JKW-KABAB-06-CHA-024

🚧 This website is under continued development. We appreciate your patience!

Previous Text Back to Volume PageNext Text

འབྱུང་ལྔའི་སྐོང་བའི་ལས་བྱེ་བྲག་པ་རྣམས་ལ་འདོད་གསོལ་རྒྱས་པར་བྱ་བ།

Wylie title	'byung lnga'i skong ba'i las bye brag pa rnams la 'dod gsol rgyas par bya ba
Location	mkhyen brtse'i bka' babs Volume 6, Text 24, Pages 289-292 (Folios 1a1 to 2b1)
Author	ལས་རབ་གླིང་པ་
Less details More details
Tertön	ཇོ་མོ་སྨན་མོ་, འཇམ་དབྱངས་མཁྱེན་བརྩེའི་དབང་པོ་ (jo mo sman mo, 'jam dbyangs mkhyen brtse'i dbang po)
Citation	Las rab gling pa. 'byung lnga'i skong ba'i las bye brag pa rnams la 'dod gsol rgyas par bya ba. In Rdzong sar 'jam dbyangs mkhyen brtse'i dbang po'i bka' babs, Vol. 6: 289-292. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Mending Rituals - bskang chog
Cycle	མཁའ་འགྲོ་གསང་བ་ཀུན་འདུས་ (mkha' 'gro gsang ba kun 'dus)
Karchag page	JKW-KABAB-Volume-06-CHA-Karchag
RTZ	In the Rinchen Terdzö: https://rtz.tsadra.org/index.php/Terdzo-NGI-054; Terdzo-NGI-055
Colophon	།ལས་རབ་གླིང་པས་གཏེར་ཆེན་བླ་མའི་གསུང་ཉམས་མེད་དུ་བྲིས་པའོ།།
	las rab gling pas gter chen bla ma'i gsung nyams med du bris pa'o

Tibetan Text

Wylie

[edit]

༄༅༅། །འབྱུང་ལྔའི་སྐོངས་བའི་ལས་བྱེ་བྲག་པ་རྣམས་ལ་འདོད་གསོལ་རྒྱས་པར་བྱ་བར་སྤྲོ་ན། ཆུ་སྐོང་ལ། ལྷ་སྲིན་མ་མོའི་ཁ་རླངས་སོགས་ཕྱི་ནང་འབྱུང་འཁྲུགས་ཀྱི་ཡམས་དང་རིམས་ནད་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ༈ །ཀླ་ཀློའི་འཚུབ་འགྱུར་སོགས་སྐལ་ངན་དུས་ཀྱི་འཁྲུགས་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ༈ །བདག་ཅག་རྣལ་འབྱོར་པའི་ཚེ་མི་ཉམས་ཤིང་གོང་ནས་གོང་དུ་འཕེལ་བ་དང་ཚེ་སྲོག་རྡོ་རྗེ་ལྟར་སྲ་ཞིང་བརྟན་ལ་ཡུན་རིང་དུ་གནས་པར་གྱུར་ཅིག་པུཥྟིཾ་ཀུ་རུ་ཨོཾ། ༈ །བདག་ཅག་རྣལ་འབྱོར་པའི་ཉམས་རྟོགས་བདེ་སྟོང་གི་ཡེ་ཤེས་ཆེན་པོ་པུཥྟིཾ་ཀུ་རུ་ཨོཾ། ༈ །ས་སྐོང་ལ། ཕྱོགས་བཅུའི་དགེ་འདུན་གྱི་སྡེ་ཆེན་པོ་སོགས་མ་མ་ཝཱ་ཤཾ་ཀུ་རུ་ཧོཿ ༈ །བསྟན་དང་འགྲོ་ལ་གནོད་ཅིང་འཚེ་བའི་དགྲ་བགེགས་འབྱུང་པོ་ཐམས་ཅད་མཱ་ར་ཡ་རྦད་ཕཊ། ༈ །རྣལ་འབྱོར་པ་བདག་གིས་ཆོས་ཉིད་ཀྱི་བདེན་པ་མངོན་སུམ་དུ་རྟོགས་ཤིང་ས་ལམ་གྱི་ཡོན་ཏན་མཐར་ཕྱིན་ཏེ་ཚེ་འདིར་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་གྱུར་ཅིག མ་ཧཱ་ཛྙཱ་ན་རཏྣ་སིདྡྷི་ཕ་ལ་ཧོ༔ ༈ །མེ་སྐོང་ལ། སྟོང་ཕྲག་བརྒྱད་ཅུའི་གདོན་གྱི་རིགས་སུ་གྱུར་པ་ཐམས་ཅད་ཀྱིས་བདག་འཁོར་དང་བཅས་པ་ལ་སྡང་བ་དང་སྡང་བའི་སེམས་དང༌། གདུག་པ་དང་གདུག་པའི་སེམས་དང༌། དྲག་ཤུལ་དང་དྲག་ཤུལ་གྱི་སེམས་ལས་གྱུར་པའི་གནོད་ཅིང་འཚེ་བ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ༈ །རླུང་མཁྲིས་བད་ཀན་འདུས་པ་ལས་གྱུར་པའི་སྔོན་ལས་འཕྲལ་རྐྱེན་གྱི་ནད་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ༈ །བདག་དང་སེམས་ཅན་ཐམས་ཅད་ཀྱི་འཇིག་རྟེན་དང་འཇིག་རྟེན་ལས་འདས་པའི་ཟག་བཅས་དང་ཟག་མེད་ཀྱི་བསོད་ནམས་དགེ་ཚོགས་ཐམས་ཅད་པུཥྟིཾ་ཀུ་རུ་ཨོཾ། ༈ །གང་དག་ཡེ་ཤེས་ཀྱི་སྤྱན་དང་ལྡན་པའི་རྩ་གསུམ་ཆོས་སྲུང་རྒྱ་མཚོ་མ་ལུས་པ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཕུན་སུམ་ཚོགས་པ་ཐམས་ཅད་མ་མ་ཝཱ་ཤཾ་ཀུ་རུ་ཧོཿ འཇིག་རྟེན་ཁམས་ཀྱི་ལྷ་འདྲེ་མི་གསུམ་རྗེ་བློན་བཙུན་མོ་མངའ་འབངས་སྡེ་རིས་ཟས་ནོར་ལོངས་སྤྱོད་དཔལ་འབྱོར་མངའ་ཐང་སྟོབས་རྩལ་གཟི་བརྗིད་ཐམས་ཅད་རང་དབང་མེད་པར་བདག་སྒྲུབ་པ་པོའི་མོས་པ་རྣམ་བཞིའི་ཚུལ་དུ་ཝཱ་ཤཾ་ཀུ་རུ་ཧོ༔ ༈ །བསྒྲལ་བའི་ཞིང་བཅུ་ཚང་ཞིང་ཉམས་པ་བདུན་དང་ལྡན་པའི་དགྲ་བོ་བྱད་མ་ཐམས་ཅད་མཱ་ར་ཡ་རྦད་ཕཊ། ༈ །བསྟན་དང་བསྟན་འཛིན་ཡོངས་ལ་སྐབས་བལྟ་ཞིང་གླགས་ཚོལ་བ། རྣལ་འབྱོར་པ་བདག་གི་ལུས་ངག་ཡིད་གསུམ་ལ་བར་དུ་གཅོད་པའི་ནག་ཕྱོགས་གདོན་བགེགས་ལོག་པར་འདྲེན་པའི་ཚོགས་ཐམས་ཅད་ཨུུ་ཙཊྚ་ཡ་མཱ་ར་ཡེ་ཕཊ། ༈ །མར་མེ་ལ་འདི་སྦྱར་ཤེས་དགོས། རྣལ་འབྱོར་པ་བདག་གིས་གནས་ལུགས་ཕྱག་རྒྱ་ཆེན་པོ་མཆོག་གི་དགོངས་པ་ཟབ་མོ་མངོན་དུ་འགྱུར་བ་དང༌། དེའི་བྱིན་རླབས་ཀྱིས༴ ཞེས་པ་ཡན་ཆོད་མར་མེའི་སྐོངས་བའི་སྐབས་ལས་བྱེ་བྲག་པའི་འདོད་གསོལ་ཐམས་ཅད་ཀྱིས་དབུར་སྦྱར། སྤོས་སྐོངས་ལ་མི་དགོས། ཕྲིན་ལས་རྣམ་པ་བཞི་ལ་མངའ་དབང་འབྱོར་བར་གྱུར་ཅིག །མ་ཧཱ་སིདྡྷི་ས་མ་ཡ་ཧོཿ སྤོས་དང་མར་མེ་གཉིས་ཀ་ལ། བདག་ཅག་གི་ནད་གདོན་སྡིག་སྒྲིབ་ཉེས་ལྟུང་དམ་ཚིག་ཉམས་ཆགས་མ་དང་མཁའ་འགྲོའི་བཀའ་ཆད་ལ་སོགས་ཏེ་མདོར་ན་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་སྭཱ་ཧཱ། ༈ །བདག་ཅག་གི་ཚེ་བསོད་དཔལ་འབྱོར་སྟོབས་རྩལ་གཟི་བྱིན་ཉམས་རྟོགས་ཏིང་འཛིན་ཡེ་ཤེས་ཡོན་ཏན་ཐམས་ཅད་པུཥྟིཾ་ཀུ་རུ་ཨོཾ། ༈ །འཁོར་བ་དང་མྱ་ངན་ལས་འདས་པའི་སྣོད་བཅུད་ཀྱི་དགེ་མཚན་ཡིད་དུ་འོང་བའི་དངོས་པོ་མ་ལུས་པ་ཐམས་ཅད་བདག་ལ་མོས་པ་རྣམ་བཞིའི་ཚུལ་དུ་ཝཱ་ཤཾ་ཀུ་རུ་ཧོཿ ༈ །བསྟན་དང་འགྲོ་ལ་འཚེ་བའི་འབྱུང་པོ་མི་དང་མི་མིན་བསྒྲལ་བའི་ཞིང་དུ་གྱུར་པ་ཐམས་ཅད་མཱ་ར་ཡ་རྦད་ཕཊ། ༈ །མར་མེ་ལ། སེམས་ཅན་ཐམས་ཅད་ཀྱི་རྒྱུད་ལ་དེ་ཁོ་ན་ཉིད་ཀྱི་ཡེ་ཤེས་ཆེན་པོ་མ་ནོར་བ་སྟོན་ཅིང་རྒྱས་པར་བྱེད་པའི་ལས་ཀྱི་ནུས་མཐུ་ཕུན་སུམ་ཚོགས་པ་ལ་མངའ་དབང་འབྱོར་བར་གྱུར་ཅིག །མ་ཧཱ་ཛྙཱ་ན་སརྦ་ཀརྨ་ཀུ་རུ་ཧོ༔ མཆོག་གི་ལས་བཞི་ནི་གོང་ལྟར་རམ། །ཡང་ན་དུག་ལྔའི་རྣམ་རྟོག་ཞི་བ། །རིག་རྩལ་ཡེ་ཤེས་རྒྱས་པ། རླུང་སེམས་དབང་དུ་འདུུ་བ། །མ་རིག་བདག་འཛིན་ཚར་གཅོད་པ། །གཟུང་འཛིན་ཆ་དང་བཅས་པ་དབྱིངས་སུ་སངས་ཞིང༌། །ཡེ་ཤེས་ཕྱོགས་མེད་དུ་རྒྱས་པ་སོགས་ཀྱི་སྒོ་ནས་བཞག་ཀྱང་ཆོག་གསུངས། །ལས་རབ་གླིང་པས་གཏེར་ཆེན་བླ་མའི་གསུང་ཉམས་མེད་དུ་བྲིས་པའོ།། །།

[edit]

@##/__/'byung lnga'i skongs ba'i las bye brag pa rnams la 'dod gsol rgyas par bya bar spro na/__chu skong la/__lha srin ma mo'i kha rlangs sogs phyi nang 'byung 'khrugs kyi yams dang rims nad thams cad shAn+tiM ku ru swA hA/__!__/kla klo'i 'tshub 'gyur sogs skal ngan dus kyi 'khrugs pa thams cad shAn+tiM ku ru swA hA/__!__/bdag cag rnal 'byor pa'i tshe mi nyams shing gong nas gong du 'phel ba dang tshe srog rdo rje ltar sra zhing brtan la yun ring du gnas par gyur cig puSh+tiM ku ru oM/___!__/bdag cag rnal 'byor pa'i nyams rtogs bde stong gi ye shes chen po puSh+tiM ku ru oM/__!__/sa skong la/__phyogs bcu'i dge 'dun gyi sde chen po sogs ma ma wA shaM ku ru hoH__!__/bstan dang 'gro la gnod cing 'tshe ba'i dgra bgegs 'byung po thams cad mA ra ya rbad phaT/__!__/rnal 'byor pa bdag gis chos nyid kyi bden pa mngon sum du rtogs shing sa lam gyi yon tan mthar phyin te tshe 'dir zung 'jug rdo rje 'chang chen po'i go 'phang thob par gyur cig__ma hA dz+nyA na rat+na sid+d+hi pha la ho:__!__/me skong la/__stong phrag brgyad cu'i gdon gyi rigs su gyur pa thams cad kyis bdag 'khor dang bcas pa la sdang ba dang sdang ba'i sems dang*/__gdug pa dang gdug pa'i sems dang*/__drag shul dang drag shul gyi sems las gyur pa'i gnod cing 'tshe ba thams cad shAn+tiM ku ru swA hA/__!__/rlung mkhris bad kan 'dus pa las gyur pa'i sngon las 'phral rkyen gyi nad thams cad shAn+tiM ku ru swA hA/__!__/bdag dang sems can thams cad kyi 'jig rten dang 'jig rten las 'das pa'i zag bcas dang zag med kyi bsod nams dge tshogs thams cad puSh+tiM ku ru oM/__!___/gang dag ye shes kyi spyan dang ldan pa'i rtsa gsum chos srung rgya mtsho ma lus pa rnams kyi sku gsung thugs yon tan phrin las phun sum tshogs pa thams cad ma ma wA shaM ku ru hoH__'jig rten khams kyi lha 'dre mi gsum rje blon btsun mo mnga' 'bangs sde ris zas nor longs spyod dpal 'byor mnga' thang stobs rtsal gzi brjid thams cad rang dbang med par bdag sgrub pa po'i mos pa rnam bzhi'i tshul du wA shaM ku ru ho:__!__/bsgral ba'i zhing bcu tshang zhing nyams pa bdun dang ldan pa'i dgra bo byad ma thams cad mA ra ya rbad phaT/__!__/bstan dang bstan 'dzin yongs la skabs blta zhing glags tshol ba/__rnal 'byor pa bdag gi lus ngag yid gsum la bar du gcod pa'i nag phyogs gdon bgegs log par 'dren pa'i tshogs thams cad u+u tsaT+Ta ya mA ra ye phaT/__!__/mar me la 'di sbyar shes dgos/__rnal 'byor pa bdag gis gnas lugs phyag rgya chen po mchog gi dgongs pa zab mo mngon du 'gyur ba dang*/___de'i byin rlabs kyis=__zhes pa yan chod mar me'i skongs ba'i skabs las bye brag pa'i 'dod gsol thams cad kyis dbur sbyar/__spos skongs la mi dgos/__phrin las rnam pa bzhi la mnga' dbang 'byor bar gyur cig__/ma hA sid+d+hi sa ma ya hoH__spos dang mar me gnyis ka la/__bdag cag gi nad gdon sdig sgrib nyes ltung dam tshig nyams chags ma dang mkha' 'gro'i bka' chad la sogs te mdor na mi mthun pa'i phyogs thams cad shAn+tiM ku ru swA hA/__!__/bdag cag gi tshe bsod dpal 'byor stobs rtsal gzi byin nyams rtogs ting 'dzin ye shes yon tan thams cad puSh+tiM ku ru oM/__!__/'khor ba dang mya ngan las 'das pa'i snod bcud kyi dge mtshan yid du 'ong ba'i dngos po ma lus pa thams cad bdag la mos pa rnam bzhi'i tshul du wA shaM ku ru hoH__!__/bstan dang 'gro la 'tshe ba'i 'byung po mi dang mi min bsgral ba'i zhing du gyur pa thams cad mA ra ya rbad phaT/__!__/mar me la/__sems can thams cad kyi rgyud la de kho na nyid kyi ye shes chen po ma nor ba ston cing rgyas par byed pa'i las kyi nus mthu phun sum tshogs pa la mnga' dbang 'byor bar gyur cig__/ma hA dz+nyA na sarba karma ku ru ho:__mchog gi las bzhi ni gong ltar ram/__/yang na dug lnga'i rnam rtog zhi ba/__/rig rtsal ye shes rgyas pa/__rlung sems dbang du 'du+u ba/__/ma rig bdag 'dzin tshar gcod pa/__/gzung 'dzin cha dang bcas pa dbyings su sangs zhing*/__/ye shes phyogs med du rgyas pa sogs kyi sgo nas bzhag kyang chog gsungs/__/las rab gling pas gter chen bla ma'i gsung nyams med du bris pa'o//___//