JKCL-KABUM-09-TA-036

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 9, Text 36, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: . Bir, H.P.: Khyentse Labrang, 2012.
Genre
Cycle	ཟབ་གསང་པདྨའི་ཡང་ཏིག་ (zab gsang pad+ma'i yang thig)
Deity	bla ma drag po karma gu ru

1 Texts in this Section (sde tshan or chos tshan)

535-536	བདུད་འདུལ་ཀརྨ་གུ་རུའི་རྒྱུན་གྱི་རྣལ་འབྱོར་ཁྱེར་བདེ་བ༔ bdud 'dul karma gu ru'i rgyun gyi rnal 'byor khyer bde ba Daily Practice - rgyun khyer	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

བདུད་འདུལ་ཀརྨ་གུ་རུའི་རྒྱུན་གྱི་རྣལ་འབྱོར་ཁྱེར་བདེ་བ་བཞུགས༔ ཨོཾ་ཨཱཿཧཱུྃ༔ ཀརྨ་མ་ཧཱ་གུ་རུ་སརྦ་སིདྡྷི་ཧཱུྃ༔ རང་གི་སྙིང་གར་འོད་ཀྱི་གུར་ཁྱིམ་དབུས༔ པད་ཉི་རྡོ་རྗེ་ཕ་ལམ་ལས་གྲུབ་པའི༔ རྡོ་རྗེ་རྒྱ་གྲམ་ལྟེ་བར་བླ་མ་ནི༔ ཀརྨ་དྲག་རྩལ་སྨུག་ནག་ཁྲོ་བོའི་སྐུ༔ གསང་ཕོད་མཐིང་ནག་ཐོད་སྐམ་དབུ་རྒྱན་དང་༔ རུས་རྒྱན་སྟག་ཤམ་གསོལ་ཞིང་རོལ་སྟབས་བཞུགས༔ ཕྱག་གཡས་གནམ་ལྕགས་རྡོ་རྗེ་ནམ་མཁར་ཕྱར༔ གཡོན་པས་ཕུར་འདྲིལ་མེ་ཡི་ཚྭ་ཚྭ་འཕྲོ༔ ཐུགས་ཀར་ཉི་སྟེང་ཧཱུྃ་མཐིང་གསལ་བར་བསྒོམ༔ བླ་མ་དྲག་པོ་ཀརྨ་གུ་རུ་ལ༔ གསོལ་བ་འདེབས་སོ་བྱད་ཕུང་སྲི་ཀེག་ཟློག༔ རྒྱལ་འགོང་དམ་སྲིའི་གནོད་པ་ཞི་བ་དང་༔ ལུས་སེམས་བདེ་བ་ཆེན་པོ་རྒྱས་པར་མཛོད༔ གསོལ་བ་འདེབས་སོ་ཨོ་རྒྱན་རིན་པོ་ཆེ༔ ཡིད་ནི་རྡོ་རྗེ་ལྟར་བརྟན་བྱིན་གྱིས་རློབས༔ ཐུགས་ཀའི་ཧཱུྃ་ལས་འོད་ཟེར་ནི༔ མེ་ལྕེ་ལྟར་འཕྲོས་གནས་ལུས་གདོན༔ གྲིབ་དང་མི་གཙང་བསྲེགས་པ་དང་༔ སླར་ཡང་སྐུ་ལས་བདུད་རྩིའི་རྒྱུན༔ དྭང་ཞིང་བསིལ་བ་འོ་མ་ལྟར༔ བབ་པས་སྙིང་གང་འཁྲུལ་རྟོག་ཞི༔ བདེ་བ་ཆེན་པོས་ཁྱབ་པར་བསམ༔ ཨོཾ་ཀརྨ་མ་ཧཱ་གུ་རུ་སརྦ་དུཥྚན་མཱ་ར་ཡ་ཧཱུྃ་ཕཊ༔ མ་ཧཱ་སུ་ཁ་སརྦ་སིདྡྷི་ཧཱུྃ༔ ཞེས་བཟླས་རིག་སྟོང་ངང་ལ་འཇོག༔ གདོན་རྣམས་སྒྱུ་མ་ལྟ་བུར་བལྟ༔ སྙིང་རྗེ་བསྒོམ་ཞིང་དམིགས་མེད་བཞག༔ ས་མ་ཡ༔ གུ་ཧྱ༔ རྒྱ་རྒྱ་རྒྱ༔ ཅེས་པའང་པདྨ་ཡེ་ཤེས་རྡོ་རྗེས་དབྱིངས་རིག་སྐྱེ་མེད་ཀྱི་སྒྲོམ་ནས་ཐོན་ཏེ་ཡི་གེར་བཏབ་པ་གསང་སྟེ་ཉམས་སུ་བླངས་བར་བྱའོ།། །།

[edit]

bdud 'dul karma gu ru'i rgyun gyi rnal 'byor khyer bde ba bzhugs:__oM AHhU~M:__karma ma hA gu ru sarba sid+d+hi hU~M:__rang gi snying gar 'od kyi gur khyim dbus:__pad nyi rdo rje pha lam las grub pa'i:__rdo rje rgya gram lte bar bla ma ni:__karma drag rtsal smug nag khro bo'i sku:__gsang phod mthing nag thod skam dbu rgyan dang :__rus rgyan stag sham gsol zhing rol stabs bzhugs:__phyag g.yas gnam lcags rdo rje nam mkhar phyar:__g.yon pas phur 'dril me yi tshwa tshwa 'phro:__thugs kar nyi steng hU~M mthing gsal bar bsgom:__bla ma drag po karma gu ru la:__gsol ba 'debs so byad phung sri keg zlog:__rgyal 'gong dam sri'i gnod pa zhi ba dang :__lus sems bde ba chen po rgyas par mdzod:__gsol ba 'debs so o rgyan rin po che:__yid ni rdo rje ltar brtan byin gyis rlobs:__thugs ka'i hU~M las 'od zer ni:__me lce ltar 'phros gnas lus gdon:__grib dang mi gtsang bsregs pa dang :__slar yang sku las bdud rtsi'i rgyun:__dwang zhing bsil ba 'o ma ltar:__bab pas snying gang 'khrul rtog zhi:__bde ba chen pos khyab par bsam:__oM karma ma hA gu ru sarba duSh+Tan mA ra ya hU~M phaT:__ma hA su kha sarba sid+d+hi hU~M:__zhes bzlas rig stong ngang la 'jog:__gdon rnams sgyu ma lta bur blta:__snying rje bsgom zhing dmigs med bzhag:__sa ma ya:__gu h+ya:__rgya rgya rgya:__ces pa'ang pad+ma ye shes rdo rjes dbyings rig skye med kyi sgrom nas thon te yi ger btab pa gsang ste nyams su blangs bar bya'o//__//