DKR-KABUM-18-TSHA-025

🚧 This website is under continued development. We appreciate your patience!

Previous Text"TSHA" is not a number. Back to Volume Page"TSHA" is not a number.Next Text "TSHA" is not a number.

Wylie title
Location	dil mgo mkhyen brtse bka' 'bum Volume , Text 25, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"TSHA" is not a number.

"TSHA" is not a number.

Tibetan Text

Wylie

[edit]

༄༅། ཟབ་གསང་པདྨའི་ཡང་ཐིག་ལས༔ པདྨ་དྲག་པོའི་ཚེ་སྒྲུབ་བཞུགས༔ པདྨ་དྲག་པོའི་ཚེ་སྒྲུབ་པ༔ ར་བ་བཞི་ཡི་ཚེས་བཟང་པོར༔ སྟེགས་བུར་འོད་དམར་པད་འདབ་བཞི༔ ལྟེ་བར་ཚེ་ཡི་འབྲང་རྒྱས་དང༔ ཚེ་ཡི་རིལ་བུ་བདུད་རྩི་དང༔ མདའ་ལ་དར་སྣས་བརྒྱན་པ་དང༔ མཆོད་ཚོགས་བཤམས་ནས་སྟན་ལ་འཁོད༔ རྩ་བའི་གཞུང་བསྲང་བསྟོད་པའི་མཇུག༔ ཨཱཿ ཐུགས་ཀར་འཆི་མེད་པདྨ་འབྱུང༔ རྡོ་རྗེ་བྷནྡྷ་ཚེ་བུམ་བསྣམས༔ རང་འོད་ཡུམ་མཆོག་ཙཎྜ་ལི༔ དམར་གསལ་པདྨ་ཚེ་བུམ་བསྣམས༔ དར་དང་རིན་ཆེན་རུས་པས་བརྒྱན༔ ཐུགས་དབུས་ཆུ་སྐྱེས་ཉི་ཟླའི་དབུས༔ ཧྲཱིཿཡིག་ནྲྀ་དང་ཨ་ཡིས་མཚན༔ མཐའ་མར་སྔགས་ཀྱི་ཕྲེང་བས་བསྐོར༔ འོད་འཕྲོས་སྲིད་ཞིའི་ཚེ་བཅུད་བསྡུས༔ བླ་ཚེ་ཡར་བ་རང་སོར་ཚུད༔ འཆི་མེད་རྡོ་རྗེའི་སྲོག་ཐོབ་མོས༔ ཨོཾ་ཨཱཿཧཱུྃ་ཧྲཱིཿབཛྲ་གུ་རུ་པདྨ་སིདྡྷི་མ་ཧཱ་པདྨ་ཤྲཱི་ཧེ་རུ་ཀ་ཨརྩིཀ་ནིརྩིཀ་བཛྲ་ཛྙཱ་ན་ཨ་ཡུ་ཥེ་ཧཱུྃ་བྷྲཱུྃ་ནྲྀ་ཛ་སརྦ་སིདྡྷི་ཕ་ལ་ཧཱུྃ༔ ཞེས་བཟླ་ཐུན་མཚམས་ཚེ་འགུགས་བསྐུལ༔ མདའ་དར་གཡབ་ཅིང་གདུང་ཤུགས་བསྐྱེད༔ ཧཱུྃ་ཧྲཱིཿ ཆོས་དབྱིངས་ཀུན་ཁྱབ་ཆེན་པོ་ནས༔ མ་འགགས་རང་གསལ་ལོངས་སྤྱོད་རྫོགས༔ ཚེ་འགུགས་སྤྲུལ་པའི་ལྷ་མོ་ནི༔ དཀར་མོ་ཚེ་ཡི་བུམ་པ་བསྣམས༔ ཉི་ཟེར་རྡུལ་ལྟར་འཚུབས་པ་ཡིས༔ འཁོར་འདས་ཚེ་ཡི་དྭངས་བཅུད་དང༔ ཕྱོགས་སྐྱོང་སྡེ་བརྒྱད་ཀྱིས་འཕྲོག་པའི༔ བླ་ཚེ་ཡར་བ་ཐམས་ཅད་ཁུག༔ འཐོར་བ་བསྡུས་ལ་ཟད་པ་བསྲིང༔ འཆི་མེད་རྡོ་རྗེའི་སྲོག་ཀ་བརྟན༔ ཚེ་ཡི་དངོས་གྲུབ་རྫས་ལ་བསྟིམ༔ འཆི་མེད་རྡོ་རྗེའི་བཅུད་དུ་གྱུར༔ རིག་འཛིན་ཚེ་ཡི་སྐུ་ཐོབ་ཤོག༔ སྔགས་བརྗོད་ཚེ་ཡི་པྲ་བརྟགས་ལ༔ ཨཱཿ སྐྱེ་འཆི་མེད་པ་རྡོ་རྗེའི་ཚེ༔ གཞོམ་གཞིག་བྲལ་བའི་རྒྱ་ཡིས་བཏབ༔ ཀློང་ལྔའི་དབྱིངས་སུ་ཚེ་སྦས་པས༔ རིགས་ལྔའི་རྒྱལ་བས་ཀྱང་མི་གཟིགས༔ དྷརྨ་དྷཱ་ཏུ་བཛྲ་རཀྵ་རཀྵ༔ གཞན་ལ་ཚེ་ཡི་དབང་བསྐུར་ན༔ དད་ལྡན་སློབ་བུ་ཁྲུས་ནས་དབྱུང༔ བགེགས་བསྐྲད་མཚམས་བཅིངས་མཎྜལ་ཕུལ༔ ཀྱེ་ཀྱེ་བླ་མ་འགྲོ་བའི་མགོན༔ དུས་གསུམ་རྒྱལ་བ་འདུས་པའི་དངོས༔ པདྨ་ཚེ་དཔག་མེད་མགོན་གྱི༔ དབང་བསྐུར་དམ་པ་བདག་ལ་སྩོལ༔ ལན་གསུམ་རྒྱུད་སྦྱངས་ལྷར་བསྐྱེད་དབབ༔ བརྟན་བྱས་ཚེ་ཡི་ཕོ་ཉ་བསྐུལ༔ སྐུ་གསུང་ཐུགས་ཀྱི་དབང་མཆོག་སྦྱིན༔ ཚེ་ཡི་བུམ་པ་སྤྱི་བོར་བཞག༔ ཧཱུྃ་ཧྲཱིཿ ཚེ་ཡི་བུམ་པ་འོད་ཀྱི་གཞལ་ཡས་ཁང༔ པདྨ་དྲག་པོ་ཚེ་ཡི་ལྷ་ཚོགས་བཞུགས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ སྐྱེ་འཆི་མེད་པ་རྡོ་རྗེའི་ཚེ་ཐོབ་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ འཆི་མེད་ཚེ་ཡི་བདུད་རྩི་སྦྱིན༔ ཨཱཿ འཁོར་འདས་ཚེ་ཡི་དྭངས་མ་འདུས་པའི་བཅུད༔ འཆི་མེད་ཚེ་ཡི་བདུད་རྩི་འདི་བྱིན་པས༔ འགགས་མེད་ཚངས་དབྱངས་གསུང་གི་དབང་མཆོག་ནི༔ དེང་འདིར་སྐལ་ལྡན་ཁྱོད་ཀྱིས་ཐོབ་པར་ཤོག༔ ཝཱཀ་ཨ་བྷི་ཥིཉྩ་ཨཱཿ འཆི་མེད་ཚེ་ཡི་རིལ་བུ་སྦྱིན༔ ཧཱུྃ༔ སྲིད་ཞིའི་སྙིང་པོ་མི་འགྱུར་ཚེ་ཡི་ཁམས༔ འཆི་མེད་གྲུབ་པའི་ཐིག་ལེར་འཁྱིལ་བ་འདི༔ མྱོང་བས་མི་ཤིགས་ཐུགས་ཀྱི་ཚེ་ཐོབ་ཅིང༔ རྩ་སྲོག་ཙིཏྟའི་དཀྱིལ་དུ་ཐིམ་པར་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཚེ་འགུགས་བྱ་ཞིང་རྒྱས་བཏབ་བྱ༔ དབང་རྗེས་རིམ་པ་སྤྱི་ལྟར་རོ༔ པདྨ་དྲག་པོའི་ཚེ་སྒྲུབ་འདིས༔ རིག་འཛིན་སྲོག་གི་དཔལ་སྟེར་ཞིང༔ དུས་མིན་འཆི་བའི་དགྲ་ལས་རྒྱལ༔ ཚེ་དབང་རིག་འཛིན་ཐོབ་པར་འགྱུར༔ ས་མ་ཡ༔

[edit]

@#/_zab gsang pad+ma'i yang thig las:_pad+ma drag po'i tshe sgrub bzhugs:_pad+ma drag po'i tshe sgrub pa:_ra ba bzhi yi tshes bzang por:_stegs bur 'od dmar pad 'dab bzhi:_lte bar tshe yi 'brang rgyas dang:_tshe yi ril bu bdud rtsi dang:_mda' la dar snas brgyan pa dang:_mchod tshogs bshams nas stan la 'khod:_rtsa ba'i gzhung bsrang bstod pa'i mjug:_AH_thugs kar 'chi med pad+ma 'byung:_rdo rje b+han+d+ha tshe bum bsnams:_rang 'od yum mchog tsaN+Da li:_dmar gsal pad+ma tshe bum bsnams:_dar dang rin chen rus pas brgyan:_thugs dbus chu skyes nyi zla'i dbus:_hrIHyig nr-i dang a yis mtshan:_mtha' mar sngags kyi phreng bas bskor:_'od 'phros srid zhi'i tshe bcud bsdus:_bla tshe yar ba rang sor tshud:_'chi med rdo rje'i srog thob mos:_oM AHhU~M hrIHbadz+ra gu ru pad+ma sid+d+hi ma hA pad+ma shrI he ru ka artsika nirtsika badz+ra dz+nyA na a yu She hU~M b+h+rU~M nr-i dza sarba sid+d+hi pha la hU~M:_zhes bzla thun mtshams tshe 'gugs bskul:_mda' dar g.yab cing gdung shugs bskyed:_hU~M hrIH_chos dbyings kun khyab chen po nas:_ma 'gags rang gsal longs spyod rdzogs:_tshe 'gugs sprul pa'i lha mo ni:_dkar mo tshe yi bum pa bsnams:_nyi zer rdul ltar 'tshubs pa yis:_'khor 'das tshe yi dwangs bcud dang:_phyogs skyong sde brgyad kyis 'phrog pa'i:_bla tshe yar ba thams cad khug:_'thor ba bsdus la zad pa bsring:_'chi med rdo rje'i srog ka brtan:_tshe yi dngos grub rdzas la bstim:_'chi med rdo rje'i bcud du gyur:_rig 'dzin tshe yi sku thob shog:_sngags brjod tshe yi pra brtags la:_AH_skye 'chi med pa rdo rje'i tshe:_gzhom gzhig bral ba'i rgya yis btab:_klong lnga'i dbyings su tshe sbas pas:_rigs lnga'i rgyal bas kyang mi gzigs:_d+harma d+hA tu badz+ra rak+Sha rak+Sha:_gzhan la tshe yi dbang bskur na:_dad ldan slob bu khrus nas dbyung:_bgegs bskrad mtshams bcings maN+Dal phul:_kye kye bla ma 'gro ba'i mgon:_dus gsum rgyal ba 'dus pa'i dngos:_pad+ma tshe dpag med mgon gyi:_dbang bskur dam pa bdag la stsol:_lan gsum rgyud sbyangs lhar bskyed dbab:_brtan byas tshe yi pho nya bskul:_sku gsung thugs kyi dbang mchog sbyin:_tshe yi bum pa spyi bor bzhag:_hU~M hrIH_tshe yi bum pa 'od kyi gzhal yas khang:_pad+ma drag po tshe yi lha tshogs bzhugs:_skal ldan rigs kyi bu la dbang bskur bas:_skye 'chi med pa rdo rje'i tshe thob shog:_kA ya a b+hi Shiny+tsa oM:_'chi med tshe yi bdud rtsi sbyin:_AH_'khor 'das tshe yi dwangs ma 'dus pa'i bcud:_'chi med tshe yi bdud rtsi 'di byin pas:_'gags med tshangs dbyangs gsung gi dbang mchog ni:_deng 'dir skal ldan khyod kyis thob par shog:_wAka a b+hi Shiny+tsa AH_'chi med tshe yi ril bu sbyin:_hU~M:_srid zhi'i snying po mi 'gyur tshe yi khams:_'chi med grub pa'i thig ler 'khyil ba 'di:_myong bas mi shigs thugs kyi tshe thob cing:_rtsa srog tsit+ta'i dkyil du thim par shog:_tsit+ta a b+hi Shiny+tsa hU~M:_tshe 'gugs bya zhing rgyas btab bya:_dbang rjes rim pa spyi ltar ro:_pad+ma drag po'i tshe sgrub 'dis:_rig 'dzin srog gi dpal ster zhing:_dus min 'chi ba'i dgra las rgyal:_tshe dbang rig 'dzin thob par 'gyur:_sa ma ya: