JKW-KABUM-22-ZA-012-105

Previous Text Back to Volume PageNext Text

རྡོ་རྗེའི་ཐོལ་གླུ་ཚོགས་དྲུག་འཛིན་པ་བྲལ་བའི་རྒྱན།

Wylie title	rdo rje'i thol glu tshogs drug 'dzin pa bral ba'i rgyan
Location	mkhyen brtse'i bka' 'bum Volume 22, sde tshan 12, Text 105, Pages 626-628 (Folios 141b5 to 142b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rdo rje'i thol glu tshogs drug 'dzin pa bral ba'i rgyan. In 'jam dbyangs mkhyen brtse'i dbang po'i bka' 'bum, Vol. 22: 626-628. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

རྡོ་རྗེའི་ཐོལ་གླུ་ཚོགས་དྲུག་འཛིན་པ་བྲལ་བའི་རྒྱན་ཅེས་བྱ་བ། ཨ་ཧོ། སྣང་ཞིང་སྲིད་པའི་ཀུན་བརྟགས་མཐའ་གྲོལ་དུ་ཐིམ་པས། །ཟུང་འཇུག་ཆོས་དབྱིངས་ལྷན་སྐྱེས་ཡེ་ཤེས་ཀྱི་གར་མཁན། །གདོད་མའི་མགོན་པོ་ཁྱབ་བདག་བླ་མ་དེ་མཁྱེན་ནོ། །ཚོགས་དྲུག་གཉུག་མར་རྫོགས་པར་བྱིན་གྱིས་རང་རློབས་ཤིག །འདི་ལྟར་མིག་གི་ཡུལ་དུ་སྣང་བ་ཡི་ཆོས་ཀུན། །སྣང་ཙམ་ཉིད་ནས་རང་རིག་རང་བཞག་ཏུ་གྲོལ་བས། །སྣང་སྟོང་ཟུང་འཇུག་སྒྱུ་མའི་དཀྱིལ་འཁོར་དུ་ཤར་ཏེ། །བུམ་དབང་ལམ་ཁྱེར་མ་སྒྲུབ་རང་བབས་སུ་འགྲུབ་བོ། །རྣ་བའི་ཡུལ་དུ་གྲགས་པའི་བཟང་ངན་གྱི་སྒྲ་ཀུན། །སྤྲོས་བྲལ་བདེ་བ་ཆེན་པོའི་ཡེ་ཤེས་སུ་ཐིམ་པས། །འགྲོ་འོང་བྲལ་བའི་གྲགས་སྟོང་སྐྱེ་མེད་ཀྱི་དཀྱིལ་འཁོར། །གསང་དབང་ལམ་ཁྱེར་གསལ་སྟོང་གཉིས་མེད་དུ་ཤར་རོ། །རྣ་བའི་ཡུལ་དུ་ཚོར་བའི་སྣ་ཚོགས་ཀྱི་དྲི་ཀུན། །ཆོས་ཉིད་ཁྱབ་གདལ་ཆེན་པོའི་ངོ་བོ་རུ་ཐིམ་པས། །ཚོར་སྟོང་བདེ་ཆེན་ལྷན་སྐྱེས་ཌཱ་ཀི་ཡི་དཀྱིལ་འཁོར། །ཤེར་དབང་ལམ་ཁྱེར་མ་སྒྲུབ་རང་བབས་སུ་འགྲུབ་བོ། །ལྕེ་ཡི་ཡུལ་དུ་སྤྱོད་པའི་སྣ་ཚོགས་ཀྱི་རོ་ཀུན། །ཆགས་བྲལ་མཉམ་པར་མ་བཞག་མེད་པ་རུ་ཐིམ་པས། །ཁོར་ཡུག་འོད་གསལ་གཟུང་འཛིན་བྲལ་བ་ཡི་དཀྱིལ་འཁོར། །ཚིག་དབང་ལམ་ཁྱེར་ཀ་དག་ཁྲེགས་ཆོད་དེ་འགྲུབ་བོ། །ལུས་ཀྱི་ཡུལ་དུ་སྤྱོད་པའི་སྣ་ཚོགས་ཀྱི་རེག་ཀུན། །ལྷུན་གྲུབ་གསང་བའི་སྐུ་དང་ཡེ་ཤེས་སུ་ཐིམ་ནས། །འཇའ་ཟེར་ཐིག་ལེ་དཀྱིལ་འཁོར་རང་བྱུང་དུ་བཞད་པས། །རྩལ་དབང་ལམ་ཁྱེར་དབྱིངས་རིག་ཟུང་འཇུག་ཏུ་འགྲུབ་བོ། །ཡིད་ཀྱི་ཡུལ་དུ་ཤར་བའི་རྟོག་ཚོགས་ཀྱི་ཡོ་ལང་། །ཤར་གྲོལ་དུས་མཉམ་འཁོར་འདས་རོ་གཅིག་ཏུ་ཐིམ་པས། །སྤང་བླང་ཡེ་ཟད་རྫོགས་པ་ཆེན་པོ་ཡི་དཀྱིལ་འཁོར། །ཟུང་འཇུག་ལམ་ཁྱེར་མ་སྒྲུབ་རང་བབས་སུ་འགྲུབ་བོ། །དེ་ཡིས་ཚོགས་དྲུག་ཡུལ་སྣང་སྒྱུ་མ་རུ་ཤར་ཤིང་། །ཡུལ་ཅན་སེམས་ཀྱི་གནས་ལུགས་རྩ་བྲལ་དུ་རྟོགས་པས། །སྣང་སྲིད་འཁོར་འདས་ཆོས་ཀུན་རིག་ངོ་རུ་དག་སྟེ། །སྐུ་བཞི་དབྱེར་མེད་འགྲུབ་པར་བྱིན་གྱིས་རང་རློབས་ཤིག །ལོངས་སྤྱོད་ཡོངས་རྫོགས་འཁོར་ལོའི་དཀྱིལ་འཁོར་གྱི་དབྱིངས་ནས། །ཐབས་ཤེས་རྡོ་རྗེའི་གླུ་ཡི་རོལ་མོ་རུ་བཀྲོལ་བས། །གཉིས་འཛིན་སྤྲོས་པའི་འཆིང་བ་དབུ་མ་རུ་ཞིག་སྟེ། །འོད་གསལ་སེམས་ཀྱི་དེ་ཉིད་མཐོང་བ་རུ་ཤོག་ཅིག ། ༈

[edit]

rdo rje'i thol glu tshogs drug 'dzin pa bral ba'i rgyan/__ rdo rje'i thol glu tshogs drug 'dzin pa bral ba'i rgyan ces bya ba/__a ho/__snang zhing srid pa'i kun brtags mtha' grol du thim pas/__/zung 'jug chos dbyings lhan skyes ye shes kyi gar mkhan/__/gdod ma'i mgon po khyab bdag bla ma de mkhyen no/__/tshogs drug gnyug mar rdzogs par byin gyis rang rlobs shig__/'di ltar mig gi yul du snang ba yi chos kun/__/snang tsam nyid nas rang rig rang bzhag tu grol bas/__/snang stong zung 'jug sgyu ma'i dkyil 'khor du shar te/__/bum dbang lam khyer ma sgrub rang babs su 'grub bo/__/rna ba'i yul du grags pa'i bzang ngan gyi sgra kun/__/spros bral bde ba chen po'i ye shes su thim pas/__/'gro 'ong bral ba'i grags stong skye med kyi dkyil 'khor/__/gsang dbang lam khyer gsal stong gnyis med du shar ro/__/rna ba'i yul du tshor ba'i sna tshogs kyi dri kun/__/chos nyid khyab gdal chen po'i ngo bo ru thim pas/__/tshor stong bde chen lhan skyes DA ki yi dkyil 'khor/__/sher dbang lam khyer ma sgrub rang babs su 'grub bo/__/lce yi yul du spyod pa'i sna tshogs kyi ro kun/__/chags bral mnyam par ma bzhag med pa ru thim pas/__/khor yug 'od gsal gzung 'dzin bral ba yi dkyil 'khor/__/tshig dbang lam khyer ka dag khregs chod de 'grub bo/__/lus kyi yul du spyod pa'i sna tshogs kyi reg kun/__/lhun grub gsang ba'i sku dang ye shes su thim nas/__/'ja' zer thig le dkyil 'khor rang byung du bzhad pas/__/rtsal dbang lam khyer dbyings rig zung 'jug tu 'grub bo/__/yid kyi yul du shar ba'i rtog tshogs kyi yo lang /__/shar grol dus mnyam 'khor 'das ro gcig tu thim pas/__/spang blang ye zad rdzogs pa chen po yi dkyil 'khor/__/zung 'jug lam khyer ma sgrub rang babs su 'grub bo/__/de yis tshogs drug yul snang sgyu ma ru shar shing /__/yul can sems kyi gnas lugs rtsa bral du rtogs pas/__/snang srid 'khor 'das chos kun rig ngo ru dag ste/__/sku bzhi dbyer med 'grub par byin gyis rang rlobs shig__/longs spyod yongs rdzogs 'khor lo'i dkyil 'khor gyi dbyings nas/__/thabs shes rdo rje'i glu yi rol mo ru bkrol bas/__/gnyis 'dzin spros pa'i 'ching ba dbu ma ru zhig ste/__/'od gsal sems kyi de nyid mthong ba ru shog cig__/__!_