DKR-KABUM-09-TA-004

🚧 This website is under continued development. We appreciate your patience!

Previous Text Back to Volume PageNext Text

Wylie title	'jam dpal pha rol rgol 'joms kyi gtor zlog /'chi bslu/ mgo gsum bcas 'don zin rab gsal nor bu'i me long dang/ kun thub rgyal mo'i 'chams rtsa khro chen 'chol ba'i stangs stabs
Location	dil mgo mkhyen brtse bka' 'bum Volume 9, Text 4, Pages 29 (Folios 1a1 to 1b3)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	Khyentse, Dilgo. 'jam dpal pha rol rgol 'joms kyi gtor zlog 'chi bslu mgo gsum bcas 'don zin rab gsal nor bu'i me long dang kun thub rgyal mo'i 'chams rtsa khro chen 'chol ba'i stangs stabs. In Skyabs rje dil mgo mkhyen brtse rin po che'i bka' 'bum, Vol. 9: 29. Delhi: Shechen Publications, 1994.
Genre	Notes - zin bris
Colophon	།ཅེས་པའང་པདྨ་མངྒ་ལའི་ངོར་མངྒ་ལས་སོ།
	/ces pa'ang pad+ma mang+ga la'i ngor mang+ga las so/

Tibetan Text

Wylie

[edit]

འཇམ་དཔལ་ཕ་རོལ་རྒོལ་འཇོམས་ཀྱི་གཏོར་ཟློག །འཆི་བསླུ། མགོ་གསུམ་བཅས་འདོན་ཟིན་རབ་གསལ་ནོར་བུའི་མེ་ལོང་ཞེས་བྱ་བ་བཞུགས་སོ། །ན་མོ་གུ་རུ་ཡ་མཱནྟ་ཤྲཱི་ཧེ་རུ་ཀ་མཎྜ་ལ་བྷྱཿ། །ཡེ་ཤེས་རལ་གྲིས་སྲིད་ཞིའི་འཁྲུལ་རྟོག་བཅད། །ཁམས་གསུམ་ཟ་བྱེད་དུས་དགྲའི་རྔམ་ཟིལ་གྱིས། །ཚེ་འཆི་སྲོག་ལ་དབང་བསྒྱུར་འཇམ་པའི་དབྱངས། །ཕ་རོལ་ནག་ཕྱོགས་བདུད་དགྲ་འཇོམས་མཛད་རྒྱལ། །ལྷ་མཆོག་གང་གི་སྔགས་ཀྱི་སྒྱུ་འཕྲུལ་གྱིས། །འཆི་བདག་སྨྲ་ངན་རྒོལ་བ་ཚར་གཅོད་པའི། །ཕྲིན་ལས་རྨད་དུ་བྱུང་བའི་སྒོ་འབྱེད་པ། །རིག་འཛིན་གྲུབ་པའི་ཕྱག་བཞེས་འདིར་གསལ་བྱ། ༈ མི་སྲུན་བེ་ཅོན་གདེང་པས་ཚེ་སྲོག་དཔལ། །འཕྲོག་བྱེད་ཐབས་མཁས་འཆི་མེད་བདུད་རྩིས་སྐྱེས། །རྒྱུད་ལུང་མན་ངག་སྙིང་པོ་ནོར་བུའི་དབྱིག །རང་སྐལ་ཐོབ་པ་སྲི་ཞུ་ཅིས་མི་བརྩོན། །རབ་དགེ་དྲི་མེད་སྐབས་གསུམ་བཅུད་ལེན་གྱིས། །སྙིགས་མའི་བསྐལ་ངན་མིང་མེད་མཐར་བྱས་ཏེ། །ཚེ་དང་ཡེ་ཤེས་གྲུབ་པའི་དགའ་སྟོན་གྱིས། །འགྲོ་ཀུན་རབ་དགེའི་སྙེམས་པ་བསྒྱིངས་གྱུར་ཅིག །ཅེས་པའང་པདྨ་མངྒ་ལའི་ངོར་མངྒ་ལས་སོ། ༈ ཀུན་ཐུབ་རྒྱལ་མོའི་འཆམས་རྩ་ཁྲོ་ཆེན་འཆོལ་བའི་སྟངས་སྟབས་བཞུགས་སོ། །ན་མོ་གུ་རུ་པདྨཱ་ཀ་ར་ཡེ། མཆོག་ཐུན་དངོས་གྲུབ་གདེང་ཅན་དབྱིག་ལེན་ཚེ། །བར་གཅོད་ཆུ་སྲིན་མཆེ་བའི་གཡུལ་འཇོམས་ལ། །ཐོགས་མེད་རྡོ་རྗེའི་མཚོན་གདེང་ཀུན་ཐུབ་རྒྱལ། །འཆོལ་བའི་རྡོ་རྗེས་སྟངས་སྟབས་འདིར་གསལ་བྱ། ༈ །ཡེ་ཤེས་རྡོ་རྗེའི་གོ་ཆས་བདུད་སྡེའི་དཔུང༌། འཇོམས་ནས་དངོས་གྲུབ་ཉིན་བྱེད་གཟི་བྱིན་གྱིས། །མཆོག་བསྟན་པདྨའི་དགའ་ཚལ་འབྱེད་པ་ཡིས། །དགའ་སྟོན་ས་གསུམ་ཁྱོན་ན་མཛེས་གྱུར་ཅིག །ཅེས་པའང་པདྨ་མངྒ་ལའི་ངོར་མངྒ་ལས་སོ།

[edit]

'jam dpal pha rol rgol 'joms kyi gtor zlog_/'chi bslu/_mgo gsum bcas 'don zin rab gsal nor bu'i me long zhes bya ba bzhugs so/_/na mo gu ru ya mAn+ta shrI he ru ka maN+Da la b+h+yaH/_/ye shes ral gris srid zhi'i 'khrul rtog bcad/_/khams gsum za byed dus dgra'i rngam zil gyis/_/tshe 'chi srog la dbang bsgyur 'jam pa'i dbyangs/_/pha rol nag phyogs bdud dgra 'joms mdzad rgyal/_/lha mchog gang gi sngags kyi sgyu 'phrul gyis/_/'chi bdag smra ngan rgol ba tshar gcod pa'i/_/phrin las rmad du byung ba'i sgo 'byed pa/_/rig 'dzin grub pa'i phyag bzhes 'dir gsal bya/__!__mi srun be con gdeng pas tshe srog dpal/_/'phrog byed thabs mkhas 'chi med bdud rtsis skyes/_/rgyud lung man ngag snying po nor bu'i dbyig_/rang skal thob pa sri zhu cis mi brtson/_/rab dge dri med skabs gsum bcud len gyis/_/snyigs ma'i bskal ngan ming med mthar byas te/_/tshe dang ye shes grub pa'i dga' ston gyis/_/'gro kun rab dge'i snyems pa bsgyings gyur cig_/ces pa'ang pad+ma mang+ga la'i ngor mang+ga las so/__!__kun thub rgyal mo'i 'chams rtsa khro chen 'chol ba'i stangs stabs bzhugs so/_/na mo gu ru pad+mA ka ra ye/_mchog thun dngos grub gdeng can dbyig len tshe/_/bar gcod chu srin mche ba'i g.yul 'joms la/_/thogs med rdo rje'i mtshon gdeng kun thub rgyal/_/'chol ba'i rdo rjes stangs stabs 'dir gsal bya/__!__/ye shes rdo rje'i go chas bdud sde'i dpung*/_'joms nas dngos grub nyin byed gzi byin gyis/_/mchog bstan pad+ma'i dga' tshal 'byed pa yis/_/dga' ston sa gsum khyon na mdzes gyur cig_/ces pa'ang pad+ma mang+ga la'i ngor mang+ga las so/