JKW-KABUM-22-ZA-012-050

Previous Text Back to Volume PageNext Text

རྗེ་གྲུབ་ཐོབ་ཆེན་པོ་ལ་གསོལ་འདེབས་རྡོ་རྗེའི་ཐོལ་གླུ་སྐུ་གསུམ་དྲྭ་བ།

Wylie title	rje grub thob chen po la gsol 'debs rdo rje'i thol glu sku gsum drwa ba
Location	mkhyen brtse'i bka' 'bum Volume 22, sde tshan 12, Text 50, Pages 500-501 (Folios 78b2 to 79a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ཐང་སྟོང་རྒྱལ་པོ་ (thang stong rgyal po)
Citation	'jam dbyangs mkhyen brtse'i dbang po. rje grub thob chen po la gsol 'debs rdo rje'i thol glu sku gsum drwa ba. In 'jam dbyangs mkhyen brtse'i dbang po'i bka' 'bum, Vol. 22: 500-501. Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs  ·  Vajra Songs - rdo rje'i glu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

རྗེ་གྲུབ་ཐོབ་ཆེན་པོ་ལ་གསོལ་བ་འདེབས་པའི་རྡོ་རྗེའི་ཐོལ་གླུ་སྐུ་གསུམ་དྲྭ་བ་ཅེས་བྱ་བ། ན་མོ་གུ་ར་ཝེ། སྣང་སྟོང་ཟུང་འཇུག་བདེ་བ་ཆེན་པོ་ཡི་ཀློང་ནས། །གང་འདུལ་སྒྱུ་མར་རོལ་པའི་ཀུན་སྣང་གི་ཡེ་ཤེས། །གདན་གསུམ་དབྱེར་མེད་ལྷ་ཡི་འཁོར་ལོ་ལ་རོལ་བའི། །བརྟན་གཡོ་ཀུན་ཁྱབ་རྡོ་རྗེའི་སྐུ་མཆོག་ལ་འདུད་དོ། །འགྲོ་འོང་རླུང་གི་རྒྱུ་བ་དབུ་མ་རུ་བཅིལ་ཏེ། །གྲགས་སྟོང་གཞོམ་མེད་ནཱ་དའི་ངོ་བོ་རུ་རྫོགས་པས། །སྒྲ་ཚིག་ལས་འདས་ཆགས་བྲལ་སོར་རྟོག་གི་མཁའ་དབྱིངས། །གསལ་སྟོང་དབྱེར་མེད་རྡོ་རྗེའི་གསུང་མཆོག་ལ་འདུད་དོ། །ཐབས་ཤེས་ལྷན་སྐྱེས་ཌཱ་ཀིའི་འཁོར་ལོ་རུ་རོལ་པས། །ཁ་སྦྱོར་རྩ་གནས་མདུད་པ་དབུ་མ་རུ་གྲོལ་ཏེ། །བདེ་སྟོང་དགའ་བཞི་སྒྱུ་འཕྲུལ་དྲྭ་བ་རུ་རོལ་པའི། །སྤྲོས་པ་ཀུན་བྲལ་རྡོ་རྗེའི་ཐུགས་མཆོག་ལ་འདུད་དོ། །རྟག་ཆད་མཚན་མའི་གཟུང་འཛིན་ཀ་དག་ཏུ་རོལ་པས། །ཡིད་བྱེད་རྟོག་པའི་དྲྭ་བ་ལྷུན་གྲུབ་ཏུ་གྲོལ་ཏེ། །ཟུང་འཇུག་ལྷན་ཅིག་སྐྱེས་པའི་ཆོས་ཉིད་དུ་ཤར་བའི། །སྐུ་གསུམ་དབྱེར་མེད་བདེ་བ་ཆེན་པོ་ལ་འདུད་དོ། །སྟོང་དང་སྙིང་རྗེ་ཟུང་འཇུག་ཞི་ཁྲོ་ཡི་རོལ་པས། །མ་ཧཱ་བྷོ་ཊའི་ལྗོངས་ཀུན་རྫོགས་ལྡན་ལ་སྦྱོར་ཏེ། །ངོ་མཚར་གྲུབ་པའི་རྫུ་འཕྲུལ་ཟད་མེད་དུ་སྟོན་པའི། །རྣལ་འབྱོར་དབང་ཕྱུག་ཧེ་རུ་ཀ་དཔལ་ལ་འདུད་དོ། །འཇིག་རྟེན་འཇིག་རྟེན་ལས་འདས་ཤེས་རབ་ཀྱི་མཁའ་འགྲོས། །འབར་འཛག་བདེ་སྟོང་བདུད་རྩིས་དབུ་མ་རུ་བྲན་པས། །ཉི་ཟླའི་རྒྱུ་བ་སྒྲ་གཅན་མཁའ་དབྱིངས་ལ་རོལ་ཏེ། །འཆི་མེད་འཇའ་ལུས་རྡོ་རྗེ་གྲུབ་པ་ལ་འདུད་དོ། །ལྷོ་མོན་ཚལ་ན་གནས་པའི་ཁུ་བྱུག་གི་གླུ་དབྱངས། །དབྱར་སྐྱེས་གཞོན་ནུ་འདྲེན་པའི་སྐྱོ་གྲོགས་ལ་ཕེབས་བཞིན། །སྐུ་གསུང་ཐུགས་རྟེན་ཆུ་ཀླུང་ལྕགས་ཞུན་གྱི་སྐ་རགས། །འཆིང་བའི་བྱེད་ལས་ཕན་བདེའི་དགའ་སྟོན་དུ་ཕེབས་སོ། །དེ་སྐད་གསོལ་བ་འདེབས་པའི་རྡོ་རྗེ་ཡི་ཐོལ་ཀླུ། །མགྲིན་པ་ལོངས་སྤྱོད་འཁོར་ལོའི་དཀོར་མཛོད་ནས་བླངས་པས། །ཀུན་རྟོག་དགེ་བར་མཛའ་བའི་ཤིང་རྟ་ཡིས་དྲངས་པའི། །ཆོས་བཞིན་སྤྱོད་པའི་ཉིན་བྱེད་འབར་བ་རུ་ཤོག་གཅིག །ཕྱི་ལྟར་སྣོད་བཅུད་འཁྲུལ་པར་སྤྱོད་པ་ཡི་འགྲོ་ཀུན། །ནང་ལྟར་བདེ་ཆེན་གཉུག་མའི་ངོ་བོ་རུ་རོལ་ཏེ། །སྐུ་བཞི་དབྱེར་མེད་ཟུང་འཇུག་ཐང་སྟོང་གི་རྒྱལ་པོར། །གདོད་མའི་བཙན་ས་ཟིན་པའི་སྨོན་ལམ་ཞིག་ཞུའོ།། །། ༈

[edit]

rje grub thob chen po la gsol 'debs rdo rje'i thol glu sku gsum drwa ba/__ rje grub thob chen po la gsol ba 'debs pa'i rdo rje'i thol glu sku gsum drwa ba ces bya ba/__na mo gu ra we/__snang stong zung 'jug bde ba chen po yi klong nas/__/gang 'dul sgyu mar rol pa'i kun snang gi ye shes/__/gdan gsum dbyer med lha yi 'khor lo la rol ba'i/__/brtan g.yo kun khyab rdo rje'i sku mchog la 'dud do/__/'gro 'ong rlung gi rgyu ba dbu ma ru bcil te/__/grags stong gzhom med nA da'i ngo bo ru rdzogs pas/__/sgra tshig las 'das chags bral sor rtog gi mkha' dbyings/__/gsal stong dbyer med rdo rje'i gsung mchog la 'dud do/__/thabs shes lhan skyes DA ki'i 'khor lo ru rol pas/__/kha sbyor rtsa gnas mdud pa dbu ma ru grol te/__/bde stong dga' bzhi sgyu 'phrul drwa ba ru rol pa'i/__/spros pa kun bral rdo rje'i thugs mchog la 'dud do/__/rtag chad mtshan ma'i gzung 'dzin ka dag tu rol pas/__/yid byed rtog pa'i drwa ba lhun grub tu grol te/__/zung 'jug lhan cig skyes pa'i chos nyid du shar ba'i/__/sku gsum dbyer med bde ba chen po la 'dud do/__/stong dang snying rje zung 'jug zhi khro yi rol pas/__/ma hA b+ho Ta'i ljongs kun rdzogs ldan la sbyor te/_/ngo mtshar grub pa'i rdzu 'phrul zad med du ston pa'i/__/rnal 'byor dbang phyug he ru ka dpal la 'dud do/__/'jig rten 'jig rten las 'das shes rab kyi mkha' 'gros/__/'bar 'dzag bde stong bdud rtsis dbu ma ru bran pas/__/nyi zla'i rgyu ba sgra gcan mkha' dbyings la rol te/__/'chi med 'ja' lus rdo rje grub pa la 'dud do/__/lho mon tshal na gnas pa'i khu byug gi glu dbyangs/__/dbyar skyes gzhon nu 'dren pa'i skyo grogs la phebs bzhin/__/sku gsung thugs rten chu klung lcags zhun gyi ska rags/__/'ching ba'i byed las phan bde'i dga' ston du phebs so/__/de skad gsol ba 'debs pa'i rdo rje yi thol klu/__/mgrin pa longs spyod 'khor lo'i dkor mdzod nas blangs pas/__/kun rtog dge bar mdza' ba'i shing rta yis drangs pa'i/__/chos bzhin spyod pa'i nyin byed 'bar ba ru shog gcig__/phyi ltar snod bcud 'khrul par spyod pa yi 'gro kun/__/nang ltar bde chen gnyug ma'i ngo bo ru rol te/__/sku bzhi dbyer med zung 'jug thang stong gi rgyal por/__/gdod ma'i btsan sa zin pa'i smon lam zhig zhu'o//__//___!_