JKW-KABUM-14-PHA-012-006

🚧 This website is under continued development. We appreciate your patience!

Previous Text Back to Volume PageNext Text

Wylie title	gshin rje yang zlog spu gri reg gcod kyi man ngag drag shul rdo rje'i go mtshon
Location	mkhyen brtse'i bka' 'bum Volume 14, sde tshan 12, Text 6, Pages 193-198 (Folios 13a5 to 15b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)
Associated People	འཇམ་དཔལ་བཤེས་གཉེན་ (Mañjuśrīmitra)
Citation	'jam dbyangs mkhyen brtse'i dbang po. gshin rje yang zlog spu gri reg gcod kyi man ngag drag shul rdo rje'i go mtshon. In 'jam dbyangs mkhyen brtse'i dbang po'i bka' 'bum, Vol. 14: 193-198. Khams sde dge rdzong sar dgon: Rdzong sar blo gros phun tshogs, 2020.
Genre	Daily Practice - rgyun khyer
Cycle	པདྨའི་ཞལ་གདམས་རྩ་གསུམ་མཐོང་བ་རང་གྲོལ་ (pad+ma'i zhal gdams rtsa gsum mthong ba rang grol)
Parent Cycle	གྲོལ་ཏིག་དགོངས་པ་རང་གྲོལ་གྱི་ཆོས་སྡེ་ (grol tig dgongs pa rang grol gyi chos sde)
Deity	'jam dpal gshin rje
Colophon	།།ཞེས་པའང་འཇམ་དཔལ་ཁྲག་འཐུང་གི་རིག་པ་འཛིན་པ་མཉྫུ་ཤྲཱི་མི་ཏྲའི་གདམས་པ་ཆེས་ཤིན་ཏུ་ཟབ་ཅིང་གཉན་པའི་སྙིང་པོ་ཆོས་ཀྱི་རྒྱལ་པོ་འགྲོ་འདུལ་པྲཛྙཱ་རསྨིའི་ཟབ་གཏེར་ལས་བྱུང་བ་ལྟར་མན་ངག་ཞལ་ཤེས་ཀྱིས་བརྒྱན་ཏེ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཤིན་ཏུ་གསལ་བར་བྲིས་པ་སརྦ་ཤ་ཏྲཱུ་བིགྷྣཱན་དྷརྨ་དྷཱ་ཏུཾ་མཱ་རཾ་ཀུ་རུ།།
	zhes pa'ang 'jam dpal khrag 'thung gi rig pa 'dzin pa many+dzu shrI mi tra'i gdams pa ches shin tu zab cing gnyan pa'i snying po chos kyi rgyal po 'gro 'dul pradz+nyA rasmi'i zab gter las byung ba ltar man ngag zhal shes kyis brgyan te mtsho skyes bla ma dgyes pa'i 'bangs mkhyen brtse'i dbang pos shin tu gsal bar bris pa sarba sha trU big+h+nAn d+harma d+hA tuM mA raM ku ru

1 Texts in this Section (sde tshan or chos tshan)

6 193-198	གཤིན་རྗེ་ཡང་ཟློག་སྤུ་གྲི་རེག་གཅོད་ཀྱི་མན་ངག་དྲག་ཤུལ་རྡོ་རྗེའི་གོ་མཚོན། gshin rje yang zlog spu gri reg gcod kyi man ngag drag shul rdo rje'i go mtshon Daily Practice - rgyun khyer	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །གཤིན་རྗེ་ཡང་ཟློག་སྤུ་གྲི་རེག་གཅོད་ཀྱི་མན་ངག་དྲག་ཤུལ་རྡོ་རྗེའི་གོ་མཚོན་ཞེས་བྱ་བ་བཞུགས་སོ། །ན་མོ་གུ་རུ་ཤྲཱི་ཡ་མཱནྟ་ཀཱ་ཡ། འདིར་ཡང་ཟློག་བྱེ་བ་ཕྲག་བརྒྱའི་སྙིང་པོ་སྤུ་གྲི་རེག་གཅོད་ཀྱི་མན་ངག་རྒྱུན་ཁྱེར་དུ་ཉམས་སུ་བླང་བ་ནི། རང་གི་ཁ་ལྷོའམ་ནུབ་ཏུ་ཕྱོགས་པས། ན་མོ། བླ་མ་མཆོག་གསུམ་འཇམ་དཔལ་ལྷར། །གུས་པས་སྐྱབས་མཆི་མཁའ་མཉམ་འགྲོ། །བླ་མེད་བྱང་ཆུབ་ལམ་འགོད་ཕྱིར། །འཇམ་དཔལ་ཁྲག་འཐུང་བསྒྲུབ་པར་བགྱི། །ཞེས་སྐྱབས་སེམས་སྔོན་དུ་འགྲོ་བས། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། འོད་གསལ་སྟོང་ཉིད་ངང་ལས་སྐད་ཅིག་གིས༔ རང་ཉིད་གནས་ཤིང་སྒྲུབ་པའི་ས་ཕྱོགས་དེ༔ གནམ་ལྕགས་ཨུར་མོ་གྲུ་གསུམ་གཅིག་ཏུ་གྱུར༔ དེ་ལས་མེ་ཡི་ཚྭ་ཚྭ་ཐོག་ལྟར་འཕྲོས༔ བྱད་མ་ལྷ་སྲུང་བཅས་པ་སྐད་ཅིག་བསྲེགས༔ དེ་ཡི་ཕྱི་རིམ་གནམ་ལྕགས་འཁོར་ལོ་ཡི༔ རྩིབས་སྟོང་ལྡན་པས་དགྲ་བགེགས་ཧྲུག་ཧྲུག་བཅད༔ གཤིན་རྗེ་མ་མོ་བདུད་སྲིན་སྤྲིན་བཞིན་འཁྲིགས༔ དེ་ཡི་ཕྱི་རིམ་རྡོ་རྗེའི་མཚོན་ཆ་དང་༔ འབྱུང་ལྔའི་སྲུང་འཁོར་སྤུ་གྲི་རེག་གཅོད་ལྟར༔ ཕྱི་རོལ་འཁོར་བས་དགྲ་བགེགས་ཐུལ་བར་གྱུར༔ ཨུར་མོའི་ནང་དུ་ཁྲོ་ཆུ་ཁོལ་མའི་དབུས༔ པདྨ་ཉི་མར་གཤིན་རྗེ་ཆུ་གླང་གདན༔ དེ་སྟེང་རང་ཉིད་གཤིན་རྗེའི་རྒྱལ་པོ་ནི༔ སྐུ་མདོག་མཐིང་ནག་རལ་གྲིའི་གཤོག་པ་ཅན༔ དུར་ཁྲོད་ཆས་བརྒྱན་ཕྱག་གཡས་རལ་གྲི་དང་༔ གཡོན་པས་སྡིགས་མཛུབ་ལྕགས་ཀྱུས་དགྲ་བགེགས་འགུགས༔ ཆེ་བཙུན་འགྲན་ཟླ་བྲལ་བའི་སྐུར་གྱུར་པའི༔ སྙིང་གའི་ཆ་སྨད་པདྨ་ཉི་མའི་སྟེང་༔ གནམ་ལྕགས་རལ་གྲི་བསྣོལ་མ་གཡོན་དུ་འཁོར༔ ལྕེ་ཉིད་གནམ་ལྕགས་རལ་གྲི་སོ་གཉིས་པ༔ རྡོ་རྗེ་སྔགས་ཀྱི་ནུས་མཐུ་རྫོགས་པར་གྱུར༔ ཅེས་གསལ་བཏབ་ལ། ཨེ་ཀ་དུ་ན་ཟློག༔ མ་ཧཱ་དུ་ན་ཟློག༔ ས་ག་དུ་ན་ཟློག༔ ར་ཙ་དུ་ན་ཟློག༔ སུ་ཏྲི་རཀྴ་དུ་ན་ཟློག༔ མ་ཧཱ་རཀྴ་དུ་ན་ཟློག༔ ཨོཾ་ཨ་ཀྲོ་ཏེ་ཀ་ཤྲཱི་མཉྫུ་ཡ་མ་ར་ཙ་ཟློག༔ ཨོཾ་ཏི་སྒྱུར་ཐི་ཁྲོམ་བྷ་ལ་ཡ་ཅི་ཟློག༔ ཨོཾ་བཛྲ་བྷ་ལིང་ཀ་ཟློག༔ དགྲ་བགེགས་བྱད་མ་ལྷ་སྲུང་དང་བཅས་པ་ལ་བྷྱོ༔ ཡ་མ་རུ་དྲ་ཙ་ཤ་ད་ར་ས༔ བྱད་མ་ལྷ་སྲུང་དང་བཅས་པའི་སྲོག་ལ་མཱ་ར་ཡ་རྦད་རྦད༔ རྩལ་རྒྱུགས་རྒྱུགས༔ སྙིང་ལ་མྱོགས་མྱོགས༔ མཱ་ར་ཡ་རྦད༔ ཅེས་ཅི་རིགས་པ་བཟླས་མཐར། རང་གི་ལག་མཐིལ་གཡོན་དུ་དཔའ་བོ་གཡུལ་དུ་བསད་པའི་གྲི་ཁྲག་གམ། མ་འབྱོར་ན་ཤ་དམར་པོ་གཙང་མ་དུམ་བུ་ཞིག་བཞག །སྤྲོ་ན་དགྲ་བགེགས་བྱད་མ་དངོས་སུ་གསལ་ཞིང་དགུག་གཞུག་དྲག་ཏུ་བྱ། གང་ལྟར་ཡང་། དམིགས་རྟེན་དགྲ་བགེགས་དངོས་སུ་གསལ་བ་གང་༔ བདག་ཉིད་དཔལ་ཆེན་ཞལ་དུ་མེད་པ་ཡིས། སྙིང་གའི་རལ་གྲིའི་འཁོར་ལོ་ཤུགས་དྲག་འཁོར༔ སྐད་ཅིག་ཤ་ཁྲག་དམར་ཐོར་སོང་བ་ཉིད༔ གསང་གནས་འཁོར་ལོར་གཤིན་རྗེ་མ་མོའི་ཚོགས༔ ཉི་ཟེར་རྡུལ་ལྟར་རབ་ཏུ་འཁྲིགས་པ་ཡིས༔ ཧབ་ཧབ་ཟོས་པས་ལྷག་པར་རྔམས་ཤིང་དུངས༔ ཁྲོས་ཤིང་འཁྲུགས་ཏེ་དགྲ་བགེགས་ཚར་བཅད་གྱུར༔ ཅེས་བརྗོད་ཅིང་མིད་ལ་སྔགས་དྲག་ཏུ་བཟླ། ཉམས་རྨིས་འཚུབས་པ་སོགས་གལ་ཆེ་བའི་དུས་སུ། དགོངས་མོའི་ཚེ་སྲུང་འཁོར་དང་ལྷའི་ང་རྒྱལ་ཤིན་ཏུ་བརྟན་པས། རི་རབ་རྩེ་རུ་བདག་ཉིད་བཞུགས་པ་ཡི༔ བང་རིམ་བཞི་པའི་སྟེང་ནས་གཟའ་བདུད་ནི༔ ཤིན་ཏུ་འཇིགས་ཤིང་མི་སྡུག་གཟུགས་ཀྱི་ཁ༔ གནམ་ས་ཙམ་གདངས་མཆེ་གཙིགས་མིག་སྟོང་འཁྱུགས༔ གནོད་བྱེད་འབྱུང་ལུས་རྦད་རྦད་འཕངས་པ་ལ༔ རྔམ་རྔམ་ཚུལ་གྱིས་འུབ་ཀྱིས་ཟོས་པར་གྱུར༔ ཅེས་གསལ་གདབ་ཅིང་། ཕྲེང་བ་ཕྱིར་བསྒྱུར་ལ་སྔགས་བགྲངས་པའི་མཐར། སླར་ཡང་ལག་གཡས་ནམ་མཁའ་དང་། །གཡོན་པ་ས་གཉིས་བརྡབས་པའི་བར། དགྲ་བོ་བྱད་མ་ལྷ་སྲུང་བཅས། །རྡུལ་ཕྲན་བཞིན་དུ་བརླག་པར་གྱུར། །ན་མོ། བླ་མའི་བཀའ་བདེན་པ་དང་༔ སངས་རྒྱས་ཀྱི་བཀའ་བདེན་པ་དང་༔ ཆོས་ཀྱི་བཀའ་བདེན་པ་དང་༔ དགེ་འདུན་གྱི་བཀའ་བདེན་པ་དང་༔ ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ མཁའ་འགྲོ་ཆོས་སྐྱོང་རྣམས་ཀྱི་བཀའ་བདེན་པ་དང་༔ འཇམ་དཔལ་ཡང་ཟློག་ནག་པོའི་བཀའ་བདེན་པ་དང་༔ སྔགས་འཆང་བདག་གི་ངག་བདེན་པའི་མཐུས༔ རྣལ་འབྱོར་པ་བདག་ཅག་འཁོར་དང་བཅས་པའི་ཆག་ཆེ་བ༔ ཉམ་ང་བ༔ རྨི་ལམ་ངན་པ༔ མཚན་མ་ངན་པ༔ ལྟས་ངན་པ༔ ཕ་རོལ་གྱི་དམག་ཚོགས༔ རྦད་འདྲེ༔ རྦོད་གཏོང་༔ བྱད་ཁ༔ ཟོར་ཁ༔ ཕུར་ཁ༔ གཏད་ཁ༔ ཁྱད་པར་དུ་ཟློག་པ་བྱེད་པའི་མཐུ་དང་ནུས་པ་ཐམས་ཅད་བྱད་མཁོ་རང་གི་གཤེད་དུ་ཕོབ་ཅིག༔ རང་གཤེད་རང་ལ་ཕོབ་ཅིག༔ རང་སྲོག་རང་གིས་ཆོད་ཅིག༔ རང་ཤ་རང་གིས་ཟོ་ཞིག༔ རང་ཁྲག་རང་གིས་འཐུངས་ཤིག༔ ཁོའི་ལྷ་སྲུང་ཐམས་ཅད་ཁོ་རང་གི་གཤེད་དུ་ཕོབ་ཅིག༔ བདག་གི་ཆོས་སྐྱོང་ཐམས་ཅད་ཁོའི་གཤེད་དུ་ཕོབ་ཅིག༔ མཱ་ར་ཡ་ཟློག་བྷྱོ་བྷྱོ༔ ཞེས་བརྗོད་ཅིང་ཐལ་མོ་བརྡབས་པས། གཟའ་བདུད་ཆེན་པོ་འཁོར་དང་བཅས་པ་ཁྲོས་ཤིང་འཁྲུགས་ཏེ་མེ་རླུང་དུད་སྤྲིན་ཐོག་སེར་དང་བཅས་དགྲ་བོའི་ཡུལ་དུ་ཆས་པས་དགྲ་བགེགས་བྱད་མ་ལྷ་སྲུང་དང་བཅས་པ་ཁ་ཕུང་རྗེས་མེད་དུ་བརླག་པར་གྱུར་པའི་མོས་པ་བྱ་བའམ། ཡང་ན་རྒྱ་མཚོའི་ཀློང་དུ་ཐིམ་པར་བསམས་ལ་འཛིན་མེད་ཀྱི་ལྟ་བས་རྒྱས་གདབ། ཁྱད་པར་གྱི་དམིགས་པ་འདི་མི་བྱེད་ནའང་ཐལ་རྡེབ་གོང་བཞིན་བྱ་བ་ལེགས། ཐུན་གྱི་མཐར། གཤིན་རྗེ་གཤེད་པོའི་ལྷ་ཚོགས་ཀྱིས། །གནོད་བྱེད་དགྲ་བགེགས་མ་ལུས་པ། །ལུས་ངག་ཐལ་བའི་རྡུལ་བཞིན་རློབ། །རྣམ་ཤེས་ཆོས་ཀྱི་དབྱིངས་སུ་སྤོར། །དགེ་བ་འདི་ཡིས་མྱུར་དུ་བདག །གཤིན་རྗེ་གཤེད་པོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་བསྔོ་སྨོན་བྱའོ། །ཡང་རྒྱལ་འགོང་ལྟ་བུའི་རྦད་འདྲེས་གནོད་པའི་རྟགས་བྱུང་ན་མལ་འོག་ཏུ་ཨར་གཏད་བྱ་བ་ནི། ཕུང་ཤུལ་གྱི་ས་དང་རོ་སོལ་ལས་བྱས་པའི་སཱཙྪ་ནག་པོ་རྟེན་འབྲེལ་སྙིང་པོ་མེད་པ་ཞིག་གི་ནང་གྲུ་གསུམ་དུ་བྲུ། དེའི་ནང་དུ་དུག་ཤོག་ལ་དུག་ཁྲག་གིས་གནོད་བྱེད་ཀྱི་ལིངྒ་རིད་ཅིང་སྐེམས་ལ་ཉམ་ཐག་པའི་རྣམ་པ་ཅན་རྐང་ལག་ལྕགས་སྒྲོག་གིས་བསྡམས་པའི་སྙིང་གར་གོང་གི་དྲག་སྔགས་གཡོན་སྐོར་དུ་བྲི། དུག་ཁྲག་གིས་བྱུག །བདག་བསྐྱེད་སྔོན་དུ་འགྲོ་བས་དགུག་གཞུག་དྲག་ཏུ་བྱ། ཕྱིན་ཀ་ལོག་ཏུ་དྲིལ་ལ་སྐུད་པ་སྔོ་དམར་གྱིས་དཀྲི། སཱཙྪའི་ནང་དུ་བཅུག་སྟེ་ཞབས་བསྡམས་པ་ལ་རྡོ་རྗེ་རྒྱ་གྲམ་བྲི། རང་གི་མལ་འོག་ཏུ་དོང་གྲུ་གསུམ་བྲུས་པའི་ནང་མགོ་གཞུག་ལྡོག་ཏེ་བཅུག །རོ་གཡམ་རྒྱ་གྲམ་བྲིས་པས་ཁ་བཅད་ལ་རྡོ་རྗེའི་རང་བཞིན་གྱི་རི་རབ་ཆེན་པོས་མནན་པར་བསམ། དེའི་སྟེང་དུ་རང་གི་མལ་བཅས་ལ་དཔལ་གཤིན་རྗེ་གཤེད་ཀྱི་ལྷ་སྐུའི་གསལ་སྣང་དང་། སྟོང་ཉིད་རྟོགས་པའི་ཏིང་ངེ་འཛིན་ཟུང་དུ་འབྲེལ་པའི་ང་རྒྱལ་བརྟན་པོས་དུས་རྟག་ཏུ་འཆོར་བ་མེད་པར་མནན་པར་བསམ་མོ།། །།ཞེས་པའང་འཇམ་དཔལ་ཁྲག་འཐུང་གི་རིག་པ་འཛིན་པ་མཉྫུ་ཤྲཱི་མི་ཏྲའི་གདམས་པ་ཆེས་ཤིན་ཏུ་ཟབ་ཅིང་གཉན་པའི་སྙིང་པོ་ཆོས་ཀྱི་རྒྱལ་པོ་འགྲོ་འདུལ་པྲཛྙཱ་རསྨིའི་ཟབ་གཏེར་ལས་བྱུང་བ་ལྟར་མན་ངག་ཞལ་ཤེས་ཀྱིས་བརྒྱན་ཏེ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཤིན་ཏུ་གསལ་བར་བྲིས་པ་སརྦ་ཤ་ཏྲཱུ་བིགྷྣཱན་དྷརྨ་དྷཱ་ཏུཾ་མཱ་རཾ་ཀུ་རུ།། །། ༈

[edit]

gshin rje yang zlog spu gri reg gcod kyi man ngag drag shul rdo rje'i go mtshon/ @#/_/gshin rje yang zlog spu gri reg gcod kyi man ngag drag shul rdo rje'i go mtshon zhes bya ba bzhugs so/__/na mo gu ru shrI ya mAn+ta kA ya/__'dir yang zlog bye ba phrag brgya'i snying po spu gri reg gcod kyi man ngag rgyun khyer du nyams su blang ba ni/__rang gi kha lho'am nub tu phyogs pas/__na mo/__bla ma mchog gsum 'jam dpal lhar/__/gus pas skyabs mchi mkha' mnyam 'gro/__/bla med byang chub lam 'god phyir/__/'jam dpal khrag 'thung bsgrub par bgyi/__/zhes skyabs sems sngon du 'gro bas/__oM ma hA shU n+ya tA dz+nyA na badz+ra swa b+hA wa At+ma ko\u0f85 haM/__'od gsal stong nyid ngang las skad cig gis:__rang nyid gnas shing sgrub pa'i sa phyogs de:__gnam lcags ur mo gru gsum gcig tu gyur:__de las me yi tshwa tshwa thog ltar 'phros:__byad ma lha srung bcas pa skad cig bsregs:__de yi phyi rim gnam lcags 'khor lo yi:__rtsibs stong ldan pas dgra bgegs hrug hrug bcad:__gshin rje ma mo bdud srin sprin bzhin 'khrigs:__de yi phyi rim rdo rje'i mtshon cha dang :__'byung lnga'i srung 'khor spu gri reg gcod ltar:__phyi rol 'khor bas dgra bgegs thul bar gyur:__ur mo'i nang du khro chu khol ma'i dbus:__pad+ma nyi mar gshin rje chu glang gdan:__de steng rang nyid gshin rje'i rgyal po ni:__sku mdog mthing nag ral gri'i gshog pa can:__dur khrod chas brgyan phyag g.yas ral gri dang :__g.yon pas sdigs mdzub lcags kyus dgra bgegs 'gugs:__che btsun 'gran zla bral ba'i skur gyur pa'i:__snying ga'i cha smad pad+ma nyi ma'i steng :__gnam lcags ral gri bsnol ma g.yon du 'khor:__lce nyid gnam lcags ral gri so gnyis pa:__rdo rje sngags kyi nus mthu rdzogs par gyur:__ces gsal btab la/__e ka du na zlog:__ma hA du na zlog:__sa ga du na zlog:__ra tsa du na zlog:__su tri rak+sha du na zlog:__ma hA rak+sha du na zlog:__oM a kro te ka shrI many+dzu ya ma ra tsa zlog:__oM ti sgyur thi khrom b+ha la ya ci zlog:__oM badz+ra b+ha ling ka zlog:__dgra bgegs byad ma lha srung dang bcas pa la b+h+yo:__ya ma ru dra tsa sha da ra sa:__byad ma lha srung dang bcas pa'i srog la mA ra ya rbad rbad:__rtsal rgyugs rgyugs:__snying la myogs myogs:__mA ra ya rbad:__ces ci rigs pa bzlas mthar/__rang gi lag mthil g.yon du dpa' bo g.yul du bsad pa'i gri khrag gam/__ma 'byor na sha dmar po gtsang ma dum bu zhig bzhag__/spro na dgra bgegs byad ma dngos su gsal zhing dgug gzhug drag tu bya/__gang ltar yang /__dmigs rten dgra bgegs dngos su gsal ba gang :__bdag nyid dpal chen zhal du med pa yis/__snying ga'i ral gri'i 'khor lo shugs drag 'khor:__skad cig sha khrag dmar thor song ba nyid:__gsang gnas 'khor lor gshin rje ma mo'i tshogs:__nyi zer rdul ltar rab tu 'khrigs pa yis:__hab hab zos pas lhag par rngams shing dungs:__khros shing 'khrugs te dgra bgegs tshar bcad gyur:__ces brjod cing mid la sngags drag tu bzla/__nyams rmis 'tshubs pa sogs gal che ba'i dus su/__dgongs mo'i tshe srung 'khor dang lha'i nga rgyal shin tu brtan pas/__ri rab rtse ru bdag nyid bzhugs pa yi:__bang rim bzhi pa'i steng nas gza' bdud ni:__shin tu 'jigs shing mi sdug gzugs kyi kha:__gnam sa tsam gdangs mche gtsigs mig stong 'khyugs:__gnod byed 'byung lus rbad rbad 'phangs pa la:__rngam rngam tshul gyis 'ub kyis zos par gyur:__ces gsal gdab cing /__phreng ba phyir bsgyur la sngags bgrangs pa'i mthar/__slar yang lag g.yas nam mkha' dang /__/g.yon pa sa gnyis brdabs pa'i bar/__dgra bo byad ma lha srung bcas/__/rdul phran bzhin du brlag par gyur/__/na mo/__bla ma'i bka' bden pa dang :__sangs rgyas kyi bka' bden pa dang :__chos kyi bka' bden pa dang :__dge 'dun gyi bka' bden pa dang :__yi dam lha tshogs rnams kyi bka' bden pa dang :__mkha' 'gro chos skyong rnams kyi bka' bden pa dang :__'jam dpal yang zlog nag po'i bka' bden pa dang :__sngags 'chang bdag gi ngag bden pa'i mthus:__rnal 'byor pa bdag cag 'khor dang bcas pa'i chag che ba:__nyam nga ba:__rmi lam ngan pa:__mtshan ma ngan pa:__ltas ngan pa:__pha rol gyi dmag tshogs:__rbad 'dre:__rbod gtong :__byad kha:__zor kha:__phur kha:__gtad kha:__khyad par du zlog pa byed pa'i mthu dang nus pa thams cad byad mkho rang gi gshed du phob cig:__rang gshed rang la phob cig:__rang srog rang gis chod cig:__rang sha rang gis zo zhig:__rang khrag rang gis 'thungs shig:__kho'i lha srung thams cad kho rang gi gshed du phob cig:__bdag gi chos skyong thams cad kho'i gshed du phob cig:__mA ra ya zlog b+h+yo b+h+yo:__zhes brjod cing thal mo brdabs pas/__gza' bdud chen po 'khor dang bcas pa khros shing 'khrugs te me rlung dud sprin thog ser dang bcas dgra bo'i yul du chas pas dgra bgegs byad ma lha srung dang bcas pa kha phung rjes med du brlag par gyur pa'i mos pa bya ba'am/__yang na rgya mtsho'i klong du thim par bsams la 'dzin med kyi lta bas rgyas gdab/__khyad par gyi dmigs pa 'di mi byed na'ang thal rdeb gong bzhin bya ba legs/__thun gyi mthar/__gshin rje gshed po'i lha tshogs kyis/__/gnod byed dgra bgegs ma lus pa/__/lus ngag thal ba'i rdul bzhin rlob/__/rnam shes chos kyi dbyings su spor/__/dge ba 'di yis myur du bdag__/gshin rje gshed po 'grub gyur nas/__/'gro ba gcig kyang ma lus pa/__/de yi sa la 'god par shog__/ces bsngo smon bya'o/__/yang rgyal 'gong lta bu'i rbad 'dres gnod pa'i rtags byung na mal 'og tu ar gtad bya ba ni/__phung shul gyi sa dang ro sol las byas pa'i sAts+tsha nag po rten 'brel snying po med pa zhig gi nang gru gsum du bru/__de'i nang du dug shog la dug khrag gis gnod byed kyi ling+ga rid cing skems la nyam thag pa'i rnam pa can rkang lag lcags sgrog gis bsdams pa'i snying gar gong gi drag sngags g.yon skor du bri/__dug khrag gis byug__/bdag bskyed sngon du 'gro bas dgug gzhug drag tu bya/__phyin ka log tu dril la skud pa sngo dmar gyis dkri/__sAts+tsha'i nang du bcug ste zhabs bsdams pa la rdo rje rgya gram bri/__rang gi mal 'og tu dong gru gsum brus pa'i nang mgo gzhug ldog te bcug__/ro g.yam rgya gram bris pas kha bcad la rdo rje'i rang bzhin gyi ri rab chen pos mnan par bsam/__de'i steng du rang gi mal bcas la dpal gshin rje gshed kyi lha sku'i gsal snang dang /__stong nyid rtogs pa'i ting nge 'dzin zung du 'brel pa'i nga rgyal brtan pos dus rtag tu 'chor ba med par mnan par bsam mo//___//zhes pa'ang 'jam dpal khrag 'thung gi rig pa 'dzin pa many+dzu shrI mi tra'i gdams pa ches shin tu zab cing gnyan pa'i snying po chos kyi rgyal po 'gro 'dul pradz+nyA rasmi'i zab gter las byung ba ltar man ngag zhal shes kyis brgyan te mtsho skyes bla ma dgyes pa'i 'bangs mkhyen brtse'i dbang pos shin tu gsal bar bris pa sarba sha trU big+h+nAn d+harma d+hA tuM mA raM ku ru//___//_!_