DKR-KABUM-10-THA-042

🚧 This website is under continued development. We appreciate your patience!

Previous Text"THA" is not a number. Back to Volume Page"THA" is not a number.Next Text "THA" is not a number.

Wylie title
Location	dil mgo mkhyen brtse bka' 'bum Volume , Text 42, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"THA" is not a number.

"THA" is not a number.

Tibetan Text

Wylie

[edit]

༄༅། །དཔལ་ལྡན་ཤངས་པ་བཀའ་བརྒྱུད་ཀྱི་བཀའ་སྲོལ་རྒྱུད་སྡེ་ལྷ་ལྔ་གཙོ་བསྡུས་ཀྱི་རྒྱུན་ཁྱེར་ཟབ་གསང་སྙིང་པོ་ཞེས་བྱ་བ་བཞུགས། ། རྡོ་རྗེའི་སྐུ་གསུང་ཐུགས་ཡོན་ཏན། །ཕྲིན་ལས་ཁྱབ་བདག་རྒྱུད་སྡེ་ལྔར། །གུས་བཏུད་དེ་ཉིད་སྒྲུབ་པའི་ཐབས། །མཁས་གྲུབ་མན་ངག་ཇི་བཞིན་སྤེལ། །རྒྱུད་སྡེ་ལྷ་ལྔའི་རྣལ་འབྱོར་ཉམས་སུ་ལེན་པ་ལ། །དང་པོ་སྐྱབས་སེམས་ནི། སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་གཉིས་རབ་བསྒྲུབ་ཕྱིར། །རྫོགས་པའི་སངས་རྒྱས་མྱུར་ཐོབ་ཤོག །ལན་གསུམ། གཉིས་པ་བསྐྱེད་བཟླས་དངོས་ནི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱ་སྭ་བྷཱ་ཝ་ཤུདྡྷོ྅ཧཾ། གཟུང་བ་རང་བཞིན་མེད་པའི་བདག་ཉིད་དོ། །ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། འཛིན་པ་མི་དམིགས་ཏེ་སྟོང་པ་ལ་བློ་བཞག་ནས། སྟོང་པའི་ངང་ལས་རྡོ་རྗེའི་སྲུང་འཁོར་དབུས། །རང་ཉིད་འཁོར་ལོ་བདེ་མཆོག་སྐུ་མདོག་མཐིང༌། །རྡོ་རྗེ་དྲིལ་བསྣོལ་ཕྱག་རྒྱ་དྲུག་གིས་བརྒྱན། །ཐོར་ཚུགས་ཟླ་ཕྱེད་སྣ་ཚོགས་རྡོ་རྗེས་མཚན། །མགོ་ཕྲེང་དོ་ཤལ་སྟག་ལྤགས་ཤམ་ཐབས་ཅན། །གཡོན་བསྐུམ་གཡས་བརྐྱངས་འཇིགས་བྱེད་དུས་མཚན་མནན། །ཕག་མོ་དམར་མོ་གྲི་ཐོད་འཛིན་པས་འཁྱུད། །མེ་དཔུང་དབུས་བཞུགས་པད་ཉིའི་གདན་ལ་གསལ། །ཡབ་ཀྱི་སྐུ་ལ་རྩ་གསུམ་འཁོར་ལོ་ལྔ། །སྐད་ཅིག་གྲུབ་པའི་སྤྲུལ་པའི་འཁོར་༦༤ལོ་ལ། །རྡོ་རྗེ་གསུམ་འདུས་ཡོན་ཏན་ངོ་བོ་ནི། །རང་དང་མཚུངས་བའི་བདེ་མཆོག་ཡབ་ཡུམ་གསལ། །བདེ་ཆེན་འཁོར་ལོར་གསང་འདུས་སྐུ་རྡོ་རྗེ། །སྔོན་པོ་རྡོར་དྲིལ་བསྣོལ་འཛིན་ཡིད་ཙམ་ཁྲོ། །པད་ཉིར་སྐྱིལ་ཀྲུང་དར་དང་རིན་ཆེན་བརྒྱན། །ལོངས་སྤྱོད་འཁོར་ལོར་མཱ་ཡ་གསུང་རྡོ་རྗེ། །མཐིང་ག་མདའ་གཞུ་འཛིན་པ་གཡོན་བརྐྱང་གིས། །སྐྲ་སེར་གྱེན་བརྗེས་པད་ཉི་རོ་སྟེང་བཞེངས། །ཆོས་ཀྱི་འཁོར་ལོར་དགྱེས་མཛད་ཐུགས་རྡོ་རྗེ། །མཐིང་ག་སྐྲ་སེར་གྱེན་བརྫེས་རྡོར་དྲིལ་འཛིན། །གཡས་བརྐྱངས་པད་ཉི་ཚངས་དང་དྲག་པོ་མནན། །བདེ་སྐྱོང་འཁོར་ལོར་རྡོ་རྗེ་འཇིགས་བྱེད་ནི། །མ་ཧེའི་ཞལ་ཅན་གྲི་ཐོད་སྐྲ་སེར་བརྫེས། །གཡོན་བརྐྱང་མ་ཧེ་མནན་ཞིང་ལྷ་ཚོགས་ཀུན། །དུར་ཁྲོད་ཆས་རྫོགས་མེ་དབུས་ཡུམ་དང་སྦྱོར། །གནས་གསུམ་ཡི་གེའི་འོད་ཀྱིས་དབང་ལྷ་དྲངས། །ཨོཾ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ། དབང་བསྐུར་སྐུ་གང་མི་བསྐྱོད་དབུར་བརྒྱན་གྱུར། །ཨརྒྷཾ་སོགས་ནས། ཤབྡའི་བར་བརྗོད། ཨོཾ་ཨཱཿཧཱུྃ་གིས་ནང་མཆོད་ཕུལ། གསང་མཆོད་དང་དེ་ཁོ་ན་ཉིད་ཀྱི་མཆོད་པ་དྲན་ཙམ་བྱ། ཆོས་དབྱིངས་རྣམ་དག་དབྱིངས་ལས་མ་གཡོས་ཀྱང༌། །ཐབས་ཀྱིས་ཁྲོ་བོའི་སྐུར་སྟོན་གདུག་པ་འདུལ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །ཀུན་བཟང་ཧེ་རུ་ཀ་ལ་ཕྱག་འཚལ་ལོ། །ཧེ་རུ་ཀ་དཔལ་དཔའ་བོ་ཆེ། །རྣམ་དག་རྡོ་རྗེ་དབང་ཕྱུག་མ། །རྗེས་ཆགས་ཆགས་པ་ཆེ་རྣམས་ཀྱི། །རྡོ་རྗེ་ཕག་མོ་དེ་ལ་འདུད། །སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་ཕྲིན་ལས་རབ་རྫོགས་པ། །དཀྱིལ་འཁོར་ལྔ་པོ་ཐམས་ཅད་ལ། །ཀུན་ནས་དང་བས་ཕྱག་འཚལ་བསྟོད། །ཅེས་བསྟོད། ཨོཾ་ཧྲཱིཿཧ་ཧ་ཧུཾ་ཧཱུྃ་ཕཊ྄། ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ྄་སྭཱ་ཧཱ། ཞེས་པ་བདེ་མཆོག་ཡབ་ཡུམ་གྱི་སྔགས་གཙོ་བོར་བཟླ། ཨོཾ་ཨཱཿཧཱུྃ་བཛྲ་དྷྲྀཀ྄་ཧཱུྃ་ཧཱུྃ་ཕཊ྄་སྭཱ་ཧཱ། སྐུ་གསང་འདུས་དང༌། ཨོཾ་ཨཱཿཧྲཱིཿཧཱུྃ་ཕཊ྄་སྭཱ་ཧཱ། གསུང་མཱ་ཡ། ཨོཾ་དེ་བ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ྄་སྭཱ་ཧཱ། ཐུགས་དགྱེས་རྡོར། ཨོཾ་ཧྲཱིཿཥྚིཿབི་ཀྲྀཏཱ་ན་ན་ཧཱུྃ་ཕཊ྄། ཕྲིན་ལས་རྡོ་རྗེ་འཇིགས་བྱེད་རྣམས་ཅི་རིགས་བཟླ། མཐར། དཀྱིལ་འཁོར་གྱི་འཁོར་ལོ་འོད་གསལ་གྱི་ངང་དུ་ཐིམ་པར་གྱུར། སླར་རང་ཉིད་ཧེ་རུ་ཀ་ཡབ་རྐྱང་དུ་གསལ་བའི་གནས་གསུམ་ཡི་གེས་མཚན་པའོ། །བསྔོ་སྨོན་ནི། དགེ་བ་འདི་ཡིས་མྱུར་དུ་བདག །རྒྱུད་སྡེ་ལྷ་ལྔ་འགྲུབ་གྱུར་སོགས་བྱའོ། །ཅེས་པའང་མེ་སྦྲུལ་གནམ་ལོ་གསར་ཚེས་སྐབས་མདོ་སྔགས་སྨིན་གྲོལ་ཐུབ་བསྟན་ཆོས་གླིང་ནས་གདམས་མཛོད་སྤྲུལ་པའི་གླེགས་བམ་རིན་པོ་ཆེའི་དབང་ཆོས་བགྱིས་སྐབས་གསར་ཕྱོགས་རྒྱུད་སྡེའི་གཙོ་བོ་རྣམས་ཀྱི་དབང་ཆོས་ཐོབ་པའི་ལྷ་སྔགས་རྗེས་དྲན་ཏུ་འདི་ལྟར་དགོས་ཞེས་འཁྲུལ་ཞིག་མཆོག་སྤྲུལ་རིན་པོ་ཆེ་མདོ་སྔགས་བསྟན་འཛིན་ནས་ལྷ་རྫས་ཀྱི་རྟེན་བཅས་ཆེད་དུ་བཀའ་བསྩལ་བཞིན་རིས་མེད་བསྟན་ལ་གུས་པའི་རྣལ་འབྱོར་ཙམ་པོ་བ་མངྒ་ལ་ཤྲཱི་བྷཱུ་ཏིས་གསང་བདག་སྒྲོལ་མགོན་གྱི་གསུང་ལས་བཏུས་པ་དགེ་ལེགས་འཕེལ། །སརྦ་མངྒ་ལཾ། དགེའོ།། །།

[edit]

@#/___/dpal ldan shangs pa bka' brgyud kyi bka' srol rgyud sde lha lnga gtso bsdus kyi rgyun khyer zab gsang snying po zhes bya ba bzhugs/_/ rdo rje'i sku gsung thugs yon tan/_/phrin las khyab bdag rgyud sde lngar/_/gus btud de nyid sgrub pa'i thabs/_/mkhas grub man ngag ji bzhin spel/_/rgyud sde lha lnga'i rnal 'byor nyams su len pa la/_/dang po skyabs sems ni/_sangs rgyas chos dang tshogs mchog la/_/byang chub bar du bdag skyabs mchi/_/rang gzhan don gnyis rab bsgrub phyir/_/rdzogs pa'i sangs rgyas myur thob shog_/lan gsum/_gnyis pa bskyed bzlas dngos ni/_oM swa b+hA wa shud+d+haHsarba d+harmA swa b+hA wa shud+d+ho\u0f85haM/_gzung ba rang bzhin med pa'i bdag nyid do/_/oM shU n+ya ta dz+nyA na badz+ra swa b+hA wa At+ma ko\u0f85haM/_'dzin pa mi dmigs te stong pa la blo bzhag nas/_stong pa'i ngang las rdo rje'i srung 'khor dbus/_/rang nyid 'khor lo bde mchog sku mdog mthing*/_/rdo rje dril bsnol phyag rgya drug gis brgyan/_/thor tshugs zla phyed sna tshogs rdo rjes mtshan/_/mgo phreng do shal stag lpags sham thabs can/_/g.yon bskum g.yas brkyangs 'jigs byed dus mtshan mnan/_/phag mo dmar mo gri thod 'dzin pas 'khyud/_/me dpung dbus bzhugs pad nyi'i gdan la gsal/_/yab kyi sku la rtsa gsum 'khor lo lnga/_/skad cig grub pa'i sprul pa'i 'khor 64lo la/_/rdo rje gsum 'dus yon tan ngo bo ni/_/rang dang mtshungs ba'i bde mchog yab yum gsal/_/bde chen 'khor lor gsang 'dus sku rdo rje/_/sngon po rdor dril bsnol 'dzin yid tsam khro/_/pad nyir skyil krung dar dang rin chen brgyan/_/longs spyod 'khor lor mA ya gsung rdo rje/_/mthing ga mda' gzhu 'dzin pa g.yon brkyang gis/_/skra ser gyen brjes pad nyi ro steng bzhengs/_/chos kyi 'khor lor dgyes mdzad thugs rdo rje/_/mthing ga skra ser gyen brdzes rdor dril 'dzin/_/g.yas brkyangs pad nyi tshangs dang drag po mnan/_/bde skyong 'khor lor rdo rje 'jigs byed ni/_/ma he'i zhal can gri thod skra ser brdzes/_/g.yon brkyang ma he mnan zhing lha tshogs kun/_/dur khrod chas rdzogs me dbus yum dang sbyor/_/gnas gsum yi ge'i 'od kyis dbang lha drangs/_/oM badz+rI b+ha wa a b+hi Shiny+tsa hU~M/_dbang bskur sku gang mi bskyod dbur brgyan gyur/_/ar+g+haM sogs nas/_shab+da'i bar brjod/_oM AHhU~M gis nang mchod phul/_gsang mchod dang de kho na nyid kyi mchod pa dran tsam bya/_chos dbyings rnam dag dbyings las ma g.yos kyang*/_/thabs kyis khro bo'i skur ston gdug pa 'dul/_/che ba'i che mchog lha yi lhar gyur pa/_/kun bzang he ru ka la phyag 'tshal lo/_/he ru ka dpal dpa' bo che/_/rnam dag rdo rje dbang phyug ma/_/rjes chags chags pa che rnams kyi/_/rdo rje phag mo de la 'dud/_/sangs rgyas kun gyi sku gsung thugs/_/yon tan phrin las rab rdzogs pa/_/dkyil 'khor lnga po thams cad la/_/kun nas dang bas phyag 'tshal bstod/_/ces bstod/_oM hrIHha ha huM hU~M phaTa?/_oM badz+ra bai ro tsa nI ye hU~M hU~M phaTa? swA hA/_zhes pa bde mchog yab yum gyi sngags gtso bor bzla/_oM AHhU~M badz+ra d+hr-ika? hU~M hU~M phaTa? swA hA/_sku gsang 'dus dang*/_oM AHhrIHhU~M phaTa? swA hA/_gsung mA ya/_oM de ba pi tsu badz+ra hU~M hU~M hU~M phaTa? swA hA/_thugs dgyes rdor/_oM hrIHSh+TiHbi kr-itA na na hU~M phaTa?/_phrin las rdo rje 'jigs byed rnams ci rigs bzla/_mthar/_dkyil 'khor gyi 'khor lo 'od gsal gyi ngang du thim par gyur/_slar rang nyid he ru ka yab rkyang du gsal ba'i gnas gsum yi ges mtshan pa'o/_/bsngo smon ni/_dge ba 'di yis myur du bdag_/rgyud sde lha lnga 'grub gyur sogs bya'o/_/ces pa'ang me sbrul gnam lo gsar tshes skabs mdo sngags smin grol thub bstan chos gling nas gdams mdzod sprul pa'i glegs bam rin po che'i dbang chos bgyis skabs gsar phyogs rgyud sde'i gtso bo rnams kyi dbang chos thob pa'i lha sngags rjes dran tu 'di ltar dgos zhes 'khrul zhig mchog sprul rin po che mdo sngags bstan 'dzin nas lha rdzas kyi rten bcas ched du bka' bstsal bzhin ris med bstan la gus pa'i rnal 'byor tsam po ba mang+ga la shrI b+hU tis gsang bdag sgrol mgon gyi gsung las btus pa dge legs 'phel/_/sarba mang+ga laM/_dge'o//__//