JKW-KABUM-22-ZA-007-021

From Khyentse Lineage - A Tsadra Foundation Project

རྡོ་རྗེ་གཞོན་ནུ་ལ་བརྟེན་པའི་བླ་མའི་རྣལ་འབྱོར་དངོས་གྲུབ་མཆོག་སྦྱིན།
Wylie title rdo rje gzhon nu la brten pa'i bla ma'i rnal 'byor dngos grub mchog sbyin JKW-KABUM-22-ZA-007.pdf
Location mkhyen brtse'i bka' 'bum
Volume 22, sde tshan 7, Text 21, Pages 252-255 (Folios 34b4 to 36a3)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. rdo rje gzhon nu la brten pa'i bla ma'i rnal 'byor dngos grub mchog sbyin. In 'jam dbyangs mkhyen brtse'i dbang po'i bka' 'bum, Vol. 22: 252-255. Khams sde dge rdzong sar dgon: Rdzong sar blo gros phun tshogs, 2020.
Genre Guru Yoga Texts - bla ma'i rnal 'byor
Deity rdo rje phur pa
Colophon

།ཅེས་སོགས་བསྔོ་སྨོན་ཤིས་བརྗོད་གང་ཤེས་བྱས་ཏེ་སྤྱོད་ལམ་ལ་འཇུག་གོ །རྗེ་བཙུན་ས་སྐྱ་པ་དང་ལྷག་པའི་ལྷ་རྡོ་རྗེ་གཞོན་ནུ་དབྱེར་མེད་པར་གསོལ་བ་འདེབས་ཚུལ་གྱི་བླ་མའི་རྣལ་འབྱོར་འདི་ལྟ་བུ་ཞིག་དགོས་ཞེས་དད་ལྡན་ཨཱ་ནནྡ་ཤྭ་རས་བསྐུལ་ངོར་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ།

ces sogs bsngo smon shis brjod gang shes byas te spyod lam la 'jug go__/rje btsun sa skya pa dang lhag pa'i lha rdo rje gzhon nu dbyer med par gsol ba 'debs tshul gyi bla ma'i rnal 'byor 'di lta bu zhig dgos zhes dad ldan A nan+da shwa ras bskul ngor bya bral chos rje 'jam dbyangs mkhyen brtse'i dbang pos bris pa dge

":Property:textsubnumber|textsubnumber" can not be assigned to a declared number type with value 1.

[edit]
༄༅། །རྡོ་རྗེ་གཞོན་ནུ་ལ་བརྟེན་པའི་བླ་མའི་རྣལ་འབྱོར་དངོས་གྲུབ་མཆོག་སྦྱིན་ཅེས་བྱ་བ། ན་མོ་གུ་རུ་བཛྲ་ཀུ་མཱ་རཱ་ཡ། སྐྱབས་སེམས་སྔོན་དུ་འགྲོ་བས། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཆོས་ཀུན་སྟོང་ཉིད་རྡོ་རྗེ་ནམ་མཁའི་དབྱིངས། །ཡེ་ཤེས་རིག་པ་སྙིང་རྗེ་ཁྲོས་པའི་གདངས། །སྣོད་བཅུད་རྣམ་དག་འོག་མིན་གསང་ཆེན་ཞིང་། །དུར་ཁྲོད་རོལ་པའི་བཀོད་པས་བརྗིད་པའི་དབུས། རང་མདུན་ནམ་མཁར་རྩ་བའི་བླ་མ་ནི། །རྣམ་པ་བཅོམ་ལྡན་བཛྲ་ཀུ་མཱ་ར། །མཐིང་ནག་ཞལ་གསུམ་ཕྱག་དྲུག་ཞབས་བཞི་བགྲད། །གཡས་དཀར་གཡོན་དམར་དབུས་མཐིང་གར་དགུའི་ཉམས། །ཕྱག་དྲུག་གཡས་གཉིས་རྡོ་རྗེ་རྩེ་དགུ་ལྔ། །གཡོན་གཉིས་མེ་ཕུང་ཁ་ཊྭཱཾ་རྩེ་གསུམ་བསྣམས། །ཐ་མ་གཉིས་ཀྱིས་རི་རབ་ཕུར་བུ་འདྲིལ། །འཁོར་ལོ་རྒྱས་འདེབས་ཨུཏྤལ་ཐོད་ཁྲག་འཛིན། །ཡབ་ཡུམ་མཉམ་སྦྱོར་དཔལ་དང་དུར་ཁྲོད་ཆས། །ཞབས་བཞི་པད་ཉི་ལྷ་ཆེན་ཕོ་མོའི་སྟེང་། །ཡེ་ཤེས་མེ་ཕུང་འབར་བའི་དབུས་ན་རོལ། །ཕུང་པོ་སྲས་མཆོག་ཚིགས་རྣམས་ཁྲོ་རྒྱལ་བཅུ། །སྐུའི་ཆ་ཤས་ཕྲ་ཐབས་སྒོ་མ་སོགས། །རབ་འབྱམས་རྩ་གསུམ་རྒྱ་མཚོའི་སྤྲིན་ཕུང་འཕྲོ། །གནས་གསུམ་འབྲུ་གསུམ་མཚན་པའི་འོད་ཟེར་གྱིས། །སྐྱབས་གནས་ཐམས་ཅད་སྤྱན་དྲངས་དབྱེར་མེད་གྱུར། །ཆོས་སྐུ་རྡོ་རྗེ་ནམ་མཁའི་དཀྱིལ་ལྟ་བུ། །གཞོན་ནུའི་གཟུགས་སྐུའི་སྒྱུ་འཕྲུལ་དྲྭ་བའི་གར། །འཁོར་ལོའི་མགོན་པོ་དཔལ་ཆེན་ཧེ་རུ་ཀར། །ཕྱག་འཚལ་སྐྱབས་མཆི་དངོས་ཡིད་མཆོད་པས་མཆོད། །ཉེས་བྱས་ཀུན་བཤགས་དགེ་ལ་རྗེས་ཡི་རངས། །བྱང་ཆུབ་སེམས་བསྐྱེད་ལུས་དང་ལོངས་སྤྱོད་འབུལ། །བསོད་ནམས་དངོས་ཀུན་རྫོགས་བྱང་ཆེན་པོར་བསྔོ། །ཞེས་ཡན་ལག་བརྒྱད་པའི་སྒོ་ནས་ཚོགས་བསག །མཎྜལ་ཅི་ནུས་འབུལ། བཀྲ་ཤིས་དགེ་མཚན་བྱེ་བས་བརྒྱན་པའི་སྐུ། །ལུང་རྟོགས་ཆོས་ཀྱི་ཆར་པ་འབེབས་མཁས་གསུང་། །ཇི་ལྟ་ཇི་སྙེད་གཟིགས་པའི་ཐུགས་མངའ་བའི། །དཔལ་ལྡན་ཕྱོགས་ཀྱི་གླང་པོའི་ཞབས་ལ་འདུད། །གསན་བསམ་སྒོམ་པའི་ཆུ་གཏེར་ལས་བྱུང་ཞིང་། །འཆད་རྩོད་རྩོམ་པའི་འོད་སྟོང་དྲྭ་བ་ཅན། །མཁྱེན་བརྩེ་ནུས་པས་ས་གསུམ་སྣང་མཛད་པ། །འཇམ་མགོན་སྨྲ་བའི་ཉི་མར་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བསྟན་འཛིན་ཞབས་བརྟན་བསྟན་པ་ཕྱོགས་བཅུར་རྒྱས། །སྡེ་བཞིའི་དགེ་བཅུའི་འབྱོར་པས་འགྲོ་ཀུན་ལ། །ཕན་བདེའི་ལེགས་ཚོགས་འཕེལ་བའི་བཀྲ་ཤིས་སྩོལ། །ཅེས་སོགས་གསོལ་འདེབས་གང་རིགས་གྲངས་གསོག །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྷནྡྷ་ཧཱུྃ་ཕཊ། ཅེས་ལྷ་སྔགས་དང་། ཨོཾ་ཨཱཿགུ་རུ་ཀུ་མཱ་ར་སརྦ་སིདྡྷི་མྨེ་པྲ་ཡཙྪ་ཧཱུྃ། ཞེས་མཚན་སྔགས་ཀྱང་བཟླ། བླ་མ་ཡབ་ཡུམ་སྨིན་མཚམས་འོད་ཟེར་ལས། །དབང་ལྷ་སྤྲུལ་ནས་བུམ་པའི་དབང་མཆོག་སྩལ། །རང་ཉིད་རྡོ་རྗེ་གཞོན་ནུའི་སྐུ་རུ་གྱུར། །སྦྱོར་མཚམས་ནས་བྱུང་བདུད་རྩིའི་གསང་དབང་ཐོབ། །སྦྱོར་ཡུམ་སྤྲོས་པས་འཁྲིལ་ཏེ་སྙོམས་པར་ཞུགས། །ཤེས་རབ་ཡེ་ཤེས་བཞི་བའི་དབང་མཆོག་གིས། །དཔེ་དང་དོན་གྱི་ཡེ་ཤེས་རྒྱུད་ལ་སྨིན། །ཐུགས་ཡིད་གཅིག་འདྲེས་དབྱེར་མེད་བྱིན་གྱིས་རློབས། །ཞེས་བརྗོད་ཅིང་དོན་བསམ། དཔལ་ལྡན་རྩ་བའི་བླ་མ་ཧེ་རུ་ཀ །སྤྱི་གཙུག་ཛ་ལནྡྷ་རའི་ཟུར་ཕུད་དང་། །སྙིགས་དབུས་མི་ཤིགས་ཐིག་ལེར་འབྲལ་མེད་དུ། །བཞུགས་ནས་དབང་དང་དངོས་གྲུབ་མ་ལུས་སྩོལ། །དགེ་བ་འདི་ཡིས་ཁམས་གསུམ་ཡིད་ཅན་ཀུན། །དམ་ཆོས་སྒྲུབ་པའི་བར་ཆད་ཀུན་ཞི་ཞིང་། །ལམ་ལྔ་ས་བཅུའི་གོ་འཕང་ལ་བརྟེན་ནས། །མཆོག་ཐུན་དངོས་གྲུབ་འགྲུབ་པའི་བཀྲ་ཤིས་ཤོག །ཅེས་སོགས་བསྔོ་སྨོན་ཤིས་བརྗོད་གང་ཤེས་བྱས་ཏེ་སྤྱོད་ལམ་ལ་འཇུག་གོ །རྗེ་བཙུན་ས་སྐྱ་པ་དང་ལྷག་པའི་ལྷ་རྡོ་རྗེ་གཞོན་ནུ་དབྱེར་མེད་པར་གསོལ་བ་འདེབས་ཚུལ་གྱི་བླ་མའི་རྣལ་འབྱོར་འདི་ལྟ་བུ་ཞིག་དགོས་ཞེས་དད་ལྡན་ཨཱ་ནནྡ་ཤྭ་རས་བསྐུལ་ངོར་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ། །། ༈
[edit]

rdo rje gzhon nu la brten pa'i bla ma'i rnal 'byor dngos grub mchog sbyin/ @#/_/rdo rje gzhon nu la brten pa'i bla ma'i rnal 'byor dngos grub mchog sbyin ces bya ba/__na mo gu ru badz+ra ku mA rA ya/__skyabs sems sngon du 'gro bas/__oM ma hA shU n+ya tA dz+nyA na badz+ra swa b+hA ba At+ma ko\u0f85haM/__chos kun stong nyid rdo rje nam mkha'i dbyings/__/ye shes rig pa snying rje khros pa'i gdangs/_/snod bcud rnam dag 'og min gsang chen zhing /__/dur khrod rol pa'i bkod pas brjid pa'i dbus/__rang mdun nam mkhar rtsa ba'i bla ma ni/__/rnam pa bcom ldan badz+ra ku mA ra/__/mthing nag zhal gsum phyag drug zhabs bzhi bgrad/__/g.yas dkar g.yon dmar dbus mthing gar dgu'i nyams/__/phyag drug g.yas gnyis rdo rje rtse dgu lnga/__/g.yon gnyis me phung kha T+wAM rtse gsum bsnams/__/tha ma gnyis kyis ri rab phur bu 'dril/__/'khor lo rgyas 'debs ut+pal thod khrag 'dzin/__/yab yum mnyam sbyor dpal dang dur khrod chas/__/zhabs bzhi pad nyi lha chen pho mo'i steng /__/ye shes me phung 'bar ba'i dbus na rol/__/phung po sras mchog tshigs rnams khro rgyal bcu/__/sku'i cha shas phra thabs sgo ma sogs/__/rab 'byams rtsa gsum rgya mtsho'i sprin phung 'phro/__/gnas gsum 'bru gsum mtshan pa'i 'od zer gyis/__/skyabs gnas thams cad spyan drangs dbyer med gyur/__/chos sku rdo rje nam mkha'i dkyil lta bu/__/gzhon nu'i gzugs sku'i sgyu 'phrul drwa ba'i gar/__/'khor lo'i mgon po dpal chen he ru kar/__/phyag 'tshal skyabs mchi dngos yid mchod pas mchod/__/nyes byas kun bshags dge la rjes yi rangs/__/byang chub sems bskyed lus dang longs spyod 'bul/__/bsod nams dngos kun rdzogs byang chen por bsngo/__/zhes yan lag brgyad pa'i sgo nas tshogs bsag__/maN+Dal ci nus 'bul/__bkra shis dge mtshan bye bas brgyan pa'i sku/__/lung rtogs chos kyi char pa 'bebs mkhas gsung /__/ji lta ji snyed gzigs pa'i thugs mnga' ba'i/__/dpal ldan phyogs kyi glang po'i zhabs la 'dud/__/gsan bsam sgom pa'i chu gter las byung zhing /__/'chad rtsod rtsom pa'i 'od stong drwa ba can/__/mkhyen brtse nus pas sa gsum snang mdzad pa/__/'jam mgon smra ba'i nyi mar gsol ba 'debs/__/de ltar gsol ba btab pa'i byin rlabs kyis/__/bstan 'dzin zhabs brtan bstan pa phyogs bcur rgyas/__/sde bzhi'i dge bcu'i 'byor pas 'gro kun la/__/phan bde'i legs tshogs 'phel ba'i bkra shis stsol/__/ces sogs gsol 'debs gang rigs grangs gsog__/oM badz+ra kI li kI la ya sarba big+h+nAn b+han+d+ha hU~M phaT/__ces lha sngags dang /__oM AHgu ru ku mA ra sarba sid+d+hi m+me pra yats+tsha hU~M/__zhes mtshan sngags kyang bzla/__bla ma yab yum smin mtshams 'od zer las/__/dbang lha sprul nas bum pa'i dbang mchog stsal/__/rang nyid rdo rje gzhon nu'i sku ru gyur/__/sbyor mtshams nas byung bdud rtsi'i gsang dbang thob/__/sbyor yum spros pas 'khril te snyoms par zhugs/__/shes rab ye shes bzhi ba'i dbang mchog gis/__/dpe dang don gyi ye shes rgyud la smin/__/thugs yid gcig 'dres dbyer med byin gyis rlobs/__/zhes brjod cing don bsam/__dpal ldan rtsa ba'i bla ma he ru ka__/spyi gtsug dza lan+d+ha ra'i zur phud dang /__/snyigs dbus mi shigs thig ler 'bral med du/__/bzhugs nas dbang dang dngos grub ma lus stsol/__/dge ba 'di yis khams gsum yid can kun/__/dam chos sgrub pa'i bar chad kun zhi zhing /__/lam lnga sa bcu'i go 'phang la brten nas/__/mchog thun dngos grub 'grub pa'i bkra shis shog_/ces sogs bsngo smon shis brjod gang shes byas te spyod lam la 'jug go__/rje btsun sa skya pa dang lhag pa'i lha rdo rje gzhon nu dbyer med par gsol ba 'debs tshul gyi bla ma'i rnal 'byor 'di lta bu zhig dgos zhes dad ldan A nan+da shwa ras bskul ngor bya bral chos rje 'jam dbyangs mkhyen brtse'i dbang pos bris pa dge/__//__!__

Footnotes

Other Information