སྒྲོལ་མའི་མཎྜལ་བཞི་ཆོག་བསྡུས་པ།

🚧 This website is under continued development. We appreciate your patience!

Previous Text Back to Volume Page Next Text

Wylie title	sgrol ma'i maN+Dal bzhi chog bsdus pa
Location	dpal sprul bka' 'bum Volume 6, Text 13, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Citation
Genre	Offering Rituals - mchod sbyin

[edit]

༄༅། །སྒྲོལ་མའི་མཎྜལ་བཞི་ཆོག་བསྡུས་པ།

སྒྲོལ་མའི་མཎྜལ་བཞི་ཆོག་བསྡུས་པ་བྱེད་པར་འདོད་པས། ཐོག་མར་སེམས་བསྐྱེད་ཆོ་ག་བཞིན་དཀོན་མཆོག་སྤྱིའི་མཎྜལ་འབུལ་བའི་རིམ་པ་སྔོན་དུ་ལེགས་པར་བཏང་ནས། དེ་ནས། ཨོཾ་པོ་ཊ་ལ་ཡི་སོགས། ལྷ་དང་ལྷ་མིན་སོགས་ནས་བསྟོད་ཅེས་པའི་བར་ཀུན་བྱ། རྗེ་བཙུན་འཕགས་མ་སོགས་ཡན་ལན་བདུན་པར་འདོན། རྗེ་བཙུན་འཕགས་མ་སྒྲོལ་མའི་ལྷ་ཚོགས་སངས་རྒྱས་དང་བྱང་ཆུབ་སེམས་དཔའ་རྣམས་ལ་སྣོད་བཅུད་ཀྱི་རྒུད་པ་ཞི་བའི་ཕྱིར་མཎྜལ་དང་པོ་འབུལ་བར་ཞུ། འཇིག་རྟེན་བདེ་ཞིང་ལོ་ལེགས་སོགས་ནས་ཀུན་འགྲུབ་ཤོག །ཕྱག་འཚལ་བསྟོད་པ་ཉེར་གཅིག་ཚར་གཉིས། ཁྱེད་ལ་བསྟོད་ཅིང་སོགས། རྩ་སྔགས། ༡༠༠རྗེ་བཙུན་བཅོམ་ལྡན་འདས་མ་སོགས་འདོད་གསོལ་འདོན། ༈ དེ་ནས་ཡང་སྔར་ལྟར་པོ་ཊ་ལ་ཡི་སོགས། རྗེ་བཙུན་འཕགས་མ་སྒྲོལ་མའི་སོགས། སྣོད་བཅུད་ཀྱི་དཔལ་འབྱོར་མཐའ་དག་རྒྱས་པའི་མཎྜལ་གཉིས་པ་འབུལ་བར་ཞུ། འཇིག་རྟེན་བདེ་ཞིང་སོགས། ཕྱག་བཅས་བསྟོད་པ་ཉེར་གཅིག་ཚར་གསུམ། ཁྱེད་ལ་བསྟོད་ཅིང་སོགས། རྩ་སྔགས། ༢༥༠བཅོམ་ལྡན་འདས་མ་སོགས། ཡང་ན་རྩ་སྔགས་མཐར་མངྒལཾ་ཤྲཱི་སོགས་བཏགས་པ་ཚར་བདུན། ཕྱག་འཚལ་ཟླ་བའི་དུམ་བུའི་སོགས་ཤྭ་ལོ་ཀ་གཉིས་ཚར་བདུན། པོ་ཊ་ལ་ཡི་སོགས། རྗེ་བཙུན་འཕགས་མ་སྒྲོལ་མའི་སོགས། ཕན་བདེའི་འབྱུང་གནས་རྒྱལ་བའི་བསྟན་པ་རིན་པོ་དར་ཞིང་རྒྱས་པའི་ཕྱིར་མཎྜལ་གསུམ་པ་འབུལ་བར་ཞུ། ཕན་བདེ་འབྱུང་བའི་སོགས། གྱུར་ཅིག །བསྟོད་པ་ཉེར་གཅིག་ཕྱག་བཅས་ཚར་བདུན། ཁྱེད་ལ་བསྟོད་ཅིང་སོགས། ལྷ་མོ་ལ་གུས་སོགས། རྩ་སྔགས། ༣༥༠རྗེ་བཙུན་བཅོམ་ལྡན་འདས་མ་སོགས་འདོད་གསོལ། དེ་ནས་སྤྱོད་འཇུག་བསྔོ་ལེ་སོགས་དཀྱུས་བཞིན་ནོ། །

༈ དབུས་སུ་མཚོན་ཆའི་འཇིགས་པ་ལས། །སྐྱོབས་པའི་སྒྲོལ་མ་སྐུ་མདོག་མཐིང་། །ཕྱག་གཡས་མཆོད་སྦྱིན་ཕྱག་རྒྱ་མཛད། །གཡོན་པས་སྐྱབས་སྦྱིན་ཨུཏྤ་ལར། །གནས་པའི་རལ་གྲི་འོད་འབར་བསྣམས། །སོགས། སེང་ལྡེང་ནགས་ཀྱི་སྒྲོལ་མ་ལྗང་མོ་གཡོན་ཨུཏྤལ་བསྣམས། དགེའོ། །