JKW-KABUM-22-ZA-007-022

From Khyentse Lineage - A Tsadra Foundation Project

དཔོན་སློབ་ངག་དབང་ལེགས་གྲུབ་ཀྱི་བླ་མའི་རྣལ་འབྱོར་ཡེ་ཤེས་མཆོག་སྦྱིན།
Wylie title dpon slob ngag dbang legs grub kyi bla ma'i rnal 'byor ye shes mchog sbyin JKW-KABUM-22-ZA-007.pdf
Location mkhyen brtse'i bka' 'bum
Volume 22, sde tshan 7, Text 22, Pages 255-257 (Folios 36a3 to 37a3)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. dpon slob ngag dbang legs grub kyi bla ma'i rnal 'byor ye shes mchog sbyin. In 'jam dbyangs mkhyen brtse'i dbang po'i bka' 'bum, Vol. 22: 255-257. Khams sde dge rdzong sar dgon: Rdzong sar blo gros phun tshogs, 2020.
Genre Guru Yoga Texts - bla ma'i rnal 'byor
Colophon

།ཞེས་པའང་དད་ལྡན་ཨཱ་ནནྡ་ཤྭ་རས་བསྐུལ་བ་ལྟར་ཆོས་སྨྲ་བའི་བཙུན་པ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ།

zhes pa'ang dad ldan A nan+da shwa ras bskul ba ltar chos smra ba'i btsun pa 'jam dbyangs mkhyen brtse'i dbang pos bris pa dge

":Property:textsubnumber|textsubnumber" can not be assigned to a declared number type with value 1.

[edit]
༄༅། །རྡོ་རྗེའི་སློབ་དཔོན་ངག་དབང་ལེགས་གྲུབ་ལ་བརྟེན་པའི་བླ་མའི་རྣལ་འབྱོར་ཡེ་ཤེས་མཆོག་སྦྱིན་ཞེས་བྱ་བ་བཞུགས་སོ། །ཨོཾ་སྭ་སྟི། རྡོ་རྗེའི་སློབ་དཔོན་ངག་དབང་ལེགས་གྲུབ་ལ་བརྟེན་པའི་བླ་མའི་རྣལ་འབྱོར་ཉམས་སུ་བླང་བར་འདོད་པས། སྐྱབས་སེམས་སྔོན་དུ་འགྲོ་བས། ཨོཾ་སྭ་བྷཱ་བ་སོགས། སྟོང་པའི་ངང་ལས་སྣོད་བཅུད་དག་པའི་ཞིང་། །ཡིད་འཕྲོག་ངོ་མཚར་བཀོད་པས་མཛེས་པའི་དབུས། །མདུན་གྱི་ནམ་མཁར་སེང་ཁྲི་པད་ཟླའི་སྟེང་། །རྩ་བའི་བླ་མ་ཁྱབ་བདག་རྡོ་རྗེ་འཆང་། །དབང་སྔོན་མདོག་ཅན་རྡོ་རྗེ་དྲིལ་བུ་འཛིན། །རང་འོད་ཡུམ་འཁྱུད་མཚན་དཔེའི་གཟི་བྱིན་འབར། །དར་དང་རིན་ཆེན་རྒྱན་རྫོགས་སྐྱིལ་ཀྲུང་བཞུགས། །གདན་གསུམ་ཡོངས་རྫོགས་དཀྱིལ་འཁོར་རྒྱ་མཚོའི་བདག །དྲན་པས་སྲིད་ཞིའི་རྒུད་པ་ཞི་མཛད་པ། །སྐྱབས་ཀུན་འདུས་པའི་ངོ་བོར་རབ་བཞུགས་པའི། །གནས་གསུམ་འབྲུ་གསུམ་མཚན་པའི་འོད་ཟེར་གྱིས། །སྐྱབས་གནས་ཐམས་ཅད་སྤྱན་དྲངས་དབྱེར་མེད་གྱུར། །ང༷ག་གི་དབ༷ང་ཕྱུག་ཡེ་ཤེས་སྒྱུ་མའི་སྐུ། །ལེག༷ས་བཤད་རབ་འབྱམས་སྨྲ་ལ་མཁས་པའི་ཕུལ། །གྲུབ༷་གཉིས་མཆོག་སྩོལ་རྩ་བའི་བླ་མ་ལ། །ཕྱག་འཚལ་སྐྱབས་མཆི་ལུས་དང་ལོངས་སྤྱོད་འབུལ། །སྡིག་ལྟུང་ཀུན་བཤགས་དགེ་ལ་རྗེས་ཡི་རངས། །ཕྱོགས་བཅུའི་རྣམ་འདྲེན་སྲས་དང་ བཅས་པ་ཀུན། །མྱ་ངན་མི་འདའ་ཆོས་འཁོར་བསྐོར་བར་བསྐུལ། །འདིས་མཚོན་དགེ་ཚོགས་བྱང་ཆུབ་ཆེན་པོར་བསྔོ། །སྤྲོ་ན་མཎྜལ་རྒྱས་བསྡུས་གང་རིགས་དང་། །ཁོ་བོས་བྱས་པའི་རྣམ་ཐར་གསོལ་འདེབས་བྱིན་རླབས་མྱུར་འབེབས་སོགས་སྐུ་བསྟོད་རིགས་གང་ཤེས་གྲངས་གསོག །མཚན་སྔགས་བཟླ་བར་མོས་ན། ཨོཾ་ཨཱཿགུ་རུ་བཛྲ་དྷཱ་ར་ཝཱ་གིནྡྲ་སུ་སིདྡྷི་མེ་པྲ་ཡཙྪ་ཧཱུྃ། ཨོཾ་ཨཱཿཧཱུྃ་བླ་མ་རྡོ་རྗེ་འཆང་ངག་དབང་ལེགས་གྲུབ་ཀྱི་དངོས་གྲུབ་ཐམས་ཅད་སྩལ་དུ་གསོལ། མཆན། ཞེས་ཅི་ནུས་བཟླས་མཐར། དཔལ་ལྡན་བླ་མའི་གནས་གསུམ་འབྲུ་གསུམ་ལས། །དཀར་དམར་མཐིང་འོད་རིམ་དང་གཅིག་ཅར་འཕྲོས། །རང་གི་གནས་གསུམ་ཐིམ་པས་དབང་བཞི་ཐོབ། །སྒྲིབ་དག་བྱིན་རླབས་སྐུ་བཞི་མངོན་དུ་གྱུར། །ཅེས་བརྗོད་མཐར་བླ་མའི་ཐུགས་དང་རང་སེམས་དབྱེར་མེད་དུ་བསྲེས་ལ་མཉམ་པར་གཞག །ཐུན་ལས་ལྡང་བ་ན་ཉིན་མོར་སྤྱི་བོ་དང་། མཚན་མོར་སྙིང་གར་བསྒོམ་ཞིང་སྐུའི་གསལ་སྣང་ལ་སེམས་བཟུང་མཐར། དགེ་བ་འདི་ཡིས་དཔལ་ལྡན་བླ་མ་དང་། །འབྲལ་མེད་གསུང་གི་བདུད་རྩིས་ཉེར་འཚོ་ཞིང་། །དམ་ཆོས་སྒྲུབ་པའི་འགལ་རྐྱེན་ཞི་བ་དང་། །མཐུན་རྐྱེན་ཕུན་སུམ་ཚོགས་པའི་བཀྲ་ཤིས་ཤོག །ཅེས་སོགས་བསྔོ་སྨོན་གང་ཤེས་བྱས་ཏེ་སྤྱོད་ལམ་ལ་འཇུག་གོ །ཞེས་པའང་དད་ལྡན་ཨཱ་ནནྡ་ཤྭ་རས་བསྐུལ་བ་ལྟར་ཆོས་སྨྲ་བའི་བཙུན་པ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ། །། ༈
[edit]

dpon slob ngag dbang legs grub kyi bla ma'i rnal 'byor ye shes mchog sbyin/__ @#/_/rdo rje'i slob dpon ngag dbang legs grub la brten pa'i bla ma'i rnal 'byor ye shes mchog sbyin zhes bya ba bzhugs so/__/oM swa sti/__rdo rje'i slob dpon ngag dbang legs grub la brten pa'i bla ma'i rnal 'byor nyams su blang bar 'dod pas/__skyabs sems sngon du 'gro bas/__oM swa b+hA ba sogs/__stong pa'i ngang las snod bcud dag pa'i zhing /__/yid 'phrog ngo mtshar bkod pas mdzes pa'i dbus/__/mdun gyi nam mkhar seng khri pad zla'i steng /__/rtsa ba'i bla ma khyab bdag rdo rje 'chang /__/dbang sngon mdog can rdo rje dril bu 'dzin/__/rang 'od yum 'khyud mtshan dpe'i gzi byin 'bar/__/dar dang rin chen rgyan rdzogs skyil krung bzhugs/__/gdan gsum yongs rdzogs dkyil 'khor rgya mtsho'i bdag__/dran pas srid zhi'i rgud pa zhi mdzad pa/__/skyabs kun 'dus pa'i ngo bor rab bzhugs pa'i/__/gnas gsum 'bru gsum mtshan pa'i 'od zer gyis/__/skyabs gnas thams cad spyan drangs dbyer med gyur/__/ngaXg gi dbaXng phyug ye shes sgyu ma'i sku/__/legaXs bshad rab 'byams smra la mkhas pa'i phul/__/grubaX gnyis mchog stsol rtsa ba'i bla ma la/__/phyag 'tshal skyabs mchi lus dang longs spyod 'bul/__/sdig ltung kun bshags dge la rjes yi rangs/__/phyogs bcu'i rnam 'dren sras dang _bcas pa kun/__/mya ngan mi 'da' chos 'khor bskor bar bskul/__/'dis mtshon dge tshogs byang chub chen por bsngo/__/spro na maN+Dal rgyas bsdus gang rigs dang /__/kho bos byas pa'i rnam thar gsol 'debs byin rlabs myur 'bebs sogs sku bstod rigs gang shes grangs gsog__/mtshan sngags bzla bar mos na/__oM AHgu ru badz+ra d+hA ra wA gin+d+ra su sid+d+hi me pra yats+tsha hU~M/__oM AHhU~M bla ma rdo rje 'chang ngag dbang legs grub kyi dngos grub thams cad stsal du gsol/__mchan/__zhes ci nus bzlas mthar/__dpal ldan bla ma'i gnas gsum 'bru gsum las/__/dkar dmar mthing 'od rim dang gcig car 'phros/__/rang gi gnas gsum thim pas dbang bzhi thob/__/sgrib dag byin rlabs sku bzhi mngon du gyur/___/ces brjod mthar bla ma'i thugs dang rang sems dbyer med du bsres la mnyam par gzhag__/thun las ldang ba na nyin mor spyi bo dang /__mtshan mor snying gar bsgom zhing sku'i gsal snang la sems bzung mthar/__dge ba 'di yis dpal ldan bla ma dang /__/'bral med gsung gi bdud rtsis nyer 'tsho zhing /__/dam chos sgrub pa'i 'gal rkyen zhi ba dang /__/mthun rkyen phun sum tshogs pa'i bkra shis shog__/ces sogs bsngo smon gang shes byas te spyod lam la 'jug go_/zhes pa'ang dad ldan A nan+da shwa ras bskul ba ltar chos smra ba'i btsun pa 'jam dbyangs mkhyen brtse'i dbang pos bris pa dge/___//_!_

Footnotes

Other Information