JKW-KABUM-08-NYA-005-002

🚧 This website is under continued development. We appreciate your patience!

Previous Text Back to Volume PageLast text in section.

ཉམས་ལེན་སྙིང་པོར་དྲིལ་བ་ཟུང་འཇུག་གསེང་ལམ།

Wylie title	nyams len snying por dril ba zung 'jug gseng lam
Location	mkhyen brtse'i bka' 'bum Volume 8, sde tshan 5, Text 2, Pages 91-94 (Folios 2a1 to 3b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	བྱང་ཆུབ་སེམས་དཔའ་ཟླ་བ་རྒྱལ་མཚན་ (byang chub sems dpa' zla ba rgyal mtshan)
Citation	'jam dbyangs mkhyen brtse'i dbang po. nyams len snying por dril ba zung 'jug gseng lam. In 'jam dbyangs mkhyen brtse'i dbang po'i bka' 'bum, Vol. 8: 91-94. Khams sde dge rdzong sar dgon: Rdzong sar blo gros phun tshogs, 2020.
Genre	Contemplative Guide Books and Instructional Manuals - khrid yig  ·  Lineage Supplications - brgyud 'debs
Cycle	ཐུགས་ཆེན་དམར་ཁྲིད་ཟླ་རྒྱལ་ལུགས་ (thugs chen dmar khrid zla rgyal lugs)
Deity	thugs rje chen po
DNZ	In the Damngak Dzö: https://dnz.tsadra.org/index.php/thugs rje chen po'i dmar khrid zla rgyal lugs kyi brgyud 'debs; thugs rje chen po'i dmar khrid zla rgyal lugs kyi nyams len snying por dril ba zung 'jug gsang lam
Colophon	།།འཇ༷མ་པའི་དབྱང༷ས་སོགས་འཕགས་རྣམས་ཀྱིས། །གང་གི་མཁྱེ༷ན་བརྩེ༷ར་རབ་བསྔགས་པ། །འཇིག་རྟེན་མགོན་པོ་དགྱེས་པའི་ལམ། །ཟླ་བའི་བཞེད་གཞུང་སྙིང་པོའོ།། །།ཐུགས་རྗེ་ཆེན་པོའི་དམར་ཁྲིད་སྤྱན་རས་གཟིགས་དངོས་བྱང་ཆུབ་སེམས་དཔའ་ཟླ་བ་རྒྱལ་མཚན་གྱི་ལུགས་སྲོལ་གྱི་ཉམས་ལེན་སྙིང་པོར་དྲིལ་བའི་ལེའུ་ཚན་ནོ།། །།
	//'jaXm pa'i dbyangXs sogs 'phags rnams kyis/__/gang gi mkhyeXn brtseXr rab bsngags pa/__/'jig rten mgon po dgyes pa'i lam/__/zla ba'i bzhed gzhung snying po'o//__//thugs rje chen po'i dmar khrid spyan ras gzigs dngos byang chub sems dpa' zla ba rgyal mtshan gyi lugs srol gyi nyams len snying por dril ba'i le'u tshan no/

1 Texts in this Section (sde tshan or chos tshan)

2 91-94	ཉམས་ལེན་སྙིང་པོར་དྲིལ་བ་ཟུང་འཇུག་གསེང་ལམ། nyams len snying por dril ba zung 'jug gseng lam Activity Manual - las byang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༈ ཐུགས་རྗེ་ཆེན་པོའི་དམར་ཁྲིད་ཟླ་རྒྱལ་ལུགས་ཀྱི་ཉམས་ལེན་སྙིང་པོར་དྲིལ་བ་ཟུང་འཇུག་གསེང་ལམ་ཞེས་བྱ་བ་བཞུགས་སོ། །ཨོཾ་སྭ་སྟི་སིདྡྷཾ། །སྙིང་རྗེའི་དབང་ཕྱུག་འཇིག་རྟེན་མགོན། །མི་ཕྱེད་གུས་པས་མཆོད་བྱས་ནས། །འཕགས་མཆོག་ཟླ་བ་རྒྱལ་མཚན་གྱི། །ཐུགས་བཅུད་ཟབ་དོན་སྙིང་པོ་འབྲི། །འདི་ལ་གཉིས། མཉམ་གཞག་གི་རྣལ་འབྱོར་དང་། རྗེས་ཐོབ་ཀྱི་རྣལ་འབྱོར་རོ། །དང་པོ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ནི། སྐྱབས་ཡུལ་གསལ་བཏབ་ལ། སངས་རྒྱས་ཆོས་དང་སོགས་སྐྱབས་སེམས་ཅི་ནུས་རྒྱུད་དང་འདྲེ་ངེས་བྱ། སྤྲོ་ན་ཡན་ལག་བདུན་གྱི་སྒོ་ནས་ཚོགས་བསགས་པ་དང་། ཚད་མེད་བཞི་བསྒོམ། གཉིས་པ་ལ་གཉིས། བསྐྱེད་རིམ་དང་། རྫོགས་རིམ་མོ། །དང་པོ་ནི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ་྅ཧཾ། སྟོང་པའི་ངང་ལས་པད་ཟླའི་གདན་གྱི་སྟེང་དུ་རང་སེམས་ཧྲཱིཿདཀར་པོ་ལས་པདྨ་འདབ་བརྒྱད་གསེར་བཙོ་མ་ལྟར་འབར་བ་ཟེའུ་འབྲུར་ཧྲཱིཿཡིག་གིས་མཚན་པ། དེ་ཡོངས་སུ་གྱུར་པ་ལས། རང་ཉིད་སྐད་ཅིག་གིས་འཕགས་པ་ཐུགས་རྗེ་ཆེན་པོ་སྐུ་མདོག་དཀར་གསལ་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་འོག་མས་མུ་ཏིག་དཀར་པོའི་ཕྲེང་བ་དང་། གཡོན་འོག་མས་གསེར་གྱི་པདྨ་འདབ་མ་བརྒྱད་པ་ཡུ་བ་དང་བཅས་པ་བསྣམས་པ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་རི་དྭགས་ཀྲྀཥྞ་སཱ་རའི་པགས་པས་ནུ་མ་གཡོན་པ་བཀབ་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། དེ་ལས་འོད་ཟེར་འཕྲོས་པས་རི་བོ་པོ་ཏ་ལ་ནས་རང་འདྲ་བའི་ཡེ་ཤེས་སེམས་དཔའ་དབང་ལྷ་རིགས་ལྔ་དང་བཅས་པ་ཨོཾ་བཛྲ་ས་མཱ་ཛཿ ཛཿཧཱུྃ་བྃ་ཧོཿ ཡེ་ཤེས་པ་རང་ལ་ཐིམ། རིགས་ལྔས་དབང་བསྐུར་བས། དབང་རྟགས་སུ་བླ་མ་འོད་དཔག་ཏུ་མེད་པས་དབུར་བརྒྱན། ཅེས་ཡན་ལག་བཞི་རྫོགས་ཀྱི་ཚུལ་གྱིས་ལྷའི་སྐུ་སྣང་སྟོང་འཇའ་ཚོན་ལྟ་བུར་ཤར་བའི་གསལ་སྣང་བ་སེམས་རྩེ་གཅིག་ཏུ་གཟུང་། མཐར་བཟླས་པ་བྱ་བ་ནི། རང་གི་སྙིང་གར་པདྨ་དང་ཟླ་བའི་གདན་གྱི་དབུས་སུ་ཧྲཱིཿཡིག་གི་མཐར་སྔགས་ཀྱི་ཕྲེང་བས་བསྐོར་བར་གྱུར། ཅེས་གསལ་བཏབ་ལ་བསྔགས་ཕྲེང་ལ་ཡིད་གཏད་དེ་ཀློག་པའི་ཚུལ་གྱིས། ཨོཾ་མ་ཎི་པདྨེ་ཧཱུྃ། ཞེས་ཅི་ནུས་བཟླ། སྐབས་སུ། སྙིང་གའི་སྔགས་ཕྲེང་ལས་ཐུགས་རྗེ་ཆེན་པོའི་སྐུ་དང་འོད་ཟེར་དཀར་པོའི་ཚོགས་བསམ་གྱིས་མི་ཁྱབ་པ་འཕྲོས། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། ཐུགས་རྗེ་ཆེན་པོའི་གོ་འཕང་ལ་བཀོད། ཚུར་འདུས་རང་ལ་ཐིམ་པས་རྒྱུད་བྱིན་གྱིས་བརླབས་པར་བསམས་ལ་བཟླས་པའང་བྱའོ། །གཉིས་པ་ནི། དེའི་ངང་ལས་ཆོས་ཐམས་ཅད་ཀྱི་གནས་ལུགས་གཟོད་མ་ནས་ཞི་བའི་ཡེ་ཤེས། བློ་འདས་གཉུག་མའི་དབྱིངས་སུ་དེར་འཛིན་མི་བྱ་བར་རང་བབས་སུ་ལྷོད་ཀྱིས་གློད་དེ་མཉམ་པར་གཞག །གལ་ཏེ་རྣམ་རྟོག་ཅིག་ཐོལ་གྱིས་སྐྱེས་ན། ཐ་མལ་འཁྲུལ་པའི་དབང་དུ་མི་བཏང་བར་སེམས་ཀྱི་གཤིས་རིག་སྟོང་ཟུང་འཇུག་གིས་ངང་ལས་མ་གཡོས་བཞིན་དུ། གདངས་བྱམས་པ་དང་སྙིང་རྗེ་བྱང་ཆུབ་སེམས་ཀྱི་རྩལ་སྦྱང་། གསུམ་པ་ནི། ཐུན་ལས་ལྡང་བ་ན། དགེ་བ་འདི་ཡིས་སོགས་བསྔོ་བ་དང་སྨོན་ལམ་ཟུང་དུ་འབྲེལ་བས་མཚམས་སྦྱར་ཏེ། གཉིས་པ་རྗེས་ཐོབ་ཀྱི་རྣལ་འབྱོར་ནི། ཟས་ཟ་བ། གོས་གྱོན་པ། སྟན་ལ་འདུག་པ་སོགས་ཀྱི་སྐབས་ཐམས་ཅད་ལྷའི་ང་རྒྱལ་དང་མ་བྲལ་བའི་ངང་ནས་འདོད་ཡོན་ལ་ཞེན་པ་མེད་པར་ལོངས་སྤྱད། ཉལ་བའི་ཚེ་སྙིང་གའི་ཧྲཱིཿལ་སེམས་རྩེ་གཅིག་ཏུ་གཏད། ལྡང་བ་ན་ལྷའི་སྐུར་གསལ་བཞིན་པའི་ངང་ནས་ལངས་ཏེ་རྣལ་འབྱོར་ལ་འཇུག །འཕོ་བའི་རྣལ་འབྱོར་ནི། །རང་གི་རླུང་སེམས་གཉིས་མེད་ཀྱི་ངོ་བོ་སྙིང་གའི་ཧྲཱིཿཡིག་དབུ་མའི་ལམ་བརྒྱུད། སྐར་མདའ་འཕངས་པ་བཞིན་སྤྱི་བོའི་བླ་མ་འོད་དཔག་མེད་ཀྱི་ཐུགས་ཀར་བསྟིམ། བླ་མ་བདེ་བ་ཅན་དུ་གཤེགས་པར་བསམས་ལ་དབྱིངས་རིག་བསྲེ། བར་དོ་ད་ལྟ་ནས་རྗེས་ཐོབ་ཀྱི་སྣང་བ་སྤྱི་དང་བྱེ་བྲག་ཐམས་ཅད་བར་དོར་དྲན་པས་ཁ་བསྒྱུར་ཏེ། སྣང་གྲགས་རྟོག་གསུམ་འཕགས་པའི་གསང་བ་གསུམ་དུ་ཤེས་པར་བྱས་ཏེ་ལམ་དུ་འཁྱེར་བ་ལ་བསླབ་པར་བྱའོ།། །།འཇ༷མ་པའི་དབྱང༷ས་སོགས་འཕགས་རྣམས་ཀྱིས། །གང་གི་མཁྱེ༷ན་བརྩེ༷ར་རབ་བསྔགས་པ། །འཇིག་རྟེན་མགོན་པོ་དགྱེས་པའི་ལམ། །ཟླ་བའི་བཞེད་གཞུང་སྙིང་པོའོ།། །།ཐུགས་རྗེ་ཆེན་པོའི་དམར་ཁྲིད་སྤྱན་རས་གཟིགས་དངོས་བྱང་ཆུབ་སེམས་དཔའ་ཟླ་བ་རྒྱལ་མཚན་གྱི་ལུགས་སྲོལ་གྱི་ཉམས་ལེན་སྙིང་པོར་དྲིལ་བའི་ལེའུ་ཚན་ནོ།། །།

[edit]

!_thugs rje chen po'i dmar khrid zla rgyal lugs kyi nyams len snying por dril ba zung 'jug gseng lam zhes bya ba bzhugs so/__/oM swa sti sid+d+haM/__/snying rje'i dbang phyug 'jig rten mgon/__/mi phyed gus pas mchod byas nas/__/'phags mchog zla ba rgyal mtshan gyi/__/thugs bcud zab don snying po 'bri/__/'di la gnyis/__mnyam gzhag gi rnal 'byor dang /__rjes thob kyi rnal 'byor ro/__/dang po la gsum/__sngon 'gro/__dngos gzhi/__rjes so/__/dang po ni/__skyabs yul gsal btab la/__sangs rgyas chos dang sogs skyabs sems ci nus rgyud dang 'dre nges bya/__spro na yan lag bdun gyi sgo nas tshogs bsags pa dang /__tshad med bzhi bsgom/__gnyis pa la gnyis/__bskyed rim dang /__rdzogs rim mo/__/dang po ni/__oM swa b+hA wa shud+d+haHsarba d+harmAHswa b+hA wa shud+d+ho \u0f85haM/__stong pa'i ngang las pad zla'i gdan gyi steng du rang sems hrIHdkar po las pad+ma 'dab brgyad gser btso ma ltar 'bar ba ze'u 'brur hrIHyig gis mtshan pa/__de yongs su gyur pa las/__rang nyid skad cig gis 'phags pa thugs rje chen po sku mdog dkar gsal zhal gcig phyag bzhi pa/__phyag dang po gnyis thugs kar thal mo sbyar ba/__g.yas 'og mas mu tig dkar po'i phreng ba dang /__g.yon 'og mas gser gyi pad+ma 'dab ma brgyad pa yu ba dang bcas pa bsnams pa/__dar dang rin po che'i rgyan thams cad kyis brgyan cing ri dwags kr-iSh+Na sA ra'i pags pas nu ma g.yon pa bkab pa/__zhabs rdo rje'i skyil mo krung gis bzhugs pa'i dpral bar oM/__mgrin par AH__thugs kar hU~M/__de las 'od zer 'phros pas ri bo po ta la nas rang 'dra ba'i ye shes sems dpa' dbang lha rigs lnga dang bcas pa oM badz+ra sa mA dzaH__dzaHhU~M ba~M hoH__ye shes pa rang la thim/__rigs lngas dbang bskur bas/__dbang rtags su bla ma 'od dpag tu med pas dbur brgyan/__ces yan lag bzhi rdzogs kyi tshul gyis lha'i sku snang stong 'ja' tshon lta bur shar ba'i gsal snang ba sems rtse gcig tu gzung /__mthar bzlas pa bya ba ni/__rang gi snying gar pad+ma dang zla ba'i gdan gyi dbus su hrIHyig gi mthar sngags kyi phreng bas bskor bar gyur/__ces gsal btab la bsngags phreng la yid gtad de klog pa'i tshul gyis/__oM ma Ni pad+me hU~M/__zhes ci nus bzla/__skabs su/__snying ga'i sngags phreng las thugs rje chen po'i sku dang 'od zer dkar po'i tshogs bsam gyis mi khyab pa 'phros/__sems can thams cad kyi sdig sgrib sbyangs/__thugs rje chen po'i go 'phang la bkod/__tshur 'dus rang la thim pas rgyud byin gyis brlabs par bsams la bzlas pa'ang bya'o/__/gnyis pa ni/__de'i ngang las chos thams cad kyi gnas lugs gzod ma nas zhi ba'i ye shes/__blo 'das gnyug ma'i dbyings su der 'dzin mi bya bar rang babs su lhod kyis glod de mnyam par gzhag__/gal te rnam rtog cig thol gyis skyes na/__tha mal 'khrul pa'i dbang du mi btang bar sems kyi gshis rig stong zung 'jug gis ngang las ma g.yos bzhin du/__gdangs byams pa dang snying rje byang chub sems kyi rtsal sbyang /__gsum pa ni/__thun las ldang ba na/__dge ba 'di yis sogs bsngo ba dang smon lam zung du 'brel bas mtshams sbyar te/__gnyis pa rjes thob kyi rnal 'byor ni/__zas za ba/__gos gyon pa/__stan la 'dug pa sogs kyi skabs thams cad lha'i nga rgyal dang ma bral ba'i ngang nas 'dod yon la zhen pa med par longs spyad/__nyal ba'i tshe snying ga'i hrIHla sems rtse gcig tu gtad/__ldang ba na lha'i skur gsal bzhin pa'i ngang nas langs te rnal 'byor la 'jug__/'pho ba'i rnal 'byor ni/__/rang gi rlung sems gnyis med kyi ngo bo snying ga'i hrIHyig dbu ma'i lam brgyud/__skar mda' 'phangs pa bzhin spyi bo'i bla ma 'od dpag med kyi thugs kar bstim/__bla ma bde ba can du gshegs par bsams la dbyings rig bsre/__bar do da lta nas rjes thob kyi snang ba spyi dang bye brag thams cad bar dor dran pas kha bsgyur te/_snang grags rtog gsum 'phags pa'i gsang ba gsum du shes par byas te lam du 'khyer ba la bslab par bya'o//__//'jaXm pa'i dbyangaXs sogs 'phags rnams kyis/__/gang gi mkhyeXn brtseXr rab bsngags pa/__/'jig rten mgon po dgyes pa'i lam/__/zla ba'i bzhed gzhung snying po'o//__//thugs rje chen po'i dmar khrid spyan ras gzigs dngos byang chub sems dpa' zla ba rgyal mtshan gyi lugs srol gyi nyams len snying por dril ba'i le'u tshan no//__//