JKW-KABUM-21-ZHA-002-012

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs sgrub bkra shis gter bum gyi 'khor lo'i bri yig
Location	mkhyen brtse'i bka' 'bum Volume 21, sde tshan 2, Text 12, Pages 191-203 (Folios 37a1 to 43a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam dbyangs mkhyen brtse'i dbang po. thugs sgrub bkra shis gter bum gyi 'khor lo'i bri yig. In 'jam dbyangs mkhyen brtse'i dbang po'i bka' 'bum, Vol. 21: 191-203. Khams sde dge rdzong sar dgon: Rdzong sar blo gros phun tshogs, 2020.
Genre	Cakra and Amulet Designs - 'khor lo - srung 'khor
Cycle	ནོར་སྒྲུབ་རིན་ཆེན་བུམ་བཟང་ (nor sgrub rin chen bum bzang)
Parent Cycle	བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)

1 Texts in this Section (sde tshan or chos tshan)

12 191-203	ཐུགས་སྒྲུབ་བཀྲ་ཤིས་གཏེར་བུམ་གྱི་འཁོར་ལོའི་བྲི་ཡིག། thugs sgrub bkra shis gter bum gyi 'khor lo'i bri yig Cakra and Amulet Designs - 'khor lo - srung 'khor	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །བཀྲ་ཤིས་གཏེར་བུམ་གྱི་འཁོར་ལོའི་བྲི་ཡིག་དག་ཅིང་གསལ་བ་བཞུགས་སོ། །ཨོཾསྭ་སྟི་སིདྡྷཾ། ཐུགས་སྒྲུབ་བར་ཆད་ཀུན་སེལ་གྱི་ཞལ་གདམས་སྙིང་བྱང་ཡིད་བཞིན་ནོར་བུ་ལས་གསུངས་པའི་བཀྲ་ཤིས་གཏེར་གྱི་བུམ་པ་བརྒྱད་ལས། དང་པོ་སྲུང་ཞིང་སྐྱོབ་པ་བཀྲ་ཤིས་གདུགས་ཀྱི་ཙཀྲ་ནི། བྲི་གཞི་དཀར་པོར་འཁོར་ལོ་རྩིབས་བཞི་མུ་ཁྱུད་ལྔ་དང་ལྡན་པའི་ལྟེ་བར་གདུགས་དཀར་པོའི་ལོགས་སུ་ཕྲེང་བྲིས་ཀྱིས། ཨོཾ་མངྒ་ལཾ་ཙྪ་ཏྲཾ་ག་ཨཱཿཧཱུྃ། གཙུག་ལག་ཁང་ངམ་གནས་ཁང་འདི་ཞེས་བྱ་བས་ཐོག་དྲངས་ཡུལ་ཕྱོགས་འདི་ཐམས་ཅད་ལ་སྲུང་ཞིང་སྐྱོབ་པར་མཛད་དུ་གསོལ་རཀྵ་རཀྵཿ ཅེས་བྲི། དེའི་ཕྱི་རོལ་གྱི་རྩིབས་བཞི་ལ། བྷྲཱུྃ་ཡིག་དབུ་ཕྱིར་བསྟན་བཞིའི་མཐར་ཀླད་ཀོར་ནས་བརྩམས་གོང་གི་སྔགས་འདོད་གསོལ་དང་བཅས་པ་གཡས་བསྐོར་དུ་ཕྲེང་གཅིག་གམ། མ་ཤོང་ན་སྦྲུལ་འཁྱིལ་བ་ལྟར་བྲིས་ཀྱང་འགལ་བ་མེད། རྩིབས་མཆན་གདུགས་ཏོག་ཕྱིར་བསྟན། མུ་ཁྱུད་དང་པོ་ལ། ཨོཾ་སརྦ་ཏ་ཐཱ་ག་ཏ་ཨུཥྞི་ཥ་ཧཱུྃ་ཕཊ་སྭཱ་ཧཱ། ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཻ་རེ་བཻ་རེ། སཽ་མེ་སཽ་མེ། སརྦ་བུདྡྷ་ཨདྷིཥྛ་ན་ཨིདྷིཥྛཱི་ཏེ། སརྦ་ཏ་ཐཱ་ག་ཏ་ཨུཥྞཱི་ཥ་སི་ཏཱ་ཏ་པ་ཏྲེ་ཧཱུྃ་ཕཊ། ཧཱུྃ་མ་མ་ཧཱུྃ་ནི་སྭཱ་ཧཱ། ཞེས་པ་མཐར་འདོད་གསོལ་གོང་ལྟར་བྲི། མུ་ཁྱུད་གཉིས་པ་ལ་དབྱངས་གསལ་བྱེད། རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གདུགས་བཟང་གསེར་གྱི་ཡུ་བ་ཅན། །བསྣམས་ནས་རྒྱལ་བའི་དབུ་ལ་མཆོད་འབུལ་ལྟར། །དབུ་ལ་གདུགས་ཀྱི་བཀྲ་ཤིས་བདེ་ལེགས་ཤོག །ཡུངས་ཀར་རྡོ་རྗེའི་རིགས་ཏེ་ཐམས་ཅད་དུ། །བགེགས་རྣམས་མ་ལུས་འཇོམས་པར་བྱེད་པ་སྟེ། །མཐུ་སྟོབས་ཡོན་ཏན་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་བགེགས་ཀུན་ཞི་བྱེད་ཤོག །གནས་འདིར་ཉིན་མོ་བདེ་ལེགས་མཚན་བདེ་ལེགས། །ཉིན་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱི་བཀྲ་ཤིས་ཤོག །ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱུ། །བཞི་པར་རྡོ་རྗེའི་ར་བ་སྔོན་པོ། ལྔ་པར་འོད་ཟེར་པ་ཏྲ་ཁ་དོག་སྣ་ལྔ་རྩེ་གཡས་བསྐོར། དེའི་ཕྱི་རིམ་གྲ་བཞིར་གདུགས་དཀར་པོ་རེ་རེ་རྣམས་བྲིའོ། ། ༈

གཉིས་པ་ཤེས་རབ་རྒྱས་པར་བྱེད་པ་བཀྲ་ཤིས་གསེར་ཉའི་འཁོར་ལོ་ནི། བྲི་གཞི་སེར་པོར་རྩིབས་དང་མུ་ཁྱུད་འདྲ། ལྟེ་བར་གསེར་ཉ་མགོ་ནང་བསྟན་སྟེང་དུ་བལྟས་ནས་འཁྱིལ་པའི་མགོ་ནས་བརྩམས་ཏེ་མཇུག་མའི་བར། ཨོཾ་མངྒ་ལཾ་ཉ་ཚ་ཨཱ་ཧཱུྃ། བཀྲ་ཤིས་གཏེར་གྱི་བུམ་པ་བཟང་པོ་བཞུགས་པའི་ས་ཕྱོགས་འདིར་གནས་པ་ཐམས་ཅད་ཀྱི་བློ་དང་ཤེས་རབ་སྟོབས་རྩལ་ཕུན་སུམ་ཚོགས་པ་ཐམས་ཅད་པུཥྚཱིཾ་ཀུ་རུ་ཨོཾ། རྩིབས་བཞིར་དྷཱིཿཡིག་རེ་རེ་ལ་སྔགས་སྤེལ་ཚིག་དང་བཅས་པས་བསྐོར། མུ་ཁྱུད་དང་པོ་ལ་ཤེས་རབ་བློ་འཕེལ་གྱི་གཟུངས། ན་མོ་མཉྫུ་ཤྲཱི་ཡེ་ཀུ་མཱ་ར་བྷཱུ་ཏཱ་ཡ། བོ་དྷི་ས་ཏྭཱ་ཡ། །མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ར་ཛེ། བི་ར་ཛེ། ཤུདྡྷེ་བི་ཤུདྡྷེ། ཤོདྷ་ཡ་བི་ཤོདྷ་ཡ། ཨ་མ་ལེ་བི་མ་ལེ། ནིརྨ་ལེ། ཛ་ཡེ་བ་ཏི། རུ་རུ་ཙ་ལེ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སྭཱ་ཧཱ། ཞེས་པའི་མཐར་སྤེལ་ཚིག་གོང་ལྟར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་གསེར་གྱི་ཉ་མོ་འོད་འབར་བ། །བསྣམས་ནས་རྒྱལ་བའི་སྤྱན་ལ་མཆོད་འབུལ་ལྟར། །སྤྱན་ལ་གསེར་ཉའི་བཀྲ་ཤིས་བདེ་ལེགས་ཤོག །ཞོ་ནི་ཀུན་གྱི་སྙིང་པོར་གྱུར་བ་སྟེ། །སྙིང་པོ་རྣམ་དག་ཡེ་ཤེས་རྣམས་རྟོགས་ནས། །ཡེ་ཤེས་ཀུན་གྱི་དབྱིངས་སུ་གྱུར་པ་ཡི། །བཀྲ་ཤིས་དེས་ཀྱང་ནད་ཀུན་ཞི་གྱུར་ཅིག །ཟབ་ཅིང་རྒྱ་ཆེའི་བློ་གྲོས་དང་། །གསལ་བརྟན་མྱུར་བའི་ཤེས་རབ་ཀྱི། །སྤོབས་པ་ཆུ་བོའི་རྒྱུན་ལྟ་བུ། །ཕུན་སུམ་ཚོགས་པའི་བཀྲ་ཤིས་ཤོག །བཞི་པར་རྡོ་ར། ལྔ་པར་པ་ཏྲ། ནང་གི་རྩིབས་མཆན་དང་། ཕྱིའི་གྲྭ་བཞིར་གསེར་ཉ་འཁྱིལ་པ་རེ་རེ་བྲིའོ། ། ༈ གསུམ་པ་འདོད་རྒུའི་འབྱོར་བ་ཡིད་བཞིན་ཏུ་རྩོལ་བའི་བཀྲ་ཤིས་བུམ་པའི་ཙཀྲ་ནི། བྲི་གཞི་ལྗང་གུར་རྩིབས་དང་མུ་ཁྱུད་འདྲ། དབུས་སུ་ནོར་བུས་ཁ་བརྒྱན་པའི་བུམ་པ་བཟང་པོའི་ལྟེ་བར་ཕྲེང་བྲིས་ཀྱིས། ཨོཾ་མངྒ་ལཾ་ཀ་ལ་ཤ་ཨཱཿཧཱུྃ། བཀྲ་ཤིས་གཏེར་གྱི་བུམ་པ་བཞུགས་པའི་ས་ཕྱོགས་འདིར་འཁོད་པ་ཐམས་ཅད་ལ་འདོད་རྒུའི་གཏེར་གྱིས་དངོས་གྲུབ་ཐམས་ཅད་པུཥྚཱིཾ་ཀུ་རུ་ཨོཾ། རྩིབས་བཞིར་བྃ་ཡིག་རེ་རེའི་མཐར་གོང་སྔགས་སྤེལ་ཚིག་བཅས་པས་བསྐོར། མུ་ཁྱུད་དང་པོ་ལ། ཨོཾ་བྃ་བཱ་སུ་དྷཱ་རི་ཎཱི་སརྦ་སིདྡྷི་ཧཱུྃ། ཞེས་ཚར་གསུམ་ལྔ་སོགས་གང་ཤོང་མཐར་སྤེལ་ཚིག །གཉིས་པར་དབྱངས་གསལ་རྟེན་སྙིང་གསུམ་པར། ཨོཾ་སྭསྟི། བཀྲ་ཤིས་གང་ཞིག༴ ཕྱག་ན་རིན་ཆེན་བུམ་པ་རབ་མཛེས་པ། །བསྣམས་ནས་རྒྱལ་བའི་མགུལ་ལ༴ མགུལ་ལ་བུམ་པའི༴ བིལྦ་རྒྱུ་རྐྱེན་འབྲས་བུར་བཅས་པའི་ཆོས། །འཇིག་རྟེན་འཇིག་རྟེན་འདས་པའི་སྤྱོད་པ་ཀུན། །བྱང་ཆུབ་སྙིང་པོ་མཆོག་ཏུ་གྱུར་པ་ཡི། །བཀྲ་ཤིས་དེས་ཀྱང་དོན་ཀུན་འགྲུབ་གྱུར་ཅིག །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཐམས་ཅད་འབྱུང་བའི་གནས། །ཡིད་ལ་འདོད་པ་ཀུན་འགྲུབ་ཤོག །ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱ། བཞི་པར་རྡོ་རྭ། ལྔ་པར་འོད་ཕྲེང་། ནང་གི་རྩིབས་མཆན་དང་། ཕྱིའི་གྲྭ་བཞིར་བུམ་པ་རེ་རེ་བྲིའོ། ། ༈ བཞི་པ་འཁོར་འདས་ཀྱི་ལེགས་ཚོགས་ཐམས་ཅད་དབང་དུ་སྡུད་པ་བཀྲ་ཤིས་པདྨའི་ཙཀྲ་ནི། བྲི་གཞི་དམར་པོ་རྩིབས་དང་མུ་ཁྱུད་འདྲ། ལྟེ་བར་ཆུ་སྐྱེས་པདྨ་དམར་པོ་འདབ་མ་བརྒྱད་པའི་ཟེའུ་འབྲུར། ཨོཾ་མངྒ་ལ་པདྨ་ཨཱཿཧཱུྃ། བཀྲ་ཤིས་གཏེར་གྱི་བུམ་པ་བཟང་པོ་འདི་ཉིད་བཞུགས་པའི་ས་ཕྱོགས་འདི་རྣམས་སུ་ཁམས་གསུམ་བརྟན་གཡོའི་ཕུན་ཚོགས་ཐམས་ཅད་ཝཱ་ཤཾ་ཀུ་རུ་ཧོཿ ཞེས་ཕྲེང་དུ་བྲི། རྩིབས་བཞིར། ཧྲཱིཿཡིག་གི་མཐར་གོང་ལྟར་སྤེལ་ཚིག་བཅས། མུ་ཁྱུད་དང་པོ་ལ། ཨོཾ་ཀུ་རུ་ཀུལླེ་སརྦ་ལོ་ཀཱ་ཤྲཱི་ཝཱ་ཤཾ་ཀུ་རུ་ཧོཿ སརྦ་སིདྡྷི་ས་མ་ཡ་ཧྲཱིཿསྭཱ་ཧཱ། ཞེས་གསུམ་ལྔ་སོགས་གང་ཤོང་མཐར་སྤེལ་ཚིག་སྦྱར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་པདྨ་དམར་པོ་འདབ་བརྒྱད་པ། །བསྣམས་ནས་རྒྱལ་བའི་ལྗགས་ལ་མཆོད་པ་ལྟར། །ལྗགས་ལ་པདྨའི་བཀྲ་ཤིས་བདེ་ལེགས་ཤོག །ལི་ཁྲི་དམར་པོ་དབང་གི་རང་བཞིན་ཏེ། །ཆོས་རྣམས་མ་ནོར་དབང་དུ་བསྡུས་ནས་ཀྱང་། །ཆོས་ཀྱི་རྒྱལ་སྲིད་རབ་ཏུ་བརྟན་གྱུར་པའི། །བཀྲ་ཤིས་དེས་ཀྱང་ཆོས་སྲིད་བརྟན་གྱུར་ཅིག །ཚེ་རིང་ནད་མེད་འབྱོར་ལྡན་ཞིང་། །འགྲོ་ཀུན་རྟག་ཏུ་འདུན་པ་དང་། །ཇི་ལྟར་བསམ་པའི་དོན་རྣམས་ཀུན། །ཆོས་བཞིན་འགྲུབ་པའི་བཀྲ་ཤིས་ཤོག །ཨོཾ་སུ་པྲ་ཏིཥྛ་སོགས་བྲི། བཞི་པར་རྡོ་ར། ལྔ་པར་འོད་ཕྲེང་། ཕྱི་ནང་གི་གྲྭར་པདྨ་དམར་པོ་འདབ་མ་བརྒྱད་པ་ལྡོང་བུ་ནང་དུ་བསྟན་པ་རེ་རེ་བྲིའོ། ། ༈ ལྔ་པ་སྙན་གྲགས་སྲིད་གསུམ་དུ་ཁྱབ་པར་བྱེད་པ་བཀྲ་ཤིས་དུང་གི་འཁོར་ལོ་ནི། བྲི་གཞི་སེར་པོ་ལ་རྩིབས་དང་མུ་ཁྱུད་འདྲ། ལྟེ་བར་དུང་དཀར་གཡས་སུ་འཁྱིལ་བའི་ཁོངས་པའི་ངོས་སུ། ཨོཾ་མངྒ་ལ་ཤངྑ་ཨཱཿཧཱུྃ། བཀྲ་ཤིས་གཏེར་གྱི་བུམ་པ་བཟང་པོ་འདི་ཉིད་བཞུགས་པའི་ས་ཕྱོགས་འདི་རྣམས་ཀྱི་གནས་འདིའི་བདག་པོ་འཁོར་དང་བཅས་པ་ཐམས་ཅད་སྙན་གྲགས་མངའ་ཐང་སྲིད་པ་གསུམ་དུ་པུཥྚཱིཾ་ཀུ་རུ་ཨོཾ། ཞེས་ཕྲེང་དུ་བྲི། རྩིབས་བཞིར་ཏཱྃ་ཡིག་རེ་རེའི་མཐར་གོང་གི་སྔགས་སྤེལ་ཚིག་བཅས། མུ་ཁྱུད་དང་པོ་ལ། ཨོ་ཏཱ་རེ་ཏུཏྟཱ་རེ་ཏུ་རེ་མ་ཧཱ་ཀཱི་རྟི་པུཥྟི་ཀུ་རུ་ཨོཾ། གསུམ་ལྔ་བདུན་སོགས་གང་ཤེས་མཐར་སྤེལ་ཚིག་སྦྱར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག༴ ཕྱག་ན་ཆོས་ཀྱི་དུང་སྒྲ་སྒྲོགས་མཛད་པ། །བསྣམས་ནས་རྒྱལ་བའི་གསུང་ལ༴ གསུང་ལ་དུང་གི༴ དུང་ནི་ཆོས་ཀྱི་སྒྲ་རྣམས་སྒྲོགས་པའི་ཚུལ། །ཡེ་ཤེས་རྒྱ་མཚོ་ཉིད་དུ་དག་གྱུར་ཏེ། །ཆོས་རྣམས་མ་ནོར་ཡོངས་སུ་སྟོན་པ་ཡི། །བཀྲ་ཤིས་དེས་ཀྱང་ཚིག་ལ་དབང་ཐོབ་ཤོག །ཆོས་དང་སྲིད་ཀྱི་དགེ་མཚན་དང་། །སྙན་པས་ནམ་མཁའི་མཐར་ཁྱབ་ཅིང་། །ལྷ་དང་བཅས་པའི་འཇིག་རྟེན་ན། །ཡོངས་སུ་གྲགས་པའི་བཀྲ་ཤིས་ཤོག །ཨོཾ་སུ་པྲ༴ བཞི་པར་རྡོ་ར། ལྔ་པར་འོད་ཕྲེང་ཕྱི་ནང་གི་གྲྭར་དུང་གཡས་འཁྱིལ་མཇུག་ནང་དུ་བསྟན་པ་དར་དཔྱངས་དང་བཅས་པ་རེ་རེ་བྲིའོ། ། ༈ དྲུག་པ་ཚེ་དང་བསོད་ནམས་ཡེ་ཤེས་འཕེལ་བར་བྱེད་པ་བཀྲ་ཤིས་དཔལ་བེའུའི་ཙཀྲ་ནི། བྲི་གཞི་དམར་སེར་ལ། རྩིབས་དང་མུ་ཁྱུད་འདྲ། ལྟེ་བར་དཔལ་བེའུ་ཟུར་བརྒྱད་པ་དར་དཔྱང་གིས་མཛེས་པའི་ཕྱི་ནང་གི་ཁོང་སེང་བཅུ་བདུན་ལ། སྟེང་གི་གྲྭ་ནས་བརྩམས་ཏེ་རིམ་པར། ཨོཾ་༡༽མངྒ་ལ། ༢༽ཤྲཱི་ཛདྨ་ཛ། ༣༽ ཨཱཿཧཱུྃ། ༤༽ བཀྲ་ཤིས། ༥༽ གཏེར་གྱི་༦༽ བུམ་པ་༧༽ བཟང་པོ་༨༽ འདི་ཉིད་༩༽ བཞུགས་པའི་༡༠༽ ས་ཕྱོགས་འདིར་༡༡༽ གནས་པའི་༡༢༽ སྐྱེ་རྒུ་རྣམས་༡༣༽ ཚེ་དང་བསོད་ནམས། ༡༤༽ཡེ་ཤེས་ཐམས་ཅད་༡༥༽ པུཥྚཱིཾ་ཀུ་རུ་༡༦༽ ཨོཾ།༡༧༽ ཞེས་བྲི། རྩིབས་བཞིར། ཧྲཱིཿཡིག་རེ་རེའི་མཐར་གོང་གི་སྔགས་སྤེལ་ཚིག་བཅས། མུ་ཁྱུད་དང་པོ་ལ། ཨོཾ་ན་མོ་བྷ་ག་ཝ་ཏེ་སོགས་ཚེ་གཟུངས་ཀྱི་མཐར་སྤེལ་ཚིག་སྦྱར་བ། གཉིས་པ་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག་མཆོད་པའི་ལྷ་མོ་ནི། །ཕྱག་ན་དཔལ་གྱི་བེའུ་རབ་འབར་བ། །བསྣམས་ནས་རྒྱལ་བའི་ཐུགས་ལ༴ ཐུགས་ལ་དཔལ་བེའུ༴ དཱུཪྺས་ཚེ་ནི་འཕེལ་བར་བྱེད་པ་སྟེ། །རྡོ་རྗེ་སེམས་དཔའི་ཚེ་ནི་རབ་གྲུབ་སྟེ། །ཉོན་མོངས་སྐྱེ་ཤི་རྒྱུན་ཆད་གྱུར་པ་ཡི། །བཀྲ་ཤིས་དེས་ཀྱང་ཚེ་གཡང་འཕེལ་གྱུར་ཅིག །དཔོན་སློབ་མི་འབྲལ་ལྷན་ཅིག་འགྲོགས། །སྐུ་ཚེ་མི་འབྲལ་སྲ་ཞིང་བརྟན། །ཇ་བཟང་བཞེས་སྤྲོ་རྒྱུན་མི་འཆད། །སྐྱིད་ལ་ཆོས་འཕེལ་བཀྲ་ཤིས་ཤོག །ཨོཾ་སུ་པྲ་ཏིཥྛ༴ བཞི་པར་རྡོ་རེ། ལྔ་པར་འོད་ཕྲེང་། ཕྱི་ནང་གི་གྲྭར་དཔལ་བེའུ་དར་དཔྱང་གིས་མཛེས་པ་བྲིའོ། ། ༈ བདུན་པ་ཕས་རྒོལ་གྱི་ཕྱོགས་ཐམས་ཅད་ལས་རྣམ་པར་རྒྱལ་བ་བཀྲ་ཤིས་རྒྱལ་མཚན་གྱི་ཙཀྲ་ནི། བྲི་གཞི་སྔོན་པོ་ལ་རྩིབས་དང་མུ་ཁྱུད་འདྲ། ལྟེ་བར་རྒྱལ་མཚན་ནོར་བུའི་དྲྭ་ཕྱེད་ཀྱིས་བརྒྱན་པའི་ཤམ་བུ་རྣམས་ནས་ཕྲེང་བསྒྲིགས་སུ། ཨོཾ་མངྒ་ལ་ངྷ་ཛ་ཨཱཿཧཱུྃ། བཀྲ་ཤིས་གཏེར་གྱི་བུམ་པ་བཟང་པོ་བཞུགས་པའི་གནས་འདི་རྟེན་དང་བརྟེན་པར་བཅས་པ་དང་སྐྱེ་དགུ་མཐའ་དག་མི་མཐུན་པའི་རྒོལ་བ་ཐམས་ཅད་ལས་རྒྱལ་བར་གྱུར་ཅིག །ཅེས་བྲི། རྩིབས་བཞིར། དྷྭྃ་རེ་རེའི་མཐར་གོང་གི་སྔགས་སྤེལ་ཚིག་བཅས། མུ་ཁྱུད་དང་པོ་ལ། ཨོཾ་ཧཱུྃ་དྷྭ་ཛ་ཨ་ཀ྄་ཀེ་ཡཱུ་རེ་མཱ་ར་སེ་ན་པྲ་མརྡྷ་ན་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་ཚར་གསུམ་ལྔ་གང་ཤོང་གི་མཐར་སྤེལ་ཚིག་སྦྱར། གཉིས་པ་ལ་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག༴ ཕྱག་ན་རིན་ཆེན་རྒྱལ་མཚན་རབ་མཛེས་པ། །བསྣམས་ནས་རྒྱལ་བའི་སྐུ་ལ་མཆོད༴ སྐུ་ལ་རྒྱལ་མཚན༴ གི་ཝཾ་དུག་གསུམ་འཇོམས་པ་ནད་ཀྱི་སྨན། །སྨན་མཆོག་ཆོས་ཉིད་རབ་ཏུ་རྟོགས་གྱུར་ནས། །ཉོན་མོངས་ཟུག་རྔུ་མེད་པར་གྱུར་པ་ཡི། །བཀྲ་ཤིས་དེས་ཀྱང་དུག་གསུམ་ཞི་གྱུར་ཅིག །ཕྱི་ནང་འགལ་རྐྱེན་བར་གཅོད་དང་། །འཇིགས་པ་བརྒྱད་དང་བཅུ་དྲུག་སོགས། །ཕས་རྒོལ་མི་མཐུན་ཕྱོགས་ཀུན་ལ། །རྣམ་པར་རྒྱལ་བའི་བཀྲ་ཤིས་ཤོག །ཨོཾ་སུ་པྲ་ཏིཥྛ༴ བཞི་པར་རྡོ་ར། ལྔ་པར་འོད་ཕྲེང་ཕྱི་ནང་གི་གྲྭར་ནོར་བུའི་རྒྱལ་མཚན་ཡུ་བ་ནང་དུ་བསྟན་པ་རེ་རེ་བྲིའོ། ། ༈ བརྒྱད་པ་ཆོས་དང་སྲིད་ཀྱི་འཁོར་ལོས་བསྒྱུར་བར་བྱེད་པ་བཀྲ་ཤིས་འཁོར་ལོའི་ཙཀྲ་ནི་བྲི་གཞི་སེར་པོ་རྩིབས་དང་མུ་ཁྱུད་འདྲ། དབུས་སུ་གསེར་གྱི་ཆོས་འཁོར་རྩིབས་བརྒྱད་པའི་ལྟེ་བར། ཨོཾ་མངྒ་ལ་ཙཀྲ་ཨཱཿཧཱུྃ། རྩིབས་བརྒྱད་ལ་རྒྱབ་ནས་བརྩམས་ཏེ་གཡས་བསྐོར་དུ་རིམ་པར། བཀྲ་ཤིས་གཏེར་གྱི་༡༽ བུམ་པ་བཟང་པོ་༢༽ འདི་ཉིད་བཞུགས་པའི་༣༽ གནས་འདི་རྣམས་སུ་༤༽ དམ་པའི་ཆོས་དང་། ༥༽ སྲིད་ཀྱི་མངའ་ཐང་༦༽ ཕུན་སུམ་ཚོགས་པ་ཐམས་ཅད ༧༽ པུཥྚཱིཾ་ཀུ་རུ་ཨོཾ། ༨༽ རྩིབས་བཞིར། ཧྲཱིཿཡིག་རེ་རེའི་མཐར་གོང་གི་སྔགས་སྤེལ་ཚིག་བཅས། མུ་ཁྱུད་དང་པོར། ཨོཾ་པདྨ་ཙིཏྟ་མ་ཎི་ཛྭ་ལ་སརྦ་ལོ་ཀ་ཤྲཱི་སིདྡྷི་སིདྡྷི་ཀུ་རུ་ཨོཾ། ཞེས་ཚར་གསུམ་ལྔ་སོགས་གང་ཤོང་མཐར་སྤེལ་ཚིག་སྦྱར། གཉིས་པར་དབྱངས་གསལ་རྟེན་སྙིང་། གསུམ་པར། ཨོཾ་སྭསྟི། བཀྲ་ཤིས་གང་ཞིག༴ ཕྱག་ན་གསེར་གྱི་འཁོར་ལོ་རྩིབས་བརྒྱད་པ། །བསྣམས་ནས་རྒྱལ་བའི་ཞབས་ལ༴ ཞབས་ལ་འཁོར་ལོའི༴ མེ་ལོང་ཡེ་ཤེས་རྒྱ་མཚོ་ཆེན་པོ་ཡི། །ཡེ་ཤེས་རྒྱ་མཚོ་མཆོག་ཏུ་དག་གྱུར་ཏེ། །རྣམ་དག་ཆོས་ལ་ཐོགས་མེད་ལོངས་སྤྱོད་པའི། །བཀྲ་ཤིས་དེས་ཀྱང་སྒྲིབ་བ་དག་གྱུར་ཅིག །འབད་དང་རྩོལ་བས་མ་གོས་པ། །ཡིད་བཞིན་ནོར་བུ་དཔག་བསམ་ཤིང་། །སེམས་ཅན་རེ་བ་སྐོང་མཛད་པ། །བསམ་པ་འགྲུབ་པའི་བཀྲ་ཤིས་ཤོག །ཨོཾ་སུ་པྲ༴ བཞི་པར་རྡོ་ར། ལྔ་པར་འོད་ཕྲེང་། ཕྱི་ནང་གི་གྲྭར་གསེར་འཁོར་རྩིབས་བརྒྱད་པ་རེ་རེ་བྲིའོ། །

ཐུན་མོང་དུ་སྣོད་བཅུད་ཀྱི་དཔལ་དང་ལེགས་ཚོགས་ཐམས་ཅད་སྐྱོད་པར་བྱེད་པའི་བརྟེན་འབྲེལ་འབྱུང་ལྔའི་ཙཀྲ་ནི། བྲི་གཞི་ལྗང་གུ་རྩིབས་བཞི་མུ་ཁྱུད་རིམ་པ་དགུའི་བསྐོར་བའི་ལྟེ་བར། མཱུྃ་ཡིག་གི་མཐར། ཀླད་ཀོར་ནས་བརྩམས་གཡས་བསྐོར་དུ། མཱུྃ་ཨེ་མ་མ་སལ་སལ་ཁྃ་ཁྃ་ཡེ་སྭཱ་ཧཱ། གནས་འདིར་འབྱུང་བ་ནམ་མཁའི་གནོད་པ་ཐམས་ཅད་ཞི་བ་དང་བདེ་ལེགས་དང་བཀྲ་ཤིས་སུ་གྱུར་ཅིག །རྩིབས་བཞིར་མདུན་ནས་བརྩམས་ཏེ་གཡས་བསྐོར་གྱིས། ཤར་དུ། ལཱྃ་ཡིག་གི་མཐར། ལཱྃ་ལྃ་མ་མ་སུ་སུ་ཏང་ཏང་ཀུང་ཡེ་སྭཱ་ཧཱ། གནས་འདིར་འབྱུང་བ་སའི་གནོད་པ་ཐམས་ཅད་ཞི་བ་དང་བདེ་ལེགས་དང་བཀྲ་ཤིས་སུ་གྱུར་ཅིག །ལྷོར། མཱྃ་ཡིག་གི་མཐར། མཱྃ་བྃ་མ་མ་སོ་སོ་ཏ་ཏ་ཀ་ཡེ་ཁ་ར་ཡེ་སྭཱ་ཧཱ། གནས་འདིར་འབྱུང་བ་ཆུའི་སོགས་གོང་ལྟར། ནུབ་ཏུ་བཱྃ་ཡིག་གི་མཐར། པཱྃ་རྃ་མ་མ་ཛྭ་ཛྭ་རྃ་རྃ་ཡེ་སྭཱ་ཧཱ། གནས་འདིར་འབྱུང་བ་མེའི་སོགས། བྱང་དུ། ཏཱྃ་ཡིག་གི་མཐར། ཏཱྃ་ཡྃ་མ་མ་ཀང་ཀང་ཕེཊ་ཡེ་སྭཱ་ཧཱ། གནས་འདིར་འབྱུང་བ་རླུང་གི་སོགས་མུ་ཁྱུད་དང་པོ་ལ། འཿཨཿཤཿསཿམཿཧཿམ་མ་ཀོ་ལིང་ས་མནྟ་ཨ། ཏདྱ་ཐཱ། ཨྃ་ཙི་རི་ཙི་རི། ཙུ་རུ་ཙུ་རུ། ཀུ་རུ་ཀུ་རུ། དོ་ཙུ་དོ་ཙུ། བ་ཧ་བ་ཧ་སྭཱ་ཧཱ། ཨོཾ་སརྦ་ནཱ་ག་རཱ་ཛ་ཕུཿཧཱུྃ་ཕཊ་སྭཱ་ཧཱ། ཨོཾ་ཨགྣ་ཡེ་དེ་བ་རཱ་ཛ་ས་མ་ཡ་ཧཱུྃ་སྭཱ་ཧཱ། ཨོཾ་བཱ་ཡུ་རཱ་ཛ་ཀྵོ་དྷ་ཀྵོ་དྷ་ས་ཙ་ན་ཏ་ཡ་སྭཱ་ཧཱ། གཏེར་ཆེན་པོའི་བུམ་པ་བཟང་པོ་འདི་ཉིད་བཞུགས་པའི་གཙུག་ལག་ཁང་དང་ཡུལ་ཕྱོགས་འདི་ཐམས་ཅད་དུ་འབྱུང་བ་བཞིའི་གནོད་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། འབྱུང་བ་བཞིའི་ཕུན་སུམ་ཚོགས་པ་ཐམས་ཅད་པུཥྚཱིཾ་ཀུ་རུ་ཨོཾ། འབྱུང་བ་བཞིའི་དྭང་མ་ཐམས་ཅད་པ་ཤཾ་ཀུ་རུ་ཧོཿ འབྱུང་བཞི་འཁྲུགས་པའི་ནད་གདོན་བགེགས་རིགས་ཐམས་ཅད་མཱ་ར་ཡ་ཕ྄ཊ། ཅེས་བྲི། གཉིས་པ་ལ། ཨོཾ་མངྒ་ལཙྪ་ཏྲཾ་ག་ཨཱཿཧཱུྃ། ཨོཾ་མངྒ་ལ་ཉ་ཚ་ཨཱཿཧཱུྃ། ཨོཾ་མངྒ་ལ་ཀ་ལ་ཤ་ཨཱཿཧཱུྃ། ཨོཾ་མངྒ་ལ་པདྨ་ཨཱཿཧཱུྃ། ཨོཾ་མངྒ་ལ་ཤཾ་ཁ་ཨཱཿཧཱུྃ། ཨོཾ་མངྒ་ལ་ཤྲཱི་ཛདྨ་ཛ་ཨཱཿཧཱུྃ། ཨོཾ་མངྒ་ལ་དྷྭ་ཛ་ཨཱཿཧཱུྃ། ཨོཾ་མངྒ་ལ་ཙཀྲ་ཨཱཿཧཱུྃ། ཆེ་བའི་ཆེ་མཆོག་སྟོན་མཆོག་བླ་ན་ཞེས་སོགས་ཤློ་ཀ་བཞིའི་མཐར། གནས་འདིར་ཉིན་མོ་བདེ་ལེགས་སོགས་བྲི། གསུམ་པ་ལ། ཨོཾ་ཨཱ་ཨཱ་སོགས་དབྱངས་དང་། ཀ་ཁ་ག་གྷ་ང་སོགས་ནས། ཧཀྵ་སྭཱ་ཧཱའི་བར་གསལ་བྱེད་བཅས་ཚར་རེ་དང་། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མསྶཾ་གྷཱ་ཡ། ན་མོ་གུ་རུ་བྷྱཿ ན་མོ་དེ་བཱ་ཡ། ན་མོ་དྷཱ་ཀི་ནཱི་ཡེ། ཏདྱ་ཐཱ། ན་མོ་མཉྫུ་ཤྲཱི་ཀུ་མཱ་ར་བྷཱུ་ཏཱ་ཡ། ཨོཾ་ཝཱ་གི་ཤྭ་རཱི་ཧྲཱིཿམཱུྃ་སྭཱ་ཧཱ། ཨོཾ་པདྨ་ཙིཏྟཱ་མ་ཎི་ཛྭ་ལ་ཧཱུྃ་ཕཊ། ཨོཾ་བཛྲ་ཙཎྜ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕ྄ཊ། སརྦ་གྲ་ཧ་ན་ཀྵ་ཏྲ་མ་ཧཱ་བྷཱུ་ཏ་ཨ་པ་ཀ་ར་ཤ་མ་ཤ་མ་པྲ་མ་ཤ་མནྟུ་སྭཱ་ཧཱ། ཨོཾ་ཨ་མ་ལེ་བི་མ་ལེ་ནིརྨ་ལེ་སྭཱ་ཧཱ། ཏདྱ་ཐཱ། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜལ་མ་ཡེ་སྭཱ་ཧཱ། ཞེས་ཚར་གཉིས་གསུམ་གང་ཤོང་། ཨོཾ་ཡེ་དྷརྨཱ་ནས། ཤྲ་མ་ཎ་སྭཱ་ཧཱ། དང་སུ་པྲ་ཏིཥྛ་སོགས་བྲིའོ། །བཞི་པར་རྡོ་ར། ལྔ་པར་འོད་ཕྲེང་། དྲུག་པར་ས་དཀྱིལ་སེར། བདུན་པར་ཆུ་དཀར། བརྒྱད་པར་མེ་དམར། དགུ་པར་རླུང་ལྗང་། འདི་རྣམས་ཁ་དོག་སོ་སོའི་གཞི་ལ་སོ་སོའི་རི་མོ་མཚོན་པ་དང་བཅས་འབྲི་བར་བྱའོ། །མངྒ་ལཾ་བྷ་བ་ཏུ། ། ༈

[edit]

thugs sgrub bkra shis gter bum gyi 'khor lo'i bri yig/ @#/_/bkra shis gter bum gyi 'khor lo'i bri yig dag cing gsal ba bzhugs so/__/oMswa sti sid+d+haM/__thugs sgrub bar chad kun sel gyi zhal gdams snying byang yid bzhin nor bu las gsungs pa'i bkra shis gter gyi bum pa brgyad las/__dang po srung zhing skyob pa bkra shis gdugs kyi tsakra ni/__bri gzhi dkar por 'khor lo rtsibs bzhi mu khyud lnga dang ldan pa'i lte bar gdugs dkar po'i logs su phreng bris kyis/__oM mang+ga laM ts+tsha traM ga AHhU~M/__gtsug lag khang ngam gnas khang 'di zhes bya bas thog drangs yul phyogs 'di thams cad la srung zhing skyob par mdzad du gsol rak+Sha rak+ShaH__ces bri/__de'i phyi rol gyi rtsibs bzhi la/__b+h+rU~M yig dbu phyir bstan bzhi'i mthar klad kor nas brtsams gong gi sngags 'dod gsol dang bcas pa g.yas bskor du phreng gcig gam/__ma shong na sbrul 'khyil ba ltar bris kyang 'gal ba med/__rtsibs mchan gdugs tog phyir bstan/__mu khyud dang po la/__oM sarba ta thA ga ta uSh+Ni Sha hU~M phaT swA hA/__tad+ya thA/__oM a na le a na le/__kha sa me kha sa me/__bai re bai re/__sau me sau me/__sarba bud+d+ha ad+hiSh+Tha na id+hiSh+ThI te/__sarba ta thA ga ta uSh+NI Sha si tA ta pa tre hU~M phaT/__hU~M ma ma hU~M ni swA hA/__zhes pa mthar 'dod gsol gong ltar bri/__mu khyud gnyis pa la dbyangs gsal byed/__rten snying /__gsum par/__oM swasti/__bkra shis gang zhig mchod pa'i lha mo ni/__/phyag na gdugs bzang gser gyi yu ba can/__/bsnams nas rgyal ba'i dbu la mchod 'bul ltar/__/dbu la gdugs kyi bkra shis bde legs shog__/yungs kar rdo rje'i rigs te thams cad du/__/bgegs rnams ma lus 'joms par byed pa ste/__/mthu stobs yon tan phun sum tshogs gyur pa'i/__/bkra shis des kyang bgegs kun zhi byed shog__/gnas 'dir nyin mo bde legs mtshan bde legs/__/nyin ma'i gung yang bde legs shing /__/nyin mtshan rtag tu bde legs pa/__/dkon mchog gsum gyi bkra shis shog__/oM su pra tiSh+Tha badz+rA ya swA hU/__/bzhi par rdo rje'i ra ba sngon po/__lnga par 'od zer pa tra kha dog sna lnga rtse g.yas bskor/__de'i phyi rim gra bzhir gdugs dkar po re re rnams bri'o/__/_!_ gnyis pa shes rab rgyas par byed pa bkra shis gser nya'i 'khor lo ni/__bri gzhi ser por rtsibs dang mu khyud 'dra/__lte bar gser nya mgo nang bstan steng du bltas nas 'khyil pa'i mgo nas brtsams te mjug ma'i bar/__oM mang+ga laM nya tsha A hU~M/__bkra shis gter gyi bum pa bzang po bzhugs pa'i sa phyogs 'dir gnas pa thams cad kyi blo dang shes rab stobs rtsal phun sum tshogs pa thams cad puSh+TIM ku ru oM/__rtsibs bzhir d+hIHyig re re la sngags spel tshig dang bcas pas bskor/__mu khyud dang po la shes rab blo 'phel gyi gzungs/__na mo many+dzu shrI ye ku mA ra b+hU tA ya/__bo d+hi sa twA ya/__/ma hA sa twA ya/__ma hA kA ru Ni kA ya/__tad+ya thA/__oM a ra dze/__bi ra dze/__shud+d+he bi shud+d+he/__shod+ha ya bi shod+ha ya/__a ma le bi ma le/__nirma le/__dza ye ba ti/__ru ru tsa le hU~M hU~M hU~M phaT phaT phaT swA hA/__zhes pa'i mthar spel tshig gong ltar/__gnyis par dbyangs gsal rten snying /__gsum par/__oM swasti/__bkra shis gang zhig mchod pa'i lha mo ni/__/phyag na gser gyi nya mo 'od 'bar ba/__/bsnams nas rgyal ba'i spyan la mchod 'bul ltar/__/spyan la gser nya'i bkra shis bde legs shog__/zho ni kun gyi snying por gyur ba ste/__/snying po rnam dag ye shes rnams rtogs nas/__/ye shes kun gyi dbyings su gyur pa yi/__/bkra shis des kyang nad kun zhi gyur cig__/zab cing rgya che'i blo gros dang /__/gsal brtan myur ba'i shes rab kyi/__/spobs pa chu bo'i rgyun lta bu/__/phun sum tshogs pa'i bkra shis shog__/bzhi par rdo ra/__lnga par pa tra/__nang gi rtsibs mchan dang /__phyi'i grwa bzhir gser nya 'khyil pa re re bri'o/___/___!_ gsum pa 'dod rgu'i 'byor ba yid bzhin tu rtsol ba'i bkra shis bum pa'i tsakra ni/__bri gzhi ljang gur rtsibs dang mu khyud 'dra/__dbus su nor bus kha brgyan pa'i bum pa bzang po'i lte bar phreng bris kyis/__oM mang+ga laM ka la sha AHhU~M/__bkra shis gter gyi bum pa bzhugs pa'i sa phyogs 'dir 'khod pa thams cad la 'dod rgu'i gter gyis dngos grub thams cad puSh+TIM ku ru oM/__rtsibs bzhir ba~M yig re re'i mthar gong sngags spel tshig bcas pas bskor/__mu khyud dang po la/__oM ba~M bA su d+hA ri NI sarba sid+d+hi hU~M/__zhes tshar gsum lnga sogs gang shong mthar spel tshig__/gnyis par dbyangs gsal rten snying gsum par/__oM swasti/__bkra shis gang zhig=__phyag na rin chen bum pa rab mdzes pa/__/bsnams nas rgyal ba'i mgul la=__mgul la bum pa'i=__bilba rgyu rkyen 'bras bur bcas pa'i chos/__/'jig rten 'jig rten 'das pa'i spyod pa kun/__/byang chub snying po mchog tu gyur pa yi/__/bkra shis des kyang don kun 'grub gyur cig__/'jig rten bde zhing lo legs dang /__/'bru rnams 'phel zhing phyugs 'phel ba/__/dge legs thams cad 'byung ba'i gnas/__/yid la 'dod pa kun 'grub shog__/oM su pra tiSh+Tha badz+rA ya swA hA/__bzhi par rdo rwa/__lnga par 'od phreng /__nang gi rtsibs mchan dang /__phyi'i grwa bzhir bum pa re re bri'o/___/___!_ bzhi pa 'khor 'das kyi legs tshogs thams cad dbang du sdud pa bkra shis pad+ma'i tsakra ni/__bri gzhi dmar po rtsibs dang mu khyud 'dra/__lte bar chu skyes pad+ma dmar po 'dab ma brgyad pa'i ze'u 'brur/__oM mang+ga la pad+ma AHhU~M/__bkra shis gter gyi bum pa bzang po 'di nyid bzhugs pa'i sa phyogs 'di rnams su khams gsum brtan g.yo'i phun tshogs thams cad wA shaM ku ru hoH__zhes phreng du bri/__rtsibs bzhir/__hrIHyig gi mthar gong ltar spel tshig bcas/__mu khyud dang po la/__oM ku ru kul+le sarba lo kA shrI wA shaM ku ru hoH__sarba sid+d+hi sa ma ya hrIHswA hA/__zhes gsum lnga sogs gang shong mthar spel tshig sbyar/__gnyis par dbyangs gsal rten snying /__gsum par/__oM swasti/__bkra shis gang zhig mchod pa'i lha mo ni/__/phyag na pad+ma dmar po 'dab brgyad pa/__/bsnams nas rgyal ba'i ljags la mchod pa ltar/__/ljags la pad+ma'i bkra shis bde legs shog__/li khri dmar po dbang gi rang bzhin te/__/chos rnams ma nor dbang du bsdus nas kyang /__/chos kyi rgyal srid rab tu brtan gyur pa'i/__/bkra shis des kyang chos srid brtan gyur cig__/tshe ring nad med 'byor ldan zhing /__/'gro kun rtag tu 'dun pa dang /__/ji ltar bsam pa'i don rnams kun/__/chos bzhin 'grub pa'i bkra shis shog__/oM su pra tiSh+Tha sogs bri/__bzhi par rdo ra/__lnga par 'od phreng /__phyi nang gi grwar pad+ma dmar po 'dab ma brgyad pa ldong bu nang du bstan pa re re bri'o/___/___!_ lnga pa snyan grags srid gsum du khyab par byed pa bkra shis dung gi 'khor lo ni/__bri gzhi ser po la rtsibs dang mu khyud 'dra/__lte bar dung dkar g.yas su 'khyil ba'i khongs pa'i ngos su/__oM mang+ga la shang+kha AHhU~M/__bkra shis gter gyi bum pa bzang po 'di nyid bzhugs pa'i sa phyogs 'di rnams kyi gnas 'di'i bdag po 'khor dang bcas pa thams cad snyan grags mnga' thang srid pa gsum du puSh+TIM ku ru oM/__zhes phreng du bri/__rtsibs bzhir tA~M yig re re'i mthar gong gi sngags spel tshig bcas/__mu khyud dang po la/__o tA re tut+tA re tu re ma hA kI rti puSh+ti ku ru oM/__gsum lnga bdun sogs gang shes mthar spel tshig sbyar/__gnyis par dbyangs gsal rten snying /__gsum par/__oM swasti/__bkra shis gang zhig=__phyag na chos kyi dung sgra sgrogs mdzad pa/__/bsnams nas rgyal ba'i gsung la=__gsung la dung gi=__dung ni chos kyi sgra rnams sgrogs pa'i tshul/__/ye shes rgya mtsho nyid du dag gyur te/__/chos rnams ma nor yongs su ston pa yi/__/bkra shis des kyang tshig la dbang thob shog__/chos dang srid kyi dge mtshan dang /__/snyan pas nam mkha'i mthar khyab cing /__/lha dang bcas pa'i 'jig rten na/__/yongs su grags pa'i bkra shis shog__/oM su pra=__bzhi par rdo ra/__lnga par 'od phreng phyi nang gi grwar dung g.yas 'khyil mjug nang du bstan pa dar dpyangs dang bcas pa re re bri'o/___/___!_ drug pa tshe dang bsod nams ye shes 'phel bar byed pa bkra shis dpal be'u'i tsakra ni/__bri gzhi dmar ser la/__rtsibs dang mu khyud 'dra/__lte bar dpal be'u zur brgyad pa dar dpyang gis mdzes pa'i phyi nang gi khong seng bcu bdun la/__steng gi grwa nas brtsams te rim par/__oM 1)mang+ga la/__2)shrI dzad+ma dza/__3)_AHhU~M/__4)_bkra shis/__5)_gter gyi 6)_bum pa 7)_bzang po 8)_'di nyid 9)_bzhugs pa'i 10)_sa phyogs 'dir 11)_gnas pa'i 12)_skye rgu rnams 13)_tshe dang bsod nams/__14)ye shes thams cad 15)_puSh+TIM ku ru 16)_oM/17)_zhes bri/__rtsibs bzhir/__hrIHyig re re'i mthar gong gi sngags spel tshig bcas/__mu khyud dang po la/__oM na mo b+ha ga wa te sogs tshe gzungs kyi mthar spel tshig sbyar ba/__gnyis pa dbyangs gsal rten snying /__gsum par/__oM swasti/__bkra shis gang zhig mchod pa'i lha mo ni/__/phyag na dpal gyi be'u rab 'bar ba/__/bsnams nas rgyal ba'i thugs la=__thugs la dpal be'u=__dUR+Was tshe ni 'phel bar byed pa ste/__/rdo rje sems dpa'i tshe ni rab grub ste/__/nyon mongs skye shi rgyun chad gyur pa yi/__/bkra shis des kyang tshe g.yang 'phel gyur cig__/dpon slob mi 'bral lhan cig 'grogs/__/sku tshe mi 'bral sra zhing brtan/__/ja bzang bzhes spro rgyun mi 'chad/__/skyid la chos 'phel bkra shis shog__/oM su pra tiSh+Tha=__bzhi par rdo re/__lnga par 'od phreng /__phyi nang gi grwar dpal be'u dar dpyang gis mdzes pa bri'o/___/___!_ bdun pa phas rgol gyi phyogs thams cad las rnam par rgyal ba bkra shis rgyal mtshan gyi tsakra ni/__bri gzhi sngon po la rtsibs dang mu khyud 'dra/__lte bar rgyal mtshan nor bu'i drwa phyed kyis brgyan pa'i sham bu rnams nas phreng bsgrigs su/__oM mang+ga la ng+ha dza AHhU~M/__bkra shis gter gyi bum pa bzang po bzhugs pa'i gnas 'di rten dang brten par bcas pa dang skye dgu mtha' dag mi mthun pa'i rgol ba thams cad las rgyal bar gyur cig__/ces bri/__rtsibs bzhir/__d+h+wa~M re re'i mthar gong gi sngags spel tshig bcas/__mu khyud dang po la/__oM hU~M d+h+wa dza a ka? ke yU re mA ra se na pra mar+d+ha na hU~M hU~M phaT phaT swA hA/__zhes tshar gsum lnga gang shong gi mthar spel tshig sbyar/__gnyis pa la dbyangs gsal rten snying /__gsum par/__oM swasti/__bkra shis gang zhig=__phyag na rin chen rgyal mtshan rab mdzes pa/__/bsnams nas rgyal ba'i sku la mchod=__sku la rgyal mtshan=__gi waM dug gsum 'joms pa nad kyi sman/__/sman mchog chos nyid rab tu rtogs gyur nas/__/nyon mongs zug rngu med par gyur pa yi/__/bkra shis des kyang dug gsum zhi gyur cig__/phyi nang 'gal rkyen bar gcod dang /__/'jigs pa brgyad dang bcu drug sogs/__/phas rgol mi mthun phyogs kun la/__/rnam par rgyal ba'i bkra shis shog__/oM su pra tiSh+Tha=__bzhi par rdo ra/__lnga par 'od phreng phyi nang gi grwar nor bu'i rgyal mtshan yu ba nang du bstan pa re re bri'o/___/___!_ brgyad pa chos dang srid kyi 'khor los bsgyur bar byed pa bkra shis 'khor lo'i tsakra ni bri gzhi ser po rtsibs dang mu khyud 'dra/__dbus su gser gyi chos 'khor rtsibs brgyad pa'i lte bar/__oM mang+ga la tsakra AHhU~M/__rtsibs brgyad la rgyab nas brtsams te g.yas bskor du rim par/__bkra shis gter gyi 1)_bum pa bzang po 2)_'di nyid bzhugs pa'i 3)_gnas 'di rnams su 4)__dam pa'i chos dang /__5)_srid kyi mnga' thang 6)_phun sum tshogs pa thams cad_7)_puSh+TIM ku ru oM/__8)_rtsibs bzhir/__hrIHyig re re'i mthar gong gi sngags spel tshig bcas/__mu khyud dang por/__oM pad+ma tsit+ta ma Ni dz+wa la sarba lo ka shrI sid+d+hi sid+d+hi ku ru oM/__zhes tshar gsum lnga sogs gang shong mthar spel tshig sbyar/__gnyis par dbyangs gsal rten snying /__gsum par/__oM swasti/__bkra shis gang zhig=__phyag na gser gyi 'khor lo rtsibs brgyad pa/__/bsnams nas rgyal ba'i zhabs la=__zhabs la 'khor lo'i=__me long ye shes rgya mtsho chen po yi/__/ye shes rgya mtsho mchog tu dag gyur te/__/rnam dag chos la thogs med longs spyod pa'i/__/bkra shis des kyang sgrib ba dag gyur cig__/'bad dang rtsol bas ma gos pa/__/yid bzhin nor bu dpag bsam shing /__/sems can re ba skong mdzad pa/__/bsam pa 'grub pa'i bkra shis shog__/oM su pra=__bzhi par rdo ra/__lnga par 'od phreng /__phyi nang gi grwar gser 'khor rtsibs brgyad pa re re bri'o/__/ thun mong du snod bcud kyi dpal dang legs tshogs thams cad skyod par byed pa'i brten 'brel 'byung lnga'i tsakra ni/__bri gzhi ljang gu rtsibs bzhi mu khyud rim pa dgu'i bskor ba'i lte bar/__mU~M yig gi mthar/__klad kor nas brtsams g.yas bskor du/__mU~M e ma ma sal sal kha~M kha~M ye swA hA/__gnas 'dir 'byung ba nam mkha'i gnod pa thams cad zhi ba dang bde legs dang bkra shis su gyur cig__/rtsibs bzhir mdun nas brtsams te g.yas bskor gyis/__shar du/__lA~M yig gi mthar/__lA~M la~M ma ma su su tang tang kung ye swA hA/__gnas 'dir 'byung ba sa'i gnod pa thams cad zhi ba dang bde legs dang bkra shis su gyur cig__/lhor/__mA~M yig gi mthar/__mA~M ba~M ma ma so so ta ta ka ye kha ra ye swA hA/__gnas 'dir 'byung ba chu'i sogs gong ltar/__nub tu bA~M yig gi mthar/__pA~M ra~M ma ma dz+wa dz+wa ra~M ra~M ye swA hA/__gnas 'dir 'byung ba me'i sogs/__byang du/__tA~M yig gi mthar/__tA~M ya~M ma ma kang kang pheT ye swA hA/__gnas 'dir 'byung ba rlung gi sogs mu khyud dang po la/__'aHaHshaHsaHmaHhaHma ma ko ling sa man+ta a/__tad+ya thA/__a~M tsi ri tsi ri/__tsu ru tsu ru/__ku ru ku ru/__do tsu do tsu/__ba ha ba ha swA hA/__oM sarba nA ga rA dza phuHhU~M phaT swA hA/__oM ag+na ye de ba rA dza sa ma ya hU~M swA hA/__oM bA yu rA dza k+Sho d+ha k+Sho d+ha sa tsa na ta ya swA hA/__gter chen po'i bum pa bzang po 'di nyid bzhugs pa'i gtsug lag khang dang yul phyogs 'di thams cad du 'byung ba bzhi'i gnod pa thams cad shAn+tiM ku ru swA hA/__'byung ba bzhi'i phun sum tshogs pa thams cad puSh+TIM ku ru oM/__'byung ba bzhi'i dwang ma thams cad pa shaM ku ru hoH__'byung bzhi 'khrugs pa'i nad gdon bgegs rigs thams cad mA ra ya pha?T/__ces bri/__gnyis pa la/__oM mang+ga lats+tsha traM ga AHhU~M/__oM mang+ga la nya tsha AHhU~M/__oM mang+ga la ka la sha AHhU~M/__oM mang+ga la pad+ma AHhU~M/__oM mang+ga la shaM kha AHhU~M/__oM mang+ga la shrI dzad+ma dza AHhU~M/__oM mang+ga la d+h+wa dza AHhU~M/__oM mang+ga la tsakra AHhU~M/__che ba'i che mchog ston mchog bla na zhes sogs sh+lo ka bzhi'i mthar/__gnas 'dir nyin mo bde legs sogs bri/__gsum pa la/__oM A A sogs dbyangs dang /__ka kha ga g+ha nga sogs nas/__hak+Sha swA hA'i bar gsal byed bcas tshar re dang /__na mo bud+d+hA ya/__na mo d+harmA ya/__na mas+saM g+hA ya/__na mo gu ru b+h+yaH__na mo de bA ya/__na mo d+hA ki nI ye/__tad+ya thA/__na mo many+dzu shrI ku mA ra b+hU tA ya/__oM wA gi shwa rI hrIHmU~M swA hA/__oM pad+ma tsit+tA ma Ni dz+wa la hU~M phaT/__oM badz+ra tsaN+Da sarba duSh+TAn ta ka ha na da ha pa tsa hU~M pha?T/__sarba gra ha na k+Sha tra ma hA b+hU ta a pa ka ra sha ma sha ma pra ma sha man+tu swA hA/__oM a ma le bi ma le nirma le swA hA/__tad+ya thA/__oM a ka ni ni ka ni a b+hi la maN+Dal ma ye swA hA/__zhes tshar gnyis gsum gang shong /__oM ye d+harmA nas/__shra ma Na swA hA/__dang su pra tiSh+Tha sogs bri'o/__/bzhi par rdo ra/__lnga par 'od phreng /__drug par sa dkyil ser/__bdun par chu dkar/__brgyad par me dmar/__dgu par rlung ljang /__'di rnams kha dog so so'i gzhi la so so'i ri mo mtshon pa dang bcas 'bri bar bya'o/__/mang+ga laM b+ha ba tu/___/___!_