JKW-KABUM-14-PHA-012-005

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 14, sde tshan 12, Text 5, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 14: . Khams sde dge rdzong sar dgon: Rdzong sar blo gros phun tshogs, 2020.
Genre
Cycle	པདྨའི་ཞལ་གདམས་རྩ་གསུམ་མཐོང་བ་རང་གྲོལ་ (pad+ma'i zhal gdams rtsa gsum mthong ba rang grol)
Parent Cycle	གྲོལ་ཏིག་དགོངས་པ་རང་གྲོལ་གྱི་ཆོས་སྡེ་ (grol tig dgongs pa rang grol gyi chos sde)
Deity	pad+ma 'byung gnas

1 Texts in this Section (sde tshan or chos tshan)

5 187-193	ཐུགས་སྒྲུབ་གསུམ་དྲིལ་ཡང་གསེར་སྙིང་པོའི་མན་ངག་བཀླགས་ཆོག་ཏུ་བཀོད་པ་དབང་གི་ལྕགས་ཀྱུ། thugs sgrub gsum dril yang gser snying po'i man ngag bklags chog tu bkod pa dbang gi lcags kyu Daily Practice - rgyun khyer	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཐུགས་སྒྲུབ་གསུམ་དྲིལ་ཡང་གསེར་སྙིང་པོའི་མན་ངག་བཀླགས་ཆོག་ཏུ་བཀོད་པ་དབང་གི་ལྕགས་ཀྱུ། ༄༅། །ཐུགས་སྒྲུབ་གསུམ་དྲིལ་ཡང་གསེར་སྙིང་པོའི་མན་ངག་བཀླགས་ཆོག་ཏུ་བཀོད་པ་དབང་གི་ལྕགས་ཀྱུ་ཞེས་བྱ་བ་བཞུགས་སོ། །ན་མོ་གུ་རུ་ཨདྷི་དེ་བཱ་ཡ། འདིར་ཆོས་ཀྱི་རྒྱལ་པོ་འགྲོ་འདུལ་པྲཛྙཱ་རསྨིའི་ཟབ་གཏེར་གྱི་གསང་བ་ཐུགས་སྒྲུབ་གསུམ་དྲིལ་གྱི་སྙིང་པོའི་མན་ངག་རྒྱུན་དུ་ཉམས་སུ་བླང་བའི་ཚུལ་ནི་སྐྱབས་སེམས་སྔོན་དུ་འགྲོ་བས། ཨོཾ་མ་ཧཱ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་པའི་ངང་ལས་རང་ཉིད་སྐད་ཅིག་གིས༔ ཁྲོ་བོའི་རྒྱལ་པོ་འཇམ་དཔལ་གཤིན་རྗེའི་གཤེད༔ སྐུ་མདོག་དམར་ནག་དུར་ཁྲོད་ཆས་བརྒྱད་ཅན༔ ཕྱག་གཡས་རལ་གྲི་གཡོན་པས་སྡིགས་མཛུབ་རྩེར༔ ཡེ་ཤེས་མེ་ཡི་ཚྭ་ཚྭ་རབ་ཏུ་འཕྲོ༔ ཞལ་གདངས་མཆེ་གཙིགས་སྤྱན་གསུམ་རྣམ་པར་བགྲད༔ ཞབས་གཉིས་རབ་བགྲད་དྲེགས་པ་མ་ལུས་མནན༔ དེ་ཡི་ཐུགས་ཀར་པད་ཉི་ཟླའི་སྟེང་༔ བདག་ཉིད་གསུང་གི་དབང་ཕྱུག་པདྨ་ནི༔ དཀར་དམར་མདངས་ལྡན་ཕྱག་གཡས་རྡོ་རྗེ་འཕྱར༔ གཡོན་པས་བུམ་ཐོད་བདུད་རྩིས་གང་བ་བསྣམས༔ རོལ་པའི་འདུག་སྟངས་འགྱིང་བག་ལྡན་པ་ཡི༔ ཐུགས་ཀར་པདྨ་ཉི་ཟླའི་གདན་སྟེང་དུ༔ རང་ཉིད་ལས་སྤྲུལ་ཡང་དག་ཐུགས་རྡོ་རྗེ༔ སྐུ་མདོག་མཐིང་ནག་ཁམས་གསུམ་དབང་དུ་སྡུད༔ ཕྱག་གཉིས་ཐུགས་ཀར་ཕུར་བུ་བསྒྲིལ་སྟབས་ཚུལ༔ ཞབས་གཉིས་རབ་བགྲད་དུར་ཁྲོད་ཆས་དང་ལྡན༔ ཐུགས་ཀར་པད་ཉིའི་སྟེང་དུ་ཧཱུྃ་མཐིང་ནག༔ འོད་ཟེར་སྟེང་འོག་ཕྱོགས་མཚམས་ཀུན་འཕྲོས་པས༔ ཁམས་གསུམ་འཁོར་བ་མ་ལུས་དབང་སྡུད་ཅིང་༔ འགྲོ་བ་དམིགས་པའི་ཡུལ་དུ་གྱུར་པ་ཡི༔ སྙིང་དབུས་ནྲྀ་སོགས་ས་བོན་ལ་ཕོག་པས༔ ཅུང་ཟད་གཡོ་བའི་ངང་ནས་ཚེ་བསོད་ནམས༔ ལུས་ངག་ཡིད་གསུམ་མ་ལུས་དབང་དུ་བསྡུས༔ རང་ཉིད་ལ་ཐིམ་གཟི་བརྗིད་འོད་དུ་འགྱུར༔ ཅེས་གསལ་བཏབ་ནས། ཨོཾ་ཨཱཿཧཱུྃ་ཡ་མཱནྟ་ཀ་ཧཱུྃ་ཕཊ༔ ཅེས་ཡི་དམ་གཤིན་རྗེའི་གཤེད་ཀྱི་བསྙེན་སྔགས་བརྒྱ་རྩ་སོགས་ཇི་ལྟར་རིགས་པའི་མཐར། དབང་དུ་བསྡུ་བྱ་དམིགས་བསལ་ཡོད་ན་མིང་སྤེལ། སྤྱིར་བཏང་སརྦ་ལོ་ཀ་ཀཱ་ཡ་ཝཱ་ཀ་ཙིཏྟ་ཨཱ་ཡུཛྙཱ་ན་པུཎྱེ་ཝ་ཤཾ་ཀུ་རུ་སྭཱ་ཧཱ༔ ཞེས་ཅུང་ཟད་བཟླ། དེ་བཞིན་དུ། ཨོཾ་ཨཱཿཧཱུྃ་མ་ཧཱ་གུ་རུ་པདྨ་སརྦ་ལོ་ཀ་ཀཱ་ཡ་ཝཱ་ཀ་ཙིཏྟ་ཨཱ་ཡུཛྙཱ་ན་པུཎྱེ་ཝ་ཤཾ་ཀུ་རུ་སྭཱ་ཧཱ༔ ཞེས་བླ་མའི་སྔགས་དང་ཧཱུྃ་ཧཱུྃ་ཧཱུྃ་ཞེས་ཡང་དག་ཧེ་རུ་ཀའི་སྔགས་བཟླ། ཁྱད་པར་གྱི་ལས་སྦྱོར་ནི། ཡང་དག་ཕུར་བུ་འོད་ཀྱི་སྦུ་གུ་ཅན༔ འོད་ཟེར་དམིགས་ཡུལ་སྙིང་དབུས་ལ་ཟུག་པས། །སྦུ་གུའི་སྦྱོར་བས་ཆུ་ཉིད་དྲངས་པ་ལྟར། །ཕ་རོལ་རྣམ་ཤེས་རྟེན་གྱི་ས་བོན་ཉིད༔ རབ་ཏུ་གཡོ་ཞིང་འདར་ལ་འཕར་སྙམ་བྱེད༔ ཚེ་དང་ལོངས་སྤྱོད་དབང་ཐང་ལུས་ངག་ཡིད༔ འུབ་ཀྱིས་བསྡུས་ནས་སྙིང་གི་དབུས་སུ་ཐིམ༔ ཕ་རོལ་མདངས་ཉམས་ཧམ་སྐྱར་སོང་བར་གྱུར༔ ཅེས་དམིགས་ལ་ཧཱུྃ་ཧཱུྃ་ཧཱུྃ་ཞེས་གླུར་བླངས་ཞིང་སྣང་སེམས་དབྱེར་མེད་དུ་བསྲེས་ཏེ་མཉམ་པར་གཞག །ཡི་དམ་གྱི་ལྷ་མྱུར་དུ་འགྲུབ་པའི་སླད་ཐུགས་རྒྱུན་ཀྱི་ཡེ་ཤེས་བསྐུལ་ཏེ་དབང་དུ་བྱ་བར་འདོད་ན། སླར་ཡང་དཔལ་ཆེན་ཡང་དག་ཐུགས་ཀ་ནས༔ འོད་ཟེར་དམར་པོ་ལྕགས་ཀྱུའི་རྣམ་པར་འཕྲོས༔ རང་ཉིད་མོས་པའི་ཡི་དམ་ལྷ་ཚོགས་ཀྱི༔ རང་རང་ཐུགས་ཀའི་ས་བོན་ལ་ཟུག་སྟེ༔ མཁྱེན་བརྩེ་ནུས་མཐུ་མ་ལུས་ཐམས་ཅད་ལས༔ འོད་ཟེར་སྣ་ལྔ་མར་མེ་གཅིག་ཆད་ཚུལ༔ རང་ཉིད་ལ་ཐིམ་བྱིན་གྱིས་བརླབས་པར་གྱུར༔ ཅེས་བརྗོད་ཅིང་བསམས་ལ་ཧཱུྃ་གླུར་བླང་། ཡི་དམ་ལྷའི་ཐུགས་དང་རང་སེམས་དབྱེར་མེད་དུ་བསྲེས་ཏེ་གནས་ལུགས་མ་བཅོས་པའི་ངང་དུ་མཉམ་པར་བཞག་པས་དངོས་གྲུབ་རྣམ་གཉིས་མྱུར་དུ་འགྲུབ་པར་འགྱུར་རོ། །ཐུན་ལས་ལྡང་བ་ན། དགེ་བ་འདི་ཡིས་མྱུར་དུ་བདག །བླ་མ་ཡི་དམ་འགྲུབ་གྱུར་ནས་སོགས་བསྔོ་སྨོན་བྱ། །ལས་སྦྱོར་དབང་གི་མེ་མཆོད་བྱེད་པར་སྤྲོ་ན། སྟེགས་བུ་དམར་པོའི་སྟེང་དུ་ཐབ་ཁུང་ཟླ་གམ་དམར་པོ་སྤྱི་ལྟར་བྲིས་པའི་དབུས་སུ་མེ་ཏོག་གི་ཚོམ་བུ་དམར་པོ་བཀོད་པའི་ཁ་ཁྱེར་སྟེང་ནས་ཙནྡན་དམར་པོའམ་མཛོ་མོ་ཤིང་ལྟ་བུའི་དབང་གི་བུད་ཤིང་ཟླུམ་པོར་བརྩེགས་པའི་ཤར་ལྷོར་ཏིང་ལོ་མེ་ཚང་དང་བཅས་པ། རང་གི་གཡས་སུ་སྲེག་རྫས་འོག་ནས་འབྱུང་བ་རྣམས་ཁ་དོག་དམར་པོར་བསྒྱུར་བ་དང་། གཡོན་དུ་སྨན་རག་གཏོར་གསུམ་ཉེར་སྤྱོད་དང་བཅས། མདུན་དུ་རྡོ་དྲིལ། དགང་བླུགས། བསངས་ཆུ་སོགས་བཤམ། དགོངས་མོའི་དུས་སུ་རང་ཉིད་ཁ་ནུབ་ཏུ་ཕྱོགས་ཤིང་ཆས་གོས་དམར་པོ་དང་ལྡན་པས་ཆགས་ཤིང་ཞེན་པའི་སེམས་ཀྱིས་པདྨའི་སྐྱིལ་མོ་ཀྲུང་གིས་འཁོད་དེ་བདག་བསྐྱེད་གོང་ལྟར་སྔོན་དུ་སོང་ནས་བསངས་ཆུ་ཨམྲྀ་ཏས་བརླབས་པ་འཐོར་ཞིང་བསང་སྦྱང་། སྟོང་པའི་ངང་ལས་མཆོད་རྫས་དང་སྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་བྱེད་ལས་ཀྱི་ནུས་པ་དང་ལྡན་པར་གྱུར། ཨོཾ་ཨཱཿཧཱུྃ་ཞེས་མང་དུ་བརྗོད་པས་བརླབ། ཐབ་བསང་སྦྱང་། བྷྲཱུྃ་ལས་དབང་གི་གཞལ་ཡས་ཁང་ཉིད་དུ༔ ཟླ་གམ་དམར་པོ་གདོང་ལ་ཁྲུ་གང་བ༔ ཁ་ཁྱེར་མུ་རན་པདྨ་དམར་པོའི་ཕྲེང་༔ ནང་ནི་དབང་གི་ལྷ་རྫས་བུད་ཤིང་གང་༔ དྭངས་ཞིང་ཐོགས་མེད་གཟི་འོད་འབར་བར་གྱུར༔ ཅེས་བརྗོད་ཅིང་བསམས་ལ་སྨད་འཚོང་མའི་ཁྱིམ་ལས་སླངས་པའི་མེ་སྤར་ཞིང་ཨོཾ་ཨགྣ་ཡེ་ཛྭ་ལ་རྃ་ཞེས་བརྗོད། ཡེ་ཤེས་མེ་ཕུང་རབ་ཏུ་འབར་བའི་དབུས། ཁྲོ་བོའི་རྒྱལ་པོ་འཇམ་དཔལ་གཤིན་རྗེའི་གཤེད་སོགས་ནས། ཁམས་གསུམ་འཁོར་བ་མ་ལུས་དབང་སྡུད་ཅིང་༔ ཆེ་བཙན་འགྲན་བྲལ་སྣང་སྲིད་ཟིལ་གྱིས་གནོན༔ དམ་ཚིག་ཡེ་ཤེས་གཉིས་སུ་མེད་པར་གྱུར། །ཅེས་གསལ་བཏབ་ཅིང་། ཨོཾ་ཨཱཿཧཱུྃ། ཕྱི་ཡི་མཆོད་པ་ས་དང་བར་སྣང་གང་༔ ནང་གི་མཆོད་པ་ཟག་མེད་བདུད་རྩིའི་ཚོགས༔ གསང་བ་བདེ་ཆེན་སྨྲ་བསམ་བརྗོད་ལས་འདས༔ འགྲོ་བའི་དོན་དུ་དགྱེས་བཞིན་བཞེས་སུ་གསོལ༔ ཨོཾ་བཛྲ་པུཥྤེ་ནས། ཤཔྡ་པཉྩ་ཀཱ་མ་གུ་ཎ་མ་ཧཱ་ཨ་མྲྀ་ཏ་བ་ལིཾ་ཏ་རཀྟ་མ་ཧཱ་སུ་ཁ་སརྦ་པཱུ་ཛ་ཨཱཿཧཱུྃ་ཞེས་མཆོད། སྐུ་ཡི་བདག་ཉིད་འཇམ་དཔལ་གཤིན་རྗེའི་གཤེད། །གསུང་གི་དབང་ཕྱུག་པདྨ་ཐོད་ཕྲེང་རྩལ། །ཐུགས་ཀྱི་ངོ་བོ་ཡང་དག་ཧེ་རུ་ཀ ། དབང་མཛད་བླ་མ་ཡི་དམ་ལྷ་ལ་བསྟོད། ཅེས་བསྟོད། མེ་ལྷའི་རྡོ་རྗེའི་ལྗགས་ལ་རྃ་ཡིག་དང་། །དགང་བླུགས་ཧྲཱིཿདམར་མཚན་པའི་འོད་ཟེར་གྱིས། །སྲེག་རྫས་བདུད་རྩིའི་དྭངས་མ་དྲངས་ཏེ་བཞེས། །ཟག་མེད་བདེ་བས་མཉེས་ཤིང་རྗེས་ཆགས་གཡོས། །ཐུགས་ཀའི་ཧཱུྃ་ལས་འོད་དམར་འབར་ཞིང་འཁྲུགས། །འགྲོ་བ་དམིགས་པའི་ཡུལ་དུ་གྱུར་པ་ཡི༔ སྙིང་དབུས་ནྲྀ་སོགས་ས་བོན་ལ་ཕོག་པས༔ ཅུང་ཟད་གཡོ་བའི་ངང་ནས་ཚེ་བསོད་ནམས༔ ལུས་ངག་ཡིད་གསུམ་མ་ལུས་དབང་དུ་བསྡུས༔ རང་ཉིད་ལ་ཐིམ་གཟི་འོད་འབར་བར་གྱུར༔ ཅེས་དམིགས་ཤིང་མར་བླུགས་གཟར་བདུན་གྱིས་དགང་གཟར་བཀང་སྟེ། ཨོཾ་ཨཱཿཧཱུྃ་ཡ་མཱནྟ་ཀ་ཧཱུྃ་ཕཊཿ ཨོཾ་ཨཱཿཧཱུྃ་གུ་རུ་པདྨ་སིདྡྷི། ཧཱུྃ་ཧཱུྃ་ཧཱུྃ་ཞེས་པའི་སྔགས་སུམ་སྦྲེལ་མཐར་མིང་སྤེལ་དམིགས་བསལ་ཡོད་ན་དང་། སྤྱིར་བཏང་དུ། སརྦ་ལོ་ཀ་ཀཱ་ཡ་ཝཱ་ཀ་ཙིཏྟ་ཨཱ་ཡུར་པུཎྱེ་ཛྙཱ་ན་ཝ་ཤཾ་ཀུ་རུ་སྭཱ་ཧཱ་ཞེས་ལས་སྔགས་དང་། ཨོཾ་མ་ཧཱ་ཨ་ན་ལ་མ་ཧཱ་བྷཱུ་ཏ་ཛ་བྷསྨཱིཾ་ཀུ་རུ་སྭཱ་ཧཱ་ཞེས་བདུན་གྱི་མཐར་དགང་བླུགས་ཁ་སྦྱར་བ་གཡོན་དུ་བསྐོར་ཞིང་། ཨོཾ་མ་མ་སརྦ་ཀུ་རུ་ཧཱུྃ་ཞེས་བརྗོད་ཅིང་ཐབ་ཏུ་ཕུལ། དེ་ལྟ་བུ་བསྐྱར་བས་བརྒྱ་རྩ་སོགས་ཇི་ལྟར་རིགས་པས་མར་ཁུ། སྔགས་སུམ་སྦྲེལ་དང་། ཨོཾ་སརྦ་པཱ་པྃ་ད་ཧ་ན་བཛྲཱ་ཡ་སྭཱ་ཧཱ། སརྦ་ལོ་ཀ་སོགས་ལས་སྔགས་སྦྲེལ་བས་ཏིལ། སྔགས་གསུམ། ཨོཾ་བཛྲ་པུཥྤེ་ཧཱུྃ༔ སརྦ་ལོ་ཀ་སོགས་ཀྱིས་མེ་ཏོག་དམར་པོ། སྔགས་གསུམ། ཨོཾ་སརྦ་ཡ་ཛྙཱ་ཡ་སྭཱ་ཧཱ། སརྦ་ལོ་ཀ་སོགས་ཀྱིས་ཡམ་ཤིང་། སྔགས་གསུམ། ཨོཾ་པཱུ་ཛ་མེ་གྷ་ལོ་ཀེ་ཤྭ་ར་ཧཱུྃ། སརྦ་ལོ་ཀ་སོགས་ཀྱིས་ཁྱད་པར་གྱི་རྫས་གང་དབང་དུ་བསྡུ་བར་འདོད་པའི་གཟུགས་སམ་མིང་བྱང་དམ། ཟས་ནོར་ལྟ་བུ་ཡིན་ན་སོ་སོའི་དངོས་པོའམ། སྤྱིར་བཏང་དུ་ཙནྡན་དམར་པོ། མེ་ཏོག་གླང་སྣ་སོགས་ལྕགས་ཀྱུ་ཅན་ཀྱི་རིགས། རྡོ་ཁབ་ལེན། ལན་ཚྭ། དར་གོས་སོགས་དམར་པོ། པདྨ་རཱ་ག་སོགས་རིན་པོ་ཆེ་དམར་པོའི་རིགས་རྣམས་ཕྱེ་མར་ཆང་གིས་སྦགས་པའི་ཟས་མཆོག་དང་བསྲེས་པ་ཕུལ་ལ་གཙོ་བོར་བྱ་ཞིང་གྲངས་གཟུང་། སྔགས་གསུམ། ཨོཾ་ཨ་པྲ་ཏི་ཧ་ཏ་བཛྲཱ་ཡ་སྭཱ་ཧཱ། སརྦ་ལོ་ཀ་སོགས་ཀྱིས་ཀུ་ཤ །སྔགས་གསུམ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། སརྦ་ལོ་ཀ་སོགས་ཀྱིས་རྩ་དཱུཪྺ་རྣམས་ཕུལ། རྫས་རྫོགས་པ་ན། ཨོཾ་དྷུ་པེ་དཱི་པེ་གནྡྷེ་སྭཱ་ཧཱ་ཞེས་དངོས་འབྱོར་གྱི་མཆོད་པས་མཆོད། སྐུ་ཡི་བདག་ཉིད་སོགས་ཀྱིས་བསྟོད། བླ་མ་དང་ལྷག་པའི་ལྷས་བདག་ལ་རབ་འབྱམས་དབང་གི་དངོས་གྲུབ་མ་ལུས་པ་སྩལ་དུ་གསོལ་ཞེས་གསོལ་བ་བཏབ་པས། ཡང་དག་ཕུར་བུ་འོད་ཀྱི་སྦུ་གུ་ཅན་ཞེས་སོགས་ལས་སྦྱོར་གྱི་དམིགས་པ་གསལ་བཏབ་མཐར་གང་དབང་དུ་བསྡུ་བྱ་དང་། རང་གི་སེམས་དབྱེར་མེད་དུ་བསྲེས་ལ་དབྱིངས་རིག་ཟུང་འཇུག་གི་ངང་དུ་མཉམ་པར་གཞག །མ་འབྱོར་པ་དང་སོགས་ཀྱིས་ནོངས་པ་བཤགས། ཛཿཧཱུྃ་བྃ་ཧོཿ ཐབ་ཀྱི་ལྷ་རང་གི་སྙིང་གར་ཐིམ་པས་བྱིན་རླབས་དབང་དང་དངོས་གྲུབ་མ་ལུས་པ་ཐོབ་ཅིང་ནུས་པའི་གཟི་བྱིན་འབར་བར་གྱུར་པར་བསམས་ལ་བསྔོ་སྨོན་དང་། ཤིས་བརྗོད་གང་རིགས་བྱའོ། །ཞེས་པའང་གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་པྲཛྙཱ་ར་སྨིའི་ཟབ་གཏེར་གྱི་གསང་བ་ཉམས་སུ་བླང་བདེ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྦྱར་བ་སརྦ་ཏྲེ་ལོ་ཀཱ་ནཱཾ་ཤྲཱིཤྩགུ་ཎ་ཝ་ཤཾ་ཀུརྦནྟུ།། །། ༈

[edit]

thugs sgrub gsum dril yang gser snying po'i man ngag bklags chog tu bkod pa dbang gi lcags kyu/ @#/_/thugs sgrub gsum dril yang gser snying po'i man ngag bklags chog tu bkod pa dbang gi lcags kyu zhes bya ba bzhugs so/__/na mo gu ru ad+hi de bA ya/__'dir chos kyi rgyal po 'gro 'dul pradz+nyA rasmi'i zab gter gyi gsang ba thugs sgrub gsum dril gyi snying po'i man ngag rgyun du nyams su blang ba'i tshul ni skyabs sems sngon du 'gro bas/__oM ma hA shUn+ya tA dz+nyA na badz+ra swa b+hA wa At+ma ko\u0f85haM/__stong pa'i ngang las rang nyid skad cig gis:__khro bo'i rgyal po 'jam dpal gshin rje'i gshed:__sku mdog dmar nag dur khrod chas brgyad can:__phyag g.yas ral gri g.yon pas sdigs mdzub rtser:__ye shes me yi tshwa tshwa rab tu 'phro:__zhal gdangs mche gtsigs spyan gsum rnam par bgrad:__zhabs gnyis rab bgrad dregs pa ma lus mnan:___de yi thugs kar pad nyi zla'i steng :__bdag nyid gsung gi dbang phyug pad+ma ni:__dkar dmar mdangs ldan phyag g.yas rdo rje 'phyar:__g.yon pas bum thod bdud rtsis gang ba bsnams:__rol pa'i 'dug stangs 'gying bag ldan pa yi:__thugs kar pad+ma nyi zla'i gdan steng du:__rang nyid las sprul yang dag thugs rdo rje:__sku mdog mthing nag khams gsum dbang du sdud:__phyag gnyis thugs kar phur bu bsgril stabs tshul:__zhabs gnyis rab bgrad dur khrod chas dang ldan:__thugs kar pad nyi'i steng du hU~M mthing nag:__'od zer steng 'og phyogs mtshams kun 'phros pas:__khams gsum 'khor ba ma lus dbang sdud cing :__'gro ba dmigs pa'i yul du gyur pa yi:__snying dbus nr-i sogs sa bon la phog pas:__cung zad g.yo ba'i ngang nas tshe bsod nams:__lus ngag yid gsum ma lus dbang du bsdus:__rang nyid la thim gzi brjid 'od du 'gyur:__ces gsal btab nas/__oM AHhU~M ya mAn+ta ka hU~M phaT:__ces yi dam gshin rje'i gshed kyi bsnyen sngags brgya rtsa sogs ji ltar rigs pa'i mthar/__dbang du bsdu bya dmigs bsal yod na ming spel/__spyir btang sarba lo ka kA ya wA ka tsit+ta A yudz+nyA na puN+ye wa shaM ku ru swA hA:__zhes cung zad bzla/__de bzhin du/__oM AHhU~M ma hA gu ru pad+ma sarba lo ka kA ya wA ka tsit+ta A yudz+nyA na puN+ye wa shaM ku ru swA hA:__zhes bla ma'i sngags dang hU~M hU~M hU~M zhes yang dag he ru ka'i sngags bzla/__khyad par gyi las sbyor ni/__yang dag phur bu 'od kyi sbu gu can:__'od zer dmigs yul snying dbus la zug pas/__/sbu gu'i sbyor bas chu nyid drangs pa ltar/__/pha rol rnam shes rten gyi sa bon nyid:__rab tu g.yo zhing 'dar la 'phar snyam byed:__tshe dang longs spyod dbang thang lus ngag yid:__'ub kyis bsdus nas snying gi dbus su thim:__pha rol mdangs nyams ham skyar song bar gyur:__ces dmigs la hU~M hU~M hU~M zhes glur blangs zhing snang sems dbyer med du bsres te mnyam par gzhag__/yi dam gyi lha myur du 'grub pa'i slad thugs rgyun kyi ye shes bskul te dbang du bya bar 'dod na/__slar yang dpal chen yang dag thugs ka nas:__'od zer dmar po lcags kyu'i rnam par 'phros:__rang nyid mos pa'i yi dam lha tshogs kyi:__rang rang thugs ka'i sa bon la zug ste:__mkhyen brtse nus mthu ma lus thams cad las:__'od zer sna lnga mar me gcig chad tshul:__rang nyid la thim byin gyis brlabs par gyur:__ces brjod cing bsams la hU~M glur blang /__yi dam lha'i thugs dang rang sems dbyer med du bsres te gnas lugs ma bcos pa'i ngang du mnyam par bzhag pas dngos grub rnam gnyis myur du 'grub par 'gyur ro/__/thun las ldang ba na/__dge ba 'di yis myur du bdag__/bla ma yi dam 'grub gyur nas sogs bsngo smon bya/__/las sbyor dbang gi me mchod byed par spro na/__stegs bu dmar po'i steng du thab khung zla gam dmar po spyi ltar bris pa'i dbus su me tog gi tshom bu dmar po bkod pa'i kha khyer steng nas tsan+dan dmar po'am mdzo mo shing lta bu'i dbang gi bud shing zlum por brtsegs pa'i shar lhor ting lo me tshang dang bcas pa/__rang gi g.yas su sreg rdzas 'og nas 'byung ba rnams kha dog dmar por bsgyur ba dang /__g.yon du sman rag gtor gsum nyer spyod dang bcas/__mdun du rdo dril/__dgang blugs/__bsangs chu sogs bsham/__dgongs mo'i dus su rang nyid kha nub tu phyogs shing chas gos dmar po dang ldan pas chags shing zhen pa'i sems kyis pad+ma'i skyil mo krung gis 'khod de bdag bskyed gong ltar sngon du song nas bsangs chu amr-i tas brlabs pa 'thor zhing bsang sbyang /__stong pa'i ngang las mchod rdzas dang sreg rdzas rnams rang rang gi ming yig dang po thig les brgyan pa 'od du zhu ba las byung ba'i rdzas so so'i byed las kyi nus pa dang ldan par gyur/__oM AHhU~M zhes mang du brjod pas brlab/__thab bsang sbyang /__b+h+rU~M las dbang gi gzhal yas khang nyid du:__zla gam dmar po gdong la khru gang ba:__kha khyer mu ran pad+ma dmar po'i phreng :__nang ni dbang gi lha rdzas bud shing gang :__dwangs zhing thogs med gzi 'od 'bar bar gyur:__ces brjod cing bsams la smad 'tshong ma'i khyim las slangs pa'i me spar zhing oM ag+na ye dz+wa la ra~M zhes brjod/__ye shes me phung rab tu 'bar ba'i dbus/__khro bo'i rgyal po 'jam dpal gshin rje'i gshed sogs nas/__khams gsum 'khor ba ma lus dbang sdud cing :__che btsan 'gran bral snang srid zil gyis gnon:__dam tshig ye shes gnyis su med par gyur/__/ces gsal btab cing /__oM AHhU~M/__phyi yi mchod pa sa dang bar snang gang :__nang gi mchod pa zag med bdud rtsi'i tshogs:__gsang ba bde chen smra bsam brjod las 'das:__'gro ba'i don du dgyes bzhin bzhes su gsol:__oM badz+ra puSh+pe nas/__shap+da pany+tsa kA ma gu Na ma hA a mr-i ta ba liM ta rak+ta ma hA su kha sarba pU dza AHhU~M zhes mchod/__sku yi bdag nyid 'jam dpal gshin rje'i gshed/__/gsung gi dbang phyug pad+ma thod phreng rtsal/__/thugs kyi ngo bo yang dag he ru ka__/_dbang mdzad bla ma yi dam lha la bstod/__ces bstod/__me lha'i rdo rje'i ljags la ra~M yig dang /__/dgang blugs hrIHdmar mtshan pa'i 'od zer gyis/__/sreg rdzas bdud rtsi'i dwangs ma drangs te bzhes/__/zag med bde bas mnyes shing rjes chags g.yos/__/thugs ka'i hU~M las 'od dmar 'bar zhing 'khrugs/__/'gro ba dmigs pa'i yul du gyur pa yi:__snying dbus nr-i sogs sa bon la phog pas:__cung zad g.yo ba'i ngang nas tshe bsod nams:__lus ngag yid gsum ma lus dbang du bsdus:__rang nyid la thim gzi 'od 'bar bar gyur:__ces dmigs shing mar blugs gzar bdun gyis dgang gzar bkang ste/__oM AHhU~M ya mAn+ta ka hU~M phaTaH__oM AHhU~M gu ru pad+ma sid+d+hi/__hU~M hU~M hU~M zhes pa'i sngags sum sbrel mthar ming spel dmigs bsal yod na dang /__spyir btang du/__sarba lo ka kA ya wA ka tsit+ta A yur puN+ye dz+nyA na wa shaM ku ru swA hA zhes las sngags dang /__oM ma hA a na la ma hA b+hU ta dza b+hasmIM ku ru swA hA zhes bdun gyi mthar dgang blugs kha sbyar ba g.yon du bskor zhing /__oM ma ma sarba ku ru hU~M zhes brjod cing thab tu phul/__de lta bu bskyar bas brgya rtsa sogs ji ltar rigs pas mar khu/__sngags sum sbrel dang /__oM sarba pA pa~M da ha na badz+rA ya swA hA/__sarba lo ka sogs las sngags sbrel bas til/__sngags gsum/__oM badz+ra puSh+pe hU~M:__sarba lo ka sogs kyis me tog dmar po/__sngags gsum/__oM sarba ya dz+nyA ya swA hA/__sarba lo ka sogs kyis yam shing /__sngags gsum/__oM pU dza me g+ha lo ke shwa ra hU~M/__sarba lo ka sogs kyis khyad par gyi rdzas gang dbang du bsdu bar 'dod pa'i gzugs sam ming byang dam/__zas nor lta bu yin na so so'i dngos po'am/_spyir btang du tsan+dan dmar po/__me tog glang sna sogs lcags kyu can kyi rigs/__rdo khab len/__lan tshwa/__dar gos sogs dmar po/__pad+ma rA ga sogs rin po che dmar po'i rigs rnams phye mar chang gis sbags pa'i zas mchog dang bsres pa phul la gtso bor bya zhing grangs gzung /__sngags gsum/__oM a pra ti ha ta badz+rA ya swA hA/__sarba lo ka sogs kyis ku sha__/sngags gsum/__oM badz+ra A yu She swA hA/__sarba lo ka sogs kyis rtsa dUR+Wa rnams phul/__rdzas rdzogs pa na/__oM d+hu pe dI pe gan+d+he swA hA zhes dngos 'byor gyi mchod pas mchod/__sku yi bdag nyid sogs kyis bstod/__bla ma dang lhag pa'i lhas bdag la rab 'byams dbang gi dngos grub ma lus pa stsal du gsol zhes gsol ba btab pas/__yang dag phur bu 'od kyi sbu gu can zhes sogs las sbyor gyi dmigs pa gsal btab mthar gang dbang du bsdu bya dang /__rang gi sems dbyer med du bsres la dbyings rig zung 'jug gi ngang du mnyam par gzhag__/ma 'byor pa dang sogs kyis nongs pa bshags/__dzaHhU~M ba~M hoH__thab kyi lha rang gi snying gar thim pas byin rlabs dbang dang dngos grub ma lus pa thob cing nus pa'i gzi byin 'bar bar gyur par bsams la bsngo smon dang /__shis brjod gang rigs bya'o/__/zhes pa'ang gter chen chos kyi rgyal po 'gro 'dul pradz+nyA ra smi'i zab gter gyi gsang ba nyams su blang bde bar mtsho skyes bla ma dgyes pa'i 'bangs mkhyen brtse'i dbang pos sbyar ba sarba tre lo kA nAM shrIsh+tsagu Na wa shaM kurban+tu//___//_!_