ཡེ་ཤེས་གཟིགས་པ་རབ་འབྱམས་ཀྱི། ཞེས་པའི་དབུ་ཅན།

🚧 This website is under continued development. We appreciate your patience!

Previous Text Back to Volume PageNext Text

Wylie title	ye shes gzigs pa rab 'byams kyi/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 64, Pages 127-128 (Folios 64a1 to 64b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ye shes gzigs pa rab 'byams kyi zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 127-128. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan
Colophon	།ཞེས་པའི་ཞུ་མཚོན་ལྷའི་རེག་བྱ། ཚེ་རྫས། རིན་གཉིས་སྲང་འཁོར་བཅས་ཟླ་ཚེས་ལ་ཕུལ།།
	zhes pa'i zhu mtshon lha'i reg bya/_tshe rdzas/_rin gnyis srang 'khor bcas zla tshes la phul

1 Texts in this Section (sde tshan or chos tshan)

64 127-128	ཡེ་ཤེས་གཟིགས་པ་རབ་འབྱམས་ཀྱི། ཞེས་པའི་དབུ་ཅན། ye shes gzigs pa rab 'byams kyi/ zhes pa'i dbu can Official Letters - chab shog   ·   Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཡེ་ཤེས་གཟིགས་པ་རབ་འབྱམས་ཀྱི། །དངོས་ཀུན་དེ་ཉིད་ཐུགས་ཆུད་ནས། །ཆོས་ཀྱི་རྒྱལ་མཚན་སྒྲེང་མཛད་པའི། །རྣམ་འདྲེན་མཆོག་གི་ཞབས་པདྨོར། །རྫིང་ན་གནས་པའི་ཀུ་མུ་དཱ། །ཟླ་ཟེར་བདུད་རྩིས་ཕྱེ་བ་བཞིན། །གང་ཚུལ་བསྔགས་འོས་རྣམ་ཐར་ལ། །ཡིད་རབ་ཕྱོགས་པས་འདི་སྐད་གསོལ། །གཟོད་ནས་བྱང་ཆུབ་སྙིང་པོ་རུ། །སྐུ་བཞིའི་གོ་འཕང་མངོན་མཛད་ཀྱང་། །ཐུན་མོང་འགྲོ་བ་སྒྲོལ་བའི་སླད། །སྤྲུལ་པའི་རྣམ་འཕྲུལ་ཅིར་ཡང་སྣང་། །སཱ་ལའི་ཤིང་ལྟར་མཐོ་བའི་རིགས། །མཚན་དཔེའི་མེ་ཏོག་རྒྱས་པ་ན། །འཕགས་དང་མཁས་པ་རབ་དགྱེས་པའི། །བསྔགས་འོས་མཚར་སྡུག་ཅིར་ཡང་དར། །བསླབ་གཞིས་ལེགས་པར་རྒྱུད་བསྡམས་ཏེ། །གསན་བསམ་སྒོམ་པའི་ཆ་རྫོགས་པས། །རྡོ་རྗེ་འཛིན་པའི་རྒྱལ་ཐབས་ཉིད། །མ་བྱིན་པར་ཡང་བདག་གིར་བླངས། །ཁྱད་པར་སྙིགས་དུས་འགྱུར་བ་ཡིས། །ཉམས་པར་བྱས་པའི་བསྟན་དང་འགྲོར། །ཕན་བདེའི་སྲོག་ཟུངས་སྩལ་བ་ཡི། །དགེ་མཚན་ནམ་མཁའི་མཐའ་ཡིས་མཚོན། །དེ་སླད་འཚོ་གཞེས་བརྟན་པ་ནས། །ཡེ་ཤེས་གཟིགས་པའི་སྤྱན་རས་ཀྱིས། །འདིར་ཡང་བཀའ་གླེགས་ནོར་བུའི་སྒྲོམ། །ཐོབ་པས་གུས་སྤྲོའི་པདྨོ་དགོད། །འདི་ན་སྐྱབས་རྣམས་ཐུགས་རྗེའི་སྤྲིན། །གུས་པའི་ཡིད་མཁར་དཀྲིགས་པ་ལས། །ཉེར་འཚེའི་གདུང་བས་མ་སྨད་བཞིན། །འདུ་ཤེས་གསུམ་གྱི་མལ་དུ་བདེ། །མཚམས་ཞུས། སླད་མའི་ཆར་ཡང་འཇིག་རྟེན་ན། །ཕན་བདེའི་དངོས་ཀུན་སྩོལ་བའི་ཕུལ། །གསང་གསུམ་བསྐལ་བརྒྱར་འཚོ་གཞེས་ཤིང་། །བདག་ཀྱང་རྣམ་ཀུན་རྗེས་བཟུང་གསོལ། །ཞེས་པའི་ཞུ་མཚོན་ལྷའི་རེག་བྱ། ཚེ་རྫས། རིན་གཉིས་སྲང་འཁོར་བཅས་ཟླ་ཚེས་ལ་ཕུལ།། །། ༈

[edit]

ye shes gzigs pa rab 'byams kyi/__zhes pa'i dbu can/ ye shes gzigs pa rab 'byams kyi/_/dngos kun de nyid thugs chud nas/_/chos kyi rgyal mtshan sgreng mdzad pa'i/_/rnam 'dren mchog gi zhabs pad+mor/_/rdzing na gnas pa'i ku mu dA/_/zla zer bdud rtsis phye ba bzhin/_/gang tshul bsngags 'os rnam thar la/_/yid rab phyogs pas 'di skad gsol/_/gzod nas byang chub snying po ru/_/sku bzhi'i go 'phang mngon mdzad kyang /_/thun mong 'gro ba sgrol ba'i slad/_/sprul pa'i rnam 'phrul cir yang snang /_/sA la'i shing ltar mtho ba'i rigs/_/mtshan dpe'i me tog rgyas pa na/_/'phags dang mkhas pa rab dgyes pa'i/_/bsngags 'os mtshar sdug cir yang dar/_/bslab gzhis legs par rgyud bsdams te/_/gsan bsam sgom pa'i cha rdzogs pas/_/rdo rje 'dzin pa'i rgyal thabs nyid/_/ma byin par yang bdag gir blangs/_/khyad par snyigs dus 'gyur ba yis/_/nyams par byas pa'i bstan dang 'gror/_/phan bde'i srog zungs stsal ba yi/_/dge mtshan nam mkha'i mtha' yis mtshon/_/de slad 'tsho gzhes brtan pa nas/_/ye shes gzigs pa'i spyan ras kyis/_/'dir yang bka' glegs nor bu'i sgrom/_/thob pas gus spro'i pad+mo dgod/_/'di na skyabs rnams thugs rje'i sprin/_/gus pa'i yid mkhar dkrigs pa las/_/nyer 'tshe'i gdung bas ma smad bzhin/_/'du shes gsum gyi mal du bde/_/mtshams zhus/_slad ma'i char yang 'jig rten na/_/phan bde'i dngos kun stsol ba'i phul/_/gsang gsum bskal brgyar 'tsho gzhes shing /_/bdag kyang rnam kun rjes bzung gsol/_/zhes pa'i zhu mtshon lha'i reg bya/_tshe rdzas/_rin gnyis srang 'khor bcas zla tshes la phul//__//_!_