JKW-KABUM-20-WA-005-002

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 5, Text 2, Pages 551- (Folios 1a6 to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: 551-. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

2 551-554	འཇམ་དཔལ་གཤིན་རྗེའི་ལས་མཐའ་རྩོད་དང་མི་ཁ་ཟློག་པ་ཟབ་མོ། 'jam dpal gshin rje'i las mtha' rtsod dang mi kha zlog pa zab mo Averting or Dispelling Rites- zlog pa   ·   Activity Practices - las tshogs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་དཔལ་གཤིན་རྗེའི་ལས་མཐའ་རྩོད་དང་མི་ཁ་ཟློག་པ་ཟབ་མོ། འཇམ་དཔལ་གཤིན་རྗེའི་ལས་མཐའ་རྩོད་དང་མི་ཁ་ཟློག་པ་ཟབ་མོ་བཞུགས་སོ། །ན་མོ་ཡ་མནྟ་ཀཱ་ཡ། སྐྱབས་འགྲོ་སེམས་བསྐྱེད་སྔོན་དུ་འགྲོ་བས། ཨོཾ་མ་ཧཱ་ཤུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨཱ་ཀོ྅་ཧཾ། སྟོང་ཉིད་ཀ་དག་སྤྲོས་པ་བྲལ་བའི་ངང་༔ རང་ཉིད་བཅོམ་ལྡན་དཔལ་ཆེན་འཇམ་དཔལ་གཤིན་རྗེའི་གཤེད༔ དགྲ་དཔུང་འཇོམས་མཛད་རཀྴ་ནག་པོའི་ལས༔ མཐར་བྱེད་སྐུ་མདོག་དམར་པོ་ཁྲོ་བོའི་ཞལ༔ ངོ་བོ་གཅིག་ལས་འགྱུར་མེད་གཤིན་རྗེའི་གཤེད༔ ཐབས་ཤེས་ཟུང་འབྲེལ་སྡིག་མཛུབ་ཕྱག་གཉིས་པ༔ མཆེ་བ་བཞི་དཀར་རབ་གཙིགས་སྤྱན་གསུམ་ལྡོག༔ སྨིན་ཕྲག་ཁྲོ་གཉེར་བཞིན་བསྡུས་རྔམས་ཤིང་བསྒྲད༔ དབུ་སྐྲ་སྨ་ར་སྨིན་མ་དམར་སེར་མདོག༔ མེ་ལྟར་གཡོ་ཞིང་རལ་པ་གྱེན་དུ་འབར༔ སྐུ་སྨད་གསང་བའི་གནས་ནས་གནམ་ལྕགས་ཀྱི༔ ཟུར་གསུམ་དཔལ་ལྡན་ཕུར་པས་དགྲ་དང་བགེགས། གནོད་བྱེད་ཉམས་པའི་སྙིང་ལ་དྲག་ཏུ་གཟིརཿ ཕྱག་གཡས་རལ་གྲིས་དགྲ་བགེགས་བསྒྲལ་བའི་ཕྱིརཿ ནམ་མཁར་ཕྱར་བས་སྲོག་རྩ་རྩད་ནས་གཅོད༔ ཕྱག་གཡས་ལྕགས་ཀྱུས་དགྲ་བོའི་དོན་སྙིང་ལ༔ བཟུང་ནས་ཤོར་བ་མེད་པར་འགུགས་ཤིང་བཟུང་༔ ཞབས་གཉིས་གཡས་བརྐྱང་མཐིལ་ལ་གནམ་ལྕགས་དང་༔ གཡོན་བསྐུམ་ཟངས་ཀྱི་སོག་ལེ་རྣོ་ངར་ཅན༔ དེ་གཉིས་བར་དུ་དགྲ་བགེགས་མགོ་ལུས་སོང་༔ ཤ་ཁྲག་དུམ་བུ་དུམ་བུར་དམར་ཉིལ་ཉིལ༔ གཏུབ་ཕྱིར་དྲག་པོའི་གདོང་བསྟན་ཚུལ་དུ་བགྱིད༔ འཇིགས་པའི་སྐུ་ལ་བསྐལ་པའི་མེ་ཆེན་པོ༔ རི་ལྟར་བ་སྤུ་རེ་ལས་འབར་བ་ཡིས༔ གནོད་པར་བྱེད་པའི་དགྲ་དང་བགེགས་ལ་སོགས༔ ཐམས་ཅད་གཞོབ་ཐུལ་བསྲེགས་ཤིང་ཐལ་བར་གཏོར༔ ཕྲིན་ལས་ཐོགས་མེད་ཁྲོ་རྒྱལ་སྐུར་གྱུར་ཏོ༔ ཏྲག་རཀྴ་བྷྱོ༔ ཧུར་ཐུམ་མི་ཁ་ཐུམ་རིལ་རྦད་ནན༔ ས་མ་ཡ་དགྲ་ལ་བྷྱོ་བྷྱོཿ ཟློག་ཟློག༔ མི་ཁ་ཐུམ་རིལ་རྦུད་ལིང་༔ ཐུམ་རི་ལི་ལི་དགྲ་ལ་བྷྱོ་བྷྱོ་ཟློག་ཟློག༔ དགྲ་བོའི་སྲོག་ལ་མཱ་ར་ཡ་རྦད་རྦད་ཛ༔ མ་ཧཱ་དེ་ཝ་དགྲ་ལ་བྷྱོ༔ ཨུ་མ་དེ་བཱི་དགྲ་ལ་བྷྱོ༔ ལྷ་སྲིན་སྡེ་བརྒྱད་དགྲ་ལ་བྷྱོ༔ བྷྱོ་མཱ་ར་ཡ་མི་ཁ་ཧུར་ཐུམ༔ རྦད་དྲིལ་ནན་ཐུམ་ཐུམ་ཤིག་ཤིག་རྦད་རྦད་དྲིལ་དྲིལ་ནན་ནན་བྷྱོ་བྷྱོ་ཟློག་ཟློག་མི་ཁ་ཟློག་ཟློག༔ མི་ཁ་ཟློག༔ མི་ཁ་སྒྱུར༔ མི་ཁ་ཏྲི་ལིང་ཤག་མཱ་ར་ཡ་རྦད༔ ཅེས་ཅི་ནུས་མཐར། རང་ཉིད་འཇམ་དཔལ་ཁྲོ་བོ་ཡོངས་གྱུར་ལས༔ སྐད་ཅིག་དབང་ཕྱུག་ཆེན་པོ་ཞལ་གཅིག་ཕྱག་གཉིས་པ༔ སྐུ་མདོག་སྔོ་ནག་རི་རབ་བང་རིམ་དགུ་པ་བསྣམས༔ དགྲ་བགེགས་བྱད་མ་ལྷ་སྲུང་ལ་བརྒྱབ་པས། ལུས་ངག་ཡིད་གསུམ་ནག་ཆོམ་སོང་བར་གྱུར༔ མ་ཧཱ་དེ་བ་བྷ་ག་ཏུ་ཨུ་ནི་ནྲྀ་ཛ༔ ཐུམ་ལམ་ཧུ་ར་ཧུ་ར། ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅུ་ནས་བདག་ལ་གནོད་པའི་དགྲ་བགེགས་ཐམས་ཅད་ཀྱི་ལུས་ངག་ཡིད་གསུམ་སྟྭཾ་བྷ་ཡ་ནན༔ ལོ་དང་ཟླ་བ་ལ་དགྲ་དར་བ་ཐམས་ཅད་མཱ་ར་ཡ་རྦད་ནན༔ ཞག་དང་ཟ་མ་ལ་དགྲ་དར་བ་ཐམས་ཅད་མཱ་ར་ཡ་རྦད་ནན༔ སྲོག་ལུས་དབང་ཐང་ལ་དགྲ་དར་བ་ཐམས་ཅད༴ ཁ་རྗེ་དང་ཀླུང་རྟ་ལ་དགྲ་དར་བ༴ ཟ་མ་ལ་དུག་གཡོས་པ་ཐམས་ཅད་མཱ་ར་ཡ༴ འགྲོ་ལམ་དུ་རྩང་བཙུགས་པ་ཐམས་ཅད༴ བསད་ཤམ་འཕྲོག་ཤམ་རྐུ་ཤམ་བྱེད་པ་ཐམས་ཅད༴ བྱད་ཁ་ཕུར་ཁ་མོ་ངན་ཚེར་རྩུབ་ཐམས་ཅད༴ བྱུར་མི་ཁ་སྙིང་སྟོང་ངན་པ་ཐམས་ཅད༴ དགྲ་ཤམ་དམག་ཤམ་བསམ་ངན་འདུན་མ་ངན་པ་ཐམས་ཅད༴ ཨོཾ་ཀིང་ཀང་ཧཱུྃ་ཧྲཱིཿདགྲ་བོ་སྟྭཾ་བྷ་ཡ་རཀྴ་ནན་ཧཱུྃ་ཧཱུྃ་ལཾ་ལཾ་ཧཱུྃ་ལཾ་སྟྭཱཾ་བྷ་ཡ་ནན་སྭཱ་ཧཱ༔ ཞེས་བཟླས་ལ་ཐལ་མོ་བརྡབ་བོ། །གཟའ་དང་སྐར་མ་དར་བ་དང་༔ དུས་གསུམ་དགུ་སོགས་ཅི་མང་བཟླས༔ ཕ་རོལ་རྩོད་ལས་རྒྱལ་བར་འགྱུར༔ སེང་ལྡེང་ཕུར་དར་ནག་པོ་དགོས། ཕུར་པ་ཚོན་གང་པ༔ གོང་པ་གཡོན་དུ་བཙུགས་ནས་བཟླས༔ ཕ་རོལ་རྩོད་ལས་རྒྱལ་ཞིང་འཇོམས༔ མི་ཁ་བྱད་མ་ལ་སོགས་ཟློག༔ ཅེས་སྤྲུལ་སྐུ་སྟག་ཤམ་ནུས་ལྡན་རྡོ་རྗེའི་ཟབ་གཏེར་ལས་བྱུང་བའི་ཨུ་པ་དེ༴ ཤའོ། །ས་མ་ཡ། གུ་ཧྱ། གཞན་ལ་སྲུང་བར་བྱེད་ན། སྔགས་གོང་འོག་སྦྲེལ་ནས་དར་ནག་ལ་གསེར་རམ་མཚལ་གྱིས་བྲི། ཐལ་ཆེན། པདྨ་རཀྟ། གྲི་ཁྲག་གིས་བྱུགས་ནས་དྲིལ་ལ་ཕུར་པའི་མགུལ་དུ་གདགས། ལྷ་བསྐྱེད་བསྟིམ་དང་སྔགས་སྟོང་རྩས་རབ་གནས་བྱས་ལ་གདགས་པ་ཞལ་ཤེས་ཡིན་གསུངས། ། ༈

[edit]

'jam dpal gshin rje'i las mtha' rtsod dang mi kha zlog pa zab mo/ 'jam dpal gshin rje'i las mtha' rtsod dang mi kha zlog pa zab mo bzhugs so/___/na mo ya man+ta kA ya/___skyabs 'gro sems bskyed sngon du 'gro bas/___oM ma hA shun+ya tA dz+nyA na badz+ra swa b+hA wa at+mA ko\u0f85 haM/___stong nyid ka dag spros pa bral ba'i ngang :__rang nyid bcom ldan dpal chen 'jam dpal gshin rje'i gshed:____dgra dpung 'joms mdzad rak+sha nag po'i las:____mthar byed sku mdog dmar po khro bo'i zhal:____ngo bo gcig las 'gyur med gshin rje'i gshed:____thabs shes zung 'brel sdig mdzub phyag gnyis pa:____mche ba bzhi dkar rab gtsigs spyan gsum ldog:____smin phrag khro gnyer bzhin bsdus rngams shing bsgrad:____dbu skra sma ra smin ma dmar ser mdog:____me ltar g.yo zhing ral pa gyen du 'bar:____sku smad gsang ba'i gnas nas gnam lcags kyi:____zur gsum dpal ldan phur pas dgra dang bgegs/___gnod byed nyams pa'i snying la drag tu gziraH__phyag g.yas ral gris dgra bgegs bsgral ba'i phyiraH__nam mkhar phyar bas srog rtsa rtsad nas gcod:____phyag g.yas lcags kyus dgra bo'i don snying la:____bzung nas shor ba med par 'gugs shing bzung :____zhabs gnyis g.yas brkyang mthil la gnam lcags dang :____g.yon bskum zangs kyi sog le rno ngar can:____de gnyis bar du dgra bgegs mgo lus song :____sha khrag dum bu dum bur dmar nyil nyil:____gtub phyir drag po'i gdong bstan tshul du bgyid:____'jigs pa'i sku la bskal pa'i me chen po:____ri ltar ba spu re las 'bar ba yis:____gnod par byed pa'i dgra dang bgegs la sogs:____thams cad gzhob thul bsregs shing thal bar gtor:____phrin las thogs med khro rgyal skur gyur to:____trag rak+sha b+h+yo:____hur thum mi kha thum ril rbad nan:____sa ma ya dgra la b+h+yo b+h+yoH__zlog zlog:____mi kha thum ril rbud ling :____thum ri li li dgra la b+h+yo b+h+yo zlog zlog:____dgra bo'i srog la mA ra ya rbad rbad dza:____ma hA de wa dgra la b+h+yo:____u ma de bI dgra la b+h+yo:____lha srin sde brgyad dgra la b+h+yo:____b+h+yo mA ra ya mi kha hur thum:____rbad dril nan thum thum shig shig rbad rbad dril dril nan nan b+h+yo b+h+yo zlog zlog mi kha zlog zlog:__mi kha zlog:____mi kha sgyur:____mi kha tri ling shag mA ra ya rbad:____ces ci nus mthar/___rang nyid 'jam dpal khro bo yongs gyur las:____skad cig dbang phyug chen po zhal gcig phyag gnyis pa:____sku mdog sngo nag ri rab bang rim dgu pa bsnams:____dgra bgegs byad ma lha srung la brgyab pas/___lus ngag yid gsum nag chom song bar gyur:____ma hA de ba b+ha ga tu u ni nr-i dza:__thum lam hu ra hu ra/___nyi ma phyogs bzhi mtshams brgyad steng 'og gnyis dang bcu nas bdag la gnod pa'i dgra bgegs thams cad kyi lus ngag yid gsum s+t+waM b+ha ya nan:____lo dang zla ba la dgra dar ba thams cad mA ra ya rbad nan:____zhag dang za ma la dgra dar ba thams cad mA ra ya rbad nan:____srog lus dbang thang la dgra dar ba thams cad=__kha rje dang klung rta la dgra dar ba=__za ma la dug g.yos pa thams cad mA ra ya=__'gro lam du rtsang btsugs pa thams cad=__bsad sham 'phrog sham rku sham byed pa thams cad=__byad kha phur kha mo ngan tsher rtsub thams cad=__byur mi kha snying stong ngan pa thams cad=__dgra sham dmag sham bsam ngan 'dun ma ngan pa thams cad=__oM king kang hU~M hrIHdgra bo s+t+waM b+ha ya rak+sha nan hU~M hU~M laM laM hU~M laM s+t+wAM b+ha ya nan swA hA:____zhes bzlas la thal mo brdab bo/___/gza' dang skar ma dar ba dang :____dus gsum dgu sogs ci mang bzlas:____pha rol rtsod las rgyal bar 'gyur:____seng ldeng phur dar nag po dgos/___phur pa tshon gang pa:____gong pa g.yon du btsugs nas bzlas:____pha rol rtsod las rgyal zhing 'joms:____mi kha byad ma la sogs zlog:____ces sprul sku stag sham nus ldan rdo rje'i zab gter las byung ba'i u pa de=__sha'o/___/sa ma ya/___gu h+ya/___gzhan la srung bar byed na/___sngags gong 'og sbrel nas dar nag la gser ram mtshal gyis bri/___thal chen/___pad+ma rak+ta/___gri khrag gis byugs nas dril la phur pa'i mgul du gdags/___lha bskyed bstim dang sngags stong rtsas rab gnas byas la gdags pa zhal shes yin gsungs/____/_!