JKW-KABUM-15-BA-009-008

🚧 This website is under continued development. We appreciate your patience!

Previous Text Back to Volume PageLast text in section.

ཟབ་བདུན་རྩ་གསུམ་ཚེའི་ཟབ་པ་ལས། ནོར་སྒྲུབ་ཀུན་འཁྱིལ་མཆེད་གསུམ་གྱི་རྗེས་གནང་གི་ཆོ་ག་དགེ་ལེགས་འདོད་དགུའི་འཆར་འབེབས།

Wylie title	zab bdun rtsa gsum tshe'i zab pa las/ nor sgrub kun 'khyil mched gsum gyi rjes gnang gi cho ga dge legs 'dod dgu'i 'char 'bebs
Location	mkhyen brtse'i bka' 'bum Volume 15, sde tshan 9, Text 8, Pages 208-223 (Folios 6b6 to 14a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam dbyangs mkhyen brtse'i dbang po. zab bdun rtsa gsum tshe'i zab pa las nor sgrub kun 'khyil mched gsum gyi rjes gnang gi cho ga dge legs 'dod dgu'i 'char 'bebs. In 'jam dbyangs mkhyen brtse'i dbang po'i bka' 'bum, Vol. 15: 208-223. Khams sde dge rdzong sar dgon: Rdzong sar blo gros phun tshogs, 2020.
Genre	Permission to Invoke (anujñā) - rjes gnang  ·  Wealth Rituals - nor sgrub
Cycle	ཟབ་བདུན་རྩ་གསུམ་ཚེའི་ཟབ་པ་ (zab bdun rtsa gsum tshe'i zab pa)
Parent Cycle	ཐུགས་དམ་ཟབ་པ་སྐོར་བདུན་ (thugs dam zab pa skor bdun)
Colophon	།ཅེས་པའང་ཟབ་ཆོས་འདི་ཉིད་ཀྱི་བདག་པོར་ཁྱད་པར་དུ་བསྔགས་པ་རྗེ་དབོན་མཆོག་སྤྲུལ་རིན་པོ་ཆེ་ཀརྨ་སྒྲུབ་བརྒྱུད་བསྟན་འཛིན་ཕྲིན་ལས་ལས་ཚུལ་འདིའི་བཀའ་དྲིན་ཐོག་མར་ནོད་པའི་སྐབས་ཟིན་བྲིས་སུ་བགྱིས་པ་ལས། སླར་ཡང་གསལ་བར་བྱེད་པ་པོ་ནི་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་སྟེ། དགེ་ལེགས་ཀྱི་འབྱོར་པས་འཇིག་རྟེན་ཀུན་ཏུ་ཁྱབ་པའི་རྒྱུར་སིདྡྷི་རསྟུ།།
	ces pa'ang zab chos 'di nyid kyi bdag por khyad par du bsngags pa rje dbon mchog sprul rin po che karma sgrub brgyud bstan 'dzin phrin las las tshul 'di'i bka' drin thog mar nod pa'i skabs zin bris su bgyis pa las/__slar yang gsal bar byed pa po ni mtsho skyes bla ma dgyes pa'i 'bangs mkhyen brtse'i dbang po ste/__dge legs kyi 'byor pas 'jig rten kun tu khyab pa'i rgyur sid+d+hi rastu//

1 Texts in this Section (sde tshan or chos tshan)

8 208-223	ཟབ་བདུན་རྩ་གསུམ་ཚེའི་ཟབ་པ་ལས། ནོར་སྒྲུབ་ཀུན་འཁྱིལ་མཆེད་གསུམ་གྱི་རྗེས་གནང་གི་ཆོ་ག་དགེ་ལེགས་འདོད་དགུའི་འཆར་འབེབས། zab bdun rtsa gsum tshe'i zab pa las/ nor sgrub kun 'khyil mched gsum gyi rjes gnang gi cho ga dge legs 'dod dgu'i 'char 'bebs Permission to Invoke (anujñā) - rjes gnang   ·   Wealth Rituals - nor sgrub	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ཟབ་བདུན་རྩ་གསུམ་ཚེའི་ཟབ་པ་ལས། ནོར་སྒྲུབ་ཀུན་འཁྱིལ་མཆེད་གསུམ་གྱི་རྗེས་གནང་གི་ཆོ་ག་དགེ་ལེགས་འདོད་དགུའི་འཆར་འབེབས་ཞེས་བྱ་བ་བཞུགས་སོ། །ཨོཾ་སྭསྟི་སིདྡྷི་རསྟུ། ཐུགས་རྗེའི་སྤྲིན་ལས་འདོད་རྒུའི་ཆར། །འབེབས་མཁས་ནོར་གྱི་ལྷ་མོ་ལ། །བཏུད་ནས་དེ་ཡི་རྗེས་གནང་ནི། །དགེ་ལེགས་ཤིས་པའི་རོལ་མོ་འཁྲོལ། །གང་ཞིག་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་འབྱོར་པ་སྤྱི་དང་། བྱེ་བྲག་ཟས་གོས་ནོར་གསུམ་གྱི་འདུ་བ་མཐའ་ཡས་པས་བྱང་ཆུབ་སྒྲུབ་པའི་མཐུན་རྐྱེན་རྒྱས་པའི་ཕྱིར་ནོར་ལྷ་ཀུན་འཁྱིལ་མཆེད་གསུམ་བསྒྲུབ་པར་འདོད་ན། ཐོག་མར་འདིའི་བཀའ་གཏད་པ་ནོད་པར་བྱ་སྟེ། དེའི་ཚུལ་ལ་གསུམ། སྦྱོར་བ། དངོས་གཞི་རྗེས་སོ། །དང་པོ་ནི། གནས་དབེན་པར་སྟེགས་བུའི་དབུས་སུ་མཎྜལ་གསུམ་ཕྲེང་ཚར་དུ་བསྒྲིགས་པར་ཨུཏྤལ་འདབ་བརྒྱད་ལྷ་མོ་སོ་སོའི་སྐུ་མདོག་དང་མཐུན་པར་བྲི་བའམ། མ་གྲུབ་ན་མེ་ཏོག་སིལ་མའི་ཚོམ་བུ་བཀོད། དེའི་སྟེང་དུ་མཉྫིའི་ཁར་ཐོད་པ་མཚན་ལྡན་རེ་རེའི་ནང་དུ་དབུས་སུ་ནོར་གྱི་ལྷ་མོའི་གཏོར་མ་འབྲང་རྒྱས་ནོར་བུ་འབར་བའི་དབྱིབས་ཅན་མཐིང་ག །གཡས་སུ་གོས་ཀྱི་ལྷ་མོའི་གཏོར་མ་འབྲང་རྒྱས་ནོར་དབྱིབས་ལྗང་གུ། གཡོན་ཏུ་ཟས་ཀྱི་ལྷ་མོའི་གཏོར་མ་འབྲང་རྒྱས་ནོར་བུའི་དབྱིབས་དམར་པོ། གསུམ་ཀའང་རྩེ་རྒྱན་གསེར་གྱི་དགྲ་སྟྭས་མཚན་པ་ལ་རྩྭ་ཀུ་ཤའི་ཆུན་པོ་རེ་བཙུགས་པར་སོ་སོའི་སྐུ་ཙཀ྄་བཏགས། སྐུ་མདོག་དང་མཐུན་པའི་དར་གྱི་ལྡིང་གུར་ཕུབ། མཐའ་ཟས་གོས་ནོར་སྣ་ཅི་འབྱོར་པས་བསྐོར། དེ་རྣམས་ལས་མཐོ་བའི་མཉྫིའི་ཁར་བུམ་པ་བཅུད་ལྡན་ཁ་རྒྱན་མགུལ་ཆིངས་དུང་ཆོས་གཟུངས་རྡོར་དང་བཅས་པ། མཐའ་སྐོར་དུ་སྨན་གཏོར་རཀྟ་ཉེར་སྤྱོད་ཀྱི་མཆོད་ཕྲེང་ཚར་དུ་དངར་བ་བཤམ། གཞན་ཡང་སློབ་དཔོན་གྱི་མདུན་དུ་ལས་བུམ་སོགས་དགོས་པའི་ཡོ་བྱད་རྣམས་འདུ་བྱའོ། །གཉིས་པ་ནི། བདག་བསྐྱེད་རྩ་གསུམ་གྱི་ལས་གཞུང་རྒྱས་བསྡུས་གང་རིག་བསྲང་བ་སྔོན་ཏུ་འགྲོ་བས། མདུན་བསྐྱེད་ཀྱི་མཆོད་པ་ལ་དམིགས་ཏེ། རྃ་ཡྃ་ཁྃ༔ ཨོཾ་ཨཱཿཧཱུྃ༔ ཆོས་རྣམས་ཐམས་ཅད་སྟོང་པར་གྱུར༔ སྟོང་པའི་ངང་ལས་སྣང་སྲིད་ཀུན༔ མཆོད་པའི་ཕྱག་རྒྱ་ཆེན་པོར་གསལ༔ ཀུན་བཟང་མཆོད་སྤྲིན་ཆེན་པོར་གྱུར༔ ཨོཾ་བཛྲ་སྥ་ར་ཎ་ཁཾ༔ ཞེས་བྱིན་གྱིས་བརླབ། རྟེན་གཏོར་བྲིས་སྐུ་དང་བཅས་པ། ཨ་མྲྀ་ཏས་བསང་། སྭ་བྷཱ་བས་སྦྱང་། སྟོང་པའི་ངང་ལས་སྐད་ཅིག་གིས། །མདུན་དུ་སྐྱེད་ཚལ་ཉམས་དགའི་དབུས༔ ཞེས་པ་ནས་བསྟོད་པའི་བར་ཕྲིན་ལས་གཞུང་ལྟར་བཏང་། མདུན་བསྐྱེད་ལྷ་མོ་མཆེད་གསུམ་གྱི། །ཐུགས་ཀར་ཉི་སྟེང་ཧྲཱིཿཡིག་མཐར༔ རང་རང་སྔགས་ཀྱི་ཕྲེང་བས་བསྐོར༔ རང་གི་ཐུགས་ཀའི་འོད་ཟེར་གྱིས༔ གནོད་སྦྱིན་ཕོ་མོའི་ཐུགས་རྒྱུད་བསྐུལ༔ ཧྲཱིཿལས་འོད་ཟེར་ལྕགས་ཀྱུའི་དབྱིབས༔ འཁོར་འདས་ཀུན་ཏུ་འཕྲོས་པ་ཡིས༔ མཁྱེན་ལྡན་འབྱོར་ལྡན་བསོད་ནམས་ཅན༔ དབང་ཐང་ཅན་གྱི་ཚེ་བསོད་དཔལ༔ ཟས་གོས་ནོར་རྣམས་ཐམས་ཅད་ཀུན༔ གནས་འདིར་བསྡུས་ཤིང་ཐིམ་པར་གྱུར༔ ཞེས་བཟླས་དམིགས་གསལ་བཏབ་ལ། ཨོཾ་ཨི་ལིང་ཀི༔ པི་ལིང་ཀི༔ ཀི་ལིང་ཀི་སྭཱ་ཧཱ༔ གོས་ཀྱི་ལྷ་མོའིའོ། །ཨོཾ་ན་མོ་ཤུ་ཏྲ་མུ་ཏྲི་མ་ཧཱ་བི་ཤཱ་ཙི་ན་ཡེ་སྭཱ་ཧཱ༔ ནོར་གྱི་ལྷ་མོའིའོ། །ཨོཾ་ཨ་ན་ལེ༔ ཀུན་དྷ་ལེ༔ གྷྲི་ཧྞ༔ པི་ཎ་དྷ༔ པི་ཤཱ་ཙི་ན་ཡེ་སྭཱ་ཧཱ༔ ཟས་ཀྱི་ལྷ་མོའིའོ། །དེ་ལྟ་བུའི་བཟླས་པ་ཅི་རིགས་པའི་རྗེས་སུ་བུམ་པ་སྒྲུབ་པ་ནི། བུམ་པ་བསང་སྦྱང་། སྟོང་པའི་ངང་ལས་སྐད་ཅིག་གིས། །བྷྲཱུྃ་ཡིག་ཡོངས་གྱུར་བུམ་པ་ནི། །བདུད་རྩིའི་བཅུད་ཀྱིས་གང་བའི་ནང་། །པདྨ་ཟླ་བའི་གདན་གྱི་སྟེང་། །དབུས་སུ་དྷཱིཿལས་འཇམ་པའི་དབྱངས། །གསེར་མདོག་རལ་གྲི་ཨུཏྤལ་བསྣམས། །གཡས་སུ་ཧྲཱིཿལས་སྤྱན་རས་གཟིགས། །དཀར་པོ་མཆོག་སྦྱིན་ཨུཏྤལ་བསྣམས། །གཡོན་དུ་ཧཱུྃ་ལས་གསང་བའི་བདག །མཐིང་ག་རྡོ་རྗེ་ཨུཏྤལ་བསྣམས། །གསུམ་ཀ་དར་དང་རིན་ཆེན་བརྒྱན། །ཞབས་ཟུང་སེམས་དཔའི་སྐྱིལ་ཀྲུང་བཞུགས། །དམ་ཚིག་ཡེ་ཤེས་དབྱེར་མེད་པའི། །སྐུ་ལས་བདུད་རྩིའི་རྒྱུན་བབས་པས། །བུམ་པ་ཡོངས་སུ་གང་བར་གྱུར། །ཨོཾ་ཝཱ་གཱི་ཤྭ་རི་མུྃ། ཨོཾ་མ་ཎི་པདྨེ་ཧཱུྃ། ཨོཾ་བཛྲ་པཱ་ཎི་ཧཱུྃ། ཞེས་སོ་སོར་ཅི་ནུས་བཟླས་མཐར། ཨོཾ་ཨཱཿཧཱུྃ་གིས། མཆོད་ཡོན་ཕུལ་བས་ལྷ་འོད་དུ་ཞུ་བས་བུམ་པའི་ཆུ་བདུད་རྩིར་བསམ། ལས་བུམ་དུ་བདུད་རྩི་འཁྱིལ་པ་བསྐྱེད་བཟླས་བྱ། མདུན་བསྐྱེད་ལ། ཧཱུྃ། དངོས་སུ་འབྱོར་དང་སོགས་མཆོད་བསྟོད་དང་། ཡི་གེ་བརྒྱ་པ་ལན་གསུམ་གྱི་མཐར། ལྷ་མོ་མཆེད་གསུམ་གྱིས་བདག་གི་རྡོ་རྗེ་སློབ་མ་རྣམས་རྗེས་སུ་བཟུང་ཞིང་ལས་ཀྱི་དངོས་གྲུབ་སྩལ་དུ་གསོལ། ཞེས་གསོལ་བ་བཏབ་པས་དགྱེས་བཞིན་ཏུ་གནང་བར་བསམ། དེ་ནས་སློབ་མ་རྣམས་ལས་བུམ་གྱི་ཆུས་ཁྲུས་བྱ། བགེགས་གཏོར་བཏང་། སྲུང་འཁོར་བསྒོམ། མེ་ཏོག་བཀྱེ་བསྡུ་གྲུབ་རྗེས། འོ། །ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་རྗེས་སུ་གནང་བ་ཟབ་མོ་གསན་སྙམ་པའི་ཐུགས་བསྐྱེད་དང་ལྡན་པའི་སྒོ་ནས་གསན་འཚལ། དེ་ལ་འདིར་གང་གསན་པར་བྱ་བའི་ཆོས་ནི། ཚད་མ་གསུམ་གྱིས་གྲུབ་ཅིང་། རྩོད་པ་ཐམས་ཅད་དང་བྲལ་བའི་སྤྲུལ་པའི་གཏེར་སྟོན་ཆེན་པོ་ཨོ་རྒྱན་མཆོག་གྱུར་བདེ་ཆེན་གླིང་པས། མདོ་ཁམས་འོག་མིན་ཀརྨའི་དམ་ཅན་བྲག་ནས་རྩ་བ་དང་། ཡེལ་བྲག་ནམ་མཁའ་མཛོད་ནས་ཡན་ལག་མཐའ་རྒྱས་ཀྱི་ཆོས་སྐོར་རྣམས་སྤྱན་དྲངས་པའི། དུས་གསུམ་མཁྱེན་པ་ཨོ་རྒྱན་ཆེན་པོ་སོགས་འཕགས་བོད་གྲུབ་ཐོབ་རྒྱ་མཚོའི་ཐུགས་བཅུད། རྒྱུད་ལུང་མན་ངག་ཐམས་ཅད་ཀྱི་སྙིང་པོ། ཟབ་རྒྱས་ཀྱི་གདམས་པ་རྒྱ་མཚོ་ལྟ་བུའི་ཡང་ཞུན། སྔོན་ཆད་སའི་སྟེང་ན་ཡོངས་སུ་མ་གྲགས་པའི་དམ་ཆོས་ཟབ་པ་སྐོར་བདུན་གྱི་ནང་གསེས་ཡན་ལག་མཐའ་རྒྱས་ཀྱི་ཆོས་སྡེ་ལས། གནས་སྐབས་སུ་ཆོས་སྒྲུབ་པའི་མཐུན་རྐྱེན་ཟས་གོས་ནོར་གསུམ་གྱི་འབྱོར་པས་ཚོགས་གཉིས་རླབས་པོ་ཆེ་དུས་མྱུར་བ་ཉིད་དུ་རྫོགས་པ་ལ་བརྟེན་ནས། མཐར་ཐུག་འགྲོ་བའི་རེ་འདོད་ཡིད་བཞིན་དུ་སྐོང་བའི་བྱང་ཆུབ་སྙིང་པོའི་གོ་འཕང་མངོན་དུ་སྩོལ་ནུས་པ་ནོར་ལྷ་ཁྱད་པར་ཅན་ཀུན་འཁྱིལ་མཆེད་གསུམ་གྱི་རྗེས་སུ་གནང་བའི་རིམ་པ་ཟབ་མོ་བསྒྲུབ་པ་ལ་སློབ་དཔོན་གྱི་བྱ་བ་རྣམས་གྲུབ་ནས། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ཐོག་མར་སློབ་དཔོན་ལ་རྩ་གསུམ་ཀུན་འདུས་འཆི་མེད་པདྨ་ཐོད་ཕྲེང་དངོས་ཡིན་སྙམ་པའི་མོས་གུས་དང་ལྡན་པའི་སྒོ་ནས་རྗེས་གནང་ཟབ་མོ་ཞུ་བའི་ཡོན་དུ་མཎྜལ་ཕུལ་མཛོད། དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། བསོད་ནམས་ཡེ་ཤེས་ཚོགས་རྫོགས་པའིཿ བླ་མ་སངས་རྒྱས་དགོངས་སུ་གསོལ༔ བྱང་ཆུབ་ལམ་གྱི་མཐུན་རྐྱེན་ཀུན༔ བསྒྲུབ་ཕྱིར་ལྷ་མོའི་རྗེས་གནང་སྩོལ༔ རྒྱུད་སྦྱང་བའི་སླད་དུ། མདུན་གྱི་ནམ་མཁར་བླ་མ་དང་གཉིས་སུ་མེད་པའི་རྩ་གསུམ་ནོར་ལྷ་རྒྱ་མཚོ་ཞལ་མངོན་སུམ་དུ་བཞུགས་པའི་སྤྱན་སྔར་སྐྱབས་སུ་འགྲོ་བ་སོགས་ཡན་ལག་བདུན་པ་འདིའི་རྗེས་ཟློས་ལན་གསུམ་མཛོད། དཀོན་མཆོག་གསུམ་ལ་བདག་སྐྱབས་མཆི། །སོགས་སྤྱི་ལྟར། དངོས་གཞི་ལ་སྐུ་གསུང་ཐུགས་ཀྱི་ལྷ་མོའི་རྗེས་སུ་གནང་བ་གསུམ་ལས། ཐོག་མར་སྐུ་ཡི་ལྷ་མོའི་རྗེས་གནང་གི་སླད་དུ་དམིགས་པ་འདི་བཞིན་ཏུ་མཛོད། ཨོཾ་མ་ཧཱ་ཤཱུནྱ་ཏཱ་སོགས། སྟོང་པའི་ངང་ལས་ཁྱེད་རང་རྣམས་གང་དུ་གནས་པའི་གོ་སར་སྐྱེད་ཚལ་ཉམས་དགའ་བའི་དབུས་སུ་རིན་པོ་ཆེའི་ལྗོན་ཤིང་དཔང་མཐོ་བ། མེ་ཏོག་དམར་པོ་བཀྲ་བའི་དྲུང་དུ་ཨུཏྤལ་དམར་པོ་ཉི་མའི་གདན་དང་བཅས་པའི་དབུས་སུ་སེམས་ཉིད་ཀྱི་ངོ་བོ་ཧྲཱིཿལྗང་གུ་ལས་ཁྱེད་རང་རྣམས་སྐད་ཅིག་གིས་གོས་ཀྱི་ལྷ་མོ་སྐུ་མདོག་ལྗང་གུ་ཕྱག་གཡས་གསེར་གྱི་དགྲ་སྟྭ་དང་གཡོན་ཐོད་པ་རིན་པོ་ཆེས་གང་བ་བསྣམས་པ། ལེ་བརྒན་དར་གྱི་ན་བཟའ་དང་། གསེར་གྱི་སྐ་རགས་བཅིང་ཞིང་། རིན་པོ་ཆེ་དང་རུས་པའི་རྒྱན་གྱིས་སྤྲས་པ་ཤ་རྒྱས་པ་མཛེས་ཤིང་སྒེག་པའི་ཉམས་ཅན་ཡེ་ཤེས་སྒྱུ་མའི་སྐུ་ཅན་དུ་ལམ་སྟེ་གསལ་བའི་གནས་གསུམ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པའི་ཚོགས་བསམ་གྱིས་མི་ཁྱབ་པ་སྤྱན་དྲངས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད། ཨོཾ་ཨི་ལིང་ཀི༔ པི་ལིང་ཀི༔ ཀི་ལིང་ཀི་སྭཱ་ཧཱ༔ ཨཱ་བེ་ཤ་ཡ་ཨ་ཨཱཿ ཛཿཧཱུྃ་བྃ་ཧོཿ ཞེས་སྤོས་རོལ་དང་བཅས་ཡེ་ཤེས་དབབ་ཅིང་བསྟིམ། སླར་ཡང་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་ནམ་མཁའ་གང་བར་སྤྱན་དྲངས་པ་དང་ལྷན་ཅིག་ཏུ་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱིས་གང་བས་དབང་བསྐུར་བའི་མོས་པ་མཛོད། ཨོཾ་སརྦ་ཏ་ཐཱ་ག་ཏ་ཨབྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར་སྐུ་གང་དྲི་མ་དག །ཆུ་ཡི་ལྷག་མ་ཡར་ལུད་པ་ལས་འཇམ་པའི་དབྱངས་ཀྱིས་དབུར་བརྒྱན་པའི་མོས་པ་མཛོད། དེ་ནི་རྗེས་གནང་གི་གཞི་དགོད་པའོ། །དེ་ལ་བརྟེན་ནས་སྐུ་གསུང་ཐུགས་ཀྱི་རྗེས་སུ་གནང་བ་སྦྱིན་པ་ལ། ཐོག་མར་སྐུ་ཡི་རྟེན་དང་གཏོར་མ་སྤྱི་བོར་བཞག་པས་ལྷ་མོའི་སྐུ་དབང་དུ་འདུས་ཏེ། སྐུའི་རྗེས་སུ་གནང་བ་ཐོབ་པའི་མོས་པ་མཛོད། ཧཱུྃ༔ རྒྱལ་བ་ཀུན་གྱི་སྐུ་ཡི་སྤྲུལ་པ་སྟེ༔ སྒྲུབ་པ་པོ་ལ་གོས་ཀྱི་དངོས་གྲུབ་སྩོལ༔ རྒྱལ་བའི་སྤྱན་སྔར་ཁྱེད་ཀྱིས་དམ་བཅས་ལྟར༔ ཞལ་བཞེས་བཞིན་དུ་དངོས་གྲུབ་འགྲུབ་པར་མཛོད། ཨོཾ་ཨི་ལིང་ཀི༔ པི་ལིང་ཀི༔ ཀི་ལིང་ཀི་སྭཱ་ཧཱ༔ གསུང་བཟླས་ལུང་གི་སླད་དུ་མདུན་བསྐྱེད་ཀྱི་ལྷ་མོའི་ཐུགས་ཀའི་ས་བོན་ལས་སྔགས་ཕྲེང་བྱུང་། ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀའི་ས་བོན་གྱི་མཐར་འཁོར་བའི་མོས་པ་དང་བཅས་སྔགས་ཀྱི་རྗེས་ཟློས་ལན་གསུམ་བགྱིས་པས་གསུང་གི་དངོས་གྲུབ་མ་ལུས་པ་ཐོབ་པའི་མོས་པ་མཛོད། ཨོཾ་ཨི་ལིང་ཀི༔ པི་ལིང་ཀི༔ ཀི་ལིང་ཀི་སྭཱ་ཧཱ༔ ཐུགས་ཀྱི་རྗེས་གནང་གི་སླད་དུ་ལྷ་མོའི་ཐུགས་དང་ཁྱེད་རང་རྣམས་ཀྱི་སེམས་དབྱེར་མེད་དུ་བསྲེས་ཏེ་དུས་གསུམ་གྱི་རྣམ་པར་རྟོག་པའི་རྗེས་སུ་མ་འབྲང་བར་མཉམ་པར་འཇོག་མཛོད། དེས་ལྷ་མོའི་ཐུགས་དབང་དུ་འདུས་ཏེ་ཐུགས་ཀྱི་བྱིན་རླབས་དང་དངོས་གྲུབ་མ་ལུས་པ་ཐོབ་པ་ཡིན་ནོ། །དེ་ནས་གསུང་གི་ལྷ་མོའི་རྗེས་གནང་གི་སླད་དུ་དམིགས་པ་འདི་བཞིན་མཛོད། ཨོཾ་མ་ཧཱ་ཤཱུ་ནྱ་ཏཱ་སོགས། སྟོང་པའི་ངང་ལས་ཁྱེད་རང་རྣམས་གང་དུ་གནས་པའི་གོ་སར་སྐྱེད་ཚལ་ཉམས་དགའ་བའི་དབུས་སུ་རིན་པོ་ཆེའི་ལྗོན་ཤིང་དཔང་མཐོ་བ། མེ་ཏོག་དམར་པོ་བཀྲ་བའི་དྲུང་དུ་ཨུཏྤལ་དམར་པོ་ཉི་མའི་གདན་དང་བཅས་པའི་དབུས་སུ་སེམས་ཉིད་ཀྱི་ངོ་བོ་ཧྲཱིཿདམར་པོ་ལས་ཁྱེད་རང་རྣམས་སྐད་ཅིག་གིས་ཟས་ཀྱི་ལྷ་མོ་སྐུ་མདོག་དམར་པོ་ཕྱག་གཡས་གསེར་གྱི་དགྲ་སྟྭ་དང་གཡོན་ཐོད་པ་རིན་པོ་ཆེས་གང་བ་བསྣམས་པ། ལེ་བརྒན་དར་གྱི་ན་བཟའ་དང་། གསེར་གྱི་སྐ་རགས་བཅིང་ཞིང་། རིན་པོ་ཆེ་དང་རུས་པའི་རྒྱན་གྱིས་སྤྲས་པ་ཤ་རྒྱས་ཤིང་མཛེས་པ་སྒེག་པའི་ཉམས་ཅན་ཡེ་ཤེས་སྒྱུ་མའི་སྐུ་ཅན་དུ་ལམ་སྟེ་གསལ་བའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པའི་ཚོགས་བསམ་གྱིས་མི་ཁྱབ་པ་སྤྱན་དྲངས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད། ཨོཾ་ཨ་ན་ལེ༔ ཀུནྡྷ་ལེ༔ གྷྲྀཧྣ༔ བི་ཎ་དྷ༔ པི་ཤཱ་ཙི་ན་ཡེ་སྭཱ་ཧཱ༔ ཨཱ་བེ་ཤ་ཡ་ཨ་ཨཱ༔ ཛཿཧཱུྃ་བྃ་ཧོ༔ སླར་ཡང་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་ནམ་མཁའ་གང་བར་སྤྱན་དྲངས་པ་དང་ལྷན་ཅིག་ཏུ་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱིས་གང་བས་དབང་བསྐུར་བའི་མོས་པ་མཛོད། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཞེས་གསུང་ཞིང་བུམ་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་སྤྱན་རས་གཟིགས་ཀྱིས་དབུར་བརྒྱན་པའི་མོས་པ་མཛོད། དེ་ནི་རྗེས་གནང་གི་གཞི་དགོད་པའོ། །དེ་ལ་བརྟེན་ནས་སྐུ་གསུང་ཐུགས་ཀྱི་རྗེས་སུ་གནང་བ་སྦྱིན་པ་ལ། ཐོག་མར་སྐུའི་རྟེན་དང་གཏོར་མ་སྤྱི་བོར་བཞག་པས་ལྷ་མོའི་སྐུ་དབང་དུ་འདུས། སྐུའི་རྗེས་སུ་གནང་བ་ཐོབ་པའི་མོས་པ་མཛོད། ཧཱུྃ། རྒྱལ་བ་ཀུན་གྱི་གསུང་གི་སྤྲུལ་པ་སྟེ༔ སྒྲུབ་པ་པོ་ལ་ཟས་ཀྱི་དངོས་གྲུབ་སྩོལ༔ རྒྱལ་བའི་སྤྱན་སྔར་ཁྱོད་ཀྱིས་དམ་བཅས་ལྟར༔ ཞལ་བཞེས་བཞིན་དུ་དངོས་གྲུབ་འགྲུབ་པར་མཛོད༔ ཨོཾ་ཨ་ན་ལེ༔ ཀུནྡྷ་ལེ༔ གྷྀ་ཧྞ༔ བི་ཎ་དྷ༔ པི་ཤཱ་ཙི་ན་ལེ་སྭཱ་ཧཱ༔ གསུང་བཟླས་ལུང་གི་སླད་དུ་མདུན་གྱི་ལྷ་མོའི་ཐུགས་ཀའི་ས་བོན་ལས་སྔགས་ཕྲེང་བྱུང་། ཞལ་ནས་ཐོན་ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀའི་ས་བོན་གྱི་མཐར་འཁོད་པའི་མོས་པ་དང་བཅས་སྔགས་ཀྱི་རྗེས་ཟློས་ལན་གསུམ་བགྱིས་པས་གསུང་གི་དངོས་གྲུབ་མ་ལུས་པ་ཐོབ་པའི་མོས་པ་མཛོད། ཨོཾ་ཨ་ན་ལེ༔ ཀུནྡྷ་ལེ༔ གྷྲྀཧྞ༔ བི་ཎ་དྷ༔ པི་ཤཱ་ཙི་ན་ཡེ་སྭཱ་ཧཱ། ཐུགས་ཀྱི་རྗེས་སུ་གནང་བའི་སླད་དུ་ལྷ་མོའི་ཐུགས་དང་ཁྱེད་རང་རྣམས་ཀྱི་སེམས་དབྱེར་མེད་དུ་བསྲེས་ཏེ་དུས་གསུམ་གྱི་རྣམ་པར་རྟོག་པའི་རྗེས་སུ་མ་འབྲང་བར་མཉམ་པར་འཇོག་མཛོད། དེས་ལྷ་མོའི་ཐུགས་དབང་དུ་འདུས་ཏེ་ཐུགས་ཀྱི་བྱིན་རླབས་དང་དངོས་གྲུབ་མ་ལུས་པ་ཐོབ་པ་ཡིན་ནོ། །དེ་ནས་ཐུགས་ཀྱི་ལྷ་མོའི་རྗེས་གནང་གི་སླད་དུ་དམིགས་པ་འདི་བཞིན་མཛོད། ཨོཾ་མ་ཧཱ་ཤཱུ་ནྱ་ཏཱ་སོགས། སྟོང་པའི་ངང་ལས་ཁྱེད་རང་རྣམས་གང་དུ་གནས་པའི་གོ་སར་སྐྱེད་ཚལ་ཉམས་དགའ་བའི་དབུས་སུ་རིན་པོ་ཆེའི་ལྗོན་ཤིང་དཔང་མཐོ་བ། མེ་ཏོག་དམར་པོ་བཀྲ་བའི་དྲུང་དུ་ཨུཏྤལ་དམར་པོ་ཉི་མའི་གདན་དང་བཅས་པའི་དབུས་སུ་སེམས་ཉིད་ཀྱི་ངོ་བོ་ཧྲཱི༔མཐིང་ག་ལས། ཁྱེད་རང་རྣམས་ནོར་གྱི་ལྷ་མོ་སྐུ་མདོག་མཐིང་ག་ཕྱག་གཡས་གསེར་གྱི་དགྲ་སྟྭ་དང་། གཡོན་ཐོད་པ་རིན་པོ་ཆེས་གང་བ་བསྣམས་པ། ལེ་བརྒན་དར་གྱི་ན་བཟའ་དང་གསེར་གྱི་སྐ་རགས་བཅིང་ཞིང་། རིན་པོ་ཆེ་དང་རུས་པའི་རྒྱན་གྱིས་སྤྲས་པ་ཤ་རྒྱས་ཤིང་མཛེས་པ་སྒེག་པའི་ཉམས་ཅན་ཡེ་ཤེས་སྒྱུ་མའི་སྐུ་ཅན་དུ་ལམ་སྟེ་གསལ་བའི་གནས་གསུམ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པའི་ཚོགས་བསམ་གྱིས་མི་ཁྱབ་པ་སྤྱན་དྲངས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད། ཨོཾ་ན་མོ་ཤུ་ཏྲ་མུ་ཏྲི་མ་ཧཱ་པི་ཤཱ་ཙི་ན་ཡེ་སྭཱ་ཧཱ༔ ཨཱ་བེ་ཤ་ཡ་ཨ་ཨཱཿ ཛཿཧཱུྃ་བྃ་ཧོཿ སླར་ཡང་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་ནམ་མཁའ་གང་བར་སྤྱན་དྲངས་པ་དང་ལྷན་ཅིག་ཏུ་རིན་པོ་ཆེའི་བུམ་པ་བདུད་རྩིའི་ཆུ་རྒྱུན་གྱིས་གང་བས་དབང་བསྐུར་བའི་མོས་པ་མཛོད། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཧཱུྃ། ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་དཔལ་ཕྱག་ན་རྡོ་རྗེས་དབུར་བརྒྱན་པའི་མོས་པ་མཛོད། དེ་ནི་རྗེས་གནང་གི་གཞི་དགོད་པའོ། །དེ་ལ་བརྟེན་ནས་སྐུ་གསུང་ཐུགས་ཀྱི་རྗེས་སུ་གནང་བ་སྦྱིན་པས། ཐོག་མར་སྐུའི་རྟེན་དང་གཏོར་མ་སྤྱི་བོར་བཞག་པས་ལྷ་མོའི་སྐུ་དབང་དུ་འདུས་ཏེ། སྐུའི་རྗེས་སུ་གནང་བ་ཐོབ་པའི་མོས་པ་མཛོད། ཧཱུྃ། རྒྱལ་བ་ཀུན་གྱི་ཐུགས་ཀྱི་སྤྲུལ་པ་སྟེ༔ སྒྲུབ་པ་པོ་ལ་ནོར་གྱི་དངོས་གྲུབ་སྩོལ༔ རྒྱལ་བའི་སྤྱན་སྔར་ཁྱོད་ཀྱིས་དམ་བཅས་ལྟར༔ ཞལ་བཞེས་བཞིན་དུ་དངོས་གྲུབ་འགྲུབ་པར་མཛོད༔ ཨོཾ་ན་མོ་ཤུ་ཏྲ་མུ་ཏྲི་མ་ཧཱ་པི་ཤཱ་ཙི་ན་ཡེ་སྭཱ་ཧཱ༔ གསུང་བཟླས་ལུང་གི་སླད་དུ་མདུན་བསྐྱེད་ཀྱི་ལྷ་མོའི་ཐུགས་ཀའི་ས་བོན་ལས་སྔགས་ཕྲེང་བྱུང་། ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀའི་ས་བོན་གྱི་མཐར་འཁོད་པའི་མོས་པ་དང་བཅས་སྔགས་ཀྱི་རྗེས་ཟློས་ལན་གསུམ་བགྱིས་པས་གསུང་གི་དངོས་གྲུབ་མ་ལུས་པ་ཐོབ་པའི་མོས་པ་མཛོད། ཨོཾ་ན་མོ་ཤུ་ཏྲ་མུ་ཏྲི་མ་ཧཱ་པི་ཤཱ་ཙི་ན་ཡེ་སྭཱ་ཧཱ༔ ཐུགས་ཀྱི་རྗེས་སུ་གནང་བའི་སླད་དུ་ལྷ་མོའི་ཐུགས་དང་ཁྱེད་རང་རྣམས་ཀྱི་སེམས་དབྱེར་མེད་དུ་བསྲེས་ཏེ་དུས་གསུམ་གྱི་རྣམ་པར་རྟོག་པའི་རྗེས་སུ་མ་འབྲང་བར་མཉམ་པར་འཇོག་མཛོད། དེས་ལྷ་མོའི་ཐུགས་དབང་དུ་འདུས་ཏེ་ཐུགས་ཀྱི་བྱིན་རླབས་དང་དངོས་གྲུབ་མ་ལུས་པ་ཐོབ་པ་ཡིན་ནོ། །དེ་བརྟན་པར་བྱ་བའི་སླད་དུ་སློབ་དཔོན་མདུན་བསྐྱེད་དང་བཅས་པས་ཀྱང་མངའ་གསོལ་བའི་མོས་པ་མཛོད་ཅིག །བསོད་ནམས་རི་བོར་ཤིན་ཏུ་བརྟན་པ་སོགས་དང་། གནས་སྐབས་སུ་ཡང་འགལ་རྐྱེན་ཐམས་ཅད་ཞི། །མཐུན་རྐྱེན་ཚེ་དང་དཔལ་འབྱོར་རྒྱས་པ་དང་། །ཆོས་བཞིན་སྤྱོད་པའི་གྲོགས་དང་ལྷན་ཅིག་ཏུ། །བསམ་པའི་དོན་ཀུན་འགྲུབ་པའི་བཀྲ་ཤིས་ཤོག །དཔོན་སློབ་མི་འབྲལ་ལྷན་ཅིག་འགྲོགས། །སྐུ་ཚེ་མི་འགྱུར་སྲ་ཞིང་བརྟན། །ཇ་བཟང་བཞེས་སྤྲོ་རྒྱུན་མི་ཆད། །སྐྱིད་ལ་ཆོས་འཕེལ་བཀྲ་ཤིས་ཤོག །འབད་དང་སྩོལ་བས་མ་གོས་པའི། །སོགས་ཤིས་བརྗོད་ཅི་རིགས་པ་བྱ། དེ་རྣམས་ཀྱི་སྒོ་ནས་རྩ་གསུམ་ཚེའི་ཟབ་པའི་ཆ་ལག་ནོར་ལྷ་ཀུན་འཁྱིལ་མཆེད་གསུམ་གྱི་རྗེས་སུ་གནང་བ་ཕུལ་གྲུབ་པ་ལགས་པས་དེ་དག་གི་གནས་སྐབས་སུ་ཐོབ་པའི་དམ་ཚིག་དང་སྡོམ་པ་ལ་སྲུང་སྡོམ་གྱི་འདུན་པ་དྲག་པོས་འདིའི་རྗེས་ཟློས་ལན་གསུམ་མཛོད། གཙོ་བོས་ཇི་ལྟར་བཀའ་སྩལ་སོགས། རྗེས་གནང་ཟབ་མོ་ལེགས་པར་ཐོབ་པའི་བཀའ་དྲིན་གཏང་རག་གི་ཡོན་ཏུ་མཎྜལ་ཕུལ། སླར་ཡང་ལུས་ལོངས་སྤྱོད་ཐམས་ཅད་ཀྱང་འབུལ་སྙམ་པས་འདིའི་རྗེས་ཟློས་ལན་གསུམ་མཛོད། དེང་ནས་བརྩམ་སྟེ་སོགས། དེ་ལྟ་བུའི་དགེ་བའི་རྩ་བ་བྱང་ཆུབ་སྙིང་པོར་ཡོངས་སུ་བསྔོ་བ་འདི་ལྷན་ཅིག་ཏུ་གནང་བར་ཞུ། བསོད་ནམས་འདི་ཡིས་སོགས་བརྗོད་ལ་སློབ་མ་རང་གནས་སུ་གྱེས། གསུམ་པ་ནི། གཏང་རག་གི་མཆོད་པ་བསང་སྦྱང་བྱིན་གྱིས་བརླབ། ཧཱུྃ། དངོས་སུ་འབྱོར་དང་སོགས་མཆོད་བསྟོད། མ་རྙེད་ཡོངས་སུ་མ་ཚང་དང་། །གང་ཡང་ནུས་པ་མ་མཆིས་པས། །འདིར་ནི་བགྱི་བ་གང་ནོངས་པ། །དེ་ཀུན་ཁྱོད་ཀྱིས་བཟོད་མཛད་རིགས། །ཞེས་དང་ཡི་གེ་བརྒྱ་པ་ལན་གསུམ་གྱིས་ནོངས་པ་བཤགས། འདིར་ནི་རྟེན་དང་སོགས་ཀྱིས་མདུན་བསྐྱེད་བྲིས་སྐུ་ལ་བརྟན་བཞུགས་དང་། བསྔོ་སྨོན་ཤིས་བརྗོད་ཅི་ལྟར་རིགས་པས་མཐའ་བརྒྱན། རྟེན་གཏོར་མཛོད་ཀྱི་ཕུག་ཏུ་མཆོད་པ་དང་བཅས་ཏེ་བཞུགས་སུ་གསོལ་བས་དགེ་ལེགས་ཀྱི་འབྱོར་པ་རྒྱས་པར་འགྱུར་རོ། །སྲིད་ཞིའི་དགེ་མཚན་ལེགས་པའི་ཕུལ། །རྫོགས་ལྡན་སྤྲིན་ལས་འདོད་རྒུའི་ཆར། །འབེབ་པའི་ཆོ་ག་འདི་བགྱིས་པས། །ས་གསུམ་ཕན་བདེ་རྒྱས་གྱུར་ཅིག །ཅེས་པའང་ཟབ་ཆོས་འདི་ཉིད་ཀྱི་བདག་པོར་ཁྱད་པར་དུ་བསྔགས་པ་རྗེ་དབོན་མཆོག་སྤྲུལ་རིན་པོ་ཆེ་ཀརྨ་སྒྲུབ་བརྒྱུད་བསྟན་འཛིན་ཕྲིན་ལས་ལས་ཚུལ་འདིའི་བཀའ་དྲིན་ཐོག་མར་ནོད་པའི་སྐབས་ཟིན་བྲིས་སུ་བགྱིས་པ་ལས། སླར་ཡང་གསལ་བར་བྱེད་པ་པོ་ནི་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་སྟེ། དགེ་ལེགས་ཀྱི་འབྱོར་པས་འཇིག་རྟེན་ཀུན་ཏུ་ཁྱབ་པའི་རྒྱུར་སིདྡྷི་རསྟུ།། །།

[edit]

zab bdun kun 'khyil mched gsum rjes gnang 'dod dgu'i char 'bebs/ @#/_/zab bdun rtsa gsum tshe'i zab pa las/__nor sgrub kun 'khyil mched gsum gyi rjes gnang gi cho ga dge legs 'dod dgu'i 'char 'bebs zhes bya ba bzhugs so/__/oM swasti sid+d+hi rastu/__thugs rje'i sprin las 'dod rgu'i char/__/'bebs mkhas nor gyi lha mo la/__/btud nas de yi rjes gnang ni/__/dge legs shis pa'i rol mo 'khrol/__/gang zhig 'jig rten dang 'jig rten las 'das pa'i dngos grub kyi 'byor pa spyi dang /__bye brag zas gos nor gsum gyi 'du ba mtha' yas pas byang chub sgrub pa'i mthun rkyen rgyas pa'i phyir nor lha kun 'khyil mched gsum bsgrub par 'dod na/__thog mar 'di'i bka' gtad pa nod par bya ste/__de'i tshul la gsum/__sbyor ba/__dngos gzhi rjes so/__/dang po ni/__gnas dben par stegs bu'i dbus su maN+Dal gsum phreng tshar du bsgrigs par ut+pal 'dab brgyad lha mo so so'i sku mdog dang mthun par bri ba'am/__ma grub na me tog sil ma'i tshom bu bkod/__de'i steng du many+dzi'i khar thod pa mtshan ldan re re'i nang du dbus su nor gyi lha mo'i gtor ma 'brang rgyas nor bu 'bar ba'i dbyibs can mthing ga___/g.yas su gos kyi lha mo'i gtor ma 'brang rgyas nor dbyibs ljang gu/__g.yon tu zas kyi lha mo'i gtor ma 'brang rgyas nor bu'i dbyibs dmar po/__gsum ka'ang rtse rgyan gser gyi dgra s+t+was mtshan pa la rtswa ku sha'i chun po re btsugs par so so'i sku tsaka? btags/__sku mdog dang mthun pa'i dar gyi lding gur phub/__mtha' zas gos nor sna ci 'byor pas bskor/__de rnams las mtho ba'i many+dzi'i khar bum pa bcud ldan kha rgyan mgul chings dung chos gzungs rdor dang bcas pa/__mtha' skor du sman gtor rak+ta nyer spyod kyi mchod phreng tshar du dngar ba bsham/__gzhan yang slob dpon gyi mdun du las bum sogs dgos pa'i yo byad rnams 'du bya'o/__/gnyis pa ni/__bdag bskyed rtsa gsum gyi las gzhung rgyas bsdus gang rig bsrang ba sngon tu 'gro bas/__mdun bskyed kyi mchod pa la dmigs te/__ra~M ya~M kha~M:__oM AHhU~M:__chos rnams thams cad stong par gyur:__stong pa'i ngang las snang srid kun:__mchod pa'i phyag rgya chen por gsal:__kun bzang mchod sprin chen por gyur:__oM badz+ra s+pha ra Na khaM:__zhes byin gyis brlab/__rten gtor bris sku dang bcas pa/__a mr-i tas bsang /__swa b+hA bas sbyang /__stong pa'i ngang las skad cig gis/__/mdun du skyed tshal nyams dga'i dbus:__zhes pa nas bstod pa'i bar phrin las gzhung ltar btang /__mdun bskyed lha mo mched gsum gyi/__/thugs kar nyi steng hrIHyig mthar:__rang rang sngags kyi phreng bas bskor:__rang gi thugs ka'i 'od zer gyis:__gnod sbyin pho mo'i thugs rgyud bskul:__hrIHlas 'od zer lcags kyu'i dbyibs:__'khor 'das kun tu 'phros pa yis:__mkhyen ldan 'byor ldan bsod nams can:__dbang thang can gyi tshe bsod dpal:__zas gos nor rnams thams cad kun:__gnas 'dir bsdus shing thim par gyur:__zhes bzlas dmigs gsal btab la/__oM i ling ki:__pi ling ki:__ki ling ki swA hA:__gos kyi lha mo'i'o/__/oM na mo shu tra mu tri ma hA bi shA tsi na ye swA hA:__nor gyi lha mo'i'o/__/oM a na le:__kun d+ha le:__g+h+ri h+Na:__pi Na d+ha:__pi shA tsi na ye swA hA:__zas kyi lha mo'i'o/__/de lta bu'i bzlas pa ci rigs pa'i rjes su bum pa sgrub pa ni/__bum pa bsang sbyang /__stong pa'i ngang las skad cig gis/__/b+h+rU~M yig yongs gyur bum pa ni/__/bdud rtsi'i bcud kyis gang ba'i nang /__/pad+ma zla ba'i gdan gyi steng /__/dbus su d+hIHlas 'jam pa'i dbyangs/__/gser mdog ral gri ut+pal bsnams/__/g.yas su hrIHlas spyan ras gzigs/__/dkar po mchog sbyin ut+pal bsnams/__/g.yon du hU~M las gsang ba'i bdag__/mthing ga rdo rje ut+pal bsnams/__/gsum ka dar dang rin chen brgyan/__/zhabs zung sems dpa'i skyil krung bzhugs/__/dam tshig ye shes dbyer med pa'i/__/sku las bdud rtsi'i rgyun babs pas/__/bum pa yongs su gang bar gyur/__/oM wA gI shwa ri mu~M/__oM ma Ni pad+me hU~M/__oM badz+ra pA Ni hU~M/__zhes so sor ci nus bzlas mthar/__oM AHhU~M gis/__mchod yon phul bas lha 'od du zhu bas bum pa'i chu bdud rtsir bsam/__las bum du bdud rtsi 'khyil pa bskyed bzlas bya/__mdun bskyed la/__hU~M/__dngos su 'byor dang sogs mchod bstod dang /__yi ge brgya pa lan gsum gyi mthar/__lha mo mched gsum gyis bdag gi rdo rje slob ma rnams rjes su bzung zhing las kyi dngos grub stsal du gsol/__zhes gsol ba btab pas dgyes bzhin tu gnang bar bsam/__de nas slob ma rnams las bum gyi chus khrus bya/__bgegs gtor btang /__srung 'khor bsgom/__me tog bkye bsdu grub rjes/__'o/__/nam mkha' dang mnyam pa'i sems can thams cad kyi don du rdzogs pa'i sangs rgyas kyi go 'phang thob par bya/__de'i ched du rjes su gnang ba zab mo gsan snyam pa'i thugs bskyed dang ldan pa'i sgo nas gsan 'tshal/__de la 'dir gang gsan par bya ba'i chos ni/__tshad ma gsum gyis grub cing /__rtsod pa thams cad dang bral ba'i sprul pa'i gter ston chen po o rgyan mchog gyur bde chen gling pas/__mdo khams 'og min karma'i dam can brag nas rtsa ba dang /__yel brag nam mkha' mdzod nas yan lag mtha' rgyas kyi chos skor rnams spyan drangs pa'i/__dus gsum mkhyen pa o rgyan chen po sogs 'phags bod grub thob rgya mtsho'i thugs bcud/__rgyud lung man ngag thams cad kyi snying po/__zab rgyas kyi gdams pa rgya mtsho lta bu'i yang zhun/__sngon chad sa'i steng na yongs su ma grags pa'i dam chos zab pa skor bdun gyi nang gses yan lag mtha' rgyas kyi chos sde las/__gnas skabs su chos sgrub pa'i mthun rkyen zas gos nor gsum gyi 'byor pas tshogs gnyis rlabs po che dus myur ba nyid du rdzogs pa la brten nas/__mthar thug 'gro ba'i re 'dod yid bzhin du skong ba'i byang chub snying po'i go 'phang mngon du stsol nus pa nor lha khyad par can kun 'khyil mched gsum gyi rjes su gnang ba'i rim pa zab mo bsgrub pa la slob dpon gyi bya ba rnams grub nas/__khyed rang rnams kyi ngo skal du gyur pa thog mar slob dpon la rtsa gsum kun 'dus 'chi med pad+ma thod phreng dngos yin snyam pa'i mos gus dang ldan pa'i sgo nas rjes gnang zab mo zhu ba'i yon du maN+Dal phul mdzod/__de ltar maN+Dal phul nas gsol ba 'debs pa 'di'i rjes zlos lan gsum mdzod/__bsod nams ye shes tshogs rdzogs pa'iH__bla ma sangs rgyas dgongs su gsol:__byang chub lam gyi mthun rkyen kun:__bsgrub phyir lha mo'i rjes gnang stsol:__rgyud sbyang ba'i slad du/__mdun gyi nam mkhar bla ma dang gnyis su med pa'i rtsa gsum nor lha rgya mtsho zhal mngon sum du bzhugs pa'i spyan sngar skyabs su 'gro ba sogs yan lag bdun pa 'di'i rjes zlos lan gsum mdzod/__dkon mchog gsum la bdag skyabs mchi/__/sogs spyi ltar/__dngos gzhi la sku gsung thugs kyi lha mo'i rjes su gnang ba gsum las/__thog mar sku yi lha mo'i rjes gnang gi slad du dmigs pa 'di bzhin tu mdzod/__oM ma hA shUn+ya tA sogs/__stong pa'i ngang las khyed rang rnams gang du gnas pa'i go sar skyed tshal nyams dga' ba'i dbus su rin po che'i ljon shing dpang mtho ba/__me tog dmar po bkra ba'i drung du ut+pal dmar po nyi ma'i gdan dang bcas pa'i dbus su sems nyid kyi ngo bo hrIHljang gu las khyed rang rnams skad cig gis gos kyi lha mo sku mdog ljang gu phyag g.yas gser gyi dgra s+t+wa dang g.yon thod pa rin po ches gang ba bsnams pa/__le brgan dar gyi na bza' dang /__gser gyi ska rags bcing zhing /__rin po che dang rus pa'i rgyan gyis spras pa sha rgyas pa mdzes shing sgeg pa'i nyams can ye shes sgyu ma'i sku can du lam ste gsal ba'i gnas gsum oM AHhU~M gis mtshan pa las 'od zer 'phros/__bsgoms pa dang 'dra ba'i ye shes pa'i tshogs bsam gyis mi khyab pa spyan drangs/__khyed rang rnams la sib sib thim pas rgyud byin gyis brlabs pa'i mos pa mdzod/__oM i ling ki:__pi ling ki:__ki ling ki swA hA:__A be sha ya a AH__dzaHhU~M ba~M hoH__zhes spos rol dang bcas ye shes dbab cing bstim/__slar yang slob dpon gyi thugs ka nas 'od zer 'phros pas dbang gi lha nam mkha' gang bar spyan drangs pa dang lhan cig tu rin po che'i bum pa bdud rtsi'i chu rgyun gyis gang bas dbang bskur ba'i mos pa mdzod/__oM sarba ta thA ga ta ab+hi She ka te sa ma ya shrI hU~M/__zhes gsung zhing bum pa'i chus spyi bo nas dbang bskur sku gang dri ma dag__/chu yi lhag ma yar lud pa las 'jam pa'i dbyangs kyis dbur brgyan pa'i mos pa mdzod/__de ni rjes gnang gi gzhi dgod pa'o/__/de la brten nas sku gsung thugs kyi rjes su gnang ba sbyin pa la/__thog mar sku yi rten dang gtor ma spyi bor bzhag pas lha mo'i sku dbang du 'dus te/__sku'i rjes su gnang ba thob pa'i mos pa mdzod/__hU~M:__rgyal ba kun gyi sku yi sprul pa ste:__sgrub pa po la gos kyi dngos grub stsol:__rgyal ba'i spyan sngar khyed kyis dam bcas ltar:__zhal bzhes bzhin du dngos grub 'grub par mdzod/__oM i ling ki:__pi ling ki:__ki ling ki swA hA:__gsung bzlas lung gi slad du mdun bskyed kyi lha mo'i thugs ka'i sa bon las sngags phreng byung /__zhal nas thon/__khyed rang rnams kyi zhal du zhugs/__thugs ka'i sa bon gyi mthar 'khor ba'i mos pa dang bcas sngags kyi rjes zlos lan gsum bgyis pas gsung gi dngos grub ma lus pa thob pa'i mos pa mdzod/__oM i ling ki:__pi ling ki:__ki ling ki swA hA:__thugs kyi rjes gnang gi slad du lha mo'i thugs dang khyed rang rnams kyi sems dbyer med du bsres te dus gsum gyi rnam par rtog pa'i rjes su ma 'brang bar mnyam par 'jog mdzod/__des lha mo'i thugs dbang du 'dus te thugs kyi byin rlabs dang dngos grub ma lus pa thob pa yin no/__/de nas gsung gi lha mo'i rjes gnang gi slad du dmigs pa 'di bzhin mdzod/__oM ma hA shU n+ya tA sogs/__stong pa'i ngang las khyed rang rnams gang du gnas pa'i go sar skyed tshal nyams dga' ba'i dbus su rin po che'i ljon shing dpang mtho ba/__me tog dmar po bkra ba'i drung du ut+pal dmar po nyi ma'i gdan dang bcas pa'i dbus su sems nyid kyi ngo bo hrIHdmar po las khyed rang rnams skad cig gis zas kyi lha mo sku mdog dmar po phyag g.yas gser gyi dgra s+t+wa dang g.yon thod pa rin po ches gang ba bsnams pa/__le brgan dar gyi na bza' dang /__gser gyi ska rags bcing zhing /__rin po che dang rus pa'i rgyan gyis spras pa sha rgyas shing mdzes pa sgeg pa'i nyams can ye shes sgyu ma'i sku can du lam ste gsal ba'i gnas gsum du oM AHhU~M gis mtshan pa las 'od zer 'phros/__bsgoms pa dang 'dra ba'i ye shes pa'i tshogs bsam gyis mi khyab pa spyan drangs/__khyed rang rnams la sib sib thim pas rgyud byin gyis brlabs pa'i mos pa mdzod/__oM a na le:__kun+d+ha le:__g+hr-ih+na:__bi Na d+ha:__pi shA tsi na ye swA hA:__A be sha ya a A:__dzaHhU~M ba~M ho:__slar yang slob dpon gyi thugs ka nas 'od zer 'phros pas dbang gi lha nam mkha' gang bar spyan drangs pa dang lhan cig tu rin po che'i bum pa bdud rtsi'i chu rgyun gyis gang bas dbang bskur ba'i mos pa mdzod/__oM sarba ta thA ga ta a b+hi She ka te sa ma ya shrI hU~M/__zhes gsung zhing bum chus spyi bo nas dbang bskur/__sku gang /__dri ma dag__/chu'i lhag ma yar lud pa las spyan ras gzigs kyis dbur brgyan pa'i mos pa mdzod/__de ni rjes gnang gi gzhi dgod pa'o/__/de la brten nas sku gsung thugs kyi rjes su gnang ba sbyin pa la/__thog mar sku'i rten dang gtor ma spyi bor bzhag pas lha mo'i sku dbang du 'dus/__sku'i rjes su gnang ba thob pa'i mos pa mdzod/__hU~M/__rgyal ba kun gyi gsung gi sprul pa ste:__sgrub pa po la zas kyi dngos grub stsol:__rgyal ba'i spyan sngar khyod kyis dam bcas ltar:__zhal bzhes bzhin du dngos grub 'grub par mdzod:__oM a na le:__kun+d+ha le:__g+h-i h+Na:__bi Na d+ha:__pi shA tsi na le swA hA:__gsung bzlas lung gi slad du mdun gyi lha mo'i thugs ka'i sa bon las sngags phreng byung /__zhal nas thon khyed rang rnams kyi zhal du zhugs/__thugs ka'i sa bon gyi mthar 'khod pa'i mos pa dang bcas sngags kyi rjes zlos lan gsum bgyis pas gsung gi dngos grub ma lus pa thob pa'i mos pa mdzod/__oM a na le:__kun+d+ha le:__g+hr-ih+Na:__bi Na d+ha:__pi shA tsi na ye swA hA/__thugs kyi rjes su gnang ba'i slad du lha mo'i thugs dang khyed rang rnams kyi sems dbyer med du bsres te dus gsum gyi rnam par rtog pa'i rjes su ma 'brang bar mnyam par 'jog mdzod/__des lha mo'i thugs dbang du 'dus te thugs kyi byin rlabs dang dngos grub ma lus pa thob pa yin no/__/de nas thugs kyi lha mo'i rjes gnang gi slad du dmigs pa 'di bzhin mdzod/__oM ma hA shU n+ya tA sogs/__stong pa'i ngang las khyed rang rnams gang du gnas pa'i go sar skyed tshal nyams dga' ba'i dbus su rin po che'i ljon shing dpang mtho ba/__me tog dmar po bkra ba'i drung du ut+pal dmar po nyi ma'i gdan dang bcas pa'i dbus su sems nyid kyi ngo bo hrI:mthing ga las/__khyed rang rnams nor gyi lha mo sku mdog mthing ga phyag g.yas gser gyi dgra s+t+wa dang /__g.yon thod pa rin po ches gang ba bsnams pa/__le brgan dar gyi na bza' dang gser gyi ska rags bcing zhing /__rin po che dang rus pa'i rgyan gyis spras pa sha rgyas shing mdzes pa sgeg pa'i nyams can ye shes sgyu ma'i sku can du lam ste gsal ba'i gnas gsum oM AHhU~M gis mtshan pa las 'od zer 'phros/__bsgoms pa dang 'dra ba'i ye shes pa'i tshogs bsam gyis mi khyab pa spyan drangs/__khyed rang rnams la sib sib thim pas rgyud byin gyis brlabs pa'i mos pa mdzod/__oM na mo shu tra mu tri ma hA pi shA tsi na ye swA hA:__A be sha ya a AH__dzaHhU~M ba~M hoH__slar yang slob dpon gyi thugs ka nas 'od zer 'phros pas dbang gi lha nam mkha' gang bar spyan drangs pa dang lhan cig tu rin po che'i bum pa bdud rtsi'i chu rgyun gyis gang bas dbang bskur ba'i mos pa mdzod/__oM sarba ta thA ga ta a b+hi She ka te sa ma ya shrI hU~M/__zhes gsungs shing bum pa'i chus spyi bo nas dbang bskur/__sku gang /__dri ma dag__/chu'i lhag ma yar lud pa las dpal phyag na rdo rjes dbur brgyan pa'i mos pa mdzod/__de ni rjes gnang gi gzhi dgod pa'o/__/de la brten nas sku gsung thugs kyi rjes su gnang ba sbyin pas/__thog mar sku'i rten dang gtor ma spyi bor bzhag pas lha mo'i sku dbang du 'dus te/__sku'i rjes su gnang ba thob pa'i mos pa mdzod/__hU~M/__rgyal ba kun gyi thugs kyi sprul pa ste:__sgrub pa po la nor gyi dngos grub stsol:__rgyal ba'i spyan sngar khyod kyis dam bcas ltar:__zhal bzhes bzhin du dngos grub 'grub par mdzod:__oM na mo shu tra mu tri ma hA pi shA tsi na ye swA hA:__gsung bzlas lung gi slad du mdun bskyed kyi lha mo'i thugs ka'i sa bon las sngags phreng byung /__zhal nas thon/__khyed rang rnams kyi zhal du zhugs/__thugs ka'i sa bon gyi mthar 'khod pa'i mos pa dang bcas sngags kyi rjes zlos lan gsum bgyis pas gsung gi dngos grub ma lus pa thob pa'i mos pa mdzod/__oM na mo shu tra mu tri ma hA pi shA tsi na ye swA hA:__thugs kyi rjes su gnang ba'i slad du lha mo'i thugs dang khyed rang rnams kyi sems dbyer med du bsres te dus gsum gyi rnam par rtog pa'i rjes su ma 'brang bar mnyam par 'jog mdzod/__des lha mo'i thugs dbang du 'dus te thugs kyi byin rlabs dang dngos grub ma lus pa thob pa yin no/__/de brtan par bya ba'i slad du slob dpon mdun bskyed dang bcas pas kyang mnga' gsol ba'i mos pa mdzod cig__/bsod nams ri bor shin tu brtan pa sogs dang /__gnas skabs su yang 'gal rkyen thams cad zhi/__/mthun rkyen tshe dang dpal 'byor rgyas pa dang /__/chos bzhin spyod pa'i grogs dang lhan cig tu/__/bsam pa'i don kun 'grub pa'i bkra shis shog__/dpon slob mi 'bral lhan cig 'grogs/__/sku tshe mi 'gyur sra zhing brtan/__/ja bzang bzhes spro rgyun mi chad/__/skyid la chos 'phel bkra shis shog__/'bad dang stsol bas ma gos pa'i/__/sogs shis brjod ci rigs pa bya/__de rnams kyi sgo nas rtsa gsum tshe'i zab pa'i cha lag nor lha kun 'khyil mched gsum gyi rjes su gnang ba phul grub pa lags pas de dag gi gnas skabs su thob pa'i dam tshig dang sdom pa la srung sdom gyi 'dun pa drag pos 'di'i rjes zlos lan gsum mdzod/__gtso bos ji ltar bka' stsal sogs/__rjes gnang zab mo legs par thob pa'i bka' drin gtang rag gi yon tu maN+Dal phul/__slar yang lus longs spyod thams cad kyang 'bul snyam pas 'di'i rjes zlos lan gsum mdzod/__deng nas brtsam ste sogs/__de lta bu'i dge ba'i rtsa ba byang chub snying por yongs su bsngo ba 'di lhan cig tu gnang bar zhu/__bsod nams 'di yis sogs brjod la slob ma rang gnas su gyes/__gsum pa ni/__gtang rag gi mchod pa bsang sbyang byin gyis brlab/__hU~M/__dngos su 'byor dang sogs mchod bstod/__ma rnyed yongs su ma tshang dang /__/gang yang nus pa ma mchis pas/__/'dir ni bgyi ba gang nongs pa/__/de kun khyod kyis bzod mdzad rigs/__/zhes dang yi ge brgya pa lan gsum gyis nongs pa bshags/__'dir ni rten dang sogs kyis mdun bskyed bris sku la brtan bzhugs dang /__bsngo smon shis brjod ci ltar rigs pas mtha' brgyan/__rten gtor mdzod kyi phug tu mchod pa dang bcas te bzhugs su gsol bas dge legs kyi 'byor pa rgyas par 'gyur ro/__/srid zhi'i dge mtshan legs pa'i phul/__/rdzogs ldan sprin las 'dod rgu'i char/__/'beb pa'i cho ga 'di bgyis pas/__/sa gsum phan bde rgyas gyur cig__/ces pa'ang zab chos 'di nyid kyi bdag por khyad par du bsngags pa rje dbon mchog sprul rin po che karma sgrub brgyud bstan 'dzin phrin las las tshul 'di'i bka' drin thog mar nod pa'i skabs zin bris su bgyis pa las/__slar yang gsal bar byed pa po ni mtsho skyes bla ma dgyes pa'i 'bangs mkhyen brtse'i dbang po ste/__dge legs kyi 'byor pas 'jig rten kun tu khyab pa'i rgyur sid+d+hi rastu//__//