རྩ་བའི་བླ་མ་འཇིགས་མེད་རྒྱལ་བའི་མྱུ་གུའི་ཡོན་ཏན་གྱི་ཕུང་པོར་སྙན་ངག་བྱ་དཀའ་བའི་རྒྱན་ལས་བརྩམས་ཏེ་ཅུང་ཟད་བསྔགས་པ།

Previous Text Back to Volume Page Next Text

Wylie title	rtsa ba'i bla ma 'jigs med rgyal ba'i myu gu'i yon tan gyi phung por snyan ngag bya dka' ba'i rgyan las brtsams te cung zad bsngags pa
Location	dpal sprul bka' 'bum Volume 1, Text 28, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Associated People	འཇིགས་མེད་རྒྱལ་བའི་མྱུ་གུ་ ('jigs med rgyal ba'i myu gu)
Citation
Genre	Diagrams - re'u mig · Poetry - snyan ngag

[edit]

༄༅། །རྩ་བའི་བླ་མ་འཇིགས་མེད་རྒྱལ་བའི་མྱུ་གུའི་ཡོན་ཏན་གྱི་ཕུང་པོར་སྙན་ངག་བྱ་དཀའ་བའི་རྒྱན་ལས་བརྩམས་ཏེ་ཅུང་ཟད་བསྔགས་པ།

༄༅༎ བིཔཱུཏོ྅ཀྵརངྷཏུནིརྦཱཎཿ

༄། བི པཱུ ཏོ ྅ ཀྵ ར ངྷ ཏུ ནི རྦཱ ཎཿ

༄༅། །རྣམ་དག་འགྱུར་བ་མེད་པའི་དབྱིངས་ཞི་བ། །

པྲཔཉྩསྱནཧིནིམིནྟྲིབཻ།

པྲ པ ཉྩ སྱ ན ཧི ནི མི ནྟྲི བཻ །

སྤྲོས་པའི་མཚན་མ་ངེས་པར་ཡོད་མིན་པ། །

ཛྙཱནོཡཱཾདྷྲུབམཊིཏཾཀནྟཾ།

ཛྙཱ ནོ ཡཱཾ དྷྲུ བ མ ཊི ཏཾ ཀ ནྟཾ །

ཡེ་ཤེས་གང་ལ་རྟག་ཏུ་རོལ་དགྱེས་པ། །

ཛཡནྟུགུརུབཥམོལོཀེ ༎

ཛ ཡ ནྟུ གུ རུ བ ཥ མོ ལོ ཀེ ། །

བླ་མ་མཉམ་མེད་སྲིད་ན་རྒྱལ་གྱུར་ཅིག །

མཆོག་གི་ཡེ་ཤེས་རྣམ་པར་དག་པའི་སྤྱན། །སྲིད་དང་ཞི་བ་མཉམ་པ་ཉིད་གཟིགས་པ། །རྒྱལ་བ་རྣམས་ཀྱི་ཐུགས་ཀྱི་གསང་བ་སྟེ། །འདི་ནི་སྤྲོས་དང་བྲལ་བས་རྣམ་པར་ཞི།༡།གང་ལ་ཉེར་ལེན་སྲིད་པའི་རྒྱུན་ཟད་ཀྱང་། །ཡེ་ཤེས་ཐུགས་རྗེའི་སྣང་བ་འབྱམས་ཀླས་པ། །འགོགས་མེད་ཆུ་ཟླའི་གར་བཞིན་བགྲང་ཡས་པར། །འཆར་མོད་དག་ཆེན་དབྱིངས་སུ་རྒྱལ་ཀུན་གཅིག༢།ལམ་མཆོག་ཡོངས་རྫོགས་ཐེག་ཆེན་སྣང་བ་ཡིས། །སྙིགས་འགྲོའི་དམིགས་བུ་བགྱིད་ལ་དགྱེས་པའི་ཞལ། །སྐལ་དམན་བློ་ངོར་སྣང་རུང་གང་ཟག་མིའི། །ཚུལ་བཟུང་དགེ་བའི་བཤེས་ལས་གཞན་སུ་ཞིག༣།འདི་ན་གཞི་དབྱིངས་སྣང་བ་རྨད་པོ་ཆེ། །སྲིད་པའི་མངལ་རྒྱས་འཐུམ་པའི་སྣང་ཞེན་སྒྲིབ། །ཐུགས་བསྐྱེད་ཐུར་མས་བསལ་ལ་མི་སྐྱོ་བའི། །བཀའ་དྲིན་སྲིད་པའི་མཐར་ཡང་ཇི་ལྟར་གཞལ།༤།ཐོག་མར་ལོག་སྲེད་འཁོར་བའི་འཆིང་བ་བཅད། །བར་དུ་ཞི་དགའ་ཐེག་དམན་གཡང་ལས་བསྐྱབ། །མཐར་ཐུགས་ཐེག་མཆོག་ལམ་བཅུད་ཆར་དུ་བསྙིལ། །ཐུགས་རྗེ་རྒྱལ་བ་ལས་ཀྱང་ལྷག་པར་ངེས།༥།ལམ་མཆོག་བྱང་ཆུབ་སེམས་དང་བྲལ་བའི་ལམ། །ལམ་དེ་རྒྱལ་བ་དགྱེས་པའི་ལམ་མིན་ཞེས། །སྙིགས་དུས་འདི་ན་རྒྱལ་དང་རྒྱལ་སྲས་ཀྱི། །ལམ་མཆོག་འདི་འདོམས་རྒྱལ་བ་དངོས་མིན་ནམ།༦།ངེས་འབྱུང་བྱང་ཆུབ་སེམས་མཆོག་ཆོས་ཀྱི་བཅུད། །བྲལ་བའི་གདམས་ཕྲན་སྤྲེའུའི་ཟློས་གར་གྱིས། །བློ་ཆུང་འདི་སྣང་གཉེར་བའི་མིག་འབྲིད་པའི། །དམ་པར་རློམ་སྟེ་བླུན་པོའི་རྩེད་གྲོགས་ཙམ།༧།དེ་སླད་རིགས་ཅན་གསུམ་གྱི་གདུལ་བྱའི་རྒྱུད། །ངེས་འབྱུང་ཐབས་ཀྱིས་བཏུལ་བའི་ཞིང་ས་ལ། །སྨོན་འཇུག་སེམས་ཀྱི་ས་བོན་ལེགས་འདེབས་ཉིད། །སངས་རྒྱས་དངོས་བྱོན་ཁོ་བོའི་བླ་མ་ཙམ།༨།བསྔགས་འོས་ཡོན་ཏན་བྱེ་བའི་མཛོད་རྒྱས་པའི། །ལེགས་ལམ་ནོར་བུའི་གླིང་མཆོག་འདི་མཐོང་ནས། །སྙན་ཚིག་གླུ་ཡིས་ཁེངས་པའི་མགྲིན་ལྡན་པ། །སུ་ཞིག་དོན་མཐུན་བསྟོད་པའི་ངག་མི་སྤྲོ།༩།གྲངས་མེད་ཞིང་བཞུགས་རྒྱལ་དང་སེམས་དཔའི་ཚོགས། །རྣམ་དག་ལམ་མཆོག་སྤྱོད་ལ་དགྱེས་ལྡན་པས། །བདེན་ངག་བདུད་རྩིའི་བསྟོད་བཀུར་ལྷུར་ལེན་ན། །དོན་རྫོགས་སོ་སྐྱེའི་ཚིག་ལ་ཇི་ཞིག་གནས།༡༠།འོན་ཀྱང་སྙན་ཚིག་རིག་པའི་ཆུ་གཏེར་ལས། །རང་བློའི་སྐྲ་རྩེས་བླང་བའི་ཐིག་པ་འདི། །ཆུད་དུ་མི་གསན་སྙིང་པོར་བགྱིད་པའི་བློས། །བྱ་དཀའི་ལམ་དུ་དགོད་ལ་དེང་གཟིགས་ཤིག༡༡།

རྣམ་ གྲོལ་ པད་ ཚལ་ མཛེས་ རོལ་ གཞིའི་ ལམ་ བདེན་ བདེ་ སྟོང་ དགའ་ མ་ ལ་ བརྟེན་ དཔེའི་ ཐབས་ གསང་ ཡོངས་ དག་ ཡེ་ ཤེས་ ཀུན་ མཐོང་ རིམ་ པ་ གཉིས་ སྟོང་ བཞིའི་ ལམ་ བཟང་ མངོན་ བྱས་ གྲུབ་ དབང་ རྒྱལ་ གང་ ཐུགས་ བུམ་ པར་ རྣམ་ གྲོལ་ བཅུད་ བརྒྱའི་ རོ་ ཟུང་ འཇུག་ བདེ་ ཀློང་ མཆོག་ གི་ བདུད་ རྩིར་ བསྐྱིལ་ འཁོར་ འདས་ མཉམ་ པའི་ དབྱིངས་ ན་ ཀུན་ རོ་ གཅིག་ འཇུག་ དེ་ གསང་ མཆོག་ བདུད་ རྩིར་ མྱོང་ ལས་ ལགས་ སྨིན་ ལམ་ ཡོངས་ རྫོགས་ དབང་ བཞིའི་ རྗེས་ མཐུན་ ལྟ་ ཏིང་ འཛིན་ དགའ་ བས་ ངོམ་ ལས་ གྲུབ་ པའི་ མཐར་

ཐབས་ གྲོལ་ གོམ་ པའི་ དབང་ གིས་ ཆེས་ གསལ་ བའི་ འཛིན་ མེད་ རྟོགས་ པའི་ དབང་ ཕྱུག་ ཁྱོད་ དུ་ ངེས་ མཆོག་ གསང་ གསང་ ཆེན་ ཐེག་ པའི་ རྒྱུད་ སྡེའི་ མཛོད་ མཛོད་ དཔལ་ དཔལ་ ཡོན་ འཛིན་ པའི་ མྱུར་ ལམ་ ཆོས་ ཆོས་ མཆོག་ མཆོག་ གི་ འབྲས་ བཟང་ རབ་ སྨིན་ རྒྱས་ རྒྱས་ འཛིན་ འཛིན་ པ་ དག་ པའི་ ལང་ ཚོ་ དར་ མཆོག་ གྱུར་ མན་ ངག་ ཟབ་ མོའི་ དྲོད་ འཛིན་ མཆོག་ མཆོག་ བརྙེས་ མཛོད་ གསུམ་ རྣམ་ པ་ སྤྱོད་ སྒྲུབ་ མཆོག་ མཆོག་ གཟིགས་ ལས་ བཞི་ རབ་ འབྱམས་ སྒྲུབ་ མཁས་ མཆོག་ མཆོག་ ལྡན་ རྫོགས་ རྒྱུན་ ཆུ་ བཞིའི་ དབང་ ཐོབ་ མཆོག་

བསྐྱེད་ རིམ་ གཟུགས་ ཀྱི་ ལང་ ཚོ་ ཡོངས་ རྫོགས་ པའི་ དབང་ ཐོབ་ ལས་ བཞིར་ རོལ་ པའི་ ཟུར་ མིག་ མདས་ སྐལ་ བཟང་ སྙིང་ གི་ འཛུམ་ དཀར་ ཡོངས་ འཛིན་ མཁས་ གཉེར་ གཏད་ དབང་ བཞིའི་ རྒྱུན་ ཀྱང་ དེ་ སླད་ འབེབས་ ཞི་ བས་ འདུལ་ ལ་ མི་ དབང་ ཞིང་ བཅུ་ ལ་ འཆོལ་ སྤྱོད་ བདུད་ བཞིའི་ ཁྲག་ གིས་ དམར་ བའི་ ཚེམས་ ངོམས་ འོས་ དྲག་ ཤུལ་ ཚིག་ གི་ སྔགས་ རྒྱུད་ དོན་ མི་ གཡེལ་ འབྲས་ བུའི་ དགའ་ མཆོག་ འགོད་ པ་ བཞིན་ ལྷན་ སྐྱེས་ སྦྱིན་ བྱེད་ དགའ་ བཞིར་ འཁྱིལ་ པའི་ མཚོའི་ ལམ་ བཟང་ རྦ་ རླབས་ ཡེ་ ཤེས་ རོལ་ པའི་ མཐར་

རྟོགས་ མཆོག་ མངོན་ གྱུར་ ནོར་ བུའི་ གྲོང་ ཁྱེར་ རྒྱ་ ཟབ་ དོན་ འོབ་ ལས་ རྣམ་ མཆོད་ ཡེ་ གྲོལ་ བརྙེས་ དོན་ བཟང་ དབྱིངས་ གཟིགས་ བླ་ མའི་ ཡོན་ ཏན་ སྡེ་ མཆོག་ ཏུ་ བྱ་ དཀའ་ སྙན་ ངག་ རྒྱན་ རང་ མཛེས་ དོན་ བཟང་ མུ་ ཏིག་ དོག་ པ་ འདིའི་ ཕྲེང་ རྒྱུད་ གསང་ ཆེན་ ལམ་ མཐར་ ཕྱིན་ ཕྱིར་ བྱས་ པར་ ཤེས་

ཕྱོགས་ནས་སྟོན་པའི་རང་བཞིན་བརྒྱད་རྣམས་བཀོད། །ཟུར་ནས་དབང་བཞིའི་ལམ་བཟང་རྣམ་པར་གསལ། །ཀུན་ནས་སྙན་པའི་ཚིག་བཞིན་དོན་རྣམས་མཛེས། །ཅི་ནས་དགའ་བཞིའི་དོན་བཟང་ལྷག་པར་སྟོན། །

སྟོང་ ཆེན་ མི་ འགྱུར་ མཉམ་ པ་ ཆེན་ པོའི་ བློ་ བློ་ ལས་ འདས་ དབྱིངས་ ཆོས་ རྣམས་ ཀུན་ རང་ མཚན་ མཚན་ ཉིད་ མི་ འཛིན་ སྤྲོས་ པའི་ ཡུལ་ ལས་ འདས་ འདས་ ལམ་ རྟོགས་ པ་ མཆོག་ གཟིག་ བླ་ མ་ རྒྱལ་ དག་ ཆེན་ དབྱིངས་ སུ་ ཆོས་ ཀུན་ མཉམ་ པར་ ལྟ་ ལྟ་ བའི་ རྒྱལ་ པོ་ དམིགས་ གཏད་ མེད་ འགྱུར་ དབྱིངས་ དབྱིངས་ རིག་ འོད་ གཟིགས་ དབང་ པོས་ མངོན་ གསལ་ བ་ བ་ ལྟར་ བླུན་ ཀྱང་ ཇི་ བཞིན་ རང་ ངོ་ སྤྲོད་ དམིག་ གཏད་ མཚན་ མའི་ ཆོས་ རྣམས་ ལ་ མ་ ཞེན་ ཞེན་ མེད་ དབྱིངས་ སུ་ ཉམས་ ལེན་ ལྷུག་ པར་ སྐྱོངས་

སྐྱོངས་ སྒོམ་ བྲལ་ བའི་ ཆོས་ ཉིད་ མུ་ མཐའ་ མེད་ མེད་ བློ་ མི་ སྣང་ ཡོད་ མེད་ མཐའ་ ལས་ གྲོལ་ རྟོགས་ པའི་ ཡེ་ ཤེས་ ད་ ལྟ་ མངོན་ བྱས་ མཆོག་ མཆོག་ ཏུ་ གོང་ བགྲོད་ ས་ ལམ་ མཐའ་ རུ་ ཕྱིན་ ཕྱིན་ དྲུག་ སྤྱོད་ བཟང་ འདིར་ འདུས་ མངོན་ སུམ་ གཟིགས་ གཟིགས་ འཕེལ་ རིག་ གདངས་ དག་ པའི་ ཞིང་ ལྟར་ ཤར་ སྒྲུབ་ མེད་ འབྲས་ བུ་ ལྷུན་ གྱིས་ གྲུབ་ པའི་ དཔལ་ དཔལ་ ལྡན་ ཡོངས་ དག་ རྣམ་ པ་ སྒོམ་ ལམ་ མཆོག་ མཆོག་ ཏུ་ མི་ འགྱུར་ མཐར་ ཐུག་ འབྲས་ བུའི་ དཔལ་ དཔལ་ ལྡན་ ཡོངས་ དག་ རྣམ་ པ་ སྒོམ་ རིམ་ རྫོགས་

དབྱིངས་ རིག་ ཐིག་ ལེ་ བརྟན་ ལ་ མངའ་ བརྙེས་ གཟིགས་ གཟིགས་ སྣང་ ལ་ ཕེབས་ རྒྱ་ ཆེར་ འཕེལ་ མཆོག་ ཐོབ་ ཐོབ་ པ་ གསུམ་ གྱི་ གཟེར་ ཐེབ་ ཟད་ པའི་ གདེངས་ གདེངས་ གྱུར་ ཚད་ བརྙེས་ སྣང་ སེམས་ གཅིག་ ཏུ་ འདྲེས་ རྟོགས་ པའི་ རྣལ་ འབྱོར་ ཆོས་ ཉིད་ རང་ དབང་ བསྒྱུར་ བསྒྱུར་ དཀའ་ འཁྲུལ་ གདེངས་ འོད་ ལྔའི་ ཞིང་ དུ་ ཤར་ ཤར་ གྲོལ་ དུས་ མཉམ་ ཆོས་ སྐུའི་ རྒྱལ་ སར་ དབང་ དབང་ བཅུའི་ འབྲས་ བུ་ རིག་ པའི་ ཐིག་ ལེར་ རྫོགས་ མཉམ་ ཉིད་ བདེ་ ཀློང་ སྲིད་ པ་ འདི་ ཇི་ སྲིད་ སྲིད་ འགྲོའི་ དོན་ མཛད་ དག་ དབྱིངས་ སྐུ་ གསུམ་ འདུས་

འདུས་ མ་ བྱས་ པའི་ རྩལ་ ལས་ རང་ བཞིན་ སྣང་ སྣང་ བློའི་ མོས་ ངོར་ འགག་ པ་ མེད་ པར་ ཤར་ པད་ མ་ ཀུན་ བཟང་ མཚུངས་ མེད་ བླ་ མ་ མཆོག་ མཆོག་ གི་ ཡོན་ ཏན་ ཆ་ ཙམ་ བརྗོད་ པ་ འདིས་ འདུས་ མ་ བྱས་ དབྱིངས་ སྲིད་ པའི་ འགྲོ་ ཀུན་ སྤྱོད་ སྤྱོད་ པ་ མཚུངས་ མེད་ འཇམ་ པའི་ དབྱངས་ བཞིན་ སྨོན་

གྲུ་བཞི་འོད་གསལ་སྣང་བ་བཞི་དབང་ལྡན། །ཕྱོགས་ཀུན་ལྟ་སྒོམ་སྤྱོད་འབྲས་རྣམས་ཀྱིས་མཛེས། །སྣང་བཞི་རབ་གསལ་སྨྲ་བ་གཞུང་དོན་རྫོགས། །དོན་ཀུན་ལམ་སྒོམ་གྲུབ་འབྲས་བཅུད་ཀྱིས་བརྗིད། །

སྲིད་ ལ་ མི་ འཇི༵གས་ སྲིད་ པའི་ འགྲོ་ ལ་ ཕན་ ཕན་ པར་ མཛད་ ཀྱང་ ཞེན་ མེ༵ད་ སྤྱོད་ པའི་ མཐའ་ མཐའ་ ལ་ མི་ གནས་ རྒྱ༵ལ་ བ༵འི་ ལམ་ བཞིན་ མཛད་ མཛད་ བཟང་ བྱང་ ཆེན་ མྱུ་ གུ༵་ དཔག་ ཡས་ རྒྱལ་ གང་ ལ་ མ་ ཆགས་ ཀུན་ ལ་ བུ་ བཞིན་ བྱམས་ བྱམས་ ཆེན་ ཐུགས་ ཀྱིས་ འགྲོ་ ཕན་ ལས་ ལ་ སྤྱོད་ སྤྱོད་ ཀྱང་ མ་ ཞེན་ འཕགས་ པ་ ཀུན་ ལམ་ ཆེན་ ཆེན་ པོ་ དེ་ ལས་ རྣམ་ མཁྱེན་ གོ་ འཕང་ མཆོག་ མཆོག་ གི་ ས་ དེར་ སྡུག་ བདེན་ སྤངས་ པའི་ ཐུགས་ ཐུགས་ རྗེ་ ཆེན་ པོས་ ཀུན་ ལ་ སྙོམས་ པར་ མཛད་

མཛད་ པ་ རྒྱ་ མཚོ་ སྡུག་ བསྔལ་ འགྲོ་ ལ་ དགོངས་ དགོངས་ པ་ མངོན་ འབྱུང་ དབུ་ མའི་ ལམ་ ལ་ གནས་ གནས་ པ་ མི་ གཡོ་ ཡང་ དག་ ཤེས་ རབ་ མཆོག་ མཆོག་ གི་ སྤངས་ རྟོགས་ རྒྱལ་ བ་ དངོས་ དང་ མཉམ་ མཉམ་ མེད་ བླ་ མ་ ཡེ་ ཤེས་ གཟིགས་ མཆོག་ མངའ་ མངའ་ བདག་ ཁྱོད་ ནི་ རྣམ་ པ་ ཐམས་ ཅད་ འགྲོ་ འགྲོ་ བར་ སྙོམས་ པའི་ བཏང་ སྙོམས་ མཆོག་ དགོངས་ དཔལ་ དཔལ་ ལྡན་ ཐུགས་ རྗེའི་ སྙིང་ ལ་ ཁམས་ གསུམ་ འགྲོ་ འགྲོ་ འོང་ བྲལ་ བ་ སྒྱུ་ མའི་ བཏང་ སྙོམས་ དཔལ་ དཔལ་ ལྡན་ ཐུགས་ རྗེའི་ སྙིང་ ལ་ འགྲོ་ གསུམ་ ཁམས་

ཁམས་ དབང་ མོས་ པའི་ བྱེ་ བྲག་ ཀུན་ སྙོམས་ གཟིགས་ གཟིགས་ གནས་ ཡུལ་ གྱི་ བདེན་ ཞེན་ ཀུན་ ལས་ གྲོལ་ གྲོལ་ ལམ་ མི་ འགྱུར་ ཀུན་ རྟོག་ ཆ་ སྤང་ མཆོག་ མཆོག་ ཏུ་ རྒྱུད་ ལ་ བསྟེན་ ལས་ མངོན་ དུ་ མཛད་ མཛད་ པ་ གཉིས་ འཛིན་ ཡོངས་ ཞི་ ལམ་ རྒྱ་ ཆེན་ ཆེན་ པོར་ གྲགས་ མཆོག་ འཕགས་ པ་ ཀུན་ བརྟེན་ ཞིང་ ཞིང་ དང་ མཛད་ པ་ སྲིད་ པའི་ མཐར་ ཁྱབ་ དགའ་ དགའ་ བ་ ཇི་ བཞིན་ ལམ་ དུས་ སྨིན་ ལམ་ མཐུ་ མཐུ་ ལྡན་ མངོན་ བྱས་ ཀུན་ བཟང་ སྤྱོད་ མཆོག་ འཛིན་ འཛིན་ མེད་ རྟོགས་ མཆོག་ གཞལ་ བྱས་ མཚོན་ དཀའི་ དབྱིངས་

དབྱིངས་ དེ་ མངོན་ སུམ་ ཉིད་ གཟིགས་ བླ་ མ་ གང་ གང་ གི་ ཡོན་ ཏན་ བརྗོད་ པ་ མཐར་ ཕྱིན་ མཛད་ བརྗོད་ པ་ བྱ་ དཀའི་ རྒྱན་ མཛེས་ དོན་ ལ་ འབྱོར་ བདེ་ བར་ མཁས་ པས་ བཀྲལ་ བའི་ རིག་ ལམ་ མཆོག་ ལོག་ མེད་ སྙན་ ཚིག་ ཕྲེང་ མཛེས་ གང་ འཛིན་ དཔལ་ ཕན་ བདེའི་ སྙེ་ མ་ གཡུར་ དུ་ ཟ་ བར་ སྨོན་

དང་པོ་མགོ་ནས་མཇུག་བར་རྫོགས་པར་ཀློག །ཟུར་བཞིར་འཕགས་པའི་བདེན་བཞི་ཉམས་མེད་ཡོད། །དམར་པོ་མཐའ་ནས་དཀྱིལ་བར་ལེགས་པར་ཐོན། །ཕྱོགས་བཞིར་ཚངས་པའི་གནས་བཞི་ནུབ་མེད་ཡོད། །

སྦྱིན་ སོགས་ ཐབས་ ཀྱི་ མཛད་ པ་ རྒྱ་ མཚོ་ ཡང་ རྟོག་ བཅས་ ཞེན་ དོར་ མི་ སྤོང་ ཀུན་ ཏུ་ སྙན་ སྤྱོད་ པ་ ཞེན་ མེད་ འཁོར་ གསུམ་ ཡོངས་ སུ་ དག་ པ་ ར་ མི་ ཏ་ རྣམ་ དྲུག་ རྫོགས་ པར་ སྤྱོད་ སྦྱིན་ པ་ མི་ ཟད་ འགྲོ་ ལ་ བུ་ བཞིན་ ལྟ་ ཀུན་ ལ་ ཆ་ སྙོམ་ དེ་ ཕྱིར་ ཀུན་ ལ་ ཕན། ཚུལ་ ཁྲིམས་ ཉེས་ ཟད་ དག་ པའི་ མཆོག་ གྱུར་ བ་ བྲལ་ སྨིན་ ཡོན་ ཏན་ དཔལ་ ལ་ མཆོག་ ཏུ་ སྤྱོད་ བཟོད་ པ་ རྣམ་ ཐར་ སྒོ་ གསུམ་ མཉམ་ པའི་ མཐར་ རྟོགས་ པ་ ལགས་ ཀྱང་ སྨྲ་ ངན་ ལྷག་ པར་ འཇོམས་

བརྩོན་ འགྲུས་ མཆོག་ གི་ རྣམ་ དབྱེ་ ཕ་ མཐར་ ཕྱིན་ དེ་ སླད་ ཐབས་ མཁས་ སྤྱོད་ ལ་ ཁྱེད་ མི་ ཞུམ་ བསམ་ གཏན་ མ་ ཞེན་ སྲིད་ པའི་ འགྲོ་ ལས་ འཕགས་ འཕགས་ བཞིན་ འགྲོ་ བའི་ དོན་ ལ་ ལྷག་ པར་ དགྱེས་ ཤེས་ རབ་ སྨན་ གྱི་ ཤིང་ བཞིན་ ཀུན་ ཕན་ ལམ་ ལམ་ ཕན་ བསྐལ་ པའི་ ཚོགས་ ཀྱང་ ཡུད་ ལ་ སྤྱོད་ སྐྱོན་ མེད་ ཏིང་ འཛིན་ ཡང་ དག་ འཕགས་ ལམ་ མཆོག་ མཆོག་ ལམ་ འཕགས་ པ་ དགྱེས་ ལྡན་ དག་ ངག་ བདེན་ ཡང་ དག་ དྲན་ པ་ མི་ ཉམས་ འཕགས་ ལམ་ མཆོག་ མཆོག་ ལམ་ འཕགས་ བློ་ འཛིན་ མེད་ སྐྱོན་ མཐའ་ ལས་

རྣམ་ གྲོལ་ ཐབས་ ཀྱི་ ཕར་ ཕྱིན་ འགྲོ་ ཕན་ ལམ་ ལམ་ ཕན་ ཉེས་ ལྟུང་ དུག་ ཀྱང་ སྨན་ ལྟར་ སྤྱོད་ རྒྱལ་ སྲས་ སྟོབས་ མཆོག་ ཁམས་ གསུམ་ འགྲོ་ ལས་ འཕགས་ འཕགས་ ཀྱང་ འགྲོ་ བ་ ཀུན་ གྱི་ བྲན་ བཞིན་ དགོངས་ རྣམ་ དག་ སྨོན་ ལམ་ སྐྱོན་ མེད་ ཕ་ རོལ་ ཕྱིན་ སྤངས་ རྟོགས་ དཔལ་ སྦྱིན་ སྲིད་ ན་ ནོར་ བུ་ བཞིན་ ཡེ་ ཤེས་ ཚོགས་ ཆེན་ ལྷོད་ མེད་ ཡོངས་ རྫོགས་ མཐར་ སྐྱོན་ མེད་ ཡོན་ ཏན་ དཔལ་ བརྙེས་ གོ་ འཕང་ རྙེད་ བཟང་ ངན་ སྤོང་ ལེན་ ཉོན་ མོངས་ དུག་ འདྲ་ བ་ བ་ མོར་ ཉི་ བཞིན་ འགྱུར་ རྩིའི་ གསེར་ བཞིན་ དུ་

བགྱིད་ འདིས་ ཉམས་ ལེན་ ཐབས་ མཆོག་ ཁྱོད་ གང་ རྩོལ་ འཚོ་ བའི་ ཚེ་ འདིར་ བདུད་ བཞིའི་ བདུད་ བརྙེས་ ཉིད་ ཚུལ་ མཐུན་ སྙན་ ངག་ བྱ་ དཀའི་ རྒྱན་ འདི་ དག་ དག་ ཆེན་ རྒྱལ་ སྲས་ བླ་ མའི་ མཛད་ སྤྱོད་ དོན་ དོན་ བཟང་ ལམ་ བརྒྱད་ ཕན་ བཞིར་ སྦྱར་ འདི་ ཡང་ ཡང་ དག་ རྣམ་ མཁྱེན་ མཆོག་ སླད་ འགྲོ་ ཀུན་ དོན་

ཕྱོགས་བཞིར་ཡང་དག་འཕགས་ལམ་བརྒྱད་དངོས་ཡོད། །གཞུང་དོན་ཕར་ཕྱིན་བཅུ་སོགས་ཁྱད་ཆོས་ཡོད། །མཚམས་ཀུན་རྣམ་དག་བཞི་ལམ་བསྡུ་དངོས་ལྡན། །ཚིག་དོན་མཐར་ཕྱིན་རྒྱན་རྫོགས་མཛེས་ཆོས་ལྡན། ། ཚིག་བཅད་འོག་མ་བཞིའི་མདོར་བསྟན།སྲིད་ཞི་གཉིས་ཀྱི་དམིགས་འཛིན་དབྱིངས་ཞི་ཞིང་། །དེ་སྙེད་ཡེ་ཤེས་ཆེ་བརྙེས་དགེ་ལེགས་གཏེར། །དུས་གསུམ་ཀུན་ཏུ་མཐུ་ནུས་ཕུལ་བྱུང་ཐུགས། ། ཡོངས་ཐོབ་མགོན་པོ་མཆོག་ཁྱོད་བློ་མཚོར་སྐྱོངས།༡།དོན་གཉིས་ལྷུན་གྱིས་གྲུབ་པར་བསྔགས་པ་ཨི་ངེས་པ།མི་ཤིག་ཡིད་འཛིན་དཔྱིད་ཐིག་རིམ་གཉིས་ཀྱིས། །སྨིན་ཟིན་སྙིང་ཐིག་ཁྲིད་ཀྱིས་གླིང་འདིའི་མི། །ཞི་དབྱིངས་ཇི་བཞིན་ཉིད་གཟིགས་མིག་སྦྱིན་ཕྱིར། །སྲིད་འདི་ཉི་བཞིན་བགྱིད་འདི་ཉིད་གཅིག་ཡིན།༢།མཆོག་གི་དངོས་གྲུབ་ཐོབ་པར་བསྔགས་པ་ཨེ་ངེས་པ།ཞེན་མེད་མཁྱེན་བརྩེ་ཡེ་ཤེས་ཆེ་བརྙེས་ཏེ། །སྐྱེ་མེད་ངེས་ཤེས་བྱེ་སྙེད་དེ་ཚེ་སྐྱེས། །དཔེ་མེད་དགེ་ལེགས་གཏེར་ཆེན་དེར་རྙེད་དེ། །སྲིད་མེད་བདེ་ཆེན་རེ་དེར་བཀྱེ་ཞེས་འཛེར།༣།རྒྱུད་གསུམ་ཚུལ་མཐུན་ལུགས་ཀུན་ཐུགས་སུ་རྩ་བརྒྱུད་དོན་ཆུད། །ཡུལ་གསུམ་སྒྱུ་ལུས་སྤྲུལ་སྐུ་བསྐྱེད་རིམ་དང་སྒྱུ་ལུས་གཟུགས་སུ་གྲུབ། །དུས་གསུམ་ཀུན་ཏུ་ཕུལ་བྱུང་སྐུ་གསུང་དབེན་གསུམ་ཐུགས། །སྐུ་གསུམ་རྒྱུ་རུ་ལྷུན་གྲུབ་ཟུང་དུ་འཇུག༤།འོད་གསལ་དང་ཟུང་འཇུག་ལྟ་སྒོམ་སྤྱོད་གསུམ་གྱི་སྒོ་ནས་བསྔགས་པ་ཨོ་ངེས་པ།རྟོགས་མཆོག་ཡོངས་རྟོགས་དགོངས་ཀློང་བློ་སྐྱོན་གྲོལ། །སྒོམ་མཆོག་བློ་སྒོམ་དངོས་པོ་ཡོངས་གྲོལ་སོང་། །སྤྱོད་མཆོག་ལོངས་སྤྱོད་ཆོས་ཕྱོགས་གཏོང་ཕོད་ཐོབ། །སྟོན་མཆོག་ལམ་སྟོན་དངོས་བྱོན་མགོན་པོ་ཁྱོད།༥།སྟོང་ཉིད་སྙིང་རྗེ་འབྲེལ་བར་བསྔགས་པ་ཨ་ངེས་པ།ཡང་དག་ལྟ་བ་རྟག་ཆད་མཐའ་དང་བྲལ། །ཕན་མཛད་སྐལ་དམན་རྣམས་ལ་མ་ལྟར་བྱམས། །རྣམ་དག་ས་ལམ་མཐར་མཛད་བག་ཆགས་སྤངས། །མཐའ་ཡས་དཔལ་ལ་མངའ་མཛད་བླ་མ་གང་།༦།ཨི་ཨི་ཨུ་ཨུ་ཨེ་ཨེ་ཨོ་ཨོ་ཨ་ངེས་པ།སྲིད་འདི་ཆུ་བུར་དཔེར་མཁྱེན་བློ་རྟོག་བྲལ། །ཞི་དབྱིངས་རྒྱུད་དུ་སྲིད་ཞི་གཉིས་མཐར་མི་གནས་པར་བསྔགས་པ།ཞེན་མེད་འགྲོ་དོན་མཛད། །ཇི་སྲིད་རྒྱུད་དུ་ཐེག་ཆེན་ཆོས་མཆོག་འཆད། །འདི་ཕྱི་ཀུན་ཏུ་རྗེ་ཁྱེད་བསྟོད་འོས་ལགས།༧།ཐོས་བསམ་སྒོམ་གསུམ་དང་ལྡན་པར་བསྔགས་པ་ལུགས་འབྱུང་།རྗེ་བཙུན་མཁས་གྲུབ་མཆོག་བསྟེན་རྒྱུད་ཀུན་ཐོས། །ཡང་དང་ཡང་དུ་དོན་གྱི་ཆོས་བཞིན་བསམ། །ལམ་གྱི་ཀུན་སྤྱོད་གསང་ཆེན་རྫོགས་པར་བསྒོམ། །དེ་སླད་བགྲོད་ལམ་ས་མཆོག་རྟོགས་པར་ངེས།༨།གང་མཁས་བཙུན་བཟང་གསུམ་དང་ལྡན་པར་བསྔགས་པ་ལུགས་ལྡོག །ངེས་པར་རྟོགས་མཆོག་ས་ལམ་བགྲོད་སླད་དེ། །བསྒོམ་པར་རྫོགས་ཆེན་གསང་སྤྱོད་ཀུན་གྱི་ལམ། །བསམ་བཞིན་ཆོས་ཀྱི་དོན་དུ་ཡང་དང་ཡང་། །ཐོས་ཀུན་རྒྱུད་བརྟེན་མཆོག་གྲུབ་མཁས་བཙུན་རྗེ།༩།ཞབས་རྡུལ་གཙང་རེག་ས་གཞི་དེ་མ་ཐག །དད་གསུམ་དཔྲལ་བས་གཏུགས་ལ་དབང་བྱས་ལས། །རྣམ་མང་ཡོན་ཏན་རྒྱ་མཚོའི་མཇིང་ཟབ་མོར། །སྙན་ཚིག་སྐྲ་རྩེས་སློང་ལ་སྤོབས་པ་སྐྱེས།༡༠།དེ་ཕྱིར་ཚིག་རྒྱན་མེ་ལོང་གསར་བའི་དངོས། །དོན་བཟང་ལང་ཚོའི་འཛུམ་བཞིན་འབུམ་འཛིན་པའི། །དབྱངས་ཅན་ངག་གི་སྒྱུ་འཕྲུལ་འགྱུར་བ་བརྒྱར། །

ངོམ་འདི་བློ་གྲོས་གཞོན་ནུའི་རྩེད་འཇོར་བྱས།༡༡།འདི་དགེ་དྲི་མེད་སྲིད་པའི་འགྲོར་ཐུན་མོང་། །བྱས་ནས་འཁོར་གསུམ་དམིགས་པའི་རྡུལ་སྦྱོངས་སླད། །གུར་གུམ་རི་མོས་བྲིས་འདྲའི་མཚན་དཔེ་ཅན། །འཇམ་དཔལ་གཞོན་ནུའི་ཡོངས་བསྔོ་དྲན་པར་བྱས།༡༢།འཁྱུད་པར་མཛོད་ཅིག་རྗེ་བཙུན་མཁྱེན་པའི་གཏེར། །ཡིད་ཀྱི་ཚལ་འདིར་དད་གསུམ་སྦྲང་རྩིའི་རོ། །གཞིབ་བཞིན་ཤེས་རབ་འབུམ་གྱི་གླུ་ལེན་པས། །སྲིད་པ་མཐར་གྱུར་དེ་སྲིད་བརྟན་དུ་གསོལ།༡༣།ཞེས་རིགས་བརྒྱའི་ཁྱབ་བདག་མཚུངས་བྲལ་རྩ་བའི་བླ་མ་འཇིགས་མེད་རྒྱལ་བའི་མྱུ་གུ་གང་གི་གསང་གསུམ་ཡོན་ཏན་གྱི་ཕུང་པོར་སྙན་ངག་བྱ་དཀའི་རྒྱན་ལས་བརྩམས་ཏེ་ཅུང་ཟད་བསྔགས་པ་འདི་ཡང་དམ་པ་གང་གི་ཐུགས་རྗེའི་དཔལ་གྱི་བདུད་རྩིས་ལེགས་པར་འཚོ་བ་ཨོ་རྒྱན་འཇིགས་མེད་ཆོས་ཀྱི་དབང་པོ་ཞེས་མིང་དུ་འབོད་པས་བྲིས་པ་འདིས་ཀྱང་ཕྱོགས་དུས་ཀུན་ཏུ་དགེ་ལེགས་ཀྱི་སྣང་བ་ཡར་ངོའི་ཟླ་བ་ལྟར་གྱུར་ཅིག །དགེའོ། །དགེའོ། །དགེའོ། །