JKW-KABUM-12-NA-004

🚧 This website is under continued development. We appreciate your patience!

Previous Section Back to Volume PageNext Section

Wylie title	dam grib nyes pa kun sel gyi sgo nas bkru byabs srung gsum bya tshul mdor bsdus
Location	mkhyen brtse'i bka' 'bum Volume 12, sde tshan 4, Pages 363-370 (Folios 1a to 4b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dam grib nyes pa kun sel gyi sgo nas bkru byabs srung gsum bya tshul mdor bsdus. In 'jam dbyangs mkhyen brtse'i dbang po'i bka' 'bum, Vol. 12: 363-370. Khams sde dge rdzong sar dgon: Rdzong sar blo gros phun tshogs, 2020.
Genre	Spiritual Instructions - gdams ngag
Colophon	།ཞེས་པའང་ཉེར་མཁོའི་ཡན་ལག་ཏུ་ཤིན་ཏུ་བསྡུས་པའི་ཚུལ་གྱིས་འཇམ་དབྱངས་མཁྱེན་བརྩེའི་དབང་པོས་སྦྱར་བ་སརྦ་དཱ་མངྒ་ལཾ།།
	zhes pa'ang nyer mkho'i yan lag tu shin tu bsdus pa'i tshul gyis 'jam dbyangs mkhyen brtse'i dbang pos sbyar ba sarba dA mang+ga laM

1 Texts in this Section (sde tshan or chos tshan)

363-370	དམ་གྲིབ་ཉེས་པ་ཀུན་སེལ་གྱི་སྒོ་ནས་བཀྲུ་བྱབས་སྲུང་གསུམ་བྱ་ཚུལ་མདོར་བསྡུས། dam grib nyes pa kun sel gyi sgo nas bkru byabs srung gsum bya tshul mdor bsdus Spiritual Instructions - gdams ngag	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །དམ་གྲིབ་ཉེས་པ་ཀུན་སེལ་གྱི་སྒོ་ནས་བཀྲུ་བྱབས་སྲུང་གསུམ་བྱ་ཚུལ་མདོར་བསྡུས་བཞུགས་སོ། །

ན་མོ་གུ་རུ་བྷྱཿ འདིར་དམ་གྲིབ་ཉེས་པ་ཀུན་སེལ་གྱི་སྒོ་ནས་བཀྲུ་བྱབས་སྲུང་གསུམ་བྱ་ཚུལ་མདོར་བསྡུས་པ་ནི། གནས་དབེན་པར་སྟེགས་ཀྱི་ཁར་བུམ་པ་བཅུད་ལྡན་དང་། ཁ་རྒྱན་མགུལ་ཆིངས་དུང་ཆོས་གཟུངས་རྡོར་བཅས་པ། ཆུ་གཉིས་སྔོན་འགྲོའི་ཉེར་སྤྱོད། ཉེ་ལོགས་ཅི་བདེ་བར་རྡོར་དྲིལ། གུ་གུལ། ཡུངས་ཀར། མེ་ཏོག་གི་སྣོད་སོགས་ཉེར་མཁོའི་བྱེ་བྲག་རྣམས་ཚང་བར་བྱས་ནས་ཐོག་མར་བདག་གི་རྣལ་འབྱོར་ནི། ན་མོཿ བླ་མ་མཆོག་གསུམ་ཡི་དམ་ལྷར། །གུས་པས་སྐྱབས་མཆི་མཁའ་མཉམ་འགྲོ། །བླ་མེད་བྱང་ཆུབ་མཆོག་ཐོབ་ཕྱིར། །སྨེ་བ་བརྩེགས་པ་བསྒོམ་པར་བགྱི། །ལན་གསུམ་གྱིས་སྐྱབས་སེམས་དང་། སེམས་ཅན་བདེ་དང་ལྡན་གྱུར་ཅིག །སོགས་ཀྱིས་ཚད་མེད་བཞི་བསྒོམ། སྟོང་པའི་ངང་ལས་སྐད་ཅིག་གིས༔ རང་ཉིད་ཁྲོ་ཆེན་སྨེ་བརྩེགས་ནི༔ མཐིང་ནག་འོད་ཟེར་ཀུན་འཕྲོ་བ༔ ཕྱག་གཉིས་ཐུགས་ཀར་སྡིགས་མཛུབ་མཛདཿ ཁྲོ་བོའི་ཆ་ལུགས་རྫོགས་པར་བསྒོམ༔ གནས་གསུམ་ཡི་གེའི་འཕྲོ་འདུ་ལས༔ ཞི་ཁྲོའི་ཚོགས་ཀུན་སྤྱན་དྲངས་བསྟིམ༔ ཐུགས་ཀར་པད་ཉིར་ས་བོན་མཐར༔ བཟླས་སྔགས་འགལ་མེའི་འཁོར་ལོ་བཞིན༔ མེ་ཡི་ཚ་ཚྭ་འཁྲུགས་ཤིང་འཕྲོ༔ གནོད་བྱེད་ཉམས་ཆགས་ཀུན་བསྲེགས་བསམ༔ ཨོཾ་ཨི་ས་ཙ་ཊ་ཡ་ཏོར་ཡ་ཏོར་ཡ་སྭཱ་ཧཱཿ ཨུ་ཊ་མི་ཊ་ཡ་ཏོར་ཡ་ཏོར་ཡ་སྭཱ་ཧཱ༔ མོན་ཊ་ཀྲོ་ཏ་ཡ་ཏོར༴ ཨ་ཀྲ་ཀྲོ་ཏ་ཡ༴ ཨ་བྷུ་ཀྲོ་ཏ་ཡ༴ ཨུ་ཊ་ཤ་ཏ་ཡ༴ ཨེ་ལིང་ཨེ་ཊ་ཡ༴ ལ་མོན་ཊ་ཡ༴ ཨས་ནི་པིས་ནི་ཊ་ཡ༴ ཨོཾ་བྷུར་ཀུར་མ་ཧཱ་པྲ་ན་ཡེ་བྷུར་ཙི་བྷུརྐི་བི་མ་ལེ་ཨུ་ཙུཥྨ་ཀྲོ་དྷ་ཧཱུྃ་ཕཊཿ ཏོར་ཡ་ཏོར་ཡ་སྭཱ་ཧཱ༔ ཞེས་བཟླས་པ་ཅི་ནུས་བྱ། དེ་ནས་བུམ་པ་ལ་དམིགས་ཏེ། ཨ་མྲྀ་ཏས་བསང་། སྭཱ་བྷཱ་ཝས་སྦྱང་། སྟོང་པའི་ངང་ལས་བྷྲཱུྃཿཡིག་ནི། །ཡོངས་གྱུར་རིན་ཆེན་བུམ་པ་ཆེ། །ཚད་དང་མཚན་ཉིད་རྫོགས་པའི་ནང་། །སྣ་ཚོགས་པད་ཉིའི་གདན་སྟེང་དུ༔ ཁྲོ་བོ་ཆེན་པོ་སྨེ་བརྩེགས་ནི༔ མཐིང་ནག་འོད་ཟེར་ཀུན་འཕྲོ་བ༔ ཕྱག་གཉིས་ཐུགས་ཀར་སྡིགས་མཛུབ་མཛད༔ ཁྲོ་བོའི་ཆ་ལུགས་རྫོགས་པར་བསྒོམ༔ གནས་གསུམ་ཡི་གེའི་འཕྲོ་འདུ་ལས༔ ཞི་ཁྲོའི་ཚོགས་ཀུན་སྤྱན་དྲངས་བསྟིམ༔ ཨོཾ་ཨུ་ཙུཥྨ་བཛྲ་ཀྲོ་དྷཱ་རཱ་ཛ་ས་པ་རི་ཝཱ་ར་བཛྲ་ས་མ་ཛཿ ཛཿཧཱུྃ་བྃ་ཧོཿས་གཉིས་སུ་མེད་པར་བསམ། མཆོད་རྫས་རྣམས། ཨོཾ་ཨཱཿཧཱུྃ་གིས་བརླབ། ཨོཾ་ཨུ་ཙུཥྨ་ཀྲོ་དྷཱ་རཱ་ཛ་ས་པ་རི་ཝཱ་ར་ཨུརྒྷཾ་ནས། ཤཔྡ་པྲ་ཏཱིཙྪ་སྭཱ་ཧཱའི་བར་གྱིས་མཆོད། བདག་མེད་ལྟ་བའི་ཧེ་རུ་ཀས། །བདག་ལྟའི་འབྱུང་པོ་བསྒྲལ་བའི་ཚེ། །བསྣམས་ནས་ཁྲོ་བོའི་རྒྱལ་པོ་ཕྱུང་། །གདུལ་དཀའ་འདུལ་མཛད་ཉིད་ལ་བསྟོད། །ཅེས་པས་བསྟོད། འོད་ཟེར་ཕྱོགས་བཅུར་འཕྲོས་པ་ཡིས༔ སངས་རྒྱས་བྱང་སེམས་བླ་མ་དང་༔ ཡི་དམ་ཌཱཀྐི་ཆོས་སྐྱོང་གི༔ ཐུགས་རྗེ་ནུས་མཐུ་ཐམས་ཅད་བསྡུས༔ གཟུངས་ཐག་ལ་འཁྲིལ་བུམ་ནང་སོང་། བདུད་རྩིས་མེར་གྱིས་ཁེངས་པར་གྱུརཿ ཅེས་གསལ་བཏབ་ལ། བཟླས་པ་ཅི་ནུས་མཐར་མཆོད་ཅིང་བསྟོད། ཡི་གེ་བརྒྱ་པས་ནོངས་པ་བཤགས། ཨོཾ་ཨཱཿཧཱུྃ། ཞེས་དུང་ཆོས་ཀྱི་ཆུ་མཆོད་ཡོན་དུ་ཕུལ་བས་བུམ་ལྷ་འོད་དུ་ཞུ་ནས་བུམ་ཆུ་དང་རོ་གཅིག་ཏུ་འདྲེས་པར་བསམ། དེ་ནས་བསྒྲུབ་བྱ་མདུན་དུ་འཁོད་པར། བུམ་པ་ཐོགས་ཏེ། ཐོག་མར་བཀྲུ་བའི་སླད་དུ་སློབ་དཔོན་ཁྲོ་བོའི་རྒྱལ་པོ་སྨེ་བ་བརྩེགས་པར་གསལ་བའི་ཕྱག་ན་བུམ་པ་ཡེ་ཤེས་ཀྱི་བདུད་རྩིས་གང་བ་ཐོགས་ཏེ་ཁྲུས་བྱས་པ་ལ་བརྟེན་ནས། ཁྱེད་རང་རྣམས་ཀྱི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ནད་གདོན་བར་ཆད་གྲིབ་དང་མི་གཙང་བའི་ཚོགས་ཐམས་ཅད་བྱང་ཞིང་དག་པར་གྱུར་པའི་མོས་པ་མཛོད། ཇི་ལྟར་བལྟམས་པ་སོགས་ཀྱི་མཐར། བསྙེན་སྔགས་དང་། རྡོ་རྗེ་སློབ་མའམ་སྦྱིན་པའི་བདག་པོའི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ནད་ཐམས་ཅད་ཤཱནྟིཾ༴ གདོན་ཐམས་ཅད༴ རིམས་ཐམས་ཅད༴ གྲིབ་ཐམས་ཅད༴ མི་གཙང་བ་ཐམས་ཅད༴ བར་དུ་གཅོད་པ་དང་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་དང་། སྤྲོ་ན། འདི་ནི་སྦྱིན་པའི་རང་བཞིན་ཆུ། ཞེས་སོགས་ཕར་ཕྱིན་དྲུག་གི་ཚིགས་བཅད་སྔགས་དང་བཅས་པས་བཀྲུ། གོང་ལྟར་ཡང་མཐར། བཞི་བརྒྱ་རྩ་བཞིའི་ནད་རྣམས་དང་༔ འགལ་རྐྱེན་ཉི་ཁྲི་ཆིག་སྟོང་དང་༔ ཡེ་འགྲོགས་སུ་བརྒྱ་དྲུག་ཅུ་དང་༔ བགེགས་རིགས་སྟོང་ཕྲག་བརྒྱད་ཅུ་སོགས༔ མི་མཐུན་བྱང་ཞིང་དག་གྱུར་ཅིག༔ ཅེས་ལན་བདུན་གྱི་མཚམས་རྣམས་སུ་སྔགས་སྤེལ་ཚིག་དང་བཅས་པ་བྱ། དེ་ནས་བྱབས་པའི་སླད་དུ་རྨ་བྱའི་མདོངས་ཀྱི་ཐིག་ལེའི་དབུས་སུ་ཟླ་བའི་གདན་ལ་ཧཱུྃཿཡིག་མཐིང་ནག་གི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས་པས་ཁྱེད་རང་རྣམས་ཀྱིས་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ནད་གདོན་བར་ཆད་གྲིབ་དང་མི་གཙང་བའི་ཚོགས་ཐམས་ཅད་ཕྱག་དར་མཁས་པའི་བྱེད་ལས་བཞིན་དུ་བྱབས་ཏེ་མདུན་གྱི་ཁྲུས་བུམ་ལ་ཐིམ་པའི་མོས་པ་མཛོད། བཞི་བརྒྱ་རྩ་བཞིའི་ནད་རྣམས་དང་༔ སོགས་སྔགས་དང་བཅས་པའི་མཐར། རྡོ་རྗེ་སློབ་མའམ་སྦྱིན་པའི་བདག་པོའི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་ཨ་པ་ན་ཡེ་སྭཱ་ཧཱ། སོགས་སྤེལ་བ་བདུན་ནམ་གསུམ་གྱིས་བྱབས་སྐབས་འདིར་གཏོར་གླུད་བཏང་བར་མོས་ན། ཆང་བུ་དང་། རིལ་བུ་རེ་རེ་བཞིན་སྣོད་དུ་བླུགས། ཨོཾ་ཨཱཿཧཱུྃ། ལན་གསུམ་གྱིས་བརླབས། སཾ་བྷཱ་ར་དང་། དེ་བཞིན་གཤེགས་པར་བཞིའི་མཚན་བརྗོད་པས་བསྔོས། ཁྱེར་ཅིག་ཁྱེར་ཅིག་སྟོབས་ལྡན་རྣམས༔ སྲེད་དང་ཆགས་དང་ཞེན་པ་དང་༔ དྲན་དང་བཟུང་དང་བསམ་དང་རེག༔ ཀློད་དང་གྲོལ་དང་ཞི་བར་མཛོད༔ ཅེས་བརྗོད་བཞིན་དུ་བསྒྲུབ་བྱ་ལ་བསྐོར་ནས་གླུད་ནང་དུ་དོར། གྲངས་རྫོགས་པ་དང་། བདེན་སྟོབས་དང་དྲག་སྔགས་ཀྱིས་བསྐྲད་ལ། གཏོར་གླུད་ཕྱི་རོལ་དུ་དོར། དེ་ནས་བསྲུང་བ་བྱ་བའི་སླད་དུ་སློབ་དཔོན་གྱི་ཕྱག་ན་ལས་ཀྱི་རྡོ་རྗེ་རྒྱ་གྲམ་བསྣམས་པ་དེ་ཉིད་ཁྱེད་རང་རྣམས་ཀྱི་སྤྱི་བོར་བཞག་ཅིང་བྱིན་གྱིས་བརླབས་པ་ལ་བརྟེན་ནས། རྡོ་རྗེ་དེ་ལས་དེ་འདྲ་བ་དཔག་ཏུ་མེད་པ་བྱུང་སྟེ་ལུས་ལ་རྡོ་རྗེའི་གོ་ཁྲབ་ཁུ་ལུགས་སུ་གྱུར་ཏེ་ཕྱིན་ཆད་ནད་གདོན་ཉེར་འཚེ་གང་གིས་ཀྱང་གླགས་མི་རྙེད་པར་བསྲུང་བར་བྱས་པའི་མོས་པ་མཛོད། སྔགས་སྤེལ་ཚིག་དང་བཅས་པའི་མཐར། རཀྵ་རཀྵ་བཏགས་པ་དང་། རྒྱལ་བ་སྲས་བཅས་བདེན་པའི་བྱིན་རླབས་དང་། །ཁྲོ་རྒྱལ་སྨེ་བ་བརྩེགས་པའི་ནུས་མཐུ་ཡིས། །འགྲོ་བ་འདི་དག་བདག་གིས་སྲུང་ཟིན་གྱིས། །འདི་ལ་སུས་ཀྱང་གནོད་པ་མ་བྱེད་ཅིག །ཅེས་པས་བསྲུང་བར་བྱའོ། །སླར་ཡང་ཤིས་པར་བྱ་བའི་སླད་དུ། མདུན་གྱི་ནམ་མཁར་བླ་མ་དང་གཉིས་སུ་མེད་པའི་ཁྲོ་རྒྱལ་སྨེ་བ་བརྩེགས་པ་ལ། གཞན་ཡང་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ལྷ་དང་དྲང་སྲོང་བདེན་ཚིག་གྲུབ་པའི་ཚོགས་ཀྱིས་བསྐོར་ཏེ་ཤིས་པ་བརྗོད་པའི་གླུ་དབྱངས་དི་རི་རི་སྒྲོག་ཅིང་མེ་ཏོག་མནྡཱ་རའི་ཆར་ཆེན་པོ་ཕབ་པས་དགེ་ལེགས་ཀྱི་སྣང་བས་ས་གསུམ་ཀུན་ཏུ་ཁྱབ་པར་བྱས་པའི་མོས་པ་མཛོད། ཅེས་མཚམས་སྦྱར་ལ་ཤིས་བརྗོད་ཇི་ལྟར་རིགས་པ་བྱས་ནས་བསྒྲུབ་བྱ་རྣམས་རང་གནས་སུ་བཏང་། གལ་ཏེ་གློ་བུར་དུ་བྱ་བའི་ཚེ་བདག་མདུན་སོགས་བསྒྲུབ་པའི་ལོང་སྐབས་མ་བྱུང་ན། བསྙེན་སྔགས་ཚར་གཅིག་བརྗོད་པས། སློབ་དཔོན་སྐད་ཅིག་གིས་ཁྲོ་བོའི་རྒྱལ་པོ་སྨེ་བ་བརྩེགས་པ་གསལ་བའི་སོགས་མཚམས་སྦྱར་བཀྲུ་བྱབས་སྲུང་གསུམ་ཤིས་བརྗོད་དང་བཅས་པ་སྔ་མ་ལྟར་བྱའོ། །ཞེས་པའང་ཉེར་མཁོའི་ཡན་ལག་ཏུ་ཤིན་ཏུ་བསྡུས་པའི་ཚུལ་གྱིས་འཇམ་དབྱངས་མཁྱེན་བརྩེའི་དབང་པོས་སྦྱར་བ་སརྦ་དཱ་མངྒ་ལཾ།། །།

[edit]

dam grib nyes pa kun sel gyi sgo nas bkru byabs srung gsum bya tshul mdor bsdus/ @#/__/dam grib nyes pa kun sel gyi sgo nas bkru byabs srung gsum bya tshul mdor bsdus bzhugs so/__/ na mo gu ru b+h+yaH__'dir dam grib nyes pa kun sel gyi sgo nas bkru byabs srung gsum bya tshul mdor bsdus pa ni/__gnas dben par stegs kyi khar bum pa bcud ldan dang /__kha rgyan mgul chings dung chos gzungs rdor bcas pa/__chu gnyis sngon 'gro'i nyer spyod/__nye logs ci bde bar rdor dril/__gu gul/__yungs kar/__me tog gi snod sogs nyer mkho'i bye brag rnams tshang bar byas nas thog mar bdag gi rnal 'byor ni/__na moH__bla ma mchog gsum yi dam lhar/__/gus pas skyabs mchi mkha' mnyam 'gro/__/bla med byang chub mchog thob phyir/__/sme ba brtsegs pa bsgom par bgyi/__/lan gsum gyis skyabs sems dang /__sems can bde dang ldan gyur cig__/sogs kyis tshad med bzhi bsgom/__stong pa'i ngang las skad cig gis:__rang nyid khro chen sme brtsegs ni:__mthing nag 'od zer kun 'phro ba:__phyag gnyis thugs kar sdigs mdzub mdzadaH__khro bo'i cha lugs rdzogs par bsgom:__gnas gsum yi ge'i 'phro 'du las:__zhi khro'i tshogs kun spyan drangs bstim:__thugs kar pad nyir sa bon mthar:__bzlas sngags 'gal me'i 'khor lo bzhin:__me yi tsha tshwa 'khrugs shing 'phro:__gnod byed nyams chags kun bsregs bsam:__oM i sa tsa Ta ya tor ya tor ya swA hAH__u Ta mi Ta ya tor ya tor ya swA hA:__mon Ta kro ta ya tor=__a kra kro ta ya=__a b+hu kro ta ya=__u Ta sha ta ya=__e ling e Ta ya=__la mon Ta ya=__as ni pis ni Ta ya=__oM b+hur kur ma hA pra na ye b+hur tsi b+hurki bi ma le u tsuSh+ma kro d+ha hU~M phaTaH__tor ya tor ya swA hA:__zhes bzlas pa ci nus bya/__de nas bum pa la dmigs te/__a mr-i tas bsang /__swA b+hA was sbyang /__stong pa'i ngang las b+h+rU~MHyig ni/__/yongs gyur rin chen bum pa che/__/tshad dang mtshan nyid rdzogs pa'i nang /__/sna tshogs pad nyi'i gdan steng du:__khro bo chen po sme brtsegs ni:__mthing nag 'od zer kun 'phro ba:__phyag gnyis thugs kar sdigs mdzub mdzad:__khro bo'i cha lugs rdzogs par bsgom:__gnas gsum yi ge'i 'phro 'du las:__zhi khro'i tshogs kun spyan drangs bstim:__oM u tsuSh+ma badz+ra kro d+hA rA dza sa pa ri wA ra badz+ra sa ma dzaH__dzaHhU~M ba~M hoHsa gnyis su med par bsam/__mchod rdzas rnams/__oM AHhU~M gis brlab/__oM u tsuSh+ma kro d+hA rA dza sa pa ri wA ra ur+g+haM nas/__shap+da pra tIts+tsha swA hA'i bar gyis mchod/__bdag med lta ba'i he ru kas/__/bdag lta'i 'byung po bsgral ba'i tshe/__/bsnams nas khro bo'i rgyal po phyung /__/gdul dka' 'dul mdzad nyid la bstod/__/ces pas bstod/__'od zer phyogs bcur 'phros pa yis:__sangs rgyas byang sems bla ma dang :__yi dam DAk+ki chos skyong gi:__thugs rje nus mthu thams cad bsdus:__gzungs thag la 'khril bum nang song /__bdud rtsis mer gyis khengs par gyuraH__ces gsal btab la/__bzlas pa ci nus mthar mchod cing bstod/__yi ge brgya pas nongs pa bshags/__oM AHhU~M/__zhes dung chos kyi chu mchod yon du phul bas bum lha 'od du zhu nas bum chu dang ro gcig tu 'dres par bsam/__de nas bsgrub bya mdun du 'khod par/__bum pa thogs te/__thog mar bkru ba'i slad du slob dpon khro bo'i rgyal po sme ba brtsegs par gsal ba'i phyag na bum pa ye shes kyi bdud rtsis gang ba thogs te khrus byas pa la brten nas/__khyed rang rnams kyi tshe 'khor ba thog ma med pa nas bsags pa'i sdig pa dang sgrib pa nad gdon bar chad grib dang mi gtsang ba'i tshogs thams cad byang zhing dag par gyur pa'i mos pa mdzod/__ji ltar bltams pa sogs kyi mthar/__bsnyen sngags dang /__rdo rje slob ma'am sbyin pa'i bdag po'i tshe 'khor ba thog ma med pa nas bsags pa'i sdig pa dang sgrib pa thams cad shIn+taM ku ru ye swA hA/__nad thams cad shAn+tiM=__gdon thams cad=__rims thams cad=__grib thams cad=__mi gtsang ba thams cad=__bar du gcod pa dang mi mthun pa'i phyogs thams cad shAn+tiM ku ru ye swA hA/__zhes dang /__spro na/__'di ni sbyin pa'i rang bzhin chu/__zhes sogs phar phyin drug gi tshigs bcad sngags dang bcas pas bkru/__gong ltar yang mthar/__bzhi brgya rtsa bzhi'i nad rnams dang :__'gal rkyen nyi khri chig stong dang :__ye 'grogs su brgya drug cu dang :__bgegs rigs stong phrag brgyad cu sogs:__mi mthun byang zhing dag gyur cig:__ces lan bdun gyi mtshams rnams su sngags spel tshig dang bcas pa bya/__de nas byabs pa'i slad du rma bya'i mdongs kyi thig le'i dbus su zla ba'i gdan la hU~MHyig mthing nag gi mthar sngags kyi phreng bas bskor ba las 'od zer 'phros pas khyed rang rnams kyis tshe 'khor ba thog ma med pa nas bsags pa'i sdig pa dang sgrib pa nad gdon bar chad grib dang mi gtsang ba'i tshogs thams cad phyag dar mkhas pa'i byed las bzhin du byabs te mdun gyi khrus bum la thim pa'i mos pa mdzod/__bzhi brgya rtsa bzhi'i nad rnams dang :__sogs sngags dang bcas pa'i mthar/__rdo rje slob ma'am sbyin pa'i bdag po'i tshe 'khor ba thog ma med pa nas bsags pa'i sdig pa dang sgrib pa thams cad a pa na ye swA hA/__sogs spel ba bdun nam gsum gyis byabs skabs 'dir gtor glud btang bar mos na/__chang bu dang /__ril bu re re bzhin snod du blugs/__oM AHhU~M/__lan gsum gyis brlabs/__saM b+hA ra dang /__de bzhin gshegs par bzhi'i mtshan brjod pas bsngos/__khyer cig khyer cig stobs ldan rnams:__sred dang chags dang zhen pa dang :__dran dang bzung dang bsam dang reg:__klod dang grol dang zhi bar mdzod:__ces brjod bzhin du bsgrub bya la bskor nas glud nang du dor/__grangs rdzogs pa dang /__bden stobs dang drag sngags kyis bskrad la/__gtor glud phyi rol du dor/__de nas bsrung ba bya ba'i slad du slob dpon gyi phyag na las kyi rdo rje rgya gram bsnams pa de nyid khyed rang rnams kyi spyi bor bzhag cing byin gyis brlabs pa la brten nas/__rdo rje de las de 'dra ba dpag tu med pa byung ste lus la rdo rje'i go khrab khu lugs su gyur te phyin chad nad gdon nyer 'tshe gang gis kyang glags mi rnyed par bsrung bar byas pa'i mos pa mdzod/__sngags spel tshig dang bcas pa'i mthar/__rak+Sha rak+Sha btags pa dang /__rgyal ba sras bcas bden pa'i byin rlabs dang /__/khro rgyal sme ba brtsegs pa'i nus mthu yis/__/'gro ba 'di dag bdag gis srung zin gyis/__/'di la sus kyang gnod pa ma byed cig__/ces pas bsrung bar bya'o/__/slar yang shis par bya ba'i slad du/__mdun gyi nam mkhar bla ma dang gnyis su med pa'i khro rgyal sme ba brtsegs pa la/__gzhan yang phyogs bcu'i sangs rgyas dang byang chub sems dpa' lha dang drang srong bden tshig grub pa'i tshogs kyis bskor te shis pa brjod pa'i glu dbyangs di ri ri sgrog cing me tog man+dA ra'i char chen po phab pas dge legs kyi snang bas sa gsum kun tu khyab par byas pa'i mos pa mdzod/__ces mtshams sbyar la shis brjod ji ltar rigs pa byas nas bsgrub bya rnams rang gnas su btang /__gal te glo bur du bya ba'i tshe bdag mdun sogs bsgrub pa'i long skabs ma byung na/__bsnyen sngags tshar gcig brjod pas/__slob dpon skad cig gis khro bo'i rgyal po sme ba brtsegs pa gsal ba'i sogs mtshams sbyar bkru byabs srung gsum shis brjod dang bcas pa snga ma ltar bya'o/__/zhes pa'ang nyer mkho'i yan lag tu shin tu bsdus pa'i tshul gyis 'jam dbyangs mkhyen brtse'i dbang pos sbyar ba sarba dA mang+ga laM//__//