མཆོག་སྤྲུལ་རིན་པོ་ཆེ་ཀརྨ་ངེས་དོན་དཔལ་བཟང་པོའི་སྤྱན་སྔར་ཕུལ་བའི་མཆིད་ལན།

🚧 This website is under continued development. We appreciate your patience!

Previous Text Back to Volume PageNext Text

Wylie title	mchog sprul rin po che karma nges don dpal bzang po'i spyan sngar phul ba'i mchid lan
Location	mkhyen brtse'i bka' 'bum Volume 20, sde tshan 1, Text 8, Pages 22-23 (Folios 11b1 to 12a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mchog sprul rin po che karma nges don dpal bzang po'i spyan sngar phul ba'i mchid lan. In 'jam dbyangs mkhyen brtse'i dbang po'i bka' 'bum, Vol. 20: 22-23. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

8 22-23	མཆོག་སྤྲུལ་རིན་པོ་ཆེ་ཀརྨ་ངེས་དོན་དཔལ་བཟང་པོའི་སྤྱན་སྔར་ཕུལ་བའི་མཆིད་ལན། mchog sprul rin po che karma nges don dpal bzang po'i spyan sngar phul ba'i mchid lan Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཆོག་སྤྲུལ་རིན་པོ་ཆེ་ཀརྨ་ངེས་དོན་དཔལ་བཟང་པོའི་སྤྱན་སྔར་ཕུལ་བའི་མཆིད་ལན། གུཎཀུསུམཔུཥེརབྡྷི། ཡཤསམྲྀཏསཀཱནྟིསྱཱཏ། ཙྪནྡཿ ཤིཤུསུཏེ། ཨསམཔཊུསུསིདྡྷཤྲཱི ཏྲིལོབྷུབནབསདཱཛཱིཡཱཏ྄། ཡོན་ཏན་མེ་ཏོག་རྒྱས་པའི་ཆུ་གཏེར་ནི། །གྲགས་པའི་བདུད་རྩིར་བཅས་པས་མཛེས་གྱུར་པ། །མཚུངས་མེད་མཁས་ཤིང་ཤིན་ཏུ་གྲུབ་པའི་དཔྱིད། །འཇིག་རྟེན་གསུམ་ན་རྟག་ཏུ་རྒྱལ་གྱུར་ཅིག ༡ །གང་གི་བསྔགས་འོས་རྣམ་ཐར་རྨད་བྱུང་བ། །འབིགས་བྱེད་ནགས་ཀྱི་སིམ་པ་མངོན་སུམ་པས། །ཡིད་ལ་དགའ་བ་གཟུགས་ཅན་བཞིན་གྱུར་པས། །ངག་གི་རྒྱུད་མང་ཉིན་བཞིན་འཁྲོལ་ལ་བརྩོན། ༢ །ཟླ་གཞོན་བྱེ་བའི་འོད་ཀྱི་དགེ་མཚན་དང་། །མི་ཕྱེད་དམ་པའི་རིགས་ཀྱི་ཨུཏྤ་ལ། །ལྷ་དང་བཅས་པའི་ངལ་འཚོའི་དཔྱིད་གཅིག་པུར། །ཐོག་མ་ཉིད་ནས་ཡེ་ཤེས་གཟིགས་པས་བསྙད། ༣ །གཤིས་ཀྱི་མཁྱེན་པ་སད་པའི་ལེགས་བྱས་དང་། །ངག་ཏུ་རིག་ལམ་དུ་མར་ཞབས་བཀོད་པས། །ཤེས་བྱ་ཀུན་ལ་འཇིགས་པ་མེད་པའི་བློས། །མཚོ་བྱུང་དགྱེས་པའི་སྙེམས་པ་ཅིར་ཡང་བཟུང་། ༤ །སྔོན་དུས་དཀར་པོའི་ས་བོན་བཤེས་པ་ལས། །དེང་ཚེ་འདྲིས་མིན་བརྩེ་བའི་འབབ་སྟེགས་ཀྱང་། །བསླབ་དང་གྲོལ་བའི་ཁྱད་པར་དབེན་བཞིན་དུ། །གྲགས་པའི་བསམ་གཏན་ཁོ་ནར་ཡིད་རབ་གཏོད། ༥ །སླད་ནས་ནང་གི་ཐུན་གསུམ་ཡེ་ཤེས་ཀྱི། །སྣང་བས་འགོགས་པའི་སྤྲིང་ཡིག་ཁུར་ལྕི་བ། ། ལག་ན་རལ་གྲིའི་ངོ་བོར་བསྐལ་པ་བརྒྱར། །འཚོ་གཞེས་ཤིས་པའི་ཆོ་ག་བསྒྲུབ་བཞིན་དུ། ༦། ལྷུན་པོའི་རྣ་རྒྱན་ཅན་གྱི་ཁོར་ཡུག་ན། །འཆད་རྩོད་རྩོམ་པའི་དབྱངས་བདུན་ཏམྦུ་ར། །མཁྱེན་དཔྱོད་སོར་མོས་བསྐུལ་བའི་ལེགས་བྱས་ཀྱིས། །རྨོངས་པའི་གདུང་བ་འཕྲོག་པའི་བཀའ་དྲིན་སྩོལ། ༧ ། ཇི་ལྟར་པདྨོས་བརྒྱན་པའི་ནགས་ཀླུང་དུ། །ཆེད་དུ་བསྡུས་མིན་པུང་བའི་བུ་མོ་བཞིན། །གང་ཞབས་ཡོན་ཏན་བྱེ་བའི་གཞན་དབང་གིས། །བརྗོད་པ་འདི་ཡང་ཕྱོགས་དེར་དལ་གྱིས་དྲངས། ༨ །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

mchog sprul rin po che karma nges don dpal bzang po'i spyan sngar phul ba'i mchid lan/ mchog sprul rin po che karma nges don dpal bzang po'i spyan sngar phul ba'i mchid lan/_guNakusumapuSherab+d+hi/___yashasamr-itasakAn+tis+yAta/___ts+tshan+daH_shishusute/___asamapaTususid+d+hashrI__trilob+hubanabasadAdzIyAta?/___yon tan me tog rgyas pa'i chu gter ni/___/grags pa'i bdud rtsir bcas pas mdzes gyur pa/___/mtshungs med mkhas shing shin tu grub pa'i dpyid/___/'jig rten gsum na rtag tu rgyal gyur cig__1__/gang gi bsngags 'os rnam thar rmad byung ba/___/'bigs byed nags kyi sim pa mngon sum pas/___/yid la dga' ba gzugs can bzhin gyur pas/___/ngag gi rgyud mang nyin bzhin 'khrol la brtson/_2__/zla gzhon bye ba'i 'od kyi dge mtshan dang /___/mi phyed dam pa'i rigs kyi ut+pa la/___/lha dang bcas pa'i ngal 'tsho'i dpyid gcig pur/___/thog ma nyid nas ye shes gzigs pas bsnyad/___3__/gshis kyi mkhyen pa sad pa'i legs byas dang /___/ngag tu rig lam du mar zhabs bkod pas/___/shes bya kun la 'jigs pa med pa'i blos/___/mtsho byung dgyes pa'i snyems pa cir yang bzung /___4__/sngon dus dkar po'i sa bon bshes pa las/___/deng tshe 'dris min brtse ba'i 'bab stegs kyang /___/bslab dang grol ba'i khyad par dben bzhin du/___/grags pa'i bsam gtan kho nar yid rab gtod/___5__/slad nas nang gi thun gsum ye shes kyi/___/snang bas 'gogs pa'i spring yig khur lci ba/__/_lag na ral gri'i ngo bor bskal pa brgyar/___/'tsho gzhes shis pa'i cho ga bsgrub bzhin du/___6/_lhun po'i rna rgyan can gyi khor yug na/___/'chad rtsod rtsom pa'i dbyangs bdun tam+bu ra/___/mkhyen dpyod sor mos bskul ba'i legs byas kyis/___/rmongs pa'i gdung ba 'phrog pa'i bka' drin stsol/___7__/_ji ltar pad+mos brgyan pa'i nags klung du/___/ched du bsdus min pung ba'i bu mo bzhin/___/gang zhabs yon tan bye ba'i gzhan dbang gis/___/brjod pa 'di yang phyogs der dal gyis drangs/__8__/sarba dA ka l+yA NaM b+ha ba tu//___//_!