ལུས་སྦྱིན་ཚོགས་གཉིས་བུམ་བཟང་།

Previous Text Back to Volume Page Next Text

Wylie title	lus sbyin tshogs gnyis bum bzang
Location	dpal sprul bka' 'bum Volume 6, Text 11, Pages 55-56 (Folios 1a1 to 1b4)
Author	དཔལ་སྤྲུལ་རིན་པོ་ཆེ་
Less details More details
Citation	Dpal sprul rin po che. Lus sbyin tshogs gnyis bum bzang. In Dpal sprul 'jigs med chos kyi dbang po'i gsung 'bum, Vol. 6: 55-56. Kathmandu: Tsadra Foundation and Shechen Publications, 2026.
Genre	Severance Texts - gcod gzhung
Colophon	།དཔལ་སྤྲུལ་པས་སོ།
Colophon	dpal sprul pas so/

[edit]

༄༅། །ལུས་སྦྱིན་ཚོགས་གཉིས་བུམ་བཟང་བཞུགས། ཕཊ། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཕཊ། ལན་གསུམ། ལུས་དང་དེ་བཞིན་ལོངས་སྤྱོད་དང་། །དུས་གསུམ་དགེ་བ་ཐམས་ཅད་ཀྱང་། །སེམས་ཅན་ཀུན་གྱི་དོན་བསྒྲུབ་ཕྱིར། །ཕངས་པ་མེད་པར་བཏང་བར་བྱ། །ཐམས་ཅད་བཏང་བས་མྱ་ངན་འདའ། །བདག་བློ་མྱ་ངན་འདས་པ་བསྒྲུབ། །ཕཊ། ཕན་བདེ་སེམས་ཅན་ཀུན་ལ་བསྔོ། །ཀུན་ཀྱང་སངས་རྒྱས་ཐོབ་པར་ཤོག །སྡུག་བསྔལ་མ་ལུས་བདག་ལ་འདུས། །འགྲོ་ཀུན་སྡུག་བསྔལ་ལས་གྲོལ་ཤོག །ཕཊ། དེ་ནི་བསོད་ནམས་ཚོགས་བསགས་སོ། །དེ་ནས་ཡེ་ཤེས་ཚོགས་བསགས་ནི། ཕཊ། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པར་རབ་ཏུ་ཞི། །སྤྲོས་པ་མེད་པ་སྟོང་པའི་དབྱིངས། །ཤེས་རབ་ཕ་རོལ་ཕྱིན་པའོ། །དུས་གསུམ་རྟོག་པ་དབྱིངས་སུ་དག །འདི་ལ་བསལ་བྱ་ཅི་ཡང་མེད། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །ཕཊ། རྗེས་ལ་བསྔོ་བ་སྨོན་ལམ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །དེ་བཞིན་ནམ་མཁའི་མཐས་གཏུགས་པའི། །སེམས་ཅན་ཁམས་ལ་རྣམ་ཀུན་ཏུ། །ཐམས་ཅད་མྱ་ངན་འདས་པར་དུ། །བདག་ནི་ཉེར་འཚོའི་རྒྱུར་ཡང་ཤོག །ན་མོ་ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་བསྒོམ་པའི་ལམ། །བླ་ན་མེད་པར་ཁྱད་པར་ལམ། །བར་ཆད་མེད་པའི་ལམ་བགྲོད་ནས། །མ་ཡུམ་ཆེན་གོ་འཕང་ཐོབ་པར་ཤོག །དཔལ་སྤྲུལ་པས་སོ། །