JKW-KABUM-10-THA-004-001

🚧 This website is under continued development. We appreciate your patience!

First text in section. Back to Volume PageNext Text

Wylie title		page=1
Location	mkhyen brtse'i bka' 'bum Volume 10, sde tshan 4, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 10: 141-144. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

1 183-210	འཇམ་པའི་རྡོ་རྗེ་དཔའ་བོ་གཅིག་པུ་གྲུབ་པའི་སྒྲུབ་རྗེས་ལས་ཚོགས་དང་བཅས་པ་དངོས་གྲུབ་རྒྱ་མཚོའི་སྤྲིན་ཕུང་། 'jam pa'i rdo rje dpa' bo gcig pu grub pa'i sgrub rjes las tshogs dang bcas pa dngos grub rgya mtsho'i sprin phung Activity Manual - las byang   ·   Permission to Invoke (anujñā) - rjes gnang   ·   Sadhanas - Evocation Ritual - sgrub thabs   ·   Activity Practices - las tshogs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་པའི་རྡོ་རྗེ་དཔའ་བོ་གཅིག་པུ་གྲུབ་པའི་སྒྲུབ་རྗེས་ལས་ཚོགས་དང་བཅས་པ་དངོས་གྲུབ་རྒྱ་མཚོའི་སྤྲིན་ཕུང་།

༄༅། །འཇམ་པའི་རྡོ་རྗེ་དཔའ་བོ་གཅིག་པུ་གྲུབ་པའི་སྒྲུབ་ཐབས་རྗེས་གནང་ལས་ཚོགས་དང་བཅས་པ་དངོས་གྲུབ་རྒྱ་མཚོའི་སྤྲིན་ཕུང་ཞེས་བྱ་བ་བཞུགས་སོ།། །།

ཨོཾ་སྭ་སྟི། འཇམ་དཔལ་གཞོན་ནུ་དཔའ་བོ་གཅིག་པུ་གྲུབ་པ་ཡི། །ཞབས་སེན་ནོར་བུ་དད་བརྒྱའི་སྤྱི་བོས་རབ་མཆོད་ནས། །དེ་ཉིད་བསྙེན་ལས་དངོས་གྲུབ་རྒྱ་མཚོའི་མཆོག་སྦྱིན་པའི། །སྒྲུབ་ཐབས་རྗེས་གནང་རྫོགས་ལྡན་སྤྲིན་ཕུང་རྒྱས་པར་སྤེལ། འདི་ལ་གསུམ། སྒྲུབ་པའི་ཐབས། རྗེས་སུ་གནང་བ། ལས་ཀྱི་ཚོགས་སོ། །དང་པོ་ནི། གང་ཞིག་ངེས་འབྱུང་གིས་རྒྱུད་བསྐུལ་ཞིང་། སྙིང་རྗེ་ཆེན་པོས་ཡིད་ལྷག་པར་བརླན་པའི་སྒྲུབ་པ་པོ་གཞན་གྱི་དོན་དུ་གནས་སྐབས་དང་མཐར་ཐུག་གི་དངོས་གྲུབ་དོན་དུ་གཉེར་བས་བཅོམ་ལྡན་འདས་འཇམ་པའི་རྡོ་རྗེ་དཔའ་བོ་གཅིག་པའི་རྣལ་འབྱོར་ཉམས་སུ་ལེན་པར་འདོད་ན། ཡིད་དང་མཐུན་པའི་ས་ཕྱོགས་གཙང་མར་ཀུ་ཤ་ལ་སོགས་པ་བདེ་བའི་སྟན་ལ་ཁྲུས་དང་གཙང་སྦྲ་དང་བཅས་ཏེ་བསམ་གཏན་གྱི་སྤྱོད་ལམ་གྱིས་འཁོད་ནས་ཡིད་རྩེ་གཅིག་པས་འདི་ལྟར་བསྒོམ་པར་བྱའོ། །སྐྱབས་སེམས་སྔོན་དུ་འགྲོ་བས། རང་གི་སྙིང་གར་ཨ་ལས་བྱུང་བའི་ཟླ་བ་ལ་མྃ་ཡིག་དཀར་པོ། དེའི་འོད་ཟེར་གྱིས་ནམ་མཁའ་གང་བས་བཅོམ་ལྡན་འདས་འཇམ་པའི་རྡོ་རྗེ་བླ་མ་མི་བསྐྱོད་པས་དབུ་ལ་བརྒྱན་པ་མདུན་གྱི་ནམ་མཁའ་ཨོཾ་བཛྲ་ས་མཱ་ཛཿ ཞེས་པས་ཚོགས་ཞིང་སྤྱན་དྲངས། ཨོཾ་བཛྲ་པུཥྤེ་ཨཱཿཧཱུྃ་ནས། ནཻ་ཝི་དྱཱའི་བར་གྱི་ཡིད་ལས་སྤྲུལ་པའི་མེ་ཏོག་ལ་སོགས་པའི་མཆོད་པ་རྣམ་པ་ལྔས་མཆོད། དཀོན་མཆོག་གསུམ་ལ་བདག་སྐྱབས་མཆི་སོགས་ཡན་ལག་བདུན་པ་ལན་གསུམ་གྱིས་རྒྱུད་སྦྱངས་ཏེ། །ཚོགས་ཞིང་རང་གི་སྙིང་གའི་ས་བོན་ལ་ཐིམ་པར་བསམ། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། གཟུང་འཛིན་གྱི་སྣང་བ་ཐམས་ཅད་སྟོང་དང་རྟེན་འབྱུང་ཟུང་དུ་འཇུག་པ་འོད་གསལ་བའི་ཡེ་ཤེས་རྣམ་པར་དག་པའི་བདག་ཉིད་དུ་བསམས་ལ། ཨོཾ་སྭ་བྷཱ་ཝ་སོགས་ཀྱི་སྔགས་བརྗོད་ཅིང་དོན་དྲན་པས་བརྟན་པར་བྱ། སྟོང་པའི་ངང་ལས་སྔོན་གྱི་སྨོན་ལམ་གྱི་སྟོབས་ལས་བྱུང་བའི་སྣ་ཚོགས་པདྨའི་ཟེ་འབྲུས་བསྟེན་པའི་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་མྃ་ཡིག་དཀར་པོ་ནོར་བུ་ཆུ་ཤེས་གྱི་མདོག་ཅན་དྲི་མ་མེད་པའི་འོད་ཟེར་རབ་ཏུ་འཕྲོ་བ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཁྱེན་པའི་ཡེ་ཤེས་མྃ་ཡིག་འཇམ་པའི་རྡོ་རྗེའི་བདག་ཉིད་ཀྱི་རྣམ་པར་སྤྱན་དྲངས་ནས་མྃ་ལ་ཐིམ། དེ་ཡོངས་སུ་གྱུར་པ་ལས་བདག་ཉིད་རྗེ་བཙུན་འཇམ་པའི་དབྱངས་སྐུ་མདོག་སྟོན་ཀའི་ཟླ་བ་ལྟར་དཀར་ཞིང་གཙུག་ཕུད་ལྔ་པ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་། ཕྱག་གཡས་མཆོག་སྦྱིན་གྱི་ཕྱག་རྒྱ་པུས་མོ་གཡས་པའི་སྟེང་དུ་བརྐྱང་བ། གཡོན་ཨུཏྤལ་སྔོན་པོའི་སྡོང་བུ་ཐུགས་ཀར་འཛིན་ཅིང་མེ་ཏོག་སྙན་གྱི་ཐད་སོར་ཁ་ཕྱེ་བ། རབ་ཏུ་ཞི་ཞིང་ལང་ཚོ་དར་ལ་བབས་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་ཤིང་། འོད་དང་འོད་ཟེར་དུ་མ་སྤྲོ་བ་དང་སྡུད་པའི་བདག་ཉིད་ཅན་དུ་གྱུར་པར་གསལ་བཏབ་ནས་སེམས་བཟུང་ཞིང་བཟླས་པ་ལ་འཇུག་ཀྱང་རུང་། ཡན་ལག་ལྷག་མ་རྣམས་བྱེད་པར་སྤྲོ་ན། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན། དེ་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བཅོམ་ལྡན་འདས་འཇམ་པའི་རྡོ་རྗེའི་རྣམ་པར་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། སླར་ཡང་ཐུགས་ཀའི་ས་བོན་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿ དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། ཨོཾ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུ་ལྷག་མ་ཡར་ལུད་པ་ལས་མི་བསྐྱོད་པས་དབུར་བརྒྱན། ཞེས་བརྗོད་ཅིང་བསམ། རང་གི་སྙིང་གའི་དབུས་སུ་ཟླ་བ་ལ་མྃ་ཟླ་ཤེལ་ནོར་བུའི་འོད་ཅན་འོད་ཟེར་གྱིས་ནམ་མཁའི་ཁམས་ན་ཁྱབ་པར་གནས་པའི་འགྲོ་བའི་དོན་བྱེད་པར་བསམས་ལ་ལྷ་སྐུ་སྒྱུ་མ་ལྟ་བུའི་གསལ་སྣང་ལ་ཡིད་གཏད་དེ་རྩེ་གཅིག་ཏུ་མཉམ་པར་གཞག །དེས་སྐྱོ་ན་བཟླས་པ་བྱ་བ་ནི། ས་བོན་གྱི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས་འཕགས་པ་རྣམས་མཆོད། སེམས་ཅན་ཐམས་ཅད་བཅོམ་ལྡན་འདས་འཇམ་པའི་རྡོ་རྗེའི་གོ་འཕང་ལ་བཀོད། སངས་རྒྱས་བྱང་སེམས་རྣམས་ཀྱི་མཁྱེན་བརྩེ་ནུས་པའི་ཡེ་ཤེས་ཐམས་ཅད་འོད་ཟེར་གྱི་རྣམ་པར་སྤྱན་དྲངས་ནས་རང་ལ་ཐིམ་པས་རྒྱུད་བྱིན་གྱིས་བརླབས་པར་བསམས་ལ་བཟླ་བྱའི་སྔགས་ནི། ཨོཾ་ཝཱ་ཀྱེ་དཾ་ན་མཿ ཞེས་པའི་སྙིང་པོའི་སྔགས་གཙོ་བོར་བཟླ། གཞན་ཡང་། ཨོཾ་ཧྲཱིཿཧཱུྃ་ཞེས་ཉེ་སྙིང་ཡང་ཇི་ལྟར་རིགས་པ་དང་། སྤྲོ་ཞིང་ནུས་ན། ཨོཾ་བཛྲ་ཏཱིཀྵྞ་དུཿཁ་ཙྪད་པྲཛྙཱ་ཛྙཱ་ན་མཱུརྟ་ཡེ། ཛྙཱ་ན་ཀཱ་ཡ་ཝཱ་གཱི་ཤྭ་ར་ཨ་ར་པ་ཙ་ནཱ་ཡ་ཏེ་ན་མཿ ཞེས་རྩ་སྔགས་ཀྱང་ཅུང་ཟད་བཟླ། ཐུན་ལས་ལྡང་བ་ན། ཐལ་མོ་སྦྱར་ཏེ། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་དངོས་གྲུབ་ཀྱི་སྐལ་བ་སྩལ་དུ་གསོལ། ཞེས་འདོད་དོན་གསོལ། ཡི་གེ་བརྒྱ་པ་ལན་གསུམ་བཟླས་པས་ལྷ་སྔགས་ཀྱི་དངོས་གྲུབ་བརྟན་ཅིང་ནུས་པ་དང་ལྡན་པར་བསམ། རང་གི་སྙིང་ག་ནས་འོད་ཟེར་འཕྲོས་པས་གདན་འོད་ཟེར་གྱི་རྣམ་པར་གྱུར་ཏེ་རང་ལ་ཐིམ། དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོས་མཚན་པར་བསམ། དགེ་བ་འདི་ཡིས་མྱུར་དུ་བདག །འཇམ་པའི་རྡོ་རྗེ་འགྲུབ་གྱུར་ནས། །ཞེས་སོགས་བསྔོ་སྨོན་བྱ་ཞིང་ལྷའི་ང་རྒྱལ་དང་ལྡན་པས་སྤྱོད་ལམ་ལ་འཇུག་གོ །གཉིས་པ་ནི། གནས་དབེན་པར་མཎྜ་ལར་དྲིའི་ཐིག་ལེ་དང་ཚོམ་བུ་གཅིག་དགོད། འབུལ་གཏོར་དཀར་ཟླུམ་དང་ཆུ་གཉིས་སྔོན་འགྲོའི་ཉེར་སྤྱོད་རྣམས་བཤམ། རང་གི་མདུན་དུ་རྡོ་རྗེ་དྲིལ་བུ་སོགས་དགོས་པའི་ཡོ་བྱད་ཐམས་ཅད་འདུ་བྱ། མཆོད་པ་བྱིན་རླབས་དང་ཚོགས་བསགས་ནས་བརྩམས་བདག་མདུན་སྒྲུབ་ཚུལ། རྗེས་གནང་གི་ཆིངས་མཇུག་གི་བྱ་བ་བཅས་སྒྲུབ་ཐབས་བརྒྱ་རྩའམ་ཁོ་བོས་བྱས་པའི་མཚན་ཡང་དག་པར་བརྗོད་པའི་འཇམ་དཔལ་གྱི་རྗེས་གནང་གི་ཆོ་ག་ལ་ལྷ་སྔགས་ཀྱི་འབྱིན་འཇུག་མ་འཁྲུལ་བར་སྦྱར། མཚམས་སྦྱོར་གྱི་ཁྱད་པར། དེ་ལ་འདིར་ཡང་དག་པར་རྫོགས་པའི་སངས་རྒྱས་ཀྱིས་འཕགས་པ་འཇམ་དཔལ་ལ་རྗེས་སུ་གནང་སྟེ། ས་བཅུའི་བྱང་ཆུབ་སེམས་དཔའ་རྣམས་ཀྱིས་གསོལ་བ་བཏབ་པ་ལ་བརྟེན། འཇམ་དཔལ་གྱིས་ཀྱང་བྱ་བ་དང་། སྤྱོད་པ་དང་། རྣལ་འབྱོར་གྱི་རྒྱུད་ཐམས་ཅད་ལས་མ་བསྙེན་ཡང་གྲུབ་པས་ན་གྲུབ་པའི་གསང་སྔགས་ཞེས་བྱ་བ་རྣལ་འབྱོར་གྱི་རྒྱུད་དང་རྗེས་སུ་མཐུན་པར་བསྡུས་ནས་གསུངས་ཤིང་། བདག་ཉིད་ཀྱི་རྣལ་འབྱོར་མང་དུ་བསྟན་ཀྱང་ཡེ་ཤེས་པ་གཞུག་པ་མི་གསལ་བས་སྤྱོད་རྒྱུད་དེ་བཞིན་གཤེགས་པའི་རིགས་སུའང་རྣམ་པར་བཞག་པའི་འཇམ་དཔལ་དཔའ་བོ་གཅིག་པུ་གྲུབ་པ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོའི་ལེའུ་གསུམ་པའི་གསང་སྔགས་དང་པོ་གསུམ་ལ་བརྟེན་ནས་པཎ་གྲུབ་དབང་པོ་རྡོ་རྗེ་གདན་པས་ལེགས་པར་བཀྲལ་ཞིང་། རྗེ་བཙུན་ས་སྐྱ་པ་ཡབ་སྲས་ལ་བཀའ་བབས་པའི་གཅོམ་ལྡན་འདས་འཇམ་པའི་རྡོ་རྗེའི་རྗེས་སུ་གནང་བ་བསྒྲུབ་པ་ལ་སོགས་སྦྲེལ། བཟླས་ལུང་གི་སྐབས་སྙིང་པོ་དང་ཉེ་སྙིང་གཉིས་ཀྱིས་བྱ། །གཞན་འདྲ། སྤྱིར་འདི་ལ་འཕགས་པ་རིན་པོ་ཆེས་རྒྱུད་དང་རྗེ་བཙུན་ཆེན་པོའི་དགོངས་འགྲེལ་ལྟར་གཙོ་བོས་བཀྲལ་བའི་སྒྲུབ་ཐབས་དང་། ཐར་རྩེ་པཎ་ཆེན་གྱི་ཐོ་ཡིག་ལ་བརྟེན་ནས་རྗེས་གནང་ཟུར་བཀའ་བརྒྱུད་པ་ཅུང་མི་འདྲ་པ་ཞིག་བཞུགས་ཀྱང་། དེང་སང་རྒྱུན་མེད་པས། རྒྱུད་འདིའི་ལས་ཚོགས་ཟབ་ཅིང་འདྲིལ་ལ་ཁྱེར་བདེ་བ་དང་། ལྷག་པའི་ལྷ་གཞན་མང་པོའི་ལས་ཚོགས་ཀྱི་ཁུངས་སུའང་གྱུར་པ་སོགས་གལ་ཆེ་བས་ན། སྒྲུབ་ཐབས་བརྒྱ་རྩ་ལས་གུད་དུ་ཕྱུངས་བ་ཡིན་ནོ། །གསུམ་པ་ལས་ཚོགས་ཀྱི་རྣམ་གཞག་མདོ་ཙམ་འཆད་པ་ལ་གཉིས། སྤྱི་དང་། ཁྱད་པར་རོ། །དང་པོ་ནི། སྒྲུབ་པ་པོ་བྱ་བ་སྤྱིའི་དཀྱིལ་འཁོར་རམ། འཇམ་དཔལ་ཨ་ར་པ་ཙ་ན་དཀར་པོ་ལྷ་ལྔའི་དཀྱིལ་འཁོར་སོགས་སུ་དབང་བསྐུར་བ་དང་། འདི་ཉིད་ཀྱི་རྗེས་སུ་གནང་བ་ལུང་དང་བཅས་པ་ཐོབ་ཅིང་དམ་ཚིག་དང་ལྡན་པས་རྫས་དང་སྔགས་ཀྱི་སྦྱོར་བ་ཙམ་ལ་བརྟེན་ནས་བསྙེན་པ་མ་བྱས་ཀྱང་ལས་གྲུབ་པས་ན་གྲུབ་པའི་གསང་སྔགས་ཞེས་ཁྱད་པར་དུ་བསྔགས་པ་ཡིན་ནའང་། སྔོན་དུ་བསྙེན་པ་བྱས་ན་ལས་གང་བརྩམས་པ་ཐམས་ཅད་ཐོགས་པ་མེད་པར་འགྲུབ་པས་ན་ལྷའི་རྣལ་འབྱོར་གཞུང་ན་དངོས་སུ་གསལ་བ་དང་། མན་ངག་གིས་ཁ་སྐོང་བ་གང་ལའང་སྐྱབས་སུ་འགྲོ་བ་དང་། སེམས་བསྐྱེད་པ་སྔོན་དུ་བཏང་ནས་ལྷ་སོ་སོའི་རྣལ་འབྱོར་བསྒོམ་ཞིང་སྔགས་ཡི་གེའི་གྲངས་ཀྱི་འབུམ་ཕྲག་སོགས་ཇི་ལྟར་རིགས་པ་བཟླས་ནས་ལས་ལ་སྦྱོར་བའམ། ལྷའི་རྣལ་འབྱོར་དམིགས་བསལ་མེད་པའམ། ཡོད་ནའང་འཇམ་པའི་རྡོ་རྗེའི་བསྙེན་པ་སྔོན་དུ་སོང་བས་སོ་སོའི་ལས་སྔགས་བཟླས་ཏེ་ལས་ལ་སྦྱར་དུ་རུང་བར་རྗེ་བཙུན་རིན་པོ་ཆེའི་བཀའ་འགྲེལ་ལས་གསུངས་ཤིང་། འཕགས་པ་འཇམ་དཔལ་གྱི་རྩ་བའི་རྟོགས་ལས་ཀྱང་། འཇམ་དཔལ་ཞེས་བྱར་ཡོངས་སུ་བརྟགས་པ་ནི། །ཁྱོད་ཀྱི་མིང་ནི་སྔོན་གྱི་རྒྱལ་བས་མཛད། །ཁྱོད་ཀྱི་མིང་དུ་འདི་ལྟར་བརྟགས་བྱས་པ། །འདས་དང་མ་བྱོན་ད་ལྟར་སངས་རྒྱས་ཀྱིས། །གཞན་དུ་མ་ཡེངས་རྩེ་གཅིག་ཡིད་དག་པས། །ཁྱོད་ཀྱི་མིང་ནི་འཁོར་གྱི་ནང་དུ་ཐོས། །དེས་ནི་འདི་ལ་ཤིས་དང་ཞི་བ་ཐོབ། །སྲིད་མཐར་བྱང་ཆུབ་མཆོག་ནི་ཁྱད་པར་ཐོབ། །སྔགས་རྣམས་མ་ལུས་འགྲུབ་པར་འགྱུར་བ་དང་། །འགྲོ་བའི་སྐྱེ་གནས་མཆོག་ནི་རབ་ཐོབ་ཅིང་། །རྟག་ཏུ་ཆོས་མཆོག་ལ་ནི་ཡང་དག་གནས། །བགེགས་རྣམས་རྣམ་པར་སྤོང་ཞིང་གྲུབ་པ་ཐོབ། །འདོད་པའི་སྔགས་རྣམས་མ་ལུས་གྲུབ་པར་བྱེད། །བྱང་ཆུབ་ཤིང་དབང་དྲུང་དུ་མྱུར་དུ་འགྲོ། །སོང་ནས་བྱང་ཆུབ་མཆོག་ནི་ཐོབ་པར་བྱེད། །སོང་ནས་སེམས་ཅན་ཕན་ཕྱིར་དེར་འདུག་སྟེ། །སངས་རྒྱས་བྱང་ཆུབ་འཁོར་ལོ་རབ་ཏུ་བསྐོར། །དེ་ལྟར་རྒྱལ་བའི་ཡོན་ཏན་གཙོ་བོས་གསུངས། །འཇམ་དཔལ་ཞེས་བྱ་ཁྱོད་ཀྱི་མིང་དྲན་པ། །ཡོན་ཏན་བསམ་མི་ཁྱབ་ཅེས་རྒྱལ་བས་གསུངས། །རྒྱལ་བའི་གཙོ་བོ་སྔར་གཤེགས་ཐམས་ཅད་ཀྱིས། །རྟག་ཏུ་ཁྱོད་ཀྱི་མཐུར་ནི་བརྟེན་པ་ཡིན། །གཞོན་ནུ་དག་པ་ཁྱོད་ཀྱི་སྔགས་རྟོག་པ། །བསྐལ་པ་གྲངས་མེད་རྟག་ཏུའང་སྟོན་མི་ནུས། །ཞེས་མཚན་ཐོས་པ་ཙམ་གྱིས་ཀྱང་ཐུན་མོང་དང་། མཆོག་གི་དངོས་གྲུབ་མ་ལུས་པ་གྲུབ་པར་གསུངས་པས་སོ། །གང་ལྟར་ཡང་ལས་ཀྱི་རྣམ་གྲངས་ནི། ལེའུ་དང་པོར་གསང་སྔགས་ཉི་ཤུ་ཐམ་པའི་སྒོ་ནས་ལས་ཀྱི་སྦྱོར་བ་བརྒྱ་དང་བཅུ་གསུམ་སྒྲུབ་པ་དང་། །གཉིས་པ་ནས་སྔགས་དང་ལྷའི་རྣལ་འབྱོར་ཉི་ཤུ་དང་ལས་ཚོགས་བཞི་བཅུ་རྩ་གཉིས། གསུམ་པ་ནས་སྔགས་དང་ལྷའི་རྣལ་འབྱོར་བཅུ་གཉིས་དང་ལས་ཚོགས་སུམ་ཅུ་རྩ་དྲུག །བཞི་པ་ནས་སྔགས་དང་ལྷའི་རྣལ་འབྱོར་བཞི་དང་ལས་ཀྱི་ཚོགས་བཅོ་བརྒྱད་དེ། དྲིལ་བས་ལྷ་སྔགས་ཀྱི་རྣམ་གྲངས་ལྔ་བཅུ་རྩ་དྲུག་ལ་བརྟེན་ནས་ལས་ཀྱི་ཚོགས་དངོས་བསྟན་ཉིས་བརྒྱ་དང་དགུ་ཙམ་སྒྲུབ་པའི་ཚུལ་བསྟན་པ་སྟེ། ཇི་སྐད་གསུངས་པ་དེ་ཐམས་ཅད་ཀྱང་རྒྱུ་མཚན་དང་བཅས་པ་དང་། རྗེ་བཙུན་རིན་པོ་ཆེའི་དཀའ་འགྲེལ་དག་སྦྱར་ཏེ་ཤེས་པར་བྱ་ཞིང་། སྤྱིར་རྒྱུད་འདི་ལ་པཎ་ཆེན་ཤཱཀྱ་ཤྲཱིའི་བླ་མ་ཤུ་བྷཱ་ཀ་ར་སྟེ་དགེ་བའི་འབྱུང་གནས་ཀྱིས་མཛད་པའི་རྒྱ་འགྲེལ་ཡང་འབྱུང་མོད་དེ། ལྷའི་རྣལ་འབྱོར་དང་འཕྲོས་དོན་གྱི་མན་ངག་སོགས་ཕལ་ཆེར་རྗེ་བཙུན་རིན་པོ་ཆེའི་དཀའ་འགྲེལ་དང་མི་མཐུན་པ་མང་བས་ན་གདམས་པའི་སྲོལ་སོ་སོ་ཡིན་ནོ། །གཞན་ཡང་ལྷ་སྔགས་གཙོ་བོར་གྱུར་པ་འགའ་ཞིག་ལ་རང་རང་གི་མན་ངག་རྒྱས་པ་ལོགས་སུ་འབྱུང་བ་ལས་ཀྱང་རྟོགས་པར་བྱ་སྟེ། ལེའུ་དང་པོའི་གསང་སྔགས་ཐོག་མ་གསུམ་ལ་གཙོ་བོར་བརྟེན་པའི་བུ་སྟོན་རིན་པོ་ཆེས་ཐོག་སྲུང་གི་འཁོར་ལོ་འབྲི་ཚུལ་དང་། ཇོ་བོ་རྗེ་ནས་བརྒྱུད་པའི་སེར་སྲུང་གཏའ་ཐུབ་མ། གསང་སྔགས་བཅུ་གསུམ་པ་རིག་པ་རྨ་བྱ་ཆེན་མོའི་སྒོ་ནས་རྡོ་རྗེའི་ཚེ་སྒྲུབ་པ་སོགས་ཀྱི་མན་ངག །གསང་སྔགས་སྔགས་བཅུ་བདུན་པ་མི་གཡོ་བ་སྔོན་པོ་པུས་བཙུགས་ཀྱི་སྐོར་སློབ་དཔོན་རིན་པོ་ཆེ་བསོད་ནམས་རྩེ་མོས་མཛད་པའི་སྒྲུབ་ཐབས་མན་ངག་དང་བཅས་པ། ལེའུ་གཉིས་པའི་གསང་སྔགས་གཉིས་པ་ལྷ་མོ་ཤྲ་བ་ཎའི་རྨི་ལམ་བརྟག་ཐབས་ཀུན་མཁྱེན་བཀྲ་ཤིས་རྣམ་རྒྱལ་གྱི་གཞུང་གསལ་བྱེད་དང་བཅས་པ། གསང་སྔགས་དགུ་པ་བུདྡྷ་ཙུ་རུ་ཀའི་སྐྱེ་བ་བརྟག་པའི་མན་ངག །གསང་སྔགས་བཅུ་བཞི་པ་ལྷ་མོ་དཔལ་ཆེན་མོའི་སྒྲུབ་ཐབས། གསང་སྔགས་བཅུ་བདུན་པ་ནོར་རྒྱུན་མ་གཙོ་འཁོར་ལྔ་དང་། གསང་སྔགས་བཅུ་དགུ་པ་ནོར་རྒྱུན་མ་གཙོ་འཁོར་དགུ་དང་། གསང་སྔགས་ཉི་ཤུ་པ་ཛམྦྷ་ལ་གཙོ་འཁོར་དགུ་རྣམས་ཀྱི་སྒྲུབ་ཐབས་གནོད་སྦྱིན་འཁོར་ལོའི་མན་ངག་དང་བཅས་པ། ལེའུ་གསུམ་པའི་གསང་སྔགས་གཉིས་པ་ལ་གཙོ་བོར་བརྟེན་པའི་འཇམ་དཔལ་དཀར་པོ་མ་ཏི་ལུགས་ཀྱི་སྐོར་སོགས་སྒྲུབ་པའི་ཐབས་ཀུན་ལས་བཏུས་པ་འདི་ཉིད་དུའང་བཞུགས་ཤིང་། གཞན་ཡང་ལེའུ་གསུམ་པའི་གསང་སྔགས་དགུ་པ་ཨ་ར་པ་ཙ་ན་དཀར་པོ་ལྷ་ལྔའི་དཀྱིལ་འཁོར་དུ་དབང་བསྐུར་བ་དང་། ལེའུ་བཞི་པའི་གསང་སྔགས་གསུམ་པའི་ཀུ་རུ་ཀུལླེའི་མན་ངག་ཆག་ལོ་རིན་ཆེན་ཆོས་རྒྱལ་གྱིས་མཛད་པ་སོགས་ཀྱང་བཞུགས་པས་དེ་རྣམས་སུ་རྒྱས་པར་རྟོགས་པར་བྱའོ། །གཉིས་པ་ནི། བྱེ་བྲག་སྐབས་སུ་བབས་པ་ལེའུ་གསུམ་པའི་གསང་སྔགས་གཉིས་པ་དང་གསུམ་པའི་མན་ངག་འཇམ་དཔལ་དཔའ་བོ་གྲུབ་པའི་ལས་ཀྱི་ཚོགས་སྒྲུབ་པ་ལ་གསུམ། ཐོག་མར་ལྷ་ཉེ་བར་བསྙེན་པའི་ཐབས། བར་དུ་དངོས་གྲུབ་སྣ་ཚོགས་སྒྲུབ་པའི་ཆོ་ག །ཐ་མ་གྲུབ་པ་མཆོག་གི་འབྲས་བུ་མངོན་དུ་བྱེད་པའི་ཚུལ་ལོ། །དང་པོ་ནི། གཞུང་ལས། ཨོཾ་ལྭཱ་ཀྱེ་དཾ་ན་མ། རྗེ་བཙུན་གསུང་གི་དབང་ཕྱུག་གི་སྙིང་པོ་འདི་གོང་མ་བཞིན་དུ་ཏིང་ངེ་འཛིན་ལ་གནས་པས་གོམས་པར་བྱས་ན་གོང་དུ་བཤད་པའི་ལས་ཐམས་ཅད་བྱེད་པར་འགྱུར་རོ། །ཞེས་གསུངས་པས། གོང་མ་བཞིན་དུ་ཏིང་ངེ་འཛིན་ལ་གནས་པ་ནི་གོང་དུ་རྩ་སྔགས་ཀྱི་སྐབས་སུ་གསུངས་པ་ལྟར་བདག་ཉིད་འཇམ་པའི་རྡོ་རྗེ་དཔའ་བོ་གཅིག་པུ་གྲུབ་པའི་སྐུར་བསྒོམ་ཞིང་བཟླས་པས་གོང་དུ་བཤད་པའི་ལས། ཞག་ཉི་ཤུ་རྩ་གཅིག་གིས་དབྱངས་ཅན་གྱི་ངག་ཐོབ་པར་འགྱུར་ཞིང་། ཟླ་བ་དྲུག་གིས་ངག་གི་དབང་ཕྱུག་འགྲུབ་པར་བྱེད་དོ། །བཅོམ་ལྡན་འདས་ངག་གི་དབང་ཕྱུག་མངོན་སུམ་དུ་མཐོང་ཞིང་ཐོས་པ་འཛིན་པ་ཡང་ཐོབ་པར་འགྱུར་རོ། །ཞེས་ཇི་སྐད་གསུངས་པ་གྲུབ་པར་བསྟན་པ་སྟེ། དེ་ཡང་གནས་དབེན་པར་ཁྲུས་དང་གཙང་སྦྲ་བཅས་འདིའི་བྲིས་སྐུ་ཡོད་ན་བཤམ། གང་ལྟར་ཡང་འབུལ་གཏོར་དཀར་ཟླུམ་མཆོད་པ་དང་བཅས་པ་དང་། གྲུབ་ན་གཏོར་མ་ཆ་གསུམ་སོགས་དགོས་པའི་ཡོ་བྱད་རྣམས་འདུ་བྱ། མཚམས་དམ་པར་བཅད་ལ་ཇི་སྐད་བཤད་པའི་མངོན་རྟོགས་ཐུན་བཞི་སོགས་སུ་བསྒོམ་ཞིང་། སྙིང་པོ་ཡི་གེ་དྲུག་པ་འབུམ་ཕྲག་བདུན་བཟླ་བ་ནི་ལས་རུང་དང་། ཟླ་བ་དྲུག་ཏུ་བཟླས་ན་དངོས་གྲུབ་འཐོབ་པར་འགྱུར་ལ། ཉེ་སྙིང་ཡི་གེ་གསུམ་པ་དང་། རྩ་སྔགས་ཀྱང་ཇི་ལྟར་རིགས་པ་བཟླ། སྔ་ཐུན་གྱི་མཇུག་ཏུ་གཏོར་མ་འབུལ་བ་ནི། གདན་འོད་ཟེར་གྱི་རྣམ་པར་གྱུར་ཏེ་རང་ལ་ཐིམ་ཞེས་པའི་རྗེས་གཏོར་མ་ལ་ཆབ་བྲན། ཨོཾ་ཨམྲྀ་ཏེ་ཧཱུྃ་ཕ྄ཊ་ཀྱིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ལན་གསུམ་གྱིས་བྱིན་བརླབ། གཏོར་མགྲོན་བསྐྱེད་པར་སྤྲོ་ན། སྟོང་པའི་ངང་ལས་མདུན་གྱི་ནམ་མཁར་སྣ་ཚོགས་པདྨའི་ཟེ་འབྲུས་བསྟེན་པའི་ཨ་ལས་ཟླ་བའི་སོགས་ནས། དེ་ཡོངས་སུ་གྱུར་པ་ལས་རྗེ་བཙུན་འཇམ་པའི་དབྱངས་སོགས་ནས། མི་བསྐྱོད་པས་དབུར་བརྒྱན་ཅེས་པའི་བར་བདག་བསྐྱེད་ལྟར་ལ། བདག་ལ་མངོན་པར་དབང་བསྐུར་བ་ཞེས་པའི་ཚབ་ཏུ་འདི་ལ་ཞེས་བསྒྱུར། བསྡུ་ན། རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བཅོམ་ལྡན་འདས་འཇམ་པའི་རྡོ་རྗེའི་རྣམ་པར་མདུན་གྱི་ནམ་མཁར་ཨོཾ་བཛྲ་ས་མཱ་ཛཿས་སྤྱན་དྲངས། གང་ལྟར་ཡང་ནམ་མཁའ་མཛོད་ཀྱི་ཕྱག་རྒྱ་དང་། ཨོཾ་ཨཱརྱ་མཉྫུ་ཤྲཱི་སིདྡྷི་ཀ་བཱི་ར་ཨོཾ་ཨ་ཀཱ་རོ་སོགས་ལན་གསུམ་མམ་ལྔས་གཏོར་མ་དབུལ། མཚན་སྔགས་གོང་བཞིན་མཐར་ཨརྒྷཾ་སོགས་སྦྱར་བས་མཆོད། གཞོན་ནུའི་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་ཏུ་བརྒྱན། །འཇིག་རྟེན་གསུམ་གྱི་མུན་སེལ་བ། །འཇམ་པའི་དབྱངས་ལ་ཕྱག་འཚལ་ལོ། །ཞེས་པས་བསྟོད། །བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། །ཞེས་འདོད་དོན་གསོལ། འཇིག་རྟེན་པ་ལ་གཏོར་མ་ཆ་གསུམ་གཏོང་ན་སྐབས་འདིར་སྦྱར། ཡི་གེ་བརྒྱ་པ་ལན་གསུམ་དང་། མ་འབྱོར་པ་དང་སོགས་ཀྱིས་ནོངས་པ་བཟོད་པར་གསོལ། རྟེན་ཡོད་ན་སུ་པྲ་ཏིཥྛས་བརྟན་བཞུགས་དང་། མེད་ན་བཛྲ་མུཿས་ཡེ་ཤེས་པ་གཤེགས། གཏོར་མགྲོན་བསྐྱེད་པ་ཡིན་ན། དམ་ཚིག་པ་རང་ལ་བསྟིམ། གནས་གསུམ་བསྲུང་། བསྔོ་སྨོན་བཀྲ་ཤིས་བྱ། གཞན་ཡང་ཐུན་མཚམས་རྣམས་སུ་འཕགས་པ་འཇམ་དཔལ་གྱི་སྣང་བརྙན་གཙོ་བོར་གྱུར་པའི་རྟེན་གསུམ་དངོས་སུ་ཡོད་ན་དེའི་སྤྱན་སྔར་དང་། མེད་ན་ཚོགས་ཞིང་མཁའ་ཁྱབ་ཏུ་བཞུགས་པར་གསལ་བའི་མདུན་དུ་བཟང་སྤྱོད་སོགས་ལས་འབྱུང་བའི་ཡན་ལག་བདུན་པ་དང་། མཎྜལ་རྒྱས་བསྡུས་གང་རིགས། མཚན་བརྗོད་སོགས་བསྟོད་པ་བྱིན་རླབས་ཅན་གྱི་ཚོགས་དང་སྡུད་པ་སོགས་ཤེར་ཕྱིན་གྱི་མདོ་ཟབ་མོ་ཀློག་ཅིང་དེའི་དོན་ལ་བསམ། བཟང་པོ་སྤྱོད་པས་མཚོན་སྨོན་ལམ་རྒྱ་ཆེར་གདབ་པ་རྣམས་ཅི་ནུས་སུ་བརྩོན། ཁ་སྐོང་གི་སྦྱིན་སྲེག་བྱེད་ན། གསང་བ་སྤྱིའི་ལུགས་ཀྱི་ཆོ་ག་རྒྱས་པའམ། འདིའི་ལུགས་ཀྱི་ཆོ་ག་བསྡུས་པ་གང་རུང་གིས་ཁོག་ཕུབ་ནས། རྫས་ཏིལ་དང་། སྔགས་ཡི་གེ་དྲུག་པ་ལ་གྲངས་བཟུང་སྟེ་བཅུ་ཆ་སོགས་ཇི་ལྟར་རིགས་པ་དབུལ། གཞན་མཚམས་ཀྱི་སྤང་བླང་སོགས་སྤྱི་ལྟར་ཤེས་པར་བྱས་ལ་ཉམས་སུ་བླང་ངོ་། །གཉིས་པ་ནི། དེ་ལྟ་བུའི་བསྙེན་པ་ལས་སུ་རུང་བའི་རྣལ་འབྱོར་པས། རང་གཞན་གྱི་དོན་དུ་ལས་ཀྱི་ཚོགས་བཅོ་བརྒྱད་པོ་རྣམས་བསྒྲུབ་པར་བྱ་སྟེ། དེ་ཡང་གསང་སྔགས་དང་པོའི་སྐབས་སུ་གསུངས་པའི་ཤུ་དག་གིས་གླེན་དིག་བསལ་བ༡། གཉིས་པའི་སྐབས་འདི་ཉིད་དུ་གསུངས་པའི་ཛཱ་ཏིའི་མེ་ཏོག་གི་ཕུན་པོ་འབུམ་ཕྲག་ལ་བརྟེན་ནས་ཐོས་པ་༢འཛིན་པ། མེ་ཏོག་གི་སྦྱིན་སྲེག་གིས་ངག་གི་དབང་ཕྱུག་དང་མཚུངས་པ༣། པྲཧྨའི་སྨན་སྦྱོར་གྱིས་ཐོས་པ་འཛིན་པ༤། རལ་གྲི་ལ་བརྟེན་ནས་རིག་འཛིན་སྒྲུབ་པ༥། ཕྱག་མཚན་གཞན་ལ་བརྟེན་ནས་རིག་འཛིན་སྒྲུབ་པ༦། བཅུད་ལེན་དང་༧། མིག་སྨན་དང་༨། ཐིག་ལེ་དང་༩། རྐང་མགྱོགས་དང་༡༠། དབང་༡༡དུ་བྱེད་པའི་རྫས་སྦྱོར། ཟས་མཆོག་ལ་༡༢བརྟེན་ནས་ལོ་ལྔ་བརྒྱར་འཚོ་བ། སྲན་མ་མཱ་ཥཱ་ལ་བརྟེན་ནས་༡༣སྡེབ་སྦྱོར་དང་ཐོས་པ་འཛིན་པ་སོགས་སྒྲུབ་པ། པདྨ་དཀར་པོའི་རྒྱས་པའི་སྦྱིན་སྲེག་འབུམ་ཕྲག་གིས་ཞལ་༡༤མཐོང་བ། བིལྦའི་འབྲས་བུའི་རྒྱས་པའི་སྦྱིན་སྲེག་འབུམ་ཕྲག་གིས་རྒྱལ་སྲིད་འགྲུབ་༡༥པ། མེ་ཏོག་གི་རྒྱས་པའི་སྦྱིན་སྲེག་འབུམ་ཕྲག་གིས་ངག་གི་དངོས་གྲུབ་ཐོབ་པ༡༦། འབྲུ་ལྔ་༡༧དང་། འོ་མ་ཅན་གྱི་ཡམ་ཤིང་ལྔ་ལ་བརྟེན་ནས་དབང་གི་སྦྱིན་སྲེག་གིས་ལྷ་ཀླུ་འཁོར་ལོས་སྒྱུར་བ་སོགས་ཀྱི་བུ་མོ་དམ་པ་དགུག་༡༨པ་སྟེ། དེ་རྣམས་ནི་རྒྱུ་མཚན་དང་བཅས་པ་དང་། རྗེ་བཙུན་ཆེན་པོའི་དཀའ་འགྲེལ་སོགས་ལ་བརྟེན་ནས་རྟོགས་པར་བྱ་ཞིང་། སྤྱིར་ཡང་རིག་འཛིན་སྒྲུབ་པ་སོགས་ཀྱི་ལས་ཚོགས་འགང་ཆེ་བ་འདི་རྣམས་གཙོ་བོར་ཚོགས་ལམ་ཆེན་པོ་ལ་གནས་པས་བསྒྲུབ་པར་གསུངས་པས། འདིར་ལས་དང་པོ་པ་ལ་ཉེར་མཁོ་ཅུང་ཟད་ཙམ་གསལ་བར་བརྗོད་ན་གསུམ། ཤུ་དག་གི་ལས་སྦྱོར། མཱ་ཥཱའི་ལས་སྦྱོར། སྦྱིན་སྲེག་གི་ལས་སྦྱོར་རོ། །དང་པོ་ནི། རང་གི་མདུན་དུ་སྟེགས་བུའི་དབུས་མཉྫིའི་ཁར་མཎྜ་ལར་འདི་ཉིད་ཀྱི་སྐུའམ། མེ་ཏོག་དཀར་པོའི་ཚོམ་བུ་གཅིག་དགོད། དེའི་མདུན་དུ་ཤུ་དག་ནག་པོ། འདི་འཇམ་དབྱངས་སྨྲ་སེང་གི་དཔའ་བོ་བཅུ་གཉིས་ཀྱི་རིལ་བུ་སོགས་ལ་ཤུ་དག་དཀར་པོ་བཏང་བ་ཕྱག་ལེན་དུ་མཛད་ཀྱང་། སྐབས་འདི་དང་སྤྱན་རས་གཟིགས་ཀྱི་ཐོས་པ་འཛིན་པའི་རྫས་སུ་ཤུ་དག་ནག་པོ་དམིགས་བསལ་དུ་གསུངས་སོ། །སྲན་མ་ཙམ་གྱི་ཕྱེ་མ་ཞིག་གཞག །གཞན་གཏོར་མ་དང་མཆོད་པ་སོགས་སྤྱི་ལྟར་བཤམ། བདག་བསྐྱེད་བཟླས་པའི་མཇུག་གི་གདན་བསྡུ་བའི་བར་སྔོན་དུ་སོང་ནས་སྐུ་རྟེན་ནམ་ཚོམ་བུ་བསང་སྦྱངས། གོང་དུ་གཏོར་མགྲོན་ཀྱི་བསྐྱེད་ཆོག་ཏུ་བཤད་པ་ལྟར་མདུན་བསྐྱེད་ཡན་ལག་བཞི་རྫོགས་སུ་གསལ་གདབ། མཆོད་པ་བསང་སྦྱངས། སྟོང་པའི་ངང་ལས་ཨོཾ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན་ཞབས་བསིལ་སོགས་ནས། རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའི་མཐའ་ཀླས་པར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་ནས། ཤབྡའི་བར་སྦྱར་བས་བརླབ། འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་རྣམས། །འཕགས་པ་འཁོར་དང་བཅས་ལ་འབུལ། །བཞེས་ནས་ཡེ་ཤེས་སྣང་བ་སྩོལ། །ཨོཾ་ཨཱཪྻ་མཉྫུ་ཤྲཱི་སིདྡྷཻ་ཀ་བཱི་ར་ཨརྒྷཾ་པྲ་ཏཱི་ཙྪ་སྭཱ་ཧཱ། ཞེས་སོགས་རོལ་མོ་དང་ཤབྡའི་བར་སྦྱར་བས་མཆོད། གཞོན་ནུའི་སྐུ་ལུས་སོགས་དང་། སྤྲོ་ན་མཚན་བརྗོད་ཚང་པའམ། མཆོག་སྦྱིན་རྡོ་རྗེ་སོགས་འདུད་ཉི་ཤུས་བསྟོད། གཏོར་མ་བསང་སྦྱངས་བྱིན་གྱིས་བརླབས་ལ་དབུལ། མདུན་བསྐྱེད་ཀྱི་ཐུགས་ཀ་ནས་འོད་ཟེར་འཕྲོས། རྫས་ལ་ཐིམ་པས་ནུས་པ་མཆོག་དང་ལྡན་པར་བསམས་ལ་ཡི་གེ་དྲུག་པ་ཅི་ནུས་དང་། རྩ་སྔགས་བརྒྱ་རྩ་བཟླ། དེ་ནས་བ་སེར་སྐྱའི་མར་རམ། འོ་མའམ། ཏིལ་མར་དང་སྦྱར་ནས་འཐུང་། རྗེས་མཆོད་པ་ཞལ་གསོས་ལ་བསང་སྦྱངས་བྱིན་རླབས་སྔོན་དུ་འགྲོ་བས་མདུན་བསྐྱེད་ལ་མཆོད་བསྟོད། ནོངས་བཤགས། རྟེན་ཡོད་ན་བརྟན་བཞུགས། མེད་ན་གཤེགས་གསོལ། གནས་བསྲུང་བསྔོ་སྨོན་བཀྲ་ཤིས་བཅས་བྱ། དེ་ལྟར་ཐོ་རངས་ཀྱི་དུས་སུ་ཟླ་བ་གཅིག་བར་མ་ཆད་པར་བསྟེན་ན་ཤེས་པ་གླེན་པ་དང་། ངག་དིག་པ་སོགས་ཀྱི་སྐྱོན་སྦྱངས་ཤིང་། དབྱངས་སྙན་པ་དང་། ཚིག་གསལ་བར་འགྱུར་ལ། ཟླ་བ་དྲུག་ཏུ་བསྟེན་ན་སྔོན་མ་ཐོས་པའི་བསྟན་བཅོས་ཀྱི་དོན་ཤེས་པ་དང་། ཐོས་པ་ནམ་ཡང་མི་བརྗེད་པའི་ཐོས་པ་འཛིན་པའི་མཆོག་ཏུ་འགྱུར་རོ། །དེ་ཡང་དང་པོ་སྲན་མ་ཙམ་ནས་རིམ་གྱིས་ཆ་བསྐྱེད་ཅིང་། མཐར་ཞོ་ཕྱེད་ཀྱི་ཆེད་དུ་བསྟེན་པར་བྱ། གོང་དུ་སྨོས་པའི་ཆོ་ག་ནངས་རེ་བཞིན་མ་གྲུབ་ན། དུས་གཅིག་ཏུ་སྨན་མང་ཙམ་བྱིན་གྱིས་བརླབས་ནས་ཕྱིས་རིམ་པར་བསྟེན་པའི་དུས་སྔགས་བརྒྱ་རྩ་སོགས་དང་བཅས་འཐུང་ནའང་རུང་བར་མངོན་ནོ། །གཉིས་པ་ནི། མཱ་ཥཱ་ཞེས་པ་སྲན་མ་སྤྱིའི་མིང་ལའང་འཇུག་མོད། བྱེ་བྲག་གི་སྐབས་མོན་གྱི་སྲན་ལྗང་ལེབ་མོའམ། མ་རྙེད་ན་སྲན་དཀར་གྱིས་ཀྱང་རུང་བར་བཤད། གང་ལྟར་ཡང་མེ་དང་། མར་ཁུ་དང་། མར་ནག་དང་། ཆུས་མ་རེག་པ། རུལ་སུམ་སོགས་ཀྱི་སྐྱོན་དང་བྲལ་བ། འབུ་སྲིན་གྱིས་མ་ཟོས་ཤིང་། སད་སེར་གྱིས་མ་བཅོམ་པ། ཡོངས་སུ་རྒྱས་ཤིང་སྨིན་པ་གྲངས་ཇི་ཙམ་རུང་བ་འོ་མ། མར། ཀ་ར། བུ་རམ། སྦྲང་རྩི་རྣམས་ཀྱིས་ལེགས་པར་བྲན་ལ་གྲིབ་མར་སྐམ་པ་སྟ་གོན་དུ་བྱ། དེ་ནས་ཉི་མའམ་ཟླ་བ་གཟས་བཟུང་བ་ལ་མངོན་དུ་ཕྱོགས་པའི་དུས་བྲིས་སྐུ་ཡོད་ན་ཤར་དུ་བཀྲམ་པའི་མདུན་མཆོད་པ་བཤམ་ཞིང་རང་ཉིད་ཀྱང་དེར་གདོང་ཕྱོགས། མེད་ན་ཉི་ཟླ་གང་ཡིན་ལ་རྒྱབ་བརྟེན་ནས་སྟན་བདེ་བ་ལ་བསྡད། སྲན་མ་དེ་ཉིད་རས་སྲབ་མོའམ་དར་ཀར་གྱིས་མང་ཉུང་སྔགས་ཀྱི་སྒྲ་ཟུར་ལ་མི་གནོད་པའི་ཚོད་ཙམ་དྲིལ་ལ་རིན་པོ་ཆེའི་ཟ་མ་ཏོག་ཏུ་བཅུག་སྟེ་རང་གི་མདུན་དུ་གཞག །བདག་བསྐྱེད་བཟླས་པའི་བར་དང་། མདུན་བསྐྱེད་བྲིས་སྐུ་ལྷར་གསལ་བའམ། མེད་ན་མདུན་གྱི་ནམ་མཁར་གཏོར་མགྲོན་ལྷར་གསལ་གདབ། མཆོད་བསྟོད་ཀྱི་བར་གོང་དུ་སྨོས་པ་བཞིན་དང་། མཎྜལ་ཅི་ནུས་དབུལ། སྒྲུབ་གྲོགས་ཞིག་ལ་བལྟར་བཅུག་ནས་ཉི་ཟླ་གང་ཡིན་གཟས་བཟུང་ངོ་ཟེར་མ་ཐག་སྔར་གྱི་སྲན་མ་ལྕེ་འོག་ཏུ་བཅུག་ནས་རང་གིས་ཉི་ཟླ་ལ་མི་བལྟ་བར་བཟླས་པ་རྩེ་གཅིག་ཏུ་བྱ། གྲོགས་ཀྱིས་གཟའ་ལས་གྲོལ་ལོ་ཟེར་བ་ན། ལྕེ་འོག་ནས་བཏོན་ཏེ་བལྟས་པས། རབ་མྱུ་གུ་རིང་ཐུང་ཇི་ལྟར་རིགས་པ་དང་། འབྲིང་མྱུ་གུ་ཐོན་ལ་ཁད་པ་དང་། ཐ་མའང་དཔྱིད་དུས་ས་འོག་ཏུ་ཞག་གཉིས་གསུམ་ལོན་པ་ལྟ་བུའི་སྦོས་པ་སོགས་སྔར་དང་མི་འདྲ་བའི་རྟགས་ངེས་ཤེས་ཅན་བྱུང་ན། བ་སེར་སྐྱའམ། ར་དཀར་མོའི་འོ་མ། མ་རྙེད་ན་ཆུ་གཙང་མས་ཕུལ་ཏེ་སོས་མ་རེག་པར་མིད་པས་ཤེས་རབ་སྐྱེ། ཐོས་པ་འཛིན། ཚེ་རིང་། སྐྲ་དཀར་དང་གཉེར་མ་མེད་པ་སོགས་ཡོན་ཏན་མང་དུ་འབྱུང་བར་གསུངས། ལན་གཅིག་གིས་མ་བྱུང་ན་ཡང་ཡང་བསྐྱར། རྟགས་མ་བྱུང་ནའང་ཕྱེ་མར་བཏགས་པ་གདོན་གྱིས་ཟིན་པའི་མགོ་བོར་གཏོར་ནས་སྔགས་བཟླས་ན་འབྱུང་པོའི་གནོད་པ་ཞི་བར་གསུངས། གང་ལྟར་ཡང་རྗེས་སུ་མདུན་བསྐྱེད་ལ་མཆོད་བསྟོད་སོགས་ནས་བསྔོ་སྨོན་བཀྲ་ཤིས་པར་བྱའོ། །གསུམ་པ་ལ་གཉིས། རྒྱས་པ་དང་། ཞི་བའི་སྦྱིན་སྲེག་གོ །དང་པོ་ནི། སྦྱོར་བ་རྣམ་པར་དུལ་བའི་གནས་སུ། སྔ་དྲོའི་དུས་རང་ཉིད་ཁ་བྱང་དུ་ཕྱོགས་པའི་མདུན་དུ། རྒྱས་པའི་ཐབ་སྤྱི་དང་མཐུན་པར་བྲིས་པའི་མུ་རན་ལ་རིན་པོ་ཆེའི་ཕྲེང་བ་དང་། ཕྱི་རོལ་ཟུར་བཞིར་རིན་པོ་ཆེ་འབར་བས་མཚན་པ། དབུས་སུ་འཁོར་ལོ་སེར་པོ་རྩིབས་བརྒྱད་པའི་ལྟེ་བར་རིན་པོ་ཆེ་འབར་བ་དང་བཅས་པ་བྲི། ཕྱི་ནང་ཀུན་ཏུ་དྲི་སེར་པོ་དང་བ་ལང་གི་ལྕི་བས་བྱུག །ཤུག་པ་སོགས་འབྲས་བུ་དང་ལྡན་པའི་འོ་མ་ཅན་གྱི་བུད་ཤིང་གྲུ་བཞིར་བརྩིགས་པའི་ཤར་ལྷོར་ཏིང་ལོ་མེ་ཚང་དང་བཅས་པ། དེའི་མདུན་དུ་བསྲེག་རྫས་མར་ཁུ་ཡམ་ཤིང་བུད་ཤིང་དང་འདྲ་བ་ལ་ཚད་ཁྲུ་གང་པ། ཁྱད་པར་གྱི་རྫས་ཚོང་དུས་ནས་བསྒྲུབ་པའི་དབང་དུ་བྱས་ན། ཇི་ལྟ་བ་བཞིན་ཏེ་རིན་ཇི་ཙམ་དགོས་ཟེར་བ་ལྟར་བྱིན་ནས་ཉོས་པའི་གུར་གུམ་ལ་སོགས་པའི་སྨན་གྱི་མེ་ཏོག་སེར་པོ་རྒྱས་ཤིང་དྲི་བཟང་དང་ལྡན་པ། སྤྲོ་ན་འབུལ་གཏོར། མཆོད་རྫས་ཆུ་གཉིས་སྔོན་འགྲོའི་ཉེར་སྤྱོད་བཅས་དང་། གཞན་ཡང་རྡོར་དྲིལ། དགང་བླུགས། དཔལ་འབར། བསང་ཆུ་སོགས་དགོས་པའི་ཡོ་བྱད་ཐམས་ཅད་འདུ་བྱ། དངོས་གཞི་ནི། བདག་བསྐྱེད་བཟླས་པ་བཅས་སྔོན་དུ་འགྲོ་བས། ཨོཾ་ཨ་མྲྀ་ཏེ་ཧཱུྃ་ཕཊྲ་ཀྱིས་བརླབས་པའི་བསང་ཆུ་འཐོར་བས་བསང་སྦྱངས། སྟོང་པའི་ངང་ལས་མཆོད་རྫས་དང་བསྲེག་རྫས་རྣམས་ལྷ་མཉེས་ཤིང་སོ་སོའི་ལས་གྲུབ་པའི་ནུས་པ་དང་ལྡན་པར་གྱུར། ཨོཾ་ཨཱཿཧཱུྃ་གིས་བརླབ། སྔགས་ཀྱི་མཐར་ཨོཾ་བཛྲ་ཛྭ་ལ་རྃ་ཞེས་བཏགས་པས་མེ་སྦར། ཨ་མྲྀ་ཏེས་བསང་ཆུ་འཐོར། །སྟོང་པའི་ངང་ལས་རྒྱས་པའི་ཐབ་ཁུང་སེར་པོ་གྲུ་བཞི་པ་མཚན་ཉིད་ཐམས་ཅད་ཡོངས་སུ་རྫོགས་ཤིང་ནང་ལྷ་རྫས་ཀྱི་བུད་ཤིང་མེ་རབ་ཏུ་འབར་བ་དང་བཅས་པར་གྱུར། རང་གི་ཐུགས་ཀ་ནས་འོད་ཟེར་འཕྲོས་པས་ཤར་ལྷོ་མཚམས་ནས་མེ་ལྷ་འཁོར་དང་བཅས་པ་ཨོཾ་བཛྲ་ས་མཱ་ཛཿ ཛཿཧཱུྃ་བྃ་ཧོཿ པདྨ་ཀ་མ་ལཱ་ཡ་སྟྭཾ། ཐབ་ཀྱི་དབུས་སུ་པདྨའི་གདན་ལ་བཞུགས་པ་ནི། སྐུ་མདོག་སེར་གསལ་ཞལ་གཅིག་ཕྱག་གཉིས་ཀྱིས་གཡས་དབྱུ་གུ་དང་། གཡོན་གུནྡྷེ་འཛིན་པ། དྲང་སྲོང་གི་ཆ་བྱད་ཅན། ར་སྐྱེས་ལ་ཞོན་པའི་ཞལ་ཅུང་ཟད་འཛུམ་པའི་ལྗགས་ལས་བྱུང་བའི་འོད་ཀྱི་སྦུ་གུས་གཟར་བུ་གཉིས་ཀྱི་ཁ་ལ་རྃ་ཡིག་གིས་མཚན་པ་ལས་བདུད་རྩིའི་རྒྱུན་དྲངས་པས་མཉེས་པར་གྱུར་པའི་མོས་པས། ཨོཾ་ཨགྣ་ཡེ་སྭཱ་ཧཱ། ལན་བདུན་གྱིས་མར་ཁུ་དབུལ། བདག་གི་གཟུངས་དང་། བློ་གྲོས་དང་། སྤོབས་པ་ཕུན་སུམ་ཚོགས་པ་ཐམས་ཅད་པུཥྟིཾ་ཀུ་རུ་ཨོཾ། ཞེས་པ་ལྟ་བུའི་སྤེལ་ཚིག་སྦྱར། དེ་བཞིན་དུ་སྔགས་དང་སྤེལ་ཚིག་འདྲ་བས་ཡམ་ཤིང་དང་། མེ་ཏོག་བདུན་སོགས་དབུལ། མར་བླུགས་གཟར་གང་བླུགས་ལ། ཨོཾ་ཨགྣ་ཡེ་ཛྭ་ལ་རྃ། མེ་ལྷ་འབར་བའི་རྣམ་པར་གྱུར། ཅེས་བརྗོད་ཅིང་བསམ། ཐབ་ཀྱི་དབུས་སུ་སྣ་ཚོགས་པདྨའི་ཟེའུ་འབྲུས་བསྟེན་པའི་ཨ་ལས་ཟླ་བའི་ཕྱོགས་ནས། དེ་ཡོངས་སུ་གྱུར་པ་ལས་རྗེ་བཙུན་འཇམ་པའི་དབྱངས་སོགས་ནས། མི་བསྐྱོད་པས་དབུར་བརྒྱན་ཅེས་པའི་བར་བདག་བསྐྱེད་བཞིན་ལ། བདག་ལ་མངོན་པར་དབང་བསྐུར་བ་ཞེས་པའི་གནས་སུ་འདི་ལ་ཞེས་བསྒྱུར། མཆོད་བསྟོད་རྒྱས་བསྡུས་གང་རིགས་བྱ། རྗེ་བཙུན་འཇམ་པའི་དབྱངས་ཀྱི་ཞལ་ཅུང་ཟད་འཛུམ་པའི་ལྗགས་ལས་བྱུང་བའི་འོད་ཀྱི་སྦུ་གུས་གཟར་བུ་གཉིས་ཀྱི་ཁ་ལ་རྃ་ཡིག་གིས་མཚན་པ་ལས་བདུད་རྩིའི་རྒྱུན་དྲངས་པས་མཉེས་པར་གྱུར་པའི་མོས་པས། ཨོཾ་ཝཱ་ཀྱེ་དཾ་ན་མཿ ལན་བདུན་ནམ་བརྒྱ་རྩ་སོགས་ཀྱི་མཐར། བདག་གི་གཟུངས་དང་། བློ་གྲོས་དང་། སྤོབས་པ་ཕུན་སུམ་ཚོགས་པ་ཐམས་ཅད་པུཥྟིཾ་ཀུ་རུ་ཨོཾ། ཞེས་སྦྱར་ལ་དབུལ། དེ་བཞིན་དུ་ཡམ་ཤིང་དང་། མེ་ཏོག་སེར་པོ་དབུལ་ཞིང་། ཁྱད་པར་གྱི་རྫས་མེ་ཏོག་ལ་གྲངས་བཟུང་ནས་ཐུན་རེར་ཇི་ཙམ་ནུས་པ་ཕུལ་པའི་མཐར། བཅོམ་ལྡན་འདས་རྗེ་བཙུན་འཇམ་པའི་དབྱངས་ཀྱིས་བདག་དང་སེམས་ཅན་ཐམས་ཅད་ལ་གཟུངས་དང་། བློ་གྲོས་དང་། སྤོབས་པ་ཕུན་སུམ་ཚོགས་པའི་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་གདབ། སྤྲོ་ན་གཏོར་མ་བསང་སྦྱངས་བྱིན་གྱིས་བརླབས་ལ་དབུལ་མཆོད་བསྟོད་གསོལ་བ་གདབ། ཡིག་བརྒྱ་ལན་གསུམ་དང་། མ་འབྱོར་པ་དང་སོགས་ཀྱིས་ནོངས་པ་བཤགས། བཛྲ་མུཿས་ཐབ་ཀྱི་ཡེ་ཤེས་པ་གཤེགས། དམ་ཚིག་པ་རང་ལ་ཐིམ་པར་བསམ། སླར་ཡང་མར་ཁུ་བླུགས་གཟར་གང་བླུག །ཨོཾ་བཛྲ་ཛྭ་ལ་རྃ། མེ་ལྷ་ཞལ་ཕྱག་གི་རྣམ་པར་གྱུར་པར་བསམས་ལ། རྫས་ལྷག་མ་གང་ཡོད་སྔར་བཞིན་དབུལ། མེ་ལྷའི་རྒྱལ་པོས་བདག་དང་སེམས་ཅན་ཐམས་ཅད་ལ་གཟུངས་དང་སོགས་འདོད་དོན་གསོལ། ནོངས་པ་བཤགས། ཨོཾ་ཨགྣ་ཡེ་ས་པ་རི་ཝཱ་ར་གཙྪས་མེ་ལྷ་རང་བཞིན་གྱི་གནས་སུ་གཤེགས་པར་བསམ། རང་གི་གནས་གསུམ་བསྲུང་བ་དང་། བསྔོ་སྨོན་བཀྲ་ཤིས་བྱ། ལས་ཀྱི་རྗེས་མི་མངོན་པར་བསྡུས་ལ་མེ་ཏོག་གི་ཆར་སིལ་མར་བསྙིལ་བར་བྱའོ། དེ་ལྟ་བུའི་ཚུལ་གྱིས་ལྷ་སྔགས་ཡི་གེ་དྲུག་པ་དང་། རྫས་མེ་ཏོག་འབུམ་ཕྲག་ཚང་བའི་སྦྱིན་སྲེག་གིས་ངག་གི་དབང་ཕྱུག་དང་མཚུངས་པའི་བློ་གྲོས་ཐོབ་པར་འགྱུར་རོ། །ཆོ་ག་དེ་ཉིད་གཞིར་བཞག་ལ། ཁྱད་པར་གྱི་རྫས་མེ་ཏོག་ཆུ་སྐྱེས་པདྨ་དཀར་པོ་འབུམ་ཕྲག་གི་སྦྱིན་སྲེག་གིས་བཅོམ་ལྡན་འདས་ཀྱི་ཞལ་མངོན་སུམ་དུ་མཐོང་བ་དང་། བལ་བུ་དང་། སེ་བ་སོགས་སྨན་གྱི་མེ་ཏོག་དཀར་ཞིང་དྲི་བསུང་དང་ལྡན་པ་འབུམ་ཕྲག་གི་སྦྱིན་སྲེག་གིས་ངག་གི་དངོས་གྲུབ་ཐོབ་པར་གསུངས་ལ། པདྨའི་སྦྱིན་སྲེག་གི་སྐབས་སྤེལ་ཚིག །བདག་གིས་བཅོམ་ལྡན་འདས་འཇམ་པའི་རྡོ་རྗེའི་ཞལ་མངོན་སུམ་དུ་མཐོང་བ་དང་། གཟུངས་དང་། བློ་གྲོས་དང་། སྤོབས་པ་ཕུན་སུམ་ཚོགས་པ་ཐམས་ཅད་པུཥྟིཾ་ཀུ་རུ་ཨོཾ། འདོད་གསོལ་ལའང་། རྗེ་བཙུན་འཇམ་པའི་དབྱངས་ཀྱིས་བདག་དང་སེམས་ཅན་ཐམས་ཅད་ཀྱིས་བཅོམ་ལྡན་འདས་འཇམ་པའི་རྡོ་རྗེའི་ཞལ་མངོན་སུམ་དུ་མཐོང་བ་དང་། གཟུངས་དང་། བློ་གྲོས་དང་། སྤོབས་པ་ཕུན་སུམ་ཚོགས་པའི་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་གདབ། །གཉིས་པ་ནི། རྒྱས་པའི་སྦྱིན་སྲེགས་ཞིར་བཞག་ནས། སྔགས་ཀྱི་ལྷག་ཆད་སྐོང་བ་སོགས་ཀྱི་ཆེད་ཞི་བའི་སྦྱིན་སྲེག་བྱེད་བར་འདོད་པས། མི་འདྲ་བའི་ཁྱད་པར། སྦྱོར་བའི་སྐབས། རང་ཉིད་ཁ་ཤར་དུ་ཕྱོགས་པའི་མདུན་དུ་ཞི་བའི་ཐབ་ཁུང་སྤྱི་ལྟར་བྲི། བུད་ཤིང་ཟླུམ་པོར་བརྩིག །བུད་ཤིང་དང་ཡམ་ཤིང་གཉིས་ཀའི་རྒྱུ་འོམ་བུ་དང་། ལྕང་མ་སོགས་ཞི་བའི་ཤིང་དང་། ཡམ་ཤིང་གི་ཚད་སོར་བརྒྱད་པར་བྱ། ཁྱད་པར་གྱི་རྫས་ཏིལ་ནག་པོས་བྱའོ། །དངོས་གཞིའི་སྐབས། འཇིག་རྟེན་པའི་མེ་ལྷ་ཁ་དོག་དཀར་པོར་གསལ། སྤེལ་ཚིག །བདག་གི་ནད་གདོན་སྡིག་སྒྲིབ་བར་ཆད་མི་མཐུན་པའི་ཕྱོགས་ཐམས་ཅད་དང་། གསང་སྔགས་ཀྱི་ལྷག་ཆད་ལ་སོགས་པའི་ཉེས་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ། ཞེས་དང་། འདོད་གསོལ། རྗེ་བཙུན་འཇམ་པའི་དབྱངས་ཀྱིས་བདག་དང་སེམས་ཅན་ཐམས་ཅད་ཀྱི་ནད་གདོན་སྡིག་སྒྲིབ་བར་ཆད་མི་མཐུན་པའི་ཕྱོགས་རྣམས་དང་། གསང་སྔགས་ཀྱི་ལྷག་ཆད་ལ་སོགས་པའི་ཉེས་པ་ཐམས་ཅད་ཞི་བར་བྱིན་གྱིས་བརླབ་ཏུ་གསོལ། །ཞེས་སྦྱར་བ་ཙམ་ཁྱད་པར་རོ། །འདི་དག་ནི་རྗེ་བཙུན་རིན་པོ་ཆེའི་དཀའ་འགྲེལ་གྱི་དགོངས་པ་ལྟར་བཀོད་པ་ཡིན་ལ། བསྡུ་ན་འདས་པའི་མེ་ལྷ་སྐད་ཅིག་གིས་བསྐྱེད་པར་དཀའ་འགྲེལ་ལས་འབྱུང་ཞིང་། རྒྱས་པར་སྤྲོ་ན་རྒྱུད་སྡེ་འོག་མའི་ལུགས་ཀྱི་སྦྱིན་སྲེག་སྤྱིའི་ཆོ་གས་ཁོག་ཕུབ་ཀྱང་རུང་ངོ་། །གསུམ་པ་ཐ་མར་མཆོག་གི་དངོས་གྲུབ་མངོན་དུ་བྱེད་པའི་ཚུལ་ནི། རྒྱུད་ལས། རྟག་ཏུ་གོམས་པར་བྱས་ན་ཚེ་འདི་ཉིད་ལ་སངས་རྒྱས་ཉིད་ཀྱང་སྒྲུབ་པར་བྱེད་པར་འགྱུར་རོ། །ཞེས་གསུངས་པ་ལྟར། རྟག་སྦྱོར་དང་གུས་སྦྱོར་གྱི་བརྩོན་པ་རྒྱུན་མི་འཆད་པས་ལྷ་སྔགས་ཀྱི་རྣལ་འབྱོར་ལ་རྩེ་གཅིག་ཏུ་གཞོལ་ཞིང་། དངོས་གྲུབ་སྒྲུབ་པའི་ཐབས་ལ་འབད་པས་ཡི་དམ་གྱི་ལྷས་བྱིན་གྱིས་བརླབས་པའི་མཐུས་རིག་པ་འཛིན་པའི་ལུས་ཐོབ་ཅིང་། ཐབས་སྙིང་རྗེ་ཆེན་པོ་དང་གཟུངས་ཀྱི་སྒོ་སྒྲུབ་པའི་ཏིང་ངེ་འཛིན་ཁྱད་པར་ཅན་གྱིས་དྲངས་བའི་མཐོང་བའི་ལམ་གྱི་ཡེ་ཤེས་མངོན་དུ་བྱས་ཏེ་ས་བཅུ་པ་ཆོས་ཀྱི་སྤྲིན་རྒྱ་མཚོའི་བར་དུ་འཇུག་ཅིང་། ཐམས་ཅད་མཁྱེན་པའི་གོ་འཕང་དཀའ་བ་མེད་པར་འཐོབ་པ་ནི་ངེས་པའོ། །དངོས་གྲུབ་ནོར་བུས་ཡོངས་གང་རྒྱུད་སྡེ་རྒྱ་མཚོ་ཆེ། །འཕགས་དང་མཁས་པའི་གདེངས་ཅན་བྱེ་བས་རོལ་པའི་ཕུལ། །ལེགས་བཤད་སྙིང་པོ་རྫོགས་ལྡན་སྤྲིན་ཆེན་རྒྱས་པ་ལས། །ཕན་བདེའི་ཆར་གྱིས་ས་གསུམ་དགེ་ལེགས་སྦྱིན་གྱུར་ཅིག །ཅེས་པའང་རྒྱུད་འགྲེལ་རྒྱ་གཞུང་མན་ངག་དང་བཅས་པ་ལ་བརྟེན་ནས། རང་གཞན་མང་པོར་སྨན་པའི་བློས་བྱ་བྲལ་བ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཉུང་གསལ་སྙིང་པོར་དྲིལ་བའི་ཚུལ་གྱིས་སྦྱར་བ་དགེ་ལེགས་མཆོག་ཏུ་གྱུར་ཅིག །སརྦ་དཱ་ཀ་ལྱ་ཎཾ་བྷ་བ་ཏུ།། །། ༈

[edit]

'jam pa'i rdo rje dpa' bo gcig pu grub pa'i sgrub rjes las tshogs dang bcas pa dngos grub rgya mtsho'i sprin phung / @#/__/'jam pa'i rdo rje dpa' bo gcig pu grub pa'i sgrub thabs rjes gnang las tshogs dang bcas pa dngos grub rgya mtsho'i sprin phung zhes bya ba bzhugs so//__// oM swa sti/__'jam dpal gzhon nu dpa' bo gcig pu grub pa yi/__/zhabs sen nor bu dad brgya'i spyi bos rab mchod nas/__/de nyid bsnyen las dngos grub rgya mtsho'i mchog sbyin pa'i/__/sgrub thabs rjes gnang rdzogs ldan sprin phung rgyas par spel/__'di la gsum/__sgrub pa'i thabs/__rjes su gnang ba/__las kyi tshogs so/__/dang po ni/__gang zhig nges 'byung gis rgyud bskul zhing /__snying rje chen pos yid lhag par brlan pa'i sgrub pa po gzhan gyi don du gnas skabs dang mthar thug gi dngos grub don du gnyer bas bcom ldan 'das 'jam pa'i rdo rje dpa' bo gcig pa'i rnal 'byor nyams su len par 'dod na/__yid dang mthun pa'i sa phyogs gtsang mar ku sha la sogs pa bde ba'i stan la khrus dang gtsang sbra dang bcas te bsam gtan gyi spyod lam gyis 'khod nas yid rtse gcig pas 'di ltar bsgom par bya'o/__/skyabs sems sngon du 'gro bas/__rang gi snying gar a las byung ba'i zla ba la ma~M yig dkar po/__de'i 'od zer gyis nam mkha' gang bas bcom ldan 'das 'jam pa'i rdo rje bla ma mi bskyod pas dbu la brgyan pa mdun gyi nam mkha' oM badz+ra sa mA dzaH__zhes pas tshogs zhing spyan drangs/__oM badz+ra puSh+pe AHhU~M nas/__nai wi d+yA'i bar gyi yid las sprul pa'i me tog la sogs pa'i mchod pa rnam pa lngas mchod/__dkon mchog gsum la bdag skyabs mchi sogs yan lag bdun pa lan gsum gyis rgyud sbyangs te/__/tshogs zhing rang gi snying ga'i sa bon la thim par bsam/__sems can thams cad bde ba dang sogs tshad med bzhi bsgom/__gzung 'dzin gyi snang ba thams cad stong dang rten 'byung zung du 'jug pa 'od gsal ba'i ye shes rnam par dag pa'i bdag nyid du bsams la/__oM swa b+hA wa sogs kyi sngags brjod cing don dran pas brtan par bya/__stong pa'i ngang las sngon gyi smon lam gyi stobs las byung ba'i sna tshogs pad+ma'i ze 'brus bsten pa'i a las zla ba'i dkyil 'khor gyi steng du ma~M yig dkar po nor bu chu shes gyi mdog can dri ma med pa'i 'od zer rab tu 'phro ba/__de las 'od zer 'phros/__'phags pa mchod/__sems can gyi don byas/__sangs rgyas dang byang chub sems dpa' thams cad kyi mkhyen pa'i ye shes ma~M yig 'jam pa'i rdo rje'i bdag nyid kyi rnam par spyan drangs nas ma~M la thim/__de yongs su gyur pa las bdag nyid rje btsun 'jam pa'i dbyangs sku mdog ston ka'i zla ba ltar dkar zhing gtsug phud lnga pa/__dar dang rin po che'i rgyan thams cad kyis brgyan cing /__phyag g.yas mchog sbyin gyi phyag rgya pus mo g.yas pa'i steng du brkyang ba/__g.yon ut+pal sngon po'i sdong bu thugs kar 'dzin cing me tog snyan gyi thad sor kha phye ba/__rab tu zhi zhing lang tsho dar la babs pa/__zhabs rdo rje'i skyil mo krung gis bzhugs shing /__'od dang 'od zer du ma spro ba dang sdud pa'i bdag nyid can du gyur par gsal btab nas sems bzung zhing bzlas pa la 'jug kyang rung /__yan lag lhag ma rnams byed par spro na/__de'i dpral bar oM dkar po/__mgrin par AHdmar po/__thugs kar hU~M sngon/__de las 'od zer 'phros pas sangs rgyas dang byang chub sems dpa' thams cad bcom ldan 'das 'jam pa'i rdo rje'i rnam par mdun gyi nam mkhar oM badz+ra sa mA dzaH__dzaHhU~M ba~M hoH__gnyis su med par thim/__slar yang thugs ka'i sa bon las 'od zer 'phros pas dbang gi lha rigs lnga 'khor dang bcas pa oM badz+ra sa mA dzaH__de bzhin gshegs pa thams cad kyis bdag la mngon par dbang bskur ba stsal du gsol/__oM badz+rI b+ha wa a b+hi Shiny+tsa hU~M/__zhes gsung zhing bum pa'i chus spyi bo nas dbang bskur/__sku gang /__dri ma dag__/chu lhag ma yar lud pa las mi bskyod pas dbur brgyan/__zhes brjod cing bsam/__rang gi snying ga'i dbus su zla ba la ma~M zla shel nor bu'i 'od can 'od zer gyis nam mkha'i khams na khyab par gnas pa'i 'gro ba'i don byed par bsams la lha sku sgyu ma lta bu'i gsal snang la yid gtad de rtse gcig tu mnyam par gzhag__/des skyo na bzlas pa bya ba ni/__sa bon gyi mthar sngags kyi phreng bas bskor ba las 'od zer 'phros 'phags pa rnams mchod/__sems can thams cad bcom ldan 'das 'jam pa'i rdo rje'i go 'phang la bkod/__sangs rgyas byang sems rnams kyi mkhyen brtse nus pa'i ye shes thams cad 'od zer gyi rnam par spyan drangs nas rang la thim pas rgyud byin gyis brlabs par bsams la bzla bya'i sngags ni/__oM wA kye daM na maH__zhes pa'i snying po'i sngags gtso bor bzla/__gzhan yang /__oM hrIHhU~M zhes nye snying yang ji ltar rigs pa dang /__spro zhing nus na/__oM badz+ra tIk+Sh+Na duHkha ts+tshad pradz+nyA dz+nyA na mUrta ye/__dz+nyA na kA ya wA gI shwa ra a ra pa tsa nA ya te na maH__zhes rtsa sngags kyang cung zad bzla/__thun las ldang ba na/__thal mo sbyar te/__bcom ldan 'das bdag dang sems can thams cad la dngos grub kyi skal ba stsal du gsol/__zhes 'dod don gsol/__yi ge brgya pa lan gsum bzlas pas lha sngags kyi dngos grub brtan cing nus pa dang ldan par bsam/__rang gi snying ga nas 'od zer 'phros pas gdan 'od zer gyi rnam par gyur te rang la thim/__dpral bar oM dkar po/__mgrin par AHdmar po/__snying gar hU~M sngon pos mtshan par bsam/__dge ba 'di yis myur du bdag__/'jam pa'i rdo rje 'grub gyur nas/__/zhes sogs bsngo smon bya zhing lha'i nga rgyal dang ldan pas spyod lam la 'jug go__/gnyis pa ni/__gnas dben par maN+Da lar dri'i thig le dang tshom bu gcig dgod/__'bul gtor dkar zlum dang chu gnyis sngon 'gro'i nyer spyod rnams bsham/__rang gi mdun du rdo rje dril bu sogs dgos pa'i yo byad thams cad 'du bya/__mchod pa byin rlabs dang tshogs bsags nas brtsams bdag mdun sgrub tshul/__rjes gnang gi chings mjug gi bya ba bcas sgrub thabs brgya rtsa'am kho bos byas pa'i mtshan yang dag par brjod pa'i 'jam dpal gyi rjes gnang gi cho ga la lha sngags kyi 'byin 'jug ma 'khrul bar sbyar/__mtshams sbyor gyi khyad par/__de la 'dir yang dag par rdzogs pa'i sangs rgyas kyis 'phags pa 'jam dpal la rjes su gnang ste/__sa bcu'i byang chub sems dpa' rnams kyis gsol ba btab pa la brten/__'jam dpal gyis kyang bya ba dang /__spyod pa dang /__rnal 'byor gyi rgyud thams cad las ma bsnyen yang grub pas na grub pa'i gsang sngags zhes bya ba rnal 'byor gyi rgyud dang rjes su mthun par bsdus nas gsungs shing /__bdag nyid kyi rnal 'byor mang du bstan kyang ye shes pa gzhug pa mi gsal bas spyod rgyud de bzhin gshegs pa'i rigs su'ang rnam par bzhag pa'i 'jam dpal dpa' bo gcig pu grub pa zhes bya ba'i rgyud kyi rgyal po chen po'i le'u gsum pa'i gsang sngags dang po gsum la brten nas paN grub dbang po rdo rje gdan pas legs par bkral zhing /__rje btsun sa skya pa yab sras la bka' babs pa'i gcom ldan 'das 'jam pa'i rdo rje'i rjes su gnang ba bsgrub pa la sogs sbrel/__bzlas lung gi skabs snying po dang nye snying gnyis kyis bya/__/gzhan 'dra/__spyir 'di la 'phags pa rin po ches rgyud dang rje btsun chen po'i dgongs 'grel ltar gtso bos bkral ba'i sgrub thabs dang /__thar rtse paN chen gyi tho yig la brten nas rjes gnang zur bka' brgyud pa cung mi 'dra pa zhig bzhugs kyang /__deng sang rgyun med pas/__rgyud 'di'i las tshogs zab cing 'dril la khyer bde ba dang /__lhag pa'i lha gzhan mang po'i las tshogs kyi khungs su'ang gyur pa sogs gal che bas na/__sgrub thabs brgya rtsa las gud du phyungs ba yin no/__/gsum pa las tshogs kyi rnam gzhag mdo tsam 'chad pa la gnyis/__spyi dang /__khyad par ro/__/dang po ni/__sgrub pa po bya ba spyi'i dkyil 'khor ram/__'jam dpal a ra pa tsa na dkar po lha lnga'i dkyil 'khor sogs su dbang bskur ba dang /__'di nyid kyi rjes su gnang ba lung dang bcas pa thob cing dam tshig dang ldan pas rdzas dang sngags kyi sbyor ba tsam la brten nas bsnyen pa ma byas kyang las grub pas na grub pa'i gsang sngags zhes khyad par du bsngags pa yin na'ang /__sngon du bsnyen pa byas na las gang brtsams pa thams cad thogs pa med par 'grub pas na lha'i rnal 'byor gzhung na dngos su gsal ba dang /__man ngag gis kha skong ba gang la'ang skyabs su 'gro ba dang /__sems bskyed pa sngon du btang nas lha so so'i rnal 'byor bsgom zhing sngags yi ge'i grangs kyi 'bum phrag sogs ji ltar rigs pa bzlas nas las la sbyor ba'am/__lha'i rnal 'byor dmigs bsal med pa'am/__yod na'ang 'jam pa'i rdo rje'i bsnyen pa sngon du song bas so so'i las sngags bzlas te las la sbyar du rung bar rje btsun rin po che'i bka' 'grel las gsungs shing /__'phags pa 'jam dpal gyi rtsa ba'i rtogs las kyang /__'jam dpal zhes byar yongs su brtags pa ni/__/khyod kyi ming ni sngon gyi rgyal bas mdzad/__/khyod kyi ming du 'di ltar brtags byas pa/__/'das dang ma byon da ltar sangs rgyas kyis/__/gzhan du ma yengs rtse gcig yid dag pas/__/khyod kyi ming ni 'khor gyi nang du thos/__/des ni 'di la shis dang zhi ba thob/__/srid mthar byang chub mchog ni khyad par thob/__/sngags rnams ma lus 'grub par 'gyur ba dang /__/'gro ba'i skye gnas mchog ni rab thob cing /__/rtag tu chos mchog la ni yang dag gnas/__/bgegs rnams rnam par spong zhing grub pa thob/__/'dod pa'i sngags rnams ma lus grub par byed/__/byang chub shing dbang drung du myur du 'gro/__/song nas byang chub mchog ni thob par byed/__/song nas sems can phan phyir der 'dug ste/__/sangs rgyas byang chub 'khor lo rab tu bskor/__/de ltar rgyal ba'i yon tan gtso bos gsungs/__/'jam dpal zhes bya khyod kyi ming dran pa/__/yon tan bsam mi khyab ces rgyal bas gsungs/__/rgyal ba'i gtso bo sngar gshegs thams cad kyis/__/rtag tu khyod kyi mthur ni brten pa yin/__/gzhon nu dag pa khyod kyi sngags rtog pa/__/bskal pa grangs med rtag tu'ang ston mi nus/__/zhes mtshan thos pa tsam gyis kyang thun mong dang /__mchog gi dngos grub ma lus pa grub par gsungs pas so/__/gang ltar yang las kyi rnam grangs ni/__le'u dang por gsang sngags nyi shu tham pa'i sgo nas las kyi sbyor ba brgya dang bcu gsum sgrub pa dang /__/gnyis pa nas sngags dang lha'i rnal 'byor nyi shu dang las tshogs bzhi bcu rtsa gnyis/__gsum pa nas sngags dang lha'i rnal 'byor bcu gnyis dang las tshogs sum cu rtsa drug__/bzhi pa nas sngags dang lha'i rnal 'byor bzhi dang las kyi tshogs bco brgyad de/__dril bas lha sngags kyi rnam grangs lnga bcu rtsa drug la brten nas las kyi tshogs dngos bstan nyis brgya dang dgu tsam sgrub pa'i tshul bstan pa ste/__ji skad gsungs pa de thams cad kyang rgyu mtshan dang bcas pa dang /__rje btsun rin po che'i dka' 'grel dag sbyar te shes par bya zhing /__spyir rgyud 'di la paN chen shAkya shrI'i bla ma shu b+hA ka ra ste dge ba'i 'byung gnas kyis mdzad pa'i rgya 'grel yang 'byung mod de/__lha'i rnal 'byor dang 'phros don gyi man ngag sogs phal cher rje btsun rin po che'i dka' 'grel dang mi mthun pa mang bas na gdams pa'i srol so so yin no/__/gzhan yang lha sngags gtso bor gyur pa 'ga' zhig la rang rang gi man ngag rgyas pa logs su 'byung ba las kyang rtogs par bya ste/__le'u dang po'i gsang sngags thog ma gsum la gtso bor brten pa'i bu ston rin po ches thog srung gi 'khor lo 'bri tshul dang /__jo bo rje nas brgyud pa'i ser srung gta' thub ma/__gsang sngags bcu gsum pa rig pa rma bya chen mo'i sgo nas rdo rje'i tshe sgrub pa sogs kyi man ngag__/gsang sngags sngags bcu bdun pa mi g.yo ba sngon po pus btsugs kyi skor slob dpon rin po che bsod nams rtse mos mdzad pa'i sgrub thabs man ngag dang bcas pa/__le'u gnyis pa'i gsang sngags gnyis pa lha mo shra ba Na'i rmi lam brtag thabs kun mkhyen bkra shis rnam rgyal gyi gzhung gsal byed dang bcas pa/__gsang sngags dgu pa bud+d+ha tsu ru ka'i skye ba brtag pa'i man ngag__/gsang sngags bcu bzhi pa lha mo dpal chen mo'i sgrub thabs/__gsang sngags bcu bdun pa nor rgyun ma gtso 'khor lnga dang /__gsang sngags bcu dgu pa nor rgyun ma gtso 'khor dgu dang /__gsang sngags nyi shu pa dzam+b+ha la gtso 'khor dgu rnams kyi sgrub thabs gnod sbyin 'khor lo'i man ngag dang bcas pa/__le'u gsum pa'i gsang sngags gnyis pa la gtso bor brten pa'i 'jam dpal dkar po ma ti lugs kyi skor sogs sgrub pa'i thabs kun las btus pa 'di nyid du'ang bzhugs shing /__gzhan yang le'u gsum pa'i gsang sngags dgu pa a ra pa tsa na dkar po lha lnga'i dkyil 'khor du dbang bskur ba dang /__le'u bzhi pa'i gsang sngags gsum pa'i ku ru kul+le'i man ngag chag lo rin chen chos rgyal gyis mdzad pa sogs kyang bzhugs pas de rnams su rgyas par rtogs par bya'o/__/gnyis pa ni/__bye brag skabs su babs pa le'u gsum pa'i gsang sngags gnyis pa dang gsum pa'i man ngag 'jam dpal dpa' bo grub pa'i las kyi tshogs sgrub pa la gsum/__thog mar lha nye bar bsnyen pa'i thabs/__bar du dngos grub sna tshogs sgrub pa'i cho ga__/tha ma grub pa mchog gi 'bras bu mngon du byed pa'i tshul lo/__/dang po ni/__gzhung las/__oM l+wA kye daM na ma/__rje btsun gsung gi dbang phyug gi snying po 'di gong ma bzhin du ting nge 'dzin la gnas pas goms par byas na gong du bshad pa'i las thams cad byed par 'gyur ro/__/zhes gsungs pas/__gong ma bzhin du ting nge 'dzin la gnas pa ni gong du rtsa sngags kyi skabs su gsungs pa ltar bdag nyid 'jam pa'i rdo rje dpa' bo gcig pu grub pa'i skur bsgom zhing bzlas pas gong du bshad pa'i las/__zhag nyi shu rtsa gcig gis dbyangs can gyi ngag thob par 'gyur zhing /__zla ba drug gis ngag gi dbang phyug 'grub par byed do/__/bcom ldan 'das ngag gi dbang phyug mngon sum du mthong zhing thos pa 'dzin pa yang thob par 'gyur ro/__/zhes ji skad gsungs pa grub par bstan pa ste/__de yang gnas dben par khrus dang gtsang sbra bcas 'di'i bris sku yod na bsham/__gang ltar yang 'bul gtor dkar zlum mchod pa dang bcas pa dang /__grub na gtor ma cha gsum sogs dgos pa'i yo byad rnams 'du bya/__mtshams dam par bcad la ji skad bshad pa'i mngon rtogs thun bzhi sogs su bsgom zhing /__snying po yi ge drug pa 'bum phrag bdun bzla ba ni las rung dang /__zla ba drug tu bzlas na dngos grub 'thob par 'gyur la/__nye snying yi ge gsum pa dang /__rtsa sngags kyang ji ltar rigs pa bzla/__snga thun gyi mjug tu gtor ma 'bul ba ni/__gdan 'od zer gyi rnam par gyur te rang la thim zhes pa'i rjes gtor ma la chab bran/__oM amr-i te hU~M pha?T kyis bsang /__swa b+hA was sbyangs/__stong pa'i ngang las rin po che las grub pa'i snod yangs shing rgya che ba'i nang du gtor ma kha dog dri ro nus pa phun sum tshogs pa bdud rtsi'i rgya mtsho chen por gyur/__oM AHhU~M lan gsum gyis byin brlab/__gtor mgron bskyed par spro na/__stong pa'i ngang las mdun gyi nam mkhar sna tshogs pad+ma'i ze 'brus bsten pa'i a las zla ba'i sogs nas/__de yongs su gyur pa las rje btsun 'jam pa'i dbyangs sogs nas/__mi bskyod pas dbur brgyan ces pa'i bar bdag bskyed ltar la/__bdag la mngon par dbang bskur ba zhes pa'i tshab tu 'di la zhes bsgyur/__bsdu na/__rang gi thugs ka'i sa bon las 'od zer 'phros pas sangs rgyas dang byang chub sems dpa' thams cad bcom ldan 'das 'jam pa'i rdo rje'i rnam par mdun gyi nam mkhar oM badz+ra sa mA dzaHsa spyan drangs/__gang ltar yang nam mkha' mdzod kyi phyag rgya dang /__oM Ar+ya many+dzu shrI sid+d+hi ka bI ra oM a kA ro sogs lan gsum mam lngas gtor ma dbul/__mtshan sngags gong bzhin mthar ar+g+haM sogs sbyar bas mchod/__gzhon nu'i sku lus 'chang ba po/__/ye shes sgron mes rab tu brgyan/__/'jig rten gsum gyi mun sel ba/__/'jam pa'i dbyangs la phyag 'tshal lo/__/zhes pas bstod/__/bcom ldan 'das bdag dang sems can thams cad la mchog dang thun mong gi dngos grub ma lus pa stsal du gsol/__/zhes 'dod don gsol/__'jig rten pa la gtor ma cha gsum gtong na skabs 'dir sbyar/__yi ge brgya pa lan gsum dang /__ma 'byor pa dang sogs kyis nongs pa bzod par gsol/__rten yod na su pra tiSh+Thas brtan bzhugs dang /__med na badz+ra muHsa ye shes pa gshegs/__gtor mgron bskyed pa yin na/__dam tshig pa rang la bstim/__gnas gsum bsrung /__bsngo smon bkra shis bya/__gzhan yang thun mtshams rnams su 'phags pa 'jam dpal gyi snang brnyan gtso bor gyur pa'i rten gsum dngos su yod na de'i spyan sngar dang /__med na tshogs zhing mkha' khyab tu bzhugs par gsal ba'i mdun du bzang spyod sogs las 'byung ba'i yan lag bdun pa dang /__maN+Dal rgyas bsdus gang rigs/__mtshan brjod sogs bstod pa byin rlabs can gyi tshogs dang sdud pa sogs sher phyin gyi mdo zab mo klog cing de'i don la bsam/__bzang po spyod pas mtshon smon lam rgya cher gdab pa rnams ci nus su brtson/__kha skong gi sbyin sreg byed na/__gsang ba spyi'i lugs kyi cho ga rgyas pa'am/__'di'i lugs kyi cho ga bsdus pa gang rung gis khog phub nas/__rdzas til dang /__sngags yi ge drug pa la grangs bzung ste bcu cha sogs ji ltar rigs pa dbul/__gzhan mtshams kyi spang blang sogs spyi ltar shes par byas la nyams su blang ngo /__/gnyis pa ni/__de lta bu'i bsnyen pa las su rung ba'i rnal 'byor pas/__rang gzhan gyi don du las kyi tshogs bco brgyad po rnams bsgrub par bya ste/__de yang gsang sngags dang po'i skabs su gsungs pa'i shu dag gis glen dig bsal ba1/__gnyis pa'i skabs 'di nyid du gsungs pa'i dzA ti'i me tog gi phun po 'bum phrag la brten nas thos pa 2'dzin pa/__me tog gi sbyin sreg gis ngag gi dbang phyug dang mtshungs pa3/__prah+ma'i sman sbyor gyis thos pa 'dzin pa4/__ral gri la brten nas rig 'dzin sgrub pa5/__phyag mtshan gzhan la brten nas rig 'dzin sgrub pa6/__bcud len dang 7/__mig sman dang 8/__thig le dang 9/__rkang mgyogs dang 10/__dbang 11du byed pa'i rdzas sbyor/__zas mchog la 12brten nas lo lnga brgyar 'tsho ba/__sran ma mA ShA la brten nas 13sdeb sbyor dang thos pa 'dzin pa sogs sgrub pa/__pad+ma dkar po'i rgyas pa'i sbyin sreg 'bum phrag gis zhal 14mthong ba/__bilba'i 'bras bu'i rgyas pa'i sbyin sreg 'bum phrag gis rgyal srid 'grub 15pa/__me tog gi rgyas pa'i sbyin sreg 'bum phrag gis ngag gi dngos grub thob pa16/__'bru lnga 17dang /__'o ma can gyi yam shing lnga la brten nas dbang gi sbyin sreg gis lha klu 'khor los sgyur ba sogs kyi bu mo dam pa dgug 18pa ste/__de rnams ni rgyu mtshan dang bcas pa dang /__rje btsun chen po'i dka' 'grel sogs la brten nas rtogs par bya zhing /__spyir yang rig 'dzin sgrub pa sogs kyi las tshogs 'gang che ba 'di rnams gtso bor tshogs lam chen po la gnas pas bsgrub par gsungs pas/__'dir las dang po pa la nyer mkho cung zad tsam gsal bar brjod na gsum/__shu dag gi las sbyor/__mA ShA'i las sbyor/__sbyin sreg gi las sbyor ro/__/dang po ni/__rang gi mdun du stegs bu'i dbus many+dzi'i khar maN+Da lar 'di nyid kyi sku'am/__me tog dkar po'i tshom bu gcig dgod/__de'i mdun du shu dag nag po/__'di 'jam dbyangs smra seng gi dpa' bo bcu gnyis kyi ril bu sogs la shu dag dkar po btang ba phyag len du mdzad kyang /__skabs 'di dang spyan ras gzigs kyi thos pa 'dzin pa'i rdzas su shu dag nag po dmigs bsal du gsungs so/_/sran ma tsam gyi phye ma zhig gzhag__/gzhan gtor ma dang mchod pa sogs spyi ltar bsham/__bdag bskyed bzlas pa'i mjug gi gdan bsdu ba'i bar sngon du song nas sku rten nam tshom bu bsang sbyangs/__gong du gtor mgron kyi bskyed chog tu bshad pa ltar mdun bskyed yan lag bzhi rdzogs su gsal gdab/__mchod pa bsang sbyangs/__stong pa'i ngang las oM las byung ba'i rin po che las grub pa'i snod yangs shing rgya che ba'i nang du oM 'od du zhu ba las byung ba'i lha rdzas las grub pa'i mchod yon zhabs bsil sogs nas/__rol mo rnams dwangs shing thogs pa med pa nam mkha'i mtha' klas par gyur/__oM badz+ra ar+g+haM AHhU~M nas/__shab+da'i bar sbyar bas brlab/__'jig rten khams ni dpag med na/__/mchod yon ji snyed yod pa rnams/__/'phags pa 'khor dang bcas la 'bul/__/bzhes nas ye shes snang ba stsol/__/oM AR+Ya many+dzu shrI sid+d+hai ka bI ra ar+g+haM pra tI ts+tsha swA hA/__zhes sogs rol mo dang shab+da'i bar sbyar bas mchod/__gzhon nu'i sku lus sogs dang /__spro na mtshan brjod tshang pa'am/__mchog sbyin rdo rje sogs 'dud nyi shus bstod/__gtor ma bsang sbyangs byin gyis brlabs la dbul/__mdun bskyed kyi thugs ka nas 'od zer 'phros/__rdzas la thim pas nus pa mchog dang ldan par bsams la yi ge drug pa ci nus dang /__rtsa sngags brgya rtsa bzla/__de nas ba ser skya'i mar ram/__'o ma'am/__til mar dang sbyar nas 'thung /__rjes mchod pa zhal gsos la bsang sbyangs byin rlabs sngon du 'gro bas mdun bskyed la mchod bstod/__nongs bshags/__rten yod na brtan bzhugs/__med na gshegs gsol/__gnas bsrung bsngo smon bkra shis bcas bya/__de ltar tho rangs kyi dus su zla ba gcig bar ma chad par bsten na shes pa glen pa dang /__ngag dig pa sogs kyi skyon sbyangs shing /__dbyangs snyan pa dang /__tshig gsal bar 'gyur la/__zla ba drug tu bsten na sngon ma thos pa'i bstan bcos kyi don shes pa dang /__thos pa nam yang mi brjed pa'i thos pa 'dzin pa'i mchog tu 'gyur ro/__/de yang dang po sran ma tsam nas rim gyis cha bskyed cing /__mthar zho phyed kyi ched du bsten par bya/__gong du smos pa'i cho ga nangs re bzhin ma grub na/__dus gcig tu sman mang tsam byin gyis brlabs nas phyis rim par bsten pa'i dus sngags brgya rtsa sogs dang bcas 'thung na'ang rung bar mngon no/__/gnyis pa ni/__mA ShA zhes pa sran ma spyi'i ming la'ang 'jug mod/__bye brag gi skabs mon gyi sran ljang leb mo'am/__ma rnyed na sran dkar gyis kyang rung bar bshad/__gang ltar yang me dang /__mar khu dang /__mar nag dang /__chus ma reg pa/__rul sum sogs kyi skyon dang bral ba/__'bu srin gyis ma zos shing /__sad ser gyis ma bcom pa/__yongs su rgyas shing smin pa grangs ji tsam rung ba 'o ma/__mar/__ka ra/__bu ram/__sbrang rtsi rnams kyis legs par bran la grib mar skam pa sta gon du bya/__de nas nyi ma'am zla ba gzas bzung ba la mngon du phyogs pa'i dus bris sku yod na shar du bkram pa'i mdun mchod pa bsham zhing rang nyid kyang der gdong phyogs/__med na nyi zla gang yin la rgyab brten nas stan bde ba la bsdad/__sran ma de nyid ras srab mo'am dar kar gyis mang nyung sngags kyi sgra zur la mi gnod pa'i tshod tsam dril la rin po che'i za ma tog tu bcug ste rang gi mdun du gzhag__/bdag bskyed bzlas pa'i bar dang /__mdun bskyed bris sku lhar gsal ba'am/__med na mdun gyi nam mkhar gtor mgron lhar gsal gdab/__mchod bstod kyi bar gong du smos pa bzhin dang /__maN+Dal ci nus dbul/__sgrub grogs zhig la bltar bcug nas nyi zla gang yin gzas bzung ngo zer ma thag sngar gyi sran ma lce 'og tu bcug nas rang gis nyi zla la mi blta bar bzlas pa rtse gcig tu bya/__grogs kyis gza' las grol lo zer ba na/__lce 'og nas bton te bltas pas/__rab myu gu ring thung ji ltar rigs pa dang /__'bring myu gu thon la khad pa dang /__tha ma'ang dpyid dus sa 'og tu zhag gnyis gsum lon pa lta bu'i sbos pa sogs sngar dang mi 'dra ba'i rtags nges shes can byung na/__ba ser skya'am/__ra dkar mo'i 'o ma/__ma rnyed na chu gtsang mas phul te sos ma reg par mid pas shes rab skye/__thos pa 'dzin/__tshe ring /__skra dkar dang gnyer ma med pa sogs yon tan mang du 'byung bar gsungs/__lan gcig gis ma byung na yang yang bskyar/__rtags ma byung na'ang phye mar btags pa gdon gyis zin pa'i mgo bor gtor nas sngags bzlas na 'byung po'i gnod pa zhi bar gsungs/__gang ltar yang rjes su mdun bskyed la mchod bstod sogs nas bsngo smon bkra shis par bya'o/__/gsum pa la gnyis/__rgyas pa dang /__zhi ba'i sbyin sreg go__/dang po ni/__sbyor ba rnam par dul ba'i gnas su/__snga dro'i dus rang nyid kha byang du phyogs pa'i mdun du/__rgyas pa'i thab spyi dang mthun par bris pa'i mu ran la rin po che'i phreng ba dang /__phyi rol zur bzhir rin po che 'bar bas mtshan pa/__dbus su 'khor lo ser po rtsibs brgyad pa'i lte bar rin po che 'bar ba dang bcas pa bri/__phyi nang kun tu dri ser po dang ba lang gi lci bas byug__/shug pa sogs 'bras bu dang ldan pa'i 'o ma can gyi bud shing gru bzhir brtsigs pa'i shar lhor ting lo me tshang dang bcas pa/__de'i mdun du bsreg rdzas mar khu yam shing bud shing dang 'dra ba la tshad khru gang pa/__khyad par gyi rdzas tshong dus nas bsgrub pa'i dbang du byas na/__ji lta ba bzhin te rin ji tsam dgos zer ba ltar byin nas nyos pa'i gur gum la sogs pa'i sman gyi me tog ser po rgyas shing dri bzang dang ldan pa/__spro na 'bul gtor/__mchod rdzas chu gnyis sngon 'gro'i nyer spyod bcas dang /__gzhan yang rdor dril/__dgang blugs/__dpal 'bar/__bsang chu sogs dgos pa'i yo byad thams cad 'du bya/__dngos gzhi ni/__bdag bskyed bzlas pa bcas sngon du 'gro bas/__oM a mr-i te hU~M phaT+ra kyis brlabs pa'i bsang chu 'thor bas bsang sbyangs/__stong pa'i ngang las mchod rdzas dang bsreg rdzas rnams lha mnyes shing so so'i las grub pa'i nus pa dang ldan par gyur/__oM AHhU~M gis brlab/__sngags kyi mthar oM badz+ra dz+wa la ra~M zhes btags pas me sbar/__a mr-i tes bsang chu 'thor/__/stong pa'i ngang las rgyas pa'i thab khung ser po gru bzhi pa mtshan nyid thams cad yongs su rdzogs shing nang lha rdzas kyi bud shing me rab tu 'bar ba dang bcas par gyur/__rang gi thugs ka nas 'od zer 'phros pas shar lho mtshams nas me lha 'khor dang bcas pa oM badz+ra sa mA dzaH__dzaHhU~M ba~M hoH__pad+ma ka ma lA ya s+t+waM/__thab kyi dbus su pad+ma'i gdan la bzhugs pa ni/__sku mdog ser gsal zhal gcig phyag gnyis kyis g.yas dbyu gu dang /__g.yon gun+d+he 'dzin pa/__drang srong gi cha byad can/__ra skyes la zhon pa'i zhal cung zad 'dzum pa'i ljags las byung ba'i 'od kyi sbu gus gzar bu gnyis kyi kha la ra~M yig gis mtshan pa las bdud rtsi'i rgyun drangs pas mnyes par gyur pa'i mos pas/__oM ag+na ye swA hA/__lan bdun gyis mar khu dbul/__bdag gi gzungs dang /__blo gros dang /__spobs pa phun sum tshogs pa thams cad puSh+tiM ku ru oM/__zhes pa lta bu'i spel tshig sbyar/__de bzhin du sngags dang spel tshig 'dra bas yam shing dang /__me tog bdun sogs dbul/__mar blugs gzar gang blugs la/__oM ag+na ye dz+wa la ra~M/__me lha 'bar ba'i rnam par gyur/__ces brjod cing bsam/__thab kyi dbus su sna tshogs pad+ma'i ze'u 'brus bsten pa'i a las zla ba'i phyogs nas/__de yongs su gyur pa las rje btsun 'jam pa'i dbyangs sogs nas/__mi bskyod pas dbur brgyan ces pa'i bar bdag bskyed bzhin la/__bdag la mngon par dbang bskur ba zhes pa'i gnas su 'di la zhes bsgyur/__mchod bstod rgyas bsdus gang rigs bya/__rje btsun 'jam pa'i dbyangs kyi zhal cung zad 'dzum pa'i ljags las byung ba'i 'od kyi sbu gus gzar bu gnyis kyi kha la ra~M yig gis mtshan pa las bdud rtsi'i rgyun drangs pas mnyes par gyur pa'i mos pas/__oM wA kye daM na maH__lan bdun nam brgya rtsa sogs kyi mthar/__bdag gi gzungs dang /__blo gros dang /__spobs pa phun sum tshogs pa thams cad puSh+tiM ku ru oM/__zhes sbyar la dbul/__de bzhin du yam shing dang /__me tog ser po dbul zhing /__khyad par gyi rdzas me tog la grangs bzung nas thun rer ji tsam nus pa phul pa'i mthar/__bcom ldan 'das rje btsun 'jam pa'i dbyangs kyis bdag dang sems can thams cad la gzungs dang /__blo gros dang /__spobs pa phun sum tshogs pa'i dngos grub ma lus pa stsal du gsol/__zhes gsol ba gdab/__spro na gtor ma bsang sbyangs byin gyis brlabs la dbul mchod bstod gsol ba gdab/__yig brgya lan gsum dang /__ma 'byor pa dang sogs kyis nongs pa bshags/__badz+ra muHsa thab kyi ye shes pa gshegs/__dam tshig pa rang la thim par bsam/__slar yang mar khu blugs gzar gang blug__/oM badz+ra dz+wa la ra~M/__me lha zhal phyag gi rnam par gyur par bsams la/__rdzas lhag ma gang yod sngar bzhin dbul/__me lha'i rgyal pos bdag dang sems can thams cad la gzungs dang sogs 'dod don gsol/__nongs pa bshags/__oM ag+na ye sa pa ri wA ra gats+tshas me lha rang bzhin gyi gnas su gshegs par bsam/__rang gi gnas gsum bsrung ba dang /__bsngo smon bkra shis bya/__las kyi rjes mi mngon par bsdus la me tog gi char sil mar bsnyil bar bya'o/__de lta bu'i tshul gyis lha sngags yi ge drug pa dang /__rdzas me tog 'bum phrag tshang ba'i sbyin sreg gis ngag gi dbang phyug dang mtshungs pa'i blo gros thob par 'gyur ro/__/cho ga de nyid gzhir bzhag la/__khyad par gyi rdzas me tog chu skyes pad+ma dkar po 'bum phrag gi sbyin sreg gis bcom ldan 'das kyi zhal mngon sum du mthong ba dang /__bal bu dang /__se ba sogs sman gyi me tog dkar zhing dri bsung dang ldan pa 'bum phrag gi sbyin sreg gis ngag gi dngos grub thob par gsungs la/__pad+ma'i sbyin sreg gi skabs spel tshig__/bdag gis bcom ldan 'das 'jam pa'i rdo rje'i zhal mngon sum du mthong ba dang /__gzungs dang /__blo gros dang /__spobs pa phun sum tshogs pa thams cad puSh+tiM ku ru oM/__'dod gsol la'ang /__rje btsun 'jam pa'i dbyangs kyis bdag dang sems can thams cad kyis bcom ldan 'das 'jam pa'i rdo rje'i zhal mngon sum du mthong ba dang /__gzungs dang /__blo gros dang /__spobs pa phun sum tshogs pa'i dngos grub ma lus pa stsal du gsol/__zhes gsol ba gdab/__/gnyis pa ni/__rgyas pa'i sbyin sregs zhir bzhag nas/__sngags kyi lhag chad skong ba sogs kyi ched zhi ba'i sbyin sreg byed bar 'dod pas/__mi 'dra ba'i khyad par/__sbyor ba'i skabs/_rang nyid kha shar du phyogs pa'i mdun du zhi ba'i thab khung spyi ltar bri/__bud shing zlum por brtsig__/bud shing dang yam shing gnyis ka'i rgyu 'om bu dang /__lcang ma sogs zhi ba'i shing dang /__yam shing gi tshad sor brgyad par bya/__khyad par gyi rdzas til nag pos bya'o/__/dngos gzhi'i skabs/__'jig rten pa'i me lha kha dog dkar por gsal/__spel tshig__/bdag gi nad gdon sdig sgrib bar chad mi mthun pa'i phyogs thams cad dang /__gsang sngags kyi lhag chad la sogs pa'i nyes pa thams cad shIn+taM ku ru swA hA/__zhes dang /__'dod gsol/__rje btsun 'jam pa'i dbyangs kyis bdag dang sems can thams cad kyi nad gdon sdig sgrib bar chad mi mthun pa'i phyogs rnams dang /__gsang sngags kyi lhag chad la sogs pa'i nyes pa thams cad zhi bar byin gyis brlab tu gsol/__/zhes sbyar ba tsam khyad par ro/__/'di dag ni rje btsun rin po che'i dka' 'grel gyi dgongs pa ltar bkod pa yin la/__bsdu na 'das pa'i me lha skad cig gis bskyed par dka' 'grel las 'byung zhing /__rgyas par spro na rgyud sde 'og ma'i lugs kyi sbyin sreg spyi'i cho gas khog phub kyang rung ngo /__/gsum pa tha mar mchog gi dngos grub mngon du byed pa'i tshul ni/__rgyud las/__rtag tu goms par byas na tshe 'di nyid la sangs rgyas nyid kyang sgrub par byed par 'gyur ro/__/zhes gsungs pa ltar/__rtag sbyor dang gus sbyor gyi brtson pa rgyun mi 'chad pas lha sngags kyi rnal 'byor la rtse gcig tu gzhol zhing /__dngos grub sgrub pa'i thabs la 'bad pas yi dam gyi lhas byin gyis brlabs pa'i mthus rig pa 'dzin pa'i lus thob cing /__thabs snying rje chen po dang gzungs kyi sgo sgrub pa'i ting nge 'dzin khyad par can gyis drangs ba'i mthong ba'i lam gyi ye shes mngon du byas te sa bcu pa chos kyi sprin rgya mtsho'i bar du 'jug cing /__thams cad mkhyen pa'i go 'phang dka' ba med par 'thob pa ni nges pa'o/__/dngos grub nor bus yongs gang rgyud sde rgya mtsho che/__/'phags dang mkhas pa'i gdengs can bye bas rol pa'i phul/__/legs bshad snying po rdzogs ldan sprin chen rgyas pa las/__/phan bde'i char gyis sa gsum dge legs sbyin gyur cig__/ces pa'ang rgyud 'grel rgya gzhung man ngag dang bcas pa la brten nas/__rang gzhan mang por sman pa'i blos bya bral ba 'jam dbyangs bla ma dgyes pa'i 'bangs mkhyen brtse'i dbang pos nyung gsal snying por dril ba'i tshul gyis sbyar ba dge legs mchog tu gyur cig__/sarba dA ka l+ya NaM b+ha ba tu//____//__!_