DKR-KABUM-09-TA-020

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs sgrub yid bzhin nor bu las yid bzhin nor bu lta bu'i man ngag bcu gsum spyi la 'jug pa'i las byang gi thog mtha'i spar khab bsam don myur 'grub
Location	dil mgo mkhyen brtse bka' 'bum Volume 9, Text 20, Pages 155-159 (Folios 1a to 5b2)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	Khyentse, Dilgo. Thugs sgrub yid bzhin nor bu las yid bzhin nor bu lta bu'i man ngag bcu gsum spyi la 'jug pa'i las byang gi thog mtha'i spar khab bsam don myur 'grub. In Skyabs rje dil mgo mkhyen brtse rin po che'i bka' 'bum, Vol. 9: 155-159. Delhi: Shechen Publications, 1994.
Genre	Activity Manual - las byang
Cycle	བླ་མའི་ཐུགས་སྒྲུབ་ཡིད་བཞིན་ནོར་བུ་ (bla ma'i thugs sgrub yid bzhin nor bu)
Recension Link	Other Versions on this site: ཐུགས་སྒྲུབ་ཡིད་བཞིན་ནོར་བུ་ལས། །ཡིད་བཞིན་ནོར་བུ་ལྟ་བུའི་མན་ངག་བཅུ་གསུམ་སྤྱི་ལ་འཇུག་པའི་ལས་བྱང་གི་ཐོག་མཐའི་སྤར་ཁབ་བསམ་དོན་མྱུར་འགྲུབ།
Colophon	།ཅེས་ཐུགས་སྒྲུབ་ཡིད་བཞིན་ནོར་བུའི་ཡན་ལག་བཅུ་གསུམ་སྤྱིའི་ལས་བྱང་གི་ཐོག་མཐའི་མཛེས་རྒྱན་ལེའུ་ཚན་དང་པོའོ།།
	ces thugs sgrub yid bzhin nor bu'i yan lag bcu gsum spyi'i las byang gi thog mtha'i mdzes rgyan le'u tshan dang po'o

Tibetan Text

Wylie

[edit]

༄༅། །ཐུགས་སྒྲུབ་ཡིད་བཞིན་ནོར་བུ་ལས། །ཡིད་བཞིན་ནོར་བུ་ལྟ་བུའི་མན་ངག་བཅུ་གསུམ་སྤྱི་ལ་འཇུག་པའི་ལས་བྱང་གི་ཐོག་མཐའི་སྤར་ཁབ་བསམ་དོན་མྱུར་འགྲུབ་བཞུགས།།

༄༅། བདེ་ཆེན་ཡེ་ཤེས་འདོད་དགུའི་སྤྲིན། །ཕན་བདེའི་ཆར་འབེབས་དེར་བཏུད་ནས། །བསྟན་འགྲོའི་རྒུད་སེལ་མན་ངག་གི །ལས་རིམ་སྤྱི་ཆིངས་སྤར་ཁབ་འཆད། །འདི་ལ་སྦྱོར་དངོས་རྗེས་གསུམ་ལས། བཤམ་གྱི་སྦྱོར་པ་གཞུང་མཐུན་འབྱོར་ན་དང༌། གུ་རུའི་སྐུ་ཡི་མདུན་སྨན་གཏོར་རཀྟ། ཕྱི་མཆོད། བཀའ་གཏེར་སྲུང་མའི་གཏོར་འབུལ། ཚོགས་ཀྱི་ཡོ་བྱད། བགེགས་གཏོར། སྤོས་རོལ། ཌཱ་དྲིལ་སོགས་བཤམས། ཕྲིན་ལས་ཀྱི་སྦྱོར་བའི་ཆོས་བདུན་ལས། དང་པོ་སྐྱབས་འགྲོ་ནི། ཐུགས་སྒྲུབ་ཡིད་བཞིན་ནོར་བུའི་བརྒྱུད་འདེབས་སྔོན་དུ་འགྲོ་བས། ན་མོ་རཏྣ་ཏྲ་ཡཱ་ཡ་གུ་རུ་དྷེ་བ་དྷཱ་ཀི་ནི་བཛྲ་ས་མཱ་ཛཿ སྐྱབས་ཡུལ་བླ་མ་རྒྱལ་བ་སྲས་བཅས་མདུན་གྱི་ནམ་མཁར་གསལ་བར་གྱུར། ན་མོ༔ བླ་མ་བདེ་གཤེགས་འདུས་པའི་སྐུ༔ དཀོན་མཆོག་གསུམ་གསུམ་གྱི་རང་བཞིན་ལ༔ བདག་དང་འགྲོ་དྲུག་སེམས་ཅན་རྣམས༔ བྱང་ཆུབ་བར་དུ་སྐྱབས་སུ་མཆི༔ ལན་གསུམ། གཉིས་པ་སེམས་བསྐྱེད་ནི། སེམས་བསྐྱེད་འགྲོ་བ་ཀུན་དོན་དུ༔ བླ་མ་སངས་རྒྱས་བསྒྲུབས་ནས་ནི༔ གང་ལ་གང་འདུལ་ཕྲིན་ལས་ཀྱིས༔ འགྲོ་བ་བསྒྲལ་བར་དམ་བཅའ་འོ༔ གསུམ་པ་ཚོགས་བསགས་པ་ནི། བླ་མ་ཡི་དམ་མཁའ་འགྲོ་གཤེགས༔ ཉི་ཟླ་པདྨའི་གདན་ལ་བཞུགས༔ ལུས་ངག་ཡིད་གསུམ་གུས་ཕྱག་འཚལ༔ ཕྱི་ནང་གསང་བའི་མཆོད་པ་འབུལ༔ ཉམས་ཆགས་སྡིག་སྒྲིབ་མཐོལ་ཞིང་བཤགས༔ གསང་སྔས་བསྒྲུབས་ལ་རྗེས་ཡི་རང༔ སྨིན་གྲོལ་གསང་སྔགས་ཆོས་འཁོར་བསྐོར༔ མྱ་ངན་མི་འདའ་བཞུགས་སུ་གསོལ༔ སྙིང་པོ་སེམས་ཅན་དོན་དུ་བསྔོ༔ ཡང་དག་རྡོ་རྗེའི་དོན་རྟོགས་ཤོག༔ ཅེས་པའི་མཐར། ཛཿཧཱུྃ་བཾ་ཧོ༔ ཚོགས་ཞིང་རང་ལ་ཐིམ་པར་གྱུར༔ བཞི་པ་བགེགས་བསྐྲད་པ་ནི། རང་ཉིད་དབང་ཆེན་སྐུ་རུ་གསལ༔ ཨོཾ་ཧྱ་གྲཱྀ་བ་ཧཱུྃ་ཕཊ༔ བགེགས་གཏོར་རྃ་ཡྃ་ཁྃ་གིས་བསང༌། ཨོཾ་ཨཱཿཧཱུྃ་ལན་གསུམ་བརྗོད་པས། གཏོར་མ་འདོད་པའི་ཡོན་ཏན་ལྔ་ལྡན་ཟད་མི་ཤེས་པའི་གཏེར་ཆེན་པོར་གྱུར། ཨོཾ་སརྦ་བྷཱུ་ཏ་ཨཱ་ཀརྵ་ཡ་ཛཿཞེས་བགེགས་བཀུག །ཨོཾ་སརྦ་བིགྷྣཱན་བ་ལིཾ་ཏ་ཁཱ་ཧིཿ ལན་གསུམ་གྱིས་བསྔོས་ལ། ཧཱུྃཿ བླ་མ་རྣམས་ཀྱི་བྱིན་རླབས་དང༔ ཡི་དམ་ལྷ་ཡི་ཏིང་འཛིན་དང༔ མཁའ་འགྲོ་རྣམས་ཀྱི་མཐུ་རྩལ་གྱི༔ དངོས་གྲུབ་བར་ཆད་བྱེད་པའི་བགེགས༔ ལོག་པར་འདྲེན་པ་བདུད་ཀྱི་ཚོགས༔ འདི་རུ་མ་འདུག་གཞན་དུ་དེངས༔ ཨོཾ་སུམྦྷ་ནི་སོགས་དྲག་སྔགས་རོལ་མོ་ཐུན་དང་བཅས་པས་བཀའ་བསྒོས་ལ་བསྐྲད། ལྔ་པ་སྲུང་འཁོར་ནི། ཧཱུྃ༔ བདག་ཉིད་དཔལ་གྱི་ཐུགས་ཀ་ནས༔ ཕྱག་མཚན་ལྔ་ཡི་ཚོགས་སྤྲོས་པས༔ སྲུང་བའི་འཁོར་ལོའི་གུར་ཆེན་པོ༔ ཡེ་ཤེས་མེ་ཕུང་འཕྲོ་བར་གྱུར༔ ཨོཾ་ཧཱུྃ་ཏྲཱཾ་ཧྲཱིཿཨཿབཛྲ་ཛྭ་ལ་རཀྵ་རཀྵ་ཧཱུྃ༔ དྲུག་པ་བྱིན་འབེབས་ནི། དྲི་ཞིམ་པོའི་སྤོས་དང་དབྱངས་རོལ་མོས་གུས་གདུང་ཤུགས་ཀྱིས་བསྐུལ་ལ། ཧཱུྃ༔ ཆོས་དབྱིངས་མཐའ་དང་བྲལ་བའི་ཞིང་ཁམས་ནས༔ བླ་མ་རིག་འཛིན་རྒྱལ་བ་ཞི་ཁྲོའི་ཚོགས༔ ཕྱི་ནང་མཁའ་འགྲོ་དམ་ཅན་མ་ལུས་པ༔ གནས་འདིར་བྱིན་ཕོབ་རྡོ་རྗེའི་ཡེ་ཤེས་བསྐྱེད༔ ཨོཾ་ཨཱཿཧཱུྃ་གུ་རུ་དྷེ་བ་དྷཱ་ཀི་ནཱི་ཛྙཱ་ན་ཨ་བེ་ཤ་ཡ་ཨ་ཨ༔ ཛཿཧཱུྃ་བཾ་ཧོ༔ བདུན་པ་མཆོད་རྫས་བྱིན་རླབས་ནི། ཧཱུྃ་ཧྲཱིཿ རྃ་ཡྃ་ཁྃ་གིས་མ་དག་དངོས་ཀུན་སྦྱངས༔ སྟོང་པའི་ངང་ལས་བྷནྡྷ་རྣམ་གསུམ་དུ༔ ཨོཾ་ལས་གཏོར་མ་འདོད་ཡོན་སྤྲིན་ཕུང་འཕྲོ༔ ཨཱཿལས་ཆགས་མེད་རཀྟའི་རྦ་ཀློང་འཁྱིལ༔ ཧཱུྃ་ལས་ཡེ་ཤེས་ལྔ་ལྡན་བདུད་རྩིའི་མཚོ༔ ཧྲཱིཿལས་ཕྱི་ནང་གསང་བའི་མཆོད་པའི་ཚོགས༔ བསམ་གྱིས་མི་ཁྱབ་ནམ་མཁའ་གང་བར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་མ་ཧཱ་རཀྟ་མ་ཧཱ་བ་ལིཾ་ཏ་ཧཱུྃ་ཧྲཱིཿཋཿ ཨོཾ་བཛྲ་ཨརྒྷཾ་པ་དྱཾ་པུཥྤེ་དྷཱུ་པེ་ཨཱ་ལོ་ཀེ་གྷནྡྷེ་ནཻ་བི་དྱཱ་ཤཔྟ་ཨཱཿཧཱུྃ༔ ཨོཾ་བཛྲ་སྥ་ར་ཎ་ཁཾཿ གཉིས་པ་དངོས་གཞིའི་ཕྲིན་ལས་ས་བཅད་བཅུ་བདུན་གུ་རུ་བཅུ་གསུམ་སོ་སོའི་སྒེར་གྱི་ལས་བྱང་ལྟར་སྦྱར་དགོས་སོ། །གསུམ་པ་རྗེས་ཀྱི་ལས་རིམ་བདུན་ལས། དང་པོ་ཚོགས་མཆོད་ནི། ཧཱུྃ༔ རང་རིག་རྩལ་ལས་རྃ་ཡྃ་ཁྃ་འཕྲོས་ཏེ༔ ཚོགས་ཀྱི་དངོས་པོའི་བག་ཆགས་བསྲེགས་གཏོར་བཀྲུས༔ སྟོང་གསལ་ངང་ལས་ཐབས་ཤེས་ཀ་པཱ་ལར༔ ཚོགས་མཆོད་འདོད་ཡོན་སྤྲིན་ཕུང་འཕྲོ་བར་གྱུར༔ རྃ་ཡྃ་ཁྃ༔ ཨོཾ་ཨཱཿཧཱུྃ༔ ལན་གསུམ་གྱིས་བྱིན་བརླབ། ཧཱུྃ་ཧྲཱིཿ མི་མངོན་དབྱིངས་ནས་རྩ་གསུམ་རྒྱལ་བའི་ཚོགས༔ འགག་མེད་མཁའ་ལས་འཇའ་ཚོན་ཤར་བ་ལྟར་སྒྲུབ༔ ཡེ་ཤེས་ཚོགས་ལ་སྤྱན་འདྲེན་གཤེགས་ནས་ཀྱང༔ འདོད་ཡོན་མཆོད་བཞེས་དངོས་གྲུབ་བསྩལ་དུ་གསོལ༔ ཨོཾ་ཨཱཿཧཱུྃ་སརྦ་མ་ཧཱ་གུ་རུ་མཎྜལ་ས་པ་རི་ཝ་ར་བཛྲ་ས་མཱ་ཛཿ །ཞེས་ཚོགས་མགྲོན་སྤྱན་དྲངས་ལ། དང་པོ་མཆོད་པ་ནི། ཧཱུྃ་ཧྲཱིཿ བླ་མ་རིག་འཛིན་རྩ་གསུམ་དཀྱིལ་འཁོར་ལྷར༔ ཚོགས་མཆོད་འདོད་ཡོན་ལྔ་ལྡན་འབུལ་ལགས་ན༔ དགྱེས་པར་བཞེས་ལ་ཕྱི་ནང་གསང་བ་ཡི༔ བསམ་པ་ལྷུན་གྱིས་གྲུབ་པར་མཛད་དུ་གསོལ༔ ཨོཾ་ཨཱཿཧཱུྃ་སརྦ་མ་ཧཱ་གུ་རུ་མཎྜ་ལ་ས་པ་རི་ཝ་ར་ག་ཎ་ཙཀྲ་པཱུ་ཛ་ཁཱ་ཧི༔ བར་པ་བཤགས་པ་ནི། ཧཱུྃ་ཧྲཱིཿ དུར་ཁྲོད་གསང་བ་མཆོག་གི་དཀྱིལ་འཁོར་འདིར༔ གསང་བའི་དཀྱིལ་འཁོར་གཞུང་བཞིན་བཤམས་ནས་ཀྱང༔ སྒྲུབ་རྫས་གཉན་པོ་ཚུལ་བཞིན་བཀྲམ་པ་འདིས༔ བླ་མ་རིག་འཛིན་ཐུགས་དམ་བསྐང་གྱུར་ཅིག༔ ཡི་དམ་ལྷ་ཚོགས་ཐུགས་དམ་བསྐང་གྱུར་ཅིག༔ དཔའ་བོ་མཁའ་འགྲོའི་ཐུགས་དམ་བསྐང་གྱུར་ཅིག༔ ཆོས་སྐྱོང་སྲུང་མའི་ཐུགས་དམ་བསྐང་གྱུར་ཅིག༔ མཆོད་པར་འོས་རྣམས་ཐུགས་དམ་བསྐང་གྱུར་ཅིག༔ དངོས་འབྱོར་ཡིད་སྤྲུལ་མཆོད་སྤྲིན་རྒྱ་མཚོ་ཡིས༔ ཐུགས་དམ་བསྐང་ངོ་ཉམས་ཆགས་བཟོད་བཞེས་ལ༔ ཕྱི་ནང་གསང་བའི་བར་ཆད་ཞི་བ་དང༔ བསམ་པ་ལྷུན་གྱིས་གྲུབ་པའི་དངོས་གྲུབ་སྩོལ༔ ཅེས་དང༌། ཡིག་བརྒྱ་བརྗོད། ཐ་མ་བསྒྲལ་སྟབས་ནི། ཨེ་ནྲྀ་ཏྲྀ་སརྦ་ཤ་ཏྲཱུཾ་བིགྷྣཱན་ཛཿཧཱུྃ་བཾ་ཧོཿ ཧཱུྃཿ བདག་ཉིད་པདྨ་དྲག་པོ་རྩལ༔ ཕྱག་ན་སྲས་མཆོག་ཕུར་པ་འདྲིལ༔ དགྲ་བགེགས་སྙིང་ལ་བཏབ་པ་ཡིས༔ ལྔ་ཕུང་དུག་ལྔའི་རྩད་བཅད་དེ༔ ཡེ་ཤེས་ཆེན་པོའི་བདུད་རྩིར་བསྒྱུར༔ ཨོཾ་པདྨ་ཤྲཱི་ཧེ་རུ་ཀ་ཀཱི་ལི་ཀཱི་ལ་ཡ་སརྦ་ཤ་ཏྲཱུཾན་བིགྷྣཱན་མ་ར་ཡ་ཕཊ༔ ཧཱུྃ༔ རིག་འཛིན་དཀྱིལ་འཁོར་ལྷ་ཚོགས་ཞལ་ཕྱེས་ཤིག༔ བསྟན་ལ་གནོད་བྱེད་དགྲ་བགེགས་མ་ལུས་ཀུན༔ བསྒྲལ་བའི་ཤ་ཁྲག་བདུད་རྩིའི་མཆོད་པ་བཞེས༔ འཁོར་འདས་མཉམ་ཉིད་དབྱིངས་སུ་བསྒྲལ་བར་མཛོད༔ མ་ཧཱ་མཱཾ་ས་རཀྟ་ཀིཾ་ནི་རི་ཏི་ཁཱ་ཧི༔ དེ་ནས་བརྡ་དང་བརྡའི་འབུལ་ལེན་བཅས་ཚོགས་རྫས་ནང་གི་སྲེག་བླུགས་ཀྱི་ཚུལ་དུ་རོལ་ལ་རྡོ་རྗེའི་གླུ་དང་ཡེ་ཤེས་ཀྱི་ཉམས་བསྐྱང་ངོ༌། །གཉིས་པ་ལྷག་མ་གཏོང་བ་ནི། ཚོགས་ལྷག་ཨོཾ་ཨཱཿཧཱུྃ༔ལན་གསུམ། ལྷག་གཏོར་བདུད་རྩིའི་རྒྱ་མཚོ་འདོད་ཡོན་གྱི་ཕུང་པོ་ཟད་མེད་ཀྱི་གཏེར་དུ་གྱུར། ཞེས་བྱིན་བརླབས་ལ། ཨེ་ཨཱ་རལླི་ཧྲཱིཾ་ཧྲཱིཾ་ཕེཾ་ཕེཾ༔ ཧཱུྃ་ཧྲཱིཿ བླ་མ་རིག་འཛིན་སྤྱན་སྔ་རུ༔ ཁས་བླངས་མཁའ་འགྲོ་དམ་ཅན་ཚོགས༔ ལྷག་གཏོར་བཞེས་ལ་དམ་བཅས་བཞིན༔ ཕྲིན་ལས་རྣམ་བཞི་འགྲུབ་པར་མཛོད༔ ཨུཙྪིཥྚ་བ་ལིཾ་ཏ་ཁཱ་ཧི༔ ཅེས་ལྷག་གཏོར་ཕྱི་རོལ་དུ་དོར། ཧོཿ བླ་མ་རིག་འཛིན་དཀྱིལ་འཁོར་དུ༔ ཚོགས་ཀྱི་མཆོད་པ་ཕུལ་བ་ཡིས༔ བདག་དང་མཁའ་མཉམ་འགྲོ་བ་ཀུན༔ བདེ་ཆེན་ཡེ་ཤེས་སྐུ་འགྲུབ་ཤོག༔ ཅེས་སྨོན་ལམ་གདབ། གསུམ་པ་གཏོང་རཀ་མཆོད་བསྟོད་ནི། ཨོཾ་ཨཱཿཧཱུྃཿ རིག་འཛིན་བླ་མའི་དཀྱིལ་འཁོར་ལྷ་ཚོགས་ལ༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི༔ ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད༔ སྐུ་གསུང་ཐུགས་དང་ཡོན་ཏན་ཕྲིན་ལས་བསྟོད༔ མ་ཧཱ་ཨ་མྲྀ་ཏ་རཀྟ་བ་ལིཾ་ཏ་སརྦ་པཱུ་ཛ་ཨ་ཧཱུྃཿ བཞི་པ་བཟོད་གསོལ་ནི། མ་རྙེད་ཡོངས་སུ་མ་ཚང་དང༌། །གང་ཡང་ནུས་པ་མ་མཆིས་པས། །འདི་ནི་བགྱི་པ་གང་ནོངས་པ། །དེ་ཀུན་ཁྱེད་ཀྱིས་བཟོད་མཛད་རིགས། ཞེས་དང་ཡིག་བརྒྱ་བརྗོད། ལྔ་པ་གཤེགས་བསྡུ་ནི། ཚོགས་མགྲོན་སོགས་རྟེན་ཡོད་ན། འདིར་ནི་གཟུགས་དང་ལྷན་ཅིག་ཏུ། །འཁོར་བ་སྲིད་དུ་བཞུགས་ནས་ཀྱང༌། །ནད་མེད་ཚེ་དང་དབང་ཕྱུག་དང༌། །མཆོག་རྣམས་ལེགས་པར་བསྩལ་དུ་གསོལ། ཞེས་བརྟན་བཞུགས་དང༌། མེད་ན་གཤེགས་གསོལ་སྤྱི་མཐུན་བྱ། །སྣོད་བཅུད་གཞལ་ཡས་དཀྱིལ་འཁོར་པ༔ མ་བཅོས་སྤྲོས་མེད་འོད་གསལ་ངང༔ ཅིར་སྣང་བདེ་ཆེན་གཡུང་དྲུང་ལྷ༔ འདུ་འབྲལ་མེད་པའི་ཕྱག་རྒྱར་བཞེངས༔ ཨོཾ་ཨཱཿཧཱུྃ་བཛྲ་ཀཱ་ཝཱ་ཙི་རཀྵ་ཧཾ༔ དྲུག་པ་བསྔོ་སྨོན་ནི། ཧོཿ རིག་འཛིན་བླ་མ་བསྒྲུབས་པའི་འབྲས་བུ་ཡི༔ བསོད་ནམས་གང་མཆིས་འགྲོ་བའི་རྒྱུད་ལ་བསྔོ༔ ཀུན་ཀྱང་ས་ལམ་ཡོན་ཏན་མཐར་ཕྱིན་ནས༔ བདེ་ཆེན་རྒྱལ་པོའི་གོ་འཕང་མྱུར་འགྲུབ་ཤོག༔ བདུན་པ་ཤིས་བརྗོད་ནི། ཨོཾ༔ བྱིན་རླབས་མཁའ་ལ་སྤྲིན་འཁྲིགས་བླ་མ་རྗེ༔ དངོས་གྲུབ་ཆར་འབེབས་ཡི་དམ་ཞི་དང་ཁྲོ༔ དགོས་འདོད་འབྲས་བུ་སྨིན་མཛད་མཁའ་འགྲོའི་ཚོགས༔ རྩ་གསུམ་དཀྱིལ་འཁོར་ལྷ་ཡི་བཀྲ་ཤིས་ཤོག༔ ཅེས་མེ་ཏོག་གི་ཆར་དང་རོལ་མོའི་སྒྲ་སྦྱར་ལ་དགེ་ལེགས་སུ་བྱའོ། །མཛེས་ཁྲིགས་ཡན་ལག་མ་མཆིས་པའི། །རྡོ་རྗེའི་གསུང་གི་གོང་བུ་ལ། །ཤིང་རྟས་ཕྱེས་པའི་རྒྱན་མཆོག་གིས། །སྤྲས་འདིས་བསྟན་འགྲོའི་དཔལ་འཕེལ་ཤོག །ཅེས་ཐུགས་སྒྲུབ་ཡིད་བཞིན་ནོར་བུའི་ཡན་ལག་བཅུ་གསུམ་སྤྱིའི་ལས་བྱང་གི་ཐོག་མཐའི་མཛེས་རྒྱན་ལེའུ་ཚན་དང་པོའོ།། །།

[edit]

@#/_/thugs sgrub yid bzhin nor bu las/_/yid bzhin nor bu lta bu'i man ngag bcu gsum spyi la 'jug pa'i las byang gi thog mtha'i spar khab bsam don myur 'grub bzhugs// @#/_bde chen ye shes 'dod dgu'i sprin/_/phan bde'i char 'bebs der btud nas/_/bstan 'gro'i rgud sel man ngag gi_/las rim spyi chings spar khab 'chad/_/'di la sbyor dngos rjes gsum las/_bsham gyi sbyor pa gzhung mthun 'byor na dang*/_gu ru'i sku yi mdun sman gtor rak+ta/_phyi mchod/_bka' gter srung ma'i gtor 'bul/_tshogs kyi yo byad/_bgegs gtor/_spos rol/_DA dril sogs bshams/_phrin las kyi sbyor ba'i chos bdun las/_dang po skyabs 'gro ni/_thugs sgrub yid bzhin nor bu'i brgyud 'debs sngon du 'gro bas/_na mo rat+na tra yA ya gu ru d+he ba d+hA ki ni badz+ra sa mA dzaH_skyabs yul bla ma rgyal ba sras bcas mdun gyi nam mkhar gsal bar gyur/_na mo:_bla ma bde gshegs 'dus pa'i sku:_dkon mchog gsum gsum gyi rang bzhin la:_bdag dang 'gro drug sems can rnams:_byang chub bar du skyabs su mchi:_lan gsum/_gnyis pa sems bskyed ni/_sems bskyed 'gro ba kun don du:_bla ma sangs rgyas bsgrubs nas ni:_gang la gang 'dul phrin las kyis:_'gro ba bsgral bar dam bca' 'o:_gsum pa tshogs bsags pa ni/_bla ma yi dam mkha' 'gro gshegs:_nyi zla pad+ma'i gdan la bzhugs:_lus ngag yid gsum gus phyag 'tshal:_phyi nang gsang ba'i mchod pa 'bul:_nyams chags sdig sgrib mthol zhing bshags:_gsang sngas bsgrubs la rjes yi rang:_smin grol gsang sngags chos 'khor bskor:_mya ngan mi 'da' bzhugs su gsol:_snying po sems can don du bsngo:_yang dag rdo rje'i don rtogs shog:_ces pa'i mthar/_dzaHhU~M baM ho:_tshogs zhing rang la thim par gyur:_bzhi pa bgegs bskrad pa ni/_rang nyid dbang chen sku ru gsal:_oM h+ya gr-I ba hU~M phaT:_bgegs gtor ra~M ya~M kha~M gis bsang*/_oM AHhU~M lan gsum brjod pas/_gtor ma 'dod pa'i yon tan lnga ldan zad mi shes pa'i gter chen por gyur/_oM sarba b+hU ta A kar+Sha ya dzaHzhes bgegs bkug_/oM sarba big+h+nAn ba liM ta khA hiH_lan gsum gyis bsngos la/_hU~MH_bla ma rnams kyi byin rlabs dang:_yi dam lha yi ting 'dzin dang:_mkha' 'gro rnams kyi mthu rtsal gyi:_dngos grub bar chad byed pa'i bgegs:_log par 'dren pa bdud kyi tshogs:_'di ru ma 'dug gzhan du dengs:_oM sum+b+ha ni sogs drag sngags rol mo thun dang bcas pas bka' bsgos la bskrad/_lnga pa srung 'khor ni/_hU~M:_bdag nyid dpal gyi thugs ka nas:_phyag mtshan lnga yi tshogs spros pas:_srung ba'i 'khor lo'i gur chen po:_ye shes me phung 'phro bar gyur:_oM hU~M trAM hrIHaHbadz+ra dz+wa la rak+Sha rak+Sha hU~M:_drug pa byin 'bebs ni/_dri zhim po'i spos dang dbyangs rol mos gus gdung shugs kyis bskul la/_hU~M:_chos dbyings mtha' dang bral ba'i zhing khams nas:_bla ma rig 'dzin rgyal ba zhi khro'i tshogs:_phyi nang mkha' 'gro dam can ma lus pa:_gnas 'dir byin phob rdo rje'i ye shes bskyed:_oM AHhU~M gu ru d+he ba d+hA ki nI dz+nyA na a be sha ya a a:_dzaHhU~M baM ho:_bdun pa mchod rdzas byin rlabs ni/_hU~M hrIH_ra~M ya~M kha~M gis ma dag dngos kun sbyangs:_stong pa'i ngang las b+han+d+ha rnam gsum du:_oM las gtor ma 'dod yon sprin phung 'phro:_AHlas chags med rak+ta'i rba klong 'khyil:_hU~M las ye shes lnga ldan bdud rtsi'i mtsho:_hrIHlas phyi nang gsang ba'i mchod pa'i tshogs:_bsam gyis mi khyab nam mkha' gang bar gyur:_oM AHhU~M sarba pany+tsa a mr-i ta ma hA rak+ta ma hA ba liM ta hU~M hrIHThaH_oM badz+ra ar+g+haM pa d+yaM puSh+pe d+hU pe A lo ke g+han+d+he nai bi d+yA shap+ta AHhU~M:_oM badz+ra s+pha ra Na khaMH_gnyis pa dngos gzhi'i phrin las sa bcad bcu bdun gu ru bcu gsum so so'i sger gyi las byang ltar sbyar dgos so/__/gsum pa rjes kyi las rim bdun las/_dang po tshogs mchod ni/_hU~M:_rang rig rtsal las ra~M ya~M kha~M 'phros te:_tshogs kyi dngos po'i bag chags bsregs gtor bkrus:_stong gsal ngang las thabs shes ka pA lar:_tshogs mchod 'dod yon sprin phung 'phro bar gyur:_ra~M ya~M kha~M:_oM AHhU~M:_lan gsum gyis byin brlab/_hU~M hrIH_mi mngon dbyings nas rtsa gsum rgyal ba'i tshogs:_'gag med mkha' las 'ja' tshon shar ba ltar sgrub:_ye shes tshogs la spyan 'dren gshegs nas kyang:_'dod yon mchod bzhes dngos grub bstsal du gsol:_oM AHhU~M sarba ma hA gu ru maN+Dal sa pa ri wa ra badz+ra sa mA dzaH_/zhes tshogs mgron spyan drangs la/_dang po mchod pa ni/_hU~M hrIH_bla ma rig 'dzin rtsa gsum dkyil 'khor lhar:_tshogs mchod 'dod yon lnga ldan 'bul lags na:_dgyes par bzhes la phyi nang gsang ba yi:_bsam pa lhun gyis grub par mdzad du gsol:_oM AHhU~M sarba ma hA gu ru maN+Da la sa pa ri wa ra ga Na tsakra pU dza khA hi:_bar pa bshags pa ni/_hU~M hrIH_dur khrod gsang ba mchog gi dkyil 'khor 'dir:_gsang ba'i dkyil 'khor gzhung bzhin bshams nas kyang:_sgrub rdzas gnyan po tshul bzhin bkram pa 'dis:_bla ma rig 'dzin thugs dam bskang gyur cig:_yi dam lha tshogs thugs dam bskang gyur cig:_dpa' bo mkha' 'gro'i thugs dam bskang gyur cig:_chos skyong srung ma'i thugs dam bskang gyur cig:_mchod par 'os rnams thugs dam bskang gyur cig:_dngos 'byor yid sprul mchod sprin rgya mtsho yis:_thugs dam bskang ngo nyams chags bzod bzhes la:_phyi nang gsang ba'i bar chad zhi ba dang:_bsam pa lhun gyis grub pa'i dngos grub stsol:_ces dang*/_yig brgya brjod/_tha ma bsgral stabs ni/_e nr-i tr-i sarba sha trUM big+h+nAn dzaHhU~M baM hoH_hU~MH_bdag nyid pad+ma drag po rtsal:_phyag na sras mchog phur pa 'dril:_dgra bgegs snying la btab pa yis:_lnga phung dug lnga'i rtsad bcad de:_ye shes chen po'i bdud rtsir bsgyur:_oM pad+ma shrI he ru ka kI li kI la ya sarba sha trUMn big+h+nAn ma ra ya phaT:_hU~M:_rig 'dzin dkyil 'khor lha tshogs zhal phyes shig:_bstan la gnod byed dgra bgegs ma lus kun:_bsgral ba'i sha khrag bdud rtsi'i mchod pa bzhes:_'khor 'das mnyam nyid dbyings su bsgral bar mdzod:_ma hA mAM sa rak+ta kiM ni ri ti khA hi:_de nas brda dang brda'i 'bul len bcas tshogs rdzas nang gi sreg blugs kyi tshul du rol la rdo rje'i glu dang ye shes kyi nyams bskyang ngo*/_/gnyis pa lhag ma gtong ba ni/_tshogs lhag oM AHhU~M:lan gsum/_lhag gtor bdud rtsi'i rgya mtsho 'dod yon gyi phung po zad med kyi gter du gyur/_zhes byin brlabs la/_e A ral+li hrIM hrIM pheM pheM:_hU~M hrIH_bla ma rig 'dzin spyan snga ru:_khas blangs mkha' 'gro dam can tshogs:_lhag gtor bzhes la dam bcas bzhin:_phrin las rnam bzhi 'grub par mdzod:_uts+tshiSh+Ta ba liM ta khA hi:_ces lhag gtor phyi rol du dor/_hoH_bla ma rig 'dzin dkyil 'khor du:_tshogs kyi mchod pa phul ba yis:_bdag dang mkha' mnyam 'gro ba kun:_bde chen ye shes sku 'grub shog:_ces smon lam gdab/_gsum pa gtong raka mchod bstod ni/_oM AHhU~MH_rig 'dzin bla ma'i dkyil 'khor lha tshogs la:_dngos su 'byor dang yid kyis rnam sprul pa'i:_phyi nang gsang ba'i mchod sprin rgya mtshos mchod:_sku gsung thugs dang yon tan phrin las bstod:_ma hA a mr-i ta rak+ta ba liM ta sarba pU dza a hU~MH_bzhi pa bzod gsol ni/_ma rnyed yongs su ma tshang dang*/_/gang yang nus pa ma mchis pas/_/'di ni bgyi pa gang nongs pa/_/de kun khyed kyis bzod mdzad rigs/_zhes dang yig brgya brjod/_lnga pa gshegs bsdu ni/_tshogs mgron sogs rten yod na/_'dir ni gzugs dang lhan cig tu/_/'khor ba srid du bzhugs nas kyang*/_/nad med tshe dang dbang phyug dang*/_/mchog rnams legs par bstsal du gsol/_zhes brtan bzhugs dang*/_med na gshegs gsol spyi mthun bya/_/snod bcud gzhal yas dkyil 'khor pa:_ma bcos spros med 'od gsal ngang:_cir snang bde chen g.yung drung lha:_'du 'bral med pa'i phyag rgyar bzhengs:_oM AHhU~M badz+ra kA wA tsi rak+Sha haM:_drug pa bsngo smon ni/_hoH_rig 'dzin bla ma bsgrubs pa'i 'bras bu yi:_bsod nams gang mchis 'gro ba'i rgyud la bsngo:_kun kyang sa lam yon tan mthar phyin nas:_bde chen rgyal po'i go 'phang myur 'grub shog:_bdun pa shis brjod ni/_oM:_byin rlabs mkha' la sprin 'khrigs bla ma rje:_dngos grub char 'bebs yi dam zhi dang khro:_dgos 'dod 'bras bu smin mdzad mkha' 'gro'i tshogs:_rtsa gsum dkyil 'khor lha yi bkra shis shog:_ces me tog gi char dang rol mo'i sgra sbyar la dge legs su bya'o/__/mdzes khrigs yan lag ma mchis pa'i/_/rdo rje'i gsung gi gong bu la/_/shing rtas phyes pa'i rgyan mchog gis/_/spras 'dis bstan 'gro'i dpal 'phel shog__/ces thugs sgrub yid bzhin nor bu'i yan lag bcu gsum spyi'i las byang gi thog mtha'i mdzes rgyan le'u tshan dang po'o//__//