JKW-KABUM-19-DZA-001-009

Previous Text Back to Volume PageNext Text

པཎ་ཆེན་རིན་པོ་ཆེའི་སྐྱེས་རབས་ནི།

Wylie title	paN chen rin po che'i skyes rabs ni
Location	mkhyen brtse'i bka' 'bum Volume 19, sde tshan 1, Text 9, Pages 75-83 (Folios 38a6 to 42a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. paN chen rin po che'i skyes rabs ni. In 'jam dbyangs mkhyen brtse'i dbang po'i bka' 'bum, Vol. 19: 75-83. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

Tibetan Text

Wylie

[edit]

པཎ་ཆེན་རིན་པོ་ཆེའི་སྐྱེས་རབས་ནི། འཕགས་ཡུལ་དུ་འདྲི་ཞིང་ལན་ལྡོན་པའི་མཆོག་འཕགས་པ་རབ་འབྱོར། རིགས་ལྡན་འཇམ་དཔལ་གྲགས་པ། རང་རྒྱུད་པའི་ཤིང་རྟའི་སྲོལ་འབྱེད་སློབ་དཔོན་ལེགས་ལྡན་འབྱེད། སློབ་དཔོན་ཨ་བྷ་ཡཱ་ཀ་ར་གུཔྟ། རྟ་ནག་འགོས་ལོ་ཙཱ་བ་ཁུག་པ་ལྷས་བཙས། རྗེ་ས་པཎ། རྣལ་འབྱོར་གྱི་དབང་ཕྱུག་གཡུང་སྟོན་རི་ཁྲོད་པ། མཁས་གྲུབ་ཐམས་ཅད་མཁྱེན་པ་དགེ་ལེགས་དཔལ་བཟང་། དེ་རྗེས་ཆོས་རྗེ་བསོད་ནམས། ཕྱོགས་གླང་ནི་ལྷ་ཁུད་དུ་སྐུ་འཁྲུངས། ཇོ་གདན་བསོད་ནམས་རིན་ཆེན་ལས་རབ་ཏུ་བྱུང་། པཎ་ཆེན་ཆོས་ཀྱི་རྒྱལ་མཚན་ལ་སོགས་དམ་པ་མང་དུ་བསྟེན་ཏེ་མཁས་པའི་དབང་པོར་གྱུར། དོན་གཉེར་ཅན་དུ་མ་ལ་ལེགས་བཤད་སྤེལ། རྫུ་འཕྲུལ་གྱིས་ནམ་མཁའ་བྱོན་ནས་ཞབས་ཀྱིས་བཅགས་པའི་སར་དབུས་སྡིངས་ཀྱི་དགོན་པ་བཏབ། བསྟན་པ་ལ་དགོངས་ནས་དགོན་སྡེ་ཞིག་འཛུགས་པར་བཞེད་ཀྱང་། ཕྱི་ནང་གི་བར་ཆད་ཀྱི་རྐྱེན་ཅུང་ཟད་ལ་བརྟེན་ནས་བཞེད་པ་བཞིན་དུ་མ་གྲུབ་པས། ཞབས་འབྲིང་པ་སྡེ་སྣོད་འཛིན་པ་བཅུ་དྲུག་ཙམ་བཀྲ་ཤིས་ལྷུན་པོ་དང་། དགེ་འཕེལ་སོགས་སུ་འགྱེད་པར་མཛད་ནས་ཐུགས་དམ་ལ་གཞོལ། ལེགས་བཤད་གསུང་རྩོམ་ཡང་པུསྟི་གཉིས་ཙམ་ཡོད་པར་སྣང་ངོ་། །དེ་ནས་བློ་བཟང་དོན་གྲུབ། པཎ་ཆེན་བློ་བཟང་ཆོས་རྒྱན། བློ་བཟང་ཡེ་ཤེས། དཔལ་ལྡན་ཡེ་ཤེས། བློ་བཟང་དཔལ་ལྡན་རྣམས་སོ། ། ༈

པཎ་ཆེན་ཆོས་རྒྱན་ནི། ལྷན་དུ་གྲུ་རྒྱལ་བའི་ཞལ་ངོར་སྐུ་འཁྲུངས་མ་ཐག་ཨཱ་ལིའི་སྒྲ་སྒྲོགས་པ་དང་། ཞལ་འཛུམ་པ་དང་། སྤྱན་རིང་པོར་གཟིགས་པ་བྱུང་། བཅུ་བཞི་པར་མཁས་གྲུབ་སངས་རྒྱས་ཡེ་ཤེས་ལས་རབ་ཏུ་བྱུང་། མཚན་བློ་བཟང་ཆོས་ཀྱི་རྒྱལ་མཚན་དུ་གསོལ། བཀྲ་ཤིས་ལྷུན་པོར་ཕེབས་ཏེ་མདོ་ཕྱོགས་ལ་སྦྱངས་པས་མཁས་པ་ཆེན་པོར་གྱུར། ཉི་ཤུ་པར་པཎ་ཆེན་དམ་ཆོས་ཡར་འཕེལ་ལས་བསྙེན་པར་རྫོགས། ཉེར་བདུན་པར་གངས་ཅན་ཆོས་འཕེལ་གྱི་མཁན་པོར་ཕེབས། ཆོས་འཁོར་རྒྱ་ཆེར་བསྐོར། སུམ་ཅུ་པར་བཀྲས་ལྷུན་ཁྲིར་ཕེབས། ལོ་དྲུག་ཅུ་རེ་གསུམ་གྱི་བར་དུ་དབུས་གཙང་མངའ་རིས་མདོ་སྟོད་སྨད་ལྷོ་མོན་རྒྱ་ནག་ཁལ་ཁ་ཨོའི་རོད་ཀྱི་བླ་དཔོན་ཆེ་དགུ་མཐའ་དག་ལ་ཆོས་འཁོར་རྒྱ་ཆེར་བསྐོར། ཐམས་ཅད་མཁྱེན་པ་ཡོན་ཏན་རྒྱ་མཚོ་དང་། བློ་བཟང་རྒྱ་མཚོ་གཉིས་ཀའི་མཁན་པོ་མཛད། ཆོས་མང་དུ་ཕུལ། འཁོར་ལོ་གསུམ་གྱི་མཛད་བཟང་མཐའ་ཡས། གོ་གསུམ་པ་ཆུ་སྟག་ཧོར་ཟླ་༣པའི་ཚེས་༡ལ་དགའ་ལྡན་དུ་གཤེགས་སོ། །ལོང་མེད་ཐུགས་ལ་འཁྲུངས་པའི་པོ་ཏོ་བ། །བདག་པས་གཞན་གཅེས་བསྒོམས་པའི་སྤྱན་སྔ་བ། །སྒྲུབ་པ་སྙིང་པོར་མཛད་པའི་ཕུ་ཆུང་པ། །རྒྱལ་སྲས་སྐུ་༡༣མཆེད་༡གསུམ་ལ་གསོལ་བ་འདེབས། །ཞེས་འབྲོམ་སྟོན་སློབ་མ་བཀའ་གདམས་གཞུང་པ། གདམས་ངག་པ། མན་ངག་པ་ཞེས་གྲགས་པའི་མཚན་གཞི་གསུམ་ལས། དང་པོས་ཆིག་ལབ་རིང་མོ་དང་། དཔེ་ཆོས་རྩ་བ་སོགས་གསུངས། །དེའི་སློབ་མ་ཕོ་བྲང་སྡིངས་པས་པོ་ཏོ་བའི་གསུང་ལས་དཔེ་ཆོས་དང་པོར་བསྡེབས། ཡང་པོ་ཏོ་བའི་སློབ་མ་དགེ་བཤེས་བྲག་དཀར་བས་དཔེ་ཆོས་ཤིན་ཏུ་རྒྱས་པར་བསྡེབས། དེའི་སློབ་མ་འཕན་ཡུལ་གྲགས་པ་བྱང་ཆུབ་ལ་ལྕེ་སྒོམ་ཤེས་རབ་རྡོ་རྗེས་དཔེ་ཆོས་འབྲིང་པོ་གཅིག་བསྡེབས་པ་རིན་སྤུངས་སུ་གྲགས། པོ་ཏོ་བའི་སློབ་མ་དགེ་བཤེས་དོལ་པ་ཤེས་རབ་རྒྱ་མཚོས་དཔེ་བུམ་སྔོན་པོའི་རྩ་བ་མཛད། དེའི་སློབ་མ་ལྷ་འབྲི་སྒང་པས་འགྲེལ་པ་མཛད། དགེ་བཤེས་སྟོན་པའི་སློབ་མ་ཁམས་པ་ལུང་པ་ཤཱཀྱ་ཡོན་ཏན་གྱིས་བློ་སྦྱངས་ཐུན་བརྒྱད་མ་མཛད། ལྕེ་སྒོམ་དང་། རྣལ་འབྱོར་པ། དགོན་པ་བ་གསུམ་གྱི་སློབ་མ་ཁ་རག་སྒོམ་ཆུང་པས་རྫོགས་ཆེན་དང་བཀའ་གདམས་ཀྱི་གདམས་ངག་གཅིག་དྲིལ་ཞལ་གདམས་ཨང་ཡིག་བདུན་ཅུ་པ་མཛད། སྣར་ཐང་པ་གྲེ་སྟོན་བདུད་རྩི་གྲགས་ཀྱིས་ལམ་མཆོག་གི་རྩ་བ་ཚིགས་སུ་བཅད་པ་མཛད། དེའི་སློབ་མ་མཆིམས་ཆེན་ནམ་མཁའ་གྲགས་ཀྱིས་དེའི་འགྲེལ་པ་ཁྲིད་ཡིག་ལམ་མཆོག་རིན་པོ་ཆེ་ཞེས་པ་མཛད། འདི་རྣམས་བཀའ་གདམས་གོང་མའི་གསུང་སྒྲོས་དེང་སང་ལུང་ཡོད་རིགས་རྣམས་སོ། ། ༈ ཐམས་ཅད་མཁྱེན་པ་བསོད་ནམས་རྒྱ་མཚོ་ནི། པཎ་ཆེན་དགེ་འདུན་རྒྱ་མཚོ་གཤེགས་མ་ཐག་བར་དོར་ཡེ་ཤེས་ཀྱི་སྐུས་དགའ་ལྡན། མཁའ་སྤྱོད། བདེ་བ་ཅན་སོགས་དག་པའི་ཞིང་མཐའ་ཀླས་སུ་གཤེགས་མཐར། ཟངས་མདོག་དཔལ་རིར་ཕེབས་པ་ན། དེར་དུས་གསུམ་ཀུན་མཁྱེན་པདྨ་འབྱུང་གནས་ཉིད་གཡས་སུ་ཇོ་བོ། གཡོན་དུ་ས་པཎ། མདུན་དུ་རྗེ་བླ་མ་བཞུགས་པ་རྣམས་མཇལ། སློབ་དཔོན་ཆེན་པོས་གསུང་གིས་བསྐུལ་ནས་སླར་འདོད་ཁམས་དབང་མོས་ཞབས་འབྲིང་པ་མཛད་དེ་བོད་ཡུལ་དུ་ཕེབས་ནས། སྐྱིད་ཤོད་སྟོད་ལུང་མདའ་རྩེ་དགའ་ཁང་གསར་གོང་ཞེས་བྱ་བར། ལོ་ཙཱ་བ་རྨ་རིན་ཆེན་མཆོག་གི་གདུང་ལས། ཡབ་སྡེ་པ་རྣམ་རྒྱལ་གྲགས་པ་དང་། ཡུམ་སྡེ་སྲིད་ཕག་མོ་གྲུ་པའི་དཀོན་གཉེར་དཔོན་སྔགས་རྙིང་མའི་རིག་སྔགས་འཆང་བའི་དབང་ཕྱུག་ཀུན་བཟང་རྩེ་བའི་སྲས་མོ་དཔལ་འཛོམ་བུ་ཁྲིད་ཀྱི་སྲས་སུ་རབ་བྱུང་དགུ་པའི་ཆུ་ཡོས་ལ་ངོ་མཚར་བའི་ལྟས་དང་བཅས་ཏེ་བལྟམས། རིང་པོར་མ་ལོན་པར་ཙོང་ཁ་པ་མཁྱེན་ཞེས་གསུངས་པ་དང་། ཡི་དམ་ཆོས་སྐྱོང་གི་ཞལ་གཟིགས་པ་སོགས་ངོ་མཚར་བ་བྱུང་། མེ་རྟ་ལོར་དཔལ་ལྡན་འབྲས་སྤུངས་སུ་གདན་དྲངས། དཔོན་སློབ་རིན་པོ་ཆེ་བསོད་ནམས་གྲགས་པ་ལས་དགེ་བསྙེན་གྱི་སྡོམ་པ་བཞེས། མཚན་བསོད་ནམས་རྒྱ་མཚོ་དཔལ་བཟང་པོ་བསྟན་པའི་ཉི་མ་ཕྱོགས་ཐམས་ཅད་ལས་རྣམ་པར་རྒྱལ་བ་ཞེས་གསོལ། ས་བྱ་ལོར་མཁན་པོ་སྔ་མ་ལས་དགེ་ཚུལ་བཞེས་ཤིང་དབང་ལུང་མན་ངག་གི་རིགས་མང་དུ་གསན། དྲག་པོའི་ལས་སྦྱོར་ཡང་མཛད། ཤིང་བྱི་ལོར་དགའ་ལྡན་ཁྲི་ཟུར་དགེ་ལེགས་དཔལ་བཟང་ལས་བསྙེན་པར་རྫོགས། ལྷ་ས་བར་ཁང་ནས་མངའ་བདག་གི་གཏེར་ཞབས་ཤོག་དྲིལ་ལྔ་གཏེར་ནས་བཞེས། ས་འབྲུག་ལོར་ཕན་བདེ་ལེགས་བཤད་གླིང་པ་འཛུགས་པར་གནང་། མེ་བྱར་བྱང་ཕྱོགས་སུ་ཆིབས་བསྐྱོད་ནས་ཨལ་ཐན་ཆོས་ཀྱི་རྒྱལ་པོའི་དབུ་བླར་གྱུར་ཅིང་། དགོན་སྡེ་དུ་མའང་བཏབ། ཏཱ་ལའི་བླ་མ་བཛྲ་དྷཱ་ར་ཞེས་ཁྱབ་བདག་རྡོ་རྗེ་འཆང་གི་ལས་ཀ་ཕུལ། སོག་པོ་རྣམས་མི་ཤི་བ་ན་ཤ་ཁྲག་གི་མཆོད་སྦྱིན་བྱེད་པའི་སྲོལ་ངན་བསྣུབས་པ་སོགས་བསྟན་འགྲོའི་དོན་རྒྱ་ཆེར་མཛད། མཐར་དགུང་ལོ་ཞེ་དྲུག་པར་གཤེགས། ལམ་རིམ་གྱི་ཁྲིད་གསེར་ཞུན་སོགས་པུསྟི་གཅིག་ཙམ་ཡོད་ཅིང་ཐུགས་དམ་ཉམས་བཞེས་མགོན་པོ་ཞལ་དང་། རྙིང་ལུགས་ཤས་ཆེ་བར་གནང་། ། ༈ བཞི་པ་ཡོན་ཏན་རྒྱ་མཚོ་ནི། ཆེན་པོ་ཧོར་གྱི་ཡུལ་དུ་ཇིང་གིར་གནམ་གྱི་རྒྱལ་པོའི་རིགས་ལས། ཡབ་སེ་ཆེན་ཆོས་ཁུར་དང་། ཡུམ་བྷཱ་ཧང་ཛུལ་གཉིས་ཀྱི་སྲས་སུ་ས་གླང་ཧོར་ཟླ་དང་པོའི་ཚེས་གཅིག་ལ་ངོ་མཚར་བའི་ལྟས་དང་བཅས་ཏེ་བལྟམས། སྔོན་གནས་རྗེས་དྲན་གྱི་གསུང་སོགས་སྩལ། ཆུ་ཡོས་ལ་དབུས་ཕྱོགས་སུ་ཆིབས་ཁ་བསྒྱུར། དགའ་ལྡན་ཁྲི་ཟུར་སངས་རྒྱས་རིན་ཆེན་ལས་དགེ་ཚུལ་བཞེས། དྲག་པོ་མངོན་སྤྱོད་ལས་མང་དུ་མཛད་ཅིང་། མཐའ་དམག་བཟློག །ཨོ་རྒྱན་པདྨ་ཡིན་བྱས་ན་ཁ་ཆེས། པད་འདྲ་པད་འདྲ་ཙམ་ཡིན་བྱས་ན་ཆོག་པ་ཡོད་ཅེས་གསུངས། མཚན་མཐུ་སྟོབས་རྒྱ་མཚོར་བསྒྱུར། ཉེར་དྲུག་པར་པཎ་ཆེན་བློ་བཟང་ཆོས་རྒྱན་ལས་བསྙེན་པར་རྫོགས། གསན་བསམ་རགས་རིམ་མཛད། འོན་ཀྱང་ཉེར་བརྒྱད་པ་མེ་འབྲུག་ལོར་གཤེགས་པས་ཐོས་བསམ་རྒྱ་ཆེར་གནང་རྒྱུ་མ་བྱུང་། སྐུ་གདུང་ཞུགས་ལ་ཕུལ་བས་ཐུགས་ལྗགས་སྤྱན་གསུམ་དང་རིང་བསྲེལ་མང་དུ་བྱོན། ། ༈

ལྔ་པ་བློ་བཟང་རྒྱ་མཚོ་ནི། ཡར་ལུང་འཕྱོང་རྒྱས་སུ་ཟ་ཧོར་གྱི་རིགས་ལས། ཡབ་མི་དབང་བདུད་འདུལ་རབ་བརྟན་དང་། ཡུམ་ཡར་འབྲོག་ཁྲི་དབོན་གྱི་སྲས་མོ་ཀུན་དགའ་ལྷ་མཛེས་ཀྱི་སྲས་སུ་མེ་སྦྲུལ་ལོར་འཁྲུངས། སྦྲུལ་ལོའི་མཇུག་ཏུ་སྣ་ནམ་རྡོ་རྗེ་བདུད་འཇོམས་ཀྱི་རྣམ་འཕྲུལ་བྱང་པ་རིག་འཛིན་ཆེན་པོར་ཚེ་སྒྲུབ་ལྕགས་སྡོང་མ་སོགས་གསན། ཇོ་བོ་ཆེན་པོ་དང་རྒྱལ་བ་ཙོང་ཁ་པ་ཞལ་གཟིགས། ཆུ་ཁྱི་ལོར་འབྲས་སྤུངས་སུ་གདན་དྲངས། པཎ་ཆེན་བློ་བཟང་ཆོས་རྒྱན་ལས་གཙུག་ཕུད་བཞེས། མཚན་བློ་བཟང་རྒྱ་མཚོར་གསོལ། སློབ་དཔོན་རིན་པོ་ཆེས་རྔོག་ལོའི་སྤྲུལ་པར་ལུང་བསྟན་པ་གླིང་སྨད་པ་དཀོན་མཆོག་ཆོས་འཕེལ་བསྟེན་ནས་བསྡུས་ཚད་ནས་བཟུང་། པོད་ཆེན་རྣམས་ལ་ཐུགས་གཉེར་མཛད་པས་ཚེགས་མེད་དུ་མཁྱེན། པཎ་ཆེན་རིན་པོ་ཆེ་ལས་དབང་ལུང་མན་ངག་མང་དུ་གསན། སྨོན་འགྲོ་པཎྜི་ཏ་ཡབ་སྲས་ལས་སྙན་ངག་དང་། སྒྲ། སྡེབ་སྦྱོར་སོགས། མངོན་བརྗོད་སོགས་དང་། ཟླུམ་པོ་ནས་དང་། ཟུར་ཆེན་ལས་སྐར་ནག་དབྱངས་འཆར་རྩིས་སོགས་གསན་པས་བཅུ་ཕྲག་རིག་པའི་མ་ཧཱ་པཎྜི་ཏ་ཆེན་པོར་གྱུར། དགུང་ལོ་ཉེར་གཉིས་པར་པཎ་ཆེན་རིན་པོ་ཆེར་བླ་ཆེན་གྱི་སྡོམ་རྒྱུན་ལས་བསྙེན་པར་རྫོགས། མཚན་ངག་གི་དབང་ཕྱུག་ཅེས་གསར་དུ་བསྣན། བར་སྐབས་སུ་དྲག་པོ་མངོན་སྤྱོད་ཀྱི་ལས་མཛད་པས་རྟགས་ཀྱང་མངོན་དུ་གྱུར། དགུང་ལོ་ཉེར་ལྔ་པར་གུ་ཤྲཱི་བསྟན་འཛིན་ཆོས་རྒྱལ་གྱིས་བོད་ཁྲི་སྐོར་བཅུ་གསུམ་མཆོད་གཞིས་སུ་ཕུལ། དམར་པོ་རི་ལ་ཕོ་བྲང་ཆེན་པོ་པོ་ཏ་ལ་བཞེངས། འཇམ་དབྱངས་གོང་མ་ཆེན་པོས་ཡུན་རིང་ནས་གསོལ་བ་བཏབ་པ་བཞིན་ཕེབས་ཏེ། རྡོ་རྗེ་འཆང་ཆེན་པོའི་མཚན་དང་ལས་ཀ་ཕུལ། ཕ་བོང་ཁ་པ་ཨེ་པ་འཁོན་སྟོན་དཔལ་འབྱོར་ལྷུན་གྲུབ། ཁྱབ་བདག་བཀའ་འགྱུར་བ། ཞྭ་ལུ་རི་སྦུག་དབུ་མཛད་བསོད་ནམས་མཆོག་གྲུབ། ཟུར་ཆེན་ཆོས་དབྱིངས་རང་གྲོལ། སྨན་ལུང་པ་བློ་མཆོག་རྡོ་རྗེ། ཆོས་རྒྱལ་གཏེར་བདག་གླིང་པ་སོགས་ལས་གསར་རྙིང་གི་ཆོས་ཚུལ་རྒྱ་མཚོ་ལྟ་བུ་བཞེས། དབུས་གཙང་ཁམས་སོག་གི་ཡུལ་དུ་ཆོས་སྡེ་གསར་བཞེངས་གྲངས་ཀྱིས་མི་ལོངས། རབ་བྱུང་བསྙེན་རྫོགས་ཀྱི་དགེ་སློང་ནི་ས་ཆེན་པོའི་རྡུལ་ཙམ་དང་། ཀ་པོད་བཞིའི་འགྲེལ་པས་མཚོན་གསུང་འབུམ་ཕྱི་ནང་པོད་ཆེན་སུམ་ཅུ་ཐལ་བ་སོགས་དང་། རྡོ་རྗེ་ཕྲེང་བ་སོགས་དང་རྒྱུད་སྡེ་བཞིའི་དབང་ལུང་འཆད་སྤེལ་གནང་བ་སོགས་རྒྱ་གར་གྱི་ཆུ་བོ་གངྒཱ་ནས་ཤར་ཕྱོགས་ཏོང་ཀུའི་ཡུལ་ཚུན་ཆད་ཀྱི་བླ་ཆེན་དང་མི་ཆེན་ཕལ་མོ་ཆེ་ཞལ་སློབ་ཏུ་མ་གྱུར་པ་མེད་པ་ལྟ་བུར་སྣང་། གསར་ཕྱོགས་ལ་འཇམ་དབྱངས་མཁྱེན་བརྩེ་དང་། རྙིང་ལུགས་ལ་བྱང་པ་བཀྲས་སྟོབས་ཀྱི་ལུགས་ཁོ་ནར་ཐུགས་གཙིས་སུ་མཛད། འཁོར་ལོ་གསུམ་གྱི་ཕྱག་རྗེས་ཕྱི་ནང་གསང་གསུམ་གྱི་མཛད་པ་དང་རྣམ་ཐར་བསམ་གྱིས་མི་ཁྱབ། དགུང་ལོ་༦༦ཧོར་ཟླ་གཉིས་པའི་ཚེས་༢༥ལ་གཤེགས། གསེར་གདུང་ཆེན་མོ་དང་། ཚོགས་མཆོད་ཆེན་པོ་སོགས་དགོངས་རྫོགས་རྒྱ་ཆེར་བསྒྲུབས་སོ།། །།

[edit]

paN chen rin po che'i skyes rabs ni/ paN chen rin po che'i skyes rabs ni/__'phags yul du 'dri zhing lan ldon pa'i mchog 'phags pa rab 'byor/__rigs ldan 'jam dpal grags pa/__rang rgyud pa'i shing rta'i srol 'byed slob dpon legs ldan 'byed/__slob dpon a b+ha yA ka ra gup+ta/__rta nag 'gos lo tsA ba khug pa lhas btsas/__rje sa paN/__rnal 'byor gyi dbang phyug g.yung ston ri khrod pa/__mkhas grub thams cad mkhyen pa dge legs dpal bzang /__de rjes chos rje bsod nams/__phyogs glang ni lha khud du sku 'khrungs/__jo gdan bsod nams rin chen las rab tu byung /__paN chen chos kyi rgyal mtshan la sogs dam pa mang du bsten te mkhas pa'i dbang por gyur/__don gnyer can du ma la legs bshad spel/__rdzu 'phrul gyis nam mkha' byon nas zhabs kyis bcags pa'i sar dbus sdings kyi dgon pa btab/__bstan pa la dgongs nas dgon sde zhig 'dzugs par bzhed kyang /__phyi nang gi bar chad kyi rkyen cung zad la brten nas bzhed pa bzhin du ma grub pas/__zhabs 'bring pa sde snod 'dzin pa bcu drug tsam bkra shis lhun po dang /__dge 'phel sogs su 'gyed par mdzad nas thugs dam la gzhol/__legs bshad gsung rtsom yang pusti gnyis tsam yod par snang ngo /__/de nas blo bzang don grub/__paN chen blo bzang chos rgyan/__blo bzang ye shes/__dpal ldan ye shes/__blo bzang dpal ldan rnams so/___/__!_ paN chen chos rgyan ni/__lhan du gru rgyal ba'i zhal ngor sku 'khrungs ma thag A li'i sgra sgrogs pa dang /__zhal 'dzum pa dang /__spyan ring por gzigs pa byung /__bcu bzhi par mkhas grub sangs rgyas ye shes las rab tu byung /__mtshan blo bzang chos kyi rgyal mtshan du gsol/__bkra shis lhun por phebs te mdo phyogs la sbyangs pas mkhas pa chen por gyur/__nyi shu par paN chen dam chos yar 'phel las bsnyen par rdzogs/__nyer bdun par gangs can chos 'phel gyi mkhan por phebs/__chos 'khor rgya cher bskor/__sum cu par bkras lhun khrir phebs/__lo drug cu re gsum gyi bar du dbus gtsang mnga' ris mdo stod smad lho mon rgya nag khal kha o'i rod kyi bla dpon che dgu mtha' dag la chos 'khor rgya cher bskor/__thams cad mkhyen pa yon tan rgya mtsho dang /__blo bzang rgya mtsho gnyis ka'i mkhan po mdzad/__chos mang du phul/__'khor lo gsum gyi mdzad bzang mtha' yas/__go gsum pa chu stag hor zla 3pa'i tshes 1la dga' ldan du gshegs so/__/long med thugs la 'khrungs pa'i po to ba/__/bdag pas gzhan gces bsgoms pa'i spyan snga ba/__/sgrub pa snying por mdzad pa'i phu chung pa/__/rgyal sras sku 13mched 1gsum la gsol ba 'debs/__/zhes 'brom ston slob ma bka' gdams gzhung pa/__gdams ngag pa/__man ngag pa zhes grags pa'i mtshan gzhi gsum las/__dang pos chig lab ring mo dang /__dpe chos rtsa ba sogs gsungs/__/de'i slob ma pho brang sdings pas po to ba'i gsung las dpe chos dang por bsdebs/__yang po to ba'i slob ma dge bshes brag dkar bas dpe chos shin tu rgyas par bsdebs/__de'i slob ma 'phan yul grags pa byang chub la lce sgom shes rab rdo rjes dpe chos 'bring po gcig bsdebs pa rin spungs su grags/__po to ba'i slob ma dge bshes dol pa shes rab rgya mtshos dpe bum sngon po'i rtsa ba mdzad/__de'i slob ma lha 'bri sgang pas 'grel pa mdzad/__dge bshes ston pa'i slob ma khams pa lung pa shAkya yon tan gyis blo sbyangs thun brgyad ma mdzad/__lce sgom dang /__rnal 'byor pa/__dgon pa ba gsum gyi slob ma kha rag sgom chung pas rdzogs chen dang bka' gdams kyi gdams ngag gcig dril zhal gdams ang yig bdun cu pa mdzad/__snar thang pa gre ston bdud rtsi grags kyis lam mchog gi rtsa ba tshigs su bcad pa mdzad/__de'i slob ma mchims chen nam mkha' grags kyis de'i 'grel pa khrid yig lam mchog rin po che zhes pa mdzad/__'di rnams bka' gdams gong ma'i gsung sgros deng sang lung yod rigs rnams so/___/__! thams cad mkhyen pa bsod nams rgya mtsho ni/__paN chen dge 'dun rgya mtsho gshegs ma thag bar dor ye shes kyi skus dga' ldan/__mkha' spyod/__bde ba can sogs dag pa'i zhing mtha' klas su gshegs mthar/__zangs mdog dpal rir phebs pa na/__der dus gsum kun mkhyen pad+ma 'byung gnas nyid g.yas su jo bo/__g.yon du sa paN/__mdun du rje bla ma bzhugs pa rnams mjal/__slob dpon chen pos gsung gis bskul nas slar 'dod khams dbang mos zhabs 'bring pa mdzad de bod yul du phebs nas/__skyid shod stod lung mda' rtse dga' khang gsar gong zhes bya bar/__lo tsA ba rma rin chen mchog gi gdung las/__yab sde pa rnam rgyal grags pa dang /__yum sde srid phag mo gru pa'i dkon gnyer dpon sngags rnying ma'i rig sngags 'chang ba'i dbang phyug kun bzang rtse ba'i sras mo dpal 'dzom bu khrid kyi sras su rab byung dgu pa'i chu yos la ngo mtshar ba'i ltas dang bcas te bltams/__ring por ma lon par tsong kha pa mkhyen zhes gsungs pa dang /__yi dam chos skyong gi zhal gzigs pa sogs ngo mtshar ba byung /__me rta lor dpal ldan 'bras spungs su gdan drangs/__dpon slob rin po che bsod nams grags pa las dge bsnyen gyi sdom pa bzhes/__mtshan bsod nams rgya mtsho dpal bzang po bstan pa'i nyi ma phyogs thams cad las rnam par rgyal ba zhes gsol/__sa bya lor mkhan po snga ma las dge tshul bzhes shing dbang lung man ngag gi rigs mang du gsan/__drag po'i las sbyor yang mdzad/__shing byi lor dga' ldan khri zur dge legs dpal bzang las bsnyen par rdzogs/__lha sa bar khang nas mnga' bdag gi gter zhabs shog dril lnga gter nas bzhes/__sa 'brug lor phan bde legs bshad gling pa 'dzugs par gnang /__me byar byang phyogs su chibs bskyod nas al than chos kyi rgyal po'i dbu blar gyur cing /__dgon sde du ma'ang btab/__tA la'i bla ma badz+ra d+hA ra zhes khyab bdag rdo rje 'chang gi las ka phul/__sog po rnams mi shi ba na sha khrag gi mchod sbyin byed pa'i srol ngan bsnubs pa sogs bstan 'gro'i don rgya cher mdzad/__mthar dgung lo zhe drug par gshegs/__lam rim gyi khrid gser zhun sogs pusti gcig tsam yod cing thugs dam nyams bzhes mgon po zhal dang /__rnying lugs shas che bar gnang /___/__!_ bzhi pa yon tan rgya mtsho ni/__chen po hor gyi yul du jing gir gnam gyi rgyal po'i rigs las/__yab se chen chos khur dang /__yum b+hA hang dzul gnyis kyi sras su sa glang hor zla dang po'i tshes gcig la ngo mtshar ba'i ltas dang bcas te bltams/__sngon gnas rjes dran gyi gsung sogs stsal/__chu yos la dbus phyogs su chibs kha bsgyur/__dga' ldan khri zur sangs rgyas rin chen las dge tshul bzhes/__drag po mngon spyod las mang du mdzad cing /__mtha' dmag bzlog__/o rgyan pad+ma yin byas na kha ches/__pad 'dra pad 'dra tsam yin byas na chog pa yod ces gsungs/__mtshan mthu stobs rgya mtshor bsgyur/__nyer drug par paN chen blo bzang chos rgyan las bsnyen par rdzogs/__gsan bsam rags rim mdzad/__'on kyang nyer brgyad pa me 'brug lor gshegs pas thos bsam rgya cher gnang rgyu ma byung /__sku gdung zhugs la phul bas thugs ljags spyan gsum dang ring bsrel mang du byon/___/__!_ lnga pa blo bzang rgya mtsho ni/__yar lung 'phyong rgyas su za hor gyi rigs las/__yab mi dbang bdud 'dul rab brtan dang /__yum yar 'brog khri dbon gyi sras mo kun dga' lha mdzes kyi sras su me sbrul lor 'khrungs/__sbrul lo'i mjug tu sna nam rdo rje bdud 'joms kyi rnam 'phrul byang pa rig 'dzin chen por tshe sgrub lcags sdong ma sogs gsan/__jo bo chen po dang rgyal ba tsong kha pa zhal gzigs/__chu khyi lor 'bras spungs su gdan drangs/__paN chen blo bzang chos rgyan las gtsug phud bzhes/__mtshan blo bzang rgya mtshor gsol/__slob dpon rin po ches rngog lo'i sprul par lung bstan pa gling smad pa dkon mchog chos 'phel bsten nas bsdus tshad nas bzung /__pod chen rnams la thugs gnyer mdzad pas tshegs med du mkhyen/__paN chen rin po che las dbang lung man ngag mang du gsan/__smon 'gro paN+Di ta yab sras las snyan ngag dang /__sgra/__sdeb sbyor sogs/__mngon brjod sogs dang /__zlum po nas dang /__zur chen las skar nag dbyangs 'char rtsis sogs gsan pas bcu phrag rig pa'i ma hA paN+Di ta chen por gyur/__dgung lo nyer gnyis par paN chen rin po cher bla chen gyi sdom rgyun las bsnyen par rdzogs/__mtshan ngag gi dbang phyug ces gsar du bsnan/__bar skabs su drag po mngon spyod kyi las mdzad pas rtags kyang mngon du gyur/__dgung lo nyer lnga par gu shrI bstan 'dzin chos rgyal gyis bod khri skor bcu gsum mchod gzhis su phul/__dmar po ri la pho brang chen po po ta la bzhengs/__'jam dbyangs gong ma chen pos yun ring nas gsol ba btab pa bzhin phebs te/__rdo rje 'chang chen po'i mtshan dang las ka phul/__pha bong kha pa e pa 'khon ston dpal 'byor lhun grub/__khyab bdag bka' 'gyur ba/__zhwa lu ri sbug dbu mdzad bsod nams mchog grub/__zur chen chos dbyings rang grol/__sman lung pa blo mchog rdo rje/__chos rgyal gter bdag gling pa sogs las gsar rnying gi chos tshul rgya mtsho lta bu bzhes/__dbus gtsang khams sog gi yul du chos sde gsar bzhengs grangs kyis mi longs/__rab byung bsnyen rdzogs kyi dge slong ni sa chen po'i rdul tsam dang /__ka pod bzhi'i 'grel pas mtshon gsung 'bum phyi nang pod chen sum cu thal ba sogs dang /__rdo rje phreng ba sogs dang rgyud sde bzhi'i dbang lung 'chad spel gnang ba sogs rgya gar gyi chu bo gang+gA nas shar phyogs tong ku'i yul tshun chad kyi bla chen dang mi chen phal mo che zhal slob tu ma gyur pa med pa lta bur snang /__gsar phyogs la 'jam dbyangs mkhyen brtse dang /__rnying lugs la byang pa bkras stobs kyi lugs kho nar thugs gtsis su mdzad/__'khor lo gsum gyi phyag rjes phyi nang gsang gsum gyi mdzad pa dang rnam thar bsam gyis mi khyab/__dgung lo 66hor zla gnyis pa'i tshes 25la gshegs/__gser gdung chen mo dang /__tshogs mchod chen po sogs dgongs rdzogs rgya cher bsgrubs so//__//