པཱུ་ཛ་ཧོཿ ནང་ལྟར་ཕུང་ཁམས་སྐྱེ་མཆེད་ཀྱི༔ ཡོངས་གྲུབ་དཀྱིལ་འཁོར་ལྷ་ཚོགས་མཆོད༔ ཧོཿ གདོད་ནས་དག་མཉམ་དབྱེར་མེད་རྟོགས་པའི་རྫས༔ ཐབས་དང་ཤེས་རབ་ཟུང་འཇུག་འདོད་ཡོན་མཆོག༔ ལྷུན་གྲུབ་རྡོ་རྗེ་ཕུང་པོའི་དཀྱིལ་འཁོར་གྱི༔ རང་བྱུང་གཉུག་མའི་ལྷ་ཚོགས་མཆོད་ཕྱིར་བཞེས༔ ཨོཾ་ཨཱཿཧཱུྃ༔ རྩ་གསུམ་འཁོར་ལོ་ལྔ་ལྡན་གྲོང་ཁྱེར་དུ༔ ལྷན་སྐྱེས་དཔའ་བོ་མཁའ་འགྲོའི་དཀྱིལ་འཁོར་ལྷ༔ བཟའ་བཅའ་བཏུང་བའི་རྡོ་རྗེའི་དམ་ཚིག་གིས༔ བདེ་སྟོང་དགའ་བཞིའི་འདུ་བ་རྒྱས་ཕྱིར་རོལ༔ ཨ་ལ་ལ་ཧོ༔ གསང་བ་འབར་དང་འཛག་པ་ཡིས༔ སྙོམས་འཇུག་ཟག་མེད་བདུད་རྩི་སྤེལ༔ བཞི་པ་ལྷག་མ་བསྔོ་བ་ནི༔ ཨ་ཀཱ་རོས་བརླབ༔ ཕཻཾ་གྱི་སྒྲས༔ ལྷག་སྡུད་ཚོགས་རྣམས་སྤྱན་དྲངས་ཏེ༔ ཧཱུྃ་ཧྲཱི༔ རྩ་གསུམ་དཀྱིལ་འཁོར་མུ་རན་སྐྱོང་བ་ཡི༔ ཡེ་ཤེས་ལས་གྲུབ་དཔལ་གྱི་ལྷག་སྡུད་ཀུན༔ ལོངས་སྤྱོད་ཚོགས་གྱི་ཕམ་ཕབས་འདི་ལོངས་ལ༔ རྣམ་བཞིའི་ཕྲིན་ལས་ལྷུན་གྱིས་གྲུབ་པར་མཛོད༔ མ་མ་ཌཱ་ཀི་ནཱི་ཀིངྐ་ར་ཨུཙྪིཥྟ་བ་ལིཾ་ཏཱ་ཁཱ་ཧི༔ ལྔ་པ་སྨོན་ལམ་གདབ་པ་ནི༔ ཧོཿ སྣང་སྲིད་དག་པ་རབ་འབྱམས་རྡོ་རྗེའི་གྲོང་༔ ཚོགས་གཉིས་ཟུང་འཇུག་འཁོར་ལོ་བསྐོར་བའི་མཐུས༔ འགྲོ་ཀུན་ཕྱི་ནང་གཞན་གསུམ་དབྱེར་མེད་པ༔ འཆི་མེད་པདྨ་ཐོད་ཕྲེང་འགྲུབ་པར་ཤོག༔ དྲུག་པ་ཐུགས་དམ་བསྐུལ་བ་ནི༔ ཧཱུྃ་ཧྲཱི༔ ལྷོ་ནུབ་རྔ་ཡབ་ཟངས་མདོག་དཔལ་གྱི་རི༔ སྐུ་གསུམ་དབྱེར་མེད་སྤྲུལ་པའི་དཀྱིལ་འཁོར་ནས༔ བདེ་གཤེགས་ཡོངས་འདུས་པདྨ་ཐོད་ཕྲེང་རྩལ༔ གཙོ་འཁོར་སྤྲུལ་པར་བཅས་པའི་ཐུགས་དམ་བསྐུལ༔ ཧྲཱི༔ གདོད་ནས་དག་པ་ཆོས་སྐུའི་ཕོ་བྲང་ནས༔ རབ་འབྱམས་རྩ་གསུམ་རྒྱལ་བའི་དཀྱིལ་འཁོར་ལྷ༔ འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེ༔ ཐུགས་དམ་བསྐུལ་ལོ་ཐུགས་རྗེ་དུས་འདིར་སྐྱེད༔ གནས་སྐབས་ཞི་རྒྱས་དབང་དང་དྲག་པོ་ཡི༔ གང་འདུལ་ཕྲིན་ལས་ལྷུན་གྱིས་གྲུབ་པ་དང་༔ མཐར་ཐུག་སྐུ་བཞི་དབྱེར་མེད་ཐིག་ལེའི་ཀློང་༔ ཁམས་གསུམ་འགྲོ་ཀུན་སྒྲོལ་བའི་ཕྲིན་ལས་མཛོད༔ བདུན་པ་ཆད་ཐོ་བསྒྲག་པ་ནི༔ ཧཱུྃ་བྷྱོཿ སྔོན་ཚེ་ཀུན་བཟང་གདོད་མའི་མགོན་པོ་ཡིས༔ དམ་ལ་བཞག་པའི་རིག་རྩལ་དྲེགས་ཚོགས་ཀུན༔ ཟུང་འཇུག་རྡོ་རྗེའི་གཏོར་མ་འདི་ལོངས་ལ༔ སྣང་བཞི་ཟད་སར་སྐྱེལ་བའི་ཕྲིན་ལས་མཛོད༔ ཧཱུྃ་བྷྱོཿ དེ་འོག་མཚོ་སྐྱེས་ཐོད་ཕྲེང་ཡབ་ཡུམ་གྱིས༔ དམ་ལ་བཞག་པའི་བདེ་སྟོང་དྲེགས་ཚོགས་ཀུན༔ ལྷན་སྐྱེས་ཉེ་རྒྱུའི་གཏོར་མ་འདི་ལོངས་ལ༔ འཆི་མེད་འོད་སྐུར་འགྲུབ་པའི་ཕྲིན་ལས་མཛོད༔ ཧཱུྃ་བྷྱོཿ ཐ་མ་དབང་དྲག་པདྨ་ཧེ་རུ་ཀས༔ དམ་ལ་བཞག་པའི་རྒྱུད་གསུམ་དྲེགས་ཚོགས་ཀུན༔ ཐ་ཚིག་གཉན་པོའི་གཏོར་མ་འདི་ལོངས་ལ༔ གང་འདུལ་ཕྲིན་ལས་ཡིད་བཞིན་འགྲུབ་པར་མཛོད༔ ཨོཾ་ཨཱཿཧཱུྃ་ཧྲཱིཿཧྲཱིཿཤྲཱི་མ་ཧཱ་ཀཱ་ལ་རཱ་ཧུ་ལ་ཨེ་ཀ་ཛ་ཊི་ཨ་ཡ་མ་དུ་རུ་ཙ་ཤ་ན་བ་ལིཾ་ཏ་བྷུཉྫ་ཁ་ཁ་ཁཱ་ཧི་ཁཱ་ཧི༔ བཛྲ་ས་མ་ཡ་ཧོ༔ བརྒྱད་པ་བརྟན་མ་སྐྱོང་བ་ནི༔ ཧཱུྃ་བྷྱོ༔ བོད་ཁམས་སྐྱོང་བའི་མ་མོ་བརྟན་མའི་ཚོགས༔ འདིར་གཤེགས་བཤལ་ཆུའི་བདུད་རྩི་འདི་གསོལ་ལ༔ འཆི་མེད་པདྨ་ཐོད་ཕྲེང་བཀའ་བཞིན་ཏུ༔ གངས་ཅན་བསྟན་དང་འགྲོ་ལ་ཕན་བདེ་སྤེལ༔ གཉུག་གནས་གློ་བུར་ལྷགས་པའི་འབྱུང་པོ་ཀུན༔ དྲག་ཤུལ་རྡོ་རྗེའི་རོལ་པས་ཚར་བཅད་ནས༔ བོད་ཁམས་སྐྱེ་དགུའི་ཚོགས་རྣམས་བདེ་བ་དང་༔ རྒྱལ་བསྟན་ཕྱོགས་བཅུར་དར་བའི་ཕྲིན་ལས་མཛོད༔ མ་མ་ཌཱ་ཀི་ནཱི་ཧྲཱིཾ་ཧྲཱིཾ་བ་ལིཾ་ཏ་ཁཱ་ཧི༔ དགུ་པ་མནན་པ་བྱ་བ་ནི༔ ཧཱུྃ་བྷྱོ༔ རྣམ་ཐར་གསུམ་ལྡན་རྡོ་རྗེ་བཙུན་མོའི་ཀློང་༔ གཉིས་འཛིན་ལོག་འདྲེན་དམ་སྲི་འབྱུང་པོའི་ཚོགས༔ མནན་ནོ་སྙིང་རྗེ་ཁྲོས་པའི་བྲོ་བརྡུངས་པས༔ བྱང་ཆུབ་བར་དུ་ལྡང་བར་མ་གྱུར་ཅིག༔ ཨོཾ་ཨཱཿཧཱུྃ་སྟྭཾ་བྷ་ཡ་ནནཿ གནས་སྐབས་སྒྲིབ་གཉིས་ཀུན་བྱང་ཞིང་༔ ཅི་འདོད་ཕྲིན་ལས་ཡིད་བཞིན་འགྲུབ༔ མཐར་ཐུག་རིག་འཛིན་མཆོག་བརྙེས་སླད༔ ཚོགས་གཉིས་ལམ་འདི་གཅེས་པར་ཟུངས༔ ས་མ་ཡ༔ རྒྱ་རྒྱ་རྒྱ༔ དྷ་ཐིམ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ སྐོང་བཤགས་འོད་གསལ་ཐོལ་གླུ་བཞུགས༔ དྷཱི།༔ འཆི་མེད་རྩ་གསུམ་ལྷ་ལ་འདུད༔ དེ་ཉིད་བསྙེན་ཅིང་སྒྲུབ་པ་དང་༔ ཚོགས་ཀྱི་འཁོར་ལོའི་འདུ་བའི་ཚེ༔ བསྐང་ཞིང་བཤགས་པའི་རིམ་པ་ལ༔ དང་པོ་བྱིན་གྱིས་བརླབ་པ་ནི༔ ཨཱཿ ཀུན་བརྟགས་སྣང་བ་དབྱིངས་སུ་ཐིམ་པའི་རྩལ༔ གཞན་དབང་དག་པ་རབ་འབྱམས་མཆོད་སྤྲིན་ཆེ༔ ཡོངས་གྲུབ་ཡེ་ཤེས་མཆོག་གིས་བྱིན་བརླབས་པས༔ མི་ཟད་ནམ་མཁའ་མཛོད་ཀྱི་འཁོར་ལོ་གྱུར༔ ནམ་མཁའ་མཛོད་ཀྱི་སྔགས་རྒྱས་བརླབ༔ གཉིས་པ་ཚོགས་ཞིང་སྤྱན་འདྲེན་ནི༔ ཧཱུྃ་ཧྲཱི༔ གདོད་ནས་སྤྲོས་བྲལ་འོད་གསལ་གཉུག་མའི་གཤིས༔ གཞི་དབྱིངས་ཁྱད་ཆོས་དྲུག་ལྡན་ཡེ་ཤེས་ལས༔ གཞི་སྣང་ལྷུན་གྲུབ་ལོངས་སྤྱོད་རྫོགས་སྐུའི་ཞིང་༔ འོག་མིན་གསང་ཆེན་རྡོ་རྗེའི་ཕོ་བྲང་ཆེ༔ སྤྲུལ་པའི་གྲོང་ཁྱེར་མེ་རི་འབར་བ་དང་༔ མངོན་པར་དགའ་དང་དཔལ་ལྡན་པདྨ་བརྩེགས༔ ལས་རབ་ཡོངས་སུ་རྫོགས་པའི་ཞིང་ཁམས་སོགས༔ ཕྱོགས་བཅུའི་ཞིང་བཞུགས་རྒྱལ་བ་སྲས་བཅས་དང་༔ ཕྱི་ལྟར་གདོད་ནས་གྲུབ་པའི་ཉེར་བཞིའི་ཡུལ༔ ནང་ལྟར་ལྷུན་གྲུབ་རྡོ་རྗེ་ཕུང་པོའི་གྲོང་༔ གསང་བ་རླུང་སེམས་དབུ་མར་ཐིམ་པའི་རྩལ༔ བདེ་སྟོང་ཟུང་དུ་འཇུག་པའི་དཀྱིལ་འཁོར་ནས༔ རྩ་བརྒྱུད་བླ་མ་ཡི་དམ་ཞི་ཁྲོའི་ལྷ༔ གནས་གསུམ་དཔའ་བོ་ཌཱ་ཀི་རྒྱ་མཚོ་དང་༔ ཡེ་ཤེས་ལས་གྲུབ་ཆོས་སྐྱོང་སྲུང་མའི་ཚོགས༔ ཐུགས་དམ་བསྐང་ཞིང་ཉམས་ཆག་བཤགས་པའི་ཕྱིར༔ རྩེ་གཅིག་གུས་པའི་ཡིད་ཀྱིས་སྤྱན་འདྲེན་ན༔ དོན་དམ་འགྲོ་འོང་མཚན་མ་ལས་འདས་ཀྱང་༔ ཀུན་རྫོབ་སྒྱུ་མ་ལྟ་བུའི་སྣང་ཆ་རུ༔ ཚད་མེད་ཐུགས་རྗེའི་དབང་གིས་གནས་འདིར་གཤེགས༔ གུ་རུ་དེ་བ་ཌཱ་ཀི་ནཱི་སརྦ་དྷརྨ་པཱ་ལ་བཛྲ་ས་མ་ཡ་ཛ་ཛ༔ དམ་ཚིག་ཡེ་ཤེས་གཉིས་མེད་དགྱེས་པར་བཞུགས༔ ལུས་ངག་ཡིད་གསུམ་གུས་པས་ཕྱག་འཚལ་ལོ༔ ཕྱི་ནང་གསང་གསུམ་ཀུན་བཟང་མཆོད་སྤྲིན་འབུལ༔ ཉོན་མོངས་ཤེས་བྱའི་སྒྲིབ་ཀུན་མཐོལ་ཞིང་བཤགས༔ བྱང་ཆུབ་སྤྱོད་པ་རྒྱ་མཚོར་རྗེས་ཡི་རངས༔ ཐེག་མཆོག་ཆོས་ཀྱི་འཁོར་ལོ་བསྐོར་བར་བསྐུལ༔ མྱ་ངན་མི་འདའ་རྟག་པར་བཞུགས་གསོལ་འདེབས༔ འདིས་མཚོན་དགེ་ཚོགས་ཆོས་དབྱིངས་སྙིང་པོར་བསྔོ༔ ཀུན་ཀྱང་རྣམ་ཀུན་མཆོག་ལྡན་ཐོབ་པར་ཤོག༔ གསུམ་པ་ཐུགས་དམ་བསྐང་བ་ནི༔ ཧཱུྃ་ཧྲཱི༔ འཆི་མེད་ཐོག་མའི་མགོན་པོ་སྣང་མཐའ་ཡས༔ བདེ་སྟོང་སྙིང་རྗེའི་སྐུར་བཞེངས་སྤྱན་རས་གཟིགས༔ སྲིད་ཞིར་མི་གནས་སངས་རྒྱས་པདྨ་སྐྱེས༔ སྐུ་གསུམ་དབྱེར་མེད་བླ་མའི་ཐུགས་དམ་བསྐང་༔ ཡེ་ཤེས་ཀློང་དགུའི་རང་གཟུགས་ཧེ་རུ་ཀ༔ གང་འདུལ་སྤྲུལ་པའི་རྣམ་རོལ་མཚན་མཆོག་བརྒྱད༔ ཡི་དམ་ཡོངས་འདུས་པདྨ་དྲག་པོ་རྩལ༔ དཀྱིལ་འཁོར་རྒྱ་མཚོའི་ངོ་བོར་ཐུགས་དམ་བསྐང་༔ རྣམ་ཀུན་མཆོག་ལྡན་རྡོ་རྗེ་བཙུན་མོའི་དབྱིངས༔ གནས་འདིར་བཅུ་དྲུག་བདེ་སྟེར་མནྡཱ་ར༔ མཁའ་འགྲོའི་ཚོགས་རྗེ་ཡེ་ཤེས་མཚོ་རྒྱལ་སོགས༔ གནས་གསུམ་ཌཱ་ཀི་རྒྱ་མཚོའི་ཐུགས་དམ་བསྐང་༔ ཟག་མེད་བདེ་ཆེན་ཐིག་ལེ་རཱ་ཧུ་ལ༔ ཤེས་རབ་སྟོང་ཆེན་དབྱིངས་ཕྱུག་ཨེ་ཀ་ཛ༔ ཟུང་འཇུག་དབུ་མར་ཤར་བའི་མ་ནིང་ནག༔ རྒྱུད་གསུམ་དྲེགས་ཚོགས་ཡོངས་ཀྱི་ཐུགས་དམ་བསྐང་༔ ཧཱུྃ་ཧྲཱི༔ ཐུགས་དམ་བསྐང་བའི་དམ་རྫས་མཆོད་པ་ནི༔ ཡན་ལག་བརྒྱད་ལྡན་མཆོད་ཡོན་བདུད་རྩིའི་མཚོ༔ དྲི་མེད་གངྒའི་རྒྱུན་གྱི་ཞབས་བསིལ་སྒྲེང་༔ ཆུ་སྐྱེས་ཐང་སྐྱེས་མེ་ཏོག་སྣ་ཚོགས་ཚལ༔ ལྷན་སྐྱེས་སྦྱར་བའི་བདུག་པའི་སྤྲིན་ཕུང་འཐུལ༔ ཉི་ཟླ་ནོར་བུ་སྒྲོན་མེའི་སྣང་གསལ་འབར༔ རེག་པས་བདེ་བ་སྟེར་བའི་དྲི་ཆབ་རྒྱུན༔ ཡིད་འཕྲོག་འཆི་མེད་གྲུབ་པའི་ཞལ་ཟས་དང་༔ དབྱངས་བདུན་རྫོགས་པའི་རོལ་མོའི་བྱེ་བྲག་སོགས༔ ཕྱི་མཆོད་འདོད་ཡོན་རྒྱ་མཚོས་ཐུགས་དམ་བསྐང་༔ ཕུང་ཁམས་དྭངས་མར་ཤར་བའི་ཕྱག་རྒྱའི་གཟུགས༔ གྲགས་སྟོང་ཐབས་ཤེས་ཨཱ་ལི་ཀཱ་ལིའི་སྒྲ༔ རླུང་སེམས་དབུ་མར་འཆིང་བའི་ལྷན་སྐྱེས་དྲི༔ ཧྃ་ཡིག་ག་བུར་བཞུ་བའི་བདུད་རྩིའི་རོ༔ ཨ་ཤད་གཏུམ་མོར་འབར་བའི་རེག་བྱ་དང་༔ དགའ་མཆོག་ཁྱད་པར་ལྷན་སྐྱེས་ཡེ་ཤེས་ཀྱི༔ རྣམ་འགྱུར་རྡོ་རྗེའི་རིག་མ་བཅུ་དྲུག་སོགས༔ རང་བྱུང་ནང་གི་མཆོད་པས་ཐུགས་དམ་བསྐང་༔ གཟུང་འཛིན་འཁྲུལ་པའི་མཚན་མ་ལས་འདས་པའི༔ སྣང་སྲིད་གཞིར་བཞེངས་ཡེ་ཤེས་ཀཱ་པ་ལར༔ བདེ་སྟོང་དབྱེར་མེད་བརྟུལ་ཞུགས་གྲུབ་པའི་དཔྱིད༔ ཐབས་ཤེས་དགའ་བཞིས་དྲངས་པའི་ཨ་མྲྀ་ཏ༔ རླུང་སེམས་དབུ་མར་འཆིང་བའི་དམར་ཆེན་པོ༔ ཟུང་འཇུག་ཕྱག་རྒྱ་ཆེན་པོའི་བ་ལིཾ་ཏ༔ ཕུང་ཁམས་དྭངས་མར་སྒྲུབ་པའི་དམ་ཚིག་རྫས༔ ལྷན་སྐྱེས་གསང་བའི་མཆོད་པས་ཐུགས་དམ་བསྐང་༔ གཞི་དབྱིངས་རིག་སྟོང་ཕྱག་རྒྱའི་པདྨོ་རུ༔ གཞི་སྣང་ཡེ་ཤེས་རྡོ་རྗེས་མཉམ་སྦྱོར་བས༔ སྲིད་དང་ཞི་བའི་ཆོས་ཁམས་ཇི་སྙེད་ཀུན༔ འོད་གསལ་རྣམ་ཀུན་མཆོག་ལྡན་ཀློང་དུ་བསྒྲལ༔ ཀ་དག་བྱར་མེད་གཉུག་མ་རྡོ་རྗེའི་སྲོག༔ ལྷུན་གྲུབ་ཐིག་ལེ་ཆེན་པོར་ཤར་བའི་གཟུགས༔ བླང་དོར་སྤྲོས་པའི་ཕ་རོལ་ནས་བརྒལ་བ༔ བླ་མེད་མཆོག་གི་མཆོད་པས་ཐུགས་དམ་བསྐང་༔ ཆོས་ཉིད་མངོན་སུམ་མཇའ་ཟེར་ཐིག་ལེའི་སྦུབས༔ ཉམས་སྣང་གོང་འཕེལ་སྣ་ཚོགས་མཆོད་སྤྲིན་ཆེས༔ རིག་པ་ཚད་ཕེབས་དོན་གྱི་ལྷ་ཚོགས་རྣམས༔ ཆོས་ཟད་བློ་འདས་ཆེན་པོར་ཐུགས་དམ་བསྐང་༔ ཐུགས་དམ་བསྐང་གྱུར་ལས་བཞི་གྲུབ་པ་བརྒྱད༔ རིན་འཛིན་རྣམ་བཞིའི་གོ་འཕང་ལ་བརྟེན་ནས་༔ ཚེ་གཅིག་འཆི་མེད་འཇའ་ལུས་རྡོ་རྗེའི་གྲོང་༔ སྐུ་དང་ཡེ་ཤེས་མཆོག་གི་དངོས་གྲུབ་སྩོལ༔ བཞི་པ་ཉམས་ཆག་བཤགས་པ་ནི༔ ཕྱོགས་བཅུ་དུས་བཞིའི་རྒྱལ་བ་སྲས་བཅས་དང་༔ རྩ་བརྒྱུད་བླ་མ་ཡི་དམ་དཀྱིལ་འཁོར་ལྷ༔ དཔའ་བོ་མཁའ་འགྲོ་དམ་ཅན་རྒྱ་མཚོར་བཅས༔ ཀུན་ནས་མཁྱེན་བརྩེས་བདག་ལ་དགོངས་སུ་གསོལ༔ གསང་ཆེན་རྡོ་རྗེའི་རིག་པ་འཛིན་པ་ཡི༔ རྣལ་འབྱོར་བདག་ཅག་འདུས་པར་བཅས་པ་ཀུན༔ བླ་མེད་བྱང་ཆུབ་སྙིང་པོ་བསྒྲུབ་པའི་ཕྱིར༔ སྨོན་དང་འཇུག་པའི་སེམས་གཉིས་རབ་བསྐྱེད་ནས༔ སོ་ཐར་ཐེག་ཆེན་གསང་སྔགས་བསླབ་པ་རྣམས༔ སྲོག་གི་ཕྱིར་ཡང་མི་གཏོང་ཅི་ནུས་སུ༔ ཚུལ་བཞིན་བསྲུང་བར་ཁས་བླངས་དམ་བཅས་ཀྱང་༔ གཟུང་འཛིན་ཉོན་མོངས་འཁྲུལ་པའི་གཞན་དབང་ལ༔ བརྟེན་ནས་ཉམས་ཤིང་ཆག་པར་གྱུར་པ་ཀུན༔ མི་འཆབ་མི་སྦེད་གནོང་འགྱོད་དྲག་པོ་ཡིས༔ སྙིང་ནས་སོ་སོར་བཤགས་ཅིང་སྡོམ་བགྱིད་ན༔ ཚངས་པ་མཆོག་གི་དངོས་གྲུབ་སྩལ་དུ་གསོལ༔ དོན་དམ་བརྗོད་བྲལ་གཉུག་མའི་གཤིས་ལུགས་ལ༔ བཤགས་དང་བཤགས་པར་བྱ་བ་ལས་འདས་ཀྱང་༔ ཀུན་རྫོབ་སྒྱུ་མ་ལྟ་བུའི་སྣང་ཆ་རུ༔ ཉེས་པ་གང་མཆིས་སྙིང་ནས་བཟོད་པར་གསོལ༔ ཡི་གེ་བརྒྱ་པ་ལན་གསུམ་མཐར༔ འཁོར་གསུམ་སྤྲོས་བྲལ་ངང་དུ་བཞག༔ ལྔ་པ་སྨོན་ལམ་གདབ་པ་ནི༔ ཧོཿ དེ་ལྟར་བསྐངས་ཤིང་བཤགས་པའི་བྱིན་རླབས་ཀྱིས༔ བདག་གཞན་མཁའ་ཁྱབ་འགྲོ་བ་མ་ལུས་ཀུན༔ སྲིད་ལས་ངེས་འབྱུང་བྱང་ཆུབ་སེམས་བསྐྱེད་ནས༔ བླ་མེད་ཐེག་ཆེན་མཆོག་ལ་འཇུག་པར་ཤོག༔ དེ་ཚེ་དངོས་གྲུབ་རྒྱ་མཚོའི་འབྱུང་གནས་མཆོག༔ རྡོ་རྗེ་སློབ་དཔོན་བྱམས་པའི་བཀའ་དྲིན་ལས༔ སྨིན་གྲོལ་ཟབ་མོའི་གདམས་པའི་བཅུད་ཐོབ་ནས༔ གསང་ཆེན་རྡོ་རྗེའི་རིག་པ་འཛིན་པར་ཤོག༔ སྣང་སྲིད་དག་པ་ལྷ་ཡི་ཞིང་དང་སྐུར༔ ཡོངས་ཤར་བཟླས་པ་སྔགས་ཀྱིས་རྒྱུད་བསྐུལ་བས༔ རྩ་གསུམ་དཀྱིལ་འཁོར་འཁོར་ལོ་རབ་འབྱམས་ཀྱིས༔ དགྱེས་པའི་ཞལ་བསྟན་གསུང་གི་དབུགས་དབྱུང་ཤོག༔ སྲོག་རྩོལ་ཁ་སྦྱོར་རླུང་གི་རྣལ་འབྱོར་དང་༔ འབར་འཛག་དབུ་མར་ཐིམ་པའི་ཏིང་འཛིན་གྱིས༔ ཕུང་ཁམས་སྐྱེ་མཆེད་དྭངས་མར་ཡོངས་ཤར་ཅིང་༔ ས་བཅུ་དབུ་མའི་ཀློང་དུ་རྫོགས་པར་ཤོག༔ དངོས་དང་ཡིད་ལས་བྱུང་བའི་ཙཎྜ་ལཱི༔ སྙོམས་འཇུག་གསང་བའི་མཆོད་པས་མཉེས་བྱས་མཐུས༔ ལུགས་འབྱུང་ལུགས་ལྡོག་དགའ་བཞིའི་ཡེ་ཤེས་ཀྱིས༔ ལྷན་སྐྱེས་བདེ་སྟོང་དབྱེར་མེད་འགྲུབ་པར་ཤོག༔ ཀ་དག་མངོན་སུམ་རིག་པའི་ངང་ཉིད་ལས༔ ལྷུན་གྲུབ་སྣང་བ་བཞི་ཡི་ཉམས་ལེན་གྱིས༔ ཟག་བཅས་འཁྲུལ་པའི་ཕུང་ཁམས་སྐྱེ་མཆེད་ཀུན༔ འཇའ་ལུས་རྡོ་རྗེའི་སྐུ་རུ་གནས་འགྱུར་ཤོག༔ ཚེ་འདིར་མཆོག་གི་དངོས་གྲུབ་མ་ཐོབ་ན༔ འཆི་བ་ཆོས་སྐུ་བར་དོ་ལོངས་སྐུ་དང་༔ སྐྱེ་སྲིད་སྤྲུལ་པའི་སྐུ་ཡི་རྣམ་རོལ་གྱིས༔ རང་གཞན་དོན་གཉིས་ལྷུན་གྱིས་གྲུབ་པར་ཤོག༔ གཞན་ཡང་བསྟན་འཛིན་སྐྱེས་མཆོག་དམ་པ་རྣམས༔ ཞབས་པད་བརྟན་ཅིང་བཤད་སྒྲུབ་བསྟན་པ་དར༔ འགྲོ་ཀུན་མི་མཐུན་རྒུད་པ་ཀུན་ཞི་ཞིང་༔ ཕན་བདེའི་དཔལ་འབྱོར་རྟག་ཏུ་རྒྱས་པར་ཤོག༔ མདོར་ན་གནས་སྐབས་ཕྲིན་ལས་རྣམ་བཞི་དང་༔ གྲུབ་ཆེན་བརྒྱད་དང་དབང་བཅུ་ཕྱི་ནང་གཉིས༔ རྣམ་སྨིན་ཚེ་དབང་འོད་གསལ་ཕྱག་རྒྱ་ཆེ༔ ལྷུན་གྱིས་གྲུབ་པའི་རིག་འཛིན་མཐར་ཕྱིན་ཤོག༔ མཐར་ཐུག་སྐུ་དང་ཡེ་ཤེས་དབྱེར་མེད་པ༔ འཆི་མེད་རྩ་གསུམ་དཀྱིལ་འཁོར་མངོན་གྱུར་ནས༔ བུམ་པ་བཟང་དང་དཔག་བསམ་ནོར་བུ་ལྟར༔ གཞན་དོན་ཕྲིན་ལས་ལྷུན་གྱིས་གྲུབ་པར་ཤོག༔ མཆོད་བྱ་མཆོད་བྱེད་མཆོད་ཡུལ་མ་ལུས་ཀུན༔ ཀུན་རྫོབ་མཁའ་ལ་འཇའ་ཚོན་ཤར་བ་ལྟར༔ སྣང་ཡང་གཟུང་འཛིན་སྤྲོས་པ་ལས་འདས་པའི༔ དོན་དམ་རིག་སྟོང་རྗེན་པའི་དབྱིངས་སུ་ཨ༔ ཞེས་བརྗོད་རྗེས་ཀྱི་བྱ་བ་རྣམས༔ སྒྲུབ་པའི་ཕྲིན་ལས་གཞུང་བཞིན་བྱ༔ ས་མ་ཡ༔ དེ་ལྟར་རྩ་གསུམ་དཀྱིལ་འཁོར་གྱི༔ སྐོང་བཤགས་འོད་གསལ་ཐོལ་གླུ་འདི༔ མ་འོངས་རྡོ་རྗེའི་རིག་འཛིན་རྣམས༔ དངོས་གྲུབ་རྣམ་གཉིས་ཐོབ་ཕྱིར་བསྟན༔ ས་མ་ཡ༔ རྒྱ་རྒྱ་རྒྱ༔ གུཧྱ༔ བརྡ་ཐིམ༔ གར་དབང་འོད་གསལ་གླྀང་པས་ཟབ་མོ་དགོངས་པའི་གཏེར་མཛོད་ལས་ཕྱུང་བའོ། ཤུབྷཾ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཐུན་མོང་སྨིན་བྱེད་ཡེ་ཤེས་ཐིག་ལེ་བཞུགས༔ དྷཱི།༔ འཆི་མེད་རྩ་གསུམ་ལྷ་ལ་འདུད༔ ཐུན་མོང་ཕུང་པོ་རྣམ་པ་ལྔ༔ ཡེ་ཤེས་རྣམ་ལྔའི་ཐིག་ལེ་རུ༔ སྨིན་བྱེད་རིགས་མཆོག་རྣམ་ལྔ་ཡི༔ རྡོ་རྗེའི་དབང་བསྐུར་ཆེན་པོ་བསྟན༔ ས་མ་ཡ༔ དད་དང་བརྩོན་འགྲུས་ལྡན་པ་ཡི༔ སློབ་མ་ཁྲུས་བྱས་གྲལ་ལ་འཁོད༔ བགེགས་ཕྲལ་སྲུང་བའི་འཁོར་ལོ་བསྒོམ༔ ལོ་རྒྱུས་མཚམས་སྦྱར་མཎྜལ་འབུལ༔ ཆས་སུ་གཞུག་ཅིང་གསོལ་གདབ་ནི༔ སངས་རྒྱས་ཀུན་གྱི་ཡེ་ཤེས་སྐུ༔ རྡོ་རྗེ་སློབ་དཔོན་དགོངས་སུ་གསོལ༔ བདག་ཅག་འཁོར་བ་ལས་བསྒྲལ་ཕྱིར༔ དཀྱིལ་འཁོར་ཆེན་པོར་འཇུག་པར་འཚལ༔ ལན་གསུམ་རྗེས་སུ་སློབ་དཔོན་གྱིས༔ གསང་བ་བླ་མེད་དཀྱིལ་འཁོར་འདིར༔ སྨིན་པའི་དབང་མཆོག་དོན་གཉེར་ན༔ དབང་སྲོག་དམ་ཚིག་རྒྱ་མཚོའི་གནས༔ སྲོག་ལ་བབས་ཀྱང་སྲུང་ནུས་སམ༔ ཞེས་དྲིས་དེ་ཡི་ལན་བཏབ་པ༔ ལྷ་དང་དབྱེར་མེད་སློབ་དཔོན་གྱི༔ བཀའ་བཞིན་རྗེས་སུ་སྒྲུབ་ལགས་ཀྱི༔ སོ་ཐར་བྱང་སེམས་རིག་འཛིན་ཀྱི༔ སྡོམ་པས་བདག་རྒྱུད་གཏམས་པར་མཛོད༔ ཞེས་གསོལ་གནང་བ་སྦྱིན་པ་ནི༔ དུས་གསུམ་གཤེགས་པའི་སངས་རྒྱས་ཀུན༔ རྡོ་རྗེའི་ལམ་མཆོག་འདི་ལ་བརྟེན༔ དེ་ཕྱིར་གསང་ཆེན་དཀྱིལ་འཁོར་འདིར༔ བུ་ཁྱོད་འཇུག་ཅིང་སྨིན་པར་བྱ༔ ཞེས་བརྗོད་སྐྱབས་སེམས་འབོགས་པ་ནི༔ མདུན་མཁར་རྩ་གསུམ་རབ་འབྱམས་ལྷ༔ མངོན་སུམ་ལྟ་བུར་བཞུགས་པའི་མདུན༔ གུས་པ་ཆེན་པོས་འཁོད་པའི་བློས༔ ཚིག་འདི་དག་གི་བཟུང་དུ་གཞུག༔ ན་མོ༔ བདག་སོགས་མཁའ་མཉམ་འགྲོ་བ་ཀུན༔ དེང་ནས་བྱང་ཆུབ་སྙིང་པོའི་བར༔ བླ་མ་དཀོན་མཆོག་རྒྱ་མཚོ་ལ༔ མི་ཕྱེད་གུས་པས་སྐྱབས་སུ་མཆི༔ མར་གྱུར་རིགས་དྲུག་སེམས་ཅན་རྣམས༔ སྡུག་བསྔལ་མཚོ་ལས་བསྒྲལ་བྱའི་ཕྱིར༔ རྩ་གསུམ་དཀྱིལ་འཁོར་འདིར་ཞུགས་ནས༔ དོན་གཉིས་བསྒྲུབ་པར་སེམས་བསྐྱེད་དོ༔ ལན་གསུམ་བར་དུ་ནན་ཏན་དང་༔ བསགས་སྦྱོང་སྤེལ་བའི་རྣལ་འབྱོར་བྱ༔ ཁྱད་པར་སྡོམ་པ་བཟུང་བ་ནི༔ ཧོཿ རྩ་གསུམ་དཀྱིལ་འཁོར་ལྷ་ཚོགས་དང་༔ རྡོ་རྗེ་སློབ་དཔོན་དགོངས་སུ་གསོལ༔ རིག་པ་འཛིན་པ་བདག་གིས་ནི༔ དེང་ནས་བྱང་ཆུབ་སྙིང་པོའི་བར༔ ངེས་པར་འབྱུང་བས་རྒྱུད་བསྐུལ་ནས༔ ཕྱི་ནང་གསང་བ་བླ་མེད་པའི༔ མཆོག་གསུམ་སྐྱབས་ཀྱི་སྙིང་པོར་བཟུང་༔ ལུས་ངག་ཡིད་ཀྱིས་གཞན་རྣམས་ལ༔ གནོད་པའི་བསམ་སྦྱོར་ཡོངས་སྤོངས་ཤིང་༔ བྱམས་དང་སྙིང་རྗེ་ཆེན་པོའི་བློས༔ ཕ་རོལ་ཕྱིན་པ་དྲུག་ལ་སོགས༔ ཕན་བདེའི་སྤྱོད་པ་རླབས་ཆེན་སྤྱད༔ མ་བསྒྲལ་བསྒྲལ་དང་མ་སྒྲོལ་སྒྲོལ༔ དབུགས་མ་ཕྱུང་རྣམས་དབུགས་དབྱུང་ཞིང་༔ ཐམས་ཅད་སྲིད་ཞི་ལས་འདས་པའི༔ བླ་མེད་བྱང་ཆུབ་དམ་པར་འགོད༔ བདེར་གཤེགས་རྡོ་རྗེ་རིན་པོ་ཆེ༔ པདྨ་ལས་ཀྱི་སྡོམ་པ་དང་༔ ཡན་ལག་དམ་ཚིག་ཉི་ཤུ་ལྔ༔ རྩ་བ་སྐུ་གསུང་ཐུགས་ལ་སོགས༔ རྡོ་རྗེ་འཆང་གི་རྒྱུད་སྡེ་ལས༔ སྔགས་ཀྱི་འདུལ་བར་གང་གསུངས་པ༔ སྲོག་གི་ཕྱིར་ཡང་མི་གཏོང་ན༔ གཙོ་བོས་བདག་ལ་བཀའ་དྲིན་མཛོད༔ ལན་གསུམ་བར་དུ་ཁས་བླངས་ཤིང་༔ གསང་སྔགས་ནང་གི་སེམས་བསྐྱེད་བྱ༔ ཕྱི་ལྟར་འཇུག་ཕྱིར་གསོལ་བ་གདབ༔ ཧོཿ སྨོན་པ་ཚད་མེད་རྣམ་བཞིའི་དངོས༔ དཀྱིལ་འཁོར་ཆེན་པོའི་སྒོ་ཕྱེ་ནས༔ གཉིས་མེད་འཇུག་པའི་བྱང་ཆུབ་སེམས༔ ཡེ་ཤེས་ལྷ་ཚོགས་བསྟན་ཏུ་གསོལ༔ ལན་གསུམ་རྗེས་སུ་སློབ་དཔོན་གྱིས༔ བདེ་ཆེན་རོལ་པའི་དཀྱིལ་འཁོར་ནས༔ དགའ་བཞིའི་ཡེ་ཤེས་གཟུགས་འཆང་བ༔ གང་འདུལ་ཕྲིན་ལས་སྒོ་བ་བཞིས༔ སྐལ་བར་ལྡན་རྣམས་གཞུགས་པར་འཚལ༔ ཛཿཧཱུྃ་བྃ་ཧོཿ པྲ་བེ་ཤ་ཡ་ཕཊ༔ ཅེས་བརྗོད་ལས་ཀྱི་རྡོ་རྗེ་ཡིས༔ དཀྱིལ་འཁོར་ནང་དུ་འཁྲིད་པར་མོས༔ སྐུ་གསུང་ཐུགས་ཀྱི་ཕྱག་བྱས་ནས༔ ནང་ལྟར་འཇུག་པའི་དང་པོ་ནི༔ དམ་ལ་བཞག་པ་རྣམ་བཞི་སྦྱིན༔ ཧོཿ དེང་ཁྱོད་རང་སྣང་དཀྱིལ་འཁོར་ཆེར༔ མཆོག་ཏུ་གསང་བས་རབ་ཞུགས་ན༔ ཡེ་ཤེས་དངོས་གྲུབ་ཐོབ་འགྱུར་གྱི༔ གཞན་དུ་སྨྲས་ན་དེ་ལྟར་མིན༔ བཛྲ་གུ་ཧྱ་ས་མ་ཡ་ཧོཿ གཉིས་མེད་ཡེ་ཤེས་རྡོ་རྗེ་སེམས༔ ཁྱོད་ཀྱི་སྙིང་དབུས་ཡང་དག་ཞུགས༔ ཚུལ་མིན་སྨྲས་ན་ཉམས་པར་འགྱུར༔ དེ་བས་གསང་ཆེན་ཐུབ་པར་གྱིས༔ བཛྲ་ས་ཏྭ་ཛྙཱ་ན་ས་མ་ཡ་ཨཱཿ རྡོ་རྗེའི་དམ་ཚིག་བདུད་རྩིའི་ཆུ༔ འཐུངས་ཤིག་འཐུངས་ཤིག་སེམས་དཔའ་ཆེ༔ དམ་ཚིག་འདས་ན་སྲེག་བྱེད་ཅིང་༔ བསྲུང་ན་དངོས་གྲུབ་རྣམ་གཉིས་ཐོབ༔ བཛྲ་ཨ་མྲྀ་ཏ་ཨུ་ད་ཀ་ས་མ་ཡ་ཧོཿ དེང་ནས་ཁྱོད་ཀྱི་ཧེ་རུ་ཀ༔ རྡོ་རྗེ་སློབ་དཔོན་ང་ཡིན་གྱི༔ ཇི་ལྟར་བསྒོ་བའི་ཐ་ཚིག་ལས༔ ནམ་ཡང་འདའ་བར་མ་བྱེད་ཅིག༔ བཛྲ་ས་མ་ཡ་རཀྵནྟུ༔ ཡེ་ཤེས་དབང་ཕྱིར་གསོལ་བ་གདབ༔ ཧོཿ རམ་འབྱམས་རྩ་གསུམ་ལྷ་ཚོགས་ཀྱི༔ རྡོ་རྗེ་ཡེ་ཤེས་བདེ་བ་ཆེ༔ དེང་འདིར་བདག་ལ་དབབ་ནས་ཀྱང་༔ བྱིན་གྱིས་བརླབ་པར་མཛད་དུ་གསོལ༔ སློབ་མ་ལུས་གནད་དྲང་པོར་བསྲང་༔ དམ་ཚིག་ལྷར་བསྐྱེད་ཡེ་ཤེས་དབབ༔ བྱིན་ཆེན་འབེབས་པའི་རྟགས་བྱུང་ན༔ ཏིཥྛ་བཛྲས་བརྟན་པར་བྱ༔ དེ་ནས་མེ་ཏོག་དོར་བ་ནི༔ ཧོཿ རང་སྣང་རྣམ་དག་འོག་མིན་དུ༔ བདེ་ཆེན་རྡོ་རྗེའི་མཎྜ་ལར༔ རིག་པའི་མེ་ཏོག་འདི་དོར་བས༔ ལྷག་པའི་ལྷ་ལ་འབབ་པར་ཤོག༔ ཨོཾ་སརྦ་ཏ་ཐཱ་ག་ཏ་མཎྜལ་ལ་པུཥྤེ་པྲ་ཏཱིཙྪ་ཧོ༔ ཁྱོད་ནི་བླ་མེད་བྱང་ཆུབ་ཀྱི༔ ཡེ་ཤེས་དམ་པའི་སྣོད་ཡིན་ཕྱིར༔ རྡོ་རྗེའི་དམ་ཚིག་འདི་ཟུངས་ལ༔ རང་གཞན་དོན་གཉིས་བསྒྲུབ་པར་གྱིས༔ པྲ་ཏི་གྲྀཧྞ་ཨི་མཾ་ས་ཏྭ་མ་ཧཱ་བཱ་ལ༔ ཞེས་བརྗོད་ལྷག་ལྷ་སྤྱྀ་བོར་བསྟིམ༔ སྒྲིབ་གཉིས་མིག་རས་བསལ་བ་ནི༔ ཨེ་མ་ཧོ་གདོད་ནས་རྣམ་དག་པའི༔ དྲི་མེད་འོད་གསལ་རྡོ་རྗེའི་སྤྱན༔ གློ་བུར་འཁྲུལ་པས་བསྒྲིབས་པའི་མུན༔ ཡེ་ཤེས་ཐུར་མས་དབྱེ་བར་བྱ༔ ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ ཅེས་བརྗོད་དཀྱིལ་འཁོར་བལྟ་བར་བསྐུལ༔ ལྟོས་ཤིག་སྐལ་ལྡན་རིགས་ཀྱི་བུ༔ ད་ནི་དད་པ་རབ་ཏུ་བསྐྱེད༔ རྩ་བ་གསུམ་གྱི་དཀྱིལ་འཁོར་འདིར༔ རྡོ་རྗེའི་རིག་པ་འཛིན་པར་འགྱུར༔ ཧེ་བཛྲ་སརྦ་ཏ་ཐཱ་ག་ཏ་མཎྜ་ལ་པ་ཤྱ་ཧོཿ ཞེས་བསྐུལ་དཀྱིལ་འཁོར་བསྟན་པ་ནི༔ ཧོཿ ཀ་དག་གཏིང་གསལ་ཆོས་ཀྱི་སྐུ༔ སྤྲོས་པ་བྲལ་བའི་ཡེ་ཤེས་ལས༔ ལྷུན་གྲུབ་འོད་ལྔའི་ཞིང་ཁམས་སུ༔ ལོངས་སྤྱོད་ཡོངས་རྫོགས་འཁོར་ལོར་ཤར༔ ཟུང་འཇུག་སྤྲུལ་པའི་རྣམ་རོལ་ནི༔ ལྷག་པ་གཟུགས་བརྙན་དཀྱིལ་འཁོར་འདིར༔ ས་བཅུ་ལམ་ལྔའི་ཡོན་ཏན་ཀུན༔ མ་བཙལ་ལྷུན་གྱིས་གྲུབ་པ་ཡི༔ ཐར་པ་ཆེན་པོའི་གཞལ་མེད་ཁང་༔ ཡིད་འོང་ཉམས་དགའི་གནས་མཆོག་ཏུ༔ སྐུ་དང་ཡེ་ཤེས་དབྱེར་མེད་པའི༔ རབ་འབྱམས་རྩ་གསུམ་ལྷ་ཡི་ཚོགས༔ སྣང་ལ་རང་བཞིན་མ་གྲུབ་པར༔ གང་འདུལ་ཚུལ་གྱིས་བཞུགས་པ་རྣམས༔ མངོན་སུམ་ལྟ་བུར་མཐོང་བའི་བློས༔ གཉིས་སུ་འཛིན་པའི་རྟོག་པ་སྤངས༔ ཐམས་ཅད་རང་སྣང་ཉིད་ཡིན་ཕྱིར༔ གཉིས་མེད་ཡེ་ཤེས་ཆེན་པོར་སྦྱོར༔ ཕྱི་རུ་མཚོན་བྱེད་དཀྱིལ་དང་འཁོར༔ ནང་ལྟར་རྡོ་རྗེ་ཕུང་པོའི་གྲོང་༔ གཞན་དུ་བསྐྱེད་རྫོགས་ཟུང་འཇུག་པའི༔ ཟབ་མོའི་ལམ་མཆོག་ལ་བརྟེན་ནས༔ རང་བྱུང་ལྷུན་གྲུབ་ལུས་ཀྱི་དཀྱིལ༔ རྡོ་རྗེའི་འོག་མིན་ཆེན་པོའི་ཀློང་༔ རྩ་དག་སྣང་སྟོང་སྤྲུལ་པའི་སྐུ༔ རླུང་དག་བདེ་སྟོང་ལོངས་སྤྱོད་རྫོགས༔ ཐིག་ལེ་འོད་གསལ་ཆོས་སྐུར་ཤར༔ བཅིངས་གྲོལ་མེད་པར་ཁྱོད་ཀྱིས་མཐོང་༔ བཛྲ་ཛྙཱ་ན་ས་མ་ཡ་ཧོཿ ཞེས་བརྗོད་ཕྱི་ནང་གཞན་གསུམ་གྱི༔ དཀྱིལ་འཁོར་རྣམ་དབྱེ་རྒྱས་པར་བཤད༔ རྡོ་རྗེ་སློབ་མ་རྣམས་ཀྱིས་ཀྱང་༔ དེ་ཉིད་མངོན་སུམ་མཐོང་བའི་བློས༔ ཨོཾ་སརྦ་ཏ་ཐཱ་ག་ཏ་མཎྜལ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧྃཿ ལྷར་སྣང་ཞེན་མེད་ང་རྒྱལ་བཟུང་༔ དད་དང་སྤྲོ་བ་མཆོག་ཏུ་བསྐྱེད༔ ས་མ་ཡ༔

དངོས་གཞིའི་ཕན་ནུས་ཟབ་གསུམ་ལས༔ དང་པོའི་ཆེད་དུ་གསོལ་གདབ་ནི༔ སངས་རྒྱས་ཀུན་འདུས་རྡོ་རྗེ་འཛིན༔ བདག་ལ་བརྩེ་བས་ཉེར་དགོངས་ནས༔ རྩ་གསུམ་དཀྱིལ་འཁོར་ལྷ་ཚོགས་ཀྱི༔ དབང་བསྐུར་དམ་པ་སྩལ་དུ་གསོལ༔ ཞེས་པས་གསོལ་གདབ་སློབ་དཔོན་གྱི༔ ཐུགས་ནས་འཕྲོས་པའི་འོད་ཟེར་གྱིས༔ གདན་གསུམ་ཚང་བའི་དབང་གི་ལྷ༔ ནམ་མཁའ་གང་བར་སྤྱན་དྲངས་པར༔ མཆོད་ཅིང་བསྟོད་ནས་གསོལ་གདབ་པས༔ ཀུན་ཀྱང་དབང་གི་བྱ་བ་ལ༔ དགོངས་པ་མངོན་དུ་གཏད་པར་མོས༔ དབང་རྫས་སློབ་མར་བཅས་པ་ཡང་༔ སོ་སོའི་རིགས་ཀྱི་ལྷར་གསལ་ཞིང་༔ མི་མཐུན་ཕྱོགས་ལས་རྒྱལ་བའི་སླད༔ ཤིས་པ་བརྗོད་པ་སྔོན་འགྲོ་བས༔ ཐོག་མར་བུམ་པ་སྤྱི་བོར་བསྐུར༔ ཧཱུྃ༔ ཞེ་སྡང་རྣམ་དག་རྡོ་རྗེའི་རིགས༔ མི་བསྐྱོད་ཆུ་ཡི་དབང་བསྐུར་བས༔ རྣམ་ཤེས་ཕུང་པོ་རང་གྲོལ་ནས༔ མེ་ལོང་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་བཛྲ་ཨ་བྷི་ཥིཉྩ་ཧཱུྃ༔ དེ་ནས་རིན་ཆེན་དབུ་རྒྱན་བཅིངས༔ ཧཱུྃ༔ ང་རྒྱལ་རྣམ་དག་རིན་ཆེན་རིགས༔ རིན་འབྱུང་དབུ་རྒྱན་དབང་བསྐུར་བས༔ ཚོར་བའི་ཕུང་པོ་རང་གྲོལ་ནས༔ མཉམ་ཉིད་ཡེ་ཤེས་མངོན་གྱུར་ཤོགས༔ ཨོཾ་སརྦ་ཏ་ཐཱ་ག་ཏ་རཏྣ་ཨ་བྷི་ཥིཉྩ་ཏྲཱྃ༔ ཐབས་ཀྱི་རྡོ་རྗེ་ལག་གཡས་སྦྱིན༔ ཧཱུྃ༔ འདོད་ཆགས་རྣམ་དག་པདྨའི་རིགས༔ མཐའ་ཡས་རྡོ་རྗེའི་དབང་བསྐུར་བས༔ འདུ་ཤེས་ཕུང་པོ་རང་གྲོལ་ནས༔ སོར་རྟོགས་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་པདྨ་ཨ་བྷི་ཥིཉྩ་ཧྲཱི༔ ཤེས་རབ་དྲིལ་བུ་གཡོན་དུ་གཏད༔ ཧཱུྃ༔ ཕྲག་དོག་རྣམ་དག་ལས་ཀྱི་རིགས༔ དོན་གྲུབ་དྲིལ་བུའི་དབང་བསྐུར་བས༔ འདུ་བྱེད་ཕུང་པོ་རང་གྲོལ་ནས༔ བྱ་གྲུབ་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་ཀརྨ་ཨ་བྷི་ཥིཉྩ་ཨཱཿ རྡོར་དྲིལ་ལྷན་གཅིག་སྤྱི་བོར་བཟུང་༔ ཧཱུྃ༔ གཏི་མུག་རྣམ་དག་བདེར་གཤེགས་རིགས༔ སྣང་མཛད་མིང་གི་དབང་བསྐུར་བས༔ གཟུགས་ཀྱི་ཕུང་པོ་རང་གྲོལ་ནས༔ ཆོས་དབྱིངས་ཡེ་ཤེས་མངོན་གྱུར་ཤོག༔ ཨོཾ་སརྦ་ཏ་ཐཱ་ག་ཏ་བུདྡྷ་ཨ་བྷི་ཥིཉྩ་ཨཱཿ ཞེས་བརྗོད་རྡོ་རྗེའི་མིང་ཡང་གདགས༔ སོ་སོའི་དག་པ་ངོ་སྤྲད་ཅིང་༔ ཤིས་པ་བརྗོད་པས་མངའ་གསོལ་བྱ༔ དེ་ནས་ནུས་པའི་དབང་མཆོག་གིས༔ རྡོ་རྗེ་སློབ་དཔོན་བདག་པོ་ཆེའི༔ གོ་འཕང་དམ་པར་འགོད་པའི་སླད༔ དཔལ་ལྡན་རིག་ཀུན་ཁྱབ་བདག་ཆེས༔ ཕན་པའི་དབང་བཀུར་སྩལ་ལགས་ན༔ ད་ནི་ནུས་པ་འཇུག་པའི་དབང་༔ མ་ལུས་བདག་ལ་སྩལ་དུ་གསོལ༔ ལན་གསུམ་གསོལ་བ་གདབ་ནས་ཀྱང་༔ སློབ་མ་སེང་གེའི་ཁྲིད་ལ་བཞག༔ མཆོད་སྤྲིན་རྒྱ་མཚོས་མདུན་བདར་ནས༔ ལག་ཏུ་རྡོ་རྗེ་དྲིལ་བུ་གཏད༔ ཨོཾ་ཨཱཿཧཱུྃ༔ ཐབས་དང་ཤེས་རབ་དབྱེར་མེད་པའི༔ རྡོ་རྗེ་དྲིལ་བུ་འདི་ཟུངས་ལ༔ ཡེ་ཤེས་ཕྱག་རྒྱར་མཉམ་སྦྱོར་བའི༔ བདེ་བ་ཆེ་ལ་རྟག་ཏུ་རོལ༔ དེ་བཞིན་གཤེགས་པ་ཐམས་ཅད་ཀྱི༔ སྐུ་གསུང་ཐུགས་ཀྱི་གསང་བ་དང་༔ དབྱེར་མེད་རྡོ་རྗེ་འཛིན་ཁྱོད་ཀྱིས༔ གང་འདུལ་འགྲོ་ཀུན་སྒྲོལ་བར་མཛོད༔ ཨོཾ་མ་ཧཱ་བཛྲ་ཧཱུྃ༔ ཞེས་བརྗོད་རྡོ་རྗེ་སྙིང་གར་གསོར༔ ཨོཾ་མ་ཧཱ་གཎྜེ་ཧོ༔ ཞེས་བརྗོད་དྲིལ་བུ་འཁྲོལ་ཞིང་བསྟེན༔ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧྃ༔ ཞེས་བརྗོད་ཐུགས་ཀར་འཁྱུད་རྒྱ་བྱ༔ སླར་ཡང་གླེགས་བམ་དུང་ལ་སོགས༔ མངའ་དབུལ་ཡོ་བྱད་ཀུན་སྦྱིན་ལ༔ ཧཱུྃ་ཧྲཱི༔ བདེ་ཆེན་ཐབས་མཆོག་རྡོ་རྗེ་སེམས་དཔའ་དང་༔ ཤེས་རབ་སྟོང་ཉིད་དབྱིངས་ཕྱུག་སྙེམས་མ་ཡུམ༔ དབྱེར་མེད་མཉམ་སྦྱོར་རྡོ་རྗེའི་སློབ་དཔོན་དབང་༔ དེང་འདིར་སྐལ་ལྡན་ཁྱོད་ལ་སྦྱིན་པ་ཡིས༔ ཟབ་གསང་རྡོ་རྗེ་རྩེ་མོའི་ཉེ་ལམ་གྱི༔ ཆོས་ཀྱི་འཁོར་ལོ་རྟག་ཏུ་བསྐོར་ནས་ཀྱང་༔ སྣ་ཚོགས་ཐབས་ཀྱིས་གདུལ་བྱ་མ་ལུས་ཀུན༔ བདེ་ཆེན་ཐར་པའི་ཀློང་དུ་དབུགས་དབྱུངས་ཤིག༔ ཅེས་བརྗོད་ཤིས་པའི་མེ་ཏོག་གཏོར༔ དེ་ནས་ཟབ་མོའི་དབང་གསུམ་པོ༔ ཡེ་ཤེས་དཔལ་སྟེར་ཇི་བཞིན་ལ༔ སྤྲོས་དང་འབྲེལ་ན་དཀྱིལ་འཁོར་བ༔ ཡོངས་སུ་རྫོགས་པའི་ལྷ་དབང་བསྐུར༔ སོ་སོའི་སྔགས་ཀྱི་རྗེས་གནང་དང་༔ འོད་གསལ་ཡེ་ཤེས་དོན་ངོ་སྤྲད༔ ལུང་བསྟན་དབུགས་དབྱུང་གཟེངས་བསྟོད་བྱ༔ ས་མ་ཡ༔ བླ་མེད་རྡོ་རྗེ་ཐེག་པ་ཡི༔ ལམ་གྱི་རྩ་བ་སྨིན་བྱེད་དེ༔ ཕན་དང་ནུས་པ་ལ་བརྟེན་ནས༔ ཟབ་མོའི་ཡེ་ཤེས་མངོན་དུ་འགྱུར༔ རྒྱ་རྒྱ་རྒྱ༔ དྷ་ཐིཾ༔ དྷཱི།༔ རྩ་གསུམ་འོད་གལ་སྙིང་ཏིག་ལས༔ དབང་བཞི་ཡེ་ཤེས་དཔལ་སྟེར་བཞུགས༔ དྷཱི།༔ དཔལ་ལྡན་སངས་རྒྱས་པདྨ་སྐྱེས༔ སྐུ་གསུམ་དབྱེར་མེད་ཆེན་པོར་འདུད༔ རྡོ་རྗེ་ཐེག་པའི་གསང་ལམ་གྱི༔ སྙིང་པོ་དབང་བཞིའི་རིམ་པ་ནི༔ དབེན་པའི་གནས་སུ་སྟེགས་བུའི་ཁར༔ ཕྱི་ནང་གསང་བའི་དཀྱིལ་འཁོར་དང་༔ མཆོད་པའི་ཡོ་བྱད་བཟང་དུ་བཤམ༔ དབང་ཐོབ་དམ་ཚིག་ལ་གནས་ཤིང་༔ མན་ངག་དོན་ལྡན་སློབ་དཔོན་གྱིས༔ བདག་མདུན་དབྱེར་མེད་བསྙེན་ཅིང་བསྒྲུབ༔ ཐོག་མར་རང་ཉིད་འཇུག་པའི་རྗེས༔ དད་དང་དམ་ཚིག་སྐལ་ལྡན་པའི༔ སློབ་མ་ཁྲུས་བྱས་གྲལ་ལ་འཁོད༔ ལོ་རྒྱུས་ཆོས་བཤད་མཎྜལ་འབུལ༔ གསོལ་བ་གདབ་ཅིང་སྡོམ་གསུམ་སྦྱིན༔ དབང་དོན་ཡེ་ཤེས་ནན་ཏན་ཕབ༔ བརྟན་པར་བྱས་ནས་བུམ་དབང་ནི༔ ཧཱུྃ་ཧྲཱི༔ སྣང་སྟོང་བུམ་པའི་དཀྱིལ་འཁོར་དུ༔ རྩ་བ་གསུམ་གྱི་ལྷ་ཚོགས་ཤར༔ སྐལ་ལྡན་བུ་ལ་དབང་བསྐུར་བས༔ ཕུང་ཁམས་ལྷ་སྐུར་སྨིན་པར་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ གཉིས་པ་གསང་བའི་བདུད་རྩི་སྦྱིན༔ ཧཱུྃ་ཧྲཱིཿ ཨེ་ཝྃ་ཟུང་འཇུག་དཀྱིལ་འཁོར་ནས༔ ཞུ་བདེས་དྲངས་པའི་ཀུཎྜ་ལཱི༔ སྐལ་ལྡན་ཁྱོད་ལ་སྦྱིན་པ་ཡིས༔ རླུང་སྔགས་དབུ་མར་ཐིམ་པར་ཤོག༔ ཝ་ཀ་ཨ་བྷི་ཥིཉྩ་ཨཱཿ གསུམ་པ་ཤེས་རབ་ཕྱག་རྒྱ་གཏད༔ ཧྲཱིཿ ཕྱག་རྒྱ་བྷ་གའི་དཀྱིལ་འཁོར་དུ༔ བདེ་སྟོང་ཡེ་ཤེས་ཉམས་མྱོང་ཕྱིར༔ སྣ་ཚོགས་གཟུགས་ཅན་འདི་གཏད་པས༔ ཐིག་ལེ་ཆོས་སྐུར་གྲོལ་བར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ སྙོམས་འཇུག་དབབ་བཟློག་དགའ་བཞི་བསྐྱེད༔ བཞི་པ་རྟགས་ཀྱི་བརྡས་མཚོན་ཏེ༔ ཨཱཿ ཀ་དག་གཞི་ཡི་དཀྱིལ་འཁོར་དུ༔ ལྷུན་གྲུབ་ལམ་གྱི་སྣང་བ་གསལ༔ གཉིས་སུ་མེད་པར་དབང་བསྐུར་བས༔ ཆོས་ཟད་འབྲས་བུ་མངོན་གྱུར་ཤོག༔ ཛྙཱ་ན་ཨ་བྷི་ཥིཉྩ་ཧྲཱིཿ ཁྱད་པར་ཅན་གྱི་སྣོད་རུང་ལ༔ དབྱིངས་དང་རིག་རྩལ་དོན་ངོ་སྤྲད༔ སྒྲུབ་པའི་གླེགས་བམ་སྤྱི་བོར་བཞག༔ བརྒྱུད་གསུམ་བྱིན་རླབས་དབུགས་དབྱུང་བྱ༔ རྗེས་སུ་དབང་སྲོག་དམ་ཚིག་གི༔ རྣམ་དབྱེ་རྒྱས་པར་བཤད་པ་དང་༔ བསྡུས་ཏེ་ཁས་བླང་འཛིན་དུ་གཞུག༔ མཎྜལ་འབུལ་ཞིང་དགེ་བ་བསྔོ༔ དགའ་སྟོན་ཚོགས་ཀྱི་འཁོར་ལོ་དང་༔ རྡོ་རྗེའི་སྒྲ་ཡིས་ཤིས་པ་བརྗོད༔ ས་མ་ཡ༔ འདི་ནི་ཐོག་མར་དཀྱིལ་འཁོར་ཆེར༔ ཞུགས་ཏེ་སྨིན་པའི་སློབ་མ་ལ༔ རྡོ་རྗེའི་ཡེ་ཤེས་ངོ་སྤྲོད་ཕྱིར༔ སྦྱིན་གྱི་རྣམ་པ་ཀུན་ཏུ་མིན༔ རྒྱ་རྒྱ་རྒྱ༔ དྷ་ཐིཾ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ གཏོར་དབང་བྱིན་རླབས་དཔལ་སྟེར་བཞུགས༔ དྷཱི།༔ མཚོ་སྐྱེས་ཐོད་ཕྲེང་རྩལ་ལ་འདུད༔ བྱིན་རླབས་གཏོར་མའི་དབང་བསྐུར་ནི༔ གནས་སྐབས་འགལ་རྐྱེན་སེལ་བ་དང་༔ ཕྲིན་ལས་རྣམ་བཞི་ལྷུན་གྲུབ་ཅིང་༔ མཐར་ཐུག་རྔ་ཡབ་དཔལ་གྱི་རིར༔ དབུགས་འབྱིན་མཆོག་གི་གོ་འཕང་སྦྱིན༔ ས་མ་ཡ༔ རྩ་བའི་དབང་བཞི་དང་འབྲེལ་ན༔ རྗེས་སུ་གཟེངས་བསྟོད་ཚུལ་དུ་སྟེ༔ འདི་ཉིད་ཁོ་ནས་སྨིན་པའི་ཚེ༔ བདག་མདུན་དབྱེར་མེད་བསྐྱེད་བཟླས་དང་༔ སྔོན་འགྲོ་སྤྱྀ་བཞིན་སྦྱར་བའི་རྗེས༔ གཏོར་མ་ལྷ་རུ་ཤེས་པའི་ངང་༔ གནས་ལྔར་ཕྱག་མཚན་རྣམ་པ་ལྔ༔ ཡིག་འབྲུའི་མཚན་པའི་འོད་ཟེར་གྱིས༔ སྐུ་གསུང་ཐུགས་ཡོན་ཕྲིན་ལས་ཀྱི༔ བྱིན་རླབས་དངོས་གྲུབ་ཐོབ་པར་བསམ༔ ཧཱུྃ་ཧྲཱི༔ སྐུ་གསུམ་བླ་མ་ཐོད་ཕྲེང་རྩལ༔ ཡི་དམ་ཡོངས་རྫོགས་ཧེ་རུ་ཀ༔ མཁའ་འགྲོའི་མིང་པོ་དཔའ་བོ་ཆེའི༔ གསང་གསུམ་བྱིན་རླབས་ཁྱོད་ལ་སྦྱིན༔ རྩ་སྔགས་མཐར༔ ཀཱ་ཡ་ཝཱ་ཀ་ཙིཏྟཱ་གུ་ཎ་ཀརྨ་བ་ལིཾ་ཏ་ཨ་བྷི་ཥིཉྩ་ཧཱུྃ༔ སྤྲོ་ན་སོ་སོར་དབང་བསྐུར་ཞིང་༔ རྗེས་ཀྱི་རིམ་པ་གཞུང་བཞིན་བྱ༔ རྒྱ་རྒྱ་རྒྱ༔ དྷ་ཐིཾ༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ བྱིན་རླབས་བརྡ་ཡི་དབང་བཞི་བཞུགས༔ དྷཱི།༔ འཆི་མེད་སྐུ་གསུམ་ལྷ་ལ་འདུད༔ བྱིན་རླབས་བརྡ་ཡི་དབང་བསྐུར་ནི༔ དཀྱིལ་འཁོར་སྒྲུབ་པའི་ཡོ་བྱད་བཤམས༔ བདག་མདུན་དབྱེར་མེད་བསྐྱེད་བཟླས་བྱ༔ ཁྱད་པར་བྱིན་ཆེན་ནན་ཏན་དབབ༔ དབང་ཐོབ་དམ་ཚིག་ལ་གནས་པའི༔ སློབ་མ་ཁྲུས་བྱས་མདུན་དུ་འཁོད༔ འཇུག་པ་སྤྱྀ་བཞིན་སྦྱར་བའི་རྗེས༔ དངོས་གཞི་བུམ་པའི་དབང་བསྐུར་ནི༔ ཧཱུྃ༔ སྣོད་བཅུད་ཡོངས་རྫོགས་བུམ་པའི་དཀྱིལ་འཁོར་ནས༔ བདེ་སྟོང་ཟུང་འཇུག་བདུད་རྩིས་དབང་བསྐུར་བས༔ ཕུང་ཁམས་སྐྱེ་མཆེད་སྒྲིབ་གཉིས་རང་སར་གྲོལ༔ སྣ་ཚོགས་གཟུགས་ཅན་བུམ་དབང་མངོན་དུ་གྱུར༔ གང་འདུལ་ཆོས་སྟོན་གསང་དབང་ནུས་པ་སྨིན༔ འཁོར་འདས་ཀུན་ཁྱབ་ཤེས་རབ་ཡེ་ཤེས་ངང་༔ སྣང་སྟོང་ཟུང་འཇུག་དོན་དམ་བདེ་བ་ཆེ༔ འགྲོ་འདུལ་སྤྲུལ་སྐུའི་དབང་མཆོག་ཐོབ་པར་ཤོག༔ རྩ་སྔགས་དང་༔ ནིརྨ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ བུམ་ཆུ་འཐོར་འཐུང་སྙིང་གར་རེག༔ བདེ་གསལ་མི་རྟོག་རང་ཉམས་བསྐྱང་༔ དེ་ནས་བྱང་སེམས་བྷན་དྷ་ཐོགས༔ ཧཱུྃ༔ ཆོས་དབྱིངས་རང་བྱུང་བྷནྡྷའི་དཀྱིལ་འཁོར་ནས༔ རིག་པ་བྱང་ཆུབ་སེམས་ཀྱི་དབང་བསྐུར་བས༔ འགྲོ་འོང་རླུང་གི་སྒྲིབ་གཉིས་རང་སར་གྲོལ༔ བུམ་དབང་ངོ་བོ་མཚན་དཔེའི་ཕུང་པོར་འབར༔ གསང་དབང་བརྡ་ཡིས་གདུལ་བྱའི་དྲི་མ་སེལ༔ ཤེས་རབ་ཡེ་ཤེས་སྲིད་ཞི་མཉམ་ཉིད་ངང་༔ བདེ་སྟོང་ཟུང་འཇུག་ཁ་སྦྱོར་བདུན་ལྡན་པའི༔ ལོངས་སྤྱོད་རྫོགས་སྐུའི་དབང་མཆོག་ཐོབ་པར་ཤོག༔ རྩ་སྔགས་དང་༔ སཾ་བྷོ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ སྔར་བཞིན་བརྡ་དབང་རྫོགས་པར་བྱ༔ གཡའ་བྲལ་དྭངས་པའི་མེ་ལོང་ཐོགས༔ ཧཱུྃ༔ གཞི་དབྱིངས་སྤྲོས་བྲལ་གདོད་མའི་དཀྱིལ་འཁོར་ནས༔ གཞི་སྣང་རིག་པ་ཡེ་ཤེས་དབང་བསྐུར་བས༔ གཟུང་འཛིན་རྟོག་ཚོགས་སྒྲིབ་གཉིས་རང་སར་གྲོལ༔ བུམ་དབང་ནང་གསལ་རྟག་ཆད་མཐའ་ལས་འདས༔ གསང་བའི་དམ་ཚིག་སྐྱེ་མེད་ནཱ་དའི་དབྱངས༔ ཤེས་རབ་ཡེ་ཤེས་བསམ་བརྗོད་བྲལ་བའི་ངང་༔ རིག་སྟོང་ཟུང་འཇུག་ཤིན་ཀུ་ཞི་བའི་དབྱིངས༔ འོད་གསལ་ཆོས་སྐུའི་དབང་མཆོག་ཐོབ་པར་ཤོག༔ རྩ་སྔགས་དང་༔ དྷརྨ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ གནས་གསུམ་རེག་ཅིང་དོན་ངོ་སྤྲད༔ བདེ་སྐྱོང་སྣོད་དུ་གཏོར་མ་ཐོགས༔ ཧཱུྃ༔ མཉམ་ཉིད་དག་པ་གཞི་ཡི་དཀྱིལ་འཁོར་ནས༔ གློ་བུར་སྒྲིབ་བྲལ་འབྲས་བུའི་དབང་བསྐུར་བས༔ གཉིས་སུ་འཛིན་པའི་རྟོག་པ་རང་སར་གྲོལ༔ བུམ་དབང་ཆོས་ཉིད་འཕོ་མེད་ཀློང་དུ་སྨིན༔ གསང་དབང་གྲགས་སྟོང་རྡོ་རྗེའི་སྔགས་སུ་རྫོགས༔ ཤེས་རབ་སོ་སོར་རྟོག་པའི་ཡེ་ཤེས་ཀློང་༔ ཐམས་ཅད་རོ་མཉམ་དོན་དམ་བདེ་བ་ཆེ༔ མི་འགྱུར་རྡོ་རྗེའི་དབང་མཆོག་ཐོབ་པར་ཤོག༔ རྩ་སྔགས་དང་༔ བཛྲ་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ སྤྱྀ་བོར་བཞག་ཅིང་དངོས་གྲུབ་སྦྱིན༔ སྙིང་གར་རེག་ལ་ཉམས་མྱོང་སྐྱོང་༔ གཙོ་བོ་ཡབ་ཡུམ་སྐུ་བརྙན་ཐོགས༔ ཧཱུྃ༔ ཐབས་ཤེས་ཟུང་དུ་འཇུག་པའི་དཀྱིལ་འཁོར་ནས༔ བདེ་སྟོང་སྒྱུ་འཕྲུལ་དྲྭ་བའི་དབང་བསྐུར་བས༔ སྲིད་དང་ཞི་བའི་རྟོག་ཚོགས་རང་སར་གྲོལ༔ བུམ་དབང་ཡོན་ཏན་ལྷུན་རྫོགས་རྡོ་རྗེའི་སྐུ༔ གསང་དབང་རིག་པ་བྱིན་རླབས་ཚངས་པའི་གསུང་༔ ཤེས་རབ་ཡེ་ཤེས་མཁྱེན་ཆ་འགག་མེད་ཐུགས༔ མ་འདྲེས་ཡོངས་རྫོགས་འོད་གསལ་གཉུག་མའི་ཀློང་༔ མངོན་པར་བྱང་ཆུབ་དབང་མཆོག་ཐོབ་པར་ཤོག༔ རྩ་སྔགས་དང་༔ བྷོ་དྷི་ཀཱ་ཡ་ཛྙཱ་ན་ཨ་བྷི་ཥིཉྩ་ཨཱཿ གནས་གསུམ་རེག་ཅིང་དོན་ངོ་སྤྲད༔ རྗེས་ཀྱི་རིམ་པ་སྤྱྀ་ལྟར་བྱ༔ ས་མ་ཡ༔ རབ་འབྱམས་རྩ་གསུམ་ཡོངས་རྫོགས་ཀྱི༔ སྐུ་དང་ཡེ་ཤེས་དབྱེར་མེད་པ༔ རྣམ་པ་ཉི་ཤུས་བྱང་ཆུབ་པའི༔ བྱིན་རླབས་བརྡ་ཡི་དབང་བཞི་འདི༔ ལུས་རྒྱའི་ནང་གི་མགོ་བོ་སྟེ༔ དབང་པོའི་དྭངས་མ་མིག་དང་མཚུངས༔ དེ་ཕྱིར་ཚེ་འདི་ཁོ་ན་ལ༔ བྱང་ཆུབ་ཐོབ་པར་འདོད་པ་ཡི༔ སྣོད་ལྡན་སློབ་མ་མ་གཏོགས་པ༔ གཞན་དུ་སྤེལ་ན་བཀའ་ཆད་འབྱུང་༔ ཅེས་གསུང་སྙིང་པོའི་རྣལ་འབྱོར་རྣམས༔ འདིར་ཞུགས་འདི་ཡི་དོན་ལ་སྤྱོད༔ ཟླ་དྲུག་ལོ་གསུམ་བཅུ་གཉིས་ན༔ ཟག་བཅས་རྡོ་རྗེའི་ལུས་སུ་གྲོལ༔ རང་གཞན་དོན་གཉིས་ལྷུན་གྱིས་འགྲུབ༔ དབང་བཞིའི་ཡེ་ཤེས་སྐུ་ལྔར་སྨིན༔ རྒྱ་རྒྱ་རྒྱ༔ བརྡ་ཐིཾ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ ལྷ་དབང་ཡེ་ཤེས་ཆར་འབེབས་བཞུགས༔ དྷཱི།༔ རྩ་གསུམ་ཀུན་འདུས་པདྨར་འདུད༔ ཐ་མལ་འཁྲུལ་པའི་རྟོག་ཚོགས་ཀུན༔ ཡེ་ཤེས་ལྷ་ཡི་དཀྱིལ་འཁོར་དུ༔ མངོན་པར་བྱང་ཆུབ་དབང་བསྐུར་བས༔ དངོས་གྲུབ་རྣམ་གཉིས་མྱུར་དུ་འགྲུབ༔ ས་མ་ཡ༔ ཕྱི་ལྟར་པདྨ་ཐོད་ཕྲེང་རྩལ༔ བདེ་གཤེགས་ཡོངས་འདུས་ངོ་བོ་ཉིད༔ སྒྱུ་འཕྲུལ་དྲྭ་བའི་དཀྱིལ་འཁོར་ལྷ༔ ཡོངས་སུ་རྫོགས་པའི་དབང་བསྐུར་སླད༔ ཐོག་མར་གསོལ་བ་གདབ་པ་ནི༔ ཨེ་མ་རིགས་ཀུན་ཁྱབ་བདག་མཆོག༔ རྡོ་རྗེ་སློབ་དཔོན་དགོངས་སུ་གསོལ༔ བདག་ཅག་སྨིན་ཅིང་གྲོལ་བའི་ཕྱིར༔ ཡེ་ཤེས་ལྷ་ཡི་དབང་བསྐུར་སྩོལ༔ ལན་གསུམ༔ དེ་ནས་བདག་མདུན་དབྱེར་མེད་པའི༔ དཀྱིལ་འཁོར་ལྷ་ཚོགས་སོ་སོ་ལས༔ སྤྲུལ་པའི་རྣམ་རོལ་དཔག་མེད་འཕྲོས༔ སློབ་མར་ཐིམ་ནས་བྱིན་རླབས་བསམ༔ ཧཱུྃ་ཧྲཱིཿ སྒྱུ་འཕྲུལ་དྲྭ་བའི་དཀྱིལ་འཁོར་ནས༔ རྩ་གསུམ་ཀུན་འདུས་ཐོད་ཕྲེང་རྩལ༔ ཡབ་ཡུམ་གཉིས་མེད་དབང་བསྐུར་བས༔ བདེར་གཤེགས་ཡོངས་རྫོགས་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ ཧྲཱིཿ སྤྲོས་བྲལ་ཆོས་སྐུའི་དཀྱིལ་འཁོར་ནས༔ རིགས་ཀྱི་བདག་པོ་ཆེ་བའི་མཆོག༔ ཀུན་བཟང་ཡབ་ཡུམ་དབང་བསྐུར་བས༔ དབང་བཞིའི་ཡེ་ཤེས་སྨིན་པར་ཤོག༔ ཨོཾ་ཨཱཿཧཱུྃ་དྷརྨ་ཀཱ་ཡ་ཨ་བྷི་ཥིཉྩ་ཨོཾ༔ ཧྲཱིཿ སྣང་སྟོང་དབྱེར་མེད་དཀྱིལ་འཁོར་ནས༔ འཇམ་དཔལ་གྲུབ་པའི་རིག་པ་འཛིན༔ མཉྫུ་མི་ཏྲས་དབང་བསྐུར་བས༔ རྩ་ཁམས་ལྷ་སྐུར་སྨིན་པར་ཤོག༔ ཨོཾ་མ་ཧཱ་གུ་རུ་ཤཱ་རི་རཱཾ་མཉྫུ་ཤྲཱི་མི་ཏྲ་ཨཱཿཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ ཧྲཱི༔ གྲགས་སྟོང་དབྱེར་མེད་དཀྱིལ་འཁོར་ནས༔ རྟ་མཆོག་གྲུབ་པའི་རིག་པ་འཛིན༔ ནཱ་ག་རྫུ་ནས་དབང་བསྐུར་བས༔ སྲོག་རྩོལ་སྔགས་སུ་སྨིན་པར་ཤོག༔ ཨོཾ་མ་ཧཱ་གུ་རུ་ཤཱ་རི་རཱྃ་ནཱ་གཱ་རྫུ་ནཱ་ཨཱ་ཧཱུྃ༔ ཀ་ཡ༴ ཧྲཱིཿ རིག་སྟོང་དབྱེར་མེད་དཀྱིལ་འཁོར་ནས༔ ཡང་དག་གྲུབ་པའི་རིག་པ་འཛིན༔ ཧཱུྃ་ཆེན་ཀཱ་རས་དབང་བསྐུར་བས༔ རྟོག་ཚོགས་ཆོས་སྐུ་སྨིན་པར་ཤོགས༔ ཨོཾ་མ་ཧཱ་གུ་རུ་ཤཱ་རི་རཱྃ་ཧཱུྃ་ཀཱ་ར་ཨཱཿཧཱུྃཿ ཀཱ་ཡ༴ ཧྲཱིཿ ཡོན་ཏན་སྣ་ཚོགས་དཀྱིལ་འཁོར་ནས༔ བདུད་རྩི་གྲུབ་པའི་རིག་པ་འཛིན༔ བི་མ་མི་ཏྲས་དབང་༴ དགའ་བཞྀའི་ཡེ་ཤེས་མངོན་གྱུར་ཤོག༔ ཨོཾ་མ་ཧཱ་གུ་རུ་ཤཱ་རི་རཱྃ་བི་མ་ལ་མི་ཏྲ་ཨཱཿཧཱུྃ༔ ཀཱ་ཡ༴ ཧྲཱིཿ ཕྲིན་ལས་རྣམ་བཞིའི་དཀྱིལ༴ ཕུར་པ་གྲུབ་པའི་རིག་པ་༴ པྲ་ཆེན་ཧསྟིས་དབང་༴ ཁམས་གསུམ་དབྱིངས་སུ་སྒྲོལ་བར་ཤོག༔ ཨོཾ་མ་ཧཱ་གུ་རུ་ཤཱ་རི་རཱྃ་པྲ་བྷ་ཧསྟི་ཨཱཿཧཱུྃཿ ཀཱ་ཡ༴ ཧྲཱིཿ ཀློང་ལྔ་དབྱིངས་ཀྱི་དཀྱིལ་འཁོར༴ མ་མོ་གྲུབ་པའི་རིག་པ༴ དྷ་ན་སཾ་ཀྲྀས་དབང༴ སྣང་སྲིད་སེམས་སུ་རྫོགས་པར་ཤོག༔ ཨོཾ་མ་ཧཱ་གུ་རུ་ཤཱ་རི་རཱྃ་དྷ་ན་སཾ་ཀྲྀ་ཏ་ཨཱཿཧཱུྃ༔ ཀཱ་ཡ༴ ཧྲཱིཿ དྲེགས་པ་ཟིལ་གནོན་དཀྱིལ༴ མཆོད་བསྟོད་གྲུབ་པའི་རིག་པ་འཛིན༔ རམྦུ་གུ་ཧྱས་དབང་བསྐུར་བས༔ གཟུང་འཛིན་འབྱུང་པོ་འདུལ་བར་ཤོག༔ ཨོཾ་མ་ཧཱ་གུ་རུ་ཤཱ་རི་རཱྃ་རམྦུ་གུཧྱ་ཨཱཿཧཱུྃ༔ ཀཱ་ཡ༴ ཧྲཱིཿ མངོན་སྤྱོད་དམོད་པའི་དཀྱིལ་འཁོར་ནས༔ དྲག་སྔགས་གྲུབ་པའི༴ ཤཱནྟིཾ་གརྦྷས་དབང་༴ གཉིས་སྣང་དགྲ་བགེགས་ཚར་གཅོད་ཤོག༔ ཨོཾ་མ་ཧཱ་གུ་རུ་ཤཱ་རི་རཱྃ་ཤཱནྟིཾ་གརྦྷ་ཨཱཿཧཱུྃ༔ ཀཱ་ཡ་ཨ་བྷི་ཥིཉྩ་ཨཱཿ ཧཱུྃ༔ བདེ་ཆེན་འཁོར་ལོའི་དཀྱིལ་འཁོར་དུ༔ མཉམ་ཉིད་ཡེ་ཤེས་ངོ་བོ་ཉིད༔ འཇམ་དཔལ་སྐུ་ཡི་དབང་བསྐུར་བས༔ གཤིན་རྗེ་ཡོངས་རྫོགས་དབང་ཐོབ་ཤོག༔ ཨོཾ་ཨ་ཀྲྀ་ཏ་ཀ་ཡ་མཱནྟ་ཀ་མ་ཐ་བྷཉྫ་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ ལོངས་སྤྱོད་འཁོར་ལོའི་དཀྱིལ༴ སོར་རྟོག་ཡེ་ཤེས་ངོ་བོ༴ པདྨ་གསུང་གི་དབང༴ རྟ་མགྲིན་ཡོངས་རྫོགས་དབང་ཐོབ༴ ཨོཾ་པདྨནྟ་ཀྲྀཏ་བཛྲ་ཀྲོ་དྷ་ཧྱ་གྲཱི་བ་ཧཱུྃ་ཕཊ༔ ཀཱ་ཡ་ཨ་བྷི༴ ཧཱུྃ༔ ཆོས་ཀྱི་འཁོར་ལོའི་དཀྱིལ༴ མེ་ལོང་ཡེ་ཤེས་ངོ་བོ༴ ཡང་དག་ཐུགས་ཀྱི་དབང༴ ཁྲག་འཐུང་ཡོངས་རྫོགས་དབང༴ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ སྤྲུལ་པའི་འཁོར་ལོའི་དཀྱིལ་འཁོར་ནས༔ ཆོས་དབྱིངས་ཡེ་ཤེས་ངོ་བོ་ཉིད༔ བདུད་རྩི་ཡོན་ཏན་དབང་བསྐུར་བས༔ ཆེ་མཆོག་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ བདེ་སྐྱོང་འཁོར་ལོའི་དཀྱིལ་འཁོར་དུ༔ བྱ་གྲུབ་ཡེ་ཤེས་ངོ་བོ་ཉིད༔ རྡོ་རྗེ་གཞོན་ནུས་དབང་བསྐུར་བས༔ ཕུར་པ་ཡོངས་རྫོགས་དབང་ཐོབ་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ རྡོ་རྗེ་ནོར་བུའི་དཀྱིལ༴ ཀློང་གྱུར་ཡེ་ཤེས་ངོ་བོ༴ བླ་མེད་ཁྲག་འཐུང་དབང༴ མ་མོ་ཡོངས་རྫཽགས་དབང་༴ ཨོཾ་གུ་ཡ་ཛྙཱ་ན་ཤྲཱི་ཧེ་རུ་ཀ་གུ་ཡ་ཛྙཱ་ན་ཀྲོ་དྷི་ཤྭ་རི་སྟྭཾ་མ་མ་ཡོ་གི་ནཱི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཀཱ་ཡ་ཨ༴ ཧཱུྃ༔ བདེ་ཆེན་ཐབས་ཀྱི་དཀྱིལ༴ དབྱིངས་གྲོལ་ཡེ་ཤེས་ངོ་བོ༴ དྲེགས་པ་ཀུན་འདུལ་དབང་༴ མཆོད་བསྟོད་ཡོངས་རྫོགས་དབང་༴ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཀཱ་ཡ་ཨ་བྷི༴ ཧཱུྃ༔ སྟོང་ཉིད་ཤེས་རབ་དཀྱིལ་འཁོར་ནས༔ མཐའ་གྲོལ་ཡེ་ཤེས་ངོ་བོ་ཉིད༔ སྟོབས་ལྡན་ནག་པོས་དབང་བསྐུར་བས༔ དྲག་སྔགས་ཡོངས་རྫོགས་དབང་ཐོབ་ཤོག༔ ཨོཾ་བཛྲ་སརྦ་དུཥྟཱན་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ གནས་ཡུལ་ཉེར་བཞིའི་དཀྱིལ༴ བྱང་ཆུབ་སེམས་ཀྱི་ཐིག་ལེའི་གཟུགས༔ དཔའ་བོ་མཁའ་འགྲོས་དབང་བསྐུར་བས༔ བདེ་སྟོང་ཡེ་ཤེས་མངོན་གྱུར་ཤོག༔ ཨོཾ་མ་ཧཱ་སུ་ཁ་སརྦ་ཌཱ་ཀ་ཌཱ་ཀི་ནཱི་ཧཱུྃ༔ ཀཱ་ཡ་ཨ་བྷི༴ ཧྲཱིཿ རྡོ་རྗེ་རིགས་ཀྱི་དཀྱིལ་འཁོར་ནས༔ ཞི་བའི་ཕྲིན་ལས་སྒྲུབ་མཛད་པ༔ བཛྲ་ཐོད་ཕྲེང་དབང་བསྐུར་བས༔ ནད་གདོན་འཇིགས་བརྒྱད་ཞི་བར་ཤོག༔ ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་སརྦ་སིདྡྷི་ཕ་ལ་ཧཱུྃ༔ ཀཱ་ཡ་ཨ་བྷི་ཥིཉྩ་ཧྲཱི༔ རིན་ཆེན་རིགས་ཀྱི་དཀྱིལ༴ རྒྱས་པའི་ཕྲིན་ལས་སྒྲུབ་མཛད་པ༔ རཏྣ་ཐོད་ཕྲེང་དབང་བསྐུར་བས༔ ཚེ་བསོད་ཡེ་ཤེས་རྒྱས་པར་ཤོག༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་སརྦ་སིདྡྷི༴ ཀཱ་ཡ༴ ཧྲཱིཿ པདྨའི་རིགས་ཀྱི་དཀྱིལ༴ དབང་གི་ཕྲིན་ལས་སྒྲུབ་མཛད་པ༔ པདྨ་ཐོད་ཕྲེང་དབང་བསྐུར་བས༔ ཁམས་གསུམ་དབང་དུ་འདུ་བར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་སརྦ་སིདྡྷི༴ ཀཱ་ཡ༴ ཧྲཱིཿ ལས་ཀྱི་རིགས་ཀྱི་དཀྱིལ་འཁོར་ནས༔ དྲག་པོའི་ཕྲིན་ལས་སྒྲུབ་མཛད་པ༔ ཀརྨ་ཐོད་ཕྲེང་དབང་བསྐུར་བས༔ དགྲ་བགེགས་འབྱུང་པོ་ཚར་གཅོད་ཤོག༔ ཨོཾ་ཨཱཿཧཱུྃ་བཛྲ་གུ་རུ་ཀརྨ་ཐོད་ཕྲེང་རྩལ་སརྦ༴ ཀཱ་ཡ༴ ཧྲཱིཿ བདེ་བྱེད་བརྩེགས་པའི་དུར་ཁྲོད་དུ༔ མ་ཆགས་སྐྱོན་བྲལ་དངོས་གྲུབ་བརྙེས༔ པདྨ་འབྱུང་གནས་དབང་བསྐུར་བས༔ བདེ་ཆེན་ཡེ་ཤེས་སྐུ་འགྲུབ་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀཱ་ར་ཐོད་ཕྲེང་རྩལ་སརྦ༴ ཀཱ་ཡ༴ ཧྲཱིཿ བསིལ་བ་ཚལ་གྱི་དུར་ཁྲོད་དུ༔ ཡོན་ཏན་སྣ་ཚོགས་དངོས་གྲུབ་བརྙེས༔ པདྨ་སཾ་བྷཱས་དབང་བསྐུར་བས༔ དོན་གཉིས་ལྷུན་གྱིས་གྲུབ་པར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་སཾ་བྷཱ་བ་སརྦ་སིདྡྷི་ཧཱུྃཿ ཀཱ་ཡ་ཨ་བྷི༴ ཧྲཱིཿ རཱ་ག་རཀྟའི་གནས་མཆོག་ཏུ༔ ཐམས་ཅད་མཁྱེན་པའི་དངོས༴ བློ་ལྡན་མཆོག་སྲེག་དབང་༴ ཇི་ལྟ་ཇི་སྙེད་མངོན་གྱུར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པྲ་ཛྙཱ་ཛྙཱ་ན་སརྦ་སིདྡྷི་ཧཱུྃ༔ ཀཱ་ཡ་ཨ་བྷི༴ ཧྲཱིཿ དགའ་བ་ཚལ་གྱི་དུར་ཁྲོད་དུ༔ ཁམས་གསུམ་དབང་བསྡུད་དངོས་གྲུབ་བརྙེས༔ པདྨ་རྒྱལ་པོས་དབང་བསྐུར་བས༔ རླུང་སེམས་དབུ་མར་ཐིམ་པར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་རཱ་ཛ་སརྦ་སིདྡྷི་ཧཱུྃ༔ ཀཱ་ཡ་ཨ༴ ཧྲཱིཿ སོ་ས་གླིང་གི་དུར་ཁྲོད་དུ༔ འགྲོ་བ་འདུལ་བའི་དངོས་གྲུབ་བརྙེས༔ ཉི་མ་འོད་ཟེར་དབང་བསྐུར་བས༔ གང་འདུལ་ཐབས་ལ་མཁས་པར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སཱུརྻ་རསྨི་སརྦ་སིདྡྷི་ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ ཧྲཱིཿ ཟ་ཧོར་རྒྱལ་པོའི་ཡུལ་དབུས་སུ༔ བདུད་འདུལ་དྲག་པོའི་དངོས༴ ཤཱཀྱ་སེང་གེས་དབང་༴ ཉོན་མོངས་བདུད་བཞི་འདུལ་བར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཤཱཀྱ་སིཾ་ཧ་སརྦ་སིདྡྷི་ཧཱུྃ༔ ཀཱ་ཡ༴ ཧྲཱིཿ མ་ག་དྷཱ་ཡི་གྲོང་ཁྱཻར་དུ༔ མུ་སྟེགས་འདུལ་བའི་དངོས་གྲུབ༴ སེང་གེ་སྒྲ་སྒྲོགས་དབང་བསྐུར་བས༔ འཇིགས་ཚོགས་ལྟ་བ་འཇོམས་པར་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སིཾ་ཧ་གཎྜེ་སརྦ་སིདྡྷི་ཧཱུྃ་ཕཊ༔ ཀཱ་ཡ་ཨ༴ ཧྲཱིཿ སྟག་ཚང་སེང་གེ་བསམ་གྲུབ་ཏུ༔ དྲེགས་པ་འདུལ་བའི་དངོས་གྲུབ་བརྙེས༔ རྡོ་རྗེ་གྲོ་ལོད་དབང་བསྐུར་བས༔ གཟུང་འཛིན་འབྱུང་པོ་ཚར་གཅོད་ཤོག༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཀྲོ་དྷ་གྲོ་བོ་ལོཏ་ལོ་ཀ་སརྦ་སིདྡྷི་ཧཱུྃ་ཕཊ༔ ཀཱ་ཡ་ཨ༴ ཧཱུྃ་ཧྲཱིཿ ཚད་མེད་བཞི་ལྡན་དཀྱིལ་འཁོར་ནས༔ དབང་ཆེན་རིགས་བཞི་ཡབ་ཡུམ་གྱིས༔ རིགས་ཀྱི་བུ་ལ་དབང་བསྐུར་བས༔ ཕྲིན་ལས་རྣམ་བཞི་ལྷུན་གྲུབ་ཤོག༔ ཨོཾ་ཨཱཿཧཱུྃ་བཛྲ་ཀྲོ་དྷ་ཧ་ཡ་གྲཱི་ཝ་ར་ཙ་ཧྲཱི་ཡ་ཧ་རི་ནི་ས་སརྦ་སིདྡྷི་ཧཱུྃ་ཕ¿ཊ ཀཱ་ཡ་ཨ་བྷི་ཥིཉྩ་ཨོཾ༔ ས་མ་ཡ༔ ༈

དྷཱི།༔ རྩ་གསུམ་འོད་གསལ་སྙིང་ཏིག་ལས༔ ནང་སྒྲུབ་པདྨའི་དྲྭ་བ་བཞུགས༔ དྷཱི།༔ འཕགས་མཆོག་སྙིང་རྗེའི་ལྷ་ལ་འདུད༔ ནང་ལྟར་ལོངས་སྤྱོད་རྫོགས་པའི་སྐུ༔ པདྨ་དྲྭ་བའི་སྒྲུབ་པ་ནི༔ དབེན་ཞིང་ཉམས་དགའི་གནས་ཉིད་དུ༔ མཎྜལ་ཟླུམ་པོ་བཀོད་ལེགས་སྟེང་༔ མཚན་ལྡན་བྷནྡྷའི་སྣོད་མཆོག་ཏུ༔ གསང་རྫས་རིལ་བུས་གཏམས་པ་ཡི༔ ཁ་གཅོད་མེ་ལོང་གཡའ་བྲལ་ངོས༔ སིནྡྷཱུ་ར་ཡིས་ཆག་ཆག་གདབ༔ རྩ་སྔགས་ཡི་གེའི་དཀྱིལ་འཁོར་བཀོད༔ དེ་སྟེང་ཟུར་མང་ཤེལ་རྡོར་བཅས༔ མཐའ་བསྐོར་ཕྱི་ནང་མཆོད་པ་དང་༔ ཚོགས་ཀྱི་འཁོར་ལོའི་ལོངས་སྤྱོད་བཤམ༔ གཞན་དུ་རྡོ་རྗེ་ལུས་ཀྱི་དཀྱིལ༔ རང་བྱུང་ལྷུན་གྲུབ་ཆེན་པོར་བརྟེན༔ སྔོན་དངོས་རྗེས་ཀྱིས་ཉམས་སུ་བླང་༔ ས་མ་ཡ༔ སྔོན་འགྲོའི་དང་པོ་སྐྱབས་འགྲོ་ནི༔ ཧྲཱིཿ བདག་དང་མཁའ་མཉམ་འགྲོ་བ་མ་ལུས་ཀུན༔ སྐུ་གསུམ་འཕགས་པའི་ལྷ་ལ་སྐྱབས་སུ་མཆི༔ མཐའ་ཀླས་སྲིད་པའི་ཁམས་རྣམས་བསྒྲལ་བའི་ཕྱིར༔ པདྨ་དྲྭ་བའི་གོ་འཕང་བསྒྲུབ་པར་བགྱི༔ ལན་གསུམ་གཉིས་པ་མཚམས་གཅོད་ནི༔ ཧཱུྃ་ཧྲཱིཿ རང་ཉིད་དབང་ཆེན་ཐུགས་ནས་འཕྲོས་པ་ཡི༔ རྡོ་རྗེ་རིན་ཆེན་པདྨ་རྒྱ་གྲམ་དང་༔ འཁོར་ལོ་མེ་ཕུང་ཁྲོ་བོའི་གུར་ཁང་གིས༔ གཉིས་འཛིན་འཁྲུལ་པའི་བགེགས་ཚོགས་མཚམས་བཅད་གྱུར༔ ཧཱུྃ་ཧཱུྃ་ཧཱུྃ༔ གསུམ་པ་ཡེ་ཤེས་བྱིན་འབེབས་ནི༔ ཧཱུྃ་ཧྲཱི༔ འོག་མིན་བདེ་ཆེན་ཆོས་སྐུའི་ཕོ་བྲང་དང་༔ ལྷུན་གྲུབ་ཡེ་ཤེས་རང་སྣང་འོད་ལྔའི་ཞིང་༔ གང་འདུལ་སྒྱུ་འཕྲུལ་སྤྲུལ་པའི་དཀྱིལ་འཁོར་ནས༔ སྐུ་གསུམ་འཕགས་པའི་ལྷ་ཚོགས་བྱིན་ཕོབ་ཅིག༔ ཨོཾ་ཨཱཿཧཱུྃ་ཧྲཱི་ཧྲཱིཿ གུ་རུ་དེ་བ་ཌཱ་ཀི་ནཱི་ལོ་ཀེ་ཤྭ་ར་བཛྲ་ཛྙཱ་ན་སརྦ་ས་མ་ཡ་ཨ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ བཞི་པ་མཆོད་རྫས་བརླབ་པ་ནི༔ ཨོཾ་ཨཱཿཧཱུྃ༔ ཡུལ་དང་དབང་པོ་འབྲེལ་བའི་སྲེད་ལེན་ཀུན༔ བདེ་སྟོང་ཟུང་འཇུག་ཆེན་པོར་མཉམ་སྦྱོར་བའི༔ རོལ་རྩལ་འགགས་མེད་ཀུན་བཟང་མཆོད་པའི་སྤྲིན༔ མཐའ་ཀླས་ནམ་མཁའ་མཛོད་ཀྱི་འཁོར་ལོར་ཤར༔ ཨོཾ་བཛྲ་ཨརྒྷཾ་ནས་ ཤཔྡའི་བར་དང་ རཱུ་པ༔ ཤཔྡ༔ གནྡྷེ་རཱ་ས༔ སྤརྵེ་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ས་མ་ཡེ་ཨཱཿ་ཧཱུྃ༔ ལན་གསུམ་བརྗོད་པས་བྱིན་རླབས་བྱ༔ ས་མ་ཡ༔ དངོས་གཞིའི་དང་པོ་བསྐྱེད་རིམ་ནི༔ ཕྱག་རྒྱ་སྐུ་ཡི་རྣལ་འབྱོར་ཏེ༔ དབྱིངས་དང་རིག་པ་དབྱེར་མེད་ལས༔ ཟུང་འཇུག་སྒྱུ་མའི་དཀྱིལ་འཁོར་གསལ༔ ཧྲཱིཿ གཞི་དབྱིངས་ཀ་དག་འོད་གསལ་ཆོས་སྐུའི་ངང་༔ གཞི་སྣང་རིག་པ་ལྷུན་གྲུབ་ལོངས་སྐུའི་སྤྲིན༔ ཟུང་འཇུག་སྤྲུལ་པའི་རྒྱུ་མཆོག་ཧྲཱིཿདམར་པོ༔ དེ་ཉིད་ཡོངས་གྱུར་སྐད་ཅིག་དྲན་རྫོགས་སུ༔ ཕྱི་སྣོད་དག་པ་རབ་འབྱམས་རྡོ་རྗེའི་གྲོང་༔ རང་སྣང་རྣམ་དག་ཡིད་འོང་པོ་ཏཱ་ལ༔ ཞིང་ཁམས་རྒྱ་མཚོའི་བཀོད་པས་མཛེས་པའི་གཞིར༔ མཚན་ཉིད་ཀུན་རྫོགས་ངོ་མཚར་གཞལ་ཡས་དབུས༔ རང་རིག་བདེ་གཤེགས་ཡོངས་འདུས་སྙིང་རྗེའི་ལྷ༔ སྐུ་མདོག་དམར་གསལ་ཞལ་གཅིག་ཕྱག་གཉིས་པ༔ ཕྱག་གཡས་པདྨའི་ཕྲེང་བ་ཐུགས་ཀར་འདྲེན༔ གཡོན་པས་མཉམ་བཞག་བདུད་རྩིའི་ཚེ་བུམ་བསྣམས༔ པང་དུ་གསང་བ་ཡེ་ཤེས་ཌཱ་ཀི་མ༔ ཨུཏྤལ་ཐོད་འཛིན་ཡབ་ཀྱི་མགུལ་ནས་འཁྲིལ༔ དབང་མདོག་བཅུ་དྲུག་བདེ་བའི་ལང་ཚོས་མཛེས༔ གཉིས་ཀ་དར་དང་རིན་ཆེན་རུས་པས་བརྒྱན༔ ཁྲོ་འཛུམ་ཆགས་ཉམས་མཚན་དཔེའི་འོད་ཕུང་འབར༔ ཞབས་གཉིས་རྡོ་རྗེ་པདྨའི་སྐྱིལ་ཀྲུང་གིས༔ ཐབས་ཤེས་ཟུང་འཇུག་པད་ཉི་ཟླ་སྟེང་རོལ༔ སྤྱྀ་བོར་གཙུག་ཏོར་ནོར་བུའི་འཁོར་ལོ་རུ༔ ཆགས་བྲལ་སོ་སོར་རྟོག་པའི་ཡེ་ཤེས་རྩལ༔ རིགས་ཀྱི་བདག་པོ་ཆོས་སྐུ་སྣང་མཐའ་ཡས༔ དམར་པོ་མཉམ་བཞག་བདུད་རྩིའི་ལྷུང་བཟེད་བསྣམས༔ དེ་ལྟར་གསལ་བའི་རྡོ་རྗེ་ལུས་ཀྱི་དཀྱིལ༔ རྩ་གསུམ་འཁོར་ལོ་ལྔ་ལྡན་གྲོང་ཁྱེར་དུ༔ བདེ་སྟོང་དབྱེར་མེད་ཡེ་ཤེས་སྒྱུ་མའི་སྐུ༔ དབང་ཆེན་རིག་ལྔ་ཡབ་ཡུམ་འཁྲིལ་སྦྱོར་རོལ༔ ཐུགས་ཀར་རྡོ་རྗེ་དབང་ཆེན་ཐུགས་དབུས་སུ༔ ཡིད་ཆོས་རྣམ་དག་ཀུན་བཟང་ཡབ་ཡུམ་ལ༔ སུམ་ཅུ་རྩ་བཞི་ཞི་བའི་ལྷ་ཚོགས་དང་༔ དེ་ཡི་རང་རྩལ་བདེ་ཆེན་འཁོར་ལོའི་དབུས༔ ཁྲག་འཐུང་དཔལ་ཆེན་ཁྲོ་བོའི་ཚོམ་བུར་བཞུགས༔ ཕྱི་རོལ་གྱེས་པའི་པདྨའི་གདན་སྟེང་དུ༔ ཡི་གེ་དྲུག་པའི་སྔགས་ཀྱི་རང་སྒྲ་ལས༔ རིགས་དྲུག་དོན་མཛད་བཅོམ་ལྡན་ཐུབ་པ་དྲུག༔ སྤྲུལ་སྐུའི་ཆས་རྫོགས་མཚན་དང་དཔེ་བྱད་ལྡན༔ གེ་སར་ཟིལ་ཕོད་རབ་ཏུ་རྒྱས་པའི་རྩེར༔ སྟོང་ཉིད་སྙིང་རྗེའི་རིག་གདངས་འགགས་མེད་རྩལ༔ དུས་གསུམ་བསྐལ་བཟང་སེམས་དཔའ་སྟོང་རྩ་གཉིས༔ འགྲོ་འདུལ་ཐུགས་རྗེ་ཆེན་པོའི་རྣམ་པར་བཞེངས༔ སྒོ་བཞིར་བདུད་བཞི་བསྣོལ་བའི་གདན་གྱི་སྟེང་༔ ཕྲིན་ལས་ལྷུན་གྲུབ་ཌཱ་ཀི་སྡེ་བཞི་དང་༔ གཞན་ཡང་ཕྱོགས་དུས་སྲས་བཅས་རྒྱལ་བའི་ཚོགས༔ མ་འདྲེས་གསལ་རྫོགས་ཉིད་དང་འོད་ཟེར་ཚུལ༔ དྭངས་བའི་མཁའ་ལ་ཤར་བའི་འཇའ་ཚོན་ལྟར༔ སྣང་སྟོང་དབྱེར་མེད་ཆེན་པོའི་གནས་གསུམ་དུ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ནམ་མཁའི་ཁམས་གང་གདན་གསུམ་ཚང་བའི་ལྷས༔ ཡེ་ཤེས་རྣམ་ལྔའི་ངོ་བོ་དབང་བསྐུར་གྱུར༔ ཐུགས་ཀའི་ཧཱུྃ་འོད་ལྕགས་ཀྱུ་ཡིས༔ རྩ་གསུམ་ཆོས་སྲུང་རྒྱ་མཚོའི་ཚོགས༔ ཐུགས་རྗེ་ཆེན་པོའི་རྣམ་རོལ་ཏུ༔ མདུན་གྱི་ནམ་མཁར་བྱོན་པར་བསམ༔ ཧཱུྃ་ཧྲཱིཿ འོག་མིན་པདྨོ་བཀོད་པའི་དཀྱིལ་འཁོར་ནས༔ འཆི་མེད་འོད་སྣང་མཐའ་ཡས་གཤེགས་སུ་གསོལ༔ སྣང་སྟོང་སྒྱུ་འཕྲུལ་དྲྭ་བའི་གཞལ་ཡས་ནས༔ འཕགས་མཆོག་སྙིང་རྗེའི་བདག་ཉིད་གཤེགས་སུ་གསོལ༔ གནས་ཡུལ་དུར་ཁྲོད་དྲག་པོའི་ཕོ་བྲང་ནས༔ དབང་ཆེན་རིགས་ལྔ་ཡབ་ཡུམ་གཤེགས་སུ་གསོལ༔ ཕྱོགས་བཅུ་དུས་བཞིའི་ཞིང་ཁམས་རབ་འབྱམས་ནས༔ སྲས་བཅས་རྒྱལ་བ་རྒྱ་མཚོ་གཤེགས་སུ་གསོལ༔ དོན་དམ་འགྲོ་འོང་མཚན་མ་ལས་འདས་ཀྱང་༔ འགགས་མེད་ཐུགས་རྗེའི་དབང་གིས་གནས་འདིར་གཤེགས༔ སྒོ་གསུམ་དཀྱིལ་འཁོར་གསུམ་དུ་དབང་བསྐུར་ལ༔ མཆོག་དང་ཐུན་མོང་དངོས་གྲུབ་བྱིན་ཆེན་ཕོབ༔ ཨོཾ་ཨཱཿཧཱུྃ་ཧྲཱི་ལོ་ཀེ་ཤྭ་རི་ས་པ་རི་ཝཱ་ར་བཛྲ་ས་མ་ཡ་ཛ༔ ཧཱུྃ་ཧྲཱིཿ གདོད་ནས་ཆོས་ཉིད་མཉམ་པ་ཆེན་པོའི་དབྱིངས༔ རང་སྣང་རྣམ་དག་དོན་གྱི་འོག་མིན་དུ༔ ཆོས་ཀྱི་དབྱིངས་ནས་སྤྱན་དྲངས་ཡེ་ཤེས་པ༔ གཉིས་མེད་རྡོ་རྗེའི་གདན་ལ་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ ངོ་བོ་འོད་གསལ་ཆོས་སྐུའི་སྙིང་པོ་ལས༔ རང་བཞིན་བདེ་སྟོང་ལོངས་སྤྱོད་རྫོགས་སྐུར་ཤར༔ ཐུགས་རྗེ་སྤྲུལ་པའི་གར་གྱིས་འགྲོ་བ་འདུལ༔ སྐུ་གསུམ་འཕགས་པའི་ལྷ་ལ་ཕྱག་འཚལ་བསྟོད༔ ཨ་ཏི་པཱུ་ཧོ༔ པྲ་ཏཱིཙྪ་ཧོ༔ ཨོཾ་ཨཱཿཧཱུྃ༔ སྣོད་བཅུད་རྡོ་རྗེ་གཟུགས་སྒྲ་དྲི་རོ་རེག༔ སྣང་སྲིད་སྦྱོར་སྒྲོལ་ཟུང་འཇུག་སྨན་གཏོར་རཀ༔ འཁོར་འདས་དབྱེར་མེད་གདོད་མའི་མཆོད་སྤྲིན་གྱིས༔ དུས་གསུམ་དུས་མེད་ཆེན་པོར་མཉེས་གྱུར་ཅིག༔ ཨོཾ་ཨཱཿཧཱུྃ་ཧྲཱི་ཧྲཱིཿལོ་ཀེ་ཤྭ་རི་ས་པ་རི་ཝཱ་ར་རཱུ་པ་ཤཔྟ་གནྡྷེ་རཱ་ས་སྤརྵེ་མ་ཧཱ་ཨ་མྲྀ་ཏ་རཀྟ་བ་ལིཾ་ཏ་དྷརྨ་དྷཱ་ཏུ་པཱུ་ཛ་ཧོཿ ཧཱུྃ་ཧྲཱིཿ སྣང་སྟོང་གདན་གསུམ་ཡོངས་རྫོགས་རྡོ་རྗེའི་སྐུ༔ གྲགས་སྟོང་ཐབས་ཤེས་ཨཱ་ལི་ཀཱ་ལིའི་གསུང་༔ རིག་སྟོང་སྤྲོས་བྲལ་འོད་གསལ་གཉུག་མའི་ཐུགས༔ བདེ་སྟོང་ཟུང་འཇུག་དཀྱིལ་འཁོར་ལྷ་ལ་བསྟོད༔ ཐོག་མའི་མགོན་པོ་ཆོས་སྐུ་སྣང་མཐའ་ཡས༔ སྟོང་ཉིད་སྙིང་རྗེའི་སྐུར་བཞེངས་སྤྱན་རས་གཟིགས༔ སྤྲུལ་པའི་རྣམ་རོལ་དབང་ཆེན་རིགས་མཆོག་ལྔ༔ སྐུ་གསུམ་འཕགས་པའི་ལྷ་ལ་ཕྱག་འཚལ་བསྟོད༔ དོན་དམ་ཆོས་དབྱིངས་སྙིང་པོར་རོ་གཅིག་ཀྱང་༔ ཀུན་རྫོབ་ཞི་དང་ཁྲོ་བོའི་རྣམ་རོལ་ཅན༔ སྣོད་བཅུད་དག་པ་རྡོ་རྗེའི་འོག་མིན་ཆེ༔ དཀྱིལ་འཁོར་ལྷ་ཚོགས་མ་ལུས་ཀུན་ལ་བསྟོད༔ གཉིས་པ་བསྙེན་ཅིང་སྒྲུབ་པ་ནི༔ བཟླས་པ་གསུང་གི་རྣལ་འབྱོར་ཏེ༔ སྙིང་དབུས་དབང་ཆེན་ཡབ་ཡུམ་གྱི༔ ཐུགས་ཀར་པད་ཉི་ཟླ་བའི་སྟེང་༔ ཧྲཱིཿམཐར་སྔགས་ཕྲེང་གཡས་སུ་འཁོར༔ འོད་ཀྱི་ཕྱོགས་བཅུའི་རྒྱལ་བ་མཆོད༔ བྱིན་རླབས་བདུད་རྩིའི་རྣམ་པར་བྱོན༔ སྤྱྀ་བོ་ནས་ཞུགས་གནས་བཞིར་བབས༔ སྒྲིབ་བཞི་སྦྱངས་ཤིང་དབང་བཞི་ཐོབ༔ སླར་འཕྲོས་འགྲོ་བའི་ལས་ཉོན་སྦྱངས༔ ཕྱི་ནང་དག་པ་རབ་འབྱམས་ཞིང་༔ ཅིར་སྣང་ཐུགས་རྗེ་ཆེན་པོའི་སྐུ༔ སྒྲར་གྲགས་རྡོ་རྗེའི་སྔགས་ཀྱི་སྒྲ༔ དྲན་རྟོག་དོན་གྱི་འཕགས་པའི་ཞལ༔ པདྨ་དྲྭ་བའི་ཀློང་དུ་རྫོགས༔ ཨོཾ་མ་ཎི་པདྨེ་ཧཱུྃ་ཧྲཱི༔ གྲངས་ཀྱི་བསྙེན་པ་བདུན་འབུམ་སྟེ༔ དུས་བསྙེན་དེ་ཡི་བཞི་འགྱུར་རོ༔ མཚན་མ་རྟགས་ཀྱི་རིམ་པ་ནི༔ དངོས་ཉམས་རྨི་ལམ་མ་ངེས་པར༔ ཞལ་མཐོང་གསུང་ཐོས་གདམས་པ་ཐོབ༔ རང་རིག་ཀ་དག་དོན་དང་འཕྲད༔ རྩོལ་མེད་སྙིང་རྗེ་ཤུགས་ཀྱིས་འབྱུང་༔ ས་མ་ཡ༔ ཁྱད་པར་ནང་ལྟར་སྒྲུབ་པ་ནི༔ ཐུགས་སྲོག་ལས་བྱུང་ཧྲཱིཿཡིག་ཕྲེང་༔ ཡུམ་གྱི་ཞལ་ཞུགས་པདྨ་ནས༔ རྡོ་རྗེ་ནོར་བུའི་ལམ་བརྒྱུད་དེ༔ སྙིང་ཁའི་ཆུ་སྐྱེས་ལ་ཆགས་པས༔ རྣམ་པ་ཀུན་གྱི་མཆོག་ལྡན་པའི༔ ཟག་མེད་བདེ་བས་ཚིམ་པར་བསམ༔ གཙོ་འཁོར་ཡོངས་རྫོགས་ལ་དམིག་ནས༔ ཨོཾ་ཨཱཿཧཱུྃ་ཧྲཱིཿཧྲཱིཿ་སརྦ་ཏ་ཐཱ་ག་ཏ་བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཧྲཱི་བཛྲ་ཀྲོ་དྷ་ཧྱ་གྲྀ་བ་ཌཱ་ཀི་ནཱི་ཧ་རི་ནི་ས་ཙིཏྟ་ཧྲཱིཾ་ཧྲཱིཾ་ཛ་ཛཿ བདེར་གཤེགས་ཡོངས་རྫོགས་སྲོག་སྙིང་ནི༔ འབྱུང་འཇུག་གནས་པའི་རླུང་ལ་སྦྱར༔ གྲགས་སྟོང་རྡོ་རྗེའི་སྔགས་ཀྱི་སྒྲ༔ དུས་གསུམ་དུས་མེད་གཅིག་ཏུ་བཟླ༔ ཧྲཱིཿཧྲཱི་ཧྲཱིཿ ཐུན་མཚམས་མཆོད་བསྟོད་དངོས་གྲུབ་བླང་༔ ནོངས་པ་བཤགས་ཤིང་ཡེ་ཤེས་གཤེགས༔ དམ་ཚིག་འོད་གསལ་འཁོར་ལོར་བསྡུ༔ རྗེས་ཐོབ་སྒྱུ་མའི་ལྷ་སྐུའི་ངང་༔ སྟོང་ཉིད་སྙིང་རྗེ་ཟུང་འཇུག་པས༔ ཕྱིན་དྲུག་དགེ་ཆོས་རྒྱ་མཚོ་སྡུད༔ ས་མ་ཡ༔ གསུམ་པ་རྫོགས་པའི་རིམ་པ་ནི༔ འོད་གསལ་ཐུགས་ཀྱི་རྣལ་འབྱོར་སྟེ༔ ལུས་ངག་ཡིད་གསུམ་སྔོན་སྦྱངས་ནས༔ སྦྱོར་བ་བཞི་ལྡན་རླུང་གཡོས་པས༔ ལྟེ་བའི་གཏུམ་མོ་སྤར་བའི་མེས༔ གནས་ལྔའི་རྟ་ཕག་ཡབ་ཡུམ་བསྐུལ༔ བདེ་སྟོང་སྦྱོར་བའི་བྱང་ཆུབ་སེམས༔ དབབ་བཟློག་འབེབས་བསྐྱིལ་ཡེ་ཤེས་བསྒོམ༔ དེ་ལས་བྱུང་བའི་འོད་ཟེར་གྱིས༔ ཕྱི་ནང་སྣོད་བཅུད་རིམ་གྱིས་སྦྱངས༔ རིག་རྩལ་ཀ་དག་ངང་དུ་བཞག༔ རྗེས་ཐོབ་སྣང་བ་སྒྱུ་མར་བལྟ༔ གེགས་སེལ་རྡོ་རྗེའི་འཁྲུལ་འཁོར་དང་༔ བོགས་འདོན་ལས་ཀྱི་ཕྱག་རྒྱ་ལ༔ སྙོམས་པར་འཇུག་པས་བདེ་ཆེན་བསྒྲུབ༔ མཐར་ཐུག་ཕྱག་རྒྱ་ཆེན་པོའི་ངང་༔ རང་བབས་ཡེ་ཤེས་རླུང་སྦྱོར་བྱ༔ དེ་ལྟར་རྟག་ཏུ་བརྩོན་པ་ཡིས༔ ཕུང་ཁམས་འཇའ་ལུས་དྭངས་མར་ཤར༔ གལ་ཏེ་བརྩོན་འགྲུས་སྟོབས་ཞན་ན༔ འཆི་ཚེ་རླུང་སེམས་དབྱེར་མེད་པ༔ རིགས་བདག་བླ་མའི་ཐུགས་ཀར་འཕོ༔ བར་དོའི་སྣང་བ་ཅི་ཤར་ཡང་༔ བདེན་མེད་སྒྱུ་མའི་ལྷ་སྐུར་བལྟ༔ ས་མ་ཡ༔ དེ་ལྟར་རྣལ་འབྱོར་གསུམ་ལྡན་གྱིས༔ འཕགས་མཆོག་པདྨ་དྲྭ་བ་ཡིས༔ སྐུ་གསུང་ཐུགས་ཀྱི་རྡོ་རྗེ་དབྱིངས༔ སྦྱོར་བྱེད་ཟབ་གཟང་ལམ་མཆོག་འདི༔ ད་ལྟ་མངའ་བདག་ཡབ་སྲས་ལ༔ རྒྱུད་ལུང་མན་ངག་སྙིང་པོར་བཤད༔ མ་འོངས་ལྔ་བརྒྱའི་འགྲོ་བའི་དོན༔ འོད་གསལ་གསང་བའི་སྒྲོམ་བུར་སྦས༔ རྒྱ་རྒྱ་རྒྱ༔ དྷ་ཐིམ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ གསང་སྒྲུབ་འོད་གསལ་དྲྭ་བ་བཞུགས༔ དྷཱི།༔ འཆི་མེད་འོད་མཐའ་ཡས་ལ་འདུད༔ གསང་བ་དབྱིངས་རིག་དབྱེར་མེད་པ༔ འོད་གསལ་དྲྭ་བའི་སྒྲུབ་པ་ནི༔ གངས་ཁྲོད་རི་རྩེ་ནགས་ཚལ་སོགས༔ ཤིན་ཏུ་དབེན་ཞིང་ཡིད་མཐུན་པར༔ ཀུན་རྫོབ་མཎྜལ་ཟླུམ་པོའི་སྟེང་༔ རྡོ་རྗེ་སེམས་པའི་མེ་ལོང་ངོགས༔ འོད་སྣང་མཐའ་ཡས་གཟུགས་སྐུ་དང་༔ མཐའ་སྐོར་སྨན་རག་གཏོར་ཚོགས་བཤམ༔ དོན་དམ་རྡོ་རྗེ་ལུས་ཀྱི་སྦུབས༔ འཇའ་ཚོན་ཐིག་ལེའི་དཀྱིལ་འཁོར་ལ༔ སྒོ་ཡུལ་རླུང་གི་གནད་གཅུན་པས༔ སྣང་བ་རྣམ་བཞིའི་གོ་འཕང་བསྒྲུབ༔ ས་མ་ཡ༔ དངོས་གཞིར་རྡོ་རྗེའི་མཚན་ཉིད་ལ༔ ལུས་གནད་རྡོ་རྗེའི་ཆོས་བདུན་དང་༔ ཁྲེགས་ཆོད་ཀ་དག་རིག་རྩལ་ལས༔ ལྷུན་གྲུབ་བསྐྱེད་རྫོགས་དབྱེར་མེད་པར༔ འཇུག་པའི་དང་པོ་སྐྱབས་སེམས་ནི༔ ཧྲཱིཿ ཀ་དག་སོ་སོར་རྟོག་པའི་ཡེ་ཤེས་སྐུ༔ འཆི་མེད་ཐོག་མའི་མགོན་པོར་སྐྱབས་སུ་མཆི༔ ལྷུན་གྲུབ་འོད་གསལ་སྣང་བཞིའི་དཀྱིལ་འཁོར་དུ༔ ཁམས་གསུམ་འགྲོ་ཀུན་སྒྲོལ་བར་སེམས་བསྐྱེད་དོ༔ ལན་གསུམ་གཉིས་པ་མཚམས་གཅོད་ནི༔ ཧྲཱིཿ སྣང་སྲིད་ཐམས་ཅད་དག་པ་ཆོས་སྐུའི་ཞིང་༔ སྒྲར་གྲགས་གཞོམ་མེད་རྡོ་རྗེའི་སྔགས་སུ་རྫོགས༔ དྲན་རྟོག་གདོད་ནས་རང་གྲོལ་གཉུག་མའི་ངང་༔ ཐ་མལ་རྣམ་པར་རྟོག་པ་མཚམས་བཅད་དོ༔ ཨོཾ་ཨཱཿཧཱུྃ་བཛྲ་ཛྙཱ་ན་རཀྵ་བྷྲཱུྃ༔ གསུམ་པ་ཡེ་ཤེས་བྱིན་འབེབས་ནི༔ ཧྲཱིཿ ངོ་བོ་ནང་གསལ་གཞོན་དུ་བུམ་སྐུའི་ཀློང་༔ རང་བཞིན་རྩ་གསུམ་དཀྱིལ་འཁོར་རབ་འབྱམས་ཤར༔ ཐུགས་རྗེ་གང་འདུལ་སྤྲུལ་པའི་རྣམ་རོལ་གྱིས༔ གནས་འདིར་དབང་བསྐུར་བྱིན་ཕོབ་ཡེ་ཤེས་སྐྱེད༔ ཨོཾ་ཨཱཿཧཱུྃ་བཛྲ་ཛྙཱ་ན་ཨ་བེ་ཤ་ཡ་ཨཱ་ཨཱཿ བཞི་པ་མཆོད་རྫས་བྱིན་རླབས་ནི༔ ཨོཾ་ཨཱཿཧཱུྃ༔ ཆོས་ཅན་འགགས་མེད་འདོད་ཡོན་རྒྱ་མཚོའི་སྤྲིན༔ ཟུང་འཇུག་བདེ་ཆེན་རྡོ་རྗེར་བྱིན་རླབས་པས༔ མི་ཟད་མཆོད་པའི་ཕྱག་རྒྱ་ཆེན་པོར་གྱུར༔ ཨོཾ་རུ་པ་ཤཔྡ་གནྡྷེ་རཱའ་ས་སྤརྴེ་དྷརྨཱ་དྷཱ་ཏུ་སརྦ་པཱུ་ཛ་ཨཱཿཧཱུྃ༔ ལྔ་པ་དམ་ཚིག་བསྐྱེད་པ་ནི༔ ཧྲཱིཿ སྟོང་ཉིད་དབྱིངས་ལས་ཡེ་ཤེས་སྒྱུ་མའི་འཕྲུལ༔ སྣོད་བཅུད་རྣམ་དག་པདྨོ་བཀོད་པའི་ཞིང་༔ རིན་ཆེན་སྣ་ཚོགས་གཅལ་དུ་བཀྲམ་པའི་གཞིར༔ ནོར་བུའི་བྲག་རི་འདོད་འབྱུང་ལྗོན་ཤིང་དང་༔ ཡན་ལག་བརྒྱད་ལྡན་བདུད་རྩིའི་རྫིང་བུས་མཛེས༔ ཆོས་ཉིད་མངོན་སུམ་འཇའ་ཟེར་ཐིག་ལེའི་ཀློང་༔ ཉམས་སྣང་གོང་འཕེལ་སྣ་ཚོགས་མཆོད་སྤྲིན་དང་༔ རིག་པ་ཚད་ཕེབས་དཔའ་བོ་ཌཱ་ཀིའི་ཚོགས༔ ཆོས་ཟད་བློ་འདས་རྡོ་རྗེའི་གླུ་གར་བསྒྱུར༔ གང་ཤར་སྣང་གྲགས་རིག་པའི་རྟོག་ཚོགས་ཀུན༔ གཟུང་འཛིན་འཁྲུལ་པ་དག་པའི་རང་རྩལ་ལས༔ རྡོ་རྗེའི་གཟུགས་སྒྲ་དྲི་རོ་རེག་བྱ་སོགས༔ བདེ་སྟོང་རོལ་མོར་འཆར་བའི་ཞིང་མཆོག་དབུས༔ མཚན་ཉིད་ཡོངས་རྫོགས་སྤྲུལ་པའི་གཞལ་མེད་ཁང་༔ གྲུ་བཞི་སྒོ་བཞི་རྟ་བབས་བཞི་ཡིས་བརྒྱན༔ ཕྱི་གསལ་གནང་གསལ་ཡེ་ཤེས་འོད་ལྔའི་ཀློང་༔ ཆགས་བྲལ་པདྨ་ཐབས་ཤེས་ཉི་ཟླའི་སྟེང་༔ སྐད་ཅིག་དྲན་རྫོགས་ཆུ་ལས་ཉ་འཕར་ལྟར༔ རང་རིག་བདེ་ཆེན་སྐུར་བཞེངས་སྣང་མཐའ་ཡས༔ དམར་གསལ་ཞལ་གཅིག་ཕྱག་གཉིས་མཉམ་བཞག་སྟེང་༔ འཆི་མེད་བདུད་རྩིས་གང་བའི་ལྷུང་བཟེད་བསྣམས༔ མཚན་དཔེའི་དབལ་འབར་ཆོས་གོས་རྣམ་གསུམ་གསོལ༔ ཐབས་ཤེས་ཞབས་གཉིས་རྡཽ་རྗེའི་སྐྱིལ་ཀྲུང་བཞུགས༔ ཧྲཱིཿ དེ་ལྟར་གསལ་བའི་རང་བྱུང་ལུས་ཀྱི་དཀྱིལ༔ ཕུང་པོ་ཁམས་དང་སྐྱེ་མཆེད་ཐམས་ཅད་ཀུན༔ གདོད་ནས་དག་པ་འོད་གསལ་རྡོ་རྗེའི་གྲོང་༔ གཞི་ལམ་འབྲས་གསུམ་རྫོགས་པའི་གཞལ་ཡས་དབུས༔ ཐུགས་ཀ་ཆོས་ཀྱི་འཁོར་ལོའི་དཀྱིལ་འཁོར་དུ༔ དབྱིངས་རིག་ཟུང་འཇུག་ཀུན་བཟང་ཡབ་ཡུམ་དང་༔ ཕུང་པོ་འབྱུང་བ་རང་གྲོལ་རིགས་མཆོག་ལྔ༔ དབང་ཡུལ་དག་པ་སེམས་དཔའ་སེམས་མ་བརྒྱད༔ ཉོན་མོངས་འདུལ་མཛད་བཅོམ་ལྡན་ཐུབ་པ་དྲུག༔ རྟོག་ཚོགས་འཇོམས་བྱེད་སྒོ་བ་ཡབ་ཡུམ་སྟེ༔ བདེར་གཤེགས་ཞི་བ་རྡོ་རྗེ་དབྱིངས་ཀྱི་ལྷ༔ བཞི་བཅུ་རྩ་གཉིས་སྣང་སྟོང་འོད་ཕུང་འབར༔ དེ་ཡི་རང་རྩལ་བདེ་ཆེན་འཁོར་ལོ་རུ༔ ཀུན་ཏུ་བཟང་པོ་ཆེ་མཆོག་ཧེ་རུ་ཀ༔ ཡབ་ཡུམ་གཉིས་མེད་དགའ་བཞིའི་རྣམ་རོལ་ལས༔ རིགས་ལྔ་གནས་ཡུལ་དག་པའི་ཕྲ་མེན་དང་༔ འབར་བའི་དབང་ཕྱུག་ཉི་ཤུ་རྩ་བརྒྱད་སོགས༔ སྤྲོས་བྲལ་ཆོས་སྐུའི་ངང་ལས་མ་གཡོས་ཀྱང་༔ གདུག་པ་འདུལ་ཕྱིར་ཁྲག་འཐུང་རོལ་པའི་སྐུ༔ ལྔ་བཅུ་རྩ་བརྒྱད་ཁྲོ་བོའི་ཚོམ་བུར་བཞུགས༔ མགྲིན་པར་སྐུ་གསུང་ཐུགས་ཡོན་ཕྲིན་ལས་ཀྱི༔ རིག་འཛིན་དཔའ་བོ་ཌཱ་ཀི་རྒྱ་མཚོར་བཅས༔ མ་བསྐྱེད་རང་བྱུང་ཡོངས་གྲུབ་ཕྱག་རྒྱའི་ལྷ༔ ཟབ་གསལ་གཉིས་མེད་འཇའ་མཚོན་ལྟ་བུར་ཤར༔ གཞན་ཡང་རྩ་རླུང་ཐིག་ལེ་ཡེ་ཤེས་ཁམས༔ རབ་འབྱམས་རྩ་གསུམ་རྒྱལ་བའི་ངོ་བོར་བཞུགས༔ གནས་གསུམ་རྡོ་རྗེ་གསུམ་གྱི་རྒྱས་གདབ་ཅིང་༔ བདེ་སྟོང་ཁ་སྦྱོར་བདུད་རྩིའི་དབང་བསྐུར་བའི༔ འོད་ཀྱིས་ཡེ་ཤེས་སེམས་དཔའ་སྤྱན་དྲངས་གྱུར༔ དྲུག་པ་ཡེ་ཤེས་སྤྱན་འདྲེན་ནི༔ ཕྱག་རྒྱ་རྣམ་བཞིས་བཅིང་བ་ནི༔ ཧྲཱིཿ ངོ་བོ་འོད་གསལ་ཆོས་སྐུའི་ཕོ་བྲང་ནས༔ འཆི་མེད་ཐོག་མའི་མགོན་པོ་གཤེགས་སུ་གསོལ༔ རང་བཞིན་བདེ་སྟོང་ལོངས་སྐུའི་གཞལ་ཡས་ནས༔ རབ་འབྱམས་ཞི་ཁྲོའི་ལྷ་ཚོགས་གཤེགས་སུ་གསོལ༔ ཐུགས་རྗེ་འགྲོ་འདུལ་སྤྲུལ་པའི་ཞིང་ཁམས་ནས༔ རིག་འཛིན་ཌཱ་ཀི་རྒྱ་མཚོ་གཤེགས་སུ་གསོལ༔ ཀ་དག་གཉུག་མའི་ངང་དུ་བྱིན་ཕོབ་ལ༔ ལྷུན་གྲུབ་སྣང་བ་བཞི་ཡི་དབང་མཆོག་སྐུར༔ ཨོཾ་ཨཱཿཧཱུྃ་ཧྲཱི་ཧྲཱིཿབོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ བཛྲ་ས་མ་ཡ་ཛཿཛཿ ཛཿཧཱུྃ་བྃ་ཧོཿ བདུན་པ་བརྡ་ཕྱག་འཚལ་བ་ནི༔ ཧྲཱིཿ གཟུང་འཛིན་འཁྲུལ་པའི་མཚན་མ་ལས་འདས་པའི༔ རིག་སྟོང་སེམས་ཀྱི་རྡོ་རྗེ་འོད་མཐའ་ཡས༔ གདོད་ནས་གཉིས་མེད་མཉམ་པའི་ངང་ཉིད་དུ༔ མངོན་སུམ་རང་ཞལ་མཇལ་བའི་ཕྱག་གིས་འདུད༔ ཨ་ཏི་པཱུ་ཧོཿ ན་མ་དྷཱི༔ བརྒྱད་པ་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ དབྱིངས་རིག་ཟུང་འཇུག་ཆོས་ཉིད་མངོན་སུམ་ཀློང་༔ ཉམས་སྣང་གོང་འཕེལ་ཕྱི་ནང་མཆོད་པའི་སྤྲིན༔ རིག་པ་ཚད་ཕེབས་དོན་གྱི་ལྷ་ལ་འབུལ༔ ཆོས་ཟད་བློ་འདས་མཆོག་གི་དངོས་གྲུབ་སྩོལ༔ རཱུ་པ་ཤཔྡ་གནྡྷེ་རཱ་ས་སྤརྴེ་མ་ཧཱ་སརྦ་དྷརྨཱ་དྷཱ་ཏུ་པཱུ་ཛ་ཧོཿ དགུ་པ་བསྟོད་ཅིང་སྨོན་ལམ་གདབ༔ ཧྲཱིཿ སོ་སོར་ཀུན་ཏུ་རྟོག་པའི་རིག་མདངས་རྩལ༔ ཟུང་འཇུག་བདེ་ཆེན་རྡོ་རྗེའི་སྐུར་བཞེངས་པ༔ ཚེ་དང་ཡེ་ཤེས་དཔག་མེད་བཅོམ་ལྡན་འདས༔ ཀུན་བཟང་སྣང་མཐའ་ཡས་ལ་ཕྱག་འཚལ་བསྟོད༔ གདོད་ནས་དག་པ་ཆོས་སྐུའི་རང་བཞིན་ལས༔ རིགས་བརྒྱ་རིགས་ལྔ་གསང་ཆེན་རིགས་གཅིག་སོགས༔ གང་འདུལ་ཞིང་དང་ཁྲོ་བོའི་རྣམ་རོལ་ཅན༔ གདན་གསུམ་ཡོངས་རྫོགས་དཀྱིལ་འཁོར་ལྷ་ལ་བསྟོད༔ སྣོད་བཅུད་པདྨོ་བཀོད་པའི་སྐུ་དང་ཞིང་༔ སྒྲ་གྲགས་ཡི་གེ་དྲུག་པ་རྡོ་རྗེའི་སྒྲ༔ དྲན་རྟོག་དབྱིངས་དང་རིག་པ་དབྱེར་མེད་ངང་༔ འཆི་མེད་མགོན་པོ་ཚེ་འདིར་འགྲུབ་གྱུར་ཅིག༔ བཅུ་པ་བསྙེན་ཅིང་སྒྲུབ་པ་ནི༔ སྙིང་ཁ་ཆོས་ཀྱི་འཁོར་ལོ་ཡི༔ ཀུན་བཟང་ཡབ་ཡུམ་ཐུགས་ཀ་རུ༔ བདེ་སྟོང་ཉི་ཟླའི་དཀྱིལ་འཁོར་དབུས༔ ཟུང་འཇུག་ཐུགས་སྲོག་ཧྲཱིཿཡིག་མཐར༔ སྔགས་ཕྲེང་གཡས་སུ་འཁོར་བ་ཡི༔ འོད་ཟེར་འཕྲོ་འདུས་དོན་གཉིས་བྱས༔ ཚུར་འདུས་ཕྱི་ནང་སྣོད་བཅུད་སྦྱངས༔ ཐམས་ཅད་འོད་གསལ་ཐིག་ལེའི་ཀློང་༔ དབྱིངས་རིག་དབྱེར་མེད་ངང་ནས་བཟླ༔ ཨོཾ་ཨ་མི་དྷེ་ཝ་ཧྲཱིཿ འདིར་ནི་སྲས་བཅས་རྒྱལ་ཀུན་གྱི༔ སོ་སོར་རྟོག་པའི་སྙིང་པོ་སྟེ༔ གང་གིས་ཐོས་པ་ཙམ་གྱིས་ཀྱང་༔ སྒྲིབ་གཉིས་བྱང་ཞིང་ཚོགས་ཆེན་རྫོགས༔ རྟག་ཏུ་ཉམས་སུ་སུས་བླངས་ན༔ དབང་པོའི་རིམ་པ་དང་འཚམས་པར༔ འདིའམ་འཆི་ཁར་བར་མ་དོར༔ འོད་སྣང་མཐའ་ཡས་གོ་འཕང་འགྲུབ༔ ས་མ་ཡ༔ གཙོ་འཁོར་ཡོངས་རྫོགས་སྒྲུབ་པ་ནི༔ གཞི་དབྱིངས་འཆི་མེད་སྣང་མཐའ་ཡས༔ གཞི་སྣང་ཞི་ཁྲོ་རབ་འབྱམས་ལྷ༔ ཟུང་འཇུག་རིག་འཛིན་ཌཱ་ཀྀའི་ཚོགས༔ རྡོ་རྗེ་ཕུང་པོའི་གྲོང་དུ་རྫོགས༔ ཨོཾ་ཨཱཿཧཱུྃ་ཧྲཱིཿཧྲཱི་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ དོན་དམ་རྡོ་རྗེའི་བཟླས་པ་ནི༔ འཇུག་གནས་ལྡང་བའི་རླུང་ཁམས་ཀུན༔ གསང་སྔགས་ཡི་གེ་གཅིག་ཏུ་ཤར༔ ཁ་སྦྱོར་བདེ་ཆེན་རྡོ་རྗེའི་སྦུབས༔ འགྲོ་འོང་མེད་པའི་སྲོག་ཏུ་འགྲུབ༔ ཧྲཱིཿཧྲཱིཿཧྲཱིཿ སྐྱེ་མེད་ཀ་དག་གཉུག་མའི་ངང་༔ འགགས་མེད་སྣང་བཞིའི་རྩལ་རྫོགས་པས༔ བློ་འདས་དོན་གྱི་ཆོས་སྐུའི་ཞལ༔ ཁྱད་ཆོས་དྲུག་ལྡན་ཀློང་དུ་མཇལ༔ ས་མ་ཡ༔ དེ་ལྟར་ཤིན་ཏུ་རྣལ་འབྱོར་གྱི༔ ཟབ་གསང་རྡོ་རྗེའི་ལམ་གྱི་བཅུད༔ འོད་གསལ་དྲྭ་བའི་སྒྲུབ་པའི་ཐབས༔ ཚེ་གཅིག་འཕོ་ཆེན་དྭངས་མའི་སྐུར༔ འགྲུབ་བྱེད་མན་ངག་སྙིང་ཏིག་འདི༔ འོད་གསལ་སྤྲུལ་པའི་རྡཽ་རྗེའི་དོན༔ ཆོས་དབྱིངས་ཐུགས་ཀྱི་གཏེར་དུ་སྦས༔ འགྲོ་དོན་འཁོར་བ་དོང་སྤྲུགས་ཤོག༔ རྒྱ་རྒྱ་རྒྱ༔ བརྡ་ཐིམ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཡང་གསང་བླ་མ་དྲག་པོ་ཡི་དམ་དགོངས་འདུས་ཀྱི་སྒྲུབ་པ་བཞུགས་སོ༔ དྷཱི།༔ འཆི་མེད་རྩ་གསུམ་ལྷ་ལ་འདུད༔ བདེ་གཤེགས་ཀུན་འདུས་ཐོད་ཕྲེང་རྩལ༔ ཡང་གསང་དྲག་པོར་སྒྲུབ་པ་ནི༔ དབེན་པའི་གནས་སུ་སྟེགས་བུའི་ཁར༔ བསྙེན་ཕུར་མཚན་ཉིད་ལྡན་པ་དང་༔ སྨན་རག་གཏོར་ཚོགས་མཆོད་པ་བཤམ༔ དེ་ནས་བདེ་བའི་སྟན་ཉིད་ལ༔ ལུས་གནད་ལྡན་པས་ལེགས་འདུག་སྟེ༔ དང་པོ་སྐྱབས་སུ་འགྲོ་བ་ནི༔ ཧཱུྃ༔ བདེར་གཤེགས་ཀུན་འདུས་ཐོད་ཕྲེང་རྩལ༔ པདྨ་དྲག་པོར་སྐྱབས་སུ་མཆི༔ འགྲོ་ཀུན་བྱང་ཆུབ་ཐོབ་བྱའི་ཕྱིར༔ བསྐྱེད་རྫོགས་ཟུང་འཇུག་ཕྲིན་ལས་བསྒྲུབ༔ གཉིས་པ་སྲུང་འཁོར་བསྒོམ་པ་ནི༔ ཧཱུྃ༔ ཕྱི་སྣོད་རྡོ་རྗེའི་གུར་ཁང་ལ༔ ནང་བཅུད་ལས་ཀྱི་ཁྲོ་བོའི་སྐུ༔ སྒྲར་གྲགས་གཞོམ་མེད་ཧཱུྃ་གི་སྒྲ༔ དྲན་རྟོག་འོད་གསལ་ཆེན་པོར་གྱུར༔ ཧཱུྃ་ཧཱུྃ་ཧཱུྃ༔ གསུམ་པ་བྱིན་འབེབས་མཆོད་རྫས་བརླབ༔ ཧཱུྃ༔ ཀ་དག་ཆོས་སྐུའི་ཕོ་བྲང་ནས༔ ལྷུན་གྲུབ་གང་འདུལ་སྒྱུ་མའི་སྐུ༔ པདྨ་དྲག་པོའི་སྐུར་བཞེངས་ལ༔ གནས་འདིར་བྱིན་ཕོབ་དབང་མཆོག་སྐུར༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷ་ཨ་བེ་ཤ་ཡ་ཨཱ་ཨཱཿ ཧཱུྃ་ཧཱུྃ་ཧཱུྃ༔ ཨོཾ་ཨཱཿཧཱུྃ༔ གནས་ཡུལ་དུར་ཁྲོད་དྲག་པོའི་ཞིང་༔ རབ་འཇིགས་བཀོད་པ་ཡོངས་སུ་རྫོགས༔ ཕྱི་ནང་གསང་མཆོད་འདོད་ཡོན་སྤྲིན༔ འཕེལ་འགྲིབ་བྲལ་བའི་རྒྱན་དུ་གྱུར༔ ཨོཾ་སརྦ་པཱུ་ཛ་མེ་གྷ་ཨཱཿཧཱུྃ༔ བཞི་པ་བསྐྱེད་རིམ་བསྒོམ་པ་ནི༔ ཧཱུྃ་ཧཱུྃ་ཧཱུྃ༔ སྣང་སྲིད་འཁོར་འདས་ཆོས་རྣམས་ཀུན༔ གདོད་ནས་སྤྲོས་བྲལ་དེ་བཞིན་ཉིད༔ ཀུན་སྣང་སྙིང་རྗེ་ཁྲོས་པའི་རྩལ༔ རྒྱུ་ཡི་ཏིང་འཛིན་ཡི་གེ་ཧཱུྃ༔ དེ་ལས་འོད་འཕྲོས་འཕགས་པ་མཆོད༔ སྡེ་བརྒྱད་འབྱུང་པོ་བརླག་ཅིང་གཟིར༔ འགྲོ་ཀུན་སྒྲིབ་སྦྱངས་སྣོད་དང་བཅུད༔ འོག་མིན་པདྨ་བརྩེགས་པའི་ཞིང་༔ རབ་འཇིགས་དུར་ཁྲོད་འབར་བའི་ཀློང་༔ དྲག་པོའི་གཞལ་ཡས་མཚན་ཉིད་རྫོགས༔ དེ་དབུས་རང་རིག་ཧཱུྃ་དམར་ནག༔ ཡོངས་གྱུར་སྐད་ཅིག་དྲན་རྫོགས་སུ༔ དྲེགས་པ་པད་ཉི་ཟླ་བའི་སྟེང་༔ དབྱིངས་དང་ཡེ་ཤེས་དབྱེར་མེད་པའི༔ བདེ་གཤེགས་ཀུན་འདུས་ཆེ་བའི་མཆོག༔ འཇིགས་བྱེད་པདྨ་ཧེ་རུ་ཀ༔ དམར་སྨུག་ཞལ་གཅིག་ཕྱག་གཉིས་པ༔ གཡས་པས་རྡོ་རྗེ་ནམ་མཁར་འཕྱར༔ རྩེ་ལས་སྤྲུལ་པའི་ལྕགས་སྡིག་འཕྲོ༔ གཡོན་པས་ཕུར་པ་བགེགས་ལ་གཟིར༔ དཔལ་དང་དུར་ཁྲོད་ཆས་ཀྱིས་བརྒྱན༔ ཞབས་གཉིས་འདོར་སྟབས་ཚུལ་གྱིས་བཞུགས༔ ཤེས་རབ་དབྱིངས་ཕྱུག་ཁྲོས་པའི་ཡུམ༔ རྡོ་རྗེ་དུང་ཁྲག་བསྣམས་པས་འཁྲིལ༔ གར་དགུའི་གཟི་བྱིན་མཆོག་ཏུ་འབར༔ བདེ་ཆེན་འཁོར་ལོའི་གཞལ་ཡས་དབུས༔ ཀུན་བཟང་རྡོ་རྗེ་ཐོད་ཕྲེང་རྩལ༔ རང་འོད་རིག་མར་མཉམ་པར་སྦྱོར༔ རྩ་བརྒྱུད་བླ་མའི་ཚོགས་ཀྱིས་བསྐོར༔ མགྲིན་པར་འཇའ་ཟེར་ཐིག་ལེའི་ཀློང་༔ ཁྲག་འཐུང་པདྨ་བཛྲ་རྩལ༔ མནྡཱ་ར་བ་ཡུམ་དང་སྦྱོར༔ འཁོར་དུ་ཁྲག་འཐུང་གཙོ་བོས་བསྐོར༔ ཐུགས་ཀར་ཆེ་མཆོག་ཧེ་རུ་ཀ༔ མཐིང་ནག་ཉི་ཤུ་རྩ་གཅིག་དབུ༔ བཞི་བཅུ་རྩ་གཉིས་ཕྱག་དང་ལྡན༔ ཞི་བ་རྡོ་རྗེ་དབྱིངས་ཀྱི་ལྷ༔ བཞི་བཅུ་རྩ་གཉིས་ཕྱག་མཚན་བསྣམས༔ ཡུམ་མཆོག་བཅོ་བརྒྱད་ཕྱག་ལྡན་པ༔ དང་པོའི་རྡོ་རྗེ་དུང་ཁྲག་གིས༔ བདེ་ཆེན་ཡབ་ཀྱི་མགུལ་ནས་འཁྲིལ༔ ལྷག་མ་གནས་ཡུལ་ཕྲ་མེན་བསྣམས༔ ཚོགས་བརྒྱད་དག་པའི་རྩ་འདབས་སུ༔ དཔལ་ཆེན་སྒྲུབ་སྡེ་བརྒྱད་ཀྱི་ལྷ༔ སྤྲུལ་དང་ཡང་སྤྲུལ་བཅས་པ་བཞུགས༔ ལྟེ་བར་ལས་ཀྱི་ཕྲ་མེན་མ༔ ཡེ་ཤེས་ཌཱ་ཀི་སྡེ་ལྔ་ལ༔ ཕྱི་ནང་གནས་ཡུལ་དུར་ཁྲོད་ཀྱི༔ དཔའ་བོ་མཁའ་འགྲོ་སྤྲིན་ལྟར་གཏིབས༔ གསང་གནས་མཐིང་ནག་ཨེ་ཡི་ཀློང་༔ ཆོས་སྐྱོང་ཕོ་རྒྱུད་མོ་རྒྱུད་ཚོགས༔ གཉིས་མེད་ཡོངས་རྫོགས་མ་ནིང་ནག༔ ཕྱག་གཉིས་རུ་མཚོན་སྙིང་ཞགས་བསྣམས༔ འཁོར་དུ་རྒྱུད་གསུམ་དྲེགས་པའི་སྡེ༔ མ་ལུས་ལུས་པ་མེད་པས་བསྐོར༔ གཞན་ཡང་བ་སྤུའི་བུ་ག་ནས༔ ཡེ་ཤེས་ཁྱུང་གི་ཚྭ་ཚྭ་འཕྲོ༔ དེ་ལྟར་གསལ་བའི་གནས་གསུམ་དུ༔ རྡོ་རྗེ་གསུམ་གྱི་ངོ་བོ་ཉིད༔ ཨོཾ་དཀར་ཨཱཿདམར་ཧཱུྃ་མཐིང་ལས༔ འོད་ཟེར་དཔག་ཡས་རབ་འཕྲོས་པས༔ ཡེ་ཤེས་ལྷ་ཚོགས་སྤྱན་དྲངས་གྱུར༔ ལྔ་པ་ཡེ་ཤེས་སྤྱན་འདྲེན་ནི༔ ཧཱུྃ་ཧཱུྃ་ཧཱུྃ༔ ཡུལ་གྱི་མིང་ནི་རྔ་ཡབ་གླིང་༔ གནས་མཆོག་ཟངས་མདོགས་དཔལ་གྱི་རི༔ དུར་ཁྲོད་དྲག་པོའི་གཞལ་ཡས་ནས༔ ཨོ་རྒྱན་པདྨ་ཐོད་ཕྲེང་རྩལ༔ ཁྲག་འཐུང་ཁྲོ་བོའི་སྐུར་བཞེངས་ཤིག༔ སྙིགས་དུས་དམ་འགོང་ཚར་གཅོད་ཕྱིར༔ མོས་ཤིང་གདུང་བས་སྤྱན་འདྲེན་ན༔ ཐུགས་རྗེའི་དབང་གིས་གཤེགས་ནས་ཀྱང་༔ སྒོ་གསུམ་རྡོ་རྗེ་གསུམ་དུ་སྦྱོར༔ གཟུང་འཛིན་འབྱུང་པོ་དབྱིངས་སུ་སྒྲོལ༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷ་ས་པ་རི་ཝཱ་ར་བཛྲ་ས་མ་ཡ་ཛ་ཛ༔ དྲུག་པ་བཞུགས་གསོལ་ཕྱག་འཚལ་ནི༔ ཧཱུྃ༔ གདོད་ནས་འོད་གསལ་དབྱིངས་ཀྱི་ལྷ༔ འདུ་འབྲལ་མེད་པར་བཞུགས་པའི་ཕྱིར༔ དམ་ཚིག་ཡེ་ཤེས་དབྱེར་མེད་པར༔ རང་ཞལ་མཇལ་བའི་ཕྱག་གིས་འདུད༔ ཛཿཧཱུྃ་བྃ་ཧོ༔ ན་མ་དྷཱི༔ བདུན་པ་མཆོད་པ་འབུལ་བ་ནི༔ ཧཱུྃ༔ དུག་གསུམ་དགྲ་བགེགས་འབྱུང་པོའི་ཚོགས༔ ཡེ་ཤེས་དབྱིངས་སུ་བསྒྲལ་བ་ལས༔ བྱུང་བའི་འདོད་ཡོན་རྒྱ་མཚོའི་གཏེར༔ ཀུན་བཟང་མཆོད་སྤྲིན་མཆོག་ཏུ་རོལ༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷ་ས་པ་རི་ཝཱ་ར་རཱུ་པ་ཤཔྡ་གནྡྷེ་རཱ་ས་སྤརྴེ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་སྟ་ན་གྷ་ན་མ་ཧཱ་སུ་ཁ་སརྦ་པཱུ་ཛ་ཧོ༔ བརྒྱད་པ་རྡོ་རྗེའི་གླུ་ཡིས་བསྟོད༔ ཧཱུྃ༔ འོད་གསལ་ཆོས་སྐུའི་ངང་ཉིད་ལས༔ གར་དགུའི་རྣམ་རོལ་ལོངས་སྤྱཽད་རྫོགས༔ གདུག་པ་འདུལ་མཛད་སྤྲུལ་པའི་སྐུ༔ བདེ་གཤེགས་ཡོངས་འདུས་ལྷ་ལ་བསྟོད༔ དགུ་པ་ཛབ྄་ཀྱི་དགོངས་པ་ནི༔ ཧཱུྃ༔ བདག་ཉིད་དྲག་པོའི་ཐུགས་ཀ་རུ༔ ཀུན་བཟང་ཆེ་མཆོག་ཧེ་རུ་ཀའི༔ ཐུགས་དབུས་པདྨ་ཉི་ཟླའི་སྟེང་༔ རྡོ་རྗེ་རྩེ་དགུའི་ལྟེ་བར་ཧཱུྃ༔ མཐའ་བསྐོར་སྔགས་ཕྲེང་གཡས་སུ་འཁོར༔ དེ་ལས་འབར་བའི་འོད་ཟེར་དང་༔ ལས་ཀྱི་ཁྲོ་བོའི་ཚོགས་སྤྲོས་པས༔ དུས་གསུམ་རྒྱལ་བ་མཆོད་པས་བརྙེས༔ ཁམས་གསུམ་འགྲོ་ཀུན་སྒྲིབ་གཉིས་སྦྱངས༔ སྡེ་བརྒྱད་འབྱུང་པོ་བརླག་ཅིང་གཟིར༔ སྣང་བ་ལྷ་ལ་གྲགས་པ་སྔགས༔ དྲན་རྟོག་ཀ་དག་གཉུག་མའི་ངང་༔ རང་གྲཽལ་མངོན་སུམ་རིག་པའི་ལྷ༔ པདྨ་དྲག་པོའི་ཀློང་དུ་རྫོགས༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཀྲོ་དྷ་ཨརྩིག་ནིརྩིག་སརྦ་སིདྡྷི་ཧཱུྃ་ཕ¿ཊ༔ གྲངས་ཀྱི་བསྙེན་པ་བྱེ་བ་སྟེ༔ དུས་བསྙེན་དེ་ཡི་རིག་པས་དཔག༔ གྲུབ་པའི་མཚན་མ་དངོས་ཉམས་དང་༔ རྨི་ལམ་དྲག་པོའི་ཞལ་མཐོང་ཞིང་༔ གསུང་གིས་རྗེས་སུ་གནང་བ་ཐོབ༔ སྡེ་བརྒྱད་འབྱུང་པོ་འདར་ཞིང་འདུད༔ རིག་འཛིན་མཁའ་འགྲོས་བྱིན་གྱིས་རློབ༔ མཆོག་ཐུན་དངོས་གྲུབ་དབང་དུ་འགྱུར༔ ས་མ་ཡ༔

ལུས་ཀྱི་དཀྱིལ་འཁོར་ལ་བརྟེན་ནས༔ རྩ་གསུམ་ཡོངས་རྫོགས་བསྒྲུབ་པ་ནི༔ སླར་ཡང་ཐུགས་སྲོག་ཧཱུྃ་ཡིག་ལས༔ འོད་ཟེར་སྔགས་ཀྱི་ཚུལ་དུ་འཕྲོས༔ འཁོར་ལོ་རྣམ་ལྔའི་ལྷ་ཚོགས་བསྐུལ༔ སྙོམས་པར་ཞུགས་པའི་རེག་བྱ་ཡིས༔ བདུད་རྩི་བྱང་ཆུབ་སེམས་ཀྱི་རྒྱུན༔ སོ་སོའི་གནས་བཞིའི་པདྨོར་སོན༔ བདེ་སྟོང་དགའ་བཞིའི་དབང་མཆོག་ཐོབ༔ བྱང་སེམས་ཧཱུྃ་གི་སྤྲིན་འཕྲོས་པས༔ འཕགས་མཆོད་འགྲོ་ཀུན་སྒྲིབ་གཉིས་སྦྱངས༔ གང་འདུལ་ཕྲིན་ལས་ལྷུན་གྱིས་གྲུབ༔ སྣང་སྲིད་གཞིར་བཞེངས་ཧེ་རུ་ཀའི༔ དཀྱིལ་འཁོར་གཅིག་ཏུ་ལྷུན་རྫོགས་གྱུར༔ ཨོཾ་ཨཱཿཧཱུྃ་བཛྲ་གུ་རུ་མ་ཧཱ་ཀྲོ་དྷ་པདྨ་ཀྲོ་དྷཱི་ཤྭ་རཱི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རཱུ་པ་ཀརྨ་རྃ་རྃ་ཛྭ་ལ་རྃ་སརྦ་ཌཱ་ཀི་ནཱི་ཧཱུྃ་བྷྱོ་ཧཱུྃ་ཕ¿ཊ༔ ཅེས་བཟླས་བདེ་སྟོང་ཐིག་ལེའི་སྦུབས༔ མངོན་སུམ་རིག་པའི་དོན་ལ་བལྟ༔ གཟུང་འཛིན་ལས་འདས་འོད་གསལ་ངང་༔ རྩ་གསུམ་ལྷ་ཚོགས་རང་ལ་ཤར༔ ས་མ་ཡ༔ ཁྱད་པར་དུས་གསུམ་དུས་མེད་དུ༔ བསྐྱེད་རྫོགས་ཟུང་འཇུག་གནད་ཀྱི་གཟེར༔ ཕྲིན་ལས་རྣམ་བཞི་མྱུར་འགྲུབ་པའི༔ ཡང་གསང་ཧཱུྃ་གི་བཟླས་པ་ནི༔ བདག་ཉིད་བདེར་གཤེགས་ཡོངས་རྫོགས་ཀྱི༔ ཐུགས་ལས་འོད་འཕྲོས་ཧཱུྃ་དུ་གྱུར༔ སྐུ་ཡི་དབྱིབས་བརྒྱུད་ཞལ་ནས་ཐོན༔ སྣང་སྲིད་སྣོད་བཅུད་ཐམས་ཅད་ཀུན༔ ཧཱུྃ་ཡིག་ཏིལ་གོང་ཁ་ཕྱེས་ལྟར༔ མཐའ་ཀླས་སྔགས་ཀྱི་རང་སྒྲ་སྒྲོགས༔ དེ་ཉིད་ཡོངས་གྱུར་སྐད་ཅིག་གིས༔ པདྨ་དྲག་པོ་རིགས་ལྔའི་སྐུས༔ བརྟན་གཡོའི་དངོས་པོ་ཐམས་ཅད་ཀུན༔ འོད་ཟེར་རྣམ་ལྔའི་འཕྲོ་འདུ་ཡིས༔ ནད་གདོན་སྒྲིབ་གཉིས་དབྱིངས་སུ་ཞི༔ ཚེ་བསོད་དཔལ་འབྱོར་ཡོན་ཏན་རྒྱས༔ ཁམས་གསུམ་སྣོད་བཅུད་དབང་དུ་འདུས༔ བྱད་ཕུར་གདོན་བགེགས་བརླག་ཅིང་གཟིར༔ ཐམས་ཅད་ཀ་དག་ཆེན་པོར་ཤར༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ མཐར་ཐུག་རིམ་གྱིས་ཧཱུྃ་ལ་བསྡུ༔ དེ་ཡང་མི་དམིགས་སྟོང་གསལ་ངང་༔ རང་རིག་ཡེ་གྲོལ་གཉུག་མའི་གཤིས༔ བཅས་བཅོས་སྤྲོ་བསྡུ་མེད་པར་བཞག༔ རྣམ་པར་རྟོག་པ་གང་སྐྱེས་ཀྱང་༔ ཧཱུྃ་ཞེས་ཐད་ཀར་གཅོད་པའི་ངང་༔ སྔར་བཞིན་འོད་གསལ་སྦུབས་སུ་འཇུག༔ བསྐྱེད་པ་དེ་ཡིན་རྫོགས་པའང་དེ༔ ཕྲིན་ལས་རྣམ་བཞི་དེའི་ངང་འགྲུབ༔ མཐར་ཐུག་པདྨ་འོད་ཀྱི་ཞིང་༔ དབུགས་འབྱིན་འདི་ལ་ཐེ་ཚོམ་མེད༔ ས་མ་ཡ༔ བདེ་གཤེགས་ཡོངས་འདུས་ཐོད་ཕྲེང་རྩལ༔ པདྨ་དྲག་པོར་སྒྲུབ་པའི་ཐབས༔ ཟབ་བཅུད་སྙིང་པོར་དྲིལ་བ་འདི༔ མ་འོངས་ལྔ་བརྒྱའི་ཐ་མ་རུ༔ མཐའ་བཞིའི་འབྱུང་པོས་བོད་ཁམས་ཁེངས༔ ཐམས་ཅད་དེ་ལ་སྐྱབས་སོང་བས༔ མི་བཟད་སྡུག་བསྔལ་གསུམ་གྱིས་མནར༔ དཀོན་མཆོག་བསྟན་པའི་ལྷགས་ཞབས་སྡུད༔ དེ་ཡི་ཚེ་ན་བདག་ཉིད་ཀྱིས༔ བྱིན་རླབས་སྦས་པའི་རྣལ་འབྱོར་པ༔ ཟུང་འཇུག་སྤྲུལ་པའི་རྡོ་རྗེའི་དོན༔ ཀློང་གསལ་ཐུགས་ཀྱི་སྒྲོམ་བུར་སྦས༔ ནམ་ཞིག་རྟེན་འབྲེལ་དུས་བབས་ཚེ༔ བར་ཆད་བདུད་དཔུང་འདུལ་བར་ཤོག༔ རྒྱ་རྒྱ་རྒྱ༔ བརྡ་ཐིམ༔ ཞེས་པའང་འོད་གསལ་སྤྲུལ་པའི་རྡོ་རྗེས་རང་ལོ་བཅུ་དྲུག་པར་རྩ་གསུམ་རབ་འབྱམས་ཀྱི་བྱིན་རླབས་ལ་བརྟེན་ནས་ཟབ་མོ་དགོངས་པའི་གཏེར་ལས་ཕྱུངས་ཏེ་གཏན་ལ་ཕབས་པ་རིང་དུ་གསང་ཞིང་དུས་སུ་བབས་པའི་ཚེ་རྣམ་སྣང་ལོ་ཙཱ་བ་ཆེན་པོའི་སྒྱུ་འཕྲུལ་རྒྱལ་བས་ལུང་བསྟན་བློ་གྲོས་མཐའ་ཡས་པའི་སྡེར་ཕུལ་བ་འགྲོ་ཀུན་བདུད་སྡེའི་གཡུལ་ལས་རྣམ་པར་རྒྱལ་ཏེ་དངོས་གྲུབ་རྣམ་གཉིས་ཀྱི་དགའ་སྟོན་ལ་ལོངས་སུ་སྤྱཽད་པའི་རྒྱུར་གྱུར་ཅིག །མངྒལཾ། དྷཱི།༔ རྩ་གསུམ་འོད་གསོལ་སྙིང་ཏིག་ལས༔ རིག་འཛིན་རྩ་རྒྱུད་ཡེ་ཤེས་དྲྭ་བ་བཞུགས༔ རྒྱ་གར་སྐད་དུ༔ ཤྲཱི་ཛྙ་ན་ཛྭ་ལ་ཏནྟ་ནཱ་མ༔ བོད་སྐད་དུ༔ དཔལ་ཡེ་ཤེས་དྲྭ་བའི་རྒྱུད་ཅེས་བྱ་བ༔ བཅོམ་ལྡན་འདས་སྣང་བ་མཐའ་ཡས་ལ་ཕྱག་འཚལ་ལོ༔ འོག་མིན་པདྨ་དྲྭ་བ་རུ༔ འོད་སྣང་མཐའ་ཡས་སྟོན་པ་ཡིས༔ ལག་ན་ཆུ་སྐྱེས་ལ་སོགས་པའི༔ འཁོར་ལ་དུས་གསུམ་དུས་མེད་དུས༔ རྡོ་རྗེ་གསང་བའི་ཚིག་བསྟན་ཚེ༔ པདྨའི་སྤྱན་གྱིས་སླར་གསོལ་བ༔ ཨེ་མ་ངེས་པ་དོན་གྱི་རྒྱུད༔ སྙིང་པོར་བསྡུ་ནཇི་ལྟར་ལགས༔ ཞེས་གསོལ་དཔག་མེད་མགོན་པོ་ཡིས༔ ཆོས་ཉིད་རང་སྒྲས་འདི་སྐད་གསུངས༔ གཞི་དབྱིངས་ཀ་ནས་དག་པའི་ཀློང་༔ གཟུང་འཛིན་འཁྲུལ་པ་ལས་འདས་ཀྱང་༔ གཞི་སྣང་ཐུགས་རྗེའི་འཆར་ཚུལ་ལ༔ གཉིས་འཛིན་དབང་གིས་འཁོར་བར་འཁྱམས༔ དེ་སླད་སྨིན་ཅིང་སྦྱང་བའི་ཕྱིར༔ དབང་བསྐུར་ངེས་པའི་ལམ་ལ་འཇུག༔ འདའ་བར་དཀའ་བའི་ས་མ་ཡ༔ རྩ་བ་ཡན་ལག་སྲོག་བཞིན་བསྲུང་༔ ཆོས་སྐུ་སྐྱེ་མེད་སྣང་མཐའ་ཡས༔ ལོངས་སྐུ་འཕགས་མཆོག་སྙིང་རྗེའི་ལྷ༔ སྤྲུལ་སྐུ་པདྨ་ཐོད་ཕྲེང་རྩལ༔ བསྐྱེད་རྫོགས་ཟུང་འཇུག་ཚུལ་དུ་བསྒྲུབ༔ བདེ་སྟོང་འོད་གསལ་དབྱིངས་རིག་དོན༔ ཐིག་ལེ་གཅིག་གི་སྦུབས་སུ་འཇུག༔ གནས་སྐབས་མཐར་ཐུག་དོན་གཉིས་སྤྱོད༔ གཞི་ལ་ལམ་གྱིས་མཚམས་སྦྱར་བས༔ འབྲས་བུ་སྐུ་བཞི་དབྱེར་མེད་པ༔ ཡེ་ཤེས་ཕྲིན་ལས་བསམ་མི་ཁྱབ༔ ངོ་བོ་རང་བཞིན་ཐུགས་རྗེར་སྨིན༔ དེ་སྐད་སྟོན་པ་ཀུན་བཟང་གིས༔ བྱུང་དང་འབྱུང་འགྱུར་སྣོད་ལྡན་ལ༔ གསང་བའི་སྙིང་པོ་འདི་གདམས་པས༔ ཐམས་ཅད་ཡེ་ཤེས་གཅིག་ཏུ་སྨིན༔ ས་མ་ཡ༔ བསྐྱེད་རྫོགས་གསུམ་གྱི་ཏནྟྲ་ནི༔ འབུམ་ཕྲག་ཀུན་གྱི་ཡང་སྙིང་མཆོག༔ འཕགས་མཆོག་བདེ་སྟོང་སྙིང་རྗེའི་གླུས༔ པདྨ་ཐོད་ཕྲེང་བདག་ལ་གདམས༔ རྒྱ་རྒྱ་རྒྱ༔ དྷ་ཐིམ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ རྩ་གསུམ་སྒྲུབ་ཐབས་ལུང་གི་དུམ་བུ་བཞུགས༔ དྷཱི།༔ འཕགས་མཆོག་སྙིང་རྗེའི་ལྷ་ལ་འདུད༔ བཀྲ་ཤིས་རང་བྱུང་བྲག་གི་ཕུག༔ མཱ་ར་ཏི་ཀའི་གཞལ་ཡས་སུ༔ པདྨ་དྲྭ་བ་ཡབ་ཡུམ་གྱིས༔ ཨོ་རྒྱན་བདག་ལ་དབང་བསྐུར་ཞིང་༔ བྱིན་རླབས་རྡོ་རྗེའི་ཚིག་འདི་བསྟན༔ ས་མ་ཡ༔ ཆོས་རྣམས་ཀུན་གྱི་དེ་ཉིད་ནི༔ བསམ་བརྗོད་ལས་འདས་གཉུག་མའི་དབྱིངས༔ རིག་པ་འོད་གསལ་སྦུབས་སུ་འཇུག༔ བཅིངས་གྲོལ་མེད་པར་ཡེ་སངས་རྒྱས༔ སྣང་བ་འཆི་མེད་མཚོ་སྐྱེས་ལྷ༔ སྟོང་པ་མནྡཱ་ར་བ་ཡུམ༔ ཟུང་འཇུག་ཡི་དམ་ཡོངས་འདུས་པ༔ བླ་མ་དྲག་པོའི་སྐུ་རུ་འགྲུབ༔ སྣང་གྲགས་རིག་པ་ལྷ་དང་སྔགས༔ ཆོས་སྐུ་རྩ་གསུམ་འདུས་པར་བལྟ༔ བཅོས་མིན་མོས་ཤིང་གདུང་བའི་བློས༔ གསོལ་འདེབས་ཚིག་འདི་ཡང་ཡང་བཟླ༔ ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ ཨོཾ་ཨཱཿཧཱུྃ་ཧྲཱིཿཧྲཱིཿ་བཛྲ་གུ་རུ་པདྨ་ཐོད་ཕྲེང་རྩལ་དེ་བ་ཌཱ་ཀི་ནཱི་བཛྲ་ས་མ་ཡ་ཛཿ སིདྡྷི་ཕ་ལ་ཧཱུྃ་ཨཱཿ ཧཱུྃ་ཧཱུྃ་ཧཱུྃ༔ འདིས་ནི་སྣང་སྲིད་སྒྱུ་མར་འཆར༔ རིག་འཛིན་བླ་མས་བྱིན་གྱིས་རློབསཿ མཆོག་ཐུན་དངོས་གྲུབ་དབང་དུ་འདུ༔ ཕྲིན་ལས་རྣམ་བཞི་ལྷུན་གྱིས་གྲུབ༔ དེ་ཕྱིར་མ་འོངས་སྐལ་ལྡན་ཀུན༔ སྙིང་པོར་དྲིལ་ལ་ཉམས་སུ་ལོངས༔ ཞེས་གསུངས་ཐིག་ལེ་ཆེན་པོར་གཤེགས༔ རྒྱ་རྒྱ་རྒྱ༔ དྷ་ཐིམ༔

དྷཱི།༔ རྩ་གསུམ་འོད་གསལ་སྙིང་ཐིག་ལས༔ མན་ངག་འཇའ་ལུས་རྡོ་རྗེའི་ཚིག་རྐང་བཞུགས༔ དྷཱི།༔ རྩ་གསུམ་ཀུན་འདུས་ཐོད་ཕྲེང་རྩལ་ལ་འདུད༔ འཁོར་འདས་ཆོས་ཀུན་གདོད་ནས་རྣམ་དག་ཀྱང་༔ གཉིས་འཛིན་གློ་བུར་འཁྲུལ་པ་སྦྱང་བའི་ཕྱིར༔ ཐུན་མོང་ཁྱད་པར་བླ་མེད་ལམ་མཆོག་འདི༔ རང་བྱུང་མཚོ་སྐྱེས་རྡོ་རྗེ་བདག་གིས་བསྟན༔ ས་མ་ཡ༔ དབང་ཐོབ་དམ་ཚིག་ལ་གནས་རྣལ་འབྱོར་པས༔ གངས་ཁྲོད་རི་རྩེ་མཚོ་གླིང་ནགས་ཚལ་སོགས༔ ཤིན་ཏུ་དབེན་ཞིང་ཉམས་དགའི་གནས་མཆོག་ཏུ༔ གཅིག་པུར་བདེ་བའི་སྟན་ལ་བག་ཕབས་ཏེ༔ དལ་འབྱོར་ལུས་འདི་ཡང་ཡང་རྙེད་དཀའ་ཞིང་༔ མྱུར་དུ་མི་རྟག་འཆི་བས་རྒྱུད་བསྐུལ་ནས༔ དཀར་ནག་ལས་འབྲས་བླང་དོར་འབད་པ་དང་༔ འཁོར་བའི་སྡུག་བསྔལ་དྲན་པའི་ངེས་འབྱུང་བསྒོམ༔ བདག་གཞན་བྱང་ཆུབ་བར་དུ་བསླུ་མེད་སྐྱབས༔ རྩ་གསུམ་དཀྱིལ་འཁོར་ལྷ་ལ་སྐྱབས་སུ་འགྲོ༔ ཚད་མེད་བྱམས་དང་སྙིང་རྗེ་ཆེན་པོའི་བློས༔ སྨོན་འཇུག་དོན་དམ་བྱང་ཆུབ་སེམས་མཆོག་བསྐྱེད༔ གསང་ཆེན་རིགས་གཅིག་བླ་མ་རྡོར་སེམས་ཀྱི༔ སྟོབས་བཞིའི་རྣལ་འབྱོར་ལྡན་པས་སྡིག་ལྟུང་བཤགས༔ ཀུན་རྫོབ་དོན་དམ་དབྱེར་མེད་ཆོས་སྐུའི་དབྱིངས༔ སྐུ་གསུམ་མཆོད་པའི་སྤྲིན་གྱི་མཎྜལ་འབུལ༔ ཁྱད་པར་བྱིན་རླབས་བླ་མའི་རྣལ་འབྱོར་ནི༔ བཅོས་མིན་མོས་གུས་དྲག་པོས་གནད་དུ་བསྣུན༔ དབང་བཞི་བླངས་ཤིང་ཐུགས་ཡིད་གཉིས་མེད་བསྲེ༔ མངོན་སུམ་ལྷུག་པའི་ཡེ་ཤེས་དེ་རུ་འཆར༔ ཏིང་འཛིན་གསུམ་གྱིས་བསྐྱེད་པའི་མངོན་བྱང་གིས༔ འཆི་མེད་པདྨ་ཐོད་ཕྲེང་ལྷ་ཚོགས་བསྒོམ༔ སྐད་ཅིག་བདེ་སྟོང་ཟུང་འཇུག་སྒྱུ་མའི་སྐུས༔ འཕགས་མཆོག་སྙིང་རྗེ་ཆེན་པོའི་གཟུགས་སུ་སྒྲུབ༔ མ་བསྐྱེད་ཡེ་རྫོགས་ཆོས་སྐུའི་ཏིང་འཛིན་གྱིས༔ འོད་སྣང་མཐའ་ཡས་དཀྱིལ་འཁོར་རང་ལ་ཤར༔ ཐུན་གཅིག་ལྷ་ཡི་གསལ་སྣང་ཚད་དུ་འདོན༔ ཐུན་གཅིག་རང་བཞིན་མེད་པའི་རྒྱ་ཡིས་གདབ༔ ཐུན་གཅིག་ཟུང་འཇུག་དབྱེར་མེད་ང་རྒྱལ་བསྒོམ༔ ཐུན་གཅིག་བསྐྱེད་རྫོགས་རོ་མཉམ་དགོངས་པའི་ངང་༔ སྒྲར་བཅས་སྒྲར་མེད་བདེ་ཆེན་རྡོ་རྗེར་བཟླས༔ ལུས་སྦྱོང་རྣམ་པ་ཉི་ཤུའི་འཁྲུལ་འཁོར་དང་༔ ངག་སྦྱོང་འབྲུ་གསུམ་རྡོ་རྗེའི་བཟླས་པ་སྟེ༔ ཡིད་སྦྱོང་ཕྱི་ནང་གསང་བའི་སྟོང་ར་བསྒོམ༔ སྲོག་རྩོལ་ཁ་སྦྱོར་རླུང་གི་རྣལ་འབྱོར་དང་༔ ཡས་བབས་མས་བརྟན་འབར་འཛག་བདེ་དྲོད་སྤེལ༔ མཐར་ཐུག་རིམ་བསྡུས་འོད་གསལ་ངང་དུ་བཞག༔ རྗེས་ཐོབ་ཉིན་མཚན་སྒྱུ་མའི་ལྷ་སྐུར་ལྡང་༔ དངོས་ཡིད་ཕྱག་རྒྱའི་ལམ་གྱིས་བོགས་འབྱིན་བྱ༔ སྒོ་གསུམ་ཞེན་ལོག་ཤིན་ཏུ་སྦྱངས་པ་ལ༔ སེམས་བྲལ་རིག་སྟོང་རྗེན་པ་ངོ་སྤྲད་ཅིང་༔ བཅས་བཅོས་སྤྲོ་བསྡུ་བྲལ་བའི་མཉམ་བཞག་ངང་༔ རྣལ་འབྱོར་བཞི་ཡིས་ཉམས་ལེན་སྲང་དུ་གཞུག༔ ལྷུན་གྲུབ་སྒོ་ཡུལ་རླུང་རིག་གནད་གཅུན་པས༔ ཆོས་ཉིད་མངོན་སུམ་འཇའ་ཟེར་ཐིག་ལེའི་ཀློང་༔ ཉམས་སྣང་གོང་འཕེལ་སྤྲུལ་སྐུའི་ཚོམ་བུར་འཆར༔ རིག་པ་ཚད་ཕེབས་དག་པ་རབ་འབྱམས་ཀྱིས༔ ཆོས་ཟད་བློ་འདས་གོ་འཕང་མངོན་དུ་འགྱུར༔ གལ་ཏེ་ཚེ་འདིར་གྲུབ་མཐའ་མ་སྙོགས་ན༔ འཆི་ཚེ་རིག་སྟོང་འོད་གསལ་སྦུབས་སུ་འཇུག༔ རླུང་སེམས་དབྱེར་མེད་ཧྲཱིཿཡི་རྣམ་པར་འཕོ༔ བར་དོ་རྣམ་གསུམ་སྐུ་གསུམ་ལམ་དུ་ཁྱེར༔ ས་མ་ཡ༔ ཐུན་མོང་གྲུབ་པ་བརྒྱད་དང་ཕྲིན་ལས་བཞི༔ རྣམ་སྨིན་ཚེ་དབང་ཕྱག་ཆེན་རིག་འཛིན་ཐོབ༔ བདེ་སྟོང་མདུད་གྲོལ་བློ་བྲལ་གཉུག་མའི་ཀློང་༔ སྐུ་དང་ཡེ་ཤེས་ཕྲིན་ལས་འབྲས་བུ་འགྲུབ༔ རྒྱ་རྒྱ་རྒྱ༔ བརྡ་ཐིམ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཐམས་ཅད་ལྷུན་གྲུབ་བུདྡྷ་ཐོད་ཕྲེང་རྩལ་གྱི་སྒོས་སྒྲུབ་བཞུགས༔ དྷཱི།༔ རྩ་གསུམ་ཡོངས་འདུས་ལྷ་ལ་འདུད༔ ཕྲིན་ལས་ཐམས་ཅད་ལྷུན་གྲུབ་ཅིང་༔ མཆོག་གི་གོ་འཕང་ཐོབ་འདོད་ན༔ བུདྡྷ་ཐོད་ཕྲེང་བསྒྲུབ་པར་བྱ༔ ས་མ་ཡ༔ དེ་ལ་སྔོན་དངོས་རྗེས་གསུམ་ལས༔ སྔོན་འགྲོ་སྐྱབས་སེམས་ཚོགས་བསག་དང་༔ བགེགས་བསྐྲད་སྲུང་མཚམས་བྱིན་ཆེན་དབང་༔ མཆོད་པ་བྱིན་རླབས་ཚུལ་བཞིན་བྱ༔ ས་མ་ཡ༔ དངོས་གཞིར་དང་པོ་དམ་ཚིག་པའི༔ དཀྱིལ་འཁོར་འཁོར་ལོ་བསྐྱེད་པ་ནི༔ ཧཱུྃ༔ དེ་བཞིན་ཉིད་དབྱིངས་དམིགས་མེད་སྙིང་རྗེའི་ཚུལ༔ ཟུང་འཇུག་རྒྱུ་ཡི་ས་བོན་ཨོཾ་དཀར་གསལ༔ དེ་ལས་འོད་འཕྲོས་སྣོད་བཅུད་དངོས་འཛིན་སྦྱངས༔ སྟོང་པའི་ངང་ལས་འབྱུང་རིམ་རི་རབ་རྩེར༔ རྡོ་རྗེའི་སྲུང་འཁོར་མེ་ཕུང་འབར་བའི་ཀློང་༔ བྷྲཱུྃ་ལས་རིན་ཆེན་གཞལ་མེད་ཁང་ཆེན་པོ༔ མཚན་ཉིད་ཀུན་རྫོགས་སྣང་སྟོང་འོད་འབར་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ གླང་པོས་བཏེགས་པའི་རིན་ཆེན་མཛེས་ཁྲི་དང་༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཨོཾ་ཡིག་ཡོངས་གྱུར་བུདྡྷ་ཐོད་ཕྲེང་རྩལ༔ སྐུ་མདོག་དཀར་གསལ་ཞི་འཛུམ་སྒེག་པའི་ཉམས༔ ཞལ་གཅིག་ཕྱག་གཉིས་སྤྱན་གསུམ་གཟི་འོད་འབར༔ ཕྱག་གཡས་འཁོར་ལོ་དཀར་པོ་ཐུགས་ཀར་གཏོད༔ གཡོན་པས་འཁོར་ལོས་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བསྟེན་ཡུམ་ལ་འཁྱུད༔ རུས་པའི་ཕྱག་རྒྱ་དྲུག་གིས་རབ་ཏུ་སྤྲས༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་འཁོར་ལོ་དྲིལ་བུ་བསྣམས་པས་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔་་་་་་་་་་འདིར་ཡེ་ཤེས་སེམས་དཔའ་བུདྡྷ་རྟ་མགྲིན་དང་༔ ཕྱོགས་བཞིར་བཛྲ་རྟ་མགྲིན་སོགས་ཡིན་ལ༔ རིག་གཞན་ལ་དེས་འགྲེ་སྟེ༔ རྡོ་རྗེ་ཐོད་ཕྲེང་རྩལ་ལ་ཡེ་ཤེས་སེམས་དཔལ་བཛྲ་རྟ་མགྲིན༔ བུདྡྷ་རྟ་མགྲིན་ཤར་འདབ་ལ་བཀོད་དགོས་པ་སོགས་ཤེས་པར་བྱའོ༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ སྒོ་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱྀ་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ་ཧྲཱིཿ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་སརྦ་ཛྙཱ་ན་མཎྜ་ལ་བཛྲ་ས་མ་ཡ་ཛ༔ གསུམ་པ་བཞུགས་སུ་གསོལ་བ་ནི༔ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ བཞི་པ་བརྡ་ཡི་ཕྱག་འཚལ་ནི༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡི་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱི་ཙྪ་ཧཱོ༔ ལྔ་པ་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་ས་པ་རི་ཝཱ་ར་ཨརྒྷཾ་ནས་རཱུ་པ་ཤཔྡ་གནྡྷེ་རཱ་ས་སྤརྴེ་པྲ་ཏཱི་ཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙ་ཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ དྲུག་པ་བསྟོད་པ་བྱ་བ་ནི༔ ཧཱུྃ་ཧྲཱི༔ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པ་བསྟོད་དོ་མཆོག་ཐུན་དངོས་གྲུབ་སྩོལ༔ བདུན་པ་བཟླས་པ་བྱ་བ་ལས༔ དང་པོ་བསྙེན་པའི་དགོངས་པ་ནི༔ ཐུགས་ཀར་པད་ཉི་དྲེགས་པའི་གདན་གྱི་སྟེང་༔ ཡེ་ཤེས་སེམས་དཔའ་བུདྡྷ་རྟ་གདོང་ཞལ༔ དཀར་སྨུག་འཁོར་ལོའི་གྲི་གུག་ཐོད་ཕྲག་འཆང་༔ གར་དགུའི་གཟི་འབར་རང་འོད་ཡུམ་དང་སྦྱོར༔ དུར་ཁྲོད་ཆས་རྫོགས་ཞབས་ཟུང་དོར་སྟབས་འགྱིང་༔ དེ་ཡི་ཐུགས་དབུས་ཉི་ཟླ་ཁ་སྦྱོར་སྦུབས༔ ཨོཾ་མཐར་སྔགས་ཀྱིས་བསྐོར་བའི་འོད་ཟེར་གྱིས༔ འཕགས་པ་མཆོད་ཅིང་འགྲོ་ཀུན་སྒྲིབ་གཉིས་སྦྱངས༔ ཚུར་འདུས་རྩ་གསུམ་རྒྱལ་བ་རབ་འབྱམས་ཀྱི༔ བྱིན་རླབས་དངོས་གྲུབ་ཡེ་ཤེས་རང་ལ་ཐིམ༔ མཆོག་ཐུན་ཕྲིན་ལས་ལྷུན་གྱིས་གྲུབ་པར་གྱུར༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་བུདྡྷ་ཐོད་ཕྲེང་རྩལ་སརྦ་སིདྡྷི་ཧཱུྃ༔ འབུམ་ཕྲག་བཞི་བཟླས་གྲུབ་གཉིས་ཐོབ༔ དེ་ནས་སྒྲུབ་པའི་དགོངས་པ་ནི༔ སླར་ཡང་ཐུགས་སྲོག་སྒྲུབ་པའི་སྔགས་ཀྱི་ཕྲེང་༔ རང་སྒྲ་སྒྲོགས་བཞིན་བསྐོར་ལས་འོད་ཟེར་འཕྲོས༔ སྣོད་བཅུད་གཞལ་ཡས་ཁང་དང་ལྷར་གྱུར་ཅིང་༔ སྒྲ་གྲགས་སྔགས་ལ་དྲན་རྟོག་འོད་གསལ་དབྱིངས༔ སྣང་སྲིད་གཞིར་བཞེངས་དག་པ་རབ་འབྱམས་དང་༔ ཡེ་ཤེས་ཆེན་པོའི་ནུས་སྟོབས་རྫོགས་པར་གྱུར༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱ༔ འབུམ་ཕྲག་བཟླས་པས་དངོས་གྲུབ་ཐོབ༔ ཐ་མར་ལས་ལ་སྦྱར་བ་ནི༔ ཐུགས་སྲོག་སྔག་ལས་འོད་ཟེར་འཇའ་ཚོན་ལྟར༔ ཁ་དོག་ལྔ་ལྡན་ཕྱི་ནང་ཀུན་ཏུ་འཕྲོས༔ ཞི་རྒྱས་དབང་དྲག་ལས་ཀུན་ལྷུན་གྲུབ་ཅིང་༔ མཆོག་ཏུ་མི་འགྱུར་ཡེ་ཤེས་རྩལ་རྫོགས་བསམ༔ སྒྲུབ་པའི་སྔགས་ཀྱིས་ཐོག་དྲངས་ནས༔ ཨོཾ་སརྦ་ཀརྨ་ཛྙཱ་ན་སིདྡྷི་ཧཱུྃ༔ ཁྲི་ཡིས་ལས་ཀུན་ལྷུན་གྲུབ་འགྱུར༔ ས་མ་ཡ༔ གསུམ་པ་རྗེས་ཀྱི་ལས་རིམ་ལ༔ ཚོགས་ཀྱི་མཆོད་པས་ཐུགས་དམ་བསྐང་༔ གཏང་རག་མཆོད་བསྟོད་དངོས་གྲུབ་གསོལ༔ ནོངས་པ་བཤགས་ཤིང་ལྷར་སྣང་བསྡུ༔ ཟུང་འཇུག་སྐུར་ལྡང་བསྔོ་སྨོན་དང་༔ ཤིས་པ་བརྗོད་པས་མཐར་དབྱུང་ངོ་༔ ས་མ་ཡ༔ ཁྱད་པར་མཆོག་གི་ལས་སྦྱོར་ནི༔ ཤ་ལྔ་བདུད་རྩི་རྣམ་པ་ལྔ༔ རྩ་བ་བརྒྱད་དང་ཡན་ལག་སྟོང་༔ ཇི་ལྟར་ཚོགས་པའྀ་བདུད་རྩི་ལ༔ སེལ་མེད་ཨ་མྲྀ་ཏ་ཡིས་བྲན༔ མཚན་ལྡན་ཐོད་པ་ཁ་སྦྱོར་གཞུག༔ དྲོད་འབེབས་སྦྱོར་བ་དང་བཅས་མདུན༔ སྨན་རག་གཏོར་ཚོགས་མཆོད་རྫས་དགྲམ༔ ཕྲིན་ལས་གཞུང་བསྲང་སྔོན་འགྲོ་བས༔ བྱེ་བྲག་ཏིང་འཛིན་དགོངས་བརྒྱུད་ནི༔ ཨཱཿ སྟོང་གསལ་ངང་ལས་རླུང་མེ་ཐོད་སྒྱེད་སྟེང་༔ ཆོས་ཀྱི་དབྱིངས་མཉམ་ཡེ་ཤེས་ཀ་པཱ་ལར༔ བདུད་རྩིའི་རྒྱ་མཚོ་ཞུ་ཞིང་ཁོལ་བའི་དབུས༔ བདག་ཉིད་རྩ་བའི་དཀྱིལ་འཁོར་གསལ་བརྟན་ལས༔ ཡེ་ཤེས་དཀྱིལ་འཁོར་གཉིས་པ་མདུན་དུ་སྤྲོས༔ མེ་རི་འདབས་འབྱོར་ཚུལ་གྱིས་བཞུགས་པ་ལ༔ རང་གི་ཐུགས་ནས་འཕྲོས་པའི་འོད་ཟེར་གྱིས༔ ཐུགས་དམ་རྒྱུད་བསྐུལ་ལྷ་ཚོགས་སྙོམས་པར་ཞུགས༔ བདེ་བའི་སྒྲ་དང་ཡེ་ཤེས་འོད་སྣང་གིས༔ འཁོར་འདས་བཅུད་དང་དྭངས་མ་དགེ་མཚན་དང་༔ ཁྱད་པར་རྩ་གསུམ་རྒྱལ་བ་རབ་འབྱམས་ཀྱི༔ བདེ་ཆེན་ཡེ་ཤེས་བདུད་རྩིའི་རྣམ་པར་བསྡུས༔ རྫས་ལ་ཐིམ་པས་མཐོང་ཚོར་མྱོང་རེག་ཀུན༔ རྣམ་པར་གྲོལ་བའི་ཡེ་ཤེས་གཟི་བྱིན་འབར༔ ཨོཾ་ཧཱུྃ་ཏྲཱྃ་ཧྲཱི་ཨཱ༔ མཱུྃ་ལཱྃ་མཱྃ་པཱྃ་ཏཱྃ༔ བཛྲ་ཨ་མྲྀ་ཏ་ཧཱུྃ་ཧྲཱི་ཋ༔ ཁྲི་བཟླས་གྲོལ་བ་གཞི་ལྡན་གྱི༔ དངོས་གྲུབ་མཆོག་གི་རྫས་སུ་འགྱུར༔ མཐར་ནི་ལྷ་རྣམས་བཅུད་ལ་བསྟིམ༔ དངོས་གྲུབ་བླངས་ཤིང་གཞན་ལའང་སྦྱིན༔ རིག་འཛིན་མཆོག་དང་སྐལ་མཉམ་པའི༔ མཆོག་ཐུན་གྲུབ་པ་རྒྱས་པར་བསམ༔ ས་མ་ཡ༔ དེ་ལྟར་བསྐྱེད་བཟླས་ཟབ་མོའི་དོན༔ ཉམས་སུ་ལེན་པའི་སྣོད་ལྡན་ཕྱིར༔ རིམ་པ་དབང་གི་ཆོ་ག་ནི༔ དབེན་པའི་གནས་སུ་མཎྜལ་དང་༔ དབང་རྫས་མཆོད་གཏོར་ཚོགས་མཆོད་བཤམ༔ བདག་མདུན་དབྱེར་མེད་བསྒོམ་བཟླས་དང་༔ བུམ་པ་ཚུལ་བཞིན་བསྒྲུབས་ནས་ཀྱང་༔ ཚོགས་མཆོད་སྐོང་བཤགས་སྔོན་འགྲོ་བས༔ སྣོད་ལྡན་སློབ་མ་ཁྲུས་ནས་དབྱུང་༔ བགེགས་བསལ་སྲུང་བའི་འཁོར་ལོས་བཅིང་༔ མཎྜལ་འབུལ་ཞིང་གསོལ་གདབ་བྱ༔ ཧོཿ དཀྱིལ་འཁོར་གཙོ་བོ་རིགས་ཀུན་བདག༔ ཐུགས་རྗེའི་གཏེར་ཆེན་སློབ་དཔོན་གྱིས༔ ལྷུན་གྲུབ་་་་་་་རིགས་གཞན་ལ་ཞི་མཛད་རྡོ་རྗེ་ཐོད་ཕྲེང་སོགས་ཚིགས་ཁ་བསྒྱུར་རོ། མཆན། བུདྡྷ་ཐོད་ཕྲེང་གི༔ སྨིན་གྲོལ་དབང་མཆོག་སྩལ་དུ་གསོལ༔ ཞེས་གསོལ་རྒྱུད་སྦྱངས་་་་་་་་སྐྱབས་སེམས་ཚོགས་བསགས་སྡོམ་བཟུང༌། ལྷར་བསྐྱེད་ལ༔ ཡེ་ཤེས་དབབ་ཅིང་བརྟན་པར་བྱ༔ དེ་ནས་བུམ་པ་སྤྱི་བོར་བཞག༔ ཨོཾ༔ བུམ་པ་བཟང་པོ་ཡོན་ཏན་ཀུན་གྱི་གཏེར༔ ལྷ་ཚོགས་འོད་ཞུ་བདུད་རྩིའི་བཅུད་ཀྱིས་བཏམས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བུདྡྷ་ཐོད་ཕྲེང་སྐུ་ཡི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་ཀཱ་ཡ་ཨ་བྷི་ཥིཉྩ་ཨོཾ༔ སྔགས་ཀྱི་ཕྲེང་བ་མགྲིན་པར་བཞག བཟླས་ལུང་སྤྱྀ་ལྟར་བྱ༔ ཨཱཿ སྒྲ་ཡི་སྙིང་པོ་བསྙེན་སྒྲུབ་ཕྲིན་ལས་ཀྱི༔ བཟླས་པའི་ནུས་རྫོགས་སྔགས་ཀྱི་ཕྲེང་བ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བུདྡྷ་ཐོད་ཕྲེང་གསུང་གི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་ཝཱ་ཀ་ཨ་བྷི་ཥིཉྩ་ཨཱཿ མེ་ལོང་གསལ་བསྟན་ངོ་སྤྲོད་གདབ༔ ཧཱུྃ༔ སྟོང་གསལ་རང་རིག་འདུས་མ་བྱས་པའི་དོན༔ བརྡ་ཡི་མཚོན་པ་ཡེ་ཤེས་མེ་ལོང་གིས༔ སྐལ་ལྡན་རིགས་ཀྱི་བུུ་ལ་དབང་༴ བུདྡྷ་ཐོད་ཕྲེང་ཐུགས་ཀྱི་དབང་ཐོབ་ཤོག༔ ཨོཾ་ཨཱཿཧཱུྃ་བཛྲ་གུ་རུ་བུདྡྷ་ཐོད་ཕྲེང་རྩལ་ཙིཏྟ་ཨ་བྷི་ཥིཉྩ་ཧཱུྃ༔ དཔལ་གྱི་གཏོར་མ་སྤྱྀ་བོར་བཞག༔ ཨོཾ་ཨཱཿཧཱུྃ་ཧྲཱིཿ གཏོར་སྣོད་རང་བྱུང་གཞལ་མེད་ཁང་ཆེན་པོ༔ གཏོར་མའི་ངོ་བོ་ལྷ་དང་གཉིས་སུ་མེད༔ སྐལ་ལྡན་རིག་ཀྱི་བུ་ལ་དབང༴ བུདྡྷ་ཐོད་ཕྲེང་ཡེ་ཤེས་དབང་ཐོབ་ཤོག༔ ཨོཾ་ཨཱཿཧཱུྃ་ཧྲཱི་བཛྲ་གུ་རུ་བུདྡྷ་ཐོད་ཕྲེང་རྩལ་ཀཱ་ཡ་ཝཱ་ཀ་ཙིཏྟ་ཛྙཱ་ན་ཨ་བྷི་ཥིཉྩ་ཨོཾ་ཨཱཿཧཱུྃ་ཧྲཱི༔ ཁྱད་པར་མཐའ་རྟཻན་ཨ་མྲྀ་ཏའི༔ བྷནྡྷ་ཁ་སྦྱོར་སྤྱྀ་གཙུག་བཀོད༔ ཧཱུྃ༔ བཀྲ་ཤིས་མཚན་ལྡན་རྡོ་རྗེ་ཀཱ་པ་ལ༔ ཡེ་ཤེས་འདུད་རྩིའི་བཅུད་ཀྱིས་རབ་ཏུ་གཏམས༔ སྐལ་ལྡན་རིགས་ཀྱི་བུུ་ལ་དབང་༔ གྲོལ་བ་བཞི་ལྡན་ཕྲིན་ལས་མཐར་ཕྱིན་ཤོག༔ ཨོཾ་ཧཱུྃ་ཏྲཱྃ་ཧྲཱིཿཨཱཿ མཱུྃ་ལཱྃ་མཱྃ་པཱྃ་ཏཱྃ༔ བཛྲ་ཨ་མྲྀ་ཏ་ཧཱུྃ་ཧྲཱི་ཋ༔ སརྦ་ཨ་བྷི་ཥིཉྩ་མི༔ རྗེས་སུ་ཤིས་པར་བྱ་བ་དང་༔ དམ་ཚིག་ཁས་བླང་གཏང་རག་གི༔ མཎྜལ་སོགས་སྤྱྀ་ལྟར་བྱ༔ གསང་བ་ཆེན་པོའི་སྣོད་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ དྷ་ཐིམ༔ གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་ལས་ཕྱུང་བའོ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཞི་བའི་ལས་མཛད་རྡོ་རྗེ་ཐོད་ཕྲེང་རྩལ་གྱི་སྒོས་སྒྲུབ་བཞུགས༔ དྷཱི།༔ རྩ་གསུམ་ཡོངས་འདུས་ལྷ་ལ་འདུད༔ ནད་གདོན་འཇིགས་བརྒྱད་སྡིག་ལྟུང་སོགས༔ མི་མཐུན་འགལ་རྐྱེན་ཞི་འདོད་ན༔ རྡོ་རྗེ་ཐོད་ཕྲེང་བསྒྲུབ་པར་བྱ༔ ས་མ་ཡ༔ དེ་ལ་སྔོན་དངོས་རྗེས་གསུམ་ལས༔ སྔོན་འགྲོ་ལས་བདུན་ཚུལ་བཞིན་བྱ༔ དངོས་གཞིར་དང་པོ་དམ་ཚིག་པའི༔ དཀྱིལ་འཁོར་འཁོར་ལོ་བསྐྱེད་པ་ནི༔ ཧཱུྃ༔ དེ་བཞིན་ཉིད་དབྱིངས་དམིགས་མེད་སྙིང་རྗེའི་རྩལ༔ ཟུང་འཇུག་རྒྱུ་ཡི་ས་བོན་ཨོཾ་དཀར་གསལ༔ དེ་ལས་འོད་འཕྲོས་སྣོད་བཅུད་དངོས་འཛིན་སྦྱངས༔ སྟོང་པའི་ངང་ལས་འབྱུང་རིམ་རི་རབ་རྩེར༔ རྡོ་རྗེའི་སྲུང་འཁོར་མེ་ཕུང་འབར་བའི་ཀློང་༔ བྷྲཱུྃ་ལས་རིན་ཆེན་གཞལ་མེད་ཁང་ཆེན་པོ༔ མཚན་ཉིད་ཀུན་རྫོགས་སྣང་སྟོང་འོད་འབར་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ སེང་གེས་བཏེགས་པའི་རིན་ཆེན་མཛེས་ཁྲི་དང་༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཧཱུྃ་ཡིག་ཡོངས་གྱུར་རྡོ་རྗེ་ཐོད་ཕྲེང་རྩལ༔ སྐུ་མདོག་མཐིང་གསལ་ཞི་འཛུམ་སྒེག་པའི་ཉམས༔ ཕྱག་གཡས་རྡོ་རྗེ་རྩེ་ལྔ་ཐུགས་ཀར་གཏོད༔ གཡོན་པས་རྡོ་རྗེས་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བསྟེན་ཡུམ་ལ་འཁྱུད༔ རུས་པའི་ཕྱག་རྒྱ་དྲུག་གིས་རབ་ཏུ་སྤྲས༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་རྡོ་རྗེ་དྲིལ་བུ་བསྣམས་པ་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ སྒོ་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱི་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིག་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ་ཧྲཱི༔ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་སརྦ་ཛྙཱ་ན་མཎྜལ་ལ་བཛྲ་ས་ཡ་ཛ༔ གསུམ་པ་བཞུགས་སུ་གསོལ་བ་ནི༔ ཧཱུྃ་ཧྲཱི༔ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ བཞི་པ་བརྡ་ཡི་ཕྱག་འཚལ་བ་ནི༔ ཧཱུྃ་ཧྲཱི༔ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡི་ཕྱག་འཚལ་ལོ༔ ཨོཾ་ཏི་པཱུ་ཧོ༔ པྲ་ཏི་ཙྪ་ཧོ༔ ལྔ་པ་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནི་ས་པ་རི་ཝཱ་ར་ཨརྒྷཾ༴ རཱུ་པ་ཤཔྡ་གནྡྷེ་རཱ་ས་སྤརྴེ་པྲ་ཏིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ དྲུག་པ་བསྟོད་པ་བྱ་བ་ནི༔ ཧཱུྃ་ཧྲཱི༔ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ བདུན་པ་བཟླས་པ་བྱ་བ་ལ༔ དང་པོ་བསྙེན་པའི་དགོངས་པ་ནི༔ ཐུགས་ཀར་པད་ཉི་དྲེགས་པའི་གདན་གྱི་སྟེང་༔ ཡེ་ཤེས་སེམས་དཔའ་བཛྲ་རྟ་གདོང་ཞལ༔ མཐིང་ནག་རྡོ་རྗེའི་གྲི་གུག་ཐོད་ཁྲག་འཆང་༔ གར་དགུའི་གཟི་འབར་རང་འོད་ཡུམ་དང་སྦྱོར༔ དུར་ཁྲོད་ཆས་རྫོགས་ཞབས་ཟུང་དོར་སྟབས་འགྱིང་༔ དེ་ཡི་ཐུགས་དབུས་ཉི་ཟླ་ཁ་སྦྱོར་སྦུབས༔ ཧཱུྃ་མཐར་སྔགས་ཀྱིས་བསྐོར་བའི་འོད་ཟེར་གྱིས༔ འཕགས་པ་མཆོད་ཅིང་འགྲོ་ཀུན་སྒྲིབ་གཉིས་སྦྱངས༔ ཚུར་འདུས་རྩ་གསུམ་རྒྱལ་བ་རབ་འབྱམས་ཀྱི༔ བྱིན་རླབས་དངོས་གྲུབ་ཡེ་ཤེས་རང་ལ་ཐིམ༔ ཞི་བའི་ཕྲིན་ལས་ལྷུན་གྱིས་གྲུབ་པར་གྱུར༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་བཛྲ་ཐོད་ཕྲེང་རྩལ་སརྦ་སིདྡྷི་ཧཱུྃ༔ འབུམ་ཕྲག་བཞི་བཟླས་གྲུབ་གཉིས་ཐོབ༔ དེ་ནས་སྒྲུབ་པའི་དགོངས་པ་ནི༔ སླར་ཡང་ཐུགས་སྲོག་སྒྲུབ་པའི་སྔགས་ཀྱི་ཕྲེང་༔ རང་སྒྲ་སྒྲོགས་བཞིན་བསྐོར་ལས་འོད་ཟེར་འཕྲོས༔ སྣོད་བཅུད་གཞལ་ཡས་ཁང་དང་ལྷར་གྱུར་ཅིང་༔ སྒྲ་གྲགས་སྔགས་ལ་དྲན་རྟོག་འོད་གསལ་དབྱིངས༔ སྣང་སྲིད་གཞིར་བཞེངས་དག་པ་རབ་འབྱམས་ངང་༔ ཡེ་ཤེས་ཆེན་པོའི་ནུས་སྟོབས་རྫོགས་པར་གྱུར༔ ཨོཾ་ཨཱཿཧཱུྃ་བཛྲ་གུ་རུ་བཛྲ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ འབུམ་ཕྲག་བཟླས་པས་དངོས་གྲུབ་ཐོབ༔ ཐ་མར་ལས་ལ་སྦྱར་བ་ནི༔ ཐུགས་སྲོག་སྔགས་ལས་འོད་ཟེར་དཀར་པོའི་ཕྲེང་༔ སྟོན་ཟླའི་མདངས་ལྡན་ཕྱི་ནང་ཀུན་ཏུ་འཕྲོས༔ མི་མཐུན་ཕྱོགས་ཀུན་ཞི་བའི་ལས་འགྲུབ་ཅིང་༔ མཆོག་ཏུ་མི་འགྱུར་ཡེ་ཤེས་རྩལ་རྫོགས་བསམ༔ སྒྲུབ་པའི་སྔགས་ཀྱིས་ཐོག་དྲངས་ནས༔ ཧཱུྃ་སརྦ་ཤནྟིཾ་ཀུ་རུ་སྭཱ་ཧཱ༔ ཁྲི་ཡིས་ཞི་བའི་ལས་ཀུན་འགྲུབ༔ གསུམ་པ་རྗེས་ཀྱི་ལས་རིམ་ལ༔ ཚོགས་མཆོད་ལ་སོགས་མཐར་དབྱུང་ངོ་༔ ས་མ་ཡ༔ ཁྱད་པར་ཞི་བའི་ལས་སྦྱོར་ནི༔ རིན་ཆེན་བུམ་པ་རྒྱན་ལྡན་ནང་༔ རྒྱུན་འབབས་ཆུ་དང་སོ་ལྔས་བཀང་༔ སྟེགས་བུའི་དབུས་བཞག་མཆོད་པས་བསྐོར༔ བདག་བསྐྱེད་བསྙེན་སྒྲུབ་སྔོན་འགྲོ་བས༔ བུམ་པ་འཁྱིལ་བའི་སྔགས་ཀྱིས་བསང་༔ ཨོཾ་སྭ་བྷཱ་ཝ་བི་ཤུདྡྷཿསརྦ་དྷརྨཿསྭ་བྷཱ་བ་བི་ཤུདྡྷོ྅ཧཾ༔ སྟོང་པའི་ངང་ལས་པད་ཟླའི་གདན་གྱི་སྟེང་༔ བྷྲཱུྃ་ཡིག་ཡོངས་གྱུར་རིན་ཆེན་བུམ་པ་བཟང་༔ བདུད་རྩིའི་བཅུད་ཀྱིས་ཡོངས་སུ་གང་བའི་དབུས༔ ཞི་བའི་ལས་མཛད་རྡོ་རྗེ་ཐོད་ཕྲེང་རྩལ༔ གཙོ་འཁོར་སྤྲུལ་པར་བཅས་པའི་ལྷ་ཚོགས་རྣམས༔ སྣང་སྟོང་ཟུང་འཇུག་ཆུ་ཟླ་འཇའ་ཚོན་ལྟར༔ དམ་ཚིག་ཡེ་ཤེས་གཉིས་སུ་མེད་པར་གསལ༔ རང་གི་ཐུགས་ནས་སྔགས་ཀྱི་འོད་ཟེར་འཕྲོས༔ བུམ་པའི་ལྷ་ཚོགས་ཐུགས་དམ་རྒྱུད་བསྐུལ་བས༔ འོད་ཟེར་དཀར་པོ་མཁའ་ཁྱབ་ཀུན་ཏུ་འཕྲོས༔ འཕགས་པ་མཆོད་ཅིང་འགྲོ་བའི་མི་མཐུན་སྦྱངས༔ ཚུར་འདུས་རྩ་གསུམ་རྒྱལ་བ་རབ་འབྱམས་དང་༔ གསང་སྔགས་རིག་སྔགས་གཟུངས་སྔགས་བྱིན་རླབས་བཅུད༔ འོད་དཀར་བདུད་རྩིའི་རྣམ་པར་སྤྱན་དྲངས་ནས༔ བུམ་པའི་ལྷ་ཡི་ཐུགས་ཀར་ས་བོན་མཐར༔ སྔགས་ཀྱི་ཕྲེང་བས་མཚན་ལ་གཉིས་མེད་ཐིམ༔ དེ་ལས་བདུད་རྩིའི་ཆུ་རྒྱུན་རབ་ཏུ་བབས༔ བུམ་བཅུད་ལ་ཐིམ་མཐོང་ཚོར་མྱང་རེག་ཀུན༔ མི་མཐུན་ཕྱོགས་ཀུན་ཞི་བའི་ནུས་ལྡན་བསམ༔ ཧཱུྃ་སརྦ་པཱ་པྃ་ཀླེ་ཤ་སརྦ་བྷ་ཡ་ཤནྟིཾ་ཀུ་རུ་སྭཱ་ཧཱ༔ ཁྲི་ཕྲག་བཟླས་པས་ལས་ཀུན་འགྲུབ༔ མཐར་ནི་ལྷ་ཉིད་འོད་དུ་ཞུ༔ བུམ་པའི་ཆུ་དང་རོ་གཅིག་བསམ༔ རང་དང་བསྒྲུབ་བྱར་འཐོར་འཐུང་བཀྲུ༔ གནས་ཁང་སོགས་ལ་གཏོར་བ་ཡིས༔ སྡིག་སྒྲིབ་ནད་གདོན་འཇིགས་བརྒྱད་སོགས༔ མི་མཐུན་ཕྱོགས་ཀུན་ཞི་བར་འགྱུར༔ ས་མ་ཡ༔ དེ་ལྟར་བསྐྱེད་བཟླས་ཟབ་མོའི་དོན༔ ཉམས་སུ་ལེན་པའི་སྣོད་ལྡན་ཕྱིར༔ རིམ་པ་དབང་གི་ཆོ་ག་ནི༔ བུདྡྷ་ཐོད་ཕྲེང་སྨིན་བྱེད་བཞིན༔ ལྷ་སྔགས་ཁ་བསྒྱུར་ཙམ་གྱིས་འགྲུབ༔ ཁྱད་པར་མཐའ་རྟེན་ཁྲུས་ཀྱི་བུམ༔ སྤྱི་བོར་བཞག་ཅིང་འཐོར་འཐུང་བྱ༔ བཀྲ་ཤིས་མཚན་ལྡན་རྡོ་རྗེའི་ཀ་ལ་ཤ༔ དག་བྱེད་བདུད་རྩིའི་རྒྱུན་གྱིས་རབ་ཏུ་གཏམས༔ སྐལ་ལྡན་སློབ་མར་དབང་བསྐུར་ཁྲུས་བགྱིས་པས༔ མི་མཐུན་འགལ་རྐྱེན་མཐའ་དག་ཞི་བར་ཤོག༔ སྔགས་མཐར་ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ གྲིབ་སེལ་སྔགས་ཀྱང་ཅི་རིགས་བཟླ༔ རྗེས་སུ་ཤིས་བརྗོད་ཁས་བླང་སོགས༔ གསང་བ་སྤྱྀ་དང་མཐུན་པར་སྤྱད༔ དེས་ནི་ལམ་གྱི་སྣོད་རུང་འགྱུར༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ བརྡ་ཐིམ༔ གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་ལས་ཕྱུང་བའོ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ རྒྱས་པའི་ལས་མཛད་རཏྣ་ཐོད་ཕྲེང་རྩལ་གྱི་སྒོས་སྒྲུབ་བཞུགས༔ དྷཱི།༔ རྩ་གསུམ་ཡོངས་འདུས་ལྷ་ལ་འདུད༔ ཚེ་བསོད་དཔལ་འབྱོར་ཡེ་ཤེས་སོགས༔ མཐུན་རྐྱེན་ལེགས་ཚོགས་རྒྱས་འདོད་ན༔ རཏྣ་ཐོད་ཕྲེང་བསྒྲུབ་པར་བྱ༔ ས་མ་ཡ༔ དེ་ལ་སྔོན་དངོས་རྗེས་གསུམ་ལས༔ སྔོན་འགྲོ་ལས་བདུན་ཚུལ་བཞིན་བྱ༔ དངོས་གཞིར་དང་པོ་དམ་ཚིག་པའི༔ དཀྱིལ་འཁོར་འཁོར་ལོ་བསྐྱེད་པ་ནི༔ ཧཱུྃ༔ དེ་བཞིན་ཉིད་དབྱིངས་དམིགས་མེད་སྙིང་རྗེའི་རྩལ༔ ཟུང་འཇུག་རྒྱུ་ཡི་ས་བོན་ཨོཾ་དཀར་གསལ༔ དེ་ལས་འོད་འཕྲོས་སྣོད་བཅུད་དངོས་འཛིན་སྦྱངས༔ སྟོང་པའི་ངང་ལས་འབྱུང་རིམ་རི་རབ་རྩེར༔ རྡོ་རྗེའི་སྲུང་འཁོར་མེ་ཕུང་འབར་བའི་ཀློང་༔ བྷྲཱུྃ་ལས་རིན་ཆེན་གཞལ་མེད་ཁང་ཆེན་པོ༔ མཚན་ཉིད་ཀུན་རྫོགས་སྣང་སྟོང་འོད་འབར་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ རྟ་མཆོག་གིས་བཏེགས་རིན་ཆེན་མཛེས་ཁྲི་དང་༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཏྲཱྃ་ཡིག་ཡོངས་གྱུར་རཏྣ་ཐོད་ཕྲེང་རྩལ༔ གསེར་མདོག་བརྗིད་ཆགས་ཤིན་ཏུ་སྒེག་པའི་ཉམས༔ ཕྱག་གཡས་ཡིད་བཞིན་ནོར་བུ་ཐུགས་ཀར་གཏོད༔ གཡོན་པས་ནོར་བུའི་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བརྟེན་ཡུམ་ལ་འཁྱུད༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་རིན་ཆེན་དྲིལ་བུ་བསྣམས་པ་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ སྒོ་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱྀ་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ་ཧྲཱིཿ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་སརྦ་ཛྙཱ་ན་མཎྜ་ལ་བཛྲ་ས་མ་ཡ་ཛཿ གསུམ་པ་བཞུགས་སུ་གསོལ་བ་ནི༔ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ བཞི་པ་བརྡ་ཡི་ཕྱག་འཚལ་ནི༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡི་ཕྱག་འཚལ་ལོ༔ ཨོཾ་ཏི་པཱུ་ཧོ༔ པྲ་ཏི་ཙྪ་ཧོཿ ལྔ་པ་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནི་ས་པ་རི་ཝཱ་ར་ཨརྒྷཾ༴ རཱུ་པ་ཤཔྡ་གནྡྷེ་རཱ་ས་སྤརྴེ་པྲ་ཏིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ དྲུག་པ་བསྟོད་པ་བྱ་བ་ནི༔ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ བདུན་པ་བཟླས་པ་བྱ་བ་ལ༔ དང་པོ་བསྙེན་པའི་དགོངས་པ་ནི༔ ཐུགས་ཀར་པད་ཉི་དྲེགས་པའི་གདན་གྱི་སྟེང་༔ ཡེ་ཤེས་སེམས་དཔའ་རཏྣ་རྟ་གདོང་ཞལ༔ སེར་ནག་རིན་ཆེན་གྲི་གུག་ཐོད་ཁྲག་འཆང་༔ གར་དགུའི་གཟི་འབར་རང་འོད་ཡུམ་དང་སྦྱོར༔ དུར་ཁྲོད་ཆས་རྫོགས་ཞབས་ཟུང་དོར་སྟབས་འགྱིང་༔ དེ་ཡི་ཐུགས་དབུས་ཉི་ཟླ་ཁ་སྦྱོར་སྦུབས༔ ཏྲཱྃ་མཐར་སྔགས་ཀྱིས་བསྐོར་བའི་འོད་ཟེར་གྱིས༔ འཕགས་པ་མཆོད་ཅིང་འགྲོ་ཀུན་སྒྲིབ་གཉིས་སྦྱངས༔ ཚུར་འདུས་རྩ་གསུམ་རྒྱལ་བ་རབ་འབྱམས་ཀྱི༔ བྱིན་རླབས་དངོས་གྲུབ་ཡེ་ཤེས་རང་ལ་ཐིམ༔ ཚེ་བསོད་དཔལ་འབྱོར་ལུང་རྟོགས་ཡོན་ཏན་སོགས༔ རྒྱས་པའི་ཕྲིན་ལས་ལྷུན་གྱིས་གྲུབ་པར་གྱུར༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་རཏྣ་ཐོད་ཕྲེང་རྩལ་སརྦ་སིདྡྷི་ཧཱུྃ༔ འབུམ་ཕྲག་བཞི་བཟླས་གྲུབ་གཉིས་ཐོབ༔ དེ་ནས་སྒྲུབ་པའི་དགོངས་པ་ནི༔ སླར་ཡང་ཐུགས་སྲོག་སྒྲུབ་པའི་སྔགས་ཀྱི་ཕྲེང་༔ རང་སྒྲ་སྒྲོགས་བཞིན་བསྐོར་ལས་འོད་ཟེར་འཕྲོས༔ སྣོད་བཅུད་གཞལ་ཡས་ཁང་དང་ལྷར་གྱུར་ཅིང་༔ སྒྲ་གྲགས་སྔགས་ལ་དྲན་རྟོག་འོད་གསལ་དབྱིངས༔ སྣང་སྲིད་གཞིར་བཞེངས་དག་པ་རབ་འབྱམས་ངང་༔ ཡེ་ཤེས་ཆེན་པོའི་ནུས་སྟོབས་རྫོགས་པར་གྱུར༔ ཨོཾ་ཨཱཿཧཱུྃ་བཛྲ་གུ་རུ་རཏྣ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱ༔ འབུམ་ཕྲག་བཟླས་པས་དངོས་གྲུབ་ཐོབ༔ ཐ་མར་ལས་ལ་སྦྱར་བ་ནི༔ ཐུགས་སྲོག་སྔགས་ལས་འོད་ཟེར་གསེར་མདོག་ཕྲེང་༔ འཆར་ཁའི་མདངས་ལྡན་ཕྱི་ནང་ཀུན་ཏུ་འཕྲོས༔ ཚེ་བསོད་དཔལ་འབྱོར་ཡེ་ཤེས་ཡོན་ཏན་སོགས༔ མཐུན་རྐྱེན་ལེགས་ཚོགས་ཐམས་ཅད་རྒྱས་པར་བསམ༔ སྒྲུབ་པའི་སྔགས་ཀྱིས་ཐོག་དྲངས་ནས༔ ཏྲཱྃ་སརྦ་པུཥྟིཾ་ཀུ་རུ་ཨོཾ༔ ཁྲི་ཡིས་རྒྱས་པའི་ལས་ཀུན་འགྲུབ༔ གསུམ་པ་རྗེས་ཀྱི་རིམ་པ་ལ༔ ཚོགས་མཆོད་ལ་སོགས་མཐར་དབྱུང་ངོ་༔ ས་མ་ཡ༔ ཁྱད་པར་རྒྱས་པའི་ལས་སྦྱོར་ནི༔ མཚན་རྫོགས་རིན་ཆེན་ཀ་པཱ་ལ༔ རྟེན་འབྲེལ་དགེ་བའི་ནང་ཁོངས་སུ༔ དྲི་ཡི་རྫས་དང་སྨན་གྱིས་བྱུག༔ ཚེ་ཡི་རྫས་དང་དཔལ་ཅན་རྫས༔ མྱོང་གྲོལ་མཆོག་གི་ཨ་མྲྀ་ཏ༔ རིན་ཆེན་འབྲུ་སྨན་སོགས་གྱིས་བཀང་༔ དར་ཟབ་ཆེན་པོས་ཁ་བཅད་ལ༔ སྟེགས་བུའི་དབུས་བཞག་མཆོད་པས་བསྐོར༔ བདག་བསྐྱེད་བསྙེན་སྒྲུབ་སྔོན་འགྲོ་བས༔ ཐོད་པ་འཁྱིལ་བའི་སྔགས་ཀྱིས་བསང་༔ ཨོཾ་སྭ་བྷཱ་བ་བི་ཤུདྡྷཿསརྦ་དྷརྨཱཿསྭ་བྷཱ་ཝ་བི་ཤུདྡྷོ྅ཧཾ༔ སྟོང་པའི་ངང་ལས་རང་གི་མདུན་གྱི་གཞིར༔ ཡིད་འཕྲོག་མཆོད་སྤྲིན་རྒྱ་མཚོའི་བཀོད་པ་དང་༔ སྲིད་ཞིའི་འབྱོར་ཚོགས་ནམ་མཁའ་མཛོད་ཀྱི་དབུས༔ ནོར་བུའི་གཞལ་མེད་ཁང་ཆེན་མཚན་ཉིད་རྫོགས༔ ལྟེ་བར་འདོད་འབྱུང་ཡེ་ཤེས་ཀཱ་པ་ལ༔ ཡངས་ཤིང་རྒྱ་ཆེ་གནོད་སྦྱིན་གཏེར་འཆང་ཆེའི༔ བུམ་པ་བཟང་དེར་འདོད་དགུའི་བཅུད་ཀྱིས་གཏམས༔ སྣང་སྟོང་འཇའ་ཟེར་ཐིག་ལེ་འཁྲིགས་པའི་དབུས༔ རྒྱས་པའི་ལས་མཛད་རཏྣ་ཐོད་ཕྲེང་རྩལ༔ གཙོ་འཁོར་སྤྲུལ་པར་བཅས་པའི་ལྷ་ཚོགས་རྣམས༔ སྣང་སྟོང་ཟུང་འཇུག་ཆུ་ཟླ་འཇའ་ཚོན་ལྟར༔ དམ་ཚིག་ཡེ་ཤེས་གཉིས་སུ་མེད་པར་གསལ༔ རང་གི་ཐུགས་ནས་སྔགས་ཀྱི་འོད་ཟེར་འཕྲོས༔ ཐོད་པའི་ལྷ་ཚོགས་ཐུགས་དམ་རྒྱུད་བསྐུལ་བས༔ གསེར་མདོག་འོད་ཀྱིས་འཁོར་འདས་ཁམས་ཀུན་ཁྱབ༔ འཕགས་པ་མཆོད་ཅིང་འགྲོ་ཀུན་ལེགས་ཚོགས་སྤེལ༔ ཚུར་འདུས་རྩ་གསུམ་རྒྱལ་བ་རབ་འབྱམས་དང་༔ འཁོར་འདས་ལེགས་ཚོགས་ཡེ་ཤེས་ཡོན་ཏན་ཀུན༔ གསེར་མདོག་བདུད་རྩིའི་རྣམ་པར་སྤྱན་དྲངས་ནས༔ ཐོད་པའི་ལྷ་ཡི་ཐུགས་ཀར་ས་བོན་མཐར༔ སྔགས་ཀྱི་ཕྲེང་བས་མཚན་པ་གཉིས་མེད་ཐིམ༔ འཁོར་འདས་དངོས་གྲུབ་ཀུན་གྱི་དབྱིག་ཏུ་བསམ༔ ཏྲཱྃ་སརྦ་ལོ་ཀ་ཛྙཱ་ན་ཨཱ་ཡུར་པུཎྱེ་པུཥྟིཾ་ཀུ་རུ་ཨོཾ༔ ཁྲི་ཕྲག་བཟླས་པས་གང་འདོད་འགྲུབ༔ ཐུན་མཚམས་ཚོགས་མཆོད་རྒྱ་ཆེར་ཕུལ༔ མདའ་དར་གཡབ་ཅིང་ཐུགས་དམ་བསྐུལ༔ ཏྲཱྃ༔ དགོས་འབྱུང་རིན་ཆེན་གཏེར་གྱི་ཕོ་བྲང་ནས༔ རྒྱས་པའི་ལས་མཛད་རཏྣ་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་ཚོགས་རྣམས་ཀུན༔ མོས་ཤིང་གདུང་བས་ཐུགས་དམ་བསྐུལ་ལགས་ན༔ ཡེ་ཤེས་ཡོན་ཏན་གཟི་བརྗིད་ཚད་མེད་པའི༔ འོད་ཟེར་ཕོ་ཉ་སྲིད་ཞིའི་ཁམས་ཀུན་སྤྲོས༔ སྣོད་ཀྱི་ཕྱྭ་དང་བཅུད་ཀྱི་དགེ་མཚན་གཡང་༔ ཚེ་བསོད་དཔལ་འབྱོར་འདོད་རྒུའི་ལེགས་ཚོགས་ཀུན༔ འདིར་སྡུས་སྒྲུབ་པའི་རྫས་ལ་བྱིན་ཆེན་ཕོབ༔ རྣལ་འབྱོར་བདག་ཅག་འཁོར་དང་བཅས་པ་སོགས༔ མཐོང་ཐོས་དྲན་རེག་གདུལ་བྱའི་ཚོགས་རྣམས་ཀྱི༔ འདོད་རྒུའི་བསམ་པ་ཡིད་བཞིན་འགྲུབ་མཛད་གསོལ༔ ལས་སྦྱོར་སྔགས་ཀྱི་མཐར༔ རཏྣ་ཀ་པཱ་ལ་བ་སུ་སིདྡྷི་སྡུས་སྡུས་རཏྣ་སིདྡྷི་ས་མ་ཡ་སྟྭྃ༔ ཨཱ་ཡུར་པུཎྱེ་ཛྙཱ་ན་སརྦ་སིདྡྷི་ཕ་ལ་ཧོ༔ ཞེས་པའི་རིག་པ་ཡང་ཡང་བཟླ༔ མཐར་ནི་ལྷ་ཉིད་རྟེན་ལ་བསྟིམ༔ བརྟན་བཞུགས་ཤིས་བརྗོད་རྒྱ་ཆེར་བྱ༔ ལུས་ལ་འཆང་ངམ་མཛོད་ཕུགས་གཞུག༔ སྐབས་སུ་ཚོགས་དང་ཕུད་ཀྱིས་མཆོད༔ ཚེ་བསོད་དཔལ་འབྱོར་ཡེ་ཤེས་སོགས༔ འདོད་རྒུའི་འབྱོར་པ་རྒྱས་པར་འགྱུར༔ ས་མ་ཡ༔ དེ་ལྟར་བསྐྱེད་བཟླས་ཟབ་མོའི་དོན༔ ཉམས་སུ་ལེན་པའི་སྡོད་ལྡན་ཕྱིར༔ རིམ་པ་དབང་གི་ཆོ་ག་ནི༔ བུདྡྷ་ཐོད་ཕྲེང་སྨིན་བྱེད་པ༔ ལྷ་སྔགས་ཁ་བསྒྱུར་ཙམ་གྱིས་འགྲུབ༔ ཁྱད་པར་མཐའ་བརྟེན་ཀ་པཱ་ལ༔ རྫས་དང་བཅས་པ་ལག་ཏུ་གཏད༔ ཏྲཱྃ༔ བཀྲ་ཤིས་མཚན་ལྡན་རྡོ་རྗེ་ཀ་པཱ་ལ༔ ཚེ་བསོད་དཔལ་འབྱོར་ཡེ་ཤེས་བཅུད་ཀྱིས་གཏམས༔ སྐལ་ལྡན་རིགས་ཀྱི་བུ་ལ་སྦྱིན་པ་ཡིས༔ མཐུན་རྐྱེན་དངོས་གྲུབ་ལེགས་ཚོགས་རྒྱས་པར་ཤོག༔ ཏྲཱྃ་སརྦ་ལོ་ཀ་ཛྙཱ་ན་ཨ་ཡུར་པུཎྱེ་པུཥྟིཾ་ཀུ་རུ་ཨོཾ༔ རྗེས་སུ་ཤིས་བརྗོད་ཁས་བླང་སོགས༔ གསང་བ་སྤྱྀ་དང་མཐུན་པར་སྤྱད༔ དེས་ནི་ལམ་གྱི་སྣོད་དུ་འགྱུར༔ ས་མ་ཡ༔ གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་མཛོད་ལས་ཕྱུང་བའོ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ དབང་གི་ལས་མཛད་པདྨ་ཐོད་ཕྲེང་རྩལ་གྱི་སྒོས་སྒྲུབ་བཞུགས༔ དྷཱི།༔ རྩ་གསུམ་ཡོངས་འདུས་ལྷ་ལ་འདུད༔ སྲིད་དང་ཞི་བའི་ཕུན་ཚོགས་དང་༔ ཡིད་མཐུན་དབང་དུ་འདུ་འདོད་ན༔ པདྨ་ཐོད་ཕྲེང་བསྒྲུབ་པར་བྱ༔ ས་མ་ཡ༔ དེ་ལ་སྔོན་དངོས་རྗེས་གསུམ་ལས༔ སྔོན་འགྲོའི་ལས་བདུན་ཚུལ་བཞིན་བྱ༔ དངོས་གཞིར་དང་པོ་དམ་ཚིག་པའི༔ ཀྱིལ་འཁོར་འཁོར་ལོ་བསྐྱེད་པ་ནི༔ ཧཱུྃ༔ དེ་བཞིན་ཉིད་དབྱིངས་དམིགས་མེད་སྙིང་རྗེའི་རྩལ༔ ཟུང་འཇུག་རྒྱུ་ཡི་ས་བོན་ཧྲཱིཿདམར་གསལ༔ དེ་ལས་འོད་འཕྲོས་སྣོད་བཅུད་དངོས་འཛིན་སྦྱངས༔ སྟོང་པའི་ངང་ལས་འབྱུང་རིམ་རི་རབ་རྩེར༔ རྡོ་རྗེའི་སྲུང་འཁོར་མེ་ཕུང་འབར་བའི་ཀློང་༔ བྷྲཱུྃ་ལས་རིན་ཆེན་གཞལ་མེད་ཁང་ཆེན་པོ༔ མཚན་ཉིད་ཀུན་རྫོགས་སྣང་སྟོང་འོད་འབར་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ རྨ་བྱས་བཏེགས་པའི་རིན་ཆེན་མཛེས་ཁྲི་དང་༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཧྲཱིཿཡིག་ཡོངས་གྱུར་པདྨ་ཐོད་ཕྲེང་རྩལ༔ དམར་གསལ་སྒེག་ཅིང་ཤིན་ཏུ་ཆགས་པའི་ཉམས༔ ཞལ་གཅིག་ཕྱག་གཉིས་སྤྱན་གསུམ་གཟི་འོད་འབར༔ ཕྱག་གཡས་པདྨ་དམར་པོ་ཐུགས་ཀར་གཏོད༔ གཡོན་པས་པདྨའི་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བརྟེན་ཡུམ་ལ་འཁྱུད༔ རུས་པའི་ཕྱག་རྒྱ་དྲུག་གིས་རབ་ཏུ་སྤྲས༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་པདྨ་དྲིལ་བུ་བསྣམས་པས་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ སྒོ་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་འཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱྀ་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ་ཧྲཱིཿ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནཱི་སརྦ་ཛྙཱ་ན་མཎྜལ་བཛྲ་ས་མ་ཡ་ཛ༔ གསུམ་པ་བཞུགས་སུ་གསོལ་བ་ནི༔ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ས་ཏིཥྛ་ལྷན༔ བཞི་པ་བརྡ་ཡི་ཕྱག་འཚལ་ནི༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་འདུན་པས་བརྡ་ཡི་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏི་ཙྪ་ཧོ༔ ལྔ་པ་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནི་ས་པ་རི་ཝཱ་ར་ཨརྒྷཾ༴ རཱུ་པ་ཤཔྡ་གནྡྷེ་རཱ་ས་སྤརྴེ་པྲ་ཏིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ དྲུག་པ་བསྟོད་པ་བྱ་བ་ནི༔ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ བདུན་པ་བཟླས་པ་བྱ་བ་ལ༔ དང་པོ་བསྙེན་པའི་དགོངས་པ་ནི༔ ཐུགས་ཀར་པད་ཉི་དྲེགས་པའི་གདན་གྱི་སྟེང་༔ ཡེ་ཤེས་སེམས་དཔའ་པདྨ་རྟ་གདོང་ཞལ༔ དམར་ནག་པདྨའི་གྲི་གུག་ཐོད་ཁྲག་འཆང་༔ གར་དགུའི་གཟི་འབར་རང་འོད་ཡུམ་དང་སྦྱོར༔ དུར་ཁྲོད་ཆས་རྫོགས་ཞབས་ཟུང་དོར་སྟབས་འགྱིང་༔ དེ་ཡི་ཐུགས་དབུས་ཉི་ཟླ་ཁ་སྦྱོར་སྦུབས༔ ཧྲཱིཿམཐར་སྔགས་ཀྱིས་བསྐོར་བའི་འོད་ཟེར་གྱིས༔ འཕགས་པ་མཆོད་ཅིང་འགྲོ་ཀུན་སྒྲིབ་གཉིས་སྦྱངས༔ ཚུར་འདུས་རྩ་གསུམ་རྒྱལ་བ་རབ་འབྱམས་ཀྱི༔ བྱིན་རླབས་དངོས་གྲུབ་ཡེ་ཤེས་རང་ལ་ཐིམ༔ འཁོར་འདས་སྣོད་བཅུད་ལེགས་ཚོགས་ཀུན་འདུ་བའི༔ རབ་འབྱམས་དབང་གི་ཕྲིན་ལས་ལྷུན་གྲུབ་གྱུར༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་པདྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ འབུམ་ཕྲག་བཞི་བཟླས་གྲུབ་གཉིས་ཐོབ༔ དེ་ནས་སྒྲུབ་པའི་དགོངས་པ་ནི༔ སླར་ཡང་ཐུགས་སྲོགས་སྒྲུབ་པའི་སྔགས་ཀྱི་ཕྲེང་༔ རང་སྒྲ་སྒྲོགས་བཞིན་བསྐོར་ལས་འོད་ཟེར་འཕྲོས༔ སྣོད་བཅུད་གཞལ་ཡས་ཁང་དང་ལྷར་གྱུར་ཅིང་༔ སྒྲ་གྲགས་སྔགས་ལ་དྲན་རྟོག་འོད་གསལ་དབྱིངས༔ སྣང་སྲིད་གཞིར་བཞེངས་དག་པ་རབ་འབྱམས་ངང་༔ ཡེ་ཤེས་ཆེན་པོའི་ནུས་སྟོབས་རྫོགས་པར་གྱུར༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ འབུམ་ཕྲག་བཟླས་པས་དངོས་གྲུབ་ཐོབ༔ ཐ་མར་ལས་ལ་སྦྱར་བ་ནི༔ ཐུགས་སྲོག་སྔགས་ལས་འོད་ཟེར་རབ་དམར་བ༔ རཱ་གའི་མདངས་ཅན་ཕྱི་ནང་ཀུན་ཏུ་འཕྲོས༔ འཁོར་འདས་སྣང་སྲིད་རླུང་སེམས་དབང་དུ་འདུས༔ རབ་འབྱམས་དབང་གི་ཕྲིན་ལས་ལྷུན་གྲུབ་བསམ༔ སྒྲུབ་པའི་སྔགས་གྱིས་ཐོག་དྲངས་ནས༔ ཧྲཱི་སརྦ་ཝཱ་ཤཾ་ཀུ་རུ་ཧོཿ ཁྲི་ཡིས་དབང་གིས་ལས་ཀུན་འགྲུབ༔ གསུམ་པ་རྗེས་ཀྱི་རིམ་པ་ལ༔ ཚཽགས་མཆོད་ལ་སོགས་འཐར་དབྱུང་ངོ་༔ ས་མ་ཡ༔ ཁྱད་པར་དབང་གི་ལས་སྦྱོར་ནི༔ ས་དམར་སྟེགས་བུ་འཐས་པར་བཅག༔ དབང་གི་ཐབ་ཁུང་སྤྱྀ་མཐུན་བྲི༔ དམར་སྐྱུར་ཤིང་བུ་ཟླ་གམ་བརྩེགས༔ མར་དང་ཡམ་ཤིང་ཁྱད་པར་རྫས༔ ལྕགས་ཀྱུ་ཅན་གྱི་མེ་ཏོག་དམར༔ ཆང་དང་ལན་ཚཱས་སྦགས་པ་དང་༔ ཉེར་སྤྱོད་སྨན་རག་གཏོར་ཚོགས་བཤམ༔ བདག་གི་རྣལ་འབྱོར་སྔོན་འགྲོ་བས༔ ཐབ་ཁུངས་བསང་ཞིང་མེ་སྦར་ལ༔ སྭ་བྷཱའི་སྔགས་ཀྱིས་སྟོང་པར་སྦྱང་༔ སྟོང་པའི་ངང་ལས་དབང་གི་ཐབ་ཁུང་ནི༔ ཟླ་གམ་འོད་དམར་རབ་ཏུ་འཁྲུགས་པའི་ནང་༔ དབང་གི་མེ་ཕུང་རྗེས་ཆགས་སྣང་བ་འབར༔ དེ་དབུས་བྷྲཱུྃ་ལས་པདྨའི་གཞལ་ཡས་ཁང་༔ མཚན་ཉིད་ཡོངས་རྫོགས་ངོ་མཚར་བཀོད་པས་མཛེས༔ ལྟེ་བར་རྨ་བྱས་བཏེགས་པའི་རིན་ཆེན་ཁྲི༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཧྲཱིཿཡིག་ཡོངས་གྱུར་པདྨ་ཐོད་ཕྲེང་རྩལ༔ ཞེས་སོགས་བསྟོད་པའི་བར་དུ་སྦྱར༔ དགང་བླུགས་ཁ་སྦྱར་བྱོན་སྐྱེམས་འབུལ༔ ཧྲཱིཿ དགངས་བླུགས་ཐབས་ཤེས་ཟུང་འཇུག་མཉམ་སྦྱོར་བ༔ ལྷ་རྣམ་ཞལ་གྱི་ངོ་བོར་རྣམ་དག་ལས༔ ཟག་མེད་བདུད་རྩིའི་ཆར་ཆེན་ཕབ་པ་ཡིས༔ པདྨ་ཐོད་ཕྲེང་ཡབ་ཡུམ་དཀྱིལ་འཁོར་པ༔ དགྱེས་ཚིམ་སྐུ་དང་སྦྱོར་མཚམས་ལས་བྱུང་བའི༔ འོད་ཟེར་དམར་པོས་འཁོར་འདས་ཁམས་ཀུན་ཁྱབ༔ རབ་འབྱམས་དབང་གི་ཕྲིན་ལས་ཡོངས་རྫོགས་ཤིང་༔ རང་གཞན་དོན་གཉིས་ལྷུན་གྱིས་གྲུབ་པར་གྱུར༔ ཅེས་བརྗོད་དམིགས་པ་གསལ་བརྟན་པས༔ བསྙེན་སྔགས་ཤམ་དུ་ལས་ཀྱི་སྔགས༔ སྤྲེལ་ནས་མར་ཁུ་ཉེར་གཅིག་དང་༔ དབང་གི་ཡམ་ཤིང་དེ་ལྟར་ཕུལ༔ ཁྱད་པར་རྫས་ལ་གྲངས་བཟུང་ནས༔ བརྒྱ་སྟོང་ལ་སོགས་ཅི་ནུས་དང་༔ སྐབས་སུ་གསོལ་བྱང་འདི་ཡང་གདགས༔ ཁམས་གསུམ་སྣོད་བཅུད་རླུང་སེམས་སྣང་བ་ལེགས་པའི་ཡོན་ཏན་ཐམས་ཅད་ཝཱ་ཤཾ་ཀུ་རུ་ཧོ༔ རྗེས་སུ་གཏང་རག་མཆོད་བསྟོད་དང་༔ ཚོགས་ཕུད་གཤེགས་སྐྱེམས་ཅི་རིགས་ཕུལ༔ ནོངས་པ་བཤགས་ཤིང་ཡེ་ཤེས་པ༔ རང་གི་ལྟེ་བར་ཐིམ་པ་ཡིས༔ གཏུམ་མོའི་མེ་དང་དབྱེར་མེད་པས༔ སྲིད་ཞི་དབང་ཕྱུག་ཆེན་པོར་བསམ༔ ཐལ་བ་འབབ་ཆུ་ཆེན་པོའམ༔ ནུབ་ཕྱོགས་རི་རྩེར་རླུང་ལ་བསྐུར༔ དེས་ནི་རབ་འབྱམས་དབང་གི་ལས༔ མྱུར་དུ་འགྲུབ་ཅིང་མཐར་ཕྱིན་འགྱུར༔ ས་མ་ཡ༔ དེ་ལྟར་བསྐྱེད་བཟླས་ཟབ་མོའི་དོན༔ ཉམས་སུ་ལེན་པའི་སྣོད་ལྡན་ཕྱིར༔ རིམ་པ་དབང་གི་ཆོ་ག་ནི༔ བུདྡྷ་ཐོད་ཕྲེང་སྨིན་བྱེད་ལ༔ ལྷ་སྔགས་ཁ་བསྒྱུར་ཙམ་གྱིས་འགྲུབ༔ ཁྱད་པར་མཐའ་རྟེན་དགང་བླུགས་གཏད༔ ཧྲཱིཿ པདྨ་ཐོད་ཕྲེང་ཡབ་ཡུམ་ངོ་བོ་ཉིད༔ ཐབས་ཤེས་ཟུང་འཇུག་དགང་བླུགས་འདི་གཏད་པས༔ ལྷ་རྣམས་ཞལ་གྱུར་སྲེག་བླུགས་ལས་སྦྱོར་གྱིས༔ རབ་འབྱམས་དབང་གི་ཕྲིན་ལས་ཡོངས་རྫོགས་ཤོག༔ བསྙེན་དང་ལས་སྔགས་རྗོད་ཅིང་གཏད༔ སྤྲོ་ན་མེ་མཆོད་འབུལ་དུ་གཞུག༔ རྗེས་སུ་གཤིས་བརྗོད་ཁས་བླང་སོགས༔ གསང་བ་སྤྱི་དང་མཐུན་པར་སྤྱད༔ དེས་ནི་ལམ་གྱི་སྣོད་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ གུཧྱ༔ བརྡ་ཐིམ༔ གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་མཛོད་ལས་ཕྱུང་བའོ།

དྷཱི།༔ རྩ་གསུམ་འོད་གསལ་སྙིང་ཏིག་ལས༔ དྲག་པོའི་ལས་མཛད་ཀརྨ་ཐོད་ཕྲེང་རྩལ་གྱི་སྒོས་སྒྲུབ་བཞུགས༔ དྷཱི།༔ རྩ་གསུམ་ཡོངས་རྫོགས་ལྷ་ལ་འདུད༔ ནད་གདོན་དགྲ་བགེགས་བྱད་ཕུར་སོགས༔ ཚར་གཅོད་དྲག་པོའི་ལས་བྱེད་ན༔ ཀརྨ་ཐོད་ཕྲེང་བསྒྲུབ་པར་བྱ༔ ས་མ་ཡ༔ དེ་ལ་སྔོན་དངོས་རྗེས་གསུམ་ལས༔ སྔོན་འགྲོའི་ལས་བདུན་ཚུལ་བཞིན་བྱ༔ དངོས་གཞིར་དང་པོ་དམ་ཚིག་གི༔ དཀྱིལ་འཁོར་འཁོར་ལོ་བསྐྱེད་པ་ནི༔ ཧཱུྃ༔ དེ་བཞིན་ཉིད་དབྱིངས་དམིགས་མེད་སྙིང་རྗེའི་རྩལ༔ ཟུང་འཇུག་རྒྱུ་ཡི་ས་བོན་ཨ་ལྗང་གསལ༔ དེ་ལས་འོད་འཕྲོས་སྣོད་བཅུད་དངོས་འཛིན་སྦྱངས༔ སྟོང་པའི་ངང་ལས་འབྱུང་རིམ་རི་རབ་རྩེར༔ རྡོ་རྗེའི་སྲུང་འཁོར་མེ་ཕུང་འབར་བའི་ཀློང་༔ བྷྲཱུྃ་ལས་རིན་ཆེན་གཞལ་མེད་ཁང་ཆེན་པོ༔ མཚན་ཉིད་ཀུན་རྫོགས་སྣང་སྟོང་འོད་འབར་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ མཁའ་ལྡིང་གིས་བཏེགས་རིན་ཆེན་མཛེས་ཁྲི་དང་༔ ཐབས་ཤེས་ཟུང་འཇུག་ཉི་ཟླའི་གདན་གྱི་སྟེང་༔ ཨཱཿཡིག་ཡོངས་གྱུར་ཀརྨ་ཐོད་ཕྲེང་རྩལ༔ ལྗང་ནག་ཁྲོ་ཞིང་གཏུམ་པའི་ཉམས་འགྱུར་ཅན༔ ཞལ་གཅིག་ཕྱག་གཉིས་སྤྱན་གསུམ་སྡང་མིག་བསྒྲད༔ ཕྱག་གཡས་སྣ་ཚོགས་རྡོ་རྗེ་ཐུགས་ཀར་གཏོད༔ གཡོན་པས་དེ་ཡིས་ཡུ་བ་བྱས་པ་ཡི༔ རིགས་ཀྱི་དྲིལ་བུ་དཀུར་བརྟེན་ཡུམ་ལ་འཁྱུད༔ རུས་པའི་ཕྱག་རྒྱ་དྲུག་གིས་རབ་ཏུ་སྤྲས༔ དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས༔ ཡུམ་མཆོག་རྒྱ་གྲམ་དྲིལ་བུ་བསྣམས་པས་འཁྲིལ༔ རིག་འཛིན་བླ་མ་བྱེ་བའི་སྤྲིན་ཕུང་འཕྲོ༔ འདབ་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཞི་ཁྲོའི་ཕྱག་རྒྱ་ཤར༔ སྒོ་བཞིར་རིག་འཛིན་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་སྤྱྀ་མགྲིན་སྙིང་གར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ཀྱི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ་ཧྲཱིཿ རང་རིག་ལྷུན་མཉམ་མཐའ་དབུས་མེད་པའི་དཀྱིལ༔ ཡེ་ཤེས་བཞི་འཕྲོ་འཁོར་ལོའི་ཚུལ་འཆང་བ༔ བསམ་ཡས་སྒྱུ་འཕྲུལ་དྲྭ་བའི་སྐུར་སྟོན་པ༔ རྩལ་སྣང་དབྱིངས་ནས་རོལ་ཞིང་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནི་སརྦ་ཛྙཱ་ན་མཎྜལ་བཛྲ་ས་མ་ཡ་ཛ༔ གསུམ་པ་བཞུགས་སུ་གསོལ་བ་ནི༔ ཧཱུྃ་ཧྲཱིཿ རང་སྣང་དམ་ཚིག་སེམས་དཔའི་དཀྱིལ་འཁོར་དུ༔ རིག་རྩལ་དབྱིངས་ནས་སྤྱན་དྲངས་ཡེ་ཤེས་ལྷ༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ གཉིས་མེད་བརྟན་བཞུགས་དབང་དང་དངོས་གྲུབ་སྩོལ༔ བཛྲ་ཛྙཱ་ན་ས་མ་ཡ་ཏིཥྛ་ལྷན༔ བཞི་པ་བརྡ་ཡི་ཕྱག་འཚལ་བ་ནི༔ ཧཱུྃ་ཧྲཱིཿ རིག་སྟོང་གདོད་ནས་སྐྱེ་མེད་ཆོས་སྐུའི་དབྱིངས༔ ཡེ་ཤེས་རང་རྩལ་གཟུགས་སྐུའི་རྣམ་པར་ཤར༔ རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ལ༔ མི་ཕྱེད་གུས་པས་བརྡ་ཡི་ཕྱག་འཚལ་བསྟོད༔ ཨ་ཏི་པཱུ་ཧོ༔ པྲ་ཏིཙྪ་ཧོ༔ ལྔ་པ་མཆོད་པ་འབུལ་བ་ནི༔ ཨོཾ་ཨཱ་ཧཱུྃ༔ དངོས་སུ་འབྱོར་བཤམས་ཡིད་ཀྱིས་མངོན་སྤྲུལ་པའི༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཀྱིལ་འཁོར་ལྷ་ཚོགས་ཐུགས་དམ་བསྐང་ཕྱིར་འབུལ༔ བཞེས་ནས་མཆོག་ཐུན་དངོས་གྲུབ་ཆར་ལྟར་ཕོབ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་དྷཱ་ཀི་ནི་ས་པ་རི་ཝཱ་ར་ཨརྒྷཾ༴ རཱུ་པ་ཤཔྡ་གནྡྷེ་རཱ་ས་སྤརྴེ་པྲ་ཏིཙྪ་སྭཱ་ཧཱ༔ མ་ཧཱ་སུ་ཁ་ཛྙཱ་ན་པཱུ་ཛ་ཧོ༔ སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ག་ཎ་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི༔ དྲུག་པ་བསྟོད་པ་བྱ་བ་ནི༔ ཧཱུྃ་ཧྲཱིཿ མ་བཅོས་སྤྲོས་བྲལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་སྤྲུལ་པའི་སྤྲིན་ཕུང་འཕྲོ༔ ཐུགས་རྗེས་འགྲོ་འདུལ་དཀྱིལ་འཁོར་ལྷ་ཚོགས་ལ༔ གུས་པས་བསྟོད་དོ་མཆོག་ཐུན་དངོས་གྲུབ་སྩོལ༔ བདུན་པ་བཟླས་པ་བྱ་བ་ལ༔ དང་པོ་བསྙེན་པའི་དགོངས་པ་ནི༔ ཐུགས་ཀར་པད་ཉི་དྲེགས་པའི་གདན་གྱི་སྟེང་༔ ཡེ་ཤེས་སེམས་དཔའ་ཀརྨ་རྟ་གདོང་ཞལ༔ ལྗང་ནག་རྒྱ་གྲམ་གྲི་གུག་ཐོད་ཁྲག་འཆང་༔ གར་དགུའི་གཟི་འབར་རང་འོད་ཡུམ་དང་སྦྱོར༔ དུར་ཁྲོད་ཆས་རྫོགས་ཞབས་ཟུང་དོར་སྟབས་འགྱིང༔ དེའི་ཐུགས་དབུས་ཉི་ཟླ་ཁ་སྦྱོར་སྦུབས༔ ཨཱཿམཐར་སྔགས་ཀྱིས་བསྐོར་བའི་འོད་ཟེར་གྱིས༔ འཕགས་པ་མཆོད་ཅིང་འགྲོ་ཀུན་སྒྲིབ་གཉིས་སྦྱངས༔ ཚུར་འདུས་རྩ་གསུམ་རྒྱལ་བ་རབ་འབྱམས་ཀྱི༔ བྱིན་རླབས་དངོས་གྲུབ་ཡེ་ཤེས་རང་ལ་ཐིམ༔ མི་མཐུན་གདུག་པའི་ཚོགས་རྣམས་ཚར་གཅོད་པས༔ རབ་འབྱམས་དྲག་པོའི་ལས་ཀུན་ལྷུན་གྲུབ་གྱུར༔ ཨོཾ་ཨཱཿཧཱུྃ་མ་ཧཱ་གུ་རུ་ཀརྨ་ཐོད་ཕྲེང་རྩལ་སརྦ་སིདྡྷི་ཧཱུྃ༔ འབུམ་ཕྲག་བཞི་བཟླས་གྲུབ་གཉིས་ཐོབ༔ དེ་ནས་སྒྲུབ་པའི་དགོངས་པ་ནི༔ སླར་ཡང་ཐུགས་སྲོག་སྒྲུབ་པའི་སྔགས་ཀྱི་ཕྲེང་༔ རང་སྒྲ་སྒྲོགས་བཞིན་བསྐོར་བས་འོད་ཟེར་འཕྲོས༔ སྣོད་བཅུད་གཞལ་ཡས་ཁང་དང་ལྷར་གྱུར་ཅིང༔ སྒྲ་གྲགས་སྔགས་ལ་དྲན་རྟོག་འོད་གསལ་དབྱིངས༔ སྣང་སྲིད་གཞིར་བཞེངས་དག་པ་རབ་འབྱམས་ངང་༔ ཡེ་ཤེས་ཆེན་པོའི་ནུས་སྟོབས་རྫོགས་པར་གྱུར༔ ཨོཾ་ཨཱཿཧཱུྃ་བཛྲ་གུ་རུ་ཀརྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ འབུམ་ཕྲག་བཟླས་པས་དངོས་གྲུབ་ཐོབ༔ ཐ་མར་ལས་ལ་སྦྱར་བ་ནི༔ ཐུགས་སྲོག་སྔགས་ལས་འོད་ཟེར་ལྗང་ནག་ཕྲེང་༔ ཚ་ཞིང་རྩུབ་པ་ཕྱི་ནང་ཀུན་ཏུ་འཕྲོས༔ མི་མཐུན་གདུག་པའི་ཚོགས་རྣམས་ཚར་བཅད་ཅིང་༔ རབ་འབྱམས་དྲག་པོའི་ཕྲིན་ལས་ལྷུན་གྲུབ་བསམ༔ སྒྲུབ་པའི་སྔགས་ཀྱིས་ཐོག་དྲངས་ནས༔ ཨཱཿསརྦ་མཱ་ར་ཡ་ཕཊ༔ ཁྲི་ཡིས་དྲག་པོའི་ལས་ཀུན་འགྲུབ༔ གསུམ་པ་རྗེས་ཀྱི་རིམ་པ་ལ༔ ཚོགས་མཆོད་ལ་སོགས་མཐར་དབྱུང་ངོ་༔ ས་མ་ཡ༔

ཁྱད་པར་དྲག་པོའི་ལས་སྦྱོར་ནི༔ ཕུང་ཤུལ་ས་ལ་སྟེགས་བུ་བྱ༔ ལས་ཁུང་ཧོམ་དུ་ལིངྒ་བཞག༔ དེ་སྟེང་ཟོར་གྱི་གཏོར་ཆེན་དང་༔ དྲག་པོའི་ཉེར་སྤྱོད་སྨན་གཏོར་རཀ༔ ཐུན་གཏོར་ཤ་ཁྲག་དང་བཅས་བཤམ༔ བདག་གི་རྣལ་འབྱོར་སྔོན་འགྲོ་བས༔ མ་ཏྲཱྃ་རུ་དྲ་ཨ་ཀརྵཱཡ་ཛཿ མཱ་ར་ཡ་ཕ¿ཊ༔ གཏོར་སྣོད་མ་ཏྲཱྃ་བསྒྲལ་བའི་ཁོག་པ་རུ༔ དུར་ཁྲོད་དྲག་པོའི་བཀོད་པས་རབ་ཏུ་བརྗིད༔ དེ་དབུས་གཏོར་མ་མི་དམིགས་སྟོང་པའི་ངང་༔ གནམ་ལྕགས་འབར་བའི་འཁོར་ལོ་རྩིབས་བཞིའི་དབུས༔ པད་ཉི་དྲེག་པ་བདུད་བཞིའི་གདན་སྟེང་དུ༔ དྲག་པོའི་ལས་མཛད་ཀརྨ་ཐོད་ཕྲེང་རྩལ༔ ལྗང་ནག་ཁྲོ་གཏུམ་བཟོད་དཀའི་གཟི་བརྗིད་འབར༔ ཞལ་གཅིག་ཕྱག་གཉིས་སྤྱན་གསུམ་དམར་ཟླུམ་འཁྲུགས༔ ཕྱག་གཡས་རལ་གྲི་མེ་འབར་ནམ་མཁར་གདེངས༔ གཡོན་པས་ཐོད་པ་ཁྲག་བཀང་ཐུགས་ཀར་གཏོད༔ ལས་ཀྱི་གསང་གོས་ཕོད་ཀ་སྟག་ཤམ་གསོལ༔ རུས་པའི་རྒྱན་ལྡན་རང་འོད་ཡུམ་དང་འཁྲིལ༔ ཞབས་གཉིས་གྱད་ཀྱི་དོར་སྟབས་བདུད་དཔུང་མནན༔ དྲག་མེ་དམར་ནག་འཁྲུགས་པའི་ཀློང་ན་རོལ༔ རིག་འཛིན་དྲག་པོ་བྱེ་བའི་སྤྲིན་ཕུང་འཕྲོ༔ རྩིབས་བཞིར་དབང་ཆེན་རྟ་མཆོག་རིགས་བཞི་ལས༔ རབ་འབྱམས་ཡི་དམ་ཁྲོ་བོའི་ཕྱག་རྒྱ་ཤར༔ དེ་ཡི་ཕྱོགས་བཞིར་པད་ཉི་བམ་རོའི་སྟེང་༔ རིག་འཛིན་དྲག་པོ་དཔའ་བོ་ཡབ་ཡུམ་ལ༔ གནས་གསུམ་མཁའ་འགྲོ་དྲག་མོའི་ཚོགས་ཀྱིས་བསྐོར༔ ཀུན་ཀྱང་སྤྱྀ་མགྲིན་ཐུགས་ཀར་ཨོཾ་ཨཱཿཧཱུྃ༔ སྐུ་གསུང་ཐུགས་ཀྱི་རྡོ་རྗེས་རྒྱས་གདབ་ཅིང་༔ ཡེ་ཤེས་དབང་བསྐུར་རིགས་ལྔའི་ཅོད་པན་འཆང་༔ ཐུགས་ཀའི་འོད་ཀྱིས་ལྷ་ཚོགས་སྤྱན་དྲངས་གྱུར༔ རྐང་གླིང་བཤུག་པའི་བརྡས་བསྐུལ་ནས༔ ཡེ་ཤེས་དྲང་བཞུགས་ཕྱག་མཆོད་བསྟོད༔ མདུན་བསྐྱེད་ཐུགས་ཀར་ཉི་མའི་དཀྱིལ་འཁོར་སྟེང་༔ རྡོ་རྗེ་རྩེ་དགུའི་ལྟེ་བར་ཧཱུྃ་ཡིག་མཐར༔ སྔགས་ཀྱི་ཕྲེང་བས་བསྐོར་ལས་འོད་ཟེར་ཕྲེང་༔ ཚ་ཞིང་རྩུབ་པ་མཚོན་ཆའི་ཚོགས་བཅས་འཕྲོས༔ ས་གསུམ་གདུག་པའི་འབྱུང་པོ་ཟིལ་གྱིས་མནན༔ དམ་སྲི་རྒྱལ་འགོང་བྱད་ཕུར་རྦོད་གཏོང་སོགས༔ མི་མཐུན་ཕྱོགས་ཀུན་ཐལ་བའི་རྡུལ་བཞིན་བརླག༔ ཕྱོགས་ལས་རྣམ་རྒྱལ་ཕྲིན་ལས་འགྲུབ་པར་བསམ༔ བསྙེན་པའི་སྔགས་མཐར་སྤུ་གྲི་གདགས༔ སརྦ་ཤཱ་ཏྲཱུན་བིགྷྣཱན་བྷཱུ་ཏ་པྲེ་ཏ་པི་ཤ་ཙི་ན་བྷིནྡྷ་བྷིནྡྷ་ཧ་ན་ཧ་ན་པ་ཙ་པ་ཙ་ད་ཧ་ད་ཧ་དཱི་ན་མེ་ཀེ་ན་མཱ་ར་ཡ་ཕ¿ཊ༔ མཆོད་བསྟོད་ཚོགས་ཀྱི་མཆོད་བཤགས་རྗེས༔ ལིངྒར་དགྲ་བགེགས་དགུག་བསྟིམ་དང་༔ བསྒྲལ་བའི་ལས་སྦྱོར་སྔོནའགྲོ་བས༔ ལིང་རོ་ཐུན་གཏོར་ཤ་ཁྲག་འབུལ༔ ཟློག་པའི་ཕྲིན་ལས་བཅོལ་བ་ནི༔ ཧཱུྃ༔ གཏུམ་ཆེན་དུས་མཐའི་མེ་ལྟར་རབ་འབར་བའི༔ མངོན་སྤྱོད་དྲག་ཤུལ་རོལ་པའི་དཀྱིལ་འཁོར་ནས༔ རྩ་གསུམ་རྒྱལ་བ་མ་ལུས་འདུས་པའི་དངོས༔ དྲག་པོའི་ལས་མཛད་ཀརྨ་ཐོད་ཕྲེང་རྩལ༔ གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ དགྲ་བགེགས་ཤ་ཁྲག་རུས་པའི་གཏོར་མ་བཞེས༔ ཁྲོས་འཁྲུགས་རྔམས་པ་འབར་བའི་ཤུགས་སྐྱེད་ལ༔ རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི༔ གཟུང་འཛིན་འཁྲུལ་པའི་གཞན་དབང་ལས་བྱུང་བའི༔ ལུས་ཀྱི་བཞི་བརྒྱ་རྩ་བཞིའི་ནད་ཀུན་ཟློག༔ སེམས་ཀྱི་འཁྲུལ་སྣང་དངོས་ཞེན་སྡུག་བསྔལ་ཟློག༔ བྱད་ཀ་ཕུར་ཁ་བྱོལ་ཁ་རྦོད་གཏོང་ཟློག༔ གཟུགས་ཅན་དགྲ་ཡི་འཚེ་བ་ཐམས་ཅད་ཟློག༔ གཟུགས་མེད་ལྷ་འདྲེའི་ཆོ་འཕྲུལ་བར་ཆད་ཟློག༔ ས་ཆུ་མེ་རླུང་འབྱུང་བཞི་དགྲར་ལངས་ཟློག༔ འཇིགས་པ་ཆེན་པོ་བརྒྱད་དང་བཅུ་དྲུག་ཟློག༔ མཐའ་དམག་དུས་འཁྲུགས་བསྟན་ལ་འཚེ་བ་ཟློག༔ ཕྱི་ནང་རྩོད་འཛིངས་འགྲོ་བའི་རྐྱེན་ངན་ཟློག༔ གློ་བུར་ཀེག་སྲི་བར་ཆད་ཐམས་ཅད་ཟློག༔ བཟློག་གོ་དྲག་པོ་ཟོར་གྱི་གཏོར་མས་ཟློག༔ བསྒྱུར་རོ་མི་མཐུན་དགྲ་བགེགས་སྟེང་དུ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་འགྲུབ་པར་མཛོད༔ སརྦ་ཤ་ཏྲཱུན་བིགྷྣཱན་མ་ར་ཡ་བྷྱོ་བྷྱོ་ཟློག་ཟློག་བྷྱོ་ཟློག་ཅིག༔ ཐལ་མོ་དང་ནི་དུལ་མོ་བརྡབ༔ ཟོར་དཀྱིལ་ལ་སོགས་ཐམས་ཅད་ཀུན༔ ཁྲོས་འཁྲུགས་རྔམས་པའི་གཟི་བྱིན་བསྐྱེད༔ འོད་ཟེར་སྤྲུལ་པས་སྟོང་གསུམ་གང་༔ མི་མཐུན་རྡུལ་དུ་བརླག་པར་བསམ༔ མཐར་ནི་ཟོར་གྱི་ཡེ་ཤེས་བཏེག༔ དམ་ཚིག་ནད་མཚོན་ཕུང་པོར་བསམ༔ གསེར་སྐྱེམས་སྔོན་འགྲོས་དགྲ་ཕྱོགས་འཕང་༔ ཟོར་རྫས་དུག་མཚོན་ཆར་བབ་པའི༔ རྗེས་སུ་ཡེ་ཤེས་ཁྲོ་བོའི་ཚོགས༔ དཔུང་དང་བཅས་པ་རབ་ཏུ་ཆས༔ དགྲ་དཔུང་བདུན་བརྒྱུད་རྩད་ནས་བཅད༔ བགེགས་དཔུང་ཐལ་བར་བརླག་པར་བསམ༔ དགྲ་ཐུལ་བགེགས་ཆོམ་མི་མཐུན་ཕྱོགས༔ ཚར་གཅོད་མངོན་སྤྱོད་མཐར་ཕྱིན་འགྱུར༔ ས་མ་ཡ༔ དེ་ལྟར་བསྐྱེད་བཟླས་ཟབ་མོའི་དོན༔ ཉམས་སུ་ལེན་པའི་སྣོད་ལྡན་ཕྱིར༔ རིམ་པ་དབང་གི་ཆོ་ག་ནི༔ བུདྡྷ་ཐོད་ཕྲེང་སྨིན་བྱེད་ལ༔ ལྷ་སྔགས་ཁ་བསྒྱུར་ཙམ་གྱིས་འགྲུབ༔ ཁྱད་པར་མཐའ་བརྟེན་ལྷར་བསྐྱེད་པའི༔ ཟོར་གཏོར་རྫས་བཅས་ལག་ཏུ་གཏད༔ ཧཱུྃ༔ གཏོར་སྣོད་རབ་འཇིགས་དྲག་པོའི་ཕོ་བྲང་དབུས༔ གཏོར་མ་ཀརྨ་ཐོད་ཕྲེང་འཁོར་བཅས་གསལ༔ སྐལ་ལྡན་རིགས་ཀྱི་བུ་ལ་གཏད་པ་ཡིས༔ ཟློག་སྒྱུར་དྲག་པོའི་ཕྲིན་ལས་ཡོངས་རྫོགས་ཤོག༔ དྲག་སྔགས་བཟླ་ཞིང་ལག་ཏུ་གཏད༔ སྤྲོ་ན་འཕང་བའི་ལས་ཀྱང་བྱ༔ རྗེས་སུ་ཤིས་བརྗོད་ཁས་བླང་སོགས༔ གསང་བ་སྤྱི་དང་མཐུན་པར་སྤྱད༔ དེས་ནི་ལམ་གྱི་སྣོད་དུ་འགྱུར༔ ས་མ་ཡ༔ རྒྱ་རྒྱ་རྒྱ༔ གུཧྱ༔ བརྡ་ཐིམ༔ གར་དབང་འོད་གསལ་གླིང་པས་ཟབ་མོ་དགོངས་པའི་གཏེར་མཛོད་ལས་ཕྱུང་བའོ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ རྡོ་རྗཻ་རྣམ་པར་འཇོམས་པའི་སྒྲུབ་པ་བཞུགས་སོ༔ དྷཱི།༔ རྩ་གསུམ་ཀུན་འདུས་པདྨར་འདུད༔ མ་འོངས་རྣལ་འབྱོར་སྤྱོད་པ་རྣམས༔ ལྷན་ཅིག་སྐྱེས་དང་གློ་བུར་གྱི༔ ཉམས་གྲིབ་མི་གཙང་སེལ་བའི་ཐབས༔ གཟུངས་སྔགས་ཟབ་མོའི་ཕྲིན་ལས་བསྟན༔ ས་ཡ་ཡ༔ དབེན་ཞིང་ཡིད་དང་མཐུན་པའི་སར༔ བདེ་བའི་སྟན་ལ་ལེགས་འདུག་ནས༔ སྐྱབས་འགྲོ་སེམས་བསྐྱེད་སྔོན་སོང་ནས༔ དངོས་གཞིར་བསྐྱེད་པའི་རིམ་པ་ནི༔ ཧཱུྃ༔ སྣང་སྲིད་འཁོར་འདས་གདོད་ནས་རྣམ་དག་ཀློང་༔ ཕྱི་སྣོད་རྡོ་རྗེའི་གུར་ཁང་རྒྱ་ཆེ་བར༔ བྷྲཱུྃ་ལས་རིན་ཆེན་གཞལ་ཡས་མཚན་ཉིད་རྫོགས༔ དེ་དབུས་ཐབས་ཤེས་པད་ཉིའི་གདན་གྱི་སྟེང་༔ སྣ་ཚོགས་རྡོ་རྗེའི་ལྟེ་བར་ཧཱུྃ་གིས་མཚན༔ འོད་ཟེར་འཕྲོ་འདུས་སྲས་བཅས་རྒྱལ་ཀུན་གྱི༔ མཁྱེན་བརྩེ་ནུས་པའི་བྱིན་རླབས་དཔལ་ཡོན་ཀུན༔ དབང་དུ་བསྡུས་ཐིམ་སྐད་ཅིག་དྲན་རྫོགས་སུ༔ བཅོམ་ལྡན་གསང་བདག་རྡོ་རྗེ་རྣམ་པར་འཇོམས༔ སྐུ་མདོག་ལྗང་སྔོན་ཁྲོ་འཛུམ་མཚན་དཔེའི་ཞལ༔ ཕྱག་གཡས་རྡོ་རྗེ་རྒྱ་གྲམ་ཐུགས་ཀར་བསྣམས༔ གཡོན་པས་དྲིལ་བུ་དཀུར་བརྟེན་སྐྱིལ་ཀྲུང་བཞུགས༔ སྣ་ཚོགས་དར་དང་རིན་ཆེན་རྒྱན་གྱིས་མཛེས༔ སྤྱི་བོར་རིགས་བདག་བཅོམ་ལྡན་རྡོ་རྗེ་སེམས༔ སྐུ་མདོག་དཀར་གསལ་རྡོ་རྗེ་དྲིལ་བུ་འཛིན༔ སླར་ཡང་ཏིང་ངེ་འཛིན་གྱི་རོལ་མོ་ཡིས༔ ཕྱོགས་དུས་རྒྱལ་ཀུན་ཡེ་ཤེས་གཅིག་བསྡུས་ནས༔ མི་ཕྱེད་རྡོ་རྗེའི་ལུས་སུ་བྱིན་རླབས་ཤིང་༔ ཐུགས་སྲོག་ས་བོན་ཧཱུྃ་གི་སྤྲིན་འཕྲོས་པས༔ ཕྱོགས་བཞིར་སྣ་ཚོགས་རྡོ་རྗེའི་དཀྱིལ་འཁོར་དབུས༔ ཤར་དུ་རྡོ་རྗེ་གཏུམ་པོ་སྐུ་མདོག་དཀར༔ ལྷོ་རུ་རྡོ་རྗེ་བེ་ཅོན་གསེར་གྱི་མདངས༔ ནུབ་ཏུ་རྡོ་རྗེ་ཐོ་བ་སྐུ་མདོག་དམར༔ བྱང་དུ་རྡོ་རྗེ་ཕུར་བུ་མ་རྒད་མདོག༔ ཐམས་ཅད་ཞལ་གཅིག་ཕྱག་གཉིས་རྡོར་དྲིལ་བསྣམས༔ དར་སྔོན་སྟོད་གཡོགས་སྟག་ལྤགས་ཤམས་ཐབས་དང་༔ སྦྲུལ་གྱི་རྒྱན་སྤྲས་པད་ཉིའི་གདན་ལ་བཞེངས༔ དེ་ཡི་ཕྱི་རོལ་འཁོར་ལོ་རྩིབས་བཅུའི་ཀློང་༔ རང་བྱུང་ཡེ་ཤེས་སྤྲུལ་པའི་ཁྲོ་རྒྱལ་བཅུ༔ མཐིང་ནག་ཕྱག་གཉིས་རྡོ་རྗེ་ཕུར་བུ་འདྲིལ༔ ཁྲོ་བོའི་ཆས་རྫོགས་མེ་དཔུང་དབུས་ན་རོལ༔ སྒོ་བཞིར་ཕྱོགས་སྐྱོང་རྒྱལ་ཆེན་སྡེ་བཞི་དང་༔ རྡོ་རྗེའི་ཕོ་ཉ་དྲུག་ཅུ་རྩ་བཞི་སོགས༔ ཆོས་སྲུང་དམ་ཅན་རྒྱ་མཚོ་སྤྲིན་ལྟར་གཏིབས༔ གཞན་ཡང་རྩ་གསུམ་རྒྱལ་བ་རབ་འབྱམས་ཚོགས༔ སྣང་སྟོང་ཟུང་འཇུག་ཆེན་པོར་གསལ་བ་ཡི༔ གནས་གསུམ་རྡོ་རྗེ་གསུམ་གྱི་ཡི་གེས་མཚན༔ དེ་ལས་འོད་འཕྲོས་ཡེ་ཤེས་སྤྱན་དྲངས་གྱུར༔ ཧཱུྃ༔ དག་པ་རབ་འབྱམས་ཆོས་སྐུའི་ཕོ་བྲང་ནས༔ ལོངས་སྤྱོད་ཡོངས་རྫོགས་རྡོ་རྗེ་རྣམ་པར་འཇོམས༔ སྤྲུལ་སྐུའི་ཚུལ་གྱིས་འགྲོ་དོན་སྒྲུབ་སླད་དུ༔ ཐུགས་རྗེ་ཐུགས་དམ་དབང་གིས་གནས་འདིར་གཤེགས༔ ཨོཾ་བཛྲ་བི་དཱ་ར་ཎ་ས་པ་རི་ཝཱ་ར་ཨེ་ཧྱེ་ཧི༔ ཛཿཧཱུྃ་བྃ་ཧོ༔ དམ་ཚིག་ཡེ་ཤེས་དབྱེར་མེད་བརྟན་པར་བཞུགས༔ འདུ་འབྲལ་སྤངས་པའི་བརྡ་ཡིས་ཕྱག་འཚལ་ལོ༔ དངོས་སུ་འབྱོར་དང་ཡིད་ལས་བྱུང་བ་ཡི༔ ཀུན་བཟང་རྣམ་འཕྲུལ་མཆོད་སྤྲིན་རྒྱ་མཚོས་མཆོད༔ ཨ་ཏི་པཱུ་ཧོ༔ པྲ་ཏིཙྪ་ཧོ༔ ཨོཾ་བཛྲ་བི་དཱ་ར་ཎ་ས་པ་རི་ཝཱ་ར་ཨརྒྷཾ་ནས་ཤཔྡ་སརྦ་པཱུ་ཛ་ཧོ༔ ཧཱུྃ༔ གདོད་ནས་གཉིས་མེད་མཉམ་པའི་ཡེ་ཤེས་ལས༔ རྣམ་ཀུན་མཆོག་ལྡན་མཚན་དཔེའི་རོལ་པ་ཅན༔ སངས་རྒྱས་ཀུན་གྱི་གསང་བ་འཛིན་པའི་བདག༔ རྡོ་རྗེ་རྣམ་པར་འཇོམས་ལ་ཕྱག་འཚལ་བསྟོད༔ བདག་དང་མཐའ་ཡས་སེམས་ཅན་ཐམས་ཅད་ཀྱི༔ ནད་གདོན་གྲིབ་དང་མི་གཙང་ཀུན་ཞི་ཞིང་༔ ཚེ་བསོད་དཔལ་འབྱོར་དབང་བཅུའི་ཡོན་ཏན་སོགས༔ བཅོམ་ལྡན་ཁྱེད་དང་མཉམ་པར་བྱིན་གྱིས་རློབས༔ བཟླས་པ་སྔགས་ཀྱི་རྣལ་འབྱོར་ནི༔ ཐུགས་ཀར་ཉི་སྟེང་ཧཱུྃ་མཐར་སྔགས་ཕྲེང་གིས༔ བསྐོར་བའི་འོད་ཀྱིས་ཕྱོགས་བཅུའི་རྒྱལ་ཀུན་མཆོད༔ བྱིན་རླབས་དངོས་གྲུབ་ཚུར་འདུས་བདག་ཉིད་ལ༔ ཐིམ་པས་གྲིབ་དང་མི་གཙང་སྒྲིབ་གཉིས་སྦྱངས༔ ན་མཿཙཎྜ་བཛྲ་ཀྲོ་དྷཱ་ཡ༔ ཧུ་ལུ་ཧུ་ལུ༔ ཏིཥྛ་ཏིཥྛ༔ བྷནྡྷ་བྷནྡྷ༔ ཧ་ན་ཧ་ན༔ ཨ་མྲྀ་ཏེ་ཧཱུྃ་ཕ¿ཊ༔ ཐུན་མཐར་མཆོད་བསྟོད་དངོས་གྲུབ་བླང་༔ སྣང་ཆའི་ལྷ་སྐུ་རིམ་གྱིས་བསྡུ༔ སླར་ཡང་འཇའ་ཚོན་ཤར་བ་བཞིན༔ སྒོ་གསུམ་ལྷ་ཡི་ཕྱག་རྒྱར་གསལ༔ དགེ་བ་བསྔོ་ཞིང་སྨོན་ལམ་གདབ༔ ཕྲིན་ལས་སྤྱྀ་དང་མཐུན་པར་སྤྱད༔ ས་མ་ཡ༔ བྱིན་རླབས་དབང་གི་རིམ་པ་ནི༔ དཀྱིལ་འཁོར་ཟླུམ་པོ་བཀོད་ལེགས་སྟེང་༔ སྒྲུབ་པའི་ཡོ་བྱད་ལེགས་པར་བཤམ༔ བདག་མདུན་དབྱེར་མེད་བསྐྱེད་བཟླས་བྱ༔ སློབ་མ་འཇུག་པ་སྔོན་སོང་ནས༔ དངོས་གཞིར་བུམ་པ་སྤྱི་བོར་བསྐུར༔ ཧཱུྃ༔ བུམ་པ་ཟླུམ་པོ་སྤྲོས་བྲལ་ཆོས་སྐུའི་ཀློང་༔ ལོངས་སྤྱོད་ཡོངས་རྫོགས་སྤྲུལ་པའི་དཀྱིལ་འཁོར་ལྷ༔ འོད་ཞུ་བདུད་རྩིའི་རྒྱུན་གྱིས་དབང་བསྐུར་བས༔ ཕུང་ཁམས་སྐྱེ་མཆེད་སྒྲིབ་གཉིས་དག་པར་ཤོག༔ གཟུངས་སྔགས་དང་༔ ཀཱ་ཡ་ཨ་བྷི་ཥིཉྩ་ཨོཾ༔ སྔགས་ཀྱི་ཕྲེང་བ་མགྲིན་པར་བཞག༔ ཧཱུྃ༔ བཅོམ་ལྡན་གསང་བའི་བདག་པོའི་ཡེ་ཤེས་ལས༔ ཡོངས་ཤར་ཐབས་ཤེས་ཟུང་འཇུག་ཡེ་གེའི་སྤྲིན༔ ནུས་པ་སྔགས་ཀྱི་ཕྲེང་བས་དབང་བསྐུར་བས༔ འགྲོ་འོང་རླུང་གི་སྒྲིབ་གཉིས་དག་གྱུར་ཅིག༔ ཝཱ་ཀ་ཨ་བྷི་ཥིཉྩ་ཨཱཿ ཕྱག་མཚན་རྡོ་རྗེ་སྙིང་གར་བཞག༔ ཧཱུྃ༔ ཆོས་ཅན་སྣང་བའི་དངོས་པོར་ཇི་སྙེད་ཀུན༔ ཆོས་ཉིད་བདེ་སྟོང་ཟུང་འཇུག་རྡོ་རྗེའི་དབྱིངས༔ ཡེ་ཤེས་ལྷ་ཡི་ཐུགས་ཀྱི་དབང་བསྐུར་བས༔ གཟུང་འཛིན་རྟོག་ཚོགས་སྒྲིབ་གཉིས་དག་པར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཤེལ་དང་མེ་ལོང་ལག་ཏུ་གཏད༔ ཧཱུྃ༔ དཔེ་ཡི་ཐབས་ལས་བྱུང་བའི་ཉམས་མྱོང་ནི༔ དོན་དམ་ལྷན་སྐྱེས་རྡོ་རྗེ་རྣམ་པར་འཇོམས༔ ཀ་དག་ལྷུན་གྲུབ་དབྱེར་མེད་དབང་བསྐུར་བས༔ རྩ་རླུང་ཐིག་ལེའི་སྒྲིབ་གཉིས་དག་གྱུར་ཅིག༔ ཛྙཱ་ན་ཨ་བྷི་ཥིཉྩ་ཧྲཱི༔ མཐའ་བརྟེན་གཏོར་མ་སྤྱི་བོར་བཞག༔ ཧཱུྃ༔ ཕྱི་སྣོད་དག་པ་རབ་འབྱམས་རྡོ་རྗེའི་གྲོང་༔ ནང་བཅུད་ཡི་དམ་ལྷ་ཡི་དཀྱིལ་འཁོར་ཞུགས༔ དེང་འདིར་སྐལ་ལྡན་ཁྱོད་ལ་དབང་བསྐུར་བས༔ ཕྲིན་ལས་རྣམ་བཞི་ལྷུན་གྱིས་གྲུབ་པར་ཤོག༔ ཤཱནྟིཾ་པུཥྟིཾ་ཝཱ་ཤཾ་མཱ་ར་ཡ་ཨ་བྷི་ཥིཉྩ་ཧཱུྃ༔ ཤིས་པ་བརྗོད་ཅིང་མེ་ཏོག་འཐོར༔ རྗེས་ཀྱི་རིམ་པ་སྤྱྀ་ལྟར་བྱ༔ ས་མ་ཡ༔

ཉམས་གྲིབ་ཁྲུས་ཀྱི་སེལ་བ་ནི༔ མཚན་ལྡན་རིན་ཆེན་བུམ་པ་རུ༔ ལྔ་ཚན་ལྔ་ཡི་རྫས་ཀྱི་སྟེང་༔ ཤེལ་དང་རྡོ་རྗེ་མེ་ཏོག་སྔོ༔ ཤུ་དག་གི་ཝང་ག་བུར་རྣམས༔ རྒྱུན་འབབ་ཆུ་དང་སྦྱར་ལ་བླུགས༔ གཙང་མའི་གོས་ཀྱིས་རབ་དཀྲི་ཞིང་༔ དག་བྱེད་རྟེན་འབྲེལ་རྫས་ཀྱིས་བརྒྱན༔ དཀྱིལ་འཁོར་དབུས་སུ་ལེགས་བཀོད་དེ༔ བདག་ཉིད་ལྷར་གསལ་བུམ་པའི་དབུས༔ རྡོ་རྗེ་རྣམ་འཇོམ་ལྷ་ཚོགས་བསྐྱེད༔ བཟླས་པས་འོད་ཞུ་བདུད་རྩིར་བསམ༔ རང་གིས་འཐོར་འཐུང་ཉེ་རེག་བྱ༔ གྲིབ་དང་མི་གཙང་སྒྲིབ་གཉིས་སེལ༔ གཞན་ཕན་ཕྲིན་ལས་རིམ་པ་ནི༔ བསྒྲུབ་བྱ་མདུན་དུ་འཁོད་པ་ལ༔ ཐོག་མར་བུམ་པའི་ཆུ་ཡིས་བཀྲུ༔ ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ བསྐྱེད་པ་སྐུ་ཡི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ལུས་ཀྱི་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག༔ གཟུངས་སྔགས་དང་༔ ཀཱ་ཡ་བི་ཤོ་དྷ་ན་སརྦ་ཤནྟིཾ་ཀུ་རུ་ཡེ་སྭཱ་ཧཱ༔ ནད་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔གདོན་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ བགེགས་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ གྲིབ་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ མི་གཙང་བ་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ སྡིག་པ་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ སྒྲིབ་པ་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ བཟླས་པ་སྔགས་ཀྱི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ངག་གི་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག༔ ཝཱ་ཀ་བི་ཤོ་དྷ་ན་སརྦ་ཤནྟིཾ་ཀུ་རུ་ཡེ་སྭཱ་ཧཱ༔ ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ འོད་གསལ་ཡེ་ཤེས་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ཡིད་ཀྱི་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག༔ ཙིཏྟ་བི་ཤོ་དྷ་ན་སརྦ་ཤནྟིཾ་ཀུ་རུ་ཡེ་སྭཱ་ཧཱ༔ ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ གསང་གསུམ་དབྱེར་མེད་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ སྒོ་གསུམ་གྲིབ་དང་མི་གཙང་དང་༔ ནད་གདོན་སྡིག་སྒྲིབ་དག་གྱུར་ཅིག༔ ཀཱ་ཡ་ཝཱ་ཀ་ཙིཏྟ་བི་ཤོ་དྷ་ན་སརྦ་ཤནྟིཾ་ཀུ་རུ་ཡེ་སྭཱ་ཧཱ༔ སོ་སོའི་མཐར་ཡང་འདོད་སྨོན་སྦྱར༔ སྤྲོ་ན་ཡེ་ཤེས་རྣམ་ལྔ་དང་༔ ཕར་ཕྱིན་དྲུག་གི་ཁྲུས་ཀྱང་བྱ༔ དེ་ནས་རྟེན་འབྲེལ་རྫས་ཀྱིས་བྱབས༔ ཧཱུྃ༔ སངས་རྒྱས་ཀུན་གྱི་ཡེ་ཤེས་སྐུ༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་བདེན་སྟོབས་ཀྱིས༔ བསྒྲུབ་བྱའི་ལུས་ཀྱི་ནད་གདོན་བགེགས༔ གྲིབ་དང་མི་གཙང་སྡིག་སྒྲིབ་ཀུན༔ ཐམས་ཅད་བྱང་ཞིང་དག་གྱུར་ཅིག༔ གཟུངས་སྔགས་མཐར༔ ཀཱ་ཡ་བི་ཤོ་དྷ་ན་ཨ་པ་ནཱ་ཡེ་སྭཱ་ཧཱ༔ ནད་ཐམས་ཅད་ཨ་པ་ནཱ་ཡེ་སྭཱ་ཧཱ༔ གདོན་ཐམས་ཅད་ཨ་པ་ནཱ་ཡེ་སྭཱ་ཧཱ༔ བགེགས་ཐམས་ཅད་ཨ་པ་ནཱ་ཡེ་སྭཱ་ཧཱ༔ གྲིབ་ཐམས་ཅད་ཨ་པ་ནཱ་ཡེ་སྭཱ་ཧཱ༔ མི་གཙང་བ་ཐམས་ཅད་ཨ་པ་ནཱ་ཡེ་སྭཱ་ཧཱ༔ སྡིག་པ་ཐམས་ཅད་ཨ་པ་ནཱ་ཡེ་སྭཱ་ཧཱ༔ སྒྲིབ་པ་ཐམས་ཅད་ཨ་པ་ནཱ་ཡེ་སྭཱ་ཧཱ༔ བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་ཨ་པ་ནཱ་ཡེ་སྭཱ་ཧཱ༔ ཧཱུྃ༔ སངས་རྒྱས་ཀུན་གྱི་ཡེ་ཤེས་གསུང་༔ ཞེས་སོགས་སོ་སོར་བརྗོད་ཅིང་བྱབས༔ སླར་ལ་རྡོ་རྗེའི་གོ་ཆས་བསྲུང་༔ ཧཱུྃ༔ སངས་རྒྱས་ཀུན་གྱི་སྐུ་གསུང་ཐུགས༔ དབྱེར་མེད་གསང་བདག་དཔའ་བོ་ཆེའི༔ ལྷ་སྔགས་ཡེ་ཤེས་རོལ་པ་ཡིས༔ སྒོ་གསུམ་མི་མཐུན་ཕྱོགས་ལས་སྲུངས༔ གཟུངས་སྔགས་དང་༔ ཀཱ་ཡ་ཝཱ་ཀ་ཙིཏྟ་སརྦ་ཛྙཱ་ན་བཛྲ་རཀྵ་རཀྵ་བྷྲཱུྃ༔ ནད་ཐམས་ཅད་རཀྵ་རཀྵ་ཡེ་སྭཱ་ཧཱ༔ གདོན་ཐམས་ཅད་རཀྵ་རཀྵ་ཡེ་སྭཱ་ཧཱ༔ བགེགས་ཐམས་ཅད་རཀྵ་རཀྵ་ཡེ་སྭཱ་ཧཱ༔ གྲིབ་ཐམས་ཅད་རཀྵ་རཀྵ་ཡེ་སྭཱ་ཧཱ༔ མི་གཙང་བ་ཐམས་ཅད་རཀྵ་རཀྵ་ཡེ་སྭཱ་ཧཱ༔ སྡིག་པ་ཐམས་ཅད་རཀྵ་རཀྵ་ཡེ་སྭཱ་ཧཱ༔ སྒྲིབ་པ་ཐམས་ཅད་རཀྵ་རཀྵ་ཡེ་སྭཱ་ཧཱ༔ བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་རཀྵ་རཀྵ་ཡེ་སྭཱ་ཧཱ༔ ཞེས་བརྗོད་རྡོ་རྗེས་གནས་བདུན་རེག༔ མི་ཕྱེད་སྲུང་བའི་གུར་དུ་བསམ༔ བདེན་པའི་སྟོབས་དང་ཤིས་བརྗོད་ཀྱི༔ མེ་ཏོག་སིལ་མ་ཆར་དུ་བསྙིལ༔ ས་མ་ཡ༔

ནད་རིགས་བྱབས་པས་བསལ་བ་ནི༔ འབྱུང་བཞིའི་རྫས་རྣམས་འདུ་བྱས་ལ༔ དག་བྱེད་རྩ་དང་རྨ་བྱས་བྱབས༔ བདེན་ཚིག་བརྗོད་ཅིང་ཏིང་འཛིན་བསྐྱེད༔ ཧཱུྃ༔ ས་ནི་དུག་གི་ཕ་ཡིན་ཏེ༔ ས་ནི་དུག་གི་མ་ཡང་ཡིན༔ སངས་རྒྱས་ཀུན་གྱི་སྐུ་གསུང་ཐུགས༔ གཅིག་བསྡུས་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་ནུས་སྟོབས་དང་༔ ལྷ་སྔགས་ཡེ་ཤེས་རོལ་པ་ཡིས༔ བདེན་པའི་བདེན་ཚིག་འདི་བརྗོད་པས༔ ཁྱོད་ཀྱི་བད་ཀན་ལས་གྱུར་ནད༔ ལྕི་ཞིང་འཐིབས་པའི་རིགས་རྣམ་ཀུན༔ འབྱུང་བ་ས་ཡི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ གཟུངས་སྔགས་མཐར༔ སརྦ་རོ་གེ་བྷྱ༔ ལཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ ཆུ་ནི་དུག་གི་ཕ་ཡིན་ཏེ༔ ཆུ་ནི་དུག་གི་མ་ཡང་ཡིན༔ སངས་རྒྱས་ཀུན་གྱི་སྐུ་གསུང་ཐུགས༔ གཅིག་བསྡུས་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་ནུས་སྟོབས་དང་༔ ལྷ་སྔགས་ཡེ་ཤེས་རོལ་པ་ཡིས༔ བདེན་པའི་བདེན་ཚིག་འདི་བརྗོད་པས༔ ཁྱོད་ཀྱི་ཁྲག་དང་ཆུ་སེར་ནད༔ ཞེན་ཅིང་ཁྱབ་པའི་རིགས་རྣམས་ཀུན༔ འབྱུང་བ་ཆུ་ཡི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ སརྦ་རོ་གེ་བྷྱཿབཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ མེ་ནི་དུག་གི་ཕ་ཡིན་ཏེ༔ མེ་ནི་དུག་གི་མ་ཡང་ཡིན༔ སངས་རྒྱས་ཀུན་གྱི་སྐུ་གསུང་ཐུགས༔ གཅིག་བསྡུས་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་ནུས་སྟོབས་དང་༔ ལྷ་སྔགས་ཡེ་ཤེས་རོལ་པ་ཡིས༔ བདེན་པའི་བདེན་ཚིག་འདི་བརྗོད་པས༔ ཁྱོད་ཀྱི་མཁྲིས་པ་ལས་གྱུར་ནད༔ ཚ་ཞིང་བསྲེགས་པའི་རིགས་རྣམས་ཀུན༔ འབྱུང་བ་མེ་ཡི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ སརྦ་རོ་གེ་བྷྱཿརཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ རླུང་ནི་དུག་གི་ཕ་ཡིན་ཏེ༔ རླུང་ནི་དུག་གི་མ་ཡང་ཡིན༔ སངས་རྒྱས་ཀུན་གྱི་སྐུ་གསུང་ཐུགས༔ གཅིག་བསྡུས་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་ཡི༔ བྱིན་རླབས་ཐུགས་རྗེའི་ནུས་སྟོབས་དང་༔ ལྷ་སྔགས་ཡེ་ཤེས་རོལ་པ་ཡི༔ བདེན་པའི་བདེན་ཚིག་འདི་བརྗོད་པས༔ ཁྱོད་ཀྱི་རླུང་ལས་གྱུར་པའི་ནད༔ ཡང་ཤིང་གཡོ་བའི་རིགས་རྣམས་ཀུན༔ འབྱུང་བ་རླུང་གི་ཀློང་དུ་ཐིམ༔ ནད་དང་སྡུག་བསྔལ་བྲལ་བར་ཤོག༔ སརྦ་རོ་གེ་བྷྱཿཡཾ་ཧོ་ཤུདྡྷེ་ཤུདྡྷེ་ཡེ་སྭཱ་ཧཱ༔ དེ་ནས་ཐུན་མོང་བྱབས་པ་ནི༔ འདོད་ཆགས་ཞེ་སྡང་གཏི་མུག་གསུམ༔ འདི་དག་འཇིག་རྟེན་དུག་གསུམ་སྟེ༔ བཅོམ་ལྡན་སངས་རྒྱས་དུག་མི་མངའ༔ སངས་རྒྱས་བདེན་པས་དུག་བཅོམ་མོ༔ བསྒྲུབ་བྱའི་ལུས་ངག་ཡིད་གསུམ་ལ༔ དུག་གསུམ་རྒྱུ་ལས་སྐྱེས་པ་ཡི༔ བཞི་བརྒྱ་རྩ་བཞིའི་ནད་རྣམས་ཀུན༔ ཐམས་ཅད་བྱང་ཞིང་དག་གྱུར་ཅིག༔ གཟུངས་སྔགས་མཐར༔ ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱཿཨ་པ་ནཱ་ཡེ་སྭཱ་ཧཱ༔ རླུང་ལས་གྱུར་པའི་ནད་ཐམས་ཅད་ཨ་པ་ན་ཡེ་སྭཱ་ཧཱ༔ མཁྲིས་པ་ལས་གྱུར་པའི་ནད་ཐམས་ཅད་ཨ་པ་ན་ཡེ་སྭཱ་ཧཱ༔ བད་ཀན་ལས་གྱུར་པའི་ནད་ཐམས་ཅད་ཨ་པ་ན་ཡེ་སྭཱ་ཧཱ༔ ལྡན་པ་ལས་གྱུར་པའི་ནད་ཐམས་ཅད་ཨ་པ་ན་ཡེ་སྭཱ་ཧཱ༔ འདུས་པ་ལས་གྱུར་པའི་ནད་ཐམས་ཅད་ཨ་པ་ན་ཡེ་སྭཱ་ཧཱ༔ ཆོས་དང་དགེ་འདུན་ལ་ཡང་སྦྱར༔ སླར་ལ་བུམ་པའི་ཆུ་ཡིས་བཀྲུ༔ ཧཱུྃ༔ རྡོ་རྗེ་རྣམ་པར་འཇོམས་པ་ཡི༔ ངོ་བོ་ཆོས་སྐུའི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ཡོངས་གྲུབ་ཚེ་ཡི་ནད་ཀྱི་རིགས༔ བཞི་བརྒྱ་རྩ་བཞི་ཞི་གྱུར་ཅིག༔ ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱཿཤཱནྟིཾ་ཀུ་རུ་ཡེ་སྭཱ་ཧཱ༔ རླུང་ལས་གྱུར་པའི་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ མཁྲིས་པ་ལས་གྱུར་པའི་ནད་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ བད་ཀན་ལས་གྱུར་པའི་ནད་ཐམས་ཅད༴ ལྡན་པ་ལས་གྱུར་པའི་ནད་ཐམས་ཅད༴ འདུས་པ་ལས་གྱུར་པའི་ནད་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱ༔ རྡོ་རྗེ་རྣམ་པར་འཇོམས་པ་ཡི༔ རང་བཞིན་ལོངས་སྐུའི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པ༔ གཞན་དབང་སྔོན་ལས་ལས་གྱུར་ནད༔ བཞི་བརྒྱ་རྩ་བཞི་ཞི་གྱུར་ཅིག༔ ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱཿཤཱནྟིཾ་ཀུ་རུ་ཡེ་སྭཱ་ཧཱ༔ རྡོ་རྗེ་རྣམ་པར་འཇོམས་པ་ཡི༔ ཐུགས་རྗེ་སྤྲུལ་སྐུའི་བདུད་རྩིའི་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ ཀུན་བརྟགས་གདོན་ལས་གྱུར་པའི་ནད༔ བཞི་བརྒྱ་རྩ་བཞི་ཞི་གྱུར་ཅིག༔ ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱཿཤནྟིཾ་ཀུ་རུ་ཡེ་སྭཱ་ཧཱ༔ རྡོ་རྗེ་རྣམ་པར་འཇོམས་པ་ཡི༔ སྐུ་གསུང་དབྱེར་མེད་བདུད་རྩིའི༔ དེང་འདིར་ཁྱོད་ལ་ཁྲུས་བགྱིས་པས༔ ལྟར་སྣང་འཕྲལ་རྐྱེན་ལས་གྱུར་ནད༔ བཞི་བརྒྱ་རྩ་བཞི་ཞི་གྱུར་ཅིག༔ ཀཱ་ཡ་ཝཱ་ཀ་ཙིཏྟ་སརྦ་རོ་གེ་བྷྱཿཤནྟིཾ་ཀུ་རུ་ཡེ་སྭཱ་ཧཱ༔ ཞེས་བརྗོད་རྡོ་རྗེའི་གོ་ཆས་བསྲུང་༔ སྤྲོ་ན་སྨན་དང་དཀར་མངར་ཟས༔ བྱིན་རླབས་བདེན་སྟོབས་བརྗོད་ཅིང་སྦྱིན༔ ནད་ཀྱི་གཡུལ་ལས་རྒྱལ་བར་བསམ༔ ས་མ་ཡ༔

གདོན་བགེགས་གཏོར་མས་སྦྱང་བ་ནི༔ འབྱུང་བཞིའི་གླུད་གཏོར་བསངས་སྦྱངས་ལ༔ བྱིན་རླབས་འདོད་དགུའི་གཏེར་དུ་བསམ༔ བདེན་པའི་སྟོབས་ཀྱིས་མགྲོན་རྣམས་བཀུག༔ ཧཱུྃ༔ ང་ནི་བཅོམ་ལྡན་གསང་བའི་བདག༔ རྡོ་རྗེ་རྣམ་པར་འཇོམས་པ་སྟེ༔ སངས་རྒྱས་ཀུན་གྱི་མཐུ་སྟོབས་དང་༔ བྱིན་རླབས་ཐུགས་རྗེ་གཅིག་བསྡུས་ནས༔ གདུག་པ་འདུལ་བར་དབང་ཡང་བསྐུར༔ དེ་ཕྱིར་གདོན་བགེགས་འབྱུང་པོ་ཀུན༔ ང་ཡི་བཀའ་ལ་འདའ་མ་བྱེད༔ ཁྲོ་རྒྱལ་རྡོ་རྗེའི་བཀའ་ལས་ནི༔ འབྱུང་པོ་གང་ཞིག་བདའ་བྱེད་པའི༔ ལུས་ངག་ཡིད་གསུམ་རྡུལ་དུ་རློག༔ མིང་ཡང་གྲགས་པར་མི་འགྱུར་ཕྱིར༔ དེ་བས་དམ་ལ་གནས་པར་གྱིས༔ ཞེས་བརྗོད་གཟུངས་སྔགས་ལན་གསུམ་བཟླ༔ འབྲུ་གསུམ་སྔོན་འགྲོ་སཾ་བྷཱ་ར༔ ཉེར་གཅིག་དག་གིས་གཏོར་མ་བསྔོ༔ ཧཱུྃ༔ ཆོས་དབྱིངས་ཡེ་ཤེས་དེ་བཞིན་གཤེགས༔ རྣམ་པར་སྣང་མཛད་ཏིང་འཛིན་དང་༔ སངས་རྒྱས་ཀུན་གྱི་སྐུ་གསུང་ཐུགས༔ མཐུ་སྟོབས་བྱིན་རླབས་གཅིག་བསྡུས་པ༔ གསང་བའི་བདག་པོའི་བཀའ་འབྱུང་གི༔ ཤར་ཕྱོགས་སྟོང་གི་འཇིག་རྟེན་ན༔ གནས་པའི་ལྷ་སྲིན་སྡེ་བརྒྱད་དང་༔ མ་རིག་གཏི་མུག་ལས་བྱུང་བའི༔ ཀླུ་གདོན་སུམ་བརྒྱ་དྲུག་ཅུ་ཀུན༔ འབྱུང་བ་ས་ཡི་དངས་མའི་བཅུད༔ གཅིག་བསྡུས་འདོད་ཡོན་རྒྱ་མཚོའི་སྤྲིན༔ གླུད་གཏོར་བཟང་པོ་འདི་ཁྱེར་ལ༔ བསྒྲུབ་བྱའི་ལུས་ངག་ཡིད་གསུམ་ལ༔ བཟུང་བ་ཐོང་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཐེག༔ ཕྱིན་ཆད་གནོད་འཚེའི་བསམ་སྦྱོར་སྤོངས༔ གལ་ཏེ་བཀའ་ལས་འདའ་བྱེད་ན༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་ལས་སྤྲུལ་པའི་ཁྲོ་བོའི་རྒྱལ༔ གཏི་མུག་རྣམ་དག་ཧེ་རུ་ཀ༔ རྡོ་རྗེ་གཏུམ་པོ་ཐུགས་ཁྲོས་ནས༔ འབར་བའི་མཚོན་ཆ་སྣ་ཚོགས་ཀྱིས༔ ལུས་ངག་ཡིད་གསུམ་རྡུལ་དུ་བརླག༔ དེ་བས་ད་ལྟ་ཕྱིར་དེངས་ཤིག༔ ཨོཾ་བུདྡྷ་མ་ཧཱ་ཀྲོ་དྷ་ཧ་ན་ཧ་ན་ཧཱུྃ་ཕཊ༔ ཧཱུྃ༔ མཉམ་ཉིད་ཡེ་ཤེས་འདོད་དགུའི་གཏེར༔ རིན་ཆེན་འབྱུང་ལྡན་ཏིང་འཛིན་དང་༔ སངས་རྒྱས་ཀུན་གྱི་སྐུ་གསུང་ཐུགས༔ མཐུ་སྟོབས་བྱིན་རླབས་གཅིག་བསྡུས་པ༔ གསང་བའི་བདག་པོའི་བཀའ་བྱུང་གི༔ ལྷོ་ཕྱོགས་སྟོང་གི་འཇིག་རྟེན་ན༔ གནས་པའི་ལྷ་སྲིན་སྡེ་བརྒྱད་དང་༔ མ་རིག་ང་རྒྱལ་ལས་བྱུང་བའི༔ ཕོ་གདོན་སུམ་བརྒྱ་དྲུག་ཅུ་ཀུན༔ འབྱུང་བ་ཆུ་ཡི་དྭངས་མའི་བཅུད༔ གཅིག་བསྡུས་འདོད་ཡོན་རྒྱ་མཚོའི་སྤྲིན༔ གླུད་གཏོར་བཟང་པོ་འདི་ཁྱེར་ལ༔ བསྒྲུབ་བྱའི་ལུས་ངག་ཡིད་གསུམ་ལ༔ བཟུང་བ་ཐོང་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཐེག༔ ཕྱིན་ཆད་གནོད་འཚེའི་བསམ་སྦྱཽར་སྤོངས༔ གལ་ཏེ་བཀའ་ལས་འདའ་བྱེད་ན༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་ལས་བྱུང་བའི་ཁྲོ་བོའི་རྒྱལ༔ ང་རྒྱལ་རྣམ་དག་ཧེ་རུ་ཀ༔ རྡོ་རྗེ་བེ་ཅོན་ཐུགས་ཁྲོས་ནས༔ འབར་བའི་མཚོན་ཆ་སྣ་ཚོགས་ཀྱིས༔ ལུས་ངག་ཡིད་གསུམ་རྡུལ་དུ་བརླག༔ དེ་བས་རང་རང་ཕྱིར་དེངས་ཤིག༔ ཨོཾ་རཏྣ་མ་ཧཱ་ཀྲོ་དྷ་ཏིཥྛ་ཏིཥྛ་ཧཱུྃ་ཕཊ༔ ཧཱུྃ༔ སོར་རྟོག་ཡེ་ཤེས་པདྨའི་རིགས༔ སྣང་བ་མཐའ་ཡས་ཏིང་འཛིན་དང་༔ སངས་རྒྱས་ཀུན་གྱི་སྐུ་གསུང་ཐུགས༔ མཐུ་སྟོབས་བྱིན་རླབས་གཅིག་བསྡུས་པ༔ གསང་བའི་བདག་པོའི་བཀའ་བྱུང་གི༔ ནུབ་ཕྱོགས་སྟོང་གི་འཇིག་རྟེན་ན༔ གནས་པའི་ལྷ་སྲིན་སྡེ་བརྒྱད་དང་༔ མ་རིག་འདོད་ཆགས་ལས་བྱུང་བའི༔ མོ་གདོན་སུམ་བརྒྱ་དྲུག་ཅུ་ཀུན༔ འབྱུང་བ་མེ་ཡི་དྭངས་མའི་བཅུད༔ གཅིས་བསྡུས་འདོད་ཡོན་རྒྱ་མཚོའི་སྤྲིན༔ གླུད་གཏོར་བཟང་པོ་འདི་ཁྱེར་ལ༔ བསྒྲུབ་བྱའི་ལུས་ངག་ཡིད་གསུམ་ལ༔ བཟུང་བ་ཐོང་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཐེག༔ ཕྱིན་ཆད་གནོད་འཚེའི་བསམ་སྦྱོར་སྤོངས༔ གལ་ཏེ་བཀའ་ལས་འདའ་བྱེད་ན༔ དུས་གསུམ་སངས་རྒྱས་ཐམས་ཅད་ཀྱི༔ གསུང་ལས་སྤྲུལ་པའི་ཁྲོ་བོའི་རྒྱལ༔ འདོད་ཆགས་རྣམ་དག་ཧེ་རུ་ཀ༔ རྡོ་རྗེ་ཐོ་བ་ཐུགས་ཁྲོས་ནས༔ འབར་བའི་མཚོན་ཆ་སྣ་ཚོགས་ཀྱིས༔ ལུས་ངག་ཡིད་གསུམ་རྡུལ་དུ་བརླག༔ དེ་བས་ད་ལྟ་ཕྱིར་དེངས་ཤིག༔ ཨོཾ་པདྨ་མ་ཧཱ་ཀྲོ་དྷ་བྷནྡྷ་བྷནྡྷ་ཧཱུྃ་ཕཊ༔ ཧཱུྃ༔ བྱ་གྲུབ་ཡེ་ཤེས་ལས་ཀྱི་རིགས༔ དོན་ཡོད་གྲུབ་པའི་ཏིང་འཛིན་དང་༔ སངས་རྒྱས་ཀུན་གྱི་སྐུ་གསུང་ཐུགས༔ མཐུ་སྟོབས་བྱིན་རླབས་གཅིག་བསྡུས་པ༔ གསང་བའི་བདག་པོའི་བཀའ་བྱུང་གི༔ བྱང་ཕྱོགས་སྟོང་གི་འཇིག་རྟེན་ན༔ གནས་པའི་ལྷ་སྲིན་སྡེ་བརྒྱད་དང་༔ མ་རིག་ཕྲག་དོག་ལས་བྱུང་བའི༔ སྣ་ཚོགས་འཁྲུལ་པའི་གདོན་བགེགས་ཀུན༔ འབྱུང་བ་རླུང་གི་དྭངས་མའི་བཅུད༔ གཅིག་བསྡུས་འདོད་ཡོན་རྒྱ་མཚོའི་སྤྲིན༔ གླུད་གཏོར་བཟང་པོ་འདི་ཁྱེར་ལ༔ བསྒྲུབ་བྱའི་ལུས་ངག་ཡིད་གསུམ་ལ༔ བཟུང་བ་ཐོང་ལ་བཅིངས་པ་ཁྲོལ༔ བསྡམས་པ་ཀློད་ལ་མནན་པ་ཐེག༔ ཕྱིན་ཆད་གནོད་འཚེའི་བསམ་སྦྱོར་སྤོངས༔ གལ་ཏེ་བཀའ་ལས་འདའ་བྱེད་ན༔ དུས་གསུམ་སངས་རྒྱས་ཐམས་ཅད་ཀྱི༔ ཕྲིན་ལས་སྤྲུལ་པའི་ཁྲོ་བོའི་རྒྱལ༔ ཕྲག་དོག་རྣམ་དག་ཧེ་རུ་ཀ༔ རྡོ་རྗེ་ཕུར་བུ་ཐུགས་ཁྲོས་ནས༔ འབར་བའི་མཚོན་ཆ་སྣ་ཚོགས་ཀྱིས༔ ལུས་ངག་ཡིད་གསུམ་རྡུལ་དུ་བརླག༔ དེ་བས་ད་ལྟ་ཕྱིར་དེངས་ཤིག༔ ཨོཾ་ཀརྨ་མ་ཧཱ་ཀྲོ་དྷ་ཧུ་ལུ་ཧུ་ལུ་ཧཱུྃ་ཕ¿ཊ༔ སླར་ཡང་གླུད་ཕྲན་གཏོར་མ་དང་༔ ཆང་བུ་ལ་སོགས་ཅི་འབྱོར་བཤམ༔ འབྲུ་གསུམ་བྱིན་རླབས་སཾ་བྷ་རས༔ ནམ་མཁའ་མཛོད་ཀྱི་སྤྲིན་དུ་བསྔོས༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ སྲེད་དང་ཆགས་དང་ཞེན་པ་རྣམས༔ དྲན་དང་བཟུང་དང་བསམ་དང་རེག༔ ཀློད་དང་གྲོལ་དང་ཞི་བར་མཛོད༔ དེ་མཐར་གླུད་གཏོར་ཕྱི་རོལ་བསྐྱལ༔ གུ་གུལ་བདུག་ཅིང་ཐུན་གྱིས་བྲབས༔ ཧཱུྃ་བཞིའི་སྔགས་ཀྱི་མཚོན་ཆས་གཟིར༔ ཕྱི་ནང་གསང་བའི་འཁོར་ལོས་བཅིངས༔ ས་མ་ཡ༔

འགལ་རྐྱེན་འཁོར་ལོས་སྲུང་བ་ནི༔ གྲོ་གའམ་ནི་ཤོག་བུ་ལ༔ རྒྱ་སྣག་གི་ཝཾ་སྦྱར་བ་ཡིས༔ སྣ་ཚོགས་རྡོ་རྗེའི་ལྟེ་བ་རུ༔ ཙཀྲ་མུ་ཁྱུད་རིམ་ལྔར་བསྐོར༔ དབུས་སུ་ཧཱུྃ་མཐར་ཡང་སྙིང་གཤམ༔ འཆང་བ་པོ་ལ་ནད་གདོན་སྡིག་སྒྲིབ་གྲིབ་དང་མི་བཙང་བ་སོགས་བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་རཀྵ་རཀྵ༔ དེ་ཕྱི་མུ་ཁྱུད་དང་པོ་ལ༔ རྩིབས་བཞི་ཤར་ནས་གཡས་བསྐོར་དུ༔ ཨོཾ་བུདྡྷ་མ་ཧཱ་ཀྲོ་དྷ་ཧ་ན་ཧ་ན་ཧཱུྃ་ཕཊ༔ འཆང་བ་པོའི་མི་མཐུན་པའི་ཕྱོགས་ཐམས་ཅད་ཞི་ཞིང་སྲུང་བ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་རཏྣ་མ་ཧཱ་ཀྲོ་དྷ་ཏིཥྛ་ཏིཥྛ་ཧཱུྃ་ཕཊ༔ ཚེ་དང་བསོད་ནམས་ཡེ་ཤེས་རྒྱས་པར་བྱེད་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་པདྨ་མ་ཧཱ་ཀྲོ་དྷ་བྷནྡྷ་བྷནྡྷ་ཧཱུྃ་ཕཊ༔ ཁམས་གསུམ་དབང་དུ་བྱ་བ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་ཀརྨ་མ་ཧཱ་ཀྲོ་དྷ་ཧུ་ལུ་ཧུ་ལུ་ཧཱུྃ་ཕ¿ཊ༔ དགྲ་བགེགས་འབྱུང་པོ་ཚར་བཅད་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཞེས་དང་རྩིབས་མཆན་སོ་སོ་ལ༔ ཨོཾ་ཨཱ་མྲྀ་ཏེ་ཧཱུྃ་ཕཊ༔ གཟུངས་སྔགས་ཀྱི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ མུ་ཁྱུད་གཉིས་པར་རྩིབས་བཞི་ལ༔ པྲ་ཧ་ར་པྲ་ཧ་ར་བཛྲ་པྲ་བྷཉྫ་ཧཱུྃ་ཕཊ༔ འཆང་བ་པོའི་ནད་གདོན་བར་ཆད་སྒྲིབ་གཉིས་བག་ཆགས་དང་བཅས་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཏྲཱ་ས་ཡ་ཏྲཱ་ས་ཡ་བཛྲ་ཀཱི་ལི་ཀཱི་ལ་ཡ༔ ཚེ་བསོད་དཔལ་འབྱོར་ཡེ་ཤེས་ཐམས་ཅད་པུཥྟིཾ་ཀུ་རུ་ཨོཾ༔ ཧ་ར་ཧ་ར་བཛྲ་དྷཱ་ར་ཡ༔ ཁམས་གསུམ་སྣོད་བཅུད་རླུང་སེམས་ཐམས་ཅད་ཝཱ་ཤཾ་ཀུ་རུ་ཧོ༔ ཙུ་རུ་ཙུ་རུ་ཙཎྜ་ཀཱི་ལི་ཀཱི་ལ་ཡ་གནོད་བྱེད་འབྱུང་པོ་དུག་ལྔ་དུག་གསུམ་ཐམས་ཅད་མཱ་ར་ཡ་ཕཊ༔ རྩིབ་མཆན་ཨ་མྲྀ་ཏེ་ཡི་གཤམ༔ ཤཱནྟིཾ་པུཥྟིཾ་ཝཱ་ཤཾ་མཱ་ར་ཡ་ཕཊ༔ གསུམ་པར་འཁོར་ལོ་རྩིབས་བཅུའི་དབུས༔ མདུན་ནས་བརྩམས་ཏེ་གཡས་སྐོར་དུ༔ ཨོཾ་ཧ་ར་ཧ་ར་བཛྲ་ཧཱུྃ་ཕཊ༔ འཆང་བ་པོ་ལ་སྟེང་ལྷ་ཡི་གདོན་གྱི་གནོད་པ་དང་དྲག་པོའི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་མ་ཐ་མ་ཐ་བཛྲ་ཧཱུྃ་ཕཊ༔ ཤར་ཕྱོགས་དྲི་ཟའི་གདོན་གྱི་གནོད་པ་དང་དྲག་པོའི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་དྷཱུ་ན་དྷཱུ་ན་བཛྲ་ཧཱུྃ་ཕཊ༔ ཤར་ལྷོ་མེ་ལྷའི་གདོན་གྱི་གནོད་པ་དང་དབང་གི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་ད་ཧ་ད་ཧ་བཛྲ་ཧཱུྃ་ཕཊ༔ ལྷོ་ཕྱོགས་གཤིན་རྗེའི་གདོན་གྱི་གནོད་པ་དང་དབང་གི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་པ་ཙ་པ་ཙ་བཛྲ་ཧཱུྃ་ཕཊ༔ ལྷོ་ནུབ་སྲིན་པོའི་གདོན་གྱི་གནོད་པ་དང་དྲག་པོའི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་དྷཱ་ར་དྷཱ་ར་བཛྲ་ཧཱུྃ་ཕཊ༔ ནུབ་ཕྱོགས་ཀླུ་ཡི་གདོན་གྱི་གནོད་པ་དང་ཞི་བའི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་དྷཱ་ར་ཡ་དྷཱ་ར་ཡ་བཛྲ་ཧཱུྃ་ཕཊ༔ ནུབ་བྱང་རླུང་ལྷའི་གདོན་གྱི་གནོད་པ་དང་རྒྱས་པའི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་དཱ་རུ་ཎ་དཱ་རུ་ཎ་བཛྲ་ཧཱུྃ་ཕཊ༔ བྱང་ཕྱོགས་གནོད་སྦྱིན་གདོན་གྱི་གནོད་པ་དང་ཞི་བའི་ལས༔ ཨོཾ་ཙྪིནྡ་ཙྪིནྡ་བཛྲ་ཧཱུྃ་ཕཊ༔ བྱང་ཤར་བགེགས་ཀྱི་གནོད་པ་དང་རིག་སྔགས་བཅད་པའི་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཨོཾ་བྷིནྡྷ་བྷིནྡྷ་བཛྲ་ཧཱུྃ་ཕཊ༔ འོག་ཕྱོགས་ས་བདག་གི་གདོན་གྱི་གནོད་པ་དང་རིག་སྔགས་མནན་པའི་ལས་སྒྲུབ་པ་ལ་བར་དུ་གཅོད་པ་ཐམས་ཅད་རཀྵ་རཀྵ༔ ཞེས་དང་རྩིབས་མཆན་དང་པོར་མཐུན༔ མ་ཁྱུད་བཞི་པར་གཟུངས་རིང་མཐར༔ འཆང་བ་པོ་ལ་མི་ཆོད་པ་མི་ཤིགས་པ་སོགས་ནས༔ རྨུགས་པར་བྱེད་པའི་གསང་སྔགས་ཀྱི་མཐུ་ཆེན་པོ་དེ་དག་ཐོགས་པ་མེད་པར་རབ་ཏུ་འགྲུབ་པར་གྱུར་ཅིག་སྭཱ་ཧཱ༔ དེ་ཕྱི་མུ་ཁྱུད་ལྔ་པ་ལ༔ ན་མཿས་མནྟ་བུདྡྷཱ་ཎཱཾ༔ ན་མཿས་མནྟ་དྷརྨཱ་ནཱཾ༔ ན་མ་ས་མནྟ་སཾ་གྷཱ་ནཱཾ༔ ཨོཾ་ཨཱཿཧཱུྃ་བཛྲ་གུ་རུ་དེ་བ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ༔ ཨོཾ་ཌྷྲིཥྟ་རཥྟ་ཡེ་སྭཱ་ཧཱ༔ ཨོཾ་བཻ་རུ་དྷཱ་ཀཱ་ཡེ་སྭཱ་ཧཱ༔ ཨོཾ་བཻ་རུ་པཱཀྵཱ་ཡེ་སྭཱ་ཧཱ༔ ཨོཾ་བཻ་ཤྲ་མ་ཎཱ་ཡེ་སྭཱ་ཧཱ༔ ཨོཾ་སརྦ་བཛྲ་ཀིངྐ་རཱི་སྭཱ་ཧཱ༔ ཞེས་དང་རྟེན་སྙིང་ཚར་གསུམ་མཐར༔ རྣམ་བཞིའི་ལས་དང་གཟུངས་སྔགས་ཀྱི༔ ཕྲིན་ལས་འགྲུབ་པའི་སྤེལ་ཚིག་སྦྱར༔ ཕྱི་རོལ་སྣ་ཚོགས་རྡོ་རྗེ་ཡི༔ བར་མཚམས་མེ་རིས་མཛེས་པར་བྱ༔ སྤྱྀ་རུ་ལྔ་ཚན་ལྔ་ཡི་རྫས༔ ཁྱབ་པར་བྱུག་ཅིང་བྱེ་བྲག་ཏུ༔ འོག་ནས་འབྱུང་བའི་སོ་སོའི་རྫས༔ མན་ངག་གནད་དང་ལྡན་པར་བྱུག༔ མ་ཉམས་ཤེལ་དང་རིན་པོ་ཆེ༔ མེ་ཏོག་སྔོན་པོ་གིའུ་ཝང༔ ཡུངས་ཀར་ཤུ་དག་རྨ་བྱའི་སྒྲོ༔ ཕ་བོང་ལོང་བུ་དར་ཚོན་ལྔ༔ ས་སྣ་ཆུ་སྣ་ཚོགས་ཚད་དང་༔ ཁྱད་པར་ཞི་བར་ཨ་རུ་ར༔ རྒྱས་པར་དཱུརྦ་དབང་ལ་ནི༔ སིནྡྷུ་ར་དང་དྲག་པོ་ལ༔ རྩ་བ་གསུམ་གྱི་ཕྱེ་མར་བཅས༔ དཀྱིལ་འཁོར་དབུས་སུ་ལགས་པར་བཀོད༔ ལྷར་བསྐྱེད་བཟླས་པའི་མེ་ཏོག་གིས༔ རབ་ཏུ་གནས་ཤིང་ཤིས་པ་བརྗོད༔ གཙོ་འཁོར་འོད་ཞུ་འཁོར་ལོ་བསམ༔ དར་སྣ་ལྔ་ཡིས་རྒྱ་ཆིངས་གདབ༔ སྤྱི་བོའི་གཙུག་གམ་མགུལ་དུ་འཆང་༔ མཐོང་ཐོས་དྲན་རེག་འགྲོ་ཀུན་ཀྱང་༔ གནས་སྐབས་ནད་གདོན་འཇིགས་བརྒྱད་ཞི༔ ཚེ་བསོད་རྒྱས་ཤིང་འདོད་དགུ་འགྲུབ༔ མི་མཐུན་ཕྱོགས་རྣམས་ཚར་གཅོད་འགྱུར༔ མཐར་ཐུག་རྡོ་རྗེ་གཏུམ་པོ་ཡི༔ སྐུ་གསུང་ཐུགས་ཀྱི་རྡོ་རྗེར་སྦྱོར༔ ཕྲིན་ལས་གསང་བདག་ཉིད་དང་མཚུངས༔ དེ་ཕྱིར་ཡིད་བཞིན་ནོར་ལས་ལྷག༔ གཞན་ཡང་རྫས་ཀྱིས་སྲུང་བ་ནི༔ ཤུ་དག་ཨ་རུ་གི་འུ་ཝང་༔ ལི་ཁྲི་་་་སིནྡྷཱུ་ར་བཙན་དུག་བུ་ཙཎྜ༔་་་་ཡུངདཀར། སྤང་སྤོས་ག་བུར་སྡོང་རོས་དང་༔ མིང་ཅན་གླ་རྩི་སྤྲུ་བ་ནག༔ གུ་གུལ་ནག་པོ་རུ་རྟ་དང་༔ ཡུང་བ་སྤོས་དཀར་ཨ་གར་ནག༔ རྫས་སྣ་བཅུ་བདུན་ལྷ་གནས་བཀོད༔ མཐའ་སྐོར་བཟང་པོ་དྲུག་ལ་སོགས༔ དྲི་ལྡན་སྨན་སྣ་གང་འབྱོར་དང་༔ ཁྱད་པར་ཆིག་ཐུབ་དཔའ་བོ་གཉིས༔་་་་དཔའ་བོ་དཀར་པོ་དང་རྡོ་ཁབ་ལེན། ར་མཉེ་ཟི་ར་དཀར་ནག་དང་༔ ཤིང་ཀུན་མཁན་དམར་ལྕགས་ཀྱུ་བ༔ ཕུར་ནག་རྡོ་རྗེ་གཉིས་བཅས་བཀྲམ༔ ཁྲོལ་བུའི་སྟེང་དུ་ལྷ་ཚོགས་བསྐྱེད༔ བཟླས་པས་སྐུ་ལས་བདུད་རྩིའི་རྒྱུན༔ དཔག་ཏུ་མེད་པ་བབས་པ་ཡིས༔ རྫས་རྣམས་མི་གཙང་ཉེས་སྐྱོན་སྦྱངས༔ ནུས་པ་མཆོག་ཏུ་བསྐྱེད་པར་བསམ༔ ཐུན་རེར་གཟུངས་སྔགས་ཅི་ནུས་དང་༔ རང་སྔགས་བརྒྱ་རྩ་ལ་སོགས་བཟླ༔ མཚན་མ་ཐོབ་ཀྱི་བར་དུ་བསྒྲུབས༔ དེ་ནས་ལྷན་ཅིག་ཞིབ་པར་བཏགས༔ ལྔ་ཚན་ལྔ་ཡི་རྫས་དང་བཅས༔ རིགས་བཟང་ལོ་བརྒྱད་དྲི་ཆུའམ༔ བ་གསར་དམར་ཟལ་ཆུ་དང་སྦྱར༔ བུམ་པར་ཚུལ་བཞིན་བསྒྲུབ་ཅིང་བཟླ༔ མཐར་ནི་རིལ་བུར་དྲིལ་བ་ཉིད༔ རིན་པོ་ཆེ་ཡི་སྣོད་དུ་བླུགས༔ དཀྱིལ་འཁོར་ལྷ་ཚོགས་ངོ་བོར་བསྒོམ༔ གཟུངས་སྔགས་སྙིང་པོ་ཉེ་སྙིང་དང་༔ སྐབས་སུ་ངར་འདོགས་སྤུ་གྲིའི་སྔགས༔ ཨོཾ་ཐི་མ་ཐ་ར་ཏི་ས་དུནྟེ་ཛྭ་ལ་རཾ་པ་ཡེ་སྭཱ་ཧཱ༔ ཨོཾ་བཛྲ་ཙཎྜ་ཁྲོཾ་ག་རུ་ཌཱ་སརྦ་དུཥྟཱནྟ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ ནཱ་ག་དུ༔ ཚནྡྷེ་ཚནྡྷེ༔ མི་ལི་མི་ལི༔ བྷནྡྷ་བྷནྡྷ༔ ནཱ་ག་ནི་སྭཱ་ཧཱ༔ ཞེས་པ་སྤེལ་ཞིང་དྲག་ཏུ་བཟླ༔ གྲུབ་ནས་ཡེ་ཤེས་ལྷ་ཚོགས་གཤེགས༔ དམ་ཚིག་འོད་ཞུ་རིལ་བུར་བསམ༔ རྟེན་འབྲེལ་སྙིང་པོ་བརྒྱ་རྩ་ཡིས༔ བྱིན་རླབས་བརྟན་ཅིང་ནུས་ལྡན་བྱ༔ རིལ་བུ་བདུན་རེ་ལུས་ལ་བཅང་༔ མི་མཐུན་ཕྱོགས་རྣམས་ཀུན་བསྲུངས་ནས༔ ཕྲིན་ལས་རྣམ་བཞི་གང་བརྩམས་འགྲུབ༔ ཁོང་སུ་བཏང་དང་བྱུགས་པ་དང་༔ དུ་བས་བདུག་པ་ཙམ་གྱིས་ཀྱང་༔ གདོན་དང་བགེགས་ཀྱི་ཚོགས་རྣམས་ལ༔ རྡོ་རྗེ་གཏུམ་པོའི་སྣང་བ་འབྱུང་༔ བར་ཆད་ཕྱོགས་སུ་ཉེ་མི་ནུས༔ ནད་རིམས་མེ་ལྟར་འབར་བ་དང་༔ གདོན་བགེགས་ཆུ་ལྟར་འཁྲུགས་པ་སོགས༔ འཇིགས་པའི་ཆོ་འཕྲུལ་ཅི་བྱུང་ཡང་༔ བ་སྤུའི་རྩེ་མོའང་གཡོ་མི་ནུས༔ གྲིབ་དང་མི་གཙང་རང་སར་གྲོལ༔ མཐར་ཐུག་མཁའ་སྤྱོད་ཉིད་ཀྱང་འགྲུབ༔ རྫས་ཀྱི་སྦྱོར་བ་མང་བསྟན་ཡང་༔ འདི་འདྲའི་ཟབ་མོའི་གདམས་པ་ནི༔ གཞན་དུ་ནམ་ཡང་བསྟན་པ་མེད༔ དེ་ཕྱིར་སྙྀང་ལས་གཅེས་པར་ཟུངས༔ ས་མ་ཡ༔

མཐུན་རྐྱེན་མེ་ཡིས་སྒྲུབ་པ་ནི༔ ཐུན་མོང་ཤིས་པའི་སྟེགས་བུའི་སྟེང་༔ སྣ་ཚོགས་རྡོ་རྗེའི་ལྟེ་བ་རུ༔ མུ་ཁྱུད་རིམ་པ་གསུམ་གྱི་དབུས༔ པདྨ་འདབ་མ་ལྔ་པ་དང་༔ དེ་རྒྱབ་འཁོར་ལོ་རྩིབས་བཅུ་སྟེ༔ དེ་རྒྱབ་སྣ་ཚོགས་པདྨ་དང་༔ ཐ་མར་འབར་བའི་ཕྲེང་བས་བསྐོར༔ དྲི་བཟང་བུད་ཤིང་ཟུར་བརྒྱད་བརྩེགས༔ བདག་གི་རྣལ་འབྱོར་སྔོན་འགྲོ་བས༔ མེ་སྦར་འཇིག་རྟེན་མེ་ལྷ་མཆོད༔ དེ་ཡི་ལྟོ་བ་ཡངས་པའི་ཀློང་༔ དཀྱིལ་འཁོར་ལྷ་ཚོགས་གཞུང་བཞིན་ལ༔ འོད་ཟེར་སྣ་ཚོགས་འཕྲོ་བར་བསྐྱེད༔ སྤྱན་དྲངས་མཆོད་ཅིང་བསྟོད་པའི་རྗེས༔ ཧཱུྃ༔ ཐབས་དང་ཤེས་རབ་ཟུང་འཇུག་པའི༔ རྡོ་རྗེའི་དགངས་བླུགས་ལས་བྱུང་བའི༔ ཡེ་ཤེས་བདུད་རྩིའི་མཆོད་སྤྲིན་གྱིས༔ དཀྱིལ་འཁོར་ལྷ་ཚོགས་གཉེས་པ་ལས༔ ཐུགས་རྗེ་ཆེན་པོའི་འོད་ཟེར་གྱིས༔ ཕྱོགས་བཅུའི་རྒྱལ་བ་སྲས་དང་བཅས་མཆོད༔ འགྲོ་ཀུན་སྒྲིབ་གཉིས་ཡོངས་སུ་སྦྱངས༔ གང་འདུལ་ཕྲིན་ལས་ལྷུན་གྲུབ་གྱུར༔ ཞེས་བརྗོད་ཉེ་བའི་སྙིང་པོའི་མཐར༔ རྣལ་འབྱོར་པ་བདག་ཅག་འཁོར་དང་བཅས་པའི་དམ་ཚིག་ཉམས་ཆགས་ཞི་ཞིང་མཆོག་དང་ཐུན་མོང་གི་དངོས་གྲུབ་མ་ལུས་པ་ཡིད་བཞིན་དུ་འགྲུབ་པར་མཛད་དུ་གསོལ༔ ཞེས་བརྗོད་རྫས་རྣམས་སོ་སོར་འབུལ༔ སྐབས་སུ་ལས་བཞིའི་སྤེལ་ཚིག་སྦྱར༔ བཟླས་པས་ཐུགས་དམ་རྒྱུད་བསྐུལ་ཞིང་༔ ཅི་འདོད་དངོས་གྲུབ་ཐོབ་པར་བསམ༔ མཆོད་བསྟོད་འདོད་དོན་གསོལ་བ་གདབ༔ ནོངས་པ་བཤགས་ཤིང་ཡེ་ཤེས་གཤེགས༔ དམ་ཚིག་ལྷ་ཚོགས་རང་ལ་བསྡུ༔ འཇིག་རྟེན་མེ་ལྷ་མཆོད་ཅིང་གཤེགས༔ ཁྱད་པར་ཞི་བའི་ཕྲིན་ལས་ལ༔ དཀར་ཞིང་འཇམ་པའི་སྟེགས་བུའི་ངོས༔ དཀྱིལ་འཁོར་དཀར་ཤས་ཆེ་བ་འབྲི༔ དྲི་བཟང་འོ་མ་དང་བཅས་པའི༔ བུད་ཤིང་ཟླུམ་པོའི་ཚུལ་དུ་བརྩིགས༔ ཤར་དུ་ཁ་ཕྱོགས་ཆས་གོས་དཀར༔ ཞི་ཞིང་དྭངས་བའི་བསམ་པ་ཡིས༔ རྡོ་རྗེའི་འདུག་སྟངས་དག་གིས་འདུག༔ བྲམ་ཟེའི་ཁྱིམ་ནས་མེ་བླངས་སྦར༔ འཇིག་རྟེན་འཇིག་རྟེན་འདས་པ་ཡི༔ མེ་ལྷ་ཆུ་ཤེལ་མདོག་ཏུ་བསྐྱེད༔ གཙོ་བོར་བསྲེགས་རྫས་སྔགས་ཤམ་དུ༔ འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པ་མི་མཐུན་མི་མདོད་པའི་ཕྱོགས་ཐམས་ཅད་ཤནྟིཾ་ཀུ་རུ་སྭཱ་ཧཱ༔ ཞེས་སྤེལ་ཚིག་བརྒྱ་རྩ་བརྒྱད་ཕུལ་བས༔ ཐུགས་ནས་འཕྲོས་པའི་འོད་ཟེར་གྱིས༔ མདུན་གྱི་རྡོ་རྗེ་གཏུམ་པོ་བསྐུལ༔ དེ་ལས་འོད་ཟེར་དཀར་པོ་འཕྲོས༔ མི་མཐུན་ཕྱོགས་ཀུན་ཞི་བར་བསམ༔ ཧཱུྃ༔ ཆོས་དབྱིངས་ཡེ་ཤེས་དེ་བཞིན་རིགས་ཀྱི་ལྷ༔ བཅོམ་ལྡན་རྡོ་རྗེ་གཏུམ་པོ་འཁོར་བཅས་ཀྱིས༔ བསྲེག་བླུགས་བདུད་རྩིའི་མཆོད་སྤྲིན་འདི་བཞེས་ལ༔ ཞི་བའི་ཕྲིན་ལས་མྱུར་དུ་འགྲུབ་པར་མཛོད༔ ཨོཾ་བུདྡྷ་མ་ཧཱ་ཀྲོ་དྷ་ཧ་ན་ཧ་ན་ཧཱུྃ་ཕ¿ཊ༔ ཞེས་དང་སྐབས་སུ་སྤེལ་ཚིག་སྦྱར༔ རྗེས་ཀྱི་རིམ་པ་སྤྱྀ་དང་མཚུངས༔ དེ་བཞིན་རྒྱས་དང་དབང་དྲག་གི༔ ཁྱད་པར་བསྒྱུར་ལ་ཉམས་སུ་བླང་༔ ཞི་བའི་ལས་ལ་ཏིལ་ཉིད་དེ༔ རྒྱས་པར་ཟས་མཆོག་དབང་ལ་ནི༔ མེ་ཏོག་དམར་པོའི་རིགས་རྣམས་དང་༔ དྲག་པོ་ཡུངས་ཀར་གཙོ་བོར་འབུལ༔ ལྷ་སྔགས་དམིགས་པའི་གནད་ལྡན་ན༔ གནས་སྐབས་མཐར་ཐུག་འདོད་པའི་དོན༔ ཕྲིན་ལས་རྣམ་བཞི་གང་བརྩམ་ཀུན༔ འགྲུབ་འགྱུར་འདི་ལ་ཐེ་ཚོམ་མེད༔ ས་མ་ཡ༔ མཐར་ཐུག་མཆོག་གི་དངོས་གྲུབ་ནི༔ རིམ་གཉིས་ཟབ་མོའི་ལམ་གྱིས་བསྒྲུབ༔ རྒྱུད་སྡེ་རྣམ་བཞིའི་རྗེས་འགྲོ་བར༔ ཉམས་སུ་བླངས་པའི་དང་པོ་ནི༔ སྐྱབས་སོང་བྱང་ཆུབ་སེམས་གཉིས་བསྐྱེད༔ སྙིང་གའི་འོད་ཀྱིས་ཡེ་ཤེས་པ༔ སྤྱན་དྲངས་ཚོགས་གཉིས་ཉེ་བར་བསག༔ རང་ཉིད་ཡི་དམ་ལྷ་རུ་བསྐྱེད༔ མདུན་བསྐྱེད་རང་བསྟིམས་རང་ཉིད་ཀྱི༔ ཐུགས་ལས་འཕྲོས་པའི་འོད་ཟེར་གྱིས༔ སྣོད་བཅུད་དཀྱིལ་འཁོར་འཁོར་ལོར་སྦྱངས༔ སྣང་གྲགས་རིགས་གསུམ་ལྷ་སྔགས་དང་༔ ཡེ་ཤེས་གཅིག་ཏུ་མཉམ་པར་བཞག༔ དེ་ནས་ལྷ་སྐུ་སྣང་སྟོང་ལ༔ སེམས་འཛིན་ཞི་གནས་འགྲུབ་པ་དང་༔ དེ་ལ་སོ་སོར་དཔྱད་པ་ཡིས༔ སྟོང་ཉིད་རྗེས་མཐུན་ལྷག་མཐོང་བསྒོམ༔ ཟུང་འཇུག་ཆུ་ཟླ་ལྟ་བུའི་ངང་༔ འབྲུ་གསུམ་རྡོ་རྗེའི་བཟླས་པ་དང་༔ སྲོག་སྩོལ་རླུང་སྦྱོར་བདེ་དྲོད་སྤར༔ རང་འོད་ཕྱག་རྒྱར་སྙོམས་འཇུག་པས༔ དགའ་བ་བཞིའི་ཡེ་ཤེས་བསྐྱེད༔ ལྷན་སྐྱེས་ཕྱག་རྒྱ་ཆེན་པོའི་ངང་༔ ཟུང་འཇུག་དོན་གྱི་རྡོ་རྗེ་ཡིས༔ གློ་བུར་འཁྲུལ་པ་རྣམ་བཅོམ་པས༔ མི་སློབ་གོ་འཕང་མཆོག་ཏུ་གྲུབ༔ ས་མ་ཡ༔ རྒྱུད་དོ་ཅོག་གི་རྩ་བ་ཆེ༔ རྡོ་རྗེ་རྣམ་པར་འཇོམས་པ་ཡི༔ གཟུང་སྔགས་ཟབ་མོའི་ཕྲིན་ལས་འདི༔ མ་འོངས་དོན་དུ་པདྨས་བསྡེབས༔ ཆོས་དབྱིངས་བུམ་སྐུའི་སྒྲོམ་བུར་རྒྱ༔ ནམ་ཞིག་འགྲོ་དོན་དུས་བབས་རྟགས༔ གཟའ་ཀླུ་རྒྱལ་བསེན་རླུང་ལྟར་འཚུབས༔ ནད་གདོན་སྨྱོ་འབོགས་ཆུ་ལྟར་གཡོ༔ ཁྱད་པར་དལ་ཡམས་བཙན་ཐབས་འབེབས༔ ཕྱི་སྣོད་འབྱུང་བ་ཁོལ་བུར་གཡོ༔ ནང་བཅུད་སྟོད་སྨད་འཁྲུགས་པ་མང་༔ དེ་ཡི་ཚེ་ན་བདག་ཉིད་དང་༔ འཇམ་དཔལ་གྲུབ་པའི་སློབ་དཔོན་གྱི༔ བྱིན་བརླབས་སྦས་པའི་རྣལ་འབྱོར་པ༔ འོད་གསལ་སྤྲུལ་པའི་རྡོ་རྗེ་དང་༔ འཕྲད་ནས་འབྲེལ་ཚད་དོན་ལྡན་ཤོག༔ རྒྱ་རྒྱ་རྒྱ༔ བརྡ་ཐིམ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ འཇམ་དཔལ་འཆི་བདག་ཟིལ་གནོན་བཞུགས༔ དྷཱི།༔ རྩ་གསུམ་ཡོངས་འདུས་ལྷ་ལ་འདུད༔ མ་འོངས་རྣལ་འབྱོར་སྤྱོད་པ་རྣམས༔ འཆི་བདག་བདུད་དཔུང་གཞོམ་འདོད་ན༔ སངས་རྒྱས་ཀུན་གྱི་ཡེ་ཤེས་སྐུ༔ འཇམ་དཔལ་ཁྲག་འཐུང་བསྒྲུབ་པར་བྱ༔ ས་མ་ཡ༔ དབེན་པའི་གནས་སུ་སྟེགས་བུའི་ཁར༔ རང་བྱུང་བྷནྡྷའི་གཞལ་ཡས་སུ༔ ཡ་མཱནྟ་ཀའི་ཕྱག་རྒྱ་བྲི༔ དེ་མཐར་ཕྱི་ནང་མཆོད་པས་བསྐོར༔ སྔོན་འགྲོའི་རིམ་པས་རྒྱུད་སྦྱངས་ནས༔ དངོས་གཞིར་ལྷ་ཡི་རྣལ་འབྱོར་ནི༔ ཧཱུྃ༔ ཆོས་ཀུན་མཉམ་པ་ཉིད་ཀྱི་ངང་༔ རིན་ཆེན་ཁྲོས་པས་ཉོན་མོངས་གཅོད༔ གཟུང་འཛིན་འབྱུང་པོ་དབྱིངས་སུ་བསྒྲལ༔ གཉིས་མེད་ཡེ་ཤེས་གཅིག་ཏུ་ཤར༔ ཨོཾ་ཡ་མཱནྟ་ཀ་ཧཱུྃ་ཕ¿ཊ༔ དེ་ཉིད་ངང་ལས་སྐད་ཅིག་གིས༔ སྟོང་གསལ་རིག་པའི་ཆོ་འཕྲུལ་ལས༔ ཐོད་དབྱུག་མཐིང་ནག་ཡཿཡིས་མཚན༔ འོད་འཕྲོས་དོན་གཉིས་ལྷུན་གྱིས་གྲུབ༔ ཚུར་འདུས་པདྨ་ཉི་མ་དང་༔ དྲེགས་པ་ཆུ་གླང་གདན་གྱི་སྟེང་༔ རང་རིག་འཇམ་དཔལ་ཧེ་རུ་ཀ༔ དམར་གསལ་ཞལ་གཅིག་ཕྱག་གཉིས་པ༔ ཕྱག་གཡས་ཐོད་དབྱུག་ནམ་མཁར་འཕྱར༔ གཡོན་པས་བྷན་དམར་ཐུགས་ཀར་བསྣམས༔ སྦྱོར་ཡུམ་རྡོ་རྗེ་བཻ་ཏཱ་ལི༔ རིན་ཆེན་ཐོད་ཁྲག་བསྣམས་པས་འཁྲིལ༔ དཔལ་དང་དུར་ཁྲོད་ཆས་ཀྱིས་བརྒྱན༔ ཞབས་གཉིས་དོར་སྟབས་གདན་ལ་རོལ༔ ཡེ་ཤེས་མེ་ཕུང་འབར་བའི་ཀློང་༔ རབ་ཁྲོས་གར་དགུའི་ཉམས་ཀྱིས་བརྗིད༔ གནས་གསུམ་དེ་བཞིན་གཤེགས་ཀུན་གྱི༔ སྐུ་གསུང་ཐུགས་ཀྱི་རྡོ་རྗེའི་དངོས༔ འབྲུ་གསུམ་ཕྱག་རྒྱས་མཚན་པ་ལས༔ འོད་འཕྲོས་ཡེ་ཤེས་སྤྱན་དྲངས་གྱུར༔ ཧཱུྃ་ཧཱུྃ་ཧཱུྃ༔ མཉམ་པ་ཉིད་ཀྱི་ཡེ་ཤེས་ལས༔ རིན་ཆེན་རིགས་མཆོག་བཅོམ་ལྡན་འདས༔ འཇམ་དཔལ་ཁྲོ་བོའི་སྐུར་བཞེངས་ནས༔ གནས་འདིར་སྤྱན་འདྲེན་གཤེགས་སུ་གསོལ༔ ཨོཾ་ཤྲཱི་བཛྲ་ཡ་མཱནྟ་ཀ་ས་པ་རི་ཝཱ་ར་ཨེ་ཧྱེ་ཧི༔ ཛཿཧཱུྃ་བྃ་ཧོཿ ཧཱུྃ༔ རྡོ་རྗེའི་དབང་པོ་དགྱེས་པའི་ཡུལ༔ བདེ་ཆེན་དམ་ཚིག་མཆོག་གི་སྤྲིན༔ མཆོད་པའི་ཕྱག་རྒྱ་ཆེན་པོ་ཡིས༔ འཇམ་དཔལ་ཁྲག་འཐུང་མཉེས་གྱུར་ཅིག༔ ཨོཾ་ཤྲཱི་ཡ་མཱནྟ་ཀ་ས་པ་རི་ཝཱ་ར་རཱུ་པ་ཤཔྡ་གནྡྷེ་རཱའ་ས་སྤརྴེ་དྷརྨ་དྷ་ཏུ་སརྦ་པཱུ་ཛ་ཧོཿ ཧཱུྃ༔ སངས་རྒྱས་རྣམས་ནི་ཐམས་ཅད་ཀྱི༔ ཡེ་ཤེས་ལུས་ཅན་འཇམ་དཔལ་དབྱངས༔ གདུག་པ་འདུལ་ཕྱིར་ཁྲོ་བོའི་ཚུལ༔ ཡབ་ཡུམ་སྤྲུལ་པར་བཅས་ལ་བསྟོད༔ ནུས་པ་སྔགས་ཀྱི་རྣལ་འབྱོར་ནི༔ ཐུགས་ཀར་ཉི་སྟེང་ཡཿཡིག་མཐར༔ སྔགས་ཕྲེང་གཡས་སུ་འཁོར་བ་ལས༔ འོད་འཕྲོས་ཕྱོགས་བཅུའི་རྒྱལ་ཀུན་མཆོད༔ འཆི་བདག་བདུད་དཔུང་བསྲེག་ཅིང་སྦྱངས༔ ཕྲིན་ལས་རྣམ་བཞི་ལྷུན་གྱིས་གྲུབ༔ ཐམས་ཅད་འོད་གསལ་འཁོར་ལོར་ཤར༔ ཨོཾ་ཧྲཱིཥྟཱི་ཝཱིཥྟི་ཏ་ན་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ རྩ་བའི་བསྙེན་སྔགས་འབྲུ་བཅུ་བཞི༔ བསྙེན་སྒྲུབ་ལས་གསུམ་ཆིག་ཆོད་དེ༔ བདུན་འབུམ་ས་ཡ་བྱེ་བ་སོགས༔ མཚན་མ་ཐོབ་ཀྱི་བར་དུ་བཟླ༔ རྣམ་བཞིའི་ཕྲིན་ལས་གང་ལ་ཡང་༔ འཇམ་དཔལ་ཁྲག་འཐུང་ཉིད་དང་མཚུངས༔ ས་མ་ཡ༔ སློབ་མ་རྗེས་སུ་བཟུང་བ་ནི༔ བདག་མདུན་དབྱེར་མེད་བསྐྱེད་བཟླས་དང་༔ སྔོན་འགྲོ་སྤྱྀ་བཞིན་སྦྱར་བའི་རྗེས༔ དངོས་གཞིར་བུམ་པ་སྐུ་ཡི་དབང་༔ ཧཱུྃ༔ རིན་ཆེན་བུམ་པའི་གཞལ་ཡས་ན༔ འཇམ་དཔལ་ཁྲོ་བོའི་ལྷ་ཚོགས་བཞུགས༔ དེང་འདིར་ཁྱོད་ལ་དབང་བསྐུར་བས༔ བསྐྱེད་པ་སྐུ་ཡི་དབང་ཐོབ་ཤོག༔ རྩ་སྔགས་དང་༔ ཀཱ་ཡ་ཨ་བྷི་ཥིཉྩ་ཨོཾ༔ དཔལ་དང་དུར་ཁྲོད་ཆས་དབང་ནི༔ ཧཱུྃ༔ དཔལ་དང་དུར་ཁྲོད་རོལ་པའི་ཆས༔ འདི་ནི་འཇམ་དཔལ་ཧེ་རུ་ཀའི༔ ཡེ་ཤེས་མཆོག་གི་ཕྱག་རྒྱ་སྟེ༔ དཔའ་བོ་ཆེན་པོ་ཁྱོད་ཀྱིས་ལོངས༔ ཛྙཱ་ན་མུ་དྲ་ས་མ་ཡ་ཨ་བྷི་ཥིཉྩ་ཧཱུྃ༔ བཟླས་པའི་སྔགས་བྱང་མགྲིན་པར་བཞག༔ ཧཱུྃ༔ ཐབས་དང་ཤེས་རབ་འབྲེལ་བ་ལས༔ ཟུང་འཇུག་ཡི་གེ་བཅུ་བཞི་བྱུང་༔ དེང་འདིར་ཁྱོད་ལ་དབང་བསྐུར་བས༔ བཟླས་པ་སྔགས་ཀྱི་དབང་ཐོབ་ཤོག༔ ཝཱ་ཀ་ཨ་བྷི་ཥིཉྩ་ཨཱཿ རྗེས་འབྲེལ་བཟླས་པའི་ལུང་ཀྱང་འབོགས༔ ཐུགས་ཀྱི་ཕྱག་མཚན་སྙིང་གར་བཞག༔ ཧཱུྃ༔ རྡོ་རྗེའི་ཐོད་དབྱུག་འཕྱར་བ་ཡིས༔ གཟུང་འཛིན་འབྱུང་པོ་དབྱིངས་སུ་བསྒྲལ༔ དེང་འདིར་ཁྱོད་ལ་དབང་བསྐུར་བས༔ འོད་གསལ་ཐུགས་ཀྱི་དབང་ཐོབ་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཡོན་ཏན་ཐོད་ཁྲག་ལག་གཡོན་གཏད༔ ཧཱུྃ༔ ཡོན་ཏན་མི་ཟད་འདོད་དགུའི་གཏེར༔ བྷནྡྷ་རཀྟས་བཀང་བ་ཡིས༔ དེང་འདིར་ཁྱོད་ལ་དབང་བསྐུར་བས༔ གང་འདུལ་འགྲོ་བ་སྒྲོལ་བར་ཤོག༔ གུ་ཎ་ཨ་བྷི་ཥིཉྩ་སྭཱ༔ ཕྲིན་ལས་ཕུར་བུ་བསྒྲིལ་ཞིང་བྱིན༔ ཧཱུྃ༔ ཕྲིན་ལས་དྲག་པོ་ཀཱི་ལ་ཡ༔ འཇམ་དཔལ་ཁྲོ་བོའི་ནུས་མཐུ་རྫོགས༔ དེང་འདིར་ཁྱོད་ལ་དབང་བསྐུར་བས༔ འཆི་བདག་བདུད་དཔུང་ཚར་གཅོད་ཤོག༔ ཀརྨ་ཨ་བྷི་ཥིཉྩ་ཧཱ༔ སྤྲོ་ན་དགྲ་བགེགས་བར་ཆད་ཀུན༔ གཟུགས་བརྙན་སྦྱོར་བ་ལ་བསྟིམས་ནས༔ གདབ་པའི་ཕྲིན་ལས་སྤྱི་ལྟར་རྗེས༔ ནང་གི་སྦྱིན་སྲེག་ཚུལ་དུ་རོལ༔ རྗེས་སུ་དམ་ཚིག་ཁས་བླངས་ཤིང་༔ ཚོགས་ཀྱི་འཁོར་ལོའི་འདུ་བས་མཆོད༔ འདིས་ནི་བསྙེན་རྫོགས་རྟགས་ལྡན་པའི༔ མཚན་ཉིད་ཚང་བའི་སློབ་དཔོན་གྱིས༔ དད་བརྩོན་སྐལ་བར་ལྡན་པ་ཡི༔ རྡོ་རྗེའི་སློབ་མ་རྗེས་བཟུང་ན༔ གནས་སྐབས་ཚེ་ཡི་བར་ཆད་དང་༔ འཇིགས་བརྒྱད་མི་མཐུན་ཕྱོགས་ཀུན་ཞི༔ ཕྲིན་ལས་གང་བརྩམ་ཡིད་བཞིན་འགྲུབ༔ མཐར་ཐུག་འཇམ་དཔལ་ཁྲོ་བོའི་སྐུར༔ མངོན་པར་བྱང་ཆུབ་མཆོག་ཐོབ་འགྱུར༔ ས་མ་ཡ༔ གཤིན་རྗེ་མཐར་བྱེད་སྒྲུབ་པའི་ཐབས༔ ཀུན་ལས་ཁྱད་འཕགས་སྙིང་པོའི་བཅུད༔ ད་ལྟ་མངའ་བདག་ཡབ་སྲས་དང་༔ མ་འོངས་སྤྲུལ་པའི་སྐྱེས་བུའི་དོན༔ འཇམ་དཔལ་ཆོས་ཀྱི་བཤེས་གཉེན་གྱིས༔ རྗེས་བཟུང་རང་བྱུང་རིག་པ་འཛིན༔ བདག་ཉིད་ཆེན་པོ་པདྨ་ཡིས༔ དབྱིངས་ཀྱི་མཁའ་འགྲོའི་བརྡ་རུ་སྦས༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ ཁ་ཡཾཿ གུཧྱ་ལོ་བདུན་གསང་རྒྱ་བྱས་ནས་ཕྱིས་རྟེན་འབྲེལ་དུས་ལ་བབས་པའི་སྐད་ཅིག་ལ་དག་པར་ཕབས་པ་ཤིན་ཏུ་གསང་བའི་སྙིང་ཏིག་གོ༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ འཆི་མེད་དབང་ཆེན་འདུས་པ་བཞུགས༔ དྷཱི།༔ དབང་ཆེན་འདུས་པའི་ལྷ་ལ་འདུད༔ ཆོས་རྣམས་ཀུན་གྱི་དེ་ཁོ་ན༔ སོ་སོར་རྟོག་པའི་ཡེ་ཤེས་ནི༔ དོན་དམ་རྟ་མཆོག་རོལ་པ་སྟེ༔ འགྲོ་ཀུན་སྙིང་ལ་ཡང་དག་གནས༔ དེ་ཉིད་མ་རྟོགས་གདུལ་བྱའི་དོན༔ བསྐྱེད་རྫོགས་ཟུང་འཇུག་ཕྲིན་ལས་ཀྱི༔ མཆོག་ཐུན་དངོས་གྲུབ་མྱུར་འགྲུབ་སླད༔ དབང་ཆེན་འདུས་པའི་སྒྲུབ་པ་བསྟན༔ ས་མ་ཡ༔ དབེན་ཞིང་ཉམས་དགའི་གནས་མཆོག་ཏུ༔ དཀྱིལ་འཁོར་དམར་ཟླུམ་བཀོད་ལེགས་སྟེང་༔ ལྷ་དང་སྔགས་ཀྱི་མཚན་མ་དགོད༔ དབུས་སུ་ཕུར་པ་རྟ་ཞལ་ཅན༔ གཡས་གཡོན་ཐབས་ཤེས་དངོས་གྲུབ་རྫས༔ མདུན་དུ་གཏོར་མ་ཚོགས་མཆོད་དང་༔ རྒྱབ་ཏུ་ཚེ་ཡི་མདའ་འདར་ཏེ༔ མཐའ་བསྐོར་ཕྱི་ནང་མཆོད་པའི་སྤྲིན༔ བག་དྲོ་ལྷུན་ཆགས་མཛེས་པར་བཤམ༔ ས་མ་ཡ༔ དེ་ནས་བདེ་བའི་སྟན་ལ་འདུག༔ སྐད་ཅིག་རིག་པ་སྟོང་གསལ་ངང་༔ བཅོས་མིན་སྙིང་རྗེ་མངོན་བཞག་ནས༔ སྔོན་འགྲོའི་དང་པོ་སྐྱབས་སེམས་ནི༔ ཧྲཱི༔ དབང་ཆེན་རྩ་གསུམ་འདུས་པའི་ལྷ་ཚོགས་ལ༔ བདག་སོགས་བྱང་ཆུབ་བར་དུ་སྐྱབས་སུ་མཆི༔ འགྲོ་ཀུན་ཕན་བདེའི་གོ་འཕང་ལ་འགོད་ཕྱིར༔ སྨོན་འཇུག་དོན་དམ་སེམས་མཆོག་བསྐྱེད་པར་བགྱི༔ ལན་གསུམ་གཉིས་པ་མཚམས་བཅད་ནི༔ བར་འདིར་བགེགས་གཏོར་དངོས་སུ་བཤམ་པ་ཡོད་ན༔ སྐྱབས་ཡུལ་རྣམས་རང་ལ་ཐིམ༔ རང་ཉིད་སྐད་ཅིག་གིས་དབང་ཆེན་ཧེ་རུ་ཀའི་སྐུར་གྱུར༔ གཏོར་མ་རྃ་ཡྃ་ཁྃ་གིས་བསང་སྦྱངས༔ ཨོཾ་ཨཱཿཧཱུྃ་ཧོཿས་བརླབ༔ སརྦ་བྷཱུ་ཏ་ཨཱ་ཀརྵ་ཡ་ཛཿས་མགྲོན་དགུག༔ སརྦ་བིགྷྣཱན་བ་ལིང་ཏ་ཁཱ་ཧིས་གཏོར་མ་བསྔོས་ལ་བཀའ་བསྒོ་བ་ནི༔ ཧཱུྃ་ཧྲཱིཿ ཡོངས་གྲུབ་སྤྲོས་པ་བྲལ་བའི་ཡེ་ཤེས་ལས༔ ཀུན་བརྟགས་གློ་བུར་འཁྲུལ་པའི་གདོན་བགེགས་ཀུན༔ གཞན་དབང་དག་པ་རབ་འབྱམས་འདོད་ཡོན་གཏེར༔ འདི་ཉིད་ལོངས་ལ་རྒྱ་མཚོའི་ཕ་མཐར་དེངས༔ སྒྲུབ་སྔགས་མཐར༔ སུམྦྷ་བརྗོད་པས་བསྐྲད༔ ཧྲཱིཿ ཕྱི་སྣོད་དབང་ཆེན་རྡོ་རྗེའི་ཕོ་བྲང་དབུས༔ ནང་བཅུད་ཡེ་ཤེས་ལྷ་ཡི་ཕྱག་རྒྱར་གསལ༔ ཐ་མལ་རྟོགས་ཚོགས་རང་གྲོལ་གཉུག་མའི་ངང་༔ གཟུང་འཛིན་འཁྲུལ་པའི་གདོན་བགེགས་མཚམས་གཅོད་དོ༔ བཛྲ་ཛྙཱ་ན་རཀྵ་བྷྲཱུྃ༔ གསུམ་པ་ཡེ་ཤེས་བྱིན་འབེབས་ནི༔ ཧྲཱི༔ སྐུ་གསུམ་དག་པ་དབྱིངས་ཀྱི་གཞལ་ཡས་ནས༔ རིག་པ་ཡེ་ཤེས་རྟ་མཆོག་ཧེ་རུ་ཀ༔ རྩ་གསུམ་རྒྱལ་བ་རྒྱ་མཚོའི་འཁོར་བཅས་ཀྱིས༔ གནས་འདིར་བྱིན་ཕོབ་མཆོག་ཐུན་དངོས་གྲུབ་སྩོལ༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ས་པ་རི་ཝཱ་ར་ཛྙཱ་ན་བཛྲ་ཨཱ་བེ་ཤ་ཡ་ཨ་ཨཱཿ བཞི་པ་མཆོད་རྫས་བྱིན་རླབས་ནི༔ ཨོཾ་ཨཱཿཧཱུྃ༔ དངོས་སུ་འབྱོར་པའི་མཆོད་པ་ཇི་སྙེད་དང་༔ ཡིད་སྤྲུལ་ཏིང་ངེ་འཛིན་གྱིས་བྱིན་བརླབས་པས༔ སྣང་སྲིད་གཞིར་བཞེངས་ཕྱག་རྒྱ་ཆེན་པོའི་དབྱིངས༔ དཀྱིལ་འཁོར་ལྷ་ཚོགས་མཉེས་པའི་དཔྱིད་དུ་ཤར༔ ཨོཾ་ཧྲཱིཿསརྦ་པཱུ་ཛ་མེ་གྷ་ས་མ་ཡེ་ཨཱ༔ ཧཱུྃ༔ ལན་གསུམ་བརྗོད་པས་བྱིན་གྱིས་བརླབ༔ ས་མ་ཡ༔

དངོས་གཞིར་དང་པོ་བསྐྱེད་རིམ་ནི༔ ཧྲཱི༔ ཆོས་སྐུ་སྐྱེ་མེད་དེ་བཞིན་ཉིད་དབྱིངས་ལས༔ ལོངས་སྐུ་འགགས་མེད་ཀུན་སྣང་སྙིང་རྗེའི་སྤྲིན༔ སྤྲུལ་པའི་རྣམ་རོལ་ཧྲཱིཿལས་འོད་ཟེར་འཕྲོས༔ འཕགས་མཆོད་འགྲོ་ཀུན་སྒྲིབ་སྦྱངས་ཚུར་འདུས་པས༔ ཕྱི་སྣོད་དག་པ་ལྷ་ཡི་གཞལ་མེད་ཁང་༔ འོག་མིན་དབང་ཆེན་རོལ་པའི་ཕོ་བྲང་དབུས༔ པདྨ་ཉི་ཟླ་ཀླུ་སྲིན་བསྣོལ་བའི་སྟེང་༔ རྩ་གསུམ་ཀུན་འདུས་དབང་ཆེན་ཧེ་རུ་ཀ༔ སྐུ་མདོག་དམར་པོ་སྐལ་པའི་མེ་ལྟར་འབར༔ ཞལ་གསུམ་ཕྱག་དྲུག་ཞབས་བཞི་འདོར་སྟབས་བགྲད༔ གཡས་ལྗང་གཡོན་དཀར་དབུས་དམར་ཁྲོ་བོའི་གདོང་༔ ཞལ་རེར་དམར་ཟླུམ་འབར་བའི་སྤྱན་གསུམ་གཡོ༔ རལ་པ་ཁམས་ནག་གྱེན་དུ་འཁྱིལ་བའི་ཀློང་༔ རྟ་ཞལ་ལྗང་གུ་རྡོ་རྗེའི་དབྱངས་སུ་འཚེར༔ ཕྱག་དྲུག་གཡས་གསུམ་རྡོ་རྗེ་ཁ་ཊྭཱྃ་གྲི༔ གཡོན་གསུམ་བྷནྡྷ་མདུང་ཐུང་ཞགས་པ་བསྣམས༔ ཐོད་སྐམ་དབུ་རྒྱན་ཐོད་རློན་དོ་ཤལ་དང་༔ རིགས་བཞིའི་ཀླུ་གདོན་སྦྲུལ་གྱི་རྣམ་པས་སྤྲས༔ ཞིང་ཆེན་གཡང་གཞི་སྟག་ལྤགས་ཤམ་ཐབས་སོགས༔ དཔལ་དང་དུར་ཁྲོད་རོལ་པའི་ཆས་ཀྱིས་བརྒྱན༔ སྦྱོར་བའི་ཡུམ་ཆེན་པདྨ་གཟི་ལྡན་དམར༔ ཕྱག་གཡས་གྲི་གུག་ཡབ་ཀྱི་མགུལ་ནས་འཁྱུད༔ གཡོན་པས་བདུད་རྩིའི་ཐོད་པ་ཡབ་ལ་སྟོབ༔ སྤྱྀ་གཙུག་ཕག་ཞལ་མཐིང་ནག་ངུར་སྒྲ་སྒྲོགས༔ ཡེ་ཤེས་མེ་དཔུང་འབར་བའི་དཀྱིལ་འཁོར་དབུས༔ སྐུ་གསུང་ཐུགས་མཆོག་གར་དགུའི་ཉམས་ཀྱིས་རོལ༔ སྤྱྀ་བོར་རིགས་བདག་ཆོས་སྐུ་སྣང་མཐའ་ཡས༔ འཆི་མེད་བདེ་ཆེན་སྐུར་བཞེངས་ཚེ་ཡི་ལྷ༔ དམར་པོ་མཉམ་བཞག་བདུད་རྩིའི་ཚེ་བུམ་བསྣམས༔ མཚན་དཔེའི་དཔལ་འབར་རང་འོད་ཡུམ་དང་སྦྱོར༔ སྐུ་ཡི་གནས་ལྔར་ཐོད་ཕྲེང་རིགས་ལྔ་དང་༔ བ་སྤུའི་བུ་ག་རྡོ་རྗེའི་ཁྲོ་བོས་གཏམས༔ ཕྱོགས་བཞིར་པད་ཉི་བདུད་བཞི་བསྣོལ་བའི་སྟེང་༔ ཤར་དུ་རྡོ་རྗེ་དབང་ཆེན་སྐུ་མདོག་དཀར༔ ལྷོ་རུ་རཏྣ་དབང་ཆེན་སྐུ་མདོག་སེར༔ ནུབ་ཏུ་པདྨ་དབང་ཆེན་སྐུ་མདོག་དམར༔ བྱང་དུ་ཀརྨ་དབང་ཆེན་སྐུ་མདོག་ལྗང་༔ ཐམས་ཅད་ཕྱག་གཡས་རིགས་ཀྱི་ཕྱག་མཚན་དང་༔ གཡོན་པས་བདུད་རྩིས་གང་བའི་བྷནྡྷ་བསྣམས༔ རང་འོད་ཡུམ་འཁྱུད་ཁྲོ་བོའི་ཆ་ལུགས་རྫོགས༔ སྒོ་བཞིར་ཚད་མེད་ཡེ་ཤེས་སྒོ་མ་བཞི༔ གཡས་རྣམས་ལྕགས་ཀྱུ་ཞགས་པ་ལྕགས་སྒྲོག་དྲིལ༔ གཡོན་པས་འཆི་མེད་ཚེ་ཡི་བུམ་པ་འཛིན༔ དཀར་སེར་དམར་ལྗང་ཁྲོ་ཆགས་སྒེག་པའི་ཉམས༔ གཞན་ཡང་སྤྲུལ་དང་ཡང་སྤྲུལ་དཀྱིལ་འཁོར་ལྷ༔ རྩ་གསུམ་རྒྱ་མཚོའི་ངོ་བོར་སྤྲིན་ལྟར་གཏིབས༔ སྣང་སྟོང་སྒྲིབ་བྲལ་འཇའ་ཚོན་ལྟ་བུའི་སྐུའི༔ གནས་གསུམ་རྡོ་རྗེ་གསུམ་གྱིས་མཚན་པ་ལས༔ འོད་འཕྲོས་རང་བཞིན་གནས་ནས་ཡེ་ཤེས་པ༔ མ་ལུས་སྤྱན་དྲངས་གཉིས་སུ་མེད་པར་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ་ཧྲཱི༔ འོག་མིན་གསང་ཆེན་རྡོ་རྗེའི་ཕོ་བྲང་ནས༔ རྩ་གསུམ་ཀུན་འདུས་དབང་ཆེན་ཚེ་ཡི་ལྷ༔ རབ་འབྱམས་དཔའ་བོ་མཁའ་འགྲོའི་འཁོར་དང་བཅས༔ བྱིན་གྱིས་བརླབ་ཕྱིར་གནས་འདིར་གཤེགས་སུ་གསོལ༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ས་པ་རི་ཝཱ་ར་བཛྲ་ས་མ་ཡ་ཛ་ཛ༔ གསུམ་པ་བཞུགས་གསོལ་ཕྱག་འཚལ་ནི༔ ཧྲཱིཿ དབྱིངས་ནས་སྤྱན་དྲངས་ཡེ་ཤེས་ལྷ་ཡི་ཚོགས༔ དམ་ཚིག་ཕྱག་རྒྱའི་ངང་དུ་རོ་གཅིག་ཕྱིར༔ འདུ་འབྲལ་མེད་པའི་དོན་དམ་རྟ་མཆོག་དཔལ༔ མངོན་སུམ་རང་ངོར་མཇལ་བའི་ཕྱག་གིས་འདུད༔ ཛཿཧཱུྃ་བྃ་ཧོཿ ན་མ་དྷཱིཿ བཞི་པ་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི༔ ཕྱི་ནང་གསང་བ་བླ་མེད་མཆོད་པའི་སྤྲིན༔ རྩ་གསུམ་དབང་ཆེན་ཀུན་འདུས་ལྷ་ལ་འབུལ༔ བཞེས་ནས་མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ས་པ་རི་ཝཱ་ར་ཨརྒྷཾ་ནས་སྤར་ཤེའི་བར་དང་ མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་སྟ་ན་གྷ་ཎ་སརྦ་པཱུ་ཛ་ཧོཿ ལྔ་པ་བསྟོད་པ་བྱ་བ་ནི༔ ཧྲཱིཿ སོར་རྟོགས་ཡེ་ཤེས་ཕྱག་རྒྱར་ཤར་བའི་ལྷ༔ གྲངས་མེད་ཞི་དང་ཁྲོ་བོའི་རྣམ་རོལ་ཅན༔ བྱིན་རླབས་མཆོག་སྩོལ་དངོས་གྲུབ་ཆར་འབེབས་པའི༔ དབང་ཆེན་རྩ་གསུམ་དཀྱིལ་འཁོར་ལྷ་ལ་བསྟོད༔ དྲུག་པ་བསྙེན་པའི་རྣལ་འབྱོར་ནི༔ ཐུགས་ཀར་ཡེ་ཤེས་འོད་ལྔའི་ཀློང་༔ ཉི་ཟླའི་གའུ་ཁ་སྦྱོར་དབུས༔ ཐུགས་སྲོག་ཧྲཱིཿཡིག་དམར་པོའི་མཐར༔ སྔགས་ཕྲེང་གཡས་སུ་འཁོར་བ་ལས༔ བདེ་སྟོང་རོལ་པའི་འོད་ཟེར་གྱིས༔ དཀྱིལ་འཁོར་ལྷ་ཚོགས་གསལ་བར་བྱས༔ སྙོམས་འཇུག་དགའ་བཞིའི་མཆོད་པས་མཉེས༔ མཆོག་ཐུན་དངོས་གྲུབ་ཐོབ་པར་གྱུར༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ཧུ་ལུ་ཧུ་ལུ་ཧཱུྃ་ཕཊ༔ བདུན་པ་སྒྲུབ་པའི་ཏིང་འཛིན་ནི༔ སླར་ཡང་འོད་ཟེར་ཕྱོགས་བཅུར་འཕྲོས༔ འཁོར་འདས་བརྟན་གཡོའི་ཚེ་བསོད་བཅུད༔ འཆི་མེད་བདུད་རྩིའི་རྣམ་པར་བཀུག༔ སྤྱྀ་བོའི་རིགས་བདག་ཡབ་ཡུམ་གྱི༔ སྐུ་ཡི་དབྱིབས་བརྒྱུད་སྦྱོར་མཚམས་ནས༔ བབས་པས་ལུས་གང་བདེ་བས་མྱོས༔ འཁོར་ལོ་རྣམ་ལྔར་ཁྱབ་པ་ཡིས༔ འཆི་མེད་ཐོད་ཕྲེང་ཡབ་ཡུམ་མཆོད༔ རྩ་རླུང་ཐིག་ལེ་ཉམས་པ་གསོས༔ འབྱུང་བཞིའི་དྭངས་མ་དབུ་མར་སྨིན༔ བདེ་སྟོང་ཟུང་འཇུག་འོད་གསལ་ངང་༔ རྡོ་རྗེའི་སྲོག་ལ་དབང་ཐོབ་བསམ༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ཛྙཱ་ན་བཛྲ་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛ༔ སརྦ་སིདྡྷི་ཕ་ལ་ཧཱུྃ༔ བརྒྱད་པ་ལས་ལ་སྦྱར་བ་ནི༔ ཐུགས་སྲོག་ལས་བྱུང་འོད་ཟེར་གྱིས༔ རྣམ་བཞིའི་ཕྲིན་ལས་ལྷུན་གྱིས་གྲུབ༔ དྲེགས་པ་སྡེ་བརྒྱད་བརླག་ཅིང་གཟིར༔ སྣོད་བཅུད་འོད་གསལ་འཁོར་ལོར་སྦྱངས༔ གང་ཤར་སྣང་ཆ་ལྷ་ཡི་སྐུ༔ གྲགས་པ་ཐམས་ཅད་སྔགས་ཀྱི་སྒྲ༔ དྲན་རྟོག་རང་གྲོལ་རྟ་མཆོག་དཔལ༔ དབྱིངས་རིག་དབྱེར་མེད་ངང་དུ་རྫོགས༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་བཛྲ་དུུ་ན་བྷྱོ༔ ཏིག་ནན་ཛ་ཛ༔ ས་མ་ཡ་སྟཱཾ༔ ས་མ་ཡ་ཛ༔ ས་མ་ཡ་བཟློག༔ ས་མ་ཡ་བྷྱོ༔ ས་མ་ཡ་གཏུབ༔ ས་མ་ཡ་བྱེར༔ ས་མ་ཡ་རྦད༔ ས་མ་ཡ་རྦད་རྦུད་ཕ¿ཊ་ཡ༔ འབྱུང་པོ་མཱ་ར་ཡ་ཛ་ཛ༔ ཧཱུྃ་ཧཱུྃ་ཧཱུྃ༔ ཞེས་བཟླས་དགོངས་པ་དབྱིངས་ལ་གཏད༔ དགུ་པ་རྫོགས་པའི་རིམ་པ་ནི༔ རྡོ་རྗེའི་བཟླས་པ་སྔོན་འགྲོ་བས༔ སྦྱོར་བ་བཞི་ལྡན་བུམ་ཅན་བཟུང་༔ འབར་དང་འཛག་པའི་རྣལ་འབྱོར་གྱིས༔ ལུགས་འབྱུང་ལུགས་ལྡོག་དགའ་བཞི་བསྐྱེད༔ ལས་དང་ཡེ་ཤེས་ཕྱག་རྒྱ་ལ༔ འདུ་ཤེས་གསུམ་གྱི་སྙོམས་པར་ཞུགས༔ ཟག་པ་མེད་པའི་བདེ་བ་དང་༔ ལྷན་སྐྱེས་ཕྱག་རྒྱ་ཆེན་པོར་སྦྱོར༔ འཚེར་ཞིང་བརྗིད་བག་ལྡན་པ་ཡི༔ རྟ་སྐད་ཐེངས་གསུམ་བསྒྲགས་པའི་རྗེས༔ རྩེ་གཅིག་ངེས་ཤེས་སྐྱེས་པ་ན༔ སྐྱེ་མེད་དོན་གྱི་ངང་དུ་བཞག༔ ཡིད་མིག་རླུང་གསུམ་མི་འགུལ་བར༔ དབྱིངས་གསུམ་རྟ་མཆོག་རོལ་པའི་ལྷ༔ དུས་གསུམ་དུས་མེད་ཆེན་པོ་རུ༔ མཉམ་པར་བཞག་པས་རང་ཞལ་བལྟ༔ ས་མ་ཡ༔

རྗེས་ཀྱི་རིམ་པར་དང་པོ་ནི༔ ཚེ་བཅུད་འགུགས་ཕྱིར་ཐུགས་དམ་བསྐུལ༔ ཧྲཱིཿ སྐྱེ་མེད་འོད་གསལ་རྡོ་རྗེའི་མཁའ་དབྱིངས་ལས༔ འགགས་མེད་དབང་ཆེན་ཁྲོ་བོའི་རོལ་པར་ཤར༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ ཐུགས་དམ་བསྐུལ་ལོ་ཐུགས་རྗེའི་ཡེ་ཤེས་བསྐྱེད༔ ཧྲཱིཿ ཐོག་མའི་མགོན་པོ་ཀུན་བཟང་ཚེ་ཡི་ལྷས༔ འཁོར་འདས་དབྱེར་མེད་རྡོ་རྗེའི་ཚེ་བཅུད་ཁུག༔ འཆི་མེད་དབང་ཆེན་ཁྲོ་རྒྱལ་ཡབ་ཡུམ་གྱིས༔ ཟུང་འཇུག་སྐུ་དང་ཡེ་ཤེས་ཚེ་བཅུད་ཁུག༔ སྤྲུལ་པའི་རྣམ་རོལ་རིགས་བཞིའི་ཧེ་རུ་ཀས༔ ཁམས་གསུམ་སྐྱེ་འགྲོ་ཡོངས་ཀྱི་ཚེ་བཅུད་ཁུག༔ གང་འདུལ་ལས་མཛད་ཕྱོགས་སྐྱོང་སྒོ་མ་བཞིས༔ ས་ཆུ་མེ་རླུང་འབྱུང་བཞིའི་ཚེ་བཅུད་ཁུག༔ རབ་འབྱམས་རྩ་གསུམ་རྒྱ་མཚོའི་ལྷ་ཚོགས་ཀྱིས༔ བརྟན་གཡོ་སྣོད་བཅུད་སྲིད་ཞིའི་ཚེ་བཅུད་ཁུག༔ རྩེ་གཅིག་སྒྲུབ་པའི་རྣལ་འབྱོར་བདག་ཅག་གི༔ བླ་ཚེ་ཆད་ཉམས་ཡར་བ་རང་སོར་ཆུད༔ བར་ཆད་འབྱུང་པོའི་ཚོགས་རྣམས་དབྱིངས་སུ་སྒྲོལ༔ འཆི་མེད་འཇའ་ལུས་རྡོ་རྗེའི་དངོས་གྲུབ་སྩོལ༔ ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོདྷ་ཧྱ་གྲི་བ་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛ༔ སརྦ་སིདྡྷི་ཕ་ལ་ཧཱུྃ༔ ཀཱ་ཡ་ཝཱ་ཀ་ཙིཏྟ་དྷརྨ་དྷཱ་ཏུ་ཛྙཱ་ན་བཛྲ་རཀྵ་བྷྲཱུྃ༔ གཉིས་པ་མཆོད་བསྟོད་དངོས་གྲུབ་བླང་༔ ཧཱུྃ་ཧྲཱིཿ འཆི་མེད་བདེ་ཆེན་རྡོ་རྗེའི་ཕོ་བྲང་ནས༔ རྩ་གསུམ་དབང་ཆེན་ཚེ་ཡི་ལྷ་ཚོགས་ཀྱིས༔ མཆོག་དང་ཐུན་མོང་དངོས་གྲུབ་མ་ལུས་ཀུན༔ དེང་འདིར་སྐལ་ལྡན་བདག་ལ་སྩལ་དུ་གསོལ༔ རྩ་སྔགས་མཐར༔ ཀཱ་ཡ་ཝཱ་ཀ་ཙིཏྟ་སརྦ་སིདྡྷི་ཕ་ལ་ཧོཿ གསུམ་པ་རྟག་ཆད་མཐའ་བསལ་བ༔ ཨཱཿ སྣང་ཆར་ཤར་བའི་ཡེ་ཤེས་ལྷ་ཚོགས་ཀུན༔ སྐྱེ་མེད་བརྗོད་བྲལ་ཆོས་ཀྱི་དབྱིངས་སུ་ཐིམ༔ སླར་ཡང་རིག་སྟོང་ཟུང་འཇུག་ཡེ་ཤེས་ལས༔ སྒོ་གསུམ་དཀྱིལ་འཁོར་གསུམ་གྱི་ངང་དུ་སྦྱོར༔ ཧཱུྃ་ཧཱུྃ་ཧཱུྃ༔ བཞི་པ་བསྔོ་སྨོན་བྱ་བ་ནི༔ ཧོཿ དུས་གསུམ་བསགས་པའི་དགེ་ཚོགས་ཅི་མཆིས་པ༔ བློ་འདས་ཆོས་དབྱིངས་གཞོན་ནུ་བུམ་སྐུར་བསྔོ༔ འགྲོ་ཀུན་འཆི་མེད་རྩ་གསུམ་འདུས་པའི་ཞལ༔ རྟ་མཆོག་རོལ་པའི་གོ་འཕང་མྱུར་ཐོབ་ཤོག༔ ཤིས་པ་བརྗོད་ཅིང་མེ་ཏོག་འཐོར༔ མཚན་མ་རྫས་ཀྱི་དཀྱིལ་འཁོར་བསྡུ༔ དགའ་སྟོན་ཚོགས་ཀྱི་འཁོར་ལོ་སོགས༔ གཞུང་གཞན་དག་དང་མཐུན་པར་སྤྱད༔ ས་མ་ཡ༔ གནས་སྐབས་རྣམ་བཞིའི་ཕྲིན་ལས་དང་༔ ཚེ་དབང་རིག་འཛིན་མཆོག་འགྲུབ་ཅིང་༔ མཐར་ཐུག་པདྨ་གསུང་གི་དབྱིངས༔ སྦྱོར་བྱེད་རྡོ་རྗེའི་ཉེ་ལམ་འདི༔ རང་བྱུང་པདྨ་བདག་ཉིད་ཀྱི༔ ཏནྡྲ་ཀུན་གྱི་བཅུད་བསྡུས་ནས༔ འོད་གསལ་སྤྲུལ་པའི་རྡོ་རྗེའི་དོན༔ རིག་པ་དབྱིངས་ཀྱི་སྒྲོམ་བུར་སྦས༔ རྒྱ་རྒྱ་རྒྱ༔ བརྡ་ཐིམ༔ དྷཱི།༔ འཆི་མེད་དབང་ཆེན་འདུས་པ་ལས༔ སྨིན་བྱེད་བྱིན་རླབས་སྣང་བ་བཞུགས༔ དྷཱི།༔ དབང་ཆེན་འདུས་པའི་ལྷ་ལ་འདུད༔ སློབ་མ་རྗེས་སུ་འཛིན་འདོད་ན༔ དབེན་པའི་གནས་སུ་སྟེགས་བུའི་ཁར༔ དཀྱིལ་འཁོར་བཤམ་ཞིང་སྒྲུབ་རྫས་བཀྲམ༔ བདག་མདུན་དབྱེར་མེད་བསྐྱེད་བཟླས་བྱ༔ སྣོད་ལྡན་ཁྲུས་བྱས་གྲལ་ལ་འཁོད༔ བགེགས་ཕྲལ་སྲུང་བའི་འཁོར་ལོས་བཅིང་༔ ལོ་རྒྱུས་བཤད་ཅིང་མཎྜལ་འབུལ༔ དེ་ནས་གསོལ་བ་གདབ་པ་ནི༔ རིགས་རྣམས་ཀུན་བདག་ཆེ་བའི་མཆོག༔ རྡོ་རྗེ་སློབ་དཔོན་དགོངས་སུ་གསོལ༔ འཆི་མེད་རྩ་གསུམ་དཀྱིལ་འཁོར་དུ༔ མགོན་པོས་བདག་ནི་འཇུག་པར་འཚལ༔ ལན་གསུམ་སྐྱབས་སེམས་སྡོམས་པ་འབོགས༔ ལྷར་བསྐྱེད་ཡེ་ཤེས་དབབ་ཅིང་བསྟིམ༔ དངོས་གཞིར་བུམ་པ་སྤྱྀ་བོར་བསྐུར༔ ཧྲཱི༔ འཆི་མེད་རྟ་མཆོག་ཧེ་རུ་ཀའི༔ སྐུ་ཡི་དབང་བསྐུར་ཁྱོད་ལ་སྦྱིན༔ ཕུང་པོ་ལྷ་ཡི་སྐུར་སྨིན་ནས༔ སྣང་སྟོང་ཟུང་འཇུག་མངོན་གྱུར་ཤོག༔ བསྙེན་སྔགས་དང་༔ ཀཱ་ཡ་ཨ་བྷི་ཥིཉྩ་ཨོཾ༔ རྗེས་འབྲེལ་གཏོར་མ་སྤྱྀ་བོར་བཞག༔ ཧྲཱིཿ ཟབ་གསལ་གཉིས་མེད་དཀྱིལ་འཁོར་དུ༔ འཆི་མེད་རྩ་གསུམ་ལྷ་ཚོགས་བཞུགས༔ སྐལ་ལྡན་ཁྱོད་ལ་དབང་བསྐུར་བས༔ དངོས་གྲུབ་རྣམ་གཉིས་འགྲུབ་པར་ཤོག༔ བསྙེན་སྔགས་དང་༔ སརྦ་སིདྡྷི་བ་ལིཾ་ཏ་ཨ་བྷི་ཥིཉྩ་ཨོཾ༔ རྩ་བའི་སྔགས་བྱང་མགྲིན་པར་གཏད༔ ཧྲཱིཿ འཆི་མེད་རྟ་མཆོག་ཧེ་རུ་ཀའི༔ གསུང་གི་དབང་བསྐུར་ཁྱོད་ལ་སྦྱིན༔ སྲོག་སྩོལ་སྔགས་སུ་ཡོངས་སྨིན་ནས༔ གསལ་སྟོང་ཟུང་འཇུག་མངོན་གྱུར་ཤོག༔ བསྙེན་སྔགས་དང་༔ ཝཱཀྐ་ཨ་བྷི་ཥིཉྩ་ཨཱཿ རྗེས་འབྲེལ་སྔགས་ཀྱི་བཟླས་ལུང་དང་༔ མཐའ་བརྟེན་ཚེ་ཡི་བདུད་རྩི་སྦྱིན༔ ཧྲཱིཿ རྩ་གསུམ་དབང་ཆེན་འདུས་པ་ཡི༔ བྱིན་རླབས་དངོས་གྲུབ་ཀུན་གྱི་དབྱིག༔ འཆི་མེད་བདུད་རྩི་འདི་བྱིན་པས༔ རླུང་ལྔ་དབུ་མར་ཐིམ་པར་ཤོག༔ སྒྲུབ་སྔགས་དང་༔ མ་ཧཱ་པཉྩ་ཨ་ཡུརྫྙཱ་ན་ཨ་མྲྀ་ཏ་ཨ་བྷི་ཥིཉྩ་ཨཱཿ ཡབ་ཡུམ་ཕྱག་མཚན་སྙིང་གར་བཞག༔ ཧྲཱིཿ འཆི་མེད་རྟ་མཆོག་ཧེ་རུ་ཀའི༔ ཐུགས་ཀྱི་དབང་བསྐུར་ཁྱོད་ལ་སྦྱིན༔ རྟོག་ཚོགས་ཆོས་ཀྱི་སྐུར་སྨིན་ནས༔ བདེ་སྟོང་ཟུང་འཇུག་མངོན་གྱུར་ཤོག༔ བསྙེན་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ མཐའ་བརྟེན་ཚེ་ཡི་རིལ་བུ་བྱིན༔ ཧྲཱི༔ སྲིད་ཞིའི་དྭངས་མ་འདུས་པའི་བཅུད༔ རྡོ་རྗེ་བདུད་རྩིའི་རིལ་བུ་འདི༔ སྐལ་ལྡན་ཁྱོད་ལ་སྦྱིན་པ་ཡིས༔ དགའ་བཞིའི་ཡེ་ཤེས་འཕེལ་བར་ཤོག༔ སྒྲུབ་སྔགས་དང་༔ ཨཱ་ཡུརྫྙཱ་ན་མ་ཧཱ་སུ་ཁ་ཨ་བྷི་ཥིཉྩ་ཧཱུྃ༔ ཤེལ་དང་མེ་ལོང་དཀྱིལ་འཁོར་བསྟན༔ ཧྲཱིཿ འཆི་མེད་རྟ་མཆོག་ཧེ་རུ་ཀའི༔ ཡེ་ཤེས་དབང་བསྐུར་ཁྱོད་ལ་སྦྱིན༔ སྒོ་གསུམ་ངོ་བོ་ཉིད་སྐུའི་ཀློང་༔ རིག་སྟོང་ཟུང་འཇུག་མངོན་གྱུར་ཤོག༔ བསྙེན་སྔགས་དང་༔ ཛྙཱ་ན་ཨ་བྷི་ཥིཉྩ་ཨཱཿ རྗེས་འབྲེལ་ཕུར་པ་ལག་གཡས་སྦྱིན༔ ཧཱུྃ༔ དབང་ཆེན་དྲག་པོ་ཀཱི་ལ་ཡ༔ རིགས་འདུས་ཕུར་བུ་འདི་གཏད་པས༔ བྱིན་རླབས་ཕྲིན་ལས་ཡོངས་རྫོགས་ནས༔ ཁམས་གསུམ་འགྲོ་ཀུན་སྒྲོལ་བར་ཤོག༔ ལས་སྦྱོར་གྱི་སྔགས་དང་༔ བཛྲ་ཀཱི་ལི་ཀཱི་ལ་ཡ་ཨ་བྷི་ཥིཉྩ་ཧཱུྃ་ཨཱཿ སྤྲོ་ན་གཟུགས་བརྙན་སྦྱོར་བ་ལས༔ ཚེ་བདུད་བར་ཆད་ཡོངས་བཀུག་ནས༔ རྡོ་རྗེ་ཕུར་བུས་བསྒྲལ་བའི་མཐར༔ དཀྱིལ་འཁོར་ལྷ་ཚོགས་ཞལ་དུ་སྦྱོར༔ རྗེས་ལ་ཚེ་འགུག་རྒྱ་ཡིས་གདབ༔ དབང་ཆེན་རིགས་ལྔའི་ཕྱག་རྒྱས་སྲུང་༔ དམ་ཚིག་བསྡུས་ཏེ་འཛིན་པ་སོགས༔ གསང་བ་སྤྱྀ་དང་མཐུན་པར་སྤྱད༔ ས་མ་ཡ༔ དེ་ལྟར་འཆི་མེད་རྟ་མཆོག་དཔལ༔ རྩ་གསུམ་ཡོངས་རྫོགས་དཀྱིལ་འཁོར་ལྷའི༔ དབང་བསྐུར་བྱིན་རླབས་སྣང་བ་འདིས༔ བསྙེན་རྫོགས་རྟགས་ལྡན་རྣལ་འབྱོར་པས༔ རྡོ་རྗེའི་སློབ་མ་རྗེས་བཟུང་ན༔ གནས་སྐབས་ཚེ་ཡི་བར་ཆད་ཞི༔ ཕྲིན་ལས་རྣམ་བཞི་གང་བརྩམས་འགྲུབ༔ མཐར་ཐུག་རྩ་རླུང་ཐིག་ལེའི་ཁམས༔ སྒྲིབ་བྲལ་དྭངས་མའི་ལྷ་སྐུར་སྨིན༔ དེ་ཕྱིར་སྙིང་ཁྲག་ཡང་ཞུན་འདི༔ རིག་པ་དབྱིངས་ཀྱི་སྒྲོམ་བུར་རྒྱ༔ དུས་བབས་གཞན་དོན་མཐར་ཕྱིན་ཤོག༔ རྒྱ་རྒྱ་རྒྱ༔ བརྡ་ཐིམ༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཁྲག་འཐུང་འདུས་པའི་དྲིལ་སྒྲུབ་བཞུགས༔ དྷཱི།༔ དཔལ་ཆེན་ཧེ་རུ་ཀ་ལ་འདུད༔ མ་འོངས་མཚོ་སྐྱེས་བདག་ཉིད་ཀྱིས༔ བྱི་རླབས་སྦས་པའི་རིག་འཛིན་ཕྱིར༔ གསང་བའི་ཐུགས་དམ་མཐར་ཐུག་པ༔ ཁྲག་འཐུང་འདུས་པའི་དྲིལ་སྒྲུབ་བསྟན༔ ས་མ་ཡ༔ དབེན་ཞིང་བྱིན་རླབས་ཟིལ་ལྡན་པ༔ དུར་ཁྲོད་ལ་སོགས་གནས་མཆོག་ཏུ༔ ཐོད་སྐུ་མཚན་ཉིད་ལྡན་པའི་མདུན༔ སྣང་གསལ་མར་མེར་རྟེན་འཆའ་ཞིང་༔ ཕྱི་ནང་གསང་མཆོད་ཅི་འབྱོར་དཀྲམ༔ བསམ་གཏན་སྣོད་དུ་རུང་བ་ན༔ སྔོན་འགྲོའི་དང་པོ་སྐྱབས་སེམས་ནི༔ ཧཱུྃ༔ གསང་བ་མཆོག་གི་དགྱེས་པ་ན༔ ཐམས་ཅད་བདག་ཉིད་རྟག་བཞུགས་པའི༔ བླ་མ་ཧེ་རུ་ཀ་དཔལ་ལ༔ སྐྱབས་གསོལ་བྱང་ཆུབ་སེམས་གཉིས་བསྐྱེད༔ གཉིས་པ་བགེགས་བསྐྲད་མཚམས་བཅད་ནི༔ ཧཱུྃ༔ གསང་བ་མཆོག་གི་དཀྱིལ་འཁོར་འདིར༔ གཉིས་འཛིན་འཁྲུལ་པའི་བགེག་ཚོགས་ཀུན༔ རང་བཞིན་མེད་པའི་དབྱིངས་སུ་དེངས༔ འོད་གསལ་ཆོས་སྐུར་མཚམས་བཅད་དོ༔ ཧཱུྃ་ཧཱུྃ་ཧཱུྃ༔ བཛྲ་ཛྙཱ་ན་རཀྵ་བྷྲཱུྃ༔ གསུམ་པ་བྱིན་ཆེན་དབབ་པ་ནི༔ ཧཱུྃ༔ བརྡལ་ཁྱབ་འོད་གསལ་ཆེན་པོའི་དབྱིངས༔ ཡེ་ཤེས་སྒྱུ་མའི་སྐུར་བཞེངས་པ༔ ཁྲག་འཐུང་དཀྱིལ་འཁོར་རབ་འབྱམས་ཀྱིས༔ དབང་བསྐུར་བྱིན་ཕོབ་དངོས་གྲུབ་སྩོལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ བཛྲ་ཛྙཱ་ན་ཨ་བེ་ཤ་ཡ་ཨ་ཨཱཿ བཞི་པ་དམ་རྫས་བྱིན་རླབས་ནི༔ ཨོཾ་ཨཱཿཧཱུྃ༔ སྣོད་བཅུད་དུར་ཁྲོད་རོལ་པའི་ཞིང་༔ སྣང་སྲིད་དཔལ་གྱི་དམ་ཚིག་རྫས༔ ཕྱི་ནང་གསང་བ་རྨད་བྱུང་བའི༔ མཆོད་པའི་ཕྱག་རྒྱ་ཆེན་པོར་གྱུར༔ ཨོཾ་སརྦ་པཱུ་ཛ་མ་ཧཱ་མུ་དྲ་ས་མ་ཡེ་ཨཱཿཧཱུྃ༔ ས་མ་ཡ༔

དངོས་གཞིའི་དང་པོ་བསྐྱེད་རིམ་ནི༔ ཧཱུྃ༔ ཡང་དག་གྲུབ་པ་གཅིག་པུ་ཉིད༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་བའི་མཆོག༔ ཆོས་སྐུ་དེ་བཞིན་ཉིད་དབྱིངས་ལས༔ ལོངས་སྐུ་ཡེ་ཤེས་སྒྱུ་མའི་ཚུལ༔ སྤྲུལ་སྐུ་རྒྱུ་ཡི་ས་བོན་ཧཱུྃ༔ འབར་བ་ཆེན་པོའི་ཆོ་འཕྲུལ་གྱིས༔ གཟུང་འཛིན་དངོས་ཀུན་སྟོང་པར་སྦྱངས༔ སྟོང་པའི་ངང་ལས་འབྱུང་རིམ་སྟེང་༔ སྲུང་འཁོར་དུར་ཁྲོད་བཀོད་པ་དང་༔ རིན་ཆེན་གཞལ་མེད་ཁང་ཆེན་དབུས༔ པད་ཉི་ལྷ་ཆེན་ཕོ་མོའི་སྟེང་༔ ཧཱུྃ་ཡིག་ཡོངས་གྱུར་སྐད་ཅིག་གིས༔ བདག་ཉིད་སྤྱྀ་དཔལ་ཧེ་རུ་ཀ༔ མཐིང་ནག་ནམ་མཁའ་དྭངས་པའི་མདོག༔ ཞལ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་གཡོན་དམར་དབུས་མཐིང་བའི༔ ཡེ་ཤེས་རྔམས་པའི་ཞལ་དང་ལྡན༔ ཕྱག་དྲུག་ཡེ་ཤེས་རྟགས་ཀྱི་རྒྱ༔ རྡོ་རྗེ་ཁ་ཊྭཱྃ་རྔེའུ་ཆུང་གཡས༔ དྲིལ་བུ་བྷན་དམར་རྒྱུ་ཞགས་གཡོན༔ དཔལ་དང་དུར་ཁྲོད་ཆས་ཀྱིས་བརྗིད༔ སྦྱོར་ཡུམ་ཀྲོ་དྷཱི་ཤྭ་རི་མ༔ མཐིང་སྐྱ་རྡོ་རྗེ་དུང་ཁྲག་འཛིན༔ དཔལ་ཆེན་ཡབ་ལ་དགྱེས་པ་སྐྱེད༔ རུས་པའི་ཕྱག་རྒྱ་གཟིག་ཤམ་འཆང་༔ ཡབ་ཡུམ་གར་དགུའི་ཉམས་ལྡན་པས༔ ཡེ་ཤེས་མེ་ཕུང་དབུས་ན་རོལ༔ ཐུགས་ཀར་རིན་ཆེན་ཟུར་བརྒྱད་པའི༔ ལྟེ་བར་པད་ཉི་དྲེགས་པའི་སྟེང་༔ ཡེ་ཤེས་སྙིང་པོ་ཀཱི་ལ་ཡ༔ མཐིང་ནག་ཕུར་འདྲིལ་ཡུམ་དང་འཁྱུད༔ ཁྲོ་བོའི་ཆས་རྫོགས་མེ་ཕུང་དབུས༔ བདེ་ཆེན་གཟི་བྱིན་མཆོག་ཏུ་འབར༔ ཟུར་བརྒྱད་ཡེ་ཤེས་འོད་ལྔའི་ཀློང་༔ ཤར་དུ་གཽ་རཱི་ནམ་མཁའི་མདངས༔ ལྷོ་རུ་ཙཽ་རཱི་གསེར་གདོག་འཚེར༔ ནུབ་ཏུ་པྲ་མོ་རཱ་གའི་འོད༔ བྱང་དུ་བེ་ཏཱ་མ་རྒད་མདོག༔ ཤར་ལྷོར་པུཀྐ་སྐུ་མདོག་སེར༔ ལྷོ་ནུབ་གྷསྨ་དམར་ལྗང་བརྗིད༔ ནུབ་བྱང་སྨེ་ཤ་མཐིང་ནག་རྔམས༔ བྱང་ཤར་ཙཎྜ་སེར་སྐྱ་བཞད༔ ཀུན་ཀྱང་ཌཱ་རུ་ཐོད་ཆང་བསྣམས༔ གྲུ་མོ་གཡས་ན་ཁ་ཊྭཱྃ་འཁྲིལ༔ གར་ཐབས་ཞི་རྐྱང་གདན་ལ་བཞེངས༔ གཞན་ཡང་ཕུང་ཁམས་སྐྱེ་མཆེད་ཀུན༔ ཁྲག་འཐུང་འདུས་པའི་ཕྱག་རྒྱར་གསལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔ གནས་གསུམ་རྡོ་རྗེའི་འབྲུ་གསུམ་གྱིས༔ སྐུ་གསུང་ཐུགས་སུ་བྱིན་རླབས་ཤིང་༔ བདེ་བ་ཆེན་པོའི་རླབས་གཡོས་པས༔ ཡེ་ཤེས་ལྔ་ཡི་དབང་རྫོགས་གྱུར༔ ཨོཾ་ཨཱཿཧཱུྃ༔ པཉྩ་ཛྙཱ་ན་ཨ་བྷི་ཥིཉྩ་ཧོ༔ དེ་ལྟར་དཀྱིལ་འཁོར་གསལ་བཏབ་ནས༔ རྩེ་གཅིག་སེམས་བཟུང་ཏིང་འཛིན་བརྟན༔ གསལ་སྣང་རྒྱུད་ལ་ཤར་བ་ན༔ གཉིས་པ་ཡེ་ཤེས་དྲང་བསྟིམ་ནི༔ ཧཱུྃ༔ དགའ་བའི་ལྕགས་ཀྱུས་རྒྱུད་བསྐུལ་ཞིང་༔ མཆོག་དགའི་ཞགས་པས་རྟེན་དང་བསྲེ༔ ཁྱད་པར་སྒྲོག་གིས་མི་ཕྱེད་བཅིངས༔ ལྷན་སྐྱེས་དྲིལ་བུས་དབྱེར་མེད་བརྟེན༔ རང་སྣང་དམ་ཚིག་དཀྱིལ་འཁོར་དུ༔ འཇུག་པའི་ཡེ་ཤེས་མཉམ་སྦྱོར་བའི༔ དབང་དང་བྱིན་རླབས་རྨད་པོ་ཆེའི༔ དངོས་གྲུབ་རྣམ་གཉིས་སྩལ་དུ་གསོལ༔ ཨོཾ་ཤྲཱི་ཧེ་རུ་ཀ་སརྦ་མཎྜལ་ཧྲཱིཾ་ཧྲཱིཾ་ཕེཾ་ཕེཾ༔ ཛཿཧཱུྃ་བྃ་ཧོ༔ ས་མ་ཡ་སྟཱཾ གསུམ་པ་བརྡ་ཡི་ཕྱག་གིས་འདུད༔ ཧཱུྃ༔ སངས་རྒྱས་སེམས་ཅན་མཉམ་སྦྱོར་བའི༔ ཁྲག་འཐུང་ཆེན་པོ་རང་རིག་ངང་༔ གཉིས་མེད་ལྟ་བས་མཇལ་བའི་ཕྱིར༔ བླང་དོར་མེད་པར་བཞེས་སུ་གསོལ༔ ཨ་ཏི་པཱུ་ཧོ༔ ན་མ་དྷཱི༔ བཞི་པ་མཆོད་པའི་དམ་ཚིག་ནི༔ ཧཱུྃ༔ ཁྲག་འཐུང་རྡོ་རྗེའི་དབང་པོའི་ཡུལ༔ བདེ་ཆེན་ཡེ་ཤེས་མཆོད་པའི་སྤྲིན༔ ཕྱི་ནང་གསང་བའི་དམ་ཚིག་ཅན༔ དགྱེས་མཉམ་མཆོག་གི་རྒྱན་དུ་རོལ༔ ཨོཾ་ཤྲཱི་ཧེ་རུ་ཀ་མཎྜལ་ས་པ་རི་ཝཱ་ར་ཨརྒྷཾ་པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བིདྱ་ཤཔྡ་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་སྟ་ན་ག་ཎ་མ་ཧཱ་སུ་ཁ་པཱུ་ཛ་ཧོ༔ ལྔ་པ་དགྱེས་བཞད་གླུ་ཡིས་བསྟོད༔ ཧཱུྃ༔ སངས་རྒྱས་ཀུན་གྱི་གསང་བ་ཆེ༔ རྡོ་རྗེ་ཁྲག་འཐུང་ཆེན་པོར་བཞེངས༔ ཡེ་ཤེས་སྒྱུ་འཕྲུལ་མཐའ་ཡས་པའི༔ དཀྱིལ་འཁོར་ལྷ་ཚོགས་ཀུན་ལ་བསྟོད༔ དྲུག་པ་བསྙེན་སྒྲུབ་ལས་སྦྱོར་གྱི༔ བཟླས་པས་བསྐུལ་ཞིང་སྒྲུབ་པ་ནི༔ རྡོ་རྗེ་གཞོན་ནུའི་ཐུགས་ཀ་རུ༔ བདེ་སྟོང་ཉི་ཟླ་ཁ་སྦྱོར་སྦུབས༔ ཟུང་འཇུག་ཏིང་འཛིན་ཧཱུྃ་མཐིང་ག༔ སྔགས་ཀྱིས་བསྐོར་བའི་འོད་ཟེར་སྤྲིན༔ ཡབ་ཡུམ་ཞལ་དང་གསང་བ་ནས༔ འགལ་མེ་ལྟ་བུར་འཁོར་བ་ཡིས༔ བདེ་བ་ཆེན་པོས་རྒྱུད་གང་སྟེ༔ མཆོག་ཐུན་དངོས་གྲུབ་ཐོབ་པར་གྱུར༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ དེ་ནི་བསྙེན་པའི་དགོངས་པའོ༔ དཔལ་ཆེན་བཛྲ་ཀུ་མཱ་རའི༔ ཐུགས་དམ་ཛབ྄་ཀྱིས་བསྐུལ་བ་ནི༔ སྐུ་གསུང་ཐུགས་ཀྱི་ཡེ་ཤེས་དབྱིག༔ ལྷ་སྔགས་ཕྱག་མཚན་རྣམ་པར་འཕྲོས༔ རྩ་གསུམ་རྒྱལ་བ་མཆོད་པས་བརྙེས༔ ཁམས་གསུམ་ཉོན་མོངས་དུག་ཆེན་སྦྱངས༔ ས་གསུམ་བདུད་བཞི་ཚར་བཅད་ནས༔ དངོས་གྲུབ་མཆོག་གི་གཏེར་དུ་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕ¿ཊ༔ དེ་ནི་སྒྲུབ་པའི་དགོངས་པའོ༔ མ་མོ་བརྒྱད་ཀྱི་ཐུགས་ཀ་རུ༔ ཉི་སྟེང་ས་བོན་སྔགས་ཀྱིས་མཚན༔ དཔལ་ཆེན་ཐུགས་སྲོག་འོད་ཟེར་གྱིས༔ དམ་ཚིག་རྗེས་སུ་བསྐུལ་བ་ལས༔ རང་རང་བདེ་བའི་ཡེ་ཤེས་སྐུ༔ སྔགས་ཕྲེང་ཕྱག་མཚན་བཅས་པ་འཕྲོས༔ འཁོར་འདས་བརྟན་གཡོའི་ཁམས་ཀུན་ཁྱབ༔ མི་མཐུན་ཞི་ཞིང་ལེགས་ཚོགས་རྒྱས༔ སྣང་སེམས་དབང་བསྡུས་དགྲ་བགེགས་བཏུལ༔ དབྱེ་བསྐྲད་རེངས་ཤིང་རྨོངས་པ་སོགས༔ ལས་ཀྱི་དངོས་གྲུབ་བསྒྲུབ་པར་གྱུར༔ ཨོཾ་ཨཱཿབཛྲ་གྃ་ཧཱུྃ་ཕཊ༔ ཨོཾ་ཤཱནྟིཾ་ཀུ་རུ་སྭཱ་ཧཱ༔ ཨོཾ་ཨཱཿབཛྲ་ཙྃ་ཧཱུྃ་ཕ¿ཊ༔ བྷྲཱུྃ་པུཥྟིཾ་ཀུ་རུ་ཨོཾ༔ ཨོཾ་ཨཱཿབཛྲ་བྃ་ཧཱུྃ་ཕ¿ཊ༔ ཧྲཱིཿཝ་ཤཾ་ཀུ་རུ་ཧོ༔ ཨོཾ་ཨཱཿབཛྲ་བྃ་ཧཱུྃ་ཕ¿ཊ༔ ཧཱུྃ་མཱ་ར་ཡ་ཕ¿ཊ༔ ཨོཾ་ཨཱཿབཛྲ་བྃ་ཧཱུྃ་ཕ¿ཊ༔ པྲ་བེ་ཤ་ཡ་ཕ¿ཊ༔ ཨོཾ་ཨཱཿབཛྲ་གྷཾ་ཧཱུྃ་ཕ¿ཊ༔ ཨུཙྪ་ཊ་ཡ་ཕ¿ཊ༔ ཨོཾ་ཨཱཿབཛྲ་ཤཾ་ཧཱུྃ་ཕ¿ཊ༔ སྟམྦྷ་ཡ་ཕཊ༔ ཨོཾ་ཨཱཿབཛྲ་ཙྃ་ཧཱུྃ་ཕཊ༔ མོ་ཧ་ཡ་ཕཊ༔ དེ་ནི་ལས་ཀྱི་དགོངས་པའོ༔ བསྙེན་པ་འབུམ་ཕྲག་བརྒྱད་ཡིན་ཏེ༔ སྒྲུབ་པའི་གསང་སྔགས་དེ་ཡི་ཕྱེད༔ ལས་སྦྱོར་ཁྲི་ཕྲག་རེ་རེས་འགྲུབ༔ བསྐྱེད་རིམ་གསལ་བས་ལྷ་ཞལ་འཁུལ༔ བཟླས་བརྗོད་དག་པས་ཡ་མཚན་སྒྲ༔ དགོངས་པ་བརྟན་པས་ཏིང་འཛིན་འབར༔ དྲོད་ཐོབ་དངོས་གྲུབ་མཆོག་བརྙེས་འགྱུར༔ ས་མ་ཡ༔ ཐུན་མཚམས་ཚོགས་ཀྱི་མཆོད་པ་ནི༔ མཚན་ཉིད་ལྡན་པའི་བནྡྷ་རུ༔ མ་ད་ན་དང་བ་ལ་སོགས༔ དམ་ཚིག་རྫས་བཤམ་བསང་ཆུས་བྲན༔ རྃ་ཡྃ་ཁྃ༔ འཕྲུལ་བཞད་ཡིད་བཞིན་རིན་ཆེན་ཀ་པཱ་ལ༔ སྟོང་གསུམ་དང་མཉམ་ཡངས་པའི་སྣོད་མཆོག་ཏུ༔ རིགས་ལྔ་ཡབ་ཡུམ་མཉམ་སྦྱོར་བདུད་རྩིའི་བཅུད༔ བདེ་བ་ཆེན་པོའི་འདོད་ཡོན་གཏེར་དུ་གྱུར༔ ཨོཾ་ཧཱུྃ་ཏྲཱྃ་ཧྲཱིཿཨཱཿ ག་ན་ཙཀྲ་པཱུ་ཛ་ཨཱཿཧཱུྃ༔ གསང་བའི་རྔཻའུ་ཆུང་སྒྲས་བསྐུལ་ཏེ༔ ཚོགས་ཞིང་སྤྱན་དྲངས་མཆོད་པ་འབུལ༔ ཉམས་ཆགས་བཤགས་ཤིང་བསྒྲལ་བསྟབ་བྱ༔ ཧཱུྃ༔ དབྱིངས་ནས་སྐུ་བསྐྱོད་རིག་འཛིན་བླ་མ་དང་༔ ཁྲག་འཐུང་འདུས་པ་རྩ་གསུམ་དཀྱིལ་འཁོར་ལྷ༔ ཚོགས་ཀྱི་ལོངས་སྤྱོད་ཆེན་པོར་སྤྱན་འདྲེན་ན༔ དམ་ཚིག་ཐུགས་རྗེའི་དབང་གིས་གཤེགས་སུ་གསོལ༔ བཛྲ་ས་མ་ཡ་ཛཿ ཧཱུྃ༔ ཡུལ་དང་དབང་པོ་དབྱེར་མེད་བདེ་བ་ཆེ༔ རྡོ་རྗེའི་དམ་རྫས་ཚོགས་ཀྱི་མཆོད་པ་བཞེས༔ རྩ་བ་ཡན་ལག་དམ་ཚིག་ཉམས་ཆག་ཀུན༔ ལྷ་དང་རྟོག་པ་དབྱེར་མེད་དབྱིངས་སུ་བསྐང་༔ གཟུང་འཛིན་ལས་བྱུང་གཉིས་སྣང་དགྲ་བགེགས་བསྒྲལ༔ ཤ་ཁྲག་བདེ་སྟོང་འོད་གསལ་ཀློང་དུ་བཞེས༔ ཐུན་མོང་ལས་དང་ཡེ་ཤེས་རྨད་པོ་ཆེའི༔ དངོས་གྲུབ་རྣམ་གཉིས་དུས་འདིར་སྩལ་དུ་གསོལ༔ ཨོཾ་ཤྲཱི་ཧེ་རུ་ཀ་མཎྜལ་ལ་ས་པ་རི་ཝཱ་ར་ག་ཎ་ཙཀྲ་པཱུ་ཛ་ཧོ༔ ས་མ་ཡ་ཤུདྡྷེ་ཨཱཿ སརྦ་ཤཱ་ཏྲཱུྃ་བིགྷྣཱན་མཱ་ར་ཡ་ཁ་ཁ་ཁཱ་ཧི་ཁཱ་ཧི༔ དེ་ནས་དམ་ཚིག་རྫས་ཀྱི་མཆོག༔ ནང་གི་མཆོད་པར་མཉམ་རོལ་ཞིང་༔ གསང་བ་སྙོམས་འཇུག་བདེ་ཆེན་སྐྱེད༔ སླར་ཡང་མ་སྲིང་མཁའ་འགྲོ་མཆོད༔ པཉྩ་ཨ་མྲྀ་ཏ་ཧཱུྃ་ཧོ༔ ཕེཾ་ཕེཾ༔ དཔལ་ཆེན་ཁྲག་འཐུང་སྤྱན་སྔར་དམ་བཅས་པའི༔ ལྷག་ལ་དབང་བའི་མ་སྲིང་མཁའ་འགྲོ་གིང་༔ ཁྲག་འཐུང་ཞལ་ཆབ་ཚོགས་ཀྱི་འདོད་ཡོན་ཞེས༔ འཁོར་སྲུང་རྐྱེན་ཟློག་རྣམ་བཞིའི་ཕྲིན་ལས་སྒྲུབས༔ མ་མ་ཌཱ་ཀ་ཌཱ་ཀི་ནཱི་པྲ་ཏཱིཙྪ་བ་ལིཾ་ཏ་ཁཱ་ཧི༔ གསང་ཆེན་རྡོ་རྗེའི་རིགས་གཅིག་ཏུ༔ སྨོན་ལམ་གདབ་ལ་མཐར་དབྱུང་ངོ་༔ ས་མ་ཡ༔ རྗེས་སུ་མཆོད་བསྟོད་དངོས་གྲུབ་གསོལ༔ ཨོཾ༔ དཔལ་ཆེན་ལྷ་ཚོགས་དང་པོར་རྩེ་གཅིག་བསྙེན༔ བར་དུ་བསྒྲུབས་པས་ཡེ་ཤེས་གཟི་བྱིན་བསྐྱེད༔ དེང་འདིར་གསོལ་ཞིང་བསྐུལ་བའི་དུས་ལགས་ན༔ ལས་དང་ཡེ་ཤེས་དངོས་གྲུབ་སྩལ་དུ་གསོལ༔ སྔགས་མཐར༔ ཀཱ་ཡ་ཝཱ་ཀ་ཙིཏྟ་སིདྷི་ཕ་ལ་ཧཱུྃ༔ ཞེས་པས་བསྐུལ་ཞིང་གསོལ་བཏབ་ནས༔ འབར་བའི་མར་མེ་ལྷར་གསལ་བ༔ གནས་གསུམ་རེག་པས་ལྷ་ཚོགས་ཀྱི༔ གསང་གསུམ་བྱིན་རླབས་སྐུ་དང་སྔགས༔ ཡེ་ཤེས་འོད་ཀྱི་རྣམ་པར་བསྟིམ༔ རྡོ་རྗེའི་དངོས་གྲུབ་ཐོབ་པར་བསམ༔ ནོངས་པ་བཤགས་ཤིང་ཡེ་ཤེས་པ༔ ཐོད་པའི་སྐུ་དང་དབྱེར་མེད་བསྟིམ༔ དམ་ཚིག་འཁོར་ལོ་དབྱིངས་སུ་བསྡུ༔ ཐིག་ལེ་ཉག་གཅིག་ངང་དུ་བཞག༔ ཐུན་མཚམས་སྒྱུ་མའི་ཕྱག་རྒྱར་ལྡང་༔ དགེ་བ་བསྔོ་ཞིང་སྨོན་ལམ་གདབ༔ ཤིས་བརྗོད་མེ་ཏོག་ཕྱོགས་བཅུར་འཐོར༔ ས་མ་ཡ༔ དཔལ་ཆེན་ཁྲག་འཐུང་དགོངས་པའི་གདིང་༔ རྡོ་རྗེ་རུ་ལུ་འབྲུ་བརྒྱད་ཀྱི༔ གཞི་རྒྱུད་ཚོགས་བརྒྱད་རྣམ་དག་པ༔ ཡེ་ཤེས་ཆེན་པོའི་ངོ་བོར་གནས༔ ལམ་དུས་བདེ་ཆེན་མི་མོ་བརྒྱད༔ ཀུན་འདུས་དཔལ་ཆེན་ཕྱག་རྒྱར་རྫོགས༔ འབྱུང་བའི་སྒྲ་ཀུན་སྔགས་སུ་སྦྱར༔ དྲན་རྟོག་རྒྱུ་དང་འབྲས་བུ་ཡི༔ ཡུལ་ཅན་དགའ་བ་བརྒྱད་ཀྱི་སེམས༔ ཡེ་ཤེས་བརྒྱད་ཀྱི་སྲོག་ལྡན་པས༔ ནང་གི་ས་ལ་མྱུར་བགྲོད་དེ༔ མཐར་ཐུག་འབྲས་བུའི་ཧེ་རུ་ཀ༔ རྣམ་ཐར་བརྒྱད་དང་ལྡན་པའི་བདག༔ ཚེ་འདིར་འགྲུབ་བྱེད་མྱུར་བའི་ལམ༔ མངོན་ཏུ་སྤྱོད་པའི་སྐལ་ལྡན་གྱི༔ ཕྱི་ནང་བར་ཆད་ལྡོག་པའི་མཚོན༔ རྡོ་རྗེ་གཞོན་ནུའི་གོ་ཆར་བཅས༔ སྔོན་ཆད་གཞན་དུ་མ་བསྟན་པ༔ ཟབ་ཅིང་སྙིང་པོར་དྲིལ་བ་འདི༔ སྐལ་ལྡན་མཆོག་གི་དཔལ་དུ་ཤོག༔ ས་མ་ཡ༔ རྒྱ་རྒྱ་རྒྱ༔ གུཧྱ༔ བརྡ་ཐིམ༔

སྤྲུལ་པའི་གཏེར་ཆེན་རིག་འཛིན་གྲུབ་ཐོབ་རྒྱ་མཚོའི་འཁོར་ལོས་སྒྱུར་བ་འོད་གསལ་སྤྲུལ་པའི་རྡོ་རྗེའི་ཞལ་སྔ་ནས་གཏན་ལ་ཕབ་རིམ་བཞིན༔ བཀའ་སློབ་བླཽ་གྲོས་མཐའ་ཡས་ཀྱི་གུས་པ་ཆེན་པོས་བྲིས་པ་དགེ་ལེགས་འཕེལ༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཁྲག་འཐུང་འདུས་པའི་དབང་ཆོག་བཞུགས༔ དྷཱི།༔ དཔལ་ཆེ་ཧེ་རུ་ཀ་ལ་འདུད༔ ཁྲག་འཐུང་འདུས་པའི་དཀྱིལ་འཁོར་དུ༔ སློབ་མ་སྨིན་བྱེད་ཆོ་ག་ནི༔ དབེན་པའི་གནས་སུ་སྟེགས་བུའི་ཁར༔ མཚན་མའི་དཀྱིལ་འཁོར་དབུས་ཉིད་དུ༔ རང་བྱུང་སྣོད་མཆོག་ཀ་པཱ་ལར༔ མར་མེ་དགུ་ཉིད་རྟེན་དུ་བཤམ༔ རིག་འཛིན་བླ་མའི་གཏོར་མ་དང་༔ གདབ་པའི་ཕུར་པ་དག་ཀྱང་དགོད༔ མཆོད་ཚོགས་བཟང་པོས་མཐའ་བསྐོར་ལ༔ བདག་དང་མདུན་རྟེན་དབྱེར་མེད་པར༔ ཧེ་རུ་ཀ་ཡི་ཕྱག་རྒྱར་བསྒོམ༔ བཟླས་པས་བསྐུལ་ཞིང་ཚོགས་མཚོན་བྱ༔ ལྷ་དང་རང་རིག་དབྱེར་མེད་པའི༔ དོན་གྱི་འཇུག་པས་ནུས་པ་བསྐྱེད༔ སྣོད་ལྡན་ངེས་པར་ཁྲུས་ནས་དབྱུང་༔ བགེགས་ལ་བཀའ་བསྒོ་སྲུང་མཚམས་བཅད༔ མཎྜལ་འབུལ་ཞིང་གསོལ་གདབ་ནི༔ ཧོ༔ གསང་བ་མཆོག་གི་དགྱེས་པ་ན༔ ཐམས་ཅད་བདག་ཉིད་རྟག་བཞུགས་པའི༔ ཧེ་རུ་ཀ་དཔལ་སློབ་དཔོན་གྱིས༔ བདག་ཅག་ཡོངས་སུ་སྨིན་མཛད་གསོལ༔ ལན་གསུམ་གསོལ་བཏབ་རྒྱུད་སྦྱང་ཞིང་༔ རྣམ་པ་གསུམ་གྱི་དམ་བཅའ་སྦྱིན༔ སློབ་མ་ཡང་དག་ཧེ་རུ་ཀ༔ ལུས་དཀྱིལ་དང་བཅས་གསལ་གདབ་སླད༔ གཏོར་མ་རིག་འཛིན་བླ་མར་གསལ༔ སྤྱྀ་བོར་བཞག་ཅིང་བྱིན་ཆེན་དབབ༔ ཧཱུྃ༔ ཡང་དག་གྲུབ་པའི་རིག་འཛིན་རྣམས༔ ཆོས་ཀྱི་དབྱིངས་ནས་གནས་འདིར་གཤེགས༔ བདེ་བ་ཆེན་པོའི་བྱིན་ཆེན་ཕོབ༔ ཐ་མལ་སྣང་ཞེན་སྦྱང་དུ་གསོལ༔ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཧཱུྃ༔ ས་མ་ཡ་ཨཱ་བེ་ཤ་ཡ་སྟྭཾ༔ རིག་འཛིན་བླ་མའི་ལྷ་ཚོགས་ཀྱི༔ སྐུ་གསུང་ཐུགས་ལས་འོད་ཟེར་འཕྲོས༔ སློབ་མའི་སྒོ་གསུམ་སྒྲིབ་པ་སྦྱངས༔ དཔལ་ཆེན་ཁྲག་འཐུང་ཆེན་པོའི་སྐུ༔ ལུས་དཀྱིལ་ལྷ་དང་བཅས་པར་བསམ༔ སྒྲུབ་རྟེན་མར་མེ་སྤྱྀ་བོར་འགོད༔ ཨོཾ༔ ཡང་དག་གྲུབ་པ་གཅིག་པུ་ནི༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ རྡོ་རྗེའི་སྐུ་ཡི་དབང་བསྐུར་རོ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཀཱ་ཡ་ས་མ་ཡ་ཨ་བེ་ཤ་ཡ་སྟྭཾ༔ ལྷག་པའི་ལྷ་ལས་གཉིས་པ་ཐིམ༔ བྱང་ཆུབ་སེམས་སུ་ཞུ་བ་ཡིས༔ ཡེ་ཤེས་ཆེན་པོར་བྱིན་གྱིས་བརླབས༔ བདེ་བའི་རྒྱུན་གྱིས་དབང་བསྐུར་བས༔ སྣང་སྟོང་ཟུང་འཇུག་སྟོགས་པ་བསྐྱེད༔ མར་མེ་མགྲིན་པའི་གནས་སུ་བཞག༔ ཨཱཿ ཡང་དག་གྲུབ་པ་གཅིག་པུ་ནི༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ ནུས་པ་གསུང་གི་དབང་བསྐུར་རོ༔ སྔགས་མཐར༔ ཝཱ་ཀ་ས་མ་ཡ་ཨཱ་བེ་ཤ་ཡ་སྟྭཾ༔ དཔལ་ཆེན་ཡབ་ཡུམ་སྙོམས་ཞུགས་པའི༔ བྱང་སེམས་མགྲིན་པའི་ལམ་ནས་བརྒྱུད༔ རྩ་ཁམས་ཐམས་ཅད་ཁྱབ་པ་ལས༔ གསལ་སྟོང་ཡེ་ཤེས་སྐྱེས་པར་བསམ༔ རྗེས་འབྲེལ་བསྙེན་སྒྲུབ་ལས་གསུམ་གྱི༔ དགོངས་པ་དང་བཅས་བཟླས་ལུང་སྦྱིན༔ མར་མེ་སྙིང་གར་བཞག་བྱས་ལ༔ ཧཱུྃ༔ ཡང་དག་གྲུབ་པ་གཅིག་པུ་ཉིད༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ འོད་གསལ་ཐུགས་ཀྱི་དབང་བསྐུར་རོ༔ སྔགས་མཐར༔ ཙིཏྟ་ས་མ་ཡ་ཨཱ་བེ་ཤ་ཡ་སྟྭཾ༔ དཔལ་ཆེན་ཁྲག་འཐུང་སྦྱོར་ཡུམ་ལས༔ གཉིས་པ་སྤྲོས་ཏེ་སློབ་མའི་ཡུམ༔ ཀྲོ་དྷཱི་ཤྭ་རིར་དབྱེར་མེད་པས༔ སྙོམས་འཇུག་གསང་བའི་སྒྱུ་རྩལ་གྱིས༔ དགའ་བཞིའི་བདེ་ཆེན་སྐྱེད་པར་བསམ༔ སླར་ཡང་མར་མེ་སྙིང་གར་བཟུང་༔ ཧོཿ ཡང་དག་གྲུབ་པ་གཅིག་པུ་ཉིད༔ སངས་རྒྱས་བདེ་ཆེན་ཀུན་འདུས་པ༔ མཁའ་འགྲོ་སྒྱུ་མ་བདེ་མཆོག་གི༔ འོད་གསལ་ཡེ་ཤེས་དབང་བསྐུར་རོ༔ སྔགས་མཐར༔ ཛྙཱ་ན་ས་མ་ཡ་ཨཱ་བེ་ཤ་ཡ་སྟྭཾ༔ གཉུག་མའི་གནས་ལུགས་ཡང་དག་པ༔ རིག་སྟོང་གཉིས་སུ་མེད་པ་ནི༔ སྣང་གསལ་མར་མེའི་བརྡས་མཚོན་ཏེ༔ དོན་གྱི་ཡེ་ཤེས་སྐྱེས་པར་བསམ༔ མཐར་ནི་ལྷ་བསྟིམ་གཉིས་མེད་བཞག༔ དཔལ་ཆེན་སྐུ་ཡི་གསལ་སྣང་དང་༔ ཁ་སྦྱོར་རླུང་བཟུང་འབར་འཛག་གི༔ བདེ་བས་ཐབས་བྱས་སྟོང་ཉིད་ངང་༔ དབང་བཞིའི་རྟོགས་པ་བརྟན་པར་མོས༔ ལས་ཀྱི་ཕུར་པ་ལག་ཏུ་གཏད༔ ཧཱུྃ༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོའི་གཟི་བྱིན་གྱིས༔ ལས་ཀྱི་མ་མོ་རྒྱུད་བསྐུལ་ནས༔ བདུད་བཞིའི་དཔུང་ཚོགས་ཚར་གཅོད་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ མ་མ་སརྦ་ས་མ་ཡཧཱུྃ་ཧཱུྃ༔ སརྦ་བིགྷྣཱན་ཤ་ཏྲཱུྃ་མཱ་ར་ཡ་ཕཊ༔ ཕུར་པ་ཕྱོགས་བཅུར་བསྒྲིལ་བྱས་ལ༔ རྡོ་རྗེ་གཞོན་ནུའི་ཐུགས་ཀ་ནས༔ འོད་ཟེར་ཚ་ཞིང་རྩུབ་པ་དང་༔ གོ་རཱི་ལ་སོགས་བརྒྱད་རྣམས་ལས༔ རང་རང་མདོག་མཚུངས་མེ་འོད་འཕྲོས༔ ཁམས་གསུམ་ཐམས་ཅད་ཡོངས་སུ་གང་༔ ཕྲིན་ལས་རྣམ་བཞི་ལྷུན་གྱིས་གྲུབ༔ གསང་བའི་དགྲ་གསུམ་དབྱིངས་སུ་བསད༔ འཇིགས་པའི་བདུད་བཞི་རང་ངོར་བཅོམ༔ བར་གཅོད་འཕྲང་གསུམ་ཀློང་དུ་གསལ༔ དཔལ་ཆེན་བཛྲ་ཧེ་རུ་ཀའི༔ བརྟུལ་ཞུགས་སྤྱོད་པ་མཐར་ཕྱིན་བསམ༔ ཤིས་པ་བརྗོད་པ་ལ་སོགས་པ༔ རྗེས་ཀྱི་རིམ་པ་སྤྱྀ་ལྟར་བྱ༔ ས་མ་ཡ༔ ཁྲག་འཐུང་གལྤོའི་ཏནྟྲ་ཡི༔ རྡོ་རྗེའི་གླེང་གཞི་ངེས་པའི་དོན༔ སྨིན་བྱེད་རྒྱུད་ཀྱི་སྙིང་པོ་དེ༔ སྙིང་གི་བུ་ལ་གཏད་རྒྱས་གདབ༔ ས་མ་ཡ༔ རྒྱ་རྒྱ་རྒྱ༔ གུཧྱ༔ བརྡ་ཐིམ༔

གཏེར་སྟོན་གྲུབ་ཐོབ་ཡོངས་ཀྱི་རྒྱལ་པོ་འོད་གསལ་སྤྲུལ་པའི་རྡོ་རྗེའི་ཞལ་སྔ་ནས་གཏན་ལ་ཕབ་རིམ་བཞིན་ཏུ༔ གུས་སློབ་བློ་གྲོས་མཐའ་ཡས་ཀྱིས་བྲིས་པ་དགེ་ལེགས་འཕེལ། དྷཱི།༔ རྩ་གསུམ་འོད་གསལ་སྙིང་ཏིག་ལས༔ བདུད་རྩི་བདེ་ཆེན་སྙིང་པོ་བཞུགས༔ དྷཱི།༔ བདུད་རྩི་གསང་བའི་ལྷ་ལ་འདུད༔ མ་འོངས་པདྨའི་བརྒྱུད་འཛིན་ཅིང་༔ བརྟུལ་ཞུགས་མཆོག་གི་སྐལ་ལྡན་པའི༔ རིག་པ་འཛིན་པའི་ཚོགས་རྣམས་ཀྱིས༔ ཟབ་མོའི་ལམ་འདི་གཅེས་པར་ཟུང་༔ ས་མ་ཡ༔ སྣང་ཞིང་སྲིད་པའི་ཆོས་སོ་ཅོག༔ གདོད་ནས་རྣམ་དག་བདུད་རྩི་ལྔ༔ མ་བཅོས་ཐིག་ལེའི་སྙིང་པོར་རྫོགས༔ འཕེལ་འགྲིབ་བྲལ་བའི་ཡེ་ཤེས་ཆེ༔ ལམ་དུ་བྱེད་པའི་རྣལ་འབྱོར་པས༔ རང་བྱུང་དུར་ཁྲོད་ཆེན་པོ་སོགས༔ བྱིན་རླབས་བཀྲ་ཤིས་དབེན་གནས་སུ༔ སྒྲོན་མ་ལྔ་ཡིས་ཆག་ཆག་གདབ༔ གསང་བའི་ས་ལ་སྟེགས་བུ་བྱ༔ དཀྱིལ་འཁོར་མཚན་ཉིད་ལྡན་པའམ༔ རུས་ཆེན་མེ་ཏོག་ཚོམ་བུའི་དབུས༔ གསང་བའི་བུམ་པ་ཁ་སྦྱར་ནས༔ ཤ་ལྔ་བདུད་རྩི་རྣམ་ལྔ་ནང་༔ རྩ་བརྒྱད་སྟོང་སྦྱར་སྨན་གྱིས་བཀང་༔ མཐའ་བསྐོར་མཆོད་གཏོར་བརྗིད་ལྡན་བཤམ༔ བགེགས་ཚོགས་བསྐྲད་ཅིང་བྱིན་ཆེན་དབབ༔ དེ་ནི་སྟ་གོན་རིམ་པའོ༔ ས་མ་ཡ༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཕུར་པ་འདུས་པའི་དྲིལ་སྒྲུབ་བཞུགས༔ དྷཱི།༔ དཔལ་ཆེན་རྡོ་རྗེ་གཞོན་ནུར་འདུད༔ མ་འོངས་པདྨ་བདག་ཉིད་ཀྱིས༔ བྱིན་གྱིས་བརླབས་པའི་རིག་པ་འཛིན༔ འོད་གསལ་སྤྲུལ་པའི་རྡོ་རྗེའི་དོན༔ ཕུར་པ་འདུས་པའི་དྲིལ་སྒྲུབ་བསྟན༔ ས་མ་ཡ༔ དབེན་པའི་གནས་སུ་སྟེགས་བུའི་ཁར༔ བསྙེན་པའི་དམ་ཚིག་རྟེན་ཉིད་དུ༔ མཚན་མ་རྫས་ཀྱི་ཕུར་པ་འགོད༔ མཐའ་སྐོར་ཕྱི་ནང་མཆོད་པས་བསྐོར༔ དེ་ནས་ཉམས་སུ་བླང་བ་ལ༔ སྔོན་འགྲོའི་དང་པོ་སྐྱབས་སེམས་ནི༔ ཧཱུྃ༔ བླ་མ་རྡོ་རྗེ་གཞོན་ནུ་ལ༔ མི་ཕྱེད་གུས་པས་སྐྱབས་སུ་མཆི༔ སྲིད་པ་ཕུར་བུའི་དཀྱིལ་འཁོར་དུ༔ ཁམས་གསུམ་བསྒྲལ་བར་སེམས་བསྐྱེད་དོ༔ གཉིས་པ་བགེགས་ཚོགས་མཚམས་བཅད་ནི༔ ཧཱུྃ༔ ངང་ཉིད་རྡོ་རྗེའི་ཆོས་དབྱིངས་ལས༔ ཕྱི་ནང་སྣོད་བཅུད་ཁྱབ་པ་ཡི༔ འབར་བའི་ཁྲོ་བོ་མི་ཟད་པས༔ ལོག་འདྲེན་འབྱུང་པོ་མཚམས་བཅད་གྱུར༔ ཧཱུྃ་ཧཱུྃ་ཧཱུྃ༔ གསུམ་པ་ཡེ་ཤེས་བྱིན་འབེབས་ནི༔ ཧཱུྃ༔ འོད་གསལ་ཆོས་སྐུའི་ཕོ་བྲང་ནས༔ ལོངས་སྤྱོད་ཡོངས་རྫོགས་དཔལ་ཆེན་པོས༔ གང་འདུལ་སྤྲུལ་པའི་རྣམ་རོལ་གྱིས༔ གནས་འདིར་བྱིན་ཕོབ་དབང་མཆོག་བསྐུར༔ ཨོཾ་བཛྲ་ཀཱི་ལི་ཀཱི་ལི་ཡ་ཧཱུྃ༔ སརྦ་ས་མ་ཡ་ཨ་བེ་ཤ་ཡ་ཨཱ་ཨཱ༔ ཧཱུྃ་ཧཱུྃ་ཧཱུྃ༔ བཞི་པ་མཆོད་གཏོར་བྱིན་རླབས་ནི༔ ཧཱུྃ༔ བདག་ཉིད་ལྷར་གསལ་ཐུགས་ཀ་ནས༔ འཕྲོས་པའི་འོད་ཀྱི་མཆོད་རྫས་ཀུན༔ གཟུང་འཛིན་མཚན་མ་ལས་འདས་པའི༔ ཡེ་ཤེས་བདུད་རྩིའི་རོལ་པར་སྤེལ༔ ཨོཾ་བཛྲ་ཨརྒྷཾ་ནས་ཤཔྡའི་བར་དང་རཱུ་པ་ཤཔྡ་གནྡྷེ་རཱ་ས་སྤརྴེ་མ་ཧཱ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ཨཱ་ཧཱུྃ༔ ས་མ་ཡ༔ དངོས་གཞིར་དམ་ཚིག་བསྐྱེད་པ་ཡིས༔ སྲིད་པ་ཕུར་བུར་བསྒྲུབ་པ་ནི༔ ཧཱུྃ༔ སེམས་ཀྱི་རྡོ་རྗེ་དེ་བཞིན་ཉིད༔ ཀུན་སྣང་སྙིང་རྗེའི་མཚོན་ཆར་འབར༔ རྒྱུ་ཡི་ཏིང་འཛིན་ཧཱུྃ་མཐིང་ཀ༔ དེ་ལས་འོད་འཕྲོས་སྣོད་བཅུད་སྦྱངས༔ ཀློང་ལྔ་ཡུམ་གྱི་བྷ་ག་རུ༔ དུར་ཁྲོད་དྲག་པོའི་གཞལ་ཡས་ཁང་༔ ཕྱི་ནང་མཚན་ཉིད་ཡོངས་རྫོགས་དབུས༔ དྲེགས་པ་ཉི་ཟླ་པདྨའི་སྟེང་༔ དབྱིངས་དང་ཡེ་ཤེས་དབྱེར་མེད་པ༔ རང་རིག་བཛྲ་ཀུ་མཱ་ར༔ གཡས་དཀར་གཡོན་དམར་དབུས་མཐིང་ཞལ༔ བཞད་གཤེ་རྔམས་པའི་ཉམས་དང་ལྡན༔ ཕྱག་དྲུག་གཡས་ཀྱི་དང་པོ་གཉིས༔ རྡོ་རྗེ་རྩེ་དགུ་རྩེ་ལྔ་དང་༔ གཡོན་གཉིས་མེ་དཔུང་ཁ་ཊྭཱྃ་འཛིན༔ ཐ་མ་རི་རབ་ཕུར་བུ་བསྒྲིལ༔ ཁམས་གསུམ་སྐུ་ཡི་དབྱིངས་སུ་རྫོགས༔ དཔལ་དང་དུར་ཁྲོད་ཆས་ཀྱིས་བརྒྱན༔ ཞབས་བཞི་གྱད་ཀྱི་འདོར་སྟབས་བགྲད༔ སྦྱོར་ཡུམ་འཁོར་ལོ་རྒྱས་འདེབས་སྔོ༔ དྲིལ་བུ་ཐོད་ཁྲག་བསྣམས་པས་འཁྲིལ༔ ཡེ་ཤེས་མེ་དཔུང་ཀློང་དཀྱིལ་ན༔ གར་དགུའི་རོལ་པས་རྣམ་པར་བགྱིངས༔ སྙིང་གར་རཏྣ་ཟུར་བརྒྱད་ཀློང་༔ རྡོར་སེམས་ཡབ་ཡུམ་ཐུགས་དབུས་སུ༔ རིན་ཆེན་གཞལ་ཡས་སྒོ་གཅིག་པར༔ རྟ་མཆོག་རོལ་པའི་ཕྱག་རྒྱས་བསྲུངས༔ ལྟེ་བར་ཉི་མའི་དཀྱིལ་འཁོར་སྟེང་༔ རྡོ་རྗེ་རྩེ་ལྔ་ཧཱུྃ་གིས་མཚན༔ འོད་ཀྱིས་ཡབ་ཡུམ་སྙོམས་པར་ཞུགས༔ བྱང་སེམས་ཧཱུྃ་ཡིག་སྤྲིན་འཕྲོ་བས༔ འཁོར་ལོ་རྣམ་ལྔར་སྲས་མཆོག་དང་༔ ཚིགས་མཚམས་ཁྲོ་བོ་སྟངས་དཔྱལ་བཅུ༔ ཁྲ་ཐབས་ཉི་ཤུའི་འཁོར་བཅས་ཤར༔ སྒོ་བཞིར་ཚད་མེད་སྒོ་མ་བཞི༔ བར་མཚམས་མ་མོ་བཅུ་གཉིས་སོགས༔ བཀའ་ཉན་དམ་ཅན་སྤྲིན་ལྟར་གཏིབས༔ ཀུན་ཀྱང་སྣང་སྟོང་ཟུང་འཇུག་ངང་༔ རྡོ་རྗེ་གསུམ་གྱིས་རྒྱས་གདབ་ཅིང་༔ སངས་རྒྱས་ཐམས་ཅད་འདུས་པའི་སྐུར༔ དབང་བསྐུར་དགའ་བཞིའི་རོལ་མོ་ཡིས༔ ཡེ་ཤེས་ཁྲོ་བོ་སྤྱན་དྲངས་གྱུར༔ གཉིས་པ་ཡེ་ཤེས་སྤྱན་འདྲེན་ཤིང་༔ ཕྱག་རྒྱ་རྣམ་བཞིས་བརྟན་པར་བྱ༔ ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཨེ་ཧྱེ་ཧི་སརྦ་ས་མ་ཡ་ཛ་ཛ༔ ཛ་ཧཱུྃ་བྃ་ཧོཿ གསུམ་པ་བརྡ་ཕྱག་འཚལ་བ་ནི༔ ཧཱུྃ༔ སྲིད་པ་རྡོ་རྗེ་ཕུར་བུའི་ལྷ༔ རང་རིག་བྱང་ཆུབ་སེམས་སུ་རྫོགས༔ འཁོར་འདས་རོ་མཉམ་ཆོས་སྐུའི་ངང་༔ རང་ཞལ་མཇལ་བའི་ཕྱག་གིས་འདུད༔ བཛྲ་ཛྙཱ་ན་ས་མ་ཡ་ཧོ༔ བཞི་པ་མཆོད་པ་འབུལ་བ་ནི༔ ཧཱུྃ༔ སྣོད་བཅུད་འདོད་ཡོན་རོལ་པའི་སྤྲིན༔ སྨན་གཏོར་རཀྟ་གསང་བའི་རྫས༔ སྦྱོར་སྒྲོལ་ཟུང་འཇུག་ཆོས་དབྱིངས་ཆེ༔ མཆོད་པའི་ཕྱག་རྒྱ་ཆེན་པོར་བཞེས༔ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་ནས་སྤརྴེའི་བར་དང་མ་ཧཱ་ཨ་མྲྀ་ཏ་རཀྟ་བ་ལིཾ་ཏ་སྟ་ན་གྷ་ན་སརྦ་པཱུ་ཛ་ཧོ༔ ལྔ་པ་བསྟོད་པ་བྱ་བ་ནི༔ ཧཱུྃ༔ རྡོ་རྗེ་ཁྲོས་པའི་ཏིང་འཛིན་གྱིས༔ བར་ཆད་བདུད་དཔུང་འདུལ་མཛད་པ༔ ཧེ་རུ་ཀ་དཔལ་ཁྲག་འཐུང་ལྷ༔ གཙོ་འཁོར་སྤྲུལ་པར་བཅས་ལ་བསྟོད༔ དྲུག་པ་བསྙེན་ཅིང་སྒྲུབ་པ་ནི༔ བདག་ཉིད་ཐུགས་སྲོག་ཧཱུྃ་ཡིག་མཐར༔ སྔགས་ཕྲེང་གཡས་འཁོར་འོད་ཟེར་གྱིས༔ དཀྱིལ་འཁོར་ལྷ་ཚོགས་གསལ་བར་བྱས༔ མཆོད་བཞེས་དམ་བསྐངས་དངོས་གྲུབ་ཐོབ༔ སླར་ཡང་འཕྲོ་འདུས་དོན་གཉིས་སྒྲུབ༔ སྣོད་བཅུད་རྡོ་རྗེ་གཞོན་ནུའི་ཞིང་༔ སྒྲར་གྲགས་སྔགས་ཀྱི་རང་སྒྲར་འུར༔ དྲན་རྟོག་དབྱིངས་རིག་དབྱེར་མེད་པ༔ ཐུགས་རྗེ་ཆེན་པོའི་ཕུར་པ་ཡིས༔ འཁོར་འདས་ཀུན་ལ་རྒྱས་གདབ་པས༔ བྱ་བ་གྲུབ་པའི་ཡེ་ཤེས་ཀྱིས༔ རྣམ་བཞིའི་ཕྲིན་ལས་དབང་འབྱོར་བསམ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ ཐོག་མཐའ་ཨོཾ་དང་ཕ¿ཊ་བཞག་ནས༔ བར་ན་བཅུ་གཉིས་གྲོང་མཛེས་པ༔ ཕྲིན་ལས་འདུས་པའི་སྙིང་པོ་སྟེ༔ བསྙེན་སྒྲུབ་ལས་གསུམ་ཆིག་ཆོད་ཡིན༔ སྐབས་སུ་རྣོ་སྲུང་སྤུ་གྲིའི་སྔགས༔ དམིགས་པའི་གནད་དང་སྦྱར་ལ་བཟླ༔ གཙོ་འཁོར་ཡོངས་རྫོགས་ལ་དམིགས་ནས༔ དྲག་པོའི་ཧཱུྃ་གི་སྣང་གླུ་ལེན༔ གཟུང་འཛིན་ཞེན་པ་ཀུན་སྦྱངས་པར༔ སུས་སྣང་སྤྲུལ་པའི་སྐུ་རུ་འགྱུར༔ ཐུན་མཐར་མཆོད་བསྟོད་དངོས་གྲུབ་བླང་༔ ནོངས་པ་བཤགས་ཅིང་ཡེ་ཤེས་བསྡུ༔ འོད་གསལ་རང་ལས་སྒྱུ་མའི་སྐུས༔ སྣོད་བཅུད་དཀྱིལ་འཁོར་གསུམ་དུ་སྦྱངས༔ ཁྱད་པར་ནང་ལྟར་རླུང་སྦྱོར་དང་༔ འབར་འཛག་བྱང་སེམས་ཕུར་བུ་ཉིད༔ རྡོ་རྗེ་བཙུན་མོའི་མཁར་ཐེབས་པས༔ སྲོག་སྩོལ་ལོངས་སྤྱོད་རྫོགས་སྐུར་སྨིན༔ གསང་བ་བསྐྱེད་པའི་ལྷ་དང་སྔགས༔ རིག་ལ་བྱང་སེམས་ཕུར་པར་བསྡུ༔ ཆོས་དབྱིངས་སུ་བཏབ་པ་ཡིས༔ རྟོགས་ཚོགས་དོན་དམ་ཆོས་སྐུར་ཤར༔ ས་མ་ཡ༔

དེ་ལྟར་བརྩོན་པས་གནས་སྐབས་སུ༔ གང་བརྩམས་ཕྲིན་ལས་ཐོགས་པ་མེད༔ མཐར་ཐུག་རིག་འཛིན་རྣམ་པ་བཞིར༔ བརྟེན་ནས་ཟུང་འཇུག་གོ་འཕང་འགྲུབ༔ རྒྱ་རྒྱ་རྒྱ༔ བརྡ་ཐིམ༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཕུར་པ་འདུས་པའི་དབང་ཆོག་བཞུགས༔ དྷཱི།༔ དཔལ་ཆེན་རྡོ་རྗེ་གཞོན་ནུར་འདུད༔ ཕུར་པ་འདུས་པའི་དབང་བསྐུར་ནི༔ དབེན་པའི་གནས་སུ་དཀྱིལ་འཁོར་དབུས༔ སྒྲུབ་པའི་ཕུར་པ་མཚན་ལྡན་དང་༔ རིག་འཛིན་བླ་མའི་གཏོར་མ་བཤམ༔ མདུན་ཏུ་ལས་ཀྱི་ཕུར་བུ་བཀོད༔ ཕྱི་ནང་མཆོད་པས་མཐའ་བསྐོར་ནས༔ བདག་མདུན་དབྱེར་མེད་བསྐྱེད་བཟླས་བྱ༔ རིག་པའི་མེ་ཏོག་དོར་བས་འཇུག༔ དེ་ནས་སློབ་མ་ཁྲུས་ནས་དབྱུང་༔ བགེགས་བསྐྲད་མཚམས་བཅད་མཎྜལ་ཕུལ༔ མེ་ཏོག་དང་བཅས་གསོལ་གདབ་ནི༔ ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗཻ་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པ༔ དབང་དང་བྱིན་རླབས་བདག་ལ་སྩོལ༔ ལན་གསུམ་གསོལ་ཞིང་རྒྱུད་སྦྱངས་ལ༔ གཏོར་མ་སྤྱྀ་བོའི་གཙུག་ཏུ་བཞག༔ རིག་འཛིན་བླ་མའི་ཐུགས་དམ་བསྐུལ༔ ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་རྡོ་རྗེར་གྲུབ་མཛོད་ཅིག༔ སྲིད་པ་རྡོ་རྗེ་ཕུར་པའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ ཨོཾ་ཨཱཿབཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ༔ ས་མ་ཡ་ཨཱ་བེ་ཤ་ཡ་སྟཱཾ༔ བརྒྱུད་གསུམ་བླ་མ་ཆར་ལྟར་བབས༔ སློབ་མའི་ལུས་ལ་ཐིམ་པ་ཡིས༔ ཕྱི་ནང་གཞན་གསུམ་དབྱེར་མེད་པའི༔ རྡོ་རྗེ་གཞོན་ནུའི་སྐུར་གྱུར་བསམ༔ སྒྲུབ་པའི་ཕུར་པ་སྤྱྀ་བོར་བཞག༔ ཨོཾ༔ སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ སྐུ་ཡི་དབྱིག་ཏུ་དབང་བསྐུར་རོ༔ སྔགས་མཐར༔ ཀཱ་ལ་ས་མ་ཡ་ཨཱ་བེ་ཤ་ཡ་སྟྭཾ༔ ལྷག་པའི་ལྷ་ཉིད་སྤྱྀ་བོར་ཐིམ༔ སྣང་སྟོང་ཟུང་འཇུག་ཆེན་པོའི་ངང་༔ རིགས་ཀྱི་བདག་པོས་དབུར་བརྒྱན་ཅིང་༔ བུམ་དབང་ཡེ་ཤེས་སྐྱེས་པར་བསམ༔ སྒྲུབ་པའི་ཕུར་པ་མགྲིན་པར་བཞག༔ ཨཱ༔ སངས་རྒྱས་ཀུན་གྱི་ཡེ་ཤེས་གསུང་༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ གསུང་གི་དབྱིག་ཏུ་དབང་བསྐུར་རོ༔ སྔགས་མཐར༔ ཝཱ་ཀ་ས་མ་ཡ་ཨཱ་བེ་ཤ་ཡ་སྟྭཾ༔ ཕུར་པའི་ལྷ་ཚོགས་སྙོམས་ཞུགས་པའི༔ བྱང་སེམས་མགྲིན་པའི་ལམ་ནས་བརྒྱུད༔ ལུས་གང་དུས་གསུམ་རྟོག་པ་འགགས༔ གསང་བའི་ཡེ་ཤེས་སྐྱེས་པར་བསམ༔ རྗེས་འབྲེལ་བཟླས་པའི་ལུང་ཡང་སྦྱིན༔ སྒྲུབ་པའི་ཕུར་པ་སྙིང་གར་བཞག༔ ཧཱུྃ༔ སངས་རྒྱས་ཀུན་གྱི་ཡེ་ཤེས་ཐུགས༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་ཟད་པ༔ ཐུགས་ཀྱི་དབྱིག་ཏུ་དབང་བསྐུར་རོ༔ སྔགས་མཐར༔ ཙིཏྟ་ས་མ་ཡ་ཨཱ་བེ་ཤ་ཡ་སྟྭཾ༔ ཕུར་པའི་ལྷ་ཡི་སྦྱོར་ཡུམ་ལས༔ གཉིས་པ་སྤྲོས་ཏེ་ཡུམ་ལ་བསྟིམ༔ འདུ་ཤེས་གསུམ་གྱིས་སྙོམས་ཞུགས་པས༔ གསུམ་པའི་ཡེ་ཤེས་སྐྱེས་པར་བསམ༔ སླར་ཡང་སྒྲུབ་ཕུར་སྙིང་གར་གཟུང་༔ ཧྲཱིཿ སངས་རྒྱས་ཀུན་གྱི་ཡེ་ཤེས་དབྱིངས༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ ཡེ་ཤེས་དབྱིག་ཏུ་དབང་བསྐུར་རོ༔ སྔགས་མཐར༔ ཛྙཱ་ན་ས་མ་ཡ་ཨཱ་བ་ཤེ་ཡ་སྟྭཾ༔ ཕུར་ནི་ཐབས་ཀྱི་རྒྱལ་པོ་སྟེ༔ པ་ནི་ཤེས་རབ་དབྱིངས་ཀྱི་ངང་༔ ཟུང་འཇུག་ཆེན་པོར་མཉམ་བཞག་པས༔ བཞི་པའི་ཡེ་ཤེས་སྐྱེས་པར་བསམ༔ དབང་དོན་དགོངས་པ་བརྟན་པའི་ཕྱིར༔ སླར་ཡང་སྒྲུབ་ཕུར་སྤྱྀ་བོར་བཀོད༔ ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་སྩོལ་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཡེ་ཤེས་ཁྲོ་བོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ སྔགས་མཐར༔ ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་ས་མ་ཡ་ཨཱ་བེ་ཤ་ཡ་སྟྭཾ༔ ལྷ་ཚོགས་བསྟིམ་ནས་གཉིས་མེད་བསམ༔ ཁྲག་འཐུང་ཆེན་པོའི་ང་རྒྱལ་བསྐྱེད༔ མཐའ་བརྟེན་གདའ་ཕུར་ལག་ཏུ་གཏད༔ ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱོད་ཀྱི་ཐུགས་དམ་དུས་ལ་བབ༔ སྔོན་ཆད་ཚུལ་བཞིན་དམ་བཅས་པའི༔ མངོན་སྤྱོད་ཕྲིན་ལས་འགྲུབ་པར་མཛོད༔ དྲག་སྔགས་བརྗོད་ཅིང་ལྟ་གདིང་བསྐྱེད༔ ཕུར་པ་ཕྱོགས་བཅུར་བསྒྲིལ་བ་ཡིས༔ ཁམས་གསུམ་བདུད་ཚོགས་ཚར་བཅད་ཅིང་༔ སྲུང་ཟློག་བསད་མནན་གཟིར་བསྐྲད་སོགས༔ རབ་འབྱམས་ལས་ཀུན་འགྲུབ་པར་བསམ༔ ཐུགས་ཀྱི་ཕུར་གཅིག་ལ་བརྟེན་ནས༔ ཏེང་ངེ་འཛིན་གྱི་དབང་བསྐུར་བ༔ རྒྱུད་ཀྱི་ཁོང་སྙིང་ཕྱུངས་པ་སྟེ༔ སྣོད་ལྡན་བུ་ལ་གཏད་དོ་རྒྱ༔ ས་མ་ཡ༔ རྒྱ་རྒྱ་རྒྱ༔ གུཧྱ༔ བརྡ་ཐིམ༔ གཏེར་སྟོན་གྲུབ་ཐོབ་ཡོངས་ཀྱི་རྒྱལ་པོ་འོད་གསལ་སྤྲུལ་པའི་རྡོ་རྗེའི་ཞལ་སྔ་ནས་གཏན་ལ་ཕབ་རིམ་བཞིན་ཏུ། གུས་སློབ་བློ་གྲོས་མཐའ་ཡས་ཀྱིས་བྲིས་པ་དགེ་ལེགས་འཕེལ། དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཕུར་པ་འདུས་པའི་དྲིལ་སྒྲུབ་བཞུགས༔ དྷཱི།༔ དཔལ་ཆེན་རྡོ་རྗེ་གཞོན་ནུར་འདུད༔ མ་འོངས་པདྨ་བདག་ཉིད་ཀྱིས༔ བྱིན་གྱིས་བརླབས་པའི་རིག་པ་འཛིན༔ འོད་གསལ་སྤྲུལ་པའི་རྡོ་རྗེའི་དོན༔ ཕུར་པ་འདུས་པའི་དྲིལ་སྒྲུབ་བསྟན༔ ས་མ་ཡ༔ དབེན་པའི་གནས་སུ་སྟེགས་བུའི་ཁར༔ བསྙེན་པའི་དམ་ཚིག་རྟེན་ཉིད་དུ༔ ལྕགས་སམ་དྲག་པོའི་ཤིང་དག་ལས༔ མཚན་མ་རྫས་ཀྱི་ཕུར་པ་ནི༔ དར་ནག་ཅོད་པན་དང་བཅས་དགོད༔ མཐའ་སྐོར་ཕྱི་ནང་མཆོད་པ་བཤམ༔ དེ་ནས་ཉམས་སུ་བླང་བ་ལ༔ སྔོན་འགྲོ་དངོས་གཞི་རྗེས་གསུམ་ལས༔ སྔོན་འགྲོའི་དང་པོ་སྐྱབས་སེམས་ནི༔ ན་མོ༔ བླ་མ་རྡོ་རྗེ་གཞོན་ནུ་ལ༔ མི་ཕྱེད་གུས་པས་སྐྱབས་སུ་མཆི༔ སྲིད་པ་ཕུར་བུའི་དཀྱིལ་འཁོར་དུ༔ ཁམས་གསུམ་བསྒྲལ་བར་སེམས་བསྐྱེད་དོ༔ གཉིས་པ་བགེགས་བསྐྲད་སྲུང་མཚམས་ནི༔ ཧཱུྃ༔ ཉོན་ཅིག་བགེགས་དང་ལོགས་འདྲེན་རྣམས༔ ང་ཡི་བཀའ་ལས་འདའ་མ་བྱེད༔ རྡོ་རྗེ་གསང་བའི་བཀའ་ལུང་ལས༔ སྡིག་ཅན་གང་ཞིག་འདའ་བྱེད་པ༔ སྟོབས་ཆེན་ཁྲོ་བོ་ཆེན་པོ་བཅུས༔ ཀླད་པ་ཚལ་པ་བརྒྱ་རུ་ཁོས༔ གདུག་ཅིང་སྡང་སེམས་ལྡན་པ་རྣམས༔ སོང་ཞིག་ལྷ་མིན་ལྷ་ཡང་རུང་༔ ང་ལ་བར་ཆད་བྱེད་པ་རྣམས༔ མཐུ་དང་རྫུ་འཕྲུལ་མེད་པར་མཛོད༔ དྲག་སྔགས་བརྗོདཅིང་ཐུན་གྱིས་གཟིར༔ ཧཱུྃ༔ ངང་ཉིད་རྡོ་རྗེའི་ཆོས་དབྱིངས་ལས༔ ཕྱི་ནང་སྣོད་བཅུད་ཁྱབ་པ་ཡི༔ འབར་བའི་ཁྲོ་བོ་མི་ཟད་པས༔ ལོག་འདྲེན་འབྱུང་པོ་མཚམས་བཅད་གྱུར༔ ཧཱུྃ་ཧཱུྃ་ཧཱུྃ་བཛྲ་ཛྙཱ་ན་རཀྵ་བྷཱུྃ༔ གསུམ་པ་ཡེ་ཤེས་བྱིན་འབེབས་ནི༔ ཧཱུྃ༔ འོད་གསལ་ཆོས་སྐུའི་ངང་ཉིད་ལས༔ ལོངས་སྤྱོད་ཡོངས་རྫོགས་དཔལ་ཆེན་པོས༔ གང་འདུལ་སྤྲུལ་པའི་རྣམ་རོལ་གྱིས༔ གནས་འདིར་བྱིན་ཕོབ་དབང་མཆོག་སྐུར༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་ས་མ་ཡ་ཛྙཱ་ན་ཨ་བེ་ཤ་ཡ་ཨ་ཨཱཿ བཞི་པ་མཆོད་གཏོར་བྱིན་རླབས་ནི༔ ཧཱུྃ༔ བདག་ཉིད་ལྷར་གསལ་ཐུགས་ཀ་ནས༔ འཕྲོས་པའི་འོད་ཀྱིས་མཆོད་རྫས་ཀུན༔ གཟུང་འཛིན་མཚན་མ་ལས་འདས་པའི༔ ཡེ་ཤེས་འདོད་རྒུའི་སྤྲིན་དུ་སྤེལ༔ ཨོཾ་བཛྲ་ཨརྒྷཾ་པཱདྱཾ་པུཥྤེ་དྷུ་པེ་ཨཱ་ལོ་ཀེ་གནྡྷེ་ནཻ་ཝིདྱ་ཤབྡ་སརྦ་པཱུ་ཛ་མ་ཧཱ་ཨ་མྲྀ་ཏ་རཀྟ་བ་ལིཾ་ཏ་ཨཱ་ཧཱུྃ༔ ས་མ་ཡ༔

དངོས་གཞིར་ཐ་མལ་སྣང་ཞེན་གྱི༔ སྲིད་པ་ཕུར་བུར་བསྒྲུབ་པའི་ཕྱིར༔ དང་པོ་དམ་ཚིག་བསྐྱེད་པ་ནི༔ ཏིང་འཛིན་གསུམ་གྱིས་ཁོག་ཕུབ་ལ༔ རྟེན་གྱི་དཀྱིལ་འཁོར་ཆེན་པོའི་དབུས༔ བདག་ཉིད་རྩ་བའི་དཔལ་ཆེན་པོས༔ རྒྱུ་འབྲས་ལས་བཞེངས་སྒོང་སྐྱེས་སྦྱོང་༔ མཚན་མ་རྫས་དང་དབྱེར་མེད་པའི༔ སྲས་མཆོག་རིགས་ལྔ་ཡེ་ཤེས་མཐུས༔ སྐད་ཅིག་རྫུས་སྐྱེས་ཚུལ་དུ་ཤར༔ སྙོམས་འཇུག་མངལ་འབྱིན་སྦྱོར་བ་ཡིས༔ ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད༔ སྒོ་སྐྱོང་བཀའ་ཉན་སྔགས་ཀྱི་སྒྲས༔ དྲོད་གཤེར་སྐྱེས་ཀྱི་བག་ཆགས་སྦྱོང་༔ ཧཱུྃ༔ སེམས་ཀྱི་རྡོ་རྗེ་དེ་བཞིན་ཉིད༔ སྙིང་རྗེ་ཁྲོས་པར་ཀུན་ཏུ་སྣང་༔ མཚོན་ཆེན་རྡོ་རྗེ་ཧཱུྃ་ཡིག་བཅས༔ འབར་བའི་འོད་ཀྱི་སྣོད་བཅུད་སྦྱངས༔ ཀློང་ལྔ་འབྱུང་བ་ཡུམ་གྱི་མཁར༔ དུར་ཁྲོད་དྲག་པོའི་གཞལ་ཡས་ཁང་༔ འབར་བའི་མཚན་ཉིད་ཡོངས་རྫོགས་དབུས༔ པདྨ་ཟླ་ཉི་བདུད་བཞིའི་སྟེང་༔ རྡོ་རྗེ་ཧཱུྃ་ཡིག་ཡོངས་གྱུར་ལས༔ བདག་ཉིད་དཔལ་ལྡན་རྡོ་རྗེ་སེམས༔ དཀར་གསལ་རྡོ་རྗེ་དྲིལ་བུ་འཛིན༔ རང་འདྲའི་ཡུམ་འཁྱུད་མཚན་དཔེར་འབར༔ ལོངས་སྤྱོད་ཡོངས་རྫོགས་རིགས་བརྒྱའི་བདག༔ ཟབ་གསལ་གཉིས་མེད་སྐུ་རུ་བཞེངས༔ ཨོཾ་བཛྲ་སཏྭ་ཧཱུྃ༔ ཡབ་ཡུམ་སྙོམས་ཞུགས་བདེ་བ་ཆེའི༔ རང་གཟུགས་འོད་ཀྱི་ཐིག་ལེར་འཁྱིལ༔ དེ་ལས་འབྲས་བུའི་ཧེ་རུ་ཀ༔ དཔལ་ཆེན་བཛྲ་ཀུ་མཱ་ར༔ གཡས་དཀར་གཡོན་དམར་དབུས་མཐིང་ཞལ༔ གཞད་གཤེ་རྔམས་པའི་ཉམས་དང་ལྡན༔ མཐིང་ནག་སྐུ་ལ་དཔལ་ཆས་དང་༔ དུར་ཁྲོད་དྲག་པོའི་ཆས་ཀྱིས་བརྗིད༔ ཕྱག་དྲུག་གཡས་ཀྱི་དང་པོ་གཉིས༔ གསེར་གྱི་རྡོ་རྗེ་རྩེ་དགུ་ལྔ༔ གཡོན་གཉིས་མེ་ཕུང་ཁ་ཊྭཱྃ་འཁྲོལ༔ ཐ་མས་རི་རབ་ཕུར་བུ་འདྲིལ༔ ཁམས་གསུམ་རྡོ་རྗེ་གསུམ་དུ་རྫོགས༔ ཞབས་བཞི་གྱད་ཀྱི་དོར་སྟབས་ཀྱིས༔ པད་ཟླ་ཉི་མ་བདུད་བཞིའི་སྟེང་༔ ཡེ་ཤེས་འབར་འཁྲུགས་མེ་ཀློང་འགྱིང་༔ སྦྱོར་ཡུམ་འཁོར་ལོ་རྒྱས་འདེབས་སྔོ༔ གཟིག་ཤམ་རིན་ཆེན་རུས་རྒྱན་ཅན༔ དྲིལ་བུ་དུང་ཁྲག་བསྣམས་པས་འཁྲིལ༔ གར་དགུའི་ཉམས་ལྡན་དཔལ་ཆེན་པོ༔ ཡབ་ཡུམ་མཉམ་སྦྱོར་བདེ་བ་ཆེས༔ ཡེ་ཤེས་ལྔ་ཡི་རིག་རྩལ་འབར༔ དེ་ལས་འཁོར་ལོའི་གནས་ལྔ་རུ༔ སྲས་མཆོག་ཀཱི་ལ་རིགས་ཀྱི་མདོག༔ ཕྱག་གཉིས་ཕུར་འདྲིལ་ཡུམ་དང་འཁྱུད༔ སྐུ་སྨད་གནམ་ལྕགས་ཕུར་བུའི་དབལ༔ པད་ཉི་དྲེགས་པའི་གདན་ལ་རོལ༔ སླར་ཡང་སྙོམས་ཞུགས་མཁའ་གསང་ནས༔ བྱང་སེམས་ཧཱུྃ་གི་སྤྲིན་སྤྲོས་པས༔ ཕྱི་རོལ་འཁོར་ལོ་རྩིབས་བཅུའི་དབུས༔ ཕྱོགས་བཅུའི་ཁྲོ་བོ་ཆེན་པོ་བཅུ༔ སྐུ་མདོག་དུས་ཀྱི་མུན་ལྟར་གནག༔ ཞལ་གཅིག་ཕྱག་གཉིས་ཡུམ་དང་འཁྲིལ༔ ཕུར་བུ་འདྲིལ་ཞིང་བགེགས་ཚོགས་གཟིར༔ པད་ཉི་ཕྱོགས་སྐྱོང་དྲེགས་པའི་སྟེང་༔ དྲག་མེ་དམར་ནག་དབུས་ན་བཞེངས༔ གཡས་གཡོན་ཟ་གསོད་ཕྲ་མེན་མ༔ ཁྲ་ཐབས་ཉི་ཤུའི་སྤྲུལ་པ་འགྱེད༔ སྲས་མཆོག་རིགས་ལྔ་ཁྲོ་རྒྱལ་ཚོགས༔ རྡོ་རྗེའི་གཤོག་བརྒྱངས་དུར་ཁྲོད་ཆས༔ རབ་འཇིགས་ཁྲོ་གཏུམ་འཇིགས་པའི་ཉམས༔ ཡེ་ཤེས་མེ་ཕུང་ཀློང་ན་གསལ༔ གཙོ་མཆོག་ཡབ་ཡུམ་རོལ་པའི་སྒྲ༔ ཛཿཧཱུྃ་བྃ་ཧོཿམ་བྷྱོ་ལས༔ སྒོ་བཞིར་གདོང་ཅན་སྒོ་མ་བཞི༔ བར་ཁྱམས་མ་མོ་བཅུ་གཉིས་དང་༔ ཕྱི་འཁོར་དབང་ཕྱུག་ཉེར་བརྒྱད་སོགས༔ བཀའ་ཉན་དམ་ཅན་སྤྲིན་ལྟར་གཏིབས༔ ཀུན་ཀྱང་སྣང་སྟོང་ཟུང་འཇུག་སྐུ༔ ཆུ་ཟླ་འཇའ་ཚོན་བཞིན་དུ་གསལ༔ སྲིད་གསུམ་ཐ་མལ་སྣང་ཞེན་ཀུན༔ རྡོ་རྗེ་ཁྲོས་པའི་འཁོར་ལོར་རྫོགས༔ ཨོཾ་ཤྲཱི་བཛྲ་ཀཱི་ལཱ་ཡ་སརྦ་མཎྜལ་ཨཱཿཧཱུྃ༔ རྗེས་འབྲེལ་བྱིན་རླབས་དབང་བསྐུར་ནི༔ དེ་ལྟར་གསལ་བའི་གནས་གསུམ་དུ༔ ཟླ་བ་པདྨ་ཉི་མའི་སྟེང་༔ འབྲུ་གསུམ་ཕྱག་མཚན་ཡོངས་གྱུར་ལས༔ རྡོ་རྗེ་གསུམ་གྱི་ཕྱག་རྒྱས་མཚན༔ དེ་བཞིན་གཤེགས་པ་ཐམས་ཅད་ཀྱི༔ སྐུ་གསུང་ཐུགས་སུ་བྱིན་བརླབ་བོ༔ ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་ཨདྨཱ་ཀོ྅ཧཾ༔ གཙོ་བོའི་ཐུགས་མཆོག་རིན་པོ་ཆེ༔ ཟུར་བརྒྱད་མཆོང་གུར་ལྟ་བུ་ཡི༔ གཞལ་མེད་ཁང་པ་གནམ་སྒོ་ཅན༔ རྟ་མཆོག་དཔལ་གྱིས་སྒོ་སྲུང་མཛད༔ དབུས་སུ་ཞི་བ་རྡོ་རྗེ་སེམས༔ འབར་བའི་སྐུར་བཞེངས་ཧེ་རུ་ཀ༔ རྡོ་རྗེ་དུང་ཁྲག་ཡུམ་དང་སྦྱོར༔ ཨིནྡྲ་ནཱི་ལའི་མདངས་འོད་འཚེར༔ རོལ་པའི་འོད་ཀྱིས་དབང་གི་ལྷ༔ སྤྱན་དྲངས་བྱང་ཆུབ་སེམས་ཀྱི་ཆུས༔ དབང་བསྐུར་རིགས་ལྔས་དབུར་བརྒྱན་གྱུར༔ ཧཱུྃ་ཨཱོཾ་ཏྲཱྃ་ཧྲཱི་ཨཱཿ ཧེ་རུ་ཀ་ཨ་བྷི་ཥིཉྩ་ས་མ་ཡ་སྟྭཾ༔ སླར་ཡང་ཧཱུྃ་གི་སྒྲ་བསྒྲགས་པས༔ ཁམས་གསུམ་ཉོན་མོངས་དུག་ཆེན་སྦྱངས༔ ཀུན་བཟང་རྡོར་སེམས་སྐུར་གྱུར་ནས༔ ཡེ་ཤེས་ཁྲག་འཐུང་ཕྱག་རྒྱར་ཐིམ༔ ཧཱུྃ་ཧཱུྃ་ཧཱུྃ་ཕཊ་ཛཿཤྲཱི་ཧེ་རུ་ཀ་ཨ་ཧཾ༔ གཉིས་པ་ཡེ་ཤེས་སྤྱན་དྲངས་ཤིང་ཿ ཕྱག་རྒྱས་བསྟིམ་ནས་བཞུགས་སུ་གསོལ༔ ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཁྲོ་རྒྱལ་འཁོར་བཅས་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་ས་མ་ཡ་ཨེ་ཧྱེ་ཧི་ཧྲཱིཾ་ཧྲཱིཾ་ཕེཾ་ཕེཾ༔ ས་མ་ཡ་ཧོ༔ ས་མ་ཡ་སྟྭཾ༔ ཧཱུྃ༔ སྙིང་རྗེའི་ལྕགས་ཀྱུས་གནས་ནས་དགུག༔ བྱམས་པའི་ཞགས་པས་རྟེན་ལ་གཞུག༔ དགའ་བའི་སྒྲོག་གིས་དབྱེར་མེད་བཅིང་༔ བཏང་སྙོམས་དྲིལ་བུས་རབ་དགྱེས་པའི༔ སྲིད་པ་རྡོ་རྗེ་ཕུར་བུའི་ལྷ༔ དམ་ཚིག་ཡེ་ཤེས་དབྱེར་མེད་པ༔ འབར་བའི་གདན་ལ་བཞུགས་ནས་ཀྱང་༔ མཆོད་བཞེས་དམ་བསྐང་དངོས་གྲུབ་སྩོལ༔ ཛཿཧཱུྃ་བྃ་ཧོཿ ས་མ་ཡ་ཏིཥྛ་ལྷན༔ གསུམ་པ་ཕྱག་འཚལ་མཆོད་བསྟོད་ནི༔ ཧཱུྃ༔ ཡང་དག་དོན་དུ་རབ་ཞི་ཡང་༔ འདུལ་བའི་དབང་གིས་ཅིར་ཡང་སྣང་༔ འབར་བའི་དཀྱིལ་འཁོར་ལྷ་ཚོགས་ལ༔ གུས་པའི་བརྡ་ཡིས་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱིཙྪ་ཧོ༔ ཧཱུྃ༔ སྣོད་བཅུད་ཉེར་སྤྱོད་འདོད་ཡོན་སྤྲིན༔ སྨན་གཏོར་རཀྟ་གསང་བའི་རྫས༔ སྦྱོར་སྒྲོལ་ཟུང་འཇུག་འོད་གསལ་དབྱིངས༔ མཆོད་པའི་ཕྱག་རྒྱ་ཆེན་པོར་བཞེས༔ ཨོཾ་ཤྲཱི་བཛྲ་ཀུ་མཱ་ར་ཨརྒྷཾ་པདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནི་བིདྱ་ཤཔྡ་པཉྩ་ཀཱ་མ་གུ་ཎ་པཉྩ་ཨ་མྲྀ་ཏ་རཀྟ་བ་ལིཾ་ཏ་སྟ་ན་ག་ཎ་དྷརྨ་དྷཱ་ཏུ་པཱུ་ཛ་ཧོ༔ ཧཱུྃ༔ སྐྲ་ཅན་བྷནྡྷའི་སྣོད་ཡངས་སུ༔ གདུག་ཅན་བསྒྲལ་བའི་དམར་ཆེན་པོ༔ ཁམས་གསུམ་ཁྲག་གི་རྒྱ་མཚོར་བསྐྱིལ༔ དམ་ཅན་ཕོ་ཉའི་ཚོགས་རྣམས་ལ༔ མངོན་སྤྱོད་ཕྲིན་ལས་མཛད་ཕྱིར་འབུལ༔ སྔོན་ཆད་ཇི་ལྟར་དམ་བཅས་བཞིན༔ གདུག་པའི་བགེགས་དང་བར་ཆད་ཀུན༔ མཐུ་དང་རྫུ་འཕྲུལ་མེད་པར་མཛོད༔ མ་ཧཱ་རཀྟ་ཁ་ཁ་ཁཱའ་ཧི་ཁཱ་ཧི༔ ཧཱུྃ༔ རྡོ་རྗེ་ཁྲོས་པའི་ཡེ་ཤེས་ཀྱིས༔ བར་ཆད་བདུད་དཔུང་འདུལ་མཛད་པ༔ ཕྲིན་ལས་འདུས་པའི་དཀྱིལ་འཁོར་ལྷ༔ གཙོ་འཁོར་སྤྲུལ་པར་བཅས་ལ་བསྟོད༔

བཞི་པ་འཕྲོ་ལུས༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཚེ་སྒྲུབ་འཆི་མེད་དྲྭ་བ་བཞུགས༔ དྷཱི།༔ ཚེ་དབང་རིག་འཛིན་པདྨར་འདུད༔ བདག་གཞན་འཆི་མེད་སྒྲུབ་འདོད་ན༔ བཀྲ་ཤིས་ཡིད་འོང་དབེན་གནས་སུ༔ མཎྜལ་ཚོམ་བུ་ལྔ་པའི་སྟེང་༔ དབུས་སུ་བཅུད་ལྡན་ཚེ་བུམ་དང་༔ གཡས་གཡོན་ཐབས་ཤེས་དངོས་གྲུབ་རྗེས༔ མདུན་རྒྱབ་གཏོར་མ་ཚེ་མདའ་བཤམ༔ དེ་མཐར་ཕྱི་ནང་མཆོད་པས་བསྐོར༔ སྔོན་འགྲོ་རྩ་བའི་གཞུང་ལྟར་ལ༔ དངོས་གཞིའི་ཁྱད་པར་བསྐྱེད་རིམ་ནི༔ ཧྲཱི༔ སྐྱེ་མེད་དེ་བཞིན་ཉིད་དབྱིངས་ཡེ་ཤེས་ལས༔ འགགས་མེད་སོ་སོར་རྟོགས་པའི་རིག་མདངས་རྩལ༔ ཟུང་འཇུག་སྤྲུལ་པའི་རྒྱུ་མཆོག་ཧྲཱིཿདམར་པོ༔ དེ་ལས་འོད་འཕྲོས་ཕྱོགས་བཅུའི་རྒྱལ་བ་མཆོད༔ འགྲོ་ཀུན་སྒྲིབ་སྦྱངས་སྲིད་ཞིའི་ཚེ་བཅུད་བཀུག༔ ཚུར་འདུས་ཕྱི་སྣོད་པདྨོ་བཀོད་པའི་ཞིང་༔ ངོ་མཚར་ཡོན་ཏན་དུ་མས་བརྒྱན་པའི་དབུས༔ རིན་ཆེན་སྣ་ཚོགས་ལས་གྲུབ་གཞལ་མེད་ཁང་༔ མཚན་ཉིད་ཡོངས་རྫོགས་ཡེ་ཤེས་འོད་ལྔའི་ཀློང་༔ པད་ཉི་ཟླ་སྟེང་རྡོ་རྗེ་ཧྲཱིཿཡིས་མཚན༔ དེ་ཉིད་ཡོངས་གྱུར་སྐད་ཅིག་དྲན་རྫོགས་སུ༔ རང་རིག་རྩ་གསུམ་ཀུན་འདུས་ཚེ་ཡི་ལྷ༔ འཆི་མེད་བདེ་ཆེན་སྐུར་བཞེངས་པདྨ་འབྱུང་༔ དཀར་དམར་མདངས་ལྡན་མཚན་དཔེའི་འོད་ཕུང་འབར༔ ཞི་འཛུམ་བཅུ་དྲུག་དགའ་བའི་ལང་ཚོས་མཛེས༔ ཕྱག་གཡས་རྡོ་རྗེ་གཡོན་པས་ཐོད་བུམ་བསྣམས༔ ཉེ་རྒྱུའི་བདེ་སྟེར་ཡུམ་མཆོག་མནྡཱ་ར༔ དམར་གསལ་ཆགས་ཉམས་ནུ་འབུར་བྷ་ག་རྒྱས༔ གཡས་པས་མདའ་དར་ཡབ་ཀྱི་མགུལ་ནས་འཁྱུད༔ གཡོན་པས་ཟག་མེད་བདུད་རྩིས་དགྱེས་པ་བསྐྱེད༔ གཉིས་ཀ་ལྷ་རྫས་དར་གྱི་ན་བཟའ་དང་༔ ཨུཏྤལ་རིན་ཆེན་རུས་པའི་རྒྱན་གྱིས་སྤྲས༔ ཞབས་གཉིས་རྡོ་རྗེ་པདྨའི་སྐྱིལ་ཀྲུང་གིས༔ སྣང་སྟོང་འཇའ་ཟེར་ཐིག་ལེའི་ཀློང་ན་རོལ༔ དེ་ལྟར་གསལ་བའི་རྡོ་རྗེ་ལུས་ཀྱི་དཀྱིལ༔ རྩ་གསུམ་འཁོར་ལོ་ལྔ་ལྡན་གཞལ་ཡས་དབུས༔ སྤྲུལ་པའི་རྣམ་རོལ་འཆི་མེད་ཐོད་ཕྲེང་ལྔ༔ མཚན་དཔེའི་གཟི་འབར་ཡེ་ཤེས་ལྔ་ཡི་མདངས༔ གཡས་རྣམས་སོ་སོའི་རིགས་ཀྱི་ཕྱག་མཚན་དང་༔ གཡོན་པས་ཐོད་པ་བདུད་རྩིས་གང་བ་བསྣམས༔ རང་འོད་ཡུམ་འཁྱུད་རིན་ཆེན་རུས་པས་བརྒྱན༔ རྩ་ཁམས་དཔའ་བོ་མཁའ་འགྲོའི་ཀློང་ན་རོལ༔ སྤྱྀ་བོར་ལོངས་སྤྱོད་ཡོངས་རྫོགས་ཚེ་དཔག་མེད༔ དབང་མདོག་ཞལ་གཅིག་ཕྱག་གཉིས་ཚེ་བུམ་འཛིན༔ སྦྱོར་བའི་ཡུམ་ཆེན་ལྷ་མོ་ཙཎྜ་ལཱི༔ གཡས་གཡོན་མདའ་དར་བུམ་འཛིན་ཡབ་ལ་འཁྲིལ༔ དེ་ཡི་སྤྱི་བོར་ཆོས་སྐུ་སྣང་མཐའ་ཡས༔ དམར་གསལ་དྲི་མེད་པདྨ་རཱ་གའི་མདངས༔ ཐབས་ཤེས་ཕྱག་གཉིས་མཉམ་པར་བཞག་པའི་སྟེང་༔ ཟུང་འཇུག་འཆི་མེད་བདུད་རྩིས་ལྷུང་བཟེད་བསྣམས༔ ཕྱོགས་བཞིར་པད་ཉི་བདུད་བཞི་བསྣོལ་བའི་དབུས༔ དབང་ཆེན་རིགས་བཞི་ཕྱག་གཡས་གྲི་གུག་དང་༔ གཡོན་པས་བདུད་རྩིས་གང་བའི་བྷནྡྷ་འཛིན༔ རང་འོད་ཡུམ་འཁྱུད་ཁྲོ་བོའི་ཆ་ལུགས་རྫོགས༔ སྒོ་བཞིར་སྤྲུལ་པའི་ལྷ་མོ་མགྱོགས་མ་བཞི༔ གཡས་གཡོན་མདའ་དར་ཚེ་ཡི་བུམ་པ་བསྣམས༔ ཆགས་བྲལ་པདྨ་ཐབས་ཤེས་ཉི་ཟླའི་སྟེང་༔ དཀར་སེར་དམར་ལྗང་རྡོ་རྗེའི་གར་གྱིས་རོལ༔ གཞན་ཡང་རྩ་གསུམ་ཚེ་ལྷ་རབ་འབྱམས་ཀུན༔ དཔག་ཡས་ཏིལ་གོང་ཁ་ཕྱེ་ཇི་བཞིན་དུ༔ སྣང་ལ་མ་གྲུབ་འཇའ་ཚོན་ལྟ་བུར་ཤར༔ རང་བྱུང་གདན་གསུམ་ཚང་བའི་ལྷ་ཚོགས་ཀྱིས༔ སྐུ་བཞི་དབྱེར་མེད་ངོ་བོར་དབང་བསྐུར་ཤིང་༔ གནས་གསུམ་འབྲུ་གསུམ་ཕྱག་རྒྱས་མཚན་པ་ལས༔ འོད་འཕྲོས་རང་བཞིན་གནས་ནས་ཡེ་ཤེས་པ༔ མ་ལུས་སྤྱན་དྲངས་གཉིས་སུ་མེད་པར་གྱུར༔ ཧཱུྃ་ཧྲཱི༔ སྔོན་ཚེ་ཨོ་རྒྱན་དྷ་ན་ཀོ་ཥའི་གླིང་༔ ངོ་མཚར་པདྨའི་སྙིང་པོའི་ཟེའུ་འབྲུ་ལས༔ འཆི་མེད་སོ་སོར་རྟོགས་པའི་རིག་མདངས་རྩལ༔ རྣམ་ཀུན་མཆོག་ལྡན་མཚན་དཔེའི་ཕུང་པོར་ཤར༔ བཀྲ་ཤིས་བྲག་ཕུག་མ་རཱ་ཏི་ཀ་རུ༔ ཤེས་རབ་ཕྱག་རྒྱ་མནྡཱ་ར་བར་བཅས༔ དགའ་བ་བཞི་སྦྱོར་ཡེ་ཤེས་སྒྲུབ་པའི་ཚེ༔ ཡབ་ཡུམ་གཉིས་མེད་ཚེ་ཡི་རིག་འཛིན་བརྙེས༔ སྐྱེ་ཤི་མེད་པའི་འཇའ་ལུས་རྡོ་རྗེར་གྱུར༔ དུས་གསུམ་སངས་རྒྱས་ཀུན་གྱིས་དབུགས་དབྱུངས་ཤིང་༔ འགྲོ་ལ་འཆི་མེད་སྩོལ་བའི་ཐུགས་དམ་ཅན༔ བདེ་གཤེགས་ཡོངས་འདུས་པདྨ་ཐོད་ཕྲེང་རྩལ༔ རབ་འབྱམས་རྩ་གསུམ་རྒྱ་མཚོའི་འཁོར་དང་བཅས༔ མོས་ཤིང་གདུང་བས་གནས་འདིར་སྤྱན་འདྲེན་ན༔ འགགས་མེད་མཁའ་ལ་ཆར་སྤྲིན་གཏིབས་པ་བཞིན༔ ཚེ་དབང་དངོས་གྲུབ་སྩོལ་ཕྱིར་གཤེགས་སུ་གསོལ༔ གང་ཤར་སྣང་གྲགས་རིག་པའི་རྟོག་ཚོགས་ཀུན༔ ལྷ་སྔགས་ཆོས་སྐུའི་ངོ་བོར་བྱིན་ཕོབ་ལ༔ ལུས་ངག་ཡིད་ལ་དགའ་བཞིའི་ཡེ་ཤེས་སྐྱེད༔ འཆི་མེད་འཇའ་ལུས་རྡོ་རྗེའི་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཛྙཱ་ན་ཌཱ་ཀི་ནཱི་ས་པ་རི་ཝཱ་ར་བཛྲ་ས་མ་ཡ་ཛ་ཛ༔ བཞུགས་གསོལ་ལ་སོགས་གཞུང་བཞིན་ལ༔ བསྟོད་ཅིང་སྨོན་ལམ་གདབ་པ་ནི༔ ཧཱུྃ་ཧྲཱི༔ ཆོས་དབྱིངས་སོ་སོར་རྟོགས་པའི་ཡེ་ཤེས་ལས༔ བདེ་ཆེན་ལོངས་སྤྱོད་རྫོགས་སྐུའི་རྣམ་རོལ་ནི༔ གང་འདུལ་སྤྲུལ་པའི་རང་གཟུགས་པདྨ་འབྱུང་༔ སྐུ་གསུམ་ཚེ་ཡི་ལྷ་ལ་ཕྱག་འཚལ་བསྟོད༔ རིག་འཛིན་བླ་མ་འཆི་མེད་ཐོད་ཕྲེང་རྩལ༔ ཡི་དམ་ཡོངས་འདུས་དབང་ཆེན་ཧེ་རུ་ཀ༔ ཕྲིན་ལས་ལྷུན་གྲུབ་ཌཱ་ཀི་སྡེ་བཞི་སོགས༔ རྩ་གསུམ་ཚེ་ཡི་ལྷ་ལ་ཕྱག་འཚལ་བསྟོད༔ ཕུང་ཁམས་སྒྲིབ་བྲལ་ཀུན་ཁྱབ་རྡོ་རྗེའི་སྐུ༔ རླུང་སྔགས་ཟུང་འཇུག་བདེ་ཆེན་ནཱ་དའི་གསུང་༔ རྟོག་ཚོགས་རང་གྲོལ་འོད་གསལ་གཉུག་མའི་ངང་༔ འཆི་མེད་སྐུ་གསུམ་གོ་འཕང་འགྲུབ་གྱུར་ཅིག༔ བཟླས་པ་གསུང་གི་རྣལ་འབྱོར་ནི༔ ཐུགས་ཀར་རྡོ་རྗེ་ཐོད་ཕྲེང་གི༔ སྙིང་དབུས་ཡེ་ཤེས་སེམས་དཔའ་ནི༔ པདྨ་དྲྭ་བ་ཚེ་དཔག་མེད༔ དམར་གསལ་པདྨ་ཚེ་བུམ་འཛིན༔ གསང་བ་ཡེ་ཤེས་ཡུམ་དང་སྦྱོར༔ ཐུགས་དབུས་ཉི་ཟླ་ཁ་སྦྱོར་དབུས༔ ཧྲཱིཿམཐར་སྔགས་ཕྲེང་གཡས་སུ་འཁོར༔ དེ་ལས་འོད་འཕྲོས་དཀྱིལ་འཁོར་གྱི༔ ལྷ་ཚོགས་བདེ་སྟོང་མཆོད་པས་མཉེས༔ སྙོམས་པར་ཞུགས་པའི་མཁའ་གསང་ནས༔ སྔགས་ཀྱི་རང་སྒྲ་སྒྲོགས་པར་བསམ༔ ཨོཾ་ཨཱཿཧཱུྃ་ཧྲཱི་ཧྲཱིཿབཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱ་ཡུར་སིདྡྷི་ཛཿ སླར་ཡང་འོད་ཟེར་སྣང་བ་ཡིས༔ ཕྱོགས་དུས་རྒྱལ་བ་སྲས་བཅས་མཆོད༔ འགྲོ་ཀུན་དུས་མིན་འཆི་བ་བསལ༔ རང་དང་བསྒྲུབ་བྱའི་ཚོགས་རྣམས་ཀྱི༔ བླ་ཚེ་ཆད་ཉམས་ཡར་བ་དང་༔ འབྱུང་བ་བཞི་ཡི་དྭངས་མའི་བཅུད༔ འཁོར་འདས་ཚེ་བསོད་ཡེ་ཤེས་ཀུན༔ འཆི་མེད་བདུད་རྩིའི་རྣམ་པར་བཀུག༔ རིགས་ཀྱི་བདག་པོ་ཡབ་ཡུམ་གྱི༔ སྐུ་ཡི་དབྱིབས་བརྒྱུད་སྦྱོར་མཚམས་ནས༔ བྱང་ཆུབ་སེམས་ཀྱི་ངོ་བོར་ཞུ༔ སྤྱྀ་བོ་ནས་ཞུགས་གནས་ལྔ་ཡི༔ འཆི་མེད་ཐོད་ཕྲེང་རིགས་ལྔར་ཐིམ༔ རྩ་ཁམས་ཐམས་ཅད་བདེ་བས་ཁྱབ༔ དབང་དང་བྱིན་རླབས་དངོས་གྲུབ་ཐོབ༔ ཐུན་མོང་འབྱུང་ལྔའི་ཚེ་བཅུད་དང་༔ ཁྱད་པར་ཡེ་ཤེས་རྣམ་ལྔ་ཡིས༔ འཆི་མེད་རྡོ་རྗེའི་སྲོག་འགྲུབ་བསམ༔ སྐབས་སུ་འཇུག་གནས་ལྡང་བའི་རླུང་༔ འབྲུ་གསུམ་སྔགས་དང་སྦྱར་ལ་བཟླ༔ སྲོག་གི་ལྕགས་ཀྱུས་ཚེ་བཅུད་བཀུག༔ ཁ་སྦྱོར་རླུང་བསྡམ་བུམ་ཅན་བཟུང་༔ འབར་འཛག་སྙོམས་འཇུག་འོད་ཟེར་གྱིས༔ ཐུན་མོང་མཆོག་གི་དྭངས་མ་བསྡུ༔ བདེ་སྟོང་ཟུང་འཇུག་ཐིག་ལེའི་ངང་༔ ལྷན་སྐྱེས་ཕྱག་ཆེན་དོན་ལ་བལྟ༔ སྐྱེ་མེད་ནམ་མཁའི་བཅུད་ལེན་བྱ༔ དེ་ལྟར་བདུན་ཕྲག་གསུམ་ལ་སོགས༔ མཚན་མ་ཐོབ་ཀྱི་བར་དུ་བཟླ༔ དུས་མིན་འཆི་བ་ངེས་བཅོམ་ནས༔ ཚེ་དབང་རིག་འཛིན་མཆོག་ཐོབ་འགྱུར༔ ས་མ་ཡ༔ ཁྱད་པར་རྒྱུན་གྱི་རྣལ་འབྱོར་ནི༔ དབྱིངས་རིག་ཟུང་འཇུག་འོད་གསལ་ངང་༔ ཐོད་ཕྲེང་རིགས་ལྔའི་ཐུགས་ཀ་ནས༔ འོད་ཟེར་ཧྲཱྀཿཡི་རྣམ་པར་འཕྲོས༔ བརྟན་གཡོའི་ཐ་མལ་སྣང་ཞེས་སྦྱངས༔ ཕྱི་སྣོད་པདྨོ་བཀོད་པའི་ཞིང་༔ ནང་བཅུད་སྐུ་གསུམ་ཚེ་ཡི་ལྷ༔ སྒྲར་གྲགས་རྡོ་རྗེའི་སྔགས་ཀྱི་དབྱངས༔ རྟོག་ཚོགས་བློ་འདས་བརྗོད་བྲལ་ངང་༔ འཆི་མེད་གཉུག་མའི་སྲོག་འགྲུབ་གྱུར༔ ཧྲཱིཿཧྲཱིཿཧྲཱིཿ དུས་གསུམ་དུས་མེད་གཅིག་ཏུ་བཟླ༔ གནས་སྐབས་སྒོ་གསུམ་སྒྲིབ་གཉིས་དག༔ མཐར་ཐུག་དྭངས་མའི་སྲོག་འགྲུབ་ནས༔ འཆི་མེད་གོ་འཕང་མངོན་དུ་འགྱུར༔ ས་མ་ཡ༔

ཐུན་མཚམས་ཚེ་འགུགས་བསྐུལ་བ་ནི༔ ཧྲཱིཿ འོག་མིན་ཆོས་དབྱིངས་ཕོ་བྲང་ནས༔ ནང་གསལ་གཞོན་ནུ་བུམ་པའི་སྐུ༔ སྣང་མཐའ་ཡབ་ཡུམ་ཐུགས་དམ་བསྐུལ༔ ཀ་དག་གཞི་ཡི་ཚེ་བཅུད་ཁུག༔ ཧྲིཿ འགྲོ་འདུལ་རྡོ་རྗེའི་ཕོ་བྲང་ནས༔ བདེ་སྟོང་དབྱེར་མེད་ཐིག་ལེའི་སྐུ༔ པདྨ་དྲྭ་བའི་ཐུགས་དམ་བསྐུལ༔ ལྷུན་གྲུབ་ལམ་གྱི་ཚེ་བཅུད་ཁུག༔ ཧྲཱིཿ པདྨ་འོད་ཀྱི་ཕོ་བྲང་ནས༔ འཆི་མེད་འཇའ་ལུས་རྡོ་རྗེའི་སྐུ༔ མཚོ་སྐྱེས་ཡབ་ཡུམ་ཐུགས་དམ་བསྐུལ༔ ཟུང་འཇུག་འབྲས་བུའི་ཚེ་བཅུད་ཁུག༔ ཧྲཱིཿ བདེ་ཆེན་འཁོར་ལོའི་དཀྱིལ་འཁོར་ནས༔ སྣང་སྟོང་དབྱེར་མེད་རྡོ་རྗེའི་སྐུ༔ བུདྡྷ་ཐོད་ཕྲེང་ཐུགས་དམ་བསྐུལ༔ ཆོས་དབྱིངས་ཡེ་ཤེས་ཚེ་བཅུད་ཁུག༔ ཧྲཱིཿ ལོངས་སྤྱོད་འཁོར་ལོའི་དཀྱིལ་འཁོར་ནས༔ གྲགས་སྟོང་དབྱེར་མེད་རྡོ་རྗེའི་གསུང་༔ པདྨ་ཐོད་ཕྲེང་ཐུགས་དམ་བསྐུལ༔ སོར་རྟོག་ཡེ་ཤེས་ཚེ་བཅུད་ཁུག༔ ཧྲཱིཿ ཆོས་ཀྱི་འཁོར་ལོའི་དཀྱིལ་འཁོར་ནས༔ རིག་སྟོང་དབྱེར་མེད་རྡོ་རྗེའི་ཐུགས༔ བཛྲ་ཐོད་ཕྲེང་ཐུགས་དམ་བསྐུལ༔ མེ་ལོང་ཡེ་ཤེས་ཚེ་བཅུད་ཁུག༔ ཧྲཱི༔ སྤྲུལ་པའི་འཁོར་ལོའི་དཀྱིལ་འཁོར་ནས༔ ཡོན་ཏན་ལྷུན་རྫོགས་ངོ་བོ་ཉིད༔ རཏྣ་ཐོད་ཕྲེང་ཐུགས་དམ་བསྐུལ༔ མཉམ་ཉིད་ཡེ་ཤེས་ཚེ་བཅུད་ཁུག༔ ཧྲཱི༔ བདེ་སྐྱོང་འཁོར་ལོའི་དཀྱིལ་འཁོར་ནས༔ གང་འདུལ་ཕྲིན་ལས་རྣམ་བཞིའི་གང་༔ ཀརྨ་ཐོད་ཕྲེང་ཐུགས་དམ་བསྐུལ༔ བྱ་གྲུབ་ཡེ་ཤེས་ཚེ་བཅུད་ཁུག༔ ཧྲཱི༔ རྡོ་རྗེ་རིགས་ཀྱི་དཀྱིལ་འཁོར་ནས༔ ཞི་བའི་ཕྲིན་ལས་སྒྲུབ་མཛད་པ༔ བཛྲ་དབང་ཆེན་ཐུགས་དམ་བསྐུལ༔ དགའ་བའི་ཡེ་ཤེས་ཚེ་བཅུད་ཁུག༔ ཧྲཱི༔ རིན་ཆེན་རིགས་ཀྱི་དཀྱིལ་འཁོར་ནས༔ རྒྱས་པའི་ཕྲིན་ལས་སྒྲུབ་མཛད་པའི༔ རཏྣ་དབང་ཆེན་ཐུགས་དམ་བསྐུལ༔ མཆོག་དགའི་ཡེ་ཤེས་ཚེ་བཅུད་ཁུག༔ ཧྲཱི༔ པདྨའི་རིགས་ཀྱི་དཀྱིལ་འཁོར་ནས༔ དབང་གི་ཕྲིན་ལས་སྒྲུབ་མཛད་པའི༔ པདྨ་དབང་ཆེན་ཐུགས་དམ་བསྐུལ༔ དགའ་བྲལ་ཡེ་ཤེས་ཚེ་བཅུད་ཁུག༔ ཧྲཱི༔ ལས་ཀྱི་རིགས་ཀྱི་དཀྱིལ་འཁོར་ནས༔ དྲག་པོའི་ཕྲིན་ལས་སྒྲུབ་མཛད་པའི༔ ཀརྨ་དབང་ཆེན་ཐུགས་དམ་བསྐུལ༔ ལྷན་སྐྱེས་ཡེ་ཤེས་ཚེ་བཅུད་ཁུག༔ ཧྲཱི༔ བྱམས་པ་ཚད་མེད་དཀྱིལ་འཁོར་ནས༔ ཤ་ཡི་ཚེ་བདག་སངས་རྒྱས་སྤྱན༔ དཀར་མོ་མགྱོགས་མའི་ཐུགས་དམ་བསྐུལ༔ ས་ཡི་ཁམས་ནས་ཚེ་བཅུད་ཁུག༔ ཧྲཱི༔ སྙིང་རྗེ་ཚད་མེད་དཀྱིལ་འཁོར་ནས༔ ཁྲག་གི་ཚེ་བདག་མ་མ་ཀཱི༔ སེར་མོ་མགྱོགས་མའི་ཐུགས་དམ་བསྐུལ༔ ཆུ་ཡི་ཁམས་ནས་ཚེ་བཅུད་ཁུག༔ ཧྲཱིཿ དགའ་བ་ཚད་མེད་དཀྱིལ་འཁོར་ནས༔ དྲོད་ཀྱི་ཚེ་བདག་གོས་དཀར་མོ༔ དམར་མོ་མགྱོགས་མའི་ཐུགས་དམ་བསྐུལ༔ མེ་ཡི་ཁམས་ནས་ཚེ་བཅུད་ཁུག༔ ཧྲཱི༔ བཏང་སྙོམས་ཚད་མེད་དཀྱིལ་འཁོར་ནས༔ དབུགས་ཀྱི་ཚེ་བདག་དམ་ཚིག་སྒྲོལ༔ ལྗང་མོ་མགྱོགས་མའི་ཐུགས་དམ་བསྐུལ༔ རླུང་གི་ཁམས་ནས་ཚེ་བཅུད་ཁུག༔ ཧྲཱིཿ སྣང་སྲིད་འཁོར་འདས་ཚེ་བསོད་བཅུད༔ རྣལ་འབྱོར་བདག་གི་སྒོ་གསུམ་དང་༔ དབྱེར་མེད་སྒྲུབ་པའི་རྫས་ལ་སྟིམས༔ འཆི་མེད་རྡོ་རྗེའི་དངོས་གྲུབ་སྩོལ༔ ཨོཾ་ཨཱཿཧཱུྃ་ཧྲཱི་ཧྲཱིཿ བཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱ་ཡུར་སིདྡྷི་ཛཿ ཨཱཿ སྲིད་ཞི་ཀུན་ཁྱབ་རྡོ་རྗེའི་ཚེ༔ ཐིག་ལེ་ཉག་གཅིག་ཀློང་དུ་ཐིམ༔ སྣང་གྲགས་རིག་གསུམ་ལྷ་དང་སྔགས༔ ཡེ་ཤེས་རོལ་པས་རྒྱས་གདབ་བོ༔ ཀཱ་ཡ་ཝཱ་ཀ་ཙིཏྟ་ཨ་ཡུརྫྙཱ་ན་དྷརྨ་དྷཱ་ཏུ་བཛྲ་རཀྵ་བྷྲཱུྃ༔ མཆོད་ཅིང་བསྟོད་ལ་དངོས་གྲུབ་བླང་༔ ཧཱུྃ་ཧྲཱི༔ སྣང་སྲིད་འཆི་མེད་ཚེ་ལྷའི་ཞིང་དུ་གསལ༔ བསྙེན་ཅིང་སྒྲུབ་པས་ཐུགས་དམ་གནད་ནས་བསྐུལ༔ མོས་ཤིང་གདུང་བའི་ཡིད་ཀྱིས་གསོལ་འདེབས་ན༔ དངོས་གྲུབ་རྣམ་གཉིས་སྩོལ་བའི་དུས་ལ་བབས༔ ཕུང་ཁམས་རྣམ་དག་འཇའ་ལུས་རྡོ་རྗེའི་སྐུ༔ མི་འགྱུར་ཚེ་ཡི་དངོས་གྲུབ་སྩལ་དུ་གསོལ༔ རླུང་སྔགས་ཟུང་འཇུག་བདེ་ཆེན་ནཱ་དའི་གསུང་༔ འགགས་མེད་ཚེ་ཡི་དངོས་གྲུབ་སྩལ་དུ་གསོལ༔ རྟོག་ཚོགས་རང་གྲོལ་འཆི་མེད་གཉུག་མའི་ཐུགས༔ འོད་གསལ་ཚེ་ཡི་དངོས་གྲུབ་སྩལ་དུ་གསོལ༔ ཐམས་ཅད་རོ་མཉམ་གཞོན་ནུ་བུམ་སྐུའི་དབྱིངས༔ ཡེ་ཤེས་ཚེ་ཡི་དངོས་གྲུབ་སྩལ་དུ་གསོལ༔ རྩ་སྔགས་མཐར༔ ཀཱ་ཡ་ཝཱ་ཀ་ཙིཏྟ་ཨཱ་ཡུརྫྙཱ་ན་སརྦ་སིདྡྷི་ཕ་ལ་ཧོ༔ ཞེས་བསྐུལ་སྒྲུབ་རྫས་གནས་གསུམ་གཏུགས༔ འཆི་མེད་བདུད་རྩིར་བསམས་ལ་མྱོང་༔ གཞན་ལ་ཚེ་ཡི་དངོས་གྲུབ་སྦྱིན༔ རྗེས་ཆོག་རྩ་བའི་གཞུང་ལྟར་བྱ༔ ས་མ་ཡ༔ འདི་ནི་བསྙེན་སྒྲུབ་ལས་གསུམ་པོ༔ གཅིག་དྲིལ་བསྐྱེད་རྫོགས་ཟུང་འཇུག་སྟེ༔ འཆི་མེད་སྒྲུབ་པའི་མན་ངག་མཆོག༔ འབུམ་ཕྲག་ཀུན་གྱི་ཡང་སྙིང་ཡིན༔ རྒྱ་རྒྱ་རྒྱ༔ བརྡ་ཐིམ༔ དྷཱི།༔ ཚེ་སྒྲུབ་འཆི་མེད་དྲྭ་བ་ལས༔ དབང་བཞི་ཡེ་ཤེས་སྙིང་པོ་བཞུགས༔ དྷཱི།༔ ཚེ་དབང་རིག་འཛིན་པདྨར་འདུད༔ འཆི་མེད་རྡོ་རྗེའི་གྲོང་ཁྱེར་དུ༔ འཇུག་སྒོ་སྨིན་བྱེད་དབང་བཞིའི་རིམ༔ དད་བརྩོན་བརྟུལ་ཞུགས་ལྡན་པ་ཡི༔ སྐལ་བཟང་རྣམས་ཀྱི་སྤྱོད་ཡུལ་ལོ༔ ས་མ་ཡ༔ བཀྲ་ཤིས་ཡིད་འོང་དབེན་གནས་སུ༔ མཁའ་འགྲོ་འདུ་བའི་དུས་ཀྱི་ཚེ༔ སྟེགས་བུ་དམར་ཟླུམ་གྲུ་གང་ངོས༔ སིནྡྷཱུ་ར་ཡིས་བསྐྱང་ནུལ་བྱ༔ དེ་སྟེང་དཀྱིལ་འཁོར་མཚན་མ་དགོད༔ ཕྱི་ནང་གསང་པའི་སྒྲུབ་རྫས་དང་༔ ཚོགས་དང་མཆོད་པའི་ཡོ་བྱད་བཤམ༔ ཡེ་ཤེས་མཐོང་བའི་སློབ་དཔོན་གྱིས༔ བདག་མདུན་དབྱེར་མེད་བསྙེན་ཅིང་བསྒྲུབ༔ བྱིན་འབེབས་ཏིང་འཛིན་ནན་དུ་བསྐྱེད༔ རིག་པའི་མེ་ཏོག་དོར་བའམ༔ ཇི་ལྟར་འོས་པའི་ཚུལ་གྱིས་འཇུག༔ སྣོད་ལྡན་སློབ་མ་ཁྲུས་ནས་ཕྱུང་༔ སྔོན་འགྲོའི་འཇུག་པ་སྤྱྀ་ལྟར་རྗེས༔ དངོས་གཞིའི་ཐོག་མར་བུམ་དབང་ནི༔ ཧྲཱི༔ གཞི་དབྱིངས་གཞོན་ནུ་བུམ་སྐུའི་དཀྱིལ་འཁོར་དུ༔ གཞི་སྣང་རིག་པ་ཡེ་ཤེས་ལྷ་ཚོགས་ཤར༔ ཟུང་འཇུག་ཐུགས་རྗེ་བདུད་རྩིས་དབང་བསྐུར་བས༔ འཆི་མེད་རྡོ་རྗེའི་སྐུ་རུ་འགྲུབ་པར་ཤོག༔ རྩ་སྔགས་དང་༔ ཀཱ་ལ་ཤ་ཀཱ་ཡ་ཨ་བྷི་ཥིཉྩ་ཨོཾ༔ སྤྲོ་ན་རིག་པའི་དབང་ལྔ་སོགས༔ ཡེ་ཤེས་ཐིག་ལེ་ཇི་བཞིན་ལ༔ གཙོ་འཁོར་ཡོངས་རྫོགས་ལྷ་དབང་བསྐུར༔ མཐའ་བརྟེན་ཚེ་བཅུད་འགུགས་ཤིང་བསྟིམ༔ གསང་རྫས་བྱང་སེམས་མགྲིན་པར་བཞག༔ ཧྲཱི༔ བདེ་བ་ཆེན་པོ་པདྨ་ཐོད་ཕྲེང་དང་༔ སྟོང་ཉིད་ཤེས་རབ་མནྡཱ་ར་བ་ཡུམ༔ གཉིས་མེད་མཉམ་སྦྱོར་བྱང་སེམས་འདི་བྱིན་པས༔ ལས་རླུང་ཡེ་ཤེས་ཁམས་སུ་གནས་འགྱུར་ཤོག༔ རྩ་སྔགས་དང་༔ བོ་དྷི་ཙིཏྟ་ཝཱ་ཀ་ཨ་བྷི་ཥིཉྩ་ཨཱ༔ རྗེས་འབྲེལ་སྔགས་ཀྱི་བཟླས་ལུང་དང་༔ མཐའ་བརྟེན་ཚེ་ཡི་བདུད་རྩི་སྦྱིན༔ ཧྲཱི༔ ཐབས་མཆོག་འོད་ཟེར་རྣམ་ལྔའི་རིག་མདངས་ཀྱིས༔ འཁོར་འདས་ཚེ་དང་ཡེ་ཤེས་བསྡུས་པའི་བཅུད༔ ཤེས་རབ་མྱོང་གྲོལ་བདུད་རྩི་འདི་བྱིན་པས༔ འཆི་མེད་རིག་འཛིན་འགྲུབ་པའི་དབང་ཐོབ་ཤོག༔ རྩ་སྔགས་དང་༔ ཝཱ་ཀ་ཨ་བྷི་ཥིཉྩ་ཨཱཿ མཚན་ལྡན་གཟུངས་མ་བྱིན་བརླབས་གཏད༔ ཧྲཱི༔ ལྷན་སྐྱེས་ཡེ་ཤེས་འབྱུང་བའི་གནས་གཅིག་པུ༔ ཡིད་འོང་སྣ་ཚོགས་གཟུགས་ཅན་འདི་གཏད་པས༔ བདེ་སྟོང་རྣམ་ཀུན་མཆོག་ལྡན་འོད་གསལ་ངང་༔ ཟུང་འཇུག་གཉུག་མའི་གནས་ལུགས་མངོན་གྱུར་ཤོག༔ རྩ་སྔགས་དང་༔ པྲ་ཛྙཱ་ཛྙཱ་ན་ཙིཏྟ་ཨ་བྷི་ཥིཉྩ་ཧཱུྃ༔ མཐའ་བརྟེན་ཚེ་ཡི་རིལ་བུ་སྦྱིན༔ ཧྲཱི༔ སྲིད་དང་ཞི་བའི་དྭངས་བཅུད་འདུས་པའི་དངོས༔ འཆི་མེད་བདུད་རྩིའི་རིལ་བུ་འདི་བྱིན་པས༔ རྩ་རླུང་ཐིག་ལེའི་སྒྲིབ་གཉིས་ཀུན་ཞི་ནས༔ དགའ་བཞིའི་ཡེ་ཤེས་རྟག་ཏུ་རྒྱས་པར་ཤོག༔ རྩ་སྔགས་དང་༔ ཙིཏྟཱ་ཨ་བྷི་ཥིཉྩ་ཧཱུྃ༔ ཤེལ་དང་མེ་ལོང་རྟགས་ཀྱི་བརྡས༔ ཀ་དག་ལྷུན་གྲུབ་དོན་ངོ་སྤྲད༔

ཧྲཱིཿ ཀ་དག་སྤྲོས་པ་བྲལ་བའི་ཡེ་ཤེས་ལས༔ ལྷུན་གྲུབ་སྣང་བ་རྣམ་བཞིའི་དཀྱིལ་འཁོར་ཤར༔ དབྱིངས་རིག་དབྱེར་མེད་ཆེན་པོར་དབང་བསྐུར་བས༔ ཆོས་ཟད་བློ་འདས་གོ་འཕང་མངོན་གྱུར་ཤོག༔ རྩ་སྔགས་དང་༔ ཛྙཱ་ན་དྷ་ཏུ་ཀཱ་ཡ་ཝཱ་ཀ་ཙིཏྟཱ་ཨ་བྷི་ཥིཉྩ་ཧྲཱི༔ སྤྲོ་ན་དབང་བཞི་སོ་སོའི་མཐར༔ རང་རང་ལམ་གྱིས་སྲིད་དང་ཞིའི༔ ཚེ་བཅུད་བསྡུ་བའི་དམིགས་པ་སྦྱིན༔ མཐའ་བརྟེན་གཏོར་མ་སྤྱྀ་བོར་བཞག༔ ཧྲཱི༔ ངོ་བོ་འོད་གསལ་ཆོས་སྐུ་སྣང་མཐའ་ཡས༔ རང་བཞིན་བདེ་སྟོང་ལོངས་སྐུ་ཚེ་དཔག་མེད༔ ཐུགས་རྗེ་འཆི་མེད་པདྨ་ཐོད་ཕྲེང་སོགས༔ རབ་འབྱམས་རྩ་གསུམ་ཚེ་ཡི་ལྷ་ཚོགས་ཀྱིས༔ དེང་འདིར་སྐལ་ལྡན་ཁྱོད་ལ་དབང་བསྐུར་བས༔ བླ་ཚེ་ཆད་ཉམས་ཡར་བ་རང་སོར་ཆུད༔ སྲིད་དང་ཞི་བའི་ཚེ་བཅུད་དབུ་མར་ཐིམ༔ སྒོ་གསུམ་འཆི་མེད་གཉུག་མའི་སྲོག་འགྲུབ་ཤོག༔ རྩ་སྔགས་དང་༔ ཀཱ་ཡ་ཝཱ་ཀ་ཙིཏྟཱ་གུ་ཎ་ཀརྨ་བ་ལིཾ་ཏ་སརྦ་སིདྡྷི་ཨ་བྷི་ཥིཉྩ་ཧཱུྃ་ཨཱཿ རྗེས་སུ་ཚེ་བཅུད་རྒྱས་གདབ་ཅིང་༔ སྒྲིབ་གཉིས་གཡུལ་ལས་རྒྱལ་བའི་སླད༔ ཤིས་པའི་རྫས་ཀྱིས་མངའ་ཡང་གསོལ༔ མེ་ཏོག་ཆར་འབེབས་རོལ་མོ་འཁྲོལ༔ དགའ་སྟོན་ཚོགས་ཀྱི་འཁོར་ལོ་སོགས༔ རྩ་བའི་གཞུང་དང་མཐུན་པར་སྤྱད༔ གཞན་དུ་ཐུན་མོང་རིགས་ཅན་ལ༔ བུམ་དབང་རྗེས་འབྲེལ་བཅས་པ་དང་༔ གོང་མ་རྣམས་ཀྱི་མཐའ་བརྟེན་སྦྱར༔ ས་མ་ཡ༔ དེ་ལྟར་རྩ་གསུམ་ཀུན་འདུས་པ༔ འཆི་མེད་དྲྭ་བའི་དཀྱིལ་འཁོར་དུ༔ སྨིན་བྱེད་དབང་བཞིའི་རིམ་པ་འདིས༔ མཐར་ཐུག་ཡེ་ཤེས་སྙིང་པོར་སྦྱོར༔ གནས་སྐབས་དུས་མིན་འཆི་བ་དང་༔ རྩ་རླུང་ཐིག་ལེའི་གེགས་ཀུན་ཞི༔ རྡོ་རྗེའི་ཚེ་ལ་དབང་ཐོབ་པའི༔ རིག་པ་འཛིན་པའི་གཟུགས་སུ་འགྱུར༔ དེ་ཕྱིར་འཆི་མེད་སྒྲུབ་པའི་ཐབས༔ བྱེ་བ་ཕྲག་བརྒྱའི་ཡང་སྙིང་འདི༔ འདས་དུས་མཱ་ར་ཏཱི་ཀ་རུ༔ རིག་འཛིན་ཌཱ་ཀི་རྣམས་ལ་བསྟན༔ མ་འོངས་ལྔ་བརྒྱའི་ཐ་མ་ལ༔ བདག་གིས་བྱིན་རླབས་རྣལ་འབྱོར་པ༔ འོད་གསལ་སྤྲུལ་པའི་རྡོ་རྗེའི་དོན༔ རིག་པ་དབྱིངས་ཀྱི་སྒྲོམ་བུར་སྦས༔ ནམ་ཞིག་རྟེན་འབྲེལ་དུས་བབས་ཚེ༔ སྔོན་གྱི་སྨོན་ལམ་ལྷན་ཅིག་པའི༔ ཆོས་བདག་སྐྱེས་བུའི་ཚོགས་ལ་སོགས༔ འབྲེལ་ཚད་དོན་དང་ལྡན་པར་ཤོག༔ རྒྱ་རྒྱ་རྒྱ༔ བརྡ་ཐིམ༔ དྷཱི།༔ ཚེ་སྒྲུབ་འཆི་མེད་དྲྭ་བ་ལས༔ བྱིན་འབེབས་ཡེ་ཤེས་མཆོག་སྩོལ་བཞུགས༔ ཧྲཱི༔ བྱིན་ཆེན་ངོ་མཚར་འོག་མིན་མཆོག་གི་ཞིང་༔ སྤྲོས་བྲལ་ཆོས་དབྱིངས་རྡོ་རྗེའི་ཕོ་བྲང་ནས༔ ཐོག་མའི་མགོན་པོ་ཀུན་བཟང་ཚེ་ཡི་ལྷས༔ གནས་འདིར་བྱིན་ཕོབ་འཆི་མེད་དངོས་གྲུབ་སྩོལ༔ ཧྲཱི༔ བྱིན་ཆེན་ངོ་མཚར་བདེ་སྟོང་མཆོག་གི་ཞིང་༔ ངེས་པ་ལྔ་ལྡན་ལོངས་སྐུའི་ཕོ་བྲང་ནས༔ ཚེ་བདག་བཅོམ་ལྡན་རྒྱལ་བ་རིགས་མཆོག་ལྔས༔ གནས་འདིར་བྱིན་ཕོབ་འཆི་མེད་དངོས་གྲུབ་སྩོལ༔ ཧྲཱི༔ བྱིན་ཆེན་ངོ་མཚར་འགྲོ་འདུལ་མཆོག་གི་ཞིང་༔ ལྷོ་ནུབ་ཟངས་མདོག་དཔལ་རིའི་ཕོ་བྲང་ནས༔ རྩ་གསུམ་ཀུན་འདུས་པདྨ་ཐོད་ཕྲེང་གིས༔ གནས་འདིར་བྱིན་ཕོབ་འཆི་མེད་དངོས་གྲུབ་སྩོལ༔ ཧྲཱི༔ བྱིན་ཆེན་ངོ་མཚར་དུར་ཁྲོད་མཆོག་གི་ཞིང་༔ དབང་དང་དྲག་ཤུལ་རོལ་པའི་ཕོ་བྲང་ནས༔ ཡི་དམ་ཡོངས་འདུས་དབང་ཆེན་ཧེ་རུ་ཀས༔ གནས་འདིར་བྱིན་ཕོབ་འཆི་མེད་དངོས་གྲུབ་སྩོལ༔ ཧྲཱི༔ བྱིན་ཆེན་ངོ་མཚར་འོད་གསལ་མཆོག་གི་ཞིང་༔ དག་པ་རབ་འབྱམས་སྐུ་གསུམ་ཕོ་བྲང་ནས༔ རྩ་གསུམ་ཆོས་སྲུང་རྒྱ་མཚོའི་ཚོགས་རྣམས་ཀྱིས༔ གནས་འདིར་བྱིན་ཕོབས་འཆི་མེད་དངོས་གྲུབ་སྩོལ༔ ཧྲཱི༔ བྱིན་ཆེན་ངོ་མཚར་ཕྲིན་ལས་མཆོག་གི་ཞིང་༔ ཚད་མེད་རྣམ་བཞི་རོལ་པའི་ཕོ་བྲང་ནས༔ སྤྲུལ་པའི་ལས་མཛད་ལྷ་མོ་མགྱོགས་མ་བཞིས༔ གནས་འདིར་བྱིན་ཕོབས་འཆི་མེད་དངོས་གྲུབ་སྩོལ༔ ཧྲཱི༔ ཕྱི་སྣོད་དག་པ་རྡོ་རྗེའི་འོག་མིན་ཆེ༔ འཆི་མེད་པདྨ་དྲཱ་བར་བྱིན་ཕོབ་ཅིག༔ ནང་བཅུད་འགྲོ་ཀུན་གདོད་ནས་ལྷ་ཡི་སྐུ༔ རྩ་གསུམ་རྒྱ་མཚོའི་ངོ་བོར་བྱིན་ཕོབ་ཅིག༔ སྒྲར་གྲགས་གཞོམ་མེད་རྡོ་རྗེའི་སྔགས་ཀྱི་སྒྲ༔ གྲགས་སྟོང་ནཱ་དའི་དབྱངས་སུ་བྱིན་ཕོབ་ཅིག༔ རྟོག་ཚོགས་རང་གྲོལ་ཀ་དག་གཉུག་མའི་གཤིས༔ གདོད་ནས་འཕོ་འགྱུར་བྲལ་བར་བྱིན་ཕོབ་ཅིག༔ དབྱིངས་རིག་ཟུང་འཇུག་ལྷུན་གྲུབ་སྣང་བཞིའི་ངང་༔ འཇའ་ལུས་རྡོ་རྗེའི་སྐུ་རུ་བྱིན་ཕོབ་ཅིག༔ ཐམས་ཅད་རོ་མཉམ་གཞོན་ནུ་བུམ་སྐུའི་ཀློང་༔ འཁོར་འདས་དབྱེར་མེད་ཆེན་པོར་བྱིན་ཕོབ་ཅིག༔ ཨོཾ་ཨཱཿཧཱུྃ་ཧྲཱིཿཧྲཱིཿབཛྲ་གུ་རུ་པདྨ་སིདྡྷི་པུཎྱེ་ཛྙཱ་ན་ཨཱ་ཡུར་སིདྡྷི་ཛ༔ སརྦ་ས་མ་ཡ་ཨ་བེ་ཤ་ཡ་ཨ་ཨཱ༔ ཧཱུྃ་ཧཱུྃ་ཧཱུྃ༔ དྷཱི།༔ རྩ་གསུམ་འོད་གསལ་སྙིང་ཏིག་ལས༔ ཕག་མོ་དཀར་མོའི་སྒྲུབ་ཐབས་ཡེ་ཤེས་སྣང་བ་བཞུགས༔ དྷཱི།༔ རྩ་གསུམ་ཡོངས་འདུས་ལྷ་ལ་འདུད༔ བཅོམ་ལྡན་བཛྲ་བཱ་ར་ཧིའི༔ ཟབ་མོའི་རྣལ་འབྱོར་ལ་བརྟེན་ནས༔ ཡེ་ཤེས་སྣང་བ་རྒྱས་འདོད་པས༔ དབེན་པའི་གནས་སུ་འདི་ལྟར་བསྒོམ༔ ས་མ་ཡ༔ ཧྲཱི༔ སྟོང་པ་ཉིད་དང་སྙིང་རྗེ་ཆེ༔ ཟུང་འཇུག་བྃ་ཡིག་དཀར་པོ་ལས༔ འོད་འཕྲོས་སྣོད་བཅུད་དབྱིངས་སུ་སྦྱངས༔ ཚུར་འདུས་སྐད་ཅིག་དྲན་རྫོགས་སུ༔ རང་རིག་བཅོམ་ལྡན་ཝཱ་ར་ཧཱི༔ ཞལ་གཅིག་ཕྱག་གཉིས་སྐུ་མདོག་དཀར༔ ཕྱག་གཡས་རྡོ་རྗེའི་གྲི་གུག་འཕྱར༔ གཡོན་པས་ཐོད་ཁྲག་ཐུགས་ཀར་བསྣམས༔ མཆན་ཁུང་ཁ་ཊྭཱྃ་རྩེ་གསུམ་མཚན༔ སྤྱྀ་གཙུག་ཕག་ཞལ་ངུར་སྒྲ་སྒྲོགས༔ དར་དང་རིན་ཆེན་རུས་པའི་བརྒྱན༔ ཁྲོ་འཛུམ་ཆགས་ཉམས་མཚན་དཔེར་འབར༔ ཞབས་གཉིས་བརྐྱང་བསྐུམ་གར་སྟབས་ཀྱིས༔ པད་ཉི་བམ་རོའི་སྙིང་གར་རོལ༔ དམ་ཚིག་ཡེ་ཤེས་དབྱེར་མེད་པ༔ སྣང་སྟོང་ཟུང་འཇུག་ཆེན་པོའི་ངང་༔ ཐུགས་ཀར་ཉི་ཟླ་ཁ་སྦྱོར་དབུས༔ ཧྲཱི་མཐར་སྔགས་ཕྲེང་གཡོན་དུ་འཁོར༔ འོད་ཀྱིས་ཕྱོགས་བཅུའི་རྒྱལ་ཀུན་མཆོད༔ ཁམས་གསུམ་འགྲོ་བའི་སྒྲིབ་གཉིས་བསལ༔ སྲིད་ཞིའི་ཤེས་རབ་ཡེ་ཤེས་བཅུད༔ བདུད་རྩིའི་རྣམ་པར་སྤྱན་དྲངས་ནས༔ ལུས་ངག་ཡིད་ལ་ཐིམ་པ་ཡིས༔ སྤོབས་པའི་གཏེར་མཛོད་གྲོལ་བར་བསམ༔ ཨོཾ་བྃ་བཛྲ་ཝཱ་ར་ཧཱི་པ་ཛྙཱ་ཛྙཱ་ན་སརྦ་སིདྡྷི་ཧྲཱིཾ་ཛ༔ བདུན་ཕྲག་གསུམ་དུ་བཟླས་པ་ཡིས༔ དངོས་ཉམས་རྨི་ལམ་སྣ་ཚོགས་སུ༔ ཉི་ཟླ་ཤར་དང་བདུད་རྩི་འཐུང་༔ མེ་ཏོག་ཆར་འབེབས་རོལ་མོ་སྒྲོགས༔ ཁྲུས་བྱས་གོས་དཀར་གྱོན་པ་སོགས༔ དགེ་ཞིང་ཤིས་པའི་རྟགས་མཚན་འབྱུང་༔ དེ་ཚེ་དངོས་གྲུབ་བླང་བར་བྱ༔ ས་མ་ཡ༔ ཁྱད་པར་རྫོགས་པའི་རིམ་པ་ནི༔ ཁམས་གསུམ་སྣོད་བཅུད་རིམ་གྱིས་བསྡུ༔ འོད་གསལ་ཡེ་ཤེས་ཆེན་པོར་འཇུག༔ དེ་ལས་སླར་ཡང་གཉུག་མའི་ལྷ༔ འཇའ་ཚོན་ཤར་བ་ལྟ་བུར་ལྡང་༔ སྐུ་དབུས་དྲང་པོར་རྩ་དབུ་མ༔ སྦོམ་ཕྲ་མདའ་སྨྱུག་ཙམ་པ་ལ༔ གཡས་གཡོན་རོ་རྐྱང་གཉིས་དང་བཅས༔ འཁོར་ལོ་རྣམ་བཞི་རབ་ཏུ་གསལ༔ སྙིང་གར་དྭངས་མའི་ཐིག་ལེའི་དབུས༔ ཡེ་ཤེས་ལྔ་ལྡན་བྃ་ཡིག་བསྒོམ༔ མེ་རླུང་སྦྱོར་བས་བདེ་དྲོད་བསྐྱེད༔ བདུད་རྩིའི་བཅུད་ཀུན་བྃ་ལ་བསྟིམ༔ རླུང་ཡིད་རིག་པ་གཅིག་དྲིལ་ནས༔ ལྷན་སྐྱེས་བདེ་སྟོང་ངང་དུ་བཞག༔ འདི་ཉིད་བསྒོམས་པ་ཙམ་གྱིས་ཀྱང་༔ མཆོག་གི་དངོས་གྲུབ་ཚེ་འདིར་འགྲུབ༔ ས་མ་ཡ༔ སློབ་མ་རྗེས་སུ་གཟུང་བ་ནི༔ བདག་མདུན་དབྱེར་མེད་བསྐྱེད་ཅིང་བཟླས༔ སྔོན་འགྲོའི་འཇུག་པས་རྒྱུད་སྦྱངས་ནས༔ དངོས་གཞིར་བུམ་པ་སྤྱྀ་བོར་བསྐུར༔ ཧྲཱི༔ སྟོང་ཉིད་བུམ་པའི་དཀྱིལ་འཁོར་དུ༔ བདེ་ཆེན་ཡེ་ཤེས་ཌཱ་ཀི་ཤར༔ ཟུང་འཇུག་བདུད་རྩིའི་དབང་བསྐུར་བས༔ རྡོ་རྗེའི་གཟུགས་སྐུ་མངོན་འགྱུར་ཐོག༔ རྩ་སྔགས་དང་༔ ཀཱ་ཡ་ཨ་བྷི་ཥིཉྩ་ཨོཾ༔ སྙོམས་འཇུག་བྱང་སེམས་བདུད་རྩི་སྦྱིན༔ ཧྲཱི༔ ཨེ་དབྱིངས་བདེ་མཆོག་ཧེ་རུ་ཀ༔ ཝྃ་ཡིག་རྡོ་རྗེ་བཙུན་མོར་སྦྱར༔ སྲིད་པ་དག་བྱེད་བདུད་རྩིའི་ཆུ༔ འཐུངས་ཤིག་འཐུངས་ཤིག་དཔའ་བོ་ཆེ༔ རྩ་སྔགས་དང་༔ གུཧྱ་ཨ་མྲྀ་ཏ་མ་ཧཱ་སུ་ཁ་ཧོ༔ སིནྡྷཱུ་ར་ནི་སྙིང་གར་བྱུགས༔ ཧྲཱིཿ རྟགས་ཀྱི་ཐིག་ལེ་འདི་བཏབ་པས༔ དོན་དམ་རྡོ་རྗེའི་ཕོ་ཉ་མོ༔ ཀུན་རྫོབ་སྣ་ཚོགས་གཟུགས་ཅན་གྱི༔ བདེ་མཆོག་བདེ་བའི་རོལ་པར་སྤྱོད༔ རྩ་སྔགས་དང་༔ ཛྙཱ་ན་ཀརྨ་མུ་དྲ་ཧོ༔ དེ་ལས་སྐྱེས་པའི་ཡེ་ཤེས་ལ༔ རིག་སྟོང་གཉུག་མར་ངོ་སྤྲོད་གདབ༔ ཧྲཱི༔ ལྟོས་ཤིག་སྐལ་ལྡན་སྙིང་གི་བུ༔ བལྟས་པས་མཐོང་མེད་བདེ་བ་ཆེ༔ རང་རིག་བཛྲ་ཝཱ་ར་ཧཱི༔ ཀ་དག་ལྷུན་གྲུབ་ཟུང་དུ་འཇུག༔ རྩ་སྔགས་མཐར༔ ཛྙཱ་ན་བཛྲ་དྷརྨ་དྷཱ་ཏུ་ཨ་ཨ་ཨ༔ ཞེས་བརྗོད་དགོངས་པ་དབྱིངས་ལ་གཏད༔ ས་མ་ཡ༔ ཇི་ལྟ་ཇི་སྙེད་ཡེ་ཤེས་ཀྱི༔ སྣང་བ་རྟག་ཏུ་རྒྱས་འདོད་ན༔ མཐར་ཐུག་དོན་གྱི་སྒྲུབ་པ་འདི༔ སྙིང་གི་དབུས་སུ་གཅེས་པར་ཟུངས༔ རྒྱ་རྒྱ་རྒྱ༔ དྷ་ཐིམ༔

དྷཱི།༔ །རྩ་གསུམ་འོད་གསལ་སྙིང་ཏིག་ལས༔ ཕག་མོ་དཀར་མོའི་ཚེ་སྒྲུབ་བཞུགས༔ དྷཱི།༔ འཆི་མེད་རྩ་གསུམ་ལྷ་ལ་འདུད༔ བདེ་ཆེན་དཀར་མོ་ལ་བརྟེན་ནས༔ ཚེ་དང་ཡེ་ཤེས་སྒྲུབ་འདོད་ན༔ འཆི་མེད་ཚེ་ཡི་རྫས་དང་ནི༔ གཏོར་མ་མཆོད་ཚོགས་ཅི་འབྱོར་བཤམ༔ བདག་ཉིད་ལྷར་སྣང་གསལ་བརྟན་ངང་༔ ཐུགས་ཀར་འཆི་མེད་ཚེ་དཔག་མེད༔ དཀར་གསལ་མཉམ་བཞག་ཚེ་བུམ་རྒྱས༔ རང་འོད་ཡུམ་འཁྱུད་ལོངས་སྐུའི་ཆས༔ མཚན་དཔེའི་གཟི་བརྗིད་དཔལ་དུ་འབར༔ དེའི་ཐུགས་དབུས་ཐབས་ཤེས་རབ༔ ཉི་ཟླའི་གའུ་ཁ་སྦྱོར་དབུས༔ ཟུང་འཇུག་ཧྲཱིཿཡིག་ཀར་པོའི་མཐར༔ སྔགས་ཀྱིས་འཁོར་ལས་འོད་ཟེར་འཕྲོས༔ རང་གི་བླ་ཚེ་ཆད་ཉམས་དང་༔ འཁོར་འདས་དྭང་བཅུད་འཆི་མེད་ཀྱི༔ བདུད་རྩིའི་རྣམ་པར་བྃ་ལ་ཐིམ༔ རྡོ་རྗེའི་ཡེ་ཤེས་སྲོག་འགྲུབ་གྱུར༔ ཨོཾ་བྃ་བཛྲ་ཝཱ་ར་ཧཱི་པྲ་ཛྙཱ་ཛྙཱ་ན་སརྦ་སིདྡྷི་ཧྲཱིཾ་ཛཿ བཛྲ་ཨཱ་ཡུ་ཥེ་སྭཱ་ཧཱ༔ འབུམ་ཕྲག་བཞི་བཟླས་འཆི་མེད་འགྲུབ༔ ཐུན་མཚམས་ཚེ་འགུགས་བརྒྱུད་བསྐུལ་ནི༔ མདའ་དར་གཡབ་ཅིང་གདུང་ཤུགས་བསྐྱེད༔ ཨོཾ༔ མེ་ལོང་ལྟ་བུའི་ཡེ་ཤེས་ལས༔ ཕྱག་རྒྱའི་གཟུགས་སུ་རང་ཤར་བ༔ བདེ་ཆེན་དཀར་མོ་ཚེ་ཡི་ལྷ༔ འབུམ་ཕྲག་ཡངས་པའི་འཁོར་དང་བཅས༔ རྩེ་གཅིག་གུས་པས་བསྒྲུབ་ལགས་ན༔ ཐུགས་རྗེ་ཐུགས་དམ་རྩལ་ཆེན་ཕྱུངས༔ ཕོ་ཉ་སྤྲུལ་པ་མཁའ་ཁྱབ་སྤྲོས༔ བདག་གཞན་བླ་ཚེ་ཆད་ཡར་དང་༔ འཁོར་འདས་སྲོག་གི་དྭངས་མའི་བཅུད༔ འཆི་མེད་བདུད་རྩིའི་རྣམ་པར་བསྡུས༔ བདག་དང་སྒྲུབ་པའི་རྫས་ལ་བསྟིམས༔ བླ་སྲོག་ཆད་ཉམས་རང་སོར་ཆུད༔ འགྱུར་བ་མེད་པ་རྡོ་རྗེའི་སྐུ༔ གཞོམ་དུ་མེད་པ་གཉུག་མའི་སྲོག༔ མི་ཕྱེད་རྒྱུན་གྱིས་རྟག་པ་ཡི༔ ཡེ་ཤེས་ཆེན་པོའི་དངོས་གྲུབ་སྩོལ༔ ཨོཾ་བྃ་བཛྲ་ཝཱ་ར་ཧཱི་པྲ་ཛྙཱ་ཛྙཱ་ན་སརྦ་སིདྡྷི་ཧྲཱིཾ་ཛཿ བཛྲ་ཨཱ་ཡུ་ཥེ་སྭཱ་ཧཱ༔ བསྐུལ་བའི་མཐར༔ ཨཱཿ སྲིད་ཞིའི་དྭང་བཅུད་སྙིང་དབུས་ཀྱི༔ མི་ཤིག་ཐུགས་སྲོག་ལྷ་ལ་ཐིམ༔ རྡོ་རྗེའི་གོ་ཆས་རྒྱས་གདབ་པས༔ འཕོ་མེད་གཉུག་མའི་སྲོག་འགྲུབ་ཤོག༔ ཛྙཱ་ན་བཛྲ་རཀྵ་རཀྵ་བྷྲཱུྃ༔ རང་ཉིད་དངོས་གྲུབ་བླང་བའམ༔ གཞན་ལ་ཚེ་ཡི་དབང་བསྐུར་ན༔ ཁྲུས་བྱས་བགེགས་ཕྲལ་སྲུང་འཁོར་བསྒོམ༔ མཎྜལ་འབུལ་ཞིང་གསོལ་བ་གདབ༔ ཧོཿ བདེ་ཆེན་ཡེ་ཤེས་སྣང་བ་ཅན༔ ཁྱབ་བདག་རྡོ་རྗེ་བཙུན་མོ་དང་༔ དབྱེར་མེད་དཔལ་ལྡན་བླ་མ་ཡིས༔ ཚེ་དང་ཡེ་ཤེས་དབང་མཆོག་སྩོལ༔ རྒྱུད་སྦྱངས་ལྷར་བསྐྱེད་བྱིན་ཆེན་དབབ༔ ཚེ་འགུགས་བསྐུལ་ཞིང་དངོས་གྲུབ་གསོལ༔ དེ་ནས་འབྲང་རྒྱས་སྤྱི་བོར་བཞག༔ ཨོཾ༔ མི་འགྱུར་རྟག་པའི་ཡེ་ཤེས་སྐུ༔ བདེ་གཤེགས་ཚེ་ཡི་དབང་བསྐུར་བས༔ ལུས་ཀྱི་སྒྲིབ་པ་ཀུན་དག་ནས༔ འཕོ་མེད་རྡོ་རྗེའི་སྐུ་འགྲུབ་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ ཚེ་ཡི་བདུད་རྩི་མགྲིན་པར་སྦྱིན༔ ཨཱཿ འགགས་མེད་ནཱ་དའི་ཡེ་ཤེས་གསུང་༔ པདྨ་ཚེ་ཡི་དབང་བསྐུར་བས༔ ངག་གི་སྒྲིབ་པ་ཀུན་དག་ནས༔ མི་ཕྱེད་རྡོ་རྗེའི་གསུང་འགྲུབ་ཤོག༔ ཝཱ་ཀ་ཨ་བྷིཉྩི་ཨཱཿ རིལ་བུ་སྙིང་གར་གཏུགས་ཤིང་སྦྱིན༔ ཧཱུྃ༔ འོད་གསལ་གཉུག་མའི་ཡེ་ཤེས་ཐུགས༔ རྡོ་རྗེ་ཚེ་ཡི་དབང་བསྐུར་བས༔ ཡིད་ཀྱི་སྒྲིབ་པ་ཀུན་དག་ནས༔ མཁའ་ཁྱབ་རྡོ་རྗེའི་ཐུགས་འགྲུབ་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ལྟར་དབང་དང་དངོས་གྲུབ་བླངས༔ བདུད་རྩིས་ལུས་ཀྱི་ནང་གང་བས༔ ཚེ་དང་ཡེ་ཤེས་མཆོག་འགྲུབ་ཅིང་༔ དྭངས་མ་སྙིང་དབུས་ཧྲཱིཿལ་ཐིམ༔ མི་ཕྱེད་རྡོ་རྗེའི་སྲོག་ཐོབ་བསམ༔ བདེན་པའི་ཚིག་བཅས་རྒྱས་གདབ་ཅིང་༔ ཤིས་པ་བརྗོད་ཅིང་མེ་ཏོག་འཐོར༔ དེས་ནི་དུས་མིན་འཆི་བ་ཞི༔ ཚེ་བསོད་ཡེ་ཤེས་འཕེལ་བར་འགྱུར༔ ས་མ་ཡ༔ ཤིན་ཏུ་ཡང་ཟབ་གསང་བའི་བཅུད༔ རྡོ་རྗེ་གསུམ་དུ་བསྒྲུབ་པའི་ཐབས༔ འདིས་ཀྱང་སྐལ་བར་ལྡན་པ་རྣམས༔ འཆི་མེད་ཡེ་ཤེས་འགྲུབ་པར་ཤོག༔ ས་མ་ཡ༔ རྒྱ་རྒྱ་རྒྱ༔ གུཧྱ༔ དྷ་ཐིམ༔

དྷཱི།༔ རྩ་གསུམ་འོད་གསལ་སྙིང་ཏིག་ལས༔ བཀའ་སྲུང་མཆོད་གསོལ་རྡོ་རྗེའི་དྲྭ་བ་བཞུགས༔ དྷཱི།༔ དཔལ་ཆེན་ཧེ་རུ་ཀ་ལ་འདུད༔ མ་འོངས་འོད་གསལ་གསང་བའི་ལམ༔ མངོན་དུ་སྤྱོད་པའི་སྐལ་ལྡན་རྣམས༔ རྒྱུད་གསུམ་དྲེགས་པའི་གསོལ་མཆོད་འདི༔ སྙིང་གི་ཐིག་ལེར་གཅེས་པར་ཟུངས༔ ས་མ་ཡ༔ དེ་ཡང་ཤིན་ཏུ་དབེན་པའི་གནས༔ དུར་ཁྲོད་དྲག་པོའི་གཞལ་ཡས་སུ༔ ཕྱི་ནང་གསང་བའི་རྟེན་རྫས་མདུན༔ བྷནྡྷར་བཤོས་བུ་ཟུར་གསུམ་པ༔ གཙོ་འཁོར་སོ་སོའི་གྲངས་མཉམ་དང་༔ མཐའ་མར་ཐེབ་ཀྱུ་ཤ་ཁྲག་སྙིང་༔ དགྲ་བོའི་རཱུ་པ་བཅས་པས་བསྐོར༔ གཞན་ཡང་མཐུན་པའི་དམ་ཚིག་རྫས༔ གཙང་ཞིང་མཛེས་པས་མདུན་བདར་ཏེ༔ རང་ཉིད་སྐད་ཅིག་དཔལ་ཆེན་པོའི༔ གསལ་སྣང་རྫོགས་པའི་ང་རྒྱལ་ངང་༔ མཆོད་གཏོར་ཡེ་ཤེས་བདུད་རྩིར་བརླབ༔ དེ་ནས་དམ་ཚིག་བསྐྱེད་པ་ནི༔ ཧཱུྃ༔ རང་མདུན་ཁྲག་མཚོ་རྦ་རླབས་འཁྲུགས་པའི་ཀློང་༔ ཀེང་རུས་ཐོད་མཁར་འཇིགས་སུ་རུང་བའི་དབུས༔ པདྨ་ཉི་སྟེང་ཧཱུྃ་ཡིག་མཐིང་ནག་ལས༔ འོད་འཕྲོས་རྒྱུད་གསུམ་དྲེགས་པའི་སྲོག་སྙིང་འཕྲོག༔ ཚུར་འདུས་ཡོངས་གྱུར་སྐད་ཅིག་དྲན་རྫོགས་སུ༔ དཔལ་ལྡན་ཡེ་ཤེས་མགོན་པོ་མ་ནིང་ནག༔ ཆར་སྤྲིན་མདོག་ཅན་སྲིན་པོ་ཁྲོས་པའི་ཉམས༔ ཞལ་གཅིག་ཕྱག་གཉིས་གཡས་པས་རུ་མཚོན་ཕྱར༔ གཡོན་པས་དམ་ཉམས་སྙིང་དང་ཞགས་པ་བསྣམས༔ འཁོར་འདས་སྣང་སྲིད་སྐུའི་དབྱིངས་སུ་རྫོགས༔ སྤྱན་གསུམ་མེ་འབར་རལ་པ་སྦྲུལ་དུ་གཡོ༔ ཐོད་སྐམ་དབུ་རྒྱན་ཐོད་རློན་དོ་ཤལ་འཆང་༔ དར་ནག་བེར་གསོལ་བེར་ཆེན་སྐེད་པར་བཙུགས༔ ཞབས་གཉིས་གཡོན་བརྐྱང་ལོག་འདྲེན་སྙིང་གར་བརྫིས༔ འཁོར་དུ་དཔལ་ལྡན་མགོན་པོ་སྡེ་ལྔར་བཅས༔ སྲིད་དང་ཞི་བའི་ཆེ་བཙན་གཅིག་ཏུ་བཞེངས༔ གཡས་སུ་ཏྲི་ལས་གཟའ་མཆོག་རཱ་ཧུ་ལ༔ དུད་ཀའི་མདོག་འཆང་དབུ་དགུ་བྱ་རོག་གདོང་༔ རབ་འཇིགས་ཕྱག་བཞི་འབར་བའི་སྤྱན་སྟོང་གཡོ༔ དང་པོས་ཆུ་སྲིན་རྒྱ་མཚན་སྦྲུལ་ཞགས་དང་༔ ལྷག་མ་རྣམ་གཉིས་རྭ་ཡི་མདའ་གཞུ་འགེངས༔ སྐུ་སྨད་སྦྲུལ་འཇུག་རྒྱ་མཚོའི་ཀློང་དུ་འཁྱིལ༔ འཁོར་དུ་གཟའ་གདོང་རྒྱུ་སྐར་ཚོགས་ཀྱིས་བསྐོར༔ གཡོན་དུ་ཏྲག་ལས་སྔགས་སྲུང་རལ་གཅིག་མ༔ མཐིང་ནག་ཞལ་གཅིག་སྤྱན་གཅིག་མཆེ་བ་གཅིག༔ བྲང་ན་ནུ་གཅིག་བདུད་རྩིའི་བཅུད་ཀྱིས་གཏམས༔ ཕྱག་གཡས་དམ་ཉམས་ཙིཏྟ་ཞལ་དུ་གསོལ༔ གཡོན་པས་ལྕགས་སྤྱང་མགོ་དགུ་ཁྲ་ཐབས་འགྱེད༔ ཞབས་གཉིས་འདོར་སྟབས་བྃ་རོའི་སྙིང་གར་རོལ༔ འཁོར་དུ་སྣང་སྲིད་མ་མོའི་ཚོགས་ཀྱིས་བསྐོར༔ གཞན་ཡང་སྡེ་བརྒྱད་དྲེགས་པའི་དམག་དཔུང་ཚོགས༔ ཁྲོ་གཏུམ་འབར་འཁྲུགས་ལོག་འདྲེན་འབྱུང་པོའི་གཤེད༔ དེ་ལྟར་གསལ་བའི་གཙོ་འཁོར་ཐམས་ཅད་ཀྱི༔ གནས་གསུམ་དམ་ཚིག་ཕྱག་རྒྱས་མཚན་པ་ལས༔ འོད་འཕྲོས་རང་བཞིན་གནས་ནས་ཡེ་ཤེས་པ༔ མ་ལུས་སྤྱན་དྲངས་གཉིས་སུ་མེད་པར་གྱུར༔ གཉིས་པ་ཡེ་ཤེས་སྤྱན་འདྲེན་ནི༔ ཧཱུྃ་བྷྱོ༔ རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་༔ གདུག་པ་འདུལ་ཕྱིར་ཁྲོ་བོའི་སྐུར་སྤྲུལ་པ༔ གཉིས་མེད་ཡེ་ཤེས་མགོན་པོ་མ་ནིང་ནག༔ བདེ་ཆེན་སྒྱུ་མའི་རྣམ་རོལ་རཱ་ཧུ་ལ༔ ཤེས་རབ་དབྱིངས་ཀྱི་ཕྱག་རྒྱ་སྔགས་སྲུང་མ༔ སྣང་སྲིད་དྲེགས་པའི་དམག་དཔུང་འཁོར་དང་བཅས༔ སངས་རྒྱས་བསྟན་པ་གཉན་པོ་སྲུང་བའི་ཕྱིར༔ དུར་ཁྲོད་དྲག་པོའི་གནས་འདིར་གཤེགས་སུ་གསོལ༔ ཨོཾ་ཤྲཱི་མ་ཧཱ་ཀཱ་ལ་ཀེ་ཏ་ཀེ་ཏ་རཱ་ཧུ་ལ་མ་མ་ཏྲག་རཀྴ་ཨཿཡཿམཿདུཿརུཿཙཿཤཿནཿསརྦ་ས་མ་ཡ་ཛ་ཛ༔ གསུམ་པ་བཞུགས་སུ་གསོལ་བ་ནི༔ ཧཱུྃ༔ དམ་ཚིག་ཉམས་པའི་སྲོག་གི་མདངས་འཕྲོག་ཅིང་༔ དམ་ལྡན་རྣལ་འབྱོར་ཕྲིན་ལས་བསྒྲུབ་སླད་དུ༔ རབ་འཇིགས་འོད་ཟེར་འཁྲུགས་པའི་གཞལ་ཡས་འདིར༔ དཔལ་མགོན་ལྕམ་དྲལ་འཁོར་བཅས་དགྱེས་པར་བཞུགས༔ ཛཿཧཱུྃ་བྃ་ཧོཿས་མ་ཡ་ཏིཥྛ་ལྷན༔ བཞི་པ་བརྡ་ཕྱག་འཚལ་བ་ནི༔ ཧཱུྃ༔ དྲན་པ་ཙམ་གྱིས་དགྲ་དང་བགེགས་ཀྱི་ཚོགས༔ མ་ལུས་འདུལ་མཛད་དཔལ་འབར་ཧེ་རུ་ཀ༔ ལྕམ་དྲལ་བཀའ་སྡོད་འཁོར་དང་བཅས་པ་ལ༔ སྒོ་གསུམ་གུས་པའི་ཚུལ་གྱིས་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱིཙྪ་ཧོ༔ ལྔ་པ་མཆོད་གཏོར་འབུལ་བ་ནི༔ ཧཱུྃ་བྷྱོ༔ ཡུལ་དང་དབང་པོར་འབྲེལ་བའི་རྟོག་ཚོགས་ཀུན༔ འོད་གསལ་དབུ་མའི་དབྱིངས་སུ་བསྒྲལ་བ་ལས༔ ཕྱི་ནང་གསང་བ་རྨད་བྱུང་མཆོད་པའི་སྤྲིན༔ དཔག་མེད་ནམ་མཁའ་ཁྱབ་པས་མཉེས་གྱུར་ཅིག༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་ནས་ཤཔྡའི་བར་དང་རུ་པ་ཤཔྡ་གནྡྷེ་རཱ་ས་སྤར་ཤེ་མ་ཧཱ་པཉྩ་ཨ་མྲྀ་ཏ་རཀྟ་ག་ཎ་ཙཀྲ་སརྦ་པཱུ་ཛ་ཧོཿ ཨོཾ་ཤྲཱི་མ་ཧཱ་ཀཱ་ལ་ཀེ་ཏ་ཀེ་ཏ་རཱ་ཧུ་ལ་མ་མ་ཏྲག་རཀྴ་ཨཿཡཿམཿདུཿརུཿཙཿཤཿན་སརྦ་ས་མ་ཡ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ དྲུག་པ་གནད་ནས་བསྐུལ་བ་ནི༔ མདུན་བསྐྱེད་ཐུགས་ཀར་ཉི་མའི་སྟེང་༔ རང་སྲོག་སྔགས་ཀྱི་ཕྲེང་བས་བསྐོར༔ བདག་ཉིད་དཔལ་ཆེན་ཧེ་རུ་ཀའི༔ ཕྱག་རྒྱ་གཉེན་པོའི་འོད་ཟེར་གྱིས༔ རིག་པས་དམ་ཚིག་རྒྱུད་བསྐུལ་ཏེ༔ སྤྲུལ་དང་ཡང་སྤྲུལ་བཀའ་ཉན་བཅས༔ སྲིད་གསུམ་ཁྱབ་པའི་ཚོགས་སྤྲོས་ནས༔ ཕྲིན་ལས་རྣམ་བཞི་བསྒྲུབ་པར་བསམ༔ ཨོཾ་ཤྲཱི་མ་ཧཱ་ཀཱ་ལ་ཀེ་ཏ་ཀེ་ཏ་རཱ་ཧུ་ལ་མ་མ་ཏྲག་རཀྴ་སརྦ་ས་མ་ཡ་ཧཱུྃ་བྷྱོ་ཧཱུྃ༔ མཚན་མའི་རྟགས་དང་སྦྱར་ལ་བཟླ༔ བདུན་པ་སྐོང་ཤིང་བཤགས་པ་ནི༔ ཧཱུྃ་བྷྱོ༔ དུར་ཁྲོད་ཁྲག་མཚོ་འཁྲུགས་པའི་གཞལ་ཡས་འདིར༔ དཔལ་མགོན་འཁོར་བཅས་དགྱེས་པ་སྐྱེད་པའི་རྫས༔ དངོས་ཡིད་ལས་བྱུང་སྣ་ཚོགས་མཆོད་སྤྲིན་ཆེ༔ ནམ་མཁའ་མཛོད་ཀྱི་འཁོར་བཅས་ཐུགས་དམ་བསྐང་༔ དགྲ་བགེགས་བསྒྲལ་བའི་ཁྲག་གི་མཆོད་ཡོན་དང་༔ དབང་པོའི་མེ་ཏོག་ཤ་གསུར་བདུག་པའི་སྤྲིན༔ ཞུན་ཆེན་མར་མེ་མཁྲིས་པའི་དྲི་ཆབ་མཚོ༔ རྐང་གླིང་ཐོད་པའི་རྔ་སྒྲས་ཐུགས་དམ་བསྐང་༔ ཕྱི་ནང་གསང་བའི་རྟེན་རྫས་བླ་རྡོ་དང་༔ གང་བཞེད་དེ་ངོར་འཆར་བའི་འདོད་ཡོན་ལྔ༔ སྣང་སྲིད་གཞིར་བཞེངས་ཕྱག་རྒྱའི་དམ་ཚིག་གིས༔ གང་ཤར་བདེ་བ་ཆེན་པོར་ཐུགས་དམ་བསྐང་༔ རྩ་ཁམས་དབུ་མར་སྦྱར་བའི་ཨ་མྲྀ་ཏ༔ བདག་འཛིན་དབྱིངས་སུ་བསྒྲལ་བའི་དམར་ཆེན་པོ༔ སྣོད་བཅུད་ཤ་ཁྲག་རུས་པའི་གཏོར་མའི་ཚོགས༔ བླ་མེད་གསང་བའི་རྫས་ཀྱིས་ཐུགས་དམ་བསྐང་༔ སྣང་གྲགས་དཀྱིལ་འཁོར་འཁོར་ལོའི་རོལ་པ་ཤར༔ སྒོ་གསུམ་ཐིག་ལེ་ཆེན་པོའི་ཀློང་དུ་རྫོགས༔ ཅིར་སྣང་ཡེ་ཤེས་མཆོག་གི་གྲོང་ཁྱེར་དུ༔ བླང་དོར་འཁྲུལ་པ་ཟད་པས་ཐུགས་དང་བསྐང་༔ དོན་དམ་བདེ་གཤེགས་སྙིང་པོའི་གནས་ལུགས་ལ༔ བཤགས་དང་བཤགས་བྱའི་སྤྲོས་མཚན་ལས་འདས་ཀྱང་༔ ཀུན་རྫོབ་སྒྱུ་མ་ལྟ་བུའི་རྣམ་རོལ་གྱིས༔ དམ་ཚིག་ཉམས་ཆག་ཐམས་ཅད་མཐོལ་ཞིང་བཤགས༔ གནས་སྐབས་གང་འདུལ་ཕྲིན་ལས་སྣ་ཚོགས་ཀྱིས༔ བསྟན་དང་འགྲོ་བའི་ཕན་བདེ་རྒྱས་པ་དང་༔ མཐར་ཐུག་ཟབ་གསང་སྙིང་པོའི་ཉེ་ལམ་ནས༔ སྐུ་བཞིའི་གོ་འཕང་འགྲུབ་པའི་དངོས་གྲུབ་སྩོལ༔ ཡི་གེ་བརྒྱ་པ་བརྗོད༔ བརྒྱད་པ་བསྟོད་ཅིང་བསྐུལ་བ་ནི༔ ཧཱུྃ་བྷྱོ༔ སྐྱེ་བ་མེད་ལས་སྐྱེ་བའི་ཆོ་འཕྲུལ་ནི༔ ནམ་མཁའི་མདོག་ཅན་སྲིན་པོ་ཁྲོས་པའི་གཟུགས༔ ཕྱག་གཉིས་ཐབས་ཤེས་རུ་མཚོན་སྙིང་ཞགས་བསྣམས༔ ཧེ་རུ་ཀཿདཔལ་འབར་བ་ཁྱོད་ལ་བསྟོད༔ སྤྱན་གསུམ་དམར་ཟླུམ་མེ་དང་མཉམ་སྦྱོར་བས༔ ལོག་འདྲེན་བགེགས་ཀྱི་ཚོགས་ཀུན་སྲེག་མཛད་ཅིང་༔ ཡིད་བཞིན་འདོད་པ་འཇོ་བའི་བེང་ཆེན་ལས༔ རྣལ་འབྱོར་དངོས་གྲུབ་སྩོལ་མཛད་ཁྱོད་ལ་བསྟོད༔ ཐབས་ཀྱི་ཕྱག་རྒྱ་གཏུམ་དྲག་འབར་བའི་སྐུ༔ ཕོ་རྒྱུད་དྲེགས་པའི་ཚོགས་ལ་དབང་བསྒྱུར་ཞིང་༔ སྲིད་གསུམ་ཟིལ་གནོན་ཉམས་པའི་སྲོག་གི་གཤེད༔ དྲང་སྲོང་ཆེན་པོ་སྒྲ་གཅན་འཛིན་ལ་བསྟོད༔ ཤེས་རབ་རྡོ་རྗེ་བཙུན་མོའི་སྒྱུ་མ་ནི༔ སྣང་སྲིད་མ་མོའི་རྗེ་མོར་ཡོངས་ཤར་བ༔ སྙིང་ཏིག་གཉན་པོའི་བཀའ་སྲུང་རྒྱ་མཚོའི་གཙོ༔ དཔལ་འབར་ཨེ་ཀ་ཛ་ཊཱི་ཁྱོད་ལ་བསྟོད༔ དོན་དམ་ཆོས་ཀྱི་དབྱིངས་ལས་མ་གཡོས་ཀྱང་༔ རྣམ་པ་ཁྲོ་ཆགས་སྒེག་པའི་སྒྱུ་འཕྲུལ་གྱིས༔ བསྟན་དགྲ་ཚར་གཅོད་རྣལ་འབྱོར་བུ་བཞིན་སྐྱོང་༔ དཔལ་མགོན་ལྕམ་དྲལ་འཁོར་དང་བཅས་ལ་བསྟོད༔ ཧཱུྃ་བྷྱོ༔ སྔོན་ཚེ་འོག་མིན་ཆོས་དབྱིངས་ཕོ་བྲང་དུ༔ ཆེ་བའི་ཆེ་མཆོག་ཀུན་བཟང་ཧེ་རུ་ཀས༔ བཀའ་བསྒོས་དམ་བཞག་བསྟན་སྲུང་རྒྱ་མཚོའི་ཚོགས༔ སྤྲོས་བྲལ་བདེ་བ་ཆེན་པོའི་ཀློང་ནས་བཞེངས༔ དུག་གསུམ་དགྲ་བགེགས་བསྒྲལ་བའི་ཤ་ཁྲག་རུས༔ ཟག་མེད་བདུད་རྩིའི་མཆོད་གཏོར་འདི་བཞེས་ལ༔ ཇི་ལྟར་ཁས་བླངས་གཡར་དམ་བཅས་པ་བཞིན༔ རྣལ་འབྱོར་བདག་གི་བཅོལ་བའི་ཕྲིན་ལས་སྒྲུབས༔ གནས་སྐབས་ནད་གདོན་ཉེར་འཚེ་ཞི་བ་དང་༔ ཚེ་བསོད་དཔལ་འབྱོར་སྙན་པའི་གྲགས་པ་སྤེལ༔ མི་དང་མི་མིན་ཚོགས་རྣམས་དབང་དུ་སྡུས༔ དགྲ་བགེགས་འབྱུང་པོ་རྩད་ནས་བརླག་པར་མཛོད༔ ཁྱད་པར་འགྲོ་ལ་ཕན་བདེ་འབྱུང་བའི་གཞི༔ བཤད་སྒྲུབ་བསྟན་པ་ཡུན་རིང་གནས་པ་དང་༔ འོད་གསལ་སྙིང་པོའི་ལམ་ལ་ཞུགས་པ་རྣམས༔ ཟག་བཅས་འོད་སྐུར་འགྲུབ་པའི་ཕྲིན་ལས་མཛོད༔ ཕྱི་རུ་སྣང་སྲིད་ཀློང་ལྔ་སྤྲུལ་པའི་ཞིང་༔ ནང་ལྟར་མི་ཤིགས་ལྷན་སྐྱེས་བདེ་བ་ཆེ༔ གཞན་དུ་བསྐྱེད་རྫོགས་ཟུང་འཇུག་ཆེན་པོའི་དབྱིངས༔ ཧེ་རུ་ཀ༔དཔལ་གོ་འཕང་མྱུར་འགྲུབ་མཛོད༔ མདོར་ན་ཡིད་ལ་སྨོན་པའི་དོན་རྣམས་ཀུན༔ བུམ་པ་བཟང་དང་དཔག་བསམ་ནོར་བུ་ལྟར༔ དབང་དྲག་ཞི་བར་རོལ་པའི་ཕྲིན་ལས་ཀྱིས༔ ཐོགས་མེད་མྱུར་བ་ཉིད་དུ་འགྲུབ་པར་མཛོད༔ ཅེས་བརྗོད་ཕུད་གཏོར་གཙང་སར་ཕུལ༔ ཡེ་ཤེས་གཤེགས་ཤིང་དམ་ཚིག་བསྡུ༔ སྤྲོས་བྲལ་ཐིག་ལེ་ཆེན་པོའི་ཀློང་༔ མཉམ་པར་བཞག་པས་ལས་ཀུན་འགྲུབ༔ ས་མ་ཡ༔ ཡེ་ཤེས་ལས་གྲུབ་ཆོས་སྲུང་ཀུན༔ རྒྱུད་གསུམ་དྲེགས་པའི་ཚོགས་སུ་འདུ༔ དེ་ཡང་རིག་སྟོང་ཟུང་འཇུག་དབྱིངས༔ འདུ་འབྲལ་མེད་པར་གདོད་ནས་རྫོགས༔ རྒྱ་རྒྱ་རྒྱ༔ བརྡ་ཐིམ༔

[edit]

_@#/___/rtsa gsum 'od gsal snying tig las:__sngon 'gro zab lam sgo 'byed bzhugs so:__d+hI/:__'chi med rtsa gsum lha la 'dud:__ma 'ongs 'od gsal snying po'i don:__mngon du spyod pa'i skal ldan rnams:__zab mo'i lam gyi snod rung phyir:__blo sbyang rim pa 'di ltar bya:__sa ma ya:__shin tu dben zhing yid mthun gnas:__nges 'byung nyams rtogs 'phel ba'i sar:__bde ba'i stan la mnyam bzhag nas:__bcos min mos gus drag po'i ngang :__e _ma ho:__skyabs gnas kun 'dus khyab bdag 'khor lo'i mgon:__snying dbus 'od gsal dbu ma'i pho brang nas:__mdun gyi nam mkhar yid 'phrog mchod sprin dbus:__mngon sum gshegs nas bdag rgyud byin gyis rlobs:__dal brgyad 'byor bcus brgyan pa'i mi lus 'di:__dpe grangs rgyu dang ngo bos rnyed dka'i zhing :__don chen sgrub pa'i mchog tu nges mthong nas:__rtse gcig snying po len par byin gyis rlobs:__phyi nang snod bcud dgra gnyen bar ma sogs:__gang la bsams kyang mi rtag 'jig pa'i phyir:__longs med 'chi ba dran pa'i brtson 'grus kyis:__tshe 'di'i mngon zhen ldog par byin gyis rlobs:__'chi tshe dkar nag las kyi gzhan dbang gis:__khams gsum rigs drug mtho dman sna tshogs su:__bde sdug 'bras bu mi bslu smin pa'i phyir:__blang dor tshul bzhin nus par byin gyis rlobs:__dmyal ba tsha grang yi dwags bkres skom dang :__dud 'gro bkol spyod sdug bsngal mtha' yas shing :__mtho ris na yang bde ba'i skabs med pas:__nges 'byung drag po skye bar byin gyis rlobs:__de las skyob pa'i ded dpon gcig gyur pa:__mtshan ldan bla ma dge ba'i bshes gnyen mchog:__mnyes pa gsum gyi bya bas legs bsten nas:__thos bsam sgom la brtson par byin gyis rlobs:__byin gyis rlobs shig drin can bla ma rje:__dngos grub stsol cig 'chi med thod phreng rtsal:__bar chad kun sol mkha' 'gro chos skyong tshogs:__snying nas dran no thugs rje'i spyan gyis gzigs:__zhes brjod nges 'byung drag po bsgom:__de nas skyabs su 'gro ba ni:__mdun mkhar skyabs yul gsal btab nas:__na mo:__bdag sogs mkha' mnyam 'gro ba ma lus kun:__deng nas bzung ste byang chub snying po'i bar:__dkon mchog rtsa gsum sku gsum rgya mtsho la:__mi phyed gus pa chen pos skyabs su mchi:__yang yang brjod rjes rang la bstim:__gnas lugs brjod bral ngang du bzhag:__de nas smon 'jug sems bskyed ni:__ho:__mar gyur khams gsum rigs drug sems can kun:__sdug bsngal srid pa'i mtsho las bsgral bya'i phyir:__tshad med byams dang snying rje chen po'i blos:__smon 'jug don dam sems mchog bskyed par bgyi:__'gal rkyen sdig ltung sbyang ba'i phyir:__rdo rje sems dpa'i sgom bzlas ni:__A:__bdag nyid tha mal gnas pa'i spy-i gtsug tu:__bde stong chu skyes zla ba'i dkyil 'khor dbus:__zung 'jug rnam kun mchog ldan rdo rje sems:__dkar gsal zhal gcig phyag gnyis rdor dril bsnams:__longs spyod rdzogs sku mtshan dpe'i gzi byin 'bar:__yum mchog dga' bzhi'i bde ster snyems ma dkar:__gri gug thod 'dzin yab kyi mgul nas 'khyud:__gnyis ka dar dang rin chen rus pas brgyan:__dam tshig ye shes dbyer med chen po yi:__thugs kar zla steng hU~M mthar sngags kyis bskor:__rtse gcig gus pas snying nas gsol btab cing :__bzlas pas rgyud bskul 'dud rtsi'i chu rgyun babs:__spy-i bo nas zhugs lus nang gang ba yis:__sgrib bzhi dag cing dbang bzhi rdzogs par thob:__sku bzhi mngon gyur blo bral gnyug ma'i ngang :__don dam rig stong zung 'jug rdo rje sems:__gdod nas 'du 'bral med pa'i rang zhal blta:__oM badz+ra sa twa:__sogs nas sa twa AH__zhes dang :__oM badz+ra sA twa hU~M:__zhes brjod sgrib gnyis rgyur bcas pa:__stobs bzhi'i gnad dang ldan pa yi:__bden gnyis zung 'jug rnal 'byor gyis:__sbyangs pas gnas lugs mngon du 'gyur:__mthun rkyen tshogs gnyis myur rdzogs phyir:__sku gsum mchod sprin maN+Dal 'bul:__oM AHhU~M:__rab 'byams rgya mtsho'i zhing kun yongs khyab pa'i:__srid zhi'i 'byor tshogs dpag med maN+Dal 'di:__bla ma rtsa gsum sprul sku'i zhing du 'bul:__bzhes nas snang stong zung 'jug dngos grub stsol:__phung khams skye mched yongs grub rdo rje'i grong :__tshogs brgyad gdod nas dag pa'i maN+Dal 'di:__bla ma rtsa gsum longs sku'i zhing du 'bul:__bzhes nas bde stong zung 'jug dngos grub stsol:__ka dag chos dbyings gzhon nu bum sku'i sbubs:__lhun grub 'od gsal snang bzhi'i maN+Dal 'di:__bla ma rtsa gsum chos sku'i zhing du 'bul:__bzhes nas rig stong zung 'jug dngos grub stsol:___oM gu ru de ba DA ki nI sarba maN+DA la pU dza hoH__de nas mos gus shugs drag pos:__byin rlabs bla ma'i rnal 'byor bsgom:__dbang bzhi blangs shing thugs yid bsre:__mnyam gzhag blo bral gnyug ma'i ngang :__rjes thob lam khyer gsum la 'bad:__'di nyid kho na nyams blangs kyang :__tshe 'dir mchog gi dngos grub thob:__de phyir snying las gces par zungs:__sa ma ya:__de ltar bcos min nges 'byung gis:__skyabs song byang chub sems gnyis bsgom:__sgrib sbyong tshogs bsags byin rlabs kyi:__lam 'di sngon 'gro'i rim pa ste:__ma 'ongs pad+ma'i rig pa 'dzin:__'od gsal sprul pa'i rdo rje'i don:__klong lnga dbyings kyi thig ler rgya:__'brel tshad don dang ldan par shog:__sa ya ma:__rgya rgya rgya:__guh+ya:__d+ha thim:__gar dbang 'od gsal gling pas zab mo dgongs pa'i gter las byung ba'o:__!__rtsa gsum 'od gsal snying tig las:__gsol 'debs byin rlabs myur lam bzhugs:____d+hI/:__'chi med rtsa gsum lha la 'dud:__bdag nyid pad+ma thod phreng rtsal:__skyabs gnas thams cad 'dus pa'i skur:__mi 'bral spy-i bo'i gtsug tu bsgom:__snying nas gsol ba 'di ltar thob:__oM AHhU~M:__chos kun snying po sprol bral kun tu bzang :__bde stong sgyu 'phrul drwa ba rdo rje sems:__sprul pa'i rnam rol 'chi med thod phreng rtsal:__gsol ba 'debs so smin grol dngos grub stsol:__gdod ma'i mgon po 'od snang tshe mtha' yas:__stong nyid snying rje'i skur bzhengs spyan ras gzigs:__dbyer med grub pa'i slob dpon mtsho skyes rjer:__gsol ba 'debs so smin grol dngos grub stsol:__dga' rab 'jam dpal shrI sing ha dang :__dz+nyA na sU tra dri med bshes gnyen gyi:__gdams pa'i bka' babs pad+ma saM b+ha la:__gsol ba 'debs so smin grol dngos grub stsol:__rig 'dzin bla ma kun 'dus pad+ma 'byung :__yi dam zhi khro thugs kyi klong na rdzogs:__rab 'byams mkha' 'gro'i ming po dpa' bo cher:__gsol ba 'debs so smin grol dngos grub stsol:__cir snang ye shes lha yi phyag rgyar dag:__sgrar grags mi shigs rdo rje'i sngags su rdzogs:__rtog tshogs dbyings rig dbyer med thig ler smin:__snang srid gzhir bzhengs chen por byin phob cig:__lus la snang stong sku yi byin gyis rlobs:__ngag la grags stong gsung gi byin gyis rlobs:__yid la rig stong thugs kyi byin gyis rlobs:__lus ngag yid la rdo rje'i dbang bzhi skur:__phyi nang gsang ba'i bar chad dbyings su sol:__mchog dang thun mong dngos grub char ltar phob:__mthong thos dran reg smin cing grol ba dang :__'chi med sku gsum 'grub par byin gyis rlobs:__oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M AH__hU~M hU~M hU~M hU~M hU~M:__bcos min mos gus drag po yis:__gsol gdab dbang dang dngos grub blang :__brjod med rig pa zang thal ngang :__skye 'chi bar do lam du khyer:__sa ma ya:__rgya rgya rgya:__guh+ya:__d+ha thim:__gar dbang 'od gsal gling pas zab mo dgongs pa'i gter las phyung ba'o:__!__rtsa gsum 'od gsal snying tig las/__brgyud 'debs byin rlabs sprin phung bzhugs/__!__ka dag gdod ma'i mgon po kun tu bzang*/__/lhun grub mtshan dper shar ba'i rigs mchog lnga/__/zung 'jug sprul pa'i gar mkhan dga' rab rjer/__/gsol ba 'debs so mchog thun dngos stsol/__/chos zad 'bras bu mngon gyur many+dzu shrI/__/snang gzhi mthar phyin dpal gyi seng ge'i zhabs/__/grub pa'i rig 'dzin dz+nyA na sU tra la/__/gsol ba 'debs so mchog thun dngos grub stsol/__/'ja' lus 'pho chen skur bzhengs bi ma la/__/sangs rgyas gnyis pa 'chi med thod phreng rtsal/__/mkha' spyod DA ki'i gtso mo mtsho rgyal rjer/__/gsol ba 'debs so mchog thun dngos grub stsol/__/thugs sras gdams pa'i btsud 'dzin rje 'bangs grogs/__/nges par thams cad mkhyen dngos klong chen pa/__/smin grol mchog rtsol rtsa ba'i bla ma la/__/gsol ba 'debs so mchog thun dngos grub stsol/__/de ltar gsol ba btab pa'i byin rlabs kyis/__/dal 'byor rnyed dka' 'chi ba mi rtag dang*/__/las 'bras bslu med don la legs bsams nas/__/nges 'byung drag po skye bar byin gyis rlobs/__/mtshan nyid kun ldan theg mchog bshes gnyen las/__/zab mo'i don la thos bsam mthar phyin nas/__/dben zhing nyams dga' zhi ba'i sman ljongs su/__/rtse gcig sgrub la gzhol bar byin gyis rlobs/__/bslu med bla ma mchog gsum gtsug tu bsnyen/__/smon 'jug byang chub sems gnyis rab bskyed nas/__/mtha' brgyad spros bral 'od gsal dbu ma'i don/__/mngon sum rgyud la skye bar byin gyis rlobs/__/tshogs gnyis bsags shing sgrib gnyis sbyangs pa'i mthus/__/zab mo'i lam gyi snod du 'gyur ba dang*/__/khyad par mos gus bla ma'i rnal 'byor gyis/__/thugs yid gcig tu 'dres par byin gyis rlobs/__/bsnyen sgrub bzhi ldan bskyed rim pha rol son/__/rlung dang gtum mos 'bar 'dzag dbu mar thim/__/phyag rgya la brten dpe yi ye shes dang*/__/don gyi lhan skyes mthong bar byin gyis rlobs/__/gzhi dbyings khregs chod gnas lugs mngon gyur cig__/gzhi snang lhun grub snang bzhi'i nyams len la/__/brten nas nang gsal khyad chos drug ldan klong*/__/mchog gi dngos grub brnyes par byin gyis rlobs/__/gal te tshe 'dir grub mtha' ma snyogs na/__/'chi bar skye ba'i srid pa rnam gsum la/__/sku gsum 'bras bu mngon du byas nas kyang*/__/don gnyis lhun gyis grub par byin gyis rlobs/__/zhes pa'ang gar dbang 'od gsal gling pas so/__!__/rtsa gsum 'od gsal snying tig las:__phyi sgrub sgyu 'phrul drwa ba bzhugs:_____d+hI/:__rtsa gsum kun 'dus pad+mar 'dud:__bder gshegs yongs rdzogs thod phreng rtsal:__bsnyen cing sgrub pa'i rim pa ni:__shin tu dben zhing yid mthun pa'i:__bkra shis byin chags gnas mchog tu:__dkyil 'khor dmar zlum bkod legs steng :__b+han+d+ha dum bu gcig pa'i nang :__sel med dam rdzas bdud rtsis bkang :__kha gcod me long g.ya' bral ngos:__pad+ma thod phreng yab yum sku:__man shel snang bar 'char du gzhug:__de steng dar dmar lding gur phub:__phyi nang mchod pas mtha' bskor te:__sbyor dngos rjes kyis nyams su blang :__sa ma ya:__sngon 'gro'i dang po skyabs sems ni:__mdun gyi nam mkhar rtsa gsum rab 'byams rgya mtsho'i dkyil 'khor sgyu 'phrul drwa ba'i rol mo mkha' khyab kyi 'khor lor sad par gyur:__na mo:__bdag dang mkha' mnyam 'gro ba ma lus kun:__deng nas bzung ste byang chub snying po'i bar:__rab 'byams rtsa gsum rgyal ba'i dkyil 'khor lhar:__mi phyed gus pa chen pos skyabs su mchi:__hoH_mar gyur khams gsum rigs drug sems can kun:__rnam grol sku bzhi'i go 'phang la 'god phyir:__smon dang 'jug pa'i byang chub sems bskyed nas:__pad+ma thod phreng lha tshogs bsgrub par bgyi:__lan gsum gnyis pa tshogs bsags ni:__hoH__phyogs bcu dus bzhi'i rgyal ba sras bcas la:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib gnyis mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__dzaHhU~M ba~M ho:__tshogs zhing rnams rang la thim par gyur:__gsum pa bgegs gtor sbyin pa ni:__ra~M ya~M kha~M gis bsang*/__stong pa'i ngang las snod yangs shing rgya che ba'i nang du kha~M las gtor ma 'dod rgu'i longs spyod so so'i yid dang mthun la zad mi shes pa'i gter du gyur:__oM AHhU~M hoH__gsum gyis brlab:__sarba big+h+nAn A kar+Sha ya dzaHsa dgugs:__sarba big+h+nAn maHsarba sogs nam mkha' mdzod kyi sngags rgya lan gsum gyis bsngos la:__hU~M hrI:__yongs grub spros pa bral ba'i ye shes las:__kun brtag glo bur 'khrul pa'i gdon bgegs kun:__gzhan dbang dag pa rab 'byams 'dod yon gter:__'di nyid longs la rgya mtsho'i pha mthar dengs:__hU~M bzhi'i sngags kyis mtshon chas gzir:__bzhi pa srung 'khor bsgom pa ni:__hU~M hrIH__steng 'og phyogs mtshams mtshon cha'i gur khang dang :__ye shes lnga ldan me dpung 'khrigs pa'i klong :__rdo rje khro bo 'chol ba'i tshogs rnams kyis:__gnyis 'dzin 'khrul pa'i bgegs tshogs mtshams gcad gyur:__hU~M hU~M hU~M:__lnga pa brda yi sgo dbye zhing :__phyag 'tshal nongs bshags dam bca' bzungs:__hU~M hrI:__bde gshegs yongs 'dus pad+ma thod phreng rtsal:__gdod nas 'du 'bral med par ro gcig phyir:__gzung 'dzin 'khrul pa'i mtshan ma las 'das pa'i:__gnyis med ye shes brda sgo dbye bar 'tshal:__b+h+rU~M pra be sha ya phaT:__hU~M hrI:__sems kyi chos nyid 'od gsal rdzogs pa che:__ngo bo rang bzhin thugs rje'i rnam rol las:__rtsa gsum dkyil 'khor lha tshogs 'ja' ltar shar:__mi phyed gus pa'i brda yis phyag 'tshal lo:__a ti pU ho:__na ma d+hI:__hU~M hrI:__rig 'dus rtsa gsum lha tshogs thugs rje'i bdag:__rang rig byang chub sems su lhun rdzogs kyang :__rang ngo ma mthong gnyis 'dzin 'khrul pas bsgribs:__gnyis med chos sku'i klong du mthol zhing bshags:__badz+ra sa ma ya shud+d+he A:__hU~M hrI:__'od gsal snang ba rnam bzhi'i gseng lam du:__dbyings rig zung 'jug sgyu 'phrul drwa ba'i lha:__sku dang ye shes dbyer med ma gyur bar:__rdo rje'i dam tshig mi gtong bzung bar bgyi:__badz+ra dz+nyA na sa ma ya hU~M:__drug pa ye shes byin 'bebs ni:__hU~M hrI:__'og min bde chen pad+ma drwa ba'i zhing :__rnga yab dpal ri sprul pa'i gzhal yas nas:__'chi med rtsa gsum dkyil 'khor lha tshogs kyis:__gnas 'dir byin phob dbang dang dngos grub stsol:__oM AHhU~M badz+ra gu ru de ba DA ki nI sarba d+harma pA la dz+nyA na badz+ra sa ma ya A be sha ya A AH__hU~M hU~M hU~M:__bdun pa mchod rdzas byin rlabs ni:__oM AHhU~M:__bdag nyid lhar gsal thugs ka'i sa bon las:__'phros pa'i 'od kyis mchod rdzas bzung 'dzin sbyangs:__snang srid gzhir bzhengs kun bzang mchod pa'i sprin:__dpag yas nam mkha' mdzod kyi gter du gyur:__oM badz+ra ar+g+haM nas shab+ta'i bar dang ru pa shap+da gan+d+he rA sa spar+She ma ha pany+tsa a mr-i ta rak+ta ba liM ta ga Na tsakra sarba pU dza A:hU~M:__lan gsum brjod pas byin gyis brlab:__sa ma ya:__dngos gzhi'i dang po bskyed rim ni:__hU~M:__ka dag de bzhin nyid dbyings ye shes las:__lhun grub kun snang snying rje'i rang rtsal ni:__zung 'jug rgyu yi ting 'dzin hU~M mthing ga:__de las 'od 'phros brtan g.yo'i dngos po kun:__'od gsal stong pa nyid kyi dbyings su thim:__skad cig dran rdzogs phyi snod pad+ma 'od:__shin tu nyams dga' ngo mtshar bkod pas mdzes:__blta na lhun sdug 'ja' zer 'khrigs pa'i klong :__dpa' bo DA ki dgyes pa'i glu gar bsgyur:__me tog char 'bebs rol mo sna tshogs sgrogs:__yid 'phrog mchod sprin rgya mtshos phyogs kun khyab:__de dbus thar pa chen po'i gzhal yas khang :__gru bzhi sgo bzhi mtshan nyid yongs rdzogs pa'i:__lte bar rin chen pad+ma nyi zla'i steng :__rdo rje hU~M yig mnyam sbyor 'phro 'du las:__bdag nyid lhun grub rig 'dzin thod phreng rtsal:__che ba'i che mchog chos sku gsang ba 'dus:__mthing nag zhal gcig phyag gnyis rdor dril bsnams:__khro chags sgeg pa'i nyams ldan spyan gsum 'bar:__gcer bu dar dang rin chen rus pas brgyan:__thabs shes zhabs gnyis brkyang bskum gar gyis rol:__yum mchog dga' bzhi'i bde ster man+dA ra:__dmar mo gri gug thod 'dzin yab la 'khril:__rin chen rus rgyan dar sna'i cod pan 'phur:__yid 'ong bcu drug bde ba'i lang tshos sgeg:__ral pa'i skra gseb kun bzang yab yum la:__dpal chen grub pa'i slob dpon brgyad la sogs:__rnal 'byor gsum gyi lam mchog gsal mdzad pa'i:__rig 'dzin rtsa brgyud bla ma sprin ltar gtibs:__bde chen 'khor lo 'jam dpal gshin rje gshed:__longs spyod 'khor lor dbang chen rta mchog dpal:__chos kyi 'khor lor yang dag he ru ka:__sprul pa'i 'khor lor che mchog bdud rtsi 'khyil:__gsang ba'i 'khor lor badz+ra ku mA ra:__rdo rje nor bur bla med khrag 'thung dbang :__brla g.yas dregs 'dul g.yon par stobs ldan rnams:__so so'i sprul dang yang sprul bcas pa yi:__ye shes dgu rdzogs khrag 'thung dkyil 'khor lha:__bdun brgya nyer lnga bsam yas lhun grub tshogs:__snang stong 'dzin bral 'ja' tshon lta bur shar:__dza lan d+hA ra la sogs nyer bzhi'i yul:__rtsa khams sku gsung thugs kyi 'khor lo'i bdag:__dkar dmar thig le gnas su dag pa'i gzugs:__bde stong dpa' bo mkha' 'gro'i tshom bur bzhugs:__phyi rol phyogs bzhi'i pad+ma'i snying po ru:__longs sku thod phreng rigs bzhi yab yum dang :__phyogs mtshams rin chen zur brgyad 'od lnga'i klong :__sprul pa'i rig 'dzin mtshan brgyad zhi dang khro:__gang 'dus sgyu 'phrul drwa ba'i rol mor gsal:__sgo bzhir pad nyi ru tra bsnol ba'i steng :__dbang chen rigs bzhi dkar ser dmar ljang mdog:__khro bo'i chas rdzogs ye shes me dpung klong :__gri gug thod 'dzin rang 'od yum dang 'khril:__gzhan yang rtsa gsum chos srung rgya mtsho'i tshogs:__dpag yas snod bcud khyab par gsal ba yi:__sku la gdan gsum tshang ba'i dbang gi lhas:__rgyas btab gnas gsum rdo rje gsum gyi dngos:__oM dkar AHdmar hU~M mthing mtshan pa las:__'od 'phros ye shes lha tshogs spyan drangs gyur:__gnyis pa ye shes spyan 'dren ni:__thod rnga 'khrol zhing gdung ba'i blos:__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__bde gshegs kun 'dus 'chi med thod phreng rtsal:__mos pa'i gnas 'dir gdung bas spyan 'dren na:__rab 'byams rtsa gsum rgya mtsho'i 'khor dang bcas:__thugs rjes byin gyis brlab phyir gshegs nas kyang :__rnal 'byor sgo gsum rdo rje'i dbang bskur la:__mchog dang thun mong dngos grub ma lus stsol:__oM AHhU~M badz+ra gu ru de ba DA ki nI badz+ra sa ma ya dzaHdza:__zhes bskul lho nub nam mkha' nas:__sprin phung lta bur byon par bsam:__gsum pa bzhugs su gsol ba ni:__hU~M hrI:__dam tshig sems dpa' snang stong lha yi sku:__dag pa rab 'byams rdo rje'i 'og min cher:__chos kyi dbyings nas spyan drangs ye shes pa:__zung 'jug dgyes pa chen por bzhugs su gsol:__dzaHhU~M ba~M ho:__badz+ra sa ma ya dz+nyA na tiSh+Tha lhan:__bzhi pa gus phyag 'tshal ba ni:__hU~M hrI:__bla ma yi dam DA ki'i lha tshogs rnams:__gdod nas gnyis med mnyam par ro gcig kyang :__glo bur 'khrul pa'i dri ma sbyang pa'i slad:__sgo gsum gus pa chen pos phyag 'tshal lo:__a ti pU hoH__pra tI ts+tsha hoH__lnga pa mchod pa 'bul ba la:__phyag rgya gar gyi mchod pa ni:__hU~M hrI:__lhar snang phyag rgya chen po'i ngang nyid las:__dam tshig phyag rgya brda dang gar gyi tshogs:__chos dang las kyi phyag rgyar rab sbyar nas:__'chi med rtsa gsum dkyil 'khor lha tshogs mchod:__ma hA tsa turmu dra pU dza hoH__ye shes glu yi mchod pa ni:__hU~M hrI:__srog rtsol rlung gi rgyu ba ji snyed kun:__'od gsal dbu ma'i dbyings su thim pa las:__mi shigs rdo rje nA da'i glu dbyangs kyis:__rtsa gsum dkyil 'khor lha tshogs mnyes gyur cig:__ma hA dz+nyA na te te hU~M:__te na te te hU~M:__thun mong phyi mchod 'bul ba ni:__hU~M hrI:__rab 'byams rgya mtsho'i zhing kun yongs khyab pa'i:__srid zhi'i 'byor tshogs dpag med mchod sprin rnams:__rigs 'dus rtsa gsum dkyil 'khor lha la 'bul:__bzhes nas mchog dang thun mong dngos grub stsol:__oM AHhU~M badz+ra gu ru de ba DA ki nI sa pa ri wA ra ar+g+haM nas shap+da pra tIts+tsha pU dza me g+ha sa mu dra s+pha ra Na sa ma ye hU~M:__rang byung nang mchod 'bul ba ni:__hU~M hrI:__yul dang dbang po gnas su dag pa las:__gang shar bde stong rol mor 'char ba'i dpyid:__gzugs sgra dri ro reg bya'i mchod sprin gyis:__rtsa gsum dkyil 'khor lha tshogs mnyes gyur cig:__oM AHhU~M badz+ra gu ru de ba DA ki nI sa pa ri wA ra rU pa shap+da gan+d+he rA sa spar+She pra tits+tsha A hU~M:__gsang ba kun bzang mchod sprin ni:__hU~M hrI:__snang srid dag pa chos sku'i grong khyer du:__ting 'dzin kun tu bzang po'i 'dod yon sprin:__bla med mchod pa'i phyag rgya chen po yis:__dkyil 'khor lha tshogs rtag tu mnyes gyur cig:__nam mkha' mdzod kyi sngags rgyas spel:__sbyor ba sman gyi mchod pa ni:__hU~M hrI:__thabs shes rgyu gnyis rkyen bzhi sbyar ba'i bcud:__rigs lnga ye shes lnga rdzogs sgrub pa'i rdzas:__zag med rdo rje btung ba'i dam tshig mchog:__rtsa gsum dkyil 'khor lha tshogs mnyes phyir 'bul:__oM AHhU~M gu ru de ba DA ki nI sa pa ri bA ra sarba pany+tsa a mr-i ta hU~M hrIHTha:__brgyud mchod ni:__snang ba mtha' yas 'jig rten dbang phyug dang*/__/mtsho skyes yab yum chos rgyal khri lde'i zhabs/__/'od gsal sprul pa'i rdo rje la sogs pa/__/rtsa brgyud bla ma'i zhal du oM AHhU~M/__/rta mchog rol pa rdo rje phag mo sogs/__/sgrub chen sde brgyad zhi dang khro bo'i lha/__/pad+ma drag po yi dam dgongs 'dus kyis/__/dkyil 'khor lha tshogs zhal du oM AHhU~M/__/gnas yul dur khrod dpa' bo rnal 'byor ma/__/rgyud gsum dam can rgya mtsho gter gyi bdag__/dkar po'i phyogs skyong rdo rje tha tshig can/__/mkha' 'gro chos skyong zhal du oM AHhU~M/__/rjes 'brel dngos grub blang ba ni/__hU~M:__'chi med ye shes bdud rtsi'i sprin:__rdo rje gsum gyi ngo bo nyid:__thabs shes mtheb srin phyag rgya yis:__dngos grub rnam gnyis thob phyir myang :__oM AHhU~M sarba pany+tsa a mr-i ta hU~M hoH__sgrol ba rak+tas mchod pa ni:__hU~M hrI:__bdag med rdo rje khros pa'i he ru kas:__gzung 'dzin 'byung po dbyings su bsgral ba'i khrag:__chags bral so sor rtog pa'i mchod sprin gyis:__rtsa gsum dkyil 'khor lha tshogs mnyes gyur cig:__ma hA rak+ta khA hI:__zung 'jug gtor mas mchod pa ni:__hU~M hrI:__e dbyings stong nyid phyag rgya'i b+han+d+ha ru:__wa~M yig bde chen rdo rje'i gtor mar shar:__zung 'jug bcu drug dga' ba'i mchod pa'i sprin:__'chi med rtsa gsum dkyil 'khor lha la 'bul:__ma hA ba liM ta khA hi:__dza gad bdud rtsi'i mchod pa ni:__hU~M hrI:__bde chen rdo rjai sems dpa'i thig le ni:__byang chub sems kyi rol par 'char ba'i dpyid:__zag med dza gad phud kyi mchod pa yis:__rtsa gsum dkyil 'khor lha tshogs mnyes gyur cig:__ma hA dza gad pU dza ho:__mthar thug don gyi mchod pa ni:__hU~M hrI:__dbyings rig zung 'jug chos nyid mngon sum klong :__nyams snang gong 'phel la sogs mchod pa'i sprin:__rig pa tshad phebs don gyi lha la 'bul:__chos zad blo 'das mchog gi dngos grub stsol:__ma hA dz+nya na d+harma d+hA tu sa ma ya ho:__drug pa rdo rje'i glu yis bstod:__hU~M hrI:__bde gshegs kun 'dus pad+ma saM b+ha ba:__chos phung rgya mtsho gsung gi klong nas shar:__rab 'byams rgyal sras yongs kyi 'khor los bsgyur:__mchog gsum dbyer med khyod la phyag 'tshal bstod:__ngo bo ka dag chos sku snang mtha' yas:__rang bzhin lhun grub 'od gsal snying rje'i gter:__thugs rje zung 'jug 'chi med thod phreng rtsal:__sku gsum kun 'dus khyod la phyag 'tshal bstod:__lhun grub rig 'dzin bla ma'i dkyil 'khor gtso:__ye shes dgu rdzogs yi dam zhi khro'i dngos:__mkha' 'gro'i tshogs rje sangs rgyas pad+ma skyes:__rtsa gsum dbyer med khyod la phyag 'tshal bstod:__gzhan yang snang stong sgyu 'phrul drwa ba las:__gang 'dul zhi dang khro bo'i rnam rol gyis:__byin rlabs mchog stsol dngos grub char 'bebs pa'i:__dkyil 'khor lha tshogs ma lus kun la bstod:__bdun pa bsnyen pa bya ba ni:__snying dbus ye shes sems dpa' yi:__thugs kar pad+ma nyi zla'i steng :__rdo rje'i rtse lnga'i lte bar hU~M:__mthar skor sngags phreng g.yas su 'khor:__de las 'od 'phros rgyal ba kun:__pad+ma thod phreng rnam rol tu:__sku gsung thugs kyi phyag rgyar byon:__bdag nyid la thim byin rlabs gyur:__oM AHhU~M badz+ra gu ru pad+ma sid+d+hi hU~M:__thun mtshams tshigs bdun gsol 'debs kyis:__gsang gsum byin rlabs yang yang bsdu:__'di nyid phyogs dus bde gshegs kyi:__gsung gi gsang ba kun gyi bcud:__rtag tu g.yel med nyams blangs pas:__tshe 'dir mchog gi btsan sa zin:__'bum phrag bcu gnyis bzlas gyur kyang :__rig 'dzin DA ki sprin bzhin 'du:__gnas skabs phrin las rnam bzhi 'grub:__tshe 'di'i snang ba nub ma thag:__rnga yab pad+ma 'od du 'gro:__zung 'jug 'chi med rdo rje'i skur:__dbugs 'byin 'di la the tshom med:__sa ma ya:__khyad par nang ltar sgrub pa ni:__thugs srog las byung yi ge'i sprin:__yab yum gnas bzhi'i pad+mor son:__bde stong dga' bzhi dbyer med pa'i:__rnam kun mchog ldan rang zhal blta:__oM AHhU~M hrI hrIHbadz+ra gu ru pad+ma thod phreng rtsal de ba DA ki nI badz+ra sa ma ya dzaHsarba sid+d+hi pha la hU~M AH__slar yang 'od zer 'phro 'du yis:__gang 'dul phrin las lhun grub gyis grub:__'gro kun chos nyid gcig gi ngang :__sgyu 'phrul drwa ba'i dbang thob gyur:__shan+tiM puSh+ting wa shang mA ra ya phaT:__snod bcud dkyil 'khor 'khor lor shar:__srog rtsol rdo rje'i sngags su rdzogs:__dran rtog rang grol gnyug ma'i ngang :__gzhom med hU~M lnga'i snang glu len:__hU~M hU~M hU~M hU~M hU~M:__kun rdzob yul snang sgyu ma'i gzugs:__don dam stong chen 'od gsal ngang :__thim pas mtha' bral zung 'jug gi:__mi slob ye shes sku nyid 'grub:__sa ma ya:__rjes kyi rim par dang po ni:__mchod cing bstod la dngos grub blangs:__hU~M hrI:__sku gsum bde chen rdo rje'i pho brang nas:__bde gshegs kun 'dus 'chi med thod phreng rtsal:__deng 'dir bsnyen cing sgrub pa'i rnal 'byor la:__mchog thun dngos grub stsol ba'i dus la babs:__gnas skabs grub pa brgyad dang phrin las bzhi:__dbang bcu'i yon tan lhun gyis grub pa dang :__mthar thug rig 'dzin rnam bzhi'i gseng lam las:__sku dang ye shes phrin las dbang 'byor stsol:__oM AHhU~M badz+ra gu ru de ba DA ki nI kA ya wA ka tsit+ta sarba sid+d+hi pha la ho:__gnyis pa nongs pa bshags pa ni:__hU~M:__gzod nas rnam par dag pa'i gshis lugs la:__glo bur 'khrul pa'i bshags bya ma mchis kyang :__kun rdzob sgyu ma lta bu'i snang cha ru:__nyes pa gang mchis snying nas bzod par gsol:__yi ge brgya pa lan gsum brjod:__gsum pa rtag mthar sbyang ba ni:__hoH__snang stong sgyu 'phrul drwa ba'i ye shes lha:__zung 'jug mtshan ma med pa'i dbyings su gshegs:__rten dang brten par bcas pa'i dam tshig pa:__'od gsal smon pa med pa'i klong du thim:__A A A:__bzhi pa chad mtha' bsal ba ni:__oM AHhU~M:__slar yang snang ba'i rang bzhin gnas gsum lha:__sgrar grags rlung gi 'khor lo yi ge'i sprin:__rtog pa rtog med rang grol gnyug ma'i ngang :__dus gsum dus med chen por rtag tu spyod:__hU~M hU~M hU~M:__lnga pa dge tshogs bsngo ba ni:__hrI:__'chi med pad+ma drwa ba'i dkyil 'khor du:__bskyed rdzogs zung 'jug dge tshogs ci mchis pa:__'gro kun bla med go 'phang thob bya'i phyir:__spros bral chos sku'i dbyings su bsngo bar bgyi:__drug pa smon lam gdab pa ni:__hoH__phung khams 'ja' lus rdo rje'i skur smin shing :__srog rtsol 'od gsal dbu ma'i klong du rdzogs:__rig stong brjod bral gdod ma'i gzhi dbyings su:__rab 'byams rtsa gsum go 'phang mngon gyur shog:__bdun pa shis pa brjod pa ni:__hU~M hrI:__spangs rtogs phrin las mthar phyin rdzogs sangs rgyas:__des gsung zhi bsil bdud rtsi dam pa'i chos:__tshogs kyi mchog gyur 'phags pa'i dge 'dun te:__bla med dkon mchog gsum gyi bkra shis shog:__byin rlabs mchog stsol rtsa brgyud bla ma dang :__dngos grub char 'bebs yi dam zhi dang khro:__phrin las lhun grub mkha' 'gro chos skyong ste:__rtsa gsum dkyil 'khor lha yi bkra shis shog:__thog ma'i mgon po kun bzang snang mtha' yas:__kha sbyor yan lag bdun ldan rdo rje sems:__gang 'dul sgyu 'phrul drwa ba'i rnam rol can:__sku gsum pad+ma thod phreng bkra shis shog:__thun mong phrin las ma lus lhun gyis grub:__sgo gsum rdo rje gsum gyi ngo bor shar:__bde stong zung 'jug 'od gsal chos sku'i klong :__mchog gi dngos grub brnyes pa'i bkra shis shog:__gzhan yang shis brjod smon lam rigs:__rgya cher btags pas mtshams sbyor bya:___sa ma ya:__de ltar sbyor dngos rjes gsum gyis:__rtsa gsum 'chi med thod phreng rtsal:__bsnyen cing sgrub pa'i lam gyi rim:__shin tu zab pa'i mthar thug 'di:__'das dus bkra shis brag gi phug:__mA ra tI ka'i tshogs khang du:__rig sngags grub pa'i rnal 'byor dang :__dpa' bo DA ki'i don du bstan:__da lta las can dag pa'i 'khor:__mnga' bdag rje 'bangs grogs bcas la:__smin cing grol ba'i sgo 'phar dbye:__ma 'ongs lnga brgya'i tha ma ru:__zab mo'i lam rnams 'chal 'gyur zhing :__nges don rtog ge'i tshig la re:__blo yis mtshon pa'i stong lta yis:__bden gnyis rgyu 'bras khyad du gsad:__bod khams sdug bsngal gsum gyis mnar:__de yi tshe na bdag nyid dang :__'jam dpal chos kyi bshes gnyen gyis:__byin gyis brlabs pa'i snying gi bu:__'od gsal sprul pa'i rdo rje'i don:__rig pa dbyings kyi sgrom bur sbas:__nam zhig rten 'brel dus babs tshe:__yang gsang snying gi thig le'i skor:__skal bar ldan pa'i tshogs rnams la:__rgya cher bshad dang sgrub pa'i mthus:__gangs can skye 'gro bde bas 'tsho:__'brel tshad gtan bde'i sa la bkod:__khyad par yar mar tshes bcu'i dus:__'di nyid tshogs su sgrub pa na:__dngos nyams rmi lam ma nges par:__bdag gis nges par byin rlabs shing :__'phos tshe zangs mdog dpal gyi rir:__rig pa 'dzin pa'i tshom bur sbyor:__de phyir snying gi dbus su zungs:__rgya rgya rgya:__d+ha thim:__zhes pa'ang rig 'dzin grub thob yongs kyi 'khor los sgyur ba 'jigs bral gyi slob dpon chen po 'od gsal sprul pa'i rdo rje dgung grangs bcu drug par:__rtsa gsum rab 'byams kyi byin rlabs la brten nas dgongs pa'i gter du brdol ba ring du gsang ba'i rgyas btab par mdzad nas/__dgung lo lnga bcur phebs pa skyes bdag lcags lug cho 'phrul zla ba'i dkar phyogs 'grub pa'i sbyor ba dang ldan pa'i dus tshes shin tu dge bar/__kho bo skal ldan pad+ma gar dbang blo gros mtha' yas kyis gus pa chen pos gsol ba btab pa'i ngor gtan la phab cing rjes su gnang ba 'gro kun rtsa gsum bde gshegs 'dus pa'i dkyil 'khor chen por dbugs dbyung ba'i rgyur gyur cig__/kha skong phran tshegs rnam kyang bka' bzhin dkyus su bsdebs pa dge legs 'phel/__!__/phyi sgrub sgyu 'phrul drwa ba las:__phrin las 'chi med srog sgrub bzhugs:__hrI:___'chi med rig 'dzin pad+mar 'dud:__gzhir gnas zung 'jug thig le gsum:__lam dus bde stong ting 'dzin gyi:__srid zhi'i dwangs mar sgrub pa las:__'bras bu 'chi med srog 'grub 'gyur:__sa ma ya:__bder gshegs yongs 'dus thod phreng rtsal:__dkyil 'khor 'khor lo rab 'byams kyi:__sgyu 'phrul drwa ba'i bskyed rim dang :__khyad par las la sbyor ba ni:__hrI:__snang ba 'chi med thod phreng rtsal:__stong pa man+dA ra ba yum:__zung 'jug rtsa gsum tshe yi lha:__rdo rje phung po'i grong du rdzogs:__bde stong rol pa'i 'od zer gyis:__phyogs bcu'i zhing khams rab 'byams khyab:__bla tshe chad nyams yar ba dang :__brtan g.yo srid zhi'i tshe bcud bsdus:__thabs mchog bde chen byang chub sems:__shes rab stong nyid tsaN+Da lI:__mnyam sbyor snying dbus thig ler thim:__sgo gsum 'chi med srog 'grub gyur:__oM AHhU~M badz+ra gu ru pad+ma sid+d+hi A yu+u She hU~M nr-i dza:__zhes bzlas srog stsol dbu mar bstim:__gzhom med hrIHyi sgra sgrogs bsam:__'bar 'dzag dga' bzhi'i ye shes bskyed:__dbyings rig zung 'jug ngang du bzhag:__srog gi snying po hrIHyig ni:__dus gsum dus med gcig tu bzla:__'chi med gnyug ma'i ye shes kyis:__pad+ma thod phreng tshe 'dir 'grub:__sa ma ya:__skabs su thugs dam bskul ba ni:__rtse gcig mos gus drag po bskyed:__hrI:__'og min bde chen rdo rje'i zhing khams nas:__tshe dpag med mgon lha mo tsaN+Da lI:__dbyings rig 'du 'bral med pa'i klong nas bzhengs:__ngo bo 'od gsal chos sku'i tshe bcud khug:__hrI:__lnga ldan 'ja' zer thig le'i dkyil 'khor nas:__spyan ras gzigs dbang gsang ba ye shes yum:__bde stong 'du 'bral med pa'i klong nas bzhengs:__rang bzhin kha sbyor longs sku'i tshe bcud khug:__hrI:__bkra shis brag phug mA ra tI ka nas:__mtsho skyes rdo rje 'chi med man+dA ra:__thabs shes 'du 'bral med pa'i klong nas bzhengs:__thugs rje 'gro 'dul sprul sku'i tshe bcud khug:__hrI:__rang snang rnam dag zangs mdog dpal ri nas:__pad+ma thod phreng bde chen mtsho rgyal yum:__snang stong 'du 'bral med pa'i klong nas bzhengs:__'khor 'das brtan dang g.yau+o ba'i tshe bcud khug:__hrI:__'chi med sku gsum kun 'dus tshe yi lha:__o rgyan chen po pad+ma thod phreng rtsal:__rab 'byams rtsa gsum rgya mtsho'i 'khor dang bcas:__sngon gyi thugs dam rjes su dgongs nas kyang :__'dir spyon sgrub pa'i rdzas la byin chen phob:__lus ngag yid la rdo rje'i dbang bzhi skur:__phung khams mi shigs dwangs ma gsum ldan klong :__'chi med 'ja' lus tshe yi dngos grub stsaul:__oM AHhU~M badz+ra gu ru pad+ma sid+d+hi A yu+u She hU~M nr-i dzaH__kA ya wA ka tsit+ta A yur+dz+nyA na sarba sid+d+hi pha la hoH__zhes bskul ye shes lha tshogs kyi:__thugs rje'i 'od zer dpag med 'phros:__'gro kun dus min 'chi ba bsal:__snod bcud dkyil 'khor 'khor lor bsgyur:__srid zhi'i tshe dang ye shes bkug:__bdag dang sgrub pa'i rdzas la thim:__phung khams dwangs ma'i srog 'grub cing :__'chi med bdud rtsir 'khyil par bsam:__snod bcud dkyil 'khor 'khor lor sba:__rtsa rlung thig le dbu mar sba:__snang ba stong pa'i dbyings su sba:__stong pa rig pa'i snying por sba:__sba bzhi'i gnad la sus goms pa:__bar chad bgegs kyis glags mi rnyed:__dus min 'chi dang bdud bzhi 'joms:__tshe dbang rig 'dzin mngon du 'gyur:__sa ma ya:__bde gshegs kun 'dus thod phreng lha'i:__sgyu 'phrul drwa ba'i ting 'dzin gyi:__phrin las 'chi med srog sgrub 'di:__snying gi bu la gtad do rgya:__rgya rgya rgya:__d+ha thim:__!___/lo rgyus zab don gsal byed/__dbang bzhi ye shes snang ba/__man ngag rdo rje'i tshig rkang*/__phyi sgrub rtsa gsum 'dus pa/__nang sgrub 'jig rten dbang phyug__/gsang sgrub pad+ma gar dbang*/__'ja' lus rdo rje'i sgrub pa/__yang gsang pad+ma drag po/__phrin las yid bzhin nor bu/__tshe sgrub 'chi med snying po/__phur pa ye shes snying po/__yang dag bde chen snying po/__gsol 'debs byin rlabs char 'bebs byin 'bebs ye shes char 'bebs/__skong bshags phrin las char 'bebs so/___!__/rtsa gsum 'od gsal snying tig las:__yan lag tshogs kyi 'khor lo bzhugs:____d+hI/:__rtsa gsum kun 'dus pad+mar 'dud:__bsod nams ye shes rnal 'byor gyis:__sgrib gnyis 'ching ba gcod byed pa:__yan lag tshogs kyi 'khor lo ni:__dben zhing nyams dga'i gnas mchog tu:__yar mar tshes bcu'i dus sogs dang :__smin graul gdams pa sbyin pa'i tshe:__dpa' bo DA ki mnyes byed phyir:__thabs shes 'du bar 'os pa'i rdzas:__rnam dag mchod pas mdun bdar te:__dang po byin gyis brlab pa ni:__hU~M hrI:__bdag nyid lhar gsal thugs nas ra~M ya~M kha~M:__'phros pas tshogs kyi nyes skyon bsregs gtor bkrus:__phyi snod klong lnga dbyings kyi ka pa lar:__nang bcud 'bru gsum ye shes bdud rtsir 'khyil:__ra~M ya~M kha~M:__oM AHhU~M:__gnyis pa tshogs zhing spyan 'dren ni:__hU~M hrI:__'og min chos dbyings spros bral pho brang dang :__lhun grub nges pa lnga ldan longs sku'i zhing :__'chi med bde chen pad+ma drwa ba sogs:__sprul pa'i dkyil 'khor gnas yul dur khrod nas:__phyogs bcu dus bzhi'i rgyal ba sras bcas dang :__rtsa gsum kun 'dus o rgyan thod phreng rtsal:__rig 'dzin DA ki rgya mtsho'i 'khor dang bcas:__'dod yon tshogs la spyan 'dren gshegs su gsol:__lhun grub tshogs khang rang bzhin sprul pa'i zhing :__thabs shes 'dod yon mchog gi dam tshig rdzas:__snang ba lha la grags pa sngags kyi sgra:__dran rtog ka dag chen por byin phob cig:__oM AHhU~M badz+ra gu ru de ba DA ki ni sarba d+harma pA la badz+ra sa ma ya A be sha ya A' A:__gsum pa phyi yi mchod pa la:__dang po tshogs phud 'bul ba ni:__hU~M hrI:__bder gshegs rgyal ba sras bcas dam tshig mchog:__sha lnga bdud rtsi rigs lnga ye shes lnga:__'dod pa'i yon tan rnam mang mchod sprin gyis:__bde stong zung 'jug chen por mnyes gyur cig:__oM AHhU~M badz+ra gu ru de ba DA ki nI sarba d+harma pA la ma hA a mr-i ta ga Na tsa kra pU dza khA hiH__bar pa nyams chag bshags pa ni:__hU~M hrI:__thog med dus nas da lta yan chad du:__bcas dang rang bzhin nyams pa'i sdig ltung gis:__rtsa gsum srung ma'i thugs dang 'gal ba kun:__zhal zas tshogs kyi mchod pas bskang zhing bshags:__yi ge brgya pa brjod:__tha ma sbyor sgrol mchod pas bskang :__hU~M hrI:__bdag tu 'dzin pa'i dgra bgegs 'byung po kun:__bdag med rdo rje khro bo'i tshogs rnams kyis:__dzaHhU~M ba~M hoHchos kyi dbyings su bsgral:__phung khams zag med tshogs kyi 'khor lor rol:__oM AHhU~M sarba sha trUn mA ra ya ga Na tsakra pU dza hoH__nang ltar phung khams skye mched kyi:__yongs grub dkyil 'khor lha tshogs mchod:__hoH__gdod nas dag mnyam dbyer med rtogs pa'i rdzas:__thabs dang shes rab zung 'jug 'dod yon mchog:__lhun grub rdo rje phung po'i dkyil 'khor gyi:__rang byung gnyug ma'i lha tshogs mchod phyir bzhes:__oM AHhU~M:__rtsa gsum 'khor lo lnga ldan grong khyer du:__lhan skyes dpa' bo mkha' 'gro'i dkyil 'khor lha:__bza' bca' btung ba'i rdo rje'i dam tshig gis:__bde stong dga' bzhi'i 'du ba rgyas phyir rol:__a la la ho:__gsang ba 'bar dang 'dzag pa yis:__snyoms 'jug zag med bdud rtsi spel:__bzhi pa lhag ma bsngo ba ni:__a kA ros brlab:__phaiM gyi sgras:__lhag sdud tshogs rnams spyan drangs te:__hU~M hrI:__rtsa gsum dkyil 'khor mu ran skyong ba yi:__ye shes las grub dpal gyi lhag sdud kun:__longs spyod tshogs gyi pham phabs 'di longs la:__rnam bzhi'i phrin las lhun gyis grub par mdzod:__ma ma DA ki nI king+ka ra uts+tshiSh+ta ba liM tA khA hi:__lnga pa smon lam gdab pa ni:__hoH__snang srid dag pa rab 'byams rdo rje'i grong :__tshogs gnyis zung 'jug 'khor lo bskor ba'i mthus:__'gro kun phyi nang gzhan gsum dbyer med pa:__'chi med pad+ma thod phreng 'grub par shog:__drug pa thugs dam bskul ba ni:__hU~M hrI:__lho nub rnga yab zangs mdog dpal gyi ri:__sku gsum dbyer med sprul pa'i dkyil 'khor nas:__bde gshegs yongs 'dus pad+ma thod phreng rtsal:__gtso 'khor sprul par bcas pa'i thugs dam bskul:__hrI:__gdod nas dag pa chos sku'i pho brang nas:__rab 'byams rtsa gsum rgyal ba'i dkyil 'khor lha:__'gro kun sdug bsngal tshor bas nyam thag tshe:__thugs dam bskul lo thugs rje dus 'dir skyed:__gnas skabs zhi rgyas dbang dang drag po yi:__gang 'dul phrin las lhun gyis grub pa dang :__mthar thug sku bzhi dbyer med thig le'i klong :__khams gsum 'gro kun sgrol ba'i phrin las mdzod:__bdun pa chad tho bsgrag pa ni:__hU~M b+h+yoH__sngon tshe kun bzang gdod ma'i mgon po yis:__dam la bzhag pa'i rig rtsal dregs tshogs kun:__zung 'jug rdo rje'i gtor ma 'di longs la:__snang bzhi zad sar skyel ba'i phrin las mdzod:__hU~M b+h+yoH__de 'og mtsho skyes thod phreng yab yum gyis:__dam la bzhag pa'i bde stong dregs tshogs kun:__lhan skyes nye rgyu'i gtor ma 'di longs la:__'chi med 'od skur 'grub pa'i phrin las mdzod:__hU~M b+h+yoH__tha ma dbang drag pad+ma he ru kas:__dam la bzhag pa'i rgyud gsum dregs tshogs kun:__tha tshig gnyan po'i gtor ma 'di longs la:__gang 'dul phrin las yid bzhin 'grub par mdzod:__oM AHhU~M hrIHhrIHshrI ma hA kA la rA hu la e ka dza Ti a ya ma du ru tsa sha na ba liM ta b+huny+dza kha kha khA hi khA hi:__badz+ra sa ma ya ho:__brgyad pa brtan ma skyong ba ni:__hU~M b+h+yo:__bod khams skyong ba'i ma mo brtan ma'i tshogs:__'dir gshegs bshal chu'i bdud rtsi 'di gsol la:__'chi med pad+ma thod phreng bka' bzhin tu:__gangs can bstan dang 'gro la phan bde spel:__gnyug gnas glo bur lhags pa'i 'byung po kun:__drag shul rdo rje'i rol pas tshar bcad nas:__bod khams skye dgu'i tshogs rnams bde ba dang :__rgyal bstan phyogs bcur dar ba'i phrin las mdzod:__ma ma DA ki nI hrIM hrIM ba liM ta khA hi:__dgu pa mnan pa bya ba ni:__hU~M b+h+yo:__rnam thar gsum ldan rdo rje btsun mo'i klong :__gnyis 'dzin log 'dren dam sri 'byung po'i tshogs:__mnan no snying rje khros pa'i bro brdungs pas:__byang chub bar du ldang bar ma gyur cig:__oM AHhU~M s+t+waM b+ha ya nanaH__gnas skabs sgrib gnyis kun byang zhing :__ci 'dod phrin las yid bzhin 'grub:__mthar thug rig 'dzin mchog brnyes slad:__tshogs gnyis lam 'di gces par zungs:__sa ma ya:__rgya rgya rgya:__d+ha thim:___d+hI/:__rtsa gsum 'od gsal snying tig las:__skong bshags 'od gsal thol glu bzhugs:____d+hI/:__'chi med rtsa gsum lha la 'dud:__de nyid bsnyen cing sgrub pa dang :__tshogs kyi 'khor lo'i 'du ba'i tshe:__bskang zhing bshags pa'i rim pa la:__dang po byin gyis brlab pa ni:__AH__kun brtags snang ba dbyings su thim pa'i rtsal:__gzhan dbang dag pa rab 'byams mchod sprin che:__yongs grub ye shes mchog gis byin brlabs pas:__mi zad nam mkha' mdzod kyi 'khor lo gyur:__nam mkha' mdzod kyi sngags rgyas brlab:__gnyis pa tshogs zhing spyan 'dren ni:__hU~M hrI:__gdod nas spros bral 'od gsal gnyug ma'i gshis:__gzhi dbyings khyad chos drug ldan ye shes las:__gzhi snang lhun grub longs spyod rdzogs sku'i zhing :__'og min gsang chen rdo rje'i pho brang che:__sprul pa'i grong khyer me ri 'bar ba dang :__mngon par dga' dang dpal ldan pad+ma brtsegs:__las rab yongs su rdzogs pa'i zhing khams sogs:__phyogs bcu'i zhing bzhugs rgyal ba sras bcas dang :__phyi ltar gdod nas grub pa'i nyer bzhi'i yul:__nang ltar lhun grub rdo rje phung po'i grong :__gsang ba rlung sems dbu mar thim pa'i rtsal:__bde stong zung du 'jug pa'i dkyil 'khor nas:__rtsa brgyud bla ma yi dam zhi khro'i lha:__gnas gsum dpa' bo DA ki rgya mtsho dang :__ye shes las grub chos skyong srung ma'i tshogs:__thugs dam bskang zhing nyams chag bshags pa'i phyir:__rtse gcig gus pa'i yid kyis spyan 'dren na:__don dam 'gro 'ong mtshan ma las 'das kyang :__kun rdzob sgyu ma lta bu'i snang cha ru:__tshad med thugs rje'i dbang gis gnas 'dir gshegs:__gu ru de ba DA ki nI sarba d+harma pA la badz+ra sa ma ya dza dza:__dam tshig ye shes gnyis med dgyes par bzhugs:__lus ngag yid gsum gus pas phyag 'tshal lo:__phyi nang gsang gsum kun bzang mchod sprin 'bul:__nyon mongs shes bya'i sgrib kun mthol zhing bshags:__byang chub spyod pa rgya mtshor rjes yi rangs:__theg mchog chos kyi 'khor lo bskor bar bskul:__mya ngan mi 'da' rtag par bzhugs gsol 'debs:__'dis mtshon dge tshogs chos dbyings snying por bsngo:__kun kyang rnam kun mchog ldan thob par shog:__gsum pa thugs dam bskang ba ni:__hU~M hrI:__'chi med thog ma'i mgon po snang mtha' yas:__bde stong snying rje'i skur bzhengs spyan ras gzigs:__srid zhir mi gnas sangs rgyas pad+ma skyes:__sku gsum dbyer med bla ma'i thugs dam bskang :__ye shes klong dgu'i rang gzugs he ru ka:__gang 'dul sprul pa'i rnam rol mtshan mchog brgyad:__yi dam yongs 'dus pad+ma drag po rtsal:__dkyil 'khor rgya mtsho'i ngo bor thugs dam bskang :__rnam kun mchog ldan rdo rje btsun mo'i dbyings:__gnas 'dir bcu drug bde ster man+dA ra:__mkha' 'gro'i tshogs rje ye shes mtsho rgyal sogs:__gnas gsum DA ki rgya mtsho'i thugs dam bskang :__zag med bde chen thig le rA hu la:__shes rab stong chen dbyings phyug e ka dza:__zung 'jug dbu mar shar ba'i ma ning nag:__rgyud gsum dregs tshogs yongs kyi thugs dam bskang :__hU~M hrI:__thugs dam bskang ba'i dam rdzas mchod pa ni:__yan lag brgyad ldan mchod yon bdud rtsi'i mtsho:__dri med gang+ga'i rgyun gyi zhabs bsil sgreng :__chu skyes thang skyes me tog sna tshogs tshal:__lhan skyes sbyar ba'i bdug pa'i sprin phung 'thul:__nyi zla nor bu sgron me'i snang gsal 'bar:__reg pas bde ba ster ba'i dri chab rgyun:__yid 'phrog 'chi med grub pa'i zhal zas dang :__dbyangs bdun rdzogs pa'i rol mo'i bye brag sogs:__phyi mchod 'dod yon rgya mtshos thugs dam bskang :__phung khams dwangs mar shar ba'i phyag rgya'i gzugs:__grags stong thabs shes A li kA li'i sgra:__rlung sems dbu mar 'ching ba'i lhan skyes dri:__ha~M yig ga bur bzhu ba'i bdud rtsi'i ro:__a shad gtum mor 'bar ba'i reg bya dang :__dga' mchog khyad par lhan skyes ye shes kyi:__rnam 'gyur rdo rje'i rig ma bcu drug sogs:__rang byung nang gi mchod pas thugs dam bskang :__gzung 'dzin 'khrul pa'i mtshan ma las 'das pa'i:__snang srid gzhir bzhengs ye shes kA pa lar:__bde stong dbyer med brtul zhugs grub pa'i dpyid:__thabs shes dga' bzhis drangs pa'i a mr-i ta:__rlung sems dbu mar 'ching ba'i dmar chen po:__zung 'jug phyag rgya chen po'i ba liM ta:__phung khams dwangs mar sgrub pa'i dam tshig rdzas:__lhan skyes gsang ba'i mchod pas thugs dam bskang :__gzhi dbyings rig stong phyag rgya'i pad+mo ru:__gzhi snang ye shes rdo rjes mnyam sbyor bas:__srid dang zhi ba'i chos khams ji snyed kun:__'od gsal rnam kun mchog ldan klong du bsgral:__ka dag byar med gnyug ma rdo rje'i srog:__lhun grub thig le chen por shar ba'i gzugs:__blang dor spros pa'i pha rol nas brgal ba:__bla med mchog gi mchod pas thugs dam bskang :__chos nyid mngon sum mja' zer thig le'i sbubs:__nyams snang gong 'phel sna tshogs mchod sprin ches:__rig pa tshad phebs don gyi lha tshogs rnams:__chos zad blo 'das chen por thugs dam bskang :__thugs dam bskang gyur las bzhi grub pa brgyad:__rin 'dzin rnam bzhi'i go 'phang la brten nas :__tshe gcig 'chi med 'ja' lus rdo rje'i grong :__sku dang ye shes mchog gi dngos grub stsol:__bzhi pa nyams chag bshags pa ni:__phyogs bcu dus bzhi'i rgyal ba sras bcas dang :__rtsa brgyud bla ma yi dam dkyil 'khor lha:__dpa' bo mkha' 'gro dam can rgya mtshor bcas:__kun nas mkhyen brtses bdag la dgongs su gsol:__gsang chen rdo rje'i rig pa 'dzin pa yi:__rnal 'byor bdag cag 'dus par bcas pa kun:__bla med byang chub snying po bsgrub pa'i phyir:__smon dang 'jug pa'i sems gnyis rab bskyed nas:__so thar theg chen gsang sngags bslab pa rnams:__srog gi phyir yang mi gtong ci nus su:__tshul bzhin bsrung bar khas blangs dam bcas kyang :__gzung 'dzin nyon mongs 'khrul pa'i gzhan dbang la:__brten nas nyams shing chag par gyur pa kun:__mi 'chab mi sbed gnong 'gyod drag po yis:__snying nas so sor bshags cing sdom bgyid na:__tshangs pa mchog gi dngos grub stsal du gsol:__don dam brjod bral gnyug ma'i gshis lugs la:__bshags dang bshags par bya ba las 'das kyang :__kun rdzob sgyu ma lta bu'i snang cha ru:__nyes pa gang mchis snying nas bzod par gsol:__yi ge brgya pa lan gsum mthar:__'khor gsum spros bral ngang du bzhag:__lnga pa smon lam gdab pa ni:__hoH__de ltar bskangs shing bshags pa'i byin rlabs kyis:__bdag gzhan mkha' khyab 'gro ba ma lus kun:__srid las nges 'byung byang chub sems bskyed nas:__bla med theg chen mchog la 'jug par shog:__de tshe dngos grub rgya mtsho'i 'byung gnas mchog:__rdo rje slob dpon byams pa'i bka' drin las:__smin grol zab mo'i gdams pa'i bcud thob nas:__gsang chen rdo rje'i rig pa 'dzin par shog:__snang srid dag pa lha yi zhing dang skur:__yongs shar bzlas pa sngags kyis rgyud bskul bas:__rtsa gsum dkyil 'khor 'khor lo rab 'byams kyis:__dgyes pa'i zhal bstan gsung gi dbugs dbyung shog:__srog rtsol kha sbyor rlung gi rnal 'byor dang :__'bar 'dzag dbu mar thim pa'i ting 'dzin gyis:__phung khams skye mched dwangs mar yongs shar cing :__sa bcu dbu ma'i klong du rdzogs par shog:__dngos dang yid las byung ba'i tsaN+Da lI:__snyoms 'jug gsang ba'i mchod pas mnyes byas mthus:__lugs 'byung lugs ldog dga' bzhi'i ye shes kyis:__lhan skyes bde stong dbyer med 'grub par shog:__ka dag mngon sum rig pa'i ngang nyid las:__lhun grub snang ba bzhi yi nyams len gyis:__zag bcas 'khrul pa'i phung khams skye mched kun:__'ja' lus rdo rje'i sku ru gnas 'gyur shog:__tshe 'dir mchog gi dngos grub ma thob na:__'chi ba chos sku bar do longs sku dang :__skye srid sprul pa'i sku yi rnam rol gyis:__rang gzhan don gnyis lhun gyis grub par shog:__gzhan yang bstan 'dzin skyes mchog dam pa rnams:__zhabs pad brtan cing bshad sgrub bstan pa dar:__'gro kun mi mthun rgud pa kun zhi zhing :__phan bde'i dpal 'byor rtag tu rgyas par shog:__mdor na gnas skabs phrin las rnam bzhi dang :__grub chen brgyad dang dbang bcu phyi nang gnyis:__rnam smin tshe dbang 'od gsal phyag rgya che:__lhun gyis grub pa'i rig 'dzin mthar phyin shog:__mthar thug sku dang ye shes dbyer med pa:__'chi med rtsa gsum dkyil 'khor mngon gyur nas:__bum pa bzang dang dpag bsam nor bu ltar:__gzhan don phrin las lhun gyis grub par shog:__mchod bya mchod byed mchod yul ma lus kun:__kun rdzob mkha' la 'ja' tshon shar ba ltar:__snang yang gzung 'dzin spros pa las 'das pa'i:__don dam rig stong rjen pa'i dbyings su a:__zhes brjod rjes kyi bya ba rnams:__sgrub pa'i phrin las gzhung bzhin bya:__sa ma ya:__de ltar rtsa gsum dkyil 'khor gyi:__skong bshags 'od gsal thol glu 'di:__ma 'ongs rdo rje'i rig 'dzin rnams:__dngos grub rnam gnyis thob phyir bstan:__sa ma ya:__rgya rgya rgya:__guh+ya:__brda thim:__gar dbang 'od gsal gl-ing pas zab mo dgongs pa'i gter mdzod las phyung ba'o/__shub+haM:____d+hI/:___rtsa gsum 'od gsal snying tig las:__thun mong smin byed ye shes thig le bzhugs:____d+hI/:__'chi med rtsa gsum lha la 'dud:__thun mong phung po rnam pa lnga:__ye shes rnam lnga'i thig le ru:__smin byed rigs mchog rnam lnga yi:__rdo rje'i dbang bskur chen po bstan:__sa ma ya:__dad dang brtson 'grus ldan pa yi:__slob ma khrus byas gral la 'khod:__bgegs phral srung ba'i 'khor lo bsgom:__lo rgyus mtshams sbyar maN+Dal 'bul:__chas su gzhug cing gsol gdab ni:__sangs rgyas kun gyi ye shes sku:__rdo rje slob dpon dgongs su gsol:__bdag cag 'khor ba las bsgral phyir:__dkyil 'khor chen por 'jug par 'tshal:__lan gsum rjes su slob dpon gyis:__gsang ba bla med dkyil 'khor 'dir:__smin pa'i dbang mchog don gnyer na:__dbang srog dam tshig rgya mtsho'i gnas:__srog la babs kyang srung nus sam:__zhes dris de yi lan btab pa:__lha dang dbyer med slob dpon gyi:__bka' bzhin rjes su sgrub lags kyi:__so thar byang sems rig 'dzin kyi:__sdom pas bdag rgyud gtams par mdzod:__zhes gsol gnang ba sbyin pa ni:__dus gsum gshegs pa'i sangs rgyas kun:__rdo rje'i lam mchog 'di la brten:__de phyir gsang chen dkyil 'khor 'dir:__bu khyod 'jug cing smin par bya:__zhes brjod skyabs sems 'bogs pa ni:__mdun mkhar rtsa gsum rab 'byams lha:__mngon sum lta bur bzhugs pa'i mdun:__gus pa chen pos 'khod pa'i blos:__tshig 'di dag gi bzung du gzhug:__na mo:__bdag sogs mkha' mnyam 'gro ba kun:__deng nas byang chub snying po'i bar:__bla ma dkon mchog rgya mtsho la:__mi phyed gus pas skyabs su mchi:__mar gyur rigs drug sems can rnams:__sdug bsngal mtsho las bsgral bya'i phyir:__rtsa gsum dkyil 'khor 'dir zhugs nas:__don gnyis bsgrub par sems bskyed do:__lan gsum bar du nan tan dang :__bsags sbyong spel ba'i rnal 'byor bya:__khyad par sdom pa bzung ba ni:__hoH__rtsa gsum dkyil 'khor lha tshogs dang :__rdo rje slob dpon dgongs su gsol:__rig pa 'dzin pa bdag gis ni:__deng nas byang chub snying po'i bar:__nges par 'byung bas rgyud bskul nas:__phyi nang gsang ba bla med pa'i:__mchog gsum skyabs kyi snying por bzung :__lus ngag yid kyis gzhan rnams la:__gnod pa'i bsam sbyor yongs spongs shing :__byams dang snying rje chen po'i blos:__pha rol phyin pa drug la sogs:__phan bde'i spyod pa rlabs chen spyad:__ma bsgral bsgral dang ma sgrol sgrol:__dbugs ma phyung rnams dbugs dbyung zhing :__thams cad srid zhi las 'das pa'i:__bla med byang chub dam par 'god:__bder gshegs rdo rje rin po che:__pad+ma las kyi sdom pa dang :__yan lag dam tshig nyi shu lnga:__rtsa ba sku gsung thugs la sogs:__rdo rje 'chang gi rgyud sde las:__sngags kyi 'dul bar gang gsungs pa:__srog gi phyir yang mi gtong na:__gtso bos bdag la bka' drin mdzod:__lan gsum bar du khas blangs shing :__gsang sngags nang gi sems bskyed bya:__phyi ltar 'jug phyir gsol ba gdab:__hoH__smon pa tshad med rnam bzhi'i dngos:__dkyil 'khor chen po'i sgo phye nas:__gnyis med 'jug pa'i byang chub sems:__ye shes lha tshogs bstan tu gsol:__lan gsum rjes su slob dpon gyis:__bde chen rol pa'i dkyil 'khor nas:__dga' bzhi'i ye shes gzugs 'chang ba:__gang 'dul phrin las sgo ba bzhis:__skal bar ldan rnams gzhugs par 'tshal:__dzaHhU~M ba~M hoH__pra be sha ya phaT:__ces brjod las kyi rdo rje yis:__dkyil 'khor nang du 'khrid par mos:__sku gsung thugs kyi phyag byas nas:__nang ltar 'jug pa'i dang po ni:__dam la bzhag pa rnam bzhi sbyin:__hoH__deng khyod rang snang dkyil 'khor cher:__mchog tu gsang bas rab zhugs na:__ye shes dngos grub thob 'gyur gyi:__gzhan du smras na de ltar min:__badz+ra gu h+ya sa ma ya hoH__gnyis med ye shes rdo rje sems:__khyod kyi snying dbus yang dag zhugs:__tshul min smras na nyams par 'gyur:__de bas gsang chen thub par gyis:__badz+ra sa twa dz+nyA na sa ma ya AH__rdo rje'i dam tshig bdud rtsi'i chu:__'thungs shig 'thungs shig sems dpa' che:__dam tshig 'das na sreg byed cing :__bsrung na dngos grub rnam gnyis thob:__badz+ra a mr-i ta u da ka sa ma ya hoH__deng nas khyod kyi he ru ka:__rdo rje slob dpon nga yin gyi:__ji ltar bsgo ba'i tha tshig las:__nam yang 'da' bar ma byed cig:__badz+ra sa ma ya rak+Shan+tu:__ye shes dbang phyir gsol ba gdab:__hoH__ram 'byams rtsa gsum lha tshogs kyi:__rdo rje ye shes bde ba che:__deng 'dir bdag la dbab nas kyang :__byin gyis brlab par mdzad du gsol:__slob ma lus gnad drang por bsrang :__dam tshig lhar bskyed ye shes dbab:__byin chen 'bebs pa'i rtags byung na:__tiSh+Tha badz+ras brtan par bya:__de nas me tog dor ba ni:__hoH__rang snang rnam dag 'og min du:__bde chen rdo rje'i maN+Da lar:__rig pa'i me tog 'di dor bas:__lhag pa'i lha la 'bab par shog:__oM sarba ta thA ga ta maN+Dal la puSh+pe pra tIts+tsha ho:__khyod ni bla med byang chub kyi:__ye shes dam pa'i snod yin phyir:__rdo rje'i dam tshig 'di zungs la:__rang gzhan don gnyis bsgrub par gyis:__pra ti gr-ih+Na i maM sa twa ma hA bA la:__zhes brjod lhag lha spy-i bor bstim:__sgrib gnyis mig ras bsal ba ni:__e ma ho gdod nas rnam dag pa'i:__dri med 'od gsal rdo rje'i spyan:__glo bur 'khrul pas bsgribs pa'i mun:__ye shes thur mas dbye bar bya:__dz+nyA na tsak+Shu pra be sha ya phaT:__ces brjod dkyil 'khor blta bar bskul:__ltos shig skal ldan rigs kyi bu:__da ni dad pa rab tu bskyed:__rtsa ba gsum gyi dkyil 'khor 'dir:__rdo rje'i rig pa 'dzin par 'gyur:__he badz+ra sarba ta thA ga ta maN+Da la pa sh+ya hoH__zhes bskul dkyil 'khor bstan pa ni:__hoH__ka dag gting gsal chos kyi sku:__spros pa bral ba'i ye shes las:__lhun grub 'od lnga'i zhing khams su:__longs spyod yongs rdzogs 'khor lor shar:__zung 'jug sprul pa'i rnam rol ni:__lhag pa gzugs brnyan dkyil 'khor 'dir:__sa bcu lam lnga'i yon tan kun:__ma btsal lhun gyis grub pa yi:__thar pa chen po'i gzhal med khang :__yid 'ong nyams dga'i gnas mchog tu:__sku dang ye shes dbyer med pa'i:__rab 'byams rtsa gsum lha yi tshogs:__snang la rang bzhin ma grub par:__gang 'dul tshul gyis bzhugs pa rnams:__mngon sum lta bur mthong ba'i blos:__gnyis su 'dzin pa'i rtog pa spangs:__thams cad rang snang nyid yin phyir:__gnyis med ye shes chen por sbyor:__phyi ru mtshon byed dkyil dang 'khor:__nang ltar rdo rje phung po'i grong :__gzhan du bskyed rdzogs zung 'jug pa'i:__zab mo'i lam mchog la brten nas:__rang byung lhun grub lus kyi dkyil:__rdo rje'i 'og min chen po'i klong :__rtsa dag snang stong sprul pa'i sku:__rlung dag bde stong longs spyod rdzogs:__thig le 'od gsal chos skur shar:__bcings grol med par khyod kyis mthong :__badz+ra dz+nyA na sa ma ya hoH__zhes brjod phyi nang gzhan gsum gyi:__dkyil 'khor rnam dbye rgyas par bshad:__rdo rje slob ma rnams kyis kyang :__de nyid mngon sum mthong ba'i blos:__oM sarba ta thA ga ta maN+Dal dz+nyA na badz+ra swa b+hA wa Ad+ma ko\u0f85ha~MH__lhar snang zhen med nga rgyal bzung :__dad dang spro ba mchog tu bskyed:__sa ma ya:__dngos gzhi'i phan nus zab gsum las:__dang po'i ched du gsol gdab ni:__sangs rgyas kun 'dus rdo rje 'dzin:__bdag la brtse bas nyer dgongs nas:__rtsa gsum dkyil 'khor lha tshogs kyi:__dbang bskur dam pa stsal du gsol:__zhes pas gsol gdab slob dpon gyi:__thugs nas 'phros pa'i 'od zer gyis:__gdan gsum tshang ba'i dbang gi lha:__nam mkha' gang bar spyan drangs par:__mchod cing bstod nas gsol gdab pas:__kun kyang dbang gi bya ba la:__dgongs pa mngon du gtad par mos:__dbang rdzas slob mar bcas pa yang :__so so'i rigs kyi lhar gsal zhing :__mi mthun phyogs las rgyal ba'i slad:__shis pa brjod pa sngon 'gro bas:__thog mar bum pa spyi bor bskur:__hU~M:__zhe sdang rnam dag rdo rje'i rigs:__mi bskyod chu yi dbang bskur bas:__rnam shes phung po rang grol nas:__me long ye shes mngon gyur shog:__oM sarba ta thA ga ta badz+ra a b+hi Shiny+tsa hU~M:__de nas rin chen dbu rgyan bcings:__hU~M:__nga rgyal rnam dag rin chen rigs:__rin 'byung dbu rgyan dbang bskur bas:__tshor ba'i phung po rang grol nas:__mnyam nyid ye shes mngon gyur shogs:__oM sarba ta thA ga ta rat+na a b+hi Shiny+tsa trA~M:__thabs kyi rdo rje lag g.yas sbyin:__hU~M:__'dod chags rnam dag pad+ma'i rigs:__mtha' yas rdo rje'i dbang bskur bas:__'du shes phung po rang grol nas:__sor rtogs ye shes mngon gyur shog:__oM sarba ta thA ga ta pad+ma a b+hi Shiny+tsa hrI:__shes rab dril bu g.yon du gtad:__hU~M:__phrag dog rnam dag las kyi rigs:__don grub dril bu'i dbang bskur bas:__'du byed phung po rang grol nas:__bya grub ye shes mngon gyur shog:__oM sarba ta thA ga ta karma a b+hi Shiny+tsa AH__rdor dril lhan gcig spyi bor bzung :__hU~M:__gti mug rnam dag bder gshegs rigs:__snang mdzad ming gi dbang bskur bas:__gzugs kyi phung po rang grol nas:__chos dbyings ye shes mngon gyur shog:__oM sarba ta thA ga ta bud+d+ha a b+hi Shiny+tsa AH__zhes brjod rdo rje'i ming yang gdags:__so so'i dag pa ngo sprad cing :__shis pa brjod pas mnga' gsol bya:__de nas nus pa'i dbang mchog gis:__rdo rje slob dpon bdag po che'i:__go 'phang dam par 'god pa'i slad:__dpal ldan rig kun khyab bdag ches:__phan pa'i dbang bkur stsal lags na:__da ni nus pa 'jug pa'i dbang :__ma lus bdag la stsal du gsol:__lan gsum gsol ba gdab nas kyang :__slob ma seng ge'i khrid la bzhag:__mchod sprin rgya mtshos mdun bdar nas:__lag tu rdo rje dril bu gtad:__oM AHhU~M:__thabs dang shes rab dbyer med pa'i:__rdo rje dril bu 'di zungs la:__ye shes phyag rgyar mnyam sbyor ba'i:__bde ba che la rtag tu rol:__de bzhin gshegs pa thams cad kyi:__sku gsung thugs kyi gsang ba dang :__dbyer med rdo rje 'dzin khyod kyis:__gang 'dul 'gro kun sgrol bar mdzod:__oM ma hA badz+ra hU~M:__zhes brjod rdo rje snying gar gsor:__oM ma hA gaN+De ho:__zhes brjod dril bu 'khrol zhing bsten:__oM sarba ta thA ga ta ma hA a nu rA ga Na dz+nyA na badz+ra swa b+hA ba Ad+ma ko\u0f85ha~M:__zhes brjod thugs kar 'khyud rgya bya:__slar yang glegs bam dung la sogs:__mnga' dbul yo byad kun sbyin la:__hU~M hrI:__bde chen thabs mchog rdo rje sems dpa' dang :__shes rab stong nyid dbyings phyug snyems ma yum:__dbyer med mnyam sbyor rdo rje'i slob dpon dbang :__deng 'dir skal ldan khyod la sbyin pa yis:__zab gsang rdo rje rtse mo'i nye lam gyi:__chos kyi 'khor lo rtag tu bskor nas kyang :__sna tshogs thabs kyis gdul bya ma lus kun:__bde chen thar pa'i klong du dbugs dbyungs shig:__ces brjod shis pa'i me tog gtor:__de nas zab mo'i dbang gsum po:__ye shes dpal ster ji bzhin la:__spros dang 'brel na dkyil 'khor ba:__yongs su rdzogs pa'i lha dbang bskur:__so so'i sngags kyi rjes gnang dang :__'od gsal ye shes don ngo sprad:__lung bstan dbugs dbyung gzengs bstod bya:__sa ma ya:__bla med rdo rje theg pa yi:__lam gyi rtsa ba smin byed de:__phan dang nus pa la brten nas:__zab mo'i ye shes mngon du 'gyur:__rgya rgya rgya:__d+ha thiM:___d+hI/:__rtsa gsum 'od gal snying tig las:__dbang bzhi ye shes dpal ster bzhugs:____d+hI/:____dpal ldan sangs rgyas pad+ma skyes:__sku gsum dbyer med chen por 'dud:__rdo rje theg pa'i gsang lam gyi:__snying po dbang bzhi'i rim pa ni:__dben pa'i gnas su stegs bu'i khar:__phyi nang gsang ba'i dkyil 'khor dang :__mchod pa'i yo byad bzang du bsham:__dbang thob dam tshig la gnas shing :__man ngag don ldan slob dpon gyis:__bdag mdun dbyer med bsnyen cing bsgrub:__thog mar rang nyid 'jug pa'i rjes:__dad dang dam tshig skal ldan pa'i:__slob ma khrus byas gral la 'khod:__lo rgyus chos bshad maN+Dal 'bul:__gsol ba gdab cing sdom gsum sbyin:__dbang don ye shes nan tan phab:__brtan par byas nas bum dbang ni:__hU~M hrI:__snang stong bum pa'i dkyil 'khor du:__rtsa ba gsum gyi lha tshogs shar:__skal ldan bu la dbang bskur bas:__phung khams lha skur smin par shog:__rtsa sngags mthar:__kA ya a b+hi Shiny+tsa oM:__gnyis pa gsang ba'i bdud rtsi sbyin:__hU~M hrIH__e wa~M zung 'jug dkyil 'khor nas:__zhu bdes drangs pa'i kuN+Da lI:__skal ldan khyod la sbyin pa yis:__rlung sngags dbu mar thim par shog:__wa ka a b+hi Shiny+tsa AH__gsum pa shes rab phyag rgya gtad:__hrIH__phyag rgya b+ha ga'i dkyil 'khor du:__bde stong ye shes nyams myong phyir:__sna tshogs gzugs can 'di gtad pas:__thig le chos skur grol bar shog:__tsit+ta a b+hi Shiny+tsa hU~M:__snyoms 'jug dbab bzlog dga' bzhi bskyed:__bzhi pa rtags kyi brdas mtshon te:__AH__ka dag gzhi yi dkyil 'khor du:__lhun grub lam gyi snang ba gsal:__gnyis su med par dbang bskur bas:__chos zad 'bras bu mngon gyur shog:__dz+nyA na a b+hi Shiny+tsa hrIH__khyad par can gyi snod rung la:__dbyings dang rig rtsal don ngo sprad:__sgrub pa'i glegs bam spyi bor bzhag:__brgyud gsum byin rlabs dbugs dbyung bya:__rjes su dbang srog dam tshig gi:__rnam dbye rgyas par bshad pa dang :__bsdus te khas blang 'dzin du gzhug:__maN+Dal 'bul zhing dge ba bsngo:__dga' ston tshogs kyi 'khor lo dang :__rdo rje'i sgra yis shis pa brjod:__sa ma ya:__'di ni thog mar dkyil 'khor cher:__zhugs te smin pa'i slob ma la:__rdo rje'i ye shes ngo sprod phyir:__sbyin gyi rnam pa kun tu min:__rgya rgya rgya:__d+ha thiM:____d+hI/:___rtsa gsum 'od gsal snying tig las:__gtor dbang byin rlabs dpal ster bzhugs:____d+hI/:___mtsho skyes thod phreng rtsal la 'dud:__byin rlabs gtor ma'i dbang bskur ni:__gnas skabs 'gal rkyen sel ba dang :__phrin las rnam bzhi lhun grub cing :__mthar thug rnga yab dpal gyi rir:__dbugs 'byin mchog gi go 'phang sbyin:__sa ma ya:__rtsa ba'i dbang bzhi dang 'brel na:__rjes su gzengs bstod tshul du ste:__'di nyid kho nas smin pa'i tshe:__bdag mdun dbyer med bskyed bzlas dang :__sngon 'gro spy-i bzhin sbyar ba'i rjes:__gtor ma lha ru shes pa'i ngang :__gnas lngar phyag mtshan rnam pa lnga:__yig 'bru'i mtshan pa'i 'od zer gyis:__sku gsung thugs yon phrin las kyi:__byin rlabs dngos grub thob par bsam:__hU~M hrI:__sku gsum bla ma thod phreng rtsal:__yi dam yongs rdzogs he ru ka:__mkha' 'gro'i ming po dpa' bo che'i:__gsang gsum byin rlabs khyod la sbyin:__rtsa sngags mthar:__kA ya wA ka tsit+tA gu Na karma ba liM ta a b+hi Shiny+tsa hU~M:__spro na so sor dbang bskur zhing :__rjes kyi rim pa gzhung bzhin bya:__rgya rgya rgya:__d+ha thiM:____d+hI/:____rtsa gsum 'od gsal snying tig las:__byin rlabs brda yi dbang bzhi bzhugs:____d+hI/:__'chi med sku gsum lha la 'dud:__byin rlabs brda yi dbang bskur ni:__dkyil 'khor sgrub pa'i yo byad bshams:__bdag mdun dbyer med bskyed bzlas bya:__khyad par byin chen nan tan dbab:__dbang thob dam tshig la gnas pa'i:__slob ma khrus byas mdun du 'khod:__'jug pa spy-i bzhin sbyar ba'i rjes:__dngos gzhi bum pa'i dbang bskur ni:__hU~M:__snod bcud yongs rdzogs bum pa'i dkyil 'khor nas:__bde stong zung 'jug bdud rtsis dbang bskur bas:__phung khams skye mched sgrib gnyis rang sar grol:__sna tshogs gzugs can bum dbang mngon du gyur:__gang 'dul chos ston gsang dbang nus pa smin:__'khor 'das kun khyab shes rab ye shes ngang :__snang stong zung 'jug don dam bde ba che:__'gro 'dul sprul sku'i dbang mchog thob par shog:__rtsa sngags dang :__nirma kA ya dz+nyA na a b+hi Shiny+tsa AH__bum chu 'thor 'thung snying gar reg:__bde gsal mi rtog rang nyams bskyang :__de nas byang sems b+han d+ha thogs:__hU~M:__chos dbyings rang byung b+han+d+ha'i dkyil 'khor nas:__rig pa byang chub sems kyi dbang bskur bas:__'gro 'ong rlung gi sgrib gnyis rang sar grol:__bum dbang ngo bo mtshan dpe'i phung por 'bar:__gsang dbang brda yis gdul bya'i dri ma sel:__shes rab ye shes srid zhi mnyam nyid ngang :__bde stong zung 'jug kha sbyor bdun ldan pa'i:__longs spyod rdzogs sku'i dbang mchog thob par shog:__rtsa sngags dang :__saM b+ho kA ya dz+nyA na a b+hi Shiny+tsa AH__sngar bzhin brda dbang rdzogs par bya:__g.ya' bral dwangs pa'i me long thogs:__hU~M:__gzhi dbyings spros bral gdod ma'i dkyil 'khor nas:__gzhi snang rig pa ye shes dbang bskur bas:__gzung 'dzin rtog tshogs sgrib gnyis rang sar grol:__bum dbang nang gsal rtag chad mtha' las 'das:__gsang ba'i dam tshig skye med nA da'i dbyangs:__shes rab ye shes bsam brjod bral ba'i ngang :__rig stong zung 'jug shin ku zhi ba'i dbyings:__'od gsal chos sku'i dbang mchog thob par shog:__rtsa sngags dang :__d+harma kA ya dz+nyA na a b+hi Shiny+tsa AH__gnas gsum reg cing don ngo sprad:__bde skyong snod du gtor ma thogs:__hU~M:__mnyam nyid dag pa gzhi yi dkyil 'khor nas:__glo bur sgrib bral 'bras bu'i dbang bskur bas:__gnyis su 'dzin pa'i rtog pa rang sar grol:__bum dbang chos nyid 'pho med klong du smin:__gsang dbang grags stong rdo rje'i sngags su rdzogs:__shes rab so sor rtog pa'i ye shes klong :__thams cad ro mnyam don dam bde ba che:__mi 'gyur rdo rje'i dbang mchog thob par shog:__rtsa sngags dang :__badz+ra kA ya dz+nyA na a b+hi Shiny+tsa AH__spy-i bor bzhag cing dngos grub sbyin:__snying gar reg la nyams myong skyong :__gtso bo yab yum sku brnyan thogs:__hU~M:__thabs shes zung du 'jug pa'i dkyil 'khor nas:__bde stong sgyu 'phrul drwa ba'i dbang bskur bas:__srid dang zhi ba'i rtog tshogs rang sar grol:__bum dbang yon tan lhun rdzogs rdo rje'i sku:__gsang dbang rig pa byin rlabs tshangs pa'i gsung :__shes rab ye shes mkhyen cha 'gag med thugs:__ma 'dres yongs rdzogs 'od gsal gnyug ma'i klong :__mngon par byang chub dbang mchog thob par shog:__rtsa sngags dang :__b+ho d+hi kA ya dz+nyA na a b+hi Shiny+tsa AH__gnas gsum reg cing don ngo sprad:__rjes kyi rim pa spy-i ltar bya:__sa ma ya:__rab 'byams rtsa gsum yongs rdzogs kyi:__sku dang ye shes dbyer med pa:__rnam pa nyi shus byang chub pa'i:__byin rlabs brda yi dbang bzhi 'di:__lus rgya'i nang gi mgo bo ste:__dbang po'i dwangs ma mig dang mtshungs:__de phyir tshe 'di kho na la:__byang chub thob par 'dod pa yi:__snod ldan slob ma ma gtogs pa:__gzhan du spel na bka' chad 'byung :__ces gsung snying po'i rnal 'byor rnams:__'dir zhugs 'di yi don la spyod:__zla drug lo gsum bcu gnyis na:__zag bcas rdo rje'i lus su grol:__rang gzhan don gnyis lhun gyis 'grub:__dbang bzhi'i ye shes sku lngar smin:__rgya rgya rgya:__brda thiM:___d+hI/:__rtsa gsum 'od gsal snying tig las:__lha dbang ye shes char 'bebs bzhugs:____d+hI/:__rtsa gsum kun 'dus pad+mar 'dud:__tha mal 'khrul pa'i rtog tshogs kun:__ye shes lha yi dkyil 'khor du:__mngon par byang chub dbang bskur bas:__dngos grub rnam gnyis myur du 'grub:__sa ma ya:__phyi ltar pad+ma thod phreng rtsal:__bde gshegs yongs 'dus ngo bo nyid:__sgyu 'phrul drwa ba'i dkyil 'khor lha:__yongs su rdzogs pa'i dbang bskur slad:__thog mar gsol ba gdab pa ni:__e ma rigs kun khyab bdag mchog:__rdo rje slob dpon dgongs su gsol:__bdag cag smin cing grol ba'i phyir:__ye shes lha yi dbang bskur stsol:__lan gsum:__de nas bdag mdun dbyer med pa'i:__dkyil 'khor lha tshogs so so las:__sprul pa'i rnam rol dpag med 'phros:__slob mar thim nas byin rlabs bsam:__hU~M hrIH__sgyu 'phrul drwa ba'i dkyil 'khor nas:__rtsa gsum kun 'dus thod phreng rtsal:__yab yum gnyis med dbang bskur bas:__bder gshegs yongs rdzogs dbang thob shog:__oM AHhU~M badz+ra gu ru pad+ma sid+d+hi hU~M:__kA ya a b+hi Shiny+tsa oM:__hrIH__spros bral chos sku'i dkyil 'khor nas:__rigs kyi bdag po che ba'i mchog:__kun bzang yab yum dbang bskur bas:__dbang bzhi'i ye shes smin par shog:__oM AHhU~M d+harma kA ya a b+hi Shiny+tsa oM:__hrIH__snang stong dbyer med dkyil 'khor nas:__'jam dpal grub pa'i rig pa 'dzin:__many+dzu mi tras dbang bskur bas:__rtsa khams lha skur smin par shog:__oM ma hA gu ru shA ri rAM many+dzu shrI mi tra AHhU~M:__kA ya a b+hi Shiny+tsa oM:__hrI:__grags stong dbyer med dkyil 'khor nas:__rta mchog grub pa'i rig pa 'dzin:__nA ga rdzu nas dbang bskur bas:__srog rtsol sngags su smin par shog:__oM ma hA gu ru shA ri rA~M nA gA rdzu nA A hU~M:__ka ya=__hrIH__rig stong dbyer med dkyil 'khor nas:__yang dag grub pa'i rig pa 'dzin:__hU~M chen kA ras dbang bskur bas:__rtog tshogs chos sku smin par shogs:__oM ma hA gu ru shA ri rA~M hU~M kA ra AHhU~MH__kA ya=__hrIH__yon tan sna tshogs dkyil 'khor nas:__bdud rtsi grub pa'i rig pa 'dzin:__bi ma mi tras dbang =__dga' bzh-i'i ye shes mngon gyur shog:__oM ma hA gu ru shA ri rA~M bi ma la mi tra AHhU~M:__kA ya=__hrIH__phrin las rnam bzhi'i dkyil=__phur pa grub pa'i rig pa =__pra chen hastis dbang =__khams gsum dbyings su sgrol bar shog:__oM ma hA gu ru shA ri rA~M pra b+ha hasti AHhU~MH__kA ya=__hrIH__klong lnga dbyings kyi dkyil 'khor=__ma mo grub pa'i rig pa=__d+ha na saM kr-is dbang=__snang srid sems su rdzogs par shog:__oM ma hA gu ru shA ri rA~M d+ha na saM kr-i ta AHhU~M:__kA ya=__hrIH__dregs pa zil gnon dkyil=__mchod bstod grub pa'i rig pa 'dzin:__ram+bu gu h+yas dbang bskur bas:__gzung 'dzin 'byung po 'dul bar shog:__oM ma hA gu ru shA ri rA~M ram+bu guh+ya AHhU~M:__kA ya=__hrIH__mngon spyod dmod pa'i dkyil 'khor nas:__drag sngags grub pa'i=__shAn+tiM gar+b+has dbang =__gnyis snang dgra bgegs tshar gcod shog:__oM ma hA gu ru shA ri rA~M shAn+tiM gar+b+ha AHhU~M:__kA ya a b+hi Shiny+tsa AH__hU~M:__bde chen 'khor lo'i dkyil 'khor du:__mnyam nyid ye shes ngo bo nyid:__'jam dpal sku yi dbang bskur bas:__gshin rje yongs rdzogs dbang thob shog:__oM a kr-i ta ka ya mAn+ta ka ma tha b+hany+dza hU~M phaT:__kA ya a b+hi Shiny+tsa oM:__hU~M:__longs spyod 'khor lo'i dkyil=__sor rtog ye shes ngo bo=__pad+ma gsung gi dbang=__rta mgrin yongs rdzogs dbang thob=__oM pad+man+ta kr-ita badz+ra kro d+ha h+ya grI ba hU~M phaT:__kA ya a b+hi=__hU~M:__chos kyi 'khor lo'i dkyil=__me long ye shes ngo bo=__yang dag thugs kyi dbang=__khrag 'thung yongs rdzogs dbang=__oM ru lu ru lu hU~M b+h+yo hU~M phaT:__kA ya a b+hi Shiny+tsa oM:__hU~M:__sprul pa'i 'khor lo'i dkyil 'khor nas:__chos dbyings ye shes ngo bo nyid:__bdud rtsi yon tan dbang bskur bas:__che mchog yongs rdzogs dbang thob shog:__oM badz+ra kro d+ha ma hA shrI he ru ka hU~M phaT:__kA ya a b+hi Shiny+tsa oM:__hU~M:__bde skyong 'khor lo'i dkyil 'khor du:__bya grub ye shes ngo bo nyid:__rdo rje gzhon nus dbang bskur bas:__phur pa yongs rdzogs dbang thob shog:__oM badz+ra kI li kI la ya sarba big+h+nAn ba~M hU~M phaT:__kA ya a b+hi Shiny+tsa oM:__hU~M:__rdo rje nor bu'i dkyil=__klong gyur ye shes ngo bo=__bla med khrag 'thung dbang=__ma mo yongs rdzaugs dbang =__oM gu ya dz+nyA na shrI he ru ka gu ya dz+nyA na kro d+hi shwa ri s+t+waM ma ma yo gi nI ru lu ru lu hU~M b+h+yo hU~M:__kA ya a=__hU~M:__bde chen thabs kyi dkyil=__dbyings grol ye shes ngo bo=__dregs pa kun 'dul dbang =__mchod bstod yongs rdzogs dbang =__oM badz+ra tsaN+Da sarba duSh+tAn hU~M phaT:__kA ya a b+hi=__hU~M:__stong nyid shes rab dkyil 'khor nas:__mtha' grol ye shes ngo bo nyid:__stobs ldan nag pos dbang bskur bas:__drag sngags yongs rdzogs dbang thob shog:__oM badz+ra sarba duSh+tAn hU~M phaT:__kA ya a b+hi Shiny+tsa oM:__hU~M:__gnas yul nyer bzhi'i dkyil=__byang chub sems kyi thig le'i gzugs:__dpa' bo mkha' 'gros dbang bskur bas:__bde stong ye shes mngon gyur shog:__oM ma hA su kha sarba DA ka DA ki nI hU~M:__kA ya a b+hi=__hrIH__rdo rje rigs kyi dkyil 'khor nas:__zhi ba'i phrin las sgrub mdzad pa:__badz+ra thod phreng dbang bskur bas:__nad gdon 'jigs brgyad zhi bar shog:_oM AHhU~M badz+ra gu ru badz+ra thod phreng rtsal sarba sid+d+hi pha la hU~M:__kA ya a b+hi Shiny+tsa hrI:__rin chen rigs kyi dkyil=__rgyas pa'i phrin las sgrub mdzad pa:__rat+na thod phreng dbang bskur bas:__tshe bsod ye shes rgyas par shog:__oM AHhU~M badz+ra gu ru rat+na thod phreng rtsal sarba sid+d+hi=__kA ya=__hrIH__pad+ma'i rigs kyi dkyil=__dbang gi phrin las sgrub mdzad pa:__pad+ma thod phreng dbang bskur bas:__khams gsum dbang du 'du bar shog:__oM AHhU~M badz+ra gu ru pad+ma thod phreng rtsal sarba sid+d+hi=__kA ya=__hrIH__las kyi rigs kyi dkyil 'khor nas:__drag po'i phrin las sgrub mdzad pa:__karma thod phreng dbang bskur bas:__dgra bgegs 'byung po tshar gcod shog:__oM AHhU~M badz+ra gu ru karma thod phreng rtsal sarba=__kA ya=__hrIH__bde byed brtsegs pa'i dur khrod du:__ma chags skyon bral dngos grub brnyes:__pad+ma 'byung gnas dbang bskur bas:__bde chen ye shes sku 'grub shog:__oM AHhU~M badz+ra ma hA gu ru pad+ma kA ra thod phreng rtsal sarba=__kA ya=__hrIH__bsil ba tshal gyi dur khrod du:__yon tan sna tshogs dngos grub brnyes:__pad+ma saM b+hAs dbang bskur bas:__don gnyis lhun gyis grub par shog:__oM AHhU~M badz+ra ma hA gu ru pad+ma saM b+hA ba sarba sid+d+hi hU~MH__kA ya a b+hi=__hrIH__rA ga rak+ta'i gnas mchog tu:__thams cad mkhyen pa'i dngos=__blo ldan mchog sreg dbang =__ji lta ji snyed mngon gyur shog:__oM AHhU~M badz+ra ma hA gu ru pra dz+nyA dz+nyA na sarba sid+d+hi hU~M:__kA ya a b+hi=__hrIH__dga' ba tshal gyi dur khrod du:__khams gsum dbang bsdud dngos grub brnyes:__pad+ma rgyal pos dbang bskur bas:__rlung sems dbu mar thim par shog:__oM AHhU~M badz+ra ma hA gu ru pad+ma rA dza sarba sid+d+hi hU~M:__kA ya a=__hrIH__so sa gling gi dur khrod du:__'gro ba 'dul ba'i dngos grub brnyes:__nyi ma 'od zer dbang bskur bas:__gang 'dul thabs la mkhas par shog:__oM AHhU~M badz+ra ma hA gu ru sUr+Ya rasmi sarba sid+d+hi hU~M:__kA ya a b+hi Shiny+tsa oM:__hrIH__za hor rgyal po'i yul dbus su:__bdud 'dul drag po'i dngos=__shAkya seng ges dbang =__nyon mongs bdud bzhi 'dul bar shog:__oM AHhU~M badz+ra ma hA gu ru shAkya siM ha sarba sid+d+hi hU~M:__kA ya=__hrIH__ma ga d+hA yi grong khyair du:__mu stegs 'dul ba'i dngos grub=__seng ge sgra sgrogs dbang bskur bas:__'jigs tshogs lta ba 'joms par shog:__oM AHhU~M badz+ra ma hA gu ru siM ha gaN+De sarba sid+d+hi hU~M phaT:__kA ya a=__hrIH__stag tshang seng ge bsam grub tu:__dregs pa 'dul ba'i dngos grub brnyes:__rdo rje gro lod dbang bskur bas:__gzung 'dzin 'byung po tshar gcod shog:__oM AHhU~M badz+ra ma hA gu ru kro d+ha gro bo lota lo ka sarba sid+d+hi hU~M phaT:__kA ya a=__hU~M hrIH__tshad med bzhi ldan dkyil 'khor nas:__dbang chen rigs bzhi yab yum gyis:__rigs kyi bu la dbang bskur bas:__phrin las rnam bzhi lhun grub shog:__oM AHhU~M badz+ra kro d+ha ha ya grI wa ra tsa hrI ya ha ri ni sa sarba sid+d+hi hU~M pha[¿]Ta__kA ya a b+hi Shiny+tsa oM:__sa ma ya:__!____d+hI/:__rtsa gsum 'od gsal snying tig las:__nang sgrub pad+ma'i drwa ba bzhugs:____d+hI/:__'phags mchog snying rje'i lha la 'dud:__nang ltar longs spyod rdzogs pa'i sku:__pad+ma drwa ba'i sgrub pa ni:__dben zhing nyams dga'i gnas nyid du:__maN+Dal zlum po bkod legs steng :__mtshan ldan b+han+d+ha'i snod mchog tu:__gsang rdzas ril bus gtams pa yi:__kha gcod me long g.ya' bral ngos:__sin+d+hU ra yis chag chag gdab:__rtsa sngags yi ge'i dkyil 'khor bkod:__de steng zur mang shel rdor bcas:__mtha' bskor phyi nang mchod pa dang :__tshogs kyi 'khor lo'i longs spyod bsham:__gzhan du rdo rje lus kyi dkyil:__rang byung lhun grub chen por brten:__sngon dngos rjes kyis nyams su blang :__sa ma ya:__sngon 'gro'i dang po skyabs 'gro ni:__hrIH__bdag dang mkha' mnyam 'gro ba ma lus kun:__sku gsum 'phags pa'i lha la skyabs su mchi:__mtha' klas srid pa'i khams rnams bsgral ba'i phyir:__pad+ma drwa ba'i go 'phang bsgrub par bgyi:__lan gsum gnyis pa mtshams gcod ni:__hU~M hrIH__rang nyid dbang chen thugs nas 'phros pa yi:__rdo rje rin chen pad+ma rgya gram dang :__'khor lo me phung khro bo'i gur khang gis:__gnyis 'dzin 'khrul pa'i bgegs tshogs mtshams bcad gyur:__hU~M hU~M hU~M:__gsum pa ye shes byin 'bebs ni:__hU~M hrI:__'og min bde chen chos sku'i pho brang dang :__lhun grub ye shes rang snang 'od lnga'i zhing :__gang 'dul sgyu 'phrul sprul pa'i dkyil 'khor nas:__sku gsum 'phags pa'i lha tshogs byin phob cig:__oM AHhU~M hrI hrIH__gu ru de ba DA ki nI lo ke shwa ra badz+ra dz+nyA na sarba sa ma ya a be sha ya A AH__hU~M hU~M hU~M:__bzhi pa mchod rdzas brlab pa ni:__oM AHhU~M:__yul dang dbang po 'brel ba'i sred len kun:__bde stong zung 'jug chen por mnyam sbyor ba'i:__rol rtsal 'gags med kun bzang mchod pa'i sprin:__mtha' klas nam mkha' mdzod kyi 'khor lor shar:__oM badz+ra ar+g+haM nas __shap+da'i bar dang _rU pa:__shap+da:__gan+d+he rA sa:__spar+She ma hA pany+tsa a mr-i ta rak+ta ba liM ta sarba pU dza sa ma ye AH hU~M:__lan gsum brjod pas byin rlabs bya:__sa ma ya:__dngos gzhi'i dang po bskyed rim ni:__phyag rgya sku yi rnal 'byor te:__dbyings dang rig pa dbyer med las:__zung 'jug sgyu ma'i dkyil 'khor gsal:__hrIH__gzhi dbyings ka dag 'od gsal chos sku'i ngang :__gzhi snang rig pa lhun grub longs sku'i sprin:__zung 'jug sprul pa'i rgyu mchog hrIHdmar po:__de nyid yongs gyur skad cig dran rdzogs su:__phyi snod dag pa rab 'byams rdo rje'i grong :__rang snang rnam dag yid 'ong po tA la:__zhing khams rgya mtsho'i bkod pas mdzes pa'i gzhir:__mtshan nyid kun rdzogs ngo mtshar gzhal yas dbus:__rang rig bde gshegs yongs 'dus snying rje'i lha:__sku mdog dmar gsal zhal gcig phyag gnyis pa:__phyag g.yas pad+ma'i phreng ba thugs kar 'dren:__g.yon pas mnyam bzhag bdud rtsi'i tshe bum bsnams:__pang du gsang ba ye shes DA ki ma:__ut+pal thod 'dzin yab kyi mgul nas 'khril:__dbang mdog bcu drug bde ba'i lang tshos mdzes:__gnyis ka dar dang rin chen rus pas brgyan:__khro 'dzum chags nyams mtshan dpe'i 'od phung 'bar:__zhabs gnyis rdo rje pad+ma'i skyil krung gis:__thabs shes zung 'jug pad nyi zla steng rol:__spy-i bor gtsug tor nor bu'i 'khor lo ru:__chags bral so sor rtog pa'i ye shes rtsal:__rigs kyi bdag po chos sku snang mtha' yas:__dmar po mnyam bzhag bdud rtsi'i lhung bzed bsnams:__de ltar gsal ba'i rdo rje lus kyi dkyil:__rtsa gsum 'khor lo lnga ldan grong khyer du:__bde stong dbyer med ye shes sgyu ma'i sku:__dbang chen rig lnga yab yum 'khril sbyor rol:__thugs kar rdo rje dbang chen thugs dbus su:__yid chos rnam dag kun bzang yab yum la:__sum cu rtsa bzhi zhi ba'i lha tshogs dang :__de yi rang rtsal bde chen 'khor lo'i dbus:__khrag 'thung dpal chen khro bo'i tshom bur bzhugs:__phyi rol gyes pa'i pad+ma'i gdan steng du:__yi ge drug pa'i sngags kyi rang sgra las:__rigs drug don mdzad bcom ldan thub pa drug:__sprul sku'i chas rdzogs mtshan dang dpe byad ldan:__ge sar zil phod rab tu rgyas pa'i rtser:__stong nyid snying rje'i rig gdangs 'gags med rtsal:__dus gsum bskal bzang sems dpa' stong rtsa gnyis:__'gro 'dul thugs rje chen po'i rnam par bzhengs:__sgo bzhir bdud bzhi bsnol ba'i gdan gyi steng :__phrin las lhun grub DA ki sde bzhi dang :__gzhan yang phyogs dus sras bcas rgyal ba'i tshogs:__ma 'dres gsal rdzogs nyid dang 'od zer tshul:__dwangs ba'i mkha' la shar ba'i 'ja' tshon ltar:__snang stong dbyer med chen po'i gnas gsum du:__sku gsung thugs kyi rdo rjes rgyas gdab cing :__nam mkha'i khams gang gdan gsum tshang ba'i lhas:__ye shes rnam lnga'i ngo bo dbang bskur gyur:__thugs ka'i hU~M 'od lcags kyu yis:__rtsa gsum chos srung rgya mtsho'i tshogs:__thugs rje chen po'i rnam rol tu:__mdun gyi nam mkhar byon par bsam:__hU~M hrIH__'og min pad+mo bkod pa'i dkyil 'khor nas:__'chi med 'od snang mtha' yas gshegs su gsol:__snang stong sgyu 'phrul drwa ba'i gzhal yas nas:__'phags mchog snying rje'i bdag nyid gshegs su gsol:__gnas yul dur khrod drag po'i pho brang nas:__dbang chen rigs lnga yab yum gshegs su gsol:__phyogs bcu dus bzhi'i zhing khams rab 'byams nas:__sras bcas rgyal ba rgya mtsho gshegs su gsol:__don dam 'gro 'ong mtshan ma las 'das kyang :__'gags med thugs rje'i dbang gis gnas 'dir gshegs:__sgo gsum dkyil 'khor gsum du dbang bskur la:__mchog dang thun mong dngos grub byin chen phob:__oM AHhU~M hrI lo ke shwa ri sa pa ri wA ra badz+ra sa ma ya dza:__hU~M hrIH__gdod nas chos nyid mnyam pa chen po'i dbyings:__rang snang rnam dag don gyi 'og min du:__chos kyi dbyings nas spyan drangs ye shes pa:__gnyis med rdo rje'i gdan la bzhugs su gsol:__badz+ra sa ma ya tiSh+Tha lhan:__hU~M hrIH__ngo bo 'od gsal chos sku'i snying po las:__rang bzhin bde stong longs spyod rdzogs skur shar:__thugs rje sprul pa'i gar gyis 'gro ba 'dul:__sku gsum 'phags pa'i lha la phyag 'tshal bstod:__a ti pU ho:__pra tIts+tsha ho:__oM AHhU~M:__snod bcud rdo rje gzugs sgra dri ro reg:__snang srid sbyor sgrol zung 'jug sman gtor raka:__'khor 'das dbyer med gdod ma'i mchod sprin gyis:__dus gsum dus med chen por mnyes gyur cig:___oM AHhU~M hrI hrIHlo ke shwa ri sa pa ri wA ra rU pa shap+ta gan+d+he rA sa spar+She ma hA a mr-i ta rak+ta ba liM ta d+harma d+hA tu pU dza hoH__hU~M hrIH__snang stong gdan gsum yongs rdzogs rdo rje'i sku:__grags stong thabs shes A li kA li'i gsung :__rig stong spros bral 'od gsal gnyug ma'i thugs:__bde stong zung 'jug dkyil 'khor lha la bstod:__thog ma'i mgon po chos sku snang mtha' yas:__stong nyid snying rje'i skur bzhengs spyan ras gzigs:__sprul pa'i rnam rol dbang chen rigs mchog lnga:__sku gsum 'phags pa'i lha la phyag 'tshal bstod:__don dam chos dbyings snying por ro gcig kyang :__kun rdzob zhi dang khro bo'i rnam rol can:__snod bcud dag pa rdo rje'i 'og min che:__dkyil 'khor lha tshogs ma lus kun la bstod:__gnyis pa bsnyen cing sgrub pa ni:__bzlas pa gsung gi rnal 'byor te:__snying dbus dbang chen yab yum gyi:__thugs kar pad nyi zla ba'i steng :__hrIHmthar sngags phreng g.yas su 'khor:__'od kyi phyogs bcu'i rgyal ba mchod:__byin rlabs bdud rtsi'i rnam par byon:__spy-i bo nas zhugs gnas bzhir babs:__sgrib bzhi sbyangs shing dbang bzhi thob:__slar 'phros 'gro ba'i las nyon sbyangs:__phyi nang dag pa rab 'byams zhing :__cir snang thugs rje chen po'i sku:__sgrar grags rdo rje'i sngags kyi sgra:__dran rtog don gyi 'phags pa'i zhal:__pad+ma drwa ba'i klong du rdzogs:__oM ma Ni pad+me hU~M hrI:__grangs kyi bsnyen pa bdun 'bum ste:__dus bsnyen de yi bzhi 'gyur ro:__mtshan ma rtags kyi rim pa ni:__dngos nyams rmi lam ma nges par:__zhal mthong gsung thos gdams pa thob:__rang rig ka dag don dang 'phrad:__rtsol med snying rje shugs kyis 'byung :__sa ma ya:__khyad par nang ltar sgrub pa ni:__thugs srog las byung hrIHyig phreng :__yum gyi zhal zhugs pad+ma nas:__rdo rje nor bu'i lam brgyud de:__snying kha'i chu skyes la chags pas:__rnam pa kun gyi mchog ldan pa'i:__zag med bde bas tshim par bsam:__gtso 'khor yongs rdzogs la dmig nas:__oM AHhU~M hrIHhrIH sarba ta thA ga ta b+ho d+hi tsit+ta ma hA su kha dz+nyA na d+hA tu AH__oM ru lu ru lu hU~M b+h+yo hU~M:__hrI badz+ra kro d+ha h+ya gr-i ba DA ki nI ha ri ni sa tsit+ta hrIM hrIM dza dzaH__bder gshegs yongs rdzogs srog snying ni:__'byung 'jug gnas pa'i rlung la sbyar:__grags stong rdo rje'i sngags kyi sgra:__dus gsum dus med gcig tu bzla:__hrIHhrI hrIH__thun mtshams mchod bstod dngos grub blang :__nongs pa bshags shing ye shes gshegs:__dam tshig 'od gsal 'khor lor bsdu:__rjes thob sgyu ma'i lha sku'i ngang :__stong nyid snying rje zung 'jug pas:__phyin drug dge chos rgya mtsho sdud:__sa ma ya:__gsum pa rdzogs pa'i rim pa ni:__'od gsal thugs kyi rnal 'byor ste:__lus ngag yid gsum sngon sbyangs nas:__sbyor ba bzhi ldan rlung g.yos pas:__lte ba'i gtum mo spar ba'i mes:__gnas lnga'i rta phag yab yum bskul:__bde stong sbyor ba'i byang chub sems:__dbab bzlog 'bebs bskyil ye shes bsgom:__de las byung ba'i 'od zer gyis:__phyi nang snod bcud rim gyis sbyangs:__rig rtsal ka dag ngang du bzhag:__rjes thob snang ba sgyu mar blta:__gegs sel rdo rje'i 'khrul 'khor dang :__bogs 'don las kyi phyag rgya la:__snyoms par 'jug pas bde chen bsgrub:__mthar thug phyag rgya chen po'i ngang :__rang babs ye shes rlung sbyor bya:__de ltar rtag tu brtson pa yis:__phung khams 'ja' lus dwangs mar shar:__gal te brtson 'grus stobs zhan na:___'chi tshe rlung sems dbyer med pa:__rigs bdag bla ma'i thugs kar 'pho:__bar do'i snang ba ci shar yang :__bden med sgyu ma'i lha skur blta:__sa ma ya:__de ltar rnal 'byor gsum ldan gyis:__'phags mchog pad+ma drwa ba yis:__sku gsung thugs kyi rdo rje dbyings:__sbyor byed zab gzang lam mchog 'di:__da lta mnga' bdag yab sras la:__rgyud lung man ngag snying por bshad:__ma 'ongs lnga brgya'i 'gro ba'i don:__'od gsal gsang ba'i sgrom bur sbas:__rgya rgya rgya:__d+ha thim:___d+hI/:__rtsa gsum 'od gsal snying tig las:__gsang sgrub 'od gsal drwa ba bzhugs:___d+hI/:___'chi med 'od mtha' yas la 'dud:__gsang ba dbyings rig dbyer med pa:__'od gsal drwa ba'i sgrub pa ni:__gangs khrod ri rtse nags tshal sogs:__shin tu dben zhing yid mthun par:__kun rdzob maN+Dal zlum po'i steng :__rdo rje sems pa'i me long ngogs:__'od snang mtha' yas gzugs sku dang :__mtha' skor sman rag gtor tshogs bsham:__don dam rdo rje lus kyi sbubs:__'ja' tshon thig le'i dkyil 'khor la:__sgo yul rlung gi gnad gcun pas:__snang ba rnam bzhi'i go 'phang bsgrub:__sa ma ya:__dngos gzhir rdo rje'i mtshan nyid la:__lus gnad rdo rje'i chos bdun dang :__khregs chod ka dag rig rtsal las:__lhun grub bskyed rdzogs dbyer med par:__'jug pa'i dang po skyabs sems ni:__hrIH__ka dag so sor rtog pa'i ye shes sku:__'chi med thog ma'i mgon por skyabs su mchi:__lhun grub 'od gsal snang bzhi'i dkyil 'khor du:__khams gsum 'gro kun sgrol bar sems bskyed do:__lan gsum gnyis pa mtshams gcod ni:__hrIH__snang srid thams cad dag pa chos sku'i zhing :__sgrar grags gzhom med rdo rje'i sngags su rdzogs:__dran rtog gdod nas rang grol gnyug ma'i ngang :__tha mal rnam par rtog pa mtshams bcad do:__oM AHhU~M badz+ra dz+nyA na rak+Sha b+h+rU~M:__gsum pa ye shes byin 'bebs ni:__hrIH__ngo bo nang gsal gzhon du bum sku'i klong :__rang bzhin rtsa gsum dkyil 'khor rab 'byams shar:__thugs rje gang 'dul sprul pa'i rnam rol gyis:__gnas 'dir dbang bskur byin phob ye shes skyed:__oM AHhU~M badz+ra dz+nyA na a be sha ya A AH__bzhi pa mchod rdzas byin rlabs ni:__oM AHhU~M:__chos can 'gags med 'dod yon rgya mtsho'i sprin:__zung 'jug bde chen rdo rjer byin rlabs pas:__mi zad mchod pa'i phyag rgya chen por gyur:__oM ru pa shap+da gan+d+he rA' sa spar+she d+harmA d+hA tu sarba pU dza AHhU~M:__lnga pa dam tshig bskyed pa ni:__hrIH__stong nyid dbyings las ye shes sgyu ma'i 'phrul:__snod bcud rnam dag pad+mo bkod pa'i zhing :__rin chen sna tshogs gcal du bkram pa'i gzhir:__nor bu'i brag ri 'dod 'byung ljon shing dang :__yan lag brgyad ldan bdud rtsi'i rdzing bus mdzes:__chos nyid mngon sum 'ja' zer thig le'i klong :__nyams snang gong 'phel sna tshogs mchod sprin dang :__rig pa tshad phebs dpa' bo DA ki'i tshogs:__chos zad blo 'das rdo rje'i glu gar bsgyur:__gang shar snang grags rig pa'i rtog tshogs kun:__gzung 'dzin 'khrul pa dag pa'i rang rtsal las:__rdo rje'i gzugs sgra dri ro reg bya sogs:__bde stong rol mor 'char ba'i zhing mchog dbus:__mtshan nyid yongs rdzogs sprul pa'i gzhal med khang :__gru bzhi sgo bzhi rta babs bzhi yis brgyan:__phyi gsal gnang gsal ye shes 'od lnga'i klong :__chags bral pad+ma thabs shes nyi zla'i steng :__skad cig dran rdzogs chu las nya 'phar ltar:__rang rig bde chen skur bzhengs snang mtha' yas:__dmar gsal zhal gcig phyag gnyis mnyam bzhag steng :__'chi med bdud rtsis gang ba'i lhung bzed bsnams:__mtshan dpe'i dbal 'bar chos gos rnam gsum gsol:__thabs shes zhabs gnyis rdau rje'i skyil krung bzhugs:__hrIH__de ltar gsal ba'i rang byung lus kyi dkyil:__phung po khams dang skye mched thams cad kun:__gdod nas dag pa 'od gsal rdo rje'i grong :__gzhi lam 'bras gsum rdzogs pa'i gzhal yas dbus:__thugs ka chos kyi 'khor lo'i dkyil 'khor du:__dbyings rig zung 'jug kun bzang yab yum dang :__phung po 'byung ba rang grol rigs mchog lnga:__dbang yul dag pa sems dpa' sems ma brgyad:__nyon mongs 'dul mdzad bcom ldan thub pa drug:__rtog tshogs 'joms byed sgo ba yab yum ste:__bder gshegs zhi ba rdo rje dbyings kyi lha:__bzhi bcu rtsa gnyis snang stong 'od phung 'bar:__de yi rang rtsal bde chen 'khor lo ru:__kun tu bzang po che mchog he ru ka:__yab yum gnyis med dga' bzhi'i rnam rol las:__rigs lnga gnas yul dag pa'i phra men dang :__'bar ba'i dbang phyug nyi shu rtsa brgyad sogs:__spros bral chos sku'i ngang las ma g.yos kyang :__gdug pa 'dul phyir khrag 'thung rol pa'i sku:__lnga bcu rtsa brgyad khro bo'i tshom bur bzhugs:__mgrin par sku gsung thugs yon phrin las kyi:__rig 'dzin dpa' bo DA ki rgya mtshor bcas:__ma bskyed rang byung yongs grub phyag rgya'i lha:__zab gsal gnyis med 'ja' mtshon lta bur shar:__gzhan yang rtsa rlung thig le ye shes khams:__rab 'byams rtsa gsum rgyal ba'i ngo bor bzhugs:__gnas gsum rdo rje gsum gyi rgyas gdab cing :__bde stong kha sbyor bdud rtsi'i dbang bskur ba'i:__'od kyis ye shes sems dpa' spyan drangs gyur:__drug pa ye shes spyan 'dren ni:__phyag rgya rnam bzhis bcing ba ni:__hrIH__ngo bo 'od gsal chos sku'i pho brang nas:__'chi med thog ma'i mgon po gshegs su gsol:__rang bzhin bde stong longs sku'i gzhal yas nas:__rab 'byams zhi khro'i lha tshogs gshegs su gsol:__thugs rje 'gro 'dul sprul pa'i zhing khams nas:__rig 'dzin DA ki rgya mtsho gshegs su gsol:__ka dag gnyug ma'i ngang du byin phob la:__lhun grub snang ba bzhi yi dbang mchog skur:__oM AHhU~M hrI hrIHbo d+hi tsit+ta ma hA su kha dz+nyA na d+hA tu AH__oM ru lu ru lu hU~M b+h+yo hU~M:__badz+ra sa ma ya dzaHdzaH__dzaHhU~M ba~M hoH__bdun pa brda phyag 'tshal ba ni:__hrIH__gzung 'dzin 'khrul pa'i mtshan ma las 'das pa'i:__rig stong sems kyi rdo rje 'od mtha' yas:__gdod nas gnyis med mnyam pa'i ngang nyid du:__mngon sum rang zhal mjal ba'i phyag gis 'dud:__a ti pU hoH__na ma d+hI:__brgyad pa mchod pa 'bul ba ni:__oM AHhU~M:__dbyings rig zung 'jug chos nyid mngon sum klong :__nyams snang gong 'phel phyi nang mchod pa'i sprin:__rig pa tshad phebs don gyi lha la 'bul:__chos zad blo 'das mchog gi dngos grub stsol:__rU pa shap+da gan+d+he rA sa spar+she ma hA sarba d+harmA d+hA tu pU dza hoH__dgu pa bstod cing smon lam gdab:__hrIH__so sor kun tu rtog pa'i rig mdangs rtsal:__zung 'jug bde chen rdo rje'i skur bzhengs pa:__tshe dang ye shes dpag med bcom ldan 'das:__kun bzang snang mtha' yas la phyag 'tshal bstod:__gdod nas dag pa chos sku'i rang bzhin las:__rigs brgya rigs lnga gsang chen rigs gcig sogs:__gang 'dul zhing dang khro bo'i rnam rol can:__gdan gsum yongs rdzogs dkyil 'khor lha la bstod:__snod bcud pad+mo bkod pa'i sku dang zhing :__sgra grags yi ge drug pa rdo rje'i sgra:__dran rtog dbyings dang rig pa dbyer med ngang :__'chi med mgon po tshe 'dir 'grub gyur cig:__bcu pa bsnyen cing sgrub pa ni:__snying kha chos kyi 'khor lo yi:__kun bzang yab yum thugs ka ru:__bde stong nyi zla'i dkyil 'khor dbus:__zung 'jug thugs srog hrIHyig mthar:__sngags phreng g.yas su 'khor ba yi:__'od zer 'phro 'dus don gnyis byas:__tshur 'dus phyi nang snod bcud sbyangs:__thams cad 'od gsal thig le'i klong :__dbyings rig dbyer med ngang nas bzla:__oM a mi d+he wa hrIH__'dir ni sras bcas rgyal kun gyi:__so sor rtog pa'i snying po ste:__gang gis thos pa tsam gyis kyang :__sgrib gnyis byang zhing tshogs chen rdzogs:__rtag tu nyams su sus blangs na:__dbang po'i rim pa dang 'tshams par:__'di'am 'chi khar bar ma dor:__'od snang mtha' yas go 'phang 'grub:__sa ma ya:__gtso 'khor yongs rdzogs sgrub pa ni:__gzhi dbyings 'chi med snang mtha' yas:__gzhi snang zhi khro rab 'byams lha:__zung 'jug rig 'dzin DA k-i'i tshogs:__rdo rje phung po'i grong du rdzogs:__oM AHhU~M hrIHhrI bo d+hi tsit+ta ma hA su kha dz+nyA na d+hA tu AH__oM ru lu ru lu hU~M b+h+yo hU~M:__don dam rdo rje'i bzlas pa ni:__'jug gnas ldang ba'i rlung khams kun:__gsang sngags yi ge gcig tu shar:__kha sbyor bde chen rdo rje'i sbubs:__'gro 'ong med pa'i srog tu 'grub:__hrIHhrIHhrIH__skye med ka dag gnyug ma'i ngang :__'gags med snang bzhi'i rtsal rdzogs pas:__blo 'das don gyi chos sku'i zhal:__khyad chos drug ldan klong du mjal:__sa ma ya:__de ltar shin tu rnal 'byor gyi:__zab gsang rdo rje'i lam gyi bcud:__'od gsal drwa ba'i sgrub pa'i thabs:__tshe gcig 'pho chen dwangs ma'i skur:__'grub byed man ngag snying tig 'di:__'od gsal sprul pa'i rdau rje'i don:__chos dbyings thugs kyi gter du sbas:__'gro don 'khor ba dong sprugs shog:__rgya rgya rgya:__brda thim:___d+hI/:___rtsa gsum 'od gsal snying tig las:__yang gsang bla ma drag po yi dam dgongs 'dus kyi sgrub pa bzhugs so:____d+hI/:__'chi med rtsa gsum lha la 'dud:__bde gshegs kun 'dus thod phreng rtsal:__yang gsang drag por sgrub pa ni:__dben pa'i gnas su stegs bu'i khar:__bsnyen phur mtshan nyid ldan pa dang :__sman rag gtor tshogs mchod pa bsham:__de nas bde ba'i stan nyid la:__lus gnad ldan pas legs 'dug ste:__dang po skyabs su 'gro ba ni:__hU~M:__bder gshegs kun 'dus thod phreng rtsal:__pad+ma drag por skyabs su mchi:__'gro kun byang chub thob bya'i phyir:__bskyed rdzogs zung 'jug phrin las bsgrub:__gnyis pa srung 'khor bsgom pa ni:__hU~M:__phyi snod rdo rje'i gur khang la:__nang bcud las kyi khro bo'i sku:__sgrar grags gzhom med hU~M gi sgra:__dran rtog 'od gsal chen por gyur:__hU~M hU~M hU~M:__gsum pa byin 'bebs mchod rdzas brlab:__hU~M:__ka dag chos sku'i pho brang nas:__lhun grub gang 'dul sgyu ma'i sku:__pad+ma drag po'i skur bzhengs la:__gnas 'dir byin phob dbang mchog skur:__oM AHhU~M badz+ra ma hA gu ru pad+ma kro d+ha a be sha ya A AH__hU~M hU~M hU~M:__oM AHhU~M:__gnas yul dur khrod drag po'i zhing :__rab 'jigs bkod pa yongs su rdzogs:__phyi nang gsang mchod 'dod yon sprin:__'phel 'grib bral ba'i rgyan du gyur:__oM sarba pU dza me g+ha AHhU~M:__bzhi pa bskyed rim bsgom pa ni:__hU~M hU~M hU~M:__snang srid 'khor 'das chos rnams kun:__gdod nas spros bral de bzhin nyid:__kun snang snying rje khros pa'i rtsal:__rgyu yi ting 'dzin yi ge hU~M:__de las 'od 'phros 'phags pa mchod:__sde brgyad 'byung po brlag cing gzir:__'gro kun sgrib sbyangs snod dang bcud:__'og min pad+ma brtsegs pa'i zhing :__rab 'jigs dur khrod 'bar ba'i klong :__drag po'i gzhal yas mtshan nyid rdzogs:__de dbus rang rig hU~M dmar nag:__yongs gyur skad cig dran rdzogs su:__dregs pa pad nyi zla ba'i steng :__dbyings dang ye shes dbyer med pa'i:__bde gshegs kun 'dus che ba'i mchog:__'jigs byed pad+ma he ru ka:__dmar smug zhal gcig phyag gnyis pa:__g.yas pas rdo rje nam mkhar 'phyar:__rtse las sprul pa'i lcags sdig 'phro:__g.yon pas phur pa bgegs la gzir:__dpal dang dur khrod chas kyis brgyan:__zhabs gnyis 'dor stabs tshul gyis bzhugs:__shes rab dbyings phyug khros pa'i yum:__rdo rje dung khrag bsnams pas 'khril:__gar dgu'i gzi byin mchog tu 'bar:__bde chen 'khor lo'i gzhal yas dbus:__kun bzang rdo rje thod phreng rtsal:__rang 'od rig mar mnyam par sbyor:__rtsa brgyud bla ma'i tshogs kyis bskor:__mgrin par 'ja' zer thig le'i klong :__khrag 'thung pad+ma badz+ra rtsal:__man+dA ra ba yum dang sbyor:__'khor du khrag 'thung gtso bos bskor:__thugs kar che mchog he ru ka:__mthing nag nyi shu rtsa gcig dbu:__bzhi bcu rtsa gnyis phyag dang ldan:__zhi ba rdo rje dbyings kyi lha:__bzhi bcu rtsa gnyis phyag mtshan bsnams:__yum mchog bco brgyad phyag ldan pa:__dang po'i rdo rje dung khrag gis:__bde chen yab kyi mgul nas 'khril:__lhag ma gnas yul phra men bsnams:__tshogs brgyad dag pa'i rtsa 'dabs su:__dpal chen sgrub sde brgyad kyi lha:__sprul dang yang sprul bcas pa bzhugs:__lte bar las kyi phra men ma:__ye shes DA ki sde lnga la:__phyi nang gnas yul dur khrod kyi:__dpa' bo mkha' 'gro sprin ltar gtibs:__gsang gnas mthing nag e yi klong :__chos skyong pho rgyud mo rgyud tshogs:__gnyis med yongs rdzogs ma ning nag:__phyag gnyis ru mtshon snying zhags bsnams:__'khor du rgyud gsum dregs pa'i sde:__ma lus lus pa med pas bskor:__gzhan yang ba spu'i bu ga nas:__ye shes khyung gi tshwa tshwa 'phro:__de ltar gsal ba'i gnas gsum du:__rdo rje gsum gyi ngo bo nyid:__oM dkar AHdmar hU~M mthing las:__'od zer dpag yas rab 'phros pas:__ye shes lha tshogs spyan drangs gyur:__lnga pa ye shes spyan 'dren ni:__hU~M hU~M hU~M:__yul gyi ming ni rnga yab gling :__gnas mchog zangs mdogs dpal gyi ri:__dur khrod drag po'i gzhal yas nas:__o rgyan pad+ma thod phreng rtsal:__khrag 'thung khro bo'i skur bzhengs shig:__snyigs dus dam 'gong tshar gcod phyir:__mos shing gdung bas spyan 'dren na:__thugs rje'i dbang gis gshegs nas kyang :__sgo gsum rdo rje gsum du sbyor:__gzung 'dzin 'byung po dbyings su sgrol:__mchog dang thun mong dngos grub stsol:__oM AHhU~M badz+ra ma hA gu ru pad+ma kro d+ha sa pa ri wA ra badz+ra sa ma ya dza dza:__drug pa bzhugs gsol phyag 'tshal ni:__hU~M:__gdod nas 'od gsal dbyings kyi lha:__'du 'bral med par bzhugs pa'i phyir:__dam tshig ye shes dbyer med par:__rang zhal mjal ba'i phyag gis 'dud:__dzaHhU~M ba~M ho:__na ma d+hI:__bdun pa mchod pa 'bul ba ni:__hU~M:__dug gsum dgra bgegs 'byung po'i tshogs:__ye shes dbyings su bsgral ba las:__byung ba'i 'dod yon rgya mtsho'i gter:__kun bzang mchod sprin mchog tu rol:__oM AHhU~M badz+ra ma hA gu ru pad+ma kro d+ha sa pa ri wA ra rU pa shap+da gan+d+he rA sa spar+she sarba pany+tsa a mr-i ta rak+ta ba liM ta sta na g+ha na ma hA su kha sarba pU dza ho:__brgyad pa rdo rje'i glu yis bstod:__hU~M:__'od gsal chos sku'i ngang nyid las:__gar dgu'i rnam rol longs spyaud rdzogs:__gdug pa 'dul mdzad sprul pa'i sku:__bde gshegs yongs 'dus lha la bstod:__dgu pa dzaba? kyi dgongs pa ni:__hU~M:__bdag nyid drag po'i thugs ka ru:__kun bzang che mchog he ru ka'i:__thugs dbus pad+ma nyi zla'i steng :__rdo rje rtse dgu'i lte bar hU~M:__mtha' bskor sngags phreng g.yas su 'khor:__de las 'bar ba'i 'od zer dang :__las kyi khro bo'i tshogs spros pas:__dus gsum rgyal ba mchod pas brnyes:__khams gsum 'gro kun sgrib gnyis sbyangs:__sde brgyad 'byung po brlag cing gzir:__snang ba lha la grags pa sngags:__dran rtog ka dag gnyug ma'i ngang :__rang graul mngon sum rig pa'i lha:__pad+ma drag po'i klong du rdzogs:__oM AHhU~M badz+ra ma hA gu ru pad+ma kro d+ha artsig nirtsig sarba sid+d+hi hU~M pha[¿]Ta:__grangs kyi bsnyen pa bye ba ste:__dus bsnyen de yi rig pas dpag:__grub pa'i mtshan ma dngos nyams dang :__rmi lam drag po'i zhal mthong zhing :__gsung gis rjes su gnang ba thob:__sde brgyad 'byung po 'dar zhing 'dud:__rig 'dzin mkha' 'gros byin gyis rlob:__mchog thun dngos grub dbang du 'gyur:__sa ma ya:__lus kyi dkyil 'khor la brten nas:__rtsa gsum yongs rdzogs bsgrub pa ni:__slar yang thugs srog hU~M yig las:__'od zer sngags kyi tshul du 'phros:__'khor lo rnam lnga'i lha tshogs bskul:__snyoms par zhugs pa'i reg bya yis:__bdud rtsi byang chub sems kyi rgyun:__so so'i gnas bzhi'i pad+mor son:__bde stong dga' bzhi'i dbang mchog thob:__byang sems hU~M gi sprin 'phros pas:__'phags mchod 'gro kun sgrib gnyis sbyangs:__gang 'dul phrin las lhun gyis grub:__snang srid gzhir bzhengs he ru ka'i:__dkyil 'khor gcig tu lhun rdzogs gyur:__oM AHhU~M badz+ra gu ru ma hA kro d+ha pad+ma kro d+hI shwa rI badz+ra kI li kI la ya ma hA yak+Sha kA la rU pa karma ra~M ra~M dz+wa la ra~M sarba DA ki nI hU~M b+h+yo hU~M pha[¿]Ta:__ces bzlas bde stong thig le'i sbubs:__mngon sum rig pa'i don la blta:__gzung 'dzin las 'das 'od gsal ngang :__rtsa gsum lha tshogs rang la shar:__sa ma ya:__khyad par dus gsum dus med du:__bskyed rdzogs zung 'jug gnad kyi gzer:__phrin las rnam bzhi myur 'grub pa'i:__yang gsang hU~M gi bzlas pa ni:__bdag nyid bder gshegs yongs rdzogs kyi:__thugs las 'od 'phros hU~M du gyur:__sku yi dbyibs brgyud zhal nas thon:__snang srid snod bcud thams cad kun:__hU~M yig til gong kha phyes ltar:__mtha' klas sngags kyi rang sgra sgrogs:__de nyid yongs gyur skad cig gis:__pad+ma drag po rigs lnga'i skus:__brtan g.yo'i dngos po thams cad kun:__'od zer rnam lnga'i 'phro 'du yis:__nad gdon sgrib gnyis dbyings su zhi:__tshe bsod dpal 'byor yon tan rgyas:__khams gsum snod bcud dbang du 'dus:__byad phur gdon bgegs brlag cing gzir:__thams cad ka dag chen por shar:__hU~M hU~M hU~M hU~M hU~M:__mthar thug rim gyis hU~M la bsdu:__de yang mi dmigs stong gsal ngang :__rang rig ye grol gnyug ma'i gshis:__bcas bcos spro bsdu med par bzhag:__rnam par rtog pa gang skyes kyang :__hU~M zhes thad kar gcod pa'i ngang :__sngar bzhin 'od gsal sbubs su 'jug:__bskyed pa de yin rdzogs pa'ang de:__phrin las rnam bzhi de'i ngang 'grub:__mthar thug pad+ma 'od kyi zhing :__dbugs 'byin 'di la the tshom med:__sa ma ya:__bde gshegs yongs 'dus thod phreng rtsal:__pad+ma drag por sgrub pa'i thabs:__zab bcud snying por dril ba 'di:__ma 'ongs lnga brgya'i tha ma ru:__mtha' bzhi'i 'byung pos bod khams khengs:__thams cad de la skyabs song bas:__mi bzad sdug bsngal gsum gyis mnar:__dkon mchog bstan pa'i lhags zhabs sdud:__de yi tshe na bdag nyid kyis:__byin rlabs sbas pa'i rnal 'byor pa:__zung 'jug sprul pa'i rdo rje'i don:__klong gsal thugs kyi sgrom bur sbas:__nam zhig rten 'brel dus babs tshe:__bar chad bdud dpung 'dul bar shog:__rgya rgya rgya:__brda thim:__zhes pa'ang 'od gsal sprul pa'i rdo rjes rang lo bcu drug par rtsa gsum rab 'byams kyi byin rlabs la brten nas zab mo dgongs pa'i gter las phyungs te gtan la phabs pa ring du gsang zhing dus su babs pa'i tshe rnam snang lo tsA ba chen po'i sgyu 'phrul rgyal bas lung bstan blo gros mtha' yas pa'i sder phul ba 'gro kun bdud sde'i g.yul las rnam par rgyal te dngos grub rnam gnyis kyi dga' ston la longs su spyaud pa'i rgyur gyur cig__/mang+galaM/____d+hI/:___rtsa gsum 'od gsol snying tig las:__rig 'dzin rtsa rgyud ye shes drwa ba bzhugs:___rgya gar skad du:__shrI dz+nya na dz+wa la tan+ta nA ma:__bod skad du:__dpal ye shes drwa ba'i rgyud ces bya ba:__bcom ldan 'das snang ba mtha' yas la phyag 'tshal lo:__'og min pad+ma drwa ba ru:__'od snang mtha' yas ston pa yis:__lag na chu skyes la sogs pa'i:__'khor la dus gsum dus med dus:__rdo rje gsang ba'i tshig bstan tshe:__pad+ma'i spyan gyis slar gsol ba:__e ma nges pa don gyi rgyud:__snying por bsdu naji ltar lags:__zhes gsol dpag med mgon po yis:__chos nyid rang sgras 'di skad gsungs:__gzhi dbyings ka nas dag pa'i klong :__gzung 'dzin 'khrul pa las 'das kyang :__gzhi snang thugs rje'i 'char tshul la:__gnyis 'dzin dbang gis 'khor bar 'khyams:__de slad smin cing sbyang ba'i phyir:__dbang bskur nges pa'i lam la 'jug:__'da' bar dka' ba'i sa ma ya:__rtsa ba yan lag srog bzhin bsrung :__chos sku skye med snang mtha' yas:__longs sku 'phags mchog snying rje'i lha:__sprul sku pad+ma thod phreng rtsal:__bskyed rdzogs zung 'jug tshul du bsgrub:__bde stong 'od gsal dbyings rig don:__thig le gcig gi sbubs su 'jug:__gnas skabs mthar thug don gnyis spyod:__gzhi la lam gyis mtshams sbyar bas:__'bras bu sku bzhi dbyer med pa:__ye shes phrin las bsam mi khyab:__ngo bo rang bzhin thugs rjer smin:__de skad ston pa kun bzang gis:__byung dang 'byung 'gyur snod ldan la:__gsang ba'i snying po 'di gdams pas:__thams cad ye shes gcig tu smin:__sa ma ya:__bskyed rdzogs gsum gyi tan+t+ra ni:__'bum phrag kun gyi yang snying mchog:__'phags mchog bde stong snying rje'i glus:__pad+ma thod phreng bdag la gdams:__rgya rgya rgya:__d+ha thim:____d+hI/:___rtsa gsum 'od gsal snying tig las:__rtsa gsum sgrub thabs lung gi dum bu bzhugs:__d+hI/:__'phags mchog snying rje'i lha la 'dud:__bkra shis rang byung brag gi phug:__mA ra ti ka'i gzhal yas su:__pad+ma drwa ba yab yum gyis:__o rgyan bdag la dbang bskur zhing :__byin rlabs rdo rje'i tshig 'di bstan:__sa ma ya:__chos rnams kun gyi de nyid ni:__bsam brjod las 'das gnyug ma'i dbyings:__rig pa 'od gsal sbubs su 'jug:__bcings grol med par ye sangs rgyas:__snang ba 'chi med mtsho skyes lha:__stong pa man+dA ra ba yum:__zung 'jug yi dam yongs 'dus pa:__bla ma drag po'i sku ru 'grub:__snang grags rig pa lha dang sngags:__chos sku rtsa gsum 'dus par blta:__bcos min mos shing gdung ba'i blos:__gsol 'debs tshig 'di yang yang bzla:__hU~M:__o rgyan yul gyi nub byang mtshams:__pad+ma ge sar sdong po la:__ya mtshan mchog gi dngos grub brnyes:__pad+ma 'byung gnas zhes su grags:__'khor du mkha' 'gro mang pos bskor:__khyed kyi rjes su bdag sgrub kyi:__byin gyis brlab phyir gshegs su gsol:__oM AHhU~M hrIHhrIH badz+ra gu ru pad+ma thod phreng rtsal de ba DA ki nI badz+ra sa ma ya dzaH__sid+d+hi pha la hU~M AH__hU~M hU~M hU~M:__'dis ni snang srid sgyu mar 'char:__rig 'dzin bla mas byin gyis rlobasaH__mchog thun dngos grub dbang du 'du:__phrin las rnam bzhi lhun gyis grub:__de phyir ma 'ongs skal ldan kun:__snying por dril la nyams su longs:__zhes gsungs thig le chen por gshegs:__rgya rgya rgya:__d+ha thim:____d+hI/:___rtsa gsum 'od gsal snying thig las:__man ngag 'ja' lus rdo rje'i tshig rkang bzhugs:____d+hI/:___rtsa gsum kun 'dus thod phreng rtsal la 'dud:__'khor 'das chos kun gdod nas rnam dag kyang :__gnyis 'dzin glo bur 'khrul pa sbyang ba'i phyir:__thun mong khyad par bla med lam mchog 'di:__rang byung mtsho skyes rdo rje bdag gis bstan:__sa ma ya:__dbang thob dam tshig la gnas rnal 'byor pas:__gangs khrod ri rtse mtsho gling nags tshal sogs:__shin tu dben zhing nyams dga'i gnas mchog tu:__gcig pur bde ba'i stan la bag phabs te:__dal 'byor lus 'di yang yang rnyed dka' zhing :__myur du mi rtag 'chi bas rgyud bskul nas:__dkar nag las 'bras blang dor 'bad pa dang :__'khor ba'i sdug bsngal dran pa'i nges 'byung bsgom:__bdag gzhan byang chub bar du bslu med skyabs:__rtsa gsum dkyil 'khor lha la skyabs su 'gro:__tshad med byams dang snying rje chen po'i blos:__smon 'jug don dam byang chub sems mchog bskyed:__gsang chen rigs gcig bla ma rdor sems kyi:__stobs bzhi'i rnal 'byor ldan pas sdig ltung bshags:__kun rdzob don dam dbyer med chos sku'i dbyings:__sku gsum mchod pa'i sprin gyi maN+Dal 'bul:__khyad par byin rlabs bla ma'i rnal 'byor ni:__bcos min mos gus drag pos gnad du bsnun:__dbang bzhi blangs shing thugs yid gnyis med bsre:__mngon sum lhug pa'i ye shes de ru 'char:__ting 'dzin gsum gyis bskyed pa'i mngon byang gis:__'chi med pad+ma thod phreng lha tshogs bsgom:__skad cig bde stong zung 'jug sgyu ma'i skus:__'phags mchog snying rje chen po'i gzugs su sgrub:__ma bskyed ye rdzogs chos sku'i ting 'dzin gyis:__'od snang mtha' yas dkyil 'khor rang la shar:__thun gcig lha yi gsal snang tshad du 'don:__thun gcig rang bzhin med pa'i rgya yis gdab:__thun gcig zung 'jug dbyer med nga rgyal bsgom:__thun gcig bskyed rdzogs ro mnyam dgongs pa'i ngang :__sgrar bcas sgrar med bde chen rdo rjer bzlas:__lus sbyong rnam pa nyi shu'i 'khrul 'khor dang :__ngag sbyong 'bru gsum rdo rje'i bzlas pa ste:__yid sbyong phyi nang gsang ba'i stong ra bsgom:__srog rtsol kha sbyor rlung gi rnal 'byor dang :__yas babs mas brtan 'bar 'dzag bde drod spel:__mthar thug rim bsdus 'od gsal ngang du bzhag:__rjes thob nyin mtshan sgyu ma'i lha skur ldang :__dngos yid phyag rgya'i lam gyis bogs 'byin bya:__sgo gsum zhen log shin tu sbyangs pa la:__sems bral rig stong rjen pa ngo sprad cing :__bcas bcos spro bsdu bral ba'i mnyam bzhag ngang :__rnal 'byor bzhi yis nyams len srang du gzhug:__lhun grub sgo yul rlung rig gnad gcun pas:__chos nyid mngon sum 'ja' zer thig le'i klong :__nyams snang gong 'phel sprul sku'i tshom bur 'char:__rig pa tshad phebs dag pa rab 'byams kyis:__chos zad blo 'das go 'phang mngon du 'gyur:__gal te tshe 'dir grub mtha' ma snyogs na:__'chi tshe rig stong 'od gsal sbubs su 'jug:__rlung sems dbyer med hrIHyi rnam par 'pho:__bar do rnam gsum sku gsum lam du khyer:__sa ma ya:__thun mong grub pa brgyad dang phrin las bzhi:__rnam smin tshe dbang phyag chen rig 'dzin thob:__bde stong mdud grol blo bral gnyug ma'i klong :__sku dang ye shes phrin las 'bras bu 'grub:__rgya rgya rgya:__brda thim:___d+hI/:__rtsa gsum 'od gsal snying tig las:__thams cad lhun grub bud+d+ha thod phreng rtsal gyi sgos sgrub bzhugs:___d+hI/:__rtsa gsum yongs 'dus lha la 'dud:__phrin las thams cad lhun grub cing :__mchog gi go 'phang thob 'dod na:__bud+d+ha thod phreng bsgrub par bya:__sa ma ya:__de la sngon dngos rjes gsum las:__sngon 'gro skyabs sems tshogs bsag dang :__bgegs bskrad srung mtshams byin chen dbang :__mchod pa byin rlabs tshul bzhin bya:__sa ma ya:__dngos gzhir dang po dam tshig pa'i:__dkyil 'khor 'khor lo bskyed pa ni:__hU~M:__de bzhin nyid dbyings dmigs med snying rje'i tshul:__zung 'jug rgyu yi sa bon oM dkar gsal:__de las 'od 'phros snod bcud dngos 'dzin sbyangs:__stong pa'i ngang las 'byung rim ri rab rtser:__rdo rje'i srung 'khor me phung 'bar ba'i klong :__b+h+rU~M las rin chen gzhal med khang chen po:__mtshan nyid kun rdzogs snang stong 'od 'bar dbus:__sna tshogs pad+ma 'dab bzhi'i lte ba ru:__glang pos btegs pa'i rin chen mdzes khri dang :__thabs shes zung 'jug nyi zla'i gdan gyi steng :__oM yig yongs gyur bud+d+ha thod phreng rtsal:__sku mdog dkar gsal zhi 'dzum sgeg pa'i nyams:__zhal gcig phyag gnyis spyan gsum gzi 'od 'bar:__phyag g.yas 'khor lo dkar po thugs kar gtod:__g.yon pas 'khor los yu ba byas pa yi:__rigs kyi dril bu dkur bsten yum la 'khyud:__rus pa'i phyag rgya drug gis rab tu spras:__dar dang rin chen rgyan rdzogs skyil krung bzhugs:__yum mchog 'khor lo dril bu bsnams pas 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las: 'dir ye shes sems dpa' bud+d+ha rta mgrin dang :__phyogs bzhir badz+ra rta mgrin sogs yin la:__rig gzhan la des 'gre ste:__rdo rje thod phreng rtsal la ye shes sems dpal badz+ra rta mgrin:__bud+d+ha rta mgrin shar 'dab la bkod dgos pa sogs shes par bya'o:__rab 'byams yi dam zhi khro'i phyag rgya shar:__sgo bzhir rig 'dzin dpa' bo yab yum la:__gnas gsum mkha' 'gro rgya mtsho'i tshogs kyis bskor:__kun kyang spy-i mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__gnyis pa ye shes spyan 'dren ni:__hU~M hrIH__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+hA ki nI sarba dz+nyA na maN+Da la badz+ra sa ma ya dza:__gsum pa bzhugs su gsol ba ni:__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__bzhi pa brda yi phyag 'tshal ni:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yi phyag 'tshal lo:__a ti pU ho:__pra tI ts+tsha hA+o:__lnga pa mchod pa 'bul ba ni:__oM AHhU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de ba d+hA ki nI sa pa ri wA ra ar+g+haM nas rU pa shap+da gan+d+he rA sa spar+she pra tI ts+tsha swA hA:__ma hA su kha dz+nyA na pU dza ho:__sarba pany+tsa a mr-i ta rak+ta ba liM ta ga Na tsa kra pU dza kha kha khA hi khA hi:__drug pa bstod pa bya ba ni:__hU~M hrI:__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pa bstod do mchog thun dngos grub stsol:__bdun pa bzlas pa bya ba las:__dang po bsnyen pa'i dgongs pa ni:__thugs kar pad nyi dregs pa'i gdan gyi steng :__ye shes sems dpa' bud+d+ha rta gdong zhal:__dkar smug 'khor lo'i gri gug thod phrag 'chang :__gar dgu'i gzi 'bar rang 'od yum dang sbyor:__dur khrod chas rdzogs zhabs zung dor stabs 'gying :__de yi thugs dbus nyi zla kha sbyor sbubs:__oM mthar sngags kyis bskor ba'i 'od zer gyis:__'phags pa mchod cing 'gro kun sgrib gnyis sbyangs:__tshur 'dus rtsa gsum rgyal ba rab 'byams kyi:__byin rlabs dngos grub ye shes rang la thim:__mchog thun phrin las lhun gyis grub par gyur:__oM AHhU~M badz+ra ma hA gu ru bud+d+ha thod phreng rtsal sarba sid+d+hi hU~M:__'bum phrag bzhi bzlas grub gnyis thob:__de nas sgrub pa'i dgongs pa ni:__slar yang thugs srog sgrub pa'i sngags kyi phreng :__rang sgra sgrogs bzhin bskor las 'od zer 'phros:__snod bcud gzhal yas khang dang lhar gyur cing :__sgra grags sngags la dran rtog 'od gsal dbyings:__snang srid gzhir bzhengs dag pa rab 'byams dang :__ye shes chen po'i nus stobs rdzogs par gyur:__oM AHhU~M badz+ra gu ru bud+d+ha thod phreng rtsal badz+ra sa ma ya dzaHsid+d+hi pha la hU~M A:__'bum phrag bzlas pas dngos grub thob:__tha mar las la sbyar ba ni:__thugs srog sngag las 'od zer 'ja' tshon ltar:__kha dog lnga ldan phyi nang kun tu 'phros:__zhi rgyas dbang drag las kun lhun grub cing :__mchog tu mi 'gyur ye shes rtsal rdzogs bsam:__sgrub pa'i sngags kyis thog drangs nas:__oM sarba karma dz+nyA na sid+d+hi hU~M:__khri yis las kun lhun grub 'gyur:__sa ma ya:__gsum pa rjes kyi las rim la:__tshogs kyi mchod pas thugs dam bskang :__gtang rag mchod bstod dngos grub gsol:__nongs pa bshags shing lhar snang bsdu:__zung 'jug skur ldang bsngo smon dang :__shis pa brjod pas mthar dbyung ngo :__sa ma ya:__khyad par mchog gi las sbyor ni:__sha lnga bdud rtsi rnam pa lnga:__rtsa ba brgyad dang yan lag stong :__ji ltar tshogs pa'-i bdud rtsi la:__sel med a mr-i ta yis bran:__mtshan ldan thod pa kha sbyor gzhug:__drod 'bebs sbyor ba dang bcas mdun:__sman rag gtor tshogs mchod rdzas dgram:__phrin las gzhung bsrang sngon 'gro bas:__bye brag ting 'dzin dgongs brgyud ni:__AH__stong gsal ngang las rlung me thod sgyed steng :__chos kyi dbyings mnyam ye shes ka pA lar:__bdud rtsi'i rgya mtsho zhu zhing khol ba'i dbus:__bdag nyid rtsa ba'i dkyil 'khor gsal brtan las:__ye shes dkyil 'khor gnyis pa mdun du spros:__me ri 'dabs 'byor tshul gyis bzhugs pa la:__rang gi thugs nas 'phros pa'i 'od zer gyis:__thugs dam rgyud bskul lha tshogs snyoms par zhugs:__bde ba'i sgra dang ye shes 'od snang gis:__'khor 'das bcud dang dwangs ma dge mtshan dang :__khyad par rtsa gsum rgyal ba rab 'byams kyi:__bde chen ye shes bdud rtsi'i rnam par bsdus:__rdzas la thim pas mthong tshor myong reg kun:__rnam par grol ba'i ye shes gzi byin 'bar:__oM hU~M trA~M hrI A:__mU~M lA~M mA~M pA~M tA~M:__badz+ra a mr-i ta hU~M hrI Tha:__khri bzlas grol ba gzhi ldan gyi:__dngos grub mchog gi rdzas su 'gyur:__mthar ni lha rnams bcud la bstim:__dngos grub blangs shing gzhan la'ang sbyin:__rig 'dzin mchog dang skal mnyam pa'i:__mchog thun grub pa rgyas par bsam:__sa ma ya:__de ltar bskyed bzlas zab mo'i don:__nyams su len pa'i snod ldan phyir:__rim pa dbang gi cho ga ni:__dben pa'i gnas su maN+Dal dang :__dbang rdzas mchod gtor tshogs mchod bsham:__bdag mdun dbyer med bsgom bzlas dang :__bum pa tshul bzhin bsgrubs nas kyang :__tshogs mchod skong bshags sngon 'gro bas:__snod ldan slob ma khrus nas dbyung :__bgegs bsal srung ba'i 'khor los bcing :__maN+Dal 'bul zhing gsol gdab bya:__hoH__dkyil 'khor gtso bo rigs kun bdag:__thugs rje'i gter chen slob dpon gyis:__lhun grub rigs gzhan la zhi mdzad rdo rje thod phreng sogs tshigs kha bsgyur ro/__mchan/__bud+d+ha thod phreng gi:__smin grol dbang mchog stsal du gsol:__zhes gsol rgyud sbyangs skyabs sems tshogs bsags sdom bzung*/__lhar bskyed la:__ye shes dbab cing brtan par bya:__de nas bum pa spyi bor bzhag:__oM:__bum pa bzang po yon tan kun gyi gter:__lha tshogs 'od zhu bdud rtsi'i bcud kyis btams:__skal ldan rigs kyi bu la dbang bskur bas:__bud+d+ha thod phreng sku yi dbang thob shog:__oM AHhU~M badz+ra gu ru bud+d+ha thod phreng rtsal kA ya a b+hi Shiny+tsa oM:__sngags kyi phreng ba mgrin par bzhag__bzlas lung spy-i ltar bya:__AH__sgra yi snying po bsnyen sgrub phrin las kyi:__bzlas pa'i nus rdzogs sngags kyi phreng ba yis:__skal ldan rigs kyi bu la dbang bskur bas:__bud+d+ha thod phreng gsung gi dbang thob shog:__oM AHhU~M badz+ra gu ru bud+d+ha thod phreng rtsal wA ka a b+hi Shiny+tsa AH__me long gsal bstan ngo sprod gdab:__hU~M:__stong gsal rang rig 'dus ma byas pa'i don:__brda yi mtshon pa ye shes me long gis:__skal ldan rigs kyi bu+u la dbang =__bud+d+ha thod phreng thugs kyi dbang thob shog:__oM AHhU~M badz+ra gu ru bud+d+ha thod phreng rtsal tsit+ta a b+hi Shiny+tsa hU~M:__dpal gyi gtor ma spy-i bor bzhag:__oM AHhU~M hrIH__gtor snod rang byung gzhal med khang chen po:__gtor ma'i ngo bo lha dang gnyis su med:__skal ldan rig kyi bu la dbang=__bud+d+ha thod phreng ye shes dbang thob shog:__oM AHhU~M hrI badz+ra gu ru bud+d+ha thod phreng rtsal kA ya wA ka tsit+ta dz+nyA na a b+hi Shiny+tsa oM AHhU~M hrI:__khyad par mtha' rtain a mr-i ta'i:__b+han+d+ha kha sbyor spy-i gtsug bkod:__hU~M:__bkra shis mtshan ldan rdo rje kA pa la:__ye shes 'dud rtsi'i bcud kyis rab tu gtams:__skal ldan rigs kyi bu+u la dbang :__grol ba bzhi ldan phrin las mthar phyin shog:__oM hU~M trA~M hrIHAH__mU~M lA~M mA~M pA~M tA~M:__badz+ra a mr-i ta hU~M hrI Tha:__sarba a b+hi Shiny+tsa mi:__rjes su shis par bya ba dang :__dam tshig khas blang gtang rag gi:__maN+Dal sogs spy-i ltar bya:__gsang ba chen po'i snod du 'gyur:__sa ma ya:__rgya rgya rgya:__gu h+ya:__d+ha thim:__gar dbang 'od gsal gling pas zab mo dgongs pa'i gter las phyung ba'o:___d+hI/:___rtsa gsum 'od gsal snying tig las:__zhi ba'i las mdzad rdo rje thod phreng rtsal gyi sgos sgrub bzhugs:___d+hI/:___rtsa gsum yongs 'dus lha la 'dud:__nad gdon 'jigs brgyad sdig ltung sogs:__mi mthun 'gal rkyen zhi 'dod na:__rdo rje thod phreng bsgrub par bya:__sa ma ya:__de la sngon dngos rjes gsum las:__sngon 'gro las bdun tshul bzhin bya:__dngos gzhir dang po dam tshig pa'i:__dkyil 'khor 'khor lo bskyed pa ni:__hU~M:__de bzhin nyid dbyings dmigs med snying rje'i rtsal:__zung 'jug rgyu yi sa bon oM dkar gsal:__de las 'od 'phros snod bcud dngos 'dzin sbyangs:__stong pa'i ngang las 'byung rim ri rab rtser:__rdo rje'i srung 'khor me phung 'bar ba'i klong :__b+h+rU~M las rin chen gzhal med khang chen po:__mtshan nyid kun rdzogs snang stong 'od 'bar dbus:__sna tshogs pad+ma 'dab bzhi'i lte ba ru:__seng ges btegs pa'i rin chen mdzes khri dang :__thabs shes zung 'jug nyi zla'i gdan gyi steng :__hU~M yig yongs gyur rdo rje thod phreng rtsal:__sku mdog mthing gsal zhi 'dzum sgeg pa'i nyams:__phyag g.yas rdo rje rtse lnga thugs kar gtod:__g.yon pas rdo rjes yu ba byas pa yi:__rigs kyi dril bu dkur bsten yum la 'khyud:__rus pa'i phyag rgya drug gis rab tu spras:__dar dang rin chen rgyan rdzogs skyil krung bzhugs:__yum mchog rdo rje dril bu bsnams pa 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las:__rab 'byams yi dam zhi khro'i phyag rgya shar:__sgo bzhir rig 'dzin dpa' bo yab yum la:__gnas gsum mkha' 'gro rgya mtsho'i tshogs kyis bskor:__kun kyang spyi mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rig kyi cod pan 'chang :__thugs ka'i 'od kyis lha tshogs spyan drangs gyur:__gnyis pa ye shes spyan 'dren ni:__hU~M hrI:__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+hA ki nI sarba dz+nyA na maN+Dal la badz+ra sa ya dza:__gsum pa bzhugs su gsol ba ni:__hU~M hrI:__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__bzhi pa brda yi phyag 'tshal ba ni:__hU~M hrI:__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yi phyag 'tshal lo:__oM ti pU ho:__pra ti ts+tsha ho:__lnga pa mchod pa 'bul ba ni:__oM AHhU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de ba d+hA ki ni sa pa ri wA ra ar+g+haM=__rU pa shap+da gan+d+he rA sa spar+she pra tits+tsha swA hA:__ma hA su kha dz+nyA na pU dza ho:__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hi:__drug pa bstod pa bya ba ni:__hU~M hrI:__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__bdun pa bzlas pa bya ba la:__dang po bsnyen pa'i dgongs pa ni:__thugs kar pad nyi dregs pa'i gdan gyi steng :__ye shes sems dpa' badz+ra rta gdong zhal:__mthing nag rdo rje'i gri gug thod khrag 'chang :__gar dgu'i gzi 'bar rang 'od yum dang sbyor:__dur khrod chas rdzogs zhabs zung dor stabs 'gying :__de yi thugs dbus nyi zla kha sbyor sbubs:__hU~M mthar sngags kyis bskor ba'i 'od zer gyis:__'phags pa mchod cing 'gro kun sgrib gnyis sbyangs:__tshur 'dus rtsa gsum rgyal ba rab 'byams kyi:__byin rlabs dngos grub ye shes rang la thim:__zhi ba'i phrin las lhun gyis grub par gyur:__oM AHhU~M badz+ra ma hA gu ru badz+ra thod phreng rtsal sarba sid+d+hi hU~M:__'bum phrag bzhi bzlas grub gnyis thob:__de nas sgrub pa'i dgongs pa ni:__slar yang thugs srog sgrub pa'i sngags kyi phreng :__rang sgra sgrogs bzhin bskor las 'od zer 'phros:__snod bcud gzhal yas khang dang lhar gyur cing :__sgra grags sngags la dran rtog 'od gsal dbyings:__snang srid gzhir bzhengs dag pa rab 'byams ngang :__ye shes chen po'i nus stobs rdzogs par gyur:__oM AHhU~M badz+ra gu ru badz+ra thod phreng rtsal badz+ra sa ma ya dzaHsid+d+hi pha la hU~M AH__'bum phrag bzlas pas dngos grub thob:__tha mar las la sbyar ba ni:__thugs srog sngags las 'od zer dkar po'i phreng :__ston zla'i mdangs ldan phyi nang kun tu 'phros:__mi mthun phyogs kun zhi ba'i las 'grub cing :__mchog tu mi 'gyur ye shes rtsal rdzogs bsam:__sgrub pa'i sngags kyis thog drangs nas:__hU~M sarba shan+tiM ku ru swA hA:__khri yis zhi ba'i las kun 'grub:__gsum pa rjes kyi las rim la:__tshogs mchod la sogs mthar dbyung ngo :__sa ma ya:__khyad par zhi ba'i las sbyor ni:__rin chen bum pa rgyan ldan nang :__rgyun 'babs chu dang so lngas bkang :__stegs bu'i dbus bzhag mchod pas bskor:__bdag bskyed bsnyen sgrub sngon 'gro bas:__bum pa 'khyil ba'i sngags kyis bsang :__oM swa b+hA wa bi shud+d+haHsarba d+harmaHswa b+hA ba bi shud+d+ho\u0f85haM:__stong pa'i ngang las pad zla'i gdan gyi steng :__b+h+rU~M yig yongs gyur rin chen bum pa bzang :__bdud rtsi'i bcud kyis yongs su gang ba'i dbus:__zhi ba'i las mdzad rdo rje thod phreng rtsal:__gtso 'khor sprul par bcas pa'i lha tshogs rnams:__snang stong zung 'jug chu zla 'ja' tshon ltar:__dam tshig ye shes gnyis su med par gsal:__rang gi thugs nas sngags kyi 'od zer 'phros:__bum pa'i lha tshogs thugs dam rgyud bskul bas:__'od zer dkar po mkha' khyab kun tu 'phros:__'phags pa mchod cing 'gro ba'i mi mthun sbyangs:__tshur 'dus rtsa gsum rgyal ba rab 'byams dang :__gsang sngags rig sngags gzungs sngags byin rlabs bcud:__'od dkar bdud rtsi'i rnam par spyan drangs nas:__bum pa'i lha yi thugs kar sa bon mthar:__sngags kyi phreng bas mtshan la gnyis med thim:__de las bdud rtsi'i chu rgyun rab tu babs:__bum bcud la thim mthong tshor myang reg kun:__mi mthun phyogs kun zhi ba'i nus ldan bsam:__hU~M sarba pA pa~M kle sha sarba b+ha ya shan+tiM ku ru swA hA:__khri phrag bzlas pas las kun 'grub:__mthar ni lha nyid 'od du zhu:__bum pa'i chu dang ro gcig bsam:__rang dang bsgrub byar 'thor 'thung bkru:__gnas khang sogs la gtor ba yis:__sdig sgrib nad gdon 'jigs brgyad sogs:__mi mthun phyogs kun zhi bar 'gyur:__sa ma ya:__de ltar bskyed bzlas zab mo'i don:__nyams su len pa'i snod ldan phyir:__rim pa dbang gi cho ga ni:__bud+d+ha thod phreng smin byed bzhin:__lha sngags kha bsgyur tsam gyis 'grub:__khyad par mtha' rten khrus kyi bum:__spyi bor bzhag cing 'thor 'thung bya:__bkra shis mtshan ldan rdo rje'i ka la sha:__dag byed bdud rtsi'i rgyun gyis rab tu gtams:__skal ldan slob mar dbang bskur khrus bgyis pas:__mi mthun 'gal rkyen mtha' dag zhi bar shog:__sngags mthar oM sarba ta thA ga ta a b+hi She ka te sa ma ya shrI ye hU~M:__grib sel sngags kyang ci rigs bzla:__rjes su shis brjod khas blang sogs:__gsang ba spy-i dang mthun par spyad:__des ni lam gyi snod rung 'gyur:__sa ma ya:__rgya rgya rgya:__gu h+ya:__brda thim:__gar dbang 'od gsal gling pas zab mo dgongs pa'i gter las phyung ba'o:___d+hI/:___rtsa gsum 'od gsal snying tig las:__rgyas pa'i las mdzad rat+na thod phreng rtsal gyi sgos sgrub bzhugs:___d+hI/:__rtsa gsum yongs 'dus lha la 'dud:__tshe bsod dpal 'byor ye shes sogs:__mthun rkyen legs tshogs rgyas 'dod na:__rat+na thod phreng bsgrub par bya:__sa ma ya:__de la sngon dngos rjes gsum las:__sngon 'gro las bdun tshul bzhin bya:__dngos gzhir dang po dam tshig pa'i:__dkyil 'khor 'khor lo bskyed pa ni:__hU~M:__de bzhin nyid dbyings dmigs med snying rje'i rtsal:__zung 'jug rgyu yi sa bon oM dkar gsal:__de las 'od 'phros snod bcud dngos 'dzin sbyangs:__stong pa'i ngang las 'byung rim ri rab rtser:__rdo rje'i srung 'khor me phung 'bar ba'i klong :__b+h+rU~M las rin chen gzhal med khang chen po:__mtshan nyid kun rdzogs snang stong 'od 'bar dbus:__sna tshogs pad+ma 'dab bzhi'i lte ba ru:__rta mchog gis btegs rin chen mdzes khri dang :__thabs shes zung 'jug nyi zla'i gdan gyi steng :__trA~M yig yongs gyur rat+na thod phreng rtsal:__gser mdog brjid chags shin tu sgeg pa'i nyams:__phyag g.yas yid bzhin nor bu thugs kar gtod:__g.yon pas nor bu'i yu ba byas pa yi:__rigs kyi dril bu dkur brten yum la 'khyud:__dar dang rin chen rgyan rdzogs skyil krung bzhugs:__yum mchog rin chen dril bu bsnams pa 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las:__rab 'byams yi dam zhi khro'i phyag rgya shar:__sgo bzhir rig 'dzin dpa' bo yab yum la:__gnas gsum mkha' 'gro rgya mtsho'i tshogs kyis bskor:__kun kyang spy-i mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__gnyis pa ye shes spyan 'dren ni:__hU~M hrIH__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+hA ki nI sarba dz+nyA na maN+Da la badz+ra sa ma ya dzaH__gsum pa bzhugs su gsol ba ni:__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__bzhi pa brda yi phyag 'tshal ni:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yi phyag 'tshal lo:__oM ti pU ho:__pra ti ts+tsha hoH__lnga pa mchod pa 'bul ba ni:__oM AHhU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de ba d+hA ki ni sa pa ri wA ra ar+g+haM=__rU pa shap+da gan+d+he rA sa spar+she pra tits+tsha swA hA:__ma hA su kha dz+nyA na pU dza ho:__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hi:__drug pa bstod pa bya ba ni:__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__bdun pa bzlas pa bya ba la:__dang po bsnyen pa'i dgongs pa ni:__thugs kar pad nyi dregs pa'i gdan gyi steng :__ye shes sems dpa' rat+na rta gdong zhal:__ser nag rin chen gri gug thod khrag 'chang :__gar dgu'i gzi 'bar rang 'od yum dang sbyor:__dur khrod chas rdzogs zhabs zung dor stabs 'gying :__de yi thugs dbus nyi zla kha sbyor sbubs:__trA~M mthar sngags kyis bskor ba'i 'od zer gyis:__'phags pa mchod cing 'gro kun sgrib gnyis sbyangs:__tshur 'dus rtsa gsum rgyal ba rab 'byams kyi:__byin rlabs dngos grub ye shes rang la thim:__tshe bsod dpal 'byor lung rtogs yon tan sogs:__rgyas pa'i phrin las lhun gyis grub par gyur:__oM AHhU~M badz+ra ma hA gu ru rat+na thod phreng rtsal sarba sid+d+hi hU~M:__'bum phrag bzhi bzlas grub gnyis thob:__de nas sgrub pa'i dgongs pa ni:__slar yang thugs srog sgrub pa'i sngags kyi phreng :__rang sgra sgrogs bzhin bskor las 'od zer 'phros:__snod bcud gzhal yas khang dang lhar gyur cing :__sgra grags sngags la dran rtog 'od gsal dbyings:__snang srid gzhir bzhengs dag pa rab 'byams ngang :__ye shes chen po'i nus stobs rdzogs par gyur:__oM AHhU~M badz+ra gu ru rat+na thod phreng rtsal badz+ra sa ma ya dzaHsid+d+hi pha la hU~M A:__'bum phrag bzlas pas dngos grub thob:__tha mar las la sbyar ba ni:__thugs srog sngags las 'od zer gser mdog phreng :__'char kha'i mdangs ldan phyi nang kun tu 'phros:__tshe bsod dpal 'byor ye shes yon tan sogs:__mthun rkyen legs tshogs thams cad rgyas par bsam:__sgrub pa'i sngags kyis thog drangs nas:__trA~M sarba puSh+tiM ku ru oM:__khri yis rgyas pa'i las kun 'grub:__gsum pa rjes kyi rim pa la:__tshogs mchod la sogs mthar dbyung ngo :__sa ma ya:__khyad par rgyas pa'i las sbyor ni:__mtshan rdzogs rin chen ka pA la:__rten 'brel dge ba'i nang khongs su:__dri yi rdzas dang sman gyis byug:__tshe yi rdzas dang dpal can rdzas:__myong grol mchog gi a mr-i ta:__rin chen 'bru sman sogs gyis bkang :__dar zab chen pos kha bcad la:__stegs bu'i dbus bzhag mchod pas bskor:__bdag bskyed bsnyen sgrub sngon 'gro bas:__thod pa 'khyil ba'i sngags kyis bsang :__oM swa b+hA ba bi shud+d+haHsarba d+harmAHswa b+hA wa bi shud+d+ho\u0f85haM:__stong pa'i ngang las rang gi mdun gyi gzhir:_yid 'phrog mchod sprin rgya mtsho'i bkod pa dang :__srid zhi'i 'byor tshogs nam mkha' mdzod kyi dbus:__nor bu'i gzhal med khang chen mtshan nyid rdzogs:__lte bar 'dod 'byung ye shes kA pa la:__yangs shing rgya che gnod sbyin gter 'chang che'i:__bum pa bzang der 'dod dgu'i bcud kyis gtams:__snang stong 'ja' zer thig le 'khrigs pa'i dbus:__rgyas pa'i las mdzad rat+na thod phreng rtsal:__gtso 'khor sprul par bcas pa'i lha tshogs rnams:__snang stong zung 'jug chu zla 'ja' tshon ltar:__dam tshig ye shes gnyis su med par gsal:__rang gi thugs nas sngags kyi 'od zer 'phros:__thod pa'i lha tshogs thugs dam rgyud bskul bas:__gser mdog 'od kyis 'khor 'das khams kun khyab:__'phags pa mchod cing 'gro kun legs tshogs spel:__tshur 'dus rtsa gsum rgyal ba rab 'byams dang :__'khor 'das legs tshogs ye shes yon tan kun:__gser mdog bdud rtsi'i rnam par spyan drangs nas:__thod pa'i lha yi thugs kar sa bon mthar:__sngags kyi phreng bas mtshan pa gnyis med thim:__'khor 'das dngos grub kun gyi dbyig tu bsam:__trA~M sarba lo ka dz+nyA na A yur puN+ye puSh+tiM ku ru oM:__khri phrag bzlas pas gang 'dod 'grub:__thun mtshams tshogs mchod rgya cher phul:__mda' dar g.yab cing thugs dam bskul:__trA~M:__dgos 'byung rin chen gter gyi pho brang nas:__rgyas pa'i las mdzad rat+na thod phreng rtsal:__rab 'byams rtsa gsum rgya mtsho'i tshogs rnams kun:__mos shing gdung bas thugs dam bskul lags na:__ye shes yon tan gzi brjid tshad med pa'i:__'od zer pho nya srid zhi'i khams kun spros:__snod kyi phywa dang bcud kyi dge mtshan g.yang :__tshe bsod dpal 'byor 'dod rgu'i legs tshogs kun:__'dir sdus sgrub pa'i rdzas la byin chen phob:__rnal 'byor bdag cag 'khor dang bcas pa sogs:__mthong thos dran reg gdul bya'i tshogs rnams kyi:__'dod rgu'i bsam pa yid bzhin 'grub mdzad gsol:__las sbyor sngags kyi mthar:__rat+na ka pA la ba su sid+d+hi sdus sdus rat+na sid+d+hi sa ma ya s+t+wa~M:__A yur puN+ye dz+nyA na sarba sid+d+hi pha la ho:__zhes pa'i rig pa yang yang bzla:__mthar ni lha nyid rten la bstim:__brtan bzhugs shis brjod rgya cher bya:__lus la 'chang ngam mdzod phugs gzhug:__skabs su tshogs dang phud kyis mchod:__tshe bsod dpal 'byor ye shes sogs:__'dod rgu'i 'byor pa rgyas par 'gyur:__sa ma ya:__de ltar bskyed bzlas zab mo'i don:__nyams su len pa'i sdod ldan phyir:__rim pa dbang gi cho ga ni:__bud+d+ha thod phreng smin byed pa:__lha sngags kha bsgyur tsam gyis 'grub:__khyad par mtha' brten ka pA la:__rdzas dang bcas pa lag tu gtad:__trA~M:__bkra shis mtshan ldan rdo rje ka pA la:__tshe bsod dpal 'byor ye shes bcud kyis gtams:__skal ldan rigs kyi bu la sbyin pa yis:__mthun rkyen dngos grub legs tshogs rgyas par shog:__trA~M sarba lo ka dz+nyA na a yur puN+ye puSh+tiM ku ru oM:__rjes su shis brjod khas blang sogs:__gsang ba spy-i dang mthun par spyad:__des ni lam gyi snod du 'gyur:__sa ma ya:__gar dbang 'od gsal gling pas zab mo dgongs pa'i gter mdzod las phyung ba'o:____d+hI/:__rtsa gsum 'od gsal snying tig las:__dbang gi las mdzad pad+ma thod phreng rtsal gyi sgos sgrub bzhugs:___d+hI/:__rtsa gsum yongs 'dus lha la 'dud:__srid dang zhi ba'i phun tshogs dang :__yid mthun dbang du 'du 'dod na:__pad+ma thod phreng bsgrub par bya:__sa ma ya:__de la sngon dngos rjes gsum las:__sngon 'gro'i las bdun tshul bzhin bya:__dngos gzhir dang po dam tshig pa'i:__kyil 'khor 'khor lo bskyed pa ni:__hU~M:__de bzhin nyid dbyings dmigs med snying rje'i rtsal:__zung 'jug rgyu yi sa bon hrIHdmar gsal:__de las 'od 'phros snod bcud dngos 'dzin sbyangs:__stong pa'i ngang las 'byung rim ri rab rtser:__rdo rje'i srung 'khor me phung 'bar ba'i klong :__b+h+rU~M las rin chen gzhal med khang chen po:__mtshan nyid kun rdzogs snang stong 'od 'bar dbus:__sna tshogs pad+ma 'dab bzhi'i lte ba ru:__rma byas btegs pa'i rin chen mdzes khri dang :__thabs shes zung 'jug nyi zla'i gdan gyi steng :__hrIHyig yongs gyur pad+ma thod phreng rtsal:__dmar gsal sgeg cing shin tu chags pa'i nyams:__zhal gcig phyag gnyis spyan gsum gzi 'od 'bar:__phyag g.yas pad+ma dmar po thugs kar gtod:__g.yon pas pad+ma'i yu ba byas pa yi:__rigs kyi dril bu dkur brten yum la 'khyud:__rus pa'i phyag rgya drug gis rab tu spras:__dar dang rin chen rgyan rdzogs skyil krung bzhugs:__yum mchog pad+ma dril bu bsnams pas 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las:__rab 'byams yi dam zhi khro'i phyag rgya shar:__sgo bzhir rig 'dzin dpa' bo yab yum la:__gnas gsum 'kha' 'gro rgya mtsho'i tshogs kyis bskor:__kun kyang spy-i mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__gnyis pa ye shes spyan 'dren ni:__hU~M hrIH__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+hA ki nI sarba dz+nyA na maN+Dal badz+ra sa ma ya dza:__gsum pa bzhugs su gsol ba ni:__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma sa tiSh+Tha lhan:__bzhi pa brda yi phyag 'tshal ni:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed 'dun pas brda yi phyag 'tshal lo:__a ti pU ho:__pra ti ts+tsha ho:__lnga pa mchod pa 'bul ba ni:__oM AHhU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de ba d+hA ki ni sa pa ri wA ra ar+g+haM=__rU pa shap+da gan+d+he rA sa spar+she pra tits+tsha swA hA:__ma hA su kha dz+nyA na pU dza ho:__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hi:__drug pa bstod pa bya ba ni:__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__bdun pa bzlas pa bya ba la:__dang po bsnyen pa'i dgongs pa ni:__thugs kar pad nyi dregs pa'i gdan gyi steng :__ye shes sems dpa' pad+ma rta gdong zhal:__dmar nag pad+ma'i gri gug thod khrag 'chang :__gar dgu'i gzi 'bar rang 'od yum dang sbyor:__dur khrod chas rdzogs zhabs zung dor stabs 'gying :__de yi thugs dbus nyi zla kha sbyor sbubs:__hrIHmthar sngags kyis bskor ba'i 'od zer gyis:__'phags pa mchod cing 'gro kun sgrib gnyis sbyangs:__tshur 'dus rtsa gsum rgyal ba rab 'byams kyi:__byin rlabs dngos grub ye shes rang la thim:__'khor 'das snod bcud legs tshogs kun 'du ba'i:__rab 'byams dbang gi phrin las lhun grub gyur:__oM AHhU~M badz+ra ma hA gu ru pad+ma thod phreng rtsal sarba sid+d+hi hU~M:__'bum phrag bzhi bzlas grub gnyis thob:__de nas sgrub pa'i dgongs pa ni:__slar yang thugs srogs sgrub pa'i sngags kyi phreng :__rang sgra sgrogs bzhin bskor las 'od zer 'phros:__snod bcud gzhal yas khang dang lhar gyur cing :__sgra grags sngags la dran rtog 'od gsal dbyings:__snang srid gzhir bzhengs dag pa rab 'byams ngang :__ye shes chen po'i nus stobs rdzogs par gyur:__oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M AH__'bum phrag bzlas pas dngos grub thob:__tha mar las la sbyar ba ni:__thugs srog sngags las 'od zer rab dmar ba:__rA ga'i mdangs can phyi nang kun tu 'phros:__'khor 'das snang srid rlung sems dbang du 'dus:__rab 'byams dbang gi phrin las lhun grub bsam:__sgrub pa'i sngags gyis thog drangs nas:__hrI sarba wA shaM ku ru hoH__khri yis dbang gis las kun 'grub:__gsum pa rjes kyi rim pa la:__tshaugs mchod la sogs 'thar dbyung ngo :__sa ma ya:__khyad par dbang gi las sbyor ni:__sa dmar stegs bu 'thas par bcag:__dbang gi thab khung spy-i mthun bri:__dmar skyur shing bu zla gam brtsegs:__mar dang yam shing khyad par rdzas:__lcags kyu can gyi me tog dmar:__chang dang lan tshAs sbags pa dang :__nyer spyod sman rag gtor tshogs bsham:__bdag gi rnal 'byor sngon 'gro bas:__thab khungs bsang zhing me sbar la:__swa b+hA'i sngags kyis stong par sbyang :__stong pa'i ngang las dbang gi thab khung ni:__zla gam 'od dmar rab tu 'khrugs pa'i nang :__dbang gi me phung rjes chags snang ba 'bar:__de dbus b+h+rU~M las pad+ma'i gzhal yas khang :__mtshan nyid yongs rdzogs ngo mtshar bkod pas mdzes:__lte bar rma byas btegs pa'i rin chen khri:__thabs shes zung 'jug nyi zla'i gdan gyi steng :__hrIHyig yongs gyur pad+ma thod phreng rtsal:__zhes sogs bstod pa'i bar du sbyar:__dgang blugs kha sbyar byon skyems 'bul:__hrIH__dgangs blugs thabs shes zung 'jug mnyam sbyor ba:__lha rnam zhal gyi ngo bor rnam dag las:__zag med bdud rtsi'i char chen phab pa yis:__pad+ma thod phreng yab yum dkyil 'khor pa:__dgyes tshim sku dang sbyor mtshams las byung ba'i:__'od zer dmar pos 'khor 'das khams kun khyab:__rab 'byams dbang gi phrin las yongs rdzogs shing :__rang gzhan don gnyis lhun gyis grub par gyur:__ces brjod dmigs pa gsal brtan pas:__bsnyen sngags sham du las kyi sngags:__sprel nas mar khu nyer gcig dang :__dbang gi yam shing de ltar phul:__khyad par rdzas la grangs bzung nas:__brgya stong la sogs ci nus dang :__skabs su gsol byang 'di yang gdags:__khams gsum snod bcud rlung sems snang ba legs pa'i yon tan thams cad wA shaM ku ru ho:__rjes su gtang rag mchod bstod dang :__tshogs phud gshegs skyems ci rigs phul:__nongs pa bshags shing ye shes pa:__rang gi lte bar thim pa yis:__gtum mo'i me dang dbyer med pas:__srid zhi dbang phyug chen por bsam:__thal ba 'bab chu chen po'am:__nub phyogs ri rtser rlung la bskur:__des ni rab 'byams dbang gi las:__myur du 'grub cing mthar phyin 'gyur:__sa ma ya:__de ltar bskyed bzlas zab mo'i don:__nyams su len pa'i snod ldan phyir:__rim pa dbang gi cho ga ni:__bud+d+ha thod phreng smin byed la:__lha sngags kha bsgyur tsam gyis 'grub:__khyad par mtha' rten dgang blugs gtad:__hrIH__pad+ma thod phreng yab yum ngo bo nyid:__thabs shes zung 'jug dgang blugs 'di gtad pas:__lha rnams zhal gyur sreg blugs las sbyor gyis:__rab 'byams dbang gi phrin las yongs rdzogs shog:__bsnyen dang las sngags rjod cing gtad:__spro na me mchod 'bul du gzhug:__rjes su gshis brjod khas blang sogs:__gsang ba spyi dang mthun par spyad:__des ni lam gyi snod du 'gyur:__sa ma ya:__rgya rgya rgya:__guh+ya:__brda thim:__gar dbang 'od gsal gling pas zab mo dgongs pa'i gter mdzod las phyung ba'o/___d+hI/:___rtsa gsum 'od gsal snying tig las:__drag po'i las mdzad karma thod phreng rtsal gyi sgos sgrub bzhugs:___d+hI/:__rtsa gsum yongs rdzogs lha la 'dud:__nad gdon dgra bgegs byad phur sogs:__tshar gcod drag po'i las byed na:__karma thod phreng bsgrub par bya:__sa ma ya:__de la sngon dngos rjes gsum las:__sngon 'gro'i las bdun tshul bzhin bya:__dngos gzhir dang po dam tshig gi:__dkyil 'khor 'khor lo bskyed pa ni:__hU~M:__de bzhin nyid dbyings dmigs med snying rje'i rtsal:__zung 'jug rgyu yi sa bon a ljang gsal:__de las 'od 'phros snod bcud dngos 'dzin sbyangs:__stong pa'i ngang las 'byung rim ri rab rtser:__rdo rje'i srung 'khor me phung 'bar ba'i klong :__b+h+rU~M las rin chen gzhal med khang chen po:__mtshan nyid kun rdzogs snang stong 'od 'bar dbus:__sna tshogs pad+ma 'dab bzhi'i lte ba ru:__mkha' lding gis btegs rin chen mdzes khri dang :__thabs shes zung 'jug nyi zla'i gdan gyi steng :__AHyig yongs gyur karma thod phreng rtsal:__ljang nag khro zhing gtum pa'i nyams 'gyur can:__zhal gcig phyag gnyis spyan gsum sdang mig bsgrad:__phyag g.yas sna tshogs rdo rje thugs kar gtod:__g.yon pas de yis yu ba byas pa yi:__rigs kyi dril bu dkur brten yum la 'khyud:__rus pa'i phyag rgya drug gis rab tu spras:__dar dang rin chen rgyan rdzogs skyil krung bzhugs:__yum mchog rgya gram dril bu bsnams pas 'khril:__rig 'dzin bla ma bye ba'i sprin phung 'phro:__'dab bzhir dbang chen rta mchog rigs bzhi las:__rab 'byams yi dam zhi khro'i phyag rgya shar:__sgo bzhir rig 'dzin dpa' bo yab yum la:__gnas gsum mkha' 'gro rgya mtsho'i tshogs kyis bskor:__kun kyang spy-i mgrin snying gar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs kyi cod pan 'chang :__thugs ka'i 'od kyis lha tshogs spyan drangs gyur:__gnyis pa ye shes spyan 'dren ni:__hU~M hrIH__rang rig lhun mnyam mtha' dbus med pa'i dkyil:__ye shes bzhi 'phro 'khor lo'i tshul 'chang ba:__bsam yas sgyu 'phrul drwa ba'i skur ston pa:__rtsal snang dbyings nas rol zhing gshegs su gsol:__oM AHhU~M badz+ra gu ru de ba d+hA ki ni sarba dz+nyA na maN+Dal badz+ra sa ma ya dza:__gsum pa bzhugs su gsol ba ni:__hU~M hrIH__rang snang dam tshig sems dpa'i dkyil 'khor du:__rig rtsal dbyings nas spyan drangs ye shes lha:__chu la chu bzhag sgyu ma ji bzhin du:__gnyis med brtan bzhugs dbang dang dngos grub stsol:__badz+ra dz+nyA na sa ma ya tiSh+Tha lhan:__bzhi pa brda yi phyag 'tshal ba ni:__hU~M hrIH__rig stong gdod nas skye med chos sku'i dbyings:__ye shes rang rtsal gzugs sku'i rnam par shar:__rtsa gsum rgyal ba rgya mtsho'i lha tshogs la:__mi phyed gus pas brda yi phyag 'tshal bstod:__a ti pU ho:__pra tits+tsha ho:___lnga pa mchod pa 'bul ba ni:__oM A hU~M:__dngos su 'byor bshams yid kyis mngon sprul pa'i:__phyi nang gsang ba rmad byung mchod pa'i sprin:__dkyil 'khor lha tshogs thugs dam bskang phyir 'bul:__bzhes nas mchog thun dngos grub char ltar phob:__oM AHhU~M badz+ra gu ru de ba d+hA ki ni sa pa ri wA ra ar+g+haM=__rU pa shap+da gan+d+he rA sa spar+she pra tits+tsha swA hA:__ma hA su kha dz+nyA na pU dza ho:__sarba pany+tsa a mr-i ta rak+ta ba liM ta ga Na tsakra pU dza kha kha khA hi khA hi:__drug pa bstod pa bya ba ni:__hU~M hrIH__ma bcos spros bral chos sku'i ngang nyid las:__longs spyod yongs rdzogs sprul pa'i sprin phung 'phro:__thugs rjes 'gro 'dul dkyil 'khor lha tshogs la:__gus pas bstod do mchog thun dngos grub stsol:__bdun pa bzlas pa bya ba la:__dang po bsnyen pa'i dgongs pa ni:__thugs kar pad nyi dregs pa'i gdan gyi steng :__ye shes sems dpa' karma rta gdong zhal:__ljang nag rgya gram gri gug thod khrag 'chang :__gar dgu'i gzi 'bar rang 'od yum dang sbyor:__dur khrod chas rdzogs zhabs zung dor stabs 'gying:__de'i thugs dbus nyi zla kha sbyor sbubs:__AHmthar sngags kyis bskor ba'i 'od zer gyis:__'phags pa mchod cing 'gro kun sgrib gnyis sbyangs:__tshur 'dus rtsa gsum rgyal ba rab 'byams kyi:__byin rlabs dngos grub ye shes rang la thim:__mi mthun gdug pa'i tshogs rnams tshar gcod pas:__rab 'byams drag po'i las kun lhun grub gyur:__oM AHhU~M ma hA gu ru karma thod phreng rtsal sarba sid+d+hi hU~M:__'bum phrag bzhi bzlas grub gnyis thob:__de nas sgrub pa'i dgongs pa ni:__slar yang thugs srog sgrub pa'i sngags kyi phreng :__rang sgra sgrogs bzhin bskor bas 'od zer 'phros:__snod bcud gzhal yas khang dang lhar gyur cing:__sgra grags sngags la dran rtog 'od gsal dbyings:__snang srid gzhir bzhengs dag pa rab 'byams ngang :__ye shes chen po'i nus stobs rdzogs par gyur:__oM AHhU~M badz+ra gu ru karma thod phreng rtsal badz+ra sa ma ya dzaHsid+d+hi pha la hU~M AH__'bum phrag bzlas pas dngos grub thob:__tha mar las la sbyar ba ni:__thugs srog sngags las 'od zer ljang nag phreng :__tsha zhing rtsub pa phyi nang kun tu 'phros:__mi mthun gdug pa'i tshogs rnams tshar bcad cing :__rab 'byams drag po'i phrin las lhun grub bsam:__sgrub pa'i sngags kyis thog drangs nas:__AHsarba mA ra ya phaT:__khri yis drag po'i las kun 'grub:__gsum pa rjes kyi rim pa la:__tshogs mchod la sogs mthar dbyung ngo :__sa ma ya:__khyad par drag po'i las sbyor ni:__phung shul sa la stegs bu bya:__las khung hom du ling+ga bzhag:__de steng zor gyi gtor chen dang :__drag po'i nyer spyod sman gtor raka:__thun gtor sha khrag dang bcas bsham:__bdag gi rnal 'byor sngon 'gro bas:__ma trA~M ru dra a kar+ShAya dzaH__mA ra ya pha[¿]Ta:__gtor snod ma trA~M bsgral ba'i khog pa ru:__dur khrod drag po'i bkod pas rab tu brjid:__de dbus gtor ma mi dmigs stong pa'i ngang :__gnam lcags 'bar ba'i 'khor lo rtsibs bzhi'i dbus:__pad nyi dreg pa bdud bzhi'i gdan steng du:__drag po'i las mdzad karma thod phreng rtsal:__ljang nag khro gtum bzod dka'i gzi brjid 'bar:__zhal gcig phyag gnyis spyan gsum dmar zlum 'khrugs:_phyag g.yas ral gri me 'bar nam mkhar gdengs:__g.yon pas thod pa khrag bkang thugs kar gtod:__las kyi gsang gos phod ka stag sham gsol:__rus pa'i rgyan ldan rang 'od yum dang 'khril:__zhabs gnyis gyad kyi dor stabs bdud dpung mnan:__drag me dmar nag 'khrugs pa'i klong na rol:__rig 'dzin drag po bye ba'i sprin phung 'phro:__rtsibs bzhir dbang chen rta mchog rigs bzhi las:__rab 'byams yi dam khro bo'i phyag rgya shar:__de yi phyogs bzhir pad nyi bam ro'i steng :__rig 'dzin drag po dpa' bo yab yum la:__gnas gsum mkha' 'gro drag mo'i tshogs kyis bskor:__kun kyang spy-i mgrin thugs kar oM AHhU~M:__sku gsung thugs kyi rdo rjes rgyas gdab cing :__ye shes dbang bskur rigs lnga'i cod pan 'chang :__thugs ka'i 'od kyis lha tshogs spyan drangs gyur:__rkang gling bshug pa'i brdas bskul nas:__ye shes drang bzhugs phyag mchod bstod:__mdun bskyed thugs kar nyi ma'i dkyil 'khor steng :__rdo rje rtse dgu'i lte bar hU~M yig mthar:__sngags kyi phreng bas bskor las 'od zer phreng :__tsha zhing rtsub pa mtshon cha'i tshogs bcas 'phros:__sa gsum gdug pa'i 'byung po zil gyis mnan:__dam sri rgyal 'gong byad phur rbod gtong sogs:__mi mthun phyogs kun thal ba'i rdul bzhin brlag:__phyogs las rnam rgyal phrin las 'grub par bsam:__bsnyen pa'i sngags mthar spu gri gdags:__sarba shA trUn big+h+nAn b+hU ta pre ta pi sha tsi na b+hin+d+ha b+hin+d+ha ha na ha na pa tsa pa tsa da ha da ha dI na me ke na mA ra ya pha[¿]Ta:__mchod bstod tshogs kyi mchod bshags rjes:__ling+gar dgra bgegs dgug bstim dang :__bsgral ba'i las sbyor sngona'agro bas:__ling ro thun gtor sha khrag 'bul:__zlog pa'i phrin las bcol ba ni:__hU~M:__gtum chen dus mtha'i me ltar rab 'bar ba'i:__mngon spyod drag shul rol pa'i dkyil 'khor nas:__rtsa gsum rgyal ba ma lus 'dus pa'i dngos:__drag po'i las mdzad karma thod phreng rtsal:__gtso 'khor sprul par bcas pa dbyings nas bzhengs:__dgra bgegs sha khrag rus pa'i gtor ma bzhes:__khros 'khrugs rngams pa 'bar ba'i shugs skyed la:__rnal 'byor bdag cag yon mchod 'khor bcas kyi:__gzung 'dzin 'khrul pa'i gzhan dbang las byung ba'i:__lus kyi bzhi brgya rtsa bzhi'i nad kun zlog:__sems kyi 'khrul snang dngos zhen sdug bsngal zlog:__byad ka phur kha byol kha rbod gtong zlog:__gzugs can dgra yi 'tshe ba thams cad zlog:__gzugs med lha 'dre'i cho 'phrul bar chad zlog:__sa chu me rlung 'byung bzhi dgrar langs zlog:__'jigs pa chen po brgyad dang bcu drug zlog:__mtha' dmag dus 'khrugs bstan la 'tshe ba zlog:__phyi nang rtsod 'dzings 'gro ba'i rkyen ngan zlog:__glo bur keg sri bar chad thams cad zlog:__bzlog go drag po zor gyi gtor mas zlog:__bsgyur ro mi mthun dgra bgegs steng du sgyur:__bzlog bsgyur bcol ba'i phrin las 'grub par mdzod:__sarba sha trUn big+h+nAn ma ra ya b+h+yo b+h+yo zlog zlog b+h+yo zlog cig:__thal mo dang ni dul mo brdab:__zor dkyil la sogs thams cad kun:__khros 'khrugs rngams pa'i gzi byin bskyed:__'od zer sprul pas stong gsum gang :__mi mthun rdul du brlag par bsam:__mthar ni zor gyi ye shes bteg:__dam tshig nad mtshon phung por bsam:__gser skyems sngon 'gros dgra phyogs 'phang :__zor rdzas dug mtshon char bab pa'i:__rjes su ye shes khro bo'i tshogs:__dpung dang bcas pa rab tu chas:__dgra dpung bdun brgyud rtsad nas bcad:__bgegs dpung thal bar brlag par bsam:__dgra thul bgegs chom mi mthun phyogs:__tshar gcod mngon spyod mthar phyin 'gyur:__sa ma ya:__de ltar bskyed bzlas zab mo'i don:__nyams su len pa'i snod ldan phyir:__rim pa dbang gi cho ga ni:__bud+d+ha thod phreng smin byed la:__lha sngags kha bsgyur tsam gyis 'grub:__khyad par mtha' brten lhar bskyed pa'i:__zor gtor rdzas bcas lag tu gtad:__hU~M:__gtor snod rab 'jigs drag po'i pho brang dbus:__gtor ma karma thod phreng 'khor bcas gsal:__skal ldan rigs kyi bu la gtad pa yis:__zlog sgyur drag po'i phrin las yongs rdzogs shog:__drag sngags bzla zhing lag tu gtad:__spro na 'phang ba'i las kyang bya:__rjes su shis brjod khas blang sogs:__gsang ba spyi dang mthun par spyad:__des ni lam gyi snod du 'gyur:__sa ma ya:__rgya rgya rgya:__guh+ya:__brda thim:__gar dbang 'od gsal gling pas zab mo dgongs pa'i gter mdzod las phyung ba'o:___d+hI/:__rtsa gsum 'od gsal snying tig las:__rdo rjai rnam par 'joms pa'i sgrub pa bzhugs so:___d+hI/:__rtsa gsum kun 'dus pad+mar 'dud:__ma 'ongs rnal 'byor spyod pa rnams:__lhan cig skyes dang glo bur gyi:__nyams grib mi gtsang sel ba'i thabs:__gzungs sngags zab mo'i phrin las bstan:__sa ya ya:__dben zhing yid dang mthun pa'i sar:__bde ba'i stan la legs 'dug nas:__skyabs 'gro sems bskyed sngon song nas:__dngos gzhir bskyed pa'i rim pa ni:__hU~M:__snang srid 'khor 'das gdod nas rnam dag klong :__phyi snod rdo rje'i gur khang rgya che bar:__b+h+rU~M las rin chen gzhal yas mtshan nyid rdzogs:__de dbus thabs shes pad nyi'i gdan gyi steng :__sna tshogs rdo rje'i lte bar hU~M gis mtshan:__'od zer 'phro 'dus sras bcas rgyal kun gyi:__mkhyen brtse nus pa'i byin rlabs dpal yon kun:__dbang du bsdus thim skad cig dran rdzogs su:__bcom ldan gsang bdag rdo rje rnam par 'joms:__sku mdog ljang sngon khro 'dzum mtshan dpe'i zhal:__phyag g.yas rdo rje rgya gram thugs kar bsnams:__g.yon pas dril bu dkur brten skyil krung bzhugs:__sna tshogs dar dang rin chen rgyan gyis mdzes:__spyi bor rigs bdag bcom ldan rdo rje sems:__sku mdog dkar gsal rdo rje dril bu 'dzin:__slar yang ting nge 'dzin gyi rol mo yis:__phyogs dus rgyal kun ye shes gcig bsdus nas:__mi phyed rdo rje'i lus su byin rlabs shing :__thugs srog sa bon hU~M gi sprin 'phros pas:__phyogs bzhir sna tshogs rdo rje'i dkyil 'khor dbus:__shar du rdo rje gtum po sku mdog dkar:__lho ru rdo rje be con gser gyi mdangs:__nub tu rdo rje tho ba sku mdog dmar:__byang du rdo rje phur bu ma rgad mdog:__thams cad zhal gcig phyag gnyis rdor dril bsnams:__dar sngon stod g.yogs stag lpags shams thabs dang :__sbrul gyi rgyan spras pad nyi'i gdan la bzhengs:__de yi phyi rol 'khor lo rtsibs bcu'i klong :__rang byung ye shes sprul pa'i khro rgyal bcu:__mthing nag phyag gnyis rdo rje phur bu 'dril:__khro bo'i chas rdzogs me dpung dbus na rol:__sgo bzhir phyogs skyong rgyal chen sde bzhi dang :__rdo rje'i pho nya drug cu rtsa bzhi sogs:__chos srung dam can rgya mtsho sprin ltar gtibs:__gzhan yang rtsa gsum rgyal ba rab 'byams tshogs:__snang stong zung 'jug chen por gsal ba yi:__gnas gsum rdo rje gsum gyi yi ges mtshan:__de las 'od 'phros ye shes spyan drangs gyur:__hU~M:__dag pa rab 'byams chos sku'i pho brang nas:__longs spyod yongs rdzogs rdo rje rnam par 'joms:__sprul sku'i tshul gyis 'gro don sgrub slad du:__thugs rje thugs dam dbang gis gnas 'dir gshegs:__oM badz+ra bi dA ra Na sa pa ri wA ra e h+ye hi:__dzaHhU~M ba~M ho:__dam tshig ye shes dbyer med brtan par bzhugs:__'du 'bral spangs pa'i brda yis phyag 'tshal lo:__dngos su 'byor dang yid las byung ba yi:__kun bzang rnam 'phrul mchod sprin rgya mtshos mchod:__a ti pU ho:__pra tits+tsha ho:__oM badz+ra bi dA ra Na sa pa ri wA ra ar+g+haM nas shap+da sarba pU dza ho:__hU~M:__gdod nas gnyis med mnyam pa'i ye shes las:__rnam kun mchog ldan mtshan dpe'i rol pa can:__sangs rgyas kun gyi gsang ba 'dzin pa'i bdag:__rdo rje rnam par 'joms la phyag 'tshal bstod:__bdag dang mtha' yas sems can thams cad kyi:__nad gdon grib dang mi gtsang kun zhi zhing :__tshe bsod dpal 'byor dbang bcu'i yon tan sogs:__bcom ldan khyed dang mnyam par byin gyis rlobs:__bzlas pa sngags kyi rnal 'byor ni:__thugs kar nyi steng hU~M mthar sngags phreng gis:__bskor ba'i 'od kyis phyogs bcu'i rgyal kun mchod:__byin rlabs dngos grub tshur 'dus bdag nyid la:__thim pas grib dang mi gtsang sgrib gnyis sbyangs:__na maHtsaN+Da badz+ra kro d+hA ya:__hu lu hu lu:__tiSh+Tha tiSh+Tha:__b+han+d+ha b+han+d+ha:__ha na ha na:__a mr-i te hU~M pha[¿]Ta:__thun mthar mchod bstod dngos grub blang :__snang cha'i lha sku rim gyis bsdu:__slar yang 'ja' tshon shar ba bzhin:__sgo gsum lha yi phyag rgyar gsal:__dge ba bsngo zhing smon lam gdab:__phrin las spy-i dang mthun par spyad:__sa ma ya:__byin rlabs dbang gi rim pa ni:__dkyil 'khor zlum po bkod legs steng :__sgrub pa'i yo byad legs par bsham:__bdag mdun dbyer med bskyed bzlas bya:__slob ma 'jug pa sngon song nas:__dngos gzhir bum pa spyi bor bskur:__hU~M:__bum pa zlum po spros bral chos sku'i klong :__longs spyod yongs rdzogs sprul pa'i dkyil 'khor lha:__'od zhu bdud rtsi'i rgyun gyis dbang bskur bas:__phung khams skye mched sgrib gnyis dag par shog:__gzungs sngags dang :__kA ya a b+hi Shiny+tsa oM:__sngags kyi phreng ba mgrin par bzhag:__hU~M:__bcom ldan gsang ba'i bdag po'i ye shes las:__yongs shar thabs shes zung 'jug ye ge'i sprin:__nus pa sngags kyi phreng bas dbang bskur bas:__'gro 'ong rlung gi sgrib gnyis dag gyur cig:__wA ka a b+hi Shiny+tsa AH__phyag mtshan rdo rje snying gar bzhag:__hU~M:__chos can snang ba'i dngos por ji snyed kun:__chos nyid bde stong zung 'jug rdo rje'i dbyings:__ye shes lha yi thugs kyi dbang bskur bas:__gzung 'dzin rtog tshogs sgrib gnyis dag par shog:__tsit+ta a b+hi Shiny+tsa hU~M:__shel dang me long lag tu gtad:__hU~M:__dpe yi thabs las byung ba'i nyams myong ni:__don dam lhan skyes rdo rje rnam par 'joms:__ka dag lhun grub dbyer med dbang bskur bas:__rtsa rlung thig le'i sgrib gnyis dag gyur cig:__dz+nyA na a b+hi Shiny+tsa hrI:__mtha' brten gtor ma spyi bor bzhag:__hU~M:__phyi snod dag pa rab 'byams rdo rje'i grong :__nang bcud yi dam lha yi dkyil 'khor zhugs:__deng 'dir skal ldan khyod la dbang bskur bas:__phrin las rnam bzhi lhun gyis grub par shog:__shAn+tiM puSh+tiM wA shaM mA ra ya a b+hi Shiny+tsa hU~M:__shis pa brjod cing me tog 'thor:__rjes kyi rim pa spy-i ltar bya:__sa ma ya:__nyams grib khrus kyi sel ba ni:__mtshan ldan rin chen bum pa ru:__lnga tshan lnga yi rdzas kyi steng :__shel dang rdo rje me tog sngo:__shu dag gi wang ga bur rnams:__rgyun 'bab chu dang sbyar la blugs:__gtsang ma'i gos kyis rab dkri zhing :__dag byed rten 'brel rdzas kyis brgyan:__dkyil 'khor dbus su legs bkod de:__bdag nyid lhar gsal bum pa'i dbus:__rdo rje rnam 'jom lha tshogs bskyed:__bzlas pas 'od zhu bdud rtsir bsam:__rang gis 'thor 'thung nye reg bya:__grib dang mi gtsang sgrib gnyis sel:__gzhan phan phrin las rim pa ni:__bsgrub bya mdun du 'khod pa la:__thog mar bum pa'i chu yis bkru:__hU~M:__rdo rje rnam par 'joms pa yi:__bskyed pa sku yi bdud rtsi'i chus:__deng 'dir khyod la khrus bgyis pas:__lus kyi grib dang mi gtsang dang :__nad gdon sdig sgrib dag gyur cig:__gzungs sngags dang :__kA ya bi sho d+ha na sarba shan+tiM ku ru ye swA hA:__nad thams cad shan+tiM ku ru ye swA hA:gdon thams cad shan+tiM ku ru ye swA hA:__bgegs thams cad shan+tiM ku ru ye swA hA:__grib thams cad shan+tiM ku ru ye swA hA:__mi gtsang ba thams cad shan+tiM ku ru ye swA hA:_sdig pa thams cad shan+tiM ku ru ye swA hA:__sgrib pa thams cad shan+tiM ku ru ye swA hA:__bar du gcod pa dang mi mthun pa'i phyogs thams cad shan+tiM ku ru ye swA hA:__hU~M:__rdo rje rnam par 'joms pa yi:__bzlas pa sngags kyi bdud rtsi'i chus:__deng 'dir khyod la khrus bgyis pas:__ngag gi grib dang mi gtsang dang :__nad gdon sdig sgrib dag gyur cig:__wA ka bi sho d+ha na sarba shan+tiM ku ru ye swA hA:__hU~M:__rdo rje rnam par 'joms pa yi:__'od gsal ye shes bdud rtsi'i chus:__deng 'dir khyod la khrus bgyis pas:__yid kyi grib dang mi gtsang dang :__nad gdon sdig sgrib dag gyur cig:__tsit+ta bi sho d+ha na sarba shan+tiM ku ru ye swA hA:__hU~M:__rdo rje rnam par 'joms pa yi:__gsang gsum dbyer med bdud rtsi'i chus:__deng 'dir khyod la khrus bgyis pas:__sgo gsum grib dang mi gtsang dang :__nad gdon sdig sgrib dag gyur cig:__kA ya wA ka tsit+ta bi sho d+ha na sarba shan+tiM ku ru ye swA hA:__so so'i mthar yang 'dod smon sbyar:__spro na ye shes rnam lnga dang :__phar phyin drug gi khrus kyang bya:__de nas rten 'brel rdzas kyis byabs:__hU~M:__sangs rgyas kun gyi ye shes sku:__rdo rje rnam par 'joms pa yi:__byin rlabs thugs rje'i bden stobs kyis:__bsgrub bya'i lus kyi nad gdon bgegs:__grib dang mi gtsang sdig sgrib kun:__thams cad byang zhing dag gyur cig:__gzungs sngags mthar:__kA ya bi sho d+ha na a pa nA ye swA hA:__nad thams cad a pa nA ye swA hA:__gdon thams cad a pa nA ye swA hA:__bgegs thams cad a pa nA ye swA hA:__grib thams cad a pa nA ye swA hA:__mi gtsang ba thams cad a pa nA ye swA hA:__sdig pa thams cad a pa nA ye swA hA:__sgrib pa thams cad a pa nA ye swA hA:__bar du gcod pa dang mi mthun pa'i phyogs thams cad a pa nA ye swA hA:__hU~M:__sangs rgyas kun gyi ye shes gsung :__zhes sogs so sor brjod cing byabs:__slar la rdo rje'i go chas bsrung :__hU~M:__sangs rgyas kun gyi sku gsung thugs:__dbyer med gsang bdag dpa' bo che'i:__lha sngags ye shes rol pa yis:__sgo gsum mi mthun phyogs las srungs:__gzungs sngags dang :__kA ya wA ka tsit+ta sarba dz+nyA na badz+ra rak+Sha rak+Sha b+h+rU~M:__nad thams cad rak+Sha rak+Sha ye swA hA:__gdon thams cad rak+Sha rak+Sha ye swA hA:__bgegs thams cad rak+Sha rak+Sha ye swA hA:__grib thams cad rak+Sha rak+Sha ye swA hA:__mi gtsang ba thams cad rak+Sha rak+Sha ye swA hA:__sdig pa thams cad rak+Sha rak+Sha ye swA hA:__sgrib pa thams cad rak+Sha rak+Sha ye swA hA:_bar du gcod pa dang mi mthun pa'i phyogs thams cad rak+Sha rak+Sha ye swA hA:__zhes brjod rdo rjes gnas bdun reg:__mi phyed srung ba'i gur du bsam:__bden pa'i stobs dang shis brjod kyi:__me tog sil ma char du bsnyil:__sa ma ya:__nad rigs byabs pas bsal ba ni:__'byung bzhi'i rdzas rnams 'du byas la:__dag byed rtsa dang rma byas byabs:__bden tshig brjod cing ting 'dzin bskyed:__hU~M:__sa ni dug gi pha yin te:__sa ni dug gi ma yang yin:__sangs rgyas kun gyi sku gsung thugs:__gcig bsdus bcom ldan gsang ba'i bdag:__rdo rje rnam par 'joms pa yi:__byin rlabs thugs rje'i nus stobs dang :__lha sngags ye shes rol pa yis:__bden pa'i bden tshig 'di brjod pas:__khyod kyi bad kan las gyur nad:__lci zhing 'thibs pa'i rigs rnam kun:__'byung ba sa yi klong du thim:__nad dang sdug bsngal bral bar shog:__gzungs sngags mthar:__sarba ro ge b+h+ya:__laM ho shud+d+he shud+d+he ye swA hA:__chu ni dug gi pha yin te:__chu ni dug gi ma yang yin:__sangs rgyas kun gyi sku gsung thugs:__gcig bsdus bcom ldan gsang ba'i bdag:__rdo rje rnam par 'joms pa yi:__byin rlabs thugs rje'i nus stobs dang :__lha sngags ye shes rol pa yis:__bden pa'i bden tshig 'di brjod pas:__khyod kyi khrag dang chu ser nad:__zhen cing khyab pa'i rigs rnams kun:__'byung ba chu yi klong du thim:__nad dang sdug bsngal bral bar shog:__sarba ro ge b+h+yaHbaM ho shud+d+he shud+d+he ye swA hA:__me ni dug gi pha yin te:__me ni dug gi ma yang yin:__sangs rgyas kun gyi sku gsung thugs:__gcig bsdus bcom ldan gsang ba'i bdag:__rdo rje rnam par 'joms pa yi:__byin rlabs thugs rje'i nus stobs dang :__lha sngags ye shes rol pa yis:__bden pa'i bden tshig 'di brjod pas:__khyod kyi mkhris pa las gyur nad:__tsha zhing bsregs pa'i rigs rnams kun:__'byung ba me yi klong du thim:__nad dang sdug bsngal bral bar shog:__sarba ro ge b+h+yaHraM ho shud+d+he shud+d+he ye swA hA:__rlung ni dug gi pha yin te:__rlung ni dug gi ma yang yin:__sangs rgyas kun gyi sku gsung thugs:__gcig bsdus bcom ldan gsang ba'i bdag:__rdo rje rnam par 'joms pa yi:__byin rlabs thugs rje'i nus stobs dang :__lha sngags ye shes rol pa yi:__bden pa'i bden tshig 'di brjod pas:__khyod kyi rlung las gyur pa'i nad:__yang shing g.yo ba'i rigs rnams kun:__'byung ba rlung gi klong du thim:__nad dang sdug bsngal bral bar shog:__sarba ro ge b+h+yaHyaM ho shud+d+he shud+d+he ye swA hA:__de nas thun mong byabs pa ni:__'dod chags zhe sdang gti mug gsum:__'di dag 'jig rten dug gsum ste:__bcom ldan sangs rgyas dug mi mnga':__sangs rgyas bden pas dug bcom mo:__bsgrub bya'i lus ngag yid gsum la:__dug gsum rgyu las skyes pa yi:__bzhi brgya rtsa bzhi'i nad rnams kun:__thams cad byang zhing dag gyur cig:__gzungs sngags mthar:__kA ya wA ka tsit+ta sarba ro ge b+h+yaHa pa nA ye swA hA:__rlung las gyur pa'i nad thams cad a pa na ye swA hA:__mkhris pa las gyur pa'i nad thams cad a pa na ye swA hA:__bad kan las gyur pa'i nad thams cad a pa na ye swA hA:__ldan pa las gyur pa'i nad thams cad a pa na ye swA hA:__'dus pa las gyur pa'i nad thams cad a pa na ye swA hA:__chos dang dge 'dun la yang sbyar:__slar la bum pa'i chu yis bkru:__hU~M:__rdo rje rnam par 'joms pa yi:__ngo bo chos sku'i bdud rtsi'i chus:__deng 'dir khyod la khrus bgyis pas:__yongs grub tshe yi nad kyi rigs:__bzhi brgya rtsa bzhi zhi gyur cig:__kA ya wA ka tsit+ta sarba ro ge b+h+yaHshAn+tiM ku ru ye swA hA:__rlung las gyur pa'i nad thams cad shAn+tiM ku ru ye swA hA:__mkhris pa las gyur pa'i nad thams cad shan+tiM ku ru ye swA hA:__bad kan las gyur pa'i nad thams cad=__ldan pa las gyur pa'i nad thams cad=__'dus pa las gyur pa'i nad thams cad shan+tiM ku ru ye swA hA:__rdo rje rnam par 'joms pa yi:__rang bzhin longs sku'i bdud rtsi'i chus:__deng 'dir khyod la khrus bgyis pa:__gzhan dbang sngon las las gyur nad:__bzhi brgya rtsa bzhi zhi gyur cig:__kA ya wA ka tsit+ta sarba ro ge b+h+yaHshAn+tiM ku ru ye swA hA:__rdo rje rnam par 'joms pa yi:__thugs rje sprul sku'i bdud rtsi'i chus:__deng 'dir khyod la khrus bgyis pas:__kun brtags gdon las gyur pa'i nad:__bzhi brgya rtsa bzhi zhi gyur cig:__kA ya wA ka tsit+ta sarba ro ge b+h+yaHshan+tiM ku ru ye swA hA:__rdo rje rnam par 'joms pa yi:__sku gsung dbyer med bdud rtsi'i:__deng 'dir khyod la khrus bgyis pas:__ltar snang 'phral rkyen las gyur nad:__bzhi brgya rtsa bzhi zhi gyur cig:__kA ya wA ka tsit+ta sarba ro ge b+h+yaHshan+tiM ku ru ye swA hA:__zhes brjod rdo rje'i go chas bsrung :__spro na sman dang dkar mngar zas:__byin rlabs bden stobs brjod cing sbyin:__nad kyi g.yul las rgyal bar bsam:__sa ma ya:__gdon bgegs gtor mas sbyang ba ni:__'byung bzhi'i glud gtor bsangs sbyangs la:__byin rlabs 'dod dgu'i gter du bsam:__bden pa'i stobs kyis mgron rnams bkug:__hU~M:__nga ni bcom ldan gsang ba'i bdag:__rdo rje rnam par 'joms pa ste:__sangs rgyas kun gyi mthu stobs dang :__byin rlabs thugs rje gcig bsdus nas:__gdug pa 'dul bar dbang yang bskur:__de phyir gdon bgegs 'byung po kun:__nga yi bka' la 'da' ma byed:__khro rgyal rdo rje'i bka' las ni:__'byung po gang zhig bda' byed pa'i:__lus ngag yid gsum rdul du rlog:__ming yang grags par mi 'gyur phyir:__de bas dam la gnas par gyis:__zhes brjod gzungs sngags lan gsum bzla:__'bru gsum sngon 'gro saM b+hA ra:__nyer gcig dag gis gtor ma bsngo:__hU~M:__chos dbyings ye shes de bzhin gshegs:__rnam par snang mdzad ting 'dzin dang :__sangs rgyas kun gyi sku gsung thugs:__mthu stobs byin rlabs gcig bsdus pa:__gsang ba'i bdag po'i bka' 'byung gi:__shar phyogs stong gi 'jig rten na:__gnas pa'i lha srin sde brgyad dang :__ma rig gti mug las byung ba'i:__klu gdon sum brgya drug cu kun:__'byung ba sa yi dngas ma'i bcud:__gcig bsdus 'dod yon rgya mtsho'i sprin:__glud gtor bzang po 'di khyer la:__bsgrub bya'i lus ngag yid gsum la:__bzung ba thong la bcings pa khrol:__bsdams pa klod la mnan pa theg:__phyin chad gnod 'tshe'i bsam sbyor spongs:__gal te bka' las 'da' byed na:__dus gsum sangs rgyas thams cad kyi:__sku las sprul pa'i khro bo'i rgyal:__gti mug rnam dag he ru ka:__rdo rje gtum po thugs khros nas:__'bar ba'i mtshon cha sna tshogs kyis:__lus ngag yid gsum rdul du brlag:__de bas da lta phyir dengs shig:__oM bud+d+ha ma hA kro d+ha ha na ha na hU~M phaT:__hU~M:__mnyam nyid ye shes 'dod dgu'i gter:__rin chen 'byung ldan ting 'dzin dang :__sangs rgyas kun gyi sku gsung thugs:__mthu stobs byin rlabs gcig bsdus pa:__gsang ba'i bdag po'i bka' byung gi:__lho phyogs stong gi 'jig rten na:__gnas pa'i lha srin sde brgyad dang :__ma rig nga rgyal las byung ba'i:__pho gdon sum brgya drug cu kun:__'byung ba chu yi dwangs ma'i bcud:__gcig bsdus 'dod yon rgya mtsho'i sprin:__glud gtor bzang po 'di khyer la:__bsgrub bya'i lus ngag yid gsum la:__bzung ba thong la bcings pa khrol:__bsdams pa klod la mnan pa theg:__phyin chad gnod 'tshe'i bsam sbyaur spongs:__gal te bka' las 'da' byed na:__dus gsum sangs rgyas thams cad kyi:__sku las byung ba'i khro bo'i rgyal:__nga rgyal rnam dag he ru ka:__rdo rje be con thugs khros nas:__'bar ba'i mtshon cha sna tshogs kyis:__lus ngag yid gsum rdul du brlag:__de bas rang rang phyir dengs shig:__oM rat+na ma hA kro d+ha tiSh+Tha tiSh+Tha hU~M phaT:__hU~M:__sor rtog ye shes pad+ma'i rigs:__snang ba mtha' yas ting 'dzin dang :__sangs rgyas kun gyi sku gsung thugs:__mthu stobs byin rlabs gcig bsdus pa:__gsang ba'i bdag po'i bka' byung gi:__nub phyogs stong gi 'jig rten na:__gnas pa'i lha srin sde brgyad dang :__ma rig 'dod chags las byung ba'i:__mo gdon sum brgya drug cu kun:__'byung ba me yi dwangs ma'i bcud:__gcis bsdus 'dod yon rgya mtsho'i sprin:__glud gtor bzang po 'di khyer la:__bsgrub bya'i lus ngag yid gsum la:__bzung ba thong la bcings pa khrol:__bsdams pa klod la mnan pa theg:__phyin chad gnod 'tshe'i bsam sbyor spongs:__gal te bka' las 'da' byed na:__dus gsum sangs rgyas thams cad kyi:__gsung las sprul pa'i khro bo'i rgyal:__'dod chags rnam dag he ru ka:__rdo rje tho ba thugs khros nas:__'bar ba'i mtshon cha sna tshogs kyis:__lus ngag yid gsum rdul du brlag:__de bas da lta phyir dengs shig:__oM pad+ma ma hA kro d+ha b+han+d+ha b+han+d+ha hU~M phaT:__hU~M:__bya grub ye shes las kyi rigs:__don yod grub pa'i ting 'dzin dang :__sangs rgyas kun gyi sku gsung thugs:__mthu stobs byin rlabs gcig bsdus pa:__gsang ba'i bdag po'i bka' byung gi:__byang phyogs stong gi 'jig rten na:__gnas pa'i lha srin sde brgyad dang :__ma rig phrag dog las byung ba'i:__sna tshogs 'khrul pa'i gdon bgegs kun:__'byung ba rlung gi dwangs ma'i bcud:__gcig bsdus 'dod yon rgya mtsho'i sprin:__glud gtor bzang po 'di khyer la:__bsgrub bya'i lus ngag yid gsum la:__bzung ba thong la bcings pa khrol:__bsdams pa klod la mnan pa theg:__phyin chad gnod 'tshe'i bsam sbyor spongs:__gal te bka' las 'da' byed na:__dus gsum sangs rgyas thams cad kyi:__phrin las sprul pa'i khro bo'i rgyal:__phrag dog rnam dag he ru ka:__rdo rje phur bu thugs khros nas:__'bar ba'i mtshon cha sna tshogs kyis:__lus ngag yid gsum rdul du brlag:__de bas da lta phyir dengs shig:__oM karma ma hA kro d+ha hu lu hu lu hU~M pha[¿]Ta:__slar yang glud phran gtor ma dang :__chang bu la sogs ci 'byor bsham:__'bru gsum byin rlabs saM b+ha ras:__nam mkha' mdzod kyi sprin du bsngos:__khyer cig khyer cig stobs ldan rnams:__sred dang chags dang zhen pa rnams:__dran dang bzung dang bsam dang reg:__klod dang grol dang zhi bar mdzod:__de mthar glud gtor phyi rol bskyal:__gu gul bdug cing thun gyis brabs:__hU~M bzhi'i sngags kyi mtshon chas gzir:__phyi nang gsang ba'i 'khor los bcings:__sa ma ya:__'gal rkyen 'khor los srung ba ni:__gro ga'am ni shog bu la:__rgya snag gi waM sbyar ba yis:__sna tshogs rdo rje'i lte ba ru:__tsakra mu khyud rim lngar bskor:__dbus su hU~M mthar yang snying gsham:__'chang ba po la nad gdon sdig sgrib grib dang mi btsang ba sogs bar du gcod pa dang mi mthun pa'i phyogs thams cad rak+Sha rak+Sha:__de phyi mu khyud dang po la:__rtsibs bzhi shar nas g.yas bskor du:__oM bud+d+ha ma hA kro d+ha ha na ha na hU~M phaT:__'chang ba po'i mi mthun pa'i phyogs thams cad zhi zhing srung ba la bar du gcod pa thams cad rak+Sha rak+Sha:__oM rat+na ma hA kro d+ha tiSh+Tha tiSh+Tha hU~M phaT:__tshe dang bsod nams ye shes rgyas par byed pa la bar du gcod pa thams cad rak+Sha rak+Sha:__oM pad+ma ma hA kro d+ha b+han+d+ha b+han+d+ha hU~M phaT:__khams gsum dbang du bya ba la bar du gcod pa thams cad rak+Sha rak+Sha:__oM karma ma hA kro d+ha hu lu hu lu hU~M pha[¿]Ta:__dgra bgegs 'byung po tshar bcad pa la bar du gcod pa thams cad rak+Sha rak+Sha:__zhes dang rtsibs mchan so so la:__oM A mr-i te hU~M phaT:__gzungs sngags kyi las sgrub pa la bar du gcod pa thams cad rak+Sha rak+Sha:__mu khyud gnyis par rtsibs bzhi la:__pra ha ra pra ha ra badz+ra pra b+hany+dza hU~M phaT:__'chang ba po'i nad gdon bar chad sgrib gnyis bag chags dang bcas pa thams cad shAn+tiM ku ru ye swA hA:__trA sa ya trA sa ya badz+ra kI li kI la ya:__tshe bsod dpal 'byor ye shes thams cad puSh+tiM ku ru oM:__ha ra ha ra badz+ra d+hA ra ya:__khams gsum snod bcud rlung sems thams cad wA shaM ku ru ho:__tsu ru tsu ru tsaN+Da kI li kI la ya gnod byed 'byung po dug lnga dug gsum thams cad mA ra ya phaT:__rtsib mchan a mr-i te yi gsham:__shAn+tiM puSh+tiM wA shaM mA ra ya phaT:__gsum par 'khor lo rtsibs bcu'i dbus:__mdun nas brtsams te g.yas skor du:__oM ha ra ha ra badz+ra hU~M phaT:__'chang ba po la steng lha yi gdon gyi gnod pa dang drag po'i las sgrub pa la bar du gcod pa thams cad rak+Sha rak+Sha:__oM ma tha ma tha badz+ra hU~M phaT:__shar phyogs dri za'i gdon gyi gnod pa dang drag po'i las sgrub pa la bar du gcod pa thams cad rak+Sha rak+Sha:__oM d+hU na d+hU na badz+ra hU~M phaT:__shar lho me lha'i gdon gyi gnod pa dang dbang gi las sgrub pa la bar du gcod pa thams cad rak+Sha rak+Sha:__oM da ha da ha badz+ra hU~M phaT:__lho phyogs gshin rje'i gdon gyi gnod pa dang dbang gi las sgrub pa la bar du gcod pa thams cad rak+Sha rak+Sha:__oM pa tsa pa tsa badz+ra hU~M phaT:__lho nub srin po'i gdon gyi gnod pa dang drag po'i las sgrub pa la bar du gcod pa thams cad rak+Sha rak+Sha:__oM d+hA ra d+hA ra badz+ra hU~M phaT:__nub phyogs klu yi gdon gyi gnod pa dang zhi ba'i las sgrub pa la bar du gcod pa thams cad rak+Sha rak+Sha:__oM d+hA ra ya d+hA ra ya badz+ra hU~M phaT:__nub byang rlung lha'i gdon gyi gnod pa dang rgyas pa'i las sgrub pa la bar du gcod pa thams cad rak+Sha rak+Sha:__oM dA ru Na dA ru Na badz+ra hU~M phaT:__byang phyogs gnod sbyin gdon gyi gnod pa dang zhi ba'i las:__oM ts+tshin+da ts+tshin+da badz+ra hU~M phaT:__byang shar bgegs kyi gnod pa dang rig sngags bcad pa'i sgrub pa la bar du gcod pa thams cad rak+Sha rak+Sha:__oM b+hin+d+ha b+hin+d+ha badz+ra hU~M phaT:__'og phyogs sa bdag gi gdon gyi gnod pa dang rig sngags mnan pa'i las sgrub pa la bar du gcod pa thams cad rak+Sha rak+Sha:__zhes dang rtsibs mchan dang por mthun:__ma khyud bzhi par gzungs ring mthar:__'chang ba po la mi chod pa mi shigs pa sogs nas:__rmugs par byed pa'i gsang sngags kyi mthu chen po de dag thogs pa med par rab tu 'grub par gyur cig swA hA:__de phyi mu khyud lnga pa la:__na maHsa man+ta bud+d+hA NAM:__na maHsa man+ta d+harmA nAM:__na ma sa man+ta saM g+hA nAM:__oM AHhU~M badz+ra gu ru de ba DA ki nI sarba sid+d+hi pha la hU~M:_oM D+h+riSh+ta raSh+ta ye swA hA:__oM bai ru d+hA kA ye swA hA:__oM bai ru pAk+ShA ye swA hA:__oM bai shra ma NA ye swA hA:__oM sarba badz+ra king+ka rI swA hA:__zhes dang rten snying tshar gsum mthar:__rnam bzhi'i las dang gzungs sngags kyi:__phrin las 'grub pa'i spel tshig sbyar:__phyi rol sna tshogs rdo rje yi:__bar mtshams me ris mdzes par bya:__spy-i ru lnga tshan lnga yi rdzas:__khyab par byug cing bye brag tu:__'og nas 'byung ba'i so so'i rdzas:__man ngag gnad dang ldan par byug:__ma nyams shel dang rin po che:__me tog sngon po gi'u wang:__yungs kar shu dag rma bya'i sgro:__pha bong long bu dar tshon lnga:__sa sna chu sna tshogs tshad dang :__khyad par zhi bar a ru ra:__rgyas par dUrba dbang la ni:__sin+d+hu ra dang drag po la:__rtsa ba gsum gyi phye mar bcas:__dkyil 'khor dbus su lags par bkod:__lhar bskyed bzlas pa'i me tog gis:__rab tu gnas shing shis pa brjod:__gtso 'khor 'od zhu 'khor lo bsam:__dar sna lnga yis rgya chings gdab:__spyi bo'i gtsug gam mgul du 'chang :__mthong thos dran reg 'gro kun kyang :__gnas skabs nad gdon 'jigs brgyad zhi:__tshe bsod rgyas shing 'dod dgu 'grub:__mi mthun phyogs rnams tshar gcod 'gyur:__mthar thug rdo rje gtum po yi:__sku gsung thugs kyi rdo rjer sbyor:__phrin las gsang bdag nyid dang mtshungs:__de phyir yid bzhin nor las lhag:__gzhan yang rdzas kyis srung ba ni:__shu dag a ru gi 'u wang :__li khri sin+d+hU ra btsan dug bu tsaN+Da: yungadakar/__spang spos ga bur sdong ros dang :__ming can gla rtsi spru ba nag:__gu gul nag po ru rta dang :__yung ba spos dkar a gar nag:__rdzas sna bcu bdun lha gnas bkod:__mtha' skor bzang po drug la sogs:__dri ldan sman sna gang 'byor dang :__khyad par chig thub dpa' bo gnyis: dpa' bo dkar po dang rdo khab len/__ra mnye zi ra dkar nag dang :__shing kun mkhan dmar lcags kyu ba:__phur nag rdo rje gnyis bcas bkram:__khrol bu'i steng du lha tshogs bskyed:__bzlas pas sku las bdud rtsi'i rgyun:__dpag tu med pa babs pa yis:__rdzas rnams mi gtsang nyes skyon sbyangs:__nus pa mchog tu bskyed par bsam:__thun rer gzungs sngags ci nus dang :__rang sngags brgya rtsa la sogs bzla:__mtshan ma thob kyi bar du bsgrubs:__de nas lhan cig zhib par btags:__lnga tshan lnga yi rdzas dang bcas:__rigs bzang lo brgyad dri chu'am:__ba gsar dmar zal chu dang sbyar:__bum par tshul bzhin bsgrub cing bzla:__mthar ni ril bur dril ba nyid:__rin po che yi snod du blugs:__dkyil 'khor lha tshogs ngo bor bsgom:__gzungs sngags snying po nye snying dang :__skabs su ngar 'dogs spu gri'i sngags:__oM thi ma tha ra ti sa dun+te dz+wa la raM pa ye swA hA:__oM badz+ra tsaN+Da khroM ga ru DA sarba duSh+tAn+ta ka ha na da ha pa tsa hU~M phaT:__nA ga du:__tshan+d+he tshan+d+he:__mi li mi li:__b+han+d+ha b+han+d+ha:__nA ga ni swA hA:__zhes pa spel zhing drag tu bzla:__grub nas ye shes lha tshogs gshegs:__dam tshig 'od zhu ril bur bsam:__rten 'brel snying po brgya rtsa yis:__byin rlabs brtan cing nus ldan bya:__ril bu bdun re lus la bcang :__mi mthun phyogs rnams kun bsrungs nas:__phrin las rnam bzhi gang brtsams 'grub:__khong su btang dang byugs pa dang :__du bas bdug pa tsam gyis kyang :__gdon dang bgegs kyi tshogs rnams la:__rdo rje gtum po'i snang ba 'byung :__bar chad phyogs su nye mi nus:__nad rims me ltar 'bar ba dang :__gdon bgegs chu ltar 'khrugs pa sogs:__'jigs pa'i cho 'phrul ci byung yang :__ba spu'i rtse mo'ang g.yo mi nus:__grib dang mi gtsang rang sar grol:__mthar thug mkha' spyod nyid kyang 'grub:__rdzas kyi sbyor ba mang bstan yang :__'di 'dra'i zab mo'i gdams pa ni:__gzhan du nam yang bstan pa med:__de phyir sny-ing las gces par zungs:__sa ma ya:__mthun rkyen me yis sgrub pa ni:__thun mong shis pa'i stegs bu'i steng :__sna tshogs rdo rje'i lte ba ru:__mu khyud rim pa gsum gyi dbus:__pad+ma 'dab ma lnga pa dang :__de rgyab 'khor lo rtsibs bcu ste:__de rgyab sna tshogs pad+ma dang :__tha mar 'bar ba'i phreng bas bskor:__dri bzang bud shing zur brgyad brtsegs:__bdag gi rnal 'byor sngon 'gro bas:__me sbar 'jig rten me lha mchod:__de yi lto ba yangs pa'i klong :__dkyil 'khor lha tshogs gzhung bzhin la:__'od zer sna tshogs 'phro bar bskyed:__spyan drangs mchod cing bstod pa'i rjes:__hU~M:__thabs dang shes rab zung 'jug pa'i:__rdo rje'i dgangs blugs las byung ba'i:__ye shes bdud rtsi'i mchod sprin gyis:__dkyil 'khor lha tshogs gnyes pa las:__thugs rje chen po'i 'od zer gyis:__phyogs bcu'i rgyal ba sras dang bcas mchod:__'gro kun sgrib gnyis yongs su sbyangs:__gang 'dul phrin las lhun grub gyur:__zhes brjod nye ba'i snying po'i mthar:__rnal 'byor pa bdag cag 'khor dang bcas pa'i dam tshig nyams chags zhi zhing mchog dang thun mong gi dngos grub ma lus pa yid bzhin du 'grub par mdzad du gsol:__zhes brjod rdzas rnams so sor 'bul:__skabs su las bzhi'i spel tshig sbyar:__bzlas pas thugs dam rgyud bskul zhing :__ci 'dod dngos grub thob par bsam:__mchod bstod 'dod don gsol ba gdab:__nongs pa bshags shing ye shes gshegs:__dam tshig lha tshogs rang la bsdu:__'jig rten me lha mchod cing gshegs:__khyad par zhi ba'i phrin las la:__dkar zhing 'jam pa'i stegs bu'i ngos:__dkyil 'khor dkar shas che ba 'bri:__dri bzang 'o ma dang bcas pa'i:__bud shing zlum po'i tshul du brtsigs:__shar du kha phyogs chas gos dkar:__zhi zhing dwangs ba'i bsam pa yis:__rdo rje'i 'dug stangs dag gis 'dug:__bram ze'i khyim nas me blangs sbar:__'jig rten 'jig rten 'das pa yi:__me lha chu shel mdog tu bskyed:__gtso bor bsregs rdzas sngags sham du:__'jigs pa chen po brgyad dang bcu drug la sogs pa mi mthun mi mdod pa'i phyogs thams cad shan+tiM ku ru swA hA:__zhes spel tshig brgya rtsa brgyad phul bas:__thugs nas 'phros pa'i 'od zer gyis:__mdun gyi rdo rje gtum po bskul:__de las 'od zer dkar po 'phros:__mi mthun phyogs kun zhi bar bsam:__hU~M:__chos dbyings ye shes de bzhin rigs kyi lha:__bcom ldan rdo rje gtum po 'khor bcas kyis:__bsreg blugs bdud rtsi'i mchod sprin 'di bzhes la:__zhi ba'i phrin las myur du 'grub par mdzod:__oM bud+d+ha ma hA kro d+ha ha na ha na hU~M pha[¿]Ta:__zhes dang skabs su spel tshig sbyar:__rjes kyi rim pa spy-i dang mtshungs:__de bzhin rgyas dang dbang drag gi:__khyad par bsgyur la nyams su blang :__zhi ba'i las la til nyid de:__rgyas par zas mchog dbang la ni:__me tog dmar po'i rigs rnams dang :__drag po yungs kar gtso bor 'bul:__lha sngags dmigs pa'i gnad ldan na:__gnas skabs mthar thug 'dod pa'i don:__phrin las rnam bzhi gang brtsam kun:__'grub 'gyur 'di la the tshom med:__sa ma ya:__mthar thug mchog gi dngos grub ni:__rim gnyis zab mo'i lam gyis bsgrub:__rgyud sde rnam bzhi'i rjes 'gro bar:__nyams su blangs pa'i dang po ni:__skyabs song byang chub sems gnyis bskyed:__snying ga'i 'od kyis ye shes pa:__spyan drangs tshogs gnyis nye bar bsag:__rang nyid yi dam lha ru bskyed:__mdun bskyed rang bstims rang nyid kyi:__thugs las 'phros pa'i 'od zer gyis:__snod bcud dkyil 'khor 'khor lor sbyangs:__snang grags rigs gsum lha sngags dang :__ye shes gcig tu mnyam par bzhag:__de nas lha sku snang stong la:__sems 'dzin zhi gnas 'grub pa dang :__de la so sor dpyad pa yis:__stong nyid rjes mthun lhag mthong bsgom:__zung 'jug chu zla lta bu'i ngang :__'bru gsum rdo rje'i bzlas pa dang :__srog stsol rlung sbyor bde drod spar:__rang 'od phyag rgyar snyoms 'jug pas:__dga' ba bzhi'i ye shes bskyed:__lhan skyes phyag rgya chen po'i ngang :__zung 'jug don gyi rdo rje yis:__glo bur 'khrul pa rnam bcom pas:__mi slob go 'phang mchog tu grub:__sa ma ya:__rgyud do cog gi rtsa ba che:__rdo rje rnam par 'joms pa yi:__gzung sngags zab mo'i phrin las 'di:__ma 'ongs don du pad+mas bsdebs:__chos dbyings bum sku'i sgrom bur rgya:__nam zhig 'gro don dus babs rtags:__gza' klu rgyal bsen rlung ltar 'tshubs:__nad gdon smyo 'bogs chu ltar g.yo:__khyad par dal yams btsan thabs 'bebs:__phyi snod 'byung ba khol bur g.yo:__nang bcud stod smad 'khrugs pa mang :__de yi tshe na bdag nyid dang :__'jam dpal grub pa'i slob dpon gyi:__byin brlabs sbas pa'i rnal 'byor pa:__'od gsal sprul pa'i rdo rje dang :__'phrad nas 'brel tshad don ldan shog:__rgya rgya rgya:__brda thim:___d+hI/:__rtsa gsum 'od gsal snying tig las:__'jam dpal 'chi bdag zil gnon bzhugs:___d+hI/:__rtsa gsum yongs 'dus lha la 'dud:__ma 'ongs rnal 'byor spyod pa rnams:__'chi bdag bdud dpung gzhom 'dod na:__sangs rgyas kun gyi ye shes sku:__'jam dpal khrag 'thung bsgrub par bya:__sa ma ya:__dben pa'i gnas su stegs bu'i khar:__rang byung b+han+d+ha'i gzhal yas su:__ya mAn+ta ka'i phyag rgya bri:__de mthar phyi nang mchod pas bskor:__sngon 'gro'i rim pas rgyud sbyangs nas:__dngos gzhir lha yi rnal 'byor ni:__hU~M:__chos kun mnyam pa nyid kyi ngang :__rin chen khros pas nyon mongs gcod:__gzung 'dzin 'byung po dbyings su bsgral:__gnyis med ye shes gcig tu shar:__oM ya mAn+ta ka hU~M pha[¿]Ta:__de nyid ngang las skad cig gis:__stong gsal rig pa'i cho 'phrul las:__thod dbyug mthing nag yaHyis mtshan:__'od 'phros don gnyis lhun gyis grub:__tshur 'dus pad+ma nyi ma dang :__dregs pa chu glang gdan gyi steng :__rang rig 'jam dpal he ru ka:__dmar gsal zhal gcig phyag gnyis pa:__phyag g.yas thod dbyug nam mkhar 'phyar:__g.yon pas b+han dmar thugs kar bsnams:__sbyor yum rdo rje bai tA li:__rin chen thod khrag bsnams pas 'khril:__dpal dang dur khrod chas kyis brgyan:__zhabs gnyis dor stabs gdan la rol:__ye shes me phung 'bar ba'i klong :__rab khros gar dgu'i nyams kyis brjid:__gnas gsum de bzhin gshegs kun gyi:__sku gsung thugs kyi rdo rje'i dngos:__'bru gsum phyag rgyas mtshan pa las:__'od 'phros ye shes spyan drangs gyur:__hU~M hU~M hU~M:__mnyam pa nyid kyi ye shes las:__rin chen rigs mchog bcom ldan 'das:__'jam dpal khro bo'i skur bzhengs nas:__gnas 'dir spyan 'dren gshegs su gsol:__oM shrI badz+ra ya mAn+ta ka sa pa ri wA ra e h+ye hi:__dzaHhU~M ba~M hoH__hU~M:__rdo rje'i dbang po dgyes pa'i yul:__bde chen dam tshig mchog gi sprin:__mchod pa'i phyag rgya chen po yis:__'jam dpal khrag 'thung mnyes gyur cig:__oM shrI ya mAn+ta ka sa pa ri wA ra rU pa shap+da gan+d+he rA' sa spar+she d+harma d+ha tu sarba pU dza hoH__hU~M:__sangs rgyas rnams ni thams cad kyi:__ye shes lus can 'jam dpal dbyangs:__gdug pa 'dul phyir khro bo'i tshul:__yab yum sprul par bcas la bstod:__nus pa sngags kyi rnal 'byor ni:__thugs kar nyi steng yaHyig mthar:__sngags phreng g.yas su 'khor ba las:__'od 'phros phyogs bcu'i rgyal kun mchod:__'chi bdag bdud dpung bsreg cing sbyangs:__phrin las rnam bzhi lhun gyis grub:__thams cad 'od gsal 'khor lor shar:__oM hrISh+tI wISh+ti ta na na hU~M hU~M phaT phaT swA hA:___rtsa ba'i bsnyen sngags 'bru bcu bzhi:__bsnyen sgrub las gsum chig chod de:__bdun 'bum sa ya bye ba sogs:__mtshan ma thob kyi bar du bzla:__rnam bzhi'i phrin las gang la yang :__'jam dpal khrag 'thung nyid dang mtshungs:__sa ma ya:__slob ma rjes su bzung ba ni:__bdag mdun dbyer med bskyed bzlas dang :__sngon 'gro spy-i bzhin sbyar ba'i rjes:__dngos gzhir bum pa sku yi dbang :__hU~M:__rin chen bum pa'i gzhal yas na:__'jam dpal khro bo'i lha tshogs bzhugs:__deng 'dir khyod la dbang bskur bas:__bskyed pa sku yi dbang thob shog:__rtsa sngags dang :__kA ya a b+hi Shiny+tsa oM:__dpal dang dur khrod chas dbang ni:__hU~M:__dpal dang dur khrod rol pa'i chas:__'di ni 'jam dpal he ru ka'i:__ye shes mchog gi phyag rgya ste:__dpa' bo chen po khyod kyis longs:__dz+nyA na mu dra sa ma ya a b+hi Shiny+tsa hU~M:__bzlas pa'i sngags byang mgrin par bzhag:__hU~M:__thabs dang shes rab 'brel ba las:__zung 'jug yi ge bcu bzhi byung :__deng 'dir khyod la dbang bskur bas:__bzlas pa sngags kyi dbang thob shog:__wA ka a b+hi Shiny+tsa AH__rjes 'brel bzlas pa'i lung kyang 'bogs:__thugs kyi phyag mtshan snying gar bzhag:__hU~M:__rdo rje'i thod dbyug 'phyar ba yis:__gzung 'dzin 'byung po dbyings su bsgral:__deng 'dir khyod la dbang bskur bas:__'od gsal thugs kyi dbang thob shog:__tsit+ta a b+hi Shiny+tsa hU~M:__yon tan thod khrag lag g.yon gtad:__hU~M:__yon tan mi zad 'dod dgu'i gter:__b+han+d+ha rak+tas bkang ba yis:__deng 'dir khyod la dbang bskur bas:__gang 'dul 'gro ba sgrol bar shog:__gu Na a b+hi Shiny+tsa swA:__phrin las phur bu bsgril zhing byin:__hU~M:__phrin las drag po kI la ya:__'jam dpal khro bo'i nus mthu rdzogs:__deng 'dir khyod la dbang bskur bas:__'chi bdag bdud dpung tshar gcod shog:__karma a b+hi Shiny+tsa hA:__spro na dgra bgegs bar chad kun:__gzugs brnyan sbyor ba la bstims nas:__gdab pa'i phrin las spyi ltar rjes:__nang gi sbyin sreg tshul du rol:__rjes su dam tshig khas blangs shing :__tshogs kyi 'khor lo'i 'du bas mchod:__'dis ni bsnyen rdzogs rtags ldan pa'i:__mtshan nyid tshang ba'i slob dpon gyis:__dad brtson skal bar ldan pa yi:__rdo rje'i slob ma rjes bzung na:__gnas skabs tshe yi bar chad dang :__'jigs brgyad mi mthun phyogs kun zhi:__phrin las gang brtsam yid bzhin 'grub:__mthar thug 'jam dpal khro bo'i skur:__mngon par byang chub mchog thob 'gyur:__sa ma ya:__gshin rje mthar byed sgrub pa'i thabs:__kun las khyad 'phags snying po'i bcud:__da lta mnga' bdag yab sras dang :__ma 'ongs sprul pa'i skyes bu'i don:__'jam dpal chos kyi bshes gnyen gyis:__rjes bzung rang byung rig pa 'dzin:__bdag nyid chen po pad+ma yis:__dbyings kyi mkha' 'gro'i brda ru sbas:__sa ma ya:__rgya rgya rgya:__zab rgya:__gsang rgya:__kha yaMH__guh+ya lo bdun gsang rgya byas nas phyis rten 'brel dus la babs pa'i skad cig la dag par phabs pa shin tu gsang ba'i snying tig go:___d+hI/:__rtsa gsum 'od gsal snying tig las:__'chi med dbang chen 'dus pa bzhugs:____d+hI/:___dbang chen 'dus pa'i lha la 'dud:__chos rnams kun gyi de kho na:__so sor rtog pa'i ye shes ni:__don dam rta mchog rol pa ste:__'gro kun snying la yang dag gnas:__de nyid ma rtogs gdul bya'i don:__bskyed rdzogs zung 'jug phrin las kyi:__mchog thun dngos grub myur 'grub slad:__dbang chen 'dus pa'i sgrub pa bstan:__sa ma ya:__dben zhing nyams dga'i gnas mchog tu:__dkyil 'khor dmar zlum bkod legs steng :__lha dang sngags kyi mtshan ma dgod:__dbus su phur pa rta zhal can:__g.yas g.yon thabs shes dngos grub rdzas:__mdun du gtor ma tshogs mchod dang :__rgyab tu tshe yi mda' 'dar te:__mtha' bskor phyi nang mchod pa'i sprin:__bag dro lhun chags mdzes par bsham:__sa ma ya:__de nas bde ba'i stan la 'dug:__skad cig rig pa stong gsal ngang :__bcos min snying rje mngon bzhag nas:__sngon 'gro'i dang po skyabs sems ni:__hrI:__dbang chen rtsa gsum 'dus pa'i lha tshogs la:__bdag sogs byang chub bar du skyabs su mchi:__'gro kun phan bde'i go 'phang la 'god phyir:__smon 'jug don dam sems mchog bskyed par bgyi:__lan gsum gnyis pa mtshams bcad ni:__bar 'dir bgegs gtor dngos su bsham pa yod na:__skyabs yul rnams rang la thim:__rang nyid skad cig gis dbang chen he ru ka'i skur gyur:__gtor ma ra~M ya~M kha~M gis bsang sbyangs:__oM AHhU~M hoHsa brlab:__sarba b+hU ta A kar+Sha ya dzaHsa mgron dgug:__sarba big+h+nAn ba ling ta khA his gtor ma bsngos la bka' bsgo ba ni:__hU~M hrIH__yongs grub spros pa bral ba'i ye shes las:__kun brtags glo bur 'khrul pa'i gdon bgegs kun:__gzhan dbang dag pa rab 'byams 'dod yon gter:__'di nyid longs la rgya mtsho'i pha mthar dengs:__sgrub sngags mthar:__sum+b+ha brjod pas bskrad:__hrIH__phyi snod dbang chen rdo rje'i pho brang dbus:__nang bcud ye shes lha yi phyag rgyar gsal:__tha mal rtogs tshogs rang grol gnyug ma'i ngang :__gzung 'dzin 'khrul pa'i gdon bgegs mtshams gcod do:__badz+ra dz+nyA na rak+Sha b+h+rU~M:__gsum pa ye shes byin 'bebs ni:__hrI:__sku gsum dag pa dbyings kyi gzhal yas nas:__rig pa ye shes rta mchog he ru ka:__rtsa gsum rgyal ba rgya mtsho'i 'khor bcas kyis:__gnas 'dir byin phob mchog thun dngos grub stsol:__oM hrIHpad+mAn+ta kr-i ta badz+ra krod+ha h+ya gri ba sa pa ri wA ra dz+nyA na badz+ra A be sha ya a AH__bzhi pa mchod rdzas byin rlabs ni:__oM AHhU~M:__dngos su 'byor pa'i mchod pa ji snyed dang :__yid sprul ting nge 'dzin gyis byin brlabs pas:__snang srid gzhir bzhengs phyag rgya chen po'i dbyings:__dkyil 'khor lha tshogs mnyes pa'i dpyid du shar:__oM hrIHsarba pU dza me g+ha sa ma ye A:__hU~M:__lan gsum brjod pas byin gyis brlab:__sa ma ya:__dngos gzhir dang po bskyed rim ni:__hrI:__chos sku skye med de bzhin nyid dbyings las:__longs sku 'gags med kun snang snying rje'i sprin:__sprul pa'i rnam rol hrIHlas 'od zer 'phros:__'phags mchod 'gro kun sgrib sbyangs tshur 'dus pas:__phyi snod dag pa lha yi gzhal med khang :__'og min dbang chen rol pa'i pho brang dbus:__pad+ma nyi zla klu srin bsnol ba'i steng :__rtsa gsum kun 'dus dbang chen he ru ka:__sku mdog dmar po skal pa'i me ltar 'bar:__zhal gsum phyag drug zhabs bzhi 'dor stabs bgrad:__g.yas ljang g.yon dkar dbus dmar khro bo'i gdong :__zhal rer dmar zlum 'bar ba'i spyan gsum g.yo:__ral pa khams nag gyen du 'khyil ba'i klong :__rta zhal ljang gu rdo rje'i dbyangs su 'tsher:__phyag drug g.yas gsum rdo rje kha T+wA~M gri:__g.yon gsum b+han+d+ha mdung thung zhags pa bsnams:__thod skam dbu rgyan thod rlon do shal dang :__rigs bzhi'i klu gdon sbrul gyi rnam pas spras:__zhing chen g.yang gzhi stag lpags sham thabs sogs:__dpal dang dur khrod rol pa'i chas kyis brgyan:__sbyor ba'i yum chen pad+ma gzi ldan dmar:__phyag g.yas gri gug yab kyi mgul nas 'khyud:__g.yon pas bdud rtsi'i thod pa yab la stob:__spy-i gtsug phag zhal mthing nag ngur sgra sgrogs:__ye shes me dpung 'bar ba'i dkyil 'khor dbus:__sku gsung thugs mchog gar dgu'i nyams kyis rol:__spy-i bor rigs bdag chos sku snang mtha' yas:__'chi med bde chen skur bzhengs tshe yi lha:__dmar po mnyam bzhag bdud rtsi'i tshe bum bsnams:__mtshan dpe'i dpal 'bar rang 'od yum dang sbyor:__sku yi gnas lngar thod phreng rigs lnga dang :__ba spu'i bu ga rdo rje'i khro bos gtams:__phyogs bzhir pad nyi bdud bzhi bsnol ba'i steng :__shar du rdo rje dbang chen sku mdog dkar:__lho ru rat+na dbang chen sku mdog ser:__nub tu pad+ma dbang chen sku mdog dmar:__byang du karma dbang chen sku mdog ljang :__thams cad phyag g.yas rigs kyi phyag mtshan dang :__g.yon pas bdud rtsis gang ba'i b+han+d+ha bsnams:__rang 'od yum 'khyud khro bo'i cha lugs rdzogs:__sgo bzhir tshad med ye shes sgo ma bzhi:__g.yas rnams lcags kyu zhags pa lcags sgrog dril:__g.yon pas 'chi med tshe yi bum pa 'dzin:__dkar ser dmar ljang khro chags sgeg pa'i nyams:__gzhan yang sprul dang yang sprul dkyil 'khor lha:__rtsa gsum rgya mtsho'i ngo bor sprin ltar gtibs:__snang stong sgrib bral 'ja' tshon lta bu'i sku'i:__gnas gsum rdo rje gsum gyis mtshan pa las:__'od 'phros rang bzhin gnas nas ye shes pa:__ma lus spyan drangs gnyis su med par gyur:__gnyis pa ye shes spyan 'dren ni:__hU~M hrI:__'og min gsang chen rdo rje'i pho brang nas:__rtsa gsum kun 'dus dbang chen tshe yi lha:__rab 'byams dpa' bo mkha' 'gro'i 'khor dang bcas:__byin gyis brlab phyir gnas 'dir gshegs su gsol:__oM hrIHpad+mAn+ta kr-i ta badz+ra krod+ha h+ya gri ba sa pa ri wA ra badz+ra sa ma ya dza dza:__gsum pa bzhugs gsol phyag 'tshal ni:__hrIH__dbyings nas spyan drangs ye shes lha yi tshogs:__dam tshig phyag rgya'i ngang du ro gcig phyir:__'du 'bral med pa'i don dam rta mchog dpal:__mngon sum rang ngor mjal ba'i phyag gis 'dud:__dzaHhU~M ba~M hoH__na ma d+hIH__bzhi pa mchod pa 'bul ba ni:__oM AHhU~M:__dngos su 'byor dang yid kyis rnam sprul pa'i:__phyi nang gsang ba bla med mchod pa'i sprin:__rtsa gsum dbang chen kun 'dus lha la 'bul:__bzhes nas mchog dang thun mong dngos grub stsol:__oM hrIHpad+mAn+ta kr-i ta badz+ra krod+ha h+ya gri ba sa pa ri wA ra ar+g+haM nas spar she'i bar dang _ma hA pany+tsa a mr-i ta rak+ta ba liM ta sta na g+ha Na sarba pU dza hoH__lnga pa bstod pa bya ba ni:__hrIH__sor rtogs ye shes phyag rgyar shar ba'i lha:__grangs med zhi dang khro bo'i rnam rol can:__byin rlabs mchog stsol dngos grub char 'bebs pa'i:__dbang chen rtsa gsum dkyil 'khor lha la bstod:__drug pa bsnyen pa'i rnal 'byor ni:__thugs kar ye shes 'od lnga'i klong :__nyi zla'i ga'u kha sbyor dbus:__thugs srog hrIHyig dmar po'i mthar:__sngags phreng g.yas su 'khor ba las:__bde stong rol pa'i 'od zer gyis:__dkyil 'khor lha tshogs gsal bar byas:__snyoms 'jug dga' bzhi'i mchod pas mnyes:__mchog thun dngos grub thob par gyur:__oM hrIHpad+mAn+ta kr-i ta badz+ra krod+ha h+ya gri ba hu lu hu lu hU~M phaT:__bdun pa sgrub pa'i ting 'dzin ni:__slar yang 'od zer phyogs bcur 'phros:__'khor 'das brtan g.yo'i tshe bsod bcud:__'chi med bdud rtsi'i rnam par bkug:__spy-i bo'i rigs bdag yab yum gyi:__sku yi dbyibs brgyud sbyor mtshams nas:__babs pas lus gang bde bas myos:__'khor lo rnam lngar khyab pa yis:__'chi med thod phreng yab yum mchod:__rtsa rlung thig le nyams pa gsos:__'byung bzhi'i dwangs ma dbu mar smin:__bde stong zung 'jug 'od gsal ngang :__rdo rje'i srog la dbang thob bsam:__oM hrIHpad+mAn+ta kr-i ta badz+ra krod+ha h+ya gri ba dz+nyA na badz+ra A yu She hU~M b+h+rU~M nr-i dza:__sarba sid+d+hi pha la hU~M:__brgyad pa las la sbyar ba ni:__thugs srog las byung 'od zer gyis:__rnam bzhi'i phrin las lhun gyis grub:__dregs pa sde brgyad brlag cing gzir:__snod bcud 'od gsal 'khor lor sbyangs:____gang shar snang cha lha yi sku:__grags pa thams cad sngags kyi sgra:__dran rtog rang grol rta mchog dpal:__dbyings rig dbyer med ngang du rdzogs:__oM hrIHpad+mAn+ta kr-i ta badz+ra krod+ha h+ya gri ba hu lu hu lu hU~M phaT:__oM badz+ra du+u na b+h+yo:__tig nan dza dza:__sa ma ya stAM:__sa ma ya dza:__sa ma ya bzlog:__sa ma ya b+h+yo:__sa ma ya gtub:__sa ma ya byer:__sa ma ya rbad:__sa ma ya rbad rbud pha[¿]Ta ya:__'byung po mA ra ya dza dza:__hU~M hU~M hU~M:__zhes bzlas dgongs pa dbyings la gtad:__dgu pa rdzogs pa'i rim pa ni:__rdo rje'i bzlas pa sngon 'gro bas:__sbyor ba bzhi ldan bum can bzung :__'bar dang 'dzag pa'i rnal 'byor gyis:__lugs 'byung lugs ldog dga' bzhi bskyed:__las dang ye shes phyag rgya la:__'du shes gsum gyi snyoms par zhugs:__zag pa med pa'i bde ba dang :__lhan skyes phyag rgya chen por sbyor:__'tsher zhing brjid bag ldan pa yi:__rta skad thengs gsum bsgrags pa'i rjes:__rtse gcig nges shes skyes pa na:__skye med don gyi ngang du bzhag:__yid mig rlung gsum mi 'gul bar:__dbyings gsum rta mchog rol pa'i lha:__dus gsum dus med chen po ru:__mnyam par bzhag pas rang zhal blta:__sa ma ya:__rjes kyi rim par dang po ni:__tshe bcud 'gugs phyir thugs dam bskul:__hrIH__skye med 'od gsal rdo rje'i mkha' dbyings las:__'gags med dbang chen khro bo'i rol par shar:__rab 'byams rtsa gsum rgya mtsho'i 'khor dang bcas:__thugs dam bskul lo thugs rje'i ye shes bskyed:__hrIH__thog ma'i mgon po kun bzang tshe yi lhas:__'khor 'das dbyer med rdo rje'i tshe bcud khug:__'chi med dbang chen khro rgyal yab yum gyis:__zung 'jug sku dang ye shes tshe bcud khug:__sprul pa'i rnam rol rigs bzhi'i he ru kas:__khams gsum skye 'gro yongs kyi tshe bcud khug:__gang 'dul las mdzad phyogs skyong sgo ma bzhis:__sa chu me rlung 'byung bzhi'i tshe bcud khug:__rab 'byams rtsa gsum rgya mtsho'i lha tshogs kyis:__brtan g.yo snod bcud srid zhi'i tshe bcud khug:__rtse gcig sgrub pa'i rnal 'byor bdag cag gi:__bla tshe chad nyams yar ba rang sor chud:__bar chad 'byung po'i tshogs rnams dbyings su sgrol:__'chi med 'ja' lus rdo rje'i dngos grub stsol:__oM hrIHpad+mAn+ta kr-i ta badz+ra krod+ha h+ya gri ba A yu She hU~M b+h+rU~M nr-i dza:__sarba sid+d+hi pha la hU~M:__kA ya wA ka tsit+ta d+harma d+hA tu dz+nyA na badz+ra rak+Sha b+h+rU~M:__gnyis pa mchod bstod dngos grub blang :__hU~M hrIH__'chi med bde chen rdo rje'i pho brang nas:__rtsa gsum dbang chen tshe yi lha tshogs kyis:__mchog dang thun mong dngos grub ma lus kun:__deng 'dir skal ldan bdag la stsal du gsol:__rtsa sngags mthar:__kA ya wA ka tsit+ta sarba sid+d+hi pha la hoH__gsum pa rtag chad mtha' bsal ba:__AH__snang char shar ba'i ye shes lha tshogs kun:__skye med brjod bral chos kyi dbyings su thim:__slar yang rig stong zung 'jug ye shes las:__sgo gsum dkyil 'khor gsum gyi ngang du sbyor:__hU~M hU~M hU~M:__bzhi pa bsngo smon bya ba ni:__hoH__dus gsum bsags pa'i dge tshogs ci mchis pa:__blo 'das chos dbyings gzhon nu bum skur bsngo:__'gro kun 'chi med rtsa gsum 'dus pa'i zhal:__rta mchog rol pa'i go 'phang myur thob shog:__shis pa brjod cing me tog 'thor:__mtshan ma rdzas kyi dkyil 'khor bsdu:__dga' ston tshogs kyi 'khor lo sogs:__gzhung gzhan dag dang mthun par spyad:__sa ma ya:__gnas skabs rnam bzhi'i phrin las dang :__tshe dbang rig 'dzin mchog 'grub cing :__mthar thug pad+ma gsung gi dbyings:__sbyor byed rdo rje'i nye lam 'di:__rang byung pad+ma bdag nyid kyi:__tan+d+ra kun gyi bcud bsdus nas:__'od gsal sprul pa'i rdo rje'i don:__rig pa dbyings kyi sgrom bur sbas:__rgya rgya rgya:__brda thim:____d+hI/:__'chi med dbang chen 'dus pa las:__smin byed byin rlabs snang ba bzhugs:____d+hI/:__dbang chen 'dus pa'i lha la 'dud:__slob ma rjes su 'dzin 'dod na:__dben pa'i gnas su stegs bu'i khar:__dkyil 'khor bsham zhing sgrub rdzas bkram:__bdag mdun dbyer med bskyed bzlas bya:__snod ldan khrus byas gral la 'khod:__bgegs phral srung ba'i 'khor los bcing :__lo rgyus bshad cing maN+Dal 'bul:__de nas gsol ba gdab pa ni:__rigs rnams kun bdag che ba'i mchog:__rdo rje slob dpon dgongs su gsol:__'chi med rtsa gsum dkyil 'khor du:__mgon pos bdag ni 'jug par 'tshal:__lan gsum skyabs sems sdoms pa 'bogs:__lhar bskyed ye shes dbab cing bstim:__dngos gzhir bum pa spy-i bor bskur:__hrI:__'chi med rta mchog he ru ka'i:__sku yi dbang bskur khyod la sbyin:__phung po lha yi skur smin nas:__snang stong zung 'jug mngon gyur shog:__bsnyen sngags dang :__kA ya a b+hi Shiny+tsa oM:__rjes 'brel gtor ma spy-i bor bzhag:__hrIH__zab gsal gnyis med dkyil 'khor du:__'chi med rtsa gsum lha tshogs bzhugs:__skal ldan khyod la dbang bskur bas:__dngos grub rnam gnyis 'grub par shog:__bsnyen sngags dang :__sarba sid+d+hi ba liM ta a b+hi Shiny+tsa oM:__rtsa ba'i sngags byang mgrin par gtad:__hrIH__'chi med rta mchog he ru ka'i:__gsung gi dbang bskur khyod la sbyin:__srog stsol sngags su yongs smin nas:__gsal stong zung 'jug mngon gyur shog:__bsnyen sngags dang :__wAk+ka a b+hi Shiny+tsa AH__rjes 'brel sngags kyi bzlas lung dang :__mtha' brten tshe yi bdud rtsi sbyin:__hrIH__rtsa gsum dbang chen 'dus pa yi:__byin rlabs dngos grub kun gyi dbyig:__'chi med bdud rtsi 'di byin pas:__rlung lnga dbu mar thim par shog:__sgrub sngags dang :__ma hA pany+tsa a yur+dz+nyA na a mr-i ta a b+hi Shiny+tsa AH__yab yum phyag mtshan snying gar bzhag:__hrIH__'chi med rta mchog he ru ka'i:__thugs kyi dbang bskur khyod la sbyin:__rtog tshogs chos kyi skur smin nas:__bde stong zung 'jug mngon gyur shog:__bsnyen sngags:__tsit+ta a b+hi Shiny+tsa hU~M:__mtha' brten tshe yi ril bu byin:__hrI:__srid zhi'i dwangs ma 'dus pa'i bcud:__rdo rje bdud rtsi'i ril bu 'di:__skal ldan khyod la sbyin pa yis:__dga' bzhi'i ye shes 'phel bar shog:__sgrub sngags dang :__A yur+dz+nyA na ma hA su kha a b+hi Shiny+tsa hU~M:__shel dang me long dkyil 'khor bstan:__hrIH__'chi med rta mchog he ru ka'i:__ye shes dbang bskur khyod la sbyin:__sgo gsum ngo bo nyid sku'i klong :__rig stong zung 'jug mngon gyur shog:__bsnyen sngags dang :__dz+nyA na a b+hi Shiny+tsa AH__rjes 'brel phur pa lag g.yas sbyin:__hU~M:__dbang chen drag po kI la ya:__rigs 'dus phur bu 'di gtad pas:__byin rlabs phrin las yongs rdzogs nas:__khams gsum 'gro kun sgrol bar shog:__las sbyor gyi sngags dang :__badz+ra kI li kI la ya a b+hi Shiny+tsa hU~M AH__spro na gzugs brnyan sbyor ba las:__tshe bdud bar chad yongs bkug nas:__rdo rje phur bus bsgral ba'i mthar:__dkyil 'khor lha tshogs zhal du sbyor:__rjes la tshe 'gug rgya yis gdab:__dbang chen rigs lnga'i phyag rgyas srung :__dam tshig bsdus te 'dzin pa sogs:__gsang ba spy-i dang mthun par spyad:__sa ma ya:__de ltar 'chi med rta mchog dpal:__rtsa gsum yongs rdzogs dkyil 'khor lha'i:__dbang bskur byin rlabs snang ba 'dis:__bsnyen rdzogs rtags ldan rnal 'byor pas:__rdo rje'i slob ma rjes bzung na:__gnas skabs tshe yi bar chad zhi:__phrin las rnam bzhi gang brtsams 'grub:__mthar thug rtsa rlung thig le'i khams:__sgrib bral dwangs ma'i lha skur smin:__de phyir snying khrag yang zhun 'di:__rig pa dbyings kyi sgrom bur rgya:__dus babs gzhan don mthar phyin shog:__rgya rgya rgya:__brda thim:_____d+hI/:___rtsa gsum 'od gsal snying tig las:__khrag 'thung 'dus pa'i dril sgrub bzhugs:___d+hI/:__dpal chen he ru ka la 'dud:__ma 'ongs mtsho skyes bdag nyid kyis:__byi rlabs sbas pa'i rig 'dzin phyir:__gsang ba'i thugs dam mthar thug pa:__khrag 'thung 'dus pa'i dril sgrub bstan:__sa ma ya:__dben zhing byin rlabs zil ldan pa:__dur khrod la sogs gnas mchog tu:__thod sku mtshan nyid ldan pa'i mdun:__snang gsal mar mer rten 'cha' zhing :__phyi nang gsang mchod ci 'byor dkram:__bsam gtan snod du rung ba na:__sngon 'gro'i dang po skyabs sems ni:__hU~M:__gsang ba mchog gi dgyes pa na:__thams cad bdag nyid rtag bzhugs pa'i:__bla ma he ru ka dpal la:__skyabs gsol byang chub sems gnyis bskyed:__gnyis pa bgegs bskrad mtshams bcad ni:__hU~M:__gsang ba mchog gi dkyil 'khor 'dir:__gnyis 'dzin 'khrul pa'i bgeg tshogs kun:__rang bzhin med pa'i dbyings su dengs:__'od gsal chos skur mtshams bcad do:__hU~M hU~M hU~M:__badz+ra dz+nyA na rak+Sha b+h+rU~M:__gsum pa byin chen dbab pa ni:__hU~M:__brdal khyab 'od gsal chen po'i dbyings:__ye shes sgyu ma'i skur bzhengs pa:__khrag 'thung dkyil 'khor rab 'byams kyis:__dbang bskur byin phob dngos grub stsol:__oM ru lu ru lu hU~M b+h+yo hU~M:__badz+ra dz+nyA na a be sha ya a AH__bzhi pa dam rdzas byin rlabs ni:__oM AHhU~M:__snod bcud dur khrod rol pa'i zhing :__snang srid dpal gyi dam tshig rdzas:__phyi nang gsang ba rmad byung ba'i:__mchod pa'i phyag rgya chen por gyur:__oM sarba pU dza ma hA mu dra sa ma ye AHhU~M:__sa ma ya:__dngos gzhi'i dang po bskyed rim ni:__hU~M:__yang dag grub pa gcig pu nyid:__sangs rgyas bde chen kun 'dus pa:__mkha' 'gro sgyu ma bde ba'i mchog:__chos sku de bzhin nyid dbyings las:__longs sku ye shes sgyu ma'i tshul:__sprul sku rgyu yi sa bon hU~M:__'bar ba chen po'i cho 'phrul gyis:__gzung 'dzin dngos kun stong par sbyangs:__stong pa'i ngang las 'byung rim steng :__srung 'khor dur khrod bkod pa dang :__rin chen gzhal med khang chen dbus:__pad nyi lha chen pho mo'i steng :__hU~M yig yongs gyur skad cig gis:__bdag nyid spy-i dpal he ru ka:__mthing nag nam mkha' dwangs pa'i mdog:__zhal gsum phyag drug zhabs bzhi bgrad:__g.yas dkar g.yon dmar dbus mthing ba'i:__ye shes rngams pa'i zhal dang ldan:__phyag drug ye shes rtags kyi rgya:__rdo rje kha T+wA~M rnge'u chung g.yas:__dril bu b+han dmar rgyu zhags g.yon:__dpal dang dur khrod chas kyis brjid:__sbyor yum kro d+hI shwa ri ma:__mthing skya rdo rje dung khrag 'dzin:__dpal chen yab la dgyes pa skyed:__rus pa'i phyag rgya gzig sham 'chang :__yab yum gar dgu'i nyams ldan pas:__ye shes me phung dbus na rol:__thugs kar rin chen zur brgyad pa'i:__lte bar pad nyi dregs pa'i steng :__ye shes snying po kI la ya:__mthing nag phur 'dril yum dang 'khyud:__khro bo'i chas rdzogs me phung dbus:__bde chen gzi byin mchog tu 'bar:__zur brgyad ye shes 'od lnga'i klong :__shar du gau rI nam mkha'i mdangs:__lho ru tsau rI gser gdog 'tsher:__nub tu pra mo rA ga'i 'od:__byang du be tA ma rgad mdog:__shar lhor puk+ka sku mdog ser:__lho nub g+hasma dmar ljang brjid:__nub byang sme sha mthing nag rngams:__byang shar tsaN+Da ser skya bzhad:__kun kyang DA ru thod chang bsnams:__gru mo g.yas na kha T+wA~M 'khril:__gar thabs zhi rkyang gdan la bzhengs:__gzhan yang phung khams skye mched kun:__khrag 'thung 'dus pa'i phyag rgyar gsal:__oM ru lu ru lu hU~M b+h+yo hU~M phaT:__gnas gsum rdo rje'i 'bru gsum gyis:__sku gsung thugs su byin rlabs shing :__bde ba chen po'i rlabs g.yos pas:__ye shes lnga yi dbang rdzogs gyur:__oM AHhU~M:__pany+tsa dz+nyA na a b+hi Shiny+tsa ho:__de ltar dkyil 'khor gsal btab nas:__rtse gcig sems bzung ting 'dzin brtan:__gsal snang rgyud la shar ba na:__gnyis pa ye shes drang bstim ni:__hU~M:__dga' ba'i lcags kyus rgyud bskul zhing :__mchog dga'i zhags pas rten dang bsre:__khyad par sgrog gis mi phyed bcings:__lhan skyes dril bus dbyer med brten:__rang snang dam tshig dkyil 'khor du:__'jug pa'i ye shes mnyam sbyor ba'i:__dbang dang byin rlabs rmad po che'i:__dngos grub rnam gnyis stsal du gsol:__oM shrI he ru ka sarba maN+Dal hrIM hrIM pheM pheM:__dzaHhU~M ba~M ho:__sa ma ya stAM__gsum pa brda yi phyag gis 'dud:__hU~M:__sangs rgyas sems can mnyam sbyor ba'i:__khrag 'thung chen po rang rig ngang :__gnyis med lta bas mjal ba'i phyir:__blang dor med par bzhes su gsol:__a ti pU ho:__na ma d+hI:__bzhi pa mchod pa'i dam tshig ni:__hU~M:__khrag 'thung rdo rje'i dbang po'i yul:__bde chen ye shes mchod pa'i sprin:__phyi nang gsang ba'i dam tshig can:__dgyes mnyam mchog gi rgyan du rol:__oM shrI he ru ka maN+Dal sa pa ri wA ra ar+g+haM pAd+yaM puSh+pe d+hU pe A lo ke gan+d+he nai bid+ya shap+da ma hA pany+tsa a mr-i ta rak+ta ba liM ta sta na ga Na ma hA su kha pU dza ho:__lnga pa dgyes bzhad glu yis bstod:__hU~M:__sangs rgyas kun gyi gsang ba che:__rdo rje khrag 'thung chen por bzhengs:__ye shes sgyu 'phrul mtha' yas pa'i:__dkyil 'khor lha tshogs kun la bstod:__drug pa bsnyen sgrub las sbyor gyi:__bzlas pas bskul zhing sgrub pa ni:__rdo rje gzhon nu'i thugs ka ru:__bde stong nyi zla kha sbyor sbubs:__zung 'jug ting 'dzin hU~M mthing ga:__sngags kyis bskor ba'i 'od zer sprin:__yab yum zhal dang gsang ba nas:__'gal me lta bur 'khor ba yis:__bde ba chen pos rgyud gang ste:__mchog thun dngos grub thob par gyur:__oM ru lu ru lu hU~M b+h+yo hU~M:__de ni bsnyen pa'i dgongs pa'o:__dpal chen badz+ra ku mA ra'i:__thugs dam dzaba? kyis bskul ba ni:__sku gsung thugs kyi ye shes dbyig:__lha sngags phyag mtshan rnam par 'phros:__rtsa gsum rgyal ba mchod pas brnyes:__khams gsum nyon mongs dug chen sbyangs:__sa gsum bdud bzhi tshar bcad nas:__dngos grub mchog gi gter du gyur:__oM badz+ra kI li kI la ya sarba big+h+nAn baM hU~M pha[¿]Ta:__de ni sgrub pa'i dgongs pa'o:__ma mo brgyad kyi thugs ka ru:__nyi steng sa bon sngags kyis mtshan:__dpal chen thugs srog 'od zer gyis:__dam tshig rjes su bskul ba las:__rang rang bde ba'i ye shes sku:__sngags phreng phyag mtshan bcas pa 'phros:__'khor 'das brtan g.yo'i khams kun khyab:__mi mthun zhi zhing legs tshogs rgyas:__snang sems dbang bsdus dgra bgegs btul:__dbye bskrad rengs shing rmongs pa sogs:__las kyi dngos grub bsgrub par gyur:__oM AHbadz+ra ga~M hU~M phaT:__oM shAn+tiM ku ru swA hA:__oM AHbadz+ra tsa~M hU~M pha[¿]Ta:__b+h+rU~M puSh+tiM ku ru oM:__oM AHbadz+ra ba~M hU~M pha[¿]Ta:__hrIHwa shaM ku ru ho:__oM AHbadz+ra ba~M hU~M pha[¿]Ta:__hU~M mA ra ya pha[¿]Ta:__oM AHbadz+ra ba~M hU~M pha[¿]Ta:__pra be sha ya pha[¿]Ta:__oM AHbadz+ra g+haM hU~M pha[¿]Ta:__uts+tsha Ta ya pha[¿]Ta:__oM AHbadz+ra shaM hU~M pha[¿]Ta:__stam+b+ha ya phaT:__oM AHbadz+ra tsa~M hU~M phaT:__mo ha ya phaT:__de ni las kyi dgongs pa'o:__bsnyen pa 'bum phrag brgyad yin te:__sgrub pa'i gsang sngags de yi phyed:__las sbyor khri phrag re res 'grub:__bskyed rim gsal bas lha zhal 'khul:__bzlas brjod dag pas ya mtshan sgra:__dgongs pa brtan pas ting 'dzin 'bar:__drod thob dngos grub mchog brnyes 'gyur:__sa ma ya:__thun mtshams tshogs kyi mchod pa ni:__mtshan nyid ldan pa'i ban+d+ha ru:__ma da na dang ba la sogs:__dam tshig rdzas bsham bsang chus bran:__ra~M ya~M kha~M:__'phrul bzhad yid bzhin rin chen ka pA la:__stong gsum dang mnyam yangs pa'i snod mchog tu:__rigs lnga yab yum mnyam sbyor bdud rtsi'i bcud:__bde ba chen po'i 'dod yon gter du gyur:__oM hU~M trA~M hrIHAH__ga na tsakra pU dza AHhU~M:__gsang ba'i rngai'u chung sgras bskul te:__tshogs zhing spyan drangs mchod pa 'bul:__nyams chags bshags shing bsgral bstab bya:__hU~M:__dbyings nas sku bskyod rig 'dzin bla ma dang :__khrag 'thung 'dus pa rtsa gsum dkyil 'khor lha:__tshogs kyi longs spyod chen por spyan 'dren na:__dam tshig thugs rje'i dbang gis gshegs su gsol:__badz+ra sa ma ya dzaH__hU~M:__yul dang dbang po dbyer med bde ba che:__rdo rje'i dam rdzas tshogs kyi mchod pa bzhes:__rtsa ba yan lag dam tshig nyams chag kun:__lha dang rtog pa dbyer med dbyings su bskang :__gzung 'dzin las byung gnyis snang dgra bgegs bsgral:__sha khrag bde stong 'od gsal klong du bzhes:__thun mong las dang ye shes rmad po che'i:__dngos grub rnam gnyis dus 'dir stsal du gsol:__oM shrI he ru ka maN+Dal la sa pa ri wA ra ga Na tsakra pU dza ho:__sa ma ya shud+d+he AH__sarba shA trU~M big+h+nAn mA ra ya kha kha khA hi khA hi:__de nas dam tshig rdzas kyi mchog:__nang gi mchod par mnyam rol zhing :__gsang ba snyoms 'jug bde chen skyed:__slar yang ma sring mkha' 'gro mchod:__pany+tsa a mr-i ta hU~M ho:__pheM pheM:__dpal chen khrag 'thung spyan sngar dam bcas pa'i:__lhag la dbang ba'i ma sring mkha' 'gro ging :__khrag 'thung zhal chab tshogs kyi 'dod yon zhes:__'khor srung rkyen zlog rnam bzhi'i phrin las sgrubs:__ma ma DA ka DA ki nI pra tIts+tsha ba liM ta khA hi:__gsang chen rdo rje'i rigs gcig tu:__smon lam gdab la mthar dbyung ngo :__sa ma ya:__rjes su mchod bstod dngos grub gsol:__oM:__dpal chen lha tshogs dang por rtse gcig bsnyen:__bar du bsgrubs pas ye shes gzi byin bskyed:__deng 'dir gsol zhing bskul ba'i dus lags na:__las dang ye shes dngos grub stsal du gsol:__sngags mthar:__kA ya wA ka tsit+ta sid+hi pha la hU~M:__zhes pas bskul zhing gsol btab nas:__'bar ba'i mar me lhar gsal ba:__gnas gsum reg pas lha tshogs kyi:__gsang gsum byin rlabs sku dang sngags:__ye shes 'od kyi rnam par bstim:__rdo rje'i dngos grub thob par bsam:__nongs pa bshags shing ye shes pa:__thod pa'i sku dang dbyer med bstim:__dam tshig 'khor lo dbyings su bsdu:__thig le nyag gcig ngang du bzhag:__thun mtshams sgyu ma'i phyag rgyar ldang :__dge ba bsngo zhing smon lam gdab:__shis brjod me tog phyogs bcur 'thor:__sa ma ya:__dpal chen khrag 'thung dgongs pa'i gding :__rdo rje ru lu 'bru brgyad kyi:__gzhi rgyud tshogs brgyad rnam dag pa:__ye shes chen po'i ngo bor gnas:__lam dus bde chen mi mo brgyad:__kun 'dus dpal chen phyag rgyar rdzogs:__'byung ba'i sgra kun sngags su sbyar:__dran rtog rgyu dang 'bras bu yi:__yul can dga' ba brgyad kyi sems:__ye shes brgyad kyi srog ldan pas:__nang gi sa la myur bgrod de:__mthar thug 'bras bu'i he ru ka:__rnam thar brgyad dang ldan pa'i bdag:__tshe 'dir 'grub byed myur ba'i lam:__mngon tu spyod pa'i skal ldan gyi:__phyi nang bar chad ldog pa'i mtshon:__rdo rje gzhon nu'i go char bcas:__sngon chad gzhan du ma bstan pa:__zab cing snying por dril ba 'di:__skal ldan mchog gi dpal du shog:__sa ma ya:__rgya rgya rgya:__guh+ya:__brda thim:__sprul pa'i gter chen rig 'dzin grub thob rgya mtsho'i 'khor los sgyur ba 'od gsal sprul pa'i rdo rje'i zhal snga nas gtan la phab rim bzhin:__bka' slob blau gros mtha' yas kyi gus pa chen pos bris pa dge legs 'phel:____d+hI/:___rtsa gsum 'od gsal snying tig las:__khrag 'thung 'dus pa'i dbang chog bzhugs:___d+hI/:___dpal che he ru ka la 'dud:__khrag 'thung 'dus pa'i dkyil 'khor du:__slob ma smin byed cho ga ni:__dben pa'i gnas su stegs bu'i khar:__mtshan ma'i dkyil 'khor dbus nyid du:__rang byung snod mchog ka pA lar:__mar me dgu nyid rten du bsham:__rig 'dzin bla ma'i gtor ma dang :__gdab pa'i phur pa dag kyang dgod:__mchod tshogs bzang pos mtha' bskor la:__bdag dang mdun rten dbyer med par:__he ru ka yi phyag rgyar bsgom:__bzlas pas bskul zhing tshogs mtshon bya:__lha dang rang rig dbyer med pa'i:__don gyi 'jug pas nus pa bskyed:__snod ldan nges par khrus nas dbyung :__bgegs la bka' bsgo srung mtshams bcad:__maN+Dal 'bul zhing gsol gdab ni:__ho:__gsang ba mchog gi dgyes pa na:__thams cad bdag nyid rtag bzhugs pa'i:__he ru ka dpal slob dpon gyis:__bdag cag yongs su smin mdzad gsol:__lan gsum gsol btab rgyud sbyang zhing :__rnam pa gsum gyi dam bca' sbyin:__slob ma yang dag he ru ka:__lus dkyil dang bcas gsal gdab slad:__gtor ma rig 'dzin bla mar gsal:__spy-i bor bzhag cing byin chen dbab:__hU~M:__yang dag grub pa'i rig 'dzin rnams:__chos kyi dbyings nas gnas 'dir gshegs:__bde ba chen po'i byin chen phob:__tha mal snang zhen sbyang du gsol:__oM AHhU~M badz+ra ma hA gu ru sarba sid+d+hi hU~M hU~M:__sa ma ya A be sha ya s+t+waM:__rig 'dzin bla ma'i lha tshogs kyi:__sku gsung thugs las 'od zer 'phros:__slob ma'i sgo gsum sgrib pa sbyangs:__dpal chen khrag 'thung chen po'i sku:__lus dkyil lha dang bcas par bsam:__sgrub rten mar me spy-i bor 'god:__oM:__yang dag grub pa gcig pu ni:__sangs rgyas bde chen kun 'dus pa:__mkha' 'gro sgyu ma bde mchog gi:__rdo rje'i sku yi dbang bskur ro:__oM ru lu ru lu hU~M b+h+yo hU~M:__kA ya sa ma ya a be sha ya s+t+waM:__lhag pa'i lha las gnyis pa thim:__byang chub sems su zhu ba yis:__ye shes chen por byin gyis brlabs:__bde ba'i rgyun gyis dbang bskur bas:__snang stong zung 'jug stogs pa bskyed:__mar me mgrin pa'i gnas su bzhag:__AH__yang dag grub pa gcig pu ni:__sangs rgyas bde chen kun 'dus pa:__mkha' 'gro sgyu ma bde mchog gi:__nus pa gsung gi dbang bskur ro:__sngags mthar:__wA ka sa ma ya A be sha ya s+t+waM:__dpal chen yab yum snyoms zhugs pa'i:__byang sems mgrin pa'i lam nas brgyud:__rtsa khams thams cad khyab pa las:__gsal stong ye shes skyes par bsam:__rjes 'brel bsnyen sgrub las gsum gyi:__dgongs pa dang bcas bzlas lung sbyin:__mar me snying gar bzhag byas la:__hU~M:__yang dag grub pa gcig pu nyid:__sangs rgyas bde chen kun 'dus pa:__mkha' 'gro sgyu ma bde mchog gi:__'od gsal thugs kyi dbang bskur ro:__sngags mthar:__tsit+ta sa ma ya A be sha ya s+t+waM:__dpal chen khrag 'thung sbyor yum las:__gnyis pa spros te slob ma'i yum:__kro d+hI shwa rir dbyer med pas:__snyoms 'jug gsang ba'i sgyu rtsal gyis:__dga' bzhi'i bde chen skyed par bsam:__slar yang mar me snying gar bzung :__hoH__yang dag grub pa gcig pu nyid:__sangs rgyas bde chen kun 'dus pa:__mkha' 'gro sgyu ma bde mchog gi:__'od gsal ye shes dbang bskur ro:__sngags mthar:__dz+nyA na sa ma ya A be sha ya s+t+waM:__gnyug ma'i gnas lugs yang dag pa:__rig stong gnyis su med pa ni:__snang gsal mar me'i brdas mtshon te:__don gyi ye shes skyes par bsam:__mthar ni lha bstim gnyis med bzhag:__dpal chen sku yi gsal snang dang :__kha sbyor rlung bzung 'bar 'dzag gi:__bde bas thabs byas stong nyid ngang :__dbang bzhi'i rtogs pa brtan par mos:__las kyi phur pa lag tu gtad:__hU~M:__srid pa rdo rje phur pa'i lha:__ye shes khro bo'i gzi byin gyis:__las kyi ma mo rgyud bskul nas:__bdud bzhi'i dpung tshogs tshar gcod shog:__oM badz+ra kI li kI la ya sarba big+h+nAn ba~M hU~M phaT:__ma ma sarba sa ma yahU~M hU~M:__sarba big+h+nAn sha trU~M mA ra ya phaT:__phur pa phyogs bcur bsgril byas la:__rdo rje gzhon nu'i thugs ka nas:__'od zer tsha zhing rtsub pa dang :__go rI la sogs brgyad rnams las:__rang rang mdog mtshungs me 'od 'phros:__khams gsum thams cad yongs su gang :__phrin las rnam bzhi lhun gyis grub:__gsang ba'i dgra gsum dbyings su bsad:__'jigs pa'i bdud bzhi rang ngor bcom:__bar gcod 'phrang gsum klong du gsal:__dpal chen badz+ra he ru ka'i:__brtul zhugs spyod pa mthar phyin bsam:__shis pa brjod pa la sogs pa:__rjes kyi rim pa spy-i ltar bya:__sa ma ya:__khrag 'thung galpo'i tan+t+ra yi:__rdo rje'i gleng gzhi nges pa'i don:__smin byed rgyud kyi snying po de:__snying gi bu la gtad rgyas gdab:__sa ma ya:__rgya rgya rgya:__guh+ya:__brda thim:__gter ston grub thob yongs kyi rgyal po 'od gsal sprul pa'i rdo rje'i zhal snga nas gtan la phab rim bzhin tu:__gus slob blo gros mtha' yas kyis bris pa dge legs 'phel/___d+hI/:___rtsa gsum 'od gsal snying tig las:__bdud rtsi bde chen snying po bzhugs:____d+hI/:__bdud rtsi gsang ba'i lha la 'dud:__ma 'ongs pad+ma'i brgyud 'dzin cing :__brtul zhugs mchog gi skal ldan pa'i:__rig pa 'dzin pa'i tshogs rnams kyis:__zab mo'i lam 'di gces par zung :__sa ma ya:__snang zhing srid pa'i chos so cog:__gdod nas rnam dag bdud rtsi lnga:__ma bcos thig le'i snying por rdzogs:__'phel 'grib bral ba'i ye shes che:__lam du byed pa'i rnal 'byor pas:__rang byung dur khrod chen po sogs:__byin rlabs bkra shis dben gnas su:__sgron ma lnga yis chag chag gdab:__gsang ba'i sa la stegs bu bya:__dkyil 'khor mtshan nyid ldan pa'am:__rus chen me tog tshom bu'i dbus:__gsang ba'i bum pa kha sbyar nas:__sha lnga bdud rtsi rnam lnga nang :__rtsa brgyad stong sbyar sman gyis bkang :__mtha' bskor mchod gtor brjid ldan bsham:__bgegs tshogs bskrad cing byin chen dbab:__de ni sta gon rim pa'o:__sa ma ya:___d+hI/:___rtsa gsum 'od gsal snying tig las:__phur pa 'dus pa'i dril sgrub bzhugs:___d+hI/:__dpal chen rdo rje gzhon nur 'dud:__ma 'ongs pad+ma bdag nyid kyis:__byin gyis brlabs pa'i rig pa 'dzin:__'od gsal sprul pa'i rdo rje'i don:__phur pa 'dus pa'i dril sgrub bstan:__sa ma ya:__dben pa'i gnas su stegs bu'i khar:__bsnyen pa'i dam tshig rten nyid du:__mtshan ma rdzas kyi phur pa 'god:__mtha' skor phyi nang mchod pas bskor:__de nas nyams su blang ba la:__sngon 'gro'i dang po skyabs sems ni:__hU~M:__bla ma rdo rje gzhon nu la:__mi phyed gus pas skyabs su mchi:__srid pa phur bu'i dkyil 'khor du:__khams gsum bsgral bar sems bskyed do:__gnyis pa bgegs tshogs mtshams bcad ni:__hU~M:__ngang nyid rdo rje'i chos dbyings las:__phyi nang snod bcud khyab pa yi:__'bar ba'i khro bo mi zad pas:__log 'dren 'byung po mtshams bcad gyur:__hU~M hU~M hU~M:__gsum pa ye shes byin 'bebs ni:__hU~M:__'od gsal chos sku'i pho brang nas:__longs spyod yongs rdzogs dpal chen pos:__gang 'dul sprul pa'i rnam rol gyis:__gnas 'dir byin phob dbang mchog bskur:__oM badz+ra kI li kI li ya hU~M:__sarba sa ma ya a be sha ya A A:__hU~M hU~M hU~M:__bzhi pa mchod gtor byin rlabs ni:__hU~M:__bdag nyid lhar gsal thugs ka nas:__'phros pa'i 'od kyi mchod rdzas kun:__gzung 'dzin mtshan ma las 'das pa'i:__ye shes bdud rtsi'i rol par spel:__oM badz+ra ar+g+haM nas shap+da'i bar dang rU pa shap+da gan+d+he rA sa spar+she ma hA a mr-i ta rak+ta ba liM ta sarba pU dza A hU~M:__sa ma ya:__dngos gzhir dam tshig bskyed pa yis:__srid pa phur bur bsgrub pa ni:__hU~M:__sems kyi rdo rje de bzhin nyid:__kun snang snying rje'i mtshon char 'bar:__rgyu yi ting 'dzin hU~M mthing ka:__de las 'od 'phros snod bcud sbyangs:__klong lnga yum gyi b+ha ga ru:__dur khrod drag po'i gzhal yas khang :__phyi nang mtshan nyid yongs rdzogs dbus:__dregs pa nyi zla pad+ma'i steng :__dbyings dang ye shes dbyer med pa:__rang rig badz+ra ku mA ra:__g.yas dkar g.yon dmar dbus mthing zhal:__bzhad gshe rngams pa'i nyams dang ldan:__phyag drug g.yas kyi dang po gnyis:__rdo rje rtse dgu rtse lnga dang :__g.yon gnyis me dpung kha T+wA~M 'dzin:__tha ma ri rab phur bu bsgril:__khams gsum sku yi dbyings su rdzogs:__dpal dang dur khrod chas kyis brgyan:__zhabs bzhi gyad kyi 'dor stabs bgrad:__sbyor yum 'khor lo rgyas 'debs sngo:__dril bu thod khrag bsnams pas 'khril:__ye shes me dpung klong dkyil na:__gar dgu'i rol pas rnam par bgyings:__snying gar rat+na zur brgyad klong :__rdor sems yab yum thugs dbus su:__rin chen gzhal yas sgo gcig par:__rta mchog rol pa'i phyag rgyas bsrungs:__lte bar nyi ma'i dkyil 'khor steng :__rdo rje rtse lnga hU~M gis mtshan:__'od kyis yab yum snyoms par zhugs:__byang sems hU~M yig sprin 'phro bas:__'khor lo rnam lngar sras mchog dang :__tshigs mtshams khro bo stangs dpyal bcu:__khra thabs nyi shu'i 'khor bcas shar:__sgo bzhir tshad med sgo ma bzhi:__bar mtshams ma mo bcu gnyis sogs:__bka' nyan dam can sprin ltar gtibs:__kun kyang snang stong zung 'jug ngang :__rdo rje gsum gyis rgyas gdab cing :__sangs rgyas thams cad 'dus pa'i skur:__dbang bskur dga' bzhi'i rol mo yis:__ye shes khro bo spyan drangs gyur:__gnyis pa ye shes spyan 'dren shing :__phyag rgya rnam bzhis brtan par bya:__hU~M:__srid pa'i phur bu sgrub pa dang :__dbang dang dngos grub blang ba'i phyir:__ye shes khro bo gshegs su gsol:__khro rgyal 'khor bcas gshegs nas kyang :__rtags dang mtshan ma bstan pa dang :__ki la ya yi dngos grub stsol:__oM badz+ra kI li kI la ya e h+ye hi sarba sa ma ya dza dza:__dza hU~M ba~M hoH__gsum pa brda phyag 'tshal ba ni:__hU~M:__srid pa rdo rje phur bu'i lha:__rang rig byang chub sems su rdzogs:__'khor 'das ro mnyam chos sku'i ngang :__rang zhal mjal ba'i phyag gis 'dud:__badz+ra dz+nyA na sa ma ya ho:__bzhi pa mchod pa 'bul ba ni:__hU~M:__snod bcud 'dod yon rol pa'i sprin:__sman gtor rak+ta gsang ba'i rdzas:__sbyor sgrol zung 'jug chos dbyings che:__mchod pa'i phyag rgya chen por bzhes:__oM shrI badz+ra ku mA ra sa pa ri wA ra ar+g+haM nas spar+she'i bar dang ma hA a mr-i ta rak+ta ba liM ta sta na g+ha na sarba pU dza ho:___lnga pa bstod pa bya ba ni:__hU~M:__rdo rje khros pa'i ting 'dzin gyis:__bar chad bdud dpung 'dul mdzad pa:__he ru ka dpal khrag 'thung lha:__gtso 'khor sprul par bcas la bstod:__drug pa bsnyen cing sgrub pa ni:__bdag nyid thugs srog hU~M yig mthar:__sngags phreng g.yas 'khor 'od zer gyis:__dkyil 'khor lha tshogs gsal bar byas:__mchod bzhes dam bskangs dngos grub thob:__slar yang 'phro 'dus don gnyis sgrub:__snod bcud rdo rje gzhon nu'i zhing :__sgrar grags sngags kyi rang sgrar 'ur:__dran rtog dbyings rig dbyer med pa:__thugs rje chen po'i phur pa yis:__'khor 'das kun la rgyas gdab pas:__bya ba grub pa'i ye shes kyis:__rnam bzhi'i phrin las dbang 'byor bsam:__oM badz+ra kI li kI la ya sarba big+h+nAn ba~M hU~M phaT:__thog mtha' oM dang pha[¿]Ta bzhag nas:__bar na bcu gnyis grong mdzes pa:__phrin las 'dus pa'i snying po ste:__bsnyen sgrub las gsum chig chod yin:__skabs su rno srung spu gri'i sngags:__dmigs pa'i gnad dang sbyar la bzla:__gtso 'khor yongs rdzogs la dmigs nas:__drag po'i hU~M gi snang glu len:__gzung 'dzin zhen pa kun sbyangs par:__sus snang sprul pa'i sku ru 'gyur:__thun mthar mchod bstod dngos grub blang :__nongs pa bshags cing ye shes bsdu:__'od gsal rang las sgyu ma'i skus:__snod bcud dkyil 'khor gsum du sbyangs:__khyad par nang ltar rlung sbyor dang :__'bar 'dzag byang sems phur bu nyid:__rdo rje btsun mo'i mkhar thebs pas:__srog stsol longs spyod rdzogs skur smin:__gsang ba bskyed pa'i lha dang sngags:__rig la byang sems phur par bsdu:__chos dbyings su btab pa yis:__rtogs tshogs don dam chos skur shar:__sa ma ya:__de ltar brtson pas gnas skabs su:__gang brtsams phrin las thogs pa med:__mthar thug rig 'dzin rnam pa bzhir:__brten nas zung 'jug go 'phang 'grub:__rgya rgya rgya:__brda thim:___d+hI/:__rtsa gsum 'od gsal snying tig las:__phur pa 'dus pa'i dbang chog bzhugs:___d+hI/:__dpal chen rdo rje gzhon nur 'dud:__phur pa 'dus pa'i dbang bskur ni:__dben pa'i gnas su dkyil 'khor dbus:__sgrub pa'i phur pa mtshan ldan dang :__rig 'dzin bla ma'i gtor ma bsham:__mdun tu las kyi phur bu bkod:__phyi nang mchod pas mtha' bskor nas:__bdag mdun dbyer med bskyed bzlas bya:__rig pa'i me tog dor bas 'jug:__de nas slob ma khrus nas dbyung :__bgegs bskrad mtshams bcad maN+Dal phul:__me tog dang bcas gsol gdab ni:__hU~M:__thabs kyi spyod pas 'gro don du:__byams dang snying rjai gang 'dul ba:__sangs rgyas phrin las rdzogs mdzad pa:__dbang dang byin rlabs bdag la stsol:__lan gsum gsol zhing rgyud sbyangs la:__gtor ma spy-i bo'i gtsug tu bzhag:__rig 'dzin bla ma'i thugs dam bskul:__hU~M:__rdo rje gzhon nu'i rig 'dzin rnams:__srid pa rdo rjer grub mdzod cig:__srid pa rdo rje phur pa'i lha:__ye shes khro bo grub par mdzod:__oM AHbadz+ra ma hA gu ru sarba sid+d+hi hU~M phaT:__sa ma ya A be sha ya stAM:__brgyud gsum bla ma char ltar babs:__slob ma'i lus la thim pa yis:__phyi nang gzhan gsum dbyer med pa'i:__rdo rje gzhon nu'i skur gyur bsam:__sgrub pa'i phur pa spy-i bor bzhag:__oM:__sangs rgyas kun gyi ye shes sku:__ngang nyid rdo rje chos dbyings las:__'bar ba'i khro bo mi bzad pa:__sku yi dbyig tu dbang bskur ro:__sngags mthar:__kA la sa ma ya A be sha ya s+t+waM:__lhag pa'i lha nyid spy-i bor thim:__snang stong zung 'jug chen po'i ngang :__rigs kyi bdag pos dbur brgyan cing :__bum dbang ye shes skyes par bsam:__sgrub pa'i phur pa mgrin par bzhag:__A:__sangs rgyas kun gyi ye shes gsung :__ngang nyid rdo rje chos dbyings las:__'bar ba'i khro bo mi bzad pa:__gsung gi dbyig tu dbang bskur ro:__sngags mthar:__wA ka sa ma ya A be sha ya s+t+waM:__phur pa'i lha tshogs snyoms zhugs pa'i:__byang sems mgrin pa'i lam nas brgyud:__lus gang dus gsum rtog pa 'gags:__gsang ba'i ye shes skyes par bsam:__rjes 'brel bzlas pa'i lung yang sbyin:__sgrub pa'i phur pa snying gar bzhag:__hU~M:__sangs rgyas kun gyi ye shes thugs:__ngang nyid rdo rje chos dbyings las:__'bar ba'i khro bo mi zad pa:__thugs kyi dbyig tu dbang bskur ro:__sngags mthar:__tsit+ta sa ma ya A be sha ya s+t+waM:__phur pa'i lha yi sbyor yum las:__gnyis pa spros te yum la bstim:__'du shes gsum gyis snyoms zhugs pas:__gsum pa'i ye shes skyes par bsam:__slar yang sgrub phur snying gar gzung :__hrIH__sangs rgyas kun gyi ye shes dbyings:__ngang nyid rdo rje chos dbyings las:__'bar ba'i khro bo mi bzad pa:__ye shes dbyig tu dbang bskur ro:__sngags mthar:__dz+nyA na sa ma ya A ba she ya s+t+waM:__phur ni thabs kyi rgyal po ste:__pa ni shes rab dbyings kyi ngang :__zung 'jug chen por mnyam bzhag pas:__bzhi pa'i ye shes skyes par bsam:__dbang don dgongs pa brtan pa'i phyir:__slar yang sgrub phur spy-i bor bkod:__hU~M:__srid pa'i phur bu sgrub pa dang :__dbang dang dngos grub stsol ba'i phyir:__ye shes khro bo gshegs su gsol:__ye shes khro bo gshegs nas kyang :__rtags dang mtshan ma bstan pa dang :__kI la ya yi dngos grub stsol:__sngags mthar:__kA ya wA ka tsit+ta gu Na karma sa ma ya A be sha ya s+t+waM:__lha tshogs bstim nas gnyis med bsam:__khrag 'thung chen po'i nga rgyal bskyed:__mtha' brten gda' phur lag tu gtad:__hU~M:__bran dang bka' nyan pho nya'i tshogs:__khyod kyi thugs dam dus la bab:__sngon chad tshul bzhin dam bcas pa'i:__mngon spyod phrin las 'grub par mdzod:__drag sngags brjod cing lta gding bskyed:__phur pa phyogs bcur bsgril ba yis:__khams gsum bdud tshogs tshar bcad cing :__srung zlog bsad mnan gzir bskrad sogs:__rab 'byams las kun 'grub par bsam:__thugs kyi phur gcig la brten nas:__teng nge 'dzin gyi dbang bskur ba:__rgyud kyi khong snying phyungs pa ste:__snod ldan bu la gtad do rgya:__sa ma ya:__rgya rgya rgya:__guh+ya:__brda thim:__gter ston grub thob yongs kyi rgyal po 'od gsal sprul pa'i rdo rje'i zhal snga nas gtan la phab rim bzhin tu/__gus slob blo gros mtha' yas kyis bris pa dge legs 'phel/__d+hI/:__rtsa gsum 'od gsal snying tig las:__phur pa 'dus pa'i dril sgrub bzhugs:__d+hI/:__dpal chen rdo rje gzhon nur 'dud:__ma 'ongs pad+ma bdag nyid kyis:__byin gyis brlabs pa'i rig pa 'dzin:__'od gsal sprul pa'i rdo rje'i don:__phur pa 'dus pa'i dril sgrub bstan:__sa ma ya:__dben pa'i gnas su stegs bu'i khar:__bsnyen pa'i dam tshig rten nyid du:__lcags sam drag po'i shing dag las:__mtshan ma rdzas kyi phur pa ni:__dar nag cod pan dang bcas dgod:__mtha' skor phyi nang mchod pa bsham:__de nas nyams su blang ba la:__sngon 'gro dngos gzhi rjes gsum las:__sngon 'gro'i dang po skyabs sems ni:__na mo:__bla ma rdo rje gzhon nu la:__mi phyed gus pas skyabs su mchi:__srid pa phur bu'i dkyil 'khor du:__khams gsum bsgral bar sems bskyed do:__gnyis pa bgegs bskrad srung mtshams ni:__hU~M:__nyon cig bgegs dang logs 'dren rnams:__nga yi bka' las 'da' ma byed:__rdo rje gsang ba'i bka' lung las:__sdig can gang zhig 'da' byed pa:__stobs chen khro bo chen po bcus:__klad pa tshal pa brgya ru khos:__gdug cing sdang sems ldan pa rnams:__song zhig lha min lha yang rung :__nga la bar chad byed pa rnams:__mthu dang rdzu 'phrul med par mdzod:__drag sngags brjodacing thun gyis gzir:__hU~M:__ngang nyid rdo rje'i chos dbyings las:__phyi nang snod bcud khyab pa yi:__'bar ba'i khro bo mi zad pas:__log 'dren 'byung po mtshams bcad gyur:__hU~M hU~M hU~M badz+ra dz+nyA na rak+Sha b+hU~M:__gsum pa ye shes byin 'bebs ni:__hU~M:__'od gsal chos sku'i ngang nyid las:__longs spyod yongs rdzogs dpal chen pos:__gang 'dul sprul pa'i rnam rol gyis:__gnas 'dir byin phob dbang mchog skur:__oM badz+ra kI li kI la ya hU~M:__sarba sa ma ya dz+nyA na a be sha ya a AH__bzhi pa mchod gtor byin rlabs ni:__hU~M:__bdag nyid lhar gsal thugs ka nas:__'phros pa'i 'od kyis mchod rdzas kun:__gzung 'dzin mtshan ma las 'das pa'i:__ye shes 'dod rgu'i sprin du spel:__oM badz+ra ar+g+haM pAd+yaM puSh+pe d+hu pe A lo ke gan+d+he nai wid+ya shab+da sarba pU dza ma hA a mr-i ta rak+ta ba liM ta A hU~M:__sa ma ya:__dngos gzhir tha mal snang zhen gyi:__srid pa phur bur bsgrub pa'i phyir:__dang po dam tshig bskyed pa ni:__ting 'dzin gsum gyis khog phub la:__rten gyi dkyil 'khor chen po'i dbus:__bdag nyid rtsa ba'i dpal chen pos:__rgyu 'bras las bzhengs sgong skyes sbyong :__mtshan ma rdzas dang dbyer med pa'i:__sras mchog rigs lnga ye shes mthus:__skad cig rdzus skyes tshul du shar:__snyoms 'jug mngal 'byin sbyor ba yis:__phyogs bcu khro bo'i dkyil 'khor bskyed:__sgo skyong bka' nyan sngags kyi sgras:__drod gsher skyes kyi bag chags sbyong :__hU~M:__sems kyi rdo rje de bzhin nyid:__snying rje khros par kun tu snang :__mtshon chen rdo rje hU~M yig bcas:__'bar ba'i 'od kyi snod bcud sbyangs:__klong lnga 'byung ba yum gyi mkhar:__dur khrod drag po'i gzhal yas khang :__'bar ba'i mtshan nyid yongs rdzogs dbus:__pad+ma zla nyi bdud bzhi'i steng :__rdo rje hU~M yig yongs gyur las:__bdag nyid dpal ldan rdo rje sems:__dkar gsal rdo rje dril bu 'dzin:__rang 'dra'i yum 'khyud mtshan dper 'bar:__longs spyod yongs rdzogs rigs brgya'i bdag:__zab gsal gnyis med sku ru bzhengs:__oM badz+ra satwa hU~M:__yab yum snyoms zhugs bde ba che'i:__rang gzugs 'od kyi thig ler 'khyil:__de las 'bras bu'i he ru ka:__dpal chen badz+ra ku mA ra:__g.yas dkar g.yon dmar dbus mthing zhal:__gzhad gshe rngams pa'i nyams dang ldan:__mthing nag sku la dpal chas dang :__dur khrod drag po'i chas kyis brjid:__phyag drug g.yas kyi dang po gnyis:__gser gyi rdo rje rtse dgu lnga:__g.yon gnyis me phung kha T+wA~M 'khrol:__tha mas ri rab phur bu 'dril:__khams gsum rdo rje gsum du rdzogs:__zhabs bzhi gyad kyi dor stabs kyis:__pad zla nyi ma bdud bzhi'i steng :__ye shes 'bar 'khrugs me klong 'gying :__sbyor yum 'khor lo rgyas 'debs sngo:__gzig sham rin chen rus rgyan can:__dril bu dung khrag bsnams pas 'khril:__gar dgu'i nyams ldan dpal chen po:__yab yum mnyam sbyor bde ba ches:__ye shes lnga yi rig rtsal 'bar:__de las 'khor lo'i gnas lnga ru:__sras mchog kI la rigs kyi mdog:__phyag gnyis phur 'dril yum dang 'khyud:__sku smad gnam lcags phur bu'i dbal:__pad nyi dregs pa'i gdan la rol:__slar yang snyoms zhugs mkha' gsang nas:__byang sems hU~M gi sprin spros pas:__phyi rol 'khor lo rtsibs bcu'i dbus:__phyogs bcu'i khro bo chen po bcu:__sku mdog dus kyi mun ltar gnag:__zhal gcig phyag gnyis yum dang 'khril:__phur bu 'dril zhing bgegs tshogs gzir:__pad nyi phyogs skyong dregs pa'i steng :__drag me dmar nag dbus na bzhengs:__g.yas g.yon za gsod phra men ma:__khra thabs nyi shu'i sprul pa 'gyed:__sras mchog rigs lnga khro rgyal tshogs:__rdo rje'i gshog brgyangs dur khrod chas:__rab 'jigs khro gtum 'jigs pa'i nyams:__ye shes me phung klong na gsal:__gtso mchog yab yum rol pa'i sgra:__dzaHhU~M ba~M hoHma b+h+yo las:__sgo bzhir gdong can sgo ma bzhi:__bar khyams ma mo bcu gnyis dang :__phyi 'khor dbang phyug nyer brgyad sogs:__bka' nyan dam can sprin ltar gtibs:__kun kyang snang stong zung 'jug sku:__chu zla 'ja' tshon bzhin du gsal:__srid gsum tha mal snang zhen kun:__rdo rje khros pa'i 'khor lor rdzogs:__oM shrI badz+ra kI lA ya sarba maN+Dal AHhU~M:__rjes 'brel byin rlabs dbang bskur ni:__de ltar gsal ba'i gnas gsum du:__zla ba pad+ma nyi ma'i steng :__'bru gsum phyag mtshan yongs gyur las:__rdo rje gsum gyi phyag rgyas mtshan:__de bzhin gshegs pa thams cad kyi:__sku gsung thugs su byin brlab bo:__oM sarba ta thA ga ta kA ya wA ka tsit+ta ad+mA ko\u0f85haM:__gtso bo'i thugs mchog rin po che:__zur brgyad mchong gur lta bu yi:__gzhal med khang pa gnam sgo can:__rta mchog dpal gyis sgo srung mdzad:__dbus su zhi ba rdo rje sems:__'bar ba'i skur bzhengs he ru ka:__rdo rje dung khrag yum dang sbyor:__in+d+ra nI la'i mdangs 'od 'tsher:__rol pa'i 'od kyis dbang gi lha:__spyan drangs byang chub sems kyi chus:__dbang bskur rigs lngas dbur brgyan gyur:__hU~M A+oM trA~M hrI AH_he ru ka a b+hi Shiny+tsa sa ma ya s+t+waM:__slar yang hU~M gi sgra bsgrags pas:__khams gsum nyon mongs dug chen sbyangs:__kun bzang rdor sems skur gyur nas:__ye shes khrag 'thung phyag rgyar thim:__hU~M hU~M hU~M phaT dzaHshrI he ru ka a haM:__gnyis pa ye shes spyan drangs shing \u0f7f__phyag rgyas bstim nas bzhugs su gsol:__hU~M:__srid pa'i phur bu sgrub pa dang :__dbang dang dngos grub blang ba'i phyir:__ye shes khro bo gshegs su gsol:__khro rgyal 'khor bcas gshegs nas kyang :__rtags dang mtshan ma bstan pa dang :__kI la ya yi dngos grub stsol:__oM badz+ra kI li kI la ya sarba sa ma ya e h+ye hi hrIM hrIM pheM pheM:__sa ma ya ho:__sa ma ya s+t+waM:__hU~M:__snying rje'i lcags kyus gnas nas dgug:__byams pa'i zhags pas rten la gzhug:__dga' ba'i sgrog gis dbyer med bcing :__btang snyoms dril bus rab dgyes pa'i:__srid pa rdo rje phur bu'i lha:__dam tshig ye shes dbyer med pa:__'bar ba'i gdan la bzhugs nas kyang :__mchod bzhes dam bskang dngos grub stsol:__dzaHhU~M ba~M hoH__sa ma ya tiSh+Tha lhan:__gsum pa phyag 'tshal mchod bstod ni:__hU~M:__yang dag don du rab zhi yang :__'dul ba'i dbang gis cir yang snang :__'bar ba'i dkyil 'khor lha tshogs la:__gus pa'i brda yis phyag 'tshal lo:__a ti pU ho:__pra tIts+tsha ho:__hU~M:__snod bcud nyer spyod 'dod yon sprin:__sman gtor rak+ta gsang ba'i rdzas:__sbyor sgrol zung 'jug 'od gsal dbyings:__mchod pa'i phyag rgya chen por bzhes:__oM shrI badz+ra ku mA ra ar+g+haM pad+yaM puSh+pe d+hU pe A lo ke gan+d+he ni bid+ya shap+da pany+tsa kA ma gu Na pany+tsa a mr-i ta rak+ta ba liM ta sta na ga Na d+harma d+hA tu pU dza ho:__hU~M:__skra can b+han+d+ha'i snod yangs su:__gdug can bsgral ba'i dmar chen po:__khams gsum khrag gi rgya mtshor bskyil:__dam can pho nya'i tshogs rnams la:__mngon spyod phrin las mdzad phyir 'bul:__sngon chad ji ltar dam bcas bzhin:__gdug pa'i bgegs dang bar chad kun:__mthu dang rdzu 'phrul med par mdzod:__ma hA rak+ta kha kha khA' hi khA hi:__hU~M:__rdo rje khros pa'i ye shes kyis:__bar chad bdud dpung 'dul mdzad pa:__phrin las 'dus pa'i dkyil 'khor lha:__gtso 'khor sprul par bcas la bstod:__bzhi pa 'phro lus:__d+hI/:__rtsa gsum 'od gsal snying tig las:__tshe sgrub 'chi med drwa ba bzhugs:__d+hI/:__tshe dbang rig 'dzin pad+mar 'dud:__bdag gzhan 'chi med sgrub 'dod na:__bkra shis yid 'ong dben gnas su:__maN+Dal tshom bu lnga pa'i steng :__dbus su bcud ldan tshe bum dang :__g.yas g.yon thabs shes dngos grub rjes:__mdun rgyab gtor ma tshe mda' bsham:__de mthar phyi nang mchod pas bskor:__sngon 'gro rtsa ba'i gzhung ltar la:__dngos gzhi'i khyad par bskyed rim ni:__hrI:__skye med de bzhin nyid dbyings ye shes las:__'gags med so sor rtogs pa'i rig mdangs rtsal:__zung 'jug sprul pa'i rgyu mchog hrIHdmar po:__de las 'od 'phros phyogs bcu'i rgyal ba mchod:__'gro kun sgrib sbyangs srid zhi'i tshe bcud bkug:__tshur 'dus phyi snod pad+mo bkod pa'i zhing :__ngo mtshar yon tan du mas brgyan pa'i dbus:__rin chen sna tshogs las grub gzhal med khang :__mtshan nyid yongs rdzogs ye shes 'od lnga'i klong :__pad nyi zla steng rdo rje hrIHyis mtshan:__de nyid yongs gyur skad cig dran rdzogs su:__rang rig rtsa gsum kun 'dus tshe yi lha:__'chi med bde chen skur bzhengs pad+ma 'byung :__dkar dmar mdangs ldan mtshan dpe'i 'od phung 'bar:__zhi 'dzum bcu drug dga' ba'i lang tshos mdzes:__phyag g.yas rdo rje g.yon pas thod bum bsnams:__nye rgyu'i bde ster yum mchog man+dA ra:__dmar gsal chags nyams nu 'bur b+ha ga rgyas:__g.yas pas mda' dar yab kyi mgul nas 'khyud:__g.yon pas zag med bdud rtsis dgyes pa bskyed:__gnyis ka lha rdzas dar gyi na bza' dang :__ut+pal rin chen rus pa'i rgyan gyis spras:__zhabs gnyis rdo rje pad+ma'i skyil krung gis:__snang stong 'ja' zer thig le'i klong na rol:__de ltar gsal ba'i rdo rje lus kyi dkyil:__rtsa gsum 'khor lo lnga ldan gzhal yas dbus:__sprul pa'i rnam rol 'chi med thod phreng lnga:__mtshan dpe'i gzi 'bar ye shes lnga yi mdangs:__g.yas rnams so so'i rigs kyi phyag mtshan dang :__g.yon pas thod pa bdud rtsis gang ba bsnams:__rang 'od yum 'khyud rin chen rus pas brgyan:__rtsa khams dpa' bo mkha' 'gro'i klong na rol:__spy-i bor longs spyod yongs rdzogs tshe dpag med:__dbang mdog zhal gcig phyag gnyis tshe bum 'dzin:__sbyor ba'i yum chen lha mo tsaN+Da lI:__g.yas g.yon mda' dar bum 'dzin yab la 'khril:__de yi spyi bor chos sku snang mtha' yas:__dmar gsal dri med pad+ma rA ga'i mdangs:__thabs shes phyag gnyis mnyam par bzhag pa'i steng :__zung 'jug 'chi med bdud rtsis lhung bzed bsnams:__phyogs bzhir pad nyi bdud bzhi bsnol ba'i dbus:__dbang chen rigs bzhi phyag g.yas gri gug dang :__g.yon pas bdud rtsis gang ba'i b+han+d+ha 'dzin:__rang 'od yum 'khyud khro bo'i cha lugs rdzogs:__sgo bzhir sprul pa'i lha mo mgyogs ma bzhi:__g.yas g.yon mda' dar tshe yi bum pa bsnams:__chags bral pad+ma thabs shes nyi zla'i steng :__dkar ser dmar ljang rdo rje'i gar gyis rol:__gzhan yang rtsa gsum tshe lha rab 'byams kun:__dpag yas til gong kha phye ji bzhin du:__snang la ma grub 'ja' tshon lta bur shar:__rang byung gdan gsum tshang ba'i lha tshogs kyis:__sku bzhi dbyer med ngo bor dbang bskur shing :__gnas gsum 'bru gsum phyag rgyas mtshan pa las:__'od 'phros rang bzhin gnas nas ye shes pa:__ma lus spyan drangs gnyis su med par gyur:__hU~M hrI:__sngon tshe o rgyan d+ha na ko Sha'i gling :__ngo mtshar pad+ma'i snying po'i ze'u 'bru las:__'chi med so sor rtogs pa'i rig mdangs rtsal:__rnam kun mchog ldan mtshan dpe'i phung por shar:__bkra shis brag phug ma rA ti ka ru:__shes rab phyag rgya man+dA ra bar bcas:__dga' ba bzhi sbyor ye shes sgrub pa'i tshe:__yab yum gnyis med tshe yi rig 'dzin brnyes:__skye shi med pa'i 'ja' lus rdo rjer gyur:__dus gsum sangs rgyas kun gyis dbugs dbyungs shing :__'gro la 'chi med stsol ba'i thugs dam can:__bde gshegs yongs 'dus pad+ma thod phreng rtsal:__rab 'byams rtsa gsum rgya mtsho'i 'khor dang bcas:__mos shing gdung bas gnas 'dir spyan 'dren na:__'gags med mkha' la char sprin gtibs pa bzhin:__tshe dbang dngos grub stsol phyir gshegs su gsol:__gang shar snang grags rig pa'i rtog tshogs kun:__lha sngags chos sku'i ngo bor byin phob la:__lus ngag yid la dga' bzhi'i ye shes skyed:__'chi med 'ja' lus rdo rje'i dngos grub stsol:__oM AHhU~M badz+ra gu ru pad+ma dz+nyA na DA ki nI sa pa ri wA ra badz+ra sa ma ya dza dza:__bzhugs gsol la sogs gzhung bzhin la:__bstod cing smon lam gdab pa ni:__hU~M hrI:__chos dbyings so sor rtogs pa'i ye shes las:__bde chen longs spyod rdzogs sku'i rnam rol ni:__gang 'dul sprul pa'i rang gzugs pad+ma 'byung :__sku gsum tshe yi lha la phyag 'tshal bstod:__rig 'dzin bla ma 'chi med thod phreng rtsal:__yi dam yongs 'dus dbang chen he ru ka:__phrin las lhun grub DA ki sde bzhi sogs:__rtsa gsum tshe yi lha la phyag 'tshal bstod:__phung khams sgrib bral kun khyab rdo rje'i sku:__rlung sngags zung 'jug bde chen nA da'i gsung :__rtog tshogs rang grol 'od gsal gnyug ma'i ngang :__'chi med sku gsum go 'phang 'grub gyur cig:__bzlas pa gsung gi rnal 'byor ni:__thugs kar rdo rje thod phreng gi:__snying dbus ye shes sems dpa' ni:__pad+ma drwa ba tshe dpag med:__dmar gsal pad+ma tshe bum 'dzin:__gsang ba ye shes yum dang sbyor:__thugs dbus nyi zla kha sbyor dbus:__hrIHmthar sngags phreng g.yas su 'khor:__de las 'od 'phros dkyil 'khor gyi:__lha tshogs bde stong mchod pas mnyes:__snyoms par zhugs pa'i mkha' gsang nas:__sngags kyi rang sgra sgrogs par bsam:__oM AHhU~M hrI hrIHbadz+ra gu ru pad+ma sid+d+hi puN+ye dz+nyA na A yur sid+d+hi dzaH__slar yang 'od zer snang ba yis:__phyogs dus rgyal ba sras bcas mchod:__'gro kun dus min 'chi ba bsal:__rang dang bsgrub bya'i tshogs rnams kyi:__bla tshe chad nyams yar ba dang :__'byung ba bzhi yi dwangs ma'i bcud:__'khor 'das tshe bsod ye shes kun:__'chi med bdud rtsi'i rnam par bkug:__rigs kyi bdag po yab yum gyi:__sku yi dbyibs brgyud sbyor mtshams nas:__byang chub sems kyi ngo bor zhu:__spy-i bo nas zhugs gnas lnga yi:__'chi med thod phreng rigs lngar thim:__rtsa khams thams cad bde bas khyab:__dbang dang byin rlabs dngos grub thob:__thun mong 'byung lnga'i tshe bcud dang :__khyad par ye shes rnam lnga yis:__'chi med rdo rje'i srog 'grub bsam:__skabs su 'jug gnas ldang ba'i rlung :__'bru gsum sngags dang sbyar la bzla:__srog gi lcags kyus tshe bcud bkug:__kha sbyor rlung bsdam bum can bzung :__'bar 'dzag snyoms 'jug 'od zer gyis:__thun mong mchog gi dwangs ma bsdu:__bde stong zung 'jug thig le'i ngang :__lhan skyes phyag chen don la blta:__skye med nam mkha'i bcud len bya:__de ltar bdun phrag gsum la sogs:__mtshan ma thob kyi bar du bzla:__dus min 'chi ba nges bcom nas:__tshe dbang rig 'dzin mchog thob 'gyur:__sa ma ya:__khyad par rgyun gyi rnal 'byor ni:__dbyings rig zung 'jug 'od gsal ngang :__thod phreng rigs lnga'i thugs ka nas:__'od zer hr-IHyi rnam par 'phros:__brtan g.yo'i tha mal snang zhes sbyangs:__phyi snod pad+mo bkod pa'i zhing :__nang bcud sku gsum tshe yi lha:__sgrar grags rdo rje'i sngags kyi dbyangs:__rtog tshogs blo 'das brjod bral ngang :__'chi med gnyug ma'i srog 'grub gyur:__hrIHhrIHhrIH__dus gsum dus med gcig tu bzla:__gnas skabs sgo gsum sgrib gnyis dag:__mthar thug dwangs ma'i srog 'grub nas:__'chi med go 'phang mngon du 'gyur:__sa ma ya:__thun mtshams tshe 'gugs bskul ba ni:__hrIH__'og min chos dbyings pho brang nas:__nang gsal gzhon nu bum pa'i sku:__snang mtha' yab yum thugs dam bskul:__ka dag gzhi yi tshe bcud khug:__hriH__'gro 'dul rdo rje'i pho brang nas:__bde stong dbyer med thig le'i sku:__pad+ma drwa ba'i thugs dam bskul:__lhun grub lam gyi tshe bcud khug:__hrIH__pad+ma 'od kyi pho brang nas:__'chi med 'ja' lus rdo rje'i sku:__mtsho skyes yab yum thugs dam bskul:__zung 'jug 'bras bu'i tshe bcud khug:__hrIH__bde chen 'khor lo'i dkyil 'khor nas:__snang stong dbyer med rdo rje'i sku:__bud+d+ha thod phreng thugs dam bskul:__chos dbyings ye shes tshe bcud khug:__hrIH__longs spyod 'khor lo'i dkyil 'khor nas:__grags stong dbyer med rdo rje'i gsung :__pad+ma thod phreng thugs dam bskul:__sor rtog ye shes tshe bcud khug:__hrIH__chos kyi 'khor lo'i dkyil 'khor nas:__rig stong dbyer med rdo rje'i thugs:__badz+ra thod phreng thugs dam bskul:__me long ye shes tshe bcud khug:__hrI:__sprul pa'i 'khor lo'i dkyil 'khor nas:__yon tan lhun rdzogs ngo bo nyid:__rat+na thod phreng thugs dam bskul:__mnyam nyid ye shes tshe bcud khug:__hrI:__bde skyong 'khor lo'i dkyil 'khor nas:__gang 'dul phrin las rnam bzhi'i gang :__karma thod phreng thugs dam bskul:__bya grub ye shes tshe bcud khug:__hrI:__rdo rje rigs kyi dkyil 'khor nas:__zhi ba'i phrin las sgrub mdzad pa:__badz+ra dbang chen thugs dam bskul:__dga' ba'i ye shes tshe bcud khug:__hrI:__rin chen rigs kyi dkyil 'khor nas:__rgyas pa'i phrin las sgrub mdzad pa'i:__rat+na dbang chen thugs dam bskul:__mchog dga'i ye shes tshe bcud khug:__hrI:__pad+ma'i rigs kyi dkyil 'khor nas:__dbang gi phrin las sgrub mdzad pa'i:__pad+ma dbang chen thugs dam bskul:__dga' bral ye shes tshe bcud khug:__hrI:__las kyi rigs kyi dkyil 'khor nas:__drag po'i phrin las sgrub mdzad pa'i:__karma dbang chen thugs dam bskul:__lhan skyes ye shes tshe bcud khug:__hrI:__byams pa tshad med dkyil 'khor nas:__sha yi tshe bdag sangs rgyas spyan:__dkar mo mgyogs ma'i thugs dam bskul:__sa yi khams nas tshe bcud khug:__hrI:__snying rje tshad med dkyil 'khor nas:__khrag gi tshe bdag ma ma kI:__ser mo mgyogs ma'i thugs dam bskul:__chu yi khams nas tshe bcud khug:__hrIH__dga' ba tshad med dkyil 'khor nas:__drod kyi tshe bdag gos dkar mo:__dmar mo mgyogs ma'i thugs dam bskul:__me yi khams nas tshe bcud khug:__hrI:__btang snyoms tshad med dkyil 'khor nas:__dbugs kyi tshe bdag dam tshig sgrol:__ljang mo mgyogs ma'i thugs dam bskul:__rlung gi khams nas tshe bcud khug:__hrIH__snang srid 'khor 'das tshe bsod bcud:__rnal 'byor bdag gi sgo gsum dang :__dbyer med sgrub pa'i rdzas la stims:__'chi med rdo rje'i dngos grub stsol:__oM AHhU~M hrI hrIH__badz+ra gu ru pad+ma sid+d+hi puN+ye dz+nyA na A yur sid+d+hi dzaH__AH__srid zhi kun khyab rdo rje'i tshe:__thig le nyag gcig klong du thim:__snang grags rig gsum lha dang sngags:__ye shes rol pas rgyas gdab bo:__kA ya wA ka tsit+ta a yur+dz+nyA na d+harma d+hA tu badz+ra rak+Sha b+h+rU~M:__mchod cing bstod la dngos grub blang :__hU~M hrI:__snang srid 'chi med tshe lha'i zhing du gsal:__bsnyen cing sgrub pas thugs dam gnad nas bskul:__mos shing gdung ba'i yid kyis gsol 'debs na:__dngos grub rnam gnyis stsol ba'i dus la babs:__phung khams rnam dag 'ja' lus rdo rje'i sku:__mi 'gyur tshe yi dngos grub stsal du gsol:__rlung sngags zung 'jug bde chen nA da'i gsung :__'gags med tshe yi dngos grub stsal du gsol:__rtog tshogs rang grol 'chi med gnyug ma'i thugs:__'od gsal tshe yi dngos grub stsal du gsol:__thams cad ro mnyam gzhon nu bum sku'i dbyings:__ye shes tshe yi dngos grub stsal du gsol:__rtsa sngags mthar:__kA ya wA ka tsit+ta A yur+dz+nyA na sarba sid+d+hi pha la ho:__zhes bskul sgrub rdzas gnas gsum gtugs:__'chi med bdud rtsir bsams la myong :__gzhan la tshe yi dngos grub sbyin:__rjes chog rtsa ba'i gzhung ltar bya:__sa ma ya:__'di ni bsnyen sgrub las gsum po:__gcig dril bskyed rdzogs zung 'jug ste:__'chi med sgrub pa'i man ngag mchog:__'bum phrag kun gyi yang snying yin:__rgya rgya rgya:__brda thim:__d+hI/:__tshe sgrub 'chi med drwa ba las:__dbang bzhi ye shes snying po bzhugs:__d+hI/:__tshe dbang rig 'dzin pad+mar 'dud:__'chi med rdo rje'i grong khyer du:__'jug sgo smin byed dbang bzhi'i rim:__dad brtson brtul zhugs ldan pa yi:__skal bzang rnams kyi spyod yul lo:__sa ma ya:__bkra shis yid 'ong dben gnas su:__mkha' 'gro 'du ba'i dus kyi tshe:__stegs bu dmar zlum gru gang ngos:__sin+d+hU ra yis bskyang nul bya:__de steng dkyil 'khor mtshan ma dgod:__phyi nang gsang pa'i sgrub rdzas dang :__tshogs dang mchod pa'i yo byad bsham:__ye shes mthong ba'i slob dpon gyis:__bdag mdun dbyer med bsnyen cing bsgrub:__byin 'bebs ting 'dzin nan du bskyed:__rig pa'i me tog dor ba'am:__ji ltar 'os pa'i tshul gyis 'jug:__snod ldan slob ma khrus nas phyung :__sngon 'gro'i 'jug pa spy-i ltar rjes:__dngos gzhi'i thog mar bum dbang ni:__hrI:__gzhi dbyings gzhon nu bum sku'i dkyil 'khor du:__gzhi snang rig pa ye shes lha tshogs shar:__zung 'jug thugs rje bdud rtsis dbang bskur bas:__'chi med rdo rje'i sku ru 'grub par shog:__rtsa sngags dang :__kA la sha kA ya a b+hi Shiny+tsa oM:__spro na rig pa'i dbang lnga sogs:__ye shes thig le ji bzhin la:__gtso 'khor yongs rdzogs lha dbang bskur:__mtha' brten tshe bcud 'gugs shing bstim:__gsang rdzas byang sems mgrin par bzhag:__hrI:__bde ba chen po pad+ma thod phreng dang :__stong nyid shes rab man+dA ra ba yum:__gnyis med mnyam sbyor byang sems 'di byin pas:__las rlung ye shes khams su gnas 'gyur shog:__rtsa sngags dang :__bo d+hi tsit+ta wA ka a b+hi Shiny+tsa A:__rjes 'brel sngags kyi bzlas lung dang :__mtha' brten tshe yi bdud rtsi sbyin:__hrI:__thabs mchog 'od zer rnam lnga'i rig mdangs kyis:__'khor 'das tshe dang ye shes bsdus pa'i bcud:__shes rab myong grol bdud rtsi 'di byin pas:__'chi med rig 'dzin 'grub pa'i dbang thob shog:__rtsa sngags dang :__wA ka a b+hi Shiny+tsa AH__mtshan ldan gzungs ma byin brlabs gtad:__hrI:__lhan skyes ye shes 'byung ba'i gnas gcig pu:__yid 'ong sna tshogs gzugs can 'di gtad pas:__bde stong rnam kun mchog ldan 'od gsal ngang :__zung 'jug gnyug ma'i gnas lugs mngon gyur shog:__rtsa sngags dang :__pra dz+nyA dz+nyA na tsit+ta a b+hi Shiny+tsa hU~M:__mtha' brten tshe yi ril bu sbyin:__hrI:__srid dang zhi ba'i dwangs bcud 'dus pa'i dngos:__'chi med bdud rtsi'i ril bu 'di byin pas:__rtsa rlung thig le'i sgrib gnyis kun zhi nas:__dga' bzhi'i ye shes rtag tu rgyas par shog:__rtsa sngags dang :__tsit+tA a b+hi Shiny+tsa hU~M:__shel dang me long rtags kyi brdas:__ka dag lhun grub don ngo sprad:__hrIH__ka dag spros pa bral ba'i ye shes las:__lhun grub snang ba rnam bzhi'i dkyil 'khor shar:__dbyings rig dbyer med chen por dbang bskur bas:__chos zad blo 'das go 'phang mngon gyur shog:__rtsa sngags dang :__dz+nyA na d+ha tu kA ya wA ka tsit+tA a b+hi Shiny+tsa hrI:__spro na dbang bzhi so so'i mthar:__rang rang lam gyis srid dang zhi'i:__tshe bcud bsdu ba'i dmigs pa sbyin:__mtha' brten gtor ma spy-i bor bzhag:__hrI:__ngo bo 'od gsal chos sku snang mtha' yas:__rang bzhin bde stong longs sku tshe dpag med:__thugs rje 'chi med pad+ma thod phreng sogs:__rab 'byams rtsa gsum tshe yi lha tshogs kyis:__deng 'dir skal ldan khyod la dbang bskur bas:__bla tshe chad nyams yar ba rang sor chud:__srid dang zhi ba'i tshe bcud dbu mar thim:__sgo gsum 'chi med gnyug ma'i srog 'grub shog:__rtsa sngags dang :__kA ya wA ka tsit+tA gu Na karma ba liM ta sarba sid+d+hi a b+hi Shiny+tsa hU~M AH__rjes su tshe bcud rgyas gdab cing :__sgrib gnyis g.yul las rgyal ba'i slad:__shis pa'i rdzas kyis mnga' yang gsol:__me tog char 'bebs rol mo 'khrol:__dga' ston tshogs kyi 'khor lo sogs:__rtsa ba'i gzhung dang mthun par spyad:__gzhan du thun mong rigs can la:__bum dbang rjes 'brel bcas pa dang :__gong ma rnams kyi mtha' brten sbyar:__sa ma ya:__de ltar rtsa gsum kun 'dus pa:__'chi med drwa ba'i dkyil 'khor du:__smin byed dbang bzhi'i rim pa 'dis:__mthar thug ye shes snying por sbyor:__gnas skabs dus min 'chi ba dang :__rtsa rlung thig le'i gegs kun zhi:__rdo rje'i tshe la dbang thob pa'i:__rig pa 'dzin pa'i gzugs su 'gyur:__de phyir 'chi med sgrub pa'i thabs:__bye ba phrag brgya'i yang snying 'di:__'das dus mA ra tI ka ru:__rig 'dzin DA ki rnams la bstan:__ma 'ongs lnga brgya'i tha ma la:__bdag gis byin rlabs rnal 'byor pa:__'od gsal sprul pa'i rdo rje'i don:__rig pa dbyings kyi sgrom bur sbas:__nam zhig rten 'brel dus babs tshe:__sngon gyi smon lam lhan cig pa'i:__chos bdag skyes bu'i tshogs la sogs:__'brel tshad don dang ldan par shog:__rgya rgya rgya:__brda thim:__d+hI/:__tshe sgrub 'chi med drwa ba las:__byin 'bebs ye shes mchog stsol bzhugs:___hrI:__byin chen ngo mtshar 'og min mchog gi zhing :__spros bral chos dbyings rdo rje'i pho brang nas:__thog ma'i mgon po kun bzang tshe yi lhas:__gnas 'dir byin phob 'chi med dngos grub stsol:__hrI:__byin chen ngo mtshar bde stong mchog gi zhing :__nges pa lnga ldan longs sku'i pho brang nas:__tshe bdag bcom ldan rgyal ba rigs mchog lngas:__gnas 'dir byin phob 'chi med dngos grub stsol:__hrI:__byin chen ngo mtshar 'gro 'dul mchog gi zhing :__lho nub zangs mdog dpal ri'i pho brang nas:__rtsa gsum kun 'dus pad+ma thod phreng gis:__gnas 'dir byin phob 'chi med dngos grub stsol:__hrI:__byin chen ngo mtshar dur khrod mchog gi zhing :__dbang dang drag shul rol pa'i pho brang nas:__yi dam yongs 'dus dbang chen he ru kas:__gnas 'dir byin phob 'chi med dngos grub stsol:__hrI:__byin chen ngo mtshar 'od gsal mchog gi zhing :__dag pa rab 'byams sku gsum pho brang nas:__rtsa gsum chos srung rgya mtsho'i tshogs rnams kyis:__gnas 'dir byin phobs 'chi med dngos grub stsol:__hrI:__byin chen ngo mtshar phrin las mchog gi zhing :__tshad med rnam bzhi rol pa'i pho brang nas:__sprul pa'i las mdzad lha mo mgyogs ma bzhis:__gnas 'dir byin phobs 'chi med dngos grub stsol:__hrI:__phyi snod dag pa rdo rje'i 'og min che:__'chi med pad+ma drA bar byin phob cig:__nang bcud 'gro kun gdod nas lha yi sku:__rtsa gsum rgya mtsho'i ngo bor byin phob cig:__sgrar grags gzhom med rdo rje'i sngags kyi sgra:__grags stong nA da'i dbyangs su byin phob cig:__rtog tshogs rang grol ka dag gnyug ma'i gshis:__gdod nas 'pho 'gyur bral bar byin phob cig:__dbyings rig zung 'jug lhun grub snang bzhi'i ngang :__'ja' lus rdo rje'i sku ru byin phob cig:__thams cad ro mnyam gzhon nu bum sku'i klong :__'khor 'das dbyer med chen por byin phob cig:__oM AHhU~M hrIHhrIHbadz+ra gu ru pad+ma sid+d+hi puN+ye dz+nyA na A yur sid+d+hi dza:__sarba sa ma ya a be sha ya a A:__hU~M hU~M hU~M:__d+hI/:__rtsa gsum 'od gsal snying tig las:__phag mo dkar mo'i sgrub thabs ye shes snang ba bzhugs:__d+hI/:__rtsa gsum yongs 'dus lha la 'dud:__bcom ldan badz+ra bA ra hi'i:__zab mo'i rnal 'byor la brten nas:__ye shes snang ba rgyas 'dod pas:__dben pa'i gnas su 'di ltar bsgom:__sa ma ya:__hrI:__stong pa nyid dang snying rje che:__zung 'jug ba~M yig dkar po las:__'od 'phros snod bcud dbyings su sbyangs:__tshur 'dus skad cig dran rdzogs su:__rang rig bcom ldan wA ra hI:__zhal gcig phyag gnyis sku mdog dkar:__phyag g.yas rdo rje'i gri gug 'phyar:__g.yon pas thod khrag thugs kar bsnams:__mchan khung kha T+wA~M rtse gsum mtshan:__spy-i gtsug phag zhal ngur sgra sgrogs:__dar dang rin chen rus pa'i brgyan:__khro 'dzum chags nyams mtshan dper 'bar:__zhabs gnyis brkyang bskum gar stabs kyis:__pad nyi bam ro'i snying gar rol:__dam tshig ye shes dbyer med pa:__snang stong zung 'jug chen po'i ngang :__thugs kar nyi zla kha sbyor dbus:__hrI mthar sngags phreng g.yon du 'khor:__'od kyis phyogs bcu'i rgyal kun mchod:__khams gsum 'gro ba'i sgrib gnyis bsal:__srid zhi'i shes rab ye shes bcud:__bdud rtsi'i rnam par spyan drangs nas:__lus ngag yid la thim pa yis:__spobs pa'i gter mdzod grol bar bsam:__oM ba~M badz+ra wA ra hI pa dz+nyA dz+nyA na sarba sid+d+hi hrIM dza:__bdun phrag gsum du bzlas pa yis:__dngos nyams rmi lam sna tshogs su:__nyi zla shar dang bdud rtsi 'thung :__me tog char 'bebs rol mo sgrogs:__khrus byas gos dkar gyon pa sogs:__dge zhing shis pa'i rtags mtshan 'byung :__de tshe dngos grub blang bar bya:__sa ma ya:__khyad par rdzogs pa'i rim pa ni:__khams gsum snod bcud rim gyis bsdu:__'od gsal ye shes chen por 'jug:__de las slar yang gnyug ma'i lha:__'ja' tshon shar ba lta bur ldang :__sku dbus drang por rtsa dbu ma:__sbom phra mda' smyug tsam pa la:__g.yas g.yon ro rkyang gnyis dang bcas:__'khor lo rnam bzhi rab tu gsal:__snying gar dwangs ma'i thig le'i dbus:__ye shes lnga ldan ba~M yig bsgom:__me rlung sbyor bas bde drod bskyed:__bdud rtsi'i bcud kun ba~M la bstim:__rlung yid rig pa gcig dril nas:__lhan skyes bde stong ngang du bzhag:__'di nyid bsgoms pa tsam gyis kyang :__mchog gi dngos grub tshe 'dir 'grub:__sa ma ya:__slob ma rjes su gzung ba ni:__bdag mdun dbyer med bskyed cing bzlas:__sngon 'gro'i 'jug pas rgyud sbyangs nas:__dngos gzhir bum pa spy-i bor bskur:__hrI:__stong nyid bum pa'i dkyil 'khor du:__bde chen ye shes DA ki shar:__zung 'jug bdud rtsi'i dbang bskur bas:__rdo rje'i gzugs sku mngon 'gyur thog:__rtsa sngags dang :__kA ya a b+hi Shiny+tsa oM:__snyoms 'jug byang sems bdud rtsi sbyin:__hrI:__e dbyings bde mchog he ru ka:__wa~M yig rdo rje btsun mor sbyar:__srid pa dag byed bdud rtsi'i chu:__'thungs shig 'thungs shig dpa' bo che:__rtsa sngags dang :__guh+ya a mr-i ta ma hA su kha ho:__sin+d+hU ra ni snying gar byugs:___hrIH__rtags kyi thig le 'di btab pas:__don dam rdo rje'i pho nya mo:__kun rdzob sna tshogs gzugs can gyi:__bde mchog bde ba'i rol par spyod:__rtsa sngags dang :__dz+nyA na karma mu dra ho:__de las skyes pa'i ye shes la:__rig stong gnyug mar ngo sprod gdab:__hrI:__ltos shig skal ldan snying gi bu:__bltas pas mthong med bde ba che:__rang rig badz+ra wA ra hI:__ka dag lhun grub zung du 'jug:__rtsa sngags mthar:__dz+nyA na badz+ra d+harma d+hA tu a a a:__zhes brjod dgongs pa dbyings la gtad:__sa ma ya:__ji lta ji snyed ye shes kyi:__snang ba rtag tu rgyas 'dod na:__mthar thug don gyi sgrub pa 'di:__snying gi dbus su gces par zungs:__rgya rgya rgya:__d+ha thim:__d+hI/:__/rtsa gsum 'od gsal snying tig las:__phag mo dkar mo'i tshe sgrub bzhugs:___d+hI/:__'chi med rtsa gsum lha la 'dud:__bde chen dkar mo la brten nas:__tshe dang ye shes sgrub 'dod na:__'chi med tshe yi rdzas dang ni:__gtor ma mchod tshogs ci 'byor bsham:__bdag nyid lhar snang gsal brtan ngang :__thugs kar 'chi med tshe dpag med:__dkar gsal mnyam bzhag tshe bum rgyas:__rang 'od yum 'khyud longs sku'i chas:__mtshan dpe'i gzi brjid dpal du 'bar:__de'i thugs dbus thabs shes rab:__nyi zla'i ga'u kha sbyor dbus:__zung 'jug hrIHyig kar po'i mthar:__sngags kyis 'khor las 'od zer 'phros:__rang gi bla tshe chad nyams dang :__'khor 'das dwang bcud 'chi med kyi:__bdud rtsi'i rnam par ba~M la thim:__rdo rje'i ye shes srog 'grub gyur:__oM ba~M badz+ra wA ra hI pra dz+nyA dz+nyA na sarba sid+d+hi hrIM dzaH__badz+ra A yu She swA hA:__'bum phrag bzhi bzlas 'chi med 'grub:__thun mtshams tshe 'gugs brgyud bskul ni:__mda' dar g.yab cing gdung shugs bskyed:__oM:__me long lta bu'i ye shes las:__phyag rgya'i gzugs su rang shar ba:__bde chen dkar mo tshe yi lha:__'bum phrag yangs pa'i 'khor dang bcas:__rtse gcig gus pas bsgrub lags na:__thugs rje thugs dam rtsal chen phyungs:__pho nya sprul pa mkha' khyab spros:__bdag gzhan bla tshe chad yar dang :__'khor 'das srog gi dwangs ma'i bcud:__'chi med bdud rtsi'i rnam par bsdus:__bdag dang sgrub pa'i rdzas la bstims:__bla srog chad nyams rang sor chud:__'gyur ba med pa rdo rje'i sku:__gzhom du med pa gnyug ma'i srog:__mi phyed rgyun gyis rtag pa yi:__ye shes chen po'i dngos grub stsol:__oM ba~M badz+ra wA ra hI pra dz+nyA dz+nyA na sarba sid+d+hi hrIM dzaH__badz+ra A yu She swA hA:__bskul ba'i mthar:__AH__srid zhi'i dwang bcud snying dbus kyi:__mi shig thugs srog lha la thim:__rdo rje'i go chas rgyas gdab pas:__'pho med gnyug ma'i srog 'grub shog:__dz+nyA na badz+ra rak+Sha rak+Sha b+h+rU~M:__rang nyid dngos grub blang ba'am:__gzhan la tshe yi dbang bskur na:__khrus byas bgegs phral srung 'khor bsgom:__maN+Dal 'bul zhing gsol ba gdab:__hoH__bde chen ye shes snang ba can:__khyab bdag rdo rje btsun mo dang :__dbyer med dpal ldan bla ma yis:__tshe dang ye shes dbang mchog stsol:__rgyud sbyangs lhar bskyed byin chen dbab:__tshe 'gugs bskul zhing dngos grub gsol:__de nas 'brang rgyas spyi bor bzhag:__oM:__mi 'gyur rtag pa'i ye shes sku:__bde gshegs tshe yi dbang bskur bas:__lus kyi sgrib pa kun dag nas:__'pho med rdo rje'i sku 'grub shog:__kA ya a b+hi Shiny+tsa oM:__tshe yi bdud rtsi mgrin par sbyin:__AH__'gags med nA da'i ye shes gsung :__pad+ma tshe yi dbang bskur bas:__ngag gi sgrib pa kun dag nas:__mi phyed rdo rje'i gsung 'grub shog:__wA ka a b+hiny+tsi AH__ril bu snying gar gtugs shing sbyin:__hU~M:__'od gsal gnyug ma'i ye shes thugs:__rdo rje tshe yi dbang bskur bas:__yid kyi sgrib pa kun dag nas:__mkha' khyab rdo rje'i thugs 'grub shog:__tsit+ta a b+hi Shiny+tsa hU~M:__de ltar dbang dang dngos grub blangs:__bdud rtsis lus kyi nang gang bas:__tshe dang ye shes mchog 'grub cing :__dwangs ma snying dbus hrIHla thim:__mi phyed rdo rje'i srog thob bsam:__bden pa'i tshig bcas rgyas gdab cing :__shis pa brjod cing me tog 'thor:__des ni dus min 'chi ba zhi:__tshe bsod ye shes 'phel bar 'gyur:__sa ma ya:__shin tu yang zab gsang ba'i bcud:__rdo rje gsum du bsgrub pa'i thabs:__'dis kyang skal bar ldan pa rnams:__'chi med ye shes 'grub par shog:__sa ma ya:__rgya rgya rgya:__guh+ya:__d+ha thim:____d+hI/:__rtsa gsum 'od gsal snying tig las:__bka' srung mchod gsol rdo rje'i drwa ba bzhugs:___d+hI/:__dpal chen he ru ka la 'dud:__ma 'ongs 'od gsal gsang ba'i lam:__mngon du spyod pa'i skal ldan rnams:__rgyud gsum dregs pa'i gsol mchod 'di:__snying gi thig ler gces par zungs:__sa ma ya:__de yang shin tu dben pa'i gnas:__dur khrod drag po'i gzhal yas su:__phyi nang gsang ba'i rten rdzas mdun:__b+han+d+har bshos bu zur gsum pa:__gtso 'khor so so'i grangs mnyam dang :__mtha' mar theb kyu sha khrag snying :__dgra bo'i rU pa bcas pas bskor:__gzhan yang mthun pa'i dam tshig rdzas:__gtsang zhing mdzes pas mdun bdar te:__rang nyid skad cig dpal chen po'i:__gsal snang rdzogs pa'i nga rgyal ngang :__mchod gtor ye shes bdud rtsir brlab:__de nas dam tshig bskyed pa ni:__hU~M:__rang mdun khrag mtsho rba rlabs 'khrugs pa'i klong :__keng rus thod mkhar 'jigs su rung ba'i dbus:__pad+ma nyi steng hU~M yig mthing nag las:__'od 'phros rgyud gsum dregs pa'i srog snying 'phrog:__tshur 'dus yongs gyur skad cig dran rdzogs su:__dpal ldan ye shes mgon po ma ning nag:__char sprin mdog can srin po khros pa'i nyams:__zhal gcig phyag gnyis g.yas pas ru mtshon phyar:__g.yon pas dam nyams snying dang zhags pa bsnams:__'khor 'das snang srid sku'i dbyings su rdzogs:__spyan gsum me 'bar ral pa sbrul du g.yo:__thod skam dbu rgyan thod rlon do shal 'chang :__dar nag ber gsol ber chen sked par btsugs:__zhabs gnyis g.yon brkyang log 'dren snying gar brdzis:__'khor du dpal ldan mgon po sde lngar bcas:__srid dang zhi ba'i che btsan gcig tu bzhengs:__g.yas su tri las gza' mchog rA hu la:__dud ka'i mdog 'chang dbu dgu bya rog gdong :__rab 'jigs phyag bzhi 'bar ba'i spyan stong g.yo:__dang pos chu srin rgya mtshan sbrul zhags dang :__lhag ma rnam gnyis rwa yi mda' gzhu 'gengs:__sku smad sbrul 'jug rgya mtsho'i klong du 'khyil:__'khor du gza' gdong rgyu skar tshogs kyis bskor:__g.yon du trag las sngags srung ral gcig ma:__mthing nag zhal gcig spyan gcig mche ba gcig:__brang na nu gcig bdud rtsi'i bcud kyis gtams:__phyag g.yas dam nyams tsit+ta zhal du gsol:___g.yon pas lcags spyang mgo dgu khra thabs 'gyed:__zhabs gnyis 'dor stabs ba~M ro'i snying gar rol:__'khor du snang srid ma mo'i tshogs kyis bskor:__gzhan yang sde brgyad dregs pa'i dmag dpung tshogs:__khro gtum 'bar 'khrugs log 'dren 'byung po'i gshed:__de ltar gsal ba'i gtso 'khor thams cad kyi:__gnas gsum dam tshig phyag rgyas mtshan pa las:__'od 'phros rang bzhin gnas nas ye shes pa:__ma lus spyan drangs gnyis su med par gyur:__gnyis pa ye shes spyan 'dren ni:__hU~M b+h+yo:__rang bzhin chos kyi dbyings las ma g.yos kyang :__gdug pa 'dul phyir khro bo'i skur sprul pa:__gnyis med ye shes mgon po ma ning nag:__bde chen sgyu ma'i rnam rol rA hu la:__shes rab dbyings kyi phyag rgya sngags srung ma:__snang srid dregs pa'i dmag dpung 'khor dang bcas:__sangs rgyas bstan pa gnyan po srung ba'i phyir:__dur khrod drag po'i gnas 'dir gshegs su gsol:__oM shrI ma hA kA la ke ta ke ta rA hu la ma ma trag rak+sha aHyaHmaHduHruHtsaHshaHnaHsarba sa ma ya dza dza:__gsum pa bzhugs su gsol ba ni:__hU~M:__dam tshig nyams pa'i srog gi mdangs 'phrog cing :__dam ldan rnal 'byor phrin las bsgrub slad du:__rab 'jigs 'od zer 'khrugs pa'i gzhal yas 'dir:__dpal mgon lcam dral 'khor bcas dgyes par bzhugs:__dzaHhU~M ba~M hoHsa ma ya tiSh+Tha lhan:__bzhi pa brda phyag 'tshal ba ni:__hU~M:__dran pa tsam gyis dgra dang bgegs kyi tshogs:__ma lus 'dul mdzad dpal 'bar he ru ka:__lcam dral bka' sdod 'khor dang bcas pa la:__sgo gsum gus pa'i tshul gyis phyag 'tshal lo:__a ti pU ho:__pra tIts+tsha ho:__lnga pa mchod gtor 'bul ba ni:__hU~M b+h+yo:__yul dang dbang por 'brel ba'i rtog tshogs kun:__'od gsal dbu ma'i dbyings su bsgral ba las:__phyi nang gsang ba rmad byung mchod pa'i sprin:__dpag med nam mkha' khyab pas mnyes gyur cig:__oM shrI ma hA kA la sa pa ri wA ra ar+g+haM nas shap+da'i bar dang ru pa shap+da gan+d+he rA sa spar she ma hA pany+tsa a mr-i ta rak+ta ga Na tsakra sarba pU dza hoH__oM shrI ma hA kA la ke ta ke ta rA hu la ma ma trag rak+sha aHyaHmaHduHruHtsaHshaHna sarba sa ma ya i daM ba liM ta kha kha khA hi khA hi:__drug pa gnad nas bskul ba ni:__mdun bskyed thugs kar nyi ma'i steng :__rang srog sngags kyi phreng bas bskor:__bdag nyid dpal chen he ru ka'i:__phyag rgya gnyen po'i 'od zer gyis:__rig pas dam tshig rgyud bskul te:__sprul dang yang sprul bka' nyan bcas:__srid gsum khyab pa'i tshogs spros nas:__phrin las rnam bzhi bsgrub par bsam:__oM shrI ma hA kA la ke ta ke ta rA hu la ma ma trag rak+sha sarba sa ma ya hU~M b+h+yo hU~M:__mtshan ma'i rtags dang sbyar la bzla:__bdun pa skong shing bshags pa ni:__hU~M b+h+yo:__dur khrod khrag mtsho 'khrugs pa'i gzhal yas 'dir:__dpal mgon 'khor bcas dgyes pa skyed pa'i rdzas:__dngos yid las byung sna tshogs mchod sprin che:__nam mkha' mdzod kyi 'khor bcas thugs dam bskang :__dgra bgegs bsgral ba'i khrag gi mchod yon dang :__dbang po'i me tog sha gsur bdug pa'i sprin:__zhun chen mar me mkhris pa'i dri chab mtsho:__rkang gling thod pa'i rnga sgras thugs dam bskang :__phyi nang gsang ba'i rten rdzas bla rdo dang :__gang bzhed de ngor 'char ba'i 'dod yon lnga:__snang srid gzhir bzhengs phyag rgya'i dam tshig gis:__gang shar bde ba chen por thugs dam bskang :__rtsa khams dbu mar sbyar ba'i a mr-i ta:__bdag 'dzin dbyings su bsgral ba'i dmar chen po:__snod bcud sha khrag rus pa'i gtor ma'i tshogs:__bla med gsang ba'i rdzas kyis thugs dam bskang :__snang grags dkyil 'khor 'khor lo'i rol pa shar:__sgo gsum thig le chen po'i klong du rdzogs:__cir snang ye shes mchog gi grong khyer du:__blang dor 'khrul pa zad pas thugs dang bskang :__don dam bde gshegs snying po'i gnas lugs la:__bshags dang bshags bya'i spros mtshan las 'das kyang :__kun rdzob sgyu ma lta bu'i rnam rol gyis:__dam tshig nyams chag thams cad mthol zhing bshags:__gnas skabs gang 'dul phrin las sna tshogs kyis:__bstan dang 'gro ba'i phan bde rgyas pa dang :__mthar thug zab gsang snying po'i nye lam nas:__sku bzhi'i go 'phang 'grub pa'i dngos grub stsol:__yi ge brgya pa brjod:__brgyad pa bstod cing bskul ba ni:__hU~M b+h+yo:__skye ba med las skye ba'i cho 'phrul ni:__nam mkha'i mdog can srin po khros pa'i gzugs:__phyag gnyis thabs shes ru mtshon snying zhags bsnams:__he ru kaHdpal 'bar ba khyod la bstod:__spyan gsum dmar zlum me dang mnyam sbyor bas:__log 'dren bgegs kyi tshogs kun sreg mdzad cing :__yid bzhin 'dod pa 'jo ba'i beng chen las:__rnal 'byor dngos grub stsol mdzad khyod la bstod:__thabs kyi phyag rgya gtum drag 'bar ba'i sku:__pho rgyud dregs pa'i tshogs la dbang bsgyur zhing :__srid gsum zil gnon nyams pa'i srog gi gshed:__drang srong chen po sgra gcan 'dzin la bstod:__shes rab rdo rje btsun mo'i sgyu ma ni:__snang srid ma mo'i rje mor yongs shar ba:__snying tig gnyan po'i bka' srung rgya mtsho'i gtso:__dpal 'bar e ka dza TI khyod la bstod:__don dam chos kyi dbyings las ma g.yos kyang :__rnam pa khro chags sgeg pa'i sgyu 'phrul gyis:__bstan dgra tshar gcod rnal 'byor bu bzhin skyong :__dpal mgon lcam dral 'khor dang bcas la bstod:__hU~M b+h+yo:__sngon tshe 'og min chos dbyings pho brang du:__che ba'i che mchog kun bzang he ru kas:__bka' bsgos dam bzhag bstan srung rgya mtsho'i tshogs:__spros bral bde ba chen po'i klong nas bzhengs:__dug gsum dgra bgegs bsgral ba'i sha khrag rus:__zag med bdud rtsi'i mchod gtor 'di bzhes la:__ji ltar khas blangs g.yar dam bcas pa bzhin:__rnal 'byor bdag gi bcol ba'i phrin las sgrubs:__gnas skabs nad gdon nyer 'tshe zhi ba dang :__tshe bsod dpal 'byor snyan pa'i grags pa spel:__mi dang mi min tshogs rnams dbang du sdus:__dgra bgegs 'byung po rtsad nas brlag par mdzod:__khyad par 'gro la phan bde 'byung ba'i gzhi:__bshad sgrub bstan pa yun ring gnas pa dang :__'od gsal snying po'i lam la zhugs pa rnams:__zag bcas 'od skur 'grub pa'i phrin las mdzod:__phyi ru snang srid klong lnga sprul pa'i zhing :__nang ltar mi shigs lhan skyes bde ba che:__gzhan du bskyed rdzogs zung 'jug chen po'i dbyings:__he ru ka:dpal go 'phang myur 'grub mdzod:__mdor na yid la smon pa'i don rnams kun:__bum pa bzang dang dpag bsam nor bu ltar:__dbang drag zhi bar rol pa'i phrin las kyis:__thogs med myur ba nyid du 'grub par mdzod:__ces brjod phud gtor gtsang sar phul:__ye shes gshegs shing dam tshig bsdu:__spros bral thig le chen po'i klong :__mnyam par bzhag pas las kun 'grub:__sa ma ya:__ye shes las grub chos srung kun:__rgyud gsum dregs pa'i tshogs su 'du:__de yang rig stong zung 'jug dbyings:__'du 'bral med par gdod nas rdzogs:__rgya rgya rgya:__brda thim:__