JKW-KABAB-12-NA-019

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs rje chen po don gsal sgron me las las byang rin chen phreng ba
Location	mkhyen brtse'i bka' babs Volume 12, Text 19, Pages 567-587 (Folios 1a to 11a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འགྲོ་འདུལ་ལས་འཕྲོ་གླིང་པ་, འཇམ་དབྱངས་མཁྱེན་བརྩེའི་དབང་པོ་ ('gro 'dul las 'phro gling pa, 'jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. thugs rje chen po don gsal sgron me las las byang rin chen phreng ba. In Rdzong sar 'jam dbyangs mkhyen brtse'i dbang po'i bka' babs, Vol. 12: 567-587. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Activity Manual - las byang  ·  Revelations - gter ma
Cycle	ཐུགས་རྗེ་ཆེན་པོ་དོན་གསལ་སྒྲོན་མེ་ (thugs rje chen po don gsal sgron me)
Deity	thugs rje chen po
Karchag page	JKW-KABAB-Volume-12-NA-Karchag
RTZ	In the Rinchen Terdzö: https://rtz.tsadra.org/index.php/Terdzo-'A-019
Colophon	Treasure colophon: བདག་འདྲ་མཁར་ཆེན་མཚོ་རྒྱལ་ངས༔ བླ་མེད་དོན་གསལ་སྒྲོན་མེ་ཡི༔ ལས་བྱང་རིན་ཆེན་ཕྲེང་བ་འདི༔ ཨོ་རྒྱན་པདྨའི་གསུང་བཞིན་བྲིས༔ ཟབ་མོའི་གནས་སུ་གཏེར་དུ་སྦེད༔ མ་འོངས་དུས་ཀྱི་ཐ་མ་ལ༔ འགྲོ་འདུལ་ལས་འཕྲོ་གླིང་པ་ཞེས༔ ཟབ་གཏེར་ཆོས་ཀྱི་བདག་པོ་འབྱུང་༔ གཏེར་བདག་དྲེགས་པའི་ཚོགས་རྣམས་ཀྱིས༔ དེ་ལ་གཏོད་ཅིག་ས་མ་ཡ༔
	Treasure colophon: bdag 'dra mkhar chen mtsho rgyal ngas:__bla med don gsal sgron me yi:__las byang rin chen phreng ba 'di:__o rgyan pad+ma'i gsung bzhin bris:__zab mo'i gnas su gter du sbed:__ma 'ongs dus kyi tha ma la:__'gro 'dul las 'phro gling pa zhes:__zab gter chos kyi bdag po 'byung :__gter bdag dregs pa'i tshogs rnams kyis:__de la gtod cig sa ma ya:

Tibetan Text

Wylie

[edit]

༁ྃ༔ ཐུགས་རྗེ་ཆེན་པོ་དོན་གསལ་སྒྲོན་མེ་ལས༔ ལས་བྱང་རིན་ཆེན་ཕྲེང་བ་བཞུགས་སོ༔

༡༢༣༤༥༦༧༨། ཨོཾ་ཨཱཿཧཱུྃ༔ ཆོས་དབྱིངས་རྣམ་པར་དག་པའི་དཀྱིལ་འཁོར་དུ༔ དུས་གསུམ་རྒྱལ་བ་མ་ལུས་ཀུན་འདུས་པའི༔ ཚད་མེད་ཐུགས་རྗེས་འགྲོ་ལ་བུ་ལྟར་བརྩེ༔ མགོན་པོ་སྤྱན་རས་གཟིགས་ལ་ཕྱག་འཚལ་ལོ༔ ཨོཾ་མ་ཎི་པདྨེ་ཧཱུྃ་ཧྲཱིཿ བདག་ཉིད་པདྨ་འབྱུང་གནས་ངས༔ མ་འོངས་སྐལ་ལྡན་དོན་ཕྱིར་དུ༔ བླ་མེད་དོན་གསལ་སྒྲོན་མེ་ཡི༔ ལམ་ཁྱེར་ལས་བྱང་བསྟན་པར་བྱ༔ དེ་ཡང་ཆོག་ཁྲིགས་རིམ་པ་ལ༔ སྐྱབས་འགྲོ་སེམས་བསྐྱེད་བགེགས་གཏོར་བཏང་༔ བཀའ་བསྒོ་མཚམས་བཅད་མཆོད་བྱིན་བརླབ༔ ཕོ་བྲང་གཞལ་ཡས་ལྷ་ཚོགས་བསྐྱེད༔ སྤྱན་འདྲེན་བཞུགས་གསོལ་ཕྱག་འཚལ་བྱ༔ ཕྱི་ནང་གསང་མཆོད་ཛབ྄་བསྙེན་དང་༔ བསྟོད་པ་ཚོགས་མཆོད་ལྷག་མ་བཏང་༔ ཐུགས་དམ་བསྐུལ་དང་ཆད་མདོ་བདར༔ བརྟན་སྐྱོང་དབང་གི་བྲོ་བརྡུང་ཞིང་༔ བསྡུ་ཆོག་བྱས་ལ་སྨོན་ལམ་གདབ༔ བདེ་ལེགས་ཀུན་འབྱུང་བཀྲ་ཤིས་བརྗོད༔ འདི་ལྟར་ལས་རིམ་ཉི་ཤུ་གསུམ༔ མ་འོངས་སྐལ་ལྡན་དོན་དུ་བཀོད༔ ཐོག་མར་སྐྱབས་སུ་འགྲོ་བ་ནི༔ ཨོཾ་ཨཱཿཧཱུྃ༔ མ་བཅོས་ལྷུན་གྲུབ་རང་བྱུང་ཀློང་ཡངས་སུ༔ གནས་ལུགས་བརྗོད་བྲལ་འོད་གསལ་སྙིང་པོའི་དོན༔ ཇི་བཞིན་མངོན་གྱུར་སྤྱན་རས་གཟིགས་དབང་ལ༔ འཛིན་མེད་རང་གྲོལ་ཆེན་པོར་སྐྱབས་སུ་མཆི༔ ཞེས་ལན་གསུམ་བརྗོད༔ གཉིས་པ་སེམས་བསྐྱེད་པ་ནི༔ ཐུགས་རྗེ་མ་འགགས་རང་གསལ་དཀྱིལ་འཁོར་དུ༔ ཐབས་ཤེས་འཁྲིལ་སྦྱོར་གཙོ་འཁོར་ཡོངས་རྫོགས་ལྷ༔ ལོངས་སྤྱོད་རྫོགས་སྐུ་རྒྱལ་བའི་དཀྱིལ་འཁོར་དུ༔ གཉིས་འཛིན་འཁྲུལ་སྣང་བསྒྲལ་བར་སེམས་བསྐྱེད་དོ༔ ཞེས་ལན་གསུམ་བརྗོད༔ གསུམ་པ་བགེགས་གཏོར་བཏང་བ་ནི༔ ཆང་བུ་བསླང་བ་གཅིག་ལ་ཆང་བུ་བཞིས་བསྐོར་བ་ཤ་ཁྲག་གིས་བརྒྱན་པ་བཤམས་ནས༔ ཨོཾ་སྭ་བྷཱ་ཝ་ཤུངྔྷཿསརྦ་དྷརྨཱ༔སྭ་བྷཱ་བ་ཤུདྡྷོ྅་ཧཾ༔ ཞེས་བརྗོད་པས་སྟོང་པར་སྦྱང་༔ ཨོཾ་ཨཱཿཧཱུྃ་གིས་བྱིན་གྱིས་བརླབས་ནས་འདི་སྐད་དོ༔ ཧཱུྃ་ གཟུང་འཛིན་འཁྲུལ་པའི་གནོད་བྱེད་བགེགས་ཀྱི་ཚོགས༔ ལན་དང་བུ་ལོན་ཆགས་པའི་འབྱུང་པོ་རྣམས༔ འདོད་ཡོན་ལྔ་ལྡན་གཏོར་མ་འདི་བཞེས་ལ༔ རྣལ་འབྱོར་སྒྲུབ་མཆོག་འཁོར་དང་བཅས་པ་ལ༔ གནོད་འཚེའི་བསམ་པ་ཞི་ནས་རང་གནས་སུ༔ བར་ཆད་རྩོམ་བྱེད་གདོན་བགེགས་ཁྱོད་སོང་ཞིག༔ ཅེས་བརྗོད་ལ་གཏོར་མ་ཕྱིར་བསྐྱལ་ལོ༔ བཞི་པ་བཀའ་བསྒོ་བ་ནི༔ རང་རྟ་མགྲིན་དུ་བསྐྱེད་ལ་འདི་སྐད་དོ༔ ཧྲཱིཿ ང་ནི་དཔལ་ཆེན་ཁྲོས་པའི་སྐུ༔ གསང་སྔགས་ཟབ་མོའི་དཀྱིལ་འཁོར་འདིར༔ བར་ཆད་རྩོམ་བྱེད་གདོན་བགེགས་རྣམས༔ ཐལ་བའི་རྡུལ་བཞིན་བརླག་པར་བྱེད༔ ཨོཾ་སུམ་བྷ་ནི་སུཾ་བྷ་ནི་ཧཱུྃ༔ གྲྀཧྞ་གྲྀཧྞ་ཧཱུྃ༔ གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ༔ ཨཱ་ན་ཡ་ཧོ་བྷ་ག་ཝཱན༔ བཛྲ་བིདྱཱ་རཱ་ཛཱ་ཡ་ཧཱུྃ་ཕཊཿ ཅེས་བརྗོད་ལ་རོལ་མོ་སྒྲོག་ཅིང་ཐུན་གྱིས་བྲབ༔ དྲག་པོའི་རྫས་བསྲེག་གོ༔ ལྔ་པ་ཚིག་དོན་གསལ་བས་མཚམས་བཅད་པ་ནི་འདི་སྐད་དོ༔ རང་ཉིད་དཔལ་ཆེན་ཐུགས་ཀ་ནས༔ མཚམས་གཅོད་འོད་ཟེར་ཕྱོགས་བཞིར་འཕྲོས༔ འོད་ཟེར་དཀར་པོ་འཕྲོས་པ་ལས༔ སྟེང་འོག་ཕྱོགས་མཚམས་རྡོ་རྗེའི་གུར༔ རྡོ་རྗེ་འབར་བས་མཚམས་ཆོད་ལ༔ དྲི་ཟའི་གདོན་ཚོགས་བསྲུང་དུ་གསོལ༔ བཛྲ་ཀྲོ་དྷ་རཀྵ་རཀྵ་ཧཱུྃ་ཕཊ༔ འོད་ཟེར་སེར་པོ་འཕྲོས་པ་ལས༔ སྟེང་འོག་ཕྱོགས་མཚམས་རིན་ཆེན་གུར༔ རིན་ཆེན་འབར་བས་མཚམས་ཆོད་ལ༔ གཤིན་རྗེའི་གདོན་ཚོགས་བསྲུང་དུ་གསོལ༔ རཏྣ་ཀྲོ་དྷ་རཀྵ་རཀྵ་ཧཱུྃ་ཕཊ༔ འོད་ཟེར་དམར་པོ་འཕྲོས་པ་ལས༔ སྟེང་འོག་ཕྱོགས་མཚམས་པདྨའི་གུར༔ པདྨ་འབར་བས་མཚམས་ཆོད་ལ༔ ཀླུ་དབང་གདོན་ཚོགས་བསྲུང་དུ་གསོལ༔ པདྨ་ཀྲོ་དྷ་རཀྵ་རཀྵ་ཧཱུྃ་ཕཊ༔ འོད་ཟེར་ལྗང་གུ་འཕྲོས་པ་ལས༔ སྟེང་འོག་ཕྱོགས་མཚམས་རལ་གྲིའི་གུར༔ རལ་གྲི་འབར་བས་མཚམས་ཆོད་ལ༔ གནོད་སྦྱིན་གདོན་ཚོགས་བསྲུང་དུ་གསོལ༔ ཀརྨ་ཀྲོ་དྷ་རཀྵ་རཀྵ་ཧཱུྃ་ཕཊཿ དྲུག་པ་མཆོད་པ་བྱིན་གྱིས་བརླབ་པ་ནི༔ ཡི་དམ་ལྷ་ཡི་ཐུགས་ཀ་ནས༔ མཆོད་རྫས་དྲི་མ་སྦྱང་བའི་ཕྱིར༔ རྃ་ཡྃ་ཁྃ་གསུམ་འཕྲོས་པ་ཡིས༔ མ་དག་དྲི་མ་བསྲེགས་གཏོར་བཀྲུས༔ ཡི་དམ་ལྷ་ཡི་ཐུགས་ཀ་ནས༔ མཆོད་རྫས་བྱིན་གྱིས་བརླབ་པའི་ཕྱིར༔ ཨོཾ་ཨཱཿཧཱུྃ་གསུམ་འཕྲོས་པ་ཡིས༔ ཕྱི་ནང་གསང་བའི་མཆོད་པ་རྣམས༔ བཟང་ཞིང་རྒྱ་ཆེ་ཟད་མི་ཤེས༔ ཡེ་ཤེས་བདུད་རྩིའི་རྒྱ་མཚོར་གྱུར༔ ཨོཾ་མ་ཎི་པདྨེ་ཧཱུྃ་ཧྲཱིཿ བདུན་པ་གཞལ་ཡས་ཁང་བསྐྱེད་པ་ནི༔ ཧྲཱི༔ རང་རིག་ཧྲཱིཿལས་འོད་འཕྲོས་པས༔ རྒྱལ་བ་མཆོད་ཅིང་འགྲོ་དོན་བྱས༔ ཚུར་འདུས་རང་ལ་ཐིམ་པར་གྱུར༔ རང་གི་རིག་པ་ཧྲཱིཿདཀར་ནི༔ བརྗོད་མེད་བློ་འདས་དེ་བཞིན་ཉིད༔ དེ་བཞིན་ཉིད་ལ་འཕེལ་འགྲིབ་མེད༔ ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅་ཧཾ༔ བྱང་ཆུབ་སེམས་ཀྱི་ངོ་བོ་ལ༔ གཟུང་འཛིན་མཚན་མས་མ་གོས་ཀྱང་༔ ཐུགས་རྗེ་འགགས་མེད་ཀུན་ལ་ཁྱབ༔ སྟོང་ཉིད་སྙིང་རྗེའི་སྙིང་པོ་ནི༔ རང་རིག་ཧྲཱིཿདཀར་འོད་ཟེར་འབར༔ དེ་ལས་འོད་འཕྲོས་རྡོ་རྗེ་ནི༔ དཀར་པོ་རྩེ་ལྔ་པ་རུ་བསྒོམ༔ དེ་ལས་འོད་འཕྲོས་འབྱུང་ལྔ་སྟོང་༔ སྟོང་ཉིད་བསམ་བརྗོད་མཐའ་བྲལ་ཀློང་༔ རྒྱལ་བའི་ཐུགས་རྗེ་ལས་གྲུབ་པ༔ དག་པའི་འབྱུང་ལྔ་བསྐྱེད་པ་ཡི༔ ས་བོན་ཡི་གེ་འབྲུ་བདུན་ཤར༔ ཨེ་ཡཾ་རཾ་ཁཾ་སུཾ་ར་ཀེཾ༔ ཨེ་ལས་ནམ་མཁའ་མཐིང་འོད་འབར༔ ཡཾ་ལས་རླུང་གི་དཀྱིལ་འཁོར་གཡོས༔ རཾ་ལས་ཡེ་ཤེས་མེ་དཔུང་འབར༔ ཁཾ་ལས་ཆུ་ཡི་དཀྱིལ་འཁོར་ཁོལ༔ སུཾ་ལས་ཞིང་ལྤགས་གསེར་མདོག་སྟེང་༔ ར་ལས་རཀྟ་དམར་ནག་དབུས༔ ཀེཾ་ལས་རུས་པའི་རི་རབ་ཁར༔ པདྨ་འདབ་སྟོང་མཛེས་པའི་སྟེང་༔ བྷྲཱུྃ་ལས་རིན་ཆེན་གཞལ་ཡས་ཁང་༔ ཁྱམས་དང་གྲུ་ཆད་ཤར་དཀར་ལ༔ ལྷོ་སེར་ནུབ་དམར་བྱང་ལྗང་བའི༔ རྩིགས་པ་མཐིང་ནག་དཀར་སེར་དམར༔ ལྗང་བའི་རྣམ་པ་ལྔ་དང་ལྡན༔ འདོད་སྣམ་ཕ་གུ་དྲྭ་ཕྱེད་དང་༔ མདའ་ཡབ་བུ་ཤུ་སྒོ་བཞི་དང་༔ རྟ་བབས་བཞི་དང་ལྡན་པའི་སྟེང་༔ ཆོས་འཁོར་གདུགས་དང་རྒྱལ་མཚན་དང་༔ པདྨ་དུར་ཁྲོད་རྡོར་དང་༔ མེ་རི་ལ་སོགས་གཞལ་ཡས་ཀྱི༔ ཕྱི་ནང་བཀོད་པ་ཕུན་སུམ་ཚོགས༔ ཡོངས་སུ་རྫོགས་པ་གསལ་བར་བསྐྱེད༔ ༡༢༣༤༥༦༧༦༥། བརྒྱད་པ་ལྷ་བསྐྱེད་པ་ནི༔ རང་བྱུང་ལྷུན་གྲུབ་དཀྱིལ་འཁོར་དབུས༔ ཐབས་ཤེས་ཟླ་གམ་དཀར་དམར་མཐར༔ པད་འདབ་ཕྱི་ནང་མཛེས་པའི་ཁར༔ གླང་ཆེན་རྟ་མཆོག་རྨ་བྱ་དང་༔ ཤང་ཤང་བསྣོལ་བའི་ཁྲི་སྟེང་དུ༔ པདྨ་ཉི་ཟླ་བརྩེགས་པའི་སྟེང་༔ རང་རིག་ཧྲཱིཿཡིག་དམར་པོར་བསམ༔ དེ་ལས་འོད་འཕྲོས་དོན་གཉིས་བྱས༔ ཚུར་འདུས་སླར་ཡང་ཧྲཱིཿལ་ཐིམ༔ ཧྲཱིཿཡིག་ཡོངས་སུ་གྱུར་པ་ལས༔ བཅོམ་ལྡན་མགོན་པོ་འོད་དཔག་མེད༔ ཞལ་གཅིག་ཕྱག་བཞི་སྐུ་མདོག་དམར༔ ཞབས་གཉིས་རྡོ་རྗེ་སྐྱིལ་ཀྲུང་ལ༔ རྩ་ཕྱག་དང་པོ་མཉམ་བཞག་སྟེང་༔ འཆི་མེད་ཚེ་ཡི་བུམ་པ་བསྣམས༔ ཕྱག་གཉིས་གཡས་ཀྱི་འོག་མ་ན༔ མུ་ཏིག་དམར་པོའི་ཕྲེང་བ་འཛིན༔ གཡོན་འོག་པདྨ་དམར་པོ་བསྣམས༔ ཡུམ་མཆོག་བདེ་ཆེན་དབྱིངས་ཕྱུག་མ༔ སྐུ་མདོག་དམར་གསལ་མདངས་དང་ལྡན༔ ཕྱག་གཡས་རྡོ་རྗེ་ཐུགས་ཀར་བསྣམས༔ གཡོན་པ་དྲིལ་འཛིན་ཡབ་ལ་འཁྱུད༔ འཁྲིལ་སྦྱོར་བདེ་སྟོང་ལྡན་པར་བསྐྱེད༔ ཟླ་གམ་དཀར་པོའི་སྟེང་དུ་ནི༔ ཨོཾ་ལས་བུངྔྷ་སྤྱན་རས་གཟིགས༔ ཞལ་གཅིག་ཕྱག་བཞི་སྐུ་མདོག་དཀར༔ ཞབས་གཉིས་སྐྱིལ་ཀྲུང་བཞུགས་པ་ལ༔ རྩ་ཕྱག་དང་པོ་རྡོར་དྲིལ་བསྣམས༔ ཕྱག་གཉིས་གཡས་ཀྱི་འོག་མ་ན༔ མེ་ཏོག་དཀར་པོའི་ཕྲེང་བ་འཛིན༔ གཡོན་འོག་པདྨ་དཀར་པོ་བསྣམས༔ ཡུམ་མཆོག་བུདྡྷ་མཁའ་འགྲོ་མ༔ དཀར་གསལ་མདངས་དང་ལྡན་པ་ལ༔ ཕྱག་གཡས་རྡོ་རྗེ་ཐུགས་ཀར་བསྣམས༔ གཡོན་པས་དྲིལ་འཛིན་ཡབ་ལ་འཁྱུད༔ འཁྲིལ་སྦྱོར་བདེ་སྟོང་ལྡན་པར་བསྐྱེད༔ ཤར་ཕྱོགས་པད་འདབ་མཐིང་གའི་སྟེང་༔ ཧཱུྃ་ལས་བཛྲ་སྤྱན་རས་གཟིགས༔ ཞལ་གཅིག་ཕྱག་བཞི་སྐུ་མདོག་མཐིང་༔ ཞབས་གཉིས་སྐྱིལ་ཀྲུང་བཞུགས་པ་ལ༔ རྩ་ཕྱག་དང་པོ་རྡོར་དྲིལ་བསྣམས༔ ཕྱག་གཉིས་གཡས་ཀྱི་འོག་མ་ན༔ མེ་ཏོག་སྔོན་པོའི་ཕྲེང་བ་འཛིན༔ གཡོན་འོག་པདྨ་སྔོན་པོ་བསྣམས༔ ཡུམ་མཆོག་རྡོ་རྗེ་མཁའ་འགྲོ་མ༔ མཐིང་གསལ་མདངས་དང་ལྡན་པ་ལ༔ ཕྱག་གཡས་རྡོ་རྗེ་ཐུགས་ཀར་བསྣམས༔ གཡོན་པ་དྲིལ་འཛིན་ཡབ་ལ་འཁྱུད༔ འཁྲིལ་སྦྱོར་བདེ་སྟོང་ལྡན་པར་བསྐྱེད༔ ལྷོ་ཕྱོགས་པད་འདབ་སེར་པོའི་སྟེང་༔ ཏྲཱྃ་ལས་རཏྣ་སྤྱན་རས་གཟིགས༔ ཞལ་གཅིག་ཕྱག་བཞི་སྐུ་མདོག་སེར༔ ཞབས་གཉིས་སྐྱིལ་ཀྲུང་བཞུགས་པ་ལ༔ རྩ་ཕྱག་དང་པོ་རྡོར་དྲིལ་བསྣམས༔ ཕྱག་གཉིས་གཡས་ཀྱི་འོག་མ་ན༔ མེ་ཏོག་སེར་པོའི་ཕྲེང་བ་འཛིན༔ གཡོན་འོག་པདྨ་སེར་པོ་བསྣམས༔ ཡུམ་མཆོག་རིན་ཆེན་མཁའ་འགྲོ་མ༔ སེར་གསལ་མདངས་དང་ལྡན་པ་ལ༔ ཕྱག་གཡས་རྡོ་རྗེ་ཐུགས་ཀར་བསྣམས༔ གཡོན་པ་དྲིལ་འཛིན་ཡབ་ལ་འཁྱུད༔ འཁྲིལ་སྦྱོར་བདེ་སྟོང་ལྡན་པར་བསྐྱེད༔ ནུབ་ཕྱོགས་པད་འདབ་དམར་པོའི་སྟེང་༔ ཧྲཱིཿལས་པདྨ་སྤྱན་རས་གཟིགས༔ ཞལ་གཅིག་ཕྱག་བཞི་སྐུ་མདོག་དམར༔ ཞབས་གཉིས་སྐྱིལ་ཀྲུང་བཞུགས་པ་ལ༔ རྩ་ཕྱག་དང་པོ་རྡོར་དྲིལ་བསྣམས༔ ཕྱག་གཉིས་གཡས་ཀྱི་འོག་མ་ན༔ མེ་ཏོག་དམར་པོའི་ཕྲེང་བ་འཛིན༔ གཡོན་འོག་པདྨ་དམར་པོ་བསྣམས༔ ཡུམ་མཆོག་པདྨ་མཁའ་འགྲོ་མ༔ དམར་གསལ་མདངས་དང་ལྡན་པ་ལ༔ ཕྱག་གཡས་རྡོ་རྗེ་ཐུགས་ཀར་བསྣམས༔ གཡོན་པ་དྲིལ་འཛིན་ཡབ་ལ་འཁྱུད༔ འཁྲིལ་སྦྱོར་བདེ་སྟོང་ལྡན་པར་བསྐྱེད༔ བྱང་ཕྱོགས་པད་འདབ་ལྗང་གུའི་སྟེང་༔ ཨ་ལས་ཀརྨ་སྤྱན་རས་གཟིགས༔ ཞལ་གཅིག་ཕྱག་བཞི་སྐུ་མདོག་ལྗང་༔ ཞབས་གཉིས་སྐྱིལ་ཀྲུང་བཞུགས་པ་ལ༔ རྩ་ཕྱག་དང་པོ་རྡོར་དྲིལ་བསྣམས༔ ཕྱག་གཉིས་གཡས་ཀྱི་འོག་མ་ན༔ མེ་ཏོག་ལྗང་གུའི་ཕྲེང་བ་འཛིན༔ གཡོན་འོག་པདྨ་ལྗང་གུ་བསྣམས༔ ཡུམ་མཆོག་ལས་ཀྱི་མཁའ་འགྲོ་མ༔ ལྗང་གསལ་མདངས་དང་ལྡན་པ་ལ༔ ཕྱག་གཡས་རྡོ་རྗེ་ཐུགས་ཀར་བསྣམས༔ གཡོན་པས་དྲིལ་འཛིན་ཡབ་ལ་འཁྱུད༔ འཁྲིལ་སྦྱོར་བདེ་སྟོང་ལྡན་པར་བསྐྱེད༔ དེ་ཡི་ཕྱི་རིམ་འདབ་བརྒྱད་ཀྱི༔ ཤར་དུ་ཨོཾ་ལས་ལྷ་ཡི་ནི༔ ཐུབ་པ་བརྒྱ་བྱིན་སྐུ་མདོག་དཀར༔ པི་ཝང་བསྣམས་པ་བཞེངས་ཐབས་བསྐྱེད༔ ཤར་ལྷོ་མཚམས་ཀྱི་པད་འདབ་ལ༔ མ་ལས་ལྷ་མིན་ཐུབ་པ་ནི༔ ཐགས་བཟང་རྒྱལ་པོ་སྐུ་མདོག་ལྗང་༔ གོ་མཚོན་བསྣམས་པ་བཞེངས་ཐབས་བསྐྱེད༔ ལྷོ་ཡི་ཕྱོགས་ཀྱི་པད་འདབ་ལ༔ ཎི་ལས་མི་ཡི་ཐུབ་པ་ནི༔ ཤཱཀྱ་ཐུབ་པ་སྐུ་མདོག་སེར༔ གསེག་ཤང་ལྷུང་བཟེད་བསྣམས་པར་བསྐྱེད༔ ལྷོ་ནུབ་མཚམས་ཀྱི་པད་འདབ་ལ༔ པད་ལས་བྱོལ་སོང་ཐུབ་པ་ནི༔ སེང་གེ་རབ་བརྟན་སྐུ་མདོག་མཐིང་༔ པུསྟི་བསྣམས་པ་བཞེངས་ཐབས་བསྐྱེད༔ ནུབ་ཀྱི་ཕྱོགས་ཀྱི་པད་འདབ་ལ༔ མེ་ལས་ཡི་དྭགས་ཐུབ་པ་ནི༔ ཁ་འབར་རྒྱལ་པོ་སྐུ་མདོག་དམར༔ སྒྲོམ་བུ་བསྣམས་པ་བཞེངས་ཐབས་བསྐྱེད༔ ནུབ་བྱང་མཚམས་ཀྱི་པད་འདབ་ལ༔ ཧཱུྃ་ལས་དམྱལ་བའི་ཐུབ་པ་ནི༔ ཆོས་ཀྱི་རྒྱལ་པོ་སྐུ་མདོག་ནག༔ མེ་ཆུ་བསྣམས་པ་བཞེངས་ཐབས་བསྐྱེད༔ བྱང་གི་ཕྱོགས་ཀྱི་པད་འདབ་ལ༔ མ་ལས་ཁྲོ་རྒྱལ་སྨེ་བ་བརྩེགས༔ གཡས་པ་མེ་དཔུང་གཡོན་ཁྲུས་ཆུ༔ མཚམས་དང་ཁྲུས་ཀྱི་ལས་མཛད་བསྐྱེད༔ བྱང་ཤར་མཚམས་ཀྱི་པད་འདབ་ལ༔ ཨ་ལས་རྣམ་འཇོམས་སྐུ་མདོག་ལྗང་༔ གཡས་པ་ཁྲུས་བུམ་གཡོན་མེ་ལོང་༔ ནད་གདོན་སྡིག་སྒྲིབ་སེལ་མཛད་བསྐྱེད༔ ཨོཾ་མ་ཎི་པདྨེ་ཧཱུྃ༔ བླ་མེད་དཀྱིལ་འཁོར་ཤར་སྒོ་རུ༔ བི་ལས་ཁྲོ་བོ་རྣམ་པར་རྒྱལ༔ ཞལ་གཅིག་ཕྱག་གཉིས་སྐུ་མདོག་དཀར༔ གཡས་པ་རྡོ་རྗེ་གཡོན་དྲིལ་བུ༔ གར་དགུའི་ཉམས་དང་ལྡན་པར་བསྐྱེད༔ བླ་མེད་དཀྱིལ་འཁོར་ལྷོ་སྒོ་རུ༔ ཡ་ལས་ཁྲོ་བོ་གཤིན་རྗེ་གཤེད༔ ཞལ་གཅིག་ཕྱག་གཉིས་སྐུ་མདོག་སེར༔ གཡས་པ་དབྱུག་ཏོ་གཡོན་ཞགས་པ༔ གར་དགུའི་ཉམས་དང་ལྡན་པར་བསྐྱེད༔ བླ་མེད་དཀྱིལ་འཁོར་ནུབ་སྒོ་རུ༔ ཧྲཱིཿལས་ཁྲོ་བོ་རྟ་མཆོག་དཔལ༔ ཞལ་གཅིག་ཕྱག་གཉིས་སྐུ་མདོག་དམར༔ གཡས་པ་གྲི་གུག་གཡོན་ཐོད་ཁྲག༔ གར་དགུའི་ཉམས་དང་ལྡན་པར་བསྐྱེད༔ བླ་མེད་དཀྱིལ་འཁོར་བྱང་སྒོ་རུ༔ ཨ་ལས་ཁྲོ་བོ་བདུད་རྩི་འཁྱིལ༔ ཞལ་གཅིག་ཕྱག་གཉིས་སྐུ་མདོག་ལྗང་༔ གཡས་པ་རྒྱ་གྲམ་གཡོན་སྡིགས་མཛུབ༔ གར་དགུའི་ཉམས་དང་ལྡན་པར་བསྐྱེད༔ དཀྱིལ་འཁོར་ཆེན་པོའི་སྟེང་འོག་དང་༔ འཁོར་ཡུག་ཕྱོགས་མཚམས་ཐམས་ཅད་ལ༔ དཔའ་བོ་མཁའ་འགྲོ་ཆོས་སྐྱོང་རྣམས༔ འཇའ་ཚོན་འཁྲིགས་པ་ལྟ་བུར་བསྐྱེད༔ ཨོཾ་ཨཱཿཧཱུྃ༔ ཨོཾ་མ་ཎི་པདྨེ་ཧཱུྃ་ཧྲཱིཿ དགུ་པ་སྤྱན་འདྲེན་པ་ནི༔ ཧྲཱིཿ འོད་གསལ་མཁའ་དབྱིངས་དག་པ་ནས༔ མཆོག་ཐུན་དངོས་གྲུབ་ཀུན་གྱི་བདག༔ ཨོ་རྒྱན་པདྨ་ལ་སོགས་པའི༔ བཀའ་བརྒྱུད་བླ་མ་སྤྱན་འདྲེན་ནོ༔ ཡེ་ཤེས་ལྔ་ལྡན་ཀློང་ཡངས་ནས༔ དབང་དང་བྱིན་རླབས་ཀུན་གྱི་བདག༔ སྤྱན་རས་གཟིགས་དབང་རིགས་ལྔ་སོགས༔ ཡི་དམ་ལྷ་ཚོགས་སྤྱན་འདྲེན་ནོ༔ སྟོང་ཉིད་སྙིང་རྗེའི་དཀྱིལ་འཁོར་ནས༔ ཐབས་མཁས་འགྲོ་བ་འདྲེན་མཛད་པ༔ བཅོམ་ལྡན་ཐུབ་དྲུག་ལ་སོགས་པ༔ སྤྲུལ་པའི་སྐུ་རྣམས་སྤྱན་འདྲེན་ནོ༔ ཆོས་ཀྱི་དབྱིངས་ནས་ཁྲོ་ཚུལ་སྟོན༔ བར་ཆད་འབྱུང་པོ་ཚར་གཅོད་པའི༔ རྣམ་རྒྱལ་གཤིན་རྗེ་ལ་སོགས་པ༔ ཁྲོ་བོའི་ཚོགས་རྣམས་སྤྱན་འདྲེན་ནོ༔ ཕྱོགས་བཞི་མཚམས་བརྒྱད་གཞལ་ཡས་ནས༔ དཔའ་བོ་མཁའ་འགྲོ་ཆོས་སྐྱོང་དང་༔ གཏེར་སྲུང་དམ་ཅན་རྒྱ་མཚོ་སོགས༔ སྲུང་མའི་ཚོགས་རྣམས་སྤྱན་འདྲེན་ནོ༔ ཨོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནཱི་མ་ཧཱ་ཀཱ་ལ་བཛྲ་ས་མ་ཡ་ཛ་ཛ༔ བཅུ་པ་བཞུགས་སུ་གསོལ་བ་ནི༔ ཧྲཱིཿ དབྱིངས་རིག་དབྱེར་མེད་ཐུགས་རྗེ་ལས༔ གྲུབ་པའི་དཀྱིལ་འཁོར་ཆེན་པོ་འདིར༔ བླ་མ་ཡི་དམ་འཁོར་དང་བཅས༔ སྐྱོན་བྲལ་དག་པའི་ཁྲི་ལ་བཞུགས༔ ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་པདྨ་ཀ་མ་ལཱ་ཡ་སྟྭཾ༔ བཅུ་གཅིག་པ་ཕྱག་འཚལ་བ་ནི༔ ཧྲཱིཿ མི་འཇིག་འགྱུར་མེད་རྡོ་རྗེའི་སྐུ༔ འགགས་མེད་ཚངས་དབྱངས་ཆོས་ཀྱི་སྒྲས༔ འགྲོ་བའི་མུན་པ་སེལ་མཛད་པའི༔ བླ་མ་རྣམས་ལ་ཕྱག་འཚལ་ལོ༔ མ་བཅོས་མཐའ་བྲལ་ཆོས་ཀྱི་སྐུ༔ མཚན་དཔེ་ཡོངས་རྫོགས་ཡབ་ཡུམ་འཁྲིལ༔ སྤྱན་རས་གཟིགས་དབང་རིགས་ལྔ་སོགས༔ ཡི་དམ་ལྷ་ལ་ཕྱག་འཚལ་ལོ༔ ཕྱི་ནང་གསང་བའི་མཁའ་དབྱིངས་ནས༔ བདེ་སྟོང་སྒྱུ་མའི་གར་ལ་རོལ༔ དངོས་གྲུབ་སྩོལ་ཞིང་ཕྲིན་ལས་སྒྲུབ༔ དཔའ་བོ་མཁའ་འགྲོར་ཕྱག་འཚལ་ལོ༔ ལུང་རྟོགས་དམ་ཆོས་དཀྱིལ་འཁོར་དུ༔ བསྟན་པ་སྲུང་ཞིང་གདོན་བགེགས་འདུལ༔ ཡེ་ཤེས་མགོན་པོ་ལ་སོགས་པའི༔ སྲུང་མ་རྣམས་ལ་ཕྱག་འཚལ་ལོ༔ ཨ་ཏི་པུ་ཧོ༔ པྲ་ཏི་ཛ་ཧོ༔ བཅུ་གཉིས་པ་མཆོད་པ་འབུལ་བ་ནི༔ ཧྲཱིཿ དཀྱིལ་འཁོར་ལྷ་ཚོགས་འཁོར་དང་བཅས་པ་ལ༔ ཕྱི་ནང་གསང་བའི་མཆོད་པ་འབུལ་བ་ནི༔ ཧོ༔ དག་ཅིང་གཙང་བ་ཡིད་འོང་དུང་ཆོས་ནང་༔ ཡན་ལག་བརྒྱད་ལྡན་ཆུ་ཡིས་རབ་བཀང་ནས༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ༔ དྭངས་ཤིང་གསལ་ལ་རྙོགས་པ་མེད་པའི་ཆུ༔ དྲི་ཞིམ་ངད་ལྡན་ཞབས་བསིལ་དམ་པ་འདི༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་པཱ་དྱཾ་པྲ་ཏཱིཙྪ་ཧཱུྃ་སྭཱ་ཧཱ༔ ཨུ་དུམ་པུཎྜ་པདྨ་གསེར་ཆེན་སོགས༔ འཇིག་རྟེན་ཁམས་ཀྱི་མེ་ཏོག་ཇི་སྙེད་ཀུན༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་པུཥྤེ་པྲ་ཏཱིཙྪ་ཧཱུྃ་སྭཱ་ཧཱ༔ ཨ་ཀར་རྒྱ་སྤོས་སྤང་སྤོས་སི་ལ་སོགས༔ འཇིག་རྟེན་ཁམས་ཀྱི་བདུག་སྤོས་ཇི་སྙེད་ཀུན༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་དྷཱུ་པེ་པྲ་ཏཱིཙྪ་ཧཱུྃ་སྭཱ་ཧཱ༔ ཉི་ཟླ་ནོར་བུ་སྒྲོན་མེ་ལ་སོགས་པ་༔ འཇིག་རྟེན་ཁམས་ཀྱི་སྣང་གསལ་ཇི་སྙེད་ཀུན༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་ཨཱ་ལོ་ཀེ་པྲ་ཏཱིཙྪ་ཧཱུྃ་སྭཱ་ཧཱ༔ ག་བུར་ཙན་དན་ཛཱ་ཏི་གུར་གུམ་སོགས༔ འཇིག་རྟེན་ཁམས་ཀྱི་དྲི་མཆོག་ཇི་སྙེད་ཀུན༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་གནྡྷེ་པྲ་ཏཱིཙྪ་ཧཱུྃ་སྭཱ་ཧཱ༔ ནས་འབྲས་གྲོ་དང་ཏིལ་དཀར་ལ་སོགས་པའི༔ འཇིག་རྟེན་ཁམས་ཀྱི་ཞལ་ཟས་ཇི་སྙེད་ཀུན༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་ནཻ་བི་དྱ་པྲ་ཏཱིཙྪ་ཧཱུྃ་སྭཱ་ཧཱ༔ རྔ་དང་སིལ་སྙེན་པི་ཝང་གླིང་བུ་སོགས༔ འཇིག་རྟེན་ཁམས་ཀྱི་སྒྲ་སྙན་ཇི་སྙེད་ཀུན༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་ཤབྡ་པྲ་ཏཱི་ཙྪ་ཧཱུྃ་སྭཱ་ཧཱ༔ ༡༢༣༤༥། ཀུན་བཟང་ཐུགས་ལས་སྤྲུལ་པའི་ཡེ་ཤེས་ལྔ༔ དུག་ལྔ་སེལ་ཕྱིར་བདུད་རྩི་སྨན་གྱི་མཆོག༔ ཛ་གད་ཕུད་ལ་སྦྱར་བའི་ཨ་མྲྀ་ཏ༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཛྙཱ་ན་པཉྩ་ཨ་མྲྀ་ཏ་ལ་ཁཱ་ཧི༔ ཟག་མེད་བདེ་བའི་མཁའ་དབྱིངས་ཀློང་ཆེན་དུ༔ འདོད་ཆགས་རྣམ་དག་བདེ་སྟོང་མཆོད་པའི་སྤྲིན༔ དུག་གསུམ་བསྒྲལ་བའི་རཀྟ་དམ་པ་འདི༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ མ་ཧཱ་རཀྟ་སརྦ་པཱུ་ཛ་ལ་ཁཱ་ཧིཿ རང་བྱུང་སྤྲོས་བྲལ་ཆོས་དབྱིངས་ཀ་པཱ་ལར༔ སྣང་སྲིད་འདོད་ཡོན་བཟའ་བཅའ་དཔག་མེད་སྦྱར༔ རིག་པ་རང་གསལ་མཆོག་གི་གཏོར་མ་འདི༔ སྤྱན་རས་གཟིགས་དབང་འཁོར་དང་བཅས་ལ་འབུལ༔ ཨོཾ་ཨཱཿཧཱུྃ༔ མ་ཧཱ་བ་ལིཾ་ཏ་ཁཱ་ཧི༔ ༡༢༣༤༥༦༧༨༩༨༦། བཅུ་གསུམ་པ་འཛབ་བསྙེན་ནི༔ ཨོཾ་ཨཱཿཧཱུྃ༔ མི་མངོན་ཆོས་དབྱིངས་གནས་མཆོག་ནས༔ ཀུན་བཟང་བདེ་བར་གཤེགས་པའི་གསུང་༔ འགྲོ་བའི་དོན་དུ་ཆོས་སྒྲ་སྒྲོག༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ པོ་ཏ་ལ་ཡི་གནས་མཆོག་ནས༔ སྤྱན་རས་གཟིགས་དབང་བདེ་གཤེགས་གསུང་༔ འགྲོ་བའི་དོན་དུ་ཆོས་སྒྲ་སྒྲོག༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ ཟངས་མདོག་དཔལ་རིའི་གནས་མཆོག་ནས༔ ཨོ་རྒྱན་པདྨ་བདེ་གཤེགས་གསུང་༔ འགྲོ་བའི་དོན་དུ་ཆོས་སྒྲ་སྒྲོག༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ ཀློང་ཡངས་ཆོས་སྐུའི་གཞལ་ཡས་ནས༔ ལས་འགྲོ་གླིང་པ་བདེ་གཤེགས་གསུང་༔ འགྲོ་བའི་དོན་དུ་ཆོས་སྒྲ་སྒྲོག༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་མ་ཎི་པདྨེ་ཧཱུྃ་ཧྲཱི༔ ཨོཾ་ཨཱཿཧཱུྃ༔ ཡི་དམ་སྤྱན་རས་གཟིགས་དབང་ནི༔ དུས་གསུམ་སངས་རྒྱས་ཀུན་འདུས་པའི༔ སྐུ་གསུང་ཐུགས་ཀྱི་ངོ་བོ་ཉིད༔ བདག་གི་ལུས་ངག་ཡིད་གསུམ་ལ༔ བྱིན་གྱིས་བརླབ་པར་མཛད་དུ་གསོལ༔ ལུས་ངག་ཡིད་གསུམ་སྒྲིབ་དག་ནས༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཨོཾ་ཨཱཿཧཱུྃ༔ ཀཱ་ཡ་སིངྔྷི་ཨོཾ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཨོཾ་ཨཱཿཧཱུྃ༔ ཝཱ་ཀ་སིདྡྷི་ཨཱཿ ཨོཾ་མ་ཎི་པདྨེ་ཧཱུྃ་ཧྲཱིཿ ཨོཾ་ཨཱཿཧཱུྃ༔ ཙིཏྟ་སིདྡྷི་ཧཱུྃ༔ ཨོཾ་མ་ཎི་པདྨེ་ཧཱུྃ་ཧྲཱིཿ བཅུ་བཞི་པ་བསྟོད་པ་བྱ་བ་ནི༔ ཧྲཱིཿ ཆོས་སྐུ་དབྱེར་མེད་བློ་འདས་པའི༔ ལོངས་སྐུ་གསལ་སྟོང་འོད་ཀྱི་སྐུ༔ འོད་དཔག་མེད་མགོན་ཡབ་ཡུམ་ལ༔ དབྱིངས་རིག་དབྱེར་མེད་ཕྱག་མཚལ་བསྟོད༔ འགྲོ་དྲུག་སེམས་ཅན་ཐམས་ཅད་ཀྱི༔ ཀུན་གཞིའི་བག་ཆགས་སྦྱོང་མཛད་པ༔ ཆོས་དབྱིངས་ཡེ་ཤེས་ངོ་བོ་ཉིད༔ བུདྡྷ་སྤྱན་རས་གཟིགས་ལ་བསྟོད༔ འགྲོ་དྲུག་སེམས་ཅན་ཐམས་ཅད་ཀྱི༔ ཡིད་ཀྱི་བག་ཆགས་སྦྱོང་མཛད་པ༔ མེ་ལོང་ཡེ་ཤེས་ངོ་བོ་ཉིད༔ བཛྲ་སྤྱན་རས་གཟིགས་ལ་བསྟོད༔ འགྲོ་དྲུག་སེམས་ཅན་ཐམས་ཅད་ཀྱི༔ ལུས་ཀྱི་བག་ཆགས་སྦྱོང་མཛད་པ༔ མཉམ་ཉིད་ཡེ་ཤེས་ངོ་བོ་ཉིད༔ རཏྣ་སྤྱན་རས་གཟིགས་ལ་བསྟོད༔ འགྲོ་དྲུག་སེམས་ཅན་ཐམས་ཅད་ཀྱི༔ ངག་གི་བག་ཆགས་སྦྱོང་མཛད་པ༔ སོར་རྟོག་ཡེ་ཤེས་ངོ་བོ་ཉིད༔ པདྨ་སྤྱན་རས་གཟིགས་ལ་བསྟོད༔ འགྲོ་དྲུག་སེམས་ཅན་ཐམས་ཅད་ཀྱི༔ སྒོ་ལྔའི་བག་ཆགས་སྦྱོང་མཛད་པ༔ བྱ་གྲུབ་ཡེ་ཤེས་ངོ་བོ་ཉིད༔ ཀརྨ་སྤྱན་རས་གཟིགས་ལ་བསྟོད༔ འགྲོ་དྲུག་སེམས་ཅན་ཐམས་ཅད་ཀྱི༔ འབྱུང་བ་ལྔ་ཡི་ཕུང་པོ་ནི༔ ཡུམ་གྱི་བྷ་གའི་ཀློང་དུ་སྒྲོལ༔ ཡུམ་མཆོག་ལྔ་ལ་ཕྱག་འཚལ་བསྟོད༔ མགོན་པོ་སྤྱན་རས་གཟིགས་དབང་གི༔ སྤྲུལ་པ་ཚད་མེད་ཐུགས་རྗེ་ཅན༔ འགྲོ་དྲུག་རྒྱུད་ལྔའི་བག་ཆགས་སྦྱོང་༔ ཐུབ་པ་དྲུག་ལ་ཕྱག་འཚལ་བསྟོད༔ ཐུགས་རྗེ་ཆེན་པོའི་ཆུ་རྒྱུན་གྱིས༔ འགྲོ་བའི་ཚ་གདུང་སེལ་མཛད་པའི༔ ཁྲོ་བོ་སྨེ་བརྩེགས་རྣམ་པར་འཇོམས༔ ཁྲུས་ཀྱི་ལྷ་ལ་ཕྱག་འཚལ་བསྟོད༔ ཆོས་སྐུ་མཚན་མའི་ཡུལ་འདས་ཀྱང་༔ གཟུགས་སྐུ་ཁྲོ་བོའི་སྐུར་བསྟན་ནས༔ དཀྱིལ་འཁོར་སྒོ་སྲུང་གདུག་པ་འདུལ༔ ཁྲོ་རྒྱལ་བཞི་ལ་ཕྱག་འཚལ་བསྟོད༔ བཅོ་ལྔ་པ་ཚོགས་ལས་ནི༔ རང་ཉིད་སྤྱན་རས་གཟིགས་དབང་ཐུགས་ཀ་ནས༔ རྃ་ཡྃ་ཁྃ་གསུམ་ཚོགས་ལ་ཕོག་པས་སྦྱོང་༔ རྃ་ཡྃ་ཁྃ༔ རང་ཉིད་སྤྱན་རས་གཟིགས་དབང་ཐུགས་ཀ་ནས༔ ཨོཾ་ཨཱཿཧཱུྃ་གསུམ་འཕྲོས་པས་བདུད་རྩིར་གྱུར༔ ཨོཾ་ཨཱཿཧཱུྃ༔ ཚོགས་ཕུད་འབུལ་བ་ནི༔ ཧོ༔ སྐྱོན་བྲལ་ཐབས་ཤེས་དངོས་གྲུབ་མཆོག་གི་རྫས༔ གསང་སྔགས་བླ་མེད་བདུད་རྩིའི་ཚོགས་མཆོད་འདི༔ བླ་མ་རྣམས་དང་དཀྱིལ་འཁོར་ལྷ་ལ་འབུལ༔ ཨོཾ་ཨཱཿཧཱུྃ་གུ་རུ་དེ་ཝཱ་ཌཱ་ཀི་ནཱི་མ་ཧཱ་ཀཱ་ལ་ག་ཎ་ཙ་ཀྲ་པཱུ་ཙ་ལ་ཁཱ་ཧི༔ ཞེས་བརྗོད་ལ༔ རྡོ་རྗེ་སློབ་དཔོན་ལ་ཚོགས་འདྲེན་པ་ནི༔ སློབ་མས་ལག་པ་གཡས་གཡོན་དུ༔ བཟའ་བ་དང་བཏུང་བ་ཐོགས་ལ་འདི་སྐད་དོ༔ ཧོ༔ སྟོན་པ་རྡོ་རྗེ་སློབ་དཔོན་དགོངས་སུ་གསོལ༔ ཐབས་ཤེས་ཟུང་འཇུག་བླ་མེད་མཆོད་པའི་རྫས༔ ཉེས་སྐྱོན་ཀུན་བྲལ་དག་པའི་བདུད་རྩི་འདི༔ དགྱེས་པར་རོལ་ཏེ་དངོས་གྲུབ་སྩལ་དུ་གསོལ༔ ཞེས་འབུལ་ཞིང་༔ བླ་མས་ལན་གསུང་པ་ནི༔ རྒྱལ་བས་གནང་བའི་བཅུད་ལྡན་ཚོགས་མཆོད་འདི༔ བླ་མ་ཡི་དམ་དགྱེས་པའི་ཚོགས་སུ་རོལ༔ ཟག་མེད་བཅུད་ཀྱིས་བདེ་སྟོང་རྒྱུད་ལ་སྐྱེ༔ ཨ་ལ་ལ་ཧོ་ཡེ་ཤེས་ཚོགས་ལ་རོལ༔ ཞེས་བརྗོད༔ བཅུ་དྲུག་པ་ཚོགས་ལྷག་ནི༔ ལྷག་གཉིས་བསྡུས་ལ་ནང་མཆོད་བྲན་ལ་འདི་སྐད་དོ༔ ཧོ༔ གསང་སྔགས་བླ་མེད་དཀྱིལ་འཁོར་གྱི༔ བཀའ་ཉན་ལྷག་སྡུད་གཏོར་ལེན་མ༔ སྤྲུལ་སྒྱུར་སྣ་ཚོགས་རྫུ་འཕྲུལ་ཅན༔ ལྷག་གཏོར་འདི་བཞེས་བསྟན་པ་སྲུངས༔ བཅོལ་བའི་ཕྲིན་ལས་རྣམ་བཞི་སྒྲུབས༔ ཨོཾ་ཨུཙྪིཥྟ་བྷི་ཏ་ཧ་རི་ཏེ་བྷྱོ་སྭཱ་ཧཱ༔ ༡༢༣༤༥༦༧༨༩༨༦། བཅུ་བདུན་པ་ཐུགས་དམ་བསྐུལ་བ་ནི༔ ཧྲཱིཿ རྣམ་དག་ཆོས་དབྱིངས་གཞལ་ཡས་ནས༔ ཆོས་སྐུ་འོད་དཔག་མེད་མགོན་ཡང་༔ འགྲོ་བའི་དོན་དུ་ཐུགས་དམ་བསྐུལ༔ དབང་བསྐུར་བྱིན་གྱིས་བརླབ་ཏུ་གསོལ༔ རང་བྱུང་འོད་གསལ་གཞལ་ཡས་ནས༔ ལོངས་སྐུ་སྤྱན་རས་གཟིགས་དབང་ཡང་༔ འགྲོ་བའི་དོན་དུ་ཐུགས་དམ་བསྐུལ༔ དབང་བསྐུར་བྱིན་གྱིས་བརླབ་ཏུ་གསོལ༔ རྩལ་སྣང་ཐུགས་རྗེའི་གཞལ་ཡས་ནས༔ སྤྲུལ་སྐུ་བཅོམ་ལྡན་ཐུབ་དྲུག་ཀྱང་༔ འགྲོ་བའི་དོན་ལ་ཐུགས་དམ་བསྐུལ༔ དབང་བསྐུར་བྱིན་གྱིས་བརླབ་ཏུ་གསོལ༔ མེ་རླུང་འཁྲུགས་པའི་གཞལ་ཡས་ནས༔ སྒོ་སྲུང་ཁྲོ་རྒྱལ་དམ་ཅན་ཀྱང་༔ འགྲོ་བའི་དོན་ལ་ཐུགས་དམ་བསྐུལ༔ འགལ་རྐྱེན་བར་ཆད་སེལ་བར་མཛོད༔ ས་མ་ཡ་ཧཱུྃ༔ བཅོ་བརྒྱད་པ་ཆད་མདོ་བྱ་བ་ནི༔ ཧཱུྃ༔ བསྐལ་པ་དང་པོ་ཆོས་དབྱིངས་གནས་མཆོག་ཏུ༔ འོད་དཔག་མེད་ཀྱིས་བླ་མེད་རྒྱུད་གསུངས་ཚེ༔ མ་མོ་མཁའ་འགྲོས་སྲུང་མར་ཞལ་བཞེས་མཛད༔ བཀའ་བཞིན་མཆོད་གཏོར་བཞེས་ལ་ཕྲིན་ལས་སྒྲུབས༔ བསྐལ་པ་བར་མར་བསམ་ཡས་མཆིམས་ཕུ་རུ༔ གུ་རུ་པདྨས་ཤོག་སེར་བྲིས་པའི་ཚེ༔ བརྟན་མ་སྡེ་བརྒྱད་བཀའ་ཡི་སྲུང་མར་བསྐོས༔ བཀའ་བཞིན་མཆོད་གཏོར་བཞེས་ལ་ཕྲིན་ལས་སྒྲུབས༔ བསྐལ་པ་ཐ་མར་ཟངས་མདོག་དཔལ་རིའི་རྩེར༔ ཐོད་ཕྲེང་རྩལ་གྱིས་ལས་འཕྲོ་གླིང་ལ་གསུངས༔ གཏེར་སྲུང་ཕོ་ཉས་ཕྲིན་ལས་སྒྲུབ་པར་ཆད༔ བཀའ་བཞིན་མཆོད་གཏོར་བཞེས་ལ་ཕྲིན་ལས་སྒྲུབས༔ བཅུ་དགུ་པ་བརྟན་མ་སྐྱོང་བ་ནི༔ བྷྱོ༔ བཀའ་ཉན་ལས་བྱེད་བརྟན་མའི་ཚོགས༔ རྡོ་རྗེ་ཀུན་གྲགས་ལ་སོགས་བདུད་མོ་བཞི༔ ཤ་མེད་གངས་དཀར་ལ་སོགས་གནོད་སྦྱིན་བཞི༔ ཀོང་བཙུན་དེ་མོ་ལ་སོགས་སྨན་བཙུན་བཞི༔ སྔོན་གྱི་ཁས་བླངས་དམ་བཅས་ཇི་བཞིན་དུ༔ ཤ་ཁྲག་བརྒྱན་པའི་གཏོར་མ་འདི་བཞེས་ལ༔ ཕྱི་ནང་གསང་བའི་ཕྲིན་ལས་གྲུབ་པར་མཛོད༔ ཉི་ཤུ་པ་རྟ་བྲོ་བརྡུང་བ་ནི༔ ཧྲཱིཿ ཆོས་དབྱིངས་རོལ་པའི་དཀྱིལ་འཁོར་དུ༔ དཔལ་ཆེན་རྟ་མགྲིན་ཁྲོས་པའི་བྲོས༔ གདོན་བགེགས་འབྱུང་པོ་རྡུལ་དུ་རློག༔ དབང་གི་རྟ་སྐད་ཙེ་རེ་རེ༔ ཞབས་ཀྱིས་བྲོ་བརྡུང་ཁྲིགས་སེ་ཁྲིག༔ གཉིས་འཛིན་འཕྲུལ་སྣང་འགོང་པོ་རྣམས༔ ཆོས་དབྱིངས་ཀློང་དུ་མནན་པར་བྱ༔ ཕྱི་ནང་གསང་བའི་རུ་ཏྲ་སརྦ་ལཾ་ནན་ཤ་ཏྲཱུཾ་མཱ་ར་ཡ་ཕཊ༔ ཉེར་གཅིག་པ་བསྡུ་ཆོག་ནི༔ ཧཱུྃ༔ འབྱུང་བ་རིམ་བརྩེགས་ཕོ་བྲང་གཞལ་ཡས་ཁང་༔ དཀྱིལ་འཁོར་ལྷ་ཚོགས་མ་ལུས་ཡབ་དང་ཡུམ༔ ཆོས་སྐུ་སྤྲོས་བྲལ་འགྱུར་མེད་ངང་དུ་བསྡུ༔ ཆོས་སྐུའི་རྩལ་ལས་འགྲོ་དོན་མཛད་པའི་ཕྱིར༔ རང་བྱུང་དབྱིངས་ནས་སླར་ཡང་འབྱོན་པར་མཛོད༔ ཨོཾ་ཨཱཿཧཱུྃ༔ བཛྲ་མུ༔ ཡེ་ཤེས་པ་དབྱིངས་སུ་གཤེགས༔ ཛ་ཧཱུྃ་བྃ་ཧོ༔ དམ་ཚིག་པ་རང་ལ་བསྡུའོ༔ ས་མ་ཡ༔ ཨོཾ་མ་ཎི་པདྨེ་ཧཱུྃ་ཧྲཱིཿ ཉེར་གཉིས་པ་སྨོན་ལམ་ནི༔ ཨོཾ་ཨཱཿཧཱུྃ༔ ཨོཾ་མ་ཎི་པདྨེ་ཧཱུྃ་ཧྲཱིཿ གསང་སྔགས་བླ་མེད་དཀྱིལ་འཁོར་འདི་བསྒྲུབས་པས༔ ཕ་མས་ཐོག་དྲངས་སེམས་ཅན་མ་ལུས་ཀུན༔ ཐོག་མའི་མགོན་པོ་འོད་དཔག་མེད་པ་དང་༔ སྤྱན་རས་གཟིགས་ཀྱི་གོ་འཕང་ཐོབ་པར་ཤོག༔ ཉེར་གསུམ་པ་བཀྲ་ཤིས་ནི༔ ཨོཾ་ཨཱཿཧཱུྃ༔ ཆོས་སྐུའི་བཀྲ་ཤིས་འགྱུར་བ་མེད༔ ལྟ་བ་རྟོགས་པའི་བཀྲ་ཤིས་ཤོག༔ ལོངས་སྐུའི་བཀྲ་ཤིས་གསལ་འགྲིབ་མེད༔ སྒོམ་པ་མཐར་ཕྱིན་བཀྲ་ཤིས་ཤོག༔ སྤྲུལ་སྐུའི་བཀྲ་ཤིས་འགྲོ་བ་འདྲེན༔ དགོས་འདོད་འབྱུང་བའི་བཀྲ་ཤིས་ཤོག༔ བདག་འདྲ་མཁར་ཆེན་མཚོ་རྒྱལ་ངས༔ བླ་མེད་དོན་གསལ་སྒྲོན་མེ་ཡི༔ ལས་བྱང་རིན་ཆེན་ཕྲེང་བ་འདི༔ ཨོ་རྒྱན་པདྨའི་གསུང་བཞིན་བྲིས༔ ཟབ་མོའི་གནས་སུ་གཏེར་དུ་སྦེད༔ མ་འོངས་དུས་ཀྱི་ཐ་མ་ལ༔ འགྲོ་འདུལ་ལས་འཕྲོ་གླིང་པ་ཞེས༔ ཟབ་གཏེར་ཆོས་ཀྱི་བདག་པོ་འབྱུང་༔ གཏེར་བདག་དྲེགས་པའི་ཚོགས་རྣམས་ཀྱིས༔ དེ་ལ་གཏོད་ཅིག་ས་མ་ཡ༔ ༡༢༣༤༥༦༧༨༩༠༡༡།

[edit]

\u0f01\u0f83:__thugs rje chen po don gsal sgron me las:__las byang rin chen phreng ba bzhugs so: 12345678/__oM AHhU~M:__chos dbyings rnam par dag pa'i dkyil 'khor du:__dus gsum rgyal ba ma lus kun 'dus pa'i:__tshad med thugs rjes 'gro la bu ltar brtse:__mgon po spyan ras gzigs la phyag 'tshal lo:__oM ma Ni pad+me hU~M hrIH__bdag nyid pad+ma 'byung gnas ngas:__ma 'ongs skal ldan don phyir du:__bla med don gsal sgron me yi:__lam khyer las byang bstan par bya:__de yang chog khrigs rim pa la:__skyabs 'gro sems bskyed bgegs gtor btang :__bka' bsgo mtshams bcad mchod byin brlab:__pho brang gzhal yas lha tshogs bskyed:__spyan 'dren bzhugs gsol phyag 'tshal bya:__phyi nang gsang mchod dzaba? bsnyen dang :__bstod pa tshogs mchod lhag ma btang :__thugs dam bskul dang chad mdo bdar:__brtan skyong dbang gi bro brdung zhing :__bsdu chog byas la smon lam gdab:__bde legs kun 'byung bkra shis brjod:__'di ltar las rim nyi shu gsum:__ma 'ongs skal ldan don du bkod:__thog mar skyabs su 'gro ba ni:__oM AHhU~M:__ma bcos lhun grub rang byung klong yangs su:__gnas lugs brjod bral 'od gsal snying po'i don:__ji bzhin mngon gyur spyan ras gzigs dbang la:__'dzin med rang grol chen por skyabs su mchi:__zhes lan gsum brjod:__gnyis pa sems bskyed pa ni:__thugs rje ma 'gags rang gsal dkyil 'khor du:__thabs shes 'khril sbyor gtso 'khor yongs rdzogs lha:__longs spyod rdzogs sku rgyal ba'i dkyil 'khor du:__gnyis 'dzin 'khrul snang bsgral bar sems bskyed do:__zhes lan gsum brjod:__gsum pa bgegs gtor btang ba ni:__chang bu bslang ba gcig la chang bu bzhis bskor ba sha khrag gis brgyan pa bshams nas:__oM swa b+hA wa shung+ng+haHsarba d+harmA:swa b+hA ba shud+d+ho\u0f85 haM:__zhes brjod pas stong par sbyang :__oM AHhU~M gis byin gyis brlabs nas 'di skad do:__hU~M __gzung 'dzin 'khrul pa'i gnod byed bgegs kyi tshogs:__lan dang bu lon chags pa'i 'byung po rnams:__'dod yon lnga ldan gtor ma 'di bzhes la:__rnal 'byor sgrub mchog 'khor dang bcas pa la:__gnod 'tshe'i bsam pa zhi nas rang gnas su:__bar chad rtsom byed gdon bgegs khyod song zhig:__ces brjod la gtor ma phyir bskyal lo:__bzhi pa bka' bsgo ba ni:__rang rta mgrin du bskyed la 'di skad do:__hrIH__nga ni dpal chen khros pa'i sku:__gsang sngags zab mo'i dkyil 'khor 'dir:__bar chad rtsom byed gdon bgegs rnams:__thal ba'i rdul bzhin brlag par byed:__oM sum b+ha ni suM b+ha ni hU~M:__gr-ih+Na gr-ih+Na hU~M:__gr-ih+NA pa ya gr-ih+NA pa ya hU~M:__A na ya ho b+ha ga wAn:__badz+ra bid+yA rA dzA ya hU~M phaTaH__ces brjod la rol mo sgrog cing thun gyis brab:__drag po'i rdzas bsreg go:__lnga pa tshig don gsal bas mtshams bcad pa ni 'di skad do:__rang nyid dpal chen thugs ka nas:__mtshams gcod 'od zer phyogs bzhir 'phros:__'od zer dkar po 'phros pa las:__steng 'og phyogs mtshams rdo rje'i gur:__rdo rje 'bar bas mtshams chod la:__dri za'i gdon tshogs bsrung du gsol:__badz+ra kro d+ha rak+Sha rak+Sha hU~M phaT:__'od zer ser po 'phros pa las:__steng 'og phyogs mtshams rin chen gur:__rin chen 'bar bas mtshams chod la:__gshin rje'i gdon tshogs bsrung du gsol:__rat+na kro d+ha rak+Sha rak+Sha hU~M phaT:__'od zer dmar po 'phros pa las:__steng 'og phyogs mtshams pad+ma'i gur:__pad+ma 'bar bas mtshams chod la:__klu dbang gdon tshogs bsrung du gsol:__pad+ma kro d+ha rak+Sha rak+Sha hU~M phaT:__'od zer ljang gu 'phros pa las:__steng 'og phyogs mtshams ral gri'i gur:__ral gri 'bar bas mtshams chod la:__gnod sbyin gdon tshogs bsrung du gsol:__karma kro d+ha rak+Sha rak+Sha hU~M phaTaH__drug pa mchod pa byin gyis brlab pa ni:__yi dam lha yi thugs ka nas:__mchod rdzas dri ma sbyang ba'i phyir:__ra~M ya~M kha~M gsum 'phros pa yis:__ma dag dri ma bsregs gtor bkrus:__yi dam lha yi thugs ka nas:__mchod rdzas byin gyis brlab pa'i phyir:__oM AHhU~M gsum 'phros pa yis:__phyi nang gsang ba'i mchod pa rnams:__bzang zhing rgya che zad mi shes:__ye shes bdud rtsi'i rgya mtshor gyur:__oM ma Ni pad+me hU~M hrIH__bdun pa gzhal yas khang bskyed pa ni:__hrI:__rang rig hrIHlas 'od 'phros pas:__rgyal ba mchod cing 'gro don byas:__tshur 'dus rang la thim par gyur:__rang gi rig pa hrIHdkar ni:__brjod med blo 'das de bzhin nyid:__de bzhin nyid la 'phel 'grib med:__oM shU n+ya tA dz+nyA na badz+ra swA b+hA wa At+ma ko\u0f85 haM:__byang chub sems kyi ngo bo la:__gzung 'dzin mtshan mas ma gos kyang :__thugs rje 'gags med kun la khyab:__stong nyid snying rje'i snying po ni:__rang rig hrIHdkar 'od zer 'bar:__de las 'od 'phros rdo rje ni:__dkar po rtse lnga pa ru bsgom:__de las 'od 'phros 'byung lnga stong :__stong nyid bsam brjod mtha' bral klong :__rgyal ba'i thugs rje las grub pa:__dag pa'i 'byung lnga bskyed pa yi:__sa bon yi ge 'bru bdun shar:__e yaM raM khaM suM ra keM:__e las nam mkha' mthing 'od 'bar:__yaM las rlung gi dkyil 'khor g.yos:__raM las ye shes me dpung 'bar:__khaM las chu yi dkyil 'khor khol:__suM las zhing lpags gser mdog steng :__ra las rak+ta dmar nag dbus:__keM las rus pa'i ri rab khar:__pad+ma 'dab stong mdzes pa'i steng :__b+h+rU~M las rin chen gzhal yas khang :__khyams dang gru chad shar dkar la:__lho ser nub dmar byang ljang ba'i:__rtsigs pa mthing nag dkar ser dmar:__ljang ba'i rnam pa lnga dang ldan:__'dod snam pha gu drwa phyed dang :__mda' yab bu shu sgo bzhi dang :__rta babs bzhi dang ldan pa'i steng :__chos 'khor gdugs dang rgyal mtshan dang :__pad+ma dur khrod rdor dang :__me ri la sogs gzhal yas kyi:__phyi nang bkod pa phun sum tshogs:__yongs su rdzogs pa gsal bar bskyed:__123456765/__brgyad pa lha bskyed pa ni:__rang byung lhun grub dkyil 'khor dbus:__thabs shes zla gam dkar dmar mthar:__pad 'dab phyi nang mdzes pa'i khar:__glang chen rta mchog rma bya dang :__shang shang bsnol ba'i khri steng du:__pad+ma nyi zla brtsegs pa'i steng :__rang rig hrIHyig dmar por bsam:__de las 'od 'phros don gnyis byas:__tshur 'dus slar yang hrIHla thim:__hrIHyig yongs su gyur pa las:__bcom ldan mgon po 'od dpag med:__zhal gcig phyag bzhi sku mdog dmar:__zhabs gnyis rdo rje skyil krung la:__rtsa phyag dang po mnyam bzhag steng :__'chi med tshe yi bum pa bsnams:__phyag gnyis g.yas kyi 'og ma na:__mu tig dmar po'i phreng ba 'dzin:__g.yon 'og pad+ma dmar po bsnams:__yum mchog bde chen dbyings phyug ma:__sku mdog dmar gsal mdangs dang ldan:__phyag g.yas rdo rje thugs kar bsnams:__g.yon pa dril 'dzin yab la 'khyud:__'khril sbyor bde stong ldan par bskyed:__zla gam dkar po'i steng du ni:__oM las bung+ng+ha spyan ras gzigs:__zhal gcig phyag bzhi sku mdog dkar:__zhabs gnyis skyil krung bzhugs pa la:__rtsa phyag dang po rdor dril bsnams:__phyag gnyis g.yas kyi 'og ma na:__me tog dkar po'i phreng ba 'dzin:__g.yon 'og pad+ma dkar po bsnams:__yum mchog bud+d+ha mkha' 'gro ma:__dkar gsal mdangs dang ldan pa la:__phyag g.yas rdo rje thugs kar bsnams:__g.yon pas dril 'dzin yab la 'khyud:__'khril sbyor bde stong ldan par bskyed:__shar phyogs pad 'dab mthing ga'i steng :__hU~M las badz+ra spyan ras gzigs:__zhal gcig phyag bzhi sku mdog mthing :__zhabs gnyis skyil krung bzhugs pa la:__rtsa phyag dang po rdor dril bsnams:__phyag gnyis g.yas kyi 'og ma na:__me tog sngon po'i phreng ba 'dzin:__g.yon 'og pad+ma sngon po bsnams:__yum mchog rdo rje mkha' 'gro ma:__mthing gsal mdangs dang ldan pa la:__phyag g.yas rdo rje thugs kar bsnams:__g.yon pa dril 'dzin yab la 'khyud:__'khril sbyor bde stong ldan par bskyed:__lho phyogs pad 'dab ser po'i steng :__trA~M las rat+na spyan ras gzigs:__zhal gcig phyag bzhi sku mdog ser:__zhabs gnyis skyil krung bzhugs pa la:__rtsa phyag dang po rdor dril bsnams:__phyag gnyis g.yas kyi 'og ma na:__me tog ser po'i phreng ba 'dzin:__g.yon 'og pad+ma ser po bsnams:__yum mchog rin chen mkha' 'gro ma:__ser gsal mdangs dang ldan pa la:__phyag g.yas rdo rje thugs kar bsnams:__g.yon pa dril 'dzin yab la 'khyud:__'khril sbyor bde stong ldan par bskyed:__nub phyogs pad 'dab dmar po'i steng :__hrIHlas pad+ma spyan ras gzigs:__zhal gcig phyag bzhi sku mdog dmar:__zhabs gnyis skyil krung bzhugs pa la:__rtsa phyag dang po rdor dril bsnams:__phyag gnyis g.yas kyi 'og ma na:__me tog dmar po'i phreng ba 'dzin:__g.yon 'og pad+ma dmar po bsnams:__yum mchog pad+ma mkha' 'gro ma:__dmar gsal mdangs dang ldan pa la:__phyag g.yas rdo rje thugs kar bsnams:__g.yon pa dril 'dzin yab la 'khyud:__'khril sbyor bde stong ldan par bskyed:__byang phyogs pad 'dab ljang gu'i steng :__a las karma spyan ras gzigs:__zhal gcig phyag bzhi sku mdog ljang :__zhabs gnyis skyil krung bzhugs pa la:__rtsa phyag dang po rdor dril bsnams:__phyag gnyis g.yas kyi 'og ma na:__me tog ljang gu'i phreng ba 'dzin:__g.yon 'og pad+ma ljang gu bsnams:__yum mchog las kyi mkha' 'gro ma:__ljang gsal mdangs dang ldan pa la:__phyag g.yas rdo rje thugs kar bsnams:__g.yon pas dril 'dzin yab la 'khyud:__'khril sbyor bde stong ldan par bskyed:__de yi phyi rim 'dab brgyad kyi:__shar du oM las lha yi ni:__thub pa brgya byin sku mdog dkar:__pi wang bsnams pa bzhengs thabs bskyed:__shar lho mtshams kyi pad 'dab la:__ma las lha min thub pa ni:__thags bzang rgyal po sku mdog ljang :__go mtshon bsnams pa bzhengs thabs bskyed:__lho yi phyogs kyi pad 'dab la:__Ni las mi yi thub pa ni:__shAkya thub pa sku mdog ser:__gseg shang lhung bzed bsnams par bskyed:__lho nub mtshams kyi pad 'dab la:__pad las byol song thub pa ni:__seng ge rab brtan sku mdog mthing :__pusti bsnams pa bzhengs thabs bskyed:__nub kyi phyogs kyi pad 'dab la:__me las yi dwags thub pa ni:__kha 'bar rgyal po sku mdog dmar:__sgrom bu bsnams pa bzhengs thabs bskyed:__nub byang mtshams kyi pad 'dab la:__hU~M las dmyal ba'i thub pa ni:__chos kyi rgyal po sku mdog nag:__me chu bsnams pa bzhengs thabs bskyed:__byang gi phyogs kyi pad 'dab la:__ma las khro rgyal sme ba brtsegs:__g.yas pa me dpung g.yon khrus chu:__mtshams dang khrus kyi las mdzad bskyed:__byang shar mtshams kyi pad 'dab la:__a las rnam 'joms sku mdog ljang :__g.yas pa khrus bum g.yon me long :__nad gdon sdig sgrib sel mdzad bskyed:__oM ma Ni pad+me hU~M:__bla med dkyil 'khor shar sgo ru:__bi las khro bo rnam par rgyal:__zhal gcig phyag gnyis sku mdog dkar:__g.yas pa rdo rje g.yon dril bu:__gar dgu'i nyams dang ldan par bskyed:__bla med dkyil 'khor lho sgo ru:__ya las khro bo gshin rje gshed:__zhal gcig phyag gnyis sku mdog ser:__g.yas pa dbyug to g.yon zhags pa:__gar dgu'i nyams dang ldan par bskyed:__bla med dkyil 'khor nub sgo ru:__hrIHlas khro bo rta mchog dpal:__zhal gcig phyag gnyis sku mdog dmar:__g.yas pa gri gug g.yon thod khrag:__gar dgu'i nyams dang ldan par bskyed:__bla med dkyil 'khor byang sgo ru:__a las khro bo bdud rtsi 'khyil:__zhal gcig phyag gnyis sku mdog ljang :__g.yas pa rgya gram g.yon sdigs mdzub:__gar dgu'i nyams dang ldan par bskyed:__dkyil 'khor chen po'i steng 'og dang :__'khor yug phyogs mtshams thams cad la:__dpa' bo mkha' 'gro chos skyong rnams:__'ja' tshon 'khrigs pa lta bur bskyed:__oM AHhU~M:__oM ma Ni pad+me hU~M hrIH__dgu pa spyan 'dren pa ni:__hrIH__'od gsal mkha' dbyings dag pa nas:__mchog thun dngos grub kun gyi bdag:__o rgyan pad+ma la sogs pa'i:__bka' brgyud bla ma spyan 'dren no:__ye shes lnga ldan klong yangs nas:__dbang dang byin rlabs kun gyi bdag:__spyan ras gzigs dbang rigs lnga sogs:__yi dam lha tshogs spyan 'dren no:__stong nyid snying rje'i dkyil 'khor nas:__thabs mkhas 'gro ba 'dren mdzad pa:__bcom ldan thub drug la sogs pa:__sprul pa'i sku rnams spyan 'dren no:__chos kyi dbyings nas khro tshul ston:__bar chad 'byung po tshar gcod pa'i:__rnam rgyal gshin rje la sogs pa:__khro bo'i tshogs rnams spyan 'dren no:__phyogs bzhi mtshams brgyad gzhal yas nas:__dpa' bo mkha' 'gro chos skyong dang :__gter srung dam can rgya mtsho sogs:__srung ma'i tshogs rnams spyan 'dren no:__oM AHhU~M gu ru de wa DA ki nI ma hA kA la badz+ra sa ma ya dza dza:__bcu pa bzhugs su gsol ba ni:__hrIH__dbyings rig dbyer med thugs rje las:__grub pa'i dkyil 'khor chen po 'dir:__bla ma yi dam 'khor dang bcas:__skyon bral dag pa'i khri la bzhugs:__oM AHhU~M gu ru de ba DA ki nI pad+ma ka ma lA ya s+t+waM:__bcu gcig pa phyag 'tshal ba ni:__hrIH__mi 'jig 'gyur med rdo rje'i sku:__'gags med tshangs dbyangs chos kyi sgras:__'gro ba'i mun pa sel mdzad pa'i:__bla ma rnams la phyag 'tshal lo:__ma bcos mtha' bral chos kyi sku:__mtshan dpe yongs rdzogs yab yum 'khril:__spyan ras gzigs dbang rigs lnga sogs:__yi dam lha la phyag 'tshal lo:__phyi nang gsang ba'i mkha' dbyings nas:__bde stong sgyu ma'i gar la rol:__dngos grub stsol zhing phrin las sgrub:__dpa' bo mkha' 'gror phyag 'tshal lo:__lung rtogs dam chos dkyil 'khor du:__bstan pa srung zhing gdon bgegs 'dul:__ye shes mgon po la sogs pa'i:__srung ma rnams la phyag 'tshal lo:__a ti pu ho:__pra ti dza ho:__bcu gnyis pa mchod pa 'bul ba ni:__hrIH__dkyil 'khor lha tshogs 'khor dang bcas pa la:__phyi nang gsang ba'i mchod pa 'bul ba ni:__ho:__dag cing gtsang ba yid 'ong dung chos nang :__yan lag brgyad ldan chu yis rab bkang nas:__spyan ras gzigs dbang 'khor dang bcas la 'bul:__oM sarba ta thA ga ta lo ke shwa ra sa pa ri wA ra ar+g+haM pra tIts+tsha hU~M swA hA:__dwangs shing gsal la rnyogs pa med pa'i chu:__dri zhim ngad ldan zhabs bsil dam pa 'di:__spyan ras gzigs dbang 'khor dang bcas la 'bul:__oM sarba ta thA ga ta lo ke shwa ra sa pa ri wA ra pA d+yaM pra tIts+tsha hU~M swA hA:__u dum puN+Da pad+ma gser chen sogs:__'jig rten khams kyi me tog ji snyed kun:__spyan ras gzigs dbang 'khor dang bcas la 'bul:__oM sarba ta thA ga ta lo ke shwa ra sa pa ri wA ra puSh+pe pra tIts+tsha hU~M swA hA:__a kar rgya spos spang spos si la sogs:__'jig rten khams kyi bdug spos ji snyed kun:__spyan ras gzigs dbang 'khor dang bcas la 'bul:__oM sarba ta thA ga ta lo ke shwa ra sa pa ri wA ra d+hU pe pra tIts+tsha hU~M swA hA:__nyi zla nor bu sgron me la sogs pa :__'jig rten khams kyi snang gsal ji snyed kun:__spyan ras gzigs dbang 'khor dang bcas la 'bul:__oM sarba ta thA ga ta lo ke shwa ra sa pa ri wA ra A lo ke pra tIts+tsha hU~M swA hA:__ga bur tsan dan dzA ti gur gum sogs:__'jig rten khams kyi dri mchog ji snyed kun:__spyan ras gzigs dbang 'khor dang bcas la 'bul:__oM sarba ta thA ga ta lo ke shwa ra sa pa ri wA ra gan+d+he pra tIts+tsha hU~M swA hA:__nas 'bras gro dang til dkar la sogs pa'i:__'jig rten khams kyi zhal zas ji snyed kun:__spyan ras gzigs dbang 'khor dang bcas la 'bul:_oM sarba ta thA ga ta lo ke shwa ra sa pa ri wA ra nai bi d+ya pra tIts+tsha hU~M swA hA:__rnga dang sil snyen pi wang gling bu sogs:__'jig rten khams kyi sgra snyan ji snyed kun:__spyan ras gzigs dbang 'khor dang bcas la 'bul:__oM sarba ta thA ga ta lo ke shwa ra sa pa ri wA ra shab+da pra tI ts+tsha hU~M swA hA:__12345/__kun bzang thugs las sprul pa'i ye shes lnga:__dug lnga sel phyir bdud rtsi sman gyi mchog:__dza gad phud la sbyar ba'i a mr-i ta:__spyan ras gzigs dbang 'khor dang bcas la 'bul:__dz+nyA na pany+tsa a mr-i ta la khA hi:__zag med bde ba'i mkha' dbyings klong chen du:__'dod chags rnam dag bde stong mchod pa'i sprin:__dug gsum bsgral ba'i rak+ta dam pa 'di:__spyan ras gzigs dbang 'khor dang bcas la 'bul:__ma hA rak+ta sarba pU dza la khA hiH__rang byung spros bral chos dbyings ka pA lar:__snang srid 'dod yon bza' bca' dpag med sbyar:__rig pa rang gsal mchog gi gtor ma 'di:__spyan ras gzigs dbang 'khor dang bcas la 'bul:__oM AHhU~M:__ma hA ba liM ta khA hi:__12345678986/__bcu gsum pa 'dzab bsnyen ni:__oM AHhU~M:__mi mngon chos dbyings gnas mchog nas:__kun bzang bde bar gshegs pa'i gsung :__'gro ba'i don du chos sgra sgrog:__oM ma Ni pad+me hU~M hrI:__oM ma Ni pad+me hU~M hrI:__oM ma Ni pad+me hU~M hrI:__po ta la yi gnas mchog nas:__spyan ras gzigs dbang bde gshegs gsung :__'gro ba'i don du chos sgra sgrog:__oM ma Ni pad+me hU~M hrI:__oM ma Ni pad+me hU~M hrI:__oM ma Ni pad+me hU~M hrI:__zangs mdog dpal ri'i gnas mchog nas:__o rgyan pad+ma bde gshegs gsung :__'gro ba'i don du chos sgra sgrog:__oM ma Ni pad+me hU~M hrI:__oM ma Ni pad+me hU~M hrI:__oM ma Ni pad+me hU~M hrI:__klong yangs chos sku'i gzhal yas nas:__las 'gro gling pa bde gshegs gsung :__'gro ba'i don du chos sgra sgrog:__oM ma Ni pad+me hU~M hrI:__oM ma Ni pad+me hU~M hrI:__oM ma Ni pad+me hU~M hrI:__oM AHhU~M:__yi dam spyan ras gzigs dbang ni:__dus gsum sangs rgyas kun 'dus pa'i:__sku gsung thugs kyi ngo bo nyid:__bdag gi lus ngag yid gsum la:__byin gyis brlab par mdzad du gsol:__lus ngag yid gsum sgrib dag nas:__sku gsung thugs kyi dngos grub stsol:__oM AHhU~M:__kA ya sing+ng+hi oM:__oM ma Ni pad+me hU~M hrIH__oM AHhU~M:__wA ka sid+d+hi AH__oM ma Ni pad+me hU~M hrIH__oM AHhU~M:__tsit+ta sid+d+hi hU~M:__oM ma Ni pad+me hU~M hrIH__bcu bzhi pa bstod pa bya ba ni:__hrIH__chos sku dbyer med blo 'das pa'i:__longs sku gsal stong 'od kyi sku:__'od dpag med mgon yab yum la:__dbyings rig dbyer med phyag mtshal bstod:__'gro drug sems can thams cad kyi:__kun gzhi'i bag chags sbyong mdzad pa:__chos dbyings ye shes ngo bo nyid:__bud+d+ha spyan ras gzigs la bstod:__'gro drug sems can thams cad kyi:__yid kyi bag chags sbyong mdzad pa:__me long ye shes ngo bo nyid:__badz+ra spyan ras gzigs la bstod:__'gro drug sems can thams cad kyi:__lus kyi bag chags sbyong mdzad pa:__mnyam nyid ye shes ngo bo nyid:__rat+na spyan ras gzigs la bstod:__'gro drug sems can thams cad kyi:__ngag gi bag chags sbyong mdzad pa:__sor rtog ye shes ngo bo nyid:__pad+ma spyan ras gzigs la bstod:__'gro drug sems can thams cad kyi:__sgo lnga'i bag chags sbyong mdzad pa:__bya grub ye shes ngo bo nyid:__karma spyan ras gzigs la bstod:__'gro drug sems can thams cad kyi:__'byung ba lnga yi phung po ni:__yum gyi b+ha ga'i klong du sgrol:__yum mchog lnga la phyag 'tshal bstod:__mgon po spyan ras gzigs dbang gi:__sprul pa tshad med thugs rje can:__'gro drug rgyud lnga'i bag chags sbyong :__thub pa drug la phyag 'tshal bstod:__thugs rje chen po'i chu rgyun gyis:__'gro ba'i tsha gdung sel mdzad pa'i:__khro bo sme brtsegs rnam par 'joms:__khrus kyi lha la phyag 'tshal bstod:__chos sku mtshan ma'i yul 'das kyang :__gzugs sku khro bo'i skur bstan nas:__dkyil 'khor sgo srung gdug pa 'dul:__khro rgyal bzhi la phyag 'tshal bstod:__bco lnga pa tshogs las ni:__rang nyid spyan ras gzigs dbang thugs ka nas:__ra~M ya~M kha~M gsum tshogs la phog pas sbyong :__ra~M ya~M kha~M:__rang nyid spyan ras gzigs dbang thugs ka nas:__oM AHhU~M gsum 'phros pas bdud rtsir gyur:__oM AHhU~M:__tshogs phud 'bul ba ni:__ho:__skyon bral thabs shes dngos grub mchog gi rdzas:__gsang sngags bla med bdud rtsi'i tshogs mchod 'di:__bla ma rnams dang dkyil 'khor lha la 'bul:__oM AHhU~M gu ru de wA DA ki nI ma hA kA la ga Na tsa kra pU tsa la khA hi:__zhes brjod la:__rdo rje slob dpon la tshogs 'dren pa ni:__slob mas lag pa g.yas g.yon du:__bza' ba dang btung ba thogs la 'di skad do:__ho:__ston pa rdo rje slob dpon dgongs su gsol:__thabs shes zung 'jug bla med mchod pa'i rdzas:__nyes skyon kun bral dag pa'i bdud rtsi 'di:__dgyes par rol te dngos grub stsal du gsol:__zhes 'bul zhing :__bla mas lan gsung pa ni:__rgyal bas gnang ba'i bcud ldan tshogs mchod 'di:__bla ma yi dam dgyes pa'i tshogs su rol:__zag med bcud kyis bde stong rgyud la skye:__a la la ho ye shes tshogs la rol:__zhes brjod:__bcu drug pa tshogs lhag ni:__lhag gnyis bsdus la nang mchod bran la 'di skad do:__ho:__gsang sngags bla med dkyil 'khor gyi:__bka' nyan lhag sdud gtor len ma:__sprul sgyur sna tshogs rdzu 'phrul can:__lhag gtor 'di bzhes bstan pa srungs:__bcol ba'i phrin las rnam bzhi sgrubs:__oM uts+tshiSh+ta b+hi ta ha ri te b+h+yo swA hA:__12345678986/__bcu bdun pa thugs dam bskul ba ni:__hrIH__rnam dag chos dbyings gzhal yas nas:__chos sku 'od dpag med mgon yang :__'gro ba'i don du thugs dam bskul:__dbang bskur byin gyis brlab tu gsol:__rang byung 'od gsal gzhal yas nas:__longs sku spyan ras gzigs dbang yang :__'gro ba'i don du thugs dam bskul:__dbang bskur byin gyis brlab tu gsol:__rtsal snang thugs rje'i gzhal yas nas:__sprul sku bcom ldan thub drug kyang :__'gro ba'i don la thugs dam bskul:__dbang bskur byin gyis brlab tu gsol:__me rlung 'khrugs pa'i gzhal yas nas:__sgo srung khro rgyal dam can kyang :__'gro ba'i don la thugs dam bskul:__'gal rkyen bar chad sel bar mdzod:__sa ma ya hU~M:__bco brgyad pa chad mdo bya ba ni:__hU~M:__bskal pa dang po chos dbyings gnas mchog tu:__'od dpag med kyis bla med rgyud gsungs tshe:__ma mo mkha' 'gros srung mar zhal bzhes mdzad:__bka' bzhin mchod gtor bzhes la phrin las sgrubs:__bskal pa bar mar bsam yas mchims phu ru:__gu ru pad+mas shog ser bris pa'i tshe:__brtan ma sde brgyad bka' yi srung mar bskos:__bka' bzhin mchod gtor bzhes la phrin las sgrubs:__bskal pa tha mar zangs mdog dpal ri'i rtser:__thod phreng rtsal gyis las 'phro gling la gsungs:__gter srung pho nyas phrin las sgrub par chad:__bka' bzhin mchod gtor bzhes la phrin las sgrubs:__bcu dgu pa brtan ma skyong ba ni:__b+h+yo:__bka' nyan las byed brtan ma'i tshogs:__rdo rje kun grags la sogs bdud mo bzhi:__sha med gangs dkar la sogs gnod sbyin bzhi:__kong btsun de mo la sogs sman btsun bzhi:__sngon gyi khas blangs dam bcas ji bzhin du:__sha khrag brgyan pa'i gtor ma 'di bzhes la:__phyi nang gsang ba'i phrin las grub par mdzod:__nyi shu pa rta bro brdung ba ni:__hrIH__chos dbyings rol pa'i dkyil 'khor du:__dpal chen rta mgrin khros pa'i bros:__gdon bgegs 'byung po rdul du rlog:__dbang gi rta skad tse re re:__zhabs kyis bro brdung khrigs se khrig:__gnyis 'dzin 'phrul snang 'gong po rnams:__chos dbyings klong du mnan par bya:__phyi nang gsang ba'i ru tra sarba laM nan sha trUM mA ra ya phaT:__nyer gcig pa bsdu chog ni:__hU~M:__'byung ba rim brtsegs pho brang gzhal yas khang :__dkyil 'khor lha tshogs ma lus yab dang yum:__chos sku spros bral 'gyur med ngang du bsdu:__chos sku'i rtsal las 'gro don mdzad pa'i phyir:__rang byung dbyings nas slar yang 'byon par mdzod:__oM AHhU~M:__badz+ra mu:__ye shes pa dbyings su gshegs:__dza hU~M ba~M ho:__dam tshig pa rang la bsdu'o:__sa ma ya:__oM ma Ni pad+me hU~M hrIH__nyer gnyis pa smon lam ni:__oM AHhU~M:__oM ma Ni pad+me hU~M hrIH__gsang sngags bla med dkyil 'khor 'di bsgrubs pas:__pha mas thog drangs sems can ma lus kun:__thog ma'i mgon po 'od dpag med pa dang :__spyan ras gzigs kyi go 'phang thob par shog:__nyer gsum pa bkra shis ni:__oM AHhU~M:__chos sku'i bkra shis 'gyur ba med:__lta ba rtogs pa'i bkra shis shog:__longs sku'i bkra shis gsal 'grib med:__sgom pa mthar phyin bkra shis shog:__sprul sku'i bkra shis 'gro ba 'dren:__dgos 'dod 'byung ba'i bkra shis shog:__bdag 'dra mkhar chen mtsho rgyal ngas:__bla med don gsal sgron me yi:__las byang rin chen phreng ba 'di:__o rgyan pad+ma'i gsung bzhin bris:__zab mo'i gnas su gter du sbed:__ma 'ongs dus kyi tha ma la:__'gro 'dul las 'phro gling pa zhes:__zab gter chos kyi bdag po 'byung :__gter bdag dregs pa'i tshogs rnams kyis:__de la gtod cig sa ma ya:__123456789011/