JKW-KABUM-07-JA-009-001

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 7, sde tshan 9, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 7: 131-157. Khams sde dge rdzong sar dgon: Rdzong sar blo gros phun tshogs, 2020.
Genre
Cycle	བདེ་མཆོག་མཁའ་འགྲོ་སྙན་བརྒྱུད་ (bde mchog mkha' 'gro snyan brgyud)
Deity	'khor lo bde mchog, rdo rje rnal 'byor ma

1 Texts in this Section (sde tshan or chos tshan)

1 159-162	ཚོགས་འཁོར་སྐབས་རྡོ་རྗེའི་གླུ་དང་སྐོང་བཤགས་བཀྲ་ཤིས། tshogs 'khor skabs rdo rje'i glu dang skong bshags bkra shis Confessions - bshags pa   ·   Mending Rituals - bskang chog   ·   Feast Offering - tshogs mchod - tshogs kyi 'khor lo   ·   Invocation of Auspiciousness - bkra shis brjod pa   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཚོགས་འཁོར་སྐབས་རྡོ་རྗེའི་གླུ་དང་ སྐོང་བཤགས་བཀྲ་ཤིས།

༄༅། །ཚོགས་འཁོར་སྐབས་རྡོ་རྗེའི་གླུ་ནི། ཀོལླ་ཨི་རེ་ཊྭཱི་ཨ་བོ་ལཱ། །མུམྨུ་ནི་རེ་ཀཀྐོ་ལཱ། །གྷ་ཎ་ཀྲི་སེ་ཊ་ཧོ་བཛྫ་ཨི། །ཀ་རུ་ཎེ་ཀི་ཨ་ཨི་ན་རོ་ལཱ། །ཏ་ཧིཾ་བ་ལ་ཁཛྫ་ཨ། །ག་ཌེཾ་མ་ཨ་ཎ་སི་ཛྫ་ཨ་ཨི། ཧ་ལེ་ཀཱ་ལིཉྫ་ར་བ་ཎི་ཨ་ཨི། །དུ་དྷུ་ར་བཛྫ་ཨ་ཨི། །ཙ་ཨུ་པ་མ་ཀཙྪུ་རི་སིཧླཱ། །ཀསྶུ་ར་ལ་ཨི་ཨ་ཨི། །མཱ་ལ་ཨིན་དྷ་ཎ་སཱ་ལི་ཛ། །ཏ་ཧིཾ་བྷ་རུ་ཁཱ་ཨི་ཨ་ཨི། །ཕེཾ་ཁཎ་ཁེ་ཊ་ཀར་ནྟེ། །ཤུདྡྷ་ཨ་ཤུ་དྷཎྞ་མུ་ཎི་ཨ་ཨི། །ནི་རཾ་ཤུ་ཨཾ་ག་ཙ་ཌཱ་ཝི། །ཏ་ཧིཾ་ཛ་ས་ར་བ་བ་ཎི་ཨ་ཨི། །མ་ལ་ཨ་ཛེ་ཀུནྡུ་རུ་པཱ་ར་ཨི། །ཌིནྜི་མ་ཏ་ཧིཎྞ་བཛྫ་ཨ་ཨི། །ཞེས་དགྱེས་རྡོར་རྩ་བའི་རྒྱུད་རྟག་པ་གཉིས་པ་ལས་གསུངས་སོ། ། ༈ སྐོང་བཤགས་ནི། ཧཱུྃ། བླ་མ་ཡི་དམ་མཁའ་འགྲོ་དང་། །ཆོས་སྐྱོང་སྲུང་མ་རྡོ་རྗེ་སྤུན། །ཚོགས་ཞིང་དམ་པ་འཁོར་བཅས་རྣམས། །བརྩེ་བས་བདག་ལ་དགོངས་སུ་གསོལ། །རྣལ་འབྱོར་བདག་ཅག་འཁོར་བཅས་རྣམས། །ཉོན་མོངས་དུག་ལྔའི་དབང་གྱུར་པས། །འདོད་ལོག་ཚེ་འདིའི་བྱ་བ་ཡིས། །སྒོ་གསུམ་ཉིན་མཚན་ཀུན་གཡེངས་པས། །ཕྱི་ནང་གསང་བ་མཐར་ཐུག་གི། །བསྙེན་སྒྲུབ་བཟླས་བརྗོད་ཚོགས་གཏོར་རྣམས། །ཆག་དང་ཆུང་དང་ཉམས་ལ་སོགས། །སྐུ་གསུང་ཐུགས་དང་འགལ་བ་ཡི། །རྩ་བ་དང་ནི་ཡན་ལག་གི །དམ་ཚིག་ཉམས་ཆགས་ཉེས་ལྟུང་ནི། །འཁོར་བ་ངན་སོང་རྒྱུར་གྱུར་ཅིང་། མཐོ་རིས་ཐར་པའི་གེགས་གྱུར་རྣམས། །གནོང་འགྱོད་དྲག་པོའི་སེམས་ཀྱིས་ནི། །མ་ལུས་བདག་གིས་མཐོལ་ལོ་བཤགས། །སླན་ཆད་སྡོམ་ཞིང་དག་པར་བགྱི། །བརྩེ་བས་བྱིན་གྱིས་བརླབ་ཏུ་གསོལ། དངོས་འབྱོར་ཡིད་ཀྱིས་སྤྲུལ་པ་ཡི། །ཕྱི་ནང་གསང་བ་མཐར་ཐུག་གི །འདོད་ཡོན་རྣམས་ལྔའི་མཆོད་སྤྲིན་ནི། །བཀོད་པ་མཆོག་གྱུར་ཀུན་ཚང་ཞིང་། །ས་དང་བར་སྣང་ཁྱབ་པ་ཡིས། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་སྲུང་མ་རྡོ་རྗེ་སྤུན། །འཁོར་དང་བཅས་པ་ཐམས་ཅད་ཀྱི། །ཐུགས་བཞེད་རྣམ་དག་གྲུབ་གྱུར་ཅིག །ཐུགས་བསམས་རྣམ་དག་རྫོགས་གྱུར་ཅིག །ཐུགས་དམ་གཉེན་པོ་བསྐངས་གྱུར་ཅིག །ཐུགས་དམ་གཉན་པོ་བསྐངས་གྱུར་ནས། །མཁྱེན་བརྩེ་མཐུ་སྟོབས་ནུས་པ་དང་། །རྫུ་འཕྲུལ་དྲག་ཤུལ་རྒྱས་གྱུར་ཅིག །ཁྱེད་ཀྱི་ཐུགས་དམ་སྐོང་གྱུར་ནས། །རྣལ་འབྱོར་བདག་ཅག་འཁོར་བཅས་ཀྱི། །དམ་ཚིག་ཉམས་ཆག་བསྐང་དུ་གསོལ། །དམ་ཚིག་ཉམས་ཆག་བསྐངས་ནས་ཀྱང་། །བརྩེ་བ་ཆེན་པོས་རྗེས་བཟུང་ནས། །འགྱུར་མེད་སྐུ་ཡི་དངོས་གྲུབ་སྩོལ། །ཚངས་དབྱངས་གསུང་གི་དངོས་གྲུབ་སྩོལ། །འཁྲུལ་མེད་ཐུགས་ཀྱི་དངོས་གྲུབ་སྩོལ། །ཡོན་ཏན་རེ་སྐོང་དངོས་གྲུབ་སྩོལ། །ཕྲིན་ལས་འགྲོ་འདུལ་དངོས་གྲུབ་སྩོལ། །མདོར་ན་མཆོག་དང་ཐུན་མོང་གི །དངོས་གྲུབ་མ་ལུས་ཁྱེད་ཀྱིས་སྩོལ། །སྔོན་ལས་འཕྲལ་རྐྱེན་ལ་སོགས་པའི། །བར་ཆད་མ་ལུས་ཁྱེད་ཀྱིས་སོལ། །དེང་ནས་བྱང་ཆུབ་མ་ཐོབ་བར། །བློ་འགེལ་ལྟོས་གྱུར་རེ་ས་དང་། །སྐྱབས་གནས་གཞན་ན་མ་མཆིས་པས། །མཁྱེན་བརྩེ་ནུས་ལྡན་ཁྱེད་རྣམས་ཀྱིས། །བདག་ཅག་འཁོར་དང་བཅས་པ་རྣམས། །བརྩེ་བས་འབྲལ་མེད་བསྐྱང་དུ་གསོལ། །ཞེས་གྲུབ་ཆེན་གཙང་སྨྱོན་ཧེ་རུ་ཀས་མཛད་པའི་ལས་བྱང་ལས་བྱུང་བའོ།། །། ༈

བཀྲ་ཤིས་ནི། ཨོཾ་ཨཱཿཧཱུྃ། སྐུ་གསུམ་མངོན་གྱུར་རྡོ་རྗེ་འཆང་། །བདེ་གསལ་མི་རྟོགས་དང་ལས་ནི། །ཁམས་གསུམ་འགྲོ་བའི་དོན་མཛད་པའི། །བཀའ་རྒྱུད་བླ་མའི་བཀྲ་ཤིས་ཤོག །ཆོས་དབྱིངས་སྲིད་ཞིའི་ངོ་བོ་ཉིད། །དཀྱིལ་འཁོར་ལྷའི་རྣམ་པར་ཤར། །དྲན་པས་དངོས་གྲུབ་གཉིས་འབྱུང་བའི། །ཡི་དམ་ལྷ་ཡི་བཀྲ་ཤིས་ཤོག །བླ་མེད་རྒྱལ་བའི་འཁྲིལ་སྦྱོར་ཡུམ། །འགྲོ་ཀུན་དགེ་ལེགས་བསྒྲུབ་མཛད་མ། །རྣལ་འབྱོར་ཉམས་རྟོགས་སྐྱེད་པའི་སྲིང་། །མ་སྲིང་མཁའ་འགྲོའི་བཀྲ་ཤིས་ཤོག །ཆོས་ཉིད་ཞི་བའི་ངང་བཞུགས་ཀྱང་། །བསྟན་དགྲ་སྒྲོལ་ཕྱིར་དྲག་ཤུལ་ཅན། །རྣལ་འབྱོར་འཕྲིན་ལས་ཀུན་བསྒྲུབ་པའི། །ཆོས་སྐྱོང་སྲུང་མའི་བཀྲ་ཤིས་ཤོག །བླ་མའི་བཀའ་ལས་དབང་བཞིའི་དོན། །ཡེངས་མེད་ཉམས་ལེན་དམ་ཚིག་བསྲུང་། །རང་བས་བླ་མ་མཆེད་ལྕམ་གཅེས། །རྡོ་རྗེ་སྤུན་གྱི་བཀྲ་ཤིས་ཤོག །གདོད་ནས་སྟོང་པ་ཆོས་ཀྱི་སྐུ། །སྲིད་ཞི་གང་དུའང་མ་གྲུབ་ཅིང་། །རང་ངོ་ཤེས་པས་རང་སར་གྲོལ། །ཡེ་ཤེས་སེམས་ཀྱི་བཀྲ་ཤིས་ཤོག །ཅེས་པའང་གཙང་སྨྱོན་ཧེ་རུ་ཀས་མཛད་པའི་ལས་བྱང་ལས་སོ།། །། ༈

[edit]

tshogs 'khor skabs rdo rje'i glu dang _skong bshags bkra shis/ @#/_/tshogs 'khor skabs rdo rje'i glu ni/ kol+la i re T+wI a bo lA/__/mum+mu ni re kak+ko lA/__/g+ha Na kri se Ta ho badz+dza i/__/ka ru Ne ki a i na ro lA/__/ta hiM ba la khadz+dza a/__/ga DeM ma a Na si dz+dza a i/__ha le kA liny+dza ra ba Ni a i/__/du d+hu ra badz+dza a i/__/tsa u pa ma kats+tshu ri sih+lA/__/kas+su ra la i a i/_/mA la in d+ha Na sA li dza/__/ta hiM b+ha ru khA i a i/__/pheM khaN khe Ta kar n+te/__/shud+d+ha a shu d+haN+Na mu Ni a i/__/ni raM shu aM ga tsa DA wi/__/ta hiM dza sa ra ba ba Ni a i/__/ma la a dze kun+du ru pA ra i/__/Din+Di ma ta hiN+Na badz+dza a i/__/zhes dgyes rdor rtsa ba'i rgyud rtag pa gnyis pa las gsungs so/___/__!_ skong bshags ni/__hU~M/__bla ma yi dam mkha' 'gro dang /__/chos skyong srung ma rdo rje spun/__/tshogs zhing dam pa 'khor bcas rnams/__/brtse bas bdag la dgongs su gsol/__/rnal 'byor bdag cag 'khor bcas rnams/__/nyon mongs dug lnga'i dbang gyur pas/__/'dod log tshe 'di'i bya ba yis/__/sgo gsum nyin mtshan kun g.yengs pas/__/phyi nang gsang ba mthar thug gi/__/bsnyen sgrub bzlas brjod tshogs gtor rnams/__/chag dang chung dang nyams la sogs/__/sku gsung thugs dang 'gal ba yi/__/rtsa ba dang ni yan lag gi__/dam tshig nyams chags nyes ltung ni/__/'khor ba ngan song rgyur gyur cing /__mtho ris thar pa'i gegs gyur rnams/__/gnong 'gyod drag po'i sems kyis ni/__/ma lus bdag gis mthol lo bshags/__/slan chad sdom zhing dag par bgyi/__/brtse bas byin gyis brlab tu gsol/__dngos 'byor yid kyis sprul pa yi/__/phyi nang gsang ba mthar thug gi__/'dod yon rnams lnga'i mchod sprin ni/__/bkod pa mchog gyur kun tshang zhing /__/sa dang bar snang khyab pa yis/__/bla ma yi dam mkha' 'gro dang /__/chos skyong srung ma rdo rje spun/__/'khor dang bcas pa thams cad kyi/__/thugs bzhed rnam dag grub gyur cig__/thugs bsams rnam dag rdzogs gyur cig__/thugs dam gnyen po bskangs gyur cig__/thugs dam gnyan po bskangs gyur nas/__/mkhyen brtse mthu stobs nus pa dang /__/rdzu 'phrul drag shul rgyas gyur cig__/khyed kyi thugs dam skong gyur nas/__/rnal 'byor bdag cag 'khor bcas kyi/__/dam tshig nyams chag bskang du gsol/__/dam tshig nyams chag bskangs nas kyang /__/brtse ba chen pos rjes bzung nas/__/'gyur med sku yi dngos grub stsol/__/tshangs dbyangs gsung gi dngos grub stsol/__/'khrul med thugs kyi dngos grub stsol/__/yon tan re skong dngos grub stsol/__/phrin las 'gro 'dul dngos grub stsol/__/mdor na mchog dang thun mong gi__/dngos grub ma lus khyed kyis stsol/__/sngon las 'phral rkyen la sogs pa'i/__/bar chad ma lus khyed kyis sol/__/deng nas byang chub ma thob bar/__/blo 'gel ltos gyur re sa dang /__/skyabs gnas gzhan na ma mchis pas/__/mkhyen brtse nus ldan khyed rnams kyis/__/bdag cag 'khor dang bcas pa rnams/__/brtse bas 'bral med bskyang du gsol/__/zhes grub chen gtsang smyon he ru kas mdzad pa'i las byang las byung ba'o//___//__!_ bkra shis ni/__oM AHhU~M/__sku gsum mngon gyur rdo rje 'chang /__/bde gsal mi rtogs dang las ni/__/khams gsum 'gro ba'i don mdzad pa'i/__/bka' rgyud bla ma'i bkra shis shog__/chos dbyings srid zhi'i ngo bo nyid/__/dkyil 'khor lha'i rnam par shar/__/dran pas dngos grub gnyis 'byung ba'i/__/yi dam lha yi bkra shis shog__/bla med rgyal ba'i 'khril sbyor yum/__/'gro kun dge legs bsgrub mdzad ma/__/rnal 'byor nyams rtogs skyed pa'i sring /__/ma sring mkha' 'gro'i bkra shis shog__/chos nyid zhi ba'i ngang bzhugs kyang /__/bstan dgra sgrol phyir drag shul can/__/rnal 'byor 'phrin las kun bsgrub pa'i/__/chos skyong srung ma'i bkra shis shog__/bla ma'i bka' las dbang bzhi'i don/__/yengs med nyams len dam tshig bsrung /__/rang bas bla ma mched lcam gces/__/rdo rje spun gyi bkra shis shog__/gdod nas stong pa chos kyi sku/__/srid zhi gang du'ang ma grub cing /__/rang ngo shes pas rang sar grol/__/ye shes sems kyi bkra shis shog__/ces pa'ang gtsang smyon he ru kas mdzad pa'i las byang las so//___//__!