མཁའ་སྤྱོད་དཔལ་གྱི་མཚོ་ཕུར་རྡོ་རྗེ་འཛིན་དབང་བསོད་ནམས་གྲགས་པའི་མདུན་ཕུལ་བའི་འཕྲིན་ལན།

🚧 This website is under continued development. We appreciate your patience!

Previous Text Back to Volume PageNext Text

Wylie title	mkha' spyod dpal gyi mtsho phur rdo rje 'dzin dbang bsod nams grags pa'i mdun phul ba'i 'phrin lan
Location	mkhyen brtse'i bka' 'bum Volume 20, sde tshan 1, Text 9, Pages 23-26 (Folios 12a4 to 13b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkha' spyod dpal gyi mtsho phur rdo rje 'dzin dbang bsod nams grags pa'i mdun phul ba'i 'phrin lan. In 'jam dbyangs mkhyen brtse'i dbang po'i bka' 'bum, Vol. 20: 23-26. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan

1 Texts in this Section (sde tshan or chos tshan)

9 23-26	མཁའ་སྤྱོད་དཔལ་གྱི་མཚོ་ཕུར་རྡོ་རྗེ་འཛིན་དབང་བསོད་ནམས་གྲགས་པའི་མདུན་ཕུལ་བའི་འཕྲིན་ལན། mkha' spyod dpal gyi mtsho phur rdo rje 'dzin dbang bsod nams grags pa'i mdun phul ba'i 'phrin lan Official Letters - chab shog   ·   Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཁའ་སྤྱོད་དཔལ་གྱི་མཚོ་ཕུར་རྡོ་རྗེ་འཛིན་དབང་བསོད་ནམས་གྲགས་པའི་མདུན་ཕུལ་བའི་འཕྲིན་ལན། ཡསྱཱཏྷུཏབིམོཀྵམཎྱབཻ བྷཱབཱནཱཾཀཡནཾསམཾཧཧཻཿ སྡེབ་སྦྱོར་དག་པའི་སྣང་བའོ། །སཾདཱིཔྟསྱཧིཏཾསུཁཾཤུབྷཾ ལཀྵཎྱཏྲིབྷུབཾབིཛཱིཡཏཱཾ། གང་གི་རྣམ་ཐར་རྨད་བྱུང་ནོར་གྱི་བུས། །སྲིད་པའི་རྒུད་པ་མཐའ་དག་འཇིལ་བ་དང་། །ཕན་བདེའི་སྣང་བ་རྫོགས་པའི་དགེ་མཚན་ཅན། །འཇིག་རྟེན་གསུམ་ན་རྣམ་པར་རྒྱལ་གྱུར་ཅིག ༡ །ཇི་ལྟར་ཉིན་མོར་བྱེད་པ་རིང་གནས་ཀྱང་། །པདྨོའི་ནགས་ཀླུང་མཛེས་པའི་དཔལ་སྟེར་བཞིན། །མངོན་སུམ་མིན་ཡང་དམ་པའི་ཡོན་ཏན་གྱིས། །ཡིད་འཕྲོག་གུས་པའི་ངག་གིས་འདི་སྐད་གསོལ། ༢ །གཟོད་ནས་ཞི་བ་དམ་པའི་མཆོག་བརྙེས་ཀྱང་། །བྱང་ཆུབ་སྤྱོད་པ་རྒྱ་མཚོའི་ངོ་མཚར་ཕུལ། །མཐའ་ཀླས་ཡིད་ཅན་རྗེས་སུ་སོང་གྱུར་པས། །རྒྱལ་བ་དགྱེས་པའི་ལམ་སྲོལ་གཅིག་ཏུ་བཟུང་། ༣ །རྡུལ་དང་ཤེས་བྱའི་ཡུལ་ལས་རིང་འདས་པ། །སྐྱེ་འགག་བྲལ་བའི་འཕོ་ཆེན་རྡོ་རྗེའི་སྐུ། །ཚུར་མཐོང་སྐལ་བར་འཚམས་པའི་སྒྱུ་འཕྲུལ་གྱིས། །དགེ་ལེགས་ཤིས་པའི་དུས་སྟོན་ཅིར་ཡང་དར། ༤ །དྷཱུ་ཏིར་དག་པའི་གཞོམ་མེད་ནཱ་དའི་སྒྲས། །ལུང་རྟོགས་ཆོས་ཕུང་གྲངས་མེད་འཆར་བཟོད་པའི། །གསུང་གི་གསང་བ་བསམ་གྱིས་མི་ཁྱབ་པས། །ཕན་དང་བདེ་བའི་ངལ་འཚོ་རྒྱས་པར་མཛད། ༥ །བདག་དང་ཕུང་པོ་རྣམ་རིག་ལས་འདས་པའི། །མཐའ་བྲལ་བདེན་པ་གཟིགས་པའི་ཡེ་ཤེས་ཐུགས། །མཁའ་ཁྱབ་མཁའ་ཡི་རྡོ་རྗེར་རོ་གཅིག་པའི། །བསམ་ཡས་ཏིང་འཛིན་སྒོ་བརྒྱར་སྙོམས་པར་འཇུག ༦ །དེ་སོགས་མི་ཟད་ཡོན་ཏན་དཔག་བསམ་གྱི། །ཕྲིན་ལས་རྟག་པ་དམ་པའི་བདུད་རྩི་ཡིས། །ཀུན་ལ་འཆི་མེད་སྦྱིན་ཅེས་གྲགས་འབར་བས། །རབ་དྭངས་ཡིད་ཀྱི་པདྨོ་ཉིན་བཞིན་བྱེ། ༧ ། ལྷག་པར་འདྲིས་མིན་བརྩེ་བའི་སྤྱན་དཀྱུས་ཀྱི། །གཟིགས་པ་གང་དུ་ལྷུང་བའི་ལེགས་གསུང་ནི། །རྣ་བའི་བཅུད་དུ་ཐོབ་པས་སྔར་མེད་པའི། །དད་སྤྲོའི་དགའ་བ་གཟུགས་ཅན་བཞིན་དུ་གྱུར། ༨ །འདི་ན་ལྷན་སྐྱེས་རྨོངས་དང་མ་རིག་པས། །དམ་ལ་བཞག་པའི་འདུ་ཤེས་གསུམ་པ་ཡང་། །རིན་ཆེན་གསུམ་གྱི་ཐུགས་རྗེའི་གྲིབ་བསིལ་དུ། །ཉེར་འཚོ་ཚ་གདུང་སྐབས་ཙམ་བྲལ་བཞིན་མཆིས། ༩ །ཤྲཱི་ཤྲཱི་ཤྲཱི་བི་ཛ་ཡནྟུ། སླར་ཡང་སྲིད་དང་ཞི་བའི་ལེགས་བྱས་ཀྱི། །རིན་ཆེན་རྡུལ་མང་བརྩེགས་པའི་བ་གམ་རྩེར། །ཞབས་པད་རྡོ་རྗེའི་ཆོས་བདུན་ངོ་བོ་རུ། །འཚོ་གཞེས་བསྐལ་པ་རྒྱ་མཚོར་འབར་གྱུར་ཅིག ༡༠ །གཉུག་མའི་ལུས་སེམས་ཤིན་ཏུ་སྦྱངས་པ་ལས། །ཕུང་ཁམས་སྐྱེ་མཆེད་འཕོ་བ་ཐིམ་གྱུར་པའི། །བརྟན་གཡོ་ཀུན་ལ་ཁྱབ་པའི་རྡོ་རྗེའི་སྐུ། །བདེ་ཆེན་དྲྭ་བ་སྡོམ་པར་ཞབས་བརྟན་གསོལ། ༡༡ །འཇུག་དང་ལྡང་བའི་ལས་རླུང་ཉི་ཟླའི་འགྲོས། །མི་ཕྱེད་དབུ་མའི་སྲོག་ཏུ་གྲུབ་པ་ལས། །རྣམ་པ་ཀུན་ལྡན་རྡོ་རྗེ་ནཱ་དའི་གསུང་། །ཆོས་ཕུང་རྒྱ་མཚོའི་དཔྱིད་དུ་འཆར་གྱུར་ཅིག ༡༢ །གཟོད་ནས་དག་པའི་སེམས་ཀྱི་དེ་ཉིད་ནི། །ལམ་བདེན་སྤྲོས་པ་སྤངས་པའི་ཕ་རོལ་ན། །ཤེས་དང་ཤེས་བྱ་རོ་གཅིག་འོད་གསལ་ཐུགས། །འཆི་མེད་རྟག་པ་དམ་པར་འཚོ་གཞེས་གསོལ། ༡༣ །མདོར་ན་ཡོན་ཏན་རྫོགས་ལྡན་སྤྲིན་ཆེན་ལས། །ཕྲིན་ལས་ནོར་བུའི་གྲུ་ཆར་འབེབས་མཁས་པ། །སྔོན་མེད་གདེངས་ཅན་བདག་པོ་ཁྱོད་ཉིད་ཕྱིར། །གསང་གསུམ་བསྟན་འགྲོའི་ཉེར་འཚོར་ཞབས་བརྟན་ཅིང་། ༡༤ །དེ་སྲིད་འདིར་ཡང་ཐུགས་རྗེའི་གཟིགས་པ་ཡི། །བདུད་རྩིའི་ཆུ་རྒྱུན་འགོགས་པ་མེད་སྤྲོ་བས། །ཕན་བདེའི་ཨུཏྤལ་རྒྱས་པའི་དགེ་མཚན་ནི། །བྱང་ཆུབ་སྙིང་པོར་སྨིན་པའི་བཀྲ་ཤིས་སྩོལ། ༡༥ །སརྦ་དྭ་ཀ་ལྱཱ་ཎཾ་བྷ་བ་ཏུ།། །། ༈

[edit]

mkha' spyod dpal gyi mtsho phur rdo rje 'dzin dbang bsod nams grags pa'i mdun phul ba'i 'phrin lan/ mkha' spyod dpal gyi mtsho phur rdo rje 'dzin dbang bsod nams grags pa'i mdun phul ba'i 'phrin lan/___yas+yAt+hutabimok+ShamaN+yabai__b+hAbAnAMkayanaMsamaMhahaiH__sdeb sbyor dag pa'i snang ba'o/___/saMdIp+tas+yahitaMsukhaMshub+haM__lak+ShaN+yatrib+hubaMbidzIyatAM/___gang gi rnam thar rmad byung nor gyi bus/___/srid pa'i rgud pa mtha' dag 'jil ba dang /___/phan bde'i snang ba rdzogs pa'i dge mtshan can/___/'jig rten gsum na rnam par rgyal gyur cig__1__/ji ltar nyin mor byed pa ring gnas kyang /___/pad+mo'i nags klung mdzes pa'i dpal ster bzhin/___/mngon sum min yang dam pa'i yon tan gyis/___/yid 'phrog gus pa'i ngag gis 'di skad gsol/___2__/gzod nas zhi ba dam pa'i mchog brnyes kyang /___/byang chub spyod pa rgya mtsho'i ngo mtshar phul/___/mtha' klas yid can rjes su song gyur pas/___/rgyal ba dgyes pa'i lam srol gcig tu bzung /___3__/rdul dang shes bya'i yul las ring 'das pa/___/skye 'gag bral ba'i 'pho chen rdo rje'i sku/___/tshur mthong skal bar 'tshams pa'i sgyu 'phrul gyis/___/dge legs shis pa'i dus ston cir yang dar/___4__/d+hU tir dag pa'i gzhom med nA da'i sgras/___/lung rtogs chos phung grangs med 'char bzod pa'i/___/gsung gi gsang ba bsam gyis mi khyab pas/___/phan dang bde ba'i ngal 'tsho rgyas par mdzad/___5__/bdag dang phung po rnam rig las 'das pa'i/___/mtha' bral bden pa gzigs pa'i ye shes thugs/___/mkha' khyab mkha' yi rdo rjer ro gcig pa'i/___/bsam yas ting 'dzin sgo brgyar snyoms par 'jug__6__/de sogs mi zad yon tan dpag bsam gyi/___/phrin las rtag pa dam pa'i bdud rtsi yis/___/kun la 'chi med sbyin ces grags 'bar bas/___/rab dwangs yid kyi pad+mo nyin bzhin bye/___7__/_lhag par 'dris min brtse ba'i spyan dkyus kyi/___/gzigs pa gang du lhung ba'i legs gsung ni/___/rna ba'i bcud du thob pas sngar med pa'i/___/dad spro'i dga' ba gzugs can bzhin du gyur/___8__/'di na lhan skyes rmongs dang ma rig pas/___/dam la bzhag pa'i 'du shes gsum pa yang /___/rin chen gsum gyi thugs rje'i grib bsil du/___/nyer 'tsho tsha gdung skabs tsam bral bzhin mchis/___9__/shrI shrI shrI bi dza yan+tu/___slar yang srid dang zhi ba'i legs byas kyi/___/rin chen rdul mang brtsegs pa'i ba gam rtser/___/zhabs pad rdo rje'i chos bdun ngo bo ru/___/'tsho gzhes bskal pa rgya mtshor 'bar gyur cig__10__/gnyug ma'i lus sems shin tu sbyangs pa las/___/phung khams skye mched 'pho ba thim gyur pa'i/___/brtan g.yo kun la khyab pa'i rdo rje'i sku/___/bde chen drwa ba sdom par zhabs brtan gsol/___11_/'jug dang ldang ba'i las rlung nyi zla'i 'gros/___/mi phyed dbu ma'i srog tu grub pa las/___/rnam pa kun ldan rdo rje nA da'i gsung /___/chos phung rgya mtsho'i dpyid du 'char gyur cig__12_/gzod nas dag pa'i sems kyi de nyid ni/___/lam bden spros pa spangs pa'i pha rol na/___/shes dang shes bya ro gcig 'od gsal thugs/___/'chi med rtag pa dam par 'tsho gzhes gsol/___13__/mdor na yon tan rdzogs ldan sprin chen las/___/phrin las nor bu'i gru char 'bebs mkhas pa/___/sngon med gdengs can bdag po khyod nyid phyir/___/gsang gsum bstan 'gro'i nyer 'tshor zhabs brtan cing /___14__/de srid 'dir yang thugs rje'i gzigs pa yi/___/bdud rtsi'i chu rgyun 'gogs pa med spro bas/___/phan bde'i ut+pal rgyas pa'i dge mtshan ni/___/byang chub snying por smin pa'i bkra shis stsol/___15__/sarba dwa ka l+yA NaM b+ha ba tu//___//__!_