འགྲོ་དོན་གཞན་ཕན་གྱི་ཞལ་གདམས་བཅས།

🚧 This website is under continued development. We appreciate your patience!

Previous Text Back to Volume PageLast text in section.

Wylie title	'gro don gzhan phan gyi zhal gdams bcas
Location	mkhyen brtse'i bka' 'bum Volume 20, sde tshan 5, Text 5, Pages 572-573 (Folios 11b2 to 12a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gro don gzhan phan gyi zhal gdams bcas. In jam dbyangs mkhyen brtse'i dbang po'i bka' 'bum, Vol. 20: 572-573. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Advice - zhal gdams

1 Texts in this Section (sde tshan or chos tshan)

5 572-573	འགྲོ་དོན་གཞན་ཕན་གྱི་ཞལ་གདམས་བཅས། 'gro don gzhan phan gyi zhal gdams bcas Official Letters - chab shog   ·   Advice - zhal gdams	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

འགྲོ་དོན་གཞན་ཕན་གྱི་ཞལ་གདམས་བཅས། མི་མང་ཁྲོམ་ཚོགས་འདུ་ལོང་རྒྱས་པའི་དུས། །འགྲོ་དོན་མཐོང་གྲོལ་སྐུ་ཚབ་དེ་དུས་དགོས། །འོན་ལོང་དྲན་ཉམས་ཆོས་གཞན་མི་བཏུབ་དུས། །སྐྱེ་བདུན་མྱོང་གྲོལ་བདུད་རྩི་དེ་དུས་དགོས། །གདམས་ངག་ཆུང་ལ་ལེ་ལོ་ཆེ་བའི་དུས། །མ་བསྒོམ་མྱུར་ལམ་འཕོ་བ་དེ་དུས་དགོས། །ལས་ངན་སྡིག་ཅན་འཆི་ཁ་འགྱོད་པའི་དུས། །བཏགས་གྲོལ་སངས་རྒྱས་ལག་བཅངས་དེ་དུས་དགོས། །བྱ་དང་རི་དྭགས་དུད་འགྲོར་ལམ་འཕྲད་དུས། །ཐོས་གྲོལ་གསང་སྔགས་ཟབ་མོ་དེ་དུས་དགོས། །བཤེས་གཉེན་ངན་པས་ལམ་ལོག་སྟོན་པའི་དུས། །ངོ་སྤྲོད་བཙན་ཐབས་རྫོགས་ཆེན་དེ་དུས་དགོས། །བཀའ་འཆལ་རྒྱུད་དཀྲུགས་བྱིན་རླབས་ཡལ་བའི་དུས། །གཏེར་གསར་བྱིན་རླབས་སོ་མ་དེ་དུས་དགོས། །གཟའ་ཀླུ་རྒྱལ་པོས་སྲོག་དབུགས་སྡུད་པའི་དུས། །ཟ་ཡིག་རྣོ་ནུས་ལྡན་པ་དེ་དུས་དགོས། །དམ་ལོག་ཤི་འདྲེ་མེ་ལྟར་འབར་བའི་དུས། །ཨོ་རྒྱན་དྲག་སྔགས་དྲག་སྒྲུབ་དེ་དུས་དགོས། །ཆོས་མཛད་བརྙས་ཤིང་ཡོ་བྱད་འཕྲོག་པའི་དུས། །ངན་སྔགས་དུག་གི་སྤུ་གྲི་དེ་དུས་དགོས། །སྔར་མེད་དལ་ཡམས་རིམས་ནད་དར་བའི་དུས། །སྲུང་བ་རྡོ་རྗེའི་རྫོང་ཆེན་དེ་དུས་དགོས། །མཐའ་དམག་གདུག་པས་ཕྱོགས་མཚམས་གང་བའི་དུས། །སྲིད་པའི་དམག་བཟློག་ཟོར་ཆེན་དེ་དུས་དགོས། །ཅི་ལ་ཅི་དགོས་གནད་མི་གོ་བའི་དུས། །ཕྲིན་ལས་ཞལ་གདམས་འདི་ཡང་དེ་དུས་དགོས། །སརྦ་མངྒ་ལཾ།། །། ༈

[edit]

'gro don gzhan phan gyi zhal gdams bcas/ mi mang khrom tshogs 'du long rgyas pa'i dus/___/'gro don mthong grol sku tshab de dus dgos/___/'on long dran nyams chos gzhan mi btub dus/___/skye bdun myong grol bdud rtsi de dus dgos/___/gdams ngag chung la le lo che ba'i dus/___/ma bsgom myur lam 'pho ba de dus dgos/___/las ngan sdig can 'chi kha 'gyod pa'i dus/___/btags grol sangs rgyas lag bcangs de dus dgos/___/bya dang ri dwags dud 'gror lam 'phrad dus/___/thos grol gsang sngags zab mo de dus dgos/___/bshes gnyen ngan pas lam log ston pa'i dus/___/ngo sprod btsan thabs rdzogs chen de dus dgos/___/bka' 'chal rgyud dkrugs byin rlabs yal ba'i dus/___/gter gsar byin rlabs so ma de dus dgos/___/gza' klu rgyal pos srog dbugs sdud pa'i dus/___/za yig rno nus ldan pa de dus dgos/___/dam log shi 'dre me ltar 'bar ba'i dus/___/o rgyan drag sngags drag sgrub de dus dgos/___/chos mdzad brnyas shing yo byad 'phrog pa'i dus/___/ngan sngags dug gi spu gri de dus dgos/___/sngar med dal yams rims nad dar ba'i dus/___/srung ba rdo rje'i rdzong chen de dus dgos/___/mtha' dmag gdug pas phyogs mtshams gang ba'i dus/___/srid pa'i dmag bzlog zor chen de dus dgos/___/ci la ci dgos gnad mi go ba'i dus/___/phrin las zhal gdams 'di yang de dus dgos/___/sarba mang+ga laM//__//__!_