DKR-KABUM-04-NGA-005

🚧 This website is under continued development. We appreciate your patience!

Previous Text Back to Volume PageNext Text

Wylie title	rin chen gter mdzod chen mo'i kha skong dkar chag rin chen phreng ba
Location	dil mgo mkhyen brtse bka' 'bum Volume 4, Text 5, Pages 93-101 (Folios 1a to 9b5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Rin chen gter mdzod chen mo'i kha skong dkar chag rin chen phreng ba. In Skyabs rje dil mgo mkhyen brtse rin po che'i bka' 'bum, Vol. 4: 93-101. Delhi: Shechen Publications, 1994.
Genre	Catalogue of Contents - dkar chag
Colophon	།ཅེས་པའང་མཚན་གྱི་རྔ་སྒྲ་མཁྱེན་བརྩེའི་སྤྲུལ་སྐུ་ཞེས་བརྗིད་པར་གྲགས་ཀྱང་དམ་པའི་ཡོན་ཏན་ཤིན་ཏུ་ཕྲ་བའི་ན་ཚོད་རྒན་པོར་གྱུར་པ་བཀྲ་ཤིས་དཔལ་འབྱོར་དུ་འབོད་པས་སྨིན་གྲོལ་ངེས་དོན་དགའ་ཚལ་དུ་བྲིས་པ་སརྦ་སིདྡྷི་བྷ་ཝ་ཏུ། དགེའོ། །སརྦ་མངྒ་ལཾ།།
	/ces pa'ang mtshan gyi rnga sgra mkhyen brtse'i sprul sku zhes brjid par grags kyang dam pa'i yon tan shin tu phra ba'i na tshod rgan por gyur pa bkra shis dpal 'byor du 'bod pas smin grol nges don dga' tshal du bris pa sarba sid+d+hi b+ha wa tu/_dge'o/_/sarba mang+ga laM//

Tibetan Text

Wylie

[edit]

༄༅། །རིན་ཆེན་གཏེར་མཛོད་ཆེན་མོའི་ཁ་སྐོང་དཀར་ཆག་རིན་ཆེན་ཕྲེང་བ་ཞེས་བྱ་བ་བཞུགས་སོ། ། ༄༅། །སངས་རྒྱས་ཡེ་ཤེས་རྣམ་པ་ཐམས་ཅད་པ། །སྨོན་ལམ་མཐུ་ལས་ཡི་གེའི་གཟུགས་ཤར་བས། །དགེ་ལེགས་འབྱུང་གནས་ཕྲིན་ལས་རྒྱུན་མི་འཆད། །གསུང་གི་རྡོ་རྗེའི་གསང་བར་གཅིག་ཏུ་གུས། །སྟོན་དང་བསྟན་པ་དབྱེར་མེད་པའི། །རིན་ཆེན་བྱེ་བས་མི་མཚོན་པའི། །ངང་ཚུལ་ཤེས་པས་དད་པའི་བློས། །སྲི་ཞུ་སྤེལ་བའི་ཚུལ་འདི་སྤྲོ། །དེའང་སངས་རྒྱས་རྣམས་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་གན་མཛོད་ནི་རྟོགས་པ་ཆོས་ཀྱི་སྐུ་ཡིད་བཞིན་ནོར་བུ་རིན་པོ་ཆེས་ཕྱུར་བུར་གཏམས་པ་སྟེ། དེ་ཉིད་རང་བྱུང་ཀུན་ཁྱབ་ཀྱི་ཐུགས་རྗེ་ཆེན་པོའི་གཤིས་དང་རོ་གཅིག་པས་ཆེད་དུ་རྩོལ་བ་མེད་པར་གདུལ་བྱ་མཆོག་རྣམས་ལ་གསང་བ་ཟབ་མོའི་རྡོ་རྗེ་གསང་བའི་ཚིག་ཏུ་སྣང་བ་ནི་བསྟན་དང་སྟོན་པ་གཉིས་ཆར་འཕེལ་འགྲིབ་མེད་པ་རྟག་པ་རྒྱུན་གྱི་འཁོར་ལོར་འཆར་བས་ཚིག་དང་ཡི་གེའི་སྤྱོད་ཡུལ་ལས་འདས་ཀྱང་གདུལ་བྱ་སྐལ་ལྡན་བློ་ཆེན་རྣམས་ལ་གསུང་ཚངས་དབྱངས་ཡན་ལག་དྲུག་ཅུས་འདོམས་པ་བཞིན་ལོངས་སུ་སྤྱོད་པ་དང༌། ལས་དང་སྐལ་བ་ལྡན་པ་ལ་ནམ་མཁའ་དང༌། ལྗོན་ཤིང་ཆུ་ཀླུང་སོགས་ཀྱི་སྒྲ་ལས་ཀྱང་ཆོས་ཉིད་ཀྱི་སྒོ་རྙེད་པས་མཚོན་བྱང་ཆུབ་སེམས་དཔའི་བཟང་པོ་སྤྱོད་པ་རྒྱ་མཚོའི་ཕ་རོལ་དུ་སོན་ཏེ་ཞི་བ་མཆོག་གི་སྒོ་འཕར་རྒྱུན་མི་འཆད་པར་འབྱེད་ཅིང༌། ལྷག་པར་རྒྱུད་གཞན་གྱིས་བསྡུས་པའི་ཉི་ཚེའི་བློ་གྲོས་ཅན་རྣམས་ལའང་དབང་པོའི་བགོ་སྐལ་དང་འཚམ་པའི་ཆོས་ཀྱི་སྒོ་བགྲང་ལས་འདས་པས་ཕན་བདེ་མི་ཟད་པའི་ངལ་སྟེགས་ལ་བཀོད་པར་མཛད་པས་རྒྱལ་བའི་ཕྲིན་ལས་ཀྱི་གཙོ་བོ་ནི་དམ་པའི་ཆོས་ཁོ་ན་སྟེ་རྟོགས་པའི་ཆོས་དེ་རྗེས་སུ་མཚོན་ཕྱིར་ལུང་གི་ཆོས་སྡེ་སྣོད་རིན་པོ་ཆེ་རྣམ་པ་གསུམ་མིང་ཚིག་ཡི་གེའི་རྣམ་པར་བསྟན་ནས། ཉན་འཆད་སྒོམ་གསུམ་གྱིས་ཆོས་སྐུ་དང་དབྱེར་མེད་དུ་ད་ལྟའང་མ་ཉམས་པར་བཞུགས་ཤིང༌། དེ་ཡི་སྒྲ་ཆ་ཤས་ཙམ་ཞིག་རྣ་བ་ལ་ཐོས་པ་ཙམ་ཡང་དེ་བཞིན་གཤེགས་པས་ཚོགས་གཉིས་རྫོགས་སྨིན་སྦྱངས་པ་རྒྱ་མཚོའི་སྨོན་ལམ་སེམས་ཅན་གྱི་དོན་དུ་བསྔོས་པ་དང༌། གདུལ་བྱས་རང་གི་རྣམ་དཀར་བསགས་པའི་སྟོབས་ནང་འཛོམས་པ་ལས་གཞན་དུ་ནམ་ཡང་ཐོས་པར་མི་འགྱུར་ལ། བདག་ཅག་གི་སྟོན་པ་རྫོགས་པའི་སངས་རྒྱས་ཀྱིས་སྔོན་སློབ་པ་ལམ་གྱི་དུས་སུ་སྐུ་ལུས་ལ་ཤ་ཡི་ཀོང་བུ་སྟོང་བྲུས་ཏེ་མར་མེ་སྦར་བ་དང་མདག་མེའི་དོང་དུ་མཆོངས་བ་དང༌། ལྕགས་ཀྱི་གཟེར་བུ་སྟོང་བཏབ་པ་དང༌། དཔྱི་ལ་ཐུག་གི་བར་རྐང་པ་ཟད་པར་ཕྱིན་པ་སོགས་ཚིགས་སུ་བཅད་པ་རེ་རེའི་ཕྱིར་དུ་ཡང་དཀའ་བ་བརྒྱ་ཕྲག་དུ་མ་ཁྱད་དུ་བསད་ནས་ཆོས་ཚོལ་ཏེ་བསགས་པ་སངས་རྒྱས་གཞན་གྱིས་སྤངས་བའི་གདུལ་བྱ་བདག་ཅག་རྣམས་ལ་ཐུགས་བརྩེ་བ་ཆེན་པོས་རྗེས་སུ་གདམས་པའི་ཕ་ནོར་མཆོག་ཏུ་གྱུར་པ་སྟེ། མདོར་ན་རྩོད་དུས་ཤིན་ཏུ་སྙིགས་མ་འདི་ལྟ་བུའི་སྐབས་སུ་ཡང་རྒྱལ་བསྟན་རིན་པོ་ཆེ་མདོ་སྔགས་ཡོངས་སུ་རྫོགས་པ་མ་ཉམས་པར་བཞུགས་པ་སངས་རྒྱས་དངོས་སུ་བཞུགས་པ་དང་མི་གཉིས་པའི་ཡིད་ཆེས་དང་ངོ་མཚར་བསྐྱེད་པར་འོས་ཏེ། སྔོན་གྱི་ལོ་པཎ་མཁས་གྲུབ་རྣམས་ཀྱི་མཛད་པའི་གཙོ་བོ་དམ་པའི་ཆོས་ཀྱི་མཛོད་བསགས་དང༌། གཙུག་ལག་ཁང་ཐམས་ཅད་གླེགས་བམ་གྱི་ཕྲེང་བས་གཏམས་པའི་ཕྱག་རྗེས་མཆིས་ལ། འདི་ལྟ་བུ་ཐོས་བསམ་སྒོམ་པའི་རྟེན་དུ་མེད་ན་རང་རེ་རྣམས་མུན་ནས་མུན་པའི་མཐར་ཐུག་ཏུ་འགྲོ་བ་ལས་འོས་མེད་པས་སྟོན་མཆོག་ལྷ་མིའི་བླ་མ་མཆོག་གི་ཞལ་སྐྱིན་ངེས་ཤིང༌། ལྷག་པར་སངས་རྒྱས་འབྱོན་པ་ལས་ཀྱང་དཀོན་པའི་གསང་སྔགས་རྡོ་རྗེ་ཐེག་པའི་རྒྱུད་སྡེ་རིན་པོ་ཆེ་རྣམས་ནི་རྩ་བ་གསུམ་གྱི་བྱིན་རླབས་ཆགས་པའི་བླ་རྡོ། གླེགས་བམ་འཆང་བ་ཙམ་གྱིས་ཀྱང་དངོས་གྲུབ་སྟེར་ནུས་པའི་ཕན་བདེའི་བཙས་ཆེན་པོ་སྟེ། རྒྱུ་མཚན་དེ་ལྟ་བུ་མི་ཤེས་པ་རྣམས་ཀྱིས་གལ་ཆུང་ཆོས་ལ་བྱེད་ནས་ཟབ་རྒྱས་ཀྱི་ཚིག་དོན་འཛིན་པའི་སྡེ་སྣོད་ལས་ཁམ་རེའི་ཟས་ལ་འདོམས་པའི་བྱེད་ལས་ལ་དགོངས་ནས། རྒྱལ་ཀུན་མཁྱེན་བརྩེའི་ནུས་གཟུགས་འབྲས་བུའི་སེམས་དཔའ་རིགས་གསུམ་མགོན་པོ་མཆོག་ཉིད་འཛམ་གླིང་གི་ཤིང་རྟ་རུ་བསམ་བཞིན་བྱོན་པའི་ཐུགས་རྗེ་ཡས་སྤྲུལ་འཇམ་མགོན་ཆོས་ཀྱི་རྒྱལ་པོ་རྣམ་པ་གསུམ་གྱིས་བཀའ་ཡི་བསྡུ་བ་མཛད་པའི་མཛོད་ཆེན་རྣམ་པ་ལྔ་ཞེས་གསར་རྙིང་རིས་སུ་མ་ཆད་པའི་སྐྱེས་ཆེན་རྣམས་ཀྱི་བསྟན་པའི་གཅེས་ནོར་གྱི་མཆོད་སྡོང་ཆེན་པོར་བཞུགས་བཞིན་པ་ལས། ཟབ་ཅིང་རྒྱ་ཆེ་ཤོས་དང༌། ཀུན་ལ་ཐུགས་མཁོ་ཆེ་བ་ནི་རིན་ཆེན་གཏེར་གྱི་མཛོད་ཆེན་མོ་སྟེ། དེ་ཉིད་བོད་རང་བཙན་གྱི་སྐབས་སུ་ཁམས་བོད་ཀྱི་ལྗོངས་སུ་ཤིང་སྤར་དུ་བཞུགས་ཀྱང༌། དུས་ཀྱི་འགྱུར་བ་ཆེན་པོས་ཕྱོགས་གང་དུའང་དཔེ་རྒྱུན་དཀོན་པོ་གྱུར་བའི་ཚེ། སངས་རྒྱས་ཀྱི་ཕྲིན་ལས་དང༌། རིག་འཛིན་གྲུབ་པའི་ཐུགས་བསྐྱེད་སྨོན་ལམ་ནམ་ཡང་ཉམས་པ་མེད་པ་མེད་ཅིང་བསྟན་པའི་གནས་ཚད་མ་རྫོགས་པས་བཀའ་དང་བསྟན་བཅོས་རིན་པོ་ཆེའི་ཕྲེང་བ་དག་འཕྲུལ་པར་དུ་བསྐྲུན་པའི་དགེ་མཚན་གྱི་སྐྱ་རེངས་འཆར་ཞིང༌། བསྟན་འཛིན་གྱི་སྐྱེས་ཆེན་རྣམས་ཀྱིས་ཀྱང་འཆད་སྤེལ་སྒོམ་སྒྲུབ་ཀྱི་བསྟན་པ་ཉིན་བྱེད་སྒོ་དུ་མ་ནས་ཤར་བའི་ཚེ། ཀུན་གཟིགས་འཇམ་པའི་རྡོ་རྗེ་གུ་ཎ་ས་མུ་དྲས། སྟོན་པའི་དམ་ཆོས་ཡིད་བཞིན་ནོར་བུ་ལས། །དཀོན་ཞིང་ཆོས་ལྷག་སུ་ཞིག་ཐོབ་པ་འཚེངས། །འདི་དང་གཏན་དུ་བདེ་བ་སྦྱིན་པའི་མཐུ། །ཤེས་བྱའི་ཁོངས་སུ་བཙལ་ཡང་གཞན་ལ་མེད། །སྐལ་བཟང་རྣམས་ནི་དམ་ཆོས་སྲོག་ཕྱིར་ཡང༌། །མི་བཏང་ངལ་བ་བརྒྱ་ཡིས་འཚོ་བར་བྱེད། །བློ་གྲོས་སྐལ་པས་དམན་རྣམས་རྙེད་དང་གྲགས། །ཚོལ་ཞིང་ཆོག་ཤེས་ཆོས་ལ་བྱེད་པར་མཐོང༌། །སྟོན་པའི་བསྟན་པ་ལུང་དང་རྟོགས་པ་གཉིས། །དེ་འཛིན་བྱེད་པ་བཤད་དང་སྒྲུབ་པ་བྱེད། །གཉིས་ཀའི་སྒོ་ནི་ཐོས་པ་ཡིན་པའི་ཕྱིར། །མཁས་པ་རྣམས་ནི་ཐོས་པ་ཕྱོགས་མེད་བཙལ། །སྔོན་བྱོན་མཁས་དང་གྲུབ་པ་དེ་དག་གི །འཁྲུལ་མེད་རྒྱལ་བའི་བསྟན་པར་ཐག་ཆོད་པ། །ཐམས་ཅད་རྣམ་གྲོལ་ལམ་མཆོག་ཁོ་ན་སྟེ། །རིས་སུ་གཅོད་པ་བླུན་པོའི་བྱ་བར་ཟད། །མ་ཐོས་པ་ལ་ཆོས་དཀར་གཞི་མེད་ཅིང༌། །ཐོས་པ་ཕྱོགས་རེར་ཞེན་པའང་བདུད་ཀྱི་ལས། །ཐོས་ཀྱང་སྣུམ་དྲེད་ཁྱེར་བའི་གང་ཟག་ནི། །ཐར་པ་དོན་གཉེར་རྣམས་ཀྱིས་སྤང་བྱར་གསུང༌། །བློ་ནུས་པདྨའི་སྣལ་མ་ལྟར་ཕྲ་ཡང༌། །དཀར་པོ་རྣམ་པར་འཕེལ་བའི་ས་བོན་དང༌། །རྒྱལ་བའི་བསྟན་ལ་དད་ཅིང་དོན་གཉེར་བློས། །བགྲང་བྱ་ཐལ་ཡང་དམ་ཆོས་ཚོལ་ལ་ཞུགས། །གྲགས་ཕྱིར་མ་ཡིན་རྙེད་པའི་ཕྱིར་དུ་མིན། །གཞན་ཕན་ནུས་པའང་བདག་ལ་ཡོད་མིན་ཡང༌། །ལྷག་བསམ་འབྲས་བུ་བསླུ་བ་མེད་པའི་མཐུས། །ཡི་གེ་འདི་ཡང་སྐལ་མཉམ་གསོས་གྱུར་ཅིག །ཞེས་གསུངས་པ་བཞིན། ཆོས་སྲིད་གཉིས་ཀའི་བྱ་བས་བཏང་བའི་འཁོས་ཆུང་སྲིན་བུ་ལྟ་བུ་བདག་གིས་ཀྱང༌། རྗེ་བཙུན་བླ་མ་དམིགས་པ་མེད་པའི་ཐུགས་རྗེ་དང་ལྡན་པ་རྣམས་ཀྱི་དགོངས་པ་ཡོངས་སུ་རྫོགས་ཤིང་བཀའ་དྲིན་རྗེས་སུ་གསོབ་བ་དང༌། བསྟན་པ་འཛིན་པའི་སྐྱེས་ཆེན་དམ་པ་རྣམས་ཀྱི་ཞབས་བརྟན་དང༌། བསྟན་འགྲོ་སྤྱི་ཡི་ལེགས་ཚོགས་འཕེལ་ཞིང་འགལ་རྐྱེན་མི་མཐུན་པའི་ཕྱོགས་མཐའ་དག་ཞི་ཞིང༌། ལུས་བསྐྱེད་ཕ་མས་གཙོས་འབྲེལ་ཐོགས་དམིགས་ཅན་རྣམས་བྱང་གྲོལ་ལ་འགོད་པ་དང༌། རང་ཉིད་ཀྱང་ཚེ་རབས་ཐམས་ཅད་དུ་དམ་པའི་ཆོས་ཀྱི་སྣང་བ་དང་མི་འབྲལ་བས་ཆོས་བཞིན་སྤྱོད་པའི་སྐལ་པ་བཟང་པོས་སྣང་ནས་སྣང་བའི་མཐར་ཐུག་ཏུ་འགྲོ་བའི་དགེ་རྩར་དམིགས་ནས་རྣམ་དཀར་གྱི་ལས་འདི་བརྩམས་པའི་ཚེ་ཁ་སྐོང་ཆེ་ཕྲ་དུ་མ་ཞིག་ཞུས་པའི་སྐོར་འདི་རྣམ་འདྲེན་བཀའ་དྲིན་མཚུངས་པ་མེད་པའི་མཁས་གྲུབ་ཉི་ཟླ་ཟུང་གི་ཕྱག་བཞེས་མཐོང་རྒྱུད་དུ་གྱུར་པའི་སྐལ་པ་མི་དམན་པས་སྨིན་གྲོལ་གྱི་སྒོ་འཕར་འབྱེད་པ་ལ་ཉེ་བར་མཁོ་བའི་དབང་གི་མཚམས་སྦྱོར། ཉེར་མཁོའི་ཡིག་ཆ་རྒྱས་བསྡུས་ཀྱི་རྣམ་དབྱེ། ཐ་ན་བརྒྱུད་འདེབས་དང་བསྐང་བཤགས་ཚུན་ཆད་ཉེ་བར་མཁོ་བའི་ཕྱག་ཐོ་དང༌། དགོངས་པ་ཡོད་ཀྱང་དགོས་པ་གཞན་གྱིས་ཇི་བཞིན་གནང་མ་གྲུབ་པ་དག་ལེགས་པར་ཁ་བསྐངས་ཤིང༌། དེ་དག་ཀྱང་ཁུངས་དག་བརྒྱུད་པ་སེལ་མེད་ངེས་ལས་གང་བྱུང་དེས་ཆོག་མ་བྱས་པར་བརྒྱུད་འཛིན་དག་ལ་ཐུགས་ཕན་སོས་རེས་ཞལ་སྐོང་དུ་ཞུས་པའི་གཙོ་བོ། མཆོག་གླིང་རྫོགས་ཆེན་སྡེ་གསུམ་ཡོངས་རྫོགས་གཏེར་མཛོད་དུ་བཞུགས་པའི་མཚན་ཐོ་བརྒྱུད་ཡིག་ཏུ་གསལ་ཡང༌། སྡེ་གསུམ་སྨིན་གྲོལ་ཡོངས་རྫོགས་འཇམ་མགོན་ཀོང་སྤྲུལ་རིན་པོ་ཆེས་གསན་མ་གྲུབ་པ་དང༌། ཀུན་གཟིགས་མཁྱེན་བརྩེ་རིན་པོ་ཆེའི་དགོངས་གཏེར་རྩ་གསུམ་འོད་གསལ་སྙིང་ཐིག་ཆོས་སྐོར་ལས་ཕག་དཀར་ཡེ་ཤེས་གསལ་བྱེད་ཙམ་ལས་རིན་གཏེར་དུ་མ་བཞུགས་པ་ཆོས་སྐོར་ཡོངས་རྫོགས་བཞུགས་སུ་གསོལ་ཞིང༌། གཞན་ཡང་ཀུན་མཁྱེན་མདོ་སྔགས་གླིང་པའི་ས་གཏེར་གཙོ་བོ་ཐུགས་རྗེ་ཆེན་པོ་སེམས་ཉིད་ངལ་གསོའི་སྐོར་སོགས་དང༌། བཀའ་ཡི་གསང་མཛོད་བདག་པོ་འཇམ་མགོན་བསྟན་གཉིས་གླིང་པའི་ཟབ་གཏེར་སྐོར་གང་བཞུགས་རིན་གཏེར་དུ་འཇུག་པ་དགོས་གནད་ཆེ་ཚུལ་ཐུགས་སྲས་མཁས་བཙུན་གྲུབ་པའི་ཁྱུ་མཆོག །མཁན་ཆེན་ཤཱནྟ་རཀྵི་ཏིའི་རྣམ་འཕྲུལ་དུ་སྤྲུལ་པའི་གཏེར་ཆེན་མཆོག་གྱུར་གླིང་པའི་རྡོ་རྗེའི་ལུང་ལས་གསལ་བ་ཀརྨ་བཀྲ་ཤིས་འོད་ཟེར་ཞི་བའི་སྙིང་པོ་དང༌། ཡོངས་གྲགས་ཀྱི་མཚན་ཉག་བླ་ཨ་སྟོབས་སམ་ཐུབ་བསྟན་རྒྱལ་མཚན་དཔལ་བཟང་དུ་གྲགས་པའི་ཆོས་རྗེ་རྣམ་པ་གཉིས་ཀྱིས་བྱམས་མགོན་སི་ཏུ་རིན་པོ་ཆེ་པདྨ་དབང་མཆོག་རྒྱལ་པོར་ཞུ་བསྐུལ་གནང་བ་སོགས། ཕལ་ཆེར་དཔལ་སྤུངས་སྤར་མ་ནང་ཡོད་པ་དང༌། གཞན་དབང་ལུང་སྤེལ་བ་དང༌། བསྙེན་སྒྲུབ་ཉམས་ལེན་ཅན་ལ་མེད་དུ་མི་རུང་པའི་ཡིག་ཆ་ཕྲན་ཚེགས་རྣམས་ཀྱི་མཚན་ཐོ་ནི། ཀ༽ པ་ལ། རྒྱལ་བས་ལུང་བསྟན་འཇམ་མགོན་རྡོ་རྗེ་འཆང་བློ་གྲོས་མཐའ་ཡས་ཀྱི་གཏེར་བྱོན་གུ་རུའི་རྣམ་ཐར་རྡོ་རྗེའི་རྒྱན་ཕྲེང་གཏེར་གཞུང་ལྡེབ། ༡༢ བཻ་རོའི་རྣམ་ཐར་པདྨའི་དགའ་ཚལ་གཏེར་གཞུང་ལྡེབ།༣༦ མཁྱེན་བརྩེའི་རྣམ་ཐར་གསོལ་འདེབས་གུ་ཎའི་གསུང་དྷརྨ་མ་ཏིའི་ཞལ་སྐོང་ཅན་ལྡེབ།༤ ཁ༽ པ་ལ། བརྒྱུད་ཡིག་ཁ་སྐོང་དིལ་མཁྱེན་རིན་པོ་ཆེ་མངྒ་ལ་ཤྲཱི་བྷཱུ་ཏིའི་གསུང་ལྡེབ།༧ བཅས་བཤམ་རྙིང་པའི་ཁ་སྐོང་ལྡེབ།༨ རིན་གཏེར་ཁ་སྐོང་སྐོར་གྱི་བཅས་བཤམ་ལྡེབ།༤ ལས་འཕྲོ་གཏེར་བརྒྱུད་ཀྱི་རྣམ་བཤད་ཉུང་གསལ་ངོ་མཚར་རྒྱ་མཚོ་རྡོ་གྲུབ་གསུམ་པ་བསྟན་པའི་ཉི་མའི་གསུང་ལྡེབ།༣༦ ག༽ པ་ལ། ལོ་ཆེན་ཞི་ཁྲོའི་དབང་ཆོག་རྒྱལ་ཚབ་པདྨ་རྣམ་རྒྱལ་གསུང་ལྡེབ།༡༧ གནམ་ཆོས་སྤྱིའི་བརྒྱུད་འདེབས་མངྒ་ལ་ཤྲཱི་བྷཱུ་ཏིའི་གསུང་ལྡེབ།༡ གྲུབ་ཐོབ་ཐུགས་ཐིག་སྙིང་པོ་སྐོར་ལྔའི་བརྒྱུད་འདེབས་ཀརྨ་པ་མཁའ་ཁྱབ་རྡོ་རྗེའི་གསུང་ལྡེབ།༡ ང༽ པ་ལ། རྩ་གསུམ་དྲིལ་སྒྲུབ་ཟིལ་བྲིས་མི་ཕམ་གསུང་ལྡེབ།༡༦ རྩ་གསུམ་གཏོར་བསྔོ་ཉུང་བསྡུས་ཕྲིན་ལས་ནོར་བུའི་རོལ་མཚོ་མངྒ་ལའི་གསུང་ལྡེབ།༡༠ ཅ༽ པ་ལ། རྩ་གསུམ་ཟབ་མོ་ཀུན་འདུས་བརྒྱུད་འདེབས་ལྡེབ།༡ རྩ་གསུམ་སྤྱི་འདུས་སྙིང་ཐིག་གི་བརྒྱུད་འདེབས་ལྡེབ།༡ བཅས་མངྒ་ལའི་གསུང༌། རྩ་གསུམ་བདེ་འདུས་བརྒྱུད་འདེབས་ལྡེབ།༡ རྩ་གསུམ་བདེ་འདུས་ལས་བྱང༌། སྐོང་བཤགས། སྨོན་ལམ་ཤིས་བརྗོད། བདག་འཇུག་བཅས་ལྡེབ།༡༨ མཁྱེན་བརྩེའི་གསུང༌། དེའི་དབང་གི་མཚམས་སྦྱོར་མངྒ་ལའི་གསུང་ལྡེབ།༤ མཆོག་གླིང་ཐུགས་སྒྲུབ་བར་ཆད་ཀུན་སེལ་ཕྱི་སྒྲུབ་བླ་མ་མཆོད་ཆོག་དབང་གཏེར་སྲས་ཚེ་དབང་གྲགས་པའི་གསུང་ལྡེབ།༢༢ ཇ༽ པ་ལ། སངས་གླིང་བླ་མ་དགོངས་འདུས་ལས་བྱང་མེ་ཕྲེང་ཟུར་རྒྱན་མཁའ་ཁྱབ་རྡོ་རྗེའི་གསུང་ལྡེབ།༢༣ ལེའུ་བདུན་དམིགས་རིམ་གུ་ཎའི་གསུང་ལྡེབ།༩ ཐ༽ པ་ལ། སྙིང་ཐིག་རིག་འདུས་བསྐང་བ་མཁྱེན་བརྩེའི་གསུང་ལྡེབ།༢ མཆོག་གླིང་བླ་མ་དགོངས་འདུས་སྙིང་པོའི་བརྒྱུད་འདེབས་མངྒ་ལའི་གསུང་ལྡེབ།༡ མཁྱེན་བརྩེའི་གཏེར་བྱོན་མཚོ་སྐྱེས་སྙིང་ཐིག་དབང་གི་གཏེར་གཞུང་ལྡེབ།༢ འཇམ་མགོན་གཏེར་བྱོན་རིག་འཛིན་མཆོག་སྒྲུབ་གཏེར་གཞུང་ལྡེབ།༥༧ གསོལ་འདེབས་རྒྱུད་བསྐུལ་གཏེར་གཞུང་ལྡེབ།༧ ཛཔ་བཀོལ་གཏེར་གཞུང་ལྡེབ།༡༧ རྩ་གསུམ་སྐོང་བསྡུས་མཁྱེན་བརྩེའི་གསུང་ལྡེབ།༡ ད༽ པ་ལ། འཇམ་མགོན་གཏེར་བྱོན་ཡུམ་བཀའ་མཁའ་འགྲོའི་གདམས་པ་བདེ་ཆེན་རྒྱ་མཚོ་གཏེར་གཞུང་ལྡེབ།༢༨ མ་མོ་སྔགས་སྲུང་མའི་ལས་རིམ་དབང་བཅས་གཏེར་གཞུང་ལྡེབ། ༥ དེའི་དབང་གི་ཆོག་ཁྲིགས་རྡོ་རྗེའི་ཕྲེང་བ་མངྒ་ལའི་གསུང་ལྡེབ།༥ ཚིག་བདུན་བླ་སྒྲུབ་ཡབ་བཀའ་ཡུམ་བཀའ་གཉིས་འདུས་བརྒྱུད་འདེབས་མཁའ་ཁྱབ་རྡོ་རྗེའི་གསུང་ལྡེབ།༢ ཚིག་བདུན་བླ་སྒྲུབ་དབང་གི་ཆད་འཛུད་ལྡེབ།༡ གནམ་ཆོས་ཌོམྦི་བ་སོགས་བླ་སྒྲུབ་ལྔའི་ཟུར་རྒྱན་མཁའ་ཁྱབ་རྡོ་རྗེའི་གསུང་ལྡེབ།༡ མཁྱེན་བརྩེའི་གཏེར་བྱོན་མཆོག་གླིང་བླ་སྒྲུབ་པདྨའི་མྱུ་གུའི་དབང་གི་གཏེར་གཞུང་ལྡེབ།༩ དེའི་དབང་གི་ཆོག་ཁྲིགས་བཀླག་ཆོག་ཏུ་བཀོད་པ་ངོ་མཚར་མཆོག་གི་སྣང་བ་མངྒ་ལའི་གསུང་ལྡེབ།༣༤ མཁྱེན་བརྩེའི་གཏེར་བྱོན་ཁྲི་སྲོང་བླ་སྒྲུབ་ཡེ་ཤེས་སྣང་བ་རྒྱས་པ་གཏེར་གཞུང་ལྡེབ།༦ དབང་ཆོག་བདུད་རྩིའི་སྤྲིན་ཆེན་གཏེར་གཞུང་ལྡེབ།༣ དེའི་བརྒྱུད་འདེབས་ལྡེབ།༡ དབང་གི་མཚམས་སྦྱོར་ལྡེབ།༩ བཅས་མངྒ་ལའི་གསུང༌། བ༽ པ་ལ། བཀའ་བརྒྱད་རྣམ་བཤད་མི་ཕམ་གསུང་ལྡེབ།༡༠༤ བསམ་གཏན་བདེ་ཆེན་གླིང་པའི་བཀའ་བརྒྱད་ཡང་གསང་དྲེགས་འདུལ་དབང་ཆོག་བདེ་ཆེན་མཆོག་སྟེར་མངྒ་ལ་ཤྲཱི་བྷཱུ་ཏིའི་གསུང་ལྡེབ།༡༠ མ༽ པ་ལ། གྲུ་ཐོབ་ཐུགས་ཐིག་ཡི་དམ་བདེ་འདུས་རྒྱུན་ཁྱེར་ལྡེབ།༤ དེའི་ལམ་རིམ་སྨོན་ལམ་ལྡེབ།༣ བཅས་མངྒ་ལའི་གསུང༌། ཙ༽ པ་ལ། སྨིན་གླིང་དྲེགས་འཇོམས་སྨིན་བྱེད་ཟུར་རྒྱན་རྒྱལ་ཚབ་པདྨ་རྣམ་རྒྱལ་གསུང་ལྡེབ།༣ སྙན་བརྒྱུད་གཤིན་རྗེའི་སྔོན་འགྲོ་མཁྱེན་བརྩེའི་གསུང༌། བརྒྱུད་འདེབས་མཆོག་གླིང་གསུང་བཅས་ལྡེབ།༣ ར༽ པ་ལ། མཁྱེན་བརྩེའི་གཏེར་བྱོན་སེམས་ཉིད་ངལ་གསོ་ཐུགས་ཆེན་ཕྲིན་ལས་རིལ་སྒྲུབ་བཅས་གཏེར་གཞུང་ལྡེབ།༡༤ དེའི་རྩ་དབང་ཆོག་ཁྲིགས་མངྒ་ལའི་གསུང་ལྡེབ།༡༩ ལ༽ པ་ལ། འཇམ་མགོན་གཏེར་བྱོན་གསང་ཐིག་ཚེ་རྟ་ཟུང་འབྲེལ་ཕྲིན་ལས་ཕྱི་ནང་གསང་སྒྲུབ་ལུས་དཀྱིལ་མངོན་རྟོགས་ཚེ་དབང་བཅས་གཏེར་གཞུང་ལྡེབ།༡༦ དེའི་ཚེ་དབང་རིན་ཆེན་གཏེར་བུམ་མཁན་ཐུབ་བསྟན་རྒྱལ་མཚན་འོད་ཟེར་གསུང་ལྡེབ།༡༡ ཤ༽ པ་ལ། མཆོག་གླིང་གསང་ཐིག་སྐོར་གསུམ་བརྒྱུད་འདེབས་མཁའ་ཁྱབ་རྡོ་རྗེའི་གསུང་ལྡེབ།༡ ས༽ པ་ལ། འཇམ་མགོན་གཏེར་བྱོན་དཔལ་ཡང་དག་ཧེ་རུ་ཀའི་གསང་བ་ཐུགས་ཀྱི་ཏནྟྲ་གཏེར་གཞུང་ལྡེབ།༢༤ དེའི་དབང་ཆོག་བདེ་ཆེན་སྙིང་པོ་མཁན་ཐུབ་བསྟན་རྒྱལ་མཚན་འོད་ཟེར་གསུང་ལྡེབ།༡༠ ཧ༽ པ་ལ། འཕགས་མའི་སྙིང་ཐིག་བླ་སྒྲུབ་བརྒྱུད་འདེབས་ལྡེབ། ༡ ཀི༽ པ་ལ། བྱང་གཏེར་ཕུར་པའི་བརྒྱུད་འདེབས་མངྒ་ལའི་ཁ་སྐོང་ཅན་ལྡེབ། ༣ བཅས། ཁི༽ པ་ལ། སྙན་བརྒྱུད་ཕུར་པའི་གནད་ཏིག་སྔོན་འགྲོ། བརྒྱུད་འདེབས། རྒྱུན་ཁྱེར་བཅས་མཁྱེན་བརྩེའི་གསུང་ལྡེབ།༧ ལས་བྱང་ཕྲིན་ལས་རྣམ་རོལ་ལྡེབ།༩ དེའི་ཟུར་འདེབས་ལྡེབ།༦ སྟོང་བ་ལྡེབ། ༣ བཅས་འཇམ་དབྱངས་བློ་གྲོས་རྒྱ་མཚོའི་གསུང༌། ཚེ་སྒྲུབ་གཏེར་གཞུང་ལྡེབ།༡ གཏོར་ཟློག་བློ་གྲོས་རྒྱ་མཚོའི་གསུང་ལྡེབ།༡༦ ལས་བཞིའི་སྦྱིན་སྲེག་མདོར་བསྡུས་ཆོས་ཀྱི་བློ་གྲོས་དང་མངྒ་ལ་ཟུང་གི་གསུང་ལྡེབ།༨ མནན་པ་རྡོ་རྗེའི་རི་རབ་ཆོས་ཀྱི་བློ་གྲོས་གསུང་ལྡེབ།༡༡ སྙན་བརྒྱུད་སྲིད་པ་མ་མོའི་གནད་ཏིག་བརྒྱུད་འདེབས་ལྡེབ།༡ མ་མོའི་བསྐང་བ་ལྡེབ།༣ བཅས་མངྒ་ལའི་གསུང༌། ཆི༽ པ་ལ། མཁྱེན་བརྩེའི་དགོངས་གཏེར་འཕགས་མ་སྙིང་ཐིག་རྩ་དབང་གཏེར་གཞུང་ལྡེབ། ༡༣ འཕགས་སྙིང་ཚེ་ཡི་རྗེས་གནང་གཏེར་གཞུང་ལྡེབ། ༢ ཚེ་ཡི་བྱིན་རླབས་གཏེར་གཞུང་ལྡེབ།༣ བཅས་གཏེར་གཞུང༌། འཕགས་སྙིང་བསྙེན་ཡིག་ཟིན་བྲིས་ཟླ་ཟེར་བདུད་རྩིའི་ཐིག་ལེ་གུ་ཎའི་གསུང་ལྡེབ།༡༠ མཁྱེན་བརྩེའི་དགོངས་གཏེར་རྒྱུད་སྡེ་བཞི་འབྲེལ་སྒྲོལ་མའི་དོན་དབང་གཏེར་གཞུང་ལྡེབ།༢ དེའི་སྒྲུབ་ཐབས་དབང་བསྐུར་དང་བཅས་པ་འདོད་རྒུའི་དཔལ་སྦྱིན་མངྒ་ལའི་གསུང་ལྡེབ།༢༡ མི༽ པ་ལ། ཀུན་མཁྱེན་རྒྱལ་དབང་ལྔ་པའི་རྟ་མགྲིན་གཉེན་པོ་ལྷ་བཞིའི་སྒྲུབ་ཐབས་གཏེར་གཞུང་ལྡེབ།༤ དེའི་དབང་ཆོག་མཁྱེན་བརྩེའི་གསུང་ལྡེབ།༥ ཛི༽ པ་ལ། ཚེ་ལྷ་རྣམ་གསུམ་མཆོད་ཆོག་འཆི་མེད་གྲུབ་པའི་དགའ་སྟོན་ལྡེབ།༡༣ མཎྜལ་རྒྱས་པ་ལྡེབ།༡ ཚེ་ལྷའི་རྣལ་འབྱོར་འཆི་མེད་གྲུབ་པའི་གསེང་ལམ་ལྡེབ།༤ བཅས་མཁྱེན་བརྩེའི་གསུང༌། ཝི༽ པ་ལ། མཆོག་གླིང་བླ་མ་ནོར་ལྷའི་སྐོང་བ་མཁན་རཏྣའི་གསུང་ལྡེབ།༡ ཆོས་རྡོར་ཛམ་དཀར་ཟུར་རྒྱན་མཁའ་ཁྱབ་རྡོ་རྗེའི་གསུང་ལྡེབ།༡ མཁྱེན་བརྩེའི་གཏེར་བྱོན་རྩ་གསུམ་སྒྱུ་འཕྲུལ་དྲྭ་བའི་ནོར་རྒྱུན་མའི་གཏེར་གཞུང་ལྡེབ།༥ དེའི་རྒྱུན་ཁྱེར་མཁྱེན་བརྩེའི་གསུང་ལྡེབ།༢ ཕྲིན་དབང་གསལ་བྱེད་ཟུར་རྒྱན་མཁའ་ཁྱབ་རྡོ་རྗེའི་གསུང་ལྡེབ།༢༠ ཞི༽ པ་ལ། ཆར་འབེབས་མན་ངག་རྡོ་རྗེ་མཆོག་རབ་རྩལ་གྱི་གསུང༌། ཆར་བསང་འདོད་རྒུའི་ཆར་འབེབས་མི་ཕམ་གསུང་བཅས་ལྡེབ།༧ ཧཱུྃ༽ པ་ལ། གསར་བསྣན་སྐོར་དཀར་ཆག་ལྡེབ།༩ པར་བྱང་སྨོན་ཚིག་ལྡེབ།༧ བཅས་མངྒ་ལ་ཤྲཱི་བྷཱུ་ཏིའི་གསུང་ངོ༌། །གཞན་ཡང་འཇམ་མགོན་བླ་མ་རྣམ་གཉིས་ཀྱི་ཐུགས་སྲས་མཁས་ཤིང་དངོས་གྲུབ་བརྙེས་པ་ཁམས་རི་བོ་ཆེའི་རྗེ་དྲུང་ཕྲིན་ལས་བྱམས་པའི་འབྱུང་གནས་ཀྱི་ཟབ་གཏེར་པདྨ་གསང་ཐིག་སྐོར་འཇམ་མགོན་ཀོང་སྤྲུལ་རིན་པོ་ཆེའི་དགོངས་བཞེད་བཞིན་གཏེར་མཛོད་དུ་བཞུགས་དགོས་ཞེས་རྗེ་དེའི་བརྒྱུད་འཛིན་སྐྱབས་རྗེ་བདུད་འཇོམས་རིན་པོ་ཆེའི་བཀའ་བསྩལ་བ་བཅས་འདི་རྣམས་ཟབ་ཅིང་རྒྱ་ཆེའི་ཆོས་མཛོད་ཡེ་ཤེས་མཁའ་འགྲོའི་གཅེས་ནོར་གསང་སྔགས་ཀྱི་བསྐྱེད་རྫོགས་རྫོགས་ཆེན་གསུམ་གྱི་ལྟ་སྒོམ་སྤྱོད་པའི་ཟབ་གནད་ཀུན་འདུས་མཆོག་དང་ཐུན་མོང་གི་དངོས་གྲུབ་སྒྲུབ་པའི་གསེང་ལམ་རྨད་དུ་བྱུང་བ་འདི་ལྟ་བུ་ནི། བཀའ་ཡི་བསྡུ་བ་པོ་མདོ་རྒྱུད་གཉིས་ཀའི་ལུང་གིས་ཟིན་ཅིང་རྡོ་རྗེའི་སློབ་དཔོན་པདྨ་སམ་བྷ་ཝ་དང༌། གསང་བའི་གཉེར་འཛིན་རྣམས་ཀྱི་དགྱེས་བཞིན་བཀའ་ཡི་གནང་བ་ཐོབ་པ་ལས། ཡིག་སྣ་རྙེད་ཚད་བསྡུས་པའི་འབའ་སམ་ལྟ་བུ་མིན་ཚུལ་གཏེར་མཛོད་ཁ་པར་བརྒྱུད་ཡིག་གསང་བདག་བློ་གྲོས་མཐའ་ཡས་ཀྱི་གསུངས་ལས་གསལ་བ་ལྟར་ལགས་པས་ཁ་སྐོང་དཀར་ཆག་འདིའང་རྒྱུ་མཚན་གྱི་གནད་དགྲོལ་ཕྱིར་བྲིས་པ་ཡིན་པས་མཁྱེན་ལྡན་གཟུར་གནས་ཡོངས་ཀྱི་སྤྱན་ལྟོས་སུ་མཛད་པར་ཞུ། སྦྱངས་པའི་ཡོན་ཏན་བློ་མིག་ན་ཕྲ་ཡང༌། །རྒན་མོ་བསམ་དཀར་དཔེ་བཞིན་དད་གུས་བློས། །རིན་ཆེན་ཆོས་མཛོད་ཞབས་ཏོག་ཞུས་པའི་གཏམ། །དྲང་པོར་བརྗོད་པའི་རྣམ་དཀར་དཔྱིད་ཀྱི་སྤྲིན། །བསྟན་འགྲོའི་མཁའ་ལ་མཛེས་པར་དཀྲིགས་པ་ལས། །ཕན་བདེ་མི་ཟད་སྤྲིན་གྱི་མེ་ཏོག་གིས། །སྙིགས་དུས་བསྟན་འགྲོའི་དབྱར་སྐྱེས་བསྐྱེད་བསྲིངས་ཏེ། །དོན་གཉིས་གྲུབ་པའི་དགའ་སྟོན་རྒྱས་གྱུར་ཅིག །ཅེས་པའང་མཚན་གྱི་རྔ་སྒྲ་མཁྱེན་བརྩེའི་སྤྲུལ་སྐུ་ཞེས་བརྗིད་པར་གྲགས་ཀྱང་དམ་པའི་ཡོན་ཏན་ཤིན་ཏུ་ཕྲ་བའི་ན་ཚོད་རྒན་པོར་གྱུར་པ་བཀྲ་ཤིས་དཔལ་འབྱོར་དུ་འབོད་པས་སྨིན་གྲོལ་ངེས་དོན་དགའ་ཚལ་དུ་བྲིས་པ་སརྦ་སིདྡྷི་བྷ་ཝ་ཏུ། དགེའོ། །སརྦ་མངྒ་ལཾ།། །།

[edit]

@#/___/rin chen gter mdzod chen mo'i kha skong dkar chag rin chen phreng ba zhes bya ba bzhugs so/_/ @#/___/sangs rgyas ye shes rnam pa thams cad pa/_/smon lam mthu las yi ge'i gzugs shar bas/_/dge legs 'byung gnas phrin las rgyun mi 'chad/_/gsung gi rdo rje'i gsang bar gcig tu gus/_/ston dang bstan pa dbyer med pa'i/_/rin chen bye bas mi mtshon pa'i/_/ngang tshul shes pas dad pa'i blos/_/sri zhu spel ba'i tshul 'di spro/_/de'ang sangs rgyas rnams kyi thugs gnyis su med pa'i ye shes kyi gan mdzod ni rtogs pa chos kyi sku yid bzhin nor bu rin po ches phyur bur gtams pa ste/_de nyid rang byung kun khyab kyi thugs rje chen po'i gshis dang ro gcig pas ched du rtsol ba med par gdul bya mchog rnams la gsang ba zab mo'i rdo rje gsang ba'i tshig tu snang ba ni bstan dang ston pa gnyis char 'phel 'grib med pa rtag pa rgyun gyi 'khor lor 'char bas tshig dang yi ge'i spyod yul las 'das kyang gdul bya skal ldan blo chen rnams la gsung tshangs dbyangs yan lag drug cus 'doms pa bzhin longs su spyod pa dang*/_las dang skal ba ldan pa la nam mkha' dang*/_ljon shing chu klung sogs kyi sgra las kyang chos nyid kyi sgo rnyed pas mtshon byang chub sems dpa'i bzang po spyod pa rgya mtsho'i pha rol du son te zhi ba mchog gi sgo 'phar rgyun mi 'chad par 'byed cing*/_lhag par rgyud gzhan gyis bsdus pa'i nyi tshe'i blo gros can rnams la'ang dbang po'i bgo skal dang 'tsham pa'i chos kyi sgo bgrang las 'das pas phan bde mi zad pa'i ngal stegs la bkod par mdzad pas rgyal ba'i phrin las kyi gtso bo ni dam pa'i chos kho na ste rtogs pa'i chos de rjes su mtshon phyir lung gi chos sde snod rin po che rnam pa gsum ming tshig yi ge'i rnam par bstan nas/_nyan 'chad sgom gsum gyis chos sku dang dbyer med du da lta'ang ma nyams par bzhugs shing*/_de yi sgra cha shas tsam zhig rna ba la thos pa tsam yang de bzhin gshegs pas tshogs gnyis rdzogs smin sbyangs pa rgya mtsho'i smon lam sems can gyi don du bsngos pa dang*/_gdul byas rang gi rnam dkar bsags pa'i stobs nang 'dzoms pa las gzhan du nam yang thos par mi 'gyur la/_bdag cag gi ston pa rdzogs pa'i sangs rgyas kyis sngon slob pa lam gyi dus su sku lus la sha yi kong bu stong brus te mar me sbar ba dang mdag me'i dong du mchongs ba dang*/_lcags kyi gzer bu stong btab pa dang*/_dpyi la thug gi bar rkang pa zad par phyin pa sogs tshigs su bcad pa re re'i phyir du yang dka' ba brgya phrag du ma khyad du bsad nas chos tshol te bsags pa sangs rgyas gzhan gyis spangs ba'i gdul bya bdag cag rnams la thugs brtse ba chen pos rjes su gdams pa'i pha nor mchog tu gyur pa ste/_mdor na rtsod dus shin tu snyigs ma 'di lta bu'i skabs su yang rgyal bstan rin po che mdo sngags yongs su rdzogs pa ma nyams par bzhugs pa sangs rgyas dngos su bzhugs pa dang mi gnyis pa'i yid ches dang ngo mtshar bskyed par 'os te/_sngon gyi lo paN mkhas grub rnams kyi mdzad pa'i gtso bo dam pa'i chos kyi mdzod bsags dang*/_gtsug lag khang thams cad glegs bam gyi phreng bas gtams pa'i phyag rjes mchis la/_'di lta bu thos bsam sgom pa'i rten du med na rang re rnams mun nas mun pa'i mthar thug tu 'gro ba las 'os med pas ston mchog lha mi'i bla ma mchog gi zhal skyin nges shing*/_lhag par sangs rgyas 'byon pa las kyang dkon pa'i gsang sngags rdo rje theg pa'i rgyud sde rin po che rnams ni rtsa ba gsum gyi byin rlabs chags pa'i bla rdo/_glegs bam 'chang ba tsam gyis kyang dngos grub ster nus pa'i phan bde'i btsas chen po ste/_rgyu mtshan de lta bu mi shes pa rnams kyis gal chung chos la byed nas zab rgyas kyi tshig don 'dzin pa'i sde snod las kham re'i zas la 'doms pa'i byed las la dgongs nas/_rgyal kun mkhyen brtse'i nus gzugs 'bras bu'i sems dpa' rigs gsum mgon po mchog nyid 'dzam gling gi shing rta ru bsam bzhin byon pa'i thugs rje yas sprul 'jam mgon chos kyi rgyal po rnam pa gsum gyis bka' yi bsdu ba mdzad pa'i mdzod chen rnam pa lnga zhes gsar rnying ris su ma chad pa'i skyes chen rnams kyi bstan pa'i gces nor gyi mchod sdong chen por bzhugs bzhin pa las/_zab cing rgya che shos dang*/_kun la thugs mkho che ba ni rin chen gter gyi mdzod chen mo ste/_de nyid bod rang btsan gyi skabs su khams bod kyi ljongs su shing spar du bzhugs kyang*/_dus kyi 'gyur ba chen pos phyogs gang du'ang dpe rgyun dkon po gyur ba'i tshe/_sangs rgyas kyi phrin las dang*/_rig 'dzin grub pa'i thugs bskyed smon lam nam yang nyams pa med pa med cing bstan pa'i gnas tshad ma rdzogs pas bka' dang bstan bcos rin po che'i phreng ba dag 'phrul par du bskrun pa'i dge mtshan gyi skya rengs 'char zhing*/_bstan 'dzin gyi skyes chen rnams kyis kyang 'chad spel sgom sgrub kyi bstan pa nyin byed sgo du ma nas shar ba'i tshe/_kun gzigs 'jam pa'i rdo rje gu Na sa mu dras/_ston pa'i dam chos yid bzhin nor bu las/_/dkon zhing chos lhag su zhig thob pa 'tshengs/_/'di dang gtan du bde ba sbyin pa'i mthu/_/shes bya'i khongs su btsal yang gzhan la med/_/skal bzang rnams ni dam chos srog phyir yang*/_/mi btang ngal ba brgya yis 'tsho bar byed/_/blo gros skal pas dman rnams rnyed dang grags/_/tshol zhing chog shes chos la byed par mthong*/_/ston pa'i bstan pa lung dang rtogs pa gnyis/_/de 'dzin byed pa bshad dang sgrub pa byed/_/gnyis ka'i sgo ni thos pa yin pa'i phyir/_/mkhas pa rnams ni thos pa phyogs med btsal/_/sngon byon mkhas dang grub pa de dag gi_/'khrul med rgyal ba'i bstan par thag chod pa/_/thams cad rnam grol lam mchog kho na ste/_/ris su gcod pa blun po'i bya bar zad/_/ma thos pa la chos dkar gzhi med cing*/_/thos pa phyogs rer zhen pa'ang bdud kyi las/_/thos kyang snum dred khyer ba'i gang zag ni/_/thar pa don gnyer rnams kyis spang byar gsung*/_/blo nus pad+ma'i snal ma ltar phra yang*/_/dkar po rnam par 'phel ba'i sa bon dang*/_/rgyal ba'i bstan la dad cing don gnyer blos/_/bgrang bya thal yang dam chos tshol la zhugs/_/grags phyir ma yin rnyed pa'i phyir du min/_/gzhan phan nus pa'ang bdag la yod min yang*/_/lhag bsam 'bras bu bslu ba med pa'i mthus/_/yi ge 'di yang skal mnyam gsos gyur cig_/zhes gsungs pa bzhin/_chos srid gnyis ka'i bya bas btang ba'i 'khos chung srin bu lta bu bdag gis kyang*/_rje btsun bla ma dmigs pa med pa'i thugs rje dang ldan pa rnams kyi dgongs pa yongs su rdzogs shing bka' drin rjes su gsob ba dang*/_bstan pa 'dzin pa'i skyes chen dam pa rnams kyi zhabs brtan dang*/_bstan 'gro spyi yi legs tshogs 'phel zhing 'gal rkyen mi mthun pa'i phyogs mtha' dag zhi zhing*/_lus bskyed pha mas gtsos 'brel thogs dmigs can rnams byang grol la 'god pa dang*/_rang nyid kyang tshe rabs thams cad du dam pa'i chos kyi snang ba dang mi 'bral bas chos bzhin spyod pa'i skal pa bzang pos snang nas snang ba'i mthar thug tu 'gro ba'i dge rtsar dmigs nas rnam dkar gyi las 'di brtsams pa'i tshe kha skong che phra du ma zhig zhus pa'i skor 'di rnam 'dren bka' drin mtshungs pa med pa'i mkhas grub nyi zla zung gi phyag bzhes mthong rgyud du gyur pa'i skal pa mi dman pas smin grol gyi sgo 'phar 'byed pa la nye bar mkho ba'i dbang gi mtshams sbyor/_nyer mkho'i yig cha rgyas bsdus kyi rnam dbye/_tha na brgyud 'debs dang bskang bshags tshun chad nye bar mkho ba'i phyag tho dang*/_dgongs pa yod kyang dgos pa gzhan gyis ji bzhin gnang ma grub pa dag legs par kha bskangs shing*/_de dag kyang khungs dag brgyud pa sel med nges las gang byung des chog ma byas par brgyud 'dzin dag la thugs phan sos res zhal skong du zhus pa'i gtso bo/_mchog gling rdzogs chen sde gsum yongs rdzogs gter mdzod du bzhugs pa'i mtshan tho brgyud yig tu gsal yang*/_sde gsum smin grol yongs rdzogs 'jam mgon kong sprul rin po ches gsan ma grub pa dang*/_kun gzigs mkhyen brtse rin po che'i dgongs gter rtsa gsum 'od gsal snying thig chos skor las phag dkar ye shes gsal byed tsam las rin gter du ma bzhugs pa chos skor yongs rdzogs bzhugs su gsol zhing*/_gzhan yang kun mkhyen mdo sngags gling pa'i sa gter gtso bo thugs rje chen po sems nyid ngal gso'i skor sogs dang*/_bka' yi gsang mdzod bdag po 'jam mgon bstan gnyis gling pa'i zab gter skor gang bzhugs rin gter du 'jug pa dgos gnad che tshul thugs sras mkhas btsun grub pa'i khyu mchog_/mkhan chen shAn+ta rak+Shi ti'i rnam 'phrul du sprul pa'i gter chen mchog gyur gling pa'i rdo rje'i lung las gsal ba karma bkra shis 'od zer zhi ba'i snying po dang*/_yongs grags kyi mtshan nyag bla a stobs sam thub bstan rgyal mtshan dpal bzang du grags pa'i chos rje rnam pa gnyis kyis byams mgon si tu rin po che pad+ma dbang mchog rgyal por zhu bskul gnang ba sogs/_phal cher dpal spungs spar ma nang yod pa dang*/_gzhan dbang lung spel ba dang*/_bsnyen sgrub nyams len can la med du mi rung pa'i yig cha phran tshegs rnams kyi mtshan tho ni/_ka)_pa la/_rgyal bas lung bstan 'jam mgon rdo rje 'chang blo gros mtha' yas kyi gter byon gu ru'i rnam thar rdo rje'i rgyan phreng gter gzhung ldeb/_12_bai ro'i rnam thar pad+ma'i dga' tshal gter gzhung ldeb/36_mkhyen brtse'i rnam thar gsol 'debs gu Na'i gsung d+harma ma ti'i zhal skong can ldeb/4_kha)_pa la/_brgyud yig kha skong dil mkhyen rin po che mang+ga la shrI b+hU ti'i gsung ldeb/7_bcas bsham rnying pa'i kha skong ldeb/8_rin gter kha skong skor gyi bcas bsham ldeb/4_las 'phro gter brgyud kyi rnam bshad nyung gsal ngo mtshar rgya mtsho rdo grub gsum pa bstan pa'i nyi ma'i gsung ldeb/36_ga)_pa la/_lo chen zhi khro'i dbang chog rgyal tshab pad+ma rnam rgyal gsung ldeb/17_gnam chos spyi'i brgyud 'debs mang+ga la shrI b+hU ti'i gsung ldeb/1_grub thob thugs thig snying po skor lnga'i brgyud 'debs karma pa mkha' khyab rdo rje'i gsung ldeb/1_nga)_pa la/_rtsa gsum dril sgrub zil bris mi pham gsung ldeb/16_rtsa gsum gtor bsngo nyung bsdus phrin las nor bu'i rol mtsho mang+ga la'i gsung ldeb/10_ca)_pa la/_rtsa gsum zab mo kun 'dus brgyud 'debs ldeb/1_rtsa gsum spyi 'dus snying thig gi brgyud 'debs ldeb/1_bcas mang+ga la'i gsung*/_rtsa gsum bde 'dus brgyud 'debs ldeb/1_rtsa gsum bde 'dus las byang*/_skong bshags/_smon lam shis brjod/_bdag 'jug bcas ldeb/18_mkhyen brtse'i gsung*/_de'i dbang gi mtshams sbyor mang+ga la'i gsung ldeb/4_mchog gling thugs sgrub bar chad kun sel phyi sgrub bla ma mchod chog dbang gter sras tshe dbang grags pa'i gsung ldeb/22_ja)_pa la/_sangs gling bla ma dgongs 'dus las byang me phreng zur rgyan mkha' khyab rdo rje'i gsung ldeb/23_le'u bdun dmigs rim gu Na'i gsung ldeb/9_tha)_pa la/_snying thig rig 'dus bskang ba mkhyen brtse'i gsung ldeb/2_mchog gling bla ma dgongs 'dus snying po'i brgyud 'debs mang+ga la'i gsung ldeb/1_mkhyen brtse'i gter byon mtsho skyes snying thig dbang gi gter gzhung ldeb/2_'jam mgon gter byon rig 'dzin mchog sgrub gter gzhung ldeb/57_gsol 'debs rgyud bskul gter gzhung ldeb/7_dzapa bkol gter gzhung ldeb/17_rtsa gsum skong bsdus mkhyen brtse'i gsung ldeb/1_da)_pa la/_'jam mgon gter byon yum bka' mkha' 'gro'i gdams pa bde chen rgya mtsho gter gzhung ldeb/28_ma mo sngags srung ma'i las rim dbang bcas gter gzhung ldeb/_5_de'i dbang gi chog khrigs rdo rje'i phreng ba mang+ga la'i gsung ldeb/5_tshig bdun bla sgrub yab bka' yum bka' gnyis 'dus brgyud 'debs mkha' khyab rdo rje'i gsung ldeb/2_tshig bdun bla sgrub dbang gi chad 'dzud ldeb/1_gnam chos Dom+bi ba sogs bla sgrub lnga'i zur rgyan mkha' khyab rdo rje'i gsung ldeb/1_mkhyen brtse'i gter byon mchog gling bla sgrub pad+ma'i myu gu'i dbang gi gter gzhung ldeb/9_de'i dbang gi chog khrigs bklag chog tu bkod pa ngo mtshar mchog gi snang ba mang+ga la'i gsung ldeb/34_mkhyen brtse'i gter byon khri srong bla sgrub ye shes snang ba rgyas pa gter gzhung ldeb/6_dbang chog bdud rtsi'i sprin chen gter gzhung ldeb/3_de'i brgyud 'debs ldeb/1_dbang gi mtshams sbyor ldeb/9_bcas mang+ga la'i gsung*/_ba)_pa la/_bka' brgyad rnam bshad mi pham gsung ldeb/104_bsam gtan bde chen gling pa'i bka' brgyad yang gsang dregs 'dul dbang chog bde chen mchog ster mang+ga la shrI b+hU ti'i gsung ldeb/10_ma)_pa la/_gru thob thugs thig yi dam bde 'dus rgyun khyer ldeb/4_de'i lam rim smon lam ldeb/3_bcas mang+ga la'i gsung*/_tsa)_pa la/_smin gling dregs 'joms smin byed zur rgyan rgyal tshab pad+ma rnam rgyal gsung ldeb/3_snyan brgyud gshin rje'i sngon 'gro mkhyen brtse'i gsung*/_brgyud 'debs mchog gling gsung bcas ldeb/3_ra)_pa la/_mkhyen brtse'i gter byon sems nyid ngal gso thugs chen phrin las ril sgrub bcas gter gzhung ldeb/14_de'i rtsa dbang chog khrigs mang+ga la'i gsung ldeb/19_la)_pa la/_'jam mgon gter byon gsang thig tshe rta zung 'brel phrin las phyi nang gsang sgrub lus dkyil mngon rtogs tshe dbang bcas gter gzhung ldeb/16_de'i tshe dbang rin chen gter bum mkhan thub bstan rgyal mtshan 'od zer gsung ldeb/11_sha)_pa la/_mchog gling gsang thig skor gsum brgyud 'debs mkha' khyab rdo rje'i gsung ldeb/1_sa)_pa la/_'jam mgon gter byon dpal yang dag he ru ka'i gsang ba thugs kyi tan+t+ra gter gzhung ldeb/24_de'i dbang chog bde chen snying po mkhan thub bstan rgyal mtshan 'od zer gsung ldeb/10_ha)_pa la/_'phags ma'i snying thig bla sgrub brgyud 'debs ldeb/_1_ki)_pa la/_byang gter phur pa'i brgyud 'debs mang+ga la'i kha skong can ldeb/_3_bcas/_khi)_pa la/_snyan brgyud phur pa'i gnad tig sngon 'gro/_brgyud 'debs/_rgyun khyer bcas mkhyen brtse'i gsung ldeb/7_las byang phrin las rnam rol ldeb/9_de'i zur 'debs ldeb/6_stong ba ldeb/_3_bcas 'jam dbyangs blo gros rgya mtsho'i gsung*/_tshe sgrub gter gzhung ldeb/1_gtor zlog blo gros rgya mtsho'i gsung ldeb/16_las bzhi'i sbyin sreg mdor bsdus chos kyi blo gros dang mang+ga la zung gi gsung ldeb/8_mnan pa rdo rje'i ri rab chos kyi blo gros gsung ldeb/11_snyan brgyud srid pa ma mo'i gnad tig brgyud 'debs ldeb/1_ma mo'i bskang ba ldeb/3_bcas mang+ga la'i gsung*/_chi)_pa la/_mkhyen brtse'i dgongs gter 'phags ma snying thig rtsa dbang gter gzhung ldeb/_13_'phags snying tshe yi rjes gnang gter gzhung ldeb/_2_tshe yi byin rlabs gter gzhung ldeb/3_bcas gter gzhung*/_'phags snying bsnyen yig zin bris zla zer bdud rtsi'i thig le gu Na'i gsung ldeb/10_mkhyen brtse'i dgongs gter rgyud sde bzhi 'brel sgrol ma'i don dbang gter gzhung ldeb/2_de'i sgrub thabs dbang bskur dang bcas pa 'dod rgu'i dpal sbyin mang+ga la'i gsung ldeb/21_mi)_pa la/_kun mkhyen rgyal dbang lnga pa'i rta mgrin gnyen po lha bzhi'i sgrub thabs gter gzhung ldeb/4_de'i dbang chog mkhyen brtse'i gsung ldeb/5_dzi)_pa la/_tshe lha rnam gsum mchod chog 'chi med grub pa'i dga' ston ldeb/13_maN+Dal rgyas pa ldeb/1_tshe lha'i rnal 'byor 'chi med grub pa'i gseng lam ldeb/4_bcas mkhyen brtse'i gsung*/_wi)_pa la/_mchog gling bla ma nor lha'i skong ba mkhan rat+na'i gsung ldeb/1_chos rdor dzam dkar zur rgyan mkha' khyab rdo rje'i gsung ldeb/1_mkhyen brtse'i gter byon rtsa gsum sgyu 'phrul drwa ba'i nor rgyun ma'i gter gzhung ldeb/5_de'i rgyun khyer mkhyen brtse'i gsung ldeb/2_phrin dbang gsal byed zur rgyan mkha' khyab rdo rje'i gsung ldeb/20_zhi)_pa la/_char 'bebs man ngag rdo rje mchog rab rtsal gyi gsung*/_char bsang 'dod rgu'i char 'bebs mi pham gsung bcas ldeb/7_hU~M)_pa la/_gsar bsnan skor dkar chag ldeb/9_par byang smon tshig ldeb/7_bcas mang+ga la shrI b+hU ti'i gsung ngo*/_/gzhan yang 'jam mgon bla ma rnam gnyis kyi thugs sras mkhas shing dngos grub brnyes pa khams ri bo che'i rje drung phrin las byams pa'i 'byung gnas kyi zab gter pad+ma gsang thig skor 'jam mgon kong sprul rin po che'i dgongs bzhed bzhin gter mdzod du bzhugs dgos zhes rje de'i brgyud 'dzin skyabs rje bdud 'joms rin po che'i bka' bstsal ba bcas 'di rnams zab cing rgya che'i chos mdzod ye shes mkha' 'gro'i gces nor gsang sngags kyi bskyed rdzogs rdzogs chen gsum gyi lta sgom spyod pa'i zab gnad kun 'dus mchog dang thun mong gi dngos grub sgrub pa'i gseng lam rmad du byung ba 'di lta bu ni/_bka' yi bsdu ba po mdo rgyud gnyis ka'i lung gis zin cing rdo rje'i slob dpon pad+ma sam b+ha wa dang*/_gsang ba'i gnyer 'dzin rnams kyi dgyes bzhin bka' yi gnang ba thob pa las/_yig sna rnyed tshad bsdus pa'i 'ba' sam lta bu min tshul gter mdzod kha par brgyud yig gsang bdag blo gros mtha' yas kyi gsungs las gsal ba ltar lags pas kha skong dkar chag 'di'ang rgyu mtshan gyi gnad dgrol phyir bris pa yin pas mkhyen ldan gzur gnas yongs kyi spyan ltos su mdzad par zhu/_sbyangs pa'i yon tan blo mig na phra yang*/_/rgan mo bsam dkar dpe bzhin dad gus blos/_/rin chen chos mdzod zhabs tog zhus pa'i gtam/_/drang por brjod pa'i rnam dkar dpyid kyi sprin/_/bstan 'gro'i mkha' la mdzes par dkrigs pa las/_/phan bde mi zad sprin gyi me tog gis/_/snyigs dus bstan 'gro'i dbyar skyes bskyed bsrings te/_/don gnyis grub pa'i dga' ston rgyas gyur cig_/ces pa'ang mtshan gyi rnga sgra mkhyen brtse'i sprul sku zhes brjid par grags kyang dam pa'i yon tan shin tu phra ba'i na tshod rgan por gyur pa bkra shis dpal 'byor du 'bod pas smin grol nges don dga' tshal du bris pa sarba sid+d+hi b+ha wa tu/_dge'o/_/sarba mang+ga laM//___//