JKW-KABUM-15-BA-031

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 15, sde tshan 31, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇིགས་མེད་གླིང་པ་ ('jigs med gling pa)
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 15: . Khams sde dge rdzong sar dgon: Rdzong sar blo gros phun tshogs, 2020.
Genre
Cycle	ནང་སྒྲུབ་རིག་འཛིན་འདུས་པ་ (nang sgrub rig 'dzin 'dus pa)
Parent Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)
Deity	thugs rje chen po

1 Texts in this Section (sde tshan or chos tshan)

593-598	རིག་འདུས་ཚེ་དབང་གྲངས་གསོག་འཆི་མེད་བདུད་རྩིའི་ཡང་སྙིང་། rig 'dus tshe dbang grangs gsog 'chi med bdud rtsi'i yang snying Longevity Empowerment - tshe dbang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རིག་འདུས་ཚེ་དབང་གྲངས་གསོག་འཆི་མེད་བདུད་རྩིའི་ཡང་སྙིང་།

༄༅། །རིག་འཛིན་ཚེ་དབང་གྲངས་གསོག་སོགས་ཀྱི་ཚེ་ཉེ་བར་བསྡུས་པ་འཆི་མེད་བདུད་རྩིའི་ཡང་སྙིང་ཞེས་བྱ་བ་བཞུགས་སོ། ། ན་མོ་གུ་རུ་བྷྱཿ འདིར་རིག་འཛིན་ཚེ་དབང་གྲངས་གསོག་ཚེ། ཐོག་མར་གཞུང་ལྟར་དབང་རྒྱས་པ་ཚར་གཅིག་སོང་ནས། སླར་ཡང་དབང་གཉིས་པ་ཞུ་བའི་ཡོན་དུ་དམིགས་ཏེ་མཎྜལ་ཞིག་ཕུལ་མཛོད། ཅེས་མཚམས་སྦྱར་ལ་མཎྜལ་འབུལ་དུ་གཞུག །དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་མཛོད། འཆི་མེད་མགོན་པོ་པདྨ་འབྱུང་༔ སྲོག་གི་འཇིགས་པས་སྐྲག་པ་ལ༔ ཐུགས་རྗེ་ཆེན་པོས་ཉེར་དགོངས་ནས༔ ཚེ་ཡི་དབང་དང་དངོས་གྲུབ་སྩོལ༔ དེ་ནས་ཡེ་ཤེས་དབབ་པའི་སླད་དུ། ཁྱེད་རང་རྣམས་བདེར་གཤེགས་ཀུན་འདུས་འཆི་མེད་པདྨ་འབྱུང་གནས་སུ་གསལ་བཞིན་པའི་རིགས་བདག་ཚེ་དཔག་མེད་མགོན་ཡབ་ཡུམ་མཉམ་པར་སྦྱོར་བའི་མཁའ་གསང་ནས་བདེ་ཆེན་བྱང་ཆུབ་ཀྱི་སེམས་བདུད་རྩིའི་རྣམ་པ་ཅན་དཔག་ཏུ་མེད་པ་བབས། སྤྱི་བོ་ཚངས་པའི་བུ་ག་ནས་མར་ཞུགས། ལུས་ཀྱི་ནང་ཐམས་ཅད་གང་། ཕུང་ཁམས་སྐྱེ་མཆེད་ཐམས་ཅད་ལ་ཁྱབ་པས་འཆི་མེད་རྡོ་རྗེའི་སྲོག་ལ་དབང་ཐོབ་པའི་མོས་པ་མཛོད། སྤྲོ་ན། ཧཱུྃ༔ སྤྲོས་བྲལ་ཆོས་སྐུའི་ཕོ་བྲང་ནས༔ སོགས་དང་། བསྡུ་ན་རྩ་སྔགས་ཀྱི་མཐར། བཛྲ་ཛྙཱ་ན་ཨཱ་བེ་ཤ་ཡ་ཨ་ཨཱཿ ཛཿཧཱུྃ་བྃ་ཧོཿཞེས་བརྗོད་ཅིང་བྱིན་དབབ། ཏིཥྛ་བཛྲ་ཞེས་བརྗོད་ཅིང་མེ་ཏོག་འཐོར་ལ་བརྟན་པར་བྱ། སླར་ཡང་ཚེ་འགུགས་ཤིང་བཅུད་བསྡུ་བའི་སླད་དུ། བདག་མདུན་ཚེ་དཔག་མེད་པར་གསལ་བའི་ཐུགས་ཀ་ནས་འོད་ཟེར་དཀར་པོ་དཔག་ཏུ་མེད་པ་འཕྲོས། འཁོར་འདས་ལམ་གསུམ་གྱིས་བསྡུས་པའི་གཟི་བྱིན་དྭངས་བཅུད་ཚེ་དཔལ་བསོད་ནམས་ཡེ་ཤེས་ཡོན་ཏན་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་བསྡུས་ཏེ་ཁྱེད་རང་རྣམས་ལ་སིབ་སིབ་ཐིམ་པས་འཆི་མེད་ཚེའི་དངོས་གྲུབ་ཐོབ་པའི་མོས་པ་མཛོད། །ཨོཾ། རང་སྣང་ཟངས་མདོག་དཔལ་གྱི་རི༔ ལྔ་ལྡན་རང་བྱུང་ཕོ་བྲང་ནས༔ བཅོམ་ལྡན་མགོན་པོ་ཚེ་དཔག་མེད༔ དཔལ་ཆེན་གྲུབ་པའི་རིག་འཛིན་བརྒྱད། །རྩ་བརྒྱུད་བླ་མ་ཡི་དམ་ལྷ། །མཁའ་འགྲོ་ཆོས་སྐྱོང་ཚོགས་དང་བཅས། །ཐུགས་དམ་བསྐུལ་ལོ་དབྱིངས་ནས་བཞེངས༔ འཁོར་འདས་ལམ་གསུམ་བཅུད་སྡུས་ལ། །བླ་ཚེ་ཆད་ཉམས་ཡར་བ་ཀུན། །ཡེ་ཤེས་ཀློང་དགུའི་དབྱིངས་སུ་སྐྱིལ། །འགྱུར་མེད་སྲོག་གི་ཀ་བ་ཚུགས༔ ཚེ་མདའ་འདི་ལ་ཚད་ཅིག་སྟོན༔ སྒྲུབ་རྫས་འཆི་མེད་བདུད་རྩིར་སྒྱུར༔ སྐྱེ་འཆི་མེད་པའི་དངོས་གྲུབ་སྩོལ༔ རྩ་སྔགས་བརྗོད། དེ་ནས་ཚེ་བུམ་སྤྱི་བོར་བསྐུར༔ ཧྲཱིཿ སྣང་སྲིད་གཞོན་ནུ་བུམ་པའི་སྐུ༔ སྐྱེ་འཆི་བྲལ་བའི་བཅུད་ཀྱིས་གཏམས༔ སྐལ་ལྡན་བུ་ལ་དབང་བསྐུར་བས༔ འཆི་མེད་རྡོ་རྗེའི་སྲོག་འགྲུབ་ཤོག༔ རྩ་སྔགས་དང་། ཀཱ་ཡ་ཨ་བྷི་ཥིཉྩ་ཨོཾ༔ བདུད་རྩི་མགྲིན་པར་གཏད་ལ༔ ཧྲཱིཿ བདེ་ཆེན་ཡུམ་ལྔའི་བྷནྡྷ་རུ༔ འཆི་མེད་བྱང་སེམས་བདུད་རྩིར་འཁྱིལ༔ སྐལ་ལྡན་བུ་ལ་བྱིན་པ་ཡིས༔ སྐྱེ་འཆི་མེད་པའི་དབང་ཐོབ་ཤོག༔ རྩ་སྔགས་དང་། ཝཱ་ཀ་ཨ་བྷི་ཥིཉྩ་ཨཱཿ ཚེ་རིལ་སྙིང་གར་གཏུགས་ལ༔ ཧྲཱིཿ བརྟན་གཡོའི་ཁམས་དང་སྟོབས་བཅུའི་དཔལ༔ ཡོངས་ཀྱི་བཅུད་འདུས་ཚེའི་རིལ་བུ༔ རིགས་ཀྱི་བུ་ལ་བྱིན་པ་ཡིས༔ རྡོ་རྗེའི་སྲོག་ལ་དབང་ཐོབ་ཤོག༔ རྩ་སྔགས་དང་། ཙིཏྟ་ཨ་བྷི་ཥིཉྩ་ཧཱུྃ༔ ཞེས་དངོས་གཞིའི་དབང་བསྐུར་མཐར། ཨཿ འབྱུང་ལྔའི་དབྱིངས་སུ་འཁྱམས་པའི་ཚེ༔ ཡུམ་ལྔའི་ཀློང་དུ་རྒྱས་བཏབ་པས༔ ཡེ་ཤེས་ལྔ་ལ་སྐྱེ་འཆི་མེད༔ སྐུ་ལྔའི་དབྱིངས་སུ་ཚེ་སྦས་པ༔ རིགས་ལྔའི་རྒྱལ་བས་ཀྱང་མི་གཟིགས༔ དྷརྨཱ་དྷཱ་ཏུ་བཛྲ་རཀྵཿ ཞེས་པས་རྒྱས་བཏབ་ནས། འཇིག་རྟེན་འདྲེན་པའི་གཙོ་བོ་ཚེ་དཔག་མེད། །ཅེས་སོགས་ཀྱིས་ཤིས་པ་བརྗོད། སླར་ཡང་དབང་གསུམ་པ་ཞུ་བའི་ཡོན་དུ་སོགས་སྦྲེལ་ལ་ཚར་གྲངས་ཇི་ཙམ་འོས་པ་བསྐུར་ལ། མཐར་བཀྲ་ཤིས་པའི་རྫས་རྟགས་དང་། རྒྱལ་སྲིད་རིན་པོ་ཆེ་རྣམ་པ་བདུན་གྱིས་མངའ་གསོལ། ཤིས་བརྗོད་ཀྱི་མེ་ཏོག་འཐོར། དམ་ཚིག་ཁས་བླང་། གཏང་རག་གི་མཎྜལ། ལུས་ལོངས་སྤྱོད་དབུལ་བ། དགེ་བ་བསྔོ་བ་རྣམས་སྤྱི་ལྟར་བྱའོ། །ཞེས་པའང་ཀུན་མཁྱེན་བླ་མའི་བྱིན་རླབས་སྙིང་དབུས་སུ་ཞུགས་པའི་གཞོན་ནུ་ཨ་བྷ་ཡས་ཉེར་མཁོའི་ཆེད་དུ་སྤེལ་བ་སརྦ་དཱ་ཀ་ལྱཱ་ཎ་བྷ་བ་ཏུ།། །།

[edit]

rig 'dus tshe dbang grangs gsog 'chi med bdud rtsi'i yang snying / @#/__/rig 'dzin tshe dbang grangs gsog sogs kyi tshe nye bar bsdus pa 'chi med bdud rtsi'i yang snying zhes bya ba bzhugs so/__/ na mo gu ru b+h+yaH__'dir rig 'dzin tshe dbang grangs gsog tshe/__thog mar gzhung ltar dbang rgyas pa tshar gcig song nas/__slar yang dbang gnyis pa zhu ba'i yon du dmigs te maN+Dal zhig phul mdzod/__ces mtshams sbyar la maN+Dal 'bul du gzhug__/de ltar maN+Dal phul nas gsol ba 'debs pa 'di'i rjes zlos mdzod/__'chi med mgon po pad+ma 'byung :__srog gi 'jigs pas skrag pa la:__thugs rje chen pos nyer dgongs nas:__tshe yi dbang dang dngos grub stsol:__de nas ye shes dbab pa'i slad du/__khyed rang rnams bder gshegs kun 'dus 'chi med pad+ma 'byung gnas su gsal bzhin pa'i rigs bdag tshe dpag med mgon yab yum mnyam par sbyor ba'i mkha' gsang nas bde chen byang chub kyi sems bdud rtsi'i rnam pa can dpag tu med pa babs/__spyi bo tshangs pa'i bu ga nas mar zhugs/__lus kyi nang thams cad gang /__phung khams skye mched thams cad la khyab pas 'chi med rdo rje'i srog la dbang thob pa'i mos pa mdzod/__spro na/__hU~M:__spros bral chos sku'i pho brang nas:__sogs dang /__bsdu na rtsa sngags kyi mthar/__badz+ra dz+nyA na A be sha ya a AH__dzaHhU~M ba~M hoHzhes brjod cing byin dbab/__tiSh+Tha badz+ra zhes brjod cing me tog 'thor la brtan par bya/__slar yang tshe 'gugs shing bcud bsdu ba'i slad du/__bdag mdun tshe dpag med par gsal ba'i thugs ka nas 'od zer dkar po dpag tu med pa 'phros/__'khor 'das lam gsum gyis bsdus pa'i gzi byin dwangs bcud tshe dpal bsod nams ye shes yon tan thams cad rdo khab len gyis lcags phye blangs pa ltar bsdus te khyed rang rnams la sib sib thim pas 'chi med tshe'i dngos grub thob pa'i mos pa mdzod/__/oM/__rang snang zangs mdog dpal gyi ri:__lnga ldan rang byung pho brang nas:__bcom ldan mgon po tshe dpag med:__dpal chen grub pa'i rig 'dzin brgyad/__/rtsa brgyud bla ma yi dam lha/__/mkha' 'gro chos skyong tshogs dang bcas/__/thugs dam bskul lo dbyings nas bzhengs:__'khor 'das lam gsum bcud sdus la/__/bla tshe chad nyams yar ba kun/__/ye shes klong dgu'i dbyings su skyil/__/'gyur med srog gi ka ba tshugs:__tshe mda' 'di la tshad cig ston:__sgrub rdzas 'chi med bdud rtsir sgyur:__skye 'chi med pa'i dngos grub stsol:__rtsa sngags brjod/__de nas tshe bum spyi bor bskur:__hrIH__snang srid gzhon nu bum pa'i sku:__skye 'chi bral ba'i bcud kyis gtams:__skal ldan bu la dbang bskur bas:__'chi med rdo rje'i srog 'grub shog:__rtsa sngags dang /__kA ya a b+hi Shiny+tsa oM:__bdud rtsi mgrin par gtad la:__hrIH__bde chen yum lnga'i b+han+d+ha ru:__'chi med byang sems bdud rtsir 'khyil:__skal ldan bu la byin pa yis:__skye 'chi med pa'i dbang thob shog:__rtsa sngags dang /__wA ka a b+hi Shiny+tsa AH__tshe ril snying gar gtugs la:__hrIH__brtan g.yo'i khams dang stobs bcu'i dpal:__yongs kyi bcud 'dus tshe'i ril bu:__rigs kyi bu la byin pa yis:__rdo rje'i srog la dbang thob shog:__rtsa sngags dang /__tsit+ta a b+hi Shiny+tsa hU~M:__zhes dngos gzhi'i dbang bskur mthar/__aH__'byung lnga'i dbyings su 'khyams pa'i tshe:__yum lnga'i klong du rgyas btab pas:__ye shes lnga la skye 'chi med:__sku lnga'i dbyings su tshe sbas pa:__rigs lnga'i rgyal bas kyang mi gzigs:__d+harmA d+hA tu badz+ra rak+ShaH__zhes pas rgyas btab nas/__'jig rten 'dren pa'i gtso bo tshe dpag med/__/ces sogs kyis shis pa brjod/__slar yang dbang gsum pa zhu ba'i yon du sogs sbrel la tshar grangs ji tsam 'os pa bskur la/__mthar bkra shis pa'i rdzas rtags dang /__rgyal srid rin po che rnam pa bdun gyis mnga' gsol/__shis brjod kyi me tog 'thor/__dam tshig khas blang /__gtang rag gi maN+Dal/__lus longs spyod dbul ba/__dge ba bsngo ba rnams spyi ltar bya'o/__/zhes pa'ang kun mkhyen bla ma'i byin rlabs snying dbus su zhugs pa'i gzhon nu a b+ha yas nyer mkho'i ched du spel ba sarba dA ka l+yA Na b+ha ba tu//__//