JKCL-KABUM-05-CA-052

🚧 This website is under continued development. We appreciate your patience!

Previous Text Back to Volume PageNext Text

པདྨ་མཁའ་འགྲོའི་སྐོངས་བསྡུས་བདེ་ཆེན་དཔལ་སྟེར།

Wylie title	pad+ma mkha' 'gro'i skongs bsdus bde chen dpal ster
Location	chos kyi blo gros bka' 'bum Volume 5, Text 52, Pages 645 (Folios 1a1 to 1a6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. pad+ma mkha' 'gro'i skongs bsdus bde chen dpal ster. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 5: 645. Bir, H.P.: Khyentse Labrang, 2012.
Genre	Mending Rituals - bskang chog  ·  Sadhanas - Evocation Ritual - sgrub thabs
Deity	pad+ma mkha' 'gro
Colophon	།ཅེས་པའང་མེ་ཕག་ཟླ་དྲུག་ཚེས་བཅུ་དྲུག་ལའོ།
	/ces pa'ang me phag zla drug tshes bcu drug la'o/

1 Texts in this Section (sde tshan or chos tshan)

645	པདྨ་མཁའ་འགྲོའི་སྐོངས་བསྡུས་བདེ་ཆེན་དཔལ་སྟེར། pad+ma mkha' 'gro'i skongs bsdus bde chen dpal ster Sadhanas - Evocation Ritual - sgrub thabs   ·   Mending Rituals - bskang chog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

པདྨ་མཁའ་འགྲོའི་སྐོངས་བསྡུས་བདེ་ཆེན་དཔལ་སྟེར་ཅེས་བྱ་བ་བཞུགས་སོ། །ན་མོ་གུ་རུ་པདྨ་ཌཱ་ཀི་ནི་ཡེ། ཕྱི་ནང་གསང་བའི་བསྐངས་རྫས་ཅི་འབྱོར་བཤམས། །ནམ་མཁའ་མཛོད་ཀྱི་སྔགས་དང་ཕྱག་རྒྱས་བྱིན་གྱིས་བརླབ། །ཧཱུྃ་ཧྲཱིཿ བདེ་ཆེན་དབང་གི་དཀྱིལ་འཁོར་ནས། །ཟླ་གམ་དམར་པོ་འོད་འབར་དབུས། །དབང་མཛད་པདྨ་མཁའ་འགྲོ་ནི། །རྡོ་རྗེ་རིན་ཆེན་པདྨ་དང་། །ལས་ཀྱི་དབང་མཛད་ཌཱ་ཀིའི་ཚོགས། །སྤྲུལ་པ་ཡང་སྤྲུལ་བྱེ་བ་འབུམ། །འཁོར་དང་བཅས་པ་འདིར་གཤེགས་ནས། །ཉི་ཟླ་པདྨའི་གདན་ལ་བཞུགས། །དགྱེས་པའི་མཆོད་སྤྲིན་འབུལ་པ་ནི། །སྲིད་དང་ཞི་བའི་ཡོ་བྱད་ཚོགས། །ཇི་སྙེད་འབྱོར་པ་ཐམས་ཅད་ཀུན། །ཀུན་ཏུ་བཟང་པོའི་མཆོད་སྤྲིན་དུ། །ཟག་མེད་ཏིང་འཛིན་རོལ་མོས་སྤེལ། །ཆོས་དབྱིངས་རྒྱས་པར་བཀང་བྱས་ཏེ། །པདྨ་མཁའ་འགྲོའི་དཀྱིལ་འཁོར་པའི། །རྡོ་རྗེའི་དབང་པོ་དྲུག་གི་བཞེས། །ཐུགས་དམ་གཉན་པོ་བསྐངས་བ་དང་། །མ་ཚོགས་མཁའ་འགྲོར་ཉམས་ཆགས་བཤགས། །བརྟན་གཡོ་སྣང་སེམས་དབང་དུ་འདུས། །རྩ་རླུང་ཐིག་ལེའི་ནུས་པ་སྤེལ། །ཡེ་ཤེས་དྷཱུ་ཏིའི་དབྱིངས་སུ་སྡུད། །འཁོར་འདས་རྣམ་དག་བདེ་བ་ཆེ། །དབང་མཛད་དབང་གི་དངོས་གྲུབ་བརྙེས། །པདྨ་མཁའ་འགྲོའི་སྐུ་ཐོབ་ཤོག །ཅེས་པའང་མེ་ཕག་ཟླ་དྲུག་ཚེས་བཅུ་དྲུག་ལའོ། །། །

[edit]

pad+ma mkha' 'gro'i skongs bsdus bde chen dpal ster ces bya ba bzhugs so/__/na mo gu ru pad+ma DA ki ni ye/__phyi nang gsang ba'i bskangs rdzas ci 'byor bshams/__/nam mkha' mdzod kyi sngags dang phyag rgyas byin gyis brlab/__/hU~M hrIHbde chen dbang gi dkyil 'khor nas/__/zla gam dmar po 'od 'bar dbus/__/dbang mdzad pad+ma mkha' 'gro ni/__/rdo rje rin chen pad+ma dang /__/las kyi dbang mdzad DA ki'i tshogs/__/sprul pa yang sprul bye ba 'bum/__/'khor dang bcas pa 'dir gshegs nas/__/nyi zla pad+ma'i gdan la bzhugs/__/dgyes pa'i mchod sprin 'bul pa ni/__/srid dang zhi ba'i yo byad tshogs/__/ji snyed 'byor pa thams cad kun/__/kun tu bzang po'i mchod sprin du/__/zag med ting 'dzin rol mos spel/__/chos dbyings rgyas par bkang byas te/__/pad+ma mkha' 'gro'i dkyil 'khor pa'i/__/rdo rje'i dbang po drug gi bzhes/__/thugs dam gnyan po bskangs ba dang /__/ma tshogs mkha' 'gror nyams chags bshags/__/brtan g.yo snang sems dbang du 'dus/__/rtsa rlung thig le'i nus pa spel/__/ye shes d+hU ti'i dbyings su sdud/__/'khor 'das rnam dag bde ba che/__/dbang mdzad dbang gi dngos grub brnyes/__/pad+ma mkha' 'gro'i sku thob shog__/ces pa'ang me phag zla drug tshes bcu drug la'o/__//__/