JKW-KABUM-10-THA-004-014: Difference between revisions
No edit summary |
No edit summary |
||
Line 2: | Line 2: | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|citation=[['jam dbyangs mkhyen brtse'i dbang po]]. ''''. In '''jam dbyangs mkhyen brtse'i dbang po'i bka' 'bum'', Vol. 10: | |fulltitletib=པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་རྗེས་གནང་དང་བཅས་པ། | ||
|fulltitle=paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa | |||
|citation=[['jam dbyangs mkhyen brtse'i dbang po]]. ''paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa''. In '''jam dbyangs mkhyen brtse'i dbang po'i bka' 'bum'', Vol. 10: 274-. Khams sde dge rdzong sar dgon: Rdzong sar blo gros phun tshogs, 2020. | |||
|collectiontitle=mkhyen brtse'i bka' 'bum | |collectiontitle=mkhyen brtse'i bka' 'bum | ||
|collectiontitletib=མཁྱེན་བརྩེའི་བཀའ་འབུམ་ | |collectiontitletib=མཁྱེན་བརྩེའི་བཀའ་འབུམ་ | ||
|author='jam dbyangs mkhyen brtse'i dbang po | |author='jam dbyangs mkhyen brtse'i dbang po | ||
|editor=rdzong sar blo gros phun tshogs | |editor=rdzong sar blo gros phun tshogs | ||
|associatedpeople=Candrākaragupta | |||
|authortib=འཇམ་དབྱངས་མཁྱེན་བརྩེའི་དབང་པོ་ | |authortib=འཇམ་དབྱངས་མཁྱེན་བརྩེའི་དབང་པོ་ | ||
|editortib=རྫོང་སར་བློ་གྲོས་ཕུན་ཚོགས་ | |editortib=རྫོང་སར་བློ་གྲོས་ཕུན་ཚོགས་ | ||
|associatedpeopletib=ཟླ་བ་འབྱུང་གནས་སྦས་པ་ | |||
|tibgenre=Permission to Invoke (anujñā) - rjes gnang, Sadhanas - Evocation Ritual - sgrub thabs | |||
|terma=No | |terma=No | ||
|sabcadcategory=Five | |sabcadcategory=Five | ||
|deity='jam dpal dbyangs | |deity='jam dpal dbyangs; 'jam dpal dkar po | ||
|cycle='jam dpal shes rab 'khor lo | |||
|cycletib=འཇམ་དཔལ་ཤེས་རབ་འཁོར་ལོ་ | |||
|language=Tibetan | |language=Tibetan | ||
|volumenumber=010 | |volumenumber=010 | ||
Line 19: | Line 26: | ||
|textnuminvol=004 | |textnuminvol=004 | ||
|textsubnumber=015 | |textsubnumber=015 | ||
|beginfolioline=46b4 | |||
|multivolumework=No | |multivolumework=No | ||
|rectonotes=sde tshan 4 | |rectonotes=sde tshan 4 | ||
|versonotes=mkhyen brtse'i bka' 'bum | |versonotes=mkhyen brtse'i bka' 'bum | ||
|colophontib=།ཅེས་པའང་དོན་གཉེར་ཅན་དག་གི་ཆེད་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་མངོན་རྟོགས་ཀྱི་དངོས་གཞི་རྒྱ་གཞུང་སོར་བཞག་ལ། ཡིག་རྙིང་གི་དགོངས་པ་ལྟར་ཚིག་གི་མཐའ་བསྐྱེད་ཚུལ་ཅུང་ཟད་ཀྱིས་མཚམས་སྦྱར་ཏེ་བྲིས་པ་སརྦ་དཱ་ཤྲེ་ཡནྟུ།། | |||
|colophonwylie=ces pa'ang don gnyer can dag gi ched du 'jam dbyangs bla ma dgyes pa'i 'bangs mkhyen brtse'i dbang pos mngon rtogs kyi dngos gzhi rgya gzhung sor bzhag la/__yig rnying gi dgongs pa ltar tshig gi mtha' bskyed tshul cung zad kyis mtshams sbyar te bris pa sarba dA shre yan+tu/ | |||
|pdflink=File:JKW-KABUM-10-THA-004.pdf | |pdflink=File:JKW-KABUM-10-THA-004.pdf | ||
}} | }} | ||
Line 27: | Line 37: | ||
<h1 style="font-size: 24px !important;">Tibetan Text</h1> | <h1 style="font-size: 24px !important;">Tibetan Text</h1> | ||
<onlyinclude> | <onlyinclude> | ||
{{TibP| | {{TibP|༄༅། །པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་རྗེས་གནང་དང་བཅས་པ་བཞུགས་སོ། །རྒྱ་གར་སྐད་དུ། མཉྫུ་ཤྲཱི་པྲཛྙཱ་ཙཀྲ་སྱ་སཱ་དྷ་ནཾ། བོད་སྐད་དུ། འཇམ་དཔལ་ཤེས་རབ་འཁོར་ལོའི་སྒྲུབ་ཐབས། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སྙིང་གི་མུན་སེལ་འཇམ་པའི་དཔལ། །ཤེས་རབ་འཁོར་ལོ་ལ་བཏུད་ནས། །གང་དེའི་བསྙེན་པའི་མན་ངག་ནི། །ཟླ་འབྱུང་སྦས་པའི་ལུགས་བཞིན་བཤད། །ཚུལ་འདིའི་རྗེས་གནང་ལེགས་ཐོབ་པའི། །སྔགས་པས་རྗེས་སུ་མཐུན་པའི་གནས། །བྱི་དོར་བྱུགས་པ་བཟང་བྱས་ལ། །མདུན་མཁར་སྐྱབས་ཡུལ་གསལ་བར་བལྟ། །འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་པར་བདག་ནི་སྐྱབས་སུ་མཆི། །ཤེས་རབ་སྙིང་བརྩེ་དང་བཅས་པས། །བརྩོན་པས་སེམས་ཅན་དོན་དུ་བདག །སངས་རྒྱས་མདུན་དུ་གནས་བཅས་ཏེ། །རྫོགས་པའི་བྱང་ཆུབ་སེམས་བསྐྱེད་བགྱི། །རང་ཉིད་སྐད་ཅིག་འཇམ་པའི་དབྱངས། །ཤེས་རབ་འཁོར་ལོའི་སྐུར་གསལ་བའི། །སྙིང་དབུས་ཟླ་སྟེང་དྷཱིཿཡིག་ལས། །འོད་འཕྲོས་ཡེ་ཤེས་སྤྱན་དྲངས་གྱུར། །བླ་མ་སངས་རྒྱས་ཆོས་ཚོགས་ལ། །དངོས་དང་ཡིད་ལས་བྱུང་དང་གཞན། །ཡང་དག་དོན་ཤེས་མཆོད་པས་མཆོད། །སྒོ་གསུམ་གུས་པའི་ཕྱག་གིས་འདུད། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གི་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །འགྲོ་བ་སྨིན་བྱེད་བློ་གྲོས་ཅན། །བྱམས་དང་སྙིང་རྗེ་དགའ་བ་དང་། །བཏང་སྙོམས་ཚངས་པའི་གནས་བཞི་ཡིས། །ཡིད་ཅན་ཕན་བདེ་བསྒྲུབ་པར་བགྱི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། གཟུང་བའི་ཡུལ་དང་འཛིན་པའི་ཡུལ་ཅན་གཉིས་སྣང་ཀུན། །འོད་གསལ་སྟོང་ཉིད་ནམ་མཁའི་དཀྱིལ་ལྟར་རྣམ་དག་ངང་། །པཾ་ལས་ཆུ་སྐྱེས་ཨ་ལས་ཟླ་བ་རྒྱས་པའི་སྟེང་། །རང་སེམས་དྷཱིཿལས་ཤེས་རབ་རལ་གྲི་དྷཱིཿཡིས་མཚན། །དཀར་བསིལ་ཟླ་བ་བྱེ་བའི་འོད་ཟེར་ལས་ལྷག་པའི། །དཔལ་གྱིས་ས་གསུམ་ཤེས་རབ་སྣང་བ་བསྐྱེད་བྱས་ནས། །དུས་གསུམ་གཤེགས་དང་ཕྱོགས་བཅུའི་ཆར་བཞུགས་སངས་རྒྱས་དང་། །དེ་སྲས་དེ་བཞིན་དྲང་སྲོང་དང་ནི་རིག་འཛིན་ཚོགས། །མ་ལུས་ཡོན་ཏན་བློ་གྲོས་སྣང་བ་བསྡུས་ནས་ཀྱང་། །སྐད་ཅིག་རྣམ་པས་འཇིག་རྟེན་གསུམ་མགོན་འཇམ་པའི་དབྱངས། །གཞོན་ནུའི་ངང་ཚུལ་ཕྱག་གཡས་ཡེ་ཤེས་རལ་གྲི་འཕྱར། །གཡོན་པས་ཨུཏྤ་ལར་གནས་འཁོར་ལོ་པུསྟི་འཛིན། །གངས་རིའི་མདོག་ཅན་སྣ་ཚོགས་དར་དང་ནོར་བུས་བརྒྱན། །རབ་སྒེག་སྙན་འཇེབས་དུལ་བའི་རང་བཞིན་བློ་བཟང་པོ། །སྐྱིལ་ཀྲུང་རབ་གསལ་རིན་ཆེན་དཔག་མེད་འོད་འཕྲོ་བ། །བློ་ངན་སེལ་མཁས་སངས་རྒྱས་སྲས་སུ་བདག་གྱུར་པའི། སྙིང་ཉིད་ཟླ་བའི་རང་བཞིན་འཁོར་ལོ་རྩིབས་བརྒྱད་ལ། །ལྟེ་བར་དྷཱིཿདང་རྩིབས་བརྒྱད་རིག་པ་འབྲུ་བརྒྱད་མཚན། །དེ་ལས་འོད་འཕྲོས་ཡེ་ཤེས་སེམས་དཔའ་སྤྱན་དྲངས་ནས། །དྷཱིཿཡིག་ལ་ཐིམ་རང་འདྲའི་འཇམ་དཔལ་ཚོན་གང་གྱུར། །དེ་ཡི་ཐུགས་ཀར་ཟླ་བའི་འཁོར་ལོ་རྩིབས་བརྒྱད་པ། །རྩེ་མོ་རབ་རྣོ་རྩིབས་བརྒྱད་ཡི་གེ་འབྲུ་བརྒྱད་དང་། །དབུས་སུ་ཏིང་འཛིན་སེམས་དཔའ་དྷཱིཿཡིག་འབར་བས་མཚན། །དྲི་མེད་དཀར་གསལ་འོད་ཚོགས་ཕྲེང་བས་རབ་ཏུ་བརྒྱན། །རྩིབས་རྣམས་གཡས་དང་ཡིག་འབྲུ་གཡོན་དང་དེ་བཟློག་པར། །ཤུགས་དྲག་འཁོར་ལས་རབ་དཀར་བདུད་རྩིའི་འོད་སྣང་གིས། །ཐོག་མེད་ཡིད་ཀྱི་མུན་པ་མ་ལུས་བསལ་བྱས་ནས། །སོ་སོར་རིག་བཞིའི་བློ་མཆོག་ཀུ་མུད་རྒྱས་པར་གྱུར། ཨོཾ་ཨ་ར་པ་ཙ་ན་དྷཱིཿཧཱུྃ། གཟུགས་སྣང་འཇམ་དཔལ་གཞོན་ནུའི་སྐུ། །སྣང་སྟོང་གཟུགས་བརྙན་ལྟ་བུར་གསལ། །སྒྲ་ཀུན་འཇམ་པའི་དབྱངས་ཀྱི་གསུང་། །གྲགས་སྟོང་བྲག་ཅའི་དབྱངས་སུ་བཟླ། །དྲན་རྟོག་འཇམ་པའི་རྡོ་རྗེའི་ཐུགས། །རིག་སྟོང་འཇའ་ཚོན་ལྟ་བུའི་ངང་། །མ་ཡེངས་རྩེ་གཅིག་ཡིད་ཀྱིས་བསྒྲུབ། །ཐུན་ལས་ལྡང་བར་བརྩམ་པ་ན། །བརྩེ་ལྡན་ཁྱོད་ཀྱི་མཁྱེན་རབ་འོད་ཟེར་གྱིས། །བདག་བློའི་གཏི་མུག་མུན་པ་རབ་བསལ་ནས། །བཀའ་དང་བསྟན་བཅོས་གཞུང་ལུགས་རྟོགས་པ་ཡི། །བློ་གྲོས་སྤོབས་པའི་སྣང་བ་བསྐྱེད་དུ་གསོལ།། ཐུགས་ཀའི་དྷཱིཿལས་འོད་འཕྲོས་པས། །ཁམས་གསུམ་འོད་ཞུ་རང་ཉིད་དང་། །རང་ཡང་ཏིང་འཛིན་སེམས་དཔར་ཐིམ། །སླར་ཡང་མཇམ་དཔལ་གཞོན་ནུར་གྱུར། །འདི་བསྒྲུབས་པ་ལས་བྱུང་བ་ཡི། །བསོད་ནམས་འགྲོ་བ་ཀུན་ལ་སྦྱིན། །དེས་ནི་འགྲོ་བ་མ་ལུས་ཀུན། །འཇམ་དབྱངས་གོ་འཕང་མྱུར་ཐོབ་ཤོག །ཅེས་སོགས་བསྔོ་སྨོན་རྒྱས་བཏབ་ནས། །ཐུན་མཚམས་ཀུན་ཏུ་སྣང་གྲགས་རྟོག །འཇམ་པའི་དབྱངས་ཀྱི་གསང་གསུམ་དང་། །དབྱེར་མེད་ངང་ནས་ཚོགས་གཉིས་བསྒྲུབ། །གྲངས་བསྙེན་འབུམ་ཕྲག་ཉེར་བཞི་སྟེ། །དུས་ཀྱི་བསྙེན་པ་ཟླ་དྲུག་གོ། །མཚན་མ་རབ་དངོས་འབྲིང་རྨི་ལམ། །འཕགས་པ་དགྱེས་པའི་ཞལ་མཐོང་ཞིང་། །ཐ་མའང་ཉི་ཟླ་ཤར་བ་སོགས། །དགེ་བའི་ལྟས་བཟང་ཅི་རིགས་འབྱུང་། །ཁྱད་པར་པ་ཝ་སངས་མཐོང་ན། །འགྲན་མེད་སྙན་ངག་མཁན་དུ་འགྱུར། །དེ་ལྟར་ཤེས་རབ་འཁོར་ལོ་ཡི། །སྒྲུབ་ཐབས་འདི་བྱས་བསོད་ནམས་ཀྱིས། །ས་གསུམ་ཡིད་ཀྱི་མུན་སེལ་བའི། །འཇམ་དཔལ་གཞོན་ནུ་ཉིད་གྱུར་ཅིག །ཅེས་པའང་དོན་གཉེར་ཅན་དག་གི་ཆེད་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་མངོན་རྟོགས་ཀྱི་དངོས་གཞི་རྒྱ་གཞུང་སོར་བཞག་ལ། ཡིག་རྙིང་གི་དགོངས་པ་ལྟར་ཚིག་གི་མཐའ་བསྐྱེད་ཚུལ་ཅུང་ཟད་ཀྱིས་མཚམས་སྦྱར་ཏེ་བྲིས་པ་སརྦ་དཱ་ཤྲེ་ཡནྟུ།། །། ༈ | ||
༄༅། །པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་རྗེས་གནང་དང་བཅས་པ་བཞུགས་སོ། །རྒྱ་གར་སྐད་དུ། མཉྫུ་ཤྲཱི་པྲཛྙཱ་ཙཀྲ་སྱ་སཱ་དྷ་ནཾ། བོད་སྐད་དུ། འཇམ་དཔལ་ཤེས་རབ་འཁོར་ལོའི་སྒྲུབ་ཐབས། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སྙིང་གི་མུན་སེལ་འཇམ་པའི་དཔལ། །ཤེས་རབ་འཁོར་ལོ་ལ་བཏུད་ནས། །གང་དེའི་བསྙེན་པའི་མན་ངག་ནི། །ཟླ་འབྱུང་སྦས་པའི་ལུགས་བཞིན་བཤད། །ཚུལ་འདིའི་རྗེས་གནང་ལེགས་ཐོབ་པའི། །སྔགས་པས་རྗེས་སུ་མཐུན་པའི་གནས། །བྱི་དོར་བྱུགས་པ་བཟང་བྱས་ལ། །མདུན་མཁར་སྐྱབས་ཡུལ་གསལ་བར་བལྟ། །འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་པར་བདག་ནི་སྐྱབས་སུ་མཆི། །ཤེས་རབ་སྙིང་བརྩེ་དང་བཅས་པས། །བརྩོན་པས་སེམས་ཅན་དོན་དུ་བདག །སངས་རྒྱས་མདུན་དུ་གནས་བཅས་ཏེ། །རྫོགས་པའི་བྱང་ཆུབ་སེམས་བསྐྱེད་བགྱི། །རང་ཉིད་སྐད་ཅིག་འཇམ་པའི་དབྱངས། །ཤེས་རབ་འཁོར་ལོའི་སྐུར་གསལ་བའི། །སྙིང་དབུས་ཟླ་སྟེང་དྷཱིཿཡིག་ལས། །འོད་འཕྲོས་ཡེ་ཤེས་སྤྱན་དྲངས་གྱུར། །བླ་མ་སངས་རྒྱས་ཆོས་ཚོགས་ལ། །དངོས་དང་ཡིད་ལས་བྱུང་དང་གཞན། །ཡང་དག་དོན་ཤེས་མཆོད་པས་མཆོད། །སྒོ་གསུམ་གུས་པའི་ཕྱག་གིས་འདུད། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གི་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །འགྲོ་བ་སྨིན་བྱེད་བློ་གྲོས་ཅན། །བྱམས་དང་སྙིང་རྗེ་དགའ་བ་དང་། །བཏང་སྙོམས་ཚངས་པའི་གནས་བཞི་ཡིས། །ཡིད་ཅན་ཕན་བདེ་བསྒྲུབ་པར་བགྱི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། གཟུང་བའི་ཡུལ་དང་འཛིན་པའི་ཡུལ་ཅན་གཉིས་སྣང་ཀུན། །འོད་གསལ་སྟོང་ཉིད་ནམ་མཁའི་དཀྱིལ་ལྟར་རྣམ་དག་ངང་། །པཾ་ལས་ཆུ་སྐྱེས་ཨ་ལས་ཟླ་བ་རྒྱས་པའི་སྟེང་། །རང་སེམས་དྷཱིཿལས་ཤེས་རབ་རལ་གྲི་དྷཱིཿཡིས་མཚན། །དཀར་བསིལ་ཟླ་བ་བྱེ་བའི་འོད་ཟེར་ལས་ལྷག་པའི། །དཔལ་གྱིས་ས་གསུམ་ཤེས་རབ་སྣང་བ་བསྐྱེད་བྱས་ནས། །དུས་གསུམ་གཤེགས་དང་ཕྱོགས་བཅུའི་ཆར་བཞུགས་སངས་རྒྱས་དང་། །དེ་སྲས་དེ་བཞིན་དྲང་སྲོང་དང་ནི་རིག་འཛིན་ཚོགས། །མ་ལུས་ཡོན་ཏན་བློ་གྲོས་སྣང་བ་བསྡུས་ནས་ཀྱང་། །སྐད་ཅིག་རྣམ་པས་འཇིག་རྟེན་གསུམ་མགོན་འཇམ་པའི་དབྱངས། །གཞོན་ནུའི་ངང་ཚུལ་ཕྱག་གཡས་ཡེ་ཤེས་རལ་གྲི་འཕྱར། །གཡོན་པས་ཨུཏྤ་ལར་གནས་འཁོར་ལོ་པུསྟི་འཛིན། །གངས་རིའི་མདོག་ཅན་སྣ་ཚོགས་དར་དང་ནོར་བུས་བརྒྱན། །རབ་སྒེག་སྙན་འཇེབས་དུལ་བའི་རང་བཞིན་བློ་བཟང་པོ། །སྐྱིལ་ཀྲུང་རབ་གསལ་རིན་ཆེན་དཔག་མེད་འོད་འཕྲོ་བ། །བློ་ངན་སེལ་མཁས་སངས་རྒྱས་སྲས་སུ་བདག་གྱུར་པའི། སྙིང་ཉིད་ཟླ་བའི་རང་བཞིན་འཁོར་ལོ་རྩིབས་བརྒྱད་ལ། །ལྟེ་བར་དྷཱིཿདང་རྩིབས་བརྒྱད་རིག་པ་འབྲུ་བརྒྱད་མཚན། །དེ་ལས་འོད་འཕྲོས་ཡེ་ཤེས་སེམས་དཔའ་སྤྱན་དྲངས་ནས། །དྷཱིཿཡིག་ལ་ཐིམ་རང་འདྲའི་འཇམ་དཔལ་ཚོན་གང་གྱུར། །དེ་ཡི་ཐུགས་ཀར་ཟླ་བའི་འཁོར་ལོ་རྩིབས་བརྒྱད་པ། །རྩེ་མོ་རབ་རྣོ་རྩིབས་བརྒྱད་ཡི་གེ་འབྲུ་བརྒྱད་དང་། །དབུས་སུ་ཏིང་འཛིན་སེམས་དཔའ་དྷཱིཿཡིག་འབར་བས་མཚན། །དྲི་མེད་དཀར་གསལ་འོད་ཚོགས་ཕྲེང་བས་རབ་ཏུ་བརྒྱན། །རྩིབས་རྣམས་གཡས་དང་ཡིག་འབྲུ་གཡོན་དང་དེ་བཟློག་པར། །ཤུགས་དྲག་འཁོར་ལས་རབ་དཀར་བདུད་རྩིའི་འོད་སྣང་གིས། །ཐོག་མེད་ཡིད་ཀྱི་མུན་པ་མ་ལུས་བསལ་བྱས་ནས། །སོ་སོར་རིག་བཞིའི་བློ་མཆོག་ཀུ་མུད་རྒྱས་པར་གྱུར། ཨོཾ་ཨ་ར་པ་ཙ་ན་དྷཱིཿཧཱུྃ། གཟུགས་སྣང་འཇམ་དཔལ་གཞོན་ནུའི་སྐུ། །སྣང་སྟོང་གཟུགས་བརྙན་ལྟ་བུར་གསལ། །སྒྲ་ཀུན་འཇམ་པའི་དབྱངས་ཀྱི་གསུང་། །གྲགས་སྟོང་བྲག་ཅའི་དབྱངས་སུ་བཟླ། །དྲན་རྟོག་འཇམ་པའི་རྡོ་རྗེའི་ཐུགས། །རིག་སྟོང་འཇའ་ཚོན་ལྟ་བུའི་ངང་། །མ་ཡེངས་རྩེ་གཅིག་ཡིད་ཀྱིས་བསྒྲུབ། །ཐུན་ལས་ལྡང་བར་བརྩམ་པ་ན། །བརྩེ་ལྡན་ཁྱོད་ཀྱི་མཁྱེན་རབ་འོད་ཟེར་གྱིས། །བདག་བློའི་གཏི་མུག་མུན་པ་རབ་བསལ་ནས། །བཀའ་དང་བསྟན་བཅོས་གཞུང་ལུགས་རྟོགས་པ་ཡི། །བློ་གྲོས་སྤོབས་པའི་སྣང་བ་བསྐྱེད་དུ་གསོལ།། ཐུགས་ཀའི་དྷཱིཿལས་འོད་འཕྲོས་པས། །ཁམས་གསུམ་འོད་ཞུ་རང་ཉིད་དང་། །རང་ཡང་ཏིང་འཛིན་སེམས་དཔར་ཐིམ། །སླར་ཡང་མཇམ་དཔལ་གཞོན་ནུར་གྱུར། །འདི་བསྒྲུབས་པ་ལས་བྱུང་བ་ཡི། །བསོད་ནམས་འགྲོ་བ་ཀུན་ལ་སྦྱིན། །དེས་ནི་འགྲོ་བ་མ་ལུས་ཀུན། །འཇམ་དབྱངས་གོ་འཕང་མྱུར་ཐོབ་ཤོག །ཅེས་སོགས་བསྔོ་སྨོན་རྒྱས་བཏབ་ནས། །ཐུན་མཚམས་ཀུན་ཏུ་སྣང་གྲགས་རྟོག །འཇམ་པའི་དབྱངས་ཀྱི་གསང་གསུམ་དང་། །དབྱེར་མེད་ངང་ནས་ཚོགས་གཉིས་བསྒྲུབ། །གྲངས་བསྙེན་འབུམ་ཕྲག་ཉེར་བཞི་སྟེ། །དུས་ཀྱི་བསྙེན་པ་ཟླ་དྲུག་གོ། །མཚན་མ་རབ་དངོས་འབྲིང་རྨི་ལམ། །འཕགས་པ་དགྱེས་པའི་ཞལ་མཐོང་ཞིང་། །ཐ་མའང་ཉི་ཟླ་ཤར་བ་སོགས། །དགེ་བའི་ལྟས་བཟང་ཅི་རིགས་འབྱུང་། །ཁྱད་པར་པ་ཝ་སངས་མཐོང་ན། །འགྲན་མེད་སྙན་ངག་མཁན་དུ་འགྱུར། །དེ་ལྟར་ཤེས་རབ་འཁོར་ལོ་ཡི། །སྒྲུབ་ཐབས་འདི་བྱས་བསོད་ནམས་ཀྱིས། །ས་གསུམ་ཡིད་ཀྱི་མུན་སེལ་བའི། །འཇམ་དཔལ་གཞོན་ནུ་ཉིད་གྱུར་ཅིག །ཅེས་པའང་དོན་གཉེར་ཅན་དག་གི་ཆེད་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་མངོན་རྟོགས་ཀྱི་དངོས་གཞི་རྒྱ་གཞུང་སོར་བཞག་ལ། ཡིག་རྙིང་གི་དགོངས་པ་ལྟར་ཚིག་གི་མཐའ་བསྐྱེད་ཚུལ་ཅུང་ཟད་ཀྱིས་མཚམས་སྦྱར་ཏེ་བྲིས་པ་སརྦ་དཱ་ཤྲེ་ཡནྟུ།། །། ༈ | |||
}} | }} | ||
</onlyinclude> | </onlyinclude> |
Revision as of 10:25, 3 June 2021
Wylie title | paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa | ![]() |
---|---|---|
Location | mkhyen brtse'i bka' 'bum Volume 10, sde tshan 4, Text 15, Pages (Folios 46b4 to ) | |
Author | འཇམ་དབྱངས་མཁྱེན་བརྩེའི་དབང་པོ་ | |
Less details More details | ||
Associated People | ཟླ་བ་འབྱུང་གནས་སྦས་པ་ (Candrākaragupta) | |
Citation | 'jam dbyangs mkhyen brtse'i dbang po. paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa. In 'jam dbyangs mkhyen brtse'i dbang po'i bka' 'bum, Vol. 10: 274-. Khams sde dge rdzong sar dgon: Rdzong sar blo gros phun tshogs, 2020. | |
Genre | Permission to Invoke (anujñā) - rjes gnang · Sadhanas - Evocation Ritual - sgrub thabs | |
Cycle | འཇམ་དཔལ་ཤེས་རབ་འཁོར་ལོ་ ('jam dpal shes rab 'khor lo) | |
Deity | 'jam dpal dbyangs, 'jam dpal dkar po | |
Colophon |
།ཅེས་པའང་དོན་གཉེར་ཅན་དག་གི་ཆེད་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་མངོན་རྟོགས་ཀྱི་དངོས་གཞི་རྒྱ་གཞུང་སོར་བཞག་ལ། ཡིག་རྙིང་གི་དགོངས་པ་ལྟར་ཚིག་གི་མཐའ་བསྐྱེད་ཚུལ་ཅུང་ཟད་ཀྱིས་མཚམས་སྦྱར་ཏེ་བྲིས་པ་སརྦ་དཱ་ཤྲེ་ཡནྟུ།། | |
ces pa'ang don gnyer can dag gi ched du 'jam dbyangs bla ma dgyes pa'i 'bangs mkhyen brtse'i dbang pos mngon rtogs kyi dngos gzhi rgya gzhung sor bzhag la/__yig rnying gi dgongs pa ltar tshig gi mtha' bskyed tshul cung zad kyis mtshams sbyar te bris pa sarba dA shre yan+tu/ |
1 Texts in this Section (sde tshan or chos tshan)
15 274-279
|
པཎྜི་ཏ་གསེར་གདུགས་ཅན་ནས་བརྒྱུད་པའི་འཇམ་དཔལ་ཤེས་རབ་འཁོར་ལོའི་སྒྲུབ་ཐབས་རྗེས་གནང་དང་བཅས་པ། paN+Di ta gser gdugs can nas brgyud pa'i 'jam dpal shes rab 'khor lo'i sgrub thabs rjes gnang dang bcas pa
|
Text page View PDF |
[[|འཇམ་དབྱངས་མཁྱེན་བརྩེའི་དབང་པོ་ ()]] |
Footnotes
Other Information
- JKW-KABUM-10-THA-004-014
- Tibetan Publications
- Tibetan Texts
- mkhyen brtse'i bka' 'bum
- 'jam dpal shes rab 'khor lo
- 'jam dpal dbyangs
- 'jam dpal dkar po
- Permission to Invoke (anujñā) - rjes gnang
- Sadhanas - Evocation Ritual - sgrub thabs
- 'jam dbyangs mkhyen brtse'i dbang po
- rdzong sar blo gros phun tshogs
- Candrākaragupta
- JKW-KABUM-10-THA-004
- Khyentse Lineage Project
- JKW-KABUM-Volume-10-THA