DKR-KABUM-13-PA-016

🚧 This website is under continued development. We appreciate your patience!

Previous Text Back to Volume PageNext Text

Wylie title	snying thig ya bzhi dang klong chen snying thig gi rnam bshad
Location	dil mgo mkhyen brtse bka' 'bum Volume 13, Text 16, Pages 194-198 (Folios 1a1 to 5a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Snying thig ya bzhi dang klong chen snying thig gi rnam bshad. In Skyabs rje dil mgo mkhyen brtse rin po che'i bka' 'bum, Vol. 13: 194-198. Delhi: Shechen Publications, 1994.
Genre	Catalogue of Contents - dkar chag  ·  Detailed Explanation - rnam bshad

Tibetan Text

Wylie

[edit]

སྙིང་ཐིག་ཡ་བཞི་དང་ཀློང་ཆེན་སྙིང་ཐིག་གི་རྣམ་བཤད། བླ་མ་ལ་ཕྱག་འཚལ་ལོ། སྙིང་ཐིག་ཡ་བཞི་ཞེས་བྱ་བ། སྤྱིར་བོད་ཡུལ་དུ་རྫོགས་པ་ཆེན་པོའི་བསྟན་པའི་ཤིང་རྟ། བི་མ་པད་འབྱུང་བཻ་རོ་གསུམ་དུ་གཙོ་བོར་གསུངས། བི་མ་ལས་ཆོས་རྒྱལ་ཁྲི་སྲོང་དང༌། མྱང་ཏིང་འཛིན་བཟང་པོ་ལ་གསུངས་པ་སྙན་བརྒྱུད། སྦས་བློ་གྲོས་དབང་ཕྱུག་དང་འབྲོམ་རིན་ཆེན་འབར་བ་གཉིས་ལ་གསུངས་པ་དཔེ་བརྒྱུད། དབུ་རུ་ཞྭ་ཡི་ལྷ་ཁང་དུ་སྦས་པ་ལྡང་མ་ལྷུན་རྒྱལ་གྱིས་བཏོན། སྙན་བརྒྱུད་ཀྱང་གསན་པས་བཀའ་གཏེར་ཆུ་བོ་གཅིག་ཏུ་འདྲེས། དེས་ལྕེ་བཙུན་སེང་གེ་དབང་ཕྱུག་ལ་གནང༌། ལྕེ་བཙུན་གྱིས་ཀྱང་མཆིམས་ཕུ་ནས་ཟབ་པ་པོད་བཞི་གཏེར་ནས་བཞེས། བི་མས་རྗེས་སུ་བཟུང༌། དེ་ལས་བརྒྱུད་པ་ལ་བི་མ་སྙིང་ཐིག ༡ དེའི་བཅུད་དྲིལ་བླ་མ་ཡང་ཏིག ༢ བཅས་བི་མ་སྙིང་ཐིག་མ་བུ་གཉིས། གུ་རུ་རིན་པོ་ཆེས་མཚོ་རྒྱལ་གཙོས་མཁའ་འགྲོ་འབུམ་ལ། གཞོ་སྟོད་ཏི་སྒྲོ་རུ་གསུངས་པ་མཁའ་འགྲོ་སྙིང་ཐིག ༣ དེའང་པདྨ་ལས་འབྲེལ་རྩལ་གྱིས་གཏེར་ནས་བཏོན་པ་ལ་མ། དེའི་ཟབ་གནད་མཁའ་འགྲོ་ཡང་ཏིག ༤ ཀློང་ཆེན་པའི་དགོངས་གཏེར་ལ། བུ་ཞེས་ཀློང་ཆེན་པའི་ཟབ་མོ་ཡང་ཏིག སྙིང་ཐིག་གཉིས་ཀྱི་སྤྱི་ཆོས་སུ་བཞག་པ་ལ། །ཡ་བཞིར་གྲགས་པ་རྙིང་མ་སྤྱི་སྐད། ཡང་བི་མ་སྙིང་ཐིག་མ་བུ། སོ་སོར་བགྲང༌། མཁའ་འགྲོ་སྙིང་ཐིག་མ་བུ་གཅིག་ཏུ་བསྡེབ། ཀུན་སྐྱོང་གླིང་པའི་རྡོར་སེམས་སྙིང་ཐིག་ཟུར་དུ་བཞག་པ་ལ། ཡ་བཞི་བཅས། ཀཿཐོག་རིག་འཛིན་ཚེ་དབང་ནོར་བུ་སོགས་གསུངས། རྡོར་སེམས་སྙིང་ཐིག་གི་བརྒྱུད་པ་གཙོ་བོ་བཻ་རོ་ཡིན་འདུག །ཡང་ཀརྨ་པ་རང་བྱུང་རྡོ་རྗེ་ལ་བི་མ་ལས་རྗེས་སུ་བཟུང་སྟེ་གཏན་ལ་ཕབ་པའི་ཀརྨ་སྙིང་ཐིག་རྡོར་སེམས་སྙིང་ཐིག་གི་ཚབ་ཏུ་བཞག་པ་ལ་སྙིང་ཐིག་ཡ་བཞི་ཞེས་བཀའ་བརྒྱུད་པ་ཕལ་ཆེར་གསུངས། བི་མ་སྙིང་ཐིག་གི་ལོ་རྒྱུས་ཆེན་པོ་ལས། བི་མ་སྙིང་ཐིག །མ་བུའི་དགོངས་པའི་སྲོག་བཅུད་འདུས་པ། ལྕེ་བཙུན་སྙིང་ཐིག་ཡིན་གསུངས། བླ་མ་ཡང་ཏིག་ནང་བི་མིའི་བླ་སྒྲུབ་ཡི་དམ་ཚེ་དཔག་མེད། ཚེ་སྒྲུབ་མཁའ་འགྲོ་ཁྲོས་ནག་སྒྲུབ་ཐབས་ཆུང་ངུ་གསུམ་ལ། བསྐྱེད་རིམ་སྐོར་རྒྱས་པ་མི་བཞུགས། སྔོན་འགྲོ་སྨིན་ལུགས་ལྟར་སྤྱི་ཁྱབ་ཞིག་མཁྱེན་བརྩེ་དབང་པོས་ཡོད། བི་མ་སྙིང་ཐིག་མ་བུ་གཉིས་ཀ་ལ་དབང༌། སྤྲོས་བཅས། སྤྲོས་མེད། ཤིན་ཏུ་སྤྲོས་མེད། རབ་ཏུ་སྤྲོས་མེད་བཞི་འདུག །མ་བུའི་དབང་སོ་སོར་གནང་བའི་བརྒྱུད་པ་འདུག །བླ་མ་ཡང་ཏིག་དབང་ཁྲེགས་ཆོད་ཐོད་རྒལ་གཉིས་ཀའི་ཡང་ཡིག་ནམ་མཁའ་ཀློང་ཆེན་བཤད་རྒྱུན་རིང་བརྒྱུད་ཁམས་སུ་བཞུགས་པ་ཕྱིས་མཁྱེན་བརྩེ་རིན་པོ་ཆེའི་ཉེ་བརྒྱུད་བཅས་ཆུ་བོ་གཅིག་འདྲེས་མཁན་རིན་པོ་ཆེ་ངག་དགའི་འགྲེལ་པ་ཡོད། སྨིན་གླིང་གཏེར་ཆེན་ནས་དབང་བཞི་པོ་བླ་མ་ཡང་ཏིག་གིས་གོ་བཅད་ནས། ཁྲིད་མ་བུ་གུང་བསྡེབ་ཏུ་རང་གི་སྲས་མོ་རྗེ་བཙུན་མི་འགྱུར་དཔལ་སྒྲོན་གྱི་མཛད་པའི་ཁྲིད་ཡིག་བདེ་ཆེན་ལམ་བཟང་ལྟར་མཛད། བླ་མ་ཡང་ཏིག་ལ་དོན་ཁྲིད་སྐོར་གསུམ་ཞེས་པ་གཙོ་བོ་ཡིན། ཕྱིས་སུ་མཁྱེན་ཀོང་རྣམ་གཉིས་ཀྱིས་བི་མ་སྙིང་ཐིག་མ་བུའི་ཁྲིད་དྲི་མེད་ཞལ་ལུང་ཞེས་པ་ཀོང་སྤྲུལ་རིན་པོ་ཆེས་མཛད་ནས་དེ་ལྟར་གནང་སྲོལ་བྱུང༌། མཁའ་འགྲོ་སྙིང་ཐིག་གི་དབང་ལ་མཁའ་འགྲོའི་བརྡ་དབང༌། བུམ་དབང༌། གསང་དབང༌། ཤེར་དབང༌། ཚིག་དབང༌། བླ་མའི་དབང༌། རིག་པ་རྩལ་དབང༌། མཁའ་འགྲོའི་དབང༌། གཞན་དོན་གནང་སྦྱིན། བསྟན་པ་གཏད། བཀའ་སྲུང་དབང་བཅས་ཀྱིས་སྨིན་པར་བྱེད། བསྐྱེད་རིམ་ཞི་ཁྲོ་རྒྱས་པ་གུ་རུའི་བླ་སྒྲུབ་རྒྱས་པ། མཚན་བརྒྱད་སྒོས་སྒྲུབ་བཅས་འདུག །ཁྲིད་ཡིག་རྩ་བ་སྨིན་གླིང་གཏེར་ཆེན་གྱིས་ཡོད། མཁྱེན་བརྩེ་དབང་པོའི་བྱིན་རླབས་བླ་མའི་ཐུགས་སྒྲུབ་ཅེས་ཡང་གཏེར་ལྟ་བུ་གུ་རུའི་སྒྲུབ་ཐབས་ཡོད། བི་མ་སྙིང་ཐིག །བི་མ་མི་ཏྲའི་སྤྲུལ་པ་བར་མ་ཆད་པ་བདུན་ལ་བརྒྱུད། སྨིན་གཏེར། འཇིགས་གླིང་ཐམས་ཅད་ཀློང་ཆེན་པས་རྗེས་སུ་བཟུང༌། མཁྱེན་བརྩེ་རིན་པོ་ཆེ་ལ། བི་མ། མཁའ་འགྲོ་སྙིང་ཐིག་གཉིས་ཀ་ཉེ་བརྒྱུད་དུ་བཞུགས། འཇམ་མགོན་མཁྱེན་སྤྲུལ་རྡོ་རྗེ་འཆང་ཆོས་ཀྱི་བློ་གྲོས་ལ། སྨིན་གླིང་གཏེར་ཆེན་དང་འཇིགས་གླིང་གཉིས་ཀའི་དབང་ཁྲིད་ཀྱི་རྒྱུན་འདུས་ནས་བཞུགས། བི་མ་སྙིང་ཐིག་གི་བཀའ་སྲུང་མ་གཟའ་དམ་གསུམ། མཁའ་འགྲོ་སྙིང་ཐིག་དང༌། ཟབ་མོ་ཡང་ཏིག་ལ་སྲོག་སྒྲུབ་ནག་མོ་དང་རྡོ་རྗེ་གཡུ་སྒྲོན་མ་ཡིན། བི་མ་སྙིང་ཐིག་དང་མཁའ་འགྲོ་སྙིང་ཐིག་གི་དགོངས་པ་གཅིག་ཏུ་དྲིལ་བ། ཁྲིད་ཡིག་ཡེ་ཤེས་བླ་མ་འཇིགས་མེད་གླིང་པའི་གསུང་འདི་ཡིན། སྙིང་ཐིག་བརྒྱུད་པ་སྔ་ཕྱི་ཞེས་པ། སྔ་མ་ཀློང་ཆེན་པ་དང་ཕྱི་མ་འཇིགས་གླིང་ཡིན། བཀའ་མའི་དབང་དུ་བྱས་ན་སེམས་ཀློང་གཉིས་ཕལ་ཆེ་བ་བཻ་རོ། མན་ངག་སྡེ་བི་མ་དང་པདྨས་གསུངས་པ་ལྟར་འདུག །གཏེར་མ་ལ་བཻ་རོས་ཀྱང་མན་ངག་སྡེ་རྒྱ་ཆེར་སྣང༌། །བཀའ་མ་རྫོགས་ཆེན་སྡེ་གསུམ་ད་ལྟ་གདམས་ངག་མཛོད་དུ་བཞུགས། རྫོགས་ཆེན་སྡེ་གསུམ་གཏེར་བྱོན་མཆོག་གླིང་གཏེར་མར་ཡོད། ཡིག་ཆ་རྙིང་པ་ཤིན་ཏུ་གལ་ཆེ་རིགས། སྡེ་དགེ་རྫོང་གསར་མཁྱེན་བརྩེ་རིན་པོ་ཆེའི་དཔེ་མཛོད་དུ་པོད་ཆེན་མདའ་ཚད་མ་ལྔ་བཞུགས། གཏེར་མ་ལ་གུ་རུ་ཆོས་དབང༌། རྒོད་ལྡེམ། སངས་རྒྱས་གླིང་པ། རྡོར་གླིང༌། པདྨ་གླིང་པ། ཀརྨ་གླིང་པ། ཀུན་སྐྱོང་གླིང་པ། འཇའ་ཚོན་སྙིང་པོ། བདུད་འདུལ་རྡོ་རྗེ། ཀློང་གསལ་སྙིང་པོ། གཏེར་བདག་གླིང་པ། སྟག་ཤམ། ཆོས་གླིང༌། ལྷ་བཙུན་ནམ་མཁའ་འཇིགས་མེད། གནམ་ཆོས་མི་འགྱུར་རྡོ་རྗེ། མཁྱེན་བརྩེ་དབང་པོ། མཆོག་གླིང༌། མདོ་མཁྱེན་བརྩེ་ཡེ་ཤེས་རྡོ་རྗེ་རྣམས་ལ་རྫོགས་ཆེན་བཀའ་བབ་རྒྱ་ཆེ་ཤོས་སུ་འདུག །གྲུ་གུ་རྟོགས་ལྡན་ཤཱཀྱ་ཤྲཱི་ལའང་རྫོགས་ཆེན་གྱི་དགོངས་གཏེར་མང་པོ་ཡོད། ཨ་འཛོམས་འབྲུག་པ་དཔའ་བོ་རྡོ་རྗེ་ལའང་དེ་བཞིན་བཞུགས། འདི་རྣམས་མཁྱེན་ཀོང་རྣམ་གཉིས་ཀྱི་བརྒྱུད་པ་ཡིན། སྒིས་གཏེར་བདུད་འཇོམས་ཡབ་སྲས་རིགས་སོགས་ལ་རྫོགས་ཆེན་རྒྱ་ཆེར་སྣང༌། མཁྱེན་བརྩེ་རིན་པོ་ཆེའི་མཁའ་འགྲོ་སྙིང་ཐིག་གི་ཉེ་བརྒྱུད་ཁྲིད། གཏེར་གཞུང་རྩ་བ་དང་ཁྲིད་ཡིག་གསེར་ཕྲེང་ཞེས་པ་དེ་མཛད་སྲོལ་སྣང༌། ཟབ་མོ་ཡང་ཏིག་ལའང་སྤྲོས་བཅས་སོགས་བཞི་བི་མ་ལྟར་ཡོད། མཁའ་འགྲོ་སྙིང་ཐིག་ས་གཏེར། བི་མ་སྙིང་ཐིག་ས་གཏེར། ཡང་གཏེར་སྐོར་དགོངས་གཏེར་ངོས་འཛིན་གནང་བ་འདྲ། ༈ ཀློང་ཆེན་སྙིང་ཐིག་ཅེས་བྱ་བ་འདི་རྫོགས་ཆེན་སེམས་ཀློང་མན་ངག་སྡེ་གསུམ་ལས་མན་ངག་སྡེ། མན་ངག་སྡེ་ལའང་ཕྱི་ནང་གསང་སྐོར་གསུམ་ལས་གསང་བ་སྙིང་ཁྲག་ལྟ་བུ་ཡིན་གསུངས། བཀའ་གཏེར་དག་སྣང་གསུམ་ལས་གཏེར་མ་དགོངས་གཏེར་ཡིན་ཏེ། འཇིགས་གླིང་རྟོགས་པ་ནམ་མཁའ་དང་མཉམ་པས་དགོངས་གཏེར་འདི་དང་མཚུངས་པ་གཅིག་ཀྱང་མེད་ཅེས་གསུངས། རིག་འཛིན་འཇིགས་མེད་གླིང་པ་མོས་གུས་ཀྱིས་རྟོགས་པ་གཅིག་ཆར་དུ་སྐྱེས། ཆོས་ཐམས་ཅད་མ་བསླབས་པར་མཁྱེན། ནང་གི་རྣལ་འབྱོར་མཐར་སོན་པའི་རྟེན་འབྲེལ་གྱིས། ཆོས་བཀའ་འདི་བླ་མ་རིག་འཛིན་ཉིད་ཡི་དམ་ཞི་ཁྲོ་དང༌། མཁའ་འགྲོ་ཆོས་སྐྱོང་ལྟར་སྒྲུབ་པ་ཁོ་ན་ཡིན་གསུངས། འདི་ལ་དབྱེ་ན་ཕྱི་སྒྲུབ་བླ་མའི་རྣལ་འབྱོར། དེ་རྒྱས་པར་བཀྲལ་བའི་བླ་མཆོད། ནང་སྒྲུབ་རིག་འཛིན་འདུས་པ། བླ་སྒྲུབ། འདི་ལ་དབང་རྒྱས་བསྡུས་གཉིས། ཚེ་སྒྲུབ། ཚེ་དབང༌། དེ་ཉིད་དྲག་པོ་མཐིང་ག་སྒྲུབ་པ། དཔལ་ཆེན་འདུས་པ་བཀའ་བརྒྱད། འདི་གུ་དྲག་དང་ཆེ་མཆོག་དབྱེར་མེད་དུ་བསྒྲུབས་པས་བླ་མ་བཀའ་བརྒྱད། འདི་ལ་དབང་དངོས་སྟ་ཅན། དེའི་སྒོས་སྒྲུབ། གཤིན་རྗེ། རྟ་མགྲིན། ཡང་དག །ཕུར་པ་བཞི་འདི་ལ་དབང་སོ་སོ་བཞི། གུ་རུ་དྲག་དམར། དྲག་པོ་རྟ་ཁྱུང་འདི་ལ་དབང་རྒྱས་བསྡུས་གསུམ། གསང་སྒྲུབ་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང༌། དེ་དྲག་པོ་རྟ་མགྲིན་སྒྲུབ་པ་དབང་མེད། ཡང་གསང་བི་མ་ཀློང་ཆེན་དབྱེར་མེད་ཀྱི་བླ་སྒྲུབ་ཐིག་ལེ་རྒྱ་ཅན། དབང་འདི་མཁྱེན་བརྩེ་རིན་པོ་ཆེའི་དགོངས་གཏེར། ཡུམ་བཀའ་མཚོ་རྒྱལ་བདེ་ཆེན་རྒྱལ་མོ། འདི་ལ་ཕྱི་སྒྲུབ་མཚོ་རྒྱལ། ནང་སྒྲུབ་སྒྲོལ་མ་གཉིས་སྒྲུབ་ཐབས་གཅིག །འཇིགས་གླིང་གི་དབང་གཅིག་ལས་མེད་ཀྱང༌། ནང་སྒྲུབ་སྒྲོལ་མ་ཉེར་གཅིག་ལ། སྤྱི་དང་སོ་སོའི་རྗེས་གནང་མཁྱེན་བརྩེ་དབང་པོའི་དགོངས་ཀློང་ལས་ཕྱུང་བ་དང༌། གསང་སྒྲུབ་དྲག་མོ་སེང་གདོང་དབང་བཅས། གཏོར་ཟློག །བྱད་ཁྲོལ། ཞི་ཁྲོ་ངན་སོང་སྦྱོང་བ་དབང་དངོས་སྟ་ཅན། གནས་ལུང་རོ་སྲེག །བཀའ་སྲུང་མ་མགོན་ལྕམ་དྲལ། སྲོག་གཏད་ཚེ་རིང་མ་དེའི་སྲོག་གཏད་བཅས་ཡོད། ཡི་དམ་དང་མཁའ་འགྲོ་འདི་དག་ཀུན་མཁྱེན་འཇིགས་གླིང་ཉིད་མོས་གུས་ཀྱིས་གྲོལ་བའི་རྟེན་འབྲེལ་གྱིས་བླ་མ་ཉིད་ཡི་དམ་དང༌། མཁའ་འགྲོ་ལྟར་སྒྲུབ་པ་ཡིན་གསུངས། སོ་སོར་བསྙེན་ཡིག་བཅས་ཡོད། བསྐྱེད་རིམ་གྱི་ཁྲིད་འོག་མིན་བགྲོད་པའི་ཐེམ་སྐས། དེའི་དཀའ་འགྲེལ་དཔལ་སྤྲུལ་རིན་པོ་ཆེའི་གསུང༌། རྫོགས་རིམ་གཏུམ་མོ་རང་ལུས་གཞན་ལུས་འཁྲུལ་འཁོར་ཉེར་གཅིག་འདི་ལ་ཕྱིས་མཁན་པོ་ངག་དགའི་ཁྲིད་ཡོད། རྫོགས་པ་ཆེན་པོའི་རྒྱུདྃ་ཀུན་བཟང་ཀློང་རྒྱུད། ལུངྃ་ཀུན་བཟང་དགོངས་མཉམ། མནྃ་ངགྃ་རྫོགས་པ་ཆེན་པོའི་རྒྱུད་ཕྱི་མ་རྣམས། ཉམས་ལེན་ལག་ཁྲིད་དུ་བསྡེབས་པ་ཁྲིད་ཡིག་ཆེན་པོ་ཡེ་ཤེས་བླ་མ། རྒྱབ་ཆོས་ཁྲིད་ཕྲན་ཁ་ཤས། སྔོན་འགྲོ་རྒྱས་པ་ཀུན་བཟང་བླ་མ། དེའི་ཟིན་བྲིས་ངག་དགའི་གསུང༌། འབྲིང་འཇིགས་གླིང་རང་མཛད། བསྡུས་པ་མཁྱེན་བརྩེ་དབང་པོའི་གསུངས་བཅས། གཅོད་མཁའ་འགྲོའི་གད་རྒྱང༌། དེ་ལ་རྡོ་གྲུབ་དང་དཔལ་སྤྲུལ་རིན་པོ་ཆེའི་ཁྲིད་ཡིག་བཅས་ལ་བཀའ་མ་མདོ་སྒྱུ་སེམས་གསུམ་གྱི་ཟབ་གནད་ཐམས་ཅད་འདུས་པ་ཡོད་གསུངས། ཕུར་པ་རྒྱུད་ལུགས་ཞེས་སྟོད་ལས་བྱང་ཆུབ་སྒྲུབ་པ་དང༌། སྨད་ལས་དགྲ་བགེགས་སྒྲོལ་དབང་བཅས་ཤིན་ཏུ་རྒྱས་པ། ས་སྐྱ་བདག་ཆེན་འགྲོ་མགོན་དབང་སྡུད་སྙིང་པོ་ཆོས་བདག་ཏུ་བསྔགས་པ་འདི་བཀའ་གཏེར་ཟུང་འཇུག་ཏུ་གསུངས། ཡུམ་བཀའ་བདེ་ཆེན་རྒྱལ་མོའི་ནང་སྒྲུབ་སྒྲོལ་མ་ཉེར་གཅིག་གི་ལས་ཚོགས་ཉེར་གཅིག །ཚེ་སྒྲུབ། བླ་བསླུ། གནས་ལུང༌། གཡང་སྒྲུབ། མེ་མཆོད་སོགས་ཡོད། ཡུམ་བཀའི་རིགས་བདག་འོད་དཔག་མེད་ཀྱི་ཆོ་ག །དབང་ཚེ་སྒྲུབ་གནས་ལུང༌། དཔལ་ཆེན་འདུས་པ་དང་སྨན་སྒྲུབ། ཡུམ་བཀའ་སེང་གདོང༌། བྱད་བཀྲོལ་དྲག་པོ་རྟ་ཁྱུང་རྣམས་ཀྱི་གཏོར་བཟློག །ལས་བཞིའི་སྦྱིན་སྲེག །ཞི་ཁྲོའི་གནས་ལུང༌། རོ་སྲེག །ཐུགས་རྗེ་ཆེན་པོའི་རིལ་སྒྲུབ། མ་མགོན་རྟེན་མདོས། དྲག་པོའི་ལས་སྦྱོར། མ་མགོན་གཡུལ་བཟློག་གི་མདོས་བཅས་ཀུན་གཟིགས་མཁྱེན་བརྩེའི་དབང་པོའི་དཀར་ཆག་ལྟར་ཡིན་ལགས།། །།

[edit]

snying thig ya bzhi dang klong chen snying thig gi rnam bshad/__bla ma la phyag 'tshal lo/_snying thig ya bzhi zhes bya ba/_spyir bod yul du rdzogs pa chen po'i bstan pa'i shing rta/_bi ma pad 'byung bai ro gsum du gtso bor gsungs/_bi ma las chos rgyal khri srong dang*/_myang ting 'dzin bzang po la gsungs pa snyan brgyud/_sbas blo gros dbang phyug dang 'brom rin chen 'bar ba gnyis la gsungs pa dpe brgyud/_dbu ru zhwa yi lha khang du sbas pa ldang ma lhun rgyal gyis bton/_snyan brgyud kyang gsan pas bka' gter chu bo gcig tu 'dres/_des lce btsun seng ge dbang phyug la gnang*/_lce btsun gyis kyang mchims phu nas zab pa pod bzhi gter nas bzhes/_bi mas rjes su bzung*/_de las brgyud pa la bi ma snying thig_1_de'i bcud dril bla ma yang tig_2_bcas bi ma snying thig ma bu gnyis/_gu ru rin po ches mtsho rgyal gtsos mkha' 'gro 'bum la/_gzho stod ti sgro ru gsungs pa mkha' 'gro snying thig_3_de'ang pad+ma las 'brel rtsal gyis gter nas bton pa la ma/_de'i zab gnad mkha' 'gro yang tig_4_klong chen pa'i dgongs gter la/_bu zhes klong chen pa'i zab mo yang tig_snying thig gnyis kyi spyi chos su bzhag pa la/_/ya bzhir grags pa rnying ma spyi skad/_yang bi ma snying thig ma bu/_so sor bgrang*/_mkha' 'gro snying thig ma bu gcig tu bsdeb/_kun skyong gling pa'i rdor sems snying thig zur du bzhag pa la/_ya bzhi bcas/_kaHthog rig 'dzin tshe dbang nor bu sogs gsungs/_rdor sems snying thig gi brgyud pa gtso bo bai ro yin 'dug_/yang karma pa rang byung rdo rje la bi ma las rjes su bzung ste gtan la phab pa'i karma snying thig rdor sems snying thig gi tshab tu bzhag pa la snying thig ya bzhi zhes bka' brgyud pa phal cher gsungs/_bi ma snying thig gi lo rgyus chen po las/_bi ma snying thig_/ma bu'i dgongs pa'i srog bcud 'dus pa/_lce btsun snying thig yin gsungs/_bla ma yang tig nang bi mi'i bla sgrub yi dam tshe dpag med/_tshe sgrub mkha' 'gro khros nag sgrub thabs chung ngu gsum la/_bskyed rim skor rgyas pa mi bzhugs/_sngon 'gro smin lugs ltar spyi khyab zhig mkhyen brtse dbang pos yod/_bi ma snying thig ma bu gnyis ka la dbang*/_spros bcas/_spros med/_shin tu spros med/_rab tu spros med bzhi 'dug_/ma bu'i dbang so sor gnang ba'i brgyud pa 'dug_/bla ma yang tig dbang khregs chod thod rgal gnyis ka'i yang yig nam mkha' klong chen bshad rgyun ring brgyud khams su bzhugs pa phyis mkhyen brtse rin po che'i nye brgyud bcas chu bo gcig 'dres mkhan rin po che ngag dga'i 'grel pa yod/_smin gling gter chen nas dbang bzhi po bla ma yang tig gis go bcad nas/_khrid ma bu gung bsdeb tu rang gi sras mo rje btsun mi 'gyur dpal sgron gyi mdzad pa'i khrid yig bde chen lam bzang ltar mdzad/_bla ma yang tig la don khrid skor gsum zhes pa gtso bo yin/_phyis su mkhyen kong rnam gnyis kyis bi ma snying thig ma bu'i khrid dri med zhal lung zhes pa kong sprul rin po ches mdzad nas de ltar gnang srol byung*/_mkha' 'gro snying thig gi dbang la mkha' 'gro'i brda dbang*/_bum dbang*/_gsang dbang*/_sher dbang*/_tshig dbang*/_bla ma'i dbang*/_rig pa rtsal dbang*/_mkha' 'gro'i dbang*/_gzhan don gnang sbyin/_bstan pa gtad/_bka' srung dbang bcas kyis smin par byed/_bskyed rim zhi khro rgyas pa gu ru'i bla sgrub rgyas pa/_mtshan brgyad sgos sgrub bcas 'dug_/khrid yig rtsa ba smin gling gter chen gyis yod/_mkhyen brtse dbang po'i byin rlabs bla ma'i thugs sgrub ces yang gter lta bu gu ru'i sgrub thabs yod/_bi ma snying thig_/bi ma mi tra'i sprul pa bar ma chad pa bdun la brgyud/_smin gter/_'jigs gling thams cad klong chen pas rjes su bzung*/_mkhyen brtse rin po che la/_bi ma/_mkha' 'gro snying thig gnyis ka nye brgyud du bzhugs/_'jam mgon mkhyen sprul rdo rje 'chang chos kyi blo gros la/_smin gling gter chen dang 'jigs gling gnyis ka'i dbang khrid kyi rgyun 'dus nas bzhugs/_bi ma snying thig gi bka' srung ma gza' dam gsum/_mkha' 'gro snying thig dang*/_zab mo yang tig la srog sgrub nag mo dang rdo rje g.yu sgron ma yin/_bi ma snying thig dang mkha' 'gro snying thig gi dgongs pa gcig tu dril ba/_khrid yig ye shes bla ma 'jigs med gling pa'i gsung 'di yin/_snying thig brgyud pa snga phyi zhes pa/_snga ma klong chen pa dang phyi ma 'jigs gling yin/_bka' ma'i dbang du byas na sems klong gnyis phal che ba bai ro/_man ngag sde bi ma dang pad+mas gsungs pa ltar 'dug_/gter ma la bai ros kyang man ngag sde rgya cher snang*/_/bka' ma rdzogs chen sde gsum da lta gdams ngag mdzod du bzhugs/_rdzogs chen sde gsum gter byon mchog gling gter mar yod/_yig cha rnying pa shin tu gal che rigs/_sde dge rdzong gsar mkhyen brtse rin po che'i dpe mdzod du pod chen mda' tshad ma lnga bzhugs/_gter ma la gu ru chos dbang*/_rgod ldem/_sangs rgyas gling pa/_rdor gling*/_pad+ma gling pa/_karma gling pa/_kun skyong gling pa/_'ja' tshon snying po/_bdud 'dul rdo rje/_klong gsal snying po/_gter bdag gling pa/_stag sham/_chos gling*/_lha btsun nam mkha' 'jigs med/_gnam chos mi 'gyur rdo rje/_mkhyen brtse dbang po/_mchog gling*/_mdo mkhyen brtse ye shes rdo rje rnams la rdzogs chen bka' bab rgya che shos su 'dug_/gru gu rtogs ldan shAkya shrI la'ang rdzogs chen gyi dgongs gter mang po yod/_a 'dzoms 'brug pa dpa' bo rdo rje la'ang de bzhin bzhugs/_'di rnams mkhyen kong rnam gnyis kyi brgyud pa yin/_sgis gter bdud 'joms yab sras rigs sogs la rdzogs chen rgya cher snang*/_mkhyen brtse rin po che'i mkha' 'gro snying thig gi nye brgyud khrid/_gter gzhung rtsa ba dang khrid yig gser phreng zhes pa de mdzad srol snang*/_zab mo yang tig la'ang spros bcas sogs bzhi bi ma ltar yod/_mkha' 'gro snying thig sa gter/_bi ma snying thig sa gter/_yang gter skor dgongs gter ngos 'dzin gnang ba 'dra/_!_klong chen snying thig ces bya ba 'di rdzogs chen sems klong man ngag sde gsum las man ngag sde/_man ngag sde la'ang phyi nang gsang skor gsum las gsang ba snying khrag lta bu yin gsungs/_bka' gter dag snang gsum las gter ma dgongs gter yin te/_'jigs gling rtogs pa nam mkha' dang mnyam pas dgongs gter 'di dang mtshungs pa gcig kyang med ces gsungs/_rig 'dzin 'jigs med gling pa mos gus kyis rtogs pa gcig char du skyes/_chos thams cad ma bslabs par mkhyen/_nang gi rnal 'byor mthar son pa'i rten 'brel gyis/_chos bka' 'di bla ma rig 'dzin nyid yi dam zhi khro dang*/_mkha' 'gro chos skyong ltar sgrub pa kho na yin gsungs/_'di la dbye na phyi sgrub bla ma'i rnal 'byor/_de rgyas par bkral ba'i bla mchod/_nang sgrub rig 'dzin 'dus pa/_bla sgrub/_'di la dbang rgyas bsdus gnyis/_tshe sgrub/_tshe dbang*/_de nyid drag po mthing ga sgrub pa/_dpal chen 'dus pa bka' brgyad/_'di gu drag dang che mchog dbyer med du bsgrubs pas bla ma bka' brgyad/_'di la dbang dngos sta can/_de'i sgos sgrub/_gshin rje/_rta mgrin/_yang dag_/phur pa bzhi 'di la dbang so so bzhi/_gu ru drag dmar/_drag po rta khyung 'di la dbang rgyas bsdus gsum/_gsang sgrub thugs rje chen po sdug bsngal rang grol gyi dbang*/_de drag po rta mgrin sgrub pa dbang med/_yang gsang bi ma klong chen dbyer med kyi bla sgrub thig le rgya can/_dbang 'di mkhyen brtse rin po che'i dgongs gter/_yum bka' mtsho rgyal bde chen rgyal mo/_'di la phyi sgrub mtsho rgyal/_nang sgrub sgrol ma gnyis sgrub thabs gcig_/'jigs gling gi dbang gcig las med kyang*/_nang sgrub sgrol ma nyer gcig la/_spyi dang so so'i rjes gnang mkhyen brtse dbang po'i dgongs klong las phyung ba dang*/_gsang sgrub drag mo seng gdong dbang bcas/_gtor zlog_/byad khrol/_zhi khro ngan song sbyong ba dbang dngos sta can/_gnas lung ro sreg_/bka' srung ma mgon lcam dral/_srog gtad tshe ring ma de'i srog gtad bcas yod/_yi dam dang mkha' 'gro 'di dag kun mkhyen 'jigs gling nyid mos gus kyis grol ba'i rten 'brel gyis bla ma nyid yi dam dang*/_mkha' 'gro ltar sgrub pa yin gsungs/_so sor bsnyen yig bcas yod/_bskyed rim gyi khrid 'og min bgrod pa'i them skas/_de'i dka' 'grel dpal sprul rin po che'i gsung*/_rdzogs rim gtum mo rang lus gzhan lus 'khrul 'khor nyer gcig 'di la phyis mkhan po ngag dga'i khrid yod/_rdzogs pa chen po'i rgyuda~M kun bzang klong rgyud/_lunga~M kun bzang dgongs mnyam/_mna~M ngaga~M rdzogs pa chen po'i rgyud phyi ma rnams/_nyams len lag khrid du bsdebs pa khrid yig chen po ye shes bla ma/_rgyab chos khrid phran kha shas/_sngon 'gro rgyas pa kun bzang bla ma/_de'i zin bris ngag dga'i gsung*/_'bring 'jigs gling rang mdzad/_bsdus pa mkhyen brtse dbang po'i gsungs bcas/_gcod mkha' 'gro'i gad rgyang*/_de la rdo grub dang dpal sprul rin po che'i khrid yig bcas la bka' ma mdo sgyu sems gsum gyi zab gnad thams cad 'dus pa yod gsungs/_phur pa rgyud lugs zhes stod las byang chub sgrub pa dang*/_smad las dgra bgegs sgrol dbang bcas shin tu rgyas pa/_sa skya bdag chen 'gro mgon dbang sdud snying po chos bdag tu bsngags pa 'di bka' gter zung 'jug tu gsungs/_yum bka' bde chen rgyal mo'i nang sgrub sgrol ma nyer gcig gi las tshogs nyer gcig_/tshe sgrub/_bla bslu/_gnas lung*/_g.yang sgrub/_me mchod sogs yod/_yum bka'i rigs bdag 'od dpag med kyi cho ga_/dbang tshe sgrub gnas lung*/_dpal chen 'dus pa dang sman sgrub/_yum bka' seng gdong*/_byad bkrol drag po rta khyung rnams kyi gtor bzlog_/las bzhi'i sbyin sreg_/zhi khro'i gnas lung*/_ro sreg_/thugs rje chen po'i ril sgrub/_ma mgon rten mdos/_drag po'i las sbyor/_ma mgon g.yul bzlog gi mdos bcas kun gzigs mkhyen brtse'i dbang po'i dkar chag ltar yin lags//_//