JKW-KABAB-02-KHA-053

🚧 This website is under continued development. We appreciate your patience!

Previous Text Back to Volume PageNext Text

Wylie title	gsol 'debs bar chad lam sel
Location	mkhyen brtse'i bka' babs Volume 2, Text 53, Pages 437-442 (Folios 1a1 to 3b3)
Author	མཆོག་གྱུར་གླིང་པ་
Less details More details
Tertön	མཆོག་གྱུར་གླིང་པ་ (mchog gyur gling pa)
Associated People	པདྨ་འབྱུང་གནས་ (pad+ma 'byung gnas)
Citation	mchog gyur gling pa. gsol 'debs bar chad lam sel. In Rdzong sar 'jam dbyangs mkhyen brtse'i dbang po'i bka' babs, Vol. 2: 437-442. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Supplications - gsol 'debs
Cycle	བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)
Deity	pad+ma 'byung gnas
Karchag page	JKW-KABAB-Volume-02-KHA-Karchag
RTZ	In the Rinchen Terdzö: https://rtz.tsadra.org/index.php/Terdzo-THA-022
Colophon	ཞེས་པ་རྩོད་བྲལ་དུས་བབས་ཀྱི་སྤྲུལ་པའི་གཏེར་སྟོན་ཆེན་པོ་ཨོ་རྒྱན་མཆོག་གྱུར་གླིང་པས་ཟླ་ཉིན་ཁ་ལ་རོང་སྒོའི་དཔལ་ཆེན་པོའི་ཞབས་་འོག་ནས་སྤྱན་དྲངས་པའི་བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཞལ་གདམས་སྙིང་བྱང་ཡིད་བཞིན་ནོར་བུ་ལས་ཕྱི་གསོལ་འདེབས་ཀྱི་སྒྲུབ་པ་ཁོལ་དུ་ཕྱུངས་པ་སྟེ། འདིས་ཀྱང་བསྟན་འགྲོའི་བར་ཆད་དང་རྒུད་པ་ཐམས་ཅད་ཉེ་བར་ཞི་ཞིང༌། དགེ་ལེགས་ཀྱི་དོན་ཐམས་ཅད་ཡོངས་སུ་གྲུབ་པའི་རྒྱུར་གྱུར་ཅིག །སརྦ་མངྒ་ལཾ།།
	zhes pa rtsod bral dus babs kyi sprul pa'i gter ston chen po o rgyan mchog gyur gling pas zla nyin kha la rong sgo'i dpal chen po'i zhabs 'og nas spyan drangs pa'i bla ma'i thugs sgrub bar chad kun sel gyi zhal gdams snying byang yid bzhin nor bu las phyi gsol 'debs kyi sgrub pa khol du phyungs pa ste/__'dis kyang bstan 'gro'i bar chad dang rgud pa thams cad nye bar zhi zhing*/__dge legs kyi don thams cad yongs su grub pa'i rgyur gyur cig__/sarba mang+ga laM/

Tibetan Text

Wylie

[edit]

༁ྃ༔ ༔གསོལ་འདེབས་བར་ཆད་ལམ་སེལ་བཞུགས་སོ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཆོས་སྐུ་སྣང་བ་མཐའ་ཡས་ལ་གསོལ་བ་འདེབས༔ ལོངས་སྐུ་ཐུགས་རྗེ་ཆེན་པོ་ལ་གསོལ་བ་འདེབས༔ སྤྲུལ་སྐུ་པདྨ་འབྱུང་གནས་ལ་གསོལ་བ་འདེབས༔ བདག་གི་བླ་མ་ངོ་མཚར་སྤྲུལ་པའི་སྐུ༔ རྒྱ་གར་ཡུལ་དུ་སྐུ་འཁྲུངས་ཐོས་བསམ་མཛད༔ བོད་ཡུལ་དབུས་སུ་ཞལ་བྱོན་དྲེགས་པ་བཏུལ༔ ཨོ་རྒྱན་ཡུལ་དུ་སྐུ་བཞུགས་འགྲོ་དོན་མཛད༔ ཐུགས་རྗེས་བདག་ལ་བྱིན་གྱིས་རློབས༔ བརྩེ་བས་བདག་སོགས་ལམ་སྣ་དྲོངས༔ དགོངས་པས་བདག་ལ་དངོས་གྲུབ་སྩོལ༔ ནུས་པས་བདག་སོགས་བར་ཆད་སོལ༔ ཕྱི་ཡི་བར་ཆད་ཕྱི་རུ་སོལ༔ ནང་གི་བར་ཆད་ནང་དུ་སོལ༔ གསང་བའི་བར་ཆད་དབྱིངས་སུ་སོལ༔ གུས་པས་ཕྱག་འཚལ་སྐྱབས་སུ་མཆི༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ སྐུ་ཡི་ངོ་མཚར་མཐོང་བའི་ཚེ༔ གཡས་པས་རལ་གྲི་ཕྱག་རྒྱ་མཛད༔ གཡོན་པས་འགུགས་པའི་ཕྱག་རྒྱ་མཛད༔ ཞལ་བགྲད་མཆེ་གཙིགས་གྱེན་ལ་གཟིགས༔ རྒྱལ་བའི་གདུང་འཛིན་འགྲོ་བའི་མགོན༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ དམ་ཆོས་རིན་ཆེན་གསན་པའི་ཚེ༔ སྐུ་གསལ་འོད་ཟེར་མདངས་དང་ལྡན༔ ཕྱག་གཡས་སྡེ་སྣོད་གླེགས་བམ་བསྣམས༔ གཡོན་པས་ཕུར་པའི་པུས་སྟི་བསྣམས༔ ཟབ་མོའི་ཆོས་རྣམས་ཐུགས་སུ་ཆུད༔ ཡང་ལེ་ཤོད་ཀྱི་པཎྜི་ཏ༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ དམ་ཅན་དམ་ལ་བཏགས་པའི་ཚེ༔ དྲི་མེད་གནས་མཆོག་ཉམས་རེ་དགའ༔ རྒྱ་གར་བོད་ཡུལ་ས་མཚམས་སུ༔ བྱིན་གྱིས་བརླབས་ནས་བྱོན་པའི་ཚེ༔ དྲི་བསུང་སྤོས་ངད་ལྡན་པའི་རི༔ མེ་ཏོག་པདྨ་དགུན་ཡང་སྐྱེ༔ ཆུ་མིག་བྱང་ཆུབ་བདུད་རྩིའི་ཆུ༔ བདེ་ལྡན་དེ་ཡི་གནས་མཆོག་ཏུ༔ སྐྱེས་མཆོག་ཚུལ་བཟང་ཆོས་གོས་གསོལ༔ ཕྱག་གཡས་རྡོ་རྗེ་རྩེ་དགུ་བསྣམས༔ གཡོན་པས་རིན་ཆེན་ཟ་མ་ཏོག༔ རཀྟ་བདུད་རྩིས་ནང་དུ་གཏམས༔ མཁའ་འགྲོ་དམ་ཅན་དམ་ལ་བཏགས༔ ཡི་དམ་ཞལ་གཟིགས་དངོས་གྲུབ་བརྙེས༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ རྒྱལ་བའི་བསྟན་པ་བཙུགས་པའི་ཚེ༔ གཡའ་རིའི་ནགས་ལ་སྒྲུབ་པ་མཛད༔ བསྙེན་ཕུར་ནམ་མཁའི་དབྱིངས་སུ་འཕར༔ རྡོ་རྗེ་ཕྱག་རྒྱས་བླངས་ཤིང་བསྒྲིལ༔ བསྒྲིལ་ཞིང་ཙན་དན་ནགས་སུ་འཕངས༔ མེ་འབར་འཁྲུགས་ཤིང་མཚོ་ཡང་སྐམ༔ སྲིབ་ཀྱི་མུ་སྟེགས་ས་གང་བསྲེགས༔ ཡཀྵ་ནག་པོ་རྡུལ་དུ་བརླགས༔ འགྲན་གྱི་དོ་མེད་བདུད་ཀྱི་གཤེད༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ སྲིན་པོའི་ཁ་གནོན་མཛད་པའི་ཚེ༔ ཁྱེའུ་ཆུང་སྤྲུལ་སྐུའི་ཆ་ལུགས་ཅན༔ ཡ་མཚན་གཟུགས་བཟང་ཁ་དོག་ལེགས༔ ཚེམས་འགྲིགས་དབུ་སྐྲ་སེར་ལ་མཛེས༔ དགུང་ལོ་བཅུ་དྲུག་ལོན་པའི་ཚུལ༔ རིན་ཆེན་རྒྱན་ཆ་སྣ་ཚོགས་གསོལ༔ ཕྱག་གཡས་མཁར་བའི་ཕུར་པ་བསྣམས༔ བདུད་དང་སྲིན་པོའི་ཁ་གནོན་མཛད༔ གཡོན་པས་སེང་ལྡེང་ཕུར་པ་བསྣམས༔ མོས་པའི་བུ་ལ་སྲུང་སྐྱོབ་མཛད༔ མགུལ་ན་ལྕགས་ཀྱི་ཕུར་པ་བསྣམས༔ ཡི་དམ་ལྷ་དང་གཉིས་སུ་མེད༔ གཉིས་མེད་སྤྲུལ་སྐུ་འཛམ་གླིང་རྒྱན༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ འདྲེ་ཡི་ཡུལ་དུ་དགོངས་པའི་ཚེ༔ མེ་དཔུང་ཤོད་ཀྱི་ས་གཞི་ལ༔ མདའ་རྒྱང་གང་གི་མཚོ་ནང་དུ༔ པདྨའི་སྟེང་དུ་བསིལ་བསིལ་འདྲ༔ པདྨའི་ནང་ན་དགོངས་པ་མཛད༔ མཚན་ཡང་པདྨ་འབྱུང་གནས་ཞེས༔ རྫོགས་པའི་སངས་རྒྱས་དངོས་སུ་བྱོན༔ དེ་འདྲའི་སྤྲུལ་སྐུ་ཡ་མཚན་ཅན༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ བོད་ཀྱི་ཉི་མ་མཛད་པའི་ཚེ༔ དད་ལྡན་འགྲོ་བ་འདྲེན་པའི་དཔལ༔ གང་ལ་གང་འདུལ་སྐུར་བསྟན་ནས༔ གཙང་ཁ་ལ་ཡི་ལ་ཐོག་ཏུ༔ དགྲ་ལྷའི་དགེ་བསྙེན་དམ་ལ་བཏགས༔ ཡུལ་ནི་ཚ་བའི་ཚ་ཤོད་དུ༔ དགྲ་ལྷའི་དགེ་བསྙེན་དྲེགས་པ་ཅན༔ ཉི་ཤུ་རྩ་གཅིག་དམ་ལ་བཏགས༔ མང་ཡུལ་དེ་ཡི་བྱམས་སྤྲིན་ཏུ༔ དགེ་སློང་བཞི་ལ་དངོས་གྲུབ་གནང་༔ ཁྱད་པར་འཕགས་པའི་རིག་འཛིན་མཆོག༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ དཔལ་མོ་ཐང་གི་དཔལ་ཐང་དུ༔ བརྟན་མ་བཅུ་གཉིས་དམ་ལ་བཏགས༔ བོད་ཡུལ་ཁ་ལའི་ལ་ཐོག་ཏུ༔ གངས་དཀར་ཤ་མེད་དམ་ལ་བཏགས༔ འདམ་ཤོད་ལྷ་བུའི་སྙིང་དྲུང་དུ༔ ཐང་ལྷ་ཡར་བཞུར་དམ་ལ་བཏགས༔ ཧས་པོ་རི་ཡི་ཡང་གོང་དུ༔ ལྷ་སྲིན་ཐམས་ཅད་དམ་ལ་བཏགས༔ ཆེ་བའི་ལྷ་འདྲེ་ཐམས་ཅད་ཀྱིས༔ ལ་ལས་སྲོག་གི་སྙིང་པོ་ཕུལ༔ ལ་ལས་བསྟན་པ་བསྲུང་བར་བྱས༔ ལ་ལས་བྲན་དུ་ཁས་བླངས་བྱས༔ མཐུ་དང་རྫུ་འཕྲུལ་སྟོབས་པོ་ཆེ༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ དམ་པ་ཆོས་ཀྱི་བསྟན་པ་ནི༔ རྒྱལ་མཚན་ལྟ་བུར་བཙུགས་པའི་ཚེ༔ བསམ་ཡས་མ་བཞེངས་ལྷུན་གྱིས་གྲུབ༔ རྒྱལ་པོའི་དགོངས་པ་མཐར་ཕྱིན་མཛད༔ སྐྱེས་མཆོག་གསུམ་གྱི་མཚན་ཡང་གསོལ༔ གཅིག་ནི་པདྨ་འབྱུང་གནས་ཞེས༔ གཅིག་ནི་པདྨ་སཾ་བྷ་ཝ༔ གཅིག་ནི་མཚོ་སྐྱེས་རྡོ་རྗེ་ཞེས༔ གསང་མཚན་རྡོ་རྗེ་དྲག་པོ་རྩལ༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ བསམ་ཡས་མཆིམས་ཕུར་སྒྲུབ་པ་མཛད༔ རྐྱེན་ངན་བཟློག་ཅིང་དངོས་གྲུབ་གནང་༔ རྗེ་བློན་ཐར་པའི་ལམ་ལ་བཀོད༔ གདོན་གཟུགས་བོན་གྱི་བསྟན་པ་བསྣུབས༔ ཆོས་སྐུ་དྲི་མེད་རིན་ཆེན་བསྟན༔ སྐལ་ལྡན་སངས་རྒྱས་ས་ལ་བཀོད༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ དེ་ནས་ཨོ་རྒྱན་ཡུལ་དུ་བྱོན༔ ད་ལྟ་སྲིན་པོའི་ཁ་གནོན་མཛད༔ མི་ལས་ལྷག་གྱུར་ཡ་མཚན་ཆེ༔ སྤྱོད་པ་རྨད་བྱུང་ངོ་མཚར་ཆེ༔ མཐུ་དང་རྫུ་འཕྲུལ་སྟོབས་པོ་ཆེ༔ ཐུགས་རྗེས༴ བརྩེ་བས༴ དགོངས་པས༴ ནུས་པས༴ ཕྱི་ཡི༴ ནང་གི༴ གསང་བའི༴ གུས་པས༴ ཨོཾ་ཨཱཿཧཱུྃ༴ སྐུ་གསུང་ཐུགས་ལྡན་འགྲོ་བ་འདྲེན་པའི་དཔལ༔ སྒྲིབ་པ་ཀུན་སྤངས་ཁམས་གསུམ་ས་ལེར་མཁྱེན༔ དངོས་གྲུབ་མཆོག་བརྙེས་བདེ་ཆེན་མཆོག་གི་སྐུ༔ བྱང་ཆུབ་སྒྲུབ་པའི་བར་ཆད་ངེས་པར་སེལ༔ ཐུགས་རྗེས་བདག་ལ་བྱིན་གྱིས་རློབས༔ བརྩེ་བས་བདག་སོགས་ལམ་སྣ་དྲོངས༔ དགོངས་པས་བདག་ལ་དངོས་གྲུབ་སྩོལ༔ ནུས་པས་བདག་སོགས་བར་ཆད་སོལ༔ ཕྱི་ཡི་བར་ཆད་ཕྱི་རུ་སོལ༔ ནང་གི་བར་ཆད་ནང་དུ་སོལ༔ གསང་བའི་བར་ཆད་དབྱིངས་སུ་སོལ༔ གུས་པས་ཕྱག་འཚལ་སྐྱབས་སུ་མཆི༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཞེས་པ་རྩོད་བྲལ་དུས་བབས་ཀྱི་སྤྲུལ་པའི་གཏེར་སྟོན་ཆེན་པོ་ཨོ་རྒྱན་མཆོག་གྱུར་གླིང་པས་ཟླ་ཉིན་ཁ་ལ་རོང་སྒོའི་དཔལ་ཆེན་པོའི་ཞབས་་འོག་ནས་སྤྱན་དྲངས་པའི་བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཞལ་གདམས་སྙིང་བྱང་ཡིད་བཞིན་ནོར་བུ་ལས་ཕྱི་གསོལ་འདེབས་ཀྱི་སྒྲུབ་པ་ཁོལ་དུ་ཕྱུངས་པ་སྟེ། འདིས་ཀྱང་བསྟན་འགྲོའི་བར་ཆད་དང་རྒུད་པ་ཐམས་ཅད་ཉེ་བར་ཞི་ཞིང༌། དགེ་ལེགས་ཀྱི་དོན་ཐམས་ཅད་ཡོངས་སུ་གྲུབ་པའི་རྒྱུར་གྱུར་ཅིག །སརྦ་མངྒ་ལཾ།། །།

[edit]

\u0f01\u0f83:__:gsol 'debs bar chad lam sel bzhugs so:__oM AHhU~M badz+ra gu ru pad+ma sid+d+hi hU~M:__chos sku snang ba mtha' yas la gsol ba 'debs:__longs sku thugs rje chen po la gsol ba 'debs:__sprul sku pad+ma 'byung gnas la gsol ba 'debs:__bdag gi bla ma ngo mtshar sprul pa'i sku:__rgya gar yul du sku 'khrungs thos bsam mdzad:__bod yul dbus su zhal byon dregs pa btul:__o rgyan yul du sku bzhugs 'gro don mdzad:__thugs rjes bdag la byin gyis rlobs:__brtse bas bdag sogs lam sna drongs:__dgongs pas bdag la dngos grub stsol:__nus pas bdag sogs bar chad sol:__phyi yi bar chad phyi ru sol:__nang gi bar chad nang du sol:__gsang ba'i bar chad dbyings su sol:__gus pas phyag 'tshal skyabs su mchi:__oM AHhU~M badz+ra gu ru pad+ma sid+d+hi hU~M:__sku yi ngo mtshar mthong ba'i tshe:__g.yas pas ral gri phyag rgya mdzad:__g.yon pas 'gugs pa'i phyag rgya mdzad:__zhal bgrad mche gtsigs gyen la gzigs:__rgyal ba'i gdung 'dzin 'gro ba'i mgon:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__dam chos rin chen gsan pa'i tshe:__sku gsal 'od zer mdangs dang ldan:__phyag g.yas sde snod glegs bam bsnams:__g.yon pas phur pa'i pus sti bsnams:__zab mo'i chos rnams thugs su chud:__yang le shod kyi paN+Di ta:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__dam can dam la btags pa'i tshe:__dri med gnas mchog nyams re dga':__rgya gar bod yul sa mtshams su:__byin gyis brlabs nas byon pa'i tshe:__dri bsung spos ngad ldan pa'i ri:__me tog pad+ma dgun yang skye:__chu mig byang chub bdud rtsi'i chu:__bde ldan de yi gnas mchog tu:__skyes mchog tshul bzang chos gos gsol:__phyag g.yas rdo rje rtse dgu bsnams:__g.yon pas rin chen za ma tog:__rak+ta bdud rtsis nang du gtams:__mkha' 'gro dam can dam la btags:__yi dam zhal gzigs dngos grub brnyes:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__rgyal ba'i bstan pa btsugs pa'i tshe:__g.ya' ri'i nags la sgrub pa mdzad:__bsnyen phur nam mkha'i dbyings su 'phar:__rdo rje phyag rgyas blangs shing bsgril:__bsgril zhing tsan dan nags su 'phangs:__me 'bar 'khrugs shing mtsho yang skam:__srib kyi mu stegs sa gang bsregs:__yak+Sha nag po rdul du brlags:__'gran gyi do med bdud kyi gshed:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__srin po'i kha gnon mdzad pa'i tshe:__khye'u chung sprul sku'i cha lugs can:__ya mtshan gzugs bzang kha dog legs:__tshems 'grigs dbu skra ser la mdzes:__dgung lo bcu drug lon pa'i tshul:__rin chen rgyan cha sna tshogs gsol:__phyag g.yas mkhar ba'i phur pa bsnams:__bdud dang srin po'i kha gnon mdzad:__g.yon pas seng ldeng phur pa bsnams:__mos pa'i bu la srung skyob mdzad:__mgul na lcags kyi phur pa bsnams:__yi dam lha dang gnyis su med:__gnyis med sprul sku 'dzam gling rgyan:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__'dre yi yul du dgongs pa'i tshe:__me dpung shod kyi sa gzhi la:__mda' rgyang gang gi mtsho nang du:__pad+ma'i steng du bsil bsil 'dra:__pad+ma'i nang na dgongs pa mdzad:__mtshan yang pad+ma 'byung gnas zhes:__rdzogs pa'i sangs rgyas dngos su byon:__de 'dra'i sprul sku ya mtshan can:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__bod kyi nyi ma mdzad pa'i tshe:__dad ldan 'gro ba 'dren pa'i dpal:__gang la gang 'dul skur bstan nas:__gtsang kha la yi la thog tu:__dgra lha'i dge bsnyen dam la btags:__yul ni tsha ba'i tsha shod du:__dgra lha'i dge bsnyen dregs pa can:__nyi shu rtsa gcig dam la btags:__mang yul de yi byams sprin tu:__dge slong bzhi la dngos grub gnang :__khyad par 'phags pa'i rig 'dzin mchog:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__dpal mo thang gi dpal thang du:__brtan ma bcu gnyis dam la btags:__bod yul kha la'i la thog tu:___gangs dkar sha med dam la btags:__'dam shod lha bu'i snying drung du:__thang lha yar bzhur dam la btags:__has po ri yi yang gong du:__lha srin thams cad dam la btags:__che ba'i lha 'dre thams cad kyis:__la las srog gi snying po phul:__la las bstan pa bsrung bar byas:__la las bran du khas blangs byas:__mthu dang rdzu 'phrul stobs po che:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__dam pa chos kyi bstan pa ni:__rgyal mtshan lta bur btsugs pa'i tshe:__bsam yas ma bzhengs lhun gyis grub:__rgyal po'i dgongs pa mthar phyin mdzad:__skyes mchog gsum gyi mtshan yang gsol:__gcig ni pad+ma 'byung gnas zhes:__gcig ni pad+ma saM b+ha wa:__gcig ni mtsho skyes rdo rje zhes:__gsang mtshan rdo rje drag po rtsal:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__bsam yas mchims phur sgrub pa mdzad:__rkyen ngan bzlog cing dngos grub gnang :__rje blon thar pa'i lam la bkod:__gdon gzugs bon gyi bstan pa bsnubs:__chos sku dri med rin chen bstan:__skal ldan sangs rgyas sa la bkod:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__de nas o rgyan yul du byon:__da lta srin po'i kha gnon mdzad:__mi las lhag gyur ya mtshan che:__spyod pa rmad byung ngo mtshar che:__mthu dang rdzu 'phrul stobs po che:__thugs rjes=__brtse bas=__dgongs pas=__nus pas=__phyi yi=__nang gi=__gsang ba'i=__gus pas=__oM AHhU~M=__sku gsung thugs ldan 'gro ba 'dren pa'i dpal:__sgrib pa kun spangs khams gsum sa ler mkhyen:__dngos grub mchog brnyes bde chen mchog gi sku:__byang chub sgrub pa'i bar chad nges par sel:__thugs rjes bdag la byin gyis rlobs:__brtse bas bdag sogs lam sna drongs:__dgongs pas bdag la dngos grub stsol:__nus pas bdag sogs bar chad sol:__phyi yi bar chad phyi ru sol:__nang gi bar chad nang du sol:__gsang ba'i bar chad dbyings su sol:__gus pas phyag 'tshal skyabs su mchi:__oM AHhU~M badz+ra gu ru pad+ma sid+d+hi hU~M:__oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M AH__zhes pa rtsod bral dus babs kyi sprul pa'i gter ston chen po o rgyan mchog gyur gling pas zla nyin kha la rong sgo'i dpal chen po'i zhabs 'og nas spyan drangs pa'i bla ma'i thugs sgrub bar chad kun sel gyi zhal gdams snying byang yid bzhin nor bu las phyi gsol 'debs kyi sgrub pa khol du phyungs pa ste/__'dis kyang bstan 'gro'i bar chad dang rgud pa thams cad nye bar zhi zhing*/__dge legs kyi don thams cad yongs su grub pa'i rgyur gyur cig__/sarba mang+ga laM//__//__________