JKCL-KABUM-05-CA-006

🚧 This website is under continued development. We appreciate your patience!

Previous Text Back to Volume PageNext Text

Wylie title	'jam dpal gshin rje'i rgyun khyer
Location	chos kyi blo gros bka' 'bum Volume 5, Text 6, Pages 145-146 (Folios 1a1 to 1b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'jam dpal gshin rje'i rgyun khyer. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 5: 145-146. Bir, H.P.: Khyentse Labrang, 2012.
Genre	Daily Practice - rgyun khyer  ·  Sadhanas - Evocation Ritual - sgrub thabs
Deity	'jam dpal gshin rje
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/daily-yamantaka
Colophon	།ཞེས་པའང་ཆོས་ཀྱི་བློ་གྲོས་པས་བྲིས་པའོ།
	/zhes pa'ang chos kyi blo gros pas bris pa'o/

Tibetan Text

Wylie

[edit]

འཇམ་དཔལ་གཤིན་རྗེའི་རྒྱུན་ཁྱེར་བཞུགས། སྐྱབས་སེམས་སྔོན་དུ་འགྲོ་བས། ཨྱཻ། ཨེ་ཉིད་སྟོང་པ་ཆོས་འབྱུང་སྟེ། །མ་སྐྱེས་འགགས་པ་མེད་པ་ལས། །རང་བཞིན་གནས་པ་དྲན་པར་བྱ། །ཨཻ་ཡི་ཕོ་བྲང་ཆེན་པོའི་ནང་། །རྒྱུ་དང་རྐྱེན་ལས་མ་བསྐྱེད་པར། །ཀླུ་གཉན་ས་བདག་རུ་ཏྲ་དང་། །མ་ཧེ་ཉི་ཟླ་པདྨའི་སྟེང་། །རིག་པ་ཆུ་ལས་ཉ་འཕར་ཚུལ། །འཇམ་དཔལ་ཕྱག་རྒྱ་ཟིལ་གྱིས་གནོན། །དབུ་གསུམ་ཕྱག་དྲུག་ཞབས་བཞི་བསྒྲད། །གཡས་དཀར་གཡོན་དམར་དབུས་མཐིང་ཞལ། །འཁོར་ལོ་རལ་གྲི་རྡོ་རྗེ་གཡས། །བེ་ཅོན་གཏུན་ཤིང་སྡིག་མཛུབ་གཡོན། །རིགས་ལྔའི་ཁྲོ་བོས་དབུ་ལ་བརྒྱན། །དཔལ་གྱི་ཆས་རྫོགས་དུར་ཁྲོད་བརྒྱན། །ཡུམ་ནི་གཉིས་མེད་ཆོས་ཀྱི་དབྱིངས། །མཐིང་ནག་ཙིཏྟ་བྷན་དམར་སྟོབས། །སྤྲུལ་པ་རྒྱན་གྱི་ལྷ་བརྒྱད་དང་། །ཡེ་ཤེས་ཁྲོ་བོ་བཅུ་རྣམས་རྫོགས། །སྤྲུལ་པའི་ཁྲོ་ཚོགས་དཔག་མེད་དང་། །རྡོ་རྗེའི་ཚྭ་ཚྭ་རབ་ཏུ་འཕྲོ། །སྣང་ལ་རང་བཞིན་མེད་པར་བསྒོམ། །ཐུགས་ཀར་ཉི་སྟེང་ཧཱུྃ་གི་མཐར། །སྔགས་ཀྱི་ཕྲེང་བས་བསྐོར་བ་ལས། །འོད་ཟེར་སྤྲོ་བསྡུས་དོན་གཉིས་བྱས། །སྣང་སྲིད་ཐམས་ཅད་དཔལ་ཆེན་པོའི། །ལྷ་སྔགས་དབྱེར་མེད་དགོངས་པར་ཤར། །ཨོཾ་ཨཱ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ༔ ཞེས་སྤྱི་བསྙེན་བཟླའོ། །ཐུན་མཐར། ལྷར་སྣང་འོད་གསལ་དབྱིངས་སུ་ཐིམ། །སླར་ཡང་ཟིལ་གནོན་སྐུ་རུ་ལྡང་། །བཛྲ་ཀཱ་ཝཱ་ཙི་རཀྵ་ཧཾ༔དགེ་བ་འདི་ཡིས་མྱུར་དུ་བདག །འཇམ་དཔལ་ཁྲོ་བོ་འགྲུབ་གྱུར་ནས། །སོགས་བསྔོ་སྨོན་བྱའོ། །ཞེས་པའང་ཆོས་ཀྱི་བློ་གྲོས་པས་བྲིས་པའོ། །། །

[edit]

'jam dpal gshin rje'i rgyun khyer bzhugs/__skyabs sems sngon du 'gro bas/__a+yai/__e nyid stong pa chos 'byung ste/__/ma skyes 'gags pa med pa las/__/rang bzhin gnas pa dran par bya/__/ai yi pho brang chen po'i nang /__/rgyu dang rkyen las ma bskyed par/__/klu gnyan sa bdag ru tra dang /__/ma he nyi zla pad+ma'i steng /__/rig pa chu las nya 'phar tshul/__/'jam dpal phyag rgya zil gyis gnon/__/dbu gsum phyag drug zhabs bzhi bsgrad/__/g.yas dkar g.yon dmar dbus mthing zhal/__/'khor lo ral gri rdo rje g.yas/__/be con gtun shing sdig mdzub g.yon/__/rigs lnga'i khro bos dbu la brgyan/__/dpal gyi chas rdzogs dur khrod brgyan/__/yum ni gnyis med chos kyi dbyings/__/mthing nag tsit+ta b+han dmar stobs/__/sprul pa rgyan gyi lha brgyad dang /__/ye shes khro bo bcu rnams rdzogs/__/sprul pa'i khro tshogs dpag med dang /__/rdo rje'i tshwa tshwa rab tu 'phro/__/snang la rang bzhin med par bsgom/__/thugs kar nyi steng hU~M gi mthar/__/sngags kyi phreng bas bskor ba las/__/'od zer spro bsdus don gnyis byas/__/snang srid thams cad dpal chen po'i/__/lha sngags dbyer med dgongs par shar/__/oM A kro te ka ya mAn+ta ka ha na ma tha b+hany+dza hU~M phaT:zhes spyi bsnyen bzla'o/__/thun mthar/__lhar snang 'od gsal dbyings su thim/__/slar yang zil gnon sku ru ldang /__/badz+ra kA wA tsi rak+Sha haM:dge ba 'di yis myur du bdag__/'jam dpal khro bo 'grub gyur nas/__/sogs bsngo smon bya'o/__/zhes pa'ang chos kyi blo gros pas bris pa'o/__//__/