བསྐྱེད་རིམ་གསོལ་འདེབས་ཀྱི་རྡོ་རྗེའི་ཐོལ་གླུ་སྣང་སྲིད་གཞིར་བཞེངས།

🚧 This website is under continued development. We appreciate your patience!

Previous Text Back to Volume PageNext Text

Wylie title	bskyed rim gsol 'debs kyi rdo rje'i thol glu snang srid gzhir bzhengs
Location	mkhyen brtse'i bka' 'bum Volume 22, sde tshan 12, Text 28, Pages 434-435 (Folios 45b3 to 46a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bskyed rim gsol 'debs kyi rdo rje'i thol glu snang srid gzhir bzhengs. In 'jam dbyangs mkhyen brtse'i dbang po'i bka' 'bum, Vol. 22: 434-435. Khams sde dge rdzong sar dgon: Rdzong sar blo gros phun tshogs, 2020.
Genre	Generation Stage - bskyed rim  ·  Vajra Songs - rdo rje'i glu

1 Texts in this Section (sde tshan or chos tshan)

28 434-435	བསྐྱེད་རིམ་གསོལ་འདེབས་ཀྱི་རྡོ་རྗེའི་ཐོལ་གླུ་སྣང་སྲིད་གཞིར་བཞེངས། bskyed rim gsol 'debs kyi rdo rje'i thol glu snang srid gzhir bzhengs Generation Stage - bskyed rim   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བསྐྱེད་རིམ་གསལ་འདེབས་ཀྱི་རྡོ་རྗེའི་ཐོལ་གླུ་སྣང་སྲིད་གཞིར་བཞེངས་ཞེས་བྱ་བ། ཨ་ཧོ། འཁོར་འདས་ཆོས་རྣམས་གཟོད་མ་ནས། །ཡོངས་གྲུབ་ལྷ་ཡི་ཕྱག་རྒྱ་ཆེ། །དེ་ཕྱིར་གཉིས་སུ་མེད་པ་ཡི། །དོན་གྱི་ལྟ་བས་མཇལ་ཕྱག་འཚལ། །སྣང་བ་གང་ཤར་ཐམས་ཅད་ཀུན། །ཡི་དམ་ལྷ་ཡི་སྐུ་རུ་གསལ། །དེ་ཡང་ཞེན་པ་མེད་པའི་དངོས། །ཆུ་ཟླའི་གར་མཁན་ཉིད་དུ་དག །འགྲོ་འོང་སྲོག་དང་རྩོལ་བའི་རླུང་། །ཁ་སྦྱོར་སྔགས་ཀྱི་སྤྲོ་བསྡུ་ཡིས། །རྡོ་རྗེ་མི་ཤིགས་ནཱ་དའི་གླུ། །འོད་གསལ་དྷཱུ་ཏཱིའི་སྦུབས་སུ་རྫོགས། །དྲན་རིག་ཅི་ཤར་རང་གྲོལ་བ། །ད་ལྟའི་ཤེས་པ་གཉུག་མའི་སྲོག །ཡེངས་མེད་ངང་དུ་གཟེར་ཐེབས་པས། །འབྲས་བུ་ཡེ་ཤེས་ཆེན་པོར་སྨིན། །ཕྱི་སྣོད་འོད་ལྔ་ཡུམ་ལྔའི་མཁར། །ནང་བཅུད་པདྨ་ཧེ་རུ་ཀཿ སྒྲར་གྲགས་ཧཱུྃ་གི་སྣང་གླུ་ཡིས། །བརྟན་གཡོའི་ཞེན་པ་ཕྲ་སར་བཅད། །དེ་ཚེ་གཟུང་འཛིན་བདུད་དགྲའི་སྡེར། །སྤང་གཉེན་བྲལ་བའི་རྒྱས་བཏབ་པས། །རང་སྣང་དོན་གྱི་འོག་མིན་དུ། །དག་པ་རབ་འབྱམས་གཅིག་ཏུ་ཤར། །ཨ་ཧོ་གསལ་འདེབས་ཉམས་ཀྱི་གླུ། །འོན་ཕུ་སྟག་ཚང་གསང་ཕུག་ཏུ། །ཚོགས་ཀྱི་འདུ་བ་བགྱིས་པའི་ཚེ། །རྣལ་འབྱོར་པདྨ་དགྱེས་པས་བླངས། །དགེ་བས་སྣང་ཞེན་ལྷ་སྐུར་དག །འབྱུང་འཇུག་རླུང་ཁམས་སྔགས་སུ་རྫོགས། །གཟུང་འཛིན་ཆོས་སྐུར་སྨིན་པ་ཡི། །ཧེ་རུ་ཀཿདཔལ་མངོན་གྱུར་ཤོག ། ༈

[edit]

bskyed rim gsol 'debs kyi rdo rje'i thol glu snang srid gzhir bzhengs/__ bskyed rim gsal 'debs kyi rdo rje'i thol glu snang srid gzhir bzhengs zhes bya ba/__a ho/__'khor 'das chos rnams gzod ma nas/__/yongs grub lha yi phyag rgya che/__/de phyir gnyis su med pa yi/__/don gyi lta bas mjal phyag 'tshal/__/snang ba gang shar thams cad kun/__/yi dam lha yi sku ru gsal/__/de yang zhen pa med pa'i dngos/__/chu zla'i gar mkhan nyid du dag__/'gro 'ong srog dang rtsol ba'i rlung /__/kha sbyor sngags kyi spro bsdu yis/__/rdo rje mi shigs nA da'i glu/__/'od gsal d+hU tI'i sbubs su rdzogs/__/dran rig ci shar rang grol ba/__/da lta'i shes pa gnyug ma'i srog__/yengs med ngang du gzer thebs pas/__/'bras bu ye shes chen por smin/__/phyi snod 'od lnga yum lnga'i mkhar/__/nang bcud pad+ma he ru kaH__sgrar grags hU~M gi snang glu yis/__/brtan g.yo'i zhen pa phra sar bcad/__/de tshe gzung 'dzin bdud dgra'i sder/__/spang gnyen bral ba'i rgyas btab pas/__/rang snang don gyi 'og min du/__/dag pa rab 'byams gcig tu shar/__/a ho gsal 'debs nyams kyi glu/__/'on phu stag tshang gsang phug tu/__/tshogs kyi 'du ba bgyis pa'i tshe/__/rnal 'byor pad+ma dgyes pas blangs/__/dge bas snang zhen lha skur dag__/'byung 'jug rlung khams sngags su rdzogs/__/gzung 'dzin chos skur smin pa yi/__/he ru kaHdpal mngon gyur shog__/__!_