JKW-KABUM-22-ZA-012-104

🚧 This website is under continued development. We appreciate your patience!

Previous Text Back to Volume PageNext Text

ཉམས་སུ་ལེན་ཚུལ་བསྡུས་པའི་རྡོ་རྗེའི་ཐོལ་གླུ་ཐར་པའི་ཐེམ་སྐས།

Wylie title	nyams su len tshul bsdus pa'i rdo rje'i thol glu thar pa'i them skas
Location	mkhyen brtse'i bka' 'bum Volume 22, sde tshan 12, Text 104, Pages 625-626 (Folios 141a1 to 141b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. nyams su len tshul bsdus pa'i rdo rje'i thol glu thar pa'i them skas. In 'jam dbyangs mkhyen brtse'i dbang po'i bka' 'bum, Vol. 22: 625-626. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

104 625-626	ཉམས་སུ་ལེན་ཚུལ་བསྡུས་པའི་རྡོ་རྗེའི་ཐོལ་གླུ་ཐར་པའི་ཐེམ་སྐས། nyams su len tshul bsdus pa'i rdo rje'i thol glu thar pa'i them skas Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཉམས་སུ་ལེན་ཚུལ་བསྡུས་པའི་རྡོ་རྗེའི་ཐོལ་གླུ་ཐར་པའི་ཐེམ་སྐས་ཞེས་བྱ་བ། ཨ་ཧོ། སྲིད་ཞིར་མི་གནས་ཡོན་ཏན་བརྙེས། །ཟུང་འཇུག་དབྱེར་མེད་ཆེན་པོའི་སྐུ། །འཁོར་ལོའི་མགོན་པོར་ཕྱག་བགྱིས་ཏེ། །ཉམས་སུ་ལེན་ཚུལ་མདོར་བསྡུས་འཆད། །དང་པོ་དལ་འབྱོར་རྙེད་དཀའ་དང་། །དེ་ཉིད་འཇིག་པར་སླ་བ་དང་། །དེ་ཚེ་ལས་འབྲས་རྗེས་འབྲངས་ཤིང་། །དེ་ལྟའི་འཁོར་བར་སྡུག་བསྔལ་བསྒོམ། །དེ་ནས་སྐྱབས་སུ་འགྲོ་བ་དང་། །སྨོན་འཇུག་བྱང་ཆུབ་སེམས་བསྐྱེད་དང་། །རྡོ་རྗེ་སེམས་དཔའི་བསྒོམ་བཟླས་དང་། །ཚོགས་གཉིས་རྫོགས་པའི་ཐབས་ལ་འབད། །དངོས་གཞི་བསྐྱེད་དང་རྫོགས་པ་གཉིས། །དང་པོ་བླ་མ་སྤྱི་བོར་བསྒོམ། །གསོལ་བ་གདབ་ཅིང་དབང་བཞི་བླངས། །སྣང་སྟོང་འཛིན་བྲལ་ཆེན་པོར་སྦྱངས། །དེ་རྗེས་བླ་མ་སྙིང་གར་བསྟིམ། །རིག་སྟོང་རྗེན་པའི་ངང་ཉིད་དུ། །དཔལ་ལྡན་བླ་མའི་རང་ཞལ་བལྟ། །ཉལ་ཁར་སྣོད་བཅུད་འོད་གསལ་དང་། །རིག་པ་སྙིང་གའི་ཨ་ལ་གཏད། །སྟོང་པ་བཞི་ཡི་འོད་གསལ་བཟུང་། །ལྡང་ཚེ་རིག་འཛིན་ཌཱ་ཀི་ཡི། །བདེ་སྟོང་རོལ་མོའི་སྒྲས་བསྐུལ་བསམ། །བཟའ་བཏུང་ཚོགས་ཀྱི་འཁོར་ལོ་དབུལ། །མཉམ་བཞག་བཟོ་བཅོས་བྲལ་བ་ལ། །རྗེས་ཐོབ་སྒྱུ་མར་ཤེས་པས་སྤྱོད། །ཉིན་སྣང་བདེ་བ་ཆེན་པོར་སྦྱངས། །སྐྱེ་བའི་སྲེད་པ་ངེས་པར་བལྟ། །མཚན་སྣང་སྟོང་པ་ཆེན་པོར་སྦྱངས། །འཆི་བའི་དུས་སུ་ངེས་པར་བལྟ། །རྨི་ལམ་སྐྱེ་མེད་ཆེན་པོར་སྦྱངས། །བར་དོའི་དུས་སུ་ངེས་པར་བལྟ། །དེ་ལྟར་ལམ་དུ་ཁྱེར་ནས་ཀྱང་། །རྗེས་ལ་འཁོར་གསུམ་རྣམ་དག་པའི། །དམིགས་མེད་བསྔོ་བར་མཚམས་སྦྱོར་ཞིང་། །བདག་ཉིད་མཐོང་ཐོས་དྲན་རིག་ཀུན། །རྣམ་པར་གྲོལ་བའི་སྨོན་ལམ་གདབ། །རྟག་ཏུ་བདག་ལ་མ་ཆགས་ཤིང་། །གཞན་དག་ལ་ཡང་སྡང་བ་མིན། །གཉིས་ཀ་མཉམ་པ་ཉིད་དུ་སྤྱད། །བདེ་ན་འགྲོ་བའི་དོན་དུ་བསྔོ། །སྡུག་ན་ལུས་ཅན་སྡུག་བསྔལ་འཁུར། །བར་མ་ཉིད་ནི་མཉམ་བཞག་རྒྱུ། །གང་ལྟར་བྱས་ཀྱང་ཚོགས་གཉིས་འཕེལ། །དེ་ཕྱིར་རྟག་ཏུ་བརྩོན་པར་རིགས། །འདི་ནི་ཚིག་ཉུང་དོན་འདྲིལ་བ། །བློ་དམན་རྣམས་ལ་ཕན་བྱའི་ཕྱིར། །རྡོ་རྗེའི་གླུ་རུ་བླངས་ཏེ་ཐལ། །འགྲོ་ཀུན་བྱང་ཆུབ་མཆོག་ཐོབ་ཤོག། །། ༈

[edit]

nyams su len tshul bsdus pa'i rdo rje'i thol glu thar pa'i them skas/__ nyams su len tshul bsdus pa'i rdo rje'i thol glu thar pa'i them skas zhes bya ba/__a ho/__srid zhir mi gnas yon tan brnyes/__/zung 'jug dbyer med chen po'i sku/__/'khor lo'i mgon por phyag bgyis te/__/nyams su len tshul mdor bsdus 'chad/__/dang po dal 'byor rnyed dka' dang /__/de nyid 'jig par sla ba dang /__/de tshe las 'bras rjes 'brangs shing /__/de lta'i 'khor bar sdug bsngal bsgom/__/de nas skyabs su 'gro ba dang /__/smon 'jug byang chub sems bskyed dang /__/rdo rje sems dpa'i bsgom bzlas dang /__/tshogs gnyis rdzogs pa'i thabs la 'bad/__/dngos gzhi bskyed dang rdzogs pa gnyis/__/dang po bla ma spyi bor bsgom/__/gsol ba gdab cing dbang bzhi blangs/__/snang stong 'dzin bral chen por sbyangs/__/de rjes bla ma snying gar bstim/__/rig stong rjen pa'i ngang nyid du/__/dpal ldan bla ma'i rang zhal blta/__/nyal khar snod bcud 'od gsal dang /__/rig pa snying ga'i a la gtad/__/stong pa bzhi yi 'od gsal bzung /__/ldang tshe rig 'dzin DA ki yi/__/bde stong rol mo'i sgras bskul bsam/__/bza' btung tshogs kyi 'khor lo dbul/__/mnyam bzhag bzo bcos bral ba la/__/rjes thob sgyu mar shes pas spyod/__/nyin snang bde ba chen por sbyangs/__/skye ba'i sred pa nges par blta/__/mtshan snang stong pa chen por sbyangs/__/'chi ba'i dus su nges par blta/__/rmi lam skye med chen por sbyangs/__/bar do'i dus su nges par blta/__/de ltar lam du khyer nas kyang /__/rjes la 'khor gsum rnam dag pa'i/__/dmigs med bsngo bar mtshams sbyor zhing /__/bdag nyid mthong thos dran rig kun/__/rnam par grol ba'i smon lam gdab/__/rtag tu bdag la ma chags shing /__/gzhan dag la yang sdang ba min/__/gnyis ka mnyam pa nyid du spyad/__/bde na 'gro ba'i don du bsngo/__/sdug na lus can sdug bsngal 'khur/__/bar ma nyid ni mnyam bzhag rgyu/__/gang ltar byas kyang tshogs gnyis 'phel/__/de phyir rtag tu brtson par rigs/__/'di ni tshig nyung don 'dril ba/__/blo dman rnams la phan bya'i phyir/__/rdo rje'i glu ru blangs te thal/__/'gro kun byang chub mchog thob shog/__//__!_