JKW-KABUM-22-ZA-012-072

Previous Text Back to Volume PageNext Text

ཆེད་དུ་བརྗོད་པའི་རྡོ་རྗེའི་ཐོལ་གླུ་གཞན་ཕན་ཟློས་གར།

Wylie title	ched du brjod pa'i rdo rje'i thol glu gzhan phan zlos gar
Location	mkhyen brtse'i bka' 'bum Volume 22, sde tshan 12, Text 72, Pages 545-546 (Folios 101a2 to 101b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ched du brjod pa'i rdo rje'i thol glu gzhan phan zlos gar. In 'jam dbyangs mkhyen brtse'i dbang po'i bka' 'bum, Vol. 22: 545-546. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཆེད་དུ་བརྗོད་པའི་རྡོ་རྗེའི་ཐོལ་གླུ་གཞན་ཕན་ཟློས་གར་ཅེས་བྱ་བ། ཨ་ཧོ། ཀ་དག་བསམ་བརྗོད་བྲལ་བའི་རང་ངོ་ལ་བལྟས་པས། །ཁ་དོག་བཟོ་དབྱིབས་མཚན་མའི་འཁྲུལ་ཆོས་ཀུན་ཟད་ནས། །ག་བུར་འཛིན་ལྟར་དྲི་བྲལ་རིག་སྟོང་གི་གཤིས་སུ། །ང་བདག་ལས་འདས་ཆོས་སྐུའི་བླ་མ་དང་མཇལ་བྱུང་། །ཅ་ག་ངེས་འབྱུང་སོ་ཐར་ཚུལ་ཁྲིམས་ཀྱིས་བསྡམས་ཏེ། །ཆ་མཐུན་འགྲོ་ཀུན་སྒྲོལ་འདོད་བྱང་སེམས་ལ་བསླབས་ནས། །ཇ་ཆང་འཁྲུལ་རྟོག་རིག་འཛིན་དམ་ཚིག་གིས་འཆིང་བའི། །ཉ་རྒྱས་ཟླ་འདྲའི་བསླབ་གསུམ་ཡར་ལྡན་ལ་བསྙེན་ཅིག །ཏ་ཐཱ་ག་ཏའི་བསྟན་པ་རིམ་དགུ་རུ་ཕྱེ་ནས། །ཐ་དད་བདེན་གཉིས་དབྱེར་མེད་གསང་སྔགས་ཀྱི་ཉེ་ལམ། །ད་ལྟའི་ཤེས་པ་རིག་སྟོང་རྗེན་པ་རུ་རྫོགས་པས། །ན་མར་ཤར་གྲོལ་དུས་མཉམ་ཆེན་པོ་རུ་སྐྱོངས་ཤིག །པ་ར་མི་ཏིའི་སྤྱོད་པ་རྒྱ་མཚོ་ལ་བསླབས་པས། །ཕ་མཐའ་མི་མངོན་ས་ལམ་ཡོན་ཏན་ཀུན་རྫོགས་ཀྱང་། །བ་མཆོག་དཔག་བསམ་ཤིང་ལྟར་མཆོག་ཐུན་གྱི་དངོས་གྲུབ། །མ་ལུས་མྱུར་དུ་སྦྱིན་པ་གསང་སྔགས་ཀྱི་ཁྱད་ཆོས། །ཙཱ་རི་ཏྲ་སོགས་ཤུལ་ལམ་བཟོད་སྲན་གྱིས་བགྲོད་པས། །ཚ་གྲང་ལས་འདས་རྣམ་ཀུན་མཆོག་ལྡན་དང་མི་མཇལ། །ཛ་ཧུའི་རྒྱུན་ལྟར་བདེ་སྟོང་ཏིང་འཛིན་ལ་རོལ་པས། །ཝ་ལྟར་ཉུལ་བའི་རླུང་སེམས་དབུ་མ་རུ་ཕེབས་སོ། །ཞྭ་ཐོད་གསེར་དུ་གཡོས་ཀྱང་ཆོས་སྐུ་ནི་མི་ཐོབ། །ཟ་ར་ཟི་རིའི་བཙུན་ཆས་ལོངས་སྐུ་དང་མི་མཛའ། །འ་འུར་དབྱངས་དང་རོལ་མོས་སྤྲུལ་སྐུ་ཡང་མི་འགྲུབ། །ཡ་མཱནྟ་ཀས་འབོད་ཚེ་གདིང་ཆེན་ཞིག་རྙེད་མཛོད། །རྭ་ཅོ་ལྟ་བུའི་ཐེག་དམན་རང་དོན་གྱི་འཁོར་ལོ། །ལ་ཀླུང་རྒྱུ་བའི་སྔགས་སྨྱོན་དམྱལ་བ་ཡི་གཏིང་རྡོ། །ཤ་ཁྲག་གཡོས་སུ་སྦྱར་བས་གསང་སྔགས་ནི་མ་ཡིན། །ས་བཅུ་རང་ངོར་རྫོགས་པའི་དངོས་གྲུབ་ཤིག་བརྙེས་མཛོད། །ཧཾ་ཡིག་བདེ་སྟོང་ལང་ཚོའི་འཇོ་སྒེག་དང་སྒྲགས་ནས། །ཨ་ཤད་གཏུམ་མོའི་མེ་ལྕེའི་འབྲོས་འདེད་ལ་སྦྱར་བས། །ཧ་ལའི་རྟོག་ཚོགས་ཅེར་གྲོལ་གཉུག་མ་རུ་ཐིམ་ནས། །ཨ་དོན་འོད་གསལ་རྫོགས་ཆེན་སྙིང་དབུས་སུ་ཕེབས་ཤོག ། ༈

[edit]

ched du brjod pa'i rdo rje'i thol glu gzhan phan zlos gar/__ ched du brjod pa'i rdo rje'i thol glu gzhan phan zlos gar ces bya ba/__a ho/__ka dag bsam brjod bral ba'i rang ngo la bltas pas/__/kha dog bzo dbyibs mtshan ma'i 'khrul chos kun zad nas/__/ga bur 'dzin ltar dri bral rig stong gi gshis su/__/nga bdag las 'das chos sku'i bla ma dang mjal byung /__/ca ga nges 'byung so thar tshul khrims kyis bsdams te/__/cha mthun 'gro kun sgrol 'dod byang sems la bslabs nas/__/ja chang 'khrul rtog rig 'dzin dam tshig gis 'ching ba'i/__/nya rgyas zla 'dra'i bslab gsum yar ldan la bsnyen cig__/ta thA ga ta'i bstan pa rim dgu ru phye nas/__/tha dad bden gnyis dbyer med gsang sngags kyi nye lam/__/da lta'i shes pa rig stong rjen pa ru rdzogs pas/__/na mar shar grol dus mnyam chen po ru skyongs shig__/pa ra mi ti'i spyod pa rgya mtsho la bslabs pas/__/pha mtha' mi mngon sa lam yon tan kun rdzogs kyang /__/ba mchog dpag bsam shing ltar mchog thun gyi dngos grub/__/ma lus myur du sbyin pa gsang sngags kyi khyad chos/__/tsA ri tra sogs shul lam bzod sran gyis bgrod pas/__/tsha grang las 'das rnam kun mchog ldan dang mi mjal/__/dza hu'i rgyun ltar bde stong ting 'dzin la rol pas/__/wa ltar nyul ba'i rlung sems dbu ma ru phebs so/__/zhwa thod gser du g.yos kyang chos sku ni mi thob/__/za ra zi ri'i btsun chas longs sku dang mi mdza'/__/'a 'ur dbyangs dang rol mos sprul sku yang mi 'grub/__/ya mAn+ta kas 'bod tshe gding chen zhig rnyed mdzod/__/rwa co lta bu'i theg dman rang don gyi 'khor lo/__/la klung rgyu ba'i sngags smyon dmyal ba yi gting rdo/__/sha khrag g.yos su sbyar bas gsang sngags ni ma yin/__/sa bcu rang ngor rdzogs pa'i dngos grub shig brnyes mdzod/__/haM yig bde stong lang tsho'i 'jo sgeg dang sgrags nas/__/a shad gtum mo'i me lce'i 'bros 'ded la sbyar bas/__/ha la'i rtog tshogs cer grol gnyug ma ru thim nas/__/a don 'od gsal rdzogs chen snying dbus su phebs shog__/_!