DKR-KABUM-07-JA-007

🚧 This website is under continued development. We appreciate your patience!

Previous Text"JA" is not a number. Back to Volume Page"JA" is not a number.Next Text "JA" is not a number.

Wylie title
Location	dil mgo mkhyen brtse bka' 'bum Volume , Text 7, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"JA" is not a number.

"JA" is not a number.

Tibetan Text

Wylie

[edit]

༄༅། །བླ་མ་བདེ་མཆོག་འཁོར་ལོའི་སྔགས་དོན་ནི། རྡོ་རྗེ་ཕྲེང་བར། ཨོཾ་ནི་ཡེ་ཤེས་སྙིང་པོ་སྟེ། །རྡོ་རྗེའི་སྐུ་ནི་ཐོབ་བྱེད་པའོ། །ཨཱཿནི་བྱང་ཆུབ་དཔག་མེད་པས། །རྡོ་རྗེའི་གསུང་ནི་ཐོབ་བྱ་པའོ། །ཧཱུྃ་ནི་སྐུ་གསུང་ཐུགས་ཉིད་དོ། །རྡོ་རྗེ་མི་ཕྱེད་གསུམ་ཐོབ་པའོ། །ཞེས་གསུངས་པ་ལྟར་སྐུ་གསུང་ཐུགས་ཀྱི་རྡོ་རྗེ་གསུམ་གྱི་བདག་ཉིད། པདྨ་བདེ་བ་ཐམས་ཅད་ཀྱི་འབྱུང་གནས་སྟོང་ཉིད་ཤེས་རབ་ཀྱི་ཆ་རྣམ་ཀུན་མཆོག་ལྡན་རྡོ་རྗེ་བཙུན་མོའི་མཁའ། བཛྲ་སྟོང་པའི་ཡེ་ཤེས་ནམ་མཁའི་གཟུགས་ཅན་དེ་རྒྱུད་ལ་འདྲེན་བྱེད་ཐབས་ཀྱི་ཆ་ཡབ་ཧེ་རུ་ཀའི་རྡོ་རྗེ། མ་ཧཱ་སུ་ཁ་ཐབས་ཤེས་སམ་ཡབ་ཡུམ་གཉིས་མེད་སངས་རྒྱས་ཐམས་ཅད་ཀྱི་ཁ་སྦྱོར་ཡན་ལག་བདུན་ལྡན་ཐུགས་ཟག་མེད་དངོས་པོ་ཀུན་གྱི་ཁྱབ་བདག་དཔལ་འཁོར་ལོ་སྡོམ་པ་བའི་མཚན་ནས་བསྐུལ་ཏེ། སརྦ་སིདྡྷི་མཆོག་དང་ཐུན་མོང་གི་དངོས་གྲུབ་ཐམས་ཅད། ཧྲཱིཿཞེས་ཐུགས་སྲོག་གཏིང་ནས་བསྐུལ་བས་བོས་ཏེ་བདག་ལ་སྩོལ། ཧ་ཧ་གཉིས་ནི་རང་བཞིན་ཆོས་ཉིད་དང་ལྷན་སྐྱེས་ཀྱི་བདེ་བ་ཆེན་པོའི་དོན་ས་བོན་གྱི་རིགས་ཡིན། ཧཱུྃ་ཧཱུྃ་ནི་རྡོ་རྗེ་རྩེ་མོ་ལས། ཡི་གེ་ཧཱུྃ་ནི་ཅི་ཡིན་བརྗོད། །སྡུག་བསྔལ་བཅོམ་ཞིང་འཇོམས་པར་བྱེད། །སྲིད་པའི་ཞགས་པ་གཅོད་བྱེད་ཅིང༌། །གདུག་པ་སྡང་ཞིང་གསོད་བྱེད་པའི། །ཧཱུྃ་ནི་མཆོག་ཏུ་དྲན་པར་བྱ། །ཞེས་པ་ལྟར་འཁོར་བའི་འབྲས་བུ་འཁྲུལ་སྣང་སྡུག་བསྔལ་བདེན་པ་འཇོམས་པ་དང༌། སྲིད་པའི་རྒྱུ་ཀུན་འབྱུང་ལས་ཉོན་གྱི་ཞགས་པ་གཅོད་པའི་དོན་དང༌། ཕཊ྄༔ནི་རྡོ་རྗེ་རྩེ་མོ་ལས། ཡི་གེ་ཕཊ྄་ནི་ཅི་ཡིན་བརྗོད། ཡུད་དང་སྡུག་བསྔལ་འཇོམས་བྱེད་ཅིང༌། །བདེ་ན་ངག་ནི་འགུགས་པར་བྱེད། །ཅེས་པ་ལྟར་གཉེན་པོ་ལམ་བདེན་གྱིས་བདུད་བཞི་འཇོམས་ཤིང་ཐེག་ཆེན་འགོག་བདེན་ཟག་མེད་སྤང་རྟོགས་རྒྱུད་ལ་འགུགས་པའི་དོན་ཡིན་ནོ། །།

ཨོཾ་ནི་དཔལ་འཁོར་ལོ་བདེ་མཆོག་གི་ཐུགས་ཡེ་ཤེས་ལྔ་མཚོན་བྱེད་བཀྲ་ཤིས་པའི་སྔགས་ཡིན་པས་སྔགས་ཐམས་ཅད་ཀྱི་ཐོག་མར་འབྱུང༌། པདྨ་ནི་གུ་རུ་རིན་པོ་ཆེའི་མཚན། འཇིག་རྟེན་ན་པདྨ་མཛེས་ཤོས་ཡིན་པ་བཞིན་གུ་རུ་རིན་པོ་ཆེ་སངས་རྒྱས་ཐམས་ཅད་ལས་བཀའ་དྲིན་ཆེ་ཤོས་ཡིན། པདྨ་མིག་གིས་མཐོང་བ་དང་སེམས་དགའ་བ་དང༌། དྲི་ཞིམ་པ། མགོ་དང་རྣ་བའི་རྒྱན་བྱས་ན་མཛེས་པ་བཞིན་གུ་རུ་རིན་པོ་ཆེའི་སྐུ་མཇལ་ན་སེམས་དགའ་བ། མཚན་ཐོས་པ་དང་ཡིད་ལ་དྲན་པ་ཙམ་གྱིས་ངན་སོང་ལས་སྐྱོབ་པ། གུ་རུ་རིན་པོ་ཆེ་ལ་གསོལ་བ་བཏབ་ན་དགྲ་གདོན་བར་ཆད་ཐམས་ཅད་སྐྱོབ་པར་མཛད་པ། ཚེ་རིང་བ། ནད་མེད་པ། ཕས་རྒོལ་གྱིས་གནོད་མི་ནུས་པ་ཕྱི་མ་བདེ་བ་ཅན་དུ་སྐྱེ་བ་སོགས་དད་པས་གསོལ་བ་ཅི་འདོད་བཏབ་པ་དེ་བཞིན་འབྱུང་བ། གུ་རུ་དེ་ཡི་དམ་བདེ་མཆོག་གི་སྐུར་བཞེངས་པ་དེ་ནི་ཞི་བའི་གནས་སྐབས་སུ་རྡོ་རྗེ་སེམས་དཔའ་དེ་ཡིན་པས་བཛྲ་དེ་ཉིད་ཡི་དམ་ཁྲོ་བོའི་སྐུར་བཞེངས་པ་རྙིང་མས་ཡང་དག །གསར་མས་བདེ་མཆོག་ཏུ་གྲགས། རྒྱ་གར་གྱི་གྲུབ་ཆེན་ཕལ་མོ་ཆེའི་ཐུགས་དམ་གྱི་ལྷ་བདེ་མཆོག་ཡིན། གུ་རུ་རིན་པོ་ཆེས་བལ་ཡུལ་ཡང་ལེ་ཤོད་ནས་ཡང་དག་བསྒྲུབས་པས་ཞལ་གཟིགས་ཏེ་རྟོགས་པ་ནམ་མཁའ་དང་མཉམ་པར་གྱུར་པ་དང༌། རྗེ་བཙུན་མི་ལ་རས་པ་གྲུབ་པ་ཐོབ་བྱེད་ཀྱང་བདེ་མཆོག་ཡིན། བདེ་མཆོག་གི་སྔགས་ལ། ཧྲཱི་ཧ་ཧ་ཧཱུྃ་ཧཱུྃ་ཕཊ྄། ཅེས་གྲགས། སྔགས་འདི་དད་པས་བཟླས་པ་ཁོ་ནས་ཏིང་ངེ་འཛིན་མ་ཤེས་ཀྱང་ཕྱི་མ་དག་པ་མཁའ་སྤྱོད་དུ་སྐྱེ་བར་གསུངས། དེས་ན་བླ་མ་གུ་རུ་རིན་པོ་ཆེ། ཡི་དམ་བདེ་མཆོག །མཁའ་འགྲོ་རྡོ་རྗེ་ཕག་མོ་ཐམས་ཅད་ཀུན་འདུས་ཀྱི་སྔགས་ཡིན་པས། འདི་བཟླས་ན་ཚེ་རིང༌། གདོན་གྱིས་མི་གནོད། བསོད་ནམས་ཆེ། བར་ཆད་ཐམས་ཅད་སྐྱོབ། ཕྱི་མ་དག་པ་མཁའ་སྤྱོད་དུ་དཔའ་བོ་མཁའ་འགྲོ་རྣམས་ཀྱིས་ཁྲིད། ཉམས་དང་རྟོགས་པ་ཐམས་ཅད་སྐྱེ། ཧཱུྃ་ཞེས་པ་ནི་གུ་རུ་རིན་པོ་ཆེ། བདེ་མཆོག །རྡོར་སེམས་ཐམས་ཅད་ཀྱི་ཐུགས་ཀྱི་ས་བོན་མི་ཡི་རྣམ་ཤེས་ལྟ་བུ་ཡིན་ནོ།། །།

༈ བདེ་མཆོག་སྐོར། ཨཿ ཞེས་ཆོས་ཉིད་སྐྱེ་བ་མེད་པའི་དོན་མདོར་བསྟན་ཏེ། སེམས་ཅན་གྱི་འཁྲུལ་སྣང་མ་དག་འཁོར་བའི་གནས་སྐབས་སུ། སེམས་ རྣམ་ཤེས་ཚོགས་བརྒྱད། དང་སེམས་བྱུང་ ལྔ་བཅུ་རྩ་གཅིག་གི་རྒྱུ་འབྲས་ཀྱི་འཁོར་འདས་ལམ་གསུམ་གྱི་ སྣང་ཆའི་ བླ་མ་བདེ་མཆོག་འཁོར་ལོའི་གཟུགས་སྐུ་རྟེན་དང་བརྟེན་པའི་དཀྱིལ་འཁོར་གྱི་ ལྷ༔ ངོ་བོའི་གནས་ལུགས་དག་པ་མྱང་འདས་ཀྱི་འབྲས་བུ་ཐམས་ཅད་ སེམས་ཉིད་ གདོད་ནས་ སྐྱེ་བ་མེད་པའི་ཀློང༔ ནམ་མཁའ་ལ་སྤྲིན་ དེངས་པ་ ལྟར་དབྱིངས་སུ་ ཆོས་སྐུ་ཀ་དག་གི་ངང་དུ་ ཐིམ༔ དེ་ནི་བློས་ བསམ་གྱིས་མི་ཁྱབ་ངང་དུ་ སོ་སོ་རང་རིག་པའི་སྤྱོད་ཡུལ་དུ་མི་གཡོ་བར་ བཞག༔ ཨ་ཨ་ཨ༔ སྐུ་གསུང་ཐུགས་དབྱེར་མེད་པའི་གསང་བ་སྐུ་དང་ཡེ་ཤེས་འདུ་འབྲལ་མེད་པའི། ཨོཾ་ སྐུ་ ཨཱཿ གསུང་ ཧཱུྃ་ ཐུགས་ པདྨ་ ཤེས་རབ་རྣམ་ཀུན་མཆོག་ལྡན་གྱི་སྟོང་ཉིད་ཨེ་ཡི་དོན་ བཛྲ་ ཐབས་བདེ་བ་ཆེན་པོ་མཆོག་ཏུ་མི་འགྱུར་བའི་ཝཾ མ་ཧཱ་སུ་ཁ་ དེ་གཉིས་ཟུང་འཇུག་གི་དོན་རྟོགས་ན་ཁྱབ་བདག་འཁོར་ལོ་སྡོམ་པ་ཁ་སྦྱོར་ཡན་ལག་བདུན་ལྡན་གྱི་ལྷག་པའི་ལྷས་ སརྦ་སིདྡྷི་ མཆོག་དང་ཐུན་མོང་གི་དངོས་གྲུབ་ཐམས་ཅད་ ཧྲཱིཿ ནི་ཐུགས་སྲོག་ནས་བོས་ཏེ་རྩེ་གཅིག་ ཧ་ཧ་ བདེ་བ་ཆེན་པོའི་གནས་ཀྱི་ཐུགས་ཚིམས་ཏེ་བཞད་པའི་སྒྲ། ཧཱུྃ་ཧཱུྃ་ གཉིས་ཡབ་ཡུམ་གྱི་ཐུགས་སྲོག་བསྐུལ། ཕཊ༔ གཟུང་འཛིན་གཏོར་བའི་དོན་ནོ། །མངྒ་ལས་སོ།། །།

[edit]

@#/__/bla ma bde mchog 'khor lo'i sngags don ni/_rdo rje phreng bar/_oM ni ye shes snying po ste/_/rdo rje'i sku ni thob byed pa'o/_/AHni byang chub dpag med pas/_/rdo rje'i gsung ni thob bya pa'o/_/hU~M ni sku gsung thugs nyid do/_/rdo rje mi phyed gsum thob pa'o/_/zhes gsungs pa ltar sku gsung thugs kyi rdo rje gsum gyi bdag nyid/_pad+ma bde ba thams cad kyi 'byung gnas stong nyid shes rab kyi cha rnam kun mchog ldan rdo rje btsun mo'i mkha'/_badz+ra stong pa'i ye shes nam mkha'i gzugs can de rgyud la 'dren byed thabs kyi cha yab he ru ka'i rdo rje/_ma hA su kha thabs shes sam yab yum gnyis med sangs rgyas thams cad kyi kha sbyor yan lag bdun ldan thugs zag med dngos po kun gyi khyab bdag dpal 'khor lo sdom pa ba'i mtshan nas bskul te/_sarba sid+d+hi mchog dang thun mong gi dngos grub thams cad/_hrIHzhes thugs srog gting nas bskul bas bos te bdag la stsol/_ha ha gnyis ni rang bzhin chos nyid dang lhan skyes kyi bde ba chen po'i don sa bon gyi rigs yin/_hU~M hU~M ni rdo rje rtse mo las/_yi ge hU~M ni ci yin brjod/_/sdug bsngal bcom zhing 'joms par byed/_/srid pa'i zhags pa gcod byed cing*/_/gdug pa sdang zhing gsod byed pa'i/_/hU~M ni mchog tu dran par bya/_/zhes pa ltar 'khor ba'i 'bras bu 'khrul snang sdug bsngal bden pa 'joms pa dang*/_srid pa'i rgyu kun 'byung las nyon gyi zhags pa gcod pa'i don dang*/_phaTa?:ni rdo rje rtse mo las/_yi ge phaTa? ni ci yin brjod/_yud dang sdug bsngal 'joms byed cing*/_/bde na ngag ni 'gugs par byed/_/ces pa ltar gnyen po lam bden gyis bdud bzhi 'joms shing theg chen 'gog bden zag med spang rtogs rgyud la 'gugs pa'i don yin no/_// oM ni dpal 'khor lo bde mchog gi thugs ye shes lnga mtshon byed bkra shis pa'i sngags yin pas sngags thams cad kyi thog mar 'byung*/_pad+ma ni gu ru rin po che'i mtshan/_'jig rten na pad+ma mdzes shos yin pa bzhin gu ru rin po che sangs rgyas thams cad las bka' drin che shos yin/_pad+ma mig gis mthong ba dang sems dga' ba dang*/_dri zhim pa/_mgo dang rna ba'i rgyan byas na mdzes pa bzhin gu ru rin po che'i sku mjal na sems dga' ba/_mtshan thos pa dang yid la dran pa tsam gyis ngan song las skyob pa/_gu ru rin po che la gsol ba btab na dgra gdon bar chad thams cad skyob par mdzad pa/_tshe ring ba/_nad med pa/_phas rgol gyis gnod mi nus pa phyi ma bde ba can du skye ba sogs dad pas gsol ba ci 'dod btab pa de bzhin 'byung ba/_gu ru de yi dam bde mchog gi skur bzhengs pa de ni zhi ba'i gnas skabs su rdo rje sems dpa' de yin pas badz+ra de nyid yi dam khro bo'i skur bzhengs pa rnying mas yang dag_/gsar mas bde mchog tu grags/_rgya gar gyi grub chen phal mo che'i thugs dam gyi lha bde mchog yin/_gu ru rin po ches bal yul yang le shod nas yang dag bsgrubs pas zhal gzigs te rtogs pa nam mkha' dang mnyam par gyur pa dang*/_rje btsun mi la ras pa grub pa thob byed kyang bde mchog yin/_bde mchog gi sngags la/_hrI ha ha hU~M hU~M phaTa?/_ces grags/_sngags 'di dad pas bzlas pa kho nas ting nge 'dzin ma shes kyang phyi ma dag pa mkha' spyod du skye bar gsungs/_des na bla ma gu ru rin po che/_yi dam bde mchog_/mkha' 'gro rdo rje phag mo thams cad kun 'dus kyi sngags yin pas/_'di bzlas na tshe ring*/_gdon gyis mi gnod/_bsod nams che/_bar chad thams cad skyob/_phyi ma dag pa mkha' spyod du dpa' bo mkha' 'gro rnams kyis khrid/_nyams dang rtogs pa thams cad skye/_hU~M zhes pa ni gu ru rin po che/_bde mchog_/rdor sems thams cad kyi thugs kyi sa bon mi yi rnam shes lta bu yin no//__// !_bde mchog skor/_aH_zhes chos nyid skye ba med pa'i don mdor bstan te/_sems can gyi 'khrul snang ma dag 'khor ba'i gnas skabs su/_sems _rnam shes tshogs brgyad/_dang sems byung _lnga bcu rtsa gcig gi rgyu 'bras kyi 'khor 'das lam gsum gyi _snang cha'i _bla ma bde mchog 'khor lo'i gzugs sku rten dang brten pa'i dkyil 'khor gyi __lha:_ngo bo'i gnas lugs dag pa myang 'das kyi 'bras bu thams cad _sems nyid _gdod nas _skye ba med pa'i klong:_nam mkha' la sprin _dengs pa _ltar dbyings su _chos sku ka dag gi ngang du _thim:_de ni blos _bsam gyis mi khyab ngang du _so so rang rig pa'i spyod yul du mi g.yo bar _bzhag:_a a a:_sku gsung thugs dbyer med pa'i gsang ba sku dang ye shes 'du 'bral med pa'i/_oM _sku _AH_gsung _hU~M _thugs _pad+ma _shes rab rnam kun mchog ldan gyi stong nyid e yi don _badz+ra _thabs bde ba chen po mchog tu mi 'gyur ba'i waM_ma hA su kha _de gnyis zung 'jug gi don rtogs na khyab bdag 'khor lo sdom pa kha sbyor yan lag bdun ldan gyi lhag pa'i lhas _sarba sid+d+hi _mchog dang thun mong gi dngos grub thams cad _hrIH_ni thugs srog nas bos te rtse gcig _ha ha _bde ba chen po'i gnas kyi thugs tshims te bzhad pa'i sgra/_hU~M hU~M _gnyis yab yum gyi thugs srog bskul/_phaT:_gzung 'dzin gtor ba'i don no/__/mang+ga las so//_//