DKR-KABUM-12-NA-005

🚧 This website is under continued development. We appreciate your patience!

Previous Text Back to Volume PageNext Text

Wylie title	'
Location	dil mgo mkhyen brtse bka' 'bum Volume 12, Text 5, Pages (Folios 1a to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. '. In Skyabs rje dil mgo mkhyen brtse rin po che'i bka' 'bum, Vol. 12: . Delhi: Shechen Publications, 1994.
Genre	Empowerment Ritual - dbang chog - dbang skur

Tibetan Text

Wylie

[edit]

༁ྃ༔ ཟབ་མོ་རྫོགས་ཆེན་སྡེ་གསུམ་ལས༔ གསང་སྐོར་ཡི་དམ་ཞི་བ་ཀུན་བཟང་དོན་གྱི་ཕྲིན་ལས་ཡེ་ཤེས་རང་གསལ་བཞུགས༔ ཐོག་མར་སྐྱབས་སེམས་ནི། དབྱིངས་རིག་གཉིས་མེད་མཆོག་གསུམ་ལ༔ ཡེ་ནས་དག་པར་སྐྱབས་སུ་མཆི༔ གཉིས་སུ་མེད་པར་བསྒྲལ་བའི་ཕྱིར༔ རང་བྱུང་རང་གསལ་སེམས་བསྐྱེད་དོ༔ ལན་གསུམ། དངོས་གཞི་ལྷ་བསྐྱེད་ནི། ཨཿ མ་བཅོས་གསལ་རྫོགས་ཀུན་ཏུ་བཟང༔ ཞལ་ཕྱག་མཚན་མའི་སྐུ་རུ་བཞེངས༔ ཕུང་པོ་ལྔ་ཉིད་བདེ་གཤེགས་ལྔ༔ འབྱུང་བ་ལྔ་པོ་ཡུམ་ཆེན་ལྔ༔ ཚོགས་ཡུལ་སེམས་དཔའ་ལྕམ་དྲལ་བརྒྱད༔ རིགས་དྲུག་གནས་དག་ཐུབ་པ་དྲུག༔ ཕྲིན་ལས་ལྷུན་གྲུབ་སྒོ་བ་བཞི༔ བཞི་བཅུ་རྩ་གཉིས་ཞི་བའི་ལྷ༔ ཡེ་ཤེས་ཐིག་ལེ་གཅིག་ཏུ་འཁྱིལ༔ གདོད་ནས་དམ་ཡེ་དབྱེར་མེད་ངང༔ འགྱུར་མེད་ཡོངས་གྲུབ་ངང་དུ་རྫོགས༔ ཞེས་རྡོ་རྗེའི་ཚིག་རྐང་གིས་ཇི་ལྟར་བསྟན་པའི་དོན་བཞིན་རིག་སྟོང་གཉུག་མའི་ཡེ་ཤེས་གཅིག་གི་ངོ་བོ་རང་བཞིན་ཐུགས་རྗེའི་ཆོ་འཕྲུལ་ལ་གདན་གསུམ་ཡོངས་རྫོགས་ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ལྷུན་གྱིས་རྫོགས་པའི་དོན་བཞིན་མ་བསྐྱེད་ཡོངས་གྲུབ་ཀྱི་བསྐྱེད་རིམ་གསལ་གདབ་ལ། དེ་ཐམས་ཅད་ཀྱི་སྔགས་ཀྱང་དབྱིངས་ཀྱི་ཡི་གེ་འབྲུ་གཅིག་ལ་རྫོགས་པའི་དོན་ཤེས་པས། ཨཿ བརྗོད་མེད་འབྲུ་གཅིག་ཡིད་ཀྱིས་བཟླས༔ ཞེས་གསུང་པ་ཉིད་བསྙེན་པ་དང༌། ཨོཾ་བོ་དྷི་ཙིཏྟ་ས་མནྟ་བྷ་དྲ་ཨ༔ ཞེས་རྩ་སྔགས་སྒྲུབ་པའི་ཚུལ་དུ་བཟླས་པའོ།།

[edit]

\u0f01\u0f83:__zab mo rdzogs chen sde gsum las:_gsang skor yi dam zhi ba kun bzang don gyi phrin las ye shes rang gsal bzhugs:_thog mar skyabs sems ni/_dbyings rig gnyis med mchog gsum la:_ye nas dag par skyabs su mchi:_gnyis su med par bsgral ba'i phyir:_rang byung rang gsal sems bskyed do:_lan gsum/_dngos gzhi lha bskyed ni/_aH_ma bcos gsal rdzogs kun tu bzang:_zhal phyag mtshan ma'i sku ru bzhengs:_phung po lnga nyid bde gshegs lnga:_'byung ba lnga po yum chen lnga:_tshogs yul sems dpa' lcam dral brgyad:_rigs drug gnas dag thub pa drug:_phrin las lhun grub sgo ba bzhi:_bzhi bcu rtsa gnyis zhi ba'i lha:_ye shes thig le gcig tu 'khyil:_gdod nas dam ye dbyer med ngang:_'gyur med yongs grub ngang du rdzogs:_zhes rdo rje'i tshig rkang gis ji ltar bstan pa'i don bzhin rig stong gnyug ma'i ye shes gcig gi ngo bo rang bzhin thugs rje'i cho 'phrul la gdan gsum yongs rdzogs zhi ba rdo rje dbyings kyi dkyil 'khor chen po lhun gyis rdzogs pa'i don bzhin ma bskyed yongs grub kyi bskyed rim gsal gdab la/_de thams cad kyi sngags kyang dbyings kyi yi ge 'bru gcig la rdzogs pa'i don shes pas/_aH_brjod med 'bru gcig yid kyis bzlas:_zhes gsung pa nyid bsnyen pa dang*/_oM bo d+hi tsit+ta sa man+ta b+ha dra a:_zhes rtsa sngags sgrub pa'i tshul du bzlas pa'o//